Quote: تعرف يا خالدا,, أخوك غاب ليهو سويعات ورجعت لقيت ديونى كبرت على أهلى ناس الأنجمامة ما عدا شيقا أنا طالبو كتير,,,وأنا منتظر أم عبدالله بفارغ الصبر !!!!
أيمنوف الحبيب تحية طيبة والله والله والله مشتاقين أم عبد هي الآن كما أوردت الأخبار تدرب ( يديها على السرعة في الكتابة وتتعلم مخافي الكي بورد ) جايا ولا محال وأسيا الربيع حالفة تجيب ليها عضوية ( وبأسرع ما يمكن )
[
Quote: B]بعدين يا خالد حوامة برا دى كلها نظامHit & Run .... وتلكسات وفاكسات سريعة وعلى الطاير وبدون توقف
Quote: الزمن خاين شوية الأيام ديل ,,,وايامنا بالمقلوب,,
Quote: أهل الإنجمامة سلام ود عمي خالد ليك وحشة شديدة والله دخلنا قبل العيد وكده
يا سلام هاشم عاد لينا كيفك يا هاشم والله مشتاقين طال الغياب ( كل يوم في الصباح عندما يرن الهاتف قبل أن اصل المكتب بقول دا بكون هاشم ) واحشناصوتك ونبراته التي تحمل الطيبة والأصالة لأبن البلد
تحياتي
11-29-2008, 06:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
سماح طلتك أسمح ياخلاصة الحواري المن جنان وخوالد مثلك لا أم تلد لا والد
ود أبو القاسم لك التحية لبعث تلك الأشواق الكوامن وتأويل ذي النون وأحاديث الكرار وحبر الأمة وقد قالا : لو فسرنا القرآن بمانعلم لما كفى شرح الآية حمل بعير من الكتب ، وفي موضع آخر : لرجمونا الناس ...
اللهم أنفعنا بما علمتنا وزدنا علمًا اللهم علمنا ما جهلنا ونور أبصارنا وبصائرنا
كلما أشوف حملات الحج أمدح : قامت الأفواج من عمان ماشالو * أخدت التصريح وقلبي زاد في حسارو ومرة قاعدة مع أشواقي دخلن علي جاراتي العمانيات الذاهبات للحج لوداعي ... ويا دمعي الغلب اللقاط شوف وجوهم نايرة وزايدة إستبشارو وشوف وجيهي السال دمع العيون بلالو
بحر الدموع السال أنا حرِّي مابطفـالو أمّا قلبي الطار خـلـِّو اليطيـح في نارو
Quote: يا شيقا متذكر نكتة العريبى العامل فيها بتكلم انجليزى والخواجة أداه كف؟
يا مسنوحة عايزة تقولي ده شيقا كمان؟
شيقا طلع بيها برة السودان وكان شفتي وقت الاجتماعات مع الخواجات بخلف كراع في كراع وبكون مهندم كيف ويا دنيا ما فيك الاانا وبقول بيني وبين نفسي احمدك يا ربي اكان قعدت بإنجليزييي دى هناااااااك في البوداي اكان كف محمد موسى ركبتني طاااب.
هسع انا خليني انت المقعدك بسماحتك دى في السودان شنو ؟ فعلا انت البتستاهلي الكف عديييييل كده نامن يفنقلوك من الكرسي تاااااااااح
11-30-2008, 10:21 AM
sama7 sama7
تاريخ التسجيل: 02-05-2002
مجموع المشاركات: 1342
يا اخوانا انا مشيت اباري بالبوستات هناك ووقعت ليكم في بوست العناقريب بتاع نادية عثمان وطوالي سألتني السوال ده:-
Quote: والله ماعارفة الصراحة لي الله .. لكن دايرة أسالك سؤال هل في فرق بين برش عنقريب العرس وبرش الموت ؟!!
