|
|
 Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
كلام ناس البطانه
الشم خوخت وبردن
ليالي الحره
والبراق برق من منا
جاب القرة
شوف عيني الصقير
بجناحه كفت الفرة
تلقها ام خدود
الليله مرقت بره
ونظم اخر في البطانه
تلك الحالمه البتول
واصف الخريف
والدهاريب ونفس الدعاش
الخبر الاكيد قالو
البطانه اترشت
وساريتن تجبجب
للصباح ما انفشت
نبيح فحل ام صريصر
والممانح بشت
وبت ام ساق علي حدب
الفريق اتعشت
.......................
ونواصل
تحياتي...
حاتم هاشم.
| |
 
|
|
|
|
|
|
|
 Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
ولسه كلاب الحلّه يهوو
وزاد هوهيوّن
كبشّن ضاع من مراحتّو
وفاقع بااااع
بلة الطاهر علي بلاع
كانت أول مرة نشوفو
يومنا الشوفنا اللاندكروزر
اللونا مخطط
والبنوت الراسا مربّط
لوري مِكوّش
أقمشة .. سكر .. حتى الفوفو
عتّل تؤجر
وامحي المنكر بي معروفو
بلة الطاهر علي بلاع
أكرمناهّو .. اكرمنا ضيوفّوا
يشبه مرت الشيخ في وشيّو
لولا الدقن الدشدش صوفو
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بلة خبارّك ماب تشبهنا
وعامل زولنا
تاني نقول الزول برانّا
نغير قولنا
ألا كُبار الحلّة بقولّو
بلة دا هولنا
بلة دا اصلاً من ها الحلّه
إلا اتربى وقرأ في الخارج
وسيرتو انقطعت في المهدية
مرة سمعنا استوطن بره
وقام إتزوج من مصرية
جابت علي وعلي جاب الطاهر
حتى الطاهر خلف بلة
جدو اشيطن اخير من لانا
بلة إتسركّن وجا برانّا
أقرب واحد لي حاج بلة
أقرب واحد شيخ الحلّه
بلة الطاهر علي حسب الله
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
ونواصل مع كلام ناس البطانه
وخاطب ودشوراني
الهضليم ذالك الجمل
الذي كان يعشق بعشق
صاحبه ويتهيئ للرحيل
عبر المسافات ليهنئ
صاحبه بقرب الحبيب
الهضليم بعد فته
الدروك متجفل
اجدع فوق يمينك
وفي مشيك لا تسفل
مادام خالقي بي
الروح والرزق متكفل
واغل دره اليمني
المباعه مقفل
وللفرسان صولات
وجولات في دنيا المسدار
وهذة للفارس بامسيكا
جيت غاشي الفريق
قلته ابل شوقي
وجرت مقنع الحشمه
الحرقت جوفي .
......................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
أو لمرة يصلي معانا
قدمنّاهو وقام أمانّا
صوتو مرخرخ لامن يقرأ
يقرأ يقطع زي البطرأ
لامن يركع جسمو متختّخ
وعند السجدة سجودو ممخمخ
شيخ الحلّه يقول في أمرو
زولّن غرقان في الدين من عمرو
ستة سنين قابض في جمرو
ما فكهاهّو طريق الله
صوتو ودّر من كُتر ذكرّو
والتختخ جسمو شدة صبرّو
قلنا حقيقة الزول بنعذرّو
وفتنا قناعة ومانا قناعة
إلا الستة الصاروا جماعة
قالوا دا زول ترباتو مايعة
ما بشبهنا ورفعو وضاعة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
زول زول دنيا ودنيا صياعة
قصة دينو ودقنو بضاعة
وإحنا أصواتنا يا إما مُضاعة
يا إما جهالّه وناس مِتباعة
وفي الحالتين آمالنا مضاعة
وخارم بارم
كونها بوسطة ومدرسة وسطى
والشفخانة وموية ونور
كونوا يجينا دا مامنظور
وزيادة الحصة
الزول زول سوق
زول من جدّو يلف يدور
ويا الجابرية دا مطلب عادل
كونو تطيبي.. تكاتبي .. وتقري
ضوّك يشلّع ودشّك يرشع
واحنا دفعنا ضرائب بدري
ولسة بندفع ولسع ولسع
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهانا...
ونواصل
البنوت براك يامنضرة شوفي
سون لي طمامه وكترن عوفي
قالن علي انا خفته
قشاش غبارن المن صباي ماهفته
انا بسيفي غير ملاقات الاسود شن شفته
انا كم جب جمال بعد ما فوق سيادن طفته
انا كم جب مراح للفريق شافنه
وكم جرس رجال علي اليتيم ماحنوه
ياقلبي اصبر علي القالنه
وياسيفي طيع قطع الشكرنه
يا بدر السما ايامنا طالن وقصرن
وعيونه ملجلجات من التوسل فترن
وين الما حامن كبد الانادي وسكرن
وين الليله رواق دمانه العكرن
.......................................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
الليله البروق بصر العيون ختفنه
صبن غادي شقاق الانيس ارونه
خترن فوقه سالكات الضمير خبرنه
الله اخيب الفلسنجي شقله تمنو
ارجوك يا غفير ما تدفر الفرهيده
ما بتحمل تقيف شايله العمود فوق ايده
شوف عرق الوجينات فوق خديد الصيده
امسخك الله فسخت الحنه دابه جديده
ارجوك يا غفير ود الارايل سيبه
خليه الازور كان المراضه اطيبوة
الزول الجميل لاعند االفنيده وضيبه
شايل قلبي ماظنيته تاني اجيبه.
