|
|
|
 Re: نانسي عجاج ( بوست موجه لغير المقتنعين بها ) (Re: عبدالكريم الامين احمد)
|
يا وليد انت ماك نصيح والله شنو؟
يمين دي الما بقتنع بيها
الا عندو شمع أشتر في اضانو
كدي خلي ارجل فنان الزمن دا يغني بي الرق...كان ما فرق
وهنق ...عديل كدي ...أكون مشمع الاضنين..
الفرق هو هذا الاحساس الفطري العالي في الاداء...
الذي كان يتملك جيل الكحلاوي...وأبوداؤود أثناء الاداء
فهم ما كانو يرددوا أو يؤدوا فقط...هم كانوا بحسوا بالكلمة
استعارت هذه الساحرة اسلوبهم بحرفنة شديدة فابدعت
| |
 
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: nazar hussien)
|
عارف يا نزار حسين
احمد الله ربيت في حله حفلاتها مقسومة على فنانين فقط
صديق الكحلاوي ومحمد احمد عوض
تتصور يا نزار..انا زول زوقي سمج للدين، ومخي تخين خلاس ، يعني مزاجي ما بجي الا بعد مقاوحة وتعب .. فين وفين حتين القى لي غنية تعجبني .. وفينين وفينين القى للغنية دي مؤدي يديها حقها ، نانسي في اغنية شقي ومجنون، اتشاقت واتجننت ، وادت الغنية اكتر من حقها وتصدق اني معلق في الغنية دي لي اسبوع .. بفتح الجهاز ، بشغل الغنية ، واختها في الربيت لحدي ما اقفل الجهاز
ابدعت فيها نانسي بحق
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: اتيم سايمون)
|
اتيم
اسعدنا جدا حضورك
| Quote: دة الكلام .. انا سمعت و مافاهم نوع الغنا دا .. يمكن اكون ما بعرف |
ما عارفك قاصد اغنية (رفقة) الاتكلم عنها اخونا خالد فوق
ولا قاصد اغنية (شقي ومجنون) المرفقة مع البوست ده ؟
عموما لو كانت شقي ومجنون المرفقة هنا
ما فاهم شنو يا صديقي.. وضح
المفردات ..؟
الجمل الموسيقية ؟
اللحن ؟
؟؟؟؟؟
بالنسبة للعرفة .. كلنا ما بنعرف وحاتك ومتشوبرين ساااااااااااااكت
تعال نظر معانا يمكن نمرق بي حاجة
كل الود
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: خالد عبد الله محمود)
|
يا معلم الثورة الحارة التانية
( حلة الحريقة )
غايتو بالنسبة لي يا خالد نانسي عجبتني في الاغنية دي فقط .. وشخصيا يكفيني ان يبدع المغني في اداء اغنية واحده ليكون فنانا عندي ، يعني شرايط نانسي دي كلها عجبتني فيها الغنية دي ، وخلتني اصنفها كفنانة ما مغنية او مؤدية اوحتى مطربة ،
يكفي المطرب او المغني او المؤدي ، اغنية واحدة فقط ترفعه الى مصاف الفنانين
والفرق كبير جدا بين فنان : ومطرب او مغني او مؤدي
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: وليد محمد المبارك)
|
Quote: صوتها عادى جدا جدا ومحدود جدا جدا واقل من هذه الضوضاء ولافرق بينها وبين شروق ابو الناس وليزا شاكر نحن فى زمن صناعة الفن والمؤثرات الصوتيه التى تجعل من الصوت العادى صوت فنان
هنالك مثل بيقول (تلصق الطين فى الرجلين ماببقى نعلين) |
اهلنا قالوا
الاعوج رائي .. والعديل رائي
حق مكفول ليك مع اني مختلف معاك .. فصوتها عندي في الغنية دي تحديدا غير عادي ونادر كمان ومفتوح للحد البعيد وفي فرق بينها وبين شروق وليزا شاكر
عموما بتخيل لي التطريب ما بعتمد على خامة الصوت وتونته فقط الاداء ليه دور كبير جدا في الحاجة دي
