|
|
 أمسية نون الندوة...صور
|
أمسية رائعة...بالرغم من ضيق الزمن...أبدعت الأستاذة عفاف حسن أمينقدمها المخضرم محمد السني دفع الله...شكرا بدرالدين الامير شكرا للحضورشرفتنا كتير دكتور جمال الماحي و الاديب الأمين البدوي كاكوم....
سأترككم مع الصور ...
شكر خاص للابنوسة
|
|
 
|
|
|
|
|
|
|
|
Re: أمسية نون الندوة...صور (Re: امير طمبل)
|
طمبل يا امير الصور والتصوير
بالامس قد استمتعت كثيرا بمسرح العبث .....
وعفاف والسنى لم يتركو فرصة لاحد غير ان يضحك ويضحك كمان وكمان
ياخي ديل وعلى قول السودانيين ( مخستكين ) بل وخستكو بينا وعجبنى اكتر
ان عبدالعزيز العميرى كان حاضر ا في طفلته المتشوطنة التى كان يحملها على ظهره
الى المسرح (عفاف ) وزميله الكائن الدرامى محمد السنى ....
تنهدات: الكلام للعميرى والغناء لمصطفى سيد احمد مقطع من اغنية الممشى العريض
بكيت ولا همانى شىء
ضحكت ولا همانى شىء
عندك وقفت من المشى
وغرقت في ضو النهار
| |
|
|
|
|
|
|
|
|
Re: أمسية نون الندوة...صور (Re: محمد سنى دفع الله)
|
موهبتها طاغية وحضورها ألق
عليها ان تعرف نفسها جيدا مثل ما قال ـ سقراط
( نو زاي سيلف ) ( اعرف نفسك )
هذه الجملة الذهبية هي المفتاح لانطلاق المبدع
عفاف حسن امين
يمكن ان تبدع برنامجاحواري مثل اوبرا
وان تبدع برنامج كوميديا الفرد ،، مثل ـ ساينفيلد ..
عبدالرحمن نجدي
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
علق الصديق كمال على الزين عن امسية الامس في بوست الاعلان عنها وقال:
Quote: ندوة رائعة أستمتعنا من خلالها بأحاديث الأديبة الشاعرة
عفاف حسن أمين صاحبة المدرسة الشعرية الخاصة التي أسمتها مدرسة (السك سك)
وهو بلاشك ميلاد مدرسة أدبية وشعرية جديدة رائدتها أديبتنا وشاعرتنا صاحبة
الحديث الذي لا يمل..
شكراً لك يابدرالدين وللأخ السني ولصاحب الدار عادل التجاني ..
ونتمنى لأديبتنا إقامة طيبة بدوحة الجميع ...
وسعدنا أيضاً بالإعلان عن ندوة الجمعة القادمة والتي سيكون ضيفها
الرائع الأديب الأريب الباحث المجتهد الأستاذ الأمين البدوي كاكوم
وهو رجل لا يقل عن عفاف أدباً وشاعرية .. |
وكان تعقيبى على كلام كمال:
Quote: كمال ياصاحب
راي في عفاف المبدعة والمتمردة على السائد الوجودية والعبثية والصوفية في آن
بعد هذه الامسية إنها النسخة الانثوية من عبدالعزيز العميرى ...
انا لااعرف عفاف من قبل ولا مشوراها الابداعى حتى وانا زميل عمل اشقيقتها
الصغرى مي (توما)
ولاول مرة اجد نفسى أمام انثى سودانية عندها حضور مسرحى تلقائى أصيل
شعرها مسرحى حضورها مسرحى لبسها مسرحى مفرداتها مسرحية وبرضو تقليدية
تحدث عن طفولتها وان من قادها للمسرح وحسب قلاصتها والدها الاعلامى والشاعر
الراحل حسن امين ومن دربها وكان بشيلها على كتفو وهى تمثل بجانبه صاحب المواهب
عبدالعزيز العميرى ...
لكنها متصالحة مع رفض والدتها المدرسة ان تكون ابنتها ممثلة مسرحية لكنها تحايلت على
تلك الورطة وبقت مسرحية على طريقتها تضيق بها القنوات لانها صادقة وجريئة ومتمردة
حسب نشأ تها وتكوينها ولاتعبأ بشىء المهم انها تقول وتفعل وهي متصالحة مع اقوالها وافعالها
|
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
Quote: موهبتها طاغية وحضورها ألق
عليها ان تعرف نفسها جيدا مثل ما قال ـ سقراط
( نو زاي سيلف ) ( اعرف نفسك )
هذه الجملة الذهبية هي المفتاح لانطلاق المبدع
عفاف حسن امين
يمكن ان تبدع برنامجاحواري مثل اوبرا
وان تبدع برنامج كوميديا الفرد ،، مثل ـ ساينفيلد ..
عبدالرحمن نجدي |
يا السنى صديقنا المشترك المخرج السنمائى عبدالرحمن نجدى شهد بشهادته تلك
اوقال انه لاول مرة يشوف ويسمع عفاف
والمخرجين لهم عيون صقر ترى ما لايراهو الاخرين
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
Quote: موهبتها طاغية وحضورها ألق
عليها ان تعرف نفسها جيدا مثل ما قال ـ سقراط
( نو زاي سيلف ) ( اعرف نفسك )
هذه الجملة الذهبية هي المفتاح لانطلاق المبدع
عفاف حسن امين
يمكن ان تبدع برنامجاحواري مثل اوبرا
وان تبدع برنامج كوميديا الفرد ،، مثل ـ ساينفيلد ..
عبدالرحمن نجدي
حقيقة...حقيقة
....حقيقة
شوفو ...الدهشة في عيون الحضور الأنيق
وللأمسية بقية
| |
|
|
|
|
|
|
|
|
|
Re: أمسية نون الندوة...صور (Re: haroon diyab)
|
Quote: ابن خالتي ياجميل
سلام ياصاحب العدسة الذهبية
والله ابداع في التصوير
وياريت تدينا ملخص لما
دار في ندوة نون النسوة
|
...
تسلم يا قريبي ....جدا سألخص لك الامسية في كلمات..
عفاف ابدعت ..سكت الحضور سكا زي ما قال كمال الزين..وحاول افرملا صاحبنا السني لكن دهستو بي كلماتا الجريئة..صراحة الشعر بتاعا سريع شئ فهمناهو وشي فوتناهو..عفاف قالت انها تجيد عمل "السخينة"وتحب "السفنجة" ..وتكره الكذب والخيانة وتتعامل مع الناس بحسن نية تامة الى ثبوت العكس. .. مشوارها الابداعي قالت ان عمره لم يتجاوز السبع سنوات..عفاف مولودة في ام درمان في حي الشاعر الفحل ود البنا، قالت انها تشربت الابداع من والدها الشاعر حسن امين ..خريجة علم نفس من آداب جامعة الخرطوم ..صاحبة عدة اعمدة صحفية منها " شكرا حزينا" و"حضرت ولم اجدك" و"نون النزوة" ..و لديها برامج تلفزيونية واذاعية مثل "قضية ونص وخمسة" و"مزازيل" و "رايكم شنو" و"نيل يا نيل" والبرامج الاذاعية مثل "يومك كيف" ، "باليل ماشي وين" ، "مساء المنقة" ، " ناس الصباح" ، و لها كتب تحت الطبع مثل "مع فائق العصيان" وشريط شعري بعنوان "جيت غلط"..مداخلات الحضور كانت رائعة خصوصا مداخلة عبد الرحمن نجدي..
