ستكون قرداً تتأرجح من غصن لغصن ، وتقوم بعمل الخدع لإضحاك الآخرين سوف تعيش حياة طولها عشرين سنة قال القرد عشرين سنة!!كثير جداً ،اريد فقط عشر سنوات فكان له ماأراد
والله ياعمدة حياة القرود تخوف لكن ما دام في الشعبية نتلم فيها ما في مشكلة الاولاد كل واحد بطريقته. الايام دي امتحانات الاولاد شغلتنا شوية وكمان عندنا حر يفقش الراس درجة الحرارة 50 مع تحياتي للجميع
06-21-2010, 10:55 PM
خالد درق
خالد درق
تاريخ التسجيل: 12-08-2009
مجموع المشاركات: 4351
Quote: والله ياعمدة حياة القرود تخوف لكن ما دام في الشعبية نتلم فيها ما في مشكلة الاولاد كل واحد بطريقته. الايام دي امتحانات الاولاد شغلتنا شوية وكمان عندنا حر يفقش الراس درجة الحرارة 50 مع تحياتي للجميع
تحياتي اخي صلاح عثمان طبعا كل المشكلة في حياة القرود الباقي مقدور عليه والله الايام كلنا مزنوقين لكن كل فترة بنتاوق للبوست عشان ننشلوا من الخور ويكون في الواجهة تحياتي واحترامي
ما من شعب في الكون يمكن أن يكون أسعد من شعب جنوب أفريقيا ، الذي يتغذى هذه الأيام ويتنفس أفراح المونديال ، ولعله يسابق الزمن لتتعانق لحظة الإنطلاق مع كمال الإعـداد ، ليكون الفرح الكبير في قامة أفريقيا ، لذا فإن الشغل الشاغل في هذا البلد أن يكون في مستوى التحدى الذي أنيط به .. بل أن الكثيرين في المدن التي ستقام عليها الفعاليات ، يفكرون ويقولون ما الدور الذي سنؤديه لنفيد ونستفيد من هذا الحدث الذي لن يتكرر .
وفي ذات الصدد صرح رئيس جنوب أفريقيا جاكوب زوما :- ( أن حماس شعب جنوب أفريقيا تجاه نهائيات كأس العالم لكرة القدم يقف على قدم المساواة مع المشاعر التي سادت البلاد قبل عشرين عاما حين تم الإفراج عن الزعيم والرئيس الاسبق نيلسون مانديلا ) - إنتهى - .
وفي ذلك إشارة واضحة الى مستوى الفرح الذي يغمر هذا الشعب .. الذي يرى في إقامة هذه الفعاليات ، فرحا حقيقيا ، بل مكأفأة حقيقية لتعويضه سنوات الذل والهوان . لذا يسعى الشعب الجنوب أفريقي الى تأكيد أحقيته ، وجدارته بهذا الفرح ، لذا فإن شعورا قوميا يتغلغل في كيان كل أفراد الشعب بضرورة إثبات الذات والوجود ، من خلال هذا الحدث الكبير ، الذي سيغير ملامح هذا البلد العريق .
ولعل التقارير الوارده من هناك ، تعكس لنا الهالة الكبيرة من الفرح الملون الذي يزين المدن ، بل الذي يغلف مشاعر الناس ، والذي فجر مكامن الحس الوطني في شرايين الدولة المضيفة ، من خلال ألوان ( قوس قزح ) وأعلام البلاد ، وشكل الرقصات والجدران والإعلانات والمنشآت التي شيدت لهذه الغاية الكبيرة .
والشعب الجنوب أفريقي شعب ، له طريقة خاصة في التعبير عن الفرح ، بل بالتعبير عن المواقف ، حيث تعبر عن ذاتها من خلال الرقصات المختلفة ذات الإيقاعات الأفريقية ، التي تجعل الحماس يتغلغل في الوجدان ، ومايزال الكثيرون يتذكرون ، كيف كان هذا الشعب يعبر عن إحتجاجاته ضد العنصرية من خلال الرقص ، حتى تحقق له الإستقلال التام .
بل أن الآمال العراض ، تجتاح الدولة المضيفة ، بأن يشهد الرئيس التاريخي ( نيلسون مانديلا ) جانبا من فعاليات الدورة ليعطيها بعدا جديدا .. رغم تخلفه عن الإفتتاح لكن الأمل يحدوهم بأن يكون الرجل حضورا في مسك الختام ، خاصة وأنه شارك بقوة في تقوية حظوظ جنوب أفريقيا بدعم ملفها للفيفا ، كرمز يعني الحرية حيث يعتبر الرئيس الأوحد الذي خرج من السجن الى سدة الحكم بعد ( 27 ) سنة من الحبس الظالم ، بل إستطاع الرجل أن يحول الضيم الى سماحة ، بالعفو عن كل الذين شاركوا في إعتقال شعب بأكمله ، ليضيف أدبيات جديدة في رصيد هذه الأمة .
مازال الكل يتذكر تلك اللحظة التاريخية الخالدة التي ظهر فيها نيلسون مانديلا متقدما في السن ومرتجفا بعد إطلاق سراحه من سجن فيكتور فيرسيتير، وهو يرفع يديه في قبضة واحدة إلى السماء مناديا الجماهير المحتشدة في الميدان ليطلق العبارة الشعبية الشهيرة ( أماندلا ) التي تعني السلطة للشعب بلغة ( الزولو) ، لكن جمال العبارة أنها تشبه الى حد كبير إسم مانديلا نفسه .
ففي مثل هذا اليوم كان المعتقل السياسي الأشهر قد أمضى ما يناهز ثلث حياته في الزنزانة ، وقد وقف العالم شاهدا ذلك اليوم على إحدى أهم خطوات نيلسون مانديلا في مشواره الطويل نحو الحرية الذي امتد لثلاثين سنة كاملة ، حيث مازالت الصور تخلد لحظة خروجه برفقة السيدة ( ويني ماديكيزيلا مانديلا ) التي كانت زوجته آنذاك ، وقد بدا واثق الخطى ، ثابت القوام ، وبإبتسامة صادقة فيها يقين بالنصر .
أما زوجته الثالثة غراسا ماشيل فتحمل نظرة واضحة عنه . ففي مقابلة مع قناة الجزيرة الفضائية قالت أنه رجل مميز ، وأحال البلاد الى عالم متميز ، غير أنها استدركت أن زوجها الذي يعتبر رمزا . ليس قديسا ، فهو لديه نقاط ضعف مثل سائر الناس ، لكن من جمائل شخصيته أنه جعل كاس العالم ممكنا .
ويغيب مانديلا الذي تجاوز الأعوام التسعين ، عن الجمهور المتعطش لأي إطلالة له ، لكن المؤسسة التي تحمل اسمه تنفي بشدة الإشاعات حول تراجع صحته ، وتؤكد حضورة المونديال ولو في خواتيمها ، كصورة تجسد روعة هذا الرجل ، ولتأكيد أن دوره في الحياة مازال مؤثرا .
ويكاد تاريخ مانديلا في فترة شبابه إن يختفي من الذاكرة الجماعية. إذ لا يذكر عنه اليوم سوى كونه رجل المصالحة الذي جنب جنوب إفريقيا حربا أهلية إنتقامية كانت تهدد البلاد في التسعينات من القرن الماضي ، عقب المرارات التي ذاقها شعبه .
وبحسب أوبري ماتشيقي الباحث في مركز الدراسات السياسية فان مانديلا تحول إلى رمز عندما سجن في جزيرة روبن، رمز القمع والعزل، كما أن الاعتدال والتسامح اللذين أبداهما بعد الإفراج عنه ساهما في زيادة نقاء هذه الصورة.
وهنا يحق لشعب جنوب أفريقيا أن يفاخر نفسة بأهم حدثين في التاريخ الحديث ، وهما التحول السلمي من الفصل العنصري الى الديمقراطية التسامحية ، ثم إثبات الذات من خلال إقامة أكبر عرس رياضي في العالم على أراضيها ، ليصبح كأس مانديلا حقيقة تلامس الواقع ، ورمزا جديدا لشعب لا يعرف المستحيل . ...... ملء السنابل تنحني بتواضع ... والفارغات رؤوسهن شوامخ ..... صلاح محمد عبد الدائم / شكوكو [email protected]
Quote: لذا يسعى الشعب الجنوب أفريقي الى تأكيد أحقيته ، وجدارته بهذا الفرح ، لذا فإن شعورا قوميا يتغلغل في كيان كل أفراد الشعب بضرورة إثبات الذات والوجود ، من خلال هذا الحدث الكبير ، الذي سيغير ملامح هذا البلد العريق .[/QUOT الاخ صلاح شكوكو الواحد كان حقيقة نفسه انو بلاده تنظم كاس العالم او اي شيء يشعر الواحد بالفرح ولكن بلادنا موعودة بالفشل في كل شيء وذلك بسبب عدم الاهتمام بالتخطيط والتنظيم ووضع الاهداف واعتمادنا على الحظ والنصيب مما يتسبب فشلنا والغريبه دولة صغيرة مثل قطر لديها الطموح لتنظيم كاس العالم بس الواحد مستغرب كيف تحل مشكلة الجو الحار
06-24-2010, 07:46 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
بعد ان ودع حياة العزوبيه وجهز عش الزوجيه الوجيه الحاج حمديستقبل زوجته امس متنين لهم حياة زوجية سعيدة يعنى ياشباب صاحب الحوش نائم فى عجوه معطونه بعسل ((بَارَكَ اللَّهُ لَكَ، وَبَارَكَ عَلَيْكَ، وَجَمَعَ بَيْنَكُمَا فِي خَيْرٍ)).
