|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
مكالمة لم برد عليها .............
حين يصفعك القدر بشده على وجهك وتصرخ ولا تجد من يرد عليك..
فإنها مكالمة لم يرد عليها..
حين يستمتع الأخرون بذبح مشاعرك وتصرخ ولا يسمعك أحد..
فإنها مكالمة لم يرد عليها..
حين تمر بمعركه فتخسرها وتتحطم آمالك وتصرخ من داخلك ولا تجد من يسمعك..
فإنها مكالمة لم يرد عليها..
حينما تشعر بأن الدنيا تمشي وأنك واقف حيث أنت تتأمل الماضي والحاضر..ولاتجد من يشعر بك..
فإنها مكالمة لم يرد عليها..
عندما يستهويك في الدنيا حلم صغير ليس بالمستحيل ولكنه أقل شي مـن حقك في الدنيا وحينها تقف
الدنيا أمامك بكلمة "لا" لن أعطيك حلمك الصغير..وفي نشوة معركتك معها لا تجد من
يساندك..فتصرخ مـن داخلك..
فإنها مكالمة لم يرد عليها..
حين تصدم من شخص له مكانة كبيرة في قلبك..
فإنها مكالمة لم يرد عليها..
حين يتجاهلك قريب لك ولا يشعر بك ..
فإنها مكالمة لم يرد عليها..
حين يستغفل الأخرون طيبة قلبك وتسامحهم دائما..
فإنها مكالمة لم يرد عليها..
حين تهتم بشخص لا يقدرك ويراك في آخر زاوية من زوايا حياته..
فإنها مكالمة لم يرد عليها..
حين تشعر بضيق وتبحث عن ذاك الصدر الحنون ليضمك وترمي إليه أثقالك
ولا تجده في زحمة الحياة وتراه لاهيا عنك ..
فإنها مكالمة لم يرد عليها..
عندما تتعب وتتعب كي تريح الطرف الأخر ولا تجد كلمة شكر......
فإنها مكالمة لم يرد عليها..
عندما تضع موضوع جديد ولاتجد الردوود المقنعه ........
فإنها مكالمة لم يرد عليها..
ولكم الود ....
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فى احد فنادق مرسى مطروح المنعزله
وفى يوم واحد من شهر مارس
جاء زبون لصاحب الفندق و سئله هل الغرفه رقم 39 فارغه .....؟؟؟؟
اجاب صاحب الفندق نعم انها فارغه !!!!1
فسأل هل يمكن ان احجزها فقط ليله ؟؟؟
اجابه نعم !!
وبالفعل حجز الغرفه وصعد اليها
ولكن قبل ان يصعد طلب من صاحب الفندق سكينه سوداء
وخيط حرير ابيض طوله 39 سم
وحبه برتقال واحده وزنها 72 جرام
تعجب صاحب الفندق من الطلبات الغريبه لكنه احضرها له وصعد الى الغرفه ولم يطلب لا اكل ولا شرب ولا اى شئ اخر !!!!!
ولسوء الحظ ان غرفه صاحب الفندق مجاوره للغرفه 39 ...
وبعد منتصف الليل
سمع صاحب الفندق اصوات غريبه جدا جدا داخل الغرفه .....!!!!
كأنها اصوات حيوانات مفترسه وسمع اصوات تكسير وضرب
وشعر كان الغرفه اصبحت كومه من الرماد .......!!!!!
بات الليل يفكر ما ذا يحدث داخل الغرفه 39 ...؟؟؟
وفى الصباح وقبل ان يغادر الزبون ....
طلب صاحب الفندق ان يعاين الغرفه قبل مغادرته وبالفعل صعد صاحب الفندق الى الغرفه
لكن وجد كل شئ كما هو وخيط الحرير فى مكانه والبرتقاله كما هى والسكينه فى مكانها ....!!!!
ودفع الزبون حساب الليله بأجر مضاعف كما انه اعطى بقشيش اكثر من حساب الغرفه .......!!
ومضى عام
وكان قد نسى صاحب الفندق الموضوع برمته
وفى يوم واحد مارس من العام التالى فوجئ صاحب الفندق بنفس الرجل
وعندما رأه تذكر ما حدث الاعام الماضى ....؟؟؟؟
وطلب الزبون الغرفه رقم 39 وطلب سكينه سوداء ،،، وخيط حرير طوله 39 سم ،،، وبرتقاله وزنها 72 جم ،
وقرر صاحب الفندق ان يراقب ليعرف ماذا يحدث .....!!!!
وبالفعل ظل صاحب الفندق طوال الليل سهران يترقب
وبعد منتصف الليل بدأت الاصوات ذاتها التى سمعها العام الفائت
وسمع نفس التكسير والخبط ولكن هذه المره كانت الاصوات اشد ....
كانت اصوات مبهمه غير مفهومه ....!!!
وفى الصباح
رحل الزبون ودفع الحساب مضاعف
وبقى صاحب الفندق يتساءل عن هذا الاصوات وعن اختيار الغرفه رقم39
وعن وزن البرتقاله وعن طول الخيط الحرير وعن السكينه ؟؟؟
وظل طوال العام يترقب اول ايام شهر مارس ؟؟؟؟
وبالفعل فى صباح اول ايام شهر مارس من العام الثالث
حضر الزبون نفسه وطلب الاشياء ذاتها ..... والغرفه ذاتها ....!!
وبقى صاحب الفندق سهران وسمع نفس الاصوات بذاتها لكن كانت هذه المره اقوى بكثير من العام الماضى ....... !!1
وفى الصباح وقبل ان يرحل الزبون وعندما جاء ليدفع الحساب
قال له صاحب الفندق انا اريد ان اعرف السر ...!!!!
قال اذا قلت لك السر تعدنى ان لا تخبر اى احد على الاطلاق ....!!1
قال صاحب الفندق اعدك انى لا اخبر اى حد مهما كان ....
قال تقسم على ذلك .....؟؟؟
قال له صاحب الفندق
اقسم على ذلك ....!!
فحكى له القصه
وبالفعل
صاحب الفندق
لم يخبر أي احد بالسر حتى الآن !!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: شمس الدين ساتى)
|
Quote: جيناكم يا حبايبنا بعد غربة وشوق نغالب فيهو لمن غلبناهو
مرحبا بالمشتركين الجدد ومرحبا بأهلنا ناس الشعبية
خالد درق الحكاية سمحة بس النهاية الغامضة دى شنو |
يازول قبل النهاية الغامضة انت كيفك وكيف اولادك واسرتك ياريت تكونوا طيبين والناس الهناك ناس الشعبية وناس كوستى وكل من تعزهم والله شفت اسمك غلبني اتاوق بس قلت لازم نسلم عليك كيف صاحبك عابدون محمد عابدون زي ماقال حسن الفحامي ( دلو وانقطع ) وماجاب خبرنا تاني عودا حميدا يا ابو الشموس وعقبال الباقين
---------------------- تحياتي لكل الناس معليش بس زيادة لدكتور عماد وخالد درق
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
وليد كيفك ياراجل
أخبارك شنو وصحة الوالدة
الحين أولادى فى الشعبية إجازة المدارس بيقضوها فى الخرطوم
وساكنين فى منزل أختى زوجة حسن آدم.. وحيرجعوا كوستى السبت القادم
والله يا وليد صاحبى العجوز الظاهر لسه فى السودان لأنه خبرو مافى
تعرف بالصدفة فتحت البريد بتاعى لقيت الباسويرد الجديد بعدين
روما شغالة معاى فى الفيسبوك واصلوها بهناك
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
تقود أمرأة سيارتها علي الطريق....................
ورجل يقود سيارته على الطريق ، لكن في الاتجاه المعاكس
يمر كل منهما من جانب الآخر ، وتفتح المرأة شباك سيارتها وتقول ...
حمـــاااااار
ويرد الرجل على الفور ..
بقـــــــــرة
يكمل كل منهما طريقه ، ويكون الرجل مسرورا بسرعة بديهته وتصرفه الفوري للموقف .
وحين يصل إلى المنعطف الأول للطريق يصطدم بحمار كان يقف في منتصف الشارع!!!