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
اووو حاج أمير...
يا أخي بوستك جاذب من عنوانو..
لكن ردمتنا صور بدون تعريف...
ربما الشخوص معروفين لناس الدوحة...
أعلم أن من بينهم شخوص معروفة..
ولكن يا حبذا لو كتبت الأسماء...
بعدين مسئول من الخير إين صديقي المستشار / حسن طه؟؟؟
تحياتي
| |
|
|
|
|
|
|
|
|
|
Re: أمسية نون الندوة...صور (Re: Kamal Karrar)
|
Quote: اووو حاج أمير...
يا أخي بوستك جاذب من عنوانو..
لكن ردمتنا صور بدون تعريف...
ربما الشخوص معروفين لناس الدوحة...
أعلم أن من بينهم شخوص معروفة..
ولكن يا حبذا لو كتبت الأسماء...
بعدين مسئول من الخير إين صديقي المستشار / حسن طه؟؟؟
|
شقيقي الأكبر كمال كرار
تحياتي و اشواقي ...أسعدني و شرفني جدا مرورك علي البوست ملاحظة فعلا
خلت معظم الصور عن الشرح ...بقية الصور ساحاول ان اشرحها ..عمنا المستشار
حسن طه أمس غياب...يبدو ما عندو في الطيب نصيب ...الامسية جدا كانت رائعة
أبدعت الاستاذة عفاف حسن امين و حتي تعيش في جو الامسية سأنزل فيديو للاستاذة
وهي تلقي بعض من قصائدها ...تحياتي لك
عموما دي برضو صورة جماعية ساحاول أن اكتب لك اسماء الحضور
الصورة جلوسا بدرالدين الامير ..كوستا..
وقوفا من الشمال الي اليمين.. د.جمال الماحي..عبدالجليل (نادوس) الاستاذ عمر(بوب) مي حسن امين شقيقة عفاف حسن امين..الاستاذة عفاف حسن امين..والطفل البجوارها محمد وصفي كامل صالح (احفاد ابوصلاح الشاعر)ثم الاستاذة ليلي صلاح حرم نادوس (الابنوسة) مصطفي أمير طمبل (أبني)..خليل(خلا)..محمد عثمان وقيع الله..الصف التاني من اليمين الي الشمال وصفي كامل ...عمر سعد ..كمال سالم..دكتور السنجك..البعدو بالرغم من انو بحراوي حقيقي ما عرفت اسمو..والصف التالت من الشمال اليمين ..الخال نجم الدين..محمد يسن..عزام حسن فرح..محمد السني دفع الله..عوض مدني
تحياتي
| |
|
|
|
|
|
|
|
|
|
Re: أمسية نون الندوة...صور (Re: عفاف أبو حريرة)
|
النسيبة ام احمد بت ابو حريرة
إكراما لمرورك الكريم يابت الاكارم
اقدم ليك نص اغنية الممشى العريض كلمات العميرى لحن وغناء مصطفي سيد احمد
ولمن تجو الدوحة حا اسمعك ليها بتسجل لم يسمعه احد والبطحانى خليهو يمشى بياطن
بطاحين اربجي الذى عاش مصطفي معهم ويحبهم كا يحب اربجي التى درس فيها المرحلة
الابتدائية
تقول الاغنية:
مكتوبة في الممشى العريض شيلة خطوتك للبنية
مرسومة بالخط العنيد في ذمة الحاضر وصية
شاهدة التواريخ والسير والانتظار
أدونى من قبلك مناديل الوصول
وفردت أجنحة العشم في ساحة الوطن البتول
وضحكت وما همانى شىء
وبكيت ولا همانى شىء
عندك وقفت من المشى
وغرقت في ضوء النهار
كانو بتمنوك لو ترتاحى لحظة على الدرب
حبوك حب قدر الحروف الهايمة في بطن الكتب
قدر الخيال مامد إيد على السحب
كل خاطر كان بريدك
إلا ريدك كان رسول الدهشة في كل الديار
وأنا زي عوايد الشعر فارس شد خيل الكلمة ليك
مصلوب على ضهر البداية القالوا آخرها بين إيديك
وسرحت يامهون تهون كان أجيك
كان أصل يوم لحضورك
كت بريدك ومشتهيك
وإنكسر فينى الترجى
ونلت من سفرى الخسار
بس داير أقولك يا أصيلة
لو تعب فينا التمنى
وانهتك وتر المغنى
لو تسدى علينا طاقات البشاير
بنهزم يوم التجنى
واجيك ولاهمانى شىء
عندك وقفت من المشى
وغرقت في ضو النهار
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
| Quote: معنى ذلك اننا موجودون في ليلة نون النسوة والله شنو ؟ |
كمبورة ياجعلى البلد
وقتها كنت انت مشغول بزرز تنا انا وكمال سالم واحتجاجك الموضعى الاحمق وقولك
كيف تكونو معارضين ورفيق امسياتكم وجلساتكم معتز القريش مرسال الامنجى الشهير تبيدى
وعندك الكوز او شبه الكوز لاتامن مجالستهم والمجالس بالامانة ومعتز عندك قد افشى امانة المجالسة
حين الانتخابات المخجوجة وقال عن مجلس اولاد سالم ما قال
| |
|
|
|
|
|
|
|
|
|
Re: أمسية نون الندوة...صور (Re: محمد سنى دفع الله)
|
يا سلام عليك يا السنى يا وريف ..
دائما تجى منك الحاجات الحلوه ..
كان فى بالى الاتصال بكم لاسمع تسجيل للجميله عفاف ..
فى قصيدة انكشح الحبر وانكسرت الدواية انا وااااا شقاي ..
غايتو كان اسعفتنى الذاكرة التعبانه بتكون هى القالت الكلام ده ..
وعلى ما اعتقد كانت بتطل من شباك ونحن لمن تجي كنا نفترش الارض ونسمع بي مزااااج ..
| |
|
|
|
|
|
|
|
|
 Re: أمسية نون الندوة...صور (Re: بدر الدين الأمير)
|
Quote: مكتوبة في الممشى العريض شيلة خطوتك للبنية
مرسومة بالخط العنيد في ذمة الحاضر وصية
شاهدة التواريخ والسير والانتظار
أدونى من قبلك مناديل الوصول
وفردت أجنحة العشم في ساحة الوطن البتول
وضحكت وما همانى شىء
وبكيت ولا همانى شىء
عندك وقفت من المشى
وغرقت في ضوء النهار
كانو بتمنوك لو ترتاحى لحظة على الدرب
حبوك حب قدر الحروف الهايمة في بطن الكتب
قدر الخيال مامد إيد على السحب
كل خاطر كان بريدك
إلا ريدك كان رسول الدهشة في كل الديار
وأنا زي عوايد الشعر فارس شد خيل الكلمة ليك
مصلوب على ضهر البداية القالوا آخرها بين إيديك
وسرحت يامهون تهون كان أجيك
كان أصل يوم لحضورك
كت بريدك ومشتهيك
وإنكسر فينى الترجى
ونلت من سفرى الخسار
بس داير أقولك يا أصيلة
لو تعب فينا التمنى
وانهتك وتر المغنى
لو تسدى علينا طاقات البشاير
بنهزم يوم التجنى
واجيك ولاهمانى شىء
عندك وقفت من المشى
وغرقت في ضو النهار |
كلام زي الكلام لا بتكرر ولا بتقال ..
