الشعبية نجمة تزين سماء مدينة الخرطوم بحري (الجزء الثاني)

Quote: اخوي وليد‎ الحمد لله على كل شي ربنا يرحمها ويغفر ليها ويبرد حشاك يا خالتي عايدة ويديكم الصبر يا حكمه وسماح ورماح وربنا يصبرك يا حمد البركه فيكم يا ايمن اخوي دكتور قناوي ربنا يبارك ليك عارف نونه دي كانت نسمه هواء ربنا يرحمها ويحسن ليها ويجعل مثواها الجنه اخوي وليد نور الحله اطفا يا وليد نونه العاقله الرزينه الما بتغلط على الناس ربنا يعوضها شبابها في الجنه سبحان الله يا وليد ناس خالتي عايدة سكنوا في البيت المقابل لي ناس عمنا شريف وجوا الشعبيه ونحنا في المتوسط لكن والحق يقال دخلوا في ناس الحله وبقوا اهل والناس كلها تحلف بي حياتهم وطيبة اصلهم انا من اول امس ما متوازنه وما عايزة اعمل تلفون حتى اعزي فيها ما قادرة ربنا يرحمها عندنا صور مع بعض كتيرة انا ما قادرة حتى اعاين فيهم استغفر الله يا وليد اتنين من اعز حبيباتي وجعوا قلبي اتنين من اخواتي العمرهم ما غلطوا على ولا على اي مخلوق حشوا قلبي يا وليد حبي ونونه ربنا يرحمك يا رحاب يا اختي ويا سلافه اختي اخوي اسامه سعد ربنا يتقبل نونه ويكون مثواها مع الصديقين والشهداء اخوي عماد احمد ربنا يرحم نونه بحق جاه النبي نوه الصلايه قرايه القران اخوي عز الدين الفحل يا رب نونه الطيبه تكون في صحبه المؤمنين في الجنه يا جماعه الدينا ما بتسوى شي عليكم الله عليكم عيالكم عليكم اغلا ناس في حياتكم ما تنسوا نونه من صالح الدعاء هي واهلها ربنا يصبرهم ويبرد حشاهم صعب علينا فراق الناس البنحبهم لكن نونه بين ايدي الله الحنان المنان ربنا يجمعنا بيك يا نونه وما يفتنا بعدك الحمد لله رب العاليمين ولا اله الا الله محمد رسول الله انا لله وانا اليه راجعون