الحمدالله خرجت من مشكله كبيرة وهى عملت حادث وصدمت هندى ورقد الهندى فى المستشفى وانا كنت محجوز يومين لحدى ما كتب الدكتور التقرير بستقرار حالات الهندى وبعدها تم الفراج عنى والحمدالله وربنا ما يوريكم العوارض ....
Quote: الحمدالله خرجت من مشكله كبيرة وهى عملت حادث وصدمت هندى ورقد الهندى فى المستشفى وانا كنت محجوز يومين لحدى ما كتب الدكتور التقرير بستقرار حالات الهندى وبعدها تم الفراج عنى والحمدالله وربنا ما يوريكم العوارض ....
الاخ الاكرم خالد
الحمدلله على سلامتك
نسال الله لك تمام الصحه و العافية
وحمد لله لرجوعك لاهلك وعيالك سالم غانم
وربنا يكتب عاجل الشفاء للهندي
وماتشوف شر اخونا خالد
عميق دعواتي لك بتمام الصحة
عاطف
06-24-2010, 10:31 PM
خالد درق
خالد درق
تاريخ التسجيل: 12-08-2009
مجموع المشاركات: 4351
الحمدالله خرجت من مشكله كبيرة وهى عملت حادث وصدمت هندى ورقد الهندى فى المستشفى وانا كنت محجوز يومين لحدى ما كتب الدكتور التقرير بستقرار حالات الهندى وبعدها تم الفراج عنى والحمدالله وربنا ما يوريكم العوارض
حمدا بالسلامة، وللرجل الهندي، موفؤر الصحة والعافية، وتتلافي العوارض يا درق بالغربة درب السلامة للحول قريب، واللهم يجعلك سندا الي يوسف وشقيقته، ويخليك لهم.
مودتي
06-25-2010, 08:19 AM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
" لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات ورب العرش الكريم "
" اللهم رحمتك أرجو فلا تكلني إلى نفسي طرفة عين ِ وأصلح لي شأني كله لا إله إلا أنت "
" لا إله إلا أنت سبحانك إني كنت من الظالمين "
" الله الله ربي لا أشرك به شيئاً "
لا اله الا الله وحدة لا شريك له العلي العظيم. لا اله الا الله وحدة لا شريك له الحليم الكريم. لا اله الا الله وحده لا شريك له رب السموات والارض ورب العرش العظيم .الحمد لله رب العالمين .
[ كانهم يوم يرون ما يوعدون لم يلبثوا الا ساعه من نهار بلاغ فهل يهلك الا القوم الفاسقين ]
اللهم اني اسالك موجبات رحمتك وعزائم مغفرتك والسلامه من كل اثم والغنيمه من كل بر والفوز بالجنه والنجاه من النار اللهم لا تدع لنا ذنبا الا غفرته ولا هما الا فرجته ولا حاجه هي لك رضا الا قضيتها برحمتك يا ارحم الراحمين اللهم صلى وبارك على الر سول الكريم
الإخوة بالشعبية السلام عليكم ورحمة الله وبركاته وجمعة مباركة إن شاء الله!
الأخ خالد درق حمد الله على السلامة يا أخي! قدر ولطف! سلمنا الله وإياك والجميع من العوارض والابتلاءات!
أخونا سيد الحوش حمد الله على سلامة وصول (أم العربي) هههههه! [بمناسبة العنصرية القايمة اليومين ديل في المنبر العام على العرب] مع الأمنيات بحياة زوجية سعيدة!
مجدي نقد أين أنت؟ وأين مشاركاتك التي كانت قبل نيل الباسويرد! يعني الواحد لم ياخد الباسويرد يعمل نايم!؟ بالله هات، ولا تبخل! وأيضاً، كن مطمئنا: سيف النقد جاهز!
والتحايا الخاصة لرواد البوست المبدعين شكوكو وقرجة! ولبقية العقد الفريد!
06-25-2010, 01:42 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
ابدأ يومك بهذا الدعاء: اللهم ان كان رزقي في السماء فانزله وان كان في الارض فاخرجه وان كان بعيدا فقربه وان كان قريبا فيسره وان كان قلبلا فكثره وان كان كثيرا فبارك لي فيه جمعة مضيئة بالصلاة على الرسول صلى الله عليه وسلم
06-25-2010, 02:52 PM
garjah
garjah
تاريخ التسجيل: 05-04-2002
مجموع المشاركات: 4702
Quote: في إحدى المعارك الشرسة التي خاضها (عمران) والتى دارت رحاها بإحدى الأحراش تمت إصابته بطلق ناري استقر في قاع الجمجمة فتم إجلاؤه من ساحة المعركة بإحدى المروحيات إلى الخرطوم وهو فى حالة خطرة بين الحياة والموت. بعد وصوله إلى الخرطوم ومعاينة الأطباء لحالته أوصى الأطباء بضرورة نقل (عمران) إلى (ألمانيا) تحديداً حيث تتوفر هنالك أدوات (الجراحة الميكروسكوبية) اللازمة لاستخراج المقذوف الناري. فور وصول الطائرة التي كان على متنها (عمران) تم أخذه مباشرة بواسطة عربة الإسعاف المجهزة إلى إحدى المستشفيات الألمانية المتخصصة في جراحة المخ والأعصاب حيث تم عمل الفحوصات اللازمة له على الفور وأخضع لعملية دقيقة تم فيها استخراج المقذوف وبعد انتهاء العملية تم استدعاء الشخص المرافق لـ(عمران) إلى إحدى حجرات إدارة المسنشفى حيث أخبره (الطبيب) الجراح الذي قام بإجراء العملية بأن المقذوف الذي كان مستقراً في قاع الجمجمة والذي تم استخراجه قد أتلف بعض الأنسجة الدقيقة بالمخ وهى بعض الأنسجة المسؤولة عن بعض الوظائف الحيوية مما سوف يجعل (عمران) معتمداً اعتماداً كلياً على أجهزة صممت خصيصاً لتأدية تلك الوظائف وإن هذه الحالة التى يعانى منها (عمران) تعرف بحالة (الموت الإكلينيكي) وأنه لا علاج لها إلا بمعجزة إلهية!! دخل (عمران) إلى موسوعة جينيس للأرقام القياسية كصاحب أطول حالة (موت إكلينيكي) إذ انه ظل لفترة تجاوزت العشرين عاماً ً في غيبوبة كاملة يعيش بواسطة تلك الأجهزة المعقدة التي تقوم بتأدية تلكم الوظائف الأساسية ..... حتى حدثت المعجزة.
وحدثت المعجزة : في أحد الصباحات وبينما كانت (السستر) المكلفة بمتابعة الأجهزة الخاصة بعمران تقوم بعملها الروتيني في كتابة التقرير اليومي للمرضى لاحظت بأن (عمران) يقوم بمحاولة فتح عينيه بصورة بطيئة الشئ الذى لم يحدث من قبل مطلقاً فهرعت إلى الطبيب المناوب المسؤول الذي بعد أن قام بمعاينة الحالة قام بالاتصال بالطبيب المختص وفى أقل من دقائق معدودة كان يقف أمام سرير (عمران) معظم أطباء المستشفى فى كافة التخصصات . فى سرعه ودقة بالغتين تم إجراء عدد من الفحوصات والأشعة المتنوعة التي أثبتت لدهشة الجميع بأن الجزء التالف في المخ قد بدأت أنسجته في النمو كحالة لم يسبق حدوثها أبداً وأن (عمران) قد بدأ يتماثل للشفاء.
بعد ثلاثة أشهر: احتلت صورة (عمران) وقد تخلص من معظم الأجهزة التي كان يستخدمها معظم الصفحات الأولى للصحف والمجلات الألمانية والعالمية ونشرت معظم المجلات والدوريات الطبية المتخصصة تحليلات طبية وأوراق علمية لحالة (عمران) الذى بلغ الشفاء بعد تلك الحالة من حالات (الموت الإكلينيكى) التى عانى منها لأكثر من عقدين من الزمان . تقرر أن يعود (عمران) لوطنه حيث تم الحجز له بإحدى رحلات (اللوفتهانزا) المغادرة للخرطوم يرافقه (طاقم طبي ألماني) حيث استقبلته أسرته - التي كانت تتابع تطورات الموقف- فرحة بنجاته وعودته إلى الحياة بعد كل هذه السنوات الذي قضاها في تلك الغيبوبة. ظل (عمران) نائماً يحيط به الطاقم الطبي (الألمانى) المرافق وبعض من أفراد أسرته ثم بعد أن أخذ قسطاً من النوم والراحة فجأة قام بفتح عينيه بصعوبة وتطلع إلى من حوله مركزاً على أفراد أسرته: - أنا ليا كم يوم يا جماعة (غمران)؟؟ تفاجأ أفراد الأسرة والذين كانوا يحيطون بعمران بهذا السؤال الذي لم يكن قد وضعوا له إجابة كما تفاجأ له أيضاً الطاقم الطبى (الألمانى) المرافق والذى لم يكن قد وضع لذلك السؤال إجابه (سايكلوجية) مدروسة ً مسبقاً ولكن وفى سرعة أشار أحد الأطباء إلى (حسان) شقيق (عمران) الذي كان يرافقه في رحلته والذي أتقن خلالها (اللغة الألمانية) أن يخبره بالواقع: - والله يا (عمران) في الحقيقة إنت كنت في غيبوبة ليك ذى عشرين سنة وشوية !! - (في إندهاش) يعنى هسع دى سنت كم؟؟ - ده يا (عمران) شهر يونيو سنت ألفين وعشرة - (فى إندهاش) قلتو سنة كم؟؟ وهنا فقد (عمران) وعيه الذي لم يعد إليه إلا بعد محاولات مضنية بذلها الطاقم الطبي الألماني المرافق الذي طالب أسرة (عمران) بعدم تعريضه لأي نوع من أنواع الإجهاد إلا أن (عمران) أصر على متابعة طرح أسئلته وطلب عودة جميع من كانوا بالغرفة إليها خاصة عمه ( قاسم) والذى هو أيضاً والد زوجته في نفس الوقت والذي كان يحبه كثيراً.. - (ملتفتاً فى إعياء) : أها يا جماعة (الحرب) إنتهت يا عم (قاسم)؟؟ - الحمد لله انتهت - والجماعة دخلوا (الإسلام)؟ - لا دخلوا (القصر) - (في استغراب) : احتلوهو؟؟ - لا ما احتلوهو.. هم يا إبنى يا (عمران) جنحوا للسلم - وبعدما جنحوا للسلم ما قاعدين تشيلوا منهم (الجزية)؟؟ - جزيت أيه يا إبنى؟ نحنا أديناهم جزء من (السلطة) وجزء كمان من (الثروة) - الكلام ده حصل متين ؟ - زمااان ليهو خمسة سنين ونص كده ! - والله .. - والله يا عمران ..الجماعة ديل أخواننا والسودان ده بتاعنا كلنا وعندهم فيهو ذى ما عندنا ومش كده وبس - أها فى شنو تانى ؟ - كمان إحتمال ينفصلو ويعملو ليهم دولة براهم !! - لا حولتن ولا قوتن إلا بالله .. والله ده كلام غريب !! أها طيب (الشيخ) رأيو شنو؟؟ قبلان بالكلام ده؟؟ - أها والشيخ رأيو شنو؟ - الشيخ منو؟ - هو أنحنا عندنا (شيخ) غيرو؟؟ - (الشيخ) قال إنو الحرب دى ما كان في داعي ليها!! - (في اندهاش) : قال شنو؟؟ - يا (عمران) دى قصة طويلة وإنت مفروض ترتاح.. كدي خلى مسألة الحصل ده لامن تستريح شوية!! - أستريح شنو؟؟ أنا (نص عمري) ضاع كمان (النص التانى) ما أعرف الحصل فيهو شنو؟؟ - خلاص نتونس معاك شوية وبعد داك طوالى ترتاح - كدي قبل ما تتونسو معاي وروني (الشيخ) بطل يمشى عرس الشهيد؟ - يا (عمران) شيخ شنو؟ هو ذاتو بقى شهيد - (في ذهول) : كيف يعنى مات؟؟ - يا (عمران) دى قصة طويلة خليها هسع لامن تتعافى - لا يعنى عاوزين تقولو ليا هو هسع ما موجود وما مهيمن على الأمور ؟؟ - يا (عمران) أمور شنو؟؟ ومهيمن شنو؟؟ الشيخ هو ذاتو هسع مسجون - وين في (غوانتينامو) ؟ - نامو شنو يا (عمران) إنت الكنت نائم - يعنى شنو؟؟ - مسجون في كوبر يا (عمران)… في كوووووبر ... -(فى تأكيد): السجنه دى أنا عارفا.. مش أمشى (رئيسا) وأنا أمشى (حبيساً) - حبيساً شنو يا (عمران) .. السجنة دى قريبات دى - (في توسل) : عليكم الله ورووني الحصل شنو؟؟ - يا (عمران) خليك هسع من الحصل ح نحكيهو ليك بعدين.. بس إنت أبقى طيب - يا جماعة والله أنا كويس.. أحكوا ليا الحصل شنو - الحصل يا (عمران) إنو الشيخ مشى السجن حبيساً جد جد - يا جماعة أنا (السجنه) الكضب كضب عارفا .. ورووني الجد جد دى حصلت كيف؟؟؟ - يا (عمران) إنت طالع من غيبوبة وحالتك الصحية عاوزه ليها فترة عشان تستقر إنت أرتاح ونحنا كلو ح نحكيهو ليك.. تحت إلحاح (عمران) وبعد أخذ الإذن من (الفريق الطبي) تطوع (قاسم) عم ووالد زوجة غمران بسرد القصة الكاملة للمفاصلة والانشقاق وما جرى في (الرابع من رمضان) وأتبعها بسرد لاتفاقية السلام من (الداخل) ثم من (الخارج) وإيقاف الحرب وحلول السلام ولم ينس أن يحكى له فجيعة البلاد برحيل القائد قرنق. - لكن يا جماعة زمان لامن كنا بنحارب كان (الشيخ) بيقول لينا الحرب دى من أجل (العقيدة) والوطن طيب ده هسع الوطن (العقيدة) وين؟؟ - يا (عمران) ما قالو ليك الشيخ (لحس) كلامو - والله أنا ما بصدق الكلام ده؟؟ - يا(عمران) شنو ما بتصدق؟ إنت مؤتمر شعبي وإلا شنو؟؟ -(في استغراب) : مؤتمر شعبي يعنى شنو؟؟ - والله يا (عمران) القصص دى طويلة وما بتنتهى حقو تستريح والأيام الجاية نحكيها ليك.. وتحت إلحاح (عمران) قام عمه قاسم بقص الحكاية له والتي ما إن سمعها حتى فقد وعيه الذي لم يعود إليه إلا بعد محاولات مضنية بذلها الطاقم الطبي الألماني المرافق الذي طالب أسرة (عمران) بعدم تعريضه لأي نوع من أنواع الإجهاد إلا أن (عمران) ما أن أفاق حتى أصر مرة أخرى على متابعة طرح أسئلته وطلب عودة جميع من كانوا بالغرفة إليها. - يا (عمران) ما معقول عاوزنا نحكى ليك (عشرين سنة) في ساعتين. - لا .. لا .. لازم توروني (ثم متسائلاً) يعنى هسه البلد في سلام و مافى حرب؟؟ - والله يا (عمران) بعد حرب الجنوب وقفت قامت حرب تانى فى (الغرب) لكن الحكومة برضو عملت ليها اتفاقية سلام ووزعت (الثروة والسلطة ) والأمور بعد (الهجين) بقت تمام التمام . - عاوزين تهجنو خيولكم عندهم ؟ - خيول شنو يا عمران دى قوات دوليه .. دولييييية يا عمراااان !! - يعنى الكفار عاوزين يخشو بلدنا ونستباح يعنى ؟ وين قد دنا عذابها والحاجات الكنا قاعدين نقولا زمانك ديك؟ - ده كان زمان يا عمران - (في استغراب) يعنى هسع ما فضل ألا (الشرق والشمال). - والله يا (عمران) ناس الشرق ذاااتم عملو ليهم حركات والحكومة إتفاوضت معاهم وكمان وزعوا ليهم كمان شوية ثروة و معاها شوية سلطة والموضوع إنتهي. - توزيع السلطة عرفناهو… شنو كل زول عاوز توزيع ثروة.. توزيع ثروة… هو أنحنا عندنا شنو؟؟ - (في اندهاش) : هو أنا ما قلت ليك يا (عمران)؟؟ - قلت ليا شنو؟؟ - مش أنحنا طلعنا البترول وبقينا دولة نفطية!!! - طلعنا شنو؟؟ - أيوه يا (عمران) طلعنا البترول - بالجد بالجد - ايوه يا (عمران) وهنا لم يتمالك (عمران) نفسه من الفرح ففقد وعيه الذي لم يعود إليه إلا بعد محاولات مضنية بذلها الطاقم الطبي الألماني المرافق الذي طالب أسرة (عمران) بعدم تعريضه لأي نوع من أنواع الإجهاد إلا أن (عمران) أصر مرة أخرى على متابعة طرح أسئلته وطلب عودة جميع من كانوا بالغرفة إليها. - يعنى هسع بقينا نصدر البترول زى فنزويلا وإيران والسعودية وبلدان الخليج وكده؟ - أيوه يا (عمران).. وأقول ليك كمان حاجة.. كل يوم والتاني يقولوا ليك في الجرايد ماشين يحتفلوا بافتتاح حقل جديد وآخر حاجة أمبارح عشرة عشرين حقل جديد - طيب لكن ليه الناس شكلها (تعبان) كده وكالح وعروق وشها طالعه طالما الحرب الكانت بتكلف مليون دولار في اليوم دى انتهت.. وكمان البترول طلع وبقى يتصدر؟؟ وقبل أن يجيب عم قاسم على سؤال (عمران) الوجيه هذا انطفأت أنوار الغرفة وعم الظلام وصاح الجميع بصوت واحد: - الكهرباء قطعت - هسع نعمل شنو؟؟ ما حضرنا لينا جناريتر - قالها عم قاسم في أسى - - يفتح أحد أفراد الفريق الطبي الألماني شنطة جلدية مربعة الشكل ويخرج جنريترا صغيراً وهو يقول: - ما فيش مشكله نحنا عارفين كهرباء بتقطع عندكم عشان كده عملنا حساب بتاعنا وجبنا معانا جناريتر من ألمانيا!! - (عمران في استغراب) : الكهرباء دى ما خليناها قبل عشرين سنة بتقطع..هى وبعد البترول ما قلتو طلعوهو لسع برضو قاعدة تقطع؟؟ حتى لا يدخل (عمران) فى غيبوبة من جديد فقد رأى (عم قاسم) إلا يخبره عن (سد مروى) ووعود المسئولين بان البلاد لن تشهد قطوعات بعد إفتتاحه .. كما رأى أيضاً إلا يشرح له الواقع وكيف أن سعر الكهرباء قد ازداد أثناء غيبوبته هذه أضعاف المرات وأن المواطن قد أصبح يدفع ثمن استهلاكه مقدماً وعلى الرغم من ذلك فإن القطع يحدث بصورة يومية وغير معلنة خوفاً عليه أن يدخل مجدداً في غيبوبة لذلك فقد حاول أن يغير دفة الحديث ليكون إيجابياً قائلاً: - هسه إنت يا (عمران) عارف (خالد) ولدك ده.. وبتك (ثويبه) دى الخليتهم في الحضانة ديل قاعدين يقروا وين؟؟ - صحي والله ما سألتهم.. إنت يا خالد بتقرأ وين؟؟ - أنا يابوى أول ما نجحت وجبت 52% كنت محتار أدخل جامعة (أم جلافيط) لعلوم الفضاء وإلا جامعة (أم جلافيط) لعلوم الأحياء الدقيقة لأنو جامعات (أم جلافيط) الإطناشر جو الأوائل في التصنيف الإقليمي الأخير بتاع جامعات دول (السافنا الغنية) قمت غايتو دخلت هندسة مجرات في (أم جلافيط) لعلوم الفضاء!! - وأختك دى بتقرأ شنو؟؟ - والله كانت امتحنت أدبي وجابت ليها 51% وقالت عاوزه تقرأ (فيزياء نووية) لكن أنا كان الرأي بتاعى أنها تدخل هندسه حاسوب لكن أمي أصرت ودخلتها (طب أسنان) وقالت ما مهم تدفع ليها كم مليون في السنة غشان مستقبلها ما يضيع وإن شاء الله بعد داك الناس دى خشومهم ما يفضل فيها سن واحد!! وهنا قام عم قاسم بشرح الأمر ل(عمران) وكيف أن البلاد قد شهدت طفرة وثورة تعليمية كبرى أنشأت فيها 4213 جامعة أتاحت لكل من هب ودب أن يدخل الكلية العاجباهو حتى أن نصيب قريتهم (أم جلافيط) من الجامعات قد جاوز الستة عشر جامعه .. وخوفاً من أن يروح (عمران) في غيبوبة مرة أخرى لم يشأ عمه (قاسم) أن يخبره بأن معظم هذه الجامعات هي في الأصل مدارس ثانوية تم فيها تعديل المطبخ ليصبح معملاً وتعديل مكتب الوكيل ليصبح مكتبة وأن هذه الجامعات تفرخ خريجين لا يعرفون (الألف من الواو الضكر) وحتى إن كانوا يعرفون فهم لا يجدون لهم فرصة عمل واحدة!!! وبينما كان عم قاسم سارحاً يستعرض فى خياله حال ثورة التعليم العالي فاجأه صوت (عمران) وهو يقول له في ذهول: - يا سلام يا عمى أهو دى ثمرة من ثمرات المشروع الحضاري (القاتلنا) وحاربنا من أجلو!!! يعنى إذا التعليم الجامعي بقى متاح لأي زول تبقى مجانية (التعليم الأساسي) إتطبقت خاصة بعد البترول والسلام وإلا مش كده؟؟؟ - خاف عم قاسم إن شرح له الواقع وكيف أن الدولة قد رفعت يدها عن التعليم وأن التلميذ عليه أن يقوم بدفع فاتورة كهرباء المدرسة وفاتورة المياه وإحضار كرسيه وكتبه وكراساته ثم بعد ذلك يجلس في فصل آيل للسقوط… خاف عليه أن يدخل مجدداً في غيبوبة لذلك فقد أوضح له أن الدولة قد جعلت التعليم الأساسي إجبارياً لكل من بلغ السادسة من عمره وأن جميع المدارس قد احتوت على جميع المناشط من أحواض سباحة وقاعات رياضية مغلقة ومعامل حاسوب وإنترنت حتى أن أصغر تلميذ يقوم باستخدام بريده الإليكتروني email الخاص به!! - كده نقدر نقول (مشروعنا الحضاري) أتحقق والواحد بكره يمشى يغير للجرح ده في المستشفى وكمان يشوف الثورة الصحية عينك.. عينك - ثم مواصلاً - وألا ما كده يا عم قاسم؟ (عم قاسم مخاطباً نفسه): يا جماعة دى مصيبة شنو؟؟ هسع لو (عمران) ده قلنا ليهو إنو الحاجات دى كلها متردية وإنو بعد ده كلو المواطن بدفع (دم قلبو فى الرسوم والضرائب والجبايات) يعمل شنو؟؟ هسع الواحد يقول ليهو شنو؟ يقول ليهو إنو الدولة رفعت إيدها برضو من العلاج.. وإنو قبل كم يوم فى مواطن عامل ليهو مناشده لذوى القلوب الرحيمة عشان عاوز يبتر رجلو؟ وإنو لو مشيت المستشفى يا عمران عشان يغيروا ليك الجرح بتاعك ده لازم تدفع قروش.. ولازم تمشى تشترى الحقنة والشاش من بره وتجيب أدويتك بى طريقتك… وإنو الفحص بى قروش والأشعة بى قروش والسرير ذاتو كان ما دفعت ما بترقد فيهو وإنو العنابر ######انه وإنو الأطباء الموجودين كلهم امتياز أو طلبة قاعدين يتدربوا عشان (نواب الأخصائيين) عاملين إضراب لأنو الحكومة بتديهم مرتبات أقل من مرتبات الخدامين فى البيوت ؟ - المستشفيات يا (عمران) آخر نظافة والعلاج متوفر وأحسن حاجة عملها المشروع الحضاري إنو ده كلو بالمجان والمواطن ما عليهو إلا (يمرض) والدولة بتتكفل بالباقي!! - يا سلام يا جماعة والله غيبوبتنا الطويلة دى ما راحت هدر ساكت ومشروعنا الحضاري القاتلنا وحاربنا من أجلو ثمارو طلعت وبانت!! حاول عم قاسم إدارة دفة الحوار إلى موضوع آخر حتى لا يصاب (عمران) بالإغماء مرة أخرى فقام بمخاطبته مبتسماً: - تعرف يا (عمران) إنت جيت في جو جميل جداً.. الدنيا خريف والمطره… ولكن قبل أن يكمل حديثه قاطعه (عمران) قائلاً: - طبعاً أكيد تكون البرك والطين والذباب والناموس والمستنقعات الزمانك ديك انتهت والحكومة أكيد تكون ظبطت ليكم الشوارع…. يعنى ح تودي الزفت بتاع البترول ده وين؟؟؟ هنا أسقط في يد عم قاسم الذي لم يكن يعلم بأن تغيير دفة الحديث لم يكن في مصلحته فقال في نفسه : - عمران ده ما عارف حاجة ساكت… نحنا حياتنا كلها زفت.. الشئ الوحيد الما فيهو زفت شوارعنا!! يقول ليا بترول؟ ونحنا كان شفنا البترول لامن نشوف الزفت بتاعو؟؟؟ المطرة الشكشاكه بتاعت أمبارح دى شوف العاصمة بقت كيف… لم يقطع على عم قاسم سرحته تلك إلا صوت (عمران) وهو يخاطبه: - قلت ليا يا عمى الشوارع بقت كيف؟ - عال العال يا (عمران)… كلها اتزفتت.. والمطره لو نزلت الزول يفتش للمويه يا (عمران) ما يلقاها!!! - نعمة والله من الله… الحمد لله رب العالمين… يا سلام يا جماعة ده الكلام والله (الثورة) وعدت فصدقت!!! هنا طلب الفريق الطبي الألماني من حسان أن يقوم بإخراج أسرة (عمران) من الحجرة حتى يستريح قليلاً من هذه الأسئلة الطويلة التي قام بطرحها… وبينما كان (حسان) يقوم بتنفيذ إخلاء الغرفة طرق باب الغرفة طارق تبين أنه الأسطى عوض خال (عمران) والذي جاء (يتحمدل السلامة) لعمران وبعد أن قام بمعانقة (عمران) وشقيقه (حسان) بادرهما على الفور: - والله أنا مفروض أكون عندكم من بدري لكن واقف للمواصلات ليا تلاتة ساعات - (عمران) في دهشة ليه.. في شنو يا خالي (عوض)؟؟ - عشان الحافلات ما عاوزه تشتغل!! - وما عاوزه تشتغل ليه؟؟ - عشان فى إشاعه بتقول إنو إحتمال الحكومة تزيد البنزين والجازولين تااانى - (في دهشة واستغراب وذهول) : تزيد شنو؟ - تزيد تااانى البنزين والجازولين….يا (عمران) - يعنى هى قبل كده زادتم وبعد البترول القلتو طلع ده ؟ - مرتين كمان !! هنا إنحبس الكلام في حلق (عمران) من هول ما سمع وكضم كضمة واحدة… هرع نحوه الفريق الطبي المرافق… أخلوا الغرفة من الجميع… قاموا بتدليك القلب ووضع جهاز التنفس وجميع الإسعافات الممكنة… وبعد دقائق خرج أحد أفراد الفريق الطبي الألماني من الغرفة… مخاطباً الجميع بلغة عربية مكسرة والأسى يبدو عليه: -البركة فيكم يا جماعة… (مشروع هدارى) مات… مستر (أومران) مات!!!!!! الفاااااااااتحه (بالألمانى طبعاً.
الفاتح جبره
06-26-2010, 07:54 AM
خالد درق
خالد درق
تاريخ التسجيل: 12-08-2009
مجموع المشاركات: 4351
Quote: الحمدالله خرجت من مشكله كبيرة وهى عملت حادث وصدمت هندى ورقد الهندى فى المستشفى وانا كنت محجوز يومين لحدى ما كتب الدكتور التقرير بستقرار حالات الهندى وبعدها تم الفراج عنى والحمدالله وربنا ما يوريكم العوارض ....
الف الف الف سلامة اخي خالد درق
وما تشوف شر ان شاء الله
تحياتي
06-26-2010, 08:49 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
سلامات للأخوة الشعبيين .. مرحبتين بالأخت الدكتورة ستنا ومرحب بالإطلالة من السودان .. ويادكتورة يعني الرجعة بقت نهائية؟ .. نحن كنا قايلنها إجازة سلاخية زي بتاعة عبدون القالوا دخل القش ما قال كش .. أو بالرواية التانية دخل العيش بلا كشكيش .. . .
عزيزنا صلاح عباس .. ياخي أيوة فت لينا من مؤخرة الذاكرة الحاجات البتعمل لينا فلاش باك .. تتذكر حرب الحجارة الكانت بتقوم بين الشعبية جنوب والدناقلة شمال ؟ .. زمان طبعاً لم تكن هناك مدارس بين مدرسة الشعب بنات ومدرسة الدايات .. بل ميادين كورة ساي .. ودائماَ المباريات تكون مولعة .. ولكن بعد الكورة كانت الحرب بتدور بالحجارة بين الشعبية وحلة الدناقلة بصورة خطيرة جداً .. فليق شديد بدون أي سبب .. موجات من الكر والفر بين الفريقين - نحن كنا أطفال صغار ما جايبين خبر لخطورة الأحجار المتساقطة من السماء ، لو وقعت فوق راسنا كانت قتلتنا .. غايتو الجهل مصيبة .. والجاهل عدو نفسه ..
أما حكاية التلفزيون دي أسكت خليها ساي .. في شارعنا كان أشهر تلفزيون بتاع ناس كضلو .. ورحم الله والديه كانوا بيفرشوا البروش من العصر ويرصوا الكراسي ويفتحوا التلفزيون قبل ما الإرسال يبدأ .. ونقوم نجي نحن نصنقر من الشريط لغاية القرآن وبعده جنة الأطفال والمسلسلات و..و.. وكنا متابعين ليك المسلسل العربي والمسلسلات الأجنبية - ناس فريق التحري المعروف بمسلسل الزنجي - ومسلسل الهدف والقديس وبيت أُم بليس .. ثم عندما يجي برنامج حياتك نمشي البيت نتعشي ونجي راجعين نحضر فلم السهرة ، وبعد ما الإرسال ينتهي والتلفزيون يقول وشششششش نقوم نشتت ..لإستعداداً لليوم البعده .. كنا ثقيلين ثقالة - وفي المقابل ناس كضلو كانو مضيافين بصورة مبالغة .. وحكاية فريش البروش ورص الكراسي دي لم تكن في المساء بس .. بل حتي أيام الجمعة تلقي الغرف مليانة دهماء زينا وكمان جماعة بيجوا من حلة ناس شمس الدين ساتي .. بالله عليك أمان الله تلقي الأولاد مالين الكراسي والسراير وقت القيلولة وناس البيت ما لاقين حتة يقعدوا فيها ، والزمن داك ناس كضلو زاتهم ما كان عندهم برندات .. يعني عاملين ليهم ضيق شديد ياخ .. العجب كمان مرة كده إحتاج عم جاه الرسول لمرسال للدكان فسأل الشباب القاعدين واحد فيهم يمشي ليهو الدكان - والله قال ليك الجماعة كلهم قالوا ليهو: أٌء أٌء ..
..ألا رحم الله خالتنا العزيزة رازقة والعم جاه الرسول رحمة واسعة وأدخلهم فسيح جناته مع الشهداء والصديقين .. .
.
اخي العزيز خالد درق .. ألف حمداً لله علي السلامة يازول .. وأعملوا حسابكم يا أخوان ..
06-27-2010, 05:39 PM
Munir
Munir
تاريخ التسجيل: 02-11-2002
مجموع المشاركات: 10496
Quote: مجدي نقد أين أنت؟ وأين مشاركاتك التي كانت قبل نيل الباسويرد! يعني الواحد لم ياخد الباسويرد يعمل نايم!؟ بالله هات، ولا تبخل! وأيضاً، كن مطمئنا: سيف النقد جاهز!
الاديب صلاح عباس تحية طيبة،، يبدو أن مقولة تأثر الانسان ببيئته و إنعكاسها على نمط حياته و طباعه حقيقة ترنو الى ان تكون عين اليقين من مراتب الحقيقة الكاملة , فما اراه من لطفك و عدم تشددك في كثير من الامور يشير إلى البيئة التي تعيش فيها و ياله من جوار..اما اخوك فبعد ان كان هادئاً مثل مياه الخليج التي عاقرتها فترة من الزمن حتى بدأت تعكس الوانها الزرقاء على مداخلاتي هانذا تحدفني الظروف لاقضي بعض الوقت في رياض الخير التي لا أرى فيها غير الجبال و الصخور فاعزرني إن بدرت مني بعض الجلافة فهي البيئة يا عزيزي. ساعود بما يليق ان تجرد له سيف نقدك الذي نأمن حدة نصله لما فيك من لطف قل أن نجده في حملة الاقلام في هذا الزمان. تحياتي و عبرك ادعو لحملة لاستعادة الباسويرد للدكتورة روما لانو سيد الحوش مشغول اليومين ديل و ممنوع الاقتراب و التصوير.. الله يهنيه.