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
صالون ابنوسة الادبي والذي كان يؤمه الادباء من كل صوب
الشعراء والكتاب والنقاد والفنانين والمستمعين الجيدين
وكلا من يحضر جلسة في صالون الابنوسة قطع شك حا يستفيد
وكانت الفعالية في صالون الابنوسة واضحة والموضوع معروف للحضور
لكن وللاسف ما حدث ليلة الجمعة وتحت مظلة صالون الابنوسة يؤكد ما اصابنا من وهن
الفعالية ليست لها اية علاقة بالعنوان
ابني سألني - نون النسوة دي بتاعت العربي - اجبته نمشي ونسمع . لكن اظننا اتينا لنرى
اتحدى ايا من الحضور لتلك الامسية ان كان قد استفاد او فهم شيئا
لذا اقول ان انسب بوست لهذه الفعالية ان يكون بوست صور وصور فقط
| |
|
|
|
|
|
|
|
|
|
Re: أمسية نون الندوة...صور (Re: عفاف الصادق بابكر)
|
Quote: كان فى بالى الاتصال بكم لاسمع تسجيل للجميله عفاف ..
فى قصيدة انكشح الحبر وانكسرت الدواية انا وااااا شقاي ..
غايتو كان اسعفتنى الذاكرة التعبانه بتكون هى القالت الكلام ده ..
|
عفاف الصادق الام الاكثر من حنونة
شخصيا احمد الله انك ما إتصلتى لانك لوعرفتى قصة قصيدة
واشقاى
التى كتبها الراحل المبدع حسن امين والد عفاف كان حولتى
صالة مركز اصدقاء البيئة لبيت بكا
حسن امين كان بحكي في تلك القصيدة عن مشاعر طفل يتيم ومعاق
وداير يخيط لروحو جلابية للعيد عن عشان يكون زي باقى الاطفال
قرات عفاف جزء من تلك القصيدة بطلب من زميل طفولتها وصفى كامل
ابو صلاح حفيد شاعر الحقيبة صالح عبد السيد 0أبو صلاح)
وتمنيت في تلك اللحظة لو الطقت النسنى الخيط وخلا عفاف ووصفى
يتكلموا عن طفولتهم وحين مثلو وهم اطفال
تنهدات : تلك عفاف حسن أمين وهذه عفاف ابوحريرة وانت عفاف الصادق
كم وكم يتجلى العفاف فيكم شعور ومد انسانى أترحم على أبهاتكم ....
وكل بنت بابوها فخورة
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
اول مرة اعرف ان الشعر لا يكتب
يسمع فقط
دواوين الشعر سمعنا بيها وشوفنا بعضها وقرينا في بعضها وحفظنا من بعضها بالفصحى والعامية
لكن شعر لا يكتب ما شفنا نعيش ونوف
امكن عاوزين ناس ود الامير يسمعونا سماع الشعر
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
الشكر كل الشكر للاستاذ الفنان عادل التجاني
شكرا استاذ عادل ان حافظت على منتدى الحروف نسخة الدوحة منتديا للحروف فعلا
اعرف تماما ان منتدى الحروف يستضيف من له علاقة بالحروف شكرا استاذ عادل التجاني
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
كمبورة المسيكتابى جعلى البلد
أنا كنت حا اصاب بصدمة حضارية لو ان تلك الجلسة عجبتك او قلت فيها رأي إيجابى
ياسيدى في الاصل الشعر فن مسموع أكثر منه مقروء وموازين ضبط الشعر هو الايقاع
اي الصوط والصوط يسمع فقط وبعده ترى ماترى وتفعل ما تفعل وهو ضابط نظام الكلام
والانفعال والحركة والسكون حتى اهلك الجعليين يمضو للصوط (البطان )بعد سماع الصوط اي ايقاع الدلوكة
ومشكلة عفاف أنها بتكسر في أصنام الاجداد وعندها من الجديد ما يهز عرش القاعدين في القديم البالى
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
فخورين نحن بعفاف وبالندوه (المتميزه)
شكراً أستاذ السني
شكراً بدر الدين الأمير
شكراً أمير طمبل للصور الجميله
****
ملحوظه
السيد / كمبوره
بخصوص نون (الندوه)
بكل إحترام أرجو أنو( لو) عندك رأي نقدي واضح في الحوار أو في الشعر مبني علي أسس مدروسه ومنطلق من مدارس شعريه محدده ملم بها تكتبو هنا
التلميحات والإيحاءات والكلام الساي ده ما مقبول نهائياً
وقبل أي زول ما يقول اي حاجه (آآآي عشان عفاف أختي )
لأول مره أكتب بصوره شخصيه في المنبر ( للأسف الشديد)
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
| Quote: كان فى بالى الاتصال بكم لاسمع تسجيل للجميله عفاف .. |
الأخت عفاف الصادق
شكرا كتير لطلتك ومرورك..
بالنسبةللصوت سأقوم بتنزيل بعض
المقاطع أن شاء الله ...
تحياتي
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
Quote: فخورين نحن بعفاف وبالندوه (المتميزه)
|
الأخت العزيزة مي ...تحياتي
نحن كذلك فخورين جدا جدا بالاستاذة ... و سعدنا جدا بتلك الامسية
و الجلسة الجميلة ...شكرا لطلتك الاولي عبر هذا البوست ...
الي عفاف
.عزرا ان كنت أقتحمت عالمك من دون سابق انزار ..ولكنك انتي بنفس القدر أقحتمتي قلوبنا
من غير اخطار ...
عزرا دعيني أجيب نيابة عنك
يكفي أنك أنسااانة...بشوشة ...طيبة ...
لك منا جزيل الشكر لدفء الكلمات وصدق المشاعر وبساطة المفردة
حقيقي تشرفنا بي معرفتك ..و سعدنا بلقياك
.
