|
|
 هل نري صديقي عبد الكريم الامين في القصر الجمهوري قريبا
|
اللهم لا حسد صديقي كريم ماشة معاك اخر حلاوة .
ناس قوبي وجعفر انترنت ما قصروا معاك فقز بالزانة
من شركة ساتكو انتقلت لقطر للبترول
وكان الفوز الكاسح في انتخابات الجالية بمقاعد المهندسين
وتقديرا لمجهوداتك الثرة قام بكري ابوبكر بمنحكم مكتبة باسمكم
واتاح لك القدر فرصة حضور موتمر العدل والمساواة باثيوبيا
وسمعنا انو في تعيينات جديدة في القصر الجمهوري
ولو الامور مشت بهذه السرعة حانسمع بيك قريب في القصر الجمهوري
لكن يا كيكي ما تنسانا .
انا من زمان عائز اخش القصر الجمهوري دها .
ممكن اشتغل ليك مدير مكتبك واروق ليك الاناني كما يقول المصريين
ولاول مرة سيدخل القصر الجمهوري ناس تمباك وسوفيت ونصرة وريري وحسن ماكردة للتقديم التهاني
بس اوعي تفتح لينا
|
|
 
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
خلي ..
ده كلام والله..
حبوبتي الله يرحمها عندها تعويذة شهيرة وبلغة غربية ما مفهمومة من وين بتقول:
(قرقر مسو يا مسو يا قربي)
تقال عندما القصة تكون مربوطة بعيون وخشم ناس..!!
ولكن..
القصر الجمهوري ده شعر يا خليل اخوك ما عندو ليهو رقبة مع البلطجية والحرامية القتلة القاعدين
فيهو ديل..وزي ديل انا في تربيزة (وست ) ما اقعد معاهم يا ابو الخا..!!
واخوك هو ذاتتو بتاع مساحة عندكم (باك سايت) و(فور سايت) حاضرين وجاهزين اربعة وعشرين ساعة
عند (انقل) و(كوردنيت) وسوفت وير داير تضايرو برضو كيكي جاهز..
لكن قصر جمهوري ..اعوذ بالله ياخليل ياصحبي..
وشكرا علي مرورك..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
Quote: هوي يا كيكي
كلامك دها قولو لزول ما عندو حديدة |
ياخ خليل ياخ مالك علينا
قلت ليك (قصر ده يا صديق احنا من ناسوا ولا بنعرف محلوا وين)
عندك يازول قطعة في حتة عندك مزرعة عندكم طريق في حلتكم ..عندكم عمارة عاوزة اعمدة
عندكم حيطة خاشة في بيت الجار(زي بتاعة صحبك بتاع ام صلال داك)..كلو حاضرين
لكن قصر جمهوري..يازول قول كلام تاني ..انت عارف انا ارجع ساتكو لاصحابي الباكستنين الاكلوا قروشي
ديلك ولا امشي القصر ..يا خلي 5000
| |
|
|
|
|
|
|
|
|
 Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
ياعبدالكريم "اللخمة" فى شنو؟؟؟ فى كشف "المستور" ماخليل صاحبك و "فردتك"...بعدين هو الكاتب البوست مش انت!!!
Quote: القصر الجمهوري ده شعر يا خليل اخوك ما عندو ليهو رقبة مع البلطجية والحرامية القتلة القاعدين
فيهو ديل..وزي ديل انا في تربيزة (وست ) ما اقعد معاهم يا ابو الخا..!!
|
و الله انت من "اتلميت" مع الظلامى "المدسوس" وسط بورداب الدوحة وبقيت تلبس البدل المستوردة، وتمشى ناس تسفاى وأيدن بديت أشك انك "بتتدرب" على حاجة كبيرة...وصاحبك الغشيم ودرملية لبس ليهو برضو بدلة وقايل المسألة "بدل" لكن فى حالو "وحاجات تانية"......
المهم عليك الله ماتنسانــا نحن فرد من بيت العذابة الجنب "الحراج" الما كان فيهو باب....أحسن اسكت.....و لا الجماعة بقولوأ الليلة "صديق" مالو نام "بدرى كدهــا".....