........................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بس يا جماعة
إن قضينا حياتنا تباعة
وصنيت رادّي ( راديو )
وقول في الفاضي
خوفنا نقوم ما نلقى أراضي
ونحنا أحساسنا وراسنا زراعة
والجابرية ان دايرة شفاعة
ما بشفع ليها إلا ضراعة
عبّو ضراعكم يا رجالّه
وخلو بصركم دغري وسالم
عبّو ضراعكم يا رجالّه
أضّل وضلَّ
وأسألو برّه وحاجه السره
عن التيبان وحكاية الصرّه
شن بلم بلة وشيخ الحلّه
مع شرع الله
والناس ديل العارضين بره
جربناها كمين مرة
تاني نجرب شان ننضرّه
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
يا الجابرية معاكي سلامة
كان الفوقّك مافات مرة
كان كلماتنا ناشف ريقا
وكانت مره
إلا حقيقة غلبنا نطيقا
وين في الصرمّه وقل القدره
سكتناهم بس ما صنّو
قطعناهم تاني ومرة
وبلة طريق الناس يا حياره
فوزناهم وجانا زيارة
كرمنا لو التور وعرضنا
وخليناهم برة والدارة
دايرين بوسطة ومدرسة وسطى
موية وكهربا والشفخانة
زيادة الحصة وسوق منضبطة
صدوا كلاب الحلّة يهوّو
ينضم بلة يهوو معاهو
نهتف نحن يزيد هوهيون
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
النية زاملة سيدها
.....................
محمد جيب الله كدكى
...................
أم سر حليلة حاج نُصر
أبواتهم الاتنين أشقا
ولا سعين و راضعين شُطر
بيقولو وكتين عرسها
أكبر عليه عُفر وقفر
لكن فى شان بت عمه بس
مجبور عليها وعرسها
وزول غيره ما بيجى بالجبُر
مرق 13 سنه
قاعدين وماجابو الجنا
وبيقو غايتو يجرو هنا وهناك
للفُقرا خايفين العقر
مرات مشيهم بالحمير
مرات مشيهم بالكدر
...............................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
مافي شهر جاتنا الخرسانة
جانا السيخ الطوب الرملة
جا الاسمنت شيكارة شيكارة
عديناهّم ألف شيكارة
كِرماناً لينا خيراً جانا
وكل كلاب الحلّة يهوّو
طفشناهم بي الجبخانة
إتغالطنا كتير في بعضنا
أولّى المدرسة ؟ ولا البوسطة
أولّى المدرسة ؟ ولا الشفخانة
الشفخانة محل النقطة
ونان النقطة ونحن أهالي
وودنا صافي
بينا معزة جرائم مافي
ومابنحتاج لي شرطة ونقطة
تحصل عِلّه .. في شيخ الحلّه
وناس السلطة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
نحنا الأيدنا بنيات النقطة
والجيرنّا زِبلة أطيانا
ناس السلطة إن داروا النقطة
شوف بُكان ارض للشفخانة
وما طالبنا خِلاف زنزانة
مدرسة أوسطى
ستني طُللبة وعشرين أوسطى
شغالين ما ملو سخانة
مدرسة أوسطى وقلنا غُنانا
يا الجابرية الله أدانّا
حاج البلة المبروك جانا
وجاب المدرسة وجاب البوسطة
وبكرة بيرجع للشفخانة
نصحى نصابح موية ودش
نمشي نلاقي الضو عمانا
مدرسة بوسطة مدرسة بوسطة
تاوق تاوق تاوق تخ
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
ونواصل
النية زاملة سيدها
...................
محمد جيب الله كدكى
....................
ياشيخنا امسك دا البياض
يومن نجيب جنا ليك نذر
جمبك نجيبه نزينه
ونديك شوالين تمر
مع انه معروف الجنا
شئ قسمة فى إيد ربنا
الشوق وحسن النيه بس
نساهم إنه دا شيتاً كفر
وكتين خلااس عدمو الصبر
قالتلو عرس يبقى تلقالك وليد
ينفعنا بعدين فى الكُبر
وفعلا مشى وعرس بنية شيخ بدر
وفى غفلة والايام تمر
ام سر بقت من عنقريب مفروش فرش
لى عنقريب قاطع البرش
كرعينا ماتن وواقعه فى الدُراب قرش
........................................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
ونواصل
محمد جيب الله كدكى و لنية زاملة سيدها
كرعينا ماتن وواقعه
فى الدُراب قرش
تاريها حامل ودا الوحم
شايفاه ذاتها كُتر وكُتر
وبالليل وكت تمرق
على الجيران تطل
تقلها تقدل وبالعصا
والشال كمان من
فوق راسها طيرةً فقر
وبت شيخ بدر
كانت معاها حنين
منين واخر شُكر
شالت وشيها بلا سبب
وعيونا انقلبن حُمر
الغيره جاتا وجاها ضُر
خلاها زى الفى الجمر
طوالى تتمدد تنوم
ضل الصباح يكمل
تشيل ضل العصر
....................................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
ونواصل مع محمد جيب الله كدكى
أم سر مبيضا نيتها
وما قصرت فى خدمتا
مسكينه شايلا كريشتا
كم سوت الشاى والاكل
وقامت محصلا حاج نصر
اندلى باقى مع الفجر
قراع تحت وعرقان يخر
وطوريته هبرت فوق كراعه
واخدت شويه من الضفر
والدم نزل ساكت يشر
من عبه يمرق فى السعوط
مهجموما جات ام سر تجوط
عين السواد ياخيرى كُر
صابحت ليك زولاً فقر
كدى غسل إيدك ديل وهاك
وتبت ضمة الريق قفاك
ودخلن عيونك فى جُحر
والشاى دا ذاتو خلاص قرص
ماشفت كيف بقى عرقه مُر
وساعة فطر
..........................................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
نواصل مع النخلة ومحمد الحسن حميد
ينزل كما الطير الخِفاف
يقدل نشيط
ويحضر زي شتل الضِفاف
كلما النشاف بدأ في السبيط
والنخلة من عنف الرياح
الصاقعة أهوال الفصول
والبعدي أفات الزبول
قدرن علي ساق الهطيط
