## أفادت الانباء التى وردت الينا للتو من الدوحه بأن أحد أبناء الشعبيه والذى تنتهى علاقته بالعالم الخارجى لمحيط منزله والاخبار العامه فى السادسه مساءاً مع إستعمال نظارتى نظر واحده ذات عدسات للبعيد والقريب والاُخرى للقراءه ومُبرمجه على :- الساعه :- 05:59 م. ## قد أُصيب بإكتئاب عند رؤيته للـ79 وقد تصدرها عابدون ,, مما حز فى نفسه بأن يكون لعابدون قصب السبق مرتين فى هذا الديوان العامر... ## ولقد تمت مُعالجته من قِبل اطباء بحرى مدينتى والشعبيه حبيبتى وهو الآن بصحه جيده.. ## من يرغب فى المواجبه عليه الإيداع أوالتحويل لعابدون فهو كفيل اخونا حتى هذه اللحظه.. (ودام الود بيننا وربنا يديهو الصحه بعد أن دامت غُربته 44 عاماً وأربعة اشهر) (ابو محمد فؤاد)
10-20-2009, 12:48 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: وأديك طرفة تصبيرة لأحمد ولدي الذي سيتم عشرة سنوات في نهاية السنة دي .. فأحمد ده من النوع البيلطخ أي كلمة ويلصقها في أي جملة يا لفقت يا اخطأت .. وطبعآ المشكلة إنو مفرداتهم العربية بس ياها البيسمعوها مننا في البيت ـ ولذلك للأسف بقوا زي العجم مرات مرات .. فأمهم مجتهدة معاهم وبتدرسهم بعض القصص الدينية والسيرة وتدرسهم عربي و..و.و من ضمن السيرة حدثتهم عن سيدنا ابوبكر الصديق وعمر وعثمان وعلي و..و.. فولدنا أحمد مرة بتختبره فسألته عن من هو أول الخلفاء الراشدين فرد مباشرة زي الماحصل حاجة: أبوظبي
ههههههههههههههههههه ولدك يظهر متأثر بكابوس في مره الجماعة قاعدين وكان في صوت كلب فقام كابوس سال بدهشة ياخوانا ده صوت شنو فرد واحد : ده صوت كلب فقال كابوس : انا قايلو طحنية ههههههههههههههههه تعرف يامنير ياخوي البوست ده بيثير اشياء بتتعلق بحياة الانسان اليومية فبتتعلق بالذاكره والمواقف تقوم تصحيها وتداعبك مره بالضحك ومره بالاستعجاب وهنا مثل لطفلة عز الدين الفحل (علا)
Quote:
وعندي بنتي ( علا ) دائما تقول لي ( يابابا انا ماشي معاك العمرة ) ونركب السيارة ونلف في كورنيش ابوظبي وفجاءة تقول ( انا ما عايزة كورنيش ابوظبي انا عايزة العمــرة ، العمرة ماما قالت في السعودية ). ويا ربي ما تحـــرم بيت من الاطفـال .
وياعز الدين الفحل الاطفال احباب الله وربنا يعلي ( علا ) ويحفظها تعرف يامنير انا اطفالي مدخلني مدرسة واحيانا بكون براي وبضحك عندما اتذكر مواقف وبجيك لقصصهم الجميله وبالصوره لما تضحك لذلك لما دكتور قناوي وخالد درق تكلموا عن التربية وكانهم يدقوا جرس الانذار لنوعية التربية المفروضه
الاخت العزيزة روما تحياتي واحترامي الحمدلله الواحد بالو بقي رائق والزحمة بتاعت الشغل شبه انتهت الفي صورة دا ولدي امير من مواليد روسيا وهو الآن بالصف الثاني الثانوي ولي ابنة آيات بالصف الثالث الاعدادي ( حبتين عند اللزوم ) شغالين بكلام الروس واحد شوية واثنين كتار تحياتي لك ولاسرتك الكريمة
10-20-2009, 01:25 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: من طرائف المواقف وانا في المدينة المنورة في رمضان الماضي كان معي ابني ايهاب ، وكل مرة ننزل من الفندق وبعد الانتهاء من الصلوات اسوق ابني ايهاب صوب باب السلام في المسجد النبوي الشريف ، و نفتش بين الوجوه لرفيق الدرب صلاح عباس فقير، فجاءة سالني ابني ( انت عارف شكله يا بابا ) ارد عليه افترقنا قبل ان ندخل الجامعة ، فيندهش الابن ايهاب من طول المدة ، وارد علي دهشته بالوفاء والعرفان لصداقة حسمها الاثير بالمس كولات والايميلات والعولمة الجارفة وهي سنة الحياة اجتماع وافتراق ..
تحياتي اخي عزالدين قبل سنتين كنت في العمرة ولمحاسن الصدف قابلت الاخ صلاح عباس في المسجد النبوي وكانت لنا لقاءات بعد ذلك اعدنا فيها كل الذكريات الخوالي . وزي ما بقولوا رزقا تكوسوا و رزقا يكوسك انا ربنا رزقني بلقاء الاخ العزيز الغالي الخلوق صلاح عباس وانت لازم تكرر الجية للمدينة مرة اخرى وان شاء تكون عمرة مقبولة وتقابل اخونا صلاح آمين آمين آمين تحياتي للجميع
10-20-2009, 01:34 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: اخي وليد وينك امس بالليل انت الايامو دي ماسكنك ولا شنو تحياتي
عماد عبد الله ملك الليل يا ريت يمسكونا اخوك امس في تمرين عجائز والجماعة عارفين في البيت اني مرضان كوره و يوم التمرين الواحد من غير مايشعر يلاقي نفسو دخل في عدة الكورة ومشي التمرين التقول مبرمج مره يازول الجماعة في البيت قصة الكورة دي ماعجباهم فقالت : ياخي كرهتنا بالكوره . ونظام عايزة تقنعني وكده بترك هذا البرنامج فقلت : هل يمكنك ان تريديني وتحبيني اكثر من امي فهي لم تستطيع اقناعي بل الفت لي اغنية تنقا تنقا تنقا وليد في كل كوشه تلقى .
Quote: الفي صورة دا ولدي امير من مواليد روسيا وهو الآن بالصف الثاني الثانوي ولي ابنة آيات بالصف الثالث الاعدادي ( حبتين عند اللزوم ) شغالين بكلام الروس واحد شوية واثنين كتار تحياتي لك ولاسرتك الكريمة
ربنا يحفظهم ويغطيهم من كل شر وفي السودان تجيب البت يقولوا ليك جيب ليها اخت وتجيب الولد يقولوا ليك جيب ليهو اخو يعني قصة حبتين عند اللزوم دي ماشغاله معاهم
---------------------------- الرياضه الان من اجل الحفاظ على الصحة والنشاط فأعملوا بها
10-20-2009, 01:20 PM
Adil Osman
Adil Osman
تاريخ التسجيل: 07-27-2002
مجموع المشاركات: 10208
Quote: وشكرا ليك يا عادل عثمان ربنا احميك انتا وكل المسلمين من مرض الكانسار وما يضوقوا لي اي زول
الاخت روما والله الواحد بيدعو ليك بالشفاء في كل صلاة وارجو من الجميع الدعاء للاخت روما بالشفاء اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك
10-20-2009, 01:41 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2664
Quote: عماد عبد الله ملك الليل يا ريت يمسكونا اخوك امس في تمرين عجائز والجماعة عارفين في البيت اني مرضان كوره و يوم التمرين الواحد من غير مايشعر يلاقي نفسو دخل في عدة الكورة ومشي التمرين التقول مبرمج
ولي يا حبيب انت زينا كده لقوا راسك قوي قنعوا من خيرا فيك قالوا يسيبوك على الله يمكن يهديك
Quote: الرياضه الان من اجل الحفاظ على الصحة والنشاط فأعملوا بها
يا ولي صحة شنو ونشاط شنو والله نحنا الواحد يتكسر لاينفعوا جبص لا ترمس ابعد من الشر وغنيلوا يوم الجمعة الماضية مشينا رحلة ولعبنا كورة لحدي الآن تعبان تقول لي صحة ونشاط تحياتي
10-20-2009, 02:03 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
عمدتنا تحياتي عبدون بقى بتاع تكتيكات وكان لابد في صيدلية السنجك وكنا ماشين كويس انا واخوي عادل بالصفحة وعادل قلب الصفحة لكن عبدون خشى كيف هذا هو السر وهو معترف باحقية عادل في الصفحة ولو عندو اعتراض انا بعدين بمشي للمستشار حسن طه ليحل النزاع تحياتي
10-20-2009, 03:00 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
العزيز منير دفعتك عصام قناوي يعمل بالسودان ، وله محل للإنتاج الفني بالصافية. وهو متزوج وله ولدين وبنتين ويسكن بقرب من منزل الأسرة بشمبات الأراضي. بمناسبة أخر لقاء لكم في زواج أخونا سيد أحمد صبير في الشعبية فقد كنت موجوداً في العرس في أحدى إجازات الجامعة وكانت تلك المناسبة أخر لقاء لي بأخي وحبيبي صلاح أبودية. هل تذكر واحد من دفعتكم أسمو حسن جدادة ؟. كان عصام يحكي لنا مشاغبات حسن جدادة في فصلهم ، وعلق في ذاكرتي منها أنو عمل مع شلة من المشاغبين مظاهرة في الفصل وكان يصيح جزء منهم : A man and a pan فترد البقية بأعلى صوت: A piece of cheese طبعاً عاملين مجتهدين وبيذاكروا. هل تذكر القصة ؟. والأخ حسن تعرفت عليه في سوق بحري وكان يبيع الدجاج.
