|
|
 Re: صحي نحن ( شينين) (Re: Rihab Khalifa)
|
Quote: ههههههههههههههههههههههههها
حلوه دي |
رحاب خليفة البنات في السودان حائر بيهم الدليل عشان ابقو حلويين
الضعاف منهم يستعملن حبوب اسمها (مسيقور) لاكتساب كيلوجرمات
السمان بعملو ريجيم وموضة نحافة ( الواحدة تضعف لدرجة لو بصقت ممكن اجيها فقر دم)
وبكل تداوينا فلم يشف ما بنا
| |
 
|
|
|
|
|
|
|
|
Re: صحي نحن ( شينين) (Re: Rihab Khalifa)
|
خلو
يازول مالك
يعني شناتنا دي ح يختلفو فيها اتنين
الله يسمح الاعمال
وما يطلعوا لينا هناك لبنانيات
هنا طار لينا الله يستر من الشخيط وهناك
وبرضو يقول الاسود باقي والابيض متنحي
مودتي
| |
|
|
|
|
|
|
|
|
|
Re: صحي نحن ( شينين) (Re: Rihab Khalifa)
|
ىا زول والله انحتا ما شينين , والله و استغفر الله يعني لكن الداير الشنة بالجداليمشي ماليزيا , بلد جميل لكن الخلق الفيهو ...... احمد ربك ساكت , ولا العجب بلد كدة اسمها بابوا نيو غينيا...سمعت بيها ؟
تحياتي
| |
|
|
|
|
|
|
|
|
|
Re: صحي نحن ( شينين) (Re: انعام عبد الحفيظ)
|
Quote: لا نحنا حلوين حلاوة
|
ايوة انعام
ممكن نكون حلويين
عندنا مشاكل ما بنعرف نلبس
ما بنعرف نختار الالوات
عارفة الشوام ديل واحد اكون مرتبه الفين ريال
اشتري بدلة بخمسة الف ريال
بعدين كاتلانة الصعفة والطول
اجسام غريبة
حتي لاعبي كرة القدم السوداني كراعو زي المسواك
| |
|
|
|
|
|
|
|
|
|
Re: صحي نحن ( شينين) (Re: khaleel)
|
| Quote: حتي لاعبي كرة القدم السوداني كراعو زي المسواك |
اها ياخلي لاعب كورة مشهور جد بالشنة الانت قادينا بيها مشي يلعب مباراة في اقليم بعيد داخل السودان وكان راس حربة...الثبرباك ود الاقليم البعيد داك مسكوا من كتفوا وقال ليهو(اهيي انا
هلاوة دي بجي من وين...!!)...حليلك يا كندورة وجلال كادوقلي...واقجي وبرشم الكبير
| |
|
|
|
|
|
|
|
|
|
Re: صحي نحن ( شينين) (Re: doma)
|
زمان يا خلو ..
الرائد الباترا كان هو ضابط الميدان في كلية الشرطة , و كان يوم تفتيش طابور العميد , يعني لازم تكون زي التلجة اليوم داك .. مكوة و نضافة و حلاقة و تلميع و شلنكبات .
المهم الباترا الله يرحمو أي زول عندو شي ما ياهو كان بيقول ليهو : خطوتين للأمام مارش , طبعا بعدين ناس خطوتين المرقوهم ديل بيلموهم كلهم و عينك ما تشوف إلا البطاطس .
تلاتة أرباع الدفعة طلعوهم بالطريقة دي , وصل الباترا في النهاية لواحد زميلنا غياظ و مشهور بالضيق و النضافة و الحنكشة الما خايلة فيهو , عمك الباترا قدر ما فتش ما لقى في الزول ده حاجة غلط .. القاش يلمع و الهدوم منشية و الزراير ترقش و الدقن ملسااااااا و الصلعة مزيتة و البوت مراية . قام عاين ليهو مساااااافة بزعل كده .. قال ليهو بصوت عالي بعدها :
إنت شين , خطوتين للأمااااام مارش .
| |
|
|
|
|
|
|
|
|
|
Re: صحي نحن ( شينين) (Re: Emad Abdulla)
|
Quote: ملسااااااا و الصلعة مزيتة و البوت مراية . قام عاين ليهو مساااااافة بزعل كده .. قال ليهو بصوت عالي بعدها :
إنت شين , خطوتين للأمااااام مارش . |
عماد لما كنا في المدرسة
رئيس الداخلية كان بقرا في الاجتماع في قائمة الطلاب الجدد
وفجاة توقف في اسم مبارك خواجة وقال مين مبارك خواجة
الرئيس فاكر القبة تحتها فكي
قام مبارك خواجة
الراجل شلاليفو تعمل (حلة)
غضب الرئيس من شكل مبارك
وقال اقعد
| |
|
|
|
|
|
|
|
|
|
Re: صحي نحن ( شينين) (Re: doma)
|
| Quote: خليل الله يقطعك ويرضرضك حته حته لو ما نزلت لي صورتك عشان نشوف طوله لسانك دي وراها ككو ولا الن ديلون |
دومة
انا طويل وصعيف ومعولق
وبلبس قميص كاروهات وبنطلون كاروهات
ولو نزلت صورتي المنبر حايضربوا فيروس
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
Quote: خليل
السودان كلو سمح يا اخي وبالذات ناس امدرمان اها دايرة شنو تاني |
سارة حمزة
عارفها بحب بنات شهادة لندن عشان كانو بغنوا بالانجليزي
| |
|
|
|
|
|
|
|
|
|
Re: صحي نحن ( شينين) (Re: khaleel)
|
Quote: Quote: نـحــنا كــدة، إنتـــو كـيـف
بكري الصايغ
الحلفاويين ملفهمين وعاملين فيها شعب الله المختار
وما عندهم حلاتن كدي لامن انضموبها
|
هليل يا ولدي
الهلفاويين ديل هلوين لمن يتاكلوا بالرغيف زي هلاوة التّهنيّة!
جنازة نفرتيتي دي حايمة بين المتاحف ليه؟؟؟
| |
|
|
|
|
|
|
|
|
|
Re: صحي نحن ( شينين) (Re: عزاز شامي)
|
واحد شين شين شين سال مسطول عملية التجميل بتكلف كم فعاين ليهو بالشئ الشايفو انا دا حسب شناتك
شكرا ياخلي علي فرز ناس امدرمان من الموضوع
| |
|
|
|
|
|
|
|
|
|
Re: صحي نحن ( شينين) (Re: عزاز شامي)
|
Quote: الهلفاويين ديل هلوين لمن يتاكلوا بالرغيف زي هلاوة التّهنيّة!
جنازة نفرتيتي دي حايمة بين المتاحف ليه؟؟؟
عزاز شامي عايزة استسناء للحلفاويين
ومتولي مالك عايز استسناء لناس امدرمان
تاني فضل شنو خلاص السودانيين بناتهم زي حنان ترك
واولادهم زي رشدي اباظة انا غلطان
| |
|
|
|
|
|
|
|
|
|
Re: صحي نحن ( شينين) (Re: عبدالكريم الامين احمد)
|
Quote: راغب علامة ده مش صاحب النظرية (النسبية) في (جمال السودانيات) ....
|
جمال الصادق
راغب علامة حلت عليهو اللعنة
لكن الايام دي مصر فيها واحد اسمو احمد عز ( بتاع فيلم مذكرات مراهقة ) احرق الدم
| |
|
|
|
|
|
|
|
|
|
Re: صحي نحن ( شينين) (Re: khaleel)
|
خليل بالجد لما شفت صورتك تاكدت انك شين شناه مره تقطع الخميره من العجين عاد النبي ما تتزوج سودانيه يا اخي اتزوج لينا واحده من جتوب افريقيا عشا ن تحسن النسل اعمل معروف فينا .
| |
|
|
|
|
|
|
|
|
|
Re: صحي نحن ( شينين) (Re: doma)
|
| Quote: خليل بالجد لما شفت صورتك تاكدت انك شين شناه مره تقطع الخميره من العجين عاد النبي ما تتزوج سودانيه يا اخي اتزوج لينا واحده من جتوب افريقيا عشا ن تحسن النسل اعمل معروف فينا . |
دومة ما توصي يتيم علي البكاء سودانية شنو البتزوجها انا
قولي واحدة من المالديف او جزر القمر
كل شي موقع فيها حتي ( غزة الكوع وانتفاخ الجضوم)
مع الاعتذار لسيف الجامعة
| |
|
|
|
|
|
|
|
|
|
Re: صحي نحن ( شينين) (Re: khaleel)
|
Quote: سارة حمزة
عارفها بحب بنات شهادة لندن عشان كانو بغنوا بالانجليزي |
هسة الجاب شهادة لندن شنو يا خليل
يا قول البلابل احنا حلوين حلاوة
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
Quote: هسة الجاب شهادة لندن شنو يا خليل
يا قول البلابل احنا حلوين حلاوة |
بنات شهادة لندن عشان نسافرو كتير
اختلطو بالمجتمعات المخملية
وبعرفو اعملوا (makeup) كويس
وبعرفو الونو شعرهم بطريقة علمية
وبختارو الوان متناسقة في لبسهم
حتي رقيصهم مختلف
مش زي ناس ( قريعتي راحت ديل)
| |
|
|
|
|
|
|
|
|
|
Re: صحي نحن ( شينين) (Re: khaleel)
|
Quote: الكركار
دلكة العجين
الشلوخ
دق الشلوفة
حيل لجات اليها حبوباتنا لاكتساب الجمال
لكن برضو الحال في حالو |
كضاب والله
اماتنا وحبوباتنا كانو سمحين سماحة وطبيعية كمان
انت كان عندك زول شين في راسك ما تقول بدل الف والدوران ده
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
اقول للاخوات والله خليل دة زول سمح
خلقة واخلاق وكان من المصنفين ايامنا
ديك فى الجامعة وكانت عاجباه سماحته
ومالينا فقر بالهترشة عن مغامراته
الجكسية وكيف مرة صور لينا مشهد درامى
ينفع فيديو كليب انه واحدة جات فى سيرة
مع عريس اتزوج فى منطقتهم ولما حانت ساعة
الفراق غنت ليه من بص السيرة
بوصيك يالمفارق وراحل عننا
احمد التجانى
| |
|
|
|
|
|
|
|
|
|
Re: صحي نحن ( شينين) (Re: Hatim Al Jed)
|
ياخليل كلامك عن الشناة دة بيلغى بجرة قلم ارث ضخم من الادب الذى
تغنى بالجمال السودانى ناس ود الريح وعتيق وسيد عبدالعزيز وعبيد عبد الرحمن
من الذى الهمهم ليسطروا لنا هذا الابداع ولا يكونوا بيكتبوا والكهرباء قاطعة
ولو صحى نحن شينين كلامهم كله يبقى بندق فى بحر
شوف عناقيد ديسها تقول عنب فى كروم
شوف وريدا الماثل زى زجاجة روم
القوام اللادن والحشا المبروم
والصدير الطامح زى خليج الروم
خلى جات متبوعة الصافية كالدينار
فى القوام مربوعة شوفا عالية منار
الزول دة كان جادى !!!!!
وياخليل الشناة ذاتها بتتبلع لكن لما يكون معاها فلهمة وقرضمة
بتكون كعبة تب ودة زى واحدة تكون لو شركوا بيها للمرفعين ماتقبض
تكون لاقيتها وحصلت معرفة تجى بعد فترة تنكرك مرة واحدة
احمد التجانى
| |
|
|
|
|
|
|
|
|
|
Re: صحي نحن ( شينين) (Re: عبدالكريم الامين احمد)
|
| Quote: ياخ مشتاقين بالجد يا احمدتجاني |
والله بأغلبية ياكيكى
تحياتى للرائع احمد الامين
i am a big fan of his unique style in writing with rich information
وخسارة اننا ماعرفناه كما يستحق ايام الجامعة
احمد التجانى
| |
|
|
|
|
|
|
|
|
 Re: صحي نحن ( شينين) (Re: Hatim Al Jed)
|
يا خليل مالك علينا ،، فاير في شناتنا مالك ياود امي
انت ما سمعت :-
ياخلو الجمال موجود في كل مكان لكن الجمال اًلأصلي في السودان
والله زي سماحتنا وسماحنا مافي ياخليل
| |
|
|
|
|
|
|
|
|
|
Re: صحي نحن ( شينين) (Re: Nana)
|
Quote: ياخلو الجمال موجود في كل مكان لكن الجمال اًلأصلي في السودان
|
نانا سمعتي عمك قال شنو في جمال السودانية
دي الكان مشت تتفدع
قمرة وديسها للمعاصم جدع
يا فريدة عصرك يا ام جمالن بدع
قلبي من يوم شافك
قلبي فارق وودع
| |
|
|
|
|
|
|
|
|
|
Re: صحي نحن ( شينين) (Re: Hatim Al Jed)
|
Quote: وياخليل الشناة ذاتها بتتبلع لكن لما يكون معاها فلهمة وقرضمة
بتكون كعبة تب ودة زى واحدة تكون لو شركوا بيها للمرفعين ماتقبض
تكون لاقيتها وحصلت معرفة تجى بعد فترة تنكرك مرة واحدة
|
فعلا يا احمد التجاني
الواحدة اكون وشها زي العرقي
وتعمل ليك فيها ( هند صبري)
تذكر بت الجامعة ديك ( ازيك يا ايمان)
| |
|
|
|
|
|
|
|
|
|
Re: صحي نحن ( شينين) (Re: doma)
|
نحن ما شينين
نحن زينا وزى غيرنا ..
بس عندنا عقد...
يا تضخم الانا ..يا احتقار الذات
والاتنين بيظهروا الزول شين ..
يعنى شناة جوانية ما برانية.
| |
|
|
|
|
|
|
|
|
|
Re: صحي نحن ( شينين) (Re: Tumadir)
|
خليل الشين:
انا لي يومين منتظره زول سمح جوا وبرا يجي بوستيك دا عشان تقعد في علبك وتخلي نبيشتنا بالاسافير اها جاءتك البت السمحه تماضر شيخ الدين اها شن قولك يا امبعلو ؟؟؟
اول مره اشوف زول شين ولسانو طويل  
| |
|
|
|
|
|
|
|
|
|
Re: صحي نحن ( شينين) (Re: Tumadir)
|
Quote:
نحن ما شينين
نحن زينا وزى غيرنا ..
بس عندنا عقد...
يا تضخم الانا ..يا احتقار الذات
والاتنين بيظهروا الزول شين ..
يعنى شناة جوانية ما برانية. |
لكن يا تماضر
انتي حلوة برة وجوة
تمثيلك حلو
وكتابتك حلوة
ومنتظرك في بوست ناس تحية زروق
تعالي بسرعة
| |
|
|
|
|
|
|
|
|
|
Re: صحي نحن ( شينين) (Re: doma)
|
Quote: تحياتى للرائع احمد الامين
i am a big fan of his unique style in writing with rich information
وخسارة اننا ماعرفناه كما يستحق ايام الجامعة
|
مرحب احمد تجاني وتبا لهذه الغربة الشينة التي فرقتنا...
واها احمد الامين ده اكبر اخو للدود..واخير منو صحبك الوجيه كيكس..!!
| |
|
|
|
|
|
|
|
|
|
Re: صحي نحن ( شينين) (Re: doma)
|
| Quote: ههههههههههههههههههها هو صحي اخلاقه حلوه بس عشان يغطي علي شناتو لكين شناه خليل دا انا في الاحاجي ما لاقتني |
دومة بنات بلدي عجوة ومعطونة بعسل
عشانكم انتو يا الحلويين
يا اجمل خلائق الله
عشانكم شايل الاشواق وحائم في بلاد الله
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
Quote: كضاب والله
اماتنا وحبوباتنا كانو سمحين سماحة وطبيعية كمان
انت كان عندك زول شين في راسك ما تقول بدل الف والدوران ده |
صاح يا سارة
والله اماتنا حلوات وحبوباتنا حلوات
تيه تيه رفل
جيد انسان وصيد
متبادلين بدل
قلب المخضوب فوق للفاقل
بوبح جيدو وتلا اليمني
ومشي متاقل
| |
|
|
|
|
|
|
|
|
|
Re: صحي نحن ( شينين) (Re: khaleel)
|
اهادا الكلام الما خمج وانت بقيت ود السرور وعريس بت دومه يا خلو عالم جبانات ما تجي الا بي" سير المحفضه" اها شكر بنات السودان القشه ما تعتر ليك
| |
|
|
|
|
|
|
|
|
|
Re: صحي نحن ( شينين) (Re: doma)
|
| Quote: اهادا الكلام الما خمج وانت بقيت ود السرور وعريس بت دومه يا خلو عالم جبانات ما تجي الا بي" سير المحفضه" اها شكر بنات السودان القشه ما تعتر ليك |
بت دومة لازم تكون بمواصفات الايزو عشان اعرسها
عيونها زي ياسمين عبد العزيز
وشعرها زي جيهان نصر
وخفة دم منة شلبي
وثقافة هند صبري
وسحر هندرستم
| |
|
|
|
|
|
|
|
|
|
Re: صحي نحن ( شينين) (Re: khaleel)
|
سلامات
وعوافي
ياخلي ..
عليك الله عاين لي "صورتي" دي وبتلقا اجابة لي سؤالك .. يا اللــــــــه علي الوجاهة يارب تحفظا وتراعيها...هاهاهاهاهاهاها..
Quote: انا لي يومين منتظره زول سمح جوا وبرا يجي بوستيك دا عشان تقعد في علبك وتخلي نبيشتنا بالاسافير اها جاءتك البت السمحه تماضر شيخ الدين اها شن قولك يا امبعلو ؟؟؟
|
اها يا خالتو دومة انا كيف موش مع اختي تماضر فكينا نحس الشناة ..
| |
|
|
|
|
|
|
|
|
|
Re: صحي نحن ( شينين) (Re: ودرملية)
|
| Quote: عليك الله عاين لي "صورتي" دي وبتلقا اجابة لي سؤالك .. يا اللــــــــه علي الوجاهة يارب تحفظا |
ود رملية
صورتك حلوة
بس ما لابس كرفتة
ذكرتني احمد نجاد بتاع ايران
| |
|
|
|
|
|
|
|
|
|
Re: صحي نحن ( شينين) (Re: khaleel)
|
Quote: بت دومة لازم تكون بمواصفات الايزو عشان اعرسها
عيونها زي ياسمين عبد العزيز
وشعرها زي جيهان نصر
وخفة دم منة شلبي
وثقافة هند صبري
وسحر هندرستم |
لوووووووووووووول دي مواصفات عروس ولا Jigsaw
بالله خليهن اربعه عشان تطبق الشريعه الاسلاميه يوم ام عيون ويوم ام شعر يوم ثقافه ويوم سحر وبلاش خفه الدم دي لانه اي زول سمح شديد بيكون دمه بق
| |
|
|
|
|
|
|
|
|
|
Re: صحي نحن ( شينين) (Re: khaleel)
|
النصيحة لى الله
...
...
شينين بس المصيبة عاجبنا روحنا!!!
لكن البوست ده أجمل بوست فى الصفحة الاولى
والله يسالنى 
توقيع :- ناجى الشين
| |
|
|
|
|
|
|
|
|
|
Re: صحي نحن ( شينين) (Re: الملك)
|
ود رمليه بري دقر العين الحاسده ما تشوفكم يا ولاد السودان معلمه ربي سمحاتكم كتر وشهامتكم كتر ونحن شن غردنا في ناس علامه وبلامه
الجنيات صدورهم لازه
ورق النص متل خيت الشله .
شناتو الراجل المملس الما بتفرز من اخواتوا
| |
|
|
|
|
|
|
|
|
|
Re: صحي نحن ( شينين) (Re: doma)
|
تجى طوالى
لكن ما اصلك جيتى ,,,,اولاً شئ جيتى ومشيتى لا حس لاخبر التقول بحرى دى معلقة فى المطار
...
...
بعدين بالغتى معاى ياخالتى دوما  انا ناجى ,,,نادر ده اخوى الصغير الوجيه
Quote:
يعني شنو التواضع دا كان بقيت انت شين تاني السمح منو |
تبلدينا
طبعاً !!
خايفين نقول سمحين يقولوا اخلاقهم كعبة ...
| |
|
|
|
|
|
|
|
|
|
Re: صحي نحن ( شينين) (Re: doma)
|
| Quote: شناتو الراجل المملس الما بتفرز من اخواتوا |
والله حلاتو راغب علامة
مملس مملس
وعمرو دياب ذاتو حلو
لكن عندنا ناس ما بطالين
مصطفي النقر وعبد العزيز المبارك زمان
عماد احمد الطيب احمد بورتسودان
ليلي المغربي لها الرحمة
زينب كرم الله هبة المهندس ونسرين سوركتي
وشوية في الاحفاد
| |
|
|
|
|
|
|
|
|
|
صحي نحن ( شينين) (Re: khaleel)
|
الاخ خليل
والله بصراحة نحن شينين شناه مرة
شوق البلاد اللى دايما بتكون منها
ملكات جمال العالم زى فنزويلا و اوكرانيا
يس اوكرانيا دى شىء مختلف خالص ... مرة مشيت
اوكرانيا وجدت الناس كلهم حلوين بالجد ... قالوا
نسبة الجمال 75% .....
قال ... الجمال الاصلى فى السودان ... قال....
حالص الود
احمد داود
| |
|
|
|
|
|
|
|
|
|
Re: صحي نحن ( شينين) (Re: Ahmed Daoud)
|
| Quote: قال ... الجمال الاصلى فى السودان ... قال.... |
احمد داود مساك بنفسج
واحد من شندي عندو سبعة بنات شناتن تجضم
واحد صاحبو قال ليهو والله يا حاج الامين بنات ديل الا احرروا ليك بكاك
زول بياخدن مافي
| |
|
|
|
|
|
|
|
|
|
Re: صحي نحن ( شينين) (Re: khaleel)
|
عارف با خليل دي ذكرتني بقصة
واحد اخته رشحت ليهو بت للعرس فقال ليها ياحي دي شينة خلاص
فقالت ليهو الكلام علي الاخلاق اخلاقة عالية وبت مودبة وومتازة
قال يعني كان اخلاقة ضاقت عليها نبقي لا خلقة لا اخلاق
ههههههه
برضو شينين
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
مرحب الاخ خليل محمد خليل
(كرع)...
والله موضوعك ده ابو الشباب ذكرني بقصة واحد شين زيك كده ..مشي يخطب ليهو بت سمحة شديد
وابوها لئيم جدا وشغال مكينايكي
الابو قال للزول الشين والله ياولدي لو افكها اسبيرات لاخواتها ما بعرسها ليك...!!!
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
| Quote: قال يعني كان اخلاقة ضاقت عليها نبقي لا خلقة لا اخلاق |
سارة حمزة
في واحد اسمو نجيب بعدين وسيم جدا
مشي اخطب واحدة بعدين عجب ام خطبيتو عجب شديد
في الفطور كان في عسل مع طحنية
فالراجل اكل العسل لحدي ما خلص
خطبيتو قالت نجيب عسل
الام قالت نجيب شرط
| |
|
|
|
|
|
|
|
|
|
Re: صحي نحن ( شينين) (Re: khaleel)
|
خلي
عندنا حبوبتنا سافرت الشمالية
لمن وصلت قالوا ليها لازم تمشي
تزوري ود العوض في بيتهم راقد
عياااان قبل ما يسمعوا بيكـ جيتي
ويلوموكـ ( ود العوض ده شين لدرجة قف)
مشت زارته وجات راجعة بناتها سالوها اهه يمة
لقيتي ود العوض كيف >>>>>>>>
قالت ليهم ود العوض شديييييد لكن اريتو يا يمة
قباحة التابا الرجال مافي شئ جايب ليه المرض غير قباحته دي
| |
|
|
|
|
|
|
|
|
|
Re: صحي نحن ( شينين) (Re: Ahmed Abdallah)
|
واحد صديقنا متغرب واحد رشح ليهو قريبته وتمت الخطوبه اها مش السودان شافهاوعقدوا ليه لما جاء راجع سالته اها يا زول العروس لقيتها كيف ؟؟؟؟
قال لي والله غايتو ح تجيب اولاد يخبتوا فوق للحجاز
| |
|
|
|
|
|
|
|
|
|
Re: صحي نحن ( شينين) (Re: Ahmed Abdallah)
|
| Quote: قباحة التابا الرجال مافي شئ جايب ليه المرض غير قباحته دي |
احمد عبدالله
بنتين في الجامعة واحدة بعشوم والتانية غايتو ممكن تفك الحيرة
طلعو من الامتحان الدكتور سال السمحة امتحنتي كيف
قالت ليهو زي وشي الدكتور قال ممتازة اكيد ناحجة
سال البعشوم وانتي الامتحان كيف
قالت ليهو زي وشي
الدكتور قال ليها ما قلنا ليكم اقروا اقروا
| |
|
|
|
|
|
|
|
|
|
Re: صحي نحن ( شينين) (Re: khaleel)
|
صراحة صراحة أغلبيتنا شينة
والمشكلة لو في الشنة بس يعني خلقة ربنا ما نقول حاجة، لكن المشكلة تكمن في اننا ندمن تشنية نفسنا زيادة
بناتنا ما يعرفوا يتكلموا بالراحة، ما يعرفوا يتدلعوا، كلامنا نفسه شين، دشن، ما يدي فرصة البت تكون لذييييذة كده ذي بنات الناس التانيين، يعني أي باللبناني مثلاً ما تقارن ب آآآآي بالسوداني
مثلاً أكلة (المجدلة) لا تقارن ب (التقلية) مثلاً، يعني الواحدة راجلها يقول ليها طابخة شنو الليلة تقول ليه مثلاً (محشي)