واجبتها بالاتي ولو عندكم راي ادوني ليهو بالتاكيد سماح ووضاحة خارج الشبكة :
ايوا ده سؤال جيد ومحتاج احكل كراع في كراع واجاوبك عليهو بس ارخي اضانك واسمعي الحكي :
اول العناقريب ذاتها خشم بيوت في زماااااااان ما يسمى بعنقريب المخرتة وهو عنقريب كبير ومهول مخصص ينسج بجلود الابقار عادة للزوج والزوجة يعني الان بسمهو عندكم يا الرطانة وناس البندر بالسرير الدبل . عنقريب المخرتة معاهو حاجات زى ال accsessories وهي الطقطاقة ( تربيزة صغيرة بختوا فيها الشاى والجبنة وعندها حواف تمنع دحرجة الكباية اذا انتكت بهبشة ملامسة عند انطفاء ام طليس ( ام طليس لمبة عبارة عن علبة فيها حبل قطن مغموس داخل كايروسين) بسبب انتهاء الكايروسين او هبيّب الرشاشية( الرشاشية هي موسم بدايات نزول المطر وعادة تكثر فيها الاعاصير ) ومن توابع العنقريب ده فنيجين حق زيت سمسم لمسوحة الراجل ده زمن الزوجات بريدن رجالهن ريدة من جوووة لدرجة تغسل ليهو رجليهو من الطين اكان راجع من الزراعة مطين. ومن لوازم العنقريب ده صحين بتكون فيهو حاجة معجونة كدا بجيها راجع اكان عايزين حكيها. والاكسيسرس دى بتكون كلها بالنهار جوة السحارة ما بطلعوها علا بالليل ومفتاح السحارة ذاتو تكون ستو الفالحة رابطاهو في طرف توبا بتاع الزراق.
اها العنقريب ده بيكون مفروش عليهو برش ومن ال quality بتاعة البرش بتعرف قيمة سيد البيت الاجتماعية اكان غنيان او عمدة او مولانا زي خالك حسن طه يا نادية . اجود واغلى انواع البروش هو ما يسمى بالدقة يعنى دقة دقاااااااااقة ( بضم الدال) تستغرق صناعته اكثر من شهر وناعم الملمس وفي الغالب هذا هو البرش الذى يفرش للجنازة وهو البرش الذى يعكس اعزاز النسيبة لزوج بنتها.
والخلاصة هي ان برش عنقريب العرس وبرش الموت هي نفس الشيئ . يعني ممكن يكون العريس مسترخي ونائم في برشو ويجهو اهل الجنازة يسحبهو من تحتو يخلوهو مدور على عجل الحديد شفتوا كيف؟
وانواع البروش برضو وجدت نصيبها في شعر الدوبيت عندما قال الشاعر:-
رقاد المراتب والبرش الضفيرتو العلجة منو ابعدنا للكباشي بلد ام فلجة
11-30-2008, 10:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
همسات حزن من الأخت الرائعة الظريفة ( حنان المصري مصطفى ) مقيمة في الدنمارك الدينمارك والدها أستاذ الأجيال .. الأستاذ المصري مصطفى عمل مدير لمدرسة الجيلي الثانوية .. شندي الثانوية بنين .. شندي الثانوية بنات .. عطبرة الثانوية بنين .. عليه رحمة الله وكانت حنان من أقرب أبناءه له .. فهي تحمل ابوها في دواخلها في حلها وترحالها
حنان تهديكم هذه الأغنية أعمدة والإنجمامة وزوارها ترحموا على والدها المصري مصطفى للتشغيل والأستماع
ما قصرت طاب يا ست الراي والله امتعتينا بقول عبد العزيز السمح
ابو القاسم :
شوف انا وحياتك والدى خمسين عام شغال بتجارة السعف بجيبو من الصعيد واخيرا من كسلا وثقافة اخوك في المهنة عميقة بالحيل لاني كنت بمسك ليهو دفاتر الجرورة واغلب الزبائن حريم .