06-28-2010, 04:30 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: أما حكاية التلفزيون دي أسكت خليها ساي .. في شارعنا كان أشهر تلفزيون بتاع ناس كضلو .. ورحم الله والديه كانوا بيفرشوا البروش من العصر ويرصوا الكراسي ويفتحوا التلفزيون قبل ما الإرسال يبدأ .. ونقوم نجي نحن نصنقر من الشريط لغاية القرآن وبعده جنة الأطفال والمسلسلات و..و.. وكنا متابعين ليك المسلسل العربي والمسلسلات الأجنبية - ناس فريق التحري المعروف بمسلسل الزنجي - ومسلسل الهدف والقديس وبيت أُم بليسثم عندما يجي برنامج حياتك نمشي البيت نتعشي ونجي راجعين نحضر فلم السهرة ، وبعد ما الإرسال ينتهي والتلفزيون يقول وشششششش نقوم نشتت ..لإستعداداً لليوم البعده .. كنا ثقيلين ثقالة - وفي المقابل ناس كضلو كانو مضيافين بصورة مبالغة .. وحكاية فريش البروش ورص الكراسي دي لم تكن في المساء بس .. بل حتي أيام الجمعة تلقي الغرف مليانة دهماء زينا وكمان جماعة بيجوا من حلة ناس شمس الدين ساتي .. بالله عليك أمان الله تلقي الأولاد مالين الكراسي والسراير وقت القيلولة وناس البيت ما لاقين حتة يقعدوا فيها ، والزمن داك ناس كضلو زاتهم ما كان عندهم برندات .. يعني عاملين ليهم ضيق شديد ياخ .. العجب كمان مرة كده إحتاج عم جاه الرسول لمرسال للدكان فسأل الشباب القاعدين واحد فيهم يمشي ليهو الدكان - والله قال ليك الجماعة كلهم قالوا ليهو: أٌء أٌء ..
..ألا رحم الله خالتنا العزيزة رازقة والعم جاه الرسول رحمة واسعة وأدخلهم فسيح جناته مع الشهداء والصديقين ..
يامنير بيت ام بليس دى رجعتنا مية سنة ورا ياخى المسلسل دا لما يجى كنا طوالى نقوم نتنفض ونفرتق مع انو كان فيه ريان او نيل وهو كان من احسن الممثلين وقتها وذكرتنى برنامج حياتنا اللى بيذكرنى السبهللية اللى كنا فيها .. يابروف راسك دا مخزن بلاوى عليك الله كل يوم سبت واحد تعال اعمل ليك ركن صباحى كدة وانا بجيب صينية القهوة واجى وصاحبى شمس الدين عليهو الفطور بس مايجيب لينا بوش ..
اترحم هنا على العم حنفى والد طارق حنفى والوالدة الحاجة زينب عطا فقد تحملوا طفولتنا ######فنا بقلوب حانية .. رحمهم الله ورحم الله موتانا جميعا.
06-28-2010, 05:02 AM
Mubarak kunna
Mubarak kunna
تاريخ التسجيل: 11-14-2006
مجموع المشاركات: 499
هاتفت بالأمس الأخ الحبيب عبدالوهاب علي الحاج.. استمتعت بضحكات صافية ونكات طازجة وحقيقية حتى عن أيام المرض في المستشفى.. تتصوروا وهبة كان مخدوع لمدة أسبوع ومفتكر كورة هلال مريخ طلعت تعادل.. وده كلو خوفاً من تأثيرات الصدمة والانفعال وحرص الأطباء على (الدرون) حتى لا ينفعل المرضى بقسم العناية المكثفة.. الله يجازيك يا دكتور الهنا.. في حالة التعادل نحنا برضو خسرانين.. وشكراً تاني لمهند وكاريكا.. وربنا يديك العافية ياوهبة ويكتب ليك السلامة في كل خطواتك..
06-28-2010, 09:35 AM
Munir
Munir
تاريخ التسجيل: 02-11-2002
مجموع المشاركات: 10496
Quote: هاتفت بالأمس الأخ الحبيب عبدالوهاب علي الحاج.. استمتعت بضحكات صافية ونكات طازجة وحقيقية حتى عن أيام المرض في المستشفى..
تحياتي أخي أيمن دياب وشكراً علي طمأنتنا علي الحبيب وهبة .
قبل كم يوم برضو ضربت ليهو تلفون ودردشت معاه .. وقابلني بضحكته المرحة وروحه الفكاهية الخفيفة .. وقلت ليهو والله يا عبدالوهاب بعد السنين الطويلة دي لمن سمعت ردك علي التلفون وجاءني صوتك الشباب - ماشاء الله تبارك الله - قربت أقول ليك ياولد نادي لي أبوك .. :) وقلت ليهو يازول بعد كده أبعد من قندهار وحتي لو مشيت ألبد وراء الراكوبة وماتخلي زول يصورك وإنت ضارب العضة - لأنو العالم دي عينها زي الرصاص .. يطقوك عين زي الحصل ده تلقي نفسك مافي .. الله يديه الصحة والعافية .. وييني وبينكم كده كلنا قلوبنا قاعدة علي الهبشة ..
06-28-2010, 09:23 AM
Munir
Munir
تاريخ التسجيل: 02-11-2002
مجموع المشاركات: 10496
Quote: يامنير بيت ام بليس دى رجعتنا مية سنة ورا ياخى المسلسل دا لما يجى كنا طوالى نقوم نتنفض ونفرتق مع انو كان فيه ريان او نيل وهو كان من احسن الممثلين وقتها وذكرتنى برنامج حياتنا اللى بيذكرنى السبهللية اللى كنا فيها
صباح الخير يا عبدون .. ياخي بيت أم بليس دي بصراحة نحن برضو كنا بنتنفض ونفرتق ، وما حصل حضرتها - والإسم ذاتو اسه زي ما شايف قاطعوا من راسي ساي علي حسب النغمة .. واحمدوا الله ما حرفنا ليكم الإسم .. وأقول ليك كلام ؟ أنا هسه بحاول لي فترة ألايق الإسم ده وأطلِّع منه إسم مفيد أمشي أقوقله في يوتيوب وأجيب ليكم لقطة وأنا ذاتي أشوف الفلم الفاتني ده .. لكين إسم المسلسل ود الذين أصلو أبي يتلايق لي - بس كل مرة تجي طالعة لي بت ابليس دي .. نحن بس كان همنا مسلسلات الكاسوري والكبع - والظاهر إنت زاتك كنت نفس الشعور .. لدرجة شايفك حتي إسم برنامج حياتك ما كنت بتقرأ إسم البرنامج - أقول ليك حياتك ، تقول لي حياتنا؟؟ .. ههه ..
في مرة من المرات حضرنا المسلسل وجينا متخارجين قبل ما برنامج حياتك يبدأ .. أها مع مرقتنا كده لاقانا واحد إسمه أبوحميد - كوكو - من حلة ناس شمس الدين - كان جاي يادوب ، ولاقانا مارقين .. قال لينا بشقف: التلفزيون فيهو شنو؟؟ قلنا ليهو حياتك .. قام قال لينا : فيهو دقِش ؟؟ .. تقول سبهللية ؟؟ هههههه ...
06-28-2010, 07:06 PM
خالد درق
خالد درق
تاريخ التسجيل: 12-08-2009
مجموع المشاركات: 4351
الاهل والاحباب والاصدقاء ببوست الشعبيه لكم التحيه والامنيات الطيبه . الحمدلله لقدعدت من رحلتى الى الامارات والتى اعتبرها وبكل المقاييس تجربه ناجحه وقدقمت فيها بانتاج فيديو كليب لاغنية(شقاوة ريده)وهى من كلمات الشاعرمحمداحمدسوركتي والحان التجاني التوم لقناة الشروق وسجلت اغنيه(قالوالناس) من كلمات والحان مبارك حاكم لقناة نجوم الخليجيه بمصاحبة فرقه اماراتيه ويتكون اعضائها من الجزائر و اليمن والاردن والعراق وانشاءالله سوف تشاهدون قريبا.. واسمحولي ان اتقدم بالشكر لكم جميعا وخاصه للاخوين عابدون وفيصل محمدعابدون والاخ خالددرق وكل من ساهم واهتم في هذه الرحله ..ودمتم..
06-29-2010, 03:50 PM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9023
اخي العزيز ابوقرجة ، كيف انساك يا راجل ، وانت علم من اعلام الشعبية جنوب ، ومن الطبقة المثقفة ، الطبقة النيرة ، كان لك حضورك المميز ، في بحري الحكومية الثانوية ، والله ما نسيتك يا راجل ياطيب ، لكن الزمن فرقنا ، ناس في الشرق ، وناس في الغرب ، واظنك مقيم في السعودية ، علي ما اظن في جدة ، لكن يا اخي احمد ، مشغول شديد ، حتي النخاع ، وقليل من الاصدقاء يغرف ذلك ، وحتي البوست ما قاعد اشوفو الا في انصاص الليالي ، يا اخي احمد ، نحن شمعة في محيطك السامي ، الرفيع ،،،
Quote:
24-06-2010, 08:23 م
عزالدين الفحل
بارك الله فيك
على فوق مطايا وحكاويك الرائعة
اظنك مسحتني
مع اني اذكرك جيدا
تحياتي
ودعواتي بان يبارك الله لك فيك وفي اولادك
مع خالص الود
عزالدين عباس الفحل ابوظبي
06-29-2010, 03:57 PM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9023
الأخوة والأخوات الكرام إنقطاع لظروف قاهرة. أحمد الله على سلامة أخونا خالد درق. أدعو لأخونا الحاج ببيت مال وعيال. الصورة مهداة لمنير وعابدون. التحية للجميع.