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
Quote:
شكرا صالون ( صالون ابنوسة ) |
وشكر خاص كذلك لأحفاد أبوصلاح ملك الحقيبة
الصديق وصفي كامل صالح عبدالسيد و اابنه حمودي
الصديق وصفي مسرحي سابق زامل الاستاذه عفاف
في بداياتها و كذلك معه الفنان البحراوي
محمود عبدالعزيز (الحوت) كما يسميه معجبوه
وفي صورة بعد الغياب
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
ياسلام ياطمبل
كم هزتنى تلقائية وصفى كمال صالح عبد السيد حفيد احد فحول الشعر المغنى
بالعربية في السودان (ابو صلاح)
وهو فرحان برؤية عفاف في الدوحة بعد طول غياب
وفرح عفاف برؤية وصفي الذى رجعها الى واشقاى
وتلك الطفلة المشوطنة تمنيت لو ان الفنان محمد السنى
جر لمسرح التحاور مع عفاف وصفي كامل وكلمونا عن
ذكريات نشأتهم وتكوينهم وتلك المرحلة ..لكن الحلو ما بكملش ......
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
ياسلام ياطمبل
كم هزتنى تلقائية وصفى كمال صالح عبد السيد حفيد احد فحول الشعر المغنى
بالعربية في السودان (ابو صلاح)
وهو فرحان برؤية عفاف في الدوحة بعد طول غياب
وفرح عفاف برؤية وصفي الذى رجعها الى واشقاى
وتلك الطفلة المشوطنة تمنيت لو ان الفنان محمد السنى
جر لمسرح التحاور مع عفاف وصفي كامل وكلمونا عن
ذكريات نشأتهم وتكوينهم وتلك المرحلة ..لكن الحلو ما بكملش ......
| |
|
|
|
|
|
|
|
|
|
Re: أمسية نون الندوة...صور (Re: توما)
|
Quote: فخورين نحن بعفاف وبالندوه (المتميزه)
شكراً أستاذ السني
شكراً بدر الدين الأمير
شكراً أمير طمبل للصور الجميله
****
ملحوظه
السيد / كمبوره
بخصوص نون (الندوه)
بكل إحترام أرجو أنو( لو) عندك رأي نقدي واضح في الحوار أو في الشعر مبني علي أسس مدروسه ومنطلق من مدارس شعريه محدده ملم بها تكتبو هنا
التلميحات والإيحاءات والكلام الساي ده ما مقبول نهائياً
وقبل أي زول ما يقول اي حاجه (آآآي عشان عفاف أختي )
لأول مره أكتب بصوره شخصيه في المنبر ( للأسف الشديد)
|
يا زولة خليك معنا شوية شوية
| Quote: شكراً بدر الدين الأمير |
ما هي علاقة بدر الدين الامير بالليلة المسماة نون النسوة
| Quote: أرجو أنو( لو) عندك رأي نقدي واضح في الحوار أو في الشعر مبني علي أسس مدروسه ومنطلق من مدارس شعريه محدده ملم بها تكتبو هنا |
يازولة هوي
انا ما قلت اني ناقد انا زولا عنقالي وبجي الفعاليات بمركز اصدقاء البيئة للمشاركة والفائدة
ومن هذه الفعاليات نتعلم شوية
انتي قايلاني انا الاستاذ محمد الربيع والله شنو ؟
| Quote: التلميحات والإيحاءات والكلام الساي ده ما مقبول نهائياً |
يازولة
انا ما بتاع تلميحات رايي بقولو بوضوح تااااااااااااااام . كدي اسالي كفيلك يقول ليك
| Quote: (آآآي عشان عفاف أختي ) |
اسع في زول غالطك !1
وقالوا من يشهد لل..........
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
تعودنا على حضور الفعاليات بمركز اصدقاء البيئة
ولاحظنا الاتي
انو في طاولة كبيرة وعليها غطاء ابيض بتكون في السرح
واستاند في الجهة اليمنى للالقاء الشعري
والطاولة دي خلفها مقدم الفعالية و المشاركين فيها
والداير يقرا -لاحظوا يقرا دي - شعر بيتحرك من خلف الطاولة وبجي عند استاند الالقاء
كان راجل كان امرأة وبرجع مكانو مرة اخرى
كان الشعر محفوظ والله كان مكتوب
اها نجي لليلة نون النسوة
الحصل شيء مخاف للعادة
اولا لماذا تم انزال الطاولة من المسرح وابعادها تماما وركنها في اقصى يسار القاعة ؟
السؤال دا محيرني ياترى ليه ابعدوا الطاولة ؟
وخلوا لينا الكراسي الدوارة
الشسؤال موجه للقائمين على صالون الابنوسة
| |
|
|
|
|
|
|
|
|
|
Re: أمسية نون الندوة...صور (Re: khaleel)
|
شخصياً تأسفت على عدم حضوري لهذه الفعالية..
يا محمد عثمان ، يا زول ده كلام شنو البتكتب فيهو ده؟
ترييزة مافي وبانر واقع ، ومنصة وستارة!!!
وأيه يفرق لو الشِعِر كان مكتوب وإتقرأ واللا محفوظ وإتقرأ
ياهو ده الطلعت به من الأمسية دي؟؟
الله يهديك يا كمبورة.
--
تحية لمن نظّموا وشاركوا في هذه الأمسية.
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
كمبورة التحيات والاحترام
اولا انا من ابعد الطاولة البيضاء من غير سوء
لانها تقليدية وخالية من الزهور بالمناسبة لا انا ولا الضيفة بنحب الزهور الصناعية لهذا ابعدناها حتى لايكون هناك فاصل بيننا والجمهور الكريم .. وكنا نمني النفس بجلسة حميميةالعواطف دون فاصل بين الجمهور والضيفة وقد كان
لان الطاولة بتعمل بعد رسمي ..
بدر الدين من اعد لهذه الليلة واشرف اشراف كامل
حذاء الشاعرة كان نابض بالحياة بلونه الاحمر ويدخل في تصنيف ـ الصنادل والشباشب
لكن لم اعرف السر شنو في البحت عن الموضة والسؤال الفلسفي هو شبشب ولا سفنجة؟؟
المسألة يحكمها مزاج الشاعرة في مدى ارتياحها للحذاء بدون كعب عال ودي مسألة شخصية
ورجعونا للبوست والصور دون صرفنا الى مهاترات لاتفيد ولاتسمن من ثقافة ..
محبتي ومزيد من الصور
| |
|
|
|
|
|
|
|
|
|
Re: أمسية نون الندوة...صور (Re: محمد سنى دفع الله)
|
نون النزوة
نون النسوة
نون الندوة
اسم الامسية وينو في ديل ؟
الأفعال ثلاث فعل ماض وفعل أمر مبنيان دائما، و فعل مضارع معرب دائما إلا إذا اتصلت به نون النسوة أو نون التوكيد
والمحاضرات ثلاث ـ محاضرة وندوة وورشة ودائما يملكوننا المعرفة
فاذا فقدت محاضرة حرفي ـ م ـ وـح ـ اصبحت ـ مضرة
واذا فقدت ـ ورشة حرفي ـ وـ وـ رـ اصبحة وشة
واذا فقدت ـ ندوة حرف ـ نون ـ تصبح ـ
دددددوووووو....
