الحزب الشيوعي : ديناصور انقرض

Quote: الله يسلمك يا اسد!!!! ما تغيب ياخ

Quote: طيب انتا المزعلك قدر دا شنو

Quote: انت صاحبى الزمان عبد اللطيف (مكرونة اللذيذ) يا خ اكان انت مشتاقون جدا؟ مودتى فى كل الحالات

Quote: يا أخ عبد اللطيف سلامات.. ممكن تشرح لينا وتورينا منو القال: (لا ديمقراطية بلا عَلمانية). ما روسيا فيها كانت اكبر عَلمانية وما فيها ديمقراطية. في الغرب لا يتحدثون عن العلمانية أبداً بل يتحدثون عن الديمقراطية وحقوق الإنسان. وبعدين ورينا كمان الحزب الشيوعي السوداني الكتلو منو؟ تحياتي.

Quote: صدقني مازعلان الا من الحزب البشك في ناسو الزمان وماقادر يتخذ اي إجراء للتاكد من اخلاصهم له ولا يرغب في ذلك بالمناسبة ما بتكلم عن نفسي علي الاطلاق !!!

Quote: لا ديمقراطية بلا عَلمانية

Quote: حسي يعني الدنيا تقوم و تقعد و الناس تشيل و تكتب في نقد الحزب ،اليات عمله ، افكاره، خطه السياسي ، ...الخ و انتا بكلمتين اعلنت الحقيقة المطلقة ديناصور و انقرض و لا حزب و مات ديناصور و انقرض

Quote: الله يبارك فيك و اها طيب ما تتكلم عديل بالدرب الاسفير دا فيهو حد بيحمي الكتابة كمان اتكلم عن القاصدو بالدرب بيكون احسن من توزيع شهادات الانقراض ولا كيف

Quote: كباشي يازول كل سنة وانت طيب. هناك علمانية كثيرة بلا ديمقراطية، علي سبيل المثال الاتحاد السوفيتي القديم ، نميري عبود ، وربما الانقاذ الحالية باستثناء بعض بعض المواسم.. ولكن ليس هناك ديمقراطية بلا علمانية؟علي الاقل لم اري اي مثال علي ذلك ولو عندك مثال اعطنا له اكون لك من الشاكرين

Quote: شكرا يا عبد اللطيف انا قابلتك كتير مع محمد حلا ودينق وانشراح وهاله فى بيتكم فى الثورة مودتى لك والاسرة يا اسد

Quote: ها يا زول ها المغسة ممغس الشعب السوداني كلو لكن دام كتبتها كان تتمها ساي كدا ما بيجي يا عبداللطيف اها قول احنا ما شايفين طيب ياخ ما تورينا الدرب الشوفتا بيهو دا نشوف بيهو معاك و الما شاف كلو يشوف و اليمكن شايفلو شيتا تاني غير الانتا شايفو برضو يجي يقول كلامو ورد عن غاليليو انه نزل عن منصة المحكمة و همس : لكنها تبقى تدور و ورد عن مغنية الحي الشعبي نفس الحكمة في اطار اخر عندما صدحت أن: دور بينا البلد دا

Quote: ولله حزمة اغراءات مغرية عديل لكنالبيقنع الديك منو؟

Quote: لكن دعنى احسن النظر بك واقول ان كتابتك مبعثها العشم فى حزب التزم طوال تاريخه جانب الحق والديمقراطية

Quote: وانا بكتب ليك معاي زميل قديم لم يجد طريقه للحزب بعد فترة الانقاذ تصدق حتي في فترة الانقاذ ظلنا نطاردهم باعادة النظر في مشاكل التوصيل وما ادراك مالتوصيل ،انتظر المؤتمر العام وما ادراك ، انتظر اجتماع المديرية وعيييييك ياخ انا بعرف عشرين علي الاقل معرفة مباشرة عندهم نفس المشاكل دا معناها مافي تنظيم ولا متابعة ولا اي حاجة

Quote: الفهمتو من كلامك انها حالة احباط , يمكن تكون ناتجة من فوضى تنظيمية , أكثر منها مشكلة مع الفكرة والفهم.. العنوان يشى بحالة احباط عارمة, ولايشبه كتاباتك التى تابعتها كثيرآ هنا, فكيف تقول عن شئ حى ويمشى ويعيش تقول عنه منقرضآ..؟؟

Quote: الغريبة أن صديقي بدرالدين اسحاق لم يدخل الي هنا حتي الآن ................ عل المانع خير؟ تحياتي لكم جميعا ويعيش كفاح الحزب الشيوعي السوداني.

