|
|
 يا تراجي الانقاذ في ( الحتة دي) قلبت هوبة
|
ست تراجي
ايام اكتوبر والمظاهرات مشتعلة احد وزراء عبود قال ليهو اعمل ليهم كورة هلال مريخ
بكرة ما حاتلقي متظاهر واحد.
وكما هو معروف الشعب السوداني بحب الكورة والغناء .
واخيرا انتبهت الانقاذ فبدات تدعم الفريق القومي وتهتم بالرياضة والفن
وفي لعبة ذكية قامت الانقاذ بتكريم العملاق محمد وردي في حفل بهيج وكرمت بتهوفن
السودان عبدالله عربي وهم يستحقان التكريم.
وعليه يا تراجي الانقاذ لو اهتمت بالفن والكورة وفي حاجة تالتة اتحرم منها السودانيين
من سنة تلاتة وتمانين انا حاضمن ليها الفوز في الانتخابات
رايك شنو بس اوعي تقول لي انت كوز وطريقة اغتيال الشخصية دي
|
|
 
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: Adam Omer)
|
| Quote: وشيش كباب وسنت جيمس وفندق الشرق ةفندق افريقياول كندة رويال ( وما تنسى بال عبير فى ام درمان ) |
ايوة يا ادم عمر
والخرطوم بالليل وراس السنة والعلاج المجاني وسكن الطلاب المجاني وقومية الخدمة المدنية
ياخي عندهم ملفات كتيرة عشان اقلبوا هوبة
| |
|
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: khaleel)
|
Quote: وفي لعبة ذكية قامت الانقاذ بتكريم العملاق محمد وردي في حفل بهيج وكرمت بتهوفن
السودان عبدالله عربي وهم يستحقان التكريم. |
الانقاذ دي يا الاخو بتكرم من جيبها ولا القروش دي جايبنها من (قم)
ده يا خليل تكريم صوري لانو التكريم الحقيقي هو الانحياز لقيم الفن المطلق
التي هي اساسا مربوطة بحق الانسان في كل شي نبيل..
...
الانقاذ هي اساسا مش قالبة هوبة بل (متشنقلة)
| |
|
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: khaleel)
|
| Quote: اي تنظيم سياسي ما بهتم بالجانب الثقافي ما عندو مستقبل في السودان |
الانقاذ يا خليل ما عندها اي ثقافة
مش ياها ثقافة دفاعنا الشعبي يا هو دي
وثقافة غناوي شنان وقيقم ورقصات البشير الشتراء دي...
حرم دي ثقافة في بلد فيها ديمقراطية جد الموتمر الوطني ياكل (نيم)
| |
|
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: عبدالكريم الامين احمد)
|
Quote: وثقافة غناوي شنان وقيقم ورقصات البشير الشتراء دي...
حرم دي ثقافة في بلد فيها ديمقراطية جد الموتمر الوطني ياكل (نيم) |
يا كريم عندهم ياخ
امريكا روسيا قد دني عذابها
وعندهم هبت ثورة الانقاذ يوم الجيش للشعب انحاز
وعندهم
في فشلا وبور جيناك في ضري البيبور جيناك
وعندهم خليها المتمة وشندي ليها بعدت وحار بيك الدليل بين الكتائب ضعت
وعندهم تاني
يللا لي كمبالا جكة ويبقي موسيفيني البداية جيبوا حي نضبح حنانو زي خروف يوم السماية
عندهم اغاني موغلة في البوح
| |
|
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: khaleel)
|
| Quote: عندهم اغاني موغلة في البوح |
موغلة في البوح الدموي ...
تخيل واحدة من تقافاتهم بتاعة
(في سبيل الله قمنا نرتقي رفع اللواء
لا لشنو كده قد عملنا
فليعد للدين مجده
او ترق منهم دماء
اوترق منا الدماء
او ترق كل الدماء)
الاخيرة دي ثقافة شاموسونية جبارية موغلة في العلي وعلي اعدائي...
...
الناس ديل ياخليل ثقافتهم ثقافة
الجمرا الخبيثة
طريق الانقاذ الوين كده ماعارف(والطريق ملبوع)
تاصيل شنو كده ماعرف
وترشيد شنو كده ماعارف
وابوجات تجي واوبجات تفوت
ونيفاشا ذاااتها جات ومشت
وثقافة نهيييييي
| |
|
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: khaleel)
|
سلامات
وعوافي
ياخلي ..
| Quote: عندهم اغاني موغلة في البوح |
اتمني انك تراعي الحقوق الادبية "لنحات المصطلحات" ..
فكلمة "موغل" هي مسجلة حسب قوانين الملكية الفكرية "للسارد والروائي كيكي" ..
فيا صديقي لا تمارس "السرقة الادبية" علي عينك يا تاجر ..
اما بخصوص البوست "الجماعة ديل نيتم ما بتتعرف يا خليل" يعني كان صلحوا الكورة والفن "بيعصرونا في حتة تانية" ..
في النهاية بتلقي دايما معادلاتهم ناقصة ايقونة ..
هو لو بيقدروا يعملوا حاجة كاملة معقولة لي هسي ما قادرين يتفقوا في بعضهم ..
والله لو جابوا خليل فرح زاتو الناس تاني مابتدورهم لا هم ولا الحركة الشعبية ..
بس البلد ليها الله وعيشة السوق ..
| |
|
|
|
|
|
|
|
|
|
Re: يا تراجي الانقاذ في ( الحتة دي) قلبت هوبة (Re: ودرملية)
|
Quote: اتمني انك تراعي الحقوق الادبية "لنحات المصطلحات" ..
فكلمة "موغل" هي مسجلة حسب قوانين الملكية الفكرية "للسارد والروائي كيكي" ..
فيا صديقي لا تمارس "السرقة الادبية" علي عينك يا تاجر ..
اما بخصوص البوست "الجماعة ديل نيتم ما بتتعرف يا خليل" يعني كان صلحوا الكورة والفن "بيعصرونا في حتة تانية" ..
في النهاية بتلقي دايما معادلاتهم ناقصة ايقونة ..
هو لو بيقدروا يعملوا حاجة كاملة معقولة لي هسي ما قادرين يتفقوا في بعضهم ..
والله لو جابوا خليل فرح زاتو الناس تاني مابتدورهم لا هم ولا الحركة الشعبية ..
بس البلد ليها الله وعيشة السوق .. |
خلاص يا ود رملية ما تزعل
الناس ديل عندهم تلاقح اخيلة وبلاش موغل بتاعة كيكي دي
لكن حانرجع تاني لناس الفانوس حرق القطية
| |
|
|
|
|
|
|
| |
khaleel
Adam Omer
بشير حسـن بشـير
عبدالكريم الامين احمد
Kostawi
ودرملية
فيس بوك
تويتر
انستقرام
يوتيوب
بنتيريست