| |
|
|
|
|
|
|
|
|
|
Re: أمسية نون الندوة...صور (Re: عادل التجانى)
|
الله ده كلام شنو.....؟
عادل التجاني
سلام
| Quote: يا ربي أنا كنت وين يوم نون الندوه ؟ كنت وين؟ كنت وين يا ربي؟؟؟؟ |
ياربي.....ياربي ......؟
انت يازول مش سيد الشي زااااااااااااااااااتو.....؟
مشيت وييييييييييين.....؟
| |
|
|
|
|
|
|
|
|
|
Re: أمسية نون الندوة...صور (Re: haroon diyab)
|
هارون دياب
معليش يا اخوي لا تآخذني (الزهايمر)
يا دابي اتذكرت
كنت بحضر في مباراة ريال مديد وبرشلونه
بدخل وبطلع مره مره وقالوا أنا (بخرب الساوند سيستم) يعني (مش كورتي) وأرجع أواصل المباراة
وعشان التأكد كانت النتيجه 5 / صفر لبرشلونه
تاني واحد يجي يغالطني
_____
تحيه خاصة لصالون أبنوسه
| |
|
|
|
|
|
|
|
|
|
Re: أمسية نون الندوة...صور (Re: عادل التجانى)
|
كتب المزهمر عادل التيجاني :
| Quote: يا ربي أنا كنت وين يوم نون الندوه ؟ كنت وين؟ كنت وين يا ربي؟؟؟؟ |
انا غايتو كنت في مسرح قطر الوطني
لمشاهدة عرض فرقة الفنون التركية
ومع إني بحب روح الأستاذة عفاف
إلا فضلت خلجان رنت وتلألأت في اقدام صبايا
قادمات من خليج البسفور واللا الدردنيل ماعارف
حكم انا ضعيف في الجغرافيا
وضعيف قدام الرقص بكل فنونه وتفرعاته
من لدن السامبا والفلامنجو لغاية الروك والتشاتشا
مرورآ بالكمبلا والشاشاي
والرقبة قزاز
| |
|
|
|
|
|
|
|
|
|
Re: أمسية نون الندوة...صور (Re: أبو ساندرا)
|
Quote: كمبورة خلى عندك حد ادنى من اخلاق وادب الاختلاف
(عدل بواسطة بدر الدين الأمير on 30-11-2010, 06:19 ص) |
كدي النجرب
Quote: اي الصوط والصوط يسمع فقط وبعده ترى ماترى وتفعل ما تفعل وهو ضابط نظام الكلام
والانفعال والحركة والسكون حتى اهلك الجعليين يمضو الصوط والصوط بعد سماع الصوط |
يقصد الصوت ، و الصوت
يقصد السوط
هسع نقدر نفرق بين صوط وبين صوط كيف ؟
لو اهتمينا باللغة ورجعنا الكتاب تاني
ح نعرف نفرق بين الصوت وبين السوط
غايتو حصة عربي مجاني
| |
|
|
|
|
|
|
|
|
|
Re: أمسية نون الندوة...صور (Re: أبو ساندرا)
|
هلا يا دوحة..
ومناشدة اخوية للاخ الصديق كمبورة بان لا يعود الي هذا البوست مرة اخري
اتمني ذلك يا محمد عثمان من كل قلبي ..
والاستاذة عفاف ضيفة عزيزة علينا جميعا هنا في الدوحة فليس من الانصاف يا كمبورة ان نتكركب في بوست مخصص لجلستها
وتضيع جزئيات الاحتفاء بها..
وسنتابع
| |
|
|
|
|
|
|
|
|
|
Re: أمسية نون الندوة...صور (Re: عادل التجانى)
|
ياعادل
بالجد ياهو الزهايمر
Quote: كنت بحضر في مباراة ريال مديد وبرشلونه
بدخل وبطلع مره مره وقالوا أنا (بخرب الساوند سيستم) يعني (مش كورتي) وأرجع أواصل المباراة |
ياخوي شوف ليك حاجة تانية
الكورة كانت امباااااااااااارح.....!!!!!
الظاهر عليك لحقت ابو ساندرا
| |
|
|
|
|
|
|
|
|
|
Re: أمسية نون الندوة...صور (Re: امير طمبل)
|
الحبيب طمبل
يا خوي إنت جبت الصورة دي من وين
صورة من فعاليه سابقة
واحتمال كمان تكون في نفس الليلة
بس بكون عايش بره
ودي حالتي كت برشلونه يكون لاعب أكون حاضر بي جسدي وغايب بي عقلي
شكراً يا جميل على الأقل الواحد إطمأن على شكله
بس ما قلت لي الموضوع كان شنو؟
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
| Quote: وانت جيت تصوط وتثبت صواتك |
عليك نور
مع إنو حتى دي برضك غلطت فيها
حيث ( صواتك ) مفروض تكون ( صواطك )
بإعتبار ان الفعل ( صوط )
ماممكن تقول : تصوط صواتك ،، بل تقول : تصوط صواطك ..
والدليل الطاء الظاهرة في أخر الكلمة
المهم ، كده خليتني افط حنان العربي
وأمشي أشوف أصل الكلمة ( صواط ) في العاميات المجاورة ( مصر و الحبشة )
ففي مصر ، الصواط هو النحيب وتستعمل كذلك في محل الزعيق
وفي الحبشة ، عند بعض القبائل المستعربة ، اي الناطقة بالعربية
ف ( صوط ) معناها ( ضرت ) بالعربية أو ( ظرت ) بالعامية السودانية
وأخشى ان يكون كسبك في مسألة اللغة ، على أساس المعنى الحبشي
| |
|
|
|
|
|
|
|
|
|
Re: أمسية نون الندوة...صور (Re: Kamal Karrar)
|
Quote: شكرا أن كحلت أعيننا برؤية إبنكم مصطفى
ربنا يحفظه ويبارك لكم فيها |
أخي العزيز...
كمال كرار
الله يبارك في عمرك و يخلي ليك الاولاد يا رب
بالمناسبة مصطفي ترتيبه الثالت في اسرتي
الصغيرة ...قبله سماح و سماهر ثم سارة
و أخر العنقود محمد ...بالله يا كمال تلفونك
و الاخ بدرالدين ارجو ان ترسلهم لي
في الماسنجر ....تحياتي
| |
|
|
|
|
|
|
|
|
|
Re: أمسية نون الندوة...صور (Re: Salah Abdulla)
|
| Quote: الله يهديك يا كمبورة. |
حبيبنا صلاح عبدالله
سلامات يا زوق
وأنا اضم صوتي معاك في مناشدة الاخ كمبورة
البوست حقيقي أخذ منحني غير و صار يبدو بوست
لتصفية حسابات قديمة ...عموما تسلم لكلماتك و مرورك
مع وافر اعزازي بكم
| |
|
|
|
|
|
|
|
|
|
Re: أمسية نون الندوة...صور (Re: khaleel)
|
Quote: شكرا الفنان طمبلاوي
عدسة خرافية كما عودتنا
شكرا للموهوبة بالفطرة عفاف حسن امين
شكرا مركز اصدقاء البيئة وشكرا صالون ابنوسة |
الحبيب خليل
تسلم علي المرور يا جميل
العدسة دائما حاضرة لضيوفنا
الاعزاء ...تسلم ...تسلم يا حبوب
| |
|
|
|
|
|
|
|
|
|
Re: أمسية نون الندوة...صور (Re: nadus2000)
|
الأخ محمد عثمان
كنت لا أود أن أتداخل، وأكتفي بكتابة تحيتنا وشكرنا أنا والأبنوسة أعلاه، ولكن أحسست بأنه ما كتبته يا صاحب هنا في حق الصالون وضيفته فيه كثير من التجاوز والشخصنة، فمن حقك أن تنتقد -بالمناسة النقد ممكن يكون برضو فيه ذكر للمحاسن ومواضع الجمااال-.