Quote: الحزب في ومن حقائق السياسة في السودان وقادر على النهوض لو تضافرت الجهود بوعي ورصانة

Quote: الشاهد ، أن هناك حرص على الإستفادة من جهد أي زميل وتوسيع العضوية ، وحدثت مرونة حتى في جبهة البناء والعضوية الجديدة وانا قريب جدآ من تلك الجهود والإصلاحات على الحالات الذكرتها ،وغالبآ بتكون المعلومات ناقصة الإصرار على الوصول إلى الحزب عبر أقرب فروع أو بالتواصل المباشر مع المركز ، والمركز مفتوح والسكرتير التنظيمي المركزي عقله مفتوح لإيجاد معالجات لمثل الحالات التي ذكرته

Quote: الكلام دا يابو ساندرا ممكن ينطبق على الهلال أو المريخ لأنهما مكتفيان "جماهيرا" و يكتسبان المزيد من الأجيال القادمة كل عام فهل تنطبق الحالة على الحزب الشيوعي! و هل سيزداد الحزب قوة و تأثير إن حلت مسألة "أزمة القيادة"! أزمة القيادة ممكن تكون حقيقة إذا كنا بنتحدث عن "إستراتيجية آنية ملحة" لكن ماذا عن أزمة العلاقة بين الحزب و الجماهير منذ تأسيسه, المعوقات و المعالجات, فكريا و سياسيا, بناء و أخطاء و وقائع و خلافه, و هل أفاد الشيوعيون من زخم" المناقشة العامة" في "مؤتمرهم الخامس" بما هو كاف لمجرد الشعور بحدوث تغير ما يكفيهم كذلك شرور "حراق الروح" و شرور "الحيرة"!

Quote: أهلآ عزيزنا المعز مداخلتك سوف تفتح نقاش في أكثر من موضوع وليس فقط ، العنوان الكبير ( أزمة العلاقة بين الحزب والجماهير ) وليس كذلك تراجع العمل السياسي عمومآ تحت ضغط السلطة وقوانينها المقيدة وسيطرة حزب على دولة كاملة بكل تفاصيلها والعطالة المتفشية وسط الشباب و أثرها في إنصرافهم عن العمل العام عمومآ وكذلك حالة اليأس المتفشية بعد تزوير الإنتخابات وتوقع الإنفصال كل الأحزاب تعاني من هذا ، والعمل السياسي كله في أزمة خانقة

Quote: وليس كذلك تراجع العمل السياسي عمومآ تحت ضغط السلطة وقوانينها المقيدة وسيطرة حزب على دولة كاملة بكل تفاصيلها والعطالة المتفشية وسط الشباب و أثرها في إنصرافهم عن العمل العام عمومآ وكذلك حالة اليأس المتفشية بعد تزوير الإنتخابات وتوقع الإنفصال كل الأحزاب تعاني من هذا ، والعمل السياسي كله في أزمة خانقة

Quote: إهتم أكتر ب"عقدة" "مبدأ المركزية الديمقراطية" و ليس "وجوه القيادة خاصة ابتاريخي منها" و ينعكس ذلك في ما تم من توسعة للمركزية!