عشان كدا لما يجي الحكي عن البروش ابعدوا واقعدوا فراجة عشان احكي ليكم عن البرش الدقة والبرش الصارموجة والبرش الابيض زى ما تفضلت (كشا مشا) وده دائما يخصص للعمال في الخلاء وهو disposable . من الحاجات التي يمكن ان تعتبر توابع لصناعة البروش التفتة وهي بدرة ملونة اصفر احمر ازرق زى شفق المغارب . اجمل المنتديات النسوية عندنا هي ايام التقاء الحريم في منزل واحدة ونيسة لعمل الضفيرة . وعادة تجد المشاطة تمشط في واحدة والاخيرة تضفر في السعف لاستثمار زمن المشاط اقتصاديا.
نواصل
12-01-2008, 08:39 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الصبوحة - حمامة الســــــــــلام - بتسلم عليكم شدييييييييييييييييد وقالت مشتاقة ليكم شديييييييييييييييييييييييييييد شديد وشديد دى زى ما قالتهت هى ....
لكن يا شيقا انت أظنك ما عارفها طيارة كيف؟ دى طلعت صاروخ عدييييييييييييييييل يا مان بعدين لكل من يعتقد زيى كدا انها خالتو يا ايمنوف الزولة طلعت جكسوية صغنوووووووونة لوووووووووووووول
تدقس مية زيكم - معليش إجراءات سلامة وكدا
12-01-2008, 10:31 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: لكن يا شيقا انت أظنك ما عارفها طيارة كيف؟ دى طلعت صاروخ عدييييييييييييييييل يا مان بعدين لكل من يعتقد زيى كدا انها خالتو يا ايمنوف الزولة طلعت جكسوية صغنوووووووونة لوووووووووووووول
دى شفناها وبنعرفها كويس وبنعرف والدها حسن عباس صبحي الرجل الاديب المخضرم مش شبح زيك كدا لحدى هسع ما عارفنك وليد ولا بنية وسماح ولا بتول سودانية ولا تنزانية انس ولا جن .
مسنوحة وحياتك شبح
12-01-2008, 10:45 AM
sama7 sama7
تاريخ التسجيل: 02-05-2002
مجموع المشاركات: 1342
Quote: لووووووووووووووووول على ضوئه بنحدد إذا كنت حتشوف ولا عمرك ما حتعرف قرقرقرقرقر
بالمناسبة لما رجعت السودان في الاجازة الاخيرة بورداب الخرطوم دعوني للمشاركة في رحلة بجبل اولياء والحاصل انو واحد من البوردابنزل رقم تلفوني في البوست وجاتني كمية اتصالات .
الغريب اتصلت فيني واحدة من تلفون بدون رقم ظهر كدا 88888888888888888 وقلت ليها منو انت؟ قالت لي سماح متصلة بيك من ابو ظبي وعايزاك تديني تلفون انعام حيمورة.
قربت اشلف معاها لكن احمدك يا ربي اتماسكت شدييييد وعملت فيها تقلة كدا لحدى قفلت الخط .
بالجد دى انت؟
12-01-2008, 12:08 PM
sama7 sama7
تاريخ التسجيل: 02-05-2002
مجموع المشاركات: 1342
Quote: الغريب اتصلت فيني واحدة من تلفون بدون رقم ظهر كدا 88888888888888888 وقلت ليها منو انت؟ قالت لي سماح متصلة بيك من ابو ظبي وعايزاك تديني تلفون انعام حيمورة
بركة الاتماسكت دى عملتها كيف؟ بعدين التمنيات الكتار ديل انترناشونال كول لكن فور شور ما ابوظبى عشان تانى ما يدقسوك
حاجة تانية صدقنى لو كنت أنا كنت حتحس بى قبل ما يرن التلفون زاتو (ولا مو هيك) لووووووووووووووووووووول
اها الغدا متين؟
12-01-2008, 03:17 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: سلام يا أهلنا تحية خاصة لــ : حاتم هاشم عماد إنجمامتنا الأولى مرحب بطلتك علينا
ودأبو القاسم ود المنسي
إنشاء الله نجتمع فوق عرفة قولوا آمين
بت طلحة حبابك وحباب حديثك السمح آميـــــــــــــــــــــــــــن فعلاً الحبيب الأخ هاشم حاتم كان من الأعمدة الدائمة لكن الأيام دي جري حوليات ناي سيدي ما مدي لينا فرقا عموماً نأمل في عودته قريب ويهجس بيننا ( وفي هجسته هذه سوف يمتعنا بجمال مايجود به قلمه )
تحياتي
12-01-2008, 06:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وحاتك لا غداء اليوم ولا عشاء أمس ، مشيت ليه أمس بسبب " العضة" و قطعت (15) كيلومتر وضربت جرس الشقة مرتين وتساءلت:
يا ربى جيت قبل الميعاد ولا الزمن غفّلنى زاد...
فى النهاية رجعت وأنا أغالط نفسى فى إصرار وأقول إمكن أنا الما جيت ... إمكن أنا الما جيت.
يا زول ما تكشف حالي مع المسنوحة س ... دى وحياتك وقت الغداء بعد الدوام بدق في موبايلك وتعذر وتعذر .
طيب جيت البيت مالك ما دقيت في موبايلي ؟ انا كنت في اجتماع اللجنة الاجتماعية لنادى الجالية عشان نرتب ليكم برنامج زيارة نانسي عجاج لمسقط عارفكم عطشانين للحت .
طيب نعمل الغداء بكرة انت والاسرة الكريمة وكل من يلزمكم
Quote: العنقريب القديم كان عالى وعريض بسبب الوجاهة وهو يختلف عن عناقريبنا الهبابية التى نتكئ عليها هنا وكانت تصنع يدوياً.
عنقريب المخرتة جاء حديثاً بعدما بدأت هذه الحرفة بالماكينات وسنجة طبعاً قادت هذا التحديث
فعلاً يا أبوالقاسم وكما نعرفها في نواحي مناطقنا أنواع العناقريب أربعة
1) العنقريب العادي 2) والهبابي وهذا معروف 3) عنقريب شكل أرجله جميل جداً ولونها أحمر ويكون على الأرجل نقوش فنية جميلة ( نسيت أسمه )وهذه هي عناقريب الذوات 4) وأما النوع الرابع فهو عنقريب ( القد ) وهذا الذي يكون منسوج من جلد الأبقار وعادة يكون في حجم سرير الدبل ( double bed ) عادة يكون منه واحد ( الناس القادرة )
الفرق بين برش الزواج وبرش الموت أنا طبعاً بتكلم عن منطقتنا البرش ويتخلف كما قال الأخ شيقوق وبرشك قدر قريشاتك .. عندنا كان يستخدم قديماً للنوم يفرش في العنقريب وحسب قريشاتك بتقوم من النوم مرتاح أو تقوم تتكرش والبرش يستخدم في الجنازة وبعد رجوع الناس من الدفن يبقى ملفوف لآمن يرفعوا البكاء ويكون مكروب بي حبل على عنقريب الجنازة ... وعنقريب العريس يستخدم فيه البرش مع علما أن في كل البيوت كان قديماً يستخدم البرش في النوم بالذات للنساء لكن العريس برشو بجيبو جديد ومن نوع جيد(( برش العريس عادة تفرش فية ملايا فوقه... ملاية البنقالي ( نفس قماش التوب ) للفقراء وملاية الدمور نسيج شندي للوسطى .. والبرش مع ملاية القطيفة ( المخمل ) لأبناء الطبقة )) وكما قال أخي شيقوق لا فرق بينهما
والبرش السبات وهذا عادة يكون طويل من نوع وسط أو متيريال تعبان .. يجلسن عليه الفتيات ساعة رقيص العروس وكسّا الجيل في السباتّا ونفس النوع من هذا البرش يستخدم للإفطار في رمضان .. وفي المأتم زمان قبل ظهور السجاد .. والكراسي حديثاً مع الصيوان ونفس البرش تفرش به المساجد ( لونه أبيض مائل للصفار ) من سقو الماء عند ضفره
أما أخي أبن تاجر البروش ود شيقوق نسى أهم برش ( بالنسبة له وماعارف دي حصلت كيف كنت مفتكر سوف يسطره في البدء أو سوف يسهب في شرحه )
( برش النطع ) وهذا يستخدم في حفرة الدُخان.