أخي وليد هذا عشمي فيك وبخصوص سبب تحفظي علي ذلك الإختيار فأقول أنه لم يعجبني الكليب بأكمله . وزي ما قالوا حب الناس مذاهب. أرجوا ألا تشغل نفسك بالموضوع ، وأتمنى أن تواصل دون تحسس. ولن تستطيع (مهما إجتهدت) أن ترضي كل الأذواق. لك تقديري على تفاعلك الفوري ، وبما أنه لقب الفانتوم محجوز من زمن بعيد لأخونا عماد الطيب فما رأيك في لقب الميج أو الكونكورد ؟.
أخوكم أمير قناوي
10-20-2009, 08:22 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: أخي وليد هذا عشمي فيك وبخصوص سبب تحفظي علي ذلك الإختيار فأقول أنه لم يعجبني الكليب بأكمله . وزي ما قالوا حب الناس مذاهب. أرجوا ألا تشغل نفسك بالموضوع ، وأتمنى أن تواصل دون تحسس. ولن تستطيع (مهما إجتهدت) أن ترضي كل الأذواق. لك تقديري على تفاعلك الفوري ، وبما أنه لقب الفانتوم محجوز من زمن بعيد لأخونا عماد الطيب فما رأيك في لقب الميج أو الكونكورد ؟.
دكتور قناوي في كلامي معك قدمت ان لاتفهمني غلط وتفاعلي الفوري معك كنت عشمان ووجدت انسان ممكن اضع معه عمل في الطاوله ونناقشة وليس عشان اثبت لك اني فانتيوم او كونكورد وما وجدت منك إلا الاحراج وانا اعلم بأن حب الناس مذاهب و كما اعلم مهما اعمل لم نستطيع في الغناء ان نرضي كل الاذواق ياودقناوي البينا اكبر من كده على كل حال انا اسف على تفاعلي معك بسرعة وانت فهمت العكس . والله يادكتور زعل الناس مننا ما بنومنا اسبوع معقول انا اقصد زعلك ..
وهذه كانت مداخله لي معه في احدى البوستات
Quote: حبيبنا ابراهيم عبد الحليم الفكره جميله ماتقول ما اهتمينا بأمرك ولكن سمعت الشغل بتاعك وشفت الكليب وسمعت نفس الاغنية في قناة الشروق بالعود وتقربا بالعود اوضح لانها بتظهر امكانياتك وطبعا كل هذه الاشياه لازم الواحد ينسخها ونسمعها في استيديو المنصور بجده لان زي ماعارف الصوت في الكمبيوتر بيختلف كما تعلم بعدين ماتنسى في حاجه اسمها الاتجاه السلوكي وما عايزين نعلق تعليق الناس تقوم ترتكز عليه بس ياريت تنزيل ايميلك الخاص عشان نعلق وصوتك به ريحة الاستاذ ابوعركي البخيت
Quote: من: Ibrahim Ahmed ([email protected]) تاريخ الإرسال: 01/شوال/1430 01:19:17 م إلى: [email protected] 1 مرفق atfal.mp3 (4.1 ميغا بايت)
أخى وليد عيدك مبارك وأسرتك صدقنى لم أشاهد اللقاء أشكرك وفى أنتظارك يا جميل إبراهيم
Quote: العزيز منير دفعتك عصام قناوي يعمل بالسودان ، وله محل للإنتاج الفني بالصافية. وهو متزوج وله ولدين وبنتين ويسكن بقرب من منزل الأسرة بشمبات الأراضي. بمناسبة أخر لقاء لكم في زواج أخونا سيد أحمد صبير في الشعبية فقد كنت موجوداً في العرس في أحدى إجازات الجامعة وكانت تلك المناسبة أخر لقاء لي بأخي وحبيبي صلاح أبودية. هل تذكر واحد من دفعتكم أسمو حسن جدادة ؟. كان عصام يحكي لنا مشاغبات حسن جدادة في فصلهم ، وعلق في ذاكرتي منها أنو عمل مع شلة من المشاغبين مظاهرة في الفصل وكان يصيح جزء منهم : A man and a pan فترد البقية بأعلى صوت: A piece of cheese طبعاً عاملين مجتهدين وبيذاكروا. هل تذكر القصة ؟. والأخ حسن تعرفت عليه في سوق بحري وكان يبيع الدجاج
الاخ العزيز امير تحياتي على ما اعتقد المحل بتاع الاخ عصام اسمو سماح انا مشيت ليه في اجازتي الماضية ولكن للاسف لم يكن موجودا الاخ سيد احمد صبير دفعتنا وصاحبنا ومتزوج بت حلتنا بنت ناس البدري واخوه تاج السر الرجل الخلوق المهذب متزوج بنت جيرانا وحبايبنا اخت على خضر ( ابليس ) كبك وانا في الاجازة الماضية سجلت ليهم زيارة في منزلهم واعدنا الماضي وذكرياته اما يا امير فحسن جدادة دا حاجة تانية انه انسان رائع بمعنى الكلمة ظريف ووناس وطيب وكان فاكهة صف جنوب كان محبوبا من الجميع يمتاز بالقفشات مع الطلاب والمدرسين وكان من الفئة الطلابية العاملة معروف في سوق بحري مكان الجداد يبيع ويشتري ويوزع القفشات يا له من انسان اتمني ان اقابله بكل الصدق يا لروعة الماضي واتمنى ان اقابل الاخ الفنان حلمي حسن جاويش يا ما غنى لنا وغني وغني ايام جنوب كانت ايام لها ايقاع تحياتي
10-20-2009, 09:22 PM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
أخي وليد يبدو إنك فهمتني غلط. أولاً ظننت أن تقديمك للكليب بصورة هدية لنا نابع من إعجابك به وليس من باب طرحه للنقاش وإبداء الأراء فيه. ولم أشأ أن أقول صراحة رأيي في الشكل والمضمون حتى لا أجرح أحد . ومن مداخلتك مع الأخ إبراهيم عرفت أن أراءنا متطابقة في تقييم الموضوع. وبحكم أني لا أعرف من الرجل سوى أنه صديقك أكتفيت بالتلميح لعيب واضح في الكليب أشرت أنت له في مداخلتك مع الأخ إبراهيم. ولو سألتني دون مقدمات عن عمل ليس لك به أو بمن قام به صلة لأسهبت في الموضوع ، ولكني ظننت إعجاباً منك بالعمل فذكرت لك بالإشارة عدم إقتناعي بالشئ وقلت أن حب الناس مذاهب.
أما بخصوص شكري لك لسرعة التفاعل والرد فلم أقصد إلا ماقلت. وهذه من الأشياء التي تعجبني فيك. فعندما تخاطب أنسان وتجده قد سارع بالرد مباشرة أو بعد مداخلة أو أثنتين فذلك يعطي شعور بإهتمام الأخر بما تكتب. وأتمنى بصدق أن أكون في مثل نشاطك. وأنت لست في حاجة أن تثبت لي إنك كونكورد فهذا رأيي ولم أرد به إلا مدح سرعة التجاوب. لا تزعل وإن شاء الله البينا عامرة . نم يا وليد نوم قرير العين فليس في قلبي لك إلا خالص الحب . والمرة الجاية سوف أعطيك رأيي صريحاً لا يقبل التأويل. لك ودي الصادق.
أخوك أمير قناوي
10-20-2009, 09:42 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: نم يا وليد نوم قرير العين فليس في قلبي لك إلا خالص الحب . والمرة الجاية سوف أعطيك رأيي صريحاً لا يقبل التأويل. لك ودي الصادق.
ود قناوي ولك قدر كبير من الحب ياود الحبيب والراي الصريح وجميل لايفارق قلمك لذلك نترقبه سلبا كان ام ايجابا حتى نستطيع فك شفراته ويكون داعما لنا في تقدير بعض الاشياء
10-20-2009, 09:53 PM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
أولاً أرحب بك وأشكرك علي المداخلة العميقة التي بدأت بها إطلالتك. وأتمنى أن أقرأ لك المزيد في هذا البوست. فهذا الأسلوب المتسامح ، الهادئ في طرح فكرة كبيرة ، وهذا الحماس للوطن وهذه الغيرة عليه وعلى مستقبله ينبعان من حب جارف نشاركك فيه دون تحفظ وينبئان عن عقل مستنير نغبطك عليه. ولشد ما أعجبني قولك بحرارة وغيرة:
آخ،،، لو وظفنا هذه الروح لجمع الشمل وإنقاذ سوداننا، الذى يغوص فى الوحل. ننقذه حتى تدوم لنا هذه المودة والحرارة الأنسانية قبل أن يضيع معشوقنا السودان إلى الأبد.