اختيارنا لعفاف حسن أمين لتكون ضيفة لليلة الصالون، نابع في الأساس من قناعتنا بأنها صوت أدبي موجود في الساحة الأدبية السودانية، لم نحظى نحن بالتعرف عليها، وهذا أول أهداف الصالون، وعفاف بالمناسبة لم يخلقها الصالون من العدم، فهي قد بدأت مسيرتها الابداعية منذ "محطة التلفزيون الأهلية"، وأظن من حقنا نعرف أين وصلت تلك الطفلة الشقية، وهذا يا صديقي معيار اختيارها لتكون ضيفة الليلة.
| |
|
|
|
|
|
|
|
|
|
Re: أمسية نون الندوة...صور (Re: nadus2000)
|
الأخوة الأعزاء
تحية أخوية صادقة
كعادتي.. دائما في أغلبية المناسبات الخاصة و العامة اسجل حضورا
ترافقني حبيبة عمري (الكاميره) للتوثيق ...
بصراحة البوست اخذ طابع اخر يبدو لرواسب قديمة أجهلها تماما و يبدو ان
الاخوان الاعزاء وجدوا ضالتهم في هذا البوست الذي كنت أمني نفسي فيه بحضور
عدد من الاصدقاء كمرحبين اولا لانضمامي الي هذا المنبر ...
الأستاذة ضيفة عزيزة علينا ...وما عودتمونا يا ناس الدوحة ...دائما مرحبين
ومجاملين لضيوف الدوحة
شكر و تقدير الي الاخ كيكي ...و تحية و تقدير للاخ نادوس
مع وافر تقديري لجميع الاصدقاء
| |
|
|
|
|
|
|
|
|
|
Re: أمسية نون الندوة...صور (Re: nadus2000)
|
هذا ايميل وصلني من الاخ الصحفي عادل ابراهيم له التحية
| Quote: "نون الندوة" مثلها مثل سائر الأمسيات التي تنعقد في صالة مركز أصدقاء البيئة الرحيبة ، والإعلامية عفاف حسن أمين مثلها مثل كل ضيوف صالون ابنوسة ، كالقدال وأزهري والكتيابي وهاشم صديق ، ولكن تبقى المفارقة في طرح الضيف وقبول الحضور ، فطرح الإعلامية عفاف كان شيئا أشبه بالشعر ، بجرأة طمست عوالم جميلة في الشعر النسائي ، وبتمرد يشوه العلاقة بين الرجل والمرأة ، بأسلوب إلقاء فيه الكثير من لغة الجسد والقليل من ثراء اللغة ، هذا الطرح -بالضرورة – يجب إن يجد قبولا أو عدم قبول ، لذا خرج الحضور من القاعة وقد انقسموا إلى فريقين : فريق يرى فيها حالة متفردة ، ومدرسة جديدة ربما ترفد الإبداع السوداني وتكسر التابوهات القديمة وطواطم الماضي ، وفريق يجد فيها عبثا لا يرقى لمرتبة الشعر ، إنما كلام مموسق يصل فيه الإيحاء للملتقي قبل المعنى ،وبين هؤلاء وأولئك كانت الإعلامية عفاف حسن أمين حالة متفردة ونسيج وحدها ، ربما لا يهمها رأي كلا الفريقين في شعرها ، ولكنني – وهذا رأيي الشخصي - خرجت مقتنعا أكثر بعفاف مقدمة البرامج الإذاعية أو التلفزيونية التي ستكون ناجحة لو أطلقت يدها في الإعداد والتقديم ، وكافرا أكثر بعفاف الشاعرة ، ومثلي كثيرين ، كما إن مثل المقنعين بالرأي الأول كثيرين ، فلتعذرنا هي في ذلك ، فتلك أذواقنا ، أذواق تستمتع باشعار مبدعات مثل روضة الحاج وسعادة عبد الرحمن وابتهال محمد المصطفى ، ولكن يظل التقديم رائعا من الجميل النبيل محمد سني دفع الله ، والجهد مقدرا من صالون ابنوسة ، اما الاستاذة عفاف قد حضرنا ولم نجد شعرها مع فائق الاحترام. |
| |
|
|
|
|
|
|
|
|
|
Re: أمسية نون الندوة...صور (Re: nadus2000)
|
كان نفسي أعرف عفاف علاقتا شنو بالصراع ده !!
وما لقيت أي رابط بين عفاف والصراع غير إنها كانت ضحية خلافات هي ما عندها علاقة بيها
شي مؤسف جداً إنك تقع بين مطرقة وسندان أحقاد أنت براءة منها ولا ناقة لك ولا جمل فيها
بي أمانة كده ده بدي الحق لكل المبدعين القادمين إلى الدوحة في قادم الأيام والسنين
أن يتوخوا الحزر وتحروا الصراعات حتى لا يسقطوا في فخ صراعات تاريخية لا علاقة لكم بها
ولهم كامل الحق في أن يرفضوا كل العروض حتى يكونوا في منأى عن الأذى
على مجتمع الدوحة أن يصلح من حالة فقد بلغت الإمور مبلغاً سيئاً
وتفشت ظواهر سرطانية في حالة متأخرة لا يداويها الكيماوي أوالجراحة
| |
|
|
|
|
|
|
|
|
|
Re: أمسية نون الندوة...صور (Re: tarig almakki)
|
اعزائي
استجابة ونزولا عند رغبة اخي الاصغر وصديقي كيكي سوف تكون هذه آخر مداخلة لي في هذا البوست .
يا سبحان الله الواحد الاحد .....
عندما يندلق قيح المداد , وتتوالى ضربات السياط ,- وليس الصياط كما قال - على حائط المبكى
( سودانيزاون لاين العظيم ) الذي يتحاشى -ضمة على الياء - فيه قول الحقيقة , وبذل الحقيقة
المجردة , وتمارس فيه الجندرة من اوسع ابوابها , وتزيين القبيح , وتقبيح الجميل ,
وتلبيس الحق بالباطل .....
مالكم كيف تحكمون ؟
شاعرتكم وكيسها فاضي , وجهة نظر
استغلال لمنبر ادبي محترم - والذي هو صالون الابنوسة - , وجهة نظر ,
شكل تقديم خارج ما هو مألوف في هكذا لقاءات , وجهة نظر ,
ندوة من غير محاور ولم تضف لنا شيئا , وجهة نظر ,
ضيفتكم وتجرؤها واستخفافها بالحضور المستمعين , وجهة نظر , وبرضو سو وات ؟
واعتذارنا لك استاذ عبد الرحمن نجدي , وسعاتو المكي وهذه ليست وجهة نظر وانما واجب
لقاماتكم الباسقة كان مفترض ان يقوم به من اتى بصاحبة الحذاء الذهبي .
اخيرا ....المثقفاتي الأريب , العالم العلامة , الحبر الفهامة , فريد عصره وسلطان زمانه ,
ابن جلاء وطلاع الثنايا الذي عندما يضع السيجار تعرفه ...
يا ناصحي بالتزام الاخلاق وادب الحوار .... وواصفي - في نفس الوقت - بال######## في مداخلتك
المعدلة - اعرف انك بظراء المنبر التي تحمل الموس لازالة غلفة اعضائه .
| |
|
|
|
|
|
|
|
|
|
Re: أمسية نون الندوة...صور (Re: كمبورة)
|
Quote: اعزائي
استجابة ونزولا عند رغبة اخي الاصغر وصديقي كيكي سوف تكون هذه آخر مداخلة لي في هذا البوست .
يا سبحان الله الواحد الاحد .....
عندما يندلق قيح المداد , وتتوالى ضربات السياط ,- وليس الصياط كما قال - على حائط المبكى
( سودانيزاون لاين العظيم ) الذي يتحاشى -ضمة على الياء - فيه قول الحقيقة , وبذل الحقيقة
المجردة , وتمارس فيه الجندرة من اوسع ابوابها , وتزيين القبيح , وتقبيح الجميل ,
وتلبيس الحق بالباطل .....
مالكم كيف تحكمون ؟
شاعرتكم وكيسها فاضي , وجهة نظر
استغلال لمنبر ادبي محترم - والذي هو صالون الابنوسة - , وجهة نظر ,
شكل تقديم خارج ما هو مألوف في هكذا لقاءات , وجهة نظر ,
ندوة من غير محاور ولم تضف لنا شيئا , وجهة نظر ,
ضيفتكم وتجرؤها واستخفافها بالحضور المستمعين , وجهة نظر , وبرضو سو وات ؟
واعتذارنا لك استاذ عبد الرحمن نجدي , وسعاتو المكي وهذه ليست وجهة نظر وانما واجب
لقاماتكم الباسقة كان مفترض ان يقوم به من اتى بصاحبة الحذاء الذهبي .
اخيرا ....المثقفاتي الأريب , العالم العلامة , الحبر الفهامة , فريد عصره وسلطان زمانه ,
ابن جلاء وطلاع الثنايا الذي عندما يضع السيجار تعرفه ...
يا ناصحي بالتزام الاخلاق وادب الحوار .... وواصفي - في نفس الوقت - بال######## في مداخلتك
المعدلة - اعرف انك بظراء المنبر التي تحمل الموس لازالة غلفة اعضائه . |
شكرا ياكمبورة وان كنت اتمني
ان تكتفي بما جاء في صدر المداخلة
( باللون الاحمر )
عموما
شكرا لك وللباشمهندس كيكي
| |
|
|
|
|
|
|
|
|
|
Re: أمسية نون الندوة...صور (Re: معتز القريش)
|
شكرا جزيلا لك من مر من هنا
نعود الى امسية نون الندوة
الـــــصــــــور
ونرحب بالشاعرة والكاتبة والاعلامية عفاف حسن امين بيننا في الدوحة
والصورة دي بالذات كانت لحظة سطوع الفلاش لحظة سطوع ذكريات عادت بنا
لجنة الاطفال والمحطة الاهلية وبداية البذرة لروح وثابة
تبحث عن الحقيقة والجمال ــ
فعلا يا بدرو اضعت انا الفرصة بخلق لحظة مشحونة بالعاطفة والذكريات
اعذرنا
| |
|
|
|
|
|
|
|
|
|
Re: أمسية نون الندوة...صور (Re: haroon diyab)
|
سلام مربع
للجميع
عن نفسي اصنفها من المعجبات المكسرات في الاعلامية عفاف حسن امين اذ اجد في سيرتها مايحرضني على
الوقوع في شراك اعجابها .. تجربتها الثرة وحضورها الطاغي اعلاميا وبرامجها تحكي اكثر من ذلك وفي الوقت ذاته اجدني متقاطعة مع مفردتها الشعرية ربما ليس بصورة حادة ومتشائمة من تجربتها فانا في الاساس لا احب المطلق في الاحكام ولا العادي من الناس حتما ربما كانت ستتغير تلك النظرة ان كنت قد تواجدت في صالون ابنوسة واسمعتني من شعرها لان المسموع المباشر حال اللقاء الجمعي او التجمهري يفرق كتير _(مالي انا الليلة بقيت اتكلم زي المثقفاتية انشاء الله تطير عيشتي انا _ عن المقروء حال العزلة .. ومع ذلك لا اجدني متناقضة او منقسمة على ذائقتي في شيء سيظل حضورها الابداعي فيني ناصع بل مشرق حد الالق .. فانا بـ الكاد انفك من متابعتها هاهنا وهناك كلما حالفني الحظ وتاوقت في صحف الخرطوم ..
وفوق ذلك كله تركلني الدهشة حينما قرأت هنا تعليقاّ ساذج وسمج الفكرة من بعض المتداخلين ان "السفنجة" عشكبت الندوة ..
يذكرني ذلك بما كان وراء داخس والغبراء والحسانية في شنو والناس في شنو ..
في كثير من الاحيان يصدمك بعض الاشخاص باراءهم حد الانكفاء على قفاي ..
عن نفسي ، وكأمرأة في المقام الاول لا اجد في ذلك حرج لي و كثيرا ما تمشيت وانا انتعل "سفنجة" خضراء او حتى بيضاء ذلك اذا ماسمح لي بعلي او حتى عيالي اذ انهم في الغالب يتمسكون بتوبي وانا اغافلهم حين الطلعة والخرجة فاتسحب بـ سفنجتي ، اقصد صندلي .. فذلك وحده يعطيك ميزة التخفف والراحة ..
ومع ذلك لا اجد ذلك محرجا لي او مدعاة للانتقاد او حتى حينما تفعله اعلامية او حتى كاتبة او مبدعة اي بغض النظر عن مكان ذلك الفعل ..
ولا ابالغ ان قلت كثيرا من "البكيات" دخلتها وانا بذات الصندل ..
لا اعتقد ان السفنجة الحمراء اذا ما جاز لنا ان نسميها ذلك ، فهي في حقيقة الامر (فيشون كلاس )
ومن بيوت الفيشون الــ كلاس جدا كمان .. هذا للمعلومية .. ارجع لا اقول لا ينتقص ذلك من الندوة في شيء ولا الكرسي المدولب ولا عدم الطربيزة ، و العصير الموضوع بطريقة كلاسيكية في البرامج الحوارية سينتقص من المجهود
الجبار الذي بذل لاقامة مثل هذه الامسية الجميلة التي استمتع بها واستمتعنا نحن بصورها ..
هل ساترك ذلك كمتلقية يهمها جدا ان تلتقي بمبدعة مثل عفاف واكثف حضوري مع سنفجة عفاف الحمراء واشغلها بجدلية هل هي سنفجة ام صندل ..