Quote: مات براهو بالسكتة الاختيارية

Quote: الحزب الشيوعي ينتظركم الي حين الفوق من غيبوبة الدين الخطأ

Quote: امجد دا كلامو نموزج للشيوعي المغلق في سياج رصاصي غير قابل للاختراق نهائي كدة

Quote: المعز ادريس : ممكن تسهب شوية في النقطة ولا المركزية الديمقراطية بتمنعك ؟

Quote: مهما تاخرت تمردات كثير من عضوية الحزب وصمتت الا ان هذا لن يدوم كثيرا

Quote: اها دي عاد ما دام جزمتا بيها يا عبداللطيف شيتاً تاني امجد يقولو ليك مافي لكن كويس برضك الاديتنا واحدة من اسباب الموت في ازمة الهدر التنظيمي اها جاء ابوساندرا و قال ازمة القيادة ( وكلا السببين سليمين عندي) لكن بعد حمودي الفكري القطعي اعلاه دا انا باقعد اتفرج و امسك اعد اسباب الوفاة

Quote: مداخلتك سوف تفتح نقاش في أكثر من موضوع وليس فقط ، العنوان الكبير ( أزمة العلاقة بين الحزب والجماهير ) وليس كذلك تراجع العمل السياسي عمومآ تحت ضغط السلطة وقوانينها المقيدة وسيطرة حزب على دولة كاملة بكل تفاصيلها والعطالة المتفشية وسط الشباب و أثرها في إنصرافهم عن العمل العام عمومآ وكذلك حالة اليأس المتفشية بعد تزوير الإنتخابات وتوقع الإنفصال كل الأحزاب تعاني من هذا ، والعمل السياسي كله في أزمة خانقة

Quote: أتفق مع أمجد .. بردلب رميتها ونقنقت شويه فى مسائل تنظيميه وتداعى عاطفى حول فتور العلاقه بين الحزب شخصيا وقدامى منسوبيه وتوصيلات معلقه .. هسع ده نقول عليهو شنو !. تبقى رؤيتك للحزب هى شامله طالما اعتملت فيك وأفضت لما تفضلت به من انقراض الديناصور .. هذه الرؤيه لم تأتى بالتأكيد من فراغ .. هذا اللافراغ أنت ملزم تماما بطرحه وإنزاله هنا طالما أشركتنا جميعا بالنتيجه التى توصلت اليها .. حتى مجازية العنوان/النتيجه أنت مطالب بتأوليها حتى تستقيم .. والا يكون كل رفاقك الشيوعيين ديل شايلين ليهم فطيسه تأريخيه وحايمين بيها يبشروا فى الناس بى وطن شامخ , وطن عاتى .. المقاربه شنو ؟. فكريه , تنظيميه ولا سياسيه .. واهو انت محرر تماما من القيود الافتراضيه للمركزيه ال ( اى حاجه تانيه ) تحياتى ومتابعين عشان نعرف حاجه يا عزيزي ..

Quote: عجب! من زمن نحن مرشحين بنسمع بي موت الحزب الشيوعي

Quote: إذن يا صديقي نحن نبحث عن حلم ديمقراطي ونحاول أن نتمرن عليه ما نستطيع لنخلق النموذج الذي يشبه واقعنا وأحلامنا وتطلعاتنا تجارب الحكم كثيرة في التاريخ القديم والمعاصر ولسنا مجبرين على نسخ أي تجربة ولكن واجبنا أن نستفيد من نتاج الفكر البشري وأن نتعرف بخطئنا عندما نخطئ ولا نكابر

Quote: التحية لمفترع البوست الأخ عبداللطيف

Quote: سلام يا عبد اللطيف والله ما عارف اقول ليك شنو اتمنى ان يفتح هذا البوست طريقاً لما تحب أن يكون عليه حزبك فهناك فرق كبير بين ما نريده أن يكون ومايجب علينا فعله لتحقيق هذا الذي نريده وحتماً لك مودتي

Quote: و تحية اخرى للاخ عبد اللطيف فما تطرحه هنا حرى بنقاش جدى (اذا نحينا جانبا حكاية الدناصير دى) هناك بعض البطء فى الادء العام هناك بعض الانخفاض فى معدل العمل الجماهيرى الكثير من الكوادر الفاعلة هى الان خارج البلاد الكوادر التى كانت عمود العمل الجماهيرى هناك ايضا الاشراقات: شباب صغار من جامعات الالفية الجديدة ولجوا ساحة الحزب و المنظمات المرتبطة به الميدان تصدر ثلاث مرات يوميافى ثوب مقبول شروط العمل فى الداخل قاسية و محبطة