أما بخصوص العائلة التي ذكرت من الختمية فلم أتعرف غير على إسم قناوي ، ولا أستطيع أن أدلي لك بقول فصل في الموضوع. أصولنا من المحس من جزيرة بدين في شمال السودان. أخوك أمير قناوي
10-20-2009, 10:35 PM
Munir
Munir
تاريخ التسجيل: 02-11-2002
مجموع المشاركات: 10496
صباح الخير احبابى فى الشعبية .. ياجماعة قلب الصفحة دى الفضل فيها يرجع لى اخوى عادل عثمان الله يديهو الصحة والعافية لكن بما انو انا كنت متعود على اللعب الخشن قمت جيت جمب عادل اخوى والحكام ماشايفين حاجة واديتو دفرة خفيفة كدة يعنى ياجماعة الحكم ماشافها وماصفر .. اوكى خلاص اعترفنا عملنا خيانة .. خلاص توبة ..
10-21-2009, 05:50 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
دكتور امير بدين دى عندنا فيها أهل لكن اخوك زيك كدة تربية خرتوم ..
أها برضو الوالدة ووالدة اخوى شكوكو كانن فى البلد صاحبات وفرد طبعا الكلام دا فى زمن ملامحه بعيدة بالنسبة ليهن وانا لن انسى فى يوم مشيت ليهم فى البيت لتوجيه الدعوة ليهم فى مناسبة زواجى والكلام دا طبعا كان بحسب صداقتى وزمالتى للاخ شكوكو ولم يكن على بالى اى شىء آخر ولكن اذكر لما دخلت البيت وسلمت على والدتهم قام الاخ عماد بتعريف والدتهم وانو نحن من منطقة كرمة البلد وهنا بدا الاهتمام على الحاجة وقعدت تسأل اهلك منو من ناس كرمة وسؤال مع سؤال الى ان جاء ذكر الوالدة وبعد شوية اشوف الحاجة دموعها جارية وقامت من الاول هاك ياسلام واحضان وبوس وحاجات زى كدة ..
عايز اقول انو اهلنا فى الشمال يمتازوا بالحنية الشديدة والطيبة الفايتة الحد .. يارب ناس الزمن دا فى البلد برضو بيحملوا نفس الصفات؟
10-21-2009, 05:51 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
يا راحلين إلـى منـى بقيـادي *** هيجتموا يوم الرحيـل فـؤادي سرتم وسار دليلكم يا وحشتـي *** الشوق أقلقني وصوت الحـادي وحرمتموا جفني المنام ببعدكـم *** يا ساكنين المنحنـى والـوادي ويلوح لي مابين زمزم والصفـا *** عند المقام سمعت صوت منادي ويقول لي يانائما جـد السُـرى *** عرفات تجلو كل قلب صـادي من نال من عرفات نظرة ساعة *** نال السرور ونال كل مـرادي تالله ما أحلى المبيت على منـى *** في ليل عيد أبـرك الأعيـادي ضحوا ضحاياهم ثم سال دماؤها *** وأنا المتيم قد نحـرت فـؤادي لبسوا ثياب البيض شارات اللقاء *** وأنا الملوع قد لبسـت سـوادي يارب أنت وصلتهم صلني بهـم *** فبحقهـم يـا رب فُـك قيـادي فإذا وصلتـم سالميـن فبلغـوا *** مني السلام أُهيـل ذاك الـوادي قولوا لهم عبـد الرحيـم متيـم *** ومفـارق الأحـبـاب والأولاد صلى عليك الله يا علـم الهـدى *** ما سار ركب أو ترنـم حـادي
يا راحلين إلـى منـى بقيـادي *** هيجتموا يوم الرحيـل فـؤادي سرتم وسار دليلكم يا وحشتـي *** الشوق أقلقني وصوت الحـادي وحرمتموا جفني المنام ببعدكـم *** يا ساكنين المنحنـى والـوادي ويلوح لي مابين زمزم والصفـا *** عند المقام سمعت صوت منادي ويقول لي يانائما جـد السُـرى *** عرفات تجلو كل قلب صـادي من نال من عرفات نظرة ساعة *** نال السرور ونال كل مـرادي تالله ما أحلى المبيت على منـى *** في ليل عيد أبـرك الأعيـادي ضحوا ضحاياهم ثم سال دماؤها *** وأنا المتيم قد نحـرت فـؤادي لبسوا ثياب البيض شارات اللقاء *** وأنا الملوع قد لبسـت سـوادي يارب أنت وصلتهم صلني بهـم *** فبحقهـم يـا رب فُـك قيـادي فإذا وصلتـم سالميـن فبلغـوا *** مني السلام أُهيـل ذاك الـوادي قولوا لهم عبـد الرحيـم متيـم *** ومفـارق الأحـبـاب والأولاد صلى عليك الله يا علـم الهـدى *** ما سار ركب أو ترنـم حـادي
كيف اصبحت ، نعم اجمل هدية لكل الاخوة في حوش الحاج حمد الوارف الظلال في ارض المهجر وفي السودان الحبيب . اللهم بلغنا تلكم الديار الطيبة ، ويلوح لي ما بين زمزم والصغا سمعت صوت منادي . اخي عابدون اصدقك القول انا ارتجف كالمرجل وعرفات تدعو كل حادي . صلي عليك الله يا علم الهدي .
عزالدين عباس الفحل ابــوظبـي
10-21-2009, 07:42 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: رجعت القريبة وتاني يوم بتحكي لبعض من لم يحضرن المناسبة عن الحفلة وعن عدد الحاضرين.
انتو كان شفتو الناس ... ملوينين ..... مليونين شنو الفين.
الحاجة تحكي وتضحك ونحن نضحك معها.
ود البوب ياخي الناس دي جميله بالبساطه وعفويتها في مره من المرات يظهر كان في ونسه كاربة بين حجه عشة وحجه نفيسة وامتدت من السوق الى قدام البيت وطبعا كالعاده وانا جالس تحت الشجره فكان حوارهم حجه أشه : حجه نفيسي انتو مالكم ومال العربي تتكلموا بيهو انت و فاطمة (ام المرحوم خاطر ) في السوق حجه نفيسي : والله يا اشه انا العربي بتاعي بالنسبة لفاطمه امريكا جاااااااااااااااااااااااااااااااااااااااااااك ضحكت فقالوا لي : قوم ياعاطل امشي جيب كورسين وتعال وجلسنا ثلاتنا تحت الشجره وواخوكم ميت من الضحك لان كنت بفهم كلامهم بالرطانه اكثر من مفرداتهم العربية .
ولهم اسكدشات كثيره
والله ياود البوب حجه عشه وحجه نفيسة اليوم اليقولوا ليك نحن مهندسات بعد كده تعال شوف يابيت الشعبية جاك شغل وتكسير الله يديهم العافية بس ويطول لينا في عمرهم ولكل امهاتنا واباءنا بالشعبية ويرحم موتانا منهم ويسكنهم فسيح جناتية يارب .