حقيقة :
” غالباً لا يفهم الرجل ما تحاول المرأة أن تقوله له ”
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
هههههههههه ... صباح الخير يا دكتور
الشكر الجزيل لدكتورة رحاب خليفة التى سألت عنى أيام توقفى وراسلتنى
فى الفيسبوك...وكذلك الصديق عادل عثمان وعادل على صالح الذى هاتفنى من
أمريكا ووعد بمساعدتى فى فك أسر حسابى.. ونقول للريس الحاج حمد مبروك حساب الفيسبوك
طبعا صاحبى العجوز الغايب ما بيعرف الفيسبوك وطوالى حيفسرها حرفيا ويكون دايش من
المعنى بس مافى داعى للقطيعة لأنه غايب وكدا..
يا إخوتى أرجو مراسلة د. روما فى الفيس بوك والله هى مشتاقة ليكم كتير
تحياتى لمنير الغاطس فى جليد السويد وكل ناس الزومة (أحمد جل بيسلم عليك كتير)
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: مجدي نقد)
|
السلام علي الجميع .. نأسف للغياب - القلم ليهو رافع ..
ونرحب ترحيباَ حاراً بالمخضرم شمس الدين ونحمدالله علي فك أسْره..
وتحيات للأخ ياسر محمدسعد - ويا ياسر القائم بأمر الكتاب هو الأخ الدكتور أمير قناوي نسأل الله له التوفيق .. وبالمناسبة يا عزيزنا أمير .. قالوا الفي إيده القلم ما بيكتب نفسه شقي .. وأنا لا حظت من النسخة الابتدائية التي عرضتها هنا أنها لا تحتوي علي أي من كتاباتك و أود أن أري تلك القطع الأدبية الخواطرية عن تربية الطفل والشمطة بتاعة تعليم الولد السباحة ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: Munir)
|
الأخ مجدي نقد .. ياسلام علي البطيخ العال ..
والله غايتو البطيخ يا في السودان واللاّ بلاش .. شايف شارع المعونة طبعاً في الصيف بينقلب لشارع البطيخ .. البطيخة ماشاء الله تكون قدر الحوتة .. لاكين يامجدي بطيخكم ده مالو سغار كدي؟ جايبنو من سوق الشعبية واللاّ شنو؟.. زي نبق زمان ..
واحد زميلنا كان في الجامعة - جات مناسبة كده قلت ليهو يا معتصم ياخ الفقرا اتقاسموا النبقة .. قال لي لكين ده كان نبق زمان !! .. نبق زمان ما زي نبق هسة.. نبقة زمان كانت قدر البطيخة .. مش كمان بطيخ هسي !! .. أقصد بطيخ زمان !! ..
غايتو زمان أي حاجة كانت كبيرة، إلاّ نحن كنا سغااار ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: Munir)
|
Munir قال
Quote: وتحيات للأخ ياسر محمدسعد - ويا ياسر القائم بأمر الكتاب هو الأخ الدكتور أمير قناوي نسأل الله له التوفيق .. |
وتحياتي لك أيضا تم التعديل عزيزي منير إلى أمير (عذرا دكتور أمير للخطأ المطبعي ومافي مشكلة الـ Accent واحد )
وكلاكما نجمتان تزينان صدر هذا البوست وتشعان ألقا
وكلاكما فخرا لحي الشعبية
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
صباح الخير للشعبية وناسها .. رحلة سريعة للسودان وعودة للغربة وعمايلها فينا ..
تحياتى للجميع وتحية خاصة لى منير الايام دى شايفك مبحبها علينا وبعدين يامنير قعدت ابحلق فى الصينية بتاعتك دى عشان اشوف الصورة تتغير لما راسى لف وما اتغيرت الحكاية شنو؟ انت الصورة دى مشرك بيها لى زولى داك ولا شنو؟ ياخى دا لو قعد يبحلق زى ما انا عملت حيصاب بالعمى الدائم ..
سلامات ياشمشى يافتان .. والله مشيت اسبوعين السودان قضيتهم كلهم فى الوادى الاخضر عشان ابنى البيت هناك وبرضو ماخلص جيت راجع .. حاحاول ارجع تانى قبل الخريف انشاء الله ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عابدون محمد عابدون)
|
يا عبدوووووووووووووووووووووووووووووون ياخي وينك والله سألين عنك والف حمد الله على السلامة
Quote: اوع تفتكرنى قاصد فنان ياشمشى انا قاصد فتتتتتتتتتتتتتتتتتتتتتتتتتتتتتان .. |
اها ياشمس الدين نحرف ليك المعني شوية يعني شايف صاحبك عبدون قال ليك يافتان اها فتان دي اجمل وابلغ من فنان رايك شنو .. ابسط ياعم
------------------------- تحياتي لكل الشعبياب
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عابدون محمد عابدون)
|
شمس الدين ساتي: ارحب بعودتك وفك اسرك،وعودتك من السودان،والبوست كان يفتقد لمساتك وخفة دمك يا قريبي،وكان تغشي تسلم علي الوالدة وفيصل،ليها فترة بالسودان وصاحبك فيصل،عامل زعيم لحملة د/عصام سعيد،لانه قرف من الجماعة ديل.
عبدون: حمدا علي السلامة،وان شاءالله وجدت الاهل بخير وعافية ،وعقبال اتمامك للمنزل وبالتوفيق في حياتك والاؤلاد. بعودتكم وشمس اذدان البوست وزاد حلاوة،والتحية لدرق والعمدة فقد قاما بمجهود مقدر بالفترة السابقة.
مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
ولي:
كيفك،لقيت الرسالة الصوتية المشتركة لكم مع ود كنة طبعا اغرب رسالة سمعتها منذ اختراع التلفون. كنت بلندن للتسوق النسيبة،عزمت الرجوع،اصحابك جمال ابوامنة وعلاء محشية،شمتانين فيني،للخسائر الفادحة التي تكبدتها. محمد تمام شكلوا جمع ليهو في شغلانة كان كايسها،ربنا يوفقوا ونحن وانتم ارسلت ليك تلفونه في الخاص.مدنا باخبار صديق موسي وعمر الزبير زمن طويل.
مودتي ولي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: شمس الدين ساتى)
|
شمس الدين وعابدون غيرتو نكهة البوست ياخي الحاجات دي فقدناها لينا زمن
Quote: ياشمس الدين - أخوك خلي السويد زمان وآخر محطة لي كنت لافي في الصينية دي .. خلي بالك الصورة دي لايف .. تتجدد كل عشرة ثوان .. |
منيــــــــر (سيزر ) ياخي لفيت لينا راسنا صينية المظلات او المؤسسة مافي ليها طريقة دا شغل عجيب
Quote: اصحابك جمال ابوامنة وعلاء محشية،شمتانين فيني،للخسائر الفادحة التي تكبدتها. |
فضّولي حقو الواحد يقطع كلامك ده ويرسلو للجماعة عشان يطردوك من البيت لكن اقول ليك شيء منعول ابو الغربة ياخي علاء الدين محشية زول فاكة ومنلوجست درجة اولى وكان صديقنا انا وزنار خواجة بالله ذكروا بهذا المللوج واسمعه منو (كضاب كضاب البعيو يمين كضاب مستعد احلف بكتاب كتاب جغرافيا ولا حساب ) يالله زمن والله زمن يافاضل سلام كبير وكتير وتعظيم سلام له ومثله الى ابن المرحوم ابو امنه حامد (جمال ) الحريف وظريف
عز الدين الفحل كيف يارجل ياطيب
اخونا (خالد درق ) هاك التعليمات دي اشرح كيفية تلوين الخطوط (ياريت سريع ) عشان خاطر مولانا عز الدين الفحل ومعاه احلى سلام للاموره عُــــــــــــــــــــلا
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
الأخوة والأخوات تحية عطرة الشكر لكل من أثنى على عملنا في كتاب الشعبية. وبدوري أوجه الشكر لكل العاملين والعاملات في إخراج الكتاب: العمادين ، روما ، ستنا خضر ، وليد وخالد درق. وقد بذل كل منهم جهداً مقدراً ، سواءاً بتجميع المداخلات وتبويبها ، أو بالنقد البناء. والحمد لله تم إنجاز المرحلة الأولى بتكاتف الأخوة والأخوات وبتفانيهم وبحبهم الكبير للشعبية وأهلها. كان التخطيط عرض كل ما تم إنجازه على الجميع لإبداء الرأي ، ولكن واجهتني صعوبات في طريقة عرض ما يقارب الثلاثمائة من الصفحات عبر هذا المنبر. لذلك قمت بعرض مقتطفات تبرز شكل الكتاب وطريقة إخراجه وعينات من محتوياته. وقد كانت تعليقات الأخوة جميعا تثنى على العمل. ونحن كأشخاص مكلفون بإسم الجميع بهذه المهمة يهمنا أيضاً أن نسمع نقداً يصحح مسارنا ويصوب أخطاءنا . ولذلك أناشد الجميع أن يبدوا آراءهم بكل صراحة ، وستظل قلوبنا مفتوحة لكل ناقد حتى إصدار الكتاب. بعد التشاور مع بعض الأخوة بخصوص المرحلة الثانية قررنا فتح باب المشاركة لمن يريدون المساهمة في هذا العمل.
والمرحلة الثانية تتضمن تجميع المداخلات في الأبواب التالية: - معالم من الشعبية (يعمل به الأخ خالد درق): من الصفحة 11 وحتى الصفحة 110 - كلمة وفاء (يعمل به الأخوان خالد درق وأمير قناوي): : من الصفحة 11 وحتى الصفحة 110 - مواقف وطرائف (يعمل به الأخ عماد عبدالله): من الصفحة 11 وحتى الصفحة 110 - ميدان الرابطة (يعمل به الأخ وليد عبداللطيف): من الصفحة 11 وحتى الصفحة 110 - أدبيات (تعمل به الأخت ستنا خضر): من الصفحة 30 وحتى الصفحة 110 - ألعاب زمان (يعمل به الأخ أمير قناوي): من الصفحة 11 وحتى الصفحة 110
* يمكن لكل من أراد المساهمة أختيار عدد من الصفحات (على الأقل 10 صفحات) في أحد الأبواب وإعلام العاملين في تلك الأبواب بأرقام الصفحات التي سيقومون بتجميع مداخلاتها. * ونرجوا إدخال المواضيع حسب أبوابها في الصفحات المفتوحة في منبر الشعبية مع إيراد رقم الصفحة مع كل مداخلة. * هناك أبواب لم ترد آنفاً لأسباب أرى أنها موضوعية. فباب حوارات مجاله فضفاض وقد يؤدي لكثير من اللبس والخلاف. وأرى لذلك تركه في هذه المرحلة دون توسع فيه. وباب الصور يمكن أن يشارك فيه الجميع بإدخال ما لديهم من صور قديمة يرون أنها توثق لتأريخ الشعبية ، دون تقيد بورودها في البوست.
العشم كبير في مشاركة أكبر حتى يرى الكتاب النور قريباً. والباب مفتوح للجميع.
أخوكم أمير قناوي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
Quote: والمرحلة الثانية تتضمن تجميع المداخلات في الأبواب التالية: - معالم من الشعبية (يعمل به الأخ خالد درق): من الصفحة 11 وحتى الصفحة 110 - كلمة وفاء (يعمل به الأخوان خالد درق وأمير قناوي): : من الصفحة 11 وحتى الصفحة 110
|
الاخ دكتور / امير قناوى ... تحياتى
ان شاءالله سوف اكون عند حسن الظن وابداء من اليوم وعلى بركة الله نبداء
مودتى ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
- ده اليَوم والشهر والسنة الفوتا فوقا ... مشيت ... طَشيت في مسارب بعيدة ... ما لقيت الكُنا بِننضُم يوت فيهو ... كيف حالك رشاد بابتود والله مُشتاقين ... خمسة عشر سنة ... الناس أكانت بتبكيك ... وأنا كُنت ببكيني ... ببكي روحي ... بكيت لامِن لِقيت رقبتي مدفون وإتْ بِتبكيني ... - صدمة الفُراق أثرت فينا الإتنين يا رشاد - أنا عزام يا رشاد - أنا رشاد يا عزام - والمات منو؟ - إتْ - أنا مُتْ وإنت المدفون! - أيوه - وأوراقي الثُبوتِية الشايِلا أنا مُش كُلها بِتقول إني أنا عزام وإني حي أُرزق؟ - ما دي الحيلة السويناها ... وسمحو لينا نسويها ... معقول ما مُتذكِر يا رشاد! أحسن إنك ما مُتذكِر ... قالوا لي كده أحسن ليك ... علشان تعيش حياة طبيعِية ... بس الليلة أدوني إذن أزورك ... - نحنا عملنا شنو؟ - لامِن جاك الموت يا رشاد فديتك بروحي ... قامو شالو جسمك وروحي ودفنوهُم وبِقت روحك في جسمي حية - طَيِب سوينا كِده ليه؟ - خَيروني ... لقيت إنو الدُنيا مُحتاجة ليك إتْ يا رشاد ... أنا مُتْ ليك إتْ ... علشان تحيا بِعُمري أنا ... تحيا بروحك في جسمي أنا ...أسمع يا رشاد وِلِدت لي؟ عِندي هسِع كم جنى؟ واصلت لي تعليمي؟ - إه إه إه إه ... آه آه آه آآآآآه آآآآآآه - مالَـك بتبكي يا رشاد؟ ما تبكي بِالشكل ده ... في شنو؟ - إه إه إه إه ... إزَيك يا عزاام ... أنا إتذكرت الحصل ... ما كان مفروض نعمِل كِده ... ما كان بِحِق لينا نعمِل كِده ... ما بِحِق - أنا ما زعلان ... يعني معقول أكان نخلي الشعبِية وبحري بِدون ربيع ... بدون رشاد ... بِدون نسمه ... أنا أكان قعدت ولا فُتْ شِن طعمي وبعدين أنا فايِت شنو يعني على الأقل وقفت نزيف حسناتي القليلة ... ياخ أنا لو كُنت لِهسِع قاعِد في الدُنيا كُنت حأكون شايِل ذنوب أكتر مِن ذنوب الحجاج بِن يوسُف ... كِده أخير ... على الأقل هِنا ماف آثام مُمكِن أقترِفُها ... بس بِتْصدِق إني مُشتاق لِلتُنباك ... لسِع ناس الدقش وعِصام كِشيف وعَوض حسين بيشترو تُنباكُم مِن سعد قِشره ولا يرَضَون دونهُ تُنْباك ... كان نفسي أتعلم بربطو < البِبْيونا > كيف ... في واحِد قال إنو خالك أخو نفيسة أُمك لزم إسمو عبدالحميد قال أكان ساكِن في أب روف جنب الصهريج ومات بدري قُبال ما يِلْدوك ... بِسلِم عليك. سلم لي على صلاح وأُسامة أبودَية ... فرحت لامِن سمعت إنو عبدالمُنعِم أبودَية عرس ... هو عمل كِده ليه؟ بتشوف شِهاب مُرسي وعَوض سيدأحمد؟ ما حتصدِق كُل يَوم بقابِل منو ... بقابِل عمك صِديق عِندو بِهنا برضو حديقة كبيرة وبسقي فوقا يوماتي ... قال ما مُتذكِرني ... لكِن مُتذكِرك تمام يا رشاد ... قال لي الود ده ما كان بتجلِد كلو كلو ، طوالي شايِل ليهو ورقة مِن الحكيم ... والله يا رشاد ياهو زاتو عم صِديق بِشنبو الماكِن داك وعراقيهو النضييييف ... أنا زمان كُنت بقرِب أحلِف إنو عندو وقتذاك 360 عراقي و360 سِروال أب تِكه و360 طاقِية حمرا ... لكِن بِمركوب بقر واحِد بس ... مره في درس العصُر دخلت يدي في الزير وشربت بِكف يدي ... فكاني بِمركوبو ... ده ما مركوب ... صدِقني ... ده مسامير مُلتِق فوقا شوية جِلد. مع السلامة ... إن شاءالله عُمرك قصير ما تزعل مِني ... أصلو ده سلامنا هنا ... عارفين الدُنيا ما فوقا خير ... الخير بِجاي.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
أخوي عزام حمد لله على السلامة ما حتصدق: الليلة رجعت من الشغل ، دخلت بوست الشعبية ، قريت الجديد في الصفحة 19 ، قلت أكتب أسأل عن عزام ، فكرت أرد بالأول على بعض الأخوة بخصوص الكتاب ، قلت أبدأ بموضوع الكتاب لأنو شاغلني كتير. كتبت المداخلة أعلاه ومشيت نمت. صحيت لقيت مداخلتك عن المرحوم رشاد. أفرحتني عودتك وتمنيت أن لا يغيب قلمك عنا فقد إفتقدناه. بمناسبة مداخلتك أهدي لك سلام من الشعبية ، من عم صديق (متعه الله بالصحة والعافية).