يعني بتين تطلع وبتين تنزل وبتين تقطع وما تفرق زمن وتستلم صاح وتسلم صاح
نانسي في الغنية دي
عملت ديل كلهم
ودي ما بتلتقها اي موثرات تقنية او معالجات صوتية
وكل الود
| |
|
|
|
|
|
|
|
|
 Re: نانسي عجاج ( بوست موجه لغير المقتنعين بها ) (Re: nazar hussien)
|
| Quote: غايتو بالنسبة لي يا خالد نانسي عجبتني في الاغنية دي فقط .. وشخصيا يكفيني ان يبدع المغني في اداء اغنية واحده ليكون فنانا عندي ، يعني شرايط نانسي دي كلها عجبتني فيها الغنية دي |
...Quote: يكفي المطرب او المغني او المؤدي ، اغنية واحدة فقط ترفعه الى مصاف الفنانين
والفرق كبير جدا بين فنان : ومطرب او مغني او مؤدي |
...| Quote: فصوتها عندي في الغنية دي تحديدا غير عادي ونادر |
..| Quote: الناس الغير مقتنعين باداء نناسي عجاج عليهم مراجعة انفسهم في اختصاصي الاذن .. |
يا وليد..
حسع أنا كان غنيت ليك بترضى ..؟
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: tmbis)
|
تمبس اخبارك وكده
| Quote: حسع أنا كان غنيت ليك بترضى ..؟ |
هسع لو غنيت لي نعم برضى ..
لسبب بسيط
عشان اسمعك واسمع صوتك
لو عجبني تاني ما بستناك تغني لي عشان ارضى
بسكك وافتش ليك عشان اسمع غناك
لكن ما عجبني صوتك...
تاني لو جيت تغني لي ما برضى ....
غني وسمعنا صوتك عشان نعرف لي قدام حا نرضى نسمعه ولا ما حا نرضى
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: Abuelgasim Mohamed)
|
ابو القاسم محمد سلامات
جلال الصحافة فنان بحق مافي كلام
لكن
| Quote: الصوت عادي جدا لكن النضيف الاستديوهات الهولنديه واجهزه التسجيل |
نظافة الاستديوهات واجهزة التسجيل ممكن تجي بنتيجة عكسية لانو درجة نضافة التسجيل بتوضح العيوب في الصوت بمثل ما بتوضح الحسنات
عموما في حاجة خلاف جمال الصوت في رائي الشخصي ليها علاقة مباشرة بمستوى التطريب وهي الاداء
والاداء بختلف عن خامة الصوت صحيح خامة الصوت بتساهم بدرجة كبيرة في اتاحة مساحة كبيرة للاداء لكن المطرب الشاطر والعارف ملكات صوته بعرف يوظفها كيف .. وهنا بكون الفرق بين الاداء الجيد والاداء غير الجيد
ونانسي ادت الاغنية بصورة ممتازة في نظري الشخصي كمستمع فقط
كل الود
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: عثمان دغيس)
|
الاخوان ضحية ودغيس
سلامات واحترمات
| Quote: انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
كلامكم ده شين في حقنا او في حقي انا تحديدا
ارجوا انكم تحذفوه او تعتزروا عنه
مافي اسهل من الكلام ده والاسهل منه الرد عليه بنفس اسلوبه وطريقته ويمكن بصورة اقسى منها
فمافي داعي للاتهامات المبطنة دي ، لانها بتودي لي حتات ما حلوه وفيها ريحة كلام ما كويس
الحديث هنا عن ملكات نانسي في الغنا وانفعال مستمع بيه
اختلفتوا معاي حقكم ومكفول ليكم
بس ما تسوقوا الكلام لمكان غير مكانه
ارجو انو كلامي يكون واضح
هذا مع كل الود
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: khaleel)
|
الاخ العزيز/وليد محمد المبارك
اولا تحياتى واحترامى
كتب الاخ/ تمبس متسائلا؟
Quote: يا وليد..
حسع أنا كان غنيت ليك بترضى ..؟ |
ورددت عليه انا بهذا
| Quote: انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
وردى عليه هذا بناءا على المجامله الحاصله فى هذا الحوش خاصة من البوستات التى يكتبها الجنس اللطيف ولا اقصد كل الاخوات بل بعضهن حيث تجد المجاملات واللاموضوعيه الزايده من قبل بعض الاعضاء
وردى هذا موجه للاخ تمبس بناءا على سؤاله لك وانا لااقصدك فى شخصك ولا فى مضمون البوست عفوا اذا فهمتنى خطأ
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: وليد محمد المبارك)
|
Quote: فمافي داعي للاتهامات المبطنة دي ، لانها بتودي لي حتات ما حلوه وفيها ريحة كلام ما كويس
الحديث هنا عن ملكات نانسي في الغنا وانفعال مستمع بيه
اختلفتوا معاي حقكم ومكفول ليكم
بس ما تسوقوا الكلام لمكان غير مكانه
ارجو انو كلامي يكون واضح
هذا مع كل الود |
.. معليش يا وليد بطلب منك فرصة قبال ما اغني ..
طالما انو الكلام دا ليهو علاقة بالكلام الكتبتو ..
ياريت اوضح ليك انو الرد موجه لي أنا بدون اي تجريح لي آخــر .. وعلى حسب معرفتي بي شخص الأخ ضحية ما اعتقد انو من النوعية الممكن يوجه اساءة لي شخص أو يتلاعب بالكلمات من أجل التجريح .. بعكس بعضهم هنا تناول مسالة الراي في نانسي عجاج انو عبارة عن تقليل من شخصها وحقد وباقي البطيخ الاتكتب .. وبدون اي مراعاة لي الفرق بين قصد نانسي كمغنية وكشخصية ..
أرجو يا وليد انك ما تقع في نفس الأخطاء الوقع فيها بعضهم ..
كلنا نحترم نانسي عجاج كأخت في المقام الأول وكزميلة وليس القصد من ابدا الراي التجريح والتقليل من المقام .. وارجو انو الناس العايزه تنتقد نقد موضوعي أو غير تراعي في الحسبان المسالة دي .. والناس برضو المؤيدة والمعجبة بي نانسي كمان ما يتموها موية ويهتفوا بي سقوط العملاء والمأجورين ..
غايتو يا وليد لو ما فهمتني .. ياني الجايب عودي ومغنبي ليكم هنا دا للصباح ..
ــــ
بينَ ليلةٍ ومطرْ.
يسكنُ قلبٌ شرختهُ العشيقاتُ
بالهروبِ الطويلِ
وأوصدتْ بابَهُ امرأةٌ
التقيتُها صدفةً في الأسافيرِ.
(نصار الحاج)
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: tmbis)
|
يا تامبا
| Quote: وعلى حسب معرفتي بي شخص الأخ ضحية ما اعتقد انو من النوعية الممكن يوجه اساءة لي شخص أو يتلاعب بالكلمات من أجل التجريح |
وانا باخد كلامك وانا مغمض واعمل بيه يا عزيز
مع انه ضحية ما محتاج تذكية
لكن مداخلتي كان لا بد منها حتى لا يفسر البعض مداخلة ضحية حسب هواه ، وتوضيح ضحية لي ( مشكورا عليه ) كان لابد منه كذلك
كل الود
وتعال غني
عشان نقيمك
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: ضحيه ابراهيم)
|
| Quote: انا مقتنع بيك انك فنان لكن لازم نشوف لينا واحده تعمل ليك بوست كسير ثلج والله ياتمبس بدون مايسمعوا صوتك تطلع اول الساحه وسيدها |
.. والله يا ضحية مسالة التكسير دي بقت بتجهز قبال الفنان ما يفكر يبقى فنان .. التلفزيون يكسر .. الجرايد تكسر الانترنت يكسر .. والمكسرين ليهو لما يجي يلقى ليك عاليها واطيها .. ويللا هاك يا تكسير هو زاتو ..
