الشعبية نجمة تزين سماء مدينة الخرطوم بحري

Quote: الاكرم الحاج حمد التحايا والود اول حاجة اخونا بدرالدين دا بيدعي انو اصغر مننا لكن scan disc بتاعو سرعتو مش اد كدا واعتقد انو ال ramat عندو ضاربة خالص . استديو ناصف اعتقد انو نشأ في العام 71 او 72 بواسطة احد مواطني مدينة تندلتي وانا نسيت اسمو ولكن اعتقد انو محمود وكان زول سمين كدا ، واسم ناصف اسم تجاري او اسم عمل . المهم بعد داك محمود السمين دا الشغلة ما نفعت معاهو ويبدو ان محاليل التحميض والكيماويات عملت ليه نوع من الحساسية في يدو وهجر المهنة . وناصف الحالي الذي تغول على الاسم اسمو الحقيقي محمد فضل الله برضو من اولاد النيل الابيض وكان يعمل معاهم ونشط المحل من جديد وقفلو فترة وسافر الي العراق مدة من الزمن وجاء بمعدات حديثة وفكرة اكبر وافتتح المحل من جديد في بيت ناس سمير عيسى البيت المواجه لبيت العم دلدوم (الله يرحمه ويحسن اليه ) وانتقل مرة اخرى في المحل القديم في شارع الكبري ( الزعيم الازهري حالياً ) . ثم في منتصف التسعينات انتقل بالمحل الي حي الدناقلة في المنزل المواجه لمنزل السيد احمد الميرغني . وانقطعت سيرته بعد ذلك ولا ادرى اين هو الان ؟وهو فعلاً متزوج من احدى كريمات العم عبدالقادر عريبي واظنها الكبيرة وله منها طفلة وحبدة اسمها نهال على ما اعتقد .