عجبى....كما يقولهــا صلاح جاهين
والله لو عملوك "وزير"...لازم اعملونى "رئيس الجمهورية"....و الا "اتمرد" فى حلفا...ولا شنو ياخلو....
صدبق-الدوحة
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
| Quote: من ولي الامر منكم اعطوه دارا ودابة |
خليل
انا لو القصة ورت وقسمت الثورة والسلطة (ماعندك عوجة يازول)...
بس جهز لينا كرشك دي..وفصل ليك زي كم جلابية كده .وضاير لي دقنك دي
وا اعمل بروفة لضحكة (نص كم كده) بتاعة استنكاح ..وكثر لي من جزاك الله خير...واشتري شالات
وبعد داك مش دابة ودار...انا ناوي يا خلي اعرس ليك اربعة من الحور العين ..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: سارة حمزة)
|
الاخوة الكرام سلام ، نعم حا تشوفوا كيكى فى القصر الجمهورى فى الصيف القادم، لانو سعاتو اصبح شريك المؤتمر الوطنى فى الجالية ، وكل عام يعقد مؤتمر الجاليات ، والبشير بحب ناس الدوحة ، وسوف يكرمهم فى لقاء خاص وبعدها يظهر فى التلفزيون ، من حقو ما بقى شريك الوطنى . بصراحة اى زول يخت ايدى ويسلم على البشير حالو بتغير ، وبعد ما هو شريك حا يجى 00000 كده عديل . ان طعم القصر حلو ولذيد ، ولكن الخوازيق سوف تاتى. يا كيكى الزول الكتب ده لو عينو حاره الله يستر عليك ، غايتو يتصل فيك بكره لعله خيرا .
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: سارة حمزة)
|
| Quote: وكل عام يعقد مؤتمر الجاليات ، والبشير بحب ناس الدوحة ، وسوف يكرمهم فى لقاء خاص وبعدها يظهر فى التلفزيون |
هجو مبسوط والله بختك..
كيكي ده تشمو كشنة يا هجو يا صديقي..
قلت لي الزول ده جاي في الصيف.. علي اي حال اليوم داك باذن الله انا ح اكون في (حتة) اسمها
(العفجة) دي يا هجو حتي القطريين ذاتتهم ما عارفنها وين..!!مع انها داخل قطر..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
خليل ,,
ياخ السلام عليكم ياخ ,,
مالك علي الزول ده ما تجهجهو علينا !!
بعدين ياخلي كلامك ده كيفن عاد !!!؟
Quote: هوي يا زول
اسمك قالو هسه مجذوب الخليفة وداهو للبشير
الاسبوع القادم حانكون قريبين عشان نسمع نشرة عشرة
|
لو نضمك ده صح قطع شك ح تسمع في نشرة عشرة طاخ طرااااااااااخ
لانو دي الدروة قطع شك !
والا تكون نشرة عشرة عشرة غيروها .
بطل ياخليل ياخ وخلي الزول يستمتع بذكريات الزهرة البيضاء.
كي كي يا صاحب اسمع:-
لو كلام الزول ده طلع صح ما تنسي اخوك 
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: سفيان بشير نابرى)
|
Quote: كي كي يا صاحب اسمع:-
لو كلام الزول ده طلع صح ما تنسي اخوك |
مرحب يا سفيان
وخلي ده زول بتاع لولوة وعاوز يعمل لاخوك سافوتة
ولكن برضو للضمان القصة لو لفقت ماعندك مشكلة يا صديقي
وكلم الخير قول ليهو جزء من المفاوضات انو عقد الجلاد تكون الفرقة الرسمية للدولة
وقول ليك حاجة..
