الشعبية نجمة تزين سماء مدينة الخرطوم بحري

Quote: من محن عزام في وقت واحد وفي نفس اللحظة (عمل مسكول +ورسل رساله +واتصل ) عزام ياخوي والله عمرك طويل واسمع القطيعة ودحمد : ياوليد ياخي انت عزام ده مالو وحكايتو شنو وليد : ياخي سيبك منو ده واحد فرحان ساكت ود حمد : تصدق ياوليد انا اتصلت عليه ما رد وعلى الاقل لما لقى رقمي كان يرجع لي وليد : انسى ياحبيبي انسى دي ناس خوتها زي ريحة الحلاقين او ما تطلع من الدكان تروح ودحمد : ياربي مالو نكون غلطنا معاهو في شي ما معقول او ما اظن وليد : اتذكرت ياود ياخي الراجل ده كتب في البوست وبسأل عليك ود حمد : طيب انا امكن اكون لسع ما دخلت البوست وشفت الحاصل شنو وليد : ياخي انت موضوعك هين انا اتصلت علية ما يرد وكمان حتى لما يكتب ما يشتغل بي . ود حمد : ايوه ايوه ايوه طيب وليد : يا ودحمد دقيقة دقيقة دقيقة ياخي الزول ده رد لي انا كمان الله يقطعوا معليش ياودحمد عابدون معي في الخط من ابوظبي ود حمد :طيب مع السلامة يقوم عزام الكارثة اول يعمل مسكول وثاني يرسل رساله وفي الاخر يتصل وليد : بنية شريرة وقلت الزول ده شكلو من النوع البقعد في المواصلات في كرسي (احفظ مالك ) عشان ما يدفع لكن الليله الله يخارجو . المهم خسارة اتصاله حمي خفيفة امكن مائتان ريال كده وحاجة بسيطة . يعني تسولفنا وتونسنا وعرفنا اخباره وهو صراحة راجل شفاف ظريف ودمه خفيف . وشايل هموم الدنيا والعالمين . عابدون + محمد حسن التريبيل + استاذه ناهد بشير (مشكورين كتير كتير على الاتصال وانا بحبكم ) دكتورة ستنا : شنو الاخبار واكيد عجبك مصطلح ( احفظ مالك ) وفهمتيهو عارفك شفته وبالمناسبة دي والله بنات واولاد شهادة عربية كرهونا الجامعة زمان اي كلمة نقولها عايزة شرح . دكتورة رحاب خليفة : ياخي هجرك طال مالو هجرك طال مره صافيني كيه للعزال وين اراضيك والحي بيك والله امس معي زوج المرحومة شقيقتي وصراحة تذكرناك وقلت له عشان تعرف الناس معادن . وانتِ اصفى من الذهب . ودمتم .......... وليد عبد اللطيف