06-29-2010, 09:08 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
Quote: الحمدلله لقدعدت من رحلتى الى الامارات والتى اعتبرها وبكل المقاييس تجربه ناجحه وقدقمت فيها بانتاج فيديو كليب لاغنية(شقاوة ريده)وهى من كلمات الشاعرمحمداحمدسوركتي والحان التجاني التوم لقناة الشروق وسجلت اغنيه(قالوالناس) من كلمات والحان مبارك حاكم يا قطار الشوق متين توصل هناك حبيبنا راجينا متين نحضن عويناتو متين يسرع يحيينا
الأخ هشام درماس الحمد الله على سلامة الوصول للوطن متمنين لك التوفيق و النجاح و ان يوفقك الله و إن شاء الله بنتابع قناتي الشروق و نجوم الخليجه للإستمتاع و إن كان الوضع اختلف تماما بعد التقدم في السن حيث لا تهوينا الأغاني مثل ما كنا زمن الشباب حيث كنا في بداية اغترابنا نستمع للأغاني خاصة أغاني الهجران مثل الأغنية المفعمة بالشجن الجميل بصوت الفنانه هادية طلسم أغنية
يا قطار الشوق دا ليل الغربة فيهو ودار متين تسرع متين بتكمل المشوار عشان ما نلقى سيد الناس و نطفى البينا من النار نشوفو عيونو نعسانة و لونو الزاهى كلو نضار
و أغنية الرائع الجابري
ما فى حتى رسالة واحدة بيها اصبر شوية والوعد بينتنا انك كل يوم تكتب الى كيف يهون والغربة حارة وانت با لخطاب تبخل على لما اخر مرة شفتك قبل ما اودع واغادر كنت حاسس إنى خايف إنى متردد وحائر بس أمل واحد بعيشوا لو رسالة تصل الى بيها أطمئن عليكم وتنقذ الموقف شوية
لى عودة انشاءالله
06-29-2010, 10:13 PM
garjah
garjah
تاريخ التسجيل: 05-04-2002
مجموع المشاركات: 4702
Quote: عزيزنا صلاح عباس .. ياخي أيوة فت لينا من مؤخرة الذاكرة الحاجات البتعمل لينا فلاش باك . تتذكر حرب الحجارة الكانت بتقوم بين الشعبية جنوب والدناقلة شمال ؟ ..
والله يا منير، من شدة ما متذكر كأن تلك الحجارة تتطاير فوق راسي الآن، والغريبة بمجرد ما نرجع إلى شعبيتنا تدور معارك بين كل شارع والشارع التاني، يعني كان حالة بتاعة توتر شديد، بل حتى الشارع يكون آخرو في حرب مع أولو، وأتذكر كان ناس عبد الوهاب وبرعي والمجموعة الساكنين في الناصية، العادة كانوا يكونوا متجمعين في الصباح عند الركن في الضل، وده كان هو الطريق للجزُر والطابونة والطاحونة، فمع الصباح كنت لما أجي ماشي للسوق لحدي ما أوصل ما بكون شافوني، لأنو بكونو في ضل الحيطة، فكنت قبل ما أوصلهم بشوية أفكها ليك جرية واحدة، لحدّ ما أعبر بهناك بأمان، والرجوع يعلم بو الله! وبعدين ياخ ذكرتونا إنت وعابدين بالمسلسل العجيب (بيتون بليس) ده أنا كنت متابعو متابعة شديدة جداً، لأنو كان فيهو قصة رهيبة!!!!!!! مجدي نقد:
Quote: يبدو أن مقولة تأثر الانسان ببيئته و إنعكاسها على نمط حياته و طباعه حقيقة ترنو الى ان تكون عين اليقين من مراتب الحقيقة الكاملة , ...
هيا يا مجدي شوقتنا إلى قلمك الجميل، وموضوعاتك الرائعة، .... اسمع، أنا الآن أضحك، تذكرت موضوعك الذي كتبته عن التربية الجماعية في الشعبية، وتذكرت ردي عليك الناقد: (قال تربية جماعية قال، بل هذا عقاب جماعي) حاجة زي دي! ومع ذلك تصفني باللطف، على العموم مشتاقين والله! وفي انتظار موضوعاتك!
يا منير وعابدين: أعلاه عن بيتون بليس دي كانت كمرة خفية ساي، هو إذا كان في واحد متابعه فينا إلا يكون منير فبيتون بليس دي كانت تتمتع بكراهية الجميع، وكنت أتعجب كيف يسموها مسلسل!
مع خالص التحايا للأعزاء أمير قناوي وعز الدين عباس وهشام درماس وصلاح عثمان، وجميع الإخوة الحاضرين في هذه اللحظات والمتاوقين من الحيطة!
06-29-2010, 11:09 PM
خالد درق
خالد درق
تاريخ التسجيل: 12-08-2009
مجموع المشاركات: 4351
الاخ صلاح عثمان شكرا علي الاطلاله الراقيه واتمنى ان اكون عند حسن الظن وانا افتخربانني تتلمذت علي مدارس ابراهيم عوض وابن الباديه وسيدخليفه والشفيع ومحمدميرغني وعثمان حسين كماهومعلوم للجميع مع كل الود....
06-30-2010, 08:03 PM
Munir
Munir
تاريخ التسجيل: 02-11-2002
مجموع المشاركات: 10496
Quote: يا منير وعابدين: أعلاه عن بيتون بليس دي كانت كمرة خفية ساي، هو إذا كان في واحد متابعه فينا إلا يكون منير فبيتون بليس دي كانت تتمتع بكراهية الجميع، وكنت أتعجب كيف يسموها مسلسل!
عزيزي صلاح عباس .. لكين ما جهجهتنا بكاميرتك الخفية دي خليتنا نتلفت ونندب عمرنا الراح هدراً - يا عملات شمس الدين - الما حضرنا بيتون بليس ..
وشكراَ يا دكتور أمير علي توجيهنا ببيتون بليس .. ياخي لكين العيب من مذيعي ذلك الزمان ، لأني أتذكر النغمة بالضبط ترن في أضاني لغاية الآن مثل نغمة please وليست place .. الجماعة ضللونا وخلونا نخمِّن في الفارغة .. لكين برضي أخير من عبدون .. أخونا من شدة ما كرهان برنامج حياتك ماكان عنده صبر يقرأ إسم البرنامج للآخر .. نقول ليهو حياتك يقول حياتنا ، دليل علي إنو تامي الإسم موية ساي من راسه !!..
مع التحية للأخوة هشام درماس وعزالدين ومجدي نقد ومبارك كنَّة .. وداير لي طريقة أرجِّع الشريط وأشوف قرجة ده كتب شنو ومسحه !!..
________________________________________
فيديو اليوم : وينو الريد والخوة
06-30-2010, 08:12 PM
خالد درق
خالد درق
تاريخ التسجيل: 12-08-2009
مجموع المشاركات: 4351
سآبقى هنا بين جدران هذا الغربة سآبقى هنا دائمآ في هذا الزماان سأرسم بسمتي وامسح دمعتي واشتق لأحبتي هنا في لوعه الشوووق والحنين للشعبية
ومهما ذهبت وبعدت وسافرت وهاجرت سأعود نعم سأعود للشعبية لأن هذا المكان الذي ضمني وانا وحيده مسح دمعتي وانا حزينه شاركني وانا سعيد تحمل بوح قلمي ودمعتي والمي شاركني في جرحي وحزني كان معي في كل وقتي ... الشعبية
سأبتعد في يوم من الآيام الى ادراج الرياح ولكني سآعوووود ,,, للشعبية بكل شوق وحب
توفي صباح اليوم بالشعبية شمال مربع 4/5 حلة الصديق عمنا حسن جبارة والد جلال وعاطف وعدلي وعثمان العزاء لوالدتنا الحاجة عائشة وللاخوات والاخوان ربنا يتقبله ويسكنه فسيح جناته مع الصديقين والشهداء (إنا لله وإنا اليه راجعون)
توفي صباح اليوم بالشعبية شمال مربع 4/5 حلة الصديق عمنا حسن جبارة والد جلال وعاطف وعدلي وعثمان
انا لله وانا اليه راجعون
اللهم ارحم ( العم حسن جبارة....) رحمه واسعه وتغمده برحمتك , اللهم أرحمه فوق الأرض وتحت الأرض ويوم العرض عليك , اللهم قه عذابك يوم تبعث عبادك , اللهم أنزل نورا من نورك عليه , اللهم نور له قبره ووسع مدخله وأنس وحشته , اللهم وأرحم غربته وشيبته , اللهم أجعل قبره روضه من رياض الجنه لاحفره من حفر النار, اللهم اغفر له وارحمه , واعف عنه وأكرم نزله .
