الشعبية نجمة تزين سماء مدينة الخرطوم بحري

Quote: العزيز الحاج حمد التحايا والوداخونا بدرالدين اسحاق دا جارنا وفرقو مننا بيت واحد وللاسف مطلع على كثير من اسرارنا وتفاصيل حياتنا اليومية واهلو كانوا رافعين يدهم منو وتقريبا انا الربيتو وعلمتو وكبرتو لكن الحسنة في المنعول زي .... عمل مداخلة يوم 21/4 /2008 . نفى فيها قرابتي بالاخ بشرى فضل حقيقة انا ما كنت مفتكر ان بشرى ليس قريبي لحدي ما اخونا بدرالدين عمل البوست بتاعو دا. وادعى المذكور بان الرابط الوحيد الذي يجمعني بالاخ بشرى هو ( التمباك ) داير اذكر الاخ بدرالدين انا لم اتعامل مع التمباك في تلك المرحلة و الموضوع دا بيشهد عليه اكثر من شاهد وتكذبه الوقائع،الحقيقة الكان بيسف هو بشرى فضل انا اتعلمت التمباك في مرحلة الثانوي العام وتقريباً في اول يوم في مدرسة الصبابي وكان ذلك احتجاج على عدم توزيعي لمدرسة الاميرية 2 واغلب الطلبة في المدرسة كانوا هجارة (النسبة لحي الهجرة ) وناس الصبابي وماادراك ما الصبابي وكويس طلعت بالتمباك بس لكن ماذا تعلم الاخ بدرالدين من الصبابي -لاحقاً ساتناول رحلة بدرالدين من الشك الي اليقين - وهي رحلة مليئة بالعبر والدروس المستفادة وغير ذلك وبعدين يابدرالدين البلد فيها شنو غير التمباك والهلال.ويا حاج حمد بدر اصلاً هو دفعتنا لكن مستواه كان ضعيف واتأخر كتير في الدراسة قبل ان اتولاه بعنايتي حتى اصبح مسئول في الدولة وهو دائما بينكر المسألة دي ، لكن نحن بنعمل الخير ونرميه البحر والعند الله مابيروح .اما رحلته من الشك الي اليقين شرحها يطول وساتحفظ عليها في الوقت الراهن حتى يصدر كتاباً يقرأه الجميع معتذراً نادماً سافي التراب وتذكر يابدر ان البادي اظلم وان عدت عدنا ولا نامت اعين .........