الشعبية نجمة تزين سماء مدينة الخرطوم بحري

مرحبا Guest
اخر زيارك لك: 03-19-2024, 07:49 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-04-2007, 08:51 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)

    أخي حسن طه..

    الأخ/ الدكتور على محمد الطيب.. إبن عمتي عائشة كرار...أمد الله في عمرها

    وهي أصغر إخوة والدي سرالختم كرار.. عليه الرحمة.. يعني حدسك مو غلط!!

    تحياتي لكم جميعا
                  

06-03-2007, 09:26 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    عبدون محمد عبدون
    Quote: اطلب من كل الاخوة اللى عنده صور قديمة لتلك الايام انو يحاول بأى طريقة ينزلها هنا فى البورد وابدأ بالاخ صلاح شكوكو الذى اعلم انه يحتفظ بثروة من هذه الصور التى تحوى فى طياتها كنوز من الذكريات



    اثني ووأؤيد بشده إقترحك أخي عبدون
    ولكنني ونسبة للظروف التي تحلق كحلقات
    حولي والتي تحول دون إستخدام جهاز الكمبيوتر
    الخاص بي يتعذر علي تلبية الطلب .. لكن أعدك بذلك
    وإنت بالذات عندك صور عندي (( حاجة تمام ))
    بلغ مودتي لأخوك الرائع ((فيصل )) ولأهل السودان
    خاصة الفارس يوسف .. والأولاد ..

    مع عاطر ودي
    ----------------
    حسن طه
    Quote: لم أجد أحدا يتحدث عن فسيخ سوق الشعبية الشهير !!!!! أخي صلاح شكوكو ايه رأيك فيه ولا أنت ما من رواده؟؟


    الأخ حسن .. ياما تفسخت أوصالي وأنا أتفسخ وأشطط
    في التعامل معه .. لكن يبدو أن هذا الأمر سيأتي
    في صحبة الفوالين في الحي ..والسماكية .. وآخرون
    حاذقون في صناعة الطعام ..
    لكن يبدو أن لك ودا مثلنا بالفسيخ الذي تسيل له اللعاب
    بمجرد أن يأتي ذكره .. ناهيك عن حضوره البهي بيننا
    بصفته الشخصية ..


    مودة

    -----------

    أحمد بابكر محمد أحمد
    Quote: أحيي إبن الحي المبدع صلاح شكوكو الذي لم أره منذ عهد بعيد بسبب الغربة التي فرقت بيننا ربما نسي حتى من أكون ... مع تحياتي
    أخوك أحمد بابكر محمد أحمد ( كان نسيت بذكرك ) الدوحة - قطر

    العزيز أحمدالحريف (( ود الريف ))
    لك كل التقدير
    لم تتسرب من سراديب الذكري حتى تجاهد نفسك لإستداء
    إسمك ورسمك من مدارج الذكرى عندي ..ودكان خوجلي
    أنت وكثيرن من أمثالك نحتفظ لهم بسجل جلي ورائع

    ولن تكون إلا أحمد ذاك الشاب الوسيم بشعره المتسبسب
    وبخلقه الرفيع وحسن سيرته بين الناس
    ولعلي أحيي الدوحة وأهنئها بأن تكون أنت فيها

    تقديري ومودي لك ولكل المتحلقين حولك











    =

    (عدل بواسطة صلاح شكوكو on 06-04-2007, 09:11 AM)

                  

06-04-2007, 06:57 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    Quote: لم أجد أحدا يتحدث عن فسيخ سوق الشعبية الشهير !!!!! أخي صلاح شكوكو ايه رأيك فيه ولا أنت ما من رواده؟؟


    يبدو أن الأخ حسن من رواد فسيخ الشعبية المشهور ، اذا مشيت سوق الشعبية و يوم الجمعة بالذات تحت الشجرة الجنب القهوة بتلقى ليك أربعة حلبيات فيهم واحدة سمييينة و التانية أقل شوية و اتنين صغيرات في السن و غالبا فيهم تلاتة من أسرة واحدة للشبه الشديد و بيكونوا قاعدات و متجهات للناحية الغربية و كده بكونوا كاشفات السوق كلو و الحلبيات ديل بجو من حلة حمد تقريبا و بعدين بكون قدامهم الصفائح الفيها الفسيخ و بكون خاتين ليهم جرايد فوق الصفيحة و عينات من الفسيخ و فسيخهم من النوع الممتاز يعني تلقى الفسيخ و عليهو طبقة كده بتاعت زيت خفيفة و يكسوهو لون أحمر و الجزء الظاهر أبيض يكون ناصع البياض و يجو النسوان يشترو و طبعا بعرفوهم بالأسماء لانو سنين طويلة و هذه الجلسة مستمرة و تبقى النقة و المفاصلة في الاسعار و الحلبية غالبا ما تعزز نقاشها بحليفة : وحات سيدي علي و طبعا عند النسوان خلاص المرة حلفت و بالسيد علي و تقوم المرة تشيل الفسيخ البكفي الاسرة و طوالي جنبهم حاجة منو؟ نسيت اسمها واحدة فلاتية ليها سنين في المكان دا عندها دكوة درجة أولى و منها للسوق لزوم تكملة باقي الحاجات الشطة الخضرة و الليمون (طبعا المغتربين مطقو) و بعد داك تبدأ رحلة التجهيز في البيت و حاليا طبعا بقو يفرموهو بالفرامة و في تطور في طريقة التحضير و طبعا يوم الجمعة رغم انو الناس بتحاول تبعد من البصل لكن تعرف مع الفسيخ و شطة الليمون و الحاجات دي اذا في بصل اخضر كده بتضرب منو كمية ..ياخي فسيخ الشعبية دا رهييب..غايتو يا حسن بعد ما تصل و يظبطو ليك فسيخ اتذكر البوست و اتذكرنا معاك..
                  

06-04-2007, 09:05 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    في محادثة تلفونية طويلة مع شقيقي صلاح حمد نقلت له ما يدور في بوست الشعبية و هو ينقل تحياته لجميع المشاركين ..

    علمت بوفاة السر آدم سابل قبل ثلاثة أيام بعد عودته من فترة علاجية بلندن قضاها مع ابنه الأخ عوض (نزار) ، رحمه الله رحمة واسعة و تعازينا للأخوان عوض و عمار و الاسرة و علمت من الاخ صلاح ان عوض حاليا بالسودان و قد حضر مع والده بعد تدهور حالته (انا لله و انا اليه راجعون)..
                  

06-04-2007, 09:08 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الأخ/ صلاح الزبير...