توفي صباح اليوم بالشعبية شمال مربع 4/5 حلة الصديق عمنا حسن جبارة والد جلال وعاطف وعدلي وعثمان العزاء لوالدتنا الحاجة عائشة وللاخوات والاخوان ربنا يتقبله ويسكنه فسيح جناته مع الصديقين والشهداء (إنا لله وإنا اليه راجعون)
رحم الله الفقيد العم حسن بشاره رحمة واسعه وادخله فسيح جناته مع الصديقين والشهداء والتعازى لاولاده انا لله وانااليه راجعون
ياسلوى قلبي شن سوى من صبرك من جوه ساقو الشوق بالقوه سقاه مر الريد والخوه تبع الشوق مشوار بعيد فيهو عنى وتعب شديد من شقاه ما هو السعيد لقاه راح عليه الريد مسكين قلبي مكسور الخاطر يا حليل الزمن البجبر خواطر أصبح ذكرى ما بعوضه الحاضر ذكرى اطول من عمري يا هاجر تمام الزمن غدار غدر بي جار خلى دموعي زي الأنهار عشت الليل بدون نهار يا منير يا رائع ارجعتنا الى اكثر من ثلاثين عاماللوراء عندما سكن في شارعنا بنات كانو جميلات يحبون اغاني ابراهيم عوض بجنون وكانت تلك نقطة تحول في حياتنا من لعب الكورة والدافوري في عز الشمس ومن الاستحمام بصابون الغسيل للاهتمام بالنفس والاستحمام بصابون بوكيه محاولة لشد انتباههم ........ايام مضت.
07-02-2010, 08:41 AM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
صلاح ياعثمان، ياخي إنت الرائع ياخ .. ويا سلام علي رونق الكلمات التي أدَّاها ذاك الواعد الجيلي موسي كأنه الرائع المبدع المرحوم ابراهيم عوض .. وكمان يا صلاح فتيت لينا لمحة عابرة من المسكوت عنه - إحم إحم - أعني أحلام الشباب والمراهقة في الشعبية وإلتهابات العواطف المزمنة المتجددة في شارع الدراسة الذي تتطاقش فيه قلوب العذاري مع قلوب الفتوات الذي يظهرون الصلابة والغلظة وهم بي جوة سايحين موية .. سهم واحد من عين مكحولة يرديهم صرعي ..
كان عندنا صديقنا في الجامعة مدشدش فقاموا الجماعة قالوا ليهو بهزار: - يازول إنت مدشدش .. - لا والله ما مدشدش .. - لا مدشدش .. - لا والله ما مدشدش .. - مدشدش .. مدشدش - لالا والله ما مدشدش وأهو شوفوا .. ويقوم يقيف علي حيله ويتهاوي بحركة حلزونية ويقع في الواطة .. فهو لا يقوي علي الوقوف من شدة الدشدشة والتكسر ..
07-02-2010, 09:53 AM
خالد درق
خالد درق
تاريخ التسجيل: 12-08-2009
مجموع المشاركات: 4351
يامنير ضحكتنى بى زولك القال ليك " فيهو كبع " هسة انا عملت الحكاية حقتى انا وقاعد انشر فيها فى ابوظبى هنا .. أها طبعا برنامج " حياتنا" دا لا كان فيهو " كبع " ولاحاجة نحفظ اسمه لى شنو؟
07-03-2010, 05:10 AM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
أهلي و احبابي بالشعبيه ازف اليكم نجاح بنتي منار في امنتحان الشهادة الثانوية بحصولها على نسبة 97% في امتحان القدرات 80% و تبقى لها التحصيلي و ان شاء الله طب جامعة الملك عبد العزيز متمنيا النجاح و التوفيق لجميع ابناء و بنات الشعبية و أن يحقق الله امانيهم و عقبال لأخواتها رهف و رغد
07-03-2010, 07:23 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
رحم الله العم حسن جبارة واسكنه فسيح جناته مع الصديقين والشهداء كان رحمه الله رجلا ضحوكا باسم الثغر يعبر المسافة بين منزلهم الى سوق الشعبية ويمازح كل التجمعات الموجودة على الطريق عند دكان ناس طارق صديق وقرب باب نادي الصديق شلة قراءة الصحف عند منزل المرحوم سليمان الحلفاوي وقرب المسجد. يمازحهم جميعا باعذب الحديث ويتركهم ضاحكين يعرف الصغير والكبير في الحي ويحضر كافة المناسبات ويحفظ تاريخ الحلة واهلها. وحتى عندما صعب عليه المسير كان يجلس امام منزله يسلم على الجميع ويطلب منهم الدخول الى البيت كان كريما مضيافا حلو المعشر رحمه الله رحمة واسعة والهم زوجته الطيبة وابنائه وبناته الصبر وحسن العزاء وياستنا بالله لو في اي رقم تلفون لعاطف او اي من ابنائه ارجو كتابته هنا حتى يتمكن الشباب من القيام بواجب العزاء
07-03-2010, 07:35 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
صلاح عمر حمدالله على السلامة صلاح خضر حمدالله على سلامة البنية الاخوة الزملاء تعافي الاخ صلاح عمر بحمدالله بعد عملية جراحية ناجحة بمستشفى دبي وهو الان في فترة نقاهة وتلفونه هو 0508612995
كما تعافت ايضا ابنة الشاب الوجيه صلاح خضر وغادرت المستشفى مشمولة بالعافية بعد حادث سير في مدينة الشارقة وهاتف الاخ صلاح هو 0506961690
07-03-2010, 07:46 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الاخ هشام درماس حمدالله على السلامة والله كنا نتمنى لقاءات اوسع معك في الامارات وشاهدنا اللقاء في قناة الشروق والاغنية المصورة والله بصراحة كانت حاجة روعة وخلاص سجلناها على كمبيوتراتنا وحاتكون رفيقنا الدائم الى مزيد من النجاحات ودمت
07-03-2010, 08:17 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
Quote: أهلي و احبابي بالشعبيه ازف اليكم نجاح بنتي منار في امنتحان الشهادة الثانوية بحصولها على نسبة 97% في امتحان القدرات 80% و تبقى لها التحصيلي و ان شاء الله طب جامعة الملك عبد العزيز متمنيا النجاح و التوفيق لجميع ابناء و بنات الشعبية و أن يحقق الله امانيهم و عقبال لأخواتها رهف و رغد
ماشاء الله أخي أبو منار كل التبريكات والأماني الطيبة والدعوات، إن شاء الله لها ولأخواتها بالتوفيق والنجاح في الدنيا والآخرة! وشكراً لإشراكنا في هذه الفرحة التي هي بشرى إن شاء الله بالفرحة الكبرى!
07-03-2010, 10:53 AM
خالد درق
خالد درق
تاريخ التسجيل: 12-08-2009
مجموع المشاركات: 4351
اخي العزيز صلاح عباس مشكور اخي على التهنئة الطيبة بنجاح بنتنا منار وعقبال ما نفرح بنجاح اولادك وان شاء الله دايما تجمعنا المناسبات السعيدة ودعواتك بالتوفيق
اخي العزيز خالد درق اشكرك اخي على مشاركتنا فرحتنا بنجاح بنتنا منار وعقبال ما نفرح بنجاح يوسف واخته ونيلهم اعلى الدرجات العلمية
اخي العزيز عابدون اشكرك اخي على مشاركتنا فرحتنا بنجاح ابنتنا واتمنى ان يديم الله افراحكم وافراحنا وان نفرح بنجاح اولادك وعقبال الفرح الكبير للبنات وان شاء الله نحضر معاكم في الوادي الاخضر
07-03-2010, 12:48 PM
Munir
Munir
تاريخ التسجيل: 02-11-2002
مجموع المشاركات: 10496
Quote: أهلي و احبابي بالشعبيه ازف اليكم نجاح بنتي منار في امنتحان الشهادة الثانوية بحصولها على نسبة 97% في امتحان القدرات 80% و تبقى لها التحصيلي و ان شاء الله طب جامعة الملك عبد العزيز متمنيا النجاح و التوفيق لجميع ابناء و بنات الشعبية و أن يحقق الله امانيهم و عقبال لأخواتها رهف و رغد
مليار مبروك لمنار النجاح والتفوق الباهر والعقبى
لأخواتها رهف ورغد وربنا يحفظهن ليك ويحفظك ليهم ..
07-03-2010, 01:10 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
اللهم ارحم عمنا حسن جبارة وادخله فسيح جناتك مع الصديقين والشهداء
والزم اهله الصبر وحسن العزاء
اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عاملة بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور. اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة