الشعبية نجمة تزين سماء مدينة الخرطوم بحري

Quote: الفكر الكروي (الثقافة الرياضية ) ود حمد قال تصدق يا عابدون رغم الهزيمة فريق المريخ أفضل من هلال الاعلام حسب فكري المتواضع في كرة القدم لاخير في هذا ولا ذاك . واصلا من اسباب تدهور الكورة في السودان هي الاعلام وكما قال ابومحمد فؤاد سابقا . الكرة لها فنون ولكن في نفس الوقت لها ابجديات يعني مثل انت كمدافع ما ممكن تقفل مهاجم من الجهة الخارجية الى الداخلية حتى تسهل له مواجهة المرمي وطبعا كما تعلم الكورة اخطاء ولولاها لما تحرز الاهداف والله يسامح دفاع المريخ مع المدرب . وعملها سعيد السعودي اكثر من مرة في دورة سيكافا وهي من اكبر الاخطاء الدفاعية والمهاجم الذكي الذي يقتنصها بكل سهوله بالرغم من اني معجب باللاعب سعيد السعودي لانه لاعب صغير وسبق لعب معي في دورة المرحوم والي الدين بجده و لاني اعرفه تماما وسبق دربته مع فريق الجالية مشاركا المدرب هيثم سلمان الذي يعتبر مدرب الفريق القومي للناشئين حاليا بالسودان مع ابن بحري رضا (لاعب فريق الامير )سابقا . طبعا ياعبدون الاخطاء الكروية كثيرة وفرق كبير بين فهم لاعب الكرة السابق مع الحالي .ورغم الامكانيات الحالية يجب ان يكونوا هم الافضل وجرى بيني وبين الاخ الحاج حمد حوار كبير بين اداء المريخ في نيجيريا . وانا بشوف مشكلة المريخ في تلك المباراة هي المدرب اولاً وهذا حالة معظم المدربين في السودان وكثيرا ما كنت اختلف معهم لفلسفتهم الزائدة . ياخي ايدهور من افضل مهاجمي دورة سيكافا وحسب ادائه وحساسيته مع الاهداف يجلس في كنبة الاحتياطي اما اذا كان مصاب ده سبب تاني ولكن لما دخل الملعب وحسب ادائه معناها الزول ده نصيح ولدرجة احرز هدف وذلك يدل عدم اشراكة من بداية المباراة دي فلسفة من المدرب مازدا الفاسدة . وكمان طبعا شفت تصرف مدافع المريخ ود الزومة وهل في غباء ورعونة اكثر من كده ( جهل كروي ) . وبصراحة عشان ما نطول الحديث عن مهزلتنا الكروية اذا لم تصبح كرة القدم استثمار في السودان لم تتقدم وتقليص الفرق حسب المناطق يعني فريق بحري فريق الخرطوم فريق امدرمان وفريق مدني وفريق جوبا . يعني الزحمة مافي ليها داعي . وبس زي ما قال حاج حمد لازم يحصل تبادل بين فريق الهلال والمريخ في الخطوط الهلال يشيل هجوم ووسط المريخ والمريخ يشيل دفاع الهلال . ياعابدون هاك الشمار ده بمناسبة كرة القدم : طبعا انت سألت قبل كده عن (مكي حمد ) واين كان يلعب و حسب معرفتي كان يلعب في فريق الهدف ومعروف صلابتة وتجليده للمهاجمين وهو شقيق حاج حمد اها في يوم من الايام قريق الهدف لاعب ضد فريق المارد ومنقستو معهم اصحباك ناس عزالدين عبد اللطيف وصلاح الزبير وصلاح طيارة ومكي شايلين هم وإتفقوا بعمل كمين لمنقستو واحد يطير ليهو جوز وواحد يسب ليهو الدين وواحد بضربه اخيرة يشيلوا هو والكورة وكما تعلم اخلاق منقستو عندما الواحد يسب له الدين بيسيب الكورة ويقف ويقول استغفر الله العظميم المهم رقص ليك الشباب والجبخانة مدورة وختمها ليك في عزالدين عبد اللطيف وتعرف عزالدين وقع في الارض وماقام إلا تاني يوم وحالق صلعة . والجماعة تاني يوم ياعزالدين الحصل شنو صاحبكم شرد (شندي ) عشان الناس تنسى الموضوع . تعريجة : ياودحمد اخوك مزنوق زنقة ود الدكتور عادل عثمان ومنير في الشغل وهل يترفع الدكتور (عبد الخالق ) جار المستشار حسن طة عن نداء الشعبية بعدم المشاركة .وما زالت مباحثات الاتفاق جارية معه لانضمامة مع كوكبة جيلة حسن الجقود مجدي نقد وخالد درق . وكما تعلمون كثرة نجاح اي عمل طوعي كثرة الاعضاء وحشدها . ودمتم ............ وليد عبد اللطيف