|
Re: أى حزن هذا يا / عمر الطيب الدوش . . . (Re: Osman Musa)
|
Quote: خطانا الالفه والوحشه وتمشى معاى .. وتروحى وتمشى معاى .. وسط روحى ولا البلقاهو بعرفنى .. ولا بعرف معاك روحى |
عثمان الأخ العزيز كل سنه وانتا طيب، عمر الطيب الدوش، كان يحلم ويراهن، وذهب حاملا رهانه على الفأل بعد أن وضع بيننا كلماته تلك الكائنات الحية الشاحذة نزين بها غرفنا الكئيبة ونضمخ بها وجداننا النازف وننادييييييييها
| |
|
|
|
|
|
|
Re: أى حزن هذا يا / عمر الطيب الدوش . . . (Re: Osman Musa)
|
الود _______ أعيشها معاك لو تعرف دموع البهجة والأفراح أعيشها معاك واتاسف على الماضى اللى ولى وراح على الفرقه الزمان طويل على الصبر اللى عشناهو مع طول الألم والليل زمان كنا بنشيل الود وندى الود
وفى عينينا كان يكبر حنانا زاد وفات الحد زمان ما عشنا فى غربه ولا قاسينا نتوحد وهسع رحنا نتوجع نعيش بالحسره نتأسف على الماضى اللى ما برجع أحبك لا الزمن حولنى عن حبك ولا الحسره وخوفى عليك يمنعنى وطول الالفه والعشره وشوقى الليك طول طول لسه معاى ولى بكره لسه معاى
________ ___ _ عمر الطيب الدوش
| |
|
|
|
|
|
|
Re: أى حزن هذا يا / عمر الطيب الدوش . . . (Re: Osman Musa)
|
بناديها
بناديها .. وبعزم كل زول يرتاح على ضحكة عيون فيها واحلم انى فى اكوان بترحل من مراسيها عصافير نبتت جنحات وطارت للغيوم بيها مسافر من فرح لى شوق ونازل فى حنان ليها اغنى مع مراكب جات وراها بلاد حتمشيها وبحزن لى سفن جايات جايات وما بتلقى البلاقيها بناديها ولما تغيب عن الميعاد بفتش ليها فى التاريخ واسأل عنها الاجداد اسأل عنها المستقبل اللسع سنينو بعاد بفتش ليها فى اللوحات محل الخاطر الما عاد وفى الاعياد فى أحزان عيون الناس وفى الضل الوقف ما زاد بناديها بناديها واحس باللقيا زى أحلام بتصدق يوم والاقيها وأحلم فى ليالى الصيف بساهر الليل واحجيها ادوبى ليها ما ضيها واطمبر ليها جايها وبرسل ليها غنوة شوق واقيف مرات والوليها
بناديها
| |
|
|
|
|
|
|
Re: أى حزن هذا يا / عمر الطيب الدوش . . . (Re: Osman Musa)
|
حكاية ___
فى الزمن الموشح بى سكين وحربه والغيم المسافر لم دموعى خب طل الخوف ملفح بى حزن الغلابه خلى الشوق مهاجر بين صمتى وعذابها اتلاشت مسافه مابين سيل وغابه مابين ضل سحابه وبين وتر الربابه اتلاشت مسافه بين صمتى وعذابها فوق ايام حنينه مالت بى ضفيره صحت موجه نايمه زاد الليل دميره مالت نخله تهمس لى موجات حسيره عن أشواق أسيره ما معروف مصيرها يا غيم وين مسافره ؟
| |
|
|
|
|
|
|
Re: أى حزن هذا يا / عمر الطيب الدوش . . . (Re: Osman Musa)
|
وطـن
حأسال عن بلد رايح
وافتش عن بلد سايح
واسال عن أمانينا
الّي ما بتدينا صوت صايح
واسال وين مخابينا
إذا جانا الزمن ..
لافح
وأسال عن بلد مجروح
وعارف الجارحو ليه جارح
وابكي على بلد ممدح
وعارف المادحو
ما مادح
واحلم بي حلم مسروق
لا هو الليلة
لا امبارح
اعلق في جناح سفري
خطابات لي زمن فجري
وأدخل من درب سري
لكل مضاجع الاحزان
وأضفر من شجر بلدي
بروقاً مارقة من صدري
حأسأل عن بلد غاط
لحد الليلة في الوجعة
أنط فوق سرجي وأتحزم
أقوم من وقعة
لي وقعة
أخت أيدي البتوجعني
على السأم اليراجعني
وأسأل ...
يا وطن يا بيتنا
ليه شوق مواجهني
ليه حبك مجهجهني
وليه تاريخ زمن خسران
موكر لسه في شجني؟
حأكتب لي شجر مقطوع
مسادير
يمكن يتحرك
خطابات للطفل مجدوع
يقوم
يجري
يقع
يبرك
رسالة لكل قمرية
إذا دم الشقا اتوزع
على كل البيوت
ما ترك
وأسأل ...
عن وطن رايح
واديكم خبر جارح :
بانو جميع جموع الناس
حيفضلوا لا كراع
لا راس
ونشتري في الدكاكين يوم
مسابح من دموع الناس
مساحيق من هموم الناس
زهج
يتعبأ في الاكياس
ونعلن في المزاد علناً
وترغي الجوقة والأجراس :
نبيع الطفلة والكراس
واصرخ
يا وطن ! يا بيتنا!
ليه ما تبقى لينا الساس
قدر ما تجري فيك
أفكار...
يزيدوا الحبس والحراس
قدر ما تجري فيك الخيل
تدوس الهيبة
والاحساس
وأسأل
يا وطن رايح
أذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدقان؟
جريمة طلب تمن قبري
من البايع في اي مكان؟
واقولك يا وطن رايح
واقولك يا وطن
آمر
سلام النفس ما كافر
ولا كافر
ولا كافر
شكرا اخي عثمان وجميع المتداخلون على هذا الولوج في نصوص شاعرنا الدوش
الدوش ظاهرة شعرية لن تتكرر
فنتأمل النص أعلاه والننظر للحال البلد الان
نجد كل قلق الشاعر من الآتي حصل كأنه يعلم الغيب سبحان الله وحده علام
الغيوب ولكن حساسية الدوش العالية وصدقه وصلتو للتحليل في هذا النص
بالدارجي والله الدوش لما الواحد يقرى ليهو شعر جلد يكلب
يكفيه تشبيه وعمق ( من صحية جروف النيل مع الموج الصباحية ) ..الود
| |
|
|
|
|
|
|
|