احتمال نفاوض علي قرار جمهوري تعفسي لاسترجاع الباصويرد بتاع بورداب الخرطوم..كيتا في (ملاسي)
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
| Quote: وبعدين عليك الله زول صحبوا زي سيد عبدون ده يمشي القصر الجمهوري (بياتوا وش) |
افهم شنو يعني عندك راي في سيد عبدون ولاشنو يعني؟؟؟
فهمني بس ,,,
شايف يا خليل زولك من اسع بداء في شوت العلاقات القديمه
امثال سيد عبدون ربيب نعمته هنا وشريك ورطته الاولى حينما كان وحيدا ودون وعي (اسفيري)
ولا صاحبك يكون استغل امميه سيد عبدون في عدم تعامله مع الكمبيوتر والنت
ولا شنو؟؟؟؟
عموما انت يا خل اعمل حسابك
ولو حريص على زولك ده حولو لقصر علي الحاج بدل القصر الجمهوري...
| |
|
|
|
|
|
|
|
|
 Re: هل نري صديقي عبد الكريم الامين في القصر الجمهوري قريبا (Re: هجو الأقرع)
|
| Quote: والله من يوم ما دخلت السفارة وشربت الشاى والعصير الخاص بتاع الجاليه ،و بقيت تتناقش مع جماعتنا ، شمناك ونقشناك ولسكرتارية الجالية دعمناك ، المهم الغريق قدام ، لو داير رئاسة الجاليه خلينا نفكر، بس فى شوية توقيعات على بياض لزوم عدم كب الزوغة، ومبروك علينا الشريك الجديد. |
هجو ياهو عصيركم بتاع (روزانا ده) ولا واحد تاني ..
المهم قلت ليك انا اليوم داك في (الفعجة)..شوفوا ليكم زول يستقبل البشير....
انت عارف اكبر ورطة في حتة الجالية دي انو (السفير فقيري) كان مديري في يوم من الايام
عشان كده مجبور علي العصير والقهوة المرة بتاعتكم دي..!!
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
كي كي
يازول انت ما كلموك ؟!!!!
Quote: وكلم الخير قول ليهو جزء من المفاوضات انو عقد الجلاد تكون الفرقة الرسمية للدولة
|
يازول الخير ده امس عرسو عدييييييييل كده وهسي لا بسمعني لابسمك
ياكي كي اجري زبط ليهو بوست غايتو صور العرس علي أنا تب.
بالمناسبة يا كي كي انا وانت طلعنا أهل رسمي وشعبي .
هسي يجو يقولو كسير تلج عشان القصر الجمهوري (عارفهم ليك)
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: سفيان بشير نابرى)
|
Quote: و الله انت من "اتلميت" مع الظلامى "المدسوس" وسط بورداب الدوحة وبقيت تلبس البدل المستوردة، وتمشى ناس تسفاى وأيدن بديت أشك انك "بتتدرب" على حاجة كبيرة...وصاحبك الغشيم ودرملية لبس ليهو برضو بدلة وقايل المسألة "بدل" لكن فى حالو "وحاجات تانية"......
|
حتي انت يا صديق ياحبيب قساي..!!
انت عارف يا صديق القصر الجمهوري ده لو جابوا(رمادا) الطابق الاول اخوك ما بهوب جنبوا..وبعدين
البدل دي انت السبب فيها قلنا ليكم خلونا جنب الحراج قعدتوا تنقوا لينا في راسنا لحدي
ما ياهو فكيناها ليكم في راسكم شي بدل وكرفتات واديس وشنو شنو..و ياهو القصة جايبة ليها قصر
جمهوري و(كيكي اركاوي) وفيها سلطة وثروة (كده كويس يا صديق)..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
Quote: افهم شنو يعني عندك راي في سيد عبدون ولاشنو يعني؟؟؟
فهمني بس ,,,
شايف يا خليل زولك من اسع بداء في شوت العلاقات القديمه
امثال سيد عبدون ربيب نعمته هنا وشريك ورطته الاولى حينما كان وحيدا ودون وعي (اسفيري) |
فيصل والله الجمجرة عندك اوبلاش
الليلة سوق(مركيتو) ما زيكم ...
سيد عبدون صحبي وشريكي في الجاهلية الثانية لكن ما بنصح زول يصاحبو
وانا لو في حاجة طيرت مني حكاية القصر القصر الجمهوري بتكون صحبتي للدنقلاوي المجرم ده..
| |
|
|
|
|
|
|
|
|
 Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
| Quote: عبد الكريم الامين في القصر الجمهوري |
( واذلاه .. يا لتغلب ) ..