اخي عزالدين الفحل ياخي يديك العافية والفي مرادك نتشكرك على مدحة شيخ البرعي وياريت تشوفوا لينا المدحة دي بصوت حنان النيل وتتحفونا بيها
Quote: تعرف يامنير انا اطفالي مدخلني مدرسة واحيانا بكون براي وبضحك عندما اتذكر مواقف وبجيك لقصصهم الجميله وبالصوره لما تضحك لذلك لما دكتور قناوي وخالد درق تكلموا عن التربية وكانهم يدقوا جرس الانذار لنوعية التربية المفروضه
يامنير من زمان قليبي رهبف وما بقدر على الهبباي بطبعي كنت بحب اطفال الحله احبهم جدا والاطفال عامه يالله فعلا طيور الجنه ... لذلك اطفالي لما اعاقبهم ببكي معهم من الداخل هاك القصة دي في مره من المرات ونحن نجالس ضيوف لنا فجأة عم البيت صمت رهيب وسكون لا يوصف بعد ان كان يهتز من الضجيج فقدنا صغيرتنا لجين (لولو) صراحه خفنا شديد وقلنا امكن تكون فتحت الباب وطلعت ولو ان طريقة فتح الباب ليها صعبة جدا ومع البحث المتواصل تقوم شقيقتها اسيل تجدها داخل الدولاب نائمة ومفترشة الملابس فهاك المنظر بالصورة
لولو ضاربه النوم جوه الدولاب
اسيل شرطة البيت تجد اختها بعد مشقه (التقول لاعبين دسوسية ) شفت المناظر يامنير لذلك تجدني مرات اضحك عند تحريك المواضيع عن الاطفال في البوست
Quote: : تعرف يامنير انا اطفالي مدخلني مدرسة واحيانا بكون براي وبضحك عندما اتذكر مواقف وبجيك لقصصهم الجميله وبالصوره لما تضحك لذلك لما دكتور قناوي وخالد درق تكلموا عن التربية وكانهم يدقوا جرس الانذار لنوعية التربية المفروضه
يامنير اما في كلمات تدهش لها ويوقولوا ليك لوسمحت ممكن عندي فكره انت ملاحظ الوحل ياخي كلمات ماتعاملنا بها إلا في الثانوي العالي (بس ربنا يحفظ كل الاطفال ) تجدني اندهش لهذه المفردات واضحك والله مرات لغة عربية عديل كده ابي اين تذهب هيا فعلا يادكتور قناوي الزمن تغير مع تغيير وسائل الاتصال والمعرفة ولذلك لازم نطور من نوع التربية
لولو تحت العقاب شايفين الدموع و(نزلت السيمحات زي ماقال اخونا العربي )
ونرجع تاني نطيب خاطر لولو لان لها ذاكرة الحمد لله قوية وما ممكن تنسى العقاب بالساهل واحيانا تقول ليه يابابا انت قرصتني في السوق الفلاني انت ما بتحبني اها الكلام ده بيوجعني في مصاريني (صراحة ياقناوي الاطفال عايزن دكتور داخل البيت متخصص تربية )
ونقوم نحول الجو للمرح واللعب ونرجع في اعمارهم وهم يبادلوك الحنية
شايف يادكتور قناوي الجانب هذا يعني التربية بالزات في بلاد الغربة صعبة جدا لي التصاق الاطفال بالوالد اكثر
----------------------- طبعا اليوم الاطفال بيشوفوا صورهم دي وبيكونوا اسعد ناس
الاخوان والاخوات تاني رجعناكم لمواضيع التربية وعايزين الناس تتطرق لهذا الموضوع بصورة اشمل واعمق حتى الناس تستفيد من خبرات الناس وحسب ثقافتهم في هذا المجال وحسب تتطور العلم وتتطور الاجيال وفرق التربية في السودان وخارجه واشوف الكثير منكم يمكن ان يدلو بدلوه
عزام فرح حافظ جدول الضرب
10-21-2009, 02:58 PM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
كنت مندمج جدا وانا اقرا مداختلك مع الغالية لجين و باعلي مراتب الدهشة حتي وجدتها داخل الدولاب و سررت ايما سرور وحمدالله كثيرا بسلامة الموقف .
** عقاب لجين الامورة ( علا )ابنتي انزعجت لعقاب لجين عندما رات دموعها كحبات اللؤلؤ النثور عليخدها الشريف وقالت لي ( يابابا ما كان عمو ( وليد ) ما يديها شيس وخلاص او ما تشوف رسوم توم وجيري وبس ). ** والحمد لله يا وليد انا ابدا لا اميل الي اسلوب الضرب ، كفاية ضربونا في العصر الحجري ..
النبي فيك ولو بتعز ربنا تاني ما تزعل لولو دمعتها قطعت قلبي لاني شفتا بتبكي حسه في ملاك زي دي بيزعلوه
و علىها كمية من البراءة وهي نايمه في الدولاب اتخيلتكم وانتو بتفتشوا وهي ولا عليها نايمه في سلام يا حليلهم يا وليد الله يخليهم ليكم وتشوفهم عرايس وتشيل اولادهم
عارف يا وليد والشهادة لله انتا من ما كنتا صغير كنتا حنين مع المرحومة الله يرحمها وكانت علاقتكم اكتر من علاقه اخ واخته كانت بتك وكنتو اصحاب اكتر من انكم اخوان
وباتذكر يوم ما علمتها العزف وكيف كانت المرحومة بتنتظرك لما تتاخر في الكورة وما بتشرب شاي المغرب الا انتا تجي عشان كدة ربنا عوضك بي البنات عشان يزكروك بي حنيت المرحومه رحاب
لانك جنتل مع اخواتك وراقي عشان كدة ربنا اداك الوردتين ديل النبي يا وليد ما تزعلهوم عليك الله ورحمة رحاب يا وليد لولو دمعتها حرقتني شديد
قريت كلامك عن حجة عشه وعن نسيبتكم والدة المستشار حجة نفيسه الله يطول في عمرهم ويدهين العافية امهات يصعب الجود بمثلهن عظيمات وربوا اولاد وبنات نفتخر بيهم ونحلف بي حياتهم
تسلم ايدك على البوست الكتبتوا وما لحقنا عليه وعجبتني ردودك الله ما سكت ليك حس يا وليد
سلم لي على ام البنيات وعلى اسيل ولولو ما بعرف محسسني انك شغال في الام بي سي ولا روتانا لانو اسماء بناتك اسيل ولجين زي لجين عمران واسيل عمران اختها ان شاء الله تشوفهم اكبر منهم
ويكونوا من البنات البارات بيكم وفي اعلى المراتب
روما
10-21-2009, 03:57 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
أخوي وليد أوعك تكون شغال بأسلوب الضرب مع البنات. ياخي الأسلوب ده بينفع مع قلة نادرة من الأطفال. وتعرف إني بيصيبني إكتئاب لما أضطر لإستخدامه. ومرة وأنا في الطريق للعمل تذكرت أحد هذه المواقف وأنا سايق السيارة ونزلت دموعي وبكيت حتى بقيت ما عارف أسوق. التربية صعبة والتحكم في النفس عند الغضب أصعب . وقد قال الصادق الأمين (ص): ليس الشديد بالصرعة ، ولكن الشديد من يملك نفسه عند الغضب. الأطفال مرات ملائكة في برأتهم وأحياناً شياطين في لؤمهم. وهنا تكمن المعضلة. وعلينا أن نحاول الموازنة في التعامل معهم حتى نوصلهم بر الأمان ، دون إفراط أو تفريط. وصدقني مرات بقول لنفسي ياريت أبقى زي أبوي (رحمه الله) في عفوه وتسامحه معنا رغم أعمالنا الشيطانية في طفولتنا. وأظن وجودنا في الغربة وخوفنا من التقصير في تربية أبنائنا بيخلينا مرات ندي الأمور وزناً لا تستحقه. أدعو الله لنا جميعاً أن يوفقنا للإعتدال في هذا المجال الصعب. تحياتي لورديتك البريئتين ولأمهم. أخوك أمير قناوي
10-21-2009, 04:11 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ** عقاب لجين الامورة ( علا ) ابنتي انزعجت لعقاب لجين عندما رات دموعها كحبات اللؤلؤ النثور علي خدها الشريف وقالت لي ( يابابا ما كان عمو ( وليد ) ما يديها شيس وخلاص او ما تشوف رسوم توم وجيري وبس ). ** والحمد لله يا وليد انا ابدا لا اميل الي اسلوب الضرب ، كفاية ضربونا في العصر الحجري ..
اخي عزالدين تخيل لما شافت صورتها بتبكي في البدايه فرحت ووقالت انا ببكي وبفرح وفي اقل من ثواني تغيرت ملامحها وبزعل قالت انا ما بحبها فمررت الصوره بسرعه وغيرتها بواحده اخرى وفرحت وربي يديم الفرحه في الاطفال وبالله سلام وسلام شديد مع بوستين في احلى خدين (علا)
10-21-2009, 04:21 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
Quote: عارف يا وليد والشهادة لله انتا من ما كنتا صغير كنتا حنين مع المرحومة الله يرحمها وكانت علاقتكم اكتر من علاقه اخ واخته كانت بتك وكنتو اصحاب اكتر من انكم اخوان
وباتذكر يوم ما علمتها العزف وكيف كانت المرحومة بتنتظرك لما تتاخر في الكورة وما بتشرب شاي المغرب الا انتا تجي عشان كدة ربنا عوضك بي البنات عشان يزكروك بي حنيت المرحومه رحاب
اخخخخخخخخ روما اخ حبي .. رحوبة .. رحوبتي وهي ليس كثيرة على الخلقها كم تمنيت ان يكون لي اخ اصغر مني فقلت ربنا عوضني برحوبة وهل تذكري عندما كانت تلعب الكره الطائرة وحبت كرة القدم لاني كنت احبها وكانت تقول لي نفس لقب اولاد الحله في البيت (البرتيني ) وحتى لما تراسلني لازم تكتب (البرتيني ) فكانت عند امتحاناتي في الجامعة تسجل لي كل المباريات المهمه في كاس العالم حتى اعود من المذاكره واشاهدها حتى هي تعرفت على كل لاعبي كاس العالم وبأسعارهم في السوق .. وهل تتخيلي ممكن مليون طفل لي يسدون مكانتها والحمد لله على كل شي وربنا يحفظنا ويحفظكم والله يرحمها ويغفر لها حبي .. رحوبه .. رحوبتي
10-21-2009, 05:57 PM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
أمل .. وكان عمرها خمسة أعوام ..لكن تانى حرمت أرفع يدى
ياشمس الدين انت عارف انا ما بقدر اضرب الاطفال لكن احيانا الاطفال بيكرروا اشياء ممكن تأزيهم . اقوم انهرهم نهرتين كده يبكوا اطفال حناكيش ديل ما شافوا زمنا الشارع هو البربيك اليوم كله كبار الحلة دا غلط دا غلط والله انا متذكر والدي رحمة الله علية ضربني مره واحد فقط . يا شمس الدين احيانا العقاب واجب للاطفال ولكن بيأثر في نفسياتي شديدجدا .