وواحدة (زوجها) يقول ليها (طابختلنا ايه حياتي؟) تقول ليه (محاشي حبيبي)
يعني تفرق مثلاً
احنا ما شينين بس، دشانة كمان
البت ما تتلبس إلا عشان العريس ينصاد ولما ينصاد بردلب ذي الوقعت هسة من جمل، نكشة شعر وطولة لسان وصوت عااااااااااااالي طرزان بس، تحمل تولد ينزل بيبي تلاجة تستوطن بداله أنا زاتو ما عارفة كمية الكروش دي بربوها كيف في تسعة شهور بس
المرة يا كافي البلا ما تتسمح إلا لزيارة نسابة واللا حفلة واللا بكا ناس ما مغروضة فيهم شديد
بالله في بيتها تقول فليم رعب بس
مكياجنا زاتو كتر، لو نشوف تخطيط الحواجب والشفايف ده شين كيف فينا ومع الحر والعرق بعمل فن تشكيلي ولوحات تجريدية أصلو ما نسويه تاني
حاجاتنا البنتجمل بيها زاتها اسماءها تجيب صداع
كركار ما عارفة لخوخة شنو داك خمرة زيت
مشكلتنا نحن الجيل الطالع الحالي لا قادرين نبقى حبوباتنا نقتنع بي شكلنا وهيئتنا وحاجاتنا بتاعت زمان (وهي ما في أحسن منها) لا قادرين نقتنع اننا عمرنا ما حنبقى ناس هيفاء وهبي الناس الخلقهم الله كده في بلاد كده يقوم فيها التفاح وبلادنا أرادة الله شاءت يقوم فيها الدوم
خليط متأسف ومشتت بين نحن وودك حبوبة ومستجدات الدش وبيوت الأزياء العالمية - ذي بالضبط العطور الفرنسية الغالية الأصلية وتقليدها الرخيص في مواقف المواصلات
وهذا لا يعني أن الواحد ما يتكلم عن شناة الرجال السودانيين
كان زعلوا كان رضوا
(بشتنة التاباني دنيا وآخرة) على قول حبوبتي الله يرحمها
المشية غير ثابتة، لماذا (بالجد جد) يمشي الرجل السوداني ذي عربية ملخلخة لساتكها؟!
أو بونوكيو اللعبة الخشبية واللا حاجة كده مساميرها فاكة؟!
ليه الشاب لما يهتم بنفسه وعطره وتسريحة شعره واستخدام مستحضرات الحلاقة العطرية وجل الشعر، يوصف بالحنكشة وشايف نفسه و(عامل فيها مقطعها )، لماذا ينتقد الراجل المهذب؟!
والسفة دي شنو؟
قرف السواد
أما العراقي، فحدث ولا حرج، الزي الوطني المنزلي السوداني
غير عراقي السودانيين وقرقاب واللا اسمو شنو داك الباكستانيين ما شفت
حتى سيارة السوداني، مكب زبالة متحرك بس
شفعنا زاتم، لماذا انتاجهم من السوائل الأنفية زايد حبة عندنا؟
وفوق ده وده، الفلهمة العورة
أحنا مافي زينا
احنا شعب مميز
أحنا شعب الوفاء
احنا شعب الأمانة
يعني لأكون أميناً لا بد أن اكون مبشتن؟
بري يا يمة فلهمة وشناة
وبالمناسبة،، سلامات للجميع، ناس المنبر القدام والجداد
وحشتونا جد جد، وسامحونا على الغياب الطويل
وشكراً على البوست الظريف، وكتر خيركم فشيتوا مرارتنا المفقوعة دي
| |
|
|
|
|
|
|
|
|
|
Re: صحي نحن ( شينين) (Re: oudenoord)
|
Quote: عودا حميد بت قضيم عمت بشائرنا وعاد الفرح لينا نسأل الله عودة كل الرائعين بدون فرز.
ودي الكثيف |
بركه اللقيتك بي جاي موضوعي عملت لي فيهو شنو؟؟؟
| |
|
|
|
|
|
|
|
|
|
Re: صحي نحن ( شينين) (Re: khaleel)
|
| Quote: هيفاء وهبي الناس الخلقهم الله كده في بلاد كده يقوم فيها التفاح وبلادنا أرادة الله شاءت يقوم فيها الدوم |
بت قضيم كتر خيرك وبارك الله فيك بس بقت عليك حكايه صمت دهرا ونطق كفرا نحن الود دا يا الله يا الله قدرنا نسكته تجئ انت تبقي ليهو فزع وتزيد علي الوجع
\ اسه اقوم اسوط البوست دا يا خليل ولا تحجمها بت قضاضيمو دي.
يا زوله والله ليك وحشه والجابك يجيب شيري وليها سلامات مربعات ومكعبات ومرفوعات لي ملايين القوات
| |
|
|
|
|
|
|
|
|
|
Re: صحي نحن ( شينين) (Re: doma)
|
سلامٌ قولٌ لخليل وخِلانه،
قالت بِتْ قضيم:
| Quote: كلامنا نفسه شين، دشن، |
وأضيف: وضار جداً بل مدمِّر في بعض الأحيان وربَّما جالب لغضب الرب. واحد صاحبنا ولدو دخل عليهم في الديوان صادوا واحد مسيخ بتعليق يموِّت الأبو ومعنويَّات الولد، قال: إنت يا أخوي ولدك دا شناتو دي ما شنات زولاً خلقو الله...يكون اتعلَّموا فوقو الملايكة!
أعوذ بالله من شنات الملافظ.
| |
|
|
|
|
|
|
|
|
|
Re: صحي نحن ( شينين) (Re: khaleel)
|
سلامات
دومة ترى (بالسعودي الكلمة دي) أنا أموت في الدوم وناس الدوم وكدكدة الدوم
وأنا مش معترضة إلا على تأكيدنا (الفارغ) بأننا شعب الله المختار
ياخي ما قادرين نشوف عوجة رقبتنا
وانت والبورد كمان وحشني شديد، وكان سألتيني كنت وين اقول ليك (كنت في وقفة مع الذات)
فلسفة طبعاً
خليل السمح وصحبه ازيكم
وبجيكم صادة
| |
|
|
|
|
|
|
|
|
|
Re: صحي نحن ( شينين) (Re: بت قضيم)
|
Quote: وانت والبورد كمان وحشني شديد، وكان سألتيني كنت وين اقول ليك (كنت في وقفة مع الذات)
فلسفة طبعاً
خليل السمح وصحبه ازيكم
وبجيكم صادة |
والله حرام عليكن يا الروحتو طولتو بالله تجي سريع ولو جبتي لي معاك شيري تكون كفرتي عن وقفاتك الفاتن والجايات . عليك العزيز عندك تجئ كفايه وقفه مع الذات
يا ربي شيري دي تكون قرطعت الشربات؟؟ ولا زول قفل عليها الباب بالمزلاج؟؟؟؟؟!!! لول حلوه مزلاج دي .
بعدين خليل يلقي السماحه من وين؟؟؟
انت صدقتي؟؟؟اساليني انا منو بس سترا ليهو ما بنزلها البورد
| |
|
|
|
|
|
|
|
|
|
Re: صحي نحن ( شينين) (Re: doma)
|
| Quote: بعدين خليل يلقي السماحه من وين؟؟؟ |
هوي يا دومة هوي
ما سمعتي البنات بغنوا لي
يا يمة اندهي لي زيارة السبت
( خلي) دها الشرط وبوقف النبض
| |
|
|
|
|
|
|
|
|
|
Re: صحي نحن ( شينين) (Re: khaleel)
|
عادل البدوي زولك بالغ
ما عارفة أقول شنو لكن صحي الشين شين، حيقول ليه شنو يعني وبأي أسلوب؟
شناة ولدك سمحة؟؟!!!
هو كان بس يبلع شناته دي ويسكت
وبعدين يا خليل أخوي ما سمعت السودانية عندما تنتشي بأغاني الحماسة الهابطة تقول الجلابية بيضا مكوية والعمة الفي راس مطوية، يعني الدلالة واضحة في هذه الأغنية غير أنها تشيد بأناقة العمة والجلابية فهي تؤكد ندرة أن تكون هذه الجلابية ذات ليلة نادرة نظيفة ومرتبة ومكوية
(عليه) المشكلة ليست في الجلابية itself المشكلة (إذن) في الغسالة
دوما
يا ربي تكون شيري اتزوجت وعاشت في تبات ونبات وخلفت الصبيان والبنات ؟؟!!!
وقام راجلها I mean زوجها قال ليها إياك تعتبي جهة الناس الشينين ديل بكسر كورعينك ديل؟
باقي في كلام في البورد ده رمي الجمرات في الحج ألطف منه وأقل كوريماً للراس
(بالله شوفي شناة كلمة راجلها وراسه مكورم وكرعين دي؟!)
غايتو القعدني من (وقفة مع الذات) يقعدها إن شاء الله في البورد بي ناسه الشينة ناس خليل ديل وناسو السمحة ناس بت قضيم ودوما ديل،
وتحديداً يقعدها في هذا البوست الموغل في الحميمية (حميمية شناتنا الما بتشبه زول غيرنا في الدنيا دي كلها ياخي نحن نوعا ًما فعلا ممييزين)
هسة مذيعة الجن دي الشفتها امبارح (ما ادري) اول امبارح ما لقت ليها ترزي (مقنبر) في سوق النسوان يطق ليها طرف التوب المدلدل في الاستديو كله عمل لي وجع عيون ابحلق في الخيوط المهلهة أحاول أعرف ده شنو؟
الله يوجع عيونك انت زاتك يا ده المخرج ما قدرت تحميها تلبس ليها توب طرفه عامل ذي الشعيرية الببيعوها في السكة حديد؟ بالله ما قدرت تطقوا يطقها في (صنقوع) راسها إن شاء الله
قال سمحين قال
| |
|
|
|
|
|
|
|
|
|
Re: صحي نحن ( شينين) (Re: khaleel)
|
عامل الجو ليهو تأثير شديد والدليل الواحد ولا الواحدة
لما يغترب فى بلاد جوها سمح ويرطب ويلقى الراحات تلاقى
شكلو اتغير ولونو فتح ويادوب ملامحو تظهر ولما يرجع السودان
يقولو ليك والله فلان/ـة بقى/ـت سمح/ـة سماحة .
نحن الجنس الوحيد المن الصباح البت بتشيل المقشاشة
وآآآآلله فى اجناس هنا فى السعودية شينين شنا بس نافعهم البياض
تخريمة
عندى صديقى من اولاد الخرطوم 3 شين شنا شديدة ولونو اسود
وعلى حس انو من نمرة 3 سافر لاهلو فى الشمالية ووصل فى الليل
واتغطى ورقد نام ، الصباح الشفع متكيفين من ود الخرطوم يمشو
يعاينو ليهو وهو نايم ويقولو ماشاء الله حلا وحمار ( يعنى احمر ) .
| |
|
|
|
|
|
|
|
|
|
Re: صحي نحن ( شينين) (Re: khaleel)
|
بدر الدين شناة
الجابك يجيب عقابك
والله لحظات سعيدة دي أن نلتقي في هذه اللحظات السعيدة في رحاب بوست الشينين
أها يا دوما هسة في (ظمتك) بدر الدين ده شين ؟
يقولوا لقبه شناة بالله دي ما (إحتساسية في الذات الأبية؟)
كان بدر الدين شين السمح منو؟
هيفاء وهبي؟؟!!
شوف عيني شعرها كله قشرة وكمان شخصيتها باهتة
سلامات أخوي بدر
حبابك مليون (بس ما سوداني باقي حتى مليون السودان ذي ريال السعودية)
ويا ولدي يا (هناي) ، عبد الدايم بالله في أسوأ واللا أزفت من جو الخليج؟
بالله فكونا الجو والطقس وعوامل التعرية؟
مالنا،، شايلين الشمس في (عنقرتنا)؟!
عيون غزلانا مالها ما جاتها (استكمتزم) من الحر؟!
شعر كدايسنا مالو ما قرقد ووقف شوك من الكتاحة؟
ياخي دقيقة ياخ
حاشية النص
نقصد استخدام الالفاظ الدشنة في حديثنا إمعانا في تأكيد دشانة سيادتنا
| |
|
|
|
|
|
|
|
|
|
Re: صحي نحن ( شينين) (Re: khaleel)
|
انت عارف الشنة دي جاتنا بفعل فاعل يعني نحنا بوضوح لم نتوارثها بس في عوامل ومظاريف(الجمع الحميد لي ظروف) خلت البني ادم السوداني ملامحو زي يوم السبت..انا بحاول اديك منها حبة تبلعها علي الريق
اول حاجة (الصَرة)وهي تعني اصطلاحا تهافت ملامح الوجة بجهاتة الاربعة نحو منطقة في المنتصف تؤدى الي بروز ما تبقي من الفم الي الامام بحركة غير رشيقة وهنا قد يحدث التباس بين الصرة والطريمة وهذة من طرَم, والطريم أقل صرامة من الصرة, وله علاقة( بالحردة)وهو احساس مؤقت قد ينتهي سريع ولة علاقة وثيقة بالوجبات الثلاث..ولكنه تطور في الأونة الاخيرة الي الحد الذي فيه يحرد شخوص بلد كاملة ,حدادي مدادي شدر وبشر ,يحردها ويشيل طريمتو معاهو واحتمال يطرحها مع نزلتو من الطيارة
المهم ..الصرة ولا صمَة الخشم..هذا التعبير الزاحف نحو المنطقة اياها ...فجأة وبلا مقدمات نسي واستحال علية الرجوع يعني بوضوح الوجوة نست صَرتها في حتتها(وجات المغارب حننت ايدها ومشت )والصَرة في حتتها..شرقت شمس اليوم التاني والصَرة في حتتها..بعد مرور وقت ليس بالهين من عمر الشعوب وصلت الصَرة حد ال(climax stage ).ودا حد بالدارجي الصاري يعني (الجوه جوه والبره بره) يعني الشَربكه ما يحلها.وبقدره قادر صارت الَصَرة تورث من جيل الأزمات الي اللاحقون منهم ,يعني شوف واحدمن جيل الستينات او الخمسينات اول حاجة اضانو بتكون مرخية (من كترة كلمة (ارخي لي اضانك),والحتة البين الحاجبين دي وكر التغطيبة وهي المعارضة الفعلية والفاعلة ضد الترطيبة,تلقاها خطين ومرات تلاتة خطوط راسية والحتة دي تلقي الواحدرافع يدو بشكل افقي وحاني ضهرو حنية عطسة كدا, دا لزوم تحري الرؤيا لانو بعيد عننا كدا كلنا كسودانين بالجنسية والتجنس وشنات الطبع بقينا ما عارفين الجايينا شنو اشان كدا قامت لينا عضلات الشوف المكفية علي روحهاومرات بتكون افقية(المثقفين بقولو رفح حاجب الدهشة)يا زول الناس ديل رافعين سقالة عديل .كترة المصايب وتلقي الخبار المحزنة والاخبار المكررة زي الانقاذ.انا عندي راي انو الذال يقلبوها ظاط يعني تكون (الانقاظ) اشان الواحد لما ينطقها لقاليقو تجي في مقدمة خشمو..كدي بواصل مرة تانية هسي اتذكرت حاجة بكتبها تحت
الصَرة بتهد في الزول الصارين ليهو. يعني ..الاجهزة الشرطية كلها ,ما ظهر ومنها وما بطن, الا ناس المطافي وناس المرور زمان ,قبل الدفاتر الطايرة ,والله تلقاهم متلمين دايرين يقطعوه ايصال تقول دايرين يطهرو,اها ديل بصرصرو ليك لحدي ما وشو ينعكس في وشك وتشيل شناتو تهدها في البلاقيك.ويمرق الزول القاطعنو مروق الروح,صَرة وتغطيبة وحرده وطمام وغبن وخيبة وقلة حيلة (يعني بإختصار الواحد وشو بيتحول لي خراجة)
الكلام دا ما خستكة خالص. لمَوا السودانيين ديل وأطرحو وشهم وخلوهم يندسو من الحكومة ويضربهم همبريب ويشربو موية نضيفة ويلاقو احبانهم تحت سقف رحيم ويرجعو لي زوجاتهم اقل امتعاطا من رب العمل او الامل..انظر اليهم
اما السودانيات وهو المؤنث من السودانيين ..فسنعود
| |
|
|
|
|
|
|
|
|
|
Re: صحي نحن ( شينين) (Re: khaleel)
|
دقيقة دقيقة ياخ
إبراهيم سيد أحمد
يجازي محنك
لذيذ بشكل!!!!
يا خليل يا أخوي بس أنا بقيت ليك يا هو زاتو جدادة الوادي
بعد شوية بتصلبط في البوست وبطالب بتغيير أسمه وكاتبة يبقى أنا
| |
|
|
|
|
|
|
|
|
|
Re: صحي نحن ( شينين) (Re: بت قضيم)
|
البلاد البقوم فيها تفاح ونحن بلدنا بقوم فيها الدوم دى سرقة ادبية يا بت قضيم
الكلام ده انا كتبتو فى البورد زمان قبل ما اعمل استصال كامل لعنصريتى
حسة انتى جيتى من وين وما كلمتينا ونحن مشتاقين ليك وفاقدنك كده؟
وفاتحة علينا نار كمان؟
بت قضيم ازييييييييييييييييييييييك
نحن هنا فى امريكا بيسالونا يقولوا لينا السودانيين كلهم سمحين كده؟
ليه يا جماعة
الدنيا دى تحقرنا وتهيننا وتجوا ترموا اللوم علينا؟
اى زول ما بياكل اكل صحى ويتنفس اكسجين نضيف ويتريض وفى حياته فى "مرح" بيبقى شين؟
السودانيين ديل زى ما قلت: زيهم وزى غيرهم
انا شفت ناس شينين من شعوب كنا بنعرفهم سمحين هناك فى السودان
واى بت او ولد فى عمر الشباب بيكون سمح ..ولو اهتموا بنفسهم ومظهرهم بيبهروا العين، والبجيبوهم فى الشاشات ديل بيصرفوا عليهم ملايين عديل كده ...يعنى مش دلكة بيسبعه قروش وكركار بقرشين ...ملايييييين ..تعرفوا ملايين دى فى السودان يعنى شنو؟ يعنى 40 حلة فيهم مدرسة ومستشفى ونقطة بوليس ومجلس بلدى ...دى كلها بيشتروا بيها كريمات ومحسنات بديعية غير عمليات التجميل وبرامج الرياضة المكثفة ...والموارد الطبيعية للغذاء
ياجماعة نحن سمحين
ماعارفة لكن انا تبع حقوق الانسان ...وبشوف كلامى ده صاح ...
| |
|
|
|
|
|
|
|
|
|
Re: صحي نحن ( شينين) (Re: Tumadir)
|
انا غايتو راي مع تماضر السودانيات سمحات بس لو بعدن من المدائد والشحم الزائد.اسع انا اقول كدي يا يمه اقشر ليكم واكحل عويناتي ديل وانزل ليكم صورتي رغم اني بلغت من الكبر عتيا ابقي ولا هيفاء وهبي البتقولوها دي
النبي زول يوريني صورتها
| |
|
|
|
|
|
|
|
|
|
Re: صحي نحن ( شينين) (Re: Tumadir)
|
ده مثلا عمرو ما بكون اتجاوزالتسع سنين ..اتخيل معاي شيل يدو نزلها تحت شيل الشمس القدامو دي واجدعها وراهو نظام غروب واصيل وكدا,شيل همَو رجعو للناس االهمموه.صنفرو بالبروتين الما خمج.نقي ليهو احلامو خليهو يصحي حنين وواثق من الهواء والماء..
وبعد داك ..بعد داك بجي راجع
| |
|
|
|
|
|
|
|
|
|
Re: صحي نحن ( شينين) (Re: khaleel)
|
تماضر
مضورة
أززززززيك أنت والله ليك وحشة
على فكرة اسم (تماضر) يعني شنو ؟؟ معناه شنو يعني؟
ده بره الموضوع
وداخل الموضوع (وحاة الله يا بت أمي يطرشني طرش الموت كان سمعت بي كلامك ده)
قصدي يطرش عيوني يعني
خلاص ما تزعلي
قونقليز بلدنا زاتو ما بشبه عنب بلادهم
والدليل (أسأل العنبة الرامية فوق بيتهم)
تماضر والله وحشتوني
والللللللله وما طالباني حلفان (طيب بتحلفي ليه؟؟)
أما بالنسبة لناس أميركا
غير انهم بصرفوا قروشهم فهناك ميزة حلوة جداً
الثقة
يعني الواحد تلقي يا صلعته بادية من ضهره
يا واحدة شعرها سجم التاباني والياباني والهندي والصيني
يا واحد كرشه واصله لي ركبه
يا واقع في صحن سنون
مع ذلك منتهى الثقة
احنا كان الواحدة ما لصقت شعرها بصباع أمير قبل ما تطلع ما بتطلع
وبعدين القال ليك الكركار رخيص منو؟
يا حبة رخيص ليكم انتوا ناس الدولارات (ما شاء الله وتبارك الله)
ناس احنا ناس الدينار العواليق المابشبه يا كافي البلا دينار الأردن لا يا كافي البلا دينار ناس هارون الرشيد زمان يا كافي البلا ولا حتى واصل يشبه دينار حلة بعشوم
ناس ديل الكركار بالنسبة ليهم رفاهية ده لو ما أدوه حلاوة للعيال بدل الشكولاتة.
ديل بعرفوا يسرحوا شعرهم بالجد جد، كان عندهم قروش كان لا
وتاااااااااني سلامات مشتاقين
| |
|
|
|
|
|
|
|
|
|
Re: صحي نحن ( شينين) (Re: بت قضيم)
|
Quote: ده بره الموضوع
وداخل الموضوع (وحاة الله يا بت أمي يطرشني طرش الموت كان سمعت بي كلامك ده)
قصدي يطرش عيوني يعني
|
قضاضيمو بريه من الطرش
قالتو وحتي انا اكلت في خاتري قلت يعني اسمي تماضر شنفتو لي
| |
|
|
|
|
|
|
|
|
|
Re: صحي نحن ( شينين) (Re: khaleel)
|
يا جماعة نحن شينين ودي ما بختلفوا فيها أتنين .... والبنشفوا سمح بينطبق عليه المثل البقول الطشاش في بلد العمي شوف ... او بلادا ما فيها التمساح يقدل فيها الورل ...
| |
|
|
|
|
|
|
|
|
|
Re: صحي نحن ( شينين) (Re: بابكر حامد احمد)
|
بنوت وجنيات البورد
شناتنا بنات على اولاد الا من رحم ربى اصلو ماممكن تكون موضوع
خلاف بين نفرين من ناس السماحة
البنت نجاح المساعيد بتاعت برنامج دانات
لما تقول الشعر طوالى باتذكر مكنة الايسكريم
المكنة سمحة وبتطلع حاجة سمحة
| |
|
|
|
|
|
|
|
|
|
Re: صحي نحن ( شينين) (Re: احمد التجانى احمد)
|
| Quote: البنت نجاح المساعيد بتاعت برنامج دانات |
انت يا احمد التجاني
شفت المذيعة حليمة بولند
خشماه ودعة بس
جضمها انا ممكن احلف مصحف
انو البت في حياتها ابوها ما اداها ( كف)
| |
|
|
|
|
|
|
|
|
|
Re: صحي نحن ( شينين) (Re: بابكر حامد احمد)
|
بري انا غايتو زمان بنات حينا كلهم سمحين و بنات اهلي كلهم سمحين وبنات فصلي كلهم سمحين وبنات جامعتنا كلهم سمحين وانا اشني زول فيهم
اها ناسكم الاشنا مني ديل الا يكونوا جوا اسه
| |
|
|
|
|
|
|
|
|
|
Re: صحي نحن ( شينين) (Re: أيمن الطيب)
|
| Quote: خوفى عليكم أن تعدوا من مشعجى الكورة البنانية |
والله يا جماعة انتو احلي ناس..ومعاكم خليلكم الوشو زي الكبك ده...
وانا يا ايمن غايتو بصراحة خليك من الكورة اللبنانية لكن هيفاء وهبي سمحة عديل كده
سماحة جد.....
| |
|
|
|
|
|
|
|
|
|
Re: صحي نحن ( شينين) (Re: أيمن الطيب)
|
Quote: خوفى عليكم أن تعدوا من مشعجى الكورة البنانية( )
|
ايمن الطيب سلامات
فريق الموردة مشي لعبو في لبنان
بريش وبرشم والصادق وويو ومتوكل والزنجي
المورداب لعبو مع اللبنانين ضرب جد ( ركب بس)
المذيع اللبناني خجل اقول السودانيين شينين
بس قالها بطريقة السفراء
( السودانيين لعبهم اكتير قاسي)
| |
|
|
|
|
|
|
|
| |
khaleel
Rihab Khalifa
عمران بابكر بدري
manubia
انعام عبد الحفيظ
عبدالكريم الامين احمد
gamal elsadig
doma
Emad Abdulla
Mutwali Malik
Tumadir
ودرملية
الملك
Ahmed Daoud
معتصم دفع الله
Ahmed Abdallah
بت قضيم
oudenoord
بدرالدين شنا
عبد الدائم سيد أحمد
ibrahim sidahmed
احمد التجانى احمد
أيمن الطيب
فيس بوك
تويتر
انستقرام
يوتيوب
بنتيريست