تقع وما بتموت
ورحها المدردحّه ما بتفوت
في صدر معمر بي الخلود
تلقاها خشب في البيوت
وبكل فراح تبروقه
سجاجة طهور
طبق من العرجون
ضنيب هبابة
طاب طابة
قفة كستفتيكة
حبل متين
فتلوّهو في ضل الدليب
نشلو بو من بير للشراب
نسجو بو بنبر وعنقريب
تلقاها خشب في البيوت
وبكل فراح جوبيل جريد
عرشوبو سقف بيتّن جديد
أول دخِلتّو عريس سعيد
مبسوط يقرقر بي نشراح
منعم مشاط من شوكها كان
وشقة مسايرك يا ام سماح
او حتى واقودّن
تقيد بو الطيبة
في نار بي رتياح
ليوم عزيز
يطلع خبيز دكاي فصاح
يطلع مُلاح
برّوبو ناساتّن ضيوف
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
ونواصل مع محمد جيب الله كدكى
وكب وشرب وأدشى بااع
قالتلو زين يايابا
زين عافيه واجر
شالت مواعينا ومشت
الجدول القراع
رماها وكوركت
الحقنى يا دا
الحقنى يا دا
وجيب لى سعفاةً خُدر
وحصلنى بالبيت من قبل
وداية الفريق بت أبكر
أنا دابى لى سبعه شهور
و ود سبعه قالو طويل عُمر
أنا داير الد
" يا الله لى يا الله لى "
الليله ياسابلة الستر
وداها لى بيتها وجرى
وفى إيده جاب الدايه جاء
ومع رمية الضل
قريب وكت الضهر
قج الزغاريد فى البلد
والجارى يجرى على نصر
........................................
ونواصل
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم
سلام ياهلنا...
ونواصل مع محمد جيب الله كدكى
ونهاية نية زاملة سيدها
ياحاج نصر
جيب البشاره بلا نكد
مبروك عليك جابت ولد
يتربى فى عزك بخيت
انشاء الله زى ليلة القدر
انشاء الله حضرت الاسم ؟
قال بى فرح وقرب يطير
بلحيل على حضرته خير
طبعاً إسم جدى الكبير
فى موقعة كورتى وصبير
اول شهيد كان بابكر
شايل اسمه ولدى الجانى دا
والرحمه لداك فى القبر .
.................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
نوصل مع محمدالحسن حميد و النخلة
أو زلاً وراهّو شغلاً بعيد
جابرا الظروف
يمرق بي هيتو وشاي الصباح
آخر المطاف
آخر المطاف والموت بأشرق
نسمة في كف الصباح
الموت بيسرق بسمة من شال الصبى
وتوب الزفاف
النخلة تربايت العباد وجلالّه
تتحول رماد
ورمادّه يتحول سماد
سمادّه يدخل كم بلاد
وديانا تخضّر والبقاع
شوف كيف كِفاح النخلة
يوت تعبّر على مُر الحياة
وتتوسد الموب بي جلد
من بعد ماملت البلاد تمراً
تمراً بي الألوف شايل
مِخلف بي رتياح
طول المصير
والنخلة حوت الصحراء
أو جدي الجروف
تلقاها مرتاحت الضمير
النخلة تحت ا سر
النخلة فوق جهرة نصاح
والدنيا أوسع ماتكون
والجو براح
وكل الرياح فوقها بتمر
ومن كل اصناف الرياح
النخلة مابتخبر خِلاف
ريح اللقاح
والهمبريب ريح الصلاح
يامعوض الليل بي الصباح
ومعود النار اللهيب
روض نخلتنا علي الرياح
في لُجة البحر الغريق
أدي الرواويس الصلاح
أدي الرواويس الصلاح
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
Quote: لكن
الريش البقوم بعد الكسر مابطيّر
والزول الجعان تلقاهو ديمة سغيّر
|
تجارة آخر الزمان فانية وعميرا قِصّيِر
والمال مابِعِز ود القِبيل مو خَيّر
الشبع البعد الجوع سيدو ديمة سِغيّر
والريش البقوم بعد المعِط مابطُيِّر
Quote: وما أكثر الأخوان حين تعدّهم
ولكنّهم في النائبات قليلَ |
الخلانى أخدم ليلى ونهارى الصان
خايف الدين.. والبِدو فاتوا زمان
الدهر أنقلب.. صبح الورل ثعبان
أقدل ياقرد أصلو الزمان خربان
Quote: صن النفس وأحملها علي مايزينها
تعش سالماً والقول فيكَ جَمْيلُ
|
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: سمية الحسن طلحة)
|
Quote: الدهر أنقلب.. صبح الورل ثعبان
أقدل ياقرد أصلو الزمان خربان |
ريحانة الشيخ الحسن ودطلحة
تسلمي ... ويسلم لسانك وعقلك .. ديما تأتي بالجميل والمثير
كنت جالس لوحدي في البيت ساعة قرأت مداخلتك فصرت أضحك من تلك الأبيات أعلاها وبصوت مرتفع
ملكة وبت ملوك يا العسكرك مِنجمعّه
ورمشك سته يوم يحجب غزير الدمعّه
كلامّك قَرْطسُوهّو وفوقو خِتم ابولمعّه
وشك يخفي لي النجفة أم تمانين شمعّه
أحمد الفرجوني
ولك التحية ريحانة شيخ الحسن ود طلحة
خالد
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
محمد ود بادي العكودابي يرثي
الشاعر الكبير سماهين ودحسن
أرمي الدمعّه فوق الدمعتين ياعين
وبعد الليلة حابساها الدموع لي مين
نزيف الدنيا من حد البلد غربي
نزيف الدنيا لي حد البلد شرقي
وجوم عامة الليالي العامره
كل الدنيا خاتّه الخمسة في الاتنين
رحيلك وجعة ياسماعين
رحيلك نجعة من دار الفرح والزين
رحيلك طعنّه في لِهات الجنى دِرفين
رحيلك وقفّه فوق درب العليك باكين
وحد الفال وحد الزين
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
روى ود بادي العكودابي
أن القصيدة من الشعر الحلمنتيشي وهو عموماً من شعر المدن المفكفك اي لا يقوم على أعمدة قوية.. لكن مدرسة الشعر الحلمنتيشي كانت لهاأهدافها وطرق معالجتها للمواضيع وهي أقرب للمتلقي .. ولكنه أُفسد عندما دخل في السياسة.