10-21-2009, 09:17 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وعلينا أن نحاول الموازنة في التعامل معهم حتى نوصلهم بر الأمان ، دون إفراط أو تفريط. وصدقني مرات بقول لنفسي ياريت أبقى زي أبوي (رحمه الله) في عفوه وتسامحه معنا رغم أعمالنا الشيطانية في طفولتنا. وأظن وجودنا في الغربة وخوفنا من التقصير في تربية أبنائنا بيخلينا مرات ندي الأمور وزناً لا تستحقه. أدعو الله لنا جميعاً أن يوفقنا للإعتدال في هذا المجال الصعب. تحياتي لورديتك البريئتين ولأمهم.
ود قناوي احيانا الواحد ينتابه احساس غريب جدا ويقول الاطفال خارج وطنهم في حد زاته عقاب لهم ومحرومين ومحبوسين بين اربعة حيطان ولكن كلامك مظبوط في اشياء لابد منها وربنا يصلح الحال
10-21-2009, 09:45 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: أخي عماد عثمان ما أسعدنا بقلمك المبدع’ وما أعظم عرفاننا بتوثيقك الراقي . نرى كتاباتك فنكبر هذا الاجتهاد وهذه الجدية . ولو علمنا أنك تتقاضى عليها أجراً مانقص ذلك من عرفاننا وتقديرنا شيئاً ’ فكيف بنا وقد علمنا احتسابك لها عند الله . لا نملك الا أن نقول أثقل الله بها ميزانك يوم الحساب .
أخي الاديب أمير قناوي
اعطيتني اكثر من مااستحق واخجلت تواضعي بكلماتك الطيبات والتي
ستكون خير معين لي انشاء الله .
لك كل الود
10-21-2009, 09:52 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: عماد عبد الله ملك الليل وينك ياخي انت ما قلت فرجت خلاص
ولي يا حبيب انا موجود وراسي ملان ولازم اجود واوري الناس الشئ الدايرنوا او المفقود كنت غاطس في منتدي تاني يا دوب جيت مارق منو وقلت ارجع لاحبابي الحلوين تحياتي
10-21-2009, 11:52 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: عابدون الخاين الله بخونو. ههههه. عماد عبدالله ضبطك متلبسآ بالدفير واللعب غير القانونى.
اعزائي عبدون وعادل تحياتي واحترامي طبعا لابد انو التحكيم يكون نزيه وعبدون قال الصفحة دي بضراعو بيقلبها بدون اي خيانات وانا وانت يا عادل وابو محمد فؤاد حكام والمتنافسين شمسي وعبدون يعني صراع دامي تحياتي لكم
10-22-2009, 00:20 AM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
رجعت بنا الي زمان نضير يا عادل،فبعد القضاء علي فطور الجمعة وعادة بيكون فطور مترع بالطيبات والانعام،وليس مثل الافطارات بتاعت بقية الاسبوع،كما اشارات روما في احدي تدخلاتها. بعد الانقضاء من تلك الوجبة الدسمة،الي التلفزيون مباشرة،لمتابعة برنامج جنة الاطفال،فبعض الاحيان لا نغسل ايادينا،حسب تشويق الحلقة وهناك من يذهب لمتابعة الحلقة مباشر بالاستديو،فهمي شقيقي من اؤلئك يعني لديه تسجليين بالتلفزيون،احدها لبرنامج الاطفال،والاخر لحفلة مع نور الجيلاني الثالثة ويدخل موسوعة جينس،في عدد المتابعات. نرجع لمسابقتك،مقطع الفيديو،شعار لبرنامج جنة الاطفال. وعبرك احيي الاخ:عمر عبد الرحمن،وبكري،وشقيقتهم امل،لانهم شاهدنهم مرتين،بالتلفزيون،ومره كاكائنات حية بيننا.
تسلم عادل.
10-22-2009, 00:52 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22554
Quote: وجينا ماشين للبيت وهي ما هاميها انها حفاينه بقدر ما كانت فرحانه انها ادت زول شي ودخلت بيتكم وفتحت دولابها وشالت ليها كيس ختت فيه هدوم من هدومها ورجعت تاني شارع المدارس ادتو للولد والبت
والله، واضح إنو رحاب دي كانت عجيبة! نسأل الله أن يتقبّل منها! ومع عماد أدعو وندعو لها:
قرات لك مداخلتك مع ناس شكوكو وكيف انو والدة شكوكو كانت صديقة لولدتكم ، وانت محق فعلا والدة ال شكوكو امراة رائعة جدا وحنينة لابعد الحدود وانا كثيرا كنت ازورهم في البيت بحكم انو الدكتور عادل شكوكو صديق قديم من ايام الطفولة ، وكنت اجد الاحترام والتوقير من والدتهم وكل من في البيت رغم انني ازورهم يوميا ونجلس قدام البيت تحت الشجرة وهاك يا ونسة وضحك والحقيقة تقال كل ناس ال شكوكو ناس رائعين وبشوشين ، واخوهم مصطفي كان صغير جدا كنت اجد متعة في الونسة معه وهو دفعة اخي الدكتور علي عباس الفحل كانو في صف واحد ، ووالدهم محمد عبدالدائم راجل حبوب ، ولا انسي يوم استاذنته ان يذهب الاخ عادل شكوكو معي الي مسقط راسنا في كبوشية ، فما كان منه الا ان رحب بالفكرة دون تردد وكنا نحن صغار في السن وبالفعل ذهب معي الدكتور عادل شكوكو الي كبوشية وجلسنا هناك قرابة الشهر ، ولا يزال اهلي واولاد خالتي الي الان يذكرون الاخ الدكتور عادل شكوكو بكل خير ( الاخ عادل موجود في الامارات )، فهم بحق اسرة علي قمة الادب والاحترام ..
ادام الله الصحة والعافية
عزالدين عباس الفحل ابـوظبـي
10-22-2009, 06:21 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
Quote: والحمد لله يا وليد انا ابدا لا اميل الي اسلوب الضرب ، كفاية ضربونا في العصر الحجري
أضحكتني يا عز الدين! وطبعاً عز الدين في حلقاته الأولى من مسلسل مدرسة الشعبية جنوب الابتدائية، كان واضح أنّ صدى صوت الكفوف لا يزال يرنّ في أذنيه! الأمر الّذي انعكس على ما سجله في الحلقات الأولى! ولكن بعد ما أشار إليه الدكتور أمير منبهاً إلى الأوجه الأخرى، لم يعد يقف عندها كثيراً لكنه شيء لا يُنسى، هذا رغم أن عز الدين كان من التلاميذ النابغين والمؤدبين! وكان قليلاً ما يتعرّض لشيء من ذلك، ولكن صراحةً ولو كف واحد في السنة كلها، تأثيرو شديد في النفس، ...
10-22-2009, 06:32 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الاخ / عادل عثمان لك الود وانت تتحفنا كل مره بشى جميل
حل المسابقة الاغنية كانت تقدم فى برنامج جنة الاطفال يوم الجمعة من كل اسبوع الساعة 10 صباحاً وياله من ايام ( ياجنه خلاص اتلمنا ) مشكور الاخ عادل على الزكرة الحلوة
ولكم الود
اخوكم خالد درق ... دبى
10-22-2009, 06:22 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
ربنا يديك الصحة والعافية يا طيبة المعشر ، وانت حريصة ان تخاطبي كل من في البوست من الاخوة الاجلاء خيار ابناء الشعبية فلمست فيك حسن الخلق وطيبة القلب وربنا كمان يكتب ليك الحج هذا العام وزيارة المصطفي عليه افضل السلام .
عزيزي الفاضل وانت تعرف معني كلمة ( عزيزي ) عند اخوانا المغاربة ، ارجو ارسال رقم الهاتف وصورة حديثة منك عن طريق الايمل علي وجه السرعة ، وكذلك عنوانك في المدينة المنورة ..
مع خالص الاحترام
عزالدين عباس الفحل ابــوظبـي
10-22-2009, 06:32 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
[[B]green] الاخ الفاضل عادل عثمان الاخ منير عبدالرحيم
حياك الله
يا جماعة سالتكم عن الاخ كمال الخضر هل هو ذلك الخطيب البارع في الجمعيات الادبية في مدرسة الاميرية( 2 ) وكان دائما يخطب في الطابور وكان نابغة في اللغة الانجليزية.
مع خالص الاحترام
عزالدين عباس الفحل ابــوظبـي
10-22-2009, 06:36 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
ياباشمهندس عز الدين صبحك الله بالخير .. فعلا ناس الشمالية دائما تجد عندهم الحنية الزايدة .. بخصوص سؤالك لى منير اعتقد انه منير اتكلم عن كمال الخضر واذا ما كان منير اعتقد انو صاحبى شمشى المهم فى كلام لى ورا عن كمال الخضر ..
10-22-2009, 06:37 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: الأطفال مرات ملائكة في براءتهم وأحياناً شياطين في لؤمهم. وهنا تكمن المعضلة. وعلينا أن نحاول الموازنة في التعامل معهم حتى نوصلهم بر الأمان ، دون إفراط أو تفريط. ... وأظن وجودنا في الغربة وخوفنا من التقصير في تربية أبنائنا بيخلينا مرات ندي الأمور وزناً لا تستحقه.
شكراً يا أمير، والله معنى السطر الأول من كلامك ده، فعلاً حاجة الواحد بلاحظها بوضوح! لكن ما بتجرأ يعبر عنها، أو ما بقدر يتصورها، وفي النهاية بحاول يدفعها إلى مكانٍ قصيٍّ من وعيه! لكن، زي ما قلت: الواحد يجتهد بدون هم شديد، أو بعبارة أخرى: الواحد ما ينسى أنو الأمر في النهاية في يد الله عزّ وجلّ، يعمل العليه، ثم يتوكل على ربنا، وهو رب العالمين، يعني مربيهم وهاديهم وكدة... أنا شايف الكلام في هذه الصفحة عن التربية كتر، وما شاء الله في ا هتمام كبير من الجميع، وبهذه المناسبة شوفوا المداخلة الجاية:
10-22-2009, 06:44 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
(ومن ناحيةٍ أخرى! يا دكتورة روما) بعد اللقاء الحار بينك وبين إخوانك في الشعبية الإسفيريّة، وماضي الذكريات الجميلة، خلينا نعيش في اللحظة الحاضرة، ونواجه، وكل واحد فينا يواجه: تحدياته الكبيرة، بحسب تفاصيل خريطة شخصيّته وحياته، وطبعاً، العلم مفيد جدّاً في ضبط الأمور كلها، و(هذا الأمر) من أكثر العلوم التي تضبطه: (علم النفس)! وقد سرّني أنّ تخصُّصك (علم نفس)، إذن، في هذه السانحة يتجدد ترحيبنا بك مرة أخرى باعتبارك دكتورة في علم النفسَ ونتيح ليك الفرصة، تقدمي لإخوانك ما قد يفيدهم، ويريل العقبات عن طريقهم! فهلا!.؟ وليكن ذلك من خلال الأسئلة والتّساؤلات المختلفة من الإخوة الأعزاء! وأنا حأبدأ بطرح سؤالين: 1- عماذا كان تخصصك أو بحثك في الماجستير؟ 2- وعماذا كان بحثك في الدكتوراة؟
10-22-2009, 06:47 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
كيف اخبارك يا عماد واخبار اسرتك وكمان ناس السودان ، وانا متابعك بكل اهتمام واقرا لك كل ما تكتبه ، لكن لضيق الزمن عندي كثيرا اعجز عن الرد وهذا حالي مع كل الاخوة في البوست الطيب ، والاخبار عندي في دنيانا مقطوعة الا عن طريق الموبايل والنت فقط ، شوف كيف تغيرت الاحوال في قوالب مطبخ العولمة وادوات الطباخة السريعة من نت و موبايلات ومس كولات وفضائيات وايميلات سحرية تنقلك الي الافاق وتعبر بك البحور والشلالات والوديان ، عالم غريب بتوم اند جيري ورسوم متحركة كالشياطين ، عالم ساداته الفقراء ..
مع خالص الاحترام
عزالدين عباس الفحل ابــوظبـي
10-22-2009, 06:57 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
الشيخ سيد احمد انا عارف من زمان مافي حرية راي في المنبر وكلها شعارات وهمية وما دخلنا هنا إلا عشان الشعبية يازول انعصر في الشعبية وخليك من الناس البره وانا حاولت اشارك في بوستيك ووجدته مغلق وبعدين ماتنسى دينق العنصري لا تقف امامه ده مرفوع اللوم عنه في المنبر ومتشبك مع اي واحد
10-22-2009, 07:28 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
بتتذكروا يا جماعة ماما امينه وجدو شعبان وجحا والسنينه وبريقع
لما سمعتا الشعار عدتا بالذاكرة الى ايام جميلة ذكرك الله بالشهادة يا عادل عثمان واتذكرتا استاذنا محمود حسن سرور
لانه كان ولا يزال علم في هذا المجال عارفه انكم مرة وثقتوا ليهو واحب اضيف انه في مرة استاذ محمود حسن سرور
كان لمانا كلنا ودربنا على اغنيه بمناسبه رمضان عشان نقدمها في جنة الاطفال
كان في محمد عبد الرحيم الحوري ودا ود عم ناس فيصل الحوري محمد دا صوته كان جميل جدا ومعانا في الاغنيه مروة بت اخت الاستاذ محمود سرور
وداليا بت خالتي هدى وديل سكنوا الشعبيه في البيت المواجه للخور لصق ناس حجة حكمو الله يرحمها بيتهم الناصيه وعانا سوسو خالتها يعني اخت خالتي هدى
ومعانا برضو مودة بت اخت ناس عادل سكر واميمه اخت ناس بابكر وعمر في شارع الخور بيتهم جنب بيت ناس خالتنا شتله عمت شمس الدين ساتي
ناس اميمه دي كانوا من العيلفون اهلهم وعندها اختها اسمها ماجدة
وبدينا البروقات والنشيد كان مطلعه
مرحب بيك حبابك عشرة يا رمضان
البشوفك انتا سعيد وقلبو بي ايمانو يذيد
ذكر المولى في ترديد والفرحه الكبرى يوم العيد
واتدربنا كل يوم بعد الفطور بالصباح نمشي ونقعد في برندة ناس عمنا سرور العامرة واستاذ محمود يعزف على العود واحنا نغني ونتدرب
لنشيد كان الصولو فيه محمد عبد الرحيم واحنا الكورس
وقبل الحلقة بي اسبوع استاذنا محمود سرور جاب ليهو بوكسي كاشف ( برينسه ) وركبونا كلنا وودونا نشوف جنة الاطفال عشان نكون مستعدين ومشينا
اول مرة في حياتنا التلفزيون ما عدا مروة لانها كانت بتمشي مع استا محمود وبقت هي السينيار علينا طبعا ما نمتا لانو ما مصدقة انو بكرة ح امشي واحضر جنة الاطفال
ويومها ما خليت لي فرحة ما فرحتها لانو شي كبير في زمنا وكل العيال كنا على سنجة عشرة مرتبين وطلعت لبسات العيد وجزم العيد
المهم وصلنا مبني التلفزيون ودخلونا وشفنا حلقة من حلقات جنه الاطفال وكانت تجربه جميلة اننا نشوف كاميرات ومخرج ونشوف ماما
امينه الشهادة لي ربنا الست دي كانت فعلا ام وهي البتشرف على حاجات كتيرة وقبل الحلقة كانت بتسلم على كل الاطفال وشفنا الاستاذه ايناس الحسا هي مذيعة
وجدو شعبان وجو وسلموا على استاذنا محمود الكل كان بيتكلم مع استاذ محمود حسن سرور بي احترام ومعرفة وشفنا جحا والعيال لما شافوا حجا بقينا نغني
حجا حجا حجا يا حجا سوق السنينية وفسحا
حجا حجا حجا يا حجا الحق صلعة ومسحها
ويبدا حجا في الفقرة بتاعته
وطبا ما يفوتكم لما الكاميرا بتمر علينا نهز يدنا يعني بنسلم على ناسنا الفي البيوت ونبراي الكاميرا وين ما بتمشيبي عيونا
كان يوم جميل واستاذ محمود عزمنا كلنا كركدي وفي الاسبوع البعده مفروض نمشي نسجل النشيد استاذ محمود مرض بالملاريا وما مشينا التسجيل
لكن النشيد سجلوه لرمضان الجاي بس ما سجلناهو نحنا سجلته مجموعة تانيه من عيال الحله
التحيه لي استاذنا محمود سرور الرجل الفنان الطيب الدائم الابتسام والتحيه لكل ناس سرور العائله المحترمه المشهود ليهم بالطيبة
لما جينا راجعين طبعا نقدل في الحله وفضلنا نحكي بي مشيتنا جنة الاطفال فترة وكل زول نقول ليهو شفتونا لما كنا بنعمل باي باي
ايام حلوة ربنا يدي كل اطفال الشعبيه ايام احلى منها ويغتي عليهم قولوا امين
روما
10-22-2009, 07:10 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
تعرف يا اخوي الاطفال بيحبو الزول المرح والزول الكريم، وعالم الاطفال عالم جميل وشفاف واي موقف تجده رسخ في الزهن الي يوم القيامة وحسة نحن تلقي الواحد مذكر احداث كثيرة منها الزين ومنها الشين راسخة في الزهن ، وانا لا انسي الي الان رغم انو الاستاذ حسن عثمان في مدرسة المساكن الشعبية الابتدائية جنوب كان راجل حازم لكنه كنت احس انه كان يحبني كثيرا ويمزح معي في اوقات كثيرة ، واذا ما قفلته الامتحان كان يعاقبني بكلمات لازعة احس بها مدي حبه لي ، وكثير ما كان يسالني ( يا الصبرة امس اكلت شنو في الغداء ؟ ) ارد له ( اكلت ملاح قـرع ) ثم يسالني ( طيب اتعشيت بشنو ؟ ) ارد له ( اتعشيت بفتتة موية فول ؟ )، ويضحك ذلك العملاق من صدقي وبراءة نفسي ، والي هذه اللحظة اتمني ان اري ذلك الجبل العملاق الاستاذ حسن محمد عثمان ، واذكر من سبيل المثال والدة ابي ( الحاجة امنه ) ( عليها رحمة الله ) كانت تحسن معي وكانت عطوفة وكريمة وده حال كل الحبوبات في السودان من شفقة وحنان ورافة، وكلما حضرت الي السعودية اهب لها عمــرة واستغفر لها الله ، لانها طبعت في نفسي اجمل الاثر ، وكلما نزلت الي السودان في اجازة اذهب الي قبرها الطاهر في مقابر حلة حمد واجلس عند ذلك القبر الميمون وعيني تزرف بالدمع الحزين علي فراقها، والي الان انا لا اميل الي ضرب ابنائي مهما حدث واعاملهم كانهم كبار واغرس فيهم حب الدين ومدامة الصلوات ، رغم انني مشغول طول الوقت وما عندي اي وقت للفراغ والحمدلله ، والوان العقالب السهل كثيرة جدا وتعطي نتائج بسرعة ، بس بدون الضرب ،، يا اخي خلي الاطفال يستمتعوا بالعولمة .
مع خالص الود
عزالدين عباس الفحل ابــوظبـي
10-22-2009, 07:23 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
طبعا خدماتك الجليلة في كيفبة تكبير الخط استفاد منها معظم الاخوة الاجلاء ، وتشكر علي ذلك كثيرا ، وياريت توضح لينا :-
1 - كيفية انزال الصورة في البوست ؟ 2 - كيفية انزال الصورة في الملف الشخصي ؟ 3 - كيفة انزال المدائح والاغاني في البوست ؟ 4 - كيفية انزال الـ يــو تيــوب الي البـــوست ؟
وياريت ده يكون بالتفصيل الممل يا رائع فيــك الطيبــــة
مع فائق الاحترام والتقدير
عزالدين عباس الفحل ابــوظبــي
10-22-2009, 08:13 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
Quote: 1 - كيفية انزال الصورة في البوست ؟ 2 - كيفية انزال الصورة في الملف الشخصي ؟
إنزال صورة في البوست (عمود) إنزال الصورة في الملف الشخصي (البروفايِل): في ورقة الكِتابة (البِتنفتِح ليك بعد ما تضغط على زِر [ رد ]) بِتلقى في رأس الورقة في أقصى اليسار تلاتة خِيارات : - تحميل صورة - تحميل الاغنية - أكواد
في حالتا العاوزين فيها ننزِل صورة في عمود قاعدين نكتِب فيهو ، تعمل الآتي : (1) إضغط على خِيار تحميل صورة (طبعًا لازِم الصورة في الأساس تكون محفوظة على جِهازك وتكون عارِف فِجتا وين) بِالضغط على خِيار تحميل صورة ، بِنفتِح معاك مُربع حِوار. إضغط على Browse (علشان تختار الصورة الحافِظة في جِهازك) (2) بِمُجرد إختِيارك لِلصورة ، بِتنقِل الكود بِتاعا إلى مُربع حوار تحميل الصُور (الخطوة الفوق) (3) إضغط على خِيار [ تحميل ] (4) إنتظِر شوية بِالله ، ما تستعجل ... خلي الصورة تنزِل (5) حتنزِل الصورة الإختِرتها ، وتِحتها حيكون في خِيارين الخِيار الأول زي ما مكتوب حتعمِل [ لاستخدام الصورة في المنتدى انسخ الكود والصقه في المنتدى مباشره ] (6) يعني حتظلِل الكود الأول كلو مِن حدو لِحدو ما تنسى أي جُزء مِنو (التظليل بسحب مؤشِر الماوس) وحتنسخو (النسخ بِكون كالآتي : بعد ما ظللت الكود ومِن داخِل التظليل بِزِر الماوس الأيمن إختار Copy (إنتهت المرحلة الأولى)
(7) أرجع لِصفحة الكِتابة ، وفي المكان العاوِز الصورة تنزِل فوقو وبِزِر الماوس الأيمن إختار Paste الكود النسختو حيتلصِق في صفحة الكِتابة ، أكتِب الدايِر تكتِبو ، فوق أو تِحت الكود (الصورة) ورسِل موضوعك بِخِيار [ اضف رد ] الأحسن قبل ما ترسِل الموضوع ، إنك تستخدِم خِيار [ شاهد قبل نشره ] علشان تشوف شُغلك عاوِز تعديل ولا كلو تمام.
إنزال الصورة في الملف الشخصي (البروفايِل) : نفِذ نفس الخطوة رقم (1) و(2) و(3) و(4) في الخطوة رقم (5) حتنسخ الخِيار التاني ، المكتوب فيهو : [ استخدم هذا العنوان فى حالة الرغبة فى وضع صورتك فى ملفك بالمنبر العام ] (6) أمشي لِملفك الشخصي وإسفل الملف ، حتلقى في خِيار إسمو [ صورتي ] مُوازي ليها مُستطيل أبَيض ، لصِق فوقو الكود النسختو في الخطوة رقم (5) ، النسخ بِكون بِواسطة زِر الماوس الأيمن (7) إضغط على خِيار Change Profile
Quote: -3 - كيفة انزال المدائح والاغاني في البوست ؟
لو حتنزِل ملف صوت (مدحه/أغنِية) مِن المدائِح والأغاني المحفوظة في جِهازك يِبقى تستخِدم خِيار [ تحميل الاغنية ] الموجود أعلى يسار صفحة الكِتابة (1) إضغط على [ تحميل الاغنية ] (2) إضغط على Browse (علشان تختار ملف الصوت الحافِظو في جِهازك) (3) إضغط على خِيار [ تحميل ] (4) أرجع لِصفحة الكِتابة ، وفي المكان العاوِز ملف الصوت يِنزِل وبِزِر الماوس الأيمن إختار Paste
Quote: 4 - كيفية انزال الـ يــو تيــوب الي البـــوست ؟
أفتح اليوتيوب وإختار الأُغنِية العاوِز تنزِلا في البوست ، في يمين مُربع الأُغنِية بِتلقى كود خاص بِالـ URL أنسخو كُلو ... كلو بِالله ولصِقو في صفحة الكِتابة.
10-22-2009, 07:41 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وكلما حضرت الي السعودية اهب لها عمــرة واستغفر لها الله ، لانها طبعت في نفسي اجمل الاثر ، وكلما نزلت الي السودان في اجازة اذهب الي قبرها الطاهر في مقابر حلة حمد واجلس عند ذلك القبر الميمون وعيني تزرف بالدمع الحزين علي فراقها، والي الان انا لا اميل الي ضرب ابنائي مهما حدث واعاملهم كانهم كبار واغرس فيهم حب الدين ومدامة الصلوات ، رغم انني مشغول طول الوقت وما عندي اي وقت للفراغ والحمدلله ، والوان العقالب السهل كثيرة جدا وتعطي نتائج بسرعة ، بس بدون الضرب ،، يا اخي خلي الاطفال يستمتعوا بالعولمة .
اصيل ياعزالدين الفحل وانت تبر معلمك وهو في دنيا غير دنيانا دنيا الظلام وضيق القبر ويارب بدعواتك له ان يُفرج ويهون عليه كل هذا
ود الفحل نجي نمسك مرحلة الطفولة ونجدها من اهم مراحل حياة الانسان والتي يكون لها اثر واضح في مستقبل حياته من افرزات سلبية ا و ايجابية وهي التي تحدد سلوك الانسان في الكبر وعجبتني مداخلة الاخوان في هذا الموضوع المهم الذي يعبر عن قاع حياة الانسان التي تعتبر هي اول مرحلة في حياته ..
10-22-2009, 07:52 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9017
اذكر مرة وانا نازل الي السودان في اجازة سنوية انني مكثت كثيرا في مطار الدوحة لمدة اكثر من ست ساعات ، وده حصل معاي في مطار جدة في السعودية حيث دخلت المطار ووجدت الطائرة اقلعت الي ابوظبي ، وكان موقف حرج انني جاري الي الدوام ومضحك انني ودعت الاهل بمكة المكرمة وخرجت من فندق ابراج زمزم مقابل الحرم ، نرجع الي مطار الدوحة والانتظار الممل فما كان مني الا ان تناولت جهاز الهاتف المعلق علي الحائط في مطار الدوحة واتصلت بالبدالة لاسال عن ابناء الشعبية جنوب ( الاخ لطفي طه ، واخيه محمد طه ) وكل المحاولات باءت بالفشل فما كان مني الا ان طلبت رقم الاديب السوداني الطيب صالح ، وبالفعل ضربت رقم الاديب الطيب صالح ، ورد علي بصوته الجهور المميز كاني اعرفه من زمان وعرفته بنفسي وقلت له انا معجب بكتبك ودخلت معه في نقاش طويــــل عن شخصية مصطفي سعيد في كتاب موسم الهجرة الي الشمال والحوار كان ممتع للغاية ودسم ، وفجاءة عرف الاديب الرائع انني في مطار الدوحة وذلك من خلال مكبرات الصوت فما كان منه الا ان دعاني ان ادخل الي داخل المدينة( الدوحة ) وهو سوف يقوم بالاجراءات الازمة ، واخبرته انني ذاهب الي السودان في اجازة سنوية من وعثاء مرارة الغربة ولو لا ذلك لدخلت الي الدوحة ، واستمر معي في النقاش الادبي البحت لمسافات طويلة عبر تلال الخيال ، وسالت الاديب الطيب صالح هل شخصية مصطفي سعيد هي انطباع وصورة كربون لشخصية الطيب صالح ؟ فضحك الراجل كثيرا حتي كدته سقط من كرسيه ، ثم سالني كم مرة قرات رواية موسم الهجرة الي الشمال ؟ قلت له كثيرا رغم ما بها من صور حسية ما كانت تعجبني كرجل غيور علي ديني . وسالته هل مصطفي سعيدهل هو رد فعل مر علي عاتق الاستعمار الانجليزي البغيض ؟ ودار الحوار الخجل عن الصور الحسية في الرواية ، وممارسات الفحول في البوادي كالرعاع ، وتجي الاجابة عبر الاثير المزكوم بالفضائيات المريضــة ، افعــل ولا حـــرج ..
كان والدي الله يطول في عمره يجلسني عقب وجبة الغداء مباشرة وعلي الارض في البرش الممزق الاطراف يراجع معي جدول الضرب ويحل معي بعض مسائل الرياضيات المستعصية بكل حب ويشجعني انني لازم اطلع الاول زي المهندس خالد حسن ابراهيم ( جردل ) وهو صديق العمر الي الان ، لكن خالد لم يعطني هذه الفرصة فكنت بطلع الثاني باستمرار ، وده من تشجيع والدي الكريم ونحن علي بساط البرش المقطع والمخروم من المنتصف . وبعد المذاكرة يجلسني في العنقريب المقابل تحت ظل الاوضة ونستمع الي تفسير القران الكريم من اذاعة ام درمان وبصوت البروفيسور عبدالله الطيب والمقري صديق احمد حمدون ، وكنت اجد متعة الي الاستماع رغم انني ما كنت افهم كثيرا منه ، ووالدي ينظر الي في رضي تام حتي تنتهي الحلقة ، ثم اذهب الي الشارع وقد تشبعت بالقران الكريم فلا اتاثر بامراض الشارع كالكذب والخداع و... الخ ، وعندما احل مسائل الرياضيات تكون الجائزة بالفاكهة الحلو ( البلح ) ، تمرات معدودات نصفها مسوس لكنني كنت سعيد كاني اقطع حجب الغيب بلقاء فاكهة الخليج العربي ، لكن يظل ( ملاح القرع والبلح ) هي ذكري عهد جميــل في ربــوع البرش الطاهر الطهور ..
الحمد لله نشانا في حي الشعبية المتواضع والكل سواسية كاسنان المشط بفقر الزمن وطموح المستقبل في الابناء البررة وهم معلقين امالهم علي اهداب الثريا بخيوط الوجل ، كانوا يعلمونا شعارات مازالت راسخة في الزهن ( الكذب حرام والقبر قدام ) ( والما بيصلي بيدخل انار)( الكذب حبلو قصيــر )، وكلما مرت طائرة تحلق فوف سماء الشعبية كنا اطفال الاتاري نملا عيوننا بها حتي تغيب عن ناظرنا، ونعلق بعبارات برئية، ( الطيارة عندها بوري ) ، ( الطيارة ماشة في شارع فوق السماء )، واذكر مرة ونحن راجعين من مدرسة المساكن الشعبية الابتدائية جنوب كنا نقطع شارع المدارس علي شكل زقزاق ( نقطع من طرف الشارع الي الطرف الاخر بسرعة وباستمرار ) ونسبق السيارات ( العربات ) ونتعلق علي عربات الكارو المجرورة بالحصين ، وتغير الزمن وظهرت ( الركشات ) ، و مرة قطع الشارع الاخ مبارك عوض عبداللطيف من امام احدي السيارات ( العربات )، وفجاءة السيارة ضربت فرامل قوية جدا حتي ظهرت رائحة الاطارات ، وصاح السائق ( انتو بيدرسوكم شنو في المدرسة ؟ ) فرد عليه الاخ مبارك عوض عبداللطيف بكل براءة بيدرسونا عربــي ، فما كان من السائق الا ان مات من كثرة الضحك ،
- عشان ماتقولو عماد ده قديم زمناالتلفزيون كان ملون .
( وكلنا تامين وانشاء الله كمان دائما تامين )
شوفوا دنيتنا الجميله
ياجنه خلاص اتلمينا ويا لها من رقة اطفال السودان
ونتلم في دعاء على فقيد الشباب يحي عبد الرحمن عبده شقيق كل من عمر ويحيي وفي يوم كان من اعمدة جنة الاطفال له الرحمة والمغفرة وان شاء الله انتو كمان دايما تامين وسالمين
إنا لله وإنا إليه راجعون ننعى إليكم اليوم إبن الشعبية الخلوق وزميل دراستنا/ أبوبكر حسن أحمد الشهير بـ أبوبكر الصديق .. والذى كان ضمن طاقم طائرة الشحن التى إحترقت بالشارقة ! لا حول ولا قوة إلا بالله اللهم تقبله قبولا حسنا عندك وأنزله منزلة الصديقين والشهداء إن العين لتدمع وإن القلب ليحزن وإنا لفراقك يا أبابكر لمحزونون !
10-22-2009, 09:47 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
كنت يافعا صغير السن في مطلع الابتدائي ( سنة اولي ابتدائي تقريبا ) ، حضرت منتشي الي بيتنا العامر في الشعبية جنوب ووجدت ابي يجلس بجوار العنقريب جالسا علي الارض و امه( الحاجة امنه محمد خير ) ترقد كالعسجد الطهور علي العنقريب وبدون لحاف كحال اهل الصفةالفقراء في المدينة المنورة زمن المصطفي عليه افضل السلام ، ما كنت اعهد هذه الجلسة لوالدي من قبل ، ونظرت الي ( حبوبتي ) الكريمة وانا علي موعد معها لتعطيني قرشا افرح به عند البقالة ( الدكان ) وماكنت اظن انها اللقاء الاخير وانها نظرات الوداع الاخيرة الي ان تقوم الساعة وجدتها ممتدة الساقين تنظر الي سقف البرندة نظرت اليها فراتني فنزل الدمع الغزير من عيونها كالشلالات القوية وهي تعلم انها تودعني وانا لا اعلم سر تلك النظرات ولا اعرف معني الموت ، طلب مني والدي ان اذهب الي حلة حمد لاخبر اخته ( فرودوس الفحل ) ان امها مريضة ، اخذت اجري بساقي بكل ما املك الي حلة حمد وهو مشوار بعيدعلي قامتي الهزيلة ، وصلت الي هناك ودفعت باب عمتي ( فردوس ) بكل ما املك فانخلعت عمتي واخبرتها بكل براءة الاطفال ( حبوبة امنه عايزة تموت ) ، فما كان من عمتي الا صرخت باعلي صوتها وسحبت جزء من ثوبها وهرولت معي مشيا علي الاقدام الي منزلنا وهي تبكي بمرارة ، وصلنا البيت فلم نجدها في البيت ، وعلمنا انها ذهبوا بها الي مستشفي الخرطوم، وما كانت الا ايام قلائل وانتقلت الي ملكوت لا تعرفـــه طفـــولتي ، ولا اعرف ان الموت بساط لا يعرفه من تلذذ بالحياة الفانية وتعلق قلبه بها ،، و ما كنت اعرف ان الانسان ينتقل في رمشــة عين من حبــال العنقـــريب الي حبــال منكر ونــــــيكر ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة