|
|
 اتحاد الاعلاميات السودانيات بالخارج ..وجه جديد للمرأة
|
الخرطوم الرأي العام :
سجل أعضاء المكتب التنفيذى للاتحاد الدولى للصحافيات والاعلاميات السودانيات العاملات بالخارج.. زيارة لـ «الرأي العام» وكان في استقبالهن مديرا التحرير الاستاذان ضياء الدين بلال ومحمد عبدالقادر.. حيث عرض الوفد المكون من الزميلات ماجدة عوض خوجلي رئيسة الاتحاد وناهد بشير الطيب نائب الرئيس وثريا فرح يعقوب مدير العلاقات الخارجية والمنظمات خطط وبرامج الاتحاد الذى كانت بدايته الفعلية قبل أربعة أشهر من الآن..
رئيس الوفد أكدت ان الاتحاد سيتم تسجيله بشقين حيث ان التأسيس يلزم أن يكون عدد الأعضاء سبعة.. وعن هيكله العام قالت ان هناك عدداً من الأعضاء منهم سلمى التجاني الأمين العام وهويدا يس من القاهرة وعائشة زكريا من داكار وعواطف ادريس أمانة المال بالاضافة الى الأستاذ حسن أحمد الحسن مستشار المجموعة وفيحاء في النمسا ورفيدة بالقاهرة.. وعن تواصل المجموعة أكدت انه سيكون عبر «ايميل» موحد و«باص ويرد» موحد لكل عضو.. واضافت ان جهاز المغتربين وفر للاتحاد مقراً مؤقتاً الى ان تكتمل بقية التفاصيل..
ناهد بشير الطيب أكدت ان للاتحاد أهدافاً أهمها تنظيم كيان يجمع وينظم مهنتهن كصحافيات بالخارج.. كما تحتل أولوية أهدافه تحسين صوت المرأة في الغرب وتدريب الكادر النسوي وقيام شركة انتاج واعلام متخصصة كاحدى أذرع الاتحاد لسد الفجوة الاعلامية.. وتطرقت الى لقاء المكتب التنفيذى بالأمين العام لجهاز المغتربين الدكتور كرار التهامي حيث عرض أعضاء اللجنة برامج وأهداف الاتحاد في الفترة القادمة.. كما كشفت ثريا فرح عن لقاء آخر بوزير الدولة بوزارة رئاسة مجلس الوزراء كمال عبداللطيف الذى رحب بالفكرة وأثنى على أهدافها.. كما أضافت ان هنالك جانباً آخر يستهدف «شريحة الأطفال» وهو التوثيق لبرامج الأطفال.. وادخال «الأحاجي» والأساطير السودانية كمادة دسمة في أفلام كرتونية معددة ثراء البيئة السودانية والتراث بهذه الأساطير..
المصدر: http://www.rayaam.info/News_view.aspx?pid=525&id=39201
|
|
 
|
|
|
|
|
|
|
 Re: اتحاد الاعلاميات السودانيات بالخارج ..وجه جديد للمرأة (Re: Deng)
|
| Quote: سجل أعضاء المكتب التنفيذى للاتحاد الدولى للصحافيات والاعلاميات السودانيات العاملات بالخارج.. زيارة لـ «الرأي العام» وكان في استقبالهن مديرا التحرير الاستاذان ضياء الدين بلال ومحمد عبدالقادر.. حيث عرض الوفد المكون من الزميلات ماجدة عوض خوجلي رئيسة الاتحاد وناهد بشير الطيب نائب الرئيس وثريا فرح يعقوب مدير العلاقات الخارجية والمنظمات خطط وبرامج الاتحاد الذى كانت بدايته الفعلية قبل أربعة أشهر من الآن.. |
اطيب الامنيات للاخوات في الاتحاد ونسال الله ان يوفقن في خدمة العضوية بالصورة التي تمكن من تجويد وتطوير العمل الاعلامي للمراة السودانية
واخص بالتهاني البوردابيات ماجدة عوض خوجلي رئيسة الاتحاد وناهد بشير الطيب نائب الرئيس
وشكرا جزيلا الاخت انعام
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: عمر صديق)
|
Quote: اطيب الامنيات للاخوات في الاتحاد ونسال الله ان يوفقن في خدمة العضوية بالصورة التي تمكن من تجويد وتطوير العمل الاعلامي للمراة السودانية
واخص بالتهاني البوردابيات ماجدة عوض خوجلي رئيسة الاتحاد وناهد بشير الطيب نائب الرئيس
وشكرا جزيلا الاخت انعام |
اخى الكريم عمر صديق
تحياتى لك
ولك منا الشكر العميق على التهنئه ونتمنى ان نكون عند حسن ظن من حسن ظنه بنا ونستطيع تنفيذ
الاهداف التى تم من اجلها قيام هذا الملتقى
وتسلم انشالله ...
| |
|
|
|
|
|
|
|
|
 Re: اتحاد الاعلاميات السودانيات بالخارج ..وجه جديد للمرأة (Re: Deng)
|
الحبيبات الغاليات
تحية و محبة و تقدير
الحقيقة أول مرة أسمع بهذا الاتحاد الذي من المفترض أن يضم(وفق إسمه) كل الإعلاميات و الصحفيات المحترفات خارج السودان اللائي يعملن في أجهزة إعلام و صحافة ويعملن في مهنة الصحافة و الإعلام، رجاء تنويرنا كيف تكوّن و متى كانت الجمعية العمومية و من كن حاضرات؟وكيف نشأت الفكرة؟
محبتي
لنا
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: lana mahdi)
|
Quote: الحقيقة أول مرة أسمع بهذا الاتحاد الذي من المفترض أن يضم(وفق إسمه) كل الإعلاميات و الصحفيات المحترفات
خارج السودان اللائي يعملن في أجهزة إعلام و صحافة ويعملن في مهنة الصحافة و الإعلام، رجاء تنويرنا كيف تكوّن
و متى كانت الجمعية العمومية و من كن حاضرات؟وكيف نشأت الفكرة؟
|
فى انتظار رد العزيزات ماجدة وناهد على هذه الاسئلة مشكورات
------
نعومة كيفنك ياختى؟!!
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Raja)
|
Quote: الأخوات العزيزات ماجدة، ناهد ، عواطف ،( سلمي التجاني)، هويدا، رفيدا، عايشة..
عضوات اللجنة التنفيذية للاتحاد بكامل عددها ..زميلات المنبر ناهد وماجدة وعواطف
وسملى، اللائي فجرن مفاجأة من العيار الثقيل..
أولا مسئولات من الخير.. من متين قررتن فرز عيشتكن وتكوين اتحاد لا ناقة لنا فيه ولا جمل؟
معقولة يا ناس.. اتحاد الإعلاميات والصحافيات وبكامل لجنته التنفيذية...حتة واحدة؟
لماذا لم تطرح فكرة الاتحاد للمداولة في هذا المنبر العامر ولماذا تم تغييب نفر كريم من
الإعلاميات والصحافيات العاملات في الخارج، وزميلات لكن في هذا المنبر الذي تكتب
اربعة من المكتب التنفيذي لهذا (الاتحاد) في هذا المنبر العظيم؟
ليش ما تم تنويرنا، خاصة والاتحاد يحمل اسمنا؟
لماذا التكتم أصلا من جهات يفترض بها الوضوح والصراحة والشفافية؟ دا اتحاد ولا خلية سرية؟
معقولة أربعة شهور بالتمام والكمال في المنبر دا والاتحاد كان يعد ويجهز له وانا الكنت فاكرة
من العنوان بس انو الشغلانية دفن الليل أب كراعا برا.. لا والله واضح انو الشغل مجيه في (الاتجاه) الماشي فيهو.
سؤالي الاول لماذا تم تجاهلنا؟ ولماذا تم تكوين اتحاد باسمنا؟ ولماذا فرض علينا فرز عيشتنا المهنية
من إخواننا الصحفيين دون شورتنا؟ والقال نحن عايزين نفرز (عيشتنا) منو؟
طبعا من الغباء السؤال عن توجه هذا الاتحاد خاصة وان مباركته جاءت من قطبي الرحي
د. كمال عبيد ود. كرار التهامي..
طيب بعدما اتكون الاتحاد المطلوب مننا شنو؟ نجي نبارك ونقول خلاص البقت بقت ونكمل
جنا السبعة دا ولا الحاصل شنو؟ نورننا الله يرضى عليكن..
انتن (انتو) يا جماعة السعودية ما محسوبة في الدول البرا ولا شنو؟ عشان انا وخيتي عزاز
دي نشوف لينا صرفة؟
(سلمى التجاني) ؟؟
(تحسين صوت المرأة في الغرب) اقتباس..
ماذا بها المراة في الغرب؟ نورننا الله يرضى عليكن.. ما حصل يوم سمعنا بواحدة ماتت في
كشة دفاعا عن كفتيرتها وكبابيها و مطبخها المتحرك.. رحمك الله يا نادية ووسدك الباردة..
-------------
من هو حسن احمد حسن الذي يشغل منصب المستشار؟ كيف يكون اسم الجسم الجديد (الاتحاد
الدولى للصحافيات والاعلاميات السودانيات العاملات بالخارج) ومستشاره رجل؟ |
الاستاذة حليمة.
شكرا لطرحك لهذه الاسئلة الهامة، وشكرا لوعيك ولمتابعتك ولوصفك الدقيق في ما تم بأسمكم كصحفيات . أنا في أنتظار رد الاخوات المعنيات بهذا الامر. واضح جدا بصمات الكيزان في هذا التنظيم المشبوه.
دينق.
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: شول اشوانق دينق)
|
هذا اتحاد مشبوه وهو بوق للحكومة
لقد اعد بعد مؤتمر الزيف الذي القصد منه تجمييييل
وجه الحكومة القبيح الذي لا يجمله زيادة اتحاد ديكوري
تم بغياب غالبية اعلاميات وصحفيات الخارج
لكن نعيش كثير نشوف اكثر
سوف نفضح زيف الحكومة باستغلالها لاسماء اعلاميات شريفات للزج بهن في اسماء وهمية القصد منها نشر اباطيل
هذا النظام الذي يتراسه مجرم
اعلاميات ليس فيهن من يمتهن مهنة الاعلام التي تقف مع الانسانية
ضد الظلم
وضد القتل
وضد تقييد الحريات
وضد اذلال الانسان
وضد الفساد الذي انتشر في البلاد
اعلام لتجميل صورة المراة بالغرب
وان كصير من يعملن بالغرب نشرن صورة جيده عن العمل ودافعن عن الانسان وحقوقه
منهم تماضر حبيب الله
منهن اشراقة مصطفي
منهن هالة بابكر النور
منهن صحافيات لا اذكر اسمهن
وان هذا شعار من تحته بلاوي
سوف يكشف الزمن ما ورائها
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Sabri Elshareef)
|
يجب محاربة خطط الاخوان المسلمين
وهذه ثمار مرة من مؤتمر تايييد الحكومة مدفوع الاجر
وكمان زيارة اهل
وعكس صورة حسنة للمراة في الغرب
وهل الغرب واضع صورة سيئة للمراة ؟؟
ام ان الغرب واضع صورة سيئة للحكومة كلها؟؟؟
هل مهمة الاتحاد تزييين صورة الحكومة واستغلال اسم الشريفات من نسائنا بالمهاجر البعيده ؟؟
اي زيف هذا
واي استغلال هذا
يجب فضح هذا الاتحاد المشبوه ورفض استغلال اسماء الاعلاميات والصحافيات بالخارج
لغرض ان يمرر كمال عبيد وكمال عبد اللطيف وكرار التهامي اجندة حيكومة السجم والرماد من خلالنا ؟؟؟
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Sabri Elshareef)
|
نفس السيناريو يتكرر..
لم نكمل ايومين من عودتنا من مؤتمر الاعلاميين الأول ، اذا بمفاجأة تكوين ما يسمى باتحاد الاعلاميين في الخارج، دون نظام اساسي أو لجان تمهيدية أو حتى جمعية عمومية، ليتم مواجهته ومقاومته بشدة من جميع الاعلاميين.
وهذا نفس الموال ونفس السيناريو، وليد مشوه ، بل لا اب له أو أم، فكيف بهؤلاء الزميلات يتجرأن بالاعلان عنه بعد الملتقى وليس خلاله ؟؟
على جهاز المغتربين أن يرفع يده عن التكوينات الأهلية والمنظمات المدنية وليبحث له عن أدوار أخرى غير شق الصفوف وتفتيت وحدة القطاعات الفئوية والمهنية ، فقضايا المغتربين لا تنحصر في حل أو تكوين ، فهي على قفا من يشيل، واذا عجز الجهاز عن مواجهتها فما على قيادته الا الرحيل اليوم قبل الغد، فهذا الجهاز اذا كان لا بد منه ، يجب أن لا يكون حكراً على ) المؤتمرجية)..؟ ألقوا نظرة على أعماله وانجازاته .. ماذا قدم وماذا سيقدم؟؟
أما الزميلات القياديات الجدد فأقول لهن لقد بدأتن مشوار القيادة الاعلامية من المكان الخطأ وبالنهج الخطأ الذى لا يقبله الجميع.. نأمل أن لا تكن أداة للآخرين .. وهذا ما نبربأ به عن الاعلاميين والاعلاميات.. فاتعظوا باتحاد الرجال الذى انتهى الى زوال .
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
سلام يا إنعام وكل الإخوة والأخوات المتداخلين
الفكرة التي تمت مناقشتها مع بعض الزميلات هي تكوين ملتقى للصحفيات والإعلاميات بالخارج لا علاقة له بالسياسة تتاح فيه فرصة المشاركة للأخوات الراغبات في الإنضمام لهذا العمل بعد الإيمان بأهدافه وبالتالي لا يتحدث إلا بإسم المشاركات فيه ومقره المملكة المتحدة .
من أبرز أهدافه إتاحة الفرصة لإعلاميات الخارج لتنظيم أنفسهن والإسهام بفاعلية في قضايا البلاد .
ومن أبرز ما يعنى به قضايا المرأة والطفولة والنزوح ، وفي هذا الصدد يسعى الملتقى لإنشاء قرى للإطفال ( مجهولي الأبوين ) كنوذج قرى الاس او اس وإقامة أسر بديلة، ودعم الجهود القائمة أصلا في هذا المجال
إضافة لإنشاء مراكز بالعاصمة والولايات لتدريب وتأهيل النساء وإجراء دراسات دورية عن وضع المرأة بالسودان .
كذلك دعم مراكز الكلى والسعي لإنشاء مركز يقدم خدمات مجانية للفقراء منهم
وإقامة مركز للدراسات والبحوث تتفرع منه مؤسسة لقياس الرأي العام
ومركز لتدريب وتأهيل الصحفيات والإعلاميات السودانيات وإتاحة الفرصة للمشاركة والإحتكاك بالمؤسسات الإعلامية العالمية لصقل الخبرات وأي مشروعات أخرى تتماشى مع أهدافه
السعي لتكوين ملتقى إعلاميات إفريقيا
هذه هي أبرز أهداف الملتقى
بعد إجتماع الزميلات بالسودان قررن تغيير الإسم لإتحاد
وهذه النقطة يمكن أن تعلق عليها ماجدة وناهد
عموما أعتقد أن هذا الجسم – بعد اخذ تحفظات الزميلات رجاء واشراقة ولنا في الإعتبار –
يمكن أن يشكل نواة لكيان إعلامي فاعل لصحافيات وإعلاميات الخارج
ويمكن أن يقدم الكثير
وبما أنه كيان وليد يمكن النقاش حوله وتوسيعه ليضم الكثير من الكفاءات في هذا المجال
والحكم عليه هكذا جزافا وبمجرد الإعلان عنه فيه تبخيس للفكرة من أساسها
الاخوات ماجدة وناهد يمكنهن التحدث أفضل مني عن ظروف التكوين
فلم اكن موجودة لحظتها
حليمة محمد عبد الرحمن سلام
كتبتب اسمي بين قوسين مرتين ومرة قدامو إستفهامين ارجو التوضيح
ونسبتي لي كلام أنا ما قلتو
Quote: (سلمى التجاني) ؟؟
(تحسين صوت المرأة في الغرب) اقتباس..
فما عارفة المقصود شنو
الحديث عن تسييس العمل فيه شيئ من التسرع لأنه كيان يهتم بقضايا لا علاقة لها بالسياسة كما ورد في مشروع نظامه الأساسي .
أكرر ان الدولة المقر للكيان هي بريطانيا والسودان دولة مستفيدة من برامجه
والعلاقة بينه والسودان هي ضرورة وجود مكتب لتنسيق نشاطه هناك
(عدل بواسطة salma altijani on 22-05-2009, 02:33 م)
الاخت سلمى التجاني.
أعتقد أنك تناقدين نفسك. كيف يكون إتحاد للصحفين وفي نفس الوقت لا علاقة له بالسياسة؟
أنظري ما تحته خط في ما خطه قلمك وحديثينا عن الفرق بينهم وبين ممارسة السياسة.
حيل وأرنبيات الكيزان لن تمر علينا أبدا. وأتحادكم هذه أتحاد كيزاني وأهدافه واضحة وضوح الشمس.
بلاش ضحك على عقول الناس.
| |
|
|
|
|
|
|
|
|
 Re: اتحاد الاعلاميات السودانيات بالخارج ..وجه جديد للمرأة (Re: Deng)
|
| Quote: اتحاد الاعلاميات السودانيات بالخارج |
الاخوات العزيزات
احترامي لكل اخت ورد اسمها هنا...لكن؟؟؟؟؟؟؟؟
متى تم تكوين هذا الإتحاد؟
ماهي أهدافه؟
وعلى أي اساس تمت العضوية؟
ماهي المؤهلات والاسس التي على خلفيتها تم تصنيف الأخوات اعلاميا؟
اسئلة كثيرة ومتشابكة تضاف الى اسئلة الاخوات التي وردت فوق ...على اي اساس يطرح كيان اعلامي يمثل غالبية كبيرة دون علمها...
نود فقط التوضيح ...مع الإحترام,,,
حنين للبلد
اعلامية من 1996 ...ويخربها ماسمعت بي الإتحاد ده الا الليلة...
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: حنين للبلد)
|
| Quote: الحديث عن تسييس العمل فيه شيئ من التسرع لأنه كيان يهتم بقضايا لا علاقة لها بالسياسة كما ورد في مشروع نظامه الأساسي |
سلامات ياسلمى..
اقتبس هذا الكلام لحين اجد وقتا لتناوله بالتحليل...
الغريبة ومن فترة طويلة شاغلنى موضوع السياسة والاعلام فى السودان..
منطلقاتى لمعالجة هذا الموضوع تتمحور فى انه لايمكن باى حال من الاحوال فصل الاعلام عن السياسة ولافصل السياسة عن الاعلام
وكل الاهداف التى ذكرتينها بعض النظر عن موقفى من كيان تكون باسمنا { اعلامية بحكم التخصص الاكاديمى والممارسة}.. طالعة من رحم السياسة,,
سؤال تانى يشغلنى ايضا.. ماهو الاعلامى/الاعلامية؟
هل كل اللآتى فى لجنتكن هذه اعلاميات فعلا؟!!
ساعود بتناول هذا الموضوع بتروى ورؤية نقدية {اتمنى ان لاتفسد الود بيننا, واعنى اخوات لنا هنا وانتى احداهن}
فقط انتظر رؤية الاخوات ماجدة وناهد...
والى حين بيننا كل الاحترام....
------
لا سياسة بلا اعلام ولا اعلام بلا سياسة..... شعارى لكل المراحل...
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
سلام يا إشراقة
تأكدت الآن أن هناك خطأ حدث فخرج الخبر بإتحاد
ربما هو خطأ من أحد الأخوات اللاتي أدلين بالتصريح
لكنه ملتقى
forum
يخضع لقوانين المنظمات البريطانية
وبالتالي كما تعلمين لا مجال لتسييسه.
كل عضوات الملتقى لهن علاقة بالإعلام
إما الصحافة أو الإذاعة أو التلفزيون
ونقاشك سيكون مفيد في سؤال من هو الإعلامي
مع ان إقتراحي كان أن يأتي الإسم ملتقى الصحفيات
والإعلاميات السودانيات بالخارج
انحيازا للصحافة وإتاحة لفرصةالمشاركة لكل من
تعمل في مجال الإعلام أو المهن ذات العلاقة به
وكما ذكرت يا إشراقة فان الكيان وليد وقابل للتفاكر حول
اهدافه ونظامه الأساسي قبل الشروع في تسجيله
مع ودي
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
العزيزة الفاضلة سلمى..
ســلام ومحبة..
شكرا ليك لإحترامك لكل المشاركين وإهتمامك بالرد والتوضيح..
| Quote: الفكرة التي تمت مناقشتها مع بعض الزميلات هي تكوين ملتقى للصحفيات والإعلاميات بالخارج لا علاقة له بالسياسة تتاح فيه فرصة المشاركة للأخوات الراغبات في الإنضمام لهذا العمل بعد الإيمان بأهدافه وبالتالي لا يتحدث إلا بإسم المشاركات فيه ومقره المملكة المتحدة . |
تــــمام.. وعليه يجب تغيير الإسم من إتحاد الإعلاميات السودانيات بالخارج إلى:
ملتقى ماجدة، ناهد، ثريا، سلمى، رفيدا، هويدا، عواطف، عائشة، فيحاء وحسن في الخارج أو الداخل زي ما بتحبًوا.. وتعملوا تباديل وتوافيق لحروفكم الأولى وتشوفوا المناسب (منثسرهععفح)(ده إجتهاد من عندياتي)..
ويبقى عداكم العيب ومافي أي لوم أو عتاب أو تساؤل حيجي من عندي أو أي إعلامية أو إعلامي في الخارج (ما جايب خبر)..
تحاياي
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Raja)
|
الغالية رجاء
كل الود
والله بالجد تعليقك ضحكني خاصة اختصارات الأسماء
بس انتي جبتي جزء من كلامي وما جبتي الباقي
Quote: عموما أعتقد أن هذا الجسم – بعد اخذ تحفظات الزميلات رجاء واشراقة ولنا في الإعتبار –
يمكن أن يشكل نواة لكيان إعلامي فاعل لصحافيات وإعلاميات الخارج
ويمكن أن يقدم الكثير
وبما أنه كيان وليد يمكن النقاش حوله وتوسيعه ليضم الكثير من الكفاءات في هذا المجال |
وبرضو
Quote: وكما ذكرت يا إشراقة فان الكيان وليد وقابل للتفاكر حول
اهدافه ونظامه الأساسي قبل الشروع في تسجيله
|
يا رجاء الكيان جديد وكثير من وجهات النظر اللي طرحت هنا مهمة ومفيدة
مع محبتي
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
Quote: الغريبة ومن فترة طويلة شاغلنى موضوع السياسة والاعلام فى السودان..
منطلقاتى لمعالجة هذا الموضوع تتمحور فى انه لايمكن باى حال من الاحوال فصل الاعلام عن السياسة ولافصل السياسة عن الاعلام
وكل الاهداف التى ذكرتينها بعض النظر عن موقفى من كيان تكون باسمنا { اعلامية بحكم التخصص الاكاديمى والممارسة}.. طالعة من رحم السياسة,, |
الاخت أشراقة.
إذا كان الصحفي أو الاعلامي في السودان يشتغل بالعمل الصحفي الرياضي سوف يجد نفسه يصتدم بالسياسة، فمثلا عندما تقام الجمعيات العمومية للأندية الرياضية تتدخل بها الدولة أو السلطة تدخل سياسي. حديث سلمى التجاني نوع من التمويه وممارسة الخداع والكذب ومحاولة رخيصة لتضليل الناس. كلمة Forum كلمة عائمة الغرض منها تضليل الناس. أن الذي حدث هنا هو أحد ثمرات ملتقى الكيزان الثقافي . وهنالك الكثير من الاتفاقية السرية التي عقدها الكيزان، وهنالك بعض الاعلامين مجرد "طرش في زفة"
دينق.
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Deng)
|
جمعيه الصاحبات غرضها تزييين وجه الحكومة لا يجب الزج باسماء اعلاميات الخارج اللائي
ناضلن ولا يزلن يواصلن النضال ضد هذا النظام المجرم
هذا تخطيط الاخوان بالسودان
اتحاد حتما يولد مشوها لان راعيته الحكومة فهي اكثر تشوها من اتحاداتها التي تريد ان تجمل بها وجهها الدميم
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Hadia Mohamed)
|
السيدة هادية سلام
Quote: وين الاعلاميات المحترفات؟
|
كل الاسماء الشفتيها اعلاميات محترفات كل واحدة في مجال عملا
| Quote: ولا ديل ناس المؤتمر ؟ |
فيهم ناس حضروا المؤتمر وفيهم الما حضر
انعام آسفة على كترة الطلةوبتمنى بقية الزميلات بالملتقى يواصلوا في البوست متى ما وجدوا فرصة
والشكر موصول لجميع المشاركات في البوست
والمشاركين
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Deng)
|
غايتو يا دينق الله يهدينا ويهديك
| Quote: إذا كان الصحفي أو الاعلامي في السودان يشتغل بالعمل الصحفي الرياضي سوف يجد نفسه يصتدم بالسياسة، |
المنظمة مقرها بريطانيا وأهدافها واضحة ومكتب الخرطوم لتسيير العمل فقط شنو البيدخلا بالسياسة ؟
| Quote: حديث سلمى التجاني نوع من التمويه وممارسة الخداع والكذب ومحاولة رخيصة لتضليل الناس |
التمويه
وممارسة الخداع
ومحاولة ورخيصة
لتضليل الناس ؟
في شنو البيحتاج لتمويه وخداع
اهداف الملتقى ولا كونو مقرو بريطانيا؟
الحاجات دي ما ممكن يكون فيها تضليل لأنو المنظمة
عشان تشتغل لازم تتسجل ولمن تتسجل معناها موجودة ومعترف بيها في الدولة المسجلة فيها
اها التضليل والخداع في شنو وعلى منو
يا دينق انت قاعد في امريكا وما عارفة عندك علاقة بعمل المنظمات الطوعية ولا لا
لكن الفورم لو كلمة عائمة والقصد منها تضليل الناس
بيبقى الخطأ من الدول اللي ادرجت الاسم ضمن انواع المنظمات .
وبتمنى الدكتورة اشراقة خاصة انها ذات تجربة ثرة في هذا المجال
تكلمنا عن قوانين عمل المنظمات في اوروبا
وموقع الفورم منها وكيف يسمح لها بالعمل اذا كان مقصود منها التضليل
كلامك الرخيص يا دينق كلو مردود عليك
وعليك الله تعال كلمنا عن الإتفاقات الرسمية والعلنية لمؤتمر الكيزان
بغرض التنوير
وبمناسبة مداخلاتك دي وختمك الجاهز خليني أحكي ليك قصة اتنين من اهل العوض
شافو من بعييد حاجة سودا
واحد سأل أخوه: يا بلة الداهية دييك شنو
قال ليهو يا أمحمد انت عميت ، دة ما صقر
امحمد : ها بلة ات الاعمى الشي داك عتود
بلة : ازول انت ما بتشوف ، الشي صقر
واتغالطو كدة صقر عتود صقر عتود لحدي ما الشي طار
بلة قال ليهو اها جاك كلامي ؟
امحمد : والله كان طار عتود
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: حليمة محمد عبد الرحمن)
|
Quote: واعتقدت – وما زلت حتى قبيل كتابة هذه السطور- شخصيتك و مواقفك الصحفية الجريئة عاصم لك من إقصاء
زميلاتك الإعلاميات والصحفيات أو التغول عليهن، كما حدث الآن، ثم تفجيرك هذه المفاجأة من العيار الثقيل بهذا
بمولد هذا (الاتحاد) الذي جاء ميلاده بهذه الطريقة، فضلا عن التساؤلات التي تلقى بظلال من الشك حول ماهيته.
يا سلمى غض النظر عن مهام هذا الاتحاد سواء كانت سياسية أو تنموية أو اجتماعية يظل مرفوضا جملة وتفصيلا
بالنسبة لي لأسباب كثيرة أهمها:
بحكم مهنتي واسم الاتحاد وجدت نفسي مشمولة في أمر لا ناقة لي فيه ولا جمل. صحوت ذات يوم على خبر مفاده
أن هناك اتحاد تم تكوينه قبل أربعة شهور بالتمام والكمال من قبل زميلات عضوات نشطات في هذا المنبر الذي
يضمنا وإنني تلقائيا عضوة في هذا الاتحاد رغم انفي بحكم المهنة والموقع الجغرافي!!
يا سلمى.. من الخطأ تزييل ذلك الاتحاد بعبارة العاملات بالخارج، فهي على إطلاقها تشمل كل الصحفيات السودانيات شقيش ما قبلن..
وعليه أنا مع الرأي الداعي إلى أن يكون الاتحاد أو المنبر أيا كان اسمه، دقيقا في توصيف المنطقة الجغرافية التي يغطيها،
إزالة لكل لبس آني أو مستقبلي.
|
وهكذا انتى ياحليمة واضحة ودغرية فى مواقفك... تمثلنى واحس ان مواقفى طالعة من ذات نبعك
قيام واحترام
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: حليمة محمد عبد الرحمن)
|
حليمة الحليمة
ما ندمت على شيئ كتبته كما ندمت على تساؤلاتي التي وجهتها لك
والله أشعر بألم لا استطيع وصفه لكي يا استاذة
وانا التي اشعر دوما انني تلميذة لدى من سبقنني في مجال الصحافة
وافخر بك وبأسمك الصحفي الذي هو كالبلاتين بين زملاء المهنة
واتابع ما تكتبن هنا كلمة بكلمة
فارجو ان تجدي لاختك العذر
Quote: والى حينها كان موقفك من التهميش والإقصاء واضحا
بالنسبة لي، أما الآن فلا (بناء على الوضع القائم الآن).. |
يا حليمة لا زال موقفي من التهميش قائم والملتقى فكرة
تم طرحها على قبل حوالي الثلاثة أشهر وطرحت قبلي لعدد من الزميلات
شاركت في اضافة بعض الأهداف وبعدها اقتنعت بالفكرة
وفي ظروف تشتت الناس في بلاد الله يصعب جمعهم في مكان واحد
بل بعد ان تفرقت السبل بالناس أصبح يصعب جمعهم على كلمة واحدة
لذلك كان المقترح أن ينشأ التكوين بعضوات مؤسسات بعدها
يفتح باب العضوية وتتم الإتصالات بالزميلات
ثم ينتخب المكتب التنفيذي
شخصيا وجدتها فكرة عملية
قد لا تتفقي معي لكن الأمر هكذا
وتم توزيع الإتصال بيننا
أميمة سند وحليمة محمد عبد الرحمن وأخت ثالثة لا أذكرها من السعودية
تتصل بهن الأخت ماجدة عوض خوجلي
وكان على الإتصال بالدكتورة إشراقة
وناهد بشير تتصل بعدد من الأخوات وكذلك عواطف
وخلال الإتصالات يتم مناقشة النظام الأساسي المقترح واللوائح
لنجري انتخابات اللجنة التنفيذية بعد عام
يا أستاذة حليمة ما انتي البهمشوك
وزي ما قلت ليك المسألة ما تهميش لكنها فقط تقديرات
لكن هذا ما حدث بالضبط
| Quote: يا سلمى غض النظر عن مهام هذا الاتحاد |
هوليست إتحاد
ذكرت في مداخلة سابقة ان خطأ ما حدث
فخرج الخبر باتحاد
وهو في الحقيقة ملتقى
وكما تعلمين الفرق كبير
| Quote: من الخطأ تزييل ذلك الاتحاد بعبارة العاملات بالخارج، |
والله النسوان ديل كلهن سودانيات وعاملات بالخارج كمان ها هاها
عموما سنتحادث في أمر الملتقى
الاختلاف يا أختي لا يفسد للود القضية
وهنا لم نختلف حتى على ما اعتقد وانما هو مساندرستاندنغ زي ما بقولو الخواجات
_____
شكرا يا حليمة على كلماتك عني وعن زوجي
وتحياتي لأسرتك الكريمة
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
الأخت العزيزة إنعام ..
مودتي ..
مع احترامي وتقديري للزميلات عضوات اتحاد الصحفيات العاملات بالخارج إلى أنني أقول وبكل صدق لم
يكلمني أي شخص من بعيد أو قريب عن هذا الموضوع ولا أعرف كيف تم اختياري لأمانة المال ؟؟ عموما
أشكر الإخوات على هذه الثقة الكبيرة .. وأتمنى أن أعرف منهن كيف ومتى تم قيام هذا الاتحاد؟؟
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: عواطف ادريس اسماعيل)
|
Quote: مع احترامي وتقديري للزميلات عضوات اتحاد الصحفيات العاملات بالخارج إلى أنني أقول وبكل صدق لم
يكلمني أي شخص من بعيد أو قريب عن هذا الموضوع ولا أعرف كيف تم اختياري لأمانة المال ؟؟ عموما
أشكر الإخوات على هذه الثقة الكبيرة .. وأتمنى أن أعرف منهن كيف ومتى تم قيام هذا الاتحاد؟؟ |
فى انتظار الاجابة ايضا على سؤال الاستاذه عواطف..
-------
شكرا ياعواطف لهذه الامانة
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
Quote: كل الاسماء الشفتيها اعلاميات محترفات كل واحدة في مجال عملا
|
يؤسفنى يا سلمى ان اقول لك حديثك هذا غير صحيح البتة؟!!!!
ارجو مراجعة لنجنتكن وفى انتظار تصحيح المعلومة لنا وللاخت هادية
ومازلت فى انتظار الرد حسب وجهة نظرك عن ماهو الاعلامى وماهى الاعلامية؟!!
ارجو الاجابة حتى استطيع محاورتك بمنطق الاعلاميات
مع تقديرى واحترامى
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
Quote: ع احترامي وتقديري للزميلات عضوات اتحاد الصحفيات العاملات بالخارج إلى أنني
أقول وبكل صدق لم يكلمني أي شخص من بعيد أو قريب عن هذا الموضوع ولا أعرف كيف تم اختياري لأمانة المال ؟؟
عموما أشكر الإخوات على هذه الثقة الكبيرة .. وأتمنى أن أعرف منهن كيف ومتى تم قيام هذا الاتحاد؟؟ |
حسب الخبر الوارد في صحيفة الرأي العام، وموضوع هذا البوست، تم تكوين الاتحاد قبل اربعة شهور..
وفقا لافادة الزميلة عواطف انها (طيلة) هذه الاشهر الاربعة ليس لديها علم انها امينة المال لهذا الاتحاد..
؟؟؟؟؟؟؟؟؟؟؟؟
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
يا دكتورة لو سمحتي ممكن توضحي لي منو الما إعلامية
لا صحفية لا تعمل في جهاز تلفزويون ولا إذاعة ولا تعمل في مهنة دات صلة بالإعلام ؟
ما عارفة يا دكتورة لكن نفسك في المداخلات حار
عمل لسة في طور مناقشة الدستور واللوائح والأهداف
ما بحكمو عليهو بالطريقة دي
أرجو ما أكون زعلتك في أي رد من ردودي السابقة
الحديث عمن هو الإعلامي بيحتاج لكتابة براحة
خاصة أنا وانتي اكاديميات فالكلام بيحتاج رواقة
لذلك حا ارجع لاحقا لمناقشة هذه النقطة
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
Quote: وفي ظروف تشتت الناس في بلاد الله يصعب جمعهم في مكان واحد
بل بعد ان تفرقت السبل بالناس أصبح يصعب جمعهم على كلمة واحدة
|
سلمى ياختى الكلام ده ماببقى كدى!!
فى زمن القرية الكونية ممكن كلامك ده يجوز؟!!!!
Quote: ما عارفة يا دكتورة لكن نفسك في المداخلات حار
عمل لسة في طور مناقشة الدستور واللوائح والأهداف
ما بحكمو عليهو بالطريقة دي |
ووينو النفس الحار ده ياسلمى؟!!
تساءلت اسئلة بالنسبة لىّ موضوعية جدا ووضعتها كما ينبغى وضعها
فى مسألة المواقف دى ياسلمى مابقدر الفف كلامى فى ورق ناعم, كلام دغرى, فهل الدغرية حدة؟!!
عمل مافى بدايتو , تضاربت الاقوال بين سنة , اربعة وتلاتة شهور
قلت فى مداخلى سابقة ياسلمى انو اى تنظيم يتيح لاى امرأة ان تنظم فيه نفسها وتتطور من مقدارتها
وتضيف فهو محمدة {راجعى ماقلته}...ولكن..
انا لحدى الآن ماقلت رأىّ ياسلمى, كلها اسئلة وبعتقد من حقى ومن حق غيرى يسالها
| Quote: أرجو ما أكون زعلتك في أي رد من ردودي السابقة |
ابدا والله,
طالما النقاش موضوعى وبيحترم الآخر وعقليته ومابيستخف بيها بيكون مافى زعل..
ده حوار ياستى وبناخد وندى فيهو ولا انتى شايفه غير كدى؟!!
Quote: يا دكتورة لو سمحتي ممكن توضحي لي منو الما إعلامية
لا صحفية لا تعمل في جهاز تلفزويون ولا إذاعة ولا تعمل في مهنة دات صلة بالإعلام ؟ |
حولتى لىّ السؤال يا سلمى؟!!
انا لسه منتظرة ردكن فى النقطة دى تحديدا
لانى متأكدة من انو الكلام اللى ذكرتيهو كرد للاخت هادية غير صحيح
فكدى شاورى زميلاتك واللجنة بتاعتكن ونتفاهم..
Quote: الحديث عمن هو الإعلامي بيحتاج لكتابة براحة
خاصة أنا وانتي اكاديميات فالكلام بيحتاج رواقة
لذلك حا ارجع لاحقا لمناقشة هذه النقطة |
فى انتظار عودتك الميمونة ياسلمى
لانو الاجابة على السؤال ده - فى اعتقادى مابيحتاج الى ورقة علمية بقدر مابيحتاج
فعلا لرد رايق زى ماتكرمتى...
الاجابة على السؤال ده بتريحنا وبتحدد لينا منو هو الاعلامى ومنو هو المحترف
------
ماهى مقاييس اختيار الاعلاميات للعمل فى التلفزيون او اى وسيلة اعلامية ياسلمى؟
وبينا الود والاحترام ياسلمى
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
كيفك يا دكتورة
Quote: سلمى ياختى الكلام ده ماببقى كدى!!
فى زمن القرية الكونية ممكن كلامك ده يجوز؟!!!!
|
لمن تفكري تعملي كيان ايا كان نوعه
مفروض في زمن القرية الكونية تتصلي باي زول عندو علاقة بالعمل دة ؟
راجعي مداخلتي لي حليمة
| Quote: فى مسألة المواقف دى ياسلمى مابقدر الفف كلامى فى ورق ناعم, كلام دغرى, فهل الدغرية حدة؟!! |
ما طالبتك تلفيهو في ورق ناعم
ممكن يتقال بنفس بارد بس وممكن تواصلي بالنفس الحار
| Quote: عمل مافى بدايتو , تضاربت الاقوال بين سنة , اربعة وتلاتة شهور |
ووين التضارب ؟
بدا التشاور حوله من سنة
في ناس تم التشاور معاهم قبل تلاتة شهور وناس قبل أربعة
ولا مفروض التشاور يتم في نفس اللحظة مع الجميع ؟
| Quote: ده حوار ياستى وبناخد وندى فيهو ولا انتى شايفه غير كدى؟!! |
بالعكس متفقة معاك مية المية مع احتفاظي برايي في النفس الحار
Quote: انا لسه منتظرة ردكن فى النقطة دى تحديدا
لانى متأكدة من انو الكلام اللى ذكرتيهو كرد للاخت هادية غير صحيح
فكدى شاورى زميلاتك واللجنة بتاعتكن ونتفاهم..
|
كدي صححيني لو كان غلط لاننا بنعرف كل واحدة مننا شغالة شنو ووين واشتغلت قبل كدة وين
ونتفاهم
| Quote: ماهى مقاييس اختيار الاعلاميات للعمل فى التلفزيون او اى وسيلة اعلامية ياسلمى؟ |
الكلام دة بتامني قيه على كلام بت قضيم وكتبت ليك رايي حولو في مكان تاني
وبيننا كل الود والاحترام يا دكتورة
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
سام تانى وتالت ياسلمى
جيد الحوار الذى بيننا هذا....
Quote:
لمن تفكري تعملي كيان ايا كان نوعه
مفروض في زمن القرية الكونية تتصلي باي زول عندو علاقة بالعمل دة ؟
راجعي مداخلتي لي حليمة
|
استغرابى جاء يا سلمى من كلامك هنا...
Quote: وفي ظروف تشتت الناس في بلاد الله يصعب جمعهم في مكان واحد
بل بعد ان تفرقت السبل بالناس أصبح يصعب جمعهم على كلمة واحدة
لذلك كان المقترح أن ينشأ التكوين بعضوات مؤسسات بعدها |
وبنيت رأى على انو فى زمن العولمة يمكن بناء فورم داخلى فى الشبكة العنكبوتية والتفاكر حول الفكرة
وهناك تجارب عديدة سوى على مستوى قضايانا فى السودان او فى المهجر كنت مشاركة ومساهمة فيها
الفكرة ما انو تكون لينا كلمة واحدة بقدر مايكون لينا مواقفنا الثابته من قضايا الحريات العامة من تعبير وقبول للآخر وعدم تمييزه
Quote:
ما طالبتك تلفيهو في ورق ناعم
ممكن يتقال بنفس بارد بس وممكن تواصلي بالنفس الحار
|
النفس الحار ده قستى حرارتو كيف عليك الله؟!!
ياختى انا قلت رأى بصراحة وكما جاء من غير ما المعو ولا امسح وشو
قلتو كدى لانو بيمثلنى وبيمثل مواقفى اللى ليها انحزت ومنحازة
كان مفروض يكون كيف, بسأل بجدية, ربما استطيع ان اشوف شوف تانى واتراجع عن {حروريتى} دى
ومن البداية كتبت انو رؤيتى اللى حا اقولها بتمنى انها ماتفسد مابينا من ود..
Quote: ووين التضارب ؟
بدا التشاور حوله من سنة
في ناس تم التشاور معاهم قبل تلاتة شهور وناس قبل أربعة
ولا مفروض التشاور يتم في نفس اللحظة مع الجميع ؟
|
ياسلمى ماكويس ياختى تستخفى بعقلى..
راجعى مداخلة الاخت ناهد..
وشوفى مداخلة الاخت عواطف
والتفاكر اللى اترواح فى اقوالنكن من تلاتة شهور الى اربعة الى سنة
وحديثك انو مفروض تتصلوا بكم من الاخوات الاعلاميات
ناهد بتقول انو دى لجنة تمهيدية
وجريدة الرأى العام بتقول زارتها اللجنة التنفيذية
كدى براك كدى راجعى المداخلات وشوفى الكم من التناقضات والتضارب فى الاقوال..
Quote: كدي صححيني لو كان غلط لاننا بنعرف كل واحدة مننا شغالة شنو ووين واشتغلت قبل كدة وين
ونتفاهم
|
ياسلمى انا متأكدة من اللى قلتو..
اجراء استطلاعات لمدة يوم او يومين لقناة التلفزيون القومى وباختيار من سفارة سودانية فى الخارج
لاخت سودانية لايعنى باى حال من الاحوال اطلاق اعلامية عليها؟!!!!! مع احترامى لهذه الاخت..
كدى بكون قربت ليك الصورة.. وارجو ان يأتى الرد منكن,,,
Quote: Quote: ماهى مقاييس اختيار الاعلاميات للعمل فى التلفزيون او اى وسيلة اعلامية ياسلمى؟
الكلام دة بتامني قيه على كلام بت قضيم وكتبت ليك رايي حولو في مكان تاني
وبيننا كل الود والاحترام يا دكتورة |
لا ياسلمى يؤسفنى اقول ليك كلامك ماصاح هنا..
اعتقدت انك ادرى بالكيفية اللى بيتم بيها فى ازمنة الحكومات الديكتاتورية السيطرة على الاعلام
وتحويل بعض الاعلامين/ت لبوق لهم,, راجعى مداخلتى هنا... ربما تقترب الصورة ليك عما اردت قوله
Quote: ماحدث فى زمن الانقاذ
حيث اختلط الحابل بالنابل
ولا نستطيع ياسلمى ان ننفى ان اللى بقى يحدد وينظم العمل ده وغيره فى السودان ماهى الخبرة ولا الكفاءة
بقدر ماهو الولاء والطاعة وفى جانب آخر الانتهازية..
اذا الكفاءة ياسلمى ممكن نرجع بذاكرتنا كم من الاعلامين المميزين والاعلاميات المميزات احيلوا للصالح العام
كم منهم سجن وتعرض للمطاردات والتشريد
وفى المقابل حل محلهم اهل الطاعة والولاء..
|
يعنى ياسلمى نويتن الاتصال بينا ومافى شىء يخلينى اكذبكن
لكن عشان تقولن لينا شنو؟
انو الاتحاد تكون وانو جهاز المغتربين بيرعاهو وانكن فى طريقكن للوزير؟
والتمن شنو ياسلمى ياختى؟!!
مع العلم انو فى الاوضاع الطبيعية- خلينا نقيس بعقلية الدول اللى نحنا فيها- انو الدولة مفروض تصرف وترسخّ لممارستنا للديمقراطية..
وده حق من حقوقنا الانسانية ولكن؟!!!!
وليستمر بينا الحوار معافا وطيبا
وتشكرى على تفضلك بالرد
مع معزتى
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
| Quote: فى انتظار الاجابة ايضا على سؤال الاستاذه عواطف.. |
شكرا يا دكتورة
واهو عواطف وضحت الموقف
Quote: توضيح للأخوات :
بناء على مداخلتي السابقة المتعلقة باتحاد الإعلاميات العاملات بالخارج ..
بعد أن تم تصحيح الإسم من إتحاد الإعلاميات إلى ملتقى الإعلاميات بالخارج فالحق يقال أن الأخت
ماجدة عوض خوجلي قد أطلعتني على الموضوع قبل عام ولكن بصراحة كما ذكرت لم أكن أعلم عن
شيئا عن أمانة المال لذلك أقدم الاعتذار لماجدة وأقول لها لك العتبى حتى ترضي حيث لم يكن القصد
تكذيبكن أو التقليل من شأن الملتقى وحتى ولا يحدث أي التباس من هذا النوع يرجى التدقيق في
وذكر المسمى الصحيح لوسائل الإعلام ولكن كل التقدير والاحترام.. |
| Quote: شكرا ياعواطف لهذه الامانة |
شكرا عواطف
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
Quote: وبتمنى الدكتورة اشراقة خاصة انها ذات تجربة ثرة في هذا المجال
تكلمنا عن قوانين عمل المنظمات في اوروبا
|
سلام ياسلمى..
اعتقد ان القوانين التى تنظم عمل المنظمات والجمعيات الطوعية متشابهة لحد كبير فى دول الاتحاد الاوربى
صحيح ليس من بينها العمل السياسى ولكن ايضا ليس هناك ماينفى العمل السياسى ضمنيا
بمعنى كل المنظمات التى تأسست مدورة فى محيط السياسة ومن الصعب جدا فصلها..
المشكلة ياسلمى فى الاتحاد او الفورم نفسه وبالطريقة التى تكونت به
من حق اى انسان مطلق الحرية فى تكوين مايرغب لكن يجب ان يكون واعيا وان لايتجاوز حدود حرية الآخرين
فكيف يتم تكوين اتحاد او فوروم باسمنا وباسم كل اعلاميات الخارج ونصمت.. هكذا؟!!
الفكرة ياعزيزتى فى حد ذاتها, فكرة ان تنظم النساء انفسهن امر محمود ومرتجى منه
ولكن ليس بهذه الطريقة ابدا..
مازلت اصر على ان تكوينه وفى هذه الفترة بالتحديد - مؤتمر اعلامى الخارج- فيه كثيرا من اللبس والغموض
منظمة يكون مقرها بريطانيا على حسب قولك وتمّ التفاكر فيها من قبل اربعة اشهر
لها مقر فى السودان مدعوم من جهاز المغتربين
وفى النية مقابلة وزير الدولة للاعلام وبعد ده كلو عاوزة تقنعينى انو فوروم ماليهو علاقة بالسياسة..
والسياسة الموجهة كمان, ده غض النظر عن اهدافه {رنانة فى معظمها} ويمكننى تحليليها هدفا هدفا لاؤكد لك
انها من صلب السياسة ياسلمى.
ارجع تانى لمسألة الاعلاميات المحترفات التى حاولتى تأكيدها لاخت هادية..
واضافة لسؤالى لضبط مصطلح اعلامية اضيف ايضا سؤال عن ماهية فهمنا للاحترافية؟!!
وفى انتظار رد موضوعى ينسجم مع الموضوعية التى ترغيبينها ونرغب..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
شكرا حليمة محمد عبد الرحمن
قول ينبع من انسانة صادقه
وتنحاز الي قول الحق
واتحاد يولد في جلسات شورية خاصة ويعلن بمباركة سلطة الغيهب مصيرو الفناء
وهو لا يمثل اعلاميات وصحفيات تشردن بسبب بؤس الدولة القابعة في جسد الوطن غصبا عن اهله
ومن يريد ان يعكس صورة المراة الحقيقية لنساء وطني يعكس الظلم والضيم الذي تتعرض له المراة في محاربتها كنوع
والاضطهاد الذي تعانية والقهر والذل والهوان
تجميل جنازة البحر حتي لو دفع له مال كل الدنيا لسن بقادارت علي تجميييل قبح النظام
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
شكرا حليمة محمد عبد الرحمن
قول ينبع من انسانة صادقه
وتنحاز الي قول الحق
واتحاد يولد في جلسات شورية خاصة ويعلن بمباركة سلطة الغيهب مصيرو الفناء
وهو لا يمثل اعلاميات وصحفيات تشردن بسبب بؤس الدولة القابعة في جسد الوطن غصبا عن اهله
ومن يريد ان يعكس صورة المراة الحقيقية لنساء وطني يعكس الظلم والضيم الذي تتعرض له المراة في محاربتها كنوع
والاضطهاد الذي تعانية والقهر والذل والهوان
تجميل جنازة البحر حتي لو دفع له مال كل الدنيا لسن بقادارت علي تجميييل قبح النظام
| |
|
|
|
|
|
|
|
|
 Re: اتحاد الاعلاميات السودانيات بالخارج ..وجه جديد للمرأة (Re: Sabri Elshareef)
|
توضيح للأخوات :
بناء على مداخلتي السابقة المتعلقة باتحاد الإعلاميات العاملات بالخارج ..
بعد أن تم تصحيح الإسم من إتحاد الإعلاميات إلى ملتقى الإعلاميات بالخارج فالحق يقال أن الأخت
ماجدة عوض خوجلي قد أطلعتني على الموضوع قبل عام ولكن بصراحة كما ذكرت لم أكن أعلم عن
شيئا عن أمانة المال لذلك أقدم الاعتذار لماجدة وأقول لها لك العتبى حتى ترضي حيث لم يكن القصد
تكذيبكن أو التقليل من شأن الملتقى وحتى ولا يحدث أي التباس من هذا النوع يرجى التدقيق في
وذكر المسمى الصحيح لوسائل الإعلام ولكن كل التقدير والاحترام..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: عواطف ادريس اسماعيل)
|
Quote: بعد أن تم تصحيح الإسم من إتحاد الإعلاميات إلى ملتقى الإعلاميات بالخارج فالحق يقال أن الأخت
ماجدة عوض خوجلي قد أطلعتني على الموضوع قبل عام ولكن بصراحة كما ذكرت لم أكن أعلم عن
شيئا عن أمانة المال |
والخبر فى الصحيفه يقول قبل اربعة اشهر تمّ التفاكر حول هذا الملتقى/الاتحاد/الفوروم او ايا كان..
فليس من حق اى جهة ان تتحدث باسمنا دون مشورتنا.
هذا مع احترامى للجميع..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
| Quote: سجل أعضاء المكتب التنفيذى للاتحاد الدولى للصحافيات والاعلاميات السودانيات العاملات بالخارج.. زيارة لـ «الرأي العام» |
بعد ان قالت عواطف انها لا تعرف عن منصبها الجديد سوى عبر هذا البوست ..ّ!!
الحكاية دي ذكرتني بسرقة من سرقات الانقاذ عندما جاء كوز معروف عاوز يستولى على قطاع المواصلات بداية الانقاذ وطبعا (الانقاذيين)
متخصصين في صناعة الاسماء قام عمل حاجة سماها : مشروع جميل خوقير والتاكسي التعاوني
في النهاية طلع جميل خوقير زاااتو ما عندو علم بالموضوع
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
| Quote: بعد أن تم تصحيح الإسم من إتحاد الإعلاميات إلى ملتقى الإعلاميات بالخارج |
العزيزة عواطف
خلال متابعتي لكل كلمة وردت في البوست لم أجد
ما يدل أو يشير على أن هناك تصحيح للاسم "إتحاد أو ملتقى"
مما يجلعنا نسأل أين تم تصحيح الاسم ومتى؟؟
نقطة أخرى
كلمة في "الخارج" هي أكثر ما يحتاج لتوضيح ومن ثم نأتي لنناقش أو
نوضح أو نفسر كلمة إعلامي!!
تقديري لكن جميعا
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: اميمة مصطفى سند)
|
من النقاش الداير والانتقائية في الاختيار وعدم علم الكثير من الاخوات الاعلاميات في الخارج
واضف الي ذلك تصريح الاخت عواطف واندهاشها من اختيارها دون علمها وهذا لعمري امر بهدم بمصداقية اي جسم موكلة اليه مهمة عمل مبني علي روح مهنة اعلي نقاط فلسفتها هي الشفافية والمصداقية
لكل ذلك اعلاه ثبت جليا بان هذا الاتحاد مثل ومثل (حلة القطر قام الشهيرة)
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: اميمة مصطفى سند)
|
Quote: مع احترامي وتقديري للزميلات عضوات اتحاد الصحفيات العاملات بالخارج إلى أنني أقول وبكل صدق لم
يكلمني أي شخص من بعيد أو قريب عن هذا الموضوع ولا أعرف كيف تم اختياري لأمانة المال ؟؟ عموما
أشكر الإخوات على هذه الثقة الكبيرة .. وأتمنى أن أعرف منهن كيف ومتى تم قيام هذا الاتحاد؟؟ |
؟؟؟؟؟؟؟؟؟؟؟؟؟؟؟
الاخت عواطف مداخلتك التانية التي تتحدث عن اعلامك بانه ملتقى لاتنفي الآتي..
1- متى تم تصحيح الاسم من اتحاد الى ملتقى؟
1- عدم علمك بأنك امينة المال وذلك منذ عام او اربعة اشهر على حسب ما ستتفقون عليه؟
1- ماهو هذا الكيان المبهم؟؟
نرجو ان تتفهم الأخوات المحترمات هنا ان الحديث موجه الى صلب تخصصنا ولا علاقة له باي شيء شخصي...ودعونا وهي اول مرة نلتقي فيها هنا ان نتحاور كما عهدتكن بطريقة موضوعية دون اي تعصب او حساسية..
ماهو هذا الكيان غير المعروف الذي يتحدث بإسمنا ولا علم لنا به؟؟
احترامي للجميع..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: حنين للبلد)
|
حنين للبلد ..
معزتي ..
في الحقيقة لم أقرأ البوست ولكن اتصل بي بعض الزملاء مستفسرين عن الموضوع لأنهم يعلمون جيدا أنني ما زلت في أبوظبي ولم أحضر مؤتمر الإعلاميين بالخارج ما دفعني إلى قراءة البوست ومن ثم الرد على مسألة تعييني أمينا للمال, وبعد المحادثة التي تمت بيني وبين إحدى العضوات قيل أن المسمى ليس صحيحا وأنهن يقصدن الملتقى الذي تم إخباري عنه من قبل..فقمت بالرد مرة أخرى بناء على مداخلتي الأولى
عموما حصل خير كما يقولون ومثلما تفضلت علينا مناقشة الأمر بدون تعصب أو حساسية وأرجو من الأخوات
العزيزات الإدلاء بدلوهن في الموضوع حتى يزول اللبس ويصل الناس إلى إجابات شافية لتساؤلاتهم المشروعة.
شكرا حنين ..
فاختلاف الأراء أتمنى أن لا تفسد للود قضية ..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: عواطف ادريس اسماعيل)
|
Quote: عموما حصل خير كما يقولون ومثلما تفضلت علينا مناقشة الأمر بدون تعصب أو حساسية وأرجو من الأخوات
العزيزات الإدلاء بدلوهن في الموضوع حتى يزول اللبس ويصل الناس إلى إجابات شافية لتساؤلاتهم المشروعة.
شكرا حنين ..
فاختلاف الأراء أتمنى أن لا تفسد للود قضية .. |
الاخت عواطف ادريس اسماعيل
رد محترم من شخصية محترمة وواعية...ونحن مثلك نود فقط اجابات عن الأسئلة الواردة هنا مع الإبقاء على العلاقات الودودة مع الاخوات...
| |
|
|
|
|
|
|
|
|
 Re: اتحاد الاعلاميات السودانيات بالخارج ..وجه جديد للمرأة (Re: اميمة مصطفى سند)
|
الأخت العزيزة أميمة
تحية ومحبة ...
أشارت الأخت سلمى التيجاني في ردها على بعض الزميلات أن المسمى الحقيقي هو ملتقى الإعلاميات بالخارج وفي الحقيقةالأخت ماجدة عوض طرحت على الفكرة قبل عام وقلت لها بالفعل فكرة جيدة خصوصا بعدما عرفت منه الهدف من الملتقى كما أكدت لها رغبتي في الانضمام عندما يتم قيام الملتقى , سيما وأنها أشارت أنهن ىيسقمن بتوجيه دعوة لجميع العاملات في هذا المجال في الخارج هذا كل مافي الأمر ..
تقديري
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: اميمة مصطفى سند)
|
أنا طبعاً لست مستغربة من شطحات أصحاب (القطر قام) على رأي الزميل
بس البغيظ فعلا ًوالبألم فعلاً .. تصنيف كلمة (الإعلاميات) نفسه
!!!!
مين (الإعلاميات) و (المحترفات) هداكم الله؟؟
كل واحدة كتبت مقالين في صحيفة وقدمت حلقتين من برنامج سخيف لا مضمون له ولا معنى سوى الوساطة والعلاقات الشخصية مع مدير قناة أو مسؤول إعلامي ما تسمى وتفرض على شعب السودان ك(إعلامية)
؟؟؟!!!
لا وتمثل رهط إعلامي كامل؟؟
حاجة تغيظ فعلاً
لكم الله يا إعلاميات بلادي الحقيقيات
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: بت قضيم)
|
بلد لا قيادات بها
لذا المثل البقول البلد المافيها تمساح يقدل فيها الورل
لقد شردت السلطة الصحافييين والصحافيات والاعلاميين والاعلاميات
واصبحت تطارد لنيل اصواتهن لتجميل وجه السلطة الدميم
وهتيفة الانقاذ بعد مؤتمر نشر الكذب حول السلطة ومنح السلطة المال
الان تخرج امثال هذه الاقتراحات
فعلا مسكين شعبنا تتقدمه قيادات اقزام
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Sabri Elshareef)
|
الزميلات والزملاء الأفاضل..
ســـلام وتحايا..
جميل أن النقاش في البوست وصل لحتة مهمة جدا تبعا لشهادة العزيزة عواطف (يا عواطف هسع لو شلنا إسمك حيلخبط الاختصار الفوق ده.. لووول).. الحتة القاصداها هي (الإرتجالية) في ميلاد الإتحاد (حسب خبر الرأي العام) أو الملتقى (حسب إفادة العزيزة سلمى) أو (لمة الصاحبات ومعاهم حسن) حسب ما شايفاهو بعيوني الأربعة ديل..
عموما.. ما يهمني وكل الناس الجات هنا هو (ألا نلخبط الكيمان).. وأظن حان الوقت الوجب إننا نضع النقاط فوق الحروف.
وأعني هنا فتح نقاش حول الإعلام والإعلاميين (رجال ونساء). من هم؟ وما أكثرهم في بلدي وفي المنبر ده بالذات (ده ود الباوقة طلع إعلامي وإحنا ما جايبين خبر). لا شك لدي في إعلامية ماجدة، ناهد، سلمى وعواطف لو معاهن وطبعا حسن.
أفرزت سنوات الشتات نوع من الأشخاص الذين ربًطوا علاقاتهم بسفارات النظام في بلاد المهجر. فظفروا بلقب إعلامي.
وده في حد زاتو ما مشكلة. المشكلة أن يقوم هذا الشخص بالتحدث بإسمنا أو يذهب لمؤتمرات تقيمها الرئاسة وبرضو بإسمنا.
وعشان كده نقوم نعمل لستة طويلة عريضة نكتب فيها الإسم، والجهة الإعلامية التي ننتمي إليها أو إنتمينا إليها في يوم من الأيام (لمدة لا تقل عن السنة). وما عايزين بيانات أكتر من كده. عشان نعرف منو الشغال مع سفارات الإنقاذ ونمنعه بأن يمثلنا أو يكون عضو أي شئ يتحدث نيابة عننا.. بالمناسبة ده مقترح قابل برضو للنقاش.
وتاني أحيي الغالية سلمى لتحملها مسئولية الأخد والرد في موضوع أهله نفسهم ما عارفين عنه شئ. قلبي معاك.
تحاياي
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: بت قضيم)
|
بت قضيم
غض النظر عن الصفات الاوردتيها والفي فيها تبخيس لكل الزميلات في الملتقى
حا ارد على كلامك
Quote: تصنيف كلمة (الإعلاميات) نفسه
|
التصنيف الاعتمدناه في الملتقى هو كل من له علاقة مباشرة او غير مباشرة بالعمل الاعلامي
تدخل فيه الصحف والمجلات والاذاعة والتلفزيون وكل المهام ذات الصلة
يعني تقبل عضوية من مارس أو يمارس مهنة لها علاقة بالاعلام كتابة ونشر وكل العمليلت التي ترتبط به
وإذاعة كل العمليات المرتبطة بها
ويكمن قبول عضوية من مارس العمل الإعلامي من قبل ولم تتاح له في مهجره فرصة ممارسته ليظل مرتبطا بالمهنةوليقدم خبراته لزملاؤه
Quote: كل واحدة كتبت مقالين في صحيفة وقدمت حلقتين من برنامج سخيف لا مضمون له ولا معنى سوى الوساطة والعلاقات الشخصية مع مدير قناة أو مسؤول إعلامي ما تسمى وتفرض على شعب السودان ك(إعلامية)
؟؟؟!!!
|
الكلام دة لا بقبلو لي نفسي ولا لاي زميلة اجتهدت وعملت في المجال الذي تحبه
وليس منالحصافة في شيئ ايردا كلمة كل المعممة على الجميع
وما كل إمرأة ناجحة نجحت بالواسطة او عملت علاقة مع مسئول
الكلام دة ما كريم في حق كل الإعلاميات
انا لم اتشرف بمعرفتك غير النيك نيم لكن لو كنتي إعلامية فالكلام دة ما حلو في حقك
ولا يصدر من إمرأة تفرح لنجاح اختها السودانية
دكتور اشراقة والله ما صدقت تعليقك على بت قضيم لحدي ما قريتو كم مرة
يعني ما حدة بس لكن ايرادك للكوت والتعليق عليه بهذه الطريقة فيه إهانية للإعلاميات
ولزميلات كريمات في الملتقى كنت اعتقد انك تحترمينهن حتى لو اختلفن معك
بعدين يا اشراقة الاعلامية البتشوفيها انتي بتقدم كلام سمج دة رايك انتي وما معناها صاح
يعني لمن البعض يقول عندو راي في كتابات دكتور اشراقة
ما معناها كلامو صحيح معناها دة رايو المفروض يقولو بطريقة فيها احترام للآخرين
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
Quote:
دكتور اشراقة والله ما صدقت تعليقك على بت قضيم لحدي ما قريتو كم مرة
يعني ما حدة بس لكن ايرادك للكوت والتعليق عليه بهذه الطريقة فيه إهانية للإعلاميات
ولزميلات كريمات في الملتقى كنت اعتقد انك تحترمينهن حتى لو اختلفن معك
بعدين يا اشراقة الاعلامية البتشوفيها انتي بتقدم كلام سمج دة رايك انتي وما معناها صاح
يعني لمن البعض يقول عندو راي في كتابات دكتور اشراقة
ما معناها كلامو صحيح معناها دة رايو المفروض يقولو بطريقة فيها احترام للآخرين
|
يسعد مساك ياسلمى
مافهمته من كلام بت قضيم بينحصر فى تعريف ماهية الاعلامية
ولم يأتى ردى مرتبطا عضوات هذا الملتقى لسبب واحد هو انى اعرف ان اغلبكن مارس المهنة
ولم يحتاج الى وسيط - ده اولا حتى لا تختلط الاوراق ياسلمى وتنفلت من يدنا
وارى بالضرورة تثيبت نقطة احترامى وتقديرى لكل من الاخوات العضوات هنا بدء من ماجدة وناهد وعواطف وانتى..
نختلف باحترام ومحبة ونختلف ايضا بهما..
فى سؤال بت قضيم اللى علقت عليه بالايجاب يخص ماحدث فى زمن الانقاذ
حيث اختلط الحابل بالنابل
ولا نستطيع ياسلمى ان ننفى ان اللى بقى يحدد وينظم العمل ده وغيره فى السودان ماهى الخبرة ولا الكفاءة
بقدر ماهو الولاء والطاعة وفى جانب آخر الانتهازية..
اذا الكفاءة ياسلمى ممكن نرجع بذاكرتنا كم من الاعلامين المميزين والاعلاميات المميزات احيلوا للصالح العام
كم منهم سجن وتعرض للمطاردات والتشريد
وفى المقابل حل محلهم اهل الطاعة والولاء..
حسع دى ممكن ناخد نموذج ونحللو مع بعض..
فالقضايا التى يتم تناولها بعيدة كل البعد عن الناس ومغيبه همومهم ومشاكلهم واحتياجاتهم
بدء من اللغة الاعلامية وانتهاء بطريقة طرحها
ومافى مجال هنا يا سلمى للمقارنة بين ما اكتب كفرد وبين مايرد من مؤسسة اعلامية تنتمى للدولة
ومن حق اى انسان يقول رايه فى كتاباتى وايا كانت بقراها بذهن مفتوح والنقد وقبوله ياسلمى متمرحل معاى من فتحت عقلى على العمل السياسى
والعمل العام.
يمكننى الاسهاب فى هذا الامر ياعزيزتى ولكنى اعرف انك ادرى فارجو ان لاتحملى كلامى محملا لم اقصده
فلم يحدث منذ انضمامى لهذا المنبر ان تجاوزت حدود احترامى للآخر
ومع ذلك لا اتوانى فى قول رأى بوضوح وصراحة ومن غير مجاملة
وعزرا اذ فهمتى غير ما اعنى واتمنى ان تكون الرؤية وضحت وده بناء على مافهمته من كلام بت قضيم
مع احترامى..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Raja)
|
Quote: تــــمام.. وعليه يجب تغيير الإسم من إتحاد الإعلاميات السودانيات بالخارج إلى:
ملتقى ماجدة، ناهد، ثريا، سلمى، رفيدا، هويدا، عواطف، عائشة، فيحاء وحسن في الخارج أو الداخل زي ما بتحبًوا.. وتعملوا تباديل وتوافيق لحروفكم الأولى وتشوفوا المناسب (منثسرهععفح)(ده إجتهاد من عندياتي)..
ويبقى عداكم العيب ومافي أي لوم أو عتاب أو تساؤل حيجي من عندي أو أي إعلامية أو إعلامي في الخارج (ما جايب خبر)..
تحاياي |
سلام يا رجاء..
اقتراح عملي للزميلات صاحبات الفكرة..
تغيير الاسم الي
"ملتقي اعلاميات بالخارج"
"ال" الموجوده في الاسم سابقا خلقت اشكال..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
| Quote: فى انتظار رد العزيزات ماجدة وناهد على هذه الاسئلة مشكورات |
كيفك اشراقة انشالله انتى بخير
اولا اعتذارى الشديد عن التاخير الغير مقصود عن الرد
شايفه عندك عدة مدخلات اذا سمحتى لى هااجمع كل مداخلاتك فى رد واحد والسبب والله ماعندى اى اكسس للنت
وبكتب من محل انترنت كافى وبحاول على قدر مااقدر ارد على كل الاسئله..
تسلمى يارب ..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: lana mahdi)
|
Quote: الحبيبات الغاليات
تحية و محبة و تقدير
الحقيقة أول مرة أسمع بهذا الاتحاد الذي من المفترض أن يضم(وفق إسمه) كل الإعلاميات و الصحفيات المحترفات خارج السودان اللائي يعملن في أجهزة إعلام و صحافة ويعملن في مهنة الصحافة و الإعلام، رجاء تنويرنا كيف تكوّن و متى كانت الجمعية العمومية و من كن حاضرات؟وكيف نشأت الفكرة؟
محبتي
لنا |
الاخت الحبيبة لنا
ولكى من التحية والتقدير والمحبة عندى الكثير الذى تعلمنيه
اولا لكى اعتذارى الشديد على تاخرى فى الرد الذى لم يكن لى يد فيه فلم يكن لى علم بهذا البوست الا مساء امس فقط ولم يكن عندى اى طريقة انترنت ..
هو حبيبه ملتقى وليس اتحاد، ولم نذكر فى مرحله من مراحل تكوينه كلمة العاملات بالخارج
الاسم للملتقى كالاتى (الملتقى الدولى للصحفيات والاعلاميات السودانيات فى الخارج )
والفكرة اساسا بدات بعد مناقشات كثيرة جدا وتطور شكل النقاش فيها بعد وفاة احد زملائنا الصحفيين فى القاهرة قبل عاميين بسبب مرض يسببه نقص التغذيه ،وكنا قد فكرنا فى اقامة كيان شامل يجمع اهل القلم فى كل مكان ككيان خيرى نستطيع ان نقدم فيه الدعم لمن ضاقت بهم سبل العيش الكريم للزملاء خاصة من يقيمون فى احدى الدول المجاورة ،
ولكن تعذر علينا اقامة هذا الكيان لاسباب كثيرة ، فلم نقف مكتوفى الايدى بل حاولنا ايجاد البديل حتى نتمكن من القيام بكل ماخططنا له من اهداف ،القصد منها رفع المعاناه عن زملاء لنا كنا نتقاسم معهم المر قبل الحلو حفيت اقدامنا ونحن نسعى الى مافيه خير البلد والمواطن تحملنا فى سبيل ذلك الكثير والذي يعلمه الكثيرين من الصحفيين السودانيين الذى كنا نمثل عضوية اول نقابة للصحفيين السودانيين بعد الانتفاضة فى عام 88..
دى كانت الفكرة فى البداية ولكننا لم نتمكن من تنفيذ الشكل المتكامل، لذلك حولنا الفكرة الى ملتقى للصحفيات والاعلاميات بالخارج وهو ملتقى خيرى فى المقام الاول وقد بدانا فى اجراءات تسجيله فى الشرتى كومشن ككيان خيرى دولى حتى نتمكن من العمل داخل السودان ومااظن انو غايب عنك حبيبه انو اى مجموعة تستيطع القيام بانشاء اى كيان تحت اى مسمى طالما استوفت الشروط المطلوبه كلها ..
واظنك تعلمين ايضا حبيبه ان قانون الشرتى لايزمنا باكثر من 7 الى تسعة من العضوات للتسجيل ويكونون هم المؤسسين لهذا الكيان امام الجهات الرسمية وعدد 22 عضوا الى جانب التسعه المؤسسين ليكون العدد الاجمالى 31 عضو يكونون هم العدد الكلى للجمعية العمومية
تسلمى حبيبه من كل شر يارب ..
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: زهير عثمان حمد)
|
Quote: الاخت أنعام حيمورة
تحياتي
ح أقول خير وربنا يوافق الاخوات دي ما ذكورية متطرفة ولاحاجة لكين الناس اللي بستحقواالعتاب من حقي أعتب عليهن والله وأنا علي حق أنشالله تكون جمعيتكم دي منظمة مجتمع مدني بس أبعدوا من التباكي علي أبواب السلاطين والباقي ما عايز شرح!!!! |
الاخ الكريم زهير
تحياتى الطيبة لك
هى منظمة مجتمع مدنى من الاسم يمكن معرفة ذلك (الملتقى الدولى للصحافيات والاعلاميات السودانيات بالخارج وليس العاملات بالخارج) ويضم فى عضويته عدد من الاخوات بدول المهجر المختلفة ولم نكن يومامن الذين ياكلون او يتباكون على ابواب السلاطين وبرضو الباقى ماعايز شرح
شكرا على اهتمامك
تسلم يارب ...
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: انعام حيمورة)
|
Quote: الاخ زهير ...
اهو الحمد لله رد الاخت ماجة رئيسة الاتحاد اوضح لك انها منظمة مجتمع مدني ..
وبرضو وضحت ليك انهم بعدين من
Quote: التباكي علي أبواب السلاطين
وشكرا ليك .. |
يانعوم....اها وباقي الأسئلة نحيلها لي منو؟؟؟؟
اسئلتنا دي مافيها اي لهجة حادة ولا خصام ولا خلاف بس بالجد طالما في اتحاد اعلن عنه واخذ صفة رسمية بي اسمنا بدون علمنا....من حقنا نتسائل ...ولا شنو؟؟؟
اها بعيد من الموضوع ده يا انعام....عاد لكن يا بتي اتلومتي لوم السنين معاي ...ده شنو يا بتي...سمح النلاقيك بالدرب...شنو يعني ؟؟ القصة شنو حبيبة امي ؟؟؟ ليه الخصام ده....وكدة
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: حنين للبلد)
|
| Quote: (الملتقى الدولى للصحافيات والاعلاميات السودانيات بالخارج وليس العاملات بالخارج) |
سلامات ياماجدة
تحياتى وحمدالله على السلامة
الفرق شنو ياماجدة؟ اضافة الى اسئلتى اعلاها مازلت اصرّ على ان الاسم بشكلة ده, ملتقى او اتحاد او جميعة
طالما فيها الدولى واعلاميات وسودانيات يبقى من حقنا ان نتساءل ومن حقنا الاحتجاج عن وجود جسم تكون باسم مئات الاعلاميات بالخارج
اصك على تساؤلى بخصوص {حرفية واعلامية} كل اللى معاكن فى اللجنة واتمنى اجابة على هذا السؤال...
لانو من الصعب ياماجدة الاقتناع بان تكون كل لجنتكن اعلاميات محترفات ومتخصصات, منتظرة ردك عشان اقول ما اعرفه هنا!!
الشطر اللى تخنت خطه من عندى فى الاقتباس اعلاه منك لم افهمه ارجو شاكرة توضيحه
--------
انعام ياعزيزة, اغلب المداخلات والاسئلة فى غاية الموضوعية بالنسبة لىّ ومن حقنا ان نتساءل
يعنى زول يفنى عمرو - دراسة وممارسة- فى الاعلام ويتكون جسم باسمنا وننطم ولا شنو يعنى؟!!
ياختى ما دام الموضوع طرح هنا من الصعب ان نسلم به كدى سااااى ومن حقنا ان نقول رأينا وموقفنا ومن حق
الاخوات الكريمات ماجدة وناهد الادلاء برؤيتهن, والهدف فى النهاية وضع الامور فى نصابها
مع اعتزازى
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Ishraga Mustafa)
|
| Quote: غايتو يا دينق الله يهدينا ويهديك |
سلمى. الله يهدي الجميع خصوصا الكيزان وبأفكارهم الشريرة
| Quote: المنظمة مقرها بريطانيا وأهدافها واضحة ومكتب الخرطوم لتسيير العمل فقط شنو البيدخلا بالسياسة ؟ |
من أتحاد الى فورم وأخيرا ملتقى، مش أحسن ترسوا لكم على أسم؟ بيني وبينك أسم ملتقى يناسب تنظيمكم هذا تماما ويليق به.
Quote: التمويه
وممارسة الخداع
ومحاولة ورخيصة
لتضليل الناس ؟
في شنو البيحتاج لتمويه وخداع
اهداف الملتقى ولا كونو مقرو بريطانيا؟
الحاجات دي ما ممكن يكون فيها تضليل لأنو المنظمة
عشان تشتغل لازم تتسجل ولمن تتسجل معناها موجودة ومعترف بيها في الدولة المسجلة فيها
اها التضليل والخداع في شنو وعلى منو
يا دينق انت قاعد في امريكا وما عارفة عندك علاقة بعمل المنظمات الطوعية ولا لا
لكن الفورم لو كلمة عائمة والقصد منها تضليل الناس
بيبقى الخطأ من الدول اللي ادرجت الاسم ضمن انواع المنظمات .
وبتمنى الدكتورة اشراقة خاصة انها ذات تجربة ثرة في هذا المجال
تكلمنا عن قوانين عمل المنظمات في اوروبا
وموقع الفورم منها وكيف يسمح لها بالعمل اذا كان مقصود منها التضليل
كلامك الرخيص يا دينق كلو مردود عليك
وعليك الله تعال كلمنا عن الإتفاقات الرسمية والعلنية لمؤتمر الكيزان
بغرض التنوير
وبمناسبة مداخلاتك دي وختمك الجاهز خليني أحكي ليك قصة اتنين من اهل العوض
شافو من بعييد حاجة سودا
واحد سأل أخوه: يا بلة الداهية دييك شنو
قال ليهو يا أمحمد انت عميت ، دة ما صقر
امحمد : ها بلة ات الاعمى الشي داك عتود
بلة : ازول انت ما بتشوف ، الشي صقر
واتغالطو كدة صقر عتود صقر عتود لحدي ما الشي طار
بلة قال ليهو اها جاك كلامي ؟
امحمد : والله كان طار عتود |
في البداية لازم أثبت لكم حقكم ككيزان أو كمؤيدين لحزب الكيزان في السودان تنظيم أنفسكم بأي وسيلة ترغبون بها وبأي عضوية تختارونها، ونحن من حقنا أن نكشف للمواطن العادي في السودان أنواع هذه المنظمات التي تعمل بأسمهم في الخارج أو الداخل. أنا لم أدعي بأنني أفهم كثيرا في عمل المنظمات الغير طوعية رغم تجاربي المحدود معها، ولكن من المعروف هو عندما تنشاء منظمة جديدة أي كان شكلها ، نوعها وغرضها يتم الاعلان عنها للجميع وليس بالطرق السرية والدكاكينية. الدول لا تخطئ في أسم تسجيل المنظمات يا أستاذة ولكن يخطئ الذين يسعون لتضليل الناس. لأنوا معروف لك ولي، عندما يتم التسجيل يتم تسليمك خطاب تسجيل. لنفترض جدلا أن مسجل المنظمات أخطاء في الاسم. فما هو دخل ذلك بهذا البوست وبخبر صحفة الانقاذ الرأي العام بهذا الخطاء؟ واضح جدا بأن هنالك عضوات مخمومات خم في هذا الشأن الكيزاني ويا سلمى البتعملي فيهوا ده لا يمكن أن يمر على أحد. شكرا على القصة ولكنني لا أحبذ القصص التي تحتوي على تقليل من شأن فئة من فئات الشعوب وهي بالنسبة لي صورة نمطية سخيفة Stereotyping .
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Deng)
|
يا دينق الله يهدي كل شركاء الكيزان والعندهم علاقات معاهم
وطبعا باتهامات سودانيزاون لاين المجانية دي ممكن أجي أقول ليك
كيزان شنو يا زول مش قبل كدة في اخ كريم في المنبر دة قال ليك عندك علاقات مع قيادات كبار من الكيزان
لكن لاني ما بصدق كل اتهام يتكتب هنا حا اقول ليك خليك جاهز باختامك
وللناس عقول تميز
| Quote: ويا سلمى البتعملي فيهوا ده لا يمكن أن يمر على أحد. |
دي طريقة بوليسية ويبدو انها طريقتك
| Quote: شكرا على القصة ولكنني لا أحبذ القصص التي تحتوي على تقليل من شأن فئة من فئات الشعوب وهي بالنسبة لي صورة نمطية سخيفة Stereotyping . |
ما كان هدفي انها تعجبك بس قربت ليك الصورة
وانا قابلة الاستريوتايب دة عن اهلى اهل العوض وما عندي فيهو اعتراض لاني منهم
والله يا دينق اول ما دخلت هنا عرفت تسلسل مداخلاتك
اسئلة وبعدها شتايم كحيل واكاذيب
وبعدها اساءات
منتظرة الاساءات في المداخلة الجاية
| |
|
|
|
|
|
|
|
|
|
سؤال للحبيبة سلمى (Re: salma altijani)
|
Quote: التصنيف الاعتمدناه في الملتقى هو كل من له علاقة مباشرة او غير مباشرة بالعمل الاعلامي
تدخل فيه الصحف والمجلات والاذاعة والتلفزيون وكل المهام ذات الصلة
يعني تقبل عضوية من مارس أو يمارس مهنة لها علاقة بالاعلام كتابة ونشر وكل العمليلت التي ترتبط به
وإذاعة كل العمليات المرتبطة بها |
مفهومة جملة (من له علاقة مباشرة بالإعلام) لكن لم أفهم يا حبيبة جملة (أو غير مباشرة)؛فمنتدى/فورم/رابطة/ إتحاد للإعلاميين يجب أن يكون اعضاؤه إعلاميون علاقتهم بالإعلام مباشرة يمتهنون المهنة..رجائي أن تفسري ي المقصود ولك التقدير..
| |
|
|
|
|
|
|
|
|
|
Re: سؤال للحبيبة سلمى (Re: lana mahdi)
|
انعام ازييك ياخي وسلامات ...
التحية للجميع المتداخلبن
انا بس عندي سؤال واحد :
| Quote: ملتقى ماجدة، ناهد، ثريا، سلمى، رفيدا، هويدا، عواطف، عائشة، فيحاء وحسن في الخارج أو الداخل زي ما بتحبًوا |
ورد في الاقتباس اعلاه اسم (حسن) السؤال هو هل (حسن) ده اسم زول محدد ولا ساي اتكتب ولا غلطة مطبعية؟؟
لو (حسن) اسم زول من هو (حسن)؟
لو (حسن) اسم زول علاقته شنو بملتقي الاعلاميات؟
وشكرا،،،
| |
|
|
|
|
|
|
|
|
|
Re: سؤال للحبيبة سلمى (Re: ريهان الريح الشاذلي)
|
ريهان يا حبيبة.. ســـلامات
(حسن) هو الأستاذ حسن أحمد الحسن في الخبر الفوووق ده.
أما علاقته بالملتقي فهو مستشار المجموعة.
* هسع لو كان ملتقى إعلامين رجال ومعاهم إمرأة كان يقول ليك ختوا معاها طوبة. لووووووول
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
الزميلات والزملاء المتداخلين ..أشكر لكم / لكن...تناول الموضوع بكل هذا النقد المشروع...
وأود هنا وضع بعض النقاط على الحروف...وهمى فى ذلك هو حرصى على الشفافية والموضوعية...
وقد يكون ورود كلمة إتحاد هو ما أثار الكثير من التساؤلات...ولكم / ولكن الحق...فى الإعتراض ..
فالاتحاد كوعاء وشكل ومضمون له قوانينه ولوائحه ...ومتطلبات
تكوينه...من جمعية عمومية وتصويت....الخ...
فالصحيح هو ملتقى الإعلاميات بالخارج ..الذى ظل يختمر فى ذهن الزميلة ماجدة خوجلى منذ زمن بعيد..
كما هو حلم مشروع ظللنا نمارسه ونتسكع به على أرصفة الذاكرة..ولم يرتيط أبداً ..بتقرب من سلطة أو تحقيق مكاسب شخصية وأود هنا أن أذكر
أن شخصى الضعيف ومعى زميلات كنا قد ناقشنا الأستاذ/ كمال عبداللطيف حتى فى تجاوز دعوة إعلاميين واعلاميات الخارج
عارضين للكثير من المشكلات والقضايا وطلب منى إعداد قائمة وارسالها له بعد عودتى الى جده بالزملاء والزميلات المتواجدين بمدينة جده
ووعد بالتحدث اليهم فرداً فرداً..وظل مكتبه التنفيذى فى متابعة مستمرة معى لحثى على ارسال المعلومات المطلوبة وهذا ليس تمييزا لشخصى
يقدر ماهو اجابة على ماطرحته من تساؤلات ظلت فى خاطرى وخاطر الكثيرين
.وما ذكرته يثبت أننى لم ولن انطلق من مصالح شخصية أو مآرب أخرى ..ولدى كل اللقاءات التى جمعتنا بالمسئولين كنت أقدم مصلحة الجمع .....لا الفرد...
أما فكرة الملتقى التى تمت بحمد الله ...وبحكم تواجدنا بالسودان فقد قمنا بذلك التمهيد ....وأكرر التمهيد......
لملتقى جامع ولا يزال فى مهده...ينتظر استقرارى بجدة واستقرار الزميلات بمغترباتهن ...وحينها ستتضح الفكرة وتتوسع عبر الاتصالات
بجميع الإعلاميات فى الخارج ..اثراء للفكرة..وتمهيداً وتكوين الجمعية العمومية ومن ثم البحث فى شكل مناسب إتحاد...رابطة...منتدى...او ملتقى وهذا ما ستسفر عنه الممارسة الديمقراطية السليمة...
فى اعتقادى إن ما تم تنسيقة هو بداية لمشوار حلم...لجميع الاعلاميات بمختلف مواقعهن تحت راية الوطن وليس حزباً أو جهة أو حكومة..
وفى رأيى المتواضع بأن مناقشة هكذا موضوع يجب أن تتم بموضوعية دون استباق للنتائج ...
فالفكرة الوليدة أمامها مشوار نماء ...حتى تكتمل...ومشوار صدق حتى تثمر...
إننى من هنا أدعو كافة الإعلاميات ..اللائى تتوزعهن خرائط الشتات أن يجتمعن...نستزيد بآرائهن ونستظل بمشاركتهن .
.تقدماً بدور المرأة ..وانحيازاً لوطن الشموس ..وبشارات الآتى ليلتم شملنا..ونقدم تجربة العمل الإعلامى ..
وأهمية أن نلتقى ...وأهمية أن يكون لنا دور فى بناء مستقبل واضاءة حاضر..
سنتواصل
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: ناهد بشير الطيب)
|
الحبيبة ناهد
المشكلة ليست في تسمية (إتحاد) المشكلة في أي وعاء يكون إسمه قماشة عريضة للإعلاميات و الصحفيات بدون ان تتم استشارتهن قبل الحديث بإسمهن، الخبر أدناه كما ورلاد في الرأي العام يتعارض مع كلامك الذي داخلت به، يقول الخبر:
Quote: سجل أعضاء المكتب التنفيذى للاتحاد الدولى للصحافيات والاعلاميات السودانيات العاملات بالخارج.. زيارة لـ «الرأي العام» وكان في استقبالهن مديرا التحرير الاستاذان ضياء الدين بلال ومحمد عبدالقادر.. حيث عرض الوفد المكون من الزميلات ماجدة عوض خوجلي رئيسة الاتحاد وناهد بشير الطيب نائب الرئيس وثريا فرح يعقوب مدير العلاقات الخارجية والمنظمات خطط وبرامج الاتحاد الذى كانت بدايته الفعلية قبل أربعة أشهر من الآن..
. |
هذا الحديث ينفي تماماً أن الأمر مجرد فكرة بل يتخطى الفكرة للشروع في التنفيذ و تكوين مكتب تنفيذي و أكيد المكتب التنفيذي سبقه هيكل..أرى لو كان الامر كما تقولين أن ترسلن تصويب لجريدة (الرأي العام ) فيه مضمون مداخلتك:
Quote: أما فكرة الملتقى التى تمت بحمد الله ...وبحكم تواجدنا بالسودان فقد قمنا بذلك التمهيد ....وأكرر التمهيد......
لملتقى جامع ولا يزال فى مهده... |
مع اختيار إسم يتماشى و فكرة أنه ملتقى لجزء من الإعلاميات و الصحفيات وليس ملتقى جامع لكل الصحفيات و الإعلاميات بدول المهجر..بعض ان وضح من مداخلات العديدات من الإعلاميات و الصحفيات المحنرفات في هذا البوست رفضهن لملتقى يكون مقره جهاز شئون السودانيين العاملين بالخارج كما ورد في الخبر المنشور بالرأي العام
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: lana mahdi)
|
سلامات ياناهد وحمد الله على السلامة
Quote: المشكلة ليست في تسمية (إتحاد) المشكلة في أي وعاء يكون إسمه قماشة عريضة للإعلاميات و الصحفيات
بدون ان تتم استشارتهن قبل الحديث بإسمهن، الخبر أدناه كما ورلاد في الرأي العام يتعارض مع كلامك |
هنا المحك ياناهد وماجدة, هنا المحك!!
هناك تناقضات كتيرة فيما رود منكن خاصة حين نقارنها بالخبر الاصلى,
سؤالى مازال عالقا ياناهد هل كل اللى فى اللجنة اعلاميات محترفات؟
ومنو حسن ده؟ وماهى علاقته بهذا الملتقى او الاتحاد الذى حمل اسمنا جميعا دون ان ندرى..
اتمنى ان يتسع صدركن لرؤيتنا, فليس من المتوقع ان نصمت ونمرر جسم تكون باسمنا جميعا دون استشارتنا
Quote: مع اختيار إسم يتماشى و فكرة أنه ملتقى لجزء من الإعلاميات و الصحفيات وليس ملتقى جامع لكل الصحفيات و الإعلاميات بدول المهجر..بعض ان وضح من مداخلات العديدات من الإعلاميات و الصحفيات المحنرفات في هذا البوست رفضهن لملتقى يكون مقره جهاز شئون السودانيين العاملين بالخارج كما ورد في الخبر المنشور بالرأي العام
|
اتفق جملة وتفصيلا مع وجهة نظر الاعلامية القديرة لنامهدى.
مع تقديرى ومودتى ياناهد
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: salma altijani)
|
| Quote: ونحن نسعى الى مافيه خير البلد والمواطن تحملنا فى سبيل ذلك الكثير والذي يعلمه الكثيرين من الصحفيين السودانيين الذى كنا نمثل عضوية اول نقابة للصحفيين السودانيين بعد الانتفاضة فى عام 88.. |
الاخت ماجدة عوض خوجلي .. تقديري وليتك تعربين ما تحته خط ؟؟؟
من يضع نفسه في محل المسؤولية يجب أن يكون في مقدار ما تتطلبه المسؤولية انتٍِ الان تنصبين اسمك رئيسا لاتحاد او رابطة او ملتقى لأصحاب او صاحبات اليراع فكيف يعطي من لا يملك لمن يستحق التقويم _ تقديري _ للحق والحقيقة التي( كما قال معروف الرصافي في تقدمته لكتابه الشهير الشخصية المُحمدية أنه كتب للحقيقة وحدها لا شريك لها ) والحقيقة بلا شك تبرز من خلال الحوار الممتد والذي يتطلب كثيرا من الصبر والجلد فقد رفعتي سيدتي راية التصدي لقضايا لها من النصيرات عدا عدا وكونك إخترت لدعواك ومقترحك من هن لسن من اللائي شاركنك الحوارات فكرة او مقترح _ في التأسيس لنأتي للتفاصيل والمتن_ فهاهي الاستاذة والتي دوما ما نظن بها وفيها الحكمة والخير عواطف ادريس تنفي أي علاقة لها بل وتعلم بتعيينها أمين مال من خلال المنبر في موقف يؤكد حسن ظننا فيها والتي هي في موضعه بلا شك عواطف ادريس قلم ظل بعيدا عن الصراعات التي تهدر حقوق اصحاب المهنة لذلك اندهشت عندما أطلعت على اسمها بحق لم اصدق ذلك وحكمي من خلال حروفها التي اتابعها ابدا, الحقيقة الاخرى والتي لن تنفيها الاخت ناهد بشير الطيب انها قد انتزعت حقها في المشاركة في المؤتمر بعلاقاتها الخاصة ولم تكن من ضمن المدعويين او المدعوات الى المؤتمر بل وذهبت لابعد من ذلك اذ رفعت عنها سلطة الجسم الذي انتمت اليه مؤخرا وهو جمعية الصحفيين السودانيين بالسعودية فرع الغربية ولربما حضرت له اجتماع او اثنين لكنها بصدد المشاركة لم تراجع احدا البتة.
أختي الكريمة لعلك دلفتي الى تمثيل من لم تستشيرهن والرجوع للحقيقة والحق هو من صفات النبلاء ولعلي أربأ بك اخت الشهيد أن تنحازي لجلادي فارس مغوار تحملين اسمه بين جوانحك ولم تفارق صورته خيالك في يد قاتليه يااخت مصطفى انتي الان تنصرين من قتل مصطفى وتقتلين من يزحفون للنيل من قاتيله فمصطفى احد فرسان ونشامى السودان بل ومن اوائل من اشعل نار الرفض والتمرد على سلطة الانقاذ فهل وقوفك في صف هؤلاء هو ادانة لشرف المقاومة والرفض ولو صمتا ام هو اليأس والانكسار عن طول المشوار ام ماذا يجري هنالك وهكذا رأينا كُثُر يهرولون ويدجنون فما الناتج .
جملة مبررات الموقف لا تستحق انكسار اصاب خطوك وفتور فت في عضدك جملة مبررات الحاجة لدعم الزملاء انت اهل لتقيمينهامع نفر من الذين دربوا وعرفوا وسلكوا دروب العمل الخيري وهموا كثُر بل لعل في دعم سخي وكبير قاده زمرة من زملاء المنبر لعلاج من هم/ن من خارج المنبر لا حصر لهم/ن ... اعتقد ان فخ نُصب لكن وانتن قادرات على العبور الى درب السلامة ... اعتقدكن في كبوة الخروج منها ممكن بقوة العزيمة والاصرار على المضي في درب الشفافية وطرح الافكار للعامة برِويةوهدوء لان العجلة في مثل هذه الامور تورث الندامة فأمر الاعلام بالخارج لكل السودانيين هو امر كل السودانيين لا فئة او جنس او شريحة .
تقديري ومودتي للجميع .
.........................................................................................حجر.
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: الرفاعي عبدالعاطي حجر)
|
Quote: يا دينق الله يهدي كل شركاء الكيزان والعندهم علاقات معاهم
وطبعا باتهامات سودانيزاون لاين المجانية دي ممكن أجي أقول ليك
كيزان شنو يا زول مش قبل كدة في اخ كريم في المنبر دة قال ليك عندك علاقات مع قيادات كبار من الكيزان
لكن لاني ما بصدق كل اتهام يتكتب هنا حا اقول ليك خليك جاهز باختامك
وللناس عقول تميز |
أقولو العاوزين يقولوه وأنتي خليك شجاعة و قولي العاوزة تقوليه ومن غير لف ودوارن، أنا شخصية معروفة وعارف نفسي بعمل في شنو . كده أنتي حاولي أن تقنعي نفسك بأن هذا العمل لا علاقة له بالكيزان أولا ثم تعالي وأقنعينا. نعم للناس عقول تميز ولولا ذلك لما كان هنالك هذا العدد الكبير الذي يريد أن يعرف حقيقة هذا الجسم الجديد والغريب. الفرق بيني وبين الاخرين هو أنني أخذت الموضوع من نهايته، ولا أريد الاستماع الى بعض التبريرات المضحكة ومحاولاتك اليائسة التي تقومين بها في محاولة فاشلة لأقناع الناس.
Quote: ما كان هدفي انها تعجبك بس قربت ليك الصورة
وانا قابلة الاستريوتايب دة عن اهلى اهل العوض وما عندي فيهو اعتراض لاني منهم
والله يا دينق اول ما دخلت هنا عرفت تسلسل مداخلاتك
اسئلة وبعدها شتايم كحيل واكاذيب
وبعدها اساءات
منتظرة الاساءات في المداخلة الجاية |
أنا لا أحبذ النكات والصور النمطية التي تستعمل ضد بعض الاجناس أو القوميات ، وحتى لو كانوا هم أهلك. إذا كنتي تعقدين أن الكوزنة أسائات فهذا الامر يرجع اليك أنت شخصيا ، ولا تتوقعي مني شتايم تجاهك أو أتجاه أي شخص. إذا كنتي أنتي لا تشتمين فلماذا أشتمك أصلا؟ أما الاكاذيب فدائما يستعملها الذين يريدون أخفاء بعض الحقائق وليس الذين يبحثون عنها أو يكتشفونها.
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Deng)
|
Quote: افادة مصدر مطلعة انه قد اجتمع كل من نافع على نافع ومهدى ابراهيم ومصطفى (شحادين) اسماعيل وعلى
كرتى بالاضافة الى مسئول شئون المغتربين دكتور كرار التهامى بقيادات (العمل الوطنى) فى الحزب الحاكم فى
فبراير الماضى .
وقد بحث الاجتماع الاستراتيجية ووسائل العمل فى اوساط السودانيين باروبا وامريكا على اثر توقعات قرار محكمة
الجنايات الدولية .
بالرغم من ان الدكتور نافع طمأن المجتمعون بان المحكمة لن تستطع ان تصدر قرارها بالقبض على البشير الا انه
استدرك ضرورة الاستعداد لكل الاحتمالات.
مهدى ابراهيم من جانبه اكد ان اكبر مشكلة يواجهها الحزب الحاكم وحكومته فى الغرب .. هم السودانيين وحكى عن
تجربته فى واشنطن عندما كان سفيرا لديها . وخلص الى ان المشكلة تفاقمت لان سودانى الغرب ليست لديهم مصالح مع
السفارات كما هو الحال فى الخليج مثلا ، مما جعلهم يبتعدون عن السفارة ويصور من يتردد على السفارة على انهم
من المؤدين للحكومة . وقال ان ما يحاول ان يخلص اليه اهمية ان ينجح الاجتماع فى الخروج بخارطة طريق تسهم
فى كسب تاييد السودانيين باروبا وامريكا للوقوف بجانب السيد الرئيس رمز سيادة السودان وعزته من اجل ترسيخ
السلام والاستقرار . واكد لاعضاء وفد كان يستعد للمغادرة الى الامم المتحدة فى نيويورك .. انهم سوف يدركوا
ما يقول بعد ان يرؤا باعينهم كيف ان اكبر عقبة سوف تقابلهم هم السودانيين انفسهم .
مصطفى (شحادين) قال ان من خلال جولاته العديدة منذ ان كان فى مجلس الصداقة الشعبية ووزارة الخارجية كان قد
تبنى وضع استراتيجية خاصة بمهاجرى اروبا وامريكا . خاصة وان مجموعة كبيره من قيادى الحزب اتيحت لهم فرصة
التعرف على هذه المجتمعات من خلال الدراسة والعمل هناك. ولكن لظروف لم تتبلور الا فى السنوات الاخيرة وخاصة
بعد احداث نيويورك . ووجه حديثه الى كرار التهامى بان يسرع فى ضمن مهاجرى الغرب الى ادارته .
كرار التهامى من جانبه اكد انه يتطلع الى اليوم الذى يلعب فيه مغتربى اروبا وامريكا دورهم فى بناء السودان
لان من بينهم من تحصل على تعليم عالى وخبرات عالمية . وذكر ايضا دور الجيل الثانى من ابنائهم وضرورة ربطه
بالسودان وقال انه كمغترب سابق يعرف هواجس الاباء والامهات فى هذا الخصوص . ونوه الى ان الامهات هن مدخل هذه
الاستراتيجية ، بالاضافة الى الاستثمار فى مشاريع اخرى .
على كرتى ركز على الدور الهام الذى تلعبه السفارات والبعثات الدبلوماسية فى تنفيذ هذه الاستراتيجية لابد من
التواجد اليومى فى كل انشطة التى يقيمها السودانيين حتى انه يمكن من خلال ذلك التعرف على الشخصيات
المؤثره والتى يمكن ان تتعاون معنا من اجل السودان والسلام . كما يمكنها ان تتعاون مع الجاليات السودانية
هناك من خلال المساعدة فى تنفيذ برامجها ودعمها خاصة البرامج المتعلقة بالنش مثل المدراس االتى تدرس الاطقال
الدين واللغة العربية . وربط الطلاب منهم كذلك بالوطن عن طريق تنظيم ورعاية الرحلات فى الاجازة الصيفية .
وتحدث سعود البرير رئيس اتحاد اصحاب العمل عن ضرورة مشاركة الاتحاد فى الوفود الحكومية الى اوروبا وامريكا
لتعريف السودانيين بما يمكن ان يقدمه لهم الاتحاد وتبادل الخبرات معهم .. وقال ان اول وفد سوف يتوجه الى
الندن فى مايو المقبل |
Deng
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Deng)
|
الفاضلة الكريمة ناهد..
ســلام وإحــترام..
Quote: وقد يكون ورود كلمة إتحاد هو ما أثار الكثير من التساؤلات...ولكم / ولكن الحق...فى الإعتراض ..
فالاتحاد كوعاء وشكل ومضمون له قوانينه ولوائحه ...ومتطلبات
تكوينه...من جمعية عمومية وتصويت....الخ... |
لم يثر حفيظتنا كلمة (إتحاد). ما أثار حفيظتنا هو الكلام البعدها (الإعلاميات السودانيات بالخارج).
(إتحاد) لا يقلقنا خالص.. زيها زي إتحاد الكرة أو إتحاد نقابات أي مهنة..
(الإعلاميات السودانيات بالخارج) هي مربط الفرس. لأن غالبية أو كل الإعلاميات الشاركن في البوست ده (أو لسة ما جن) يعشن ويعملن في الخارج وما عندهن أي فكرة عن اي شئ. حتى أن "عواطف" جاء إسمها ضمن اللجنة التنفيذية ونفت علمها بذلك!!!
..
أخذت مني قراءة هذه الفقرة في ردك وقتا طويلا لهضمها ومقارنتها (بالشئ الحاصل):
Quote: فالصحيح هو ملتقى الإعلاميات بالخارج ..الذى ظل يختمر فى ذهن الزميلة ماجدة خوجلى منذ زمن بعيد..
كما هو حلم مشروع ظللنا نمارسه ونتسكع به على أرصفة الذاكرة..ولم يرتيط أبداً ..بتقرب من سلطة أو تحقيق مكاسب شخصية وأود هنا أن أذكر
أن شخصى الضعيف ومعى زميلات كنا قد ناقشنا الأستاذ/ كمال عبداللطيف حتى فى تجاوز دعوة إعلاميين واعلاميات الخارج
عارضين للكثير من المشكلات والقضايا وطلب منى إعداد قائمة وارسالها له بعد عودتى الى جده بالزملاء والزميلات المتواجدين بمدينة جده
ووعد بالتحدث اليهم فرداً فرداً.. وظل مكتبه التنفيذى فى متابعة مستمرة معى لحثى على ارسال المعلومات المطلوبة وهذا ليس تمييزا لشخصى
يقدر ماهو اجابة على ماطرحته من تساؤلات ظلت فى خاطرى وخاطر الكثيرين
.وما ذكرته يثبت أننى لم ولن انطلق من مصالح شخصية أو مآرب أخرى ..ولدى كل اللقاءات التى جمعتنا بالمسئولين كنت أقدم مصلحة الجمع .....لا الفرد... |
طيب.. طوال هذه الفترة التي كان مكتب الأستاذ كمال عبداللطيف يتابع معك بطريقة مستمرة وحثك على إرسال المعلومات المطلوبة. ما فكرتي ولو للحظة في إعلامنا (إحنا الما جايبين خبر)..
وبالمناسبة دي الأستاذ الوزير كمال عبداللطيف ده تبع البشير ولا الحركة ولا مستقل يعني؟؟!
وما علاقته بإعلاميات الخارج..؟ وهل يمكن إعتبار قبول التعامل معه أنه تطبيع (وبداية صفحة بيضا جديدة مع الحكومة)؟؟!!!!
المصالح الشخصية لا تنفى بنفي التهمة. بل تنفى بعمل على أرض الواقع.
كل الحاصل ده شخصي. لا إحتراف فيه ولا إحترام للبقية المغيًبة من قبيلة الإعلاميين وما عايزة أضيف ولا لعقولهم ايضا..
تحاياي
| |
|
|
|
|
|
|
|
|
|
Re: اتحاد الاعلاميات السودانيات بالخارج ..وجه جديد للمرأة (Re: Deng)
|
شفقه للتسجيل خلت الناس تهرول للتسجيل. وهذا الوزير الذي يري في ان الهندي عز الدين مثالا للصحفي الجيد
هو من ذهبت اليه ناهد وتشكر بان الوزير يفتح مكتبه وهو يريد ان يضع اسفين للعمل الخارجي الذي فضح وجه الحكومة القبيح .
وان هذا الملتقي الاتحاد التجمع لتزييين وجه الحكومة كان الاحسن ان يبعد منه صفة جمع الاخريات اللائي ضحين بحياتهن وببلدهن ورضين ان يمارسن العمل الصحفي والاعلامي وغيره بعد ان فصلت السلطة وصادرت واغلقت الصحف
ويجب ان يسجل هذا الملتقي باسماء من قامن به ولا يزج اسماء تري انها لا تؤيد هذه الفكرة
وقالوا الغرض مرض نلاحظ في ما يحدث في منظمات المجتمع المدني الاخري
هذا العمل من خلفه تنظيم الجبهة الاسلامية
وقد عين الاخت عواطف امينة مال بغير شورتها ؟؟ ايعقل
لماذا الشفقه طالما ان الفكره تناقش قبل اربعة اشهر
عجبي وحيرتي
| |
|
|
|
|
|
|
| |
انعام حيمورة
زهير عثمان حمد
Deng
عمر صديق
ماجدة عوض خوجلى
lana mahdi
Ishraga Mustafa
حليمة محمد عبد الرحمن
Raja
شول اشوانق دينق
سارة علي
عواطف ادريس اسماعيل
عبد المنعم سليمان
عبدالكريم الامين احمد
بت قضيم
Muna Khugali
العوض المسلمي
ريهان الريح الشاذلي
ناهد بشير الطيب
الرفاعي عبدالعاطي حجر
عاطف عبدون
فيس بوك
تويتر
انستقرام
يوتيوب
بنتيريست