أخوي خالد درق سباق دائماً للعطاء. لك التحية وأنت تفتتح باب المساهمة. أرجو أن توضح بصورة مبدئية الصفحات التى ستقوم بإنجازها ، حتى لا يقوم أخر بتجميع نفس الصفحات.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: صلاح عباس فقير)
|
Quote: دكتور عماد مفقود شنو ياعمدة ماصدقت الراكوبة وصلت قمت زوغت؟ ياخوى صاحبى دا راسو فاضى اصلو حافظ ليهو كلمتين لما يخلصو بيقوم يزوغ يعمل فيها عيان .. |
تحياتي اخي عبدون والله غياب اجباري كان عندي مشكلة في النيت وفي اللاب توب لكن اتحلت وهسع داخل من الشغل لكن بجيكم بعدين برواقة الف الف الف حمدا لله على السلامة تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: صلاح عباس فقير)
|
منير
Quote: الأخ الحاج كيف أخبارك .. إن شاء الله الزكاة زنقتها تكون فكت .. |
منير كيف الحال..الحمدلله أخوك جضم التقارير و امبارح استلمت شهادة تمكن الشركة من انجاز معاملاتها و استلام استحقاقاتها خاصة مع الجهات الحكومية بس منتظر الحافز هههههههههه.
مرحبا بالأخ عزام حسن فرح..مرحب بصاحب القلم المتميز و اللسان الطويل..قريب بوقفوهو تاني.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزالدين عباس الفحل)
|
ترحيب حار بعودة أعمدة بوست الشعبية الاخوان عبدون و شمس الدين و عزام فرح . سعداء بعودة الصفوة من الاقلام سيد الحوش و دكتور قناوي و الفاضل و الاديب صلاح عباس و الرائع منير و الراقي عز الدين و المتالق ياسر. ممتنون للاعزاء المخضرمين دكتور عماد والوليد و المثابر خالد درق . نفتقد بشدة العمالقة عادل عثمان وحسن طه و ابو محمد فؤاد الوزير عماد احمد . نناشد الاخ الحاج حمد بالعمل على عودة عبير البوست الاخوات مريم و ستنا. سؤال للجميع : هل نحن فعلاً نستحق منبر منفصل؟؟ تحياتي,,
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: مجدي نقد)
|
الاخ منير تحية طيبة,, شارع المعونة زي ما هو عبارة عن سوق خضار لكن الان تجري عليه اعمال ترميم نتمنى ان تغير من حاله قليلاً.. الذي يجعلني افقد الثقة في بعض العلوم احياناً كان عندنا مشروع حساب نسبة التلوث في الطرق العامة في فترة الجامعة و كانت نتيجة المشروع الوقوف على بعد ثلاثة امتار من الطريق لفترة زمنية تتعدى الثلاث ساعات خطر على الحياة!!اسي ناس البطيخ ديل و نص الشعب السوداني اليوم كلو واقفين في الرصيف و عايشيييييييييييييييين في امان الله..حاجة تحير؟؟؟؟ المهم البطيخ صغار لانه كان في شوية فلس و كمان اكبر من كدى مافي لانو ناسنا الغبش جابو و زرعوه عندنا بدون ما يوفروا له البيئة المناسبة (بزور مستوردة)!عشان كدى البطيخ بتخابث عليهم و بطلع صغار..اسي رايك شنو؟ نقول الله يسامح البطيخ و لا المزارعين؟ تحياتي،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزالدين عباس الفحل)
|
فاتني الترحيب في حوش الشعبية بالأخ العزيز عزام، وكان في بالي أن أواسيه في ذكرى الفقيد رشاد! ولكن قدر الله أن سقط حينها من الذاكرة! فمرحباً أخي عزام
يا عز الدين عباس السلام والتحايا العطرة! علمنا مما علمك الله! باين عليك تعلمت نظام "أكواد"! بالله أدينا فكرة!
وأجدد الترحيب بالعزيز مجدي! وسؤالك في الصميم يا مجدي! ويبدو أننا نحن هؤلاء الذين في المنبر، وكلنا من شعبياويي الخارج، لا نشعر بالحاجة إلى المنبر المنفصل! تكفينا هذه الراكوبة ذات الهمبريب الجميل! ولكن على ما أظن لو كان في خمسة من شباب الداخل لاحتاجوا إلى المنبر المستقل!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عابدون محمد عابدون)
|
الرجل الذي لا تنساه المرأة قد نجد في حياتنا زوجة تخلص لزوجها وتحزن لفراقة ونجد اخرى تتمنى سرا التخلص من زوجها فاذا حدث لة شئ حمدت الله على نعمة فما الفرق بين الزوجتين ؟؟؟؟؟؟؟؟؟ هل تعرف ؟؟؟ ان الفرق في زوج كلا منهما وكل منهما قد اختار قدرة عند زوجتة
فمن هو الرجل الاول؟ الرجل الذي يكون كريم في عواطفه ويده ويهبها الأمان و الحنان... اللين في تعامله الرقيق في مشاعره القوي الشخصية بلا غرور... الذي تشعر وهي معه برجولته وأنوثتها ... اذا تحدث تنبهر من أسلوبه وحسن حديثه ولاتمله... الذي يدللها ويرويها عشقاً... الذي يتقن فن النظرات اتجاهها... الذي يقدر احساسها ومشاعرها ويحن عليها وقت حزنها وألمها... الذي يستمع لها ويقدر رأيها ويطلب مشاركتها ويحترم رأيها... الذي في بعض الأمور يفضلها على نفسه ... الذي اذا كانت أخطائها بسيطه يسامح ويعفو عنها... الذي يكون غيور عليها بدون تحكم أو تسلط ... أن يطرب مسمعها بكلمات دافئه مليئه بالحب و الغزل... أن يحتمل تقلب مزاجها ويشاطرها المزاح والضحك ... أن يفرح أذا فرحت ويحزن أذا حزنت ويقف معها سنداً لها... الذي تشعر انه يحتاجها في كل لحظة ... الذي يفتخر بها ويراها في عينه غالية جوهره ثمينه ... الذي تهبه عمرها لثقتها به وتعتمد عليه ... الحار في عواطفه الذي تشعر معه دوماً أنه لايرى غيرها... الذي يشركها بمعرفتة أسراره... الذي ترى دموعه ولايخفيها عنها ... الذي يشعرها انها ملكت فؤاده وعقله...
والرجل الثاني
هو الرجل المغتر بقوتة الرجل الذي لايحترم زوجتة امام الاخرين وامام اولادها الرجل الذي لايكتفي فقط بعدم الاهتمام بزوجتة بل ايضا يتعمد اشعارها بذلك هو الذي يتعمد تحقيرواهانة زوجتة هو الذي لايحترم اهلها ولا يودهم هو الذي يسبها بأهلها هو الذي يعتقد ان العلاقة الحميمة بين الزوجين مجرد علاقة جنسية ولا علاقة لها بالمشاعر هو الذي لا يحسسها بالامان هو الذي يعتقد ان زوجتة تمثل عندما يجدها تبكي ضعفا وقهرا هو الذي لاتأمن زوجتة من اذاة هو البعيد عن الله
فهل تعرف أي من الرجلين أنت ؟؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
رسالة من الأخت الدكتورة ستنا خضر و التي ما تزال في انتظار معالجة مشكلة الباسوورد:
Quote: الاخ الحاج حمد والاخوان الشعبياب
السلام عليكم ورحمة الله تعالي وبركاته
وسلام ليكم من ارض المحنة والطيبة شعبيتنا الرائعة
سحب الباسويرد وجري السودان خلونا بعيدين عن المشاركة لكن المتاوقة حاصلة
ارحب بجميع الاخوان الجدد
الاحظ ان المشاركات ما زالت محصورة علي ناس معينين
اختي وحبيبتي الدكتورة روما سلامتك والف حمدالله علي السلامة وتعازئ في وفاة صديقتك راسلتك علي الاميل ولكن لم ترجعي لي ما وصلك الاميل ولاشنو؟وافتحي المسنجر عشان نتونس الي ان يتفك الحظر العلينا ده!!تحياتي لمحمد
الاخ شمس الدين سلامتك وما تشوف شر معليش جات متأخرة لانو كان عندي امل المشاركة عبر الباب ونكفر ليك مباشرة ولكن!للان لم يستجيب لي المهندس بكري ابوبكر وانا في الانتظار
طبعا صحبك سمعنا بجيته ولكن للاسف لم نلتقي تمنيت ان اقابلك اخي عابدون ولكن يبدو الوادي الاخضر اخذك مننا الف مبروك وربنا يتمم البيت علي خير وانا قاعدة حانتقابل لمن تجي تاني
الاخ وليد تحياتي لك ولاسرتك الصغيرة شنو مشاركاتك قلّت في البوست انا ومريم بسببنا!لم احظي بعد بزيارة الوالدة لكن انشاءالله لي محاولة لزيارتها قريبا ،جري السودان مبالغة وزي ما قال عابدون العربية اساسية لكن عابدون لم التقيه كنت اديتو سحبة
الاخ مجدي نقد كنت سعيدة للقائك في بيتكم العامر بالرغم من قصر اللقاء وزي ما شايف لسة من خلف الكواليس،الصور رائعة روعة شباب الشعبية اللذين احتفلوا بقدومك وطبعا لاني جاية نهائي الجري كلو في الوزارة لكي اتحصل علي وظيفة ولسة ما لميت في حاجة دعواتكم
الاخ خالد درق ما زلت الشاب النشط وقائم بالبوست ربنا يديك العافية وسلام لاسرتك
اخي دكتور عماد عبدالله الطيب ربنا يديك العافية وانت ما زلت قائم بشؤون البوست اتمني ان تكون بخير واسرتك وتحياتي لهم وسلام خاص لآيات
اخي دكتور امير ربنا يقويك وانت كما عودتنا تقوم بعمل رائع ،صحيح الانتقاد بخلي الانسان يبدع اكترولكنك قمت بعمل يستحق الثناء والتقدير وما خليت شئ عشان ننتقدك غايتو ده رأي،بالنسبة لمواصلة الباب ما عندي مانع لكن انزل مشاركاتي كيف وانا ما زلت خلف الكواليس !!ولا اكتب رقم الصفحة واسم الكاتب والموضوع اعتقد كده حا أطول الموضوع غايتو ادونا الراى وعلئ التنفيذ ،تحياتي لاسرتك
الاخ منير او سيزر كما يحلو مناداتك الله يفك غربتكم الجليدية دي ما تقول بداعي فيك اي زول هنا اقول ليه انا جيت نهائي يقولو لي مجنونة في زول
يخلي الترطيب ويجي للجري والتعب ده قلت ليهم الله يضوكّم الغربة!!تحياتي لك ولقلمك الرائع
اخي الفاضل ابو نسرين الله يعينك علي جري السوق ويعيين الجيب !!أم نسرين ما تشوف كلامنا ده،في بعض مشاويري مررت واخي عاطف عبر بيتكم
العامر وجدنا احد اخوانك تحت ظل شجرتكم وشبهكم ما شاءالله ظاهر وتزكرت زياراتي لاختي سامية سلامي الكثير لها واتمني نشوف مشاركاتها قريبا
الاخ عزالدين عباس الفحل تحياتي لك ولاسرتك وللصغيرة علا
سلام اخي وزير التوثيق عماد احمد وين الحي بيك ؟
الاخ صلاح عباس فقيري برضو ما ظاهر انشاءالله مانعك خير اتمني ان تكون واسرتك بالف عافية
الاستاذ عادل محمد عثمان برضو مسجل غياب انشاءالله خير ما يكون البرد عاملها فيك تحياتي
واخيرا وليس بآخر اخي فيصل عبدالله محمود مبروك الباسويرد معليش جات متاخرة لكن زي ما شايف طلتنا بقت قليلة وين المشاركات الكتيرة ولا هي عادة عندنا يدونا الباسويرد ويكون كلامنا قل منتظرين مشاركاتك الرائعة سلامي لك وللاسرة
وتحياتي لكل من فاتني ذكر اسمه
لكم ودي
اختكم ستنا خضر |
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: الحاج حمد الحاج)
|
أختي ستنا خضر لك التحية ، وعبرك التحية للأسرة وللشعبية. أتمنى أن تحل مشكلة الباسورد في القريب حتى نراك بيننا ، فقد إفتقدناك كثيراً. والأمل أيضاً في عودة روما وكل الغائبين (عادل عثمان والشيخ سيد أحمد وبقية من طال غيابهم). الأخوة والأخوات أنجزنا القليل من الكتاب وتبقى الكثير كما ترون في الإحصائية أدناه. ولازال الأمل كبير في مساهمة الجميع ، وخاصة في مساهمة من أبدوا إستعداداً من قبل.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: أمير قناوي)
|
الأخت الدكتورة ستنا السلام عليكم وشكراً جزيلاً ! رسالتك مصحوبة بهمبريب منعش، يذكرنا بالأيام الجميلة، ويجدد في نفوسنا روح البوست التي كانت قبل الصفحة المائة! ويستثيرنا إلى محاولة استعادة تلك الروح، التي كان من المفترض أن يزيد عنفوانها، خاصة بعد انضمام ركب الإخوة الأفاضل: عاطف، ياسر، وفيصل، والمتعارض أخيراً! وبهذه المناسبة شكر واجب لكل من الأخوين العمدة و درق ثم وليد، لاجتهادهما في المحافظة على رفع راية البوست عاليا! الآن وقد بدأ يلتئم الشمل، بإذن الله تعود روح البوست القديمة! وتلك الدهشة التي شعر بها كلّ واحد عند اكتشافه لوجود بوست خاص بالشعبية في الشبكة العنكبوتية! دهشة أنه صار بإمكانه استعادة ذلك الماضي الجميل!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
Quote: عـــزام حســن فــرح ، مــن الاقــلام الادبــية النــادرة ، فهــو مشــــروع اديـــب ، وقــلم مميــز وواعـــد ، |
يامولانا الزول ده لو سمع كلامك ده يقوم يجينا ينظر لينا تاني ويقول الموت مابقيف ومافي داعي للسلامات والتصبيحات وتوزيع الابتاسمات ويشرد لينا الناس تاني ونحن ما صدقنا الناس رجعت تاني
Quote: الاخ وليد تحياتي لك ولاسرتك الصغيرة شنو مشاركاتك قلّت في البوست انا ومريم بسببنا! لم احظي بعد بزيارة الوالدة لكن انشاءالله لي محاولة لزيارتها قريبا ،جري السودان مبالغة وزي ما قال عابدون العربية اساسية لكن عابدون لم التقيه كنت اديتو سحبة |
يادكتورة ستنا انا طبعا اتصلت عليك وانتي في المطار قلنا نودعك ويظهر مع لخمة السفر لم تردي المهم ان شاء الله وجدتي كل الناس طيبين وفي مايخص الوالدة انشاء الله يوم 12/4/2010 سوف تكون في القاهرة وربنا يحفظها ويحفظكم مع تمنياتي لك بوجود فرصة افضل في السودان واسطتك (حربي قريبك ) وصاحبي التعبان داك دكتور خالد المبشر
تحياتي لكل اهل الشعبية
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: خالد درق)
|
مرحباً مرحباً بعبدون بعد الإجازة الميمونة في الخرطوم وحمداَ لله علي السلامة - وإن شاء تكون إجازة سعيدة .. قلت لي يا عبدون حتبقي من ناس الوادي الأخضر ؟؟ .. طيب ما خلاس، حنبقي جيران - إن الله مدَّ في الآجال .. تعرف ، في إجازة للسودان سنة ٢٠٠٦ كنت بالصدفة قاعد مع زملائي في مكاتبهم بعد ساعات العمل .. وجاءت سيرة الأراضي وما أدراك ما الفئوية .. قمت قلت ليهم أنا غايتو إسمي ماطلع في قائمة المستحقين وقنعت من خيراَ فيها .. أنا طبعاً كنت مقدم من سنة ٩١ .. أها واحد زميلنا كان قاعد يدقدق في الكيبورد بتاع كمبيوتره وقام قال لي كدي خلينا نشوف إسمك .. وقام دق إسمي، فإذا به يلقاهو مقنطر ، وكمان مفروض أجري ألحق السحب بعد أسبوع .. فوجئت ليك مفاجئة سعيدة خلاس ورأسي زادت فيهو تلاتة شيبات .. يازول معقول الكلام ده؟؟ .. وأنا الزمن داك إجازتي كان باقي ليها اسبوع .. فقمت بسرعة مليون جريت كملت كل الخطوات المطلوبة وسحبت ليك نمرتي مع آخر يوم ودفعت الرسوم وبقيت علي شهادة البحث .. طبعاً شهادة البحث كانت طلعت بعد كم يوم كده أنا كنت خلاس سافرت فوكلت أخوي طلع لي زيتها زاتو .. كمان قال ليك نمرة درجة أولي ناصية مساحتها ٥٥٠ متر .. بس قولوا لي مبروك .. هسة الواحد زاتو ماعارف القطعة دي وين والحاصل شنو في الوادي الأخضر ده .. أها يا عبدون طمئننا - إن شاء الله المنطقة تستحق ..
بالنسبة للصينية يا عبدون الصورة بتتغير مع الرفريش بتاع الصفحة .. بكري معطل الأكواد وإلاّ كان الواحد ختاها في فريم داخل الصفحة تترفرش قبلها .. فيازول معليش كان مفروض الواحد ينبهكم عشان ما تنشروا ساكت .. لكين لاحظ ليها نهارها نهار وليلها ليل ..
________________
ونقول ألف مرحباً بولدنا عزام فرح - وحمداَ لله علي إطلاق سراحه .. غايتو يا جماعة السجن حار جنس حرورية؟؟ .. لكين كونه يفكوك بره حوش بكري ده يعتبر حرية أم سجن؟؟ .. ياللاْ يا عزام إتجدع واتضرع الحوش حوشك ..
___________________
يا اخواننا دكتورة ستنا دي نحن قلنا ماشة وجاية .. شنو نغمة رجعة نهائية دي يا دكتورة؟؟.. نتمني لك أوقات سعيدة وسط الأهل .. وما تنسونا من صالح الدعوات - لو قعاد برّة أو رجوع كل البيجي من الله خير ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: Munir)
|
شمس
Quote: جيناكم يا حبايبنا بعد غربة وشوق |
مرحبا أخونا شمس بالعودة من جديد وعودا حميدا وكيف أخبار الأهل وإخبارك
Quote: والله عندي مشكلة في النيت ومشكلة في اللابتوب |
الراقي عمدة كيفك اسعد الله أيامك بالخير اي مشكلة في السوفت وير أنا جاهز ماعليك سوى طرحها هنا وستجد الحل إنشاء الله .
Quote: الأهل العظماء آمل أن لا يكون فاتني الكثير الشعبيباب ،،، الحضور والغياب ،،، بعض المشاغل حملتنا بعيدا عن هذه الدوحة ،، أشواق منهمرة ،،، |
أخي ياسر صديق الحرف .. تحياتي وكن بالقرب .. فأشواقنا على مهل
ألف تحية عبر الأثير أخي عز الدين .. أتمنى أن يتواصل العطاء من الجميع وفخورون بتواجدكم معنا منير إخبارك وما تطول الغيبة ومتابع سرد تداعيات تلكم الازمنة الجميلة فلا تبخلو بها الحاج حمد
Quote: و ياخي ما تطولوا كده من البوست حتى لو تحية صباحية ترفع البوست. |
كثير هي المشاغل التي تبعدنا عن الأحباء وأصدقاء الطفولة و زعماءنا بالشعبية وألف حمد لله على السلامة أخي حاج حمد الخلاص من زنقة العمل التي اعلمها كثيرا فقد عملت محاسبا عدد من السنين هنا أتمنى أن تكون بخير عابدون تحياتي وليك وحشة والله وكيف الحصة وعموم الاحوال . الفاضل أخي الفاضل والله شوقتنا للسودان ولايامو الجميلة .. كيف إخبار الأهل عموما وإنشاء الله استمتعت بحلاوة الإجازة بربوع الوطن الغالي ووسط الأهل. د.أمير قناوي سعدت جدا أخي دكتور امير بمهاتفتك وسماع صوتك بعد فترة من الزمن أخالها سنوات طوال ولك التحية بتحملك أمر الكتاب ولعمري انه من سروري وفخري بهذا العمل وأتمنى من الله أن تكلل كل خطواتكم فيه بالتوفيق والنجاح أنت وكل القائمين على أمره وأنا من هذا المنبر أعلن استعدادي لأي تكليف ترونه مناسبا للمشاركة في هذا العمل المهم واتمني أخي دكتور أمير أن اسمع صوتك مرة آخر وسوف أعاود الاتصال بك .
أخي عزام جمعة مبارك ليك وللجميع هنا وأتمنى لك دوام الصحة والعافية وطمنا عليك .
كيفك أخي صلاح وتقبل الله منا ومنكم صالح الإعمال وكيف عموم الأهل والأصدقاء ولك خوالص المودة.
دكتور ستنا مرحبا بعودة يراع اختنا الدكتورة ستنا وأتمنى ان تكوني بألف خير وعموم الأهل كما أتمنى أن نراك قريبا وان يسمع اخونا بكري كل نداءات الشعبياب بحل مشكلة كل من تعزر دخوله للمنبر والأخت روما شوق وتحية . . . .
اخوتي الافاضل
انه لمن دواعي السرور والسعادة ونحن نرى هذا العمل الرائع (( كتاب الشعبية )) الذي مافتي الشباب يبذلون قصارى الجهد في سبيل اخراجه بالصورة التى تليق بمكانة الشعبية واهلها وعكس صورة الشعبية بكل مافيها ومن فيها واتمنى من كل الشعبياب من هم بالمنبرومن هم بخارجه المشاركة بالافصاح عن ارائهم وسرد كل الذكريات في مسيرة تلك الازمان الجميلة التي لم نحضرها والتي نحضرها الان لانني ارى انه واجهة الكناب وعنوان الشعبية .
الاخ الدكتور امير قناوي عن هذا الجزء مسودة كتاب الشعبية الباب الأول: تعريف بالشعبية اتمنى اعطاء هذا الجز حيز كبير ليشمل كل مامن شانه التعريف بالشعبية مباني ومواطنين واساتذة ومشكلات وحلول بعض مرافق الحياة التى تطورت والتي لم تتطور والاهتمام ببعض الاشخاص ممن لهم فضل على الشعبية .
اخوتي الافاضل مررت على معظم الابواب بكتاب الشعبية ولكم تمنيت ان احضر تلك الازمان الجميلة واكون في رونقها ووسط احبائها ولكننني يااخ امير وحاج حمد وبقية العقد احسدكم على هذه الازمان الجميلة اتمنى لو اننى امتلكت ذاكرة ذهبية مثل التى تمطرونا انتم بها ذهبا كل يوم.
حاج حمد امير قناوي عز الدين شمس الدين دكتورة ستنا روما صلاح الفاضل عماد منير خالد وبقية العقد
فى هذا المتكأ لكم منى كل الشكر
انحناءة
رفع قبعة
وشجن مقيم
اخوتي
فلتعلموا اننى اسكن هذا الزمن الجميل فلا تحرمونا من تداعياته
لكم الشكر ارتال
وامينات هى بحجم ذاك الزمان جمالا وبهاء
ولحين ميسرة
عاطف رميتي - الشعبية جنوب مربع 4/5
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عاطف رميتي)
|
بنت حلتنا ستنا: Quote: اخي الفاضل ابو نسرين الله يعينك علي جري السوق ويعيين الجيب !!أم نسرين ما تشوف كلامنا ده،في بعض مشاويري مررت واخي عاطف عبر بيتكم
العامر وجدنا احد اخوانك تحت ظل شجرتكم وشبهكم ما شاءالله ظاهر وتزكرت زياراتي لاختي سامية سلامي الكثير لها واتمني نشوف مشاركاتها قريبا
|
تشكري ستنا،والله مشتاقين نجلس تحت ظل تلك النيمة الوارفة،الواحد بقي يتحسس من كلمة شجرة دي لكن وين الله يعين،اتمني انك وجدتي الاحباب علي اتم الصحة والعافية.ربنا يرد غربتنا. ترحيبي بعودة عزام وقلمه الشيق، ونرنو كذلك في عودة بناتنا ستنا وروما الرائعة
مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عزام حسن فرح)
|
هــلا باهل الحلــة الطيبة
عساكم بخيــر
الف مرجب بالحبائب من اهل الشعبية
........
ود قناوى الكتـاب / الكتـب دائمــا بتكتــب وبتوثــق للنجاح ...
الفشــل برضـو جزء مــن تاريــخ اى زول فينــا ...
انــا بأذن الله ساكتــب عــن الفشــل كحالـة / قصــة / سيرة /... ( انسان / حلــة )
عشأأن تكتمــل الصورة التى لم تكن ورديــة طيلــة السنوات منــذ تأسيــس هــذا الحــى
عناويــــن ...
*الفقــر والفقراء فى هــذا الحــى ( الشافع الما عندو حــق الفطور ) ..
*الظواهــر الانحرافيــة فى هــذا الحــى ..
*الشــكلات المشهورة ( قصــة الزول الدفر الزول من بـص ابو رجيلة قام مــات ) اسمو منو فى مربع
ناس ( خوجلى فريد / ابو ديــة ) ..( اللبــط ) .
*الحــب الفاشـــل ...( مشاغلة البنات فى شارع المدارس ) ..
*الهزائــم الرياضيــة ...
*الفشــل الاكاديمــى ...( الغــش فى الامتحانات ) ( الطيــش على مــر الدفــع )
*الحفـلات الغنائيــة ...
*احتكار الكبار للمساجــد ..
* الاحــزاب السياسية ..
........... لحــدى ...........
___________
قــلـت صنــتى دى من بوســت الشعبيــة الا اجــئ شايــل ليــه عكاز حقيقة كبيــر واقعد
افلـق فى نفســـى ....
الشعبية جنوب لديهــا الــق خاص حقــو نكتب / نستكتب ناسهــا ..
مبروك الكتاب فى شكلــه العام ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: بدر الدين اسحاق احمد)
|
بدرالدين
Quote: *الفقــر والفقراء فى هــذا الحــى ( الشافع الما عندو حــق الفطور ) .. *الظواهــر الانحرافيــة فى هــذا الحــى .. *الحــب الفاشـــل ...( مشاغلة البنات فى شارع المدارس ) .. *الفشــل الاكاديمــى ...( الغــش فى الامتحانات ) ( الطيــش على مــر الدفــع ) |
لا يا بدرالدين ... إلا انقاط الفوق دي ... مُمْكِن تعمِل أذى ... ديل بقو آباء وجدود كمان ... ما حقو نخليهم في نظر أولادُم وأحفادُم بالشكل ده ... الفقر ما عيب ، لكِن إعلانِهِ مُش محبوب ... وطيش الفصل أنا عارفو إنت عارفو ولو كتبنا إسمو حيأذي ناس كُتار وبرضو الفشل الأكاديمي ... السُتر غير إنو فضيلة إسلامِية برضو إنسانِية خالص ... بِالله عليكم يا ناس رجاء ماف زول يجيب السيره دي ... نحنا هِنا ده أشبة بِالمدينة الفاضِلة ... نتشاكل بره ونتشاتم ونجي بِجاي نفتِش المحنه والريده ...
إلا دي يا بدرالدين إلا دي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: بدر الدين اسحاق احمد)
|
أخي عاطف عبدالحفيظ سعدت بإتصالك رغم قصر المكالمة ، وأخوك الأيام دي في دوام ليلي مرهق في المستشفي. وعشان كده بنوم النهار. إن شاء الله نعاود الإتصال في القريب. سعدت أيضاً لإستعدادك للمشاركة في كتاب الشعبية . ولك أن تختار الصفحات التي تريد تجميع مداخلاتها. وأملي أن يشارك المزيد من الأخوة والأخوات معنا في هذا العمل ، سواء بتجميع المداخلات أو بالنقد. بخصوص باب التعريف بالشعبية فالمداخلات الموجودة في المسودة بالمنبر ليست هي كل ما يحتويه هذا الباب. وكما ذكرت من قبل فأنا ما زلت أبحث عن وسيلة لعرض ما تم إنجازه دون زحم المنبر بكم هائل من الصفحات. وأتمنى أن تصلني أفكار منك ومن بقية الأخوة بهذا الخصوص. أرجو منك يا عاطف وأنت صاحب قلم متمكن وبحكم كونك من الجيل التالي لجيل الرواد أن توثق أيضاً للحقبة التي لم يتناولها الرواد في كتاباتهم. في إنتظار مساهماتك لك مني خالص الود والتقدير.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: أمير قناوي)
|
منير
Quote: كمان قال ليك نمرة درجة أولي ناصية مساحتها ٥٥٠ متر .. بس قولوا لي مبروك .. هسة الواحد زاتو ماعارف القطعة دي وين والحاصل شنو في الوادي الأخضر ده .. أها يا عبدون طمئننا - إن شاء الله المنطقة تستحق .. |
يا دكتور أنسى ساكت دي تستحق بعد 10 سنة تاني..قطعتك افي السامراب تمام و سعرها ارتفع خاصة انو مساحتها كبيرة جدا..و لو بعتها و جيت الحلفايا معانا تكون حاجة جميلة خاصة انو في كم واحد من اولاد الشعبية في نفس مربعنا..أها قلت شنو افتش ليك؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: عماد الدين عبدالله)
|
Quote: الاخ مجدي نقد كنت سعيدة للقائك في بيتكم العامر بالرغم من قصر اللقاء وزي ما شايف لسة من خلف الكواليس،الصور رائعة روعة شباب الشعبية اللذين احتفلوا بقدومك وطبعا لاني جاية نهائي الجري كلو في الوزارة لكي اتحصل علي وظيفة ولسة ما لميت في حاجة دعواتكم
|
سارية حلة الصديق د. ستنا خضر تحية طيبة ,, سعدت جداً بزيارتك الكريمة التي تعلمت منها معنى الكرم في التواصل. شكراً اختي و شكراً للشعبية التي ارضعتنا معاني الاخوة دون تكلف او رياء. تحياتي للاسرة الكريمة مع امنياتي لك بالتوفيق .
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: مجدي نقد)
|
Quote: لا يا بدرالدين ... إلا انقاط الفوق دي ... مُمْكِن تعمِل أذى ... ديل بقو آباء وجدود كمان ... ما حقو نخليهم في نظر أولادُم وأحفادُم بالشكل ده ... الفقر ما عيب ، لكِن إعلانِهِ مُش محبوب ... وطيش الفصل أنا عارفو إنت عارفو ولو كتبنا إسمو حيأذي ناس كُتار وبرضو الفشل الأكاديمي ... السُتر غير إنو فضيلة إسلامِية برضو إنسانِية خالص ... بِالله عليكم يا ناس رجاء ماف زول يجيب السيره دي ... نحنا هِنا ده أشبة بِالمدينة الفاضِلة ... نتشاكل بره ونتشاتم ونجي بِجاي نفتِش المحنه والريده ...
إلا دي يا بدرالدين إلا دي
|
لله درك يا عزام فرح..بس أعتقد ان الأخ بدر الدين قد استفزه كثرة الغناء و التطبيل للشعبية و اراد ان يسلط بعض الضوء على السلبيات و الاخفاقات التي صاحبت ذلك النجاح. أقول ان كان يحق لي الكلام في حضرتكم أن نسلط الضوء على الاخفاقات الجماعية السابقة و الحالية مع الالتزام بنصيحة الأخ عزام .. قضيت جل فترة اجازتي في شحذ الهمم و التحريض على عمل تغيير في وضع السوق المتردي و لكن لا حياة لمن تنادي !!يبدو ان اللا مبالاة اضحت سمة اساسية عند سكان الشعبية ؟؟ كنت أُجهز لموضوع مدعم بالصور لاشن حملة لا هوادة فيها على رئيس اللجان الشعبية بالشعبية لانه السبب المباشر في سوء الاحوال بالسوق و لكن كلماتك يا عزام كبحت جماح رغبتي في ان اقتص منه حتى و لو ادبياً. و عليه هل يحق لنا تناول الشخصيات العامة من سكان الشعبية سلباً ؟؟ تحياتي,, _________________________ خارج النص: يا الوليد عبد اللطيف نفسي افهم الناس البهناك دي بتشاكل الاخ عزام في شنو؟؟؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: مجدي نقد)
|
Quote: والله " حُرورِية السجن " بِتْهون لو كُنت إتْسجنت فوق رأي ... بتشعُر بإنك إحْترمت روحك وأنصفت قناعاتك وفشيت غبينتك |
عزام! إنت اتسجنت فوق شنو! شوقتنا! بالله أحكي لينا الحكاية من أولها لآخرها؟!
بدر الدين! دعك مما قاله عزام! لا تخش شيئاً! الأمر ليس بتلك الحساسية! فقط تجنب ذكر الأسماء إن كان هناك ما يسيء إلى أصحابها! وفعلاً، ينبغي أن ننطلق من ذكرياتنا الجميلة! ولكن عشان ما نعمل على تغيير مظاهر القبح في حينا الجميل!
مجدي! النقد الموضوعي لا ينبغي أن يؤذي أحداً! خاصة إذا كان من أجل مصلحة الحي! لكن مفروض تتيح للطرف الآخر فرصة الدفاع عن نفسه!
أمير! معكم بقلوبنا!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: وليد عبد اللطيف)
|
دفعتي بدرالدين وعزام متابع حواركم وداير أدخل معاكم لأنو عندي تعليق على بعض النقاط وتوضيح لبعض الحقائق.
أولاً شايف حكاية منو كان الأول ومنو كان الطيش دي مافي داعي ليها. وسبق الكلام عن الأساليب التربوية في ذلك الزمان وما صاحبها من سلبيات. وأعتقد إنو الكثيرين كانوا ضحايا لظروف خارجة عن إراداتهم. فليس طيش الدفعة بالضرورة أقل ذكاءاً من غيره. ولكن كان هناك مقياس واحد للذكاء وهو التفوق الأكاديمي وده مقصور في أغلبه في القدرة على الحفظ. ولو كانت في ذلك الزمان مقاييس أخرى لكان لأولئك التلاميذ شأن آخر. ومن أراد تناول هذا الموضوع فلينظر للأمر من كل جوانبه. والحقيقة التي لا يمكن إنكارها ، وقد أشار إليها أحد الأخوة سابقاَ ، تكمن في الأثر النفسي الكبير لتلك الأساليب الخاطئة في تصنيف التلاميذ لأذكياء وأغبياء وعدم إعطاء الفرصة لمن أخفق مرة أو مرات أن يخرج من قفص الإتهام وسرداب الإخفاق وأن يثبت برائته. لا بل تم تذكيره في كل مناسبة بأنه فاشل وغبي ، وإشعر بالذنب لمجرد وجوده في هذا الكون ولتناوله للطعام ولإستنشاقه للهواء مع المتفوقين. من أين لطفل تحطم معنوياته كل يوم وبهذه القسوة أن يتفوق. فليحمد الله الذين نجوا من تلك الدائرة المغلقة ولا يجنوا على من جنت عليهم أقدارهم في طفولتهم بالتشهير والتذكير.
أشار أخي بدرالدين للشكلات المشهورة و( قصة الزول الدفر الزول من بص ابو رجيلة قام مات). لقد كانت مأساة لأسرة ولكل حينا، لا أظن أن بدرالدين قد علم بكل تفاصليها وبما ترتب عليها من أثار على كيان تلك الأسرة الطيبة. حدث شجار بين راكب من الركاب وبين كمساري البص فتدخل عارف (ولم يكن باحثاَ عن مشاكل أو لبط كما قال بدرالدين) وتطور الشجار فأصابت لطمة من عارف ذلك الشاب فسقط ميتاً . مات ولم يرد عارف قتله. قدر مكتوب وقتل غير متعمد. أودع عارف السجن ورفض أهل القتيل العفو والدية وطالبوا بالقصاص وهددوا بقتله. سعت الأسرة البسيطة لتدارك الأمر وإنقاذ إبنها بكل ماتملك وما لاتملك. لم يجدي الرجاء لأهل القتيل من أمه المريضة وأبيه الطيب لقبول الدية ولم يتحمل قلب أم عارف أن تفجع في عارف بعد أن فجعت قبله في أخيه الأصغر فماتت محزونة كسيرة الفؤاد. أبتلي الأب بموت زوجته وإبنه الأصغر وبمصير مجهول يتربص بعارف. لم يكن لديه وقت للحزن والبكاء فإبنه في حوجة له في محنته. مضي يصارع الأقدار وقلوب أهل الشعبية ترافقه بالدعاء وأياديهم تشد من أزره. وهيأ الله لعارفٍ مخرجاً وسلك طريقاً للنجاة سلكه قبله موسى عليه السلام. نسأل الله لعارف أن يكون بخير أينما كان ، فقد عرفناه شاباً طيب الخلق ، وأخاً كريماَ. ونسأل الله لأسرته المبتلاة أن يجعل صبرهم الجميل حسنات في موازين أعمالهم.
أوافق بدرالدين في تناول النواحي السلبية في مجتمع الشعبية (الآن) ، وقد تعرض البعض لإنحراف الشباب والوضع السيئ لسوق الشعبية وغيره. والنقد ووضع اليد في الجرح هو أول خطوة للعلاج.
أحترم في عزام حديثه بهذه البساطة عن تجاربه ومحنته في السودان وقد حورب في معاشه وأمتهنت كرامته وبقي قلبه صافياً ، لم يمتلئ غلاً ، ولسانه عذباَ لا يقطر حقداً . وقولي هذا لا يجعلني أهون من إبتلائه وصبره وإنما هو إيمان بأن الله يمهل ولايهمل. أسأل الله أن تكون أخي من الكاظمين الغيظ والعافين عن الناس ، فتلك مرتبه سامية تتقاصر دونها النفس الأمارة بالسوء لا ينالها إلا الفائزون. تحية وسلام من دفعتكم أمير قناوي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثاني) (Re: أمير قناوي)
|
كتب دكتور امير قناوي
Quote: أوافق بدرالدين في تناول النواحي السلبية في مجتمع الشعبية (الآن) ، وقد تعرض البعض لإنحراف الشباب والوضع السيئ لسوق الشعبية وغيره. والنقد ووضع اليد في الجرح هو أول خطوة للعلاج.
|
نعم اخوتي المتداخلين فلنكتب عن الشعبية والظواهر السلبية وخاصة في الوقت الحاضر
عسى ولعل ان تكون في كتاباتنا ما يصلح الحال
تحياتي واحترامي
| |
|
|
|
|
|
|
|