ساجيبك انا المهترشة المعولقة دي ، هي صندل ياعم وفيري فيري فيشون كلاس وان كنت مغالطني ساتيك بصورة لـ اشلي قرين وجميلة الجميلات ادريانا ليما وهن ينتعلنها في برامج حوارية او حتى باريس هيلتون السجمانة ديك ..
كنت ساكون نصف مصدومة ان كان الانتقاد لعدم وجود كاسة العصير الاصفر الفاقع لونه .. وساتنازل عن دهشتي ان كنت قلت ان اللون الاحمر القاني لا يخلو من السماجة واللزوجة ..
اما غير ذلك فانا احب اللون الازرق والابيض لذلك احب رافا نادال واكره برشلونه لا لشيء الا انه
قهر ريال مدريد الملكي واسكت البرتقالي مورينو ..
كعادتي لم اتخلي عن هترشتي ونسيت ان ابلغ تحياتي عبركم للمبدعة عفاف والطاعمة بنكهة الكرز البري (ابنوسة) والانيق نادوس ، والمبدع محمد السني دفع الله ، وصاحب الدار وكل المتشاركين هنا ..
فانا جيت داخلة توش بغرض التنزه ورشف هواء نقي ، غير ان "سالفة حمورية السفنجة" وجدلية الطربيزة والكرسي عن جد نرفزتني
تقبلوا مروري وهترشتي الماسخة
| |
|
|
|
|
|
|
|
|
|
Re: أمسية نون الندوة...صور (Re: shiry)
|
التحية للمبدعة عاف حسن امين
ولكل القائمين على هذه الندوة الجميلة
وتحية خاصة لهذه العاشقة الزرقاء shiry
Quote: اما غير ذلك فانا احب اللون الازرق والابيض لذلك احب رافا نادال واكره برشلونه لا لشيء الا انه
قهر ريال مدريد الملكي واسكت البرتغالي مورينو . |
فنحن مثلك في العشق الفطري لهذه الألوان
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
منذ تسجيلي هنا وانا اتحاشى أن أقول عفاف حسن أمين إعلامية تدخل القلب والعقل
بالتلقائية والجمال الفطري الذي يميزها
تجرأ شيطاني مرة وأمرني أن أطالبها بالتواجد هنا بواسطة بكري
خفت من الاقلام التي تحب القتل بدم بارد
..
لها التحية والاحترام أينما حلت
| |
|
|
|
|
|
|
|
|
|
Re: أمسية نون الندوة...صور (Re: عمران حسن صالح)
|
Quote: بصراحة البوست اخذ طابع اخر يبدو لرواسب قديمة أجهلها تماما و يبدو ان
الاخوان الاعزاء وجدوا ضالتهم في هذا البوست الذي كنت أمني نفسي فيه بحضور
عدد من الاصدقاء كمرحبين اولا لانضمامي الي هذا المنبر ...
|
مرحبا بإنضمامك للمنبر يا طمبل ونتمنى لك بالسعادة
بين جنباته,,,,
مع مودتي للجميع...
| |
|
|
|
|
|
|
|
|
|
Re: أمسية نون الندوة...صور (Re: عمران حسن صالح)
|
Quote:
منذ تسجيلي هنا وانا اتحاشى أن أقول عفاف حسن أمين إعلامية تدخل القلب والعقل
بالتلقائية والجمال الفطري الذي يميزها
|
الأخ عمران والله انك صادق تسلم يا زول يا رائع علي المرور
اسعدني مرورك الكريم
| |
|
|
|
|
|
|
|
|
|
Re: أمسية نون الندوة...صور (Re: بدر الدين الأمير)
|
اخينا امير طمبل
بوست جميل وتصوير اجمل واحلي
الاخت توما:
| Quote: التلميحات والإيحاءات والكلام الساي ده ما مقبول نهائياً |
كلام معقول ومقبول وملجم
| Quote: وقبل أي زول ما يقول اي حاجه (آآآي عشان عفاف أختي |
ونعم الاخت
| Quote: ومشكلة عفاف أنها بتكسر في أصنام الاجداد وعندها من الجديد ما يهز عرش القاعدين في القديم البالى |
قلم رصين يا بدر الدين
صديقي صلاح عبد الله
Quote: يا محمد عثمان ، يا زول ده كلام شنو البتكتب فيهو ده؟
ترييزة مافي وبانر واقع ، ومنصة وستارة!!!
وأيه يفرق لو الشِعِر كان مكتوب وإتقرأ واللا محفوظ وإتقرأ
ياهو ده الطلعت به من الأمسية دي؟؟
الله يهديك يا كمبورة.
|
رايك سديد يا فنان يا مهذب ..
مبروك عليكم نونكم وليلتكم وعفاف والابنوسه ومركز البيئه
ودمتم
| |
|
|
|
|
|
|
|
|
|
Re: أمسية نون الندوة...صور (Re: طارق ميرغني)
|
Quote: بوست جميل وتصوير اجمل واحلي
|
أوووو عمنا و كبيرنا طارق ميرغني
والله زارتنا ...السعادة الله يذيدك
من نعيمو ...مرورك جدا اسعدني
و شرفني كتير ...و الأستاذة تقول
ليك من زوقك يا راجل يا زوق ..
قلت ليها اصلو ناس بحري دائما
ظريفين و مميزين وبحري طراوة
اكيد علي قولة شقيقنا الاكبر
كمال كرار ...
لك وافر شكري و تقديري يا عزيز
شكلها بتقول ليك كلك زوق يا زوق
| |
|
|
|
|
|
|
|
|
|
Re: أمسية نون الندوة...صور (Re: جمال السنوسي)
|
Quote: التحية للمبدعة عاف حسن امين
ولكل القائمين على هذه الندوة الجميلة
وتحية خاصة لهذه العاشقة الزرقاء shiry
|
و التحية ليك أخوي جمال السنوسي
أسعدتني طلتك البهية
تسلم كتير
| |
|
|
|
|
|
|
|
|
|
Re: أمسية نون الندوة...صور (Re: shiry)
|
Quote: فانا جيت داخلة توش بغرض التنزه ورشف هواء نقي ، غير ان "سالفة حمورية السفنجة" وجدلية الطربيزة والكرسي عن جد نرفزتني
تقبلوا مروري وهترشتي الماسخة |
الأخت الفاضلة SHIRYتحية من القلب
تسلمي علي المرور و التعليق ...كلمات و مفرداتك الأنيقة تكفي
أحلي هترشة و تسلمي
| |
|
|
|
|
|
|
|
| |
امير طمبل
بدر الدين الأمير
محمد سنى دفع الله
haroon diyab
Kamal Karrar
عماد الشبلي
اساسي
عفاف أبو حريرة
كمبورة
عفاف الصادق بابكر
توما
khaleel
عادل التجانى
أبو ساندرا
عبدالكريم الامين احمد
nadus2000
tarig almakki
معتز القريش
shiry
جمال السنوسي
عمران حسن صالح
فيس بوك
تويتر
انستقرام
يوتيوب
بنتيريست