دي في الهتافات الرسمية و معاها لافتات شجب و إدانة ..
و نعمل لعبة محشية دلاقين و قطن كده زي بت أم لعاب ( فزاعة ) على شكل كيكي .. و نحرقها .
و شوية صور كده نطبظ فيها عيونك يا كيكي يا متخرط ..
لكن تحت تحت كده و في الكمبو بالليل نغني ليك برااااااااحه :
( أبّا موسى متين جيتا من الغربة , سلامي عليك ) .
بالله يا كريم , و بحق العشرة و الملح و الملاح ..
ناصية القصر الشرقية , في الركن القريب من بيت الضيافة داك .. فيها موقع كشك جنباوي كده ..
لأخوك .. أبيع فيهو ( ود عماري ) رئاسي ..
خليل يمطّر ..
و هجو ينفخ الأكياس و يفتّحها .
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: Siddig A. Omer)
|
يا عمدة ياعماد
يابروتس..
اسمع الكشك الناصية ده مع اني كنت رامي عيني عليهو..لكن ما يغلي عليك يا فردة..
بس انتو كربو التمطير وخلو العماري ممتاز عشان الواحد يطلع ومعاهو الاخوة الوزراء ويجي
(يسف منكم)..وتبقي القصة كلها 0سف*سف..
وبعدين الفزاعة دي ما حتقدروا عليها لانو بتكونو عاوزين ليكم طن بتاع دلاقين لزوم (الشلاليف )..
عمموما الفيك اتعرفت يا مان..
وممكن نعمل معاك منبر مفاوصات في اي حتة مطرفة (منبر كنشاسا) كيف معاك ولا (معاكم احسن)
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
Quote: خليل ياهندسة
قطع شك انت قاصد القصر العينى
وترجمتها بالسودانى التجانى الماحى
|
اوووه بدر
فاتك الشر يا صديق
وانت بالذات عندي ليك مفاجاة سمحة كده وح تعجبك يا كهل يا اربجي..
خليل وعرست ليهو اربعة حور عين..
انت حنطلع قرار جمهوري واعرس ليك يا بدر عرس المنبر ده كلو يتلكم فيهو...
البوستات كلها بدرالدين الامير ورورورو عرس..
ولو مشيت معانا في القصر العيني دي ح اقول شمار العروس هنا في البوست ده وبعد داك تعال شوف..
عشان كده ياصديق اخير ليك بارك لي القصر الجمهوري او حنمشي تجاني الماحي سوي..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
خليل يا خليل
حمدلا بالسلامة يا رجل. كيف لقيت السودان والبيضان؟
تعرف يا خلى
كيكى ده
(لو فى عشرة منو فى البلد
ما كانش كان اللى كان)
كما يقول احمد فؤاد نجم.
تعرف لو ناس الكمبو وغيرهم اداروا شئونهم بنفسهم فى ديمقراطية وحرية
لما كان هناك قصر جمهورى من اصلو.
على كل حال لو شاءت الظروف وذهب كيكى الى القصر
فإن القصر سوف يبدأ رحلة تحوله من قصر الحكم والسلطة الى قصر الشعب حقيقة لا مجاز.
وسوف نرى (الكفيف شايل الكسيح) فى طريقهم الى القصر
يبحثون عن عدل وعن رحمة حين سمعوا ان واحدآ منهم ، من عامة الشعب، قد صارت له سلطة.
او بالاحرى
سوف نرى القصر يمشى الى الناس
يتفقد احوالهم. ويجبر ضررهم وكسرهم. ويأخذ للضعيف من القوى. ويقيم العدل.
ولا شك ان كيكى سوف يتعلم من دروس الطغاة.
فنفس هذا الكلام كان يقوله نميرى باسم الاشتراكية والعدل والكفاية.
وقاله الطغاة من بعده. ناكل مما نزرع! وهل ينمو الكافيار فى السودان؟
ونلبس مما نصنع! وهل للحرير مزارع ودودة قز فى السودان؟
كيكى بما اوتى من علم ومعرفة ومهارات يمكنه ان يسكن اعلى القصور
وان يلبس افخر الثياب.
ولكنه اختار ان ينحاز الى الغبش
الى سواد الناس فى البلد
الى ناس الكمبو الى ان يسود العدل والقسط فى البلاد.
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: Adil Osman)
|
شكرا يا عادل عثمان شكرا
علي هذه الكلمات العظيمة
واتمني دوما يا عادل ان اكون مستحقا لمثل هذا الكلام العظيم
يا عادل...
وحتما ياعادل مثلي لا مكان له بين قصور الطفابيع
فانا من عامة الناس والفقراء احلامي احلامهم وامالي امالهم
مثل ابناء السواد الاعظم من بلادي ..نحلم بان يكون يكون لنا وطنا متسامحا
ملي بقيم الخير والعدل والديمقراطية و يحكمه اناس عاليو الحساسية والانتماء
لكل الفقراء والجوعي ......
فانا ياعادل لم اخلق ولن احلم ان اكون سلطان بل كل اشواقي واحلامي تذهب صوب ان اكون
انسان..
ولك كل الاحترام يا عادل
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
خـــــــــــليل
صبحك الله بالخير
عندي سعال ناطي لي في راسي وحاميني النوم
زولك ده ماشي القصر برجليه ولا راكبلوا فيل ولا هو( اصلو مافي فيلا فاضي كلهن مشغولات بالاستعراض)
يكون ماشي بكارو من بتاعات سوق ليبيا ديلك وجاريها حمارها (مكادي)
باقي لي الليله ما وصل الساعه الان الثالثه صباحا بتوقيت القصر...
واصلي من ما الله خلقني ما شفت لي زول ماشي يقعد ويشتغل في القصر ده دخل ليهو والشمش مفتحه
بس ننوم وبكرة يقولو لينا فلان قاعد هناك ولا مزازيكو ضاربه,,,
الحاصل شنو يا خوي فهمني براحه
هو قصر ولا كمبو البيدخل ليه كيكي ده؟؟؟؟؟
وعلى كل ان صدق الحدس سارشح نفسي لآن اكون بوقا له.
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: محمد عبدالرحمن)
|
Quote: والله بعد (اتحاديتك ) الظهرت فجأة دى مانستغرب لو لقيناك
جاى مع مولانا فى طيارة واحدة ...وخاصة بعد مفاوضات الشرق
دى بالاضافة الى سفرياتك الغريبة والمفاجئة ... |
ده الكلام يا الحبيب محمد عبدالرحمن
وعاش ابوهاشم..
وانا ذاتي اندهشت باتحادية الاخ خليل التي اعلنها صريحة في احدي البوستات
وقال صراحة (حزبنا)..
وكدي يا الكودار السرية الظهرت مع نسائم القصر..!!
والجمهور في انتظار خليل محمد خليل الاتحادي...
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: احمد التجانى احمد)
|
Quote: بس اوع من اى اعباء ليها علاقة بالمسائل المالية
ولايتلم عليه طه النور |
يااااا
احمد تجاني وينك ياخ وحمدالله علي السلامة يا صديقي...
وليه غائب كده ومخلي صحبك خليل شايل حالي في الاسافير العربية والافريقية...
وبعدين يا احمدتجاني لو فرضنا جدلا اني ماشي القصر
بدون طه النور كراعي شبر ما بمدها صوب القصر...
