الشعبية نجمة تزين سماء مدينة الخرطوم بحري

Quote: سيدة شباب الكون = مدينة احلامي هاك شعوري ترجميها = قبال تتم ايامي شيل حبي وسلامي = وسيب العزول مركون عاودني يانسام = في عودتك مدامي تشفيني اخبارن = اصبحت قلبي دامي مهما اقاسي معاك = انا برضي ليك اكون دكتورة رحاب خليفة :- اول شي (يا رحوبة ) عفوا يادكتورة رحاب عشان لجنة النصوص ماتزعل وتجينا الكشة وانت عارفة انا ماذا اقصد. شوفي يابت الحلال عين الحقارة نحن ما بنرضاها يعني نزّلي لينا عينك اليمين في البروفايل انت ماشايفة ابتسامة حاج حمد دي . وبمناسبة حاج حمد والله صاحبك ده شغال فيني قطيع التقول عندي سكري وياخي إنتي ما وصيتيهوا قبل كده يرخي الحزام شوية ويخفف الرقابة والله انا خايف بكرة يقول ياجماعة خلاص الحوش ده عملنا ليه سلك شايك وقفلناه . الكلام ده بيني وبينك من غير ما يسمع إلا القطعه الاخيره دي حرقتني . تعرفي يادكتورة حاج حمد ده لو دخلوا عليهوا الجماعة التانين اصحاب الاخلاق العشش بعمل شنو وانا اذا انزلت ادق تفاصيل جمال المراه وما قيل لهم من شعراء الحقيبة وطبعا لم ينشر من قبل لا في جريده ولا كتاب ولا اذاعة وما قيل عن الرجال من النساء في تلك الحِقبة وهي حقيبة الفن والله الا كان يجيب عكاز شمس الدين ساتي ويجيني المكتب ولكن كما تعرفي جيدا كل ناس البوست اخوانا واخواتنا وحتى الضيوف ليهم اشياء لازم الناس تحافظ عليها حتى نحافظ على جمال البوست . وهاك اغنية بنات هدية لو خنتك أستاهل رصاصة طبنجه ياخي سيبني اموت ما عايزة انجى ابقى عبره للعشاق ابقى ليهم فِرجه . والله هو غناء جميل ويعجبني ولكن ليس مثل غناء الحقيبة . اختي دكتورة رحباب خليفة ( رحوبة ) ربنا يوفقك وبالله وصي لينا حاج حمد ماتنسي . ودمتم ............ وليد عبد اللطيف