لكن في حالتي دي يا ضحية أنا خايفك التلج في السكـا زاتو تلقاهو كمل ..
غايتو إلا تكسر لي كباية شــب ..
ومن ناحية أخرى ..
والله أ، لو اديتوني يدي وغنيت ليكم هنا .. احتمال كبير اكسر ليكم حاجة هنا دا ..
ـــــ
بينَ ليلةٍ ومطرْ.
يسكنُ قلبٌ شرختهُ العشيقاتُ
بالهروبِ الطويلِ
وأوصدتْ بابَهُ امرأةٌ
التقيتُها صدفةً في الأسافيرِ.
(نصار الحاج)
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: وليد محمد المبارك)
|
اخي وليد جاءتني الرسالة التالية من الاخ معتز سليمان
Quote:
اخي وليد استمع جيدا لهذا المقطع من نانسي عجاج ( ايه أنا عندي في الدنيا فؤادي إنتو مالكنو ... شبابي الكنت بحلف بيه ودرتو من بدري
أنا متأكد أنها ليست هي إنها مسكونة
واذكر هنا ان الرئيس البروف الدكتور الموسيقار الفنان الاستاذ محمد وردي كان في زيارة إلى إنجمينا وتمت استضافته في تلفزوينها وقال له مقدم الحلقة
البغني ده ما وردي ده منو فرد عليه وردي كيف ده منو ده أنا فقال له هه هه هه بلهجة اخواننا التشاديين انت مسكون البغني ده جني انت اصلا مامكن تغني غنا
سمح زي ده
ودمت عزيزي
|
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: عثمان محمد كرار)
|
وليد
أزيك
مبدئيا كده أنا من المقتنعين بيها وبحبها جدا ...وقاشرة بيها لصحباتي ـ غير السودنيات ـ بإعتبار
إنها وجه جميل ومفرح وصوت لذيذ.
لكن يا وليد في حاجات بتضر الفنان أو أي مبدع بشكل عام أهمها وجود مدافعين مستميتين لدرجة الفجاجة
وده ما حصل مع نانسي براها ..الدفاع ده مرات بولد ردات عنيفة من أشخاص ممكن يكونو بحبوها
جدا ..الخلاصة الموهبة الحقيقية بتصل بدون واسطة ..
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: داليا حافظ)
|
داليا خالد 
اسعدتينا بي مرورك
Quote: لكن يا وليد في حاجات بتضر الفنان أو أي مبدع بشكل عام أهمها وجود مدافعين مستميتين لدرجة الفجاجة
وده ما حصل مع نانسي براها ..الدفاع ده مرات بولد ردات عنيفة من أشخاص ممكن يكونو بحبوها
جدا ..الخلاصة الموهبة الحقيقية بتصل بدون واسطة .. |
اكيد يا داليا حافظ
وكلامك صحيح
لكن ده مسؤلية منو ؟
الفنان ولا الكوم الحولاينه
زمان الحاجة دي كانت في مجتمع الكورة بس
هسع انتقلت للفن وناس الكورة بطلوها
عموما زي ما قلتي الموهبة الحقيقية لا تحتاج الى واسطة وكمان لن يضرها اي نقد اسبابه اشيا اخرى غير مقوماتها كموهبة
بعدين العيب ده من جهتين
يعني معجبين لا يقبلون اي نقد موجه لمطربهم المفضل
وضدهم اخرين الشي الوحيد وسبب مغتهم لهذا المطرب هو اراء معجبيه لدرجة انه يوجهون نقدهم للمطرب نفسه وليس لمعجبه
حاجة تحير
كل الود
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: وليد محمد المبارك)
|
وليد
مساك الله بالخير
Quote: لكن ده مسؤلية منو ؟
الفنان ولا الكوم الحولاينه |
الأتنين ياوليد ..خصوصا إذا كان المدافعين من المقربين للفنان ، الفنان يستغل بشخصتو ويدافع عن
نفسو أو يطنش ده حقو ، وكمان إذا قبل النقد الموضوعي المامشخصن بكون إستفاد ، والمقربين منو ما
يكونو متصدين وعدائيين وإحسبوا أي نقد في إطار الحسادة أو الغيرة او الغيظ أو ..أو مع شوية
موضوعية من النقاد والمدافعين.
بالجنبة كدة
البنقراهو بين السطور مرات في ناس بنتقدو زول بشكل فظيع نكاية في زول تاني ..وده مرات بكون مجحف
في حق الشخص المعني .
فتك بعافية .
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: طارق ميرغني)
|
Quote: وده ما حصل مع نانسي براها ..الدفاع ده مرات بولد ردات عنيفة من أشخاص ممكن يكونو بحبوها
جدا ..الخلاصة الموهبة الحقيقية بتصل بدون واسطة .. |
..
كلامك دا تلخيص يا داليـا لي كل الحاصل دا.. والنماذج كتيرة جدا في الساحـة..
وكلما كانت الشخصية المعنية .. على قدر عالي من الجمال والقبول .. كلما تضخمت الفكرة ووصلت .. مع اسقاط الكتير من الابجديات المتعلقة بي المهنة ..
بعكس
الشخصية الفرصته كانت ضعيفة في المقومات الجمالية .. علشان كدا فكرة الجوقــة بتتحكم فيها العملية الجمالية في المقام الأول .. وفي بعض الأحيان بتهيمن حتى على الموهبة اللي مفترض توصل بدون اي احتكام لي نظريات واسطية أو جمالية .. إلخ .
ــــ
بينَ ليلةٍ ومطرْ.
يسكنُ قلبٌ شرختهُ العشيقاتُ
بالهروبِ الطويلِ
وأوصدتْ بابَهُ امرأةٌ
التقيتُها صدفةً في الأسافيرِ.
(نصار الحاج)
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: nazar hussien)
|
Quote: يا وليد ياخي ما تجيب وتد الحفظ هنا...
فالاغنية دي يجب ان تكون في سيارة اب قوتة الكامري |
يا زول طارق اللمين ده محامي
وهو شكله متبني نانسي فنياوشغالين مع بعض ( ما شاء الله )
وزول بتاع شربكة
بكره يشتكيني ويشبكني ملكية فكرية والذي منو
وانا زول مفلس يا معلم
يا معلم
لنك حفظ مافي اسمع هنا بس
خلي بعدين يجوا يقولوا لي سمعت الناس ليه ؟
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: حسن سنادة)
|
وليد ياشفت
مشتاقين وكده
اختيار جميل للاغنية من بين اغنيات الالبوم
واداء تطريبي اجمل من نانسي في هذه الاغنية تحديدا....!!!
لكن الا توافقني الرائ بان نانسي عجاج كصوت جديد مبتدي تلمع
حولها كل هذه الهالة من المطبلاتية والمروجين ستضر اكثر مما تفيد
وكاني بها ليس بها اي سوالب في ادائها الفني .
عموما لي رائ ساطرحه عندما اتعافي تماما من المرض .
وبرضو انت شقئ ومجنون
بالمناسبة ياولي
اذا قالوا ليك انوا في انسان في الدنيا تنطبق عليه مقولة
رب اخ لك لم تلده امك فلا ازكي لك احد اكتر من
( ضحيه)
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: haroon diyab)
|
حبيبنا هارون
تحيتنا تاني واعتزارنا عبرك لي ضحية
قلت
Quote: لكن الا توافقني الرائ بان نانسي عجاج كصوت جديد مبتدي تلمع
حولها كل هذه الهالة من المطبلاتية والمروجين ستضر اكثر مما تفيد
وكاني بها ليس بها اي سوالب في ادائها الفني . |
طيب نانسي او اي مطربة غيرها تعمل في الحالة دي شنو ؟
انت مقر بي ادائها الفني ..
ومعترف انه مشكلتها الهالة الحواليها ...
يعني ما منها
طيب نحن كمستمعين ما حقو شوية نرتفع للمسئولية ونقيم الفنان لفنه
يعني تمبس قبيل قال فيما معنا انه الهالة حولين نانسي سببها جمالها ، اللهم زد وبارك ، وربنا يحفظها ، لكن يا جماعة جمالها ده بدل ما يكون نعمة ينقلب عليها نقمة ،
طيب شنو لو كانت نانسي حلوه وغناية ؟
يعني ممنوع انها تكون حلوه وغناية
وهل انه في مطبلاتية وهالة من الكضابين حوالينا ده بنقص من ادائها وبخصم من صوتها
؟!
اذا كان في زول بقيم فنان / فنانة قصدي مطرب / مطرب وواحدة من معايير تقيمه دي درجة جماله - وطبعا ده غلط كبير -
ليه الباقين يكونوا على درجة موازية ليه ويقيموا المطرب/ المطربة وواحدة من معاير تقيمهم ان عنده مطبلاتيه وحولينه هالة
كل الود
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: tmbis)
|
| Quote: الشخصية الفرصته كانت ضعيفة في المقومات الجمالية .. علشان كدا فكرة الجوقــة بتتحكم فيها العملية الجمالية في المقام الأول .. وفي بعض الأحيان بتهيمن حتى على الموهبة اللي مفترض توصل بدون اي احتكام لي نظريات واسطية أو جمالية .. إلخ . |
ما عارف يا تمبس
الواحد لو رد عليك وجاب امثلة هل ممكن يجرح اخت من الاخوات ولا ما ممكن ...!؟
عموما كلامك ده غير صحيح على اطلاقه كده
نعم بحدث من ناس معينين
لكن ما ثبت زول في شارع الغنا السوداني
بل كمان العكس صحيح
في اخوات كريمات على قدر عالي من الجمال لاقن دعم غير محدود من ناس اصحاب ثقل جماهيري
وفشلن ( بدون ذكر اسماء )
وفي اخوات كريمات عندهم من مقومات الجمال ما قسمه الله لهن لاقن دعم من ناس ثقلهم الجماهيري ما كبير ونجحن نجاح منقطع النظير ( برضو بدون ذكر اسماء )
والكلام ده في اخر 5 سنوات
راجع الساحة الفنية
ستجد الفنانات محدودات الجمال في الشكل بقمايسنا نحن هنا اكتر بكتير
ومتسيدات الساحة كمان
لان الغنا مهما كانت الدعاية السابقاه والمتواصلة معاه
بتفرزه الاضان ما العين
كل الود
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: محمد عبد الماجد الصايم)
|
الاخ وليد
سلام
نانسي دي صوتها فيهو بعض الضعف واضح رغم انها قدرت تتمكن من النص اللحني بتاع الاغنية صعودا و هبوطاو برضو دا كان واضح في اغنية لمحتك الكوبليه الاول التاني في التالت ظهر الضعف لانو الكوبليه كان محتاج لقدرات صوتية قوية عموما نتمني ليها التوفيق
ـــــــــــــــــــــــــــــــــــــــــــــــــــ
بالله عليك شرك في قناة زول لفنانة اسمها اسيا بتغني اغنية وطن الجدود و شوف قوة الصوت ال بعنيها ليك
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: حمد عبد الغفار عمر)
|
Quote:
نانسي دي صوتها فيهو بعض الضعف واضح رغم انها قدرت تتمكن من النص اللحني بتاع الاغنية صعودا و هبوطاو برضو دا كان واضح في اغنية لمحتك الكوبليه الاول التاني في التالت ظهر الضعف لانو الكوبليه كان محتاج لقدرات صوتية قوية عموما نتمني ليها التوفيق |
وليد يا حبيب ...
أول شيئ ...
أشهد الله إني ما قصدتك بمداخلتي ديك ...
وكفى ..
لكن وعشان يا أخوانا نكون موضوعيين ونفيد أختنا نانسي ...
ما نتجاهل النفد زي الفوق ده ...
وطبعاً حكاية نانسي صوتها به ( بعض الضعف ) دي أنا معترض عليها ..
وفي رأيي أن صوتها به ( كل ) الضعف ...!
وعايزة ليها ساوند سيستم مصتع خسوسي لصوتها ..
غير الساوند بتاع الفرقة ...
لكن ده ما بيمنع إنها بتغني بإحساس عالي بالزمن ....
وتطريبها على مستوى عالي جداً ...
حتى يخيل لي إنها (مزوداها) شوية ...
يعني تطريب و( فايبراشن ) أكتر من الضروري شوية ...
وفي النهاية ده راي مستمع قد يختلف معه البعض ...
و( قد ) دي بالمناسبة للتوكيد ..!
تحياتي ...!
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: نجوان)
|
يا نجوان
ما تختصرينا ياخ
Quote: بقيس موهبة أي صوت نسائي سوداني جديد بصوت البلابل وإرتياحهم في الغنا
على أي سلم.. |
مقياسك مختل يا نجوان اوريك ليه
اولا نفس المقياس ده طبق على البلابل قديما وكان القياس على صوت الفنانة العظيمة عائشة الفلاتية
والناس القدام مرقوهم ميحي برضو
ثانيا نانسي زول واحد والبلابل مجموعة والمجموعة بتشيل بعض في الغنا( وفي كل شي ) وتختفى العيوب
عشان كده نانسي لاذم ما تباصي
جيبي كل بلبله براها واعملي مقياك وورينا النتيجة 
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: وليد محمد المبارك)
|
Quote: احمد الله ربيت في حله حفلاتها مقسومة على فنانين فقط
صديق الكحلاوي ومحمد احمد عوض
|
وين ناس فلاح؟؟؟
انشاالله يخلعوك في باقي الليل ده
نانسي فنانة رائعة تغني باحساس عميق(التقول مألفة الأغنية)
يعني لو الشاعر ذات نفسو غني الأغنية ما بغنيها باحساس أكتر من كده
سعدنا بروعتها في أمسية الشارقة
لكن نعمات وكمال وثابت الله يسامحهم
ما سمحو لينا بصورة
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: ALGARADABI)
|
ياجماعة نانسى دى صوتها جميل مافى شك وتجربة جيده...لكن والله العظيم لو الكحلاوى لقى نقاء الصوت ده واقصد الأستديو والذى منو (تنقية الصوت)..أكان قطعتو هدومكم ودروشتو عديل من الغنا السمح..الكحلاوى بغنى فى الهواء الطلق جوطه بجاى وبرنسة طالعه بقادى ومره بتكورك لشافعه وطشامه بتشاكلو فى باقى القزازة ومع ذلك يمضى التطريب لعنان فوق التصور والأدراك ودى شرعة كل ملوك التطريب فى الزمن الفات..نانسى تغنى جيداً لكن مرات بتتطرف فى التطريب وبيبقى المر اقرب للنواح منه للغنا المهم تجربتها بكل تاكيد تجربة مميزة وتستحق الأشادة لكن فى حاجة مهمة الفنان اكان مابقى (سميييييع) جيد حتى ولو كانت خامة صوته استثنائية ولاحتى عبقرية هنا بتكون فى مشكلة فهل نانسى (سميعة) يعنى قدرة أذنها على ألتقاط تخوم اللحن ودرجاته..ده سؤال...
تخريمة جاده جداً..
خدر..فى بلكونة شقتهم ولافى غرفة جلوسهم يمسك العود ويقعد يغنى من غير أستديو ومع ذلك يصلك صوت قوى وواضح جداً وجميل لأنو غناى (وسميع) فى وقت واحد...نحن نقيم الصوت والأداء فى مكان طبيعته المنعزلة عن أى ظروف أخرى
تحياتى للجميع والفنانة نانسى عجاج ومزيداً من الأبداع
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: حاتم الياس)
|
حاتم الياس حبابك
الكحلاوي غناي قطع شك ومافي كلام
| Quote: خدر..فى بلكونة شقتهم ولافى غرفة جلوسهم يمسك العود ويقعد يغنى من غير أستديو ومع ذلك يصلك صوت قوى وواضح جداً وجميل لأنو غناى (وسميع) فى وقت واحد...نحن نقيم الصوت والأداء فى مكان طبيعته المنعزلة عن أى ظروف أخرى |
خدر حسب ما اعتقد هو دارس ومتخصص
ونانسي حتى الان هاوية
الصوت حسب معلوماتي البسيطة عنده دروس وتمارين تقوية تساهم بقدر كبير على سد بعض الثغرات فيه
اعتقد لو كان خدر دارس بكون تدرب جيدا وعرف كيف يغطي الثغرات دي على الاقل من ناحية اكاديمية
سمعت من صديق خريج المعهد قسم دراما لكن
انه المبدعة حنان النيل وانا بعتقد انه حنان النيل اكثر صوت نسائي في الساحة الان اقرب الى الكمال
( وجهة نظر شخصية )
سمعت منه انها كانت تجلس لساعات طوال لتمارين صوت عبارة عن صرخات ( كواريك )
اعتقد انه القصد منها تقوية الحبال الصوتية وتعويد الحنجرة على الطلوع والنزول وتقوية الرئتين
( والله والمختصين اعلم )
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: ALGARADABI)
|
يالقرضابي
Quote: وين ناس فلاح؟؟؟
انشاالله يخلعوك في باقي الليل ده |
خفت اجيب سيرتهم يقول الزول بعمل ليهم في دعاية
الجماعة جيرانا
وجميع ابناء الاستاذ محمود فلاح اصدقاء شخصيين لي
ومتزوج اصغر بناته يعني اولادي جدهم ابو امهم فلاح
عشان كده ما جبنا السيره
هاهاهاهاهاهاهاهاهاهاها
| Quote: نانسي فنانة رائعة تغني باحساس عميق(التقول مألفة الأغنية) |
ده كلام صحيح بالنسبة لي
| |
|
|
|
|
|
|
|
|
|
Re: نانسي عجاج ( بوست موجه لغير المقتنعين بها ) (Re: وليد محمد المبارك)
|
ولي..كيفك يا مان
والله أنا زي ما قلت قبل كدا: ساكن لي في بلدا طيرا عجمي..و كنت بسمع بي نانسي عجاج و قايلا من عينة (راجل المرا) و غيره من ناس هشك بشك..
لكين والله أقتنعت (والفضل للكليبات في سودانيزاونلاين) أنها فنانة محترمة و لها مستقبل باهر بأذن الله. عجبني صوتها و أداءها الممتاز و الاهم ذوقها الراقي في أختيار الاغاني...
تسلم يا مان
| |
|
|
|
|
|
|
|
|
 Re: نانسي عجاج ( بوست موجه لغير المقتنعين بها ) (Re: زياد جعفر عبدالله)
|
الاخ وليد لك تحياتي
اي شي في الدنيا عاوز تدريب يكمل الموهبة
اعتقد انه الموهبة عند نانسي موجوده وكمان موهبة عالية شديد
ده كلام صحيح الموهبة تصقل بالتمارين ,,
المرحوم مصطفي سيداحمد كان بتمرن اقل شئ في اليوم 6 ساعات
الاخ حمد اظنة بقصد منطقة القرار ...
علي كل حال فهي موهبة ناضجه وامامها المشوار مفتوح حتي تثبت قدميها ..
لك مودتي
| |
|
|
|
|
|
|
| |
وليد محمد المبارك
عبدالكريم الامين احمد
nazar hussien
ثابت محمد
خالد عبد الله محمود
ضحيه ابراهيم
Shazaly Magzoub
khaleel
Yassir Tayfour
rosemen osman
ABUHUSSEIN
اسامه خليفه
Abuelgasim Mohamed
tmbis
الملك
Adam Mousa
داليا حافظ
haroon diyab
محمد عبد الماجد الصايم
حمد عبد الغفار عمر
نجوان
ALGARADABI
حاتم الياس
زياد جعفر عبدالله
عماد شمت
فيس بوك
تويتر
انستقرام
يوتيوب
بنتيريست