قال : نزلنا على دار شيخنا ودالشايقي وكنا في حملة طبية ايام الدراسة في كلية الطب جامعة الخرطوم.. ودالشايقي كان رجل علم ومتزوج من اربعة نساء وهي نسألة في هذا الزمن لها توابعها ولها مابعدها وقليلون هم اللذين يتجرءون عليها وقليلون هم اللذين يخوضون بحارها ومخابيها ... شيخنا ود الشايقي تزوج بي اربعة ولما عرضنا عليه مسألة تنظيم الأسرة قال هذه تشكك في التوكل على الله وفي أن الله هو الرازق ... وقالها بي الحرف الواحد ( الله ما شقا لو حنكاً ضيعّوا ) وقال حبيباتكّم الشايلنها دي نسواني لو بلعن منها أردب بِلدن وكمان بِلدن جوز جوز .
فكان تحدي منه فدخلنا عليه من باب الهجاء بالشعر . وهو رجل شاعر فحل وقد ردَ على هذه القصيدة وكان رده مغزعاً وليس مما يقال في مثل هذه الجلسات العامة.
ولكن هذه القصيدة أيضاً لا تخلو من بعض الإشارات لا أقول الخبيثة ولكنها إشارات غميصة
بتدأ ود بادي مخاطب نسائه وكان له من الأولاد ثلاثون .. وكاد يأتي بالزوجة الخامسة لولا أن وقفت الشريعة بينه وبين مايشتهي
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
تسلم يا خالد وضيوفك
| Quote: هونوو شوية.... وصلو علي النبي .... إستراحة أيها المحاربون |
الف على الحبيب المصطفى
استمتعت بالاغاني...و الصور...لم اجد زمنا كثير لقرأت البوست كله....
بوست توثيقي جيد يا خالد...تشكر عليه وكل من شارك معك بتوثيق معلومه.
Quote: ولكنني أسعى لأنفع صاحبي
وعار على الشبعان إن جاع صاحبه |
حاتم هاشم ما قصر بتطيعم البوست بكل الصور التي تسعى لابراز الوجه العربي للسودان.
ابو الحسين ما قصر ماخلى صوره لابرز الوجه الختمي للشرق
جينا نستجم حسب دعوة خالد المنسي لقيناه استجمام جلابي بحت
سنتابع ربما في ملاحق البوست...نجد شيئا من تراثنا....
اصلا نحن معاكم نصيبنا بس ملاحق
ياسيكو
اوع ترد علي...لانك حتخرب البوست
انا داخله عشان خالد المنسي لانه اخي بحق انت اطلع منها.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: Tragie Mustafa)
|
Quote: حاتم هاشم ما قصر بتطيعم البوست بكل الصور التي تسعى لابراز الوجه العربي للسودان.
ابو الحسين ما قصر ماخلى صوره لابرز الوجه الختمي للشرق
جينا نستجم حسب دعوة خالد المنسي لقيناه استجمام جلابي بحت
سنتابع ربما في ملاحق البوست...نجد شيئا من تراثنا....