لانو اللبع بدون (طه النور) حرام شرعا ولا يجوز..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
صديقي كرمة
قبل التوجه للقصر الجمهوري لابد من اصلحات جذرية
اولا محتاج لكورس بتاع مخاطبة ودها بتعمل للجماعة في المركز الاسلامي الافريقي
لازم تتعلم كلمات مثل حقيقة واحسب وانداح ومشروع حضاري ودول استكبار وبلاش اللغة بتاعة موغل
ودهشة ودخان وخيانة وكمبو الري وكمبو كتر الدخلو ودر
محتاج لدورة في علم الادارة رغم امكانياتك الفكرية العالية لانو شائف طريقتك في الادارة مش ولابد
كورس بتاع لغة فرنسية والمانية لانو القصة حايكون فيها سفراء وسفر
خلينا نختار الاستاف بطريقة مهنية
فيصل عباس مرشح ليكون من الهتيفة رايك شنو
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
باشمهدسين --- سلام كتير
علي الحلف يا عبد الكريم أسمع بيك عينوك في القصر الجمهوري إلا أمشي الجزيرة وأحمل السلاح وأتمرد
وتجي إنت زاتو تتفاوض معاي وما أرضا إلا بمساعد رئيس الجمهورية وقسمة السلطة والثروة
بالله شوف المهمش ده
كاف
كل واحد إتمرد حنسوه وأدوه مساعد رئيس الجمهورية - هو رئيس جمهورية ولا تريلا - زي ما قال ود هباني
ودالبدري
مبدئيا
زعيم الحركة الشعبية في الجزيرة - مركزها الزبيرات
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
Khalil
sorry to use your post for a different purpose
but wanna ask AbdelKarim if he's the brother of
Ahmed Elamin Ahmed Yousif, a Fac. of Arts grad?If
that's the case; would you please AbdeelKarim
drop me Ahmed's Phone or Email through the messenger.
And if that's not the case; my congrats in your
new position
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: unixo)
|
ياهو ذاتو شقيق احمد الامين
شكرا علي مرورك
تم ترشيح المهندس كريم لمستشارية الزراعة والبرنامج واضح
اعادة الحياة لمشروع الجزيرة
ومشاريع الاعاشة بالنيل الابيض
الاهتمام بالزراعة المطرية
توظيف كل خريجي كليات الزراعة
ادخال الميكنة والحيوان مثل هولندا
وهناك افكار اخري سيقدمها السيد المستشار
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
يا خليل هبشت عضم البلد والموضوع خشي الحوش والقصة بعد ده دايرة كلام كثير ونقة..
المفوضية الزراعية دي ام المفوضيات وراس الرمح في اي تغيير جذري لواقع السودان الكعب
وبتخلي الواحد يديها مساحة وزمن في القصر..
1-ولازم تشمل ناس جاديين_ صارمين_حماسهم طاغي_ ومنظمين...علي كل المستويات...
المزارعين_اصحاب الحرف المرتبطة بالزراعة_ فني الزراعة_ الزراعيين _ الخبراء..
واهل الميكنة الزراعية من مهندسين زراعيين ومهندسن ميكنيك وخبراء.
2-يتراجع كل نظام وزراة الزراعة السودانية..ووزارة الري ويضخ في ذلك فهم لفلسفة زراعية
جديدة وحديثة طويلة وقصيرة المدي ومدروسة ومحسوبة بالدقيقة والثانية
ولسع ده شوية من المدخل للموضوع وبجيك يا خبير يا اجنبي..
ولكن خليني اسلم علي دفعة احمد الامين ناس الاداب ديل..
واحمد معنا وهو عضوا بهذا المنبر ولكن ا حمد دوما هو احمد ولازال يمارس التمرد
وورينا اسمك ممكن نلقي ليك مفوضية اصلكم ياناس الاداب وبالذات تلك الدفعة مبدعين شديد
ونبلاء
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
AbdelKarim
salm
finally I get hold of you and your trouble-maker brother. where
in the hell had you been hiding all these years? Last time I talked
to this nomad he was on his way to Kenya with the promise to keep in
touch; but he just vanished
I've seen your phone in the profile and I will ring you soon
thanks
Ahmed Yousif
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
كيكي ،،،
تسفاى ،،،
عبدو ،،،
كرومة ،،،
المهم بكل الأسماء و الألقاب الفاتت و الحاضرة والجاية (الجاية دى المهمة) ،،،،
مبرووووووووووووك الجماعـ(ـة/ ـتين) وقعوا الإتفاق ،،،،
وجابوهم فى نشرات الأخبار ،،،،
يعنى الفوق ده كلو بقى صحـى ،،،،
وأصحى يــا زعيـــــم ،،،،
حجزت ليك مقابلة مع (B.N. TV) =
زمان ناس جامعة الخرطوم كانت عندهم B.N. أوع تخلط ....
(لاحظ الضمير اللاصق فى الفعل بتاع الجملة الفوق)،،،
ناس القصر ديل ياسعادتكم ( حلوة سعاااادتكم دى) بحبوا إكثروا من المستشارين ،،،
وحضرررررررتكم عارف و خابر قدراتنا،،،، وزى مشكلة الصومال دى ما فى زول غيرى بقدر عليها،،،،
بس إختار بدلة بيضاء فيها خطوط سود ،،، مش سوداء فيها خيوط بيض ،،، إنت عارف السبب ،، مش؟؟؟
عشان الجماعة الحاسدين مـا يقولوا بتاعة الأستوديو ،،،، أصــلوا صــاحبنا داك كان لابس واحدة .......
أنا ما تخاف على ،،،، أصلى برجوازى وبدلى كتيرة ،،،
منتظرين تعليماتكم ،،،، مــا تنسى ترسل لينا (الأبونى) بتاع طيارات سودانير ،،،
عشان دايرين نبدأ لف و دوران طوالـى ،،،،
و ماتنسى تطلع القائمة بتاعة قطع الأراضى ،،،، ما إنت مساح واليد بتاورك ،،،
لنا عودة
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: Mohamad Shamseldin)
|
| Quote: وبعد داك مش دابة ودار...انا ناوي يا خلي اعرس ليك اربعة من الحور العين .. |
حرام عليك يا سيادة السيد كي كي
الراجل عاوز اوديك القصر الجمهوري وانت عاوز توديهو أبو هامور ؟
انت عارفني أنا موضوعي بسيط لا أرض ولا اكشاك ولا وظائف
بس تعرس لي واحدة كدا من سكرتيراتك بس تكون مروقة (مش من الحور العين بتاعات خليل)
أصلي أنا لسة جاهل وسغييير وما شفت للدنيا حاجة
أنا يا كي كي القدري لسة بشاغلوا في بنات الجيران
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: شكرى سليمان ماطوس)
|
Quote: وجابوهم فى نشرات الأخبار ،،،،
يعنى الفوق ده كلو بقى صحـى ،،،،
وأصحى يــا زعيـــــم |
مرحب بشكري
وحبابك وحباب الاشقاء في القصر الجمهوري وانتو سياد الساس والراس يا اخوي
ولاعبين القصر (ون تو) من زممممممممممان..بس القصة ما بتدي حريف وتعز من(تشاء) بعد مرات...
ركز علي (من تشاء) دي عليك الله واقراها صاح..
وبعدين يا شكري انا مية مرة قلت ليك الجماعة ديل 3 انواع..
الوقعوا ديل ما ناسي..
لمن يوقعوا ناسي تاني الا تجهزوا الاحتياطي من كشف المهندسن في انتخابات الجالية وتملو الخانة
بتاعتي يا صديقي
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
يا خلي وقف البوست شوية...ويازمن وقف شوية!!!
ونحي الاخ الاكبر احمد يوسف وعادت ذكريات وشخوص كنت اظن انها ذهبت مع
رياح السنين والشواطي والمواني والرحيل......
سلام حار وتحية اخوية صادقة اخي احمد يوسف وبحضورك هيت نسائم من دعاش النهود
ممزوجة بريحة الرمال وعبق القيزان وجالت بالذاكرة افراد نبلاء من دفعة 1984
اداب الخرطوم..عبدالله مصطفي وزاكر و ابراهيم يس وعبدو حسن ونعمية كودي والمرحومة اختي الغالية
اعتدال زكريا وابو الحسين وعصام السمين ونعمات القاضي وشيخ الامين الذي اظنه انه اصبحا زائرا دائما لتلفزيون السودان يقراء غريب الشعر واجزله..واذكر ايضا اخي العالي التهذيب (عطا) والكثيرين من الاخوة الذين كانوا اخوة كبار وعظماء حقا..ولك كل التحايا والود والشكر الكبير علي حضورك الينا في هذا السودانيز الذي اعادنا الي عصر احمد يوسف مرة اخري....
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
Quote: تعرف الطريقة المثلى لدخول عبدالكريم القصر هى طريقة الصديق الحاج الصديق الرقم 13
طلعنا معه فى مظاهرة فقال لنا نمشى القصر و بعدين عندما نصل القصر شيلونى و ارمونى جوه القصر |
مرحب محمد
وابو ضفيرة حليلو ياخي والله يطراه بالخير
عندو غرام خاص بالقصر الجمهوري ..مرة كنا بنسمع في الركن بتاعو وجات سيرة القصة الجمهوري
قال انظروا الي عدد حروفه كم هي؟؟
قام واحد عداها سريع وقال ليهو 13
وهنا ابتسم ابو ضفيرة وقال انها 13 اجل وهو لنا باذن الله
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
Quote: انت عارف انا من بكرة دي ماشي ابوعشر اجيب (ابو2) واقدم ليهو لوتوري
اها شيل شيلتك معاهو |
بهذا نعلن نحن اهالي سنار تبرأنا من ما ورد في مداخلتنا السابقة
و الذي قام أحد المخربيين بدسها لافساد الروابط الاجتماعية وزرع الفتن
بين ابناء المنطقة الواحدة ونعلن ان ابننا كيكي هو أحد ابناء المنطقة
الباريين وعليه نؤكد وقوفنا معه وتأيدنا ......
القصر ..ألقصر يا كيكي
ألقصر ..ألقصر يا كيكي
ع / أهالي سنار
أحمد عبدالله
________________________
كل حاجة ولا ابو2 ده
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: Ahmed Abdallah)
|
خليل إنت من زمن القصر الجمهوري..؟؟؟
دي حاجه يتمنّوها لي زول في مقام the one and only كيكي؟
ده قصر ده؟؟ بي عساكره المكتّحين وريقهم ناشف... ولا الحديقة المزعمطة ديك..
ودبابتين خرد كده واقفين برّة.. المنطقة الصناعية ماتقبل بقطعة منهم..
يا لهملة كلمة قصر!
______
كيكي..
لا تعبأ بمثل هذا الحديث ياصديقي..
وأحلف صادقة..
انه التنقل ما بين قصر الشاورما وقصر الحلوى (ديل عندكم في الدوحة؟)
يمكن أن يكون أحسن بمليون مرة من شوفة تلك الخرابة..
ومصاقرة خفافيشها ذوي اللحى المتعددة الاشكال والمقاسات...
______
خليل..
أنصحك بسماع قصر الشوق لزيدان..
لانه قصور الدنيا دي ما عندك معاها شغلة..
| |
|
|
|
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: نجوان)
|
Quote: يا لهملة كلمة قصر!
|
ها هي دوما نجوان
لكي كل الشكر والتقدير يا صديقتي
واعلم يقينا ان هنالك بعض الاشياء التي يجب ان تدفع اثمانها هنا..ولكن عزائي
ان وجودكم يمتص الكثير ويظلل اشيائنا المشتركة ....
دوما يا نجوان احلم بوطن سادته هم النبلاء الطامحين الي نصرة الفقراء وقيم التعايش
باسس الديمقراطية التي ترفض اعتقال العقل البشري بدعاوي اوامر الاله التي لم ينطق بها ابدا..!!
خليل يعلم جيدا بانني لن اذهب لقصر شوه وجدان شعب باكلمه.. قصر جعل للبوم مكانا عاليا ينعق
فوق كل امواج النيل..قصر اغتال اعز الاصدقاء وانبل الرجال..قصر اغتال وطن....!!
ولكن فلنقل انها الكوميديا السوداء....!!!
لكي كل التقدير والاحترام علي كلماتك التي اتمني ان اكون مستحقا لها يا نجوان..
| |
|
|
|
|
|
|
| |
khaleel
عبدالكريم الامين احمد
Ahmed Abdallah
Siddig A. Omer
هجو الأقرع
سفيان بشير نابرى
فيصل عباس
Emad Abdulla
بدر الدين الأمير
ماجدة عوض خوجلى
عبد المنعم سليمان
Adil Osman
محمد عبدالرحمن
احمد التجانى احمد
الجيلى أحمد
شكرى سليمان ماطوس
Mohamad Shamseldin
معتز القريش
حيدر حسن ميرغني
كمال علي الزين
نجوان
طارق جبريل
فيس بوك
تويتر
انستقرام
يوتيوب
بنتيريست