ثم أستبدلت البروش باللحاف اولاً ثم المرتبة ثم الأسفنج وهسي ماعارف شنو بلاستيك منفوخ بالهواء
لكن بقى برش الجنازة
12-01-2008, 07:32 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: فإن اختال علينا أهل الأدب والذوق من اللاتينيين والسكسونيين والجرمانيين بأن عندهم قسيسين ورهباناً يُدركون أسرار الأدب الرفيع فسنقول أن عندنا شيخاً يؤدى الفرائض والنوافل ويقرأ الأوراد ، وهو مع ذلك شاعر حساس يفوق جوت وبيرون ولامرتين. فإن سألوا: ومن هو ذلك "الشيخ" الشاعر ؟ نقول: هو الشيخ الذى ذهب لأداء فريضة الحج فبهرته الصباحة فقال:
نظرتك نظرة بالخيف كانت *** جلاء العين منى بل قذاها ولم يكن غير موقفنا فطارت *** بكل قبيلة منّا نواها فواهاً كيف تجمعنا الليالى *** وآهاً من تفرّقنا وآهاً
Quote: تماسكت لما خالط اللب لحظها *** وقد جنّ منه القلب أى جنون وما كان إلا وقفة ثم لم تدع *** دواعى النوى منهن غير ظنون نصصت المطايا أبتغى رشد مذهبى *** فأقلعن عنى والغواية دونى
تذكرت بين المأزمين إلى منىً *** غزالاً رمى قلبى وراح سليما لئن كنت أستحلى مواقع نبله *** فإنى ألاقى غبّهن أليما أصاب حراماً ينشد الأجر حسبة *** فما عاد مأجوراً وعاد أثيما فلو كان قلبى بارئاً ما ألمته *** ولكن أسقاماً أصبن سقيما إذا بلّ من داءٍ أعادت له المها *** نكاساً إذا ما عاد عاد مقيما يظنوننى استطرفت داء من الهوى *** وهيهات داء الحب كان قديما قنصت بجمع شادناً فرحمته *** وأخفق قناص يكون يكون رحيما أأغدو مهيناً بالحبائل ساعة *** غزالاً على قلبى الغداة كريما تراءت لنا بالخيف نفح لطيمة *** سرت عنك إلا عبقة ونسيما ولم أرَ مثل الماطلات عشية *** ذوات يسار ما قضين غريما
Quote:
تعليق: إستنكاره لمطل المليحة لأنها موسرة يشف عن معرفة بالقواعد الشرعية ( مطل الغَنِى ظُلم ) ، بل أن هذا المبدأ وجد طريقه إلى تضمينه مثلاً بقانون المعاملات.
ياالله ياالله يالله
(الحكمة في كونك بخيل وأهلك أرابيب الندى[)/B]
12-01-2008, 10:35 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: أكيد دي صفاتها لو ما كده ما كنت تصول و تجول في الإنجمامة و كمان تقدم proposals
دى واحدة مصفحة مش زى المجرية زوجةالمنسي انت عارفة يا تيسير زوجة المنسي لما تمشى زيارة لاهلو في شندى اخوات المنسي بيكونن مشغولات بس برشها بالموية وبالخرتيش زى المطافئي من حر السودان وحياة ديني ايام تجيهم زيارة تعطش الحلة كلها.
سماح
Quote: خالد بحر الطيبة الصافي...
خمي وصري
12-02-2008, 10:56 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
سمحه سماح وناجحه نجاح وكتفك من خروسك كان ضراعين صاح وجهك زي تباتيل القمر وضاح وصدرك شايل الجوز من جنى التفاح وقالب الروب يفوت حد الضمير مرتاح وما خلاني أقعد.... عطرك الفواح متين يا ربي من قلبي الحزن ينزاح وألقاها وأتوب من الشقا وارتاح
هييييييييع
12-02-2008, 03:18 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
برنامج ما تطلبــة سمـــوحى ــــــــــــــــــ مهداة للحاضرة الغائبة حمامة الســلام
عمك كيمـــو
قصيدة الشاعر محمد بشير عتيق
اذكريني يا حمامة كلما هطلت غمامة في مساك او في صباحك في هجيعك او في رواحك
و كلما ساجع ترنم او نسيم الصبح نسم عني لا يطول سؤالك اذكريني يا حمامة كلما ساجع ترنم في هواي او نور جمالك فيم هجراني و علام ؟ يالهواك ... صار لي علامة شاهرة لي دايما سلاحك
أذكريني ياحمامة كلما ساجع ترنم بهواي أو نور جمالك أذكريني ياحمامة كلما هطلت غمامة في مساك او في صباحك وفي غدوك أو في رواحك وكلما بارق تبسم أو نسيم الصبح نسم عني دايماً يكون سؤالك
فيم هجراني وعلام ؟ يالهواك صار لي علامة شاهره لي دايماً سلاحِك وموتي واجبْ في إصطلاحك طرفي عن رؤياك يُحرم وذنبي أيه غير أني مُغرم ولي هواك من بدري مالك
كل من في الكون نام وعيني ليه فقدت مناما وإنتي يالكاحلك نعاسك يزدري الأغصان مياسك حظي زي ليل فرعك أسحم والجحيم من هجرك أرحم عني يالشاغلك دلالك
صرت أعشق فيك قامة خصرها يعيرني السقاما فيها أشرق نور صباحك لى سنا البرق إفتضاحك فكرى زى خصرك مقسم و خطبي زي ردفك مجسم هل يصح ويرضيك ذلك
روحي لو وافت حِماما أذكريني ياحمامة في ذهابك أو في إيابك ثم في فترة غيابك وهاك در شعري المنظّم ودُمتي يالقدرك معظّم في نعيم جنات ظلالك
12-02-2008, 06:25 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
Quote: جايكم معصور في اجتماعات كتيييييييييرة الله يسترنا مع القاسم
إعصرك الحبن .... الناس متجمعة عند النبي شن طعم اجتماعك دا ( هي تلقى مع ستات الشاي في عمارة الأوراق المالية في مسقط ) جابوها قبل أيام في الجزيرة شايف لي ستات شاي قاعدات تحت
تعرف انت لازم تجي السودان قريب عشان تتزود و ترجع و الا
قلتي كدي يا المبروكة كب بكرة بشد حيلي وأحتزم موعود بي شفلة ظبطت ظبطت ما ظبطت دور الليلة معاكم
Quote: الريحانة وشيقا ... كلمونا عن الدوبيت ...
من بت طلحة تب جوابك قطع شك يجاب لكن المسنوح دا هم ناس دوبيت ولا بعرفوا ديل ناس حواطا وفقرا وحفر أبيار ويشركو لي الطير
Quote: دى واحدة مصفحة مش زى المجرية زوجةالمنسي انت عارفة يا تيسير زوجة المنسي لما تمشى زيارة لاهلو في شندى اخوات المنسي بيكونن مشغولات بس برشها بالموية وبالخرتيش زى المطافئي من حر السودان وحياة ديني ايام تجيهم زيارة تعطش الحلة كلها
يا ابارو والله مع انو شايلين حالك ...لكن الف مبروك...في زول بعلن عرسه في البورد ده ربنا يتمم علي خير وبيت مال وعيال...شهر واحد لو في البلد بنجيك بإذن واحد احد
تحياتي للجميع
12-02-2008, 08:28 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
فى بداية التسعينيات والحاله ضايقه فى السودان وصل شيقا للسعوديه عمره ثم تهريب من جده إلى منطقه أخرى نائيه وبدأ رحلة البحث عن عمل .. وأخذه أحد المعارف ليعمل راعيا عند أحد البدو فى الصحراء .. وعند وصولهم نظر أخونا ووجد كميه كبيره من الإبل وأرض قاحله جرداء لاأثر لإى حشائش بها .. وإشترط البدوى ثمانمائة ريال شهرى لأخونا مع الأكل للعمل كراعى .. رد أخونا أنا ماعندى مانع .. لكين ديل أأكلهم ليك سندوتشات ؟؟؟؟
مونتاج فيسل
12-02-2008, 09:31 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يا شيقااااااا..سلامات اكلم فيصولى لية ما انتة زاتك بقيت تعدل فى المداخلات لحقتة صـ.. وبالمناسبو انا قريت المداخلة فى البوست داك قبل التعديل والحمد للة ايمن الطيب يا كان نايم ولا داقس.......هييييييييييع
عمك كمــأل
12-03-2008, 10:24 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: اكلم فيصولى لية ما انتة زاتك بقيت تعدل فى المداخلات لحقتة صـ.. وبالمناسبو انا قريت المداخلة فى البوست داك قبل التعديل والحمد للة ايمن الطيب يا كان نايم ولا داقس.......هييييييييييع
يجازي محنك انت ما عندك شغل غير النت ولا ضارب صقيع الهفوف دا براااااااااااااك؟
12-03-2008, 10:42 AM
sama7 sama7
تاريخ التسجيل: 02-05-2002
مجموع المشاركات: 1342
Quote: كدى النسعلك آآآآآآآآآآآ اللخو وين عمو كمال والمسنوح بتاعه
العم كمال يا شيقوق حكايتو حكاية ودمعو غلب القاط جاهو تلفون من ام الوليدات بتقول لي حق الخروف 250 جنيه وحق كسوة والأولاد والفرش 400 جنيه أها قالوا ليك من يوم التلفون بقى لافي في الأوضا زي تور نوريق الفول ويحسب ( 250 زايد 400 تساوي 550 لا 500 لا 600 لا 650 ) معط راسو وبوست يموت البوردابي ويدو في الكي بورد بقى لي كي بورد حديد هلل
أما المسنوح فيسل هليل بكون يفرم في الكبكبي ويسوي في الفلافل دي فرمالتو كل مايدور يأكل بناتو أكلة سودانية كرهن في الطعمية والله العيد ماقاعد اجيب خبر جا ولا متين إلا أضرب لي أوري أنا هسي قبل يومين أتصلت بي قلت لي العيد يوم الأثنين قال دا ياتو فيهم العيد السغير ولا الكبير
قلت لي دا حق الهروف يا فيسل
12-05-2008, 10:37 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: العم كمال يا شيقوق حكايتو حكاية ودمعو غلب القاط جاهو تلفون من ام الوليدات بتقول لي حق الخروف 250 جنيه وحق كسوة والأولاد والفرش 400 جنيه أها قالوا ليك من يوم التلفون بقى لافي في الأوضا زي تور نوريق الفول ويحسب ( 250 زايد 400 تساوي 550 لا 500 لا 600 لا 650 ) معط راسو وبوست يموت البوردابي ويدو في الكي بورد بقى لي كي بورد حديد هلل
بطلاق الارقام دى عند عمو كمال زى قلبة نعالك آآآآآآآآآآآآآ الشوم
12-05-2008, 11:55 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: العم كمال يا شيقوق حكايتو حكاية ودمعو غلب القاط جاهو تلفون من ام الوليدات بتقول لي حق الخروف 250 جنيه وحق كسوة والأولاد والفرش 400 جنيه أها قالوا ليك من يوم التلفون بقى لافي في الأوضا زي تور نوريق الفول ويحسب ( 250 زايد 400 تساوي 550 لا 500 لا 600 لا 650 ) معط راسو وبوست يموت البوردابي ويدو في الكي بورد بقى لي كي بورد حديد هلل
والله يامنسى الحكاية دى بقت على انا ,, هسع دقيقتين مافى كنت أونلاين بدفع فى فواتير التلفون والغاز والكهرباء طلعت يجى 250$ وكسر,, ده غير وانا جاى قبيل من صلاة الجمعة سحبت قروش لزوم العيد وكده ,, ده زائد القريشات اللى بنرسلها للسودان (البنية ما خاتيا لمان قالوا ليها جاك عريس مغترب قالت ليهم لا انا مادايره المغترب دايره أخوه القاعد هنا) طبعا لانو ضارب الهم بالفرح ولاقى القروش الملح اللى ماضاربو فيها حجر دغش. شفت نجاض البنية دى كيف? آها ياخوى نرجع لي موضوعنا بعد عملت الحاجات دى فتحت سودانيز اونلاين قلت ادخل عليك انجم شوية من الخرت ده القا ليك ودشيقوق متحكر ومتمحن فى الـ ـ يسويه قلت الحال من بعضه كدى ادخل افضفض شوية,, تعرف يامنسى مرة نزلت من البيت عشان أدفع الفواتير فى الـ ويسترن يونيون,, فى الكورنر من الشارع التانى ,, دفعتها ورجعت البيت على طول ,, فتحت صندوق البريد لقيت الفواتير الجديدة وصلت ,, والله ده حالنا هنا,, اليوم ممحوق محقة زى الجنيه السودانى ,, تصحى من النوم كان ماكابست قضيت ليك غرض تلقى الشمش غابت ,, ياخى زمان فى السودان انا والكاشف اخوى ده الشمش دى الا نطقعها بالحجارة حتى تغيب وطبعا انت عارف نحنا دايرنها تغيب ليه ,,
12-06-2008, 11:52 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الاعزاء ود المنسى وشيقاااااا ..سلامات شيكيتكم لى اب يدا قوية الليلة قبلتو على عمكم و انتو ادرى بالعيد فى الغربة لا لون لا طعم لا رائحة بس بنلوك الصبر سااااى ياود المنسى ..عنوان البوست غيرو الى :ـ
شيقاااااا ما شافش حاجة
لانو قال جهازو عطلان وماقاعد يشوف المداخلات كويس استعين بصديق يا شيقااااااا
لكما كل المحبة والود
عمكم كمــال
12-06-2008, 12:03 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: البنية ما خاتيا لمان قالوا ليها جاك عريس مغترب قالت ليهم لا انا مادايره المغترب دايره أخوه القاعد هنا)
الفاضلابي البنية والله نجيضة وعارفة الحاصل هسي هاشم خلف الله المرق بي شنو من السعودية ؟ لي 25 سنة شغال بس كبر شنبو كل فاتورة يزيد حبة تعرف يا فاضلابي أنا متعود أني اتصل بالزوجة وأحمد بالتلفون يوم بعد يوم او يوميا والله لما أجي افتح صندوق البريد في الهوت ميل ( لو لقيت أسم زوجتي اترجف لحدي ما افتح اشوف الأميل ) الغريبة دوماً بلقى مرسلة لي صور لأحمد لكن دوماً يراودني شعور عاوزين قروش
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
خالد علي محجوب المنسي
أبوبكر أبوالقاسم
sama7
وضاحة
فيصل محمد خليل
ممدوح أبارو
GamarBoBa
عبدالعزيز الفاضلابى
فيس بوك
تويتر
انستقرام
يوتيوب
بنتيريست