اصلا نحن معاكم نصيبنا بس ملاحق |
العزيزة الغالية تراجي بت مصطفى
سلام عليك
أولاً لك التشكرات بعد حبات رمال كردفان ودار فور وصحاري الشمال
قلتي لم يكن لديك زمن وألا كنتي قرأتي الكثير وليت كان ذلك لكان ما كان هذا رأيك لان الحبيب حاتم هاشم أنزل في هذا البوست صور من شرق وغرب السودان وجنوبه( وأنا كتبت ما احفظه من شعر اهلنا في الغرب وحتى شعر بلغة الدينكا حاولي ارجعي لبداية البوست ) لكنه ما يحفظه من شعر وقصص حسب نشأته كان من منطقة نشأته ولا ضير في ذلك أنت بنت دارفور تفضلي ولك البراح والمكان ترحاب للتوثيق لمنطقة الغرب العزيزة علينا كلنا ... ولك حبيتنا واختنا الغالية تراجي كل الاحترام والمودة
وشكرا كتير علي المرور
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
نواصل مع الشيخ الفحل ودالشايقي
دا كلو كوم
وام العيلة كوم
الولية الفنجرية
حلاوة نبق
الولية الغجرية
ودايره دق
البطن منفوخة
ديمة طِبق طِبق
إجيها الحول
وحول بي زول
ومرة تديها الهوادة
وترمي زي زولين زيادة
الله اريتو الزول يزاول
ياحكم صفر دا فاول
رصتم بت اللذين
ودايره تعمير القبائل
اب شنب تعبان
وعرقّو يسيل جداول
يلحس الكوع رغم أنفو
وياما يشبع في البشاتّن
وياما يشبع في البهادّل
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
الزول سرب سربه
وختا الجُبال غربّه
ماشوفو لي شربّه
خلوني النقص دربّه
زارعنَّ في البورة
وطاتّه ممطورّه
زولّن سمح صورة
بي الفاتحه بندورّه
زارعنَّه في الحِيضان
ساقنَّه بي التيران
إسمك تقيل يافلان
زي حنضل القيزان
الولده سيبيني
الجراري راجيني
برادّك الصيني
قريافّه راميني
سمعتّه لي كوراك
غرب الجبال ديلاك
يله تمي الباقي ياتراجي عاد ابقى انا الجعلي حافظ اكتر منك شعر الغرب
لك التحية
خالد
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
شايلة فوق الصفحة سوسّو
واحد الله
بي اليمين مقيودّه سيسي
مالو تاني
اب شنب شايل أماني
تلاته بركة
وكلو حركة معاها بركة
وفي البطن بنجوز فرفر
والقطر بي وراها صفر
شوف كمان جنس الفصاحة
والفتاوي الماها صاح
نحن عارفين الله أعظم
والرزق بنزل مقسّم
للبجاهد والمعسّم
والله ما شقا لو حنكّن ضيعّو
والله ما سوا لو طفلّن
ما سقاهو ورضعّو
ألا اسمعو يا رفاقة
الرضاعة خشم بيوت
والرباية خشم بيوت
والمعايش ماها توت
والمعذب أخير إموت
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
ياخلق يا عقلي صبّه
تلحسّو الرز بي المربّه
وتشربّو عروق المحبّه
وتلدوا كُبّه وراها كُبّه
عشان تقيف ماتاخدّو حبه
انتِ ياجاموسة دوري
هو اللكتّح وانتِ ضرّي
الليلة يقطعو حبل سُري
بكرة يظهر حبل سُري
العِداد مسكاهّو سري
لا تحدثي لاتقُري
ألا تنشري وتدرّي
ويلّه يادايتنا جرّي
انه قول المعري
خفف الوطئ قليلِ
هاهنا قبري سليلِ
جمي جمي وبكرة تمّي
وبلّه يانخلايا رمّي
ألدي اردب فول وسمسم
وخلي ملك الموت يلملم
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
حالتّو ساتره ونص كُم
أُسطة في سوق السماسره
بيعة رابحة وبيعة خاسرة
وهو حامد متشكر
ليس مُلحد ليس مُنكر
يعيش مابين السراري
ونساوينّو الحواري
لا تغيب عن قلبو أبداً
حاجة سِعده لجنة خُرده
حاربت في المهدية
ثم آلت لي جلافط وكراضم
عن قريب ستزور الأبدية
وأُحيلت للمعاش
فآراحت واستراحت
ثم تأتي سعدية
وهي رهن الخدمات
شيخنا ودالشايقي أفلح
اشترى ليلى مكعكع
فتصلح وتصبين وتنحنح
وهو شيخاً متصوّف
في هجيع الليل ينوّح
ياليلى ليلك جنّأ
معشوقّك آوه وآنّا
وتجيب المدح ليلى
وتغرد غير هدنّه
وتزيد الشيخ قربّاً
غاب قوسين وأدنّا
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
الظايط يعني العامل زيطة
............................
من شعر....الجاغريو
........................
الليلة الظايط جاكم هايم
صاحي و ما بتلقوه نايم
اسد الخششة اب قوايم
شدو ليه علي ام لجايم
هاتك فوق ام تمايم
صد يا عزيل و انقرع
الجبل الما بنطلع
الوافر ما بنضلع
سيد الاصل و الناس فرع
وسيفو وكتين ينشرع
بياخد الزول و الدرع
النيل العامك تراثه
البليغ من دون دراسة
جيلك النظار اوراثه
شدو ليه علي ام جراسة
قفل ابواب الفراسة
الظايط دقر الهشيمة
بكفي ضيفان الهجيمة
ما تاهموك بي نميمة
سيد بت فرج بت حليمة
و القصدو التار رضو بالهزيمة
ما شفتي اخوك يام سماحة
عينو للبعيد لماحة
العاصيات كسر جماحا
الخيل الشبكت رماحا
شافنو وصدن قماحة.
...........................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
ياخالد الفرجونى قلبو رمش أنا سمعت شلخ
ساقك من ركبتك صب عديلا شمعة
شلخك ستة يوم يحقن غزير الدمعة
مو تكرييع شرابك كمعة
إن وقعن حمودك لى بسيلك سمعة
( ياحليل أماتنا وحبوباتناأمات شلوخ )
تسلم وهاك رد السلام من أهل العوض :ـ
رد السّلام
يالعوض أخوي
وصل السّلام
سلام من ناسن كرام للكرام
كلامك إت مو مثـل الكلام
مثـل كلاما بسمعه
وكتين أمش للوطن في كل عام
سماحته زي قصيصاً مفصّـل
ومنضوم في رقيبة أم رخام
وريحته ريحة طلحاً يضوّي
دخانه في قديم الحمام
وطعمه طعـم تمـرًا معطون
من جليدات بنـّوتنا ماخد لون
أنا مابقدر أوصّف كلامك بالكلام
لكن بحس بيه
في مشاعري المعاك
بي حب الوطن هامت هيام
وأصله المتيّم
مابقدر ينطق بالغرام
شوف كيف الزمن
لمّانا في نص الزّحام
وفجّينا الخلق في زمناً
تقول خشوم النّاس ملجّمة بي لجام
وبدينا الكـلام ......
وقالو أصله الطير
بقع علي أمثاله
ولدا مثـلك إت
أنا ديمه بتمناله
العيشة الهنيـّة
ويبقى مستور حاله
ويرجع لي ملاذاً
ديمه بتغـنـّاله
رجوعاً الناس يتمنو حاله وفاله .....يتبع ــــــ)
رد الســلام .... (2) ..... يتبع
ويلاقي أولاد فريقاً
مثل الصقور في سماهم جالـو
ويبشّر فوق عرايساً
مثل الفروع
فوق عشوشهم مالو
يشوف جمال بـنـّوتاً
خدّهن ضوّاله
في كـبسَة الغربة الزمن كاوياله
ويبرّد فؤاداً
جمر الفراق ملاله
ويروَى من شرابٍ
ماألـذ ّ زلاله
يتمدد ويغازل للبدر في كماله
ويتقدّل عزيز
من جنوب لا شماله
يرسم للخطى
في طينه أوفي رماله
ويقول ليهم حديثا
يخلي أرواحنا تتشاباله.......
شيل منّي السّلام
لأهلا عدال مامالو
قوليهم والله الوطن
ماشاقنا غيرهلاله
والله الوطن
أنا في العيون شايلاله
وأنا حب الوطن
بيـن الضلوع ضامّاله
وأنا حب الوطن
بالدموع ساقـياله
مرتعه في حشاي
وفي القليب مقياله
وأنا حب الوطن
في النفوس غارساله ......يتبع ـــــــــ)
...... يتبع ـــــــــ) رد السلام
عزيزاً مصون
يتوارثـوه أجيـاله
وأنا أسم الوطن
بي سمح الخصال حافظاله
وأنا أسم الوطن
بالشّـرف الرفيع صايناله
حضناً ضمّ للأحباب
أنا روحي مشتاقاله
ولمليم الشمل
أنا بالسنين راجيـاله
أتجرّعت كاس الصبر
والحنظل دوام لايكاله
أتشربكت بي حبلا ً
عراض آماله
بس حلال العـقـد
قـيـدي ماحلاله
سمية الحسن محمد طلحة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: سمية الحسن طلحة)
|
بسم الله الرحمن الرحيم
سلام ياهلنا...
الســايــق الــفـيـات
.........................
ابراهيم العبادي
...................
ياسايق الفيات
عج بي وخد سنده
بالدرب التجت
تجاه ربوع هند
بوصيك قبل تبدأ سيرك
داك طريقك سابق الريده
منك بعيد جيده حي هند
المرام عج بي ربوع عبده
شوف سياق الفيات
الليلة كيفن هاش
والشجر الكبار بقي
شوفنا ليه طشاش
شق حشا الطريق
واتيمم الحلال
زفنه الكلاب
مانالن إلا علال
باقيات ثواني قلال
بينك والغروب
داك مشرع الشلال
أطوي الارض واضرع
ومن أفكارنا سيرك
يا الفيات أسرع
ميل علي المشروع
لا تريع القطيع
وتجفل الأدرع
شوف النهر مار
بخشوع تفول مجسان
كما مر المنام
في مقلة النعسان
جلت قدرته ما
اظلم الانسان
كم ينسي الجميل
كم يجحد الاحسان
مانفرن تقول
سايق الكلام إلفه
عطشان قلت ليهن
وصحت البلفه
مافيش كاس قريب
قالن دون كلفه
تشرب من كفوفنا
لم تتكفي .
.........................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
Quote: ياخالد الفرجونى قلبو رمش أنا سمعت شلخ
ساقك من ركبتك صب عديلا شمعة
شلخك ستة يوم يحقن غزير الدمعة
مو تكرييع شرابك كمعة
إن وقعن حمودك لى بسيلك سمعة
( ياحليل أماتنا وحبوباتناأمات شلوخ ) |
أفُو يا ريحانة الحسن ودطلحة حبوباتك واماتك مرقنّك كدي ساكت بدون شلوخ
الرايعة وديمة بتجيبي الرائع الجميل
لك التحية وعلى مرورك الذي يسعدنا ضُمة زي ما بقولوا أهلنا الشايقية
خالد
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أنها دنيا المصايب
باسم ليلى من يطالب
ذات مرة والممرات كثيرة
شيخنا صلى الصبح نافلّه
وبآيات قصيرة
وتحوقّل وتعوّذ
ودعا الله بأن لا يتجوّز
وتشهّق وتمنطّق
وبي رأس السبحة طقطق
ومضى يتلو الكتاب
مرَّ بي المال والبنون
فتبسم وترنّم
وبي آيات الطلاق
فتجشم وتعسّم
وإذا ما لاقّى
مثنى وثلاث ورباع
وقف الشيخ طويلاً
كما فحل الضِباع
وبكى وهو يرخُو
من حِبال وتريّه
وشهيق كالدجاجة البطريّه
وقال أنا قصرت في حق الكتاب
ساألاقي ما ألاقي من عذاب
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
Quote: تلاته شدراتّن كبار آلات لبخ وكبيت تحتهن خمسة لواري رملة نامعة جبتها من جنب البحر وكل يوم وليد بكري الكبير محمد الحسن يرش فيهن وأزيار الموية منديّه ونقاعّه دا يسوي جب جب جب والسباته مفروشة وكمان 30 عنقريب هباب والهمبريب يقول يا ليل...
تعالو أخواني وأخواتي ندردش ونذكّر كل كلمة حلوة قالوها أهلنا زمان ونحمد الله خالق الخلوق ورافع السماء بلا عمد أهلنا زمان ملكهم الله من مجامع الكلم ووبحلّو وبربطو
الدعوة للجميع على اختلاف ألوانهم السياسية بس موضوعنا وتيمتنا الكلمة الحلوة القالوها أهلنا زمان |
شكرا خالد على هذا العزف الجميل
مودتي
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
Quote: الزول البريد مابحددوها قدرتو
شاورت القلب إلا العقل ماشرتو
جهرنى النور وعمت عيونى بهرتو
جيت متل الفراش الأنحرق بجمرتو |
ريحانة الحسن ودطلحة سلام وقلبي فيهو كلام
المن قام يحاكي مشي الجدي في قدلتّو
هرد القليب والعقول وبي السهاد تِلفتّلو
قمرّن بعيد في السما وقاسية نزلتّو
الشورة كيف نهواهّو ولا الزول يقيس لي قدرتّو
خالد
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
الأخ خالد....تحيات كتيرة
في الضواحي
شعر وغناء : خليل فرح
-----------------------
في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
أين أنت يا سيدي الفاضل لما غبت عن الركن الجميل الهادئ وأنت تمتلك جميل القول وأطيبه؟
مودتي
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
الرائع خالدعلي محجوب
هونت علي نفسي شوية وصليت علي النبي وحبيت استريح في حوشكم العامره (ياقردابي ياجميل )
بس دحين جنس نضميكم ده انا مابعرف ليه ,,,,,,,,,, لو انت منسي نحنا مانسيناك لانك محفور
في قلوبنا والايام الجميلة في الامتداد لا تنسا,,,,,,,,, وتحياتي الي محجوب علي محجوب والي اولاد
عمك محمد الحسن
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
بت حسن عباس صبحي سلام يا راقية
وكيفنك يا راسية
وحبابك ألف با غالية
مانسيناكم بس الظروق قاسية
وكيفن عاد بننساكم
وهل نستطيع أن نغفل البدر
في ليلة ابعطاشر
أجاد الشاعر الكبير خليل فرح وأبدع ود معزة ( عثمان الشفيع )
المقصد من القصيدة كان ابراز الوجه المشرق وجمال الطبيعة في الضواحي خارج المدن
فكانت دعوة صريحة من الخليل يناشدهم فيها
( قومو خلو الضيق الجناين ) ... الجناين والحدائق هي متنفس أهل المدن وعادة ماتكون مكتظة بالزوار ( شوفو عز الصيد في العساين ).. تعالوا يا أهل المدن للضواحي وشوفو عزيز الغزلان في تلالها ورابيها ( العساين هي التلال )....( يلّه نقنص نفرح نعاين ) والقنيص معروف وهو الصيد وعادة ما يتعين فيه القانص بكلب سلوقي وهي كلاب معروفة تجلب من قرية سلوق في اليمن الحبيب وهي كلاب ضامرة واسعة الصدر سريعة في الجري وتدرب على القنيص ( النهار من حر الكامئن ) الفرحة والمتعة في الضواحي والتمتع بمناظر الطبيعة واللهو في الصيد وهذا يكفي الإنسان حر وسموم المدن التي تقارب في حرها حرارة كمائن الطوب ...( كلبي يا جمجوم أصلو خائن ) وجمجوم هو اسم كلبه الذي يستخدمه في القنيص ... ( شوفو كيف يبرا الملاين ) بالله عليك الله شوف الكلب دا كيف يباري الملاين وهي القطيع من الغزلان وعادة ماتكون الغزلان جارية وهو يبارها من الجنب اي بي عن يمبنها او شمالها ليتحين الفرصة ويختف صيدته منها ( هب شاله وكشح المراح ) نعم جمجوم وهو متابع القطيع فجأءة يهب قافز على القطيع بعد ان يحدد صيدته ويخمشها وفي تلك اللحظة يكون أحدث ربكة في القطيع فيتفرق يمين وشمال في الوادي والمراح ايضاً هو القطيع
بوركتي يا بنية الدكتور يا عامرة
ولك التحية والمودة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
Quote: الرائع خالدعلي محجوب
هونت علي نفسي شوية وصليت علي النبي وحبيت استريح في حوشكم العامره (ياقردابي ياجميل )
بس دحين جنس نضميكم ده انا مابعرف ليه ,,,,,,,,,, لو انت منسي نحنا مانسيناك لانك محفور
في قلوبنا والايام الجميلة في الامتداد لا تنسا,,,,,,,,, وتحياتي الي محجوب علي محجوب والي اولاد
عمك محمد الحسن |
الحبيب الفاضل بدرالدين وديعقوب .. كيف حالك يا الزين ونعلك زين
مبروك الزواج يا ودناس ست الحوش
تسلم يا فاضل علي المرور الجميل الذي شرفنا ودي من شيماكم آل الأمتداد يا رايعين
شنو يا اخوي ات مرق من السودان ولا شنو بتسألني أن ابلغ تحياتك.... انت سلم لي علي ناس محجوب واولاد محمد الحسن محجوب
تحياتي وموتي
خالد
(عدل بواسطة خالد علي محجوب المنسي on 06-06-2007, 06:32 PM)
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
حبيبنا خالد علي محجوب
بالصلي علي نبينا الخاتم
(ص) ونستريح مع جميل القول
هاهنا ونتابع ولا نملك أن نجاري
هذا الفن الرصين نكتفي بالأستمتاع
فقط زادك الله من وهيط مواعين النهل
من ينابيع لا نملك لها مكيال.
،،،أبوقصي،،،
الفاضل / مجدي عبدالرحيم ودفضل ( أبوقصي )
لك التحية وسلام الله عليك ورحمته وبركاته ومغفرته تغشاك وتغطيك وتحفظك يا همام
وهيط المواعين التي ننهل بها من ينبوع فنون وجمال أهلنا أنتم أهلها يا راقي .. وانتم اهل الفضل علينا ونحن قطرة في فيض أمواجكم العاتية
لك كل التشكرات على المرور الذي ابهجنا وزاد سرورنا وفرحتنا تلك الكلمات الجميلة التي ترف وتكشف عنما ورائها... رجل متمكن في نظم جميل الكلم
لك التحية والمودة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
قال ود الدكيم :
دمك صافى تحوير
المعردب لونك
بدر الكون جبينك
والضلمه قرونك
مدام أنتى ذى نجف
الخواجه عيونك
كيف يداوى من ألمه
ويطيب مجنونك
فجاراه ودشورانى وقال :
يا ياقوتة الحضرى
الحضارمى زبونك
عازه وغالية وطلعن
فى الثريا فنونك
عاليه ارداف ،ضامره
هاف ، وقارن نونك
أنكال بالجمال
لامن دفق ماعونك
يا تمرة كريمه
القاد سبيط عرجونك
لو كان أمنوك
زاهد الدنيا يخونك
معلومية الذكاء
فيها ماهره فنونك
ربى كساك بالهيبه
وصدر قانونك
قمر السبعتين نورك
مضوى دجونك
يقلق ويفقد الحياه
والصبر مسجونك
واعى الناس يضيع
ما بين قساك وهونك
كل المالى مركزه
صار قتيل مسنونك
عودك قامته مربوعه
وكحيله وجونك
خدك دكن الشف
والفدى الفى اذونك
ديسك كابى ، خمر
و صندليه دهونك
ماهو غريب على لو كان
ساهرنبى طعونك .
......................................
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
الليلة العيون شافن
بسيمتو تضوِّي
نوراً في الجبين
كيف البرق بيسوِّي
قلبي الخاتا بين
أضلاعي قنب يخوِّي
كان ودرني ساي
عِلَّ اللطيف القوي
القلب الجبان
فترني كمّل حيلي
لح أقدامي، حف
رجولي ما ظن
يقدرن لي شيلي
كان خلاني لي ناس
ديلا شافن ميلي
شمّات الوجع شمتوني
عاد وا ويلي
العيد السعيد جايينا
صاري وشيشو
ما شايل فرح خامي
الحزن بي ديشو
كرباجاً هرد جسمي
الكتر خربيشو
كسنالو الصبر عِلَّ
الصبر شيقيشو .
..............................................
(منقول)
تحياتي...
حاتم هاشم.
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
إسْلم العوض ياليلة
ومن الله العوض ياليلة
إسْلم الجنى ياليلة
المِرق مو قنا ياليلة
زاح مني الضنى ياليلة
وحالتي المُحزنه ياليلة
خلاني ياناس مبسوطة
سبتا الهيجة سبتا الجوطة
تعليماتّو جات مضبوطة
بس جرّت قلم في نوتة
هيلو الشكرة هيلو الفوتة
من زمناً بعيد مختوتّة
إسلم العشا ياليلة
العمرو مارتشا ياليلة
لي الرحمن خِشى ياليلة
ولي المسيد غشى ياليلة
إسلم المفتاح ياليلة
المو ولدة قماح ياليلة
سيف النصر لاح ياليلة
زي نور الصباح ياليلة
قال يابنية هووي أوعاكي
تاني ما اشوفك بي هناكي
شن بدوري بي الجوباكي
حقك عند المولى هداكي
يا عزالّو شن بتقولّو
زولّن كل المكارم هولّو
علا اب شبكة واقف طولّو
مابفرز الغريب والهيلّو
مطر العِينة شايلّه سحابة
تقدل لي اليباس ويبابة
إسمو الدخر يا اصحابه
دا الفي العِرفة مابتغابه
يومي الجيتو شايله ملامّه
قال لي إن شاءالله عافية سلامّه
قتلّو فِتر من الخشامّه
دنيا عابسة مي بسامّه
ساءت حالتي سوء ألامّه
دا رب الغيوب علامّه
ناساً لي تمط في كلامّه
سارح فكري في دوامّه
ما لقيت لي إشارة علامّه
نويت كربتّه لي الحزامّه
لي الولد العالي القامّه
قال إن شاءالله مافي ندامّه
من أغاني التراث القديمة
| |
|
|
|
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم
سلام ياهلنا...
ود الشلهمة
............
مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك
بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري
نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش
مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام .
........................................
تحياتي...
حاتم هاشم.
| |
|
|
|
|
|
|
| |
حاتم هاشم
خالد علي محجوب المنسي
munswor almophtah
Tragie Mustafa
خالد العبيد
salma subhi
بدرالدين يعقوب
مجدي عبدالرحيم فضل
فيس بوك
تويتر
انستقرام
يوتيوب
بنتيريست