    ود أبقضابا...

    طالما تذكرت ود موسى أكيد تذكرتني...

    كمال السر..

    تحياتي...
                  

06-04-2007, 09:33 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    حاج حمد
    Quote: عبر محادثة تلفونية طويلة مع شقيقي صلاح حمد نقلت له
    ما يدور في بوست الشعبية و هو ينقل تحياته لجميع المشاركين ..


    الجميل حاج حمد
    رجاءا .. ثم رجاءا أن تبلغ هذا الفارس تحياتي الخاصة
    والعامة .. فلشقيقك في دهاليز ذاكرتنا عطر طيب ونسمات
    وضاءة .. ولعله أحد الذين يملكون قلبا من ذهب ..

    بل عل أخي صلاح من أظرف من عرفتهم .. وأكثرهم خلقا رفيعا
    ونقاءا وصفاء في القلب والخاطر ..
    ودماثة في الخلق .. علاوة على أنه رجل لا يعرف الغضب
    إليه سبيلا ..
    ولأن الشجر الطيب يعرف بثماره .. ولأنكما أخي حاج من شجرة
    وأحدة ,اصل واحد آراكما بذت النقاء الطيب

    لكما فيض من تقديري





    =
                  

06-04-2007, 09:51 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    أخي صلاح شكوكو

    و لك منا كل الود و التقدير و تقبل تحيات الأخ صلاح و الذي كان أثناء محادثتي معه يردد : ياااخي يا سلااام كلما ذكرت له اسم من المشاركين في البوست
                  

06-04-2007, 09:41 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    Quote: علمت بوفاة السر آدم سابل قبل ثلاثة أيام بعد عودته من فترة علاجية بلندن قضاها مع ابنه الأخ عوض (نزار) ، رحمه الله رحمة واسعة و تعازينا للأخوان عوض و عمار و الاسرة و علمت من الاخ صلاح ان عوض حاليا بالسودان و قد حضر مع والده بعد تدهور حالته (انا لله و انا اليه راجعون)..


    له الرحمة والمغفرة
    ولأسرته خالص موساتنا القلبية
    جعل الله قبره روضة من رياض الجنة
    وأسمنه فسيج جناته في صحبة الأخيار
    ولا حول ولا قوة إلا بالله




    =
                  

06-04-2007, 10:27 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    و رسالة من الأخ عابدون :

    Quote: الاخ الحاج

    بصورة عاجلة ارجو ابلاغ الاخ عز الدين محمد عثمان بخالص امنياتى القلبية لعائلتك ولابنك والف حمد الله على سلامته وانشاء الله ربنا يكتب نجاح العملية الكبيرة انشاء الله .... اولاد الزبير منورين البوست وياصلاح انتو بى هناك كان عندكم حلوة ونحن عندنا ام كدوس بى جاى .... عايز برضو القى الضوء على المرحوم الاستاذ الشاعر الكبير ابو آمنة حامد ووجوده بيننا فى الشعبية وفى الحقيقة وجود ابو آمنة بيننا كان شرف لايعادله شرف فالرجل كان قامة يصعب الوصول اليها ... رحمه الله وبرضو عايز اسأل اذا واحد عنده اخبار عن الكوتش كابوس متعه الله بالصحة والعافية
                  

06-04-2007, 01:31 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخ حسين عبد الحليم
    تحياتى وترحيبى بمنحك العضوية الكاملة وبعد ده شيل شيلتك
    الاخ عزالدين محمد عثمان
    اتمنى الشفاء العاجل والكامل لابنك رامى حتى يعود لهوايته المحببة
    الاخ كمال كرار
    كيف الحال؟ للاسف لا اعرف قريبك الذى سألت عنه، اتمنى ان تسمع عنه كل خير
    الاخ صلاح الزبير
    ضحكت على تعليقك (كلنا لها) بعد أن رأيت صورتى والشيب فى ذقنى وباقى شعر رأسى. فالشيب مثل الموت لا طريقة للزوغان منه..وفعلا مرت سنوات طويلة منذ ان التقينا اخر مرّة. حال الدنيا. قابلت كمال شقيقى بعد انقطاع 16 سنة متواصلة قبل سنتين عندما مررت بابوظبى فى طريق عودتى للسودان بعد غياب 10 سنوات.. شكرآ على نقل تحياتى لبدر الدين (سيوسيو)

    *******

    كابوس المدرب المشهور كان يعمل سائق تراكتور فى مركز ابحاث الاغذية فى كلية الزراعة بشمبات. ولقد سمعنا انه كان ينوم اثناء سواقته للتراكتور فى حراتة حقول الابحاث. ولهذا السبب اطلق عليه زملاؤه لقب كابوس.. وربما كان يعانى من حالة طبية اسمها النوم المفاجئ او الناركوليبسى...
    ارجو تصحيح هذه المعلومات عن كابوس لو كانت خاطئة...
                  

06-04-2007, 02:28 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)

    رسالة من الأخ صلاح الزبير:

    Quote:
    ود أبقضابا...

    طالما تذكرت ود موسى أكيد تذكرتني...

    كمال السر
    الأخ كمال كرار

    التحيه لك و لأسرتك

    الإسم متذكره لكن الخلقه طشاش طشاش , إنت بتتكلم بالظبط عن 40 سنه , أو بالأحرى العام الدراسى 68\69 . كدى قبل ما نتكلم عن الأميريه-1 خلينا نأكد الحقائق الآتيه :- العام 69 إنت و محمد موسى دخلتو بحرى الحكوميه و أنا مشيت سنه رابعه فى الأميريه-1 لأنو أنا وراكم بسنه و من الزمن داك ما إتقابلنا ... طبعا" ظلينا فى الأميريه-1 خمس سنوات (السلم التعليمى تغير) و بعدهاالثانوى فى الخرطوم القديمه. ثانيا" أكان ما أخاف الكضب ممكن أوصفك لكن مش هنا فى الهواء الطلق. هات إميلك. هل تصدق إنو إسم ود أبقضايا آخر مره يكون سمعتو سنة 1970. على أية حال حقو تدى البوست فكره عن عظيم الأميريه-1 أو ناظر المدرسه الأستاذ أحمد عباس و الذى هو أحد ساكنى الشعبيه. ودموسى جارنا و بيناتنا كم هيته بس.
    صلاح الزبير
                  

06-04-2007, 04:50 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الأخ/ صلاح الزبير ... كلامك صاح..

    أنا وودموسى وطارق ميرغني.. ودفع السيد جيب الله وكثير من الأحباب دفعة بعض...

    كتبنا عن بحري الحكومية.. وأنا كان فرعت بوست عن بحري الأميرية ( 1 ) ولم أجد وجيع

    عمموما عشان أنشط الذاكرة بتاعتك هاك أسماء دفعتي في الأميرية ( 1 ) وطبعا كلهم فايتنك بسنة

    م الاســــــــــــــــــــــــــــــــم
    1- أبو بكر حسن عبد القادر
    2- الأمين أحمد الخليفة
    3- الحسين محمد أحمد (رحمه الله)
    4- الصادق الطاهر محي الدين
    5- الطيب الصادق
    6- أبو زيد محمد عبد الرحمن
    7- أبوعبيدة عبد الرازق جابر
    8- أسامة ميرغني عبد الرحيم
    9- إبراهيم الصديق أبو علامة
    10- تاج الدين خضر الجز ولي
    11- جعفر حمزة محمود
    12- جعفر تاج السر الأمين (رحمه الله)
    13- جلال الدين عثمان محجوب(رحمه الله)
    14- حافظ محمد عبيد
    15- حسن صبري سيد طه
    16- حسن علي أبو بكر
    17- حسن وداعة الله الحسن
    18- خالد الأمين المشرف
    19- خالد ميرغني الياس
    20- خلف محمد أحمد طه
    21- دفع السيد جيب الله
    22- صلاح الطيب الصافي
    23- صلاح محمد الحسن
    24- طارق ميرغني على مصطفى
    25- عادل الباقر خليفة
    26- عادل أحمد عمر كمير
    27- عاكف عبد الحميد عوض السيد
    28- عباس عثمان أبو زيد
    29- عبد الرزاق مصطفى صالح زكي
    30- عبد السلام كامل عبد السلام
    31- عبد القادر أحمد إسماعيل
    32- عبد القادر محمد حسين عبادي
    33- عبد القادر محمود مرسي
    34- عبد المنعم محمد إبراهيم
    35- عزيز أحمد كامل
    36- علي قسم السيد عبد الله
    37- عمر رجب محمد
    38- كمال محمد نور منصور
    39- كمال الدين سر الختم كرّار
    40- مجدي الفونس عبد المسيح
    41- محمد الحسن أحمد الحسن
    42- محمد أمين عبد الله الكارب
    43- محمد عبد الكريم
    44- محمد سعد الحاج
    45- محمد عثمان عمر أبو الدهب
    46- محمد موسى محمد نور
    47- محمود محمد الحاج
    48- نصر الله النور أحمد غانم

    أما عن بريدي الأليكتروني فهو:-
    [email protected]
    تحياتي
                  

06-04-2007, 04:38 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    +

    الكرابيج :-
    ===========

    أبناء المرحوم (( إدريس عبد الحفيظ )) الذين توارثوا
    ممارسة كرة القدم بمهارات عالية .. وملكات رفيعة جعلتهم
    متميزون بنوع من التكم والذكاء وحسن التصرف فيها ..

    بل أنهم جميعا دونما إستثناء كانوا يتميزون بذلك التفوق
    على عكس عائلات كثيرة يمكن أن تجد فيها المتميزين لكنك
    في ذات القدر تجد أنصاف المتكيزين وربما الضعفاء في الممارسة

    لكنهم كانوا لاعبين من طراز نادر .. حيث كانت الكرة بين أقدامهم
    تموج وهم يفرضون سيطرة كليه عليها .. يضربونها ضربات متقنة
    حيثما يردون توجيهها فتذهب حيث يريدون وبقدر مايريدون
    رغم ضعف البنيان الجسماني لديهم ..

    لكنهم كانوا في ساحاتها أذكياء .. يعرفون كيف يتعاملون بها
    ومعها .. حتى كانوا في الملاعب لا يتخير أحدهم على الآخر ..

    أحمد كربوج (( فارس التمريرات البينية والضربات الخادعة ))
    بكري كربوج (( الرجل الماح صاحب المراوغة العجيبة الساحرة ))
    عادل كربوج (( صمام الأمان .. وملك التغطية الذكية ))
    عصمت كربوك (( لاعب التحرير .. واللاعب الفنان والساخر ))
    حاتم (( التش )) لاعب التحرير .. وصاحب الضربات المتقنة ))

    كنا نتوقع لأحمد أن يكون لاعبا كبيرا ونجما مشهورا ..
    لكنه وقع في نادي الإتحاد وفي أول مبارة له معهم وبينما
    كان في حالة الإحماء فقد إنحرفت قدمه وأصيب بإنزلاق في ركبته
    ومنذ ذلك الحين أفلت سيرة نجم كبير كنا نتوقع له أن يضيء
    سماواتنا بسحر كروي من نوع خاص ..

    التحية لأخي الحبيب (( أحمد كربوج )) وهو بالمملكة العربية
    السعودية.. والتحية لبكري وهو في عاصمة اللاءات الثلاثة الخرطوم
    وهو صامد في وجه الزمان .. والتحية للأسرة الكريمة والأخوة الأعزاء
    الكرابيج ..

    مودتي وتقديري





    =

                  

06-04-2007, 05:14 PM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    تحيات للجميع
    Quote: علمت بوفاة السر آدم سابل قبل ثلاثة أيام بعد
    عودته من فترة علاجية بلندن قضاها مع ابنه الأخ عوض (نزار) ،
    رحمه الله رحمة واسعة و تعازينا للأخوان عوض و عمار و الاسرة
    و علمت من الاخ صلاح ان عوض حاليا بالسودان و قد حضر مع
    والده بعد تدهور حالته (انا لله و انا اليه راجعون)..

    للعم السر الرحمه ولاله حسن العزاء..
    الأخ عادل محمد عثمان مشكور اخي..

    الأخ عبدون مشكور ورامي وهو صغير
    قالو لي انه كان عامل فريق من صغار
    حي الصديق وهو مدربهم وعندما حضر لكندا تأكدت
    من موهبته في كرة القدم ولكنه عشق كرة السله
    ولانها الرياضه الأولى في المدارس وبرز فيها
    ولكن هذه الأصابه ستقلل من فاعليته لكنه كل بامر الله..
    تحياتي للأسره .. وكل من يسال عنا..

    شكوكو واصل متابعنك باستمتاع

    حاج حمد انت وصاف لدرجة انى اكلت واستمتعت
    من سردك للفسيخ في سوق الشعبيه..
    ولكم مودتي.

    عزالدين
                  

06-04-2007, 08:29 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزالدين محمد عثمان)

    لاحظت خلال عيد الأضحى المبارك الماضي أن هناك تغير كبير حدث في احتفال الاطفال بالعيد و هونتيجة طبيعية لكثير من التطورات التي حدثت في شتى مجالات الحياة .. زمان كان الميدان القريب من سوق الشعبية هو المكان الذي تقام فيه الالعاب المختلفة بالاضافة للمساحة الصغيرة التي تفصل بين الطاحونة و الجزارة و هي كانت محددة للمرجحانيات لانو كان يتم الحفر للمرجحانيات و الميدان كان محدد لايجار العجلات و بعد شوية انتبه العرب أصحاب الحميرالساكنين في السوق (و هم طبعا بعتبروا نفسهم مغتربين عشان كده همهم كيف تلم جنيه و تحافظ عليهو) انتبهو ان الاطفال بحبوا ركوب الحمير عشان جات فكرة ايجار حميرهم في العيد و كمان نافسوا اصحاب العجلات لكن بعد شوية ظهرت (المواتر) لانو اصلو حكاية العجلات بقت قديمة و بقى أغلب الأطفال عندهم عجلات في بيوتهم لذلك جذبتهم حكاية المواتر رغم خطورتها و شوية شوية ظهرت السيارات الصغيرة (الأتوز) و (تيكو) شفتو الشفع ديل أيامهم و طبعا بالنسبة ليهم متعة الواحد سايق عربية و تلقاهو واقف علي حيلو عشان يشوف قدامو و يلف لفة واحدة يدفع الفين جنيه و لما ينزل تلقاهو يتلفت عشان يشوف الناس الشافوهو وهو سايق عربية و يعاين ليهم و هو نازل تقول استلم جائزة (الأوسكار)..

                  

05-14-2008, 12:35 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الذين ليست لديهم عضوية يمكنهم مشاركتنا عبر بريدي الالكتروني [email protected]
                  

06-04-2007, 11:51 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    بناءا على طلب الأخ العزيز (( عابدون محمد عابدون ))
    ----------------------------------------------
    /IMG]
    الشاعر الأستاذ أبو آمنة حامد 70 عاما...
    من الشعراء الغنائيين المجيدين في السودان
    رفد الاغنية السودانية بعشرات الاغنيات
    التي أداها ولحنها مطربون كبار من بينهم
    الفنان صلاح ابن البادية خاصة اغنية « سال
    من شعرها الذهب فتدلى وما انسكب».
    ويرى النقاد ان ابو آمنة حامد وهو ينتمي
    الى شرق السودان من المتأثرين جدا بالشاعر
    العربي الراحل نزار قباني وسياسيا تأثر
    بالزعيم جمال عبد الناصر الى درجة انه
    اطلق على اول مولود له اسم « جمال عبد الناصر حسين
    ابو آمنة حامد». ويصنفه النقاد ضمن شعراء الرومانسية.
    من سكان حي الشعبية .. وأحد منارات الحي الحي
    حيث كانت له مجالس شعرية على الهواء الطلق يؤمها
    رهط من أبناء الحي وبعض خاصته ..

    كان في إسلوبه أقرب الى النقد المفتوح مع بعض
    التهكم الفكاهي الكاريكاتيري .. وكان يعالج موضوعاته
    من خلال نماذج إجتماعية من في حقل المشاهدة الواقعية

    كان من الشعراء الذين لا يهتمون بالتوثيق بمعناه
    الدقيق فضاعت كثير من الحروف التي صاغها للحياة

    كانت له طريقة خاصة في ممارسة الحياة .. ومهما كنا
    على خلاف معه في ذلك أو إتفاق لكن الرجل يبقى جزءا
    من العطاء الإجتماعي في مجال الشعر والأدب ..

    ويبقى الرجل عنوانا للكلمة المرنة الطيعة فقد
    نسج ونظم كثير من الكلمات الرائعات التي تعكس
    معينة وثقافته الذاتية رغم مايعتري شكله
    من هلات البساطة والعفوية والتلقائية ..

    له الرحمة والمغفرة ..
    ============================


    قصيدة للفقيد :-

    كانت معـــــــى
    ================

    كانت معى

    كانت معى...

    عمرى تجمع كله عند اللقاء الممتع

    خطواتها وقع الحداء مموسقا فى أضلعى

    وحديثها الممراح...

    دوزنة تدغدغ مسمعى

    اللحن فى الحرف الذي

    فى ثغرها المتمنع

    يا فرحتى بالكلمة السكرى ترف فلا أعى

    لفى الضفيرة أو دعى..عمرى عليها مرتعى

    يا موجة العطر المرف

    على ربيع اضوع

    بى شوق مغترب

    الى وطن الشفاه الاينع

    لملامس الخد الانيق

    على المجال المترع

    للحلمتين مسافر

    بشراع نهد...مقلع

    سمراء يا حلم الليالى الحمر

    لا تتمنعى

    النسك ليس سجيتى

    لا تسرقى حريتى

    للصدر آهات تضج

    ولى أنا امنيتى

    لا تلبسى ثوب العفاف.....

    فلست أنت نبيتى !!

    قديسة الاهواء ..؟

    ويحك .. إن تلك مشيتى

    للغير فاكهة العناق

    ولى أنا انشودتى

    تتدثرين بثوب راهبة وخاشعة

    وانت خطيئتى

    صونى عفافك للألى..

    عرفوا مكانتك التى

    أقسمت اطفيء فيك..فى

    في نهديك..غضبة ثورتى

    لن تهربى منى

    فهذى (مشاتل) ليلتى !!








    =

    (عدل بواسطة صلاح شكوكو on 06-05-2007, 00:09 AM)
    (عدل بواسطة صلاح شكوكو on 06-14-2007, 04:56 PM)

                  

06-05-2007, 00:03 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =


    قدَّم مجموعة من الأشعار كانت هي جواز سفره
    لولوج مدائن الإبداع والدهشة.. واللافت للنظر
    أن شعره قد ارتبط بالغناء.. وتناثرت قصائده
    المغناة بين المطربين : محمد وردي، واحمد الجابري
    وصلاح بن البادية وغيرهم.. ولم ترسخ في الذاكرة
    قصائده الجيدة التي حواها ديوانه شعرها الذهب
    ودواوينه الاخرى التي تغنى فيها بالناصرية والتي
    ادى بعضها عبد الكريم الكابلي .

    كتب ابو آمنة حامد قصائد ديوانه « شعرها الذهب » وهو
    بعد طالب في المرحلة الثانوية وقدم لها الشاعر
    عبد الرحمن الخميسي «مصر» وهو شاعر كان محباً
    للسودان والسودانيين، ولا يمكن ان ننسى له قصيدته
    «ذكرى الزعيم» وهي موجهة الى زعيم جمعية اللواء الابيض
    (علي عبد اللطيف).

    وإذا نظرنا إلى هذا الديوان الذي كتب الشاعر قصائده
    وهو طالب في المرحلة الثانوية وهي بدايات قوية بشرت
    بشاعر كبير وفي ما ساقه الكاتب محمود السعدني عن
    الخميسي وزكريا الحجاوي واحتفاؤهما بالمواهب الجديدة
    ففي هذه المقدمة يكتب الخميسي بمحبة عن الشاعر الجديد
    آنذاك ابو آمنة حامد.

    «اخذتني في شعر الشاعر (ابي آمنة حامد) خصائص جوهرية
    متى توفرت في عمل.. أصبح ذلك العمل فناً صرفاً.. ومن
    تلك الخصائص أذكر الرنين الذي يمكن أن يقودنا إلى
    الموسيقى في الشعر عامة وإلى قدرة الشاعر على استعمال
    تلك الموسيقى بطرائق مختلفة متعانقة الأنغام أو متضادة
    الأنغام بهدف فني مقصود..!».

    والموسيقى في شعر ابي آمنة حامد تنهض بدور فعال في
    الإيحاء وحسب الفن أن يوحي.. لا أن يفصح. وأن يشير..
    لا أن يخطب.. وأن يهمس لا أن يزعق.

    استمع إلى قوله:

    مشينا الطريق يداً بيد
    واسكرنا الحب جفناً بجفن
    ونبقى شموخاً تعالى
    وحباً عصياً على كل شك وظن
    فلا ذبل الورد في حقله
    ولا جف في الحرف نبض التغني

    ونذكر هنا بأن الخميسي قد كتب مقدمته لديوان
    «شعرها الذهب» في أعقاب المعركة بين الشعر
    العمودي وشعر التفعيلة، وهو يسميه بالشعر المرسل.

    «إن الشعر العمودي ليس كله جيداً.. ولا الشعر المرسل
    كله جيداً إنما تستطيع الموهبة المتمرسة القادرة
    أن تبدع سواء نظمت ملتزمة بالشعر العمودي أو المرسل.

    الأساس في الحالتين هو الموهبة.. والتمرس
    بالشعر العمودي يخصّب امكانات الشاعر الموسيقية
    ويثريها كما يحدث عند ابو آمنة حامد».. وقد توزَّعت
    قصائد ابو آمنة حامد سواء في ديوانه هذا أو في
    (ناصريون نعم) أو في أغنياته (شعرها الذهب)
    (وما نسيناك) و(قالوا بنحبه) و(بنحب من بلدنا
    )، وهي سياحة في أقاليم السودان، ومن بواكير
    شعره في جمال عبد الناصر «صديقي جمال»:

    ولبيك لبيك ناصر..
    باسمك اطفال حيفا يغنون
    باسمك تنفلت العاصفة
    تروى دماً حقنا المغتصب
    وتغسل باللهب جبل الغضب
    وحين نعود لننفض عنا الحكايا القديمة
    ونرمي على الشاطئ المحترق
    بقايا الجريمة
    تموت قرون من الاتكال
    ونمشي الى المعركة
    ملايين تهدر باسم العرب
    فدى يا جمال!!

    وابو آمنة حامد الشاعر الشاب الذي كان مقبلاً على الحياة.
    وقد عمل في أول الأمر ضابط شرطة، وكانت ود مدني من محطاته
    الاولى، ثم درس القانون بجامعة القاهرة بالخرطوم، وعمل في
    مصر ثم عاد الى السودان، وليس من شك في أن الموهبة الشعرية
    المتفتحة، قد بشرت بشاعر كبير، ولا نقول شيئاً سوى أن أقدار
    المبدعين السودانيين، وخصومات السياسة، وعواصف الحياة، قد
    أسهمت إلى حد بعيد في عدم اكتمال المشروع الشعري لابي آمنة حامد..
    ويذكر الكثيرون المعركة التي دارت حول آراء للعلامة عبد الله الطيب
    والتي رد فيها ابو آمنة حامد.. وثار جدل بينه والراحل طه حسين الكد..
    عليهم الرحمة والمغفرة والرضوان.. وظل ينافح عن آرائه في صبر وجلد.
    فهو رغم رقة شعره، إلا أنه فارس بجاوي، ذو انتماء عربي واضح.. مشاكس
    وهو يكتب «نحن مع الفيل اما الظل فلا».. ويطرح الرحيل السري
    لابي آمنة حامد سؤالاً حول المنجز الشعري لشعراء كانت صورهم في
    ذهني تتقارب وكلهم قد رحلوا في الآونة الاخيرة، وهم: محمد سعد دياب
    وعوض مالك وابو آمنة حامد، وتلك حكاية سنعود إليها قريباً.




    ملحوظة :-
    =========
    التغير الذي تم في هذه المشاركة والتي قبلها
    محاولات لإضافة صورة الشاعر (( أبو آمنه حامد ))
    =

    (عدل بواسطة صلاح شكوكو on 06-14-2007, 05:02 PM)

                  

04-29-2008, 06:30 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    فوق
                  

06-05-2007, 00:07 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =

    بنحب من بلدنا ما برّه البلد
    سودانيّة تهوَى عاشق ود بلد
    في عيونها المفاتن شئ ما ليهُ حد
    *****
    التّوب المهبهب فوق أم الضّفائر
    والخد المعطّر زي أحلى الأزاهر
    والخطوة الأنيقة ترنيمة مشاعر
    أنا بيك كل عمري بمشيلها وبسافر
    *****
    مين في الدّنيا ديَّ أجمل من بناتنا
    الليهن قلوبنا والفيهن صفاتنا
    الكامنات بروحنا والعايشات في ذاتنا
    *****
    في حلفا البداية أحلامي وهنايَ
    أنا عايش لحبّي المخضر برايَ
    النّافرة الأليفة ست روحي وهنايَ
    *****
    أنا ليْ في كريمي شايقيي بشلوخها
    نعتز بي صفاتها ما نجهل تاريخها
    وما ها المابية ريدتي مو ياها المسيخة
    *****
    في شندي العظيمة تلقى بنات جعل
    واحدات في المتمّة زي لون العسل
    النايرات خدودِن زي فجراً أطلْ
    *****
    في سنكات بنعشق في السّمراء وأبيّة
    ترتاح في الضّريرة خُصلاتها الغنيّة
    عاشت في شعورى أحلَى هدندويّة
    *****
    الوارثات جدودن في الجّود والشّجاعة
    البظهر جمالن من زمن الرّضاعة
    سودانيّة ميّة الميّة في ذوقها وطباعها
    ياناس أرحموني انا قلبي في رفاعة
    *****
    لوزة القطن اليانعة السّمحة ونضيرة
    تِتّنَّىَ الحليوة في مشية أميرة
    أجمل حب عندي في قلب الجزيرة
    *****
    ليْ في الغرب أغْيَدْ في دار حَمَر والبقّارة
    نحميها بسيوفنا تفّاحة ونُضارة
    تسكرنا الليالي وتطربنا النُقّارة
    *****
    ليْ في جوبا ساحر تسلم ليْ خدودُه
    يمرح في غاباتُه ويسرح في ورودُه
    حبّي الغالي ليهُ ما بعرف حدودُه





    =
                  

06-05-2007, 00:25 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =


    سكن الأستاذ الكابلي بحي الشعبية في مواجهة مدرسة القابلات
    كما كانت له دار أخرى في بيت مواجه لملعب (( نجوم الشعبية ))

    بدأ الاستاذ الكابلي الغناء لاصدقاءه المقربين قبل سنوات
    من ظهوره للجمهور باغنية "انشوده لاسيا وافريقيا"

    التي قدمها في العام 1960م من المسرح القومي بامدرمان
    في حضور الزعيم الراحل جمال عبد الناصر, قبل هذا الظهور
    الجماهيري كان له بعض الاغنيات التي قام بتأليف كلماتها
    ووضع الالحان لها مثل (مروي- امير-زاهية-يا حليلكم-انا
    مالي واخريات).

    كانت دوزنة العود المتبعه لدى كل الملحنين والعازفين
    هي ما عرف بدوزنة – صول على صول- أي ان يكون الوتر الخامس
    قرار مطابقاً لصوت الوتر الثاني (جواب) وهو الوتر الذي يطلق
    عليه الموسيقيون العرب (اسم المثاني).

    وعندما بدأ الاستاذ الكابلي في وضع الالحان لأغنية اني اعتذر
    (حبيبة عمري تفشى الخبر) في اوائل الستينيات من القرن
    الفائت احس بحاجته إلى صوت قرار يزيد على صوت الوتر
    الخامس قرار فقام بدوزنة الوتر على صوت (فا) ولكنه لم
    يكن مجزياً لما كان يأمل فأعاد الدوزنة ليصبح الوتر
    الخامس مطابقأ لصوت (مي) وهكذا بدأ الكثيرون من واضعي
    الالحان ومن العازفين في تقليده وكان أول من أخذ بهذه
    الدوزنة الملحن السوداني المعروف الاستاذ بشير عباس, واليقين
    ان في هذه الاضافة ما اتاح مساحة اكبر في وضع الالحان وهي مساحة
    تتسم بسهولة التدرج.





    =

    (عدل بواسطة صلاح شكوكو on 06-05-2007, 00:28 AM)
    (عدل بواسطة صلاح شكوكو on 06-05-2007, 00:30 AM)
    (عدل بواسطة صلاح شكوكو on 06-05-2007, 00:32 AM)

                  

06-05-2007, 06:11 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    أخي صلاح

    التحية المعطرة بماء الورد وأنت تتحفنا بما يخطه يراعك الرصين بأسلوبك المميز.

    تأمل صديقي أن تكون في معية المبدع شاعرنا الرقيق أبو امنة حامد وأنت تستمع للدرر المنثورة من فمه في الشعر والسياسة والاقتصاد والرياضة والاجتماعيات وغير ذلك وأنت كالطفل البرئ الذي تتملكه الدهشة وهو يستمع لحكاوي الحبوبات.

    هذا ما كان في لقاء لي مع شاعرنا بأحد مقاهي ميدان التحرير بالقاهرة في عام 1978 م . كنت أستمع له كالطفل المشدوه علي مدار أكثر من ساعتين لوحدي اذ لم يكن معنا أحد آخر حين تمنيت أن تتوقف الحياة في ذلك الميدان المكتظ بالبشر ويأتي الجميع لسماع تلك الدرر.

    رحمك الله رحمة واسعة .

    وليعمل الجميع علي تسمية شارع منزله بالشعبية ( شارع البكاسي ) باسمه وهو أقل ما يمكن تقديمه لمبدع الشعبية .

    واصل يا صلاح .

                  

06-05-2007, 06:16 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    الأخ صلاح شاكرين لهذا الجهد الكبير في التوثيق لشاعرنا أبو آمنة حامد ، ثم الفنان الكبير عبد الكريم الكابلي...

    رسالة من الأخ عابدون :

    Quote: الحاج صباح الخيرات

    أرجو نقل شكرى وتقديرى للاخ الرائع صلاح شكوكو على تقديمه الرائع للشاعر المرحوم الاستاذ أبو آمنة حامد وهذا اقل ماتقدمه الشعبية لهذا الهرم ..... الحاج اذا سمحت لى انا احب ان اشبه البوست بتاعك دا بالقهوة بتاعة الشعبية اذا جاز التشبيه وهنا ناقصنا وجود بابو وابو على وطبعا الكراسى بتاعتهم وكراسى ناس بابو دى حكايتها حكاية يعنى البنطلون يكون جديد وتجى تقعد فى الكرسى بتاعهم وفى دقيقة البنطلون يروح شمار فى مرقة وياما اتشرطت جلاليب وبناطلين فى كراسى القهوة دى لكن الناس برضو بيعودوا وقعدوا نفس القعدة وكل يوم وبدون قهوة غلطان الشعبية مسيخة وتخيل لو كان اليوم السابق فى مباراه بين الصديق والصداقة او المارد او نجوم الشعبية او الشعلة او الهدف فكان من الضرورى انو تجى القهوة فى اليوم التانى زى الساعة حداشر ونص عشان تسمع التعليقات الفنية وغير الفنية على مباراة الامس وعشان تسمع تعليقات حيدر وابو اللول
                  

06-05-2007, 06:52 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    و رسالة من مراسلنا شمس الدين ساتي :

    Quote:
    الفسيخ :

    تحياتي للجميع

    الحقيقة يالحاج علي ماأذكر الحلبيات بائعات الفسيخ ليسوا من حلة خوجلي وإن كان أصلهم من هناك . هم يسكنون في شارع الجقدلي .من الغرب بالقرب من منزل ربيع محمد شريف . وجدتهم إسمها سندس وخالهم إسمه محجوب وقد كان ضاربا علي البتقز مع الفنان المرحوم الجابري- ياشكوكو ياعظيم واصل هذا الإبداع - أوجعتنا بقصيدة بنحب من بلدنا- لك التحية والإحترام- وينك ياحسين عبد الحليم - الهم أرحم السر آدم سابل والعزاء للأخ نزار وأخيه الأصغر - هل تعلمون أنه كان رئيسا لنادي المريخ في يوم ما . أنا مابقصد حاجة ومادايرين نفتح سيرة الكورة


    الأخ شمس الدين في البداية صاح كان الفسيخ ببيعوهو الحلب الساكنين في الجزء الغربي من الشعبية علي جهة ناس حامد دفع الله و ليس شارع ناس الجقدلي ، و لكن في الفترة الآخيرة الحلبيات ديل بجو من حلة حمد أو حلة خوجلي يعني حصل تغيير أنت بتقصد الحلبية العجوزة القصيرة و دي فهلا كانت ساكنة في الشعبية و طبعا هم البيوت الساكنين فيها دي ما تابعة للشعبية لكن دا الشريط المحيط بالشعبية و جزء منه يفتح علي المقابر فيهو بيوت ناس هاشم سرور (طيارة) و الحلب في الجزء الفاتح جنوب
                  

06-05-2007, 07:50 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخوة الأعزاء

    التحايا الطيبات

    من شعراء الشعبية رغم أنه من سكان شمبات الأصيلين الأخ الصديق الدكتور الشاعر الرقيق عالي الاخلاق والأدب ابن أحد رموز الشعبية عمكم بشير صاحب الكنتين في سوق الشعبية _ يرحمه الله - هو الأستاذ مبارك بشير - أطال الله عمره - غني له قمم الفن بالسودان وردي وود الأمين.
    له عمود يكتبه الآن بصحيفة الخرطوم جامعا بذلك وزارتي الشعر والنثر.

    كانت لنا لقاءات شبه يومية تحت الشجرة أمام منزلنا نتجاذب الحديث في الفن والأدب والكورة علي أنغام شاي المغربية بالحليب المقنن بأيدي الوالدة شخصيا أطال الله عمرها.
    ما أحلاك يا زمن مضي .

    له التحية والاعزاز.
                  

06-05-2007, 09:15 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)

    و رسالة من الأخ صلاح الزبير موجهة للأخ شكوكو:

    Quote: صلاح شكوكو
    تحياتى
    سمعت إنك قريب مننا لكن سبحان الله إلى الآن لم نلتقى.

    بعد مراجعة كل ما خطه يراعك هنا فى بوست الشعبيه فإننى أجزم بأنك كاتب محترف و تعال نعمل بسزنس إنت تكتب و أنا أسوق
    صلاح الزبير

                  

01-27-2008, 11:40 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخوة الذين ليست لديهم عضوية يمكنهم المشاركة عبر الايميل [email protected]
                  

06-05-2007, 09:24 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =


    الفنانة الراحلةأماني مراد قدمت للغناء السوداني عددا من الاغنيات
    التي ذاع صيتها رغم ظروفها المرضية وإعاقتها التي لم تعيقها عن
    الغناء وهي بصوتها الندي الذي كانت تشدو به خاصة تلك الأغنية الجميلة
    التي كانت تتغنى بها تهنئة للناجحين في المراحل المختلفة ...
    مبروك النجاح .. ذاب قلبي إنشراح .. بالجد والعمل .. حققت الأمل .
    ولعلها كانت تسير على ذات السياق اللحني لثنائي العاصمة خاصة وأن
    السني الضي هو الذي كان يلحنلها ..
    قناة النيل الازرق كانت قد اجرت معها لقاء توثيقيا تحدثت فيها عن مسيرتها
    الفنية ، وتم بثه قبل وفاتها خلال عيد الفطر الماضي ثم أعيد بثه بعد
    وفاتها . وبذلك يكون هذا اللقاء هو الوثيقة التلفزيونية الوحيدة
    المتوفرة حاليا .
    سكنت الفنانة أماني مراد ردحا في معية أهلها بمنزلهم بشارع البكاسي
    (( المركز الصحي )) والمقترح بأن يحمل إسم الشاعر (( أبو آمنه حامد ))

    رحم الله الفنانة اماني مراد .










    =

    (عدل بواسطة صلاح شكوكو on 06-05-2007, 09:59 AM)

                  

06-05-2007, 12:16 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)



    .
    .. كما ذكرت سابقآ فإن من ملامح الشعبية التي انطبعت في الوجدان تلك العصريات النشطة التي تمتلئ فيها الشوارع بالمارة ذهابآ وإيابآ من وإلي محطات المواصلات وتمتلئ الميادين بالكورة واللاعبين .. وبحكم قربنا من ميدان الصداقة فقد كانت معظم العصريات نقضيها إما لاعبين دافوري عندما يكون الميدان فاضي من الفرق المنتظمة ـ أو نقعد متفرجين في تمارين الفرق .. حيث كانت تتعاقب خلال ايام الاسبوع تمارين فريق الصداقة ـ وهو كان تقريبآ فريق الحلة ما عارف السبب شنو؟؟ ـ ثم فريق المارد وفريق الصديق ثم فريق الهدف .. وكانت تمارين فريق الهدف في هذا الميدان معدلها أقل من باقي الفرق ..
    والحقيقة في ذلك الزمان والواحدفي سن الابتدائي والثانوي العام كان بيشوف اللاعبين ناس كبار خلاس .. مع إنو الواحد فيهم الزمن داك بيكون في الكمطاشرات ولو كثر في العشرينات ـ وده عمر هسه الواحد لو لاقي طريقة يكسر رقبته ويرجع ليهو ـ المهم.. كنت أري جدية اللاعبين في الالتزام بملابس الميدان ـ وخاصة حراس المرمي ..
    وأنا طبعآ مثل غيري أولاد الحلة فناني المفضل ـ سوري أقصد فريقي المفضل ـ هو فريق الصداقة وقد كان أقوي الفرق ـ وقد كان ابرز حراس المرمي لفريق الصداقة عبدالمنعم بين وناجي .. وعندما تكون هناك مباراة ويكون الحارس منعم أو ناجي بكون مطمئن وأكون بشاهد المباراة بمزاج لأنهم حقيقة بيكونوا قافلين القون صاح وممكن يلقطوا ليك الكورة من آخر الثمانيات ـ وحتي لو مهاجم الخصم انفرد بيهم تكون مقتنع بنسبة 70 في المية انه ما حيجيب قون .. وكان دائمآ متميزين بلبس الحارس الاسود زيهم وزي زغبير وسبت دودو بالظبط ههه ..
    ومن اميز اللاعبين في تلك الفترة التي اتحدث عنها اللاعب المهاجم الخلوق فائق التهذيب محمدحقار(جحر) والذي كان لو مسك الكورة أكيد لو ما جاء منها قون حتدق في العراضة .. وجحر كانت مهارته في الكورة تتميز بدقة المراوغة والسرعة وتحس رغم سرعة تحركه بالكورة كأنما الكورة مربوطة في كراعه بخيط طوله 20 سنت ـ ماشاءالله ـ لم اشهده يومآ يكورك في الميدان أو يحتج علي حكم أو يشاكل أحدآ .. إلا مرة واااحدة بس اتذكر مرة في مباراة مسخنة جاء مندفع وراء الكورة فقفز حارس مرمي الخصم واستلم الكورة ومع قفزته عاليآ رفس محمدحقار في صدره رفسة متعمدة مؤذية ـ وحنق جحر جدآ ولكن صراها ليهو .. وبعد حين جاءت كورة مارة بسرعة ناحية المرمي فجري وراءها جحر بسرعة ومع تقدم الحارس ناحيتها ليستلمها نط ليهو جحر جوووز زي الصاروخ وانتقم لنفسه لكين جات سليمة والحارس ما جاته حاجة .. التحية للاعب الفذ محمد حقار والذي فيما بعد سجل بفريق الموردة ..
    كان هناك ايضآ اللاعب المكمل لمحمدحقار : علي سيودة .. وكان عندما يكون الثنائي جحر وعلي سيودة لاعبين في مباراة خت في بطنك بطيخة لأن الصداقة غالبة غالبة .. وطريقة علي سيودة في اللعب ليست مثل طريقة جحر ـ فعلي كنت أحس بأنه عافص الكورة وسايقها .. والغريبة تلقي الكورة دائمآ مقدمة منه وتلقاها أقرب للمدافع الخصم منه ولكنه رغم بعدها منه تلقاهو عافصها أو خاتي ليها كراعة تكالة يقوم المدافع يحاول يقلعها يلقاها معفوصة ههه .. وبالطريقة دي يقدم الكورة قدامه متر ويعفصها ويديها متر تاني ويعفصها لغاية مايخش في العراضة ويجيب القون ومعاه يدي الحارس زاتو عفصة ..
    وكان هناك ايضآ الجناح اللفت المزعج بيكوس .. الزول ده ما كان في واحد بيلحقه.. يرموا ليهو الكورة هناااك جنب الكورنر فيلحقها ليك ويروح رافعها ليك في حلق المرمي وطبعآ في اللحظة ديك الشبابيل ما تديك الدرب والجمهور يبشر .. ويا جات قون يا دقت في العراضة .. ثم هناك من لعيبة الوسط اللاعب الهادئ الفنان التاج آدم مايسترو الوسط ويتميز لعبه وشخصيته بالهدوء الشديد والتركيز وقلة الأخطاء .. أما في الدفاع فكان هناك عزيز ورمزي موسي والذين كانوا يتميزوا بالبنية الرياضية والطول الفارع مع المهارة وقفيل الدفاع ومعهم ايضآ اللاعب بانقا الذي كان كثير الحركة وحرارة القلب .. لكنه في التمارين كان خرخار خلاس ..
    وفريق الصداقة كان يرتدي الفنيلة الحمراء وكانت بالنسبة لي مباريات فريق الصداقة الدورية من أمتع الاوقات والتي كان عشانها أدك درس العصر ..
    وأسخن المباريات وأكثرها إثارة كانت ضد فريق الصديق ـ صديق فريق الصداقة اللدود ـ أو ضد فريق النجوم أقوي فرق الشعبية جنوب ـ كلو من الكرابيج ديل ـ

    وعندما تكون المباراة ضد فريق المارد الواحد كان شوية كده حماسه ما بيكون مشتعل لأنو ناس المارد ديل برضو أولاد حلتنا تقريبآ خاصة وأن فيهم جارنا المهندس كمال نور الدائم أسرع جناح يمين في الرابطة .. الحقيقة اتلخبطت الآن ومااتذكر بالظبط هل اللاعب رمزي موسي كان في الصداقة أم المارد ؟!! .. وكان حارس مرمي المارد بدرالدين ديكة وهو برضو حارس كان فذآ والكورة مابتخش قونه بسهولة .. والحقيقة أن ما يجعلك تحس بأن الحارس صمام أمان للفريق أن يكون من العينة البتطير مع الكورة وتلقاه لا يلاوز من القفز علي الكورة الجنباوية فيطير افقيآ علي ارتفاع متر ونص ويقع كليآ وقعة واحدة ررررب ومعاه الكورة في ايديهو .. وبدر الدين ديكة كان من العينة دي .. له التحية من البعد ..

    أما عندما تكون مباراة الصداقة ضد الشعلة أو الهدف مثلآ فالواحد بيكون خاتي اعصابه في تلاجة لأنها 90 في المية حتفوز عليهم .. ولو جينا لفريق الفلاح داك اصلو يمكن الواحد ما يمشي الكورة زاتو لأنهم غالبآ بياخدوا من 5 ولي فوق .. وأنا يخيل لي إن إسم الفريق (الفـــلاح) ده هو الجايب الكفوة للفريق .. لأنه بيذكر المتفرج بالصعايدة ..هههه .. وبمناسبة أسماء الفرق تلاحظ أنها ربما تصبغ الفريق ببعض الهيبة .. لاحظ الصداقة .. الصديق .. المارد .. النجوم .. النسر .. الشعلة .. الجهاد .. الهدف .. اسماء كدة ممكن تمثل نصف الفريق !!! .. لكين عاين : (الفـــلاح) !! .. شنو هو؟؟ الشي جايين نزرع ؟؟
    لكين برضو مباريات الفلاح كانت ممتعة لأننا كنا بنشاهد أكبر عدد من الاهداف .. معليش ياناس الفلاح بنهظر معاكم


    (عدل بواسطة Munir on 06-05-2007, 01:22 PM)

                  

06-05-2007, 12:34 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =

    الرائع (( منير ))
    شكرا جميلا حزيلا لسردك الرائع كروعة يراعك ..
    وشكرا لهذه الكوكبة التي جاءت في محفل سردك
    وكأنك تصور لنا مشاهد من أيام خوالي ..

    ما حيرني أخ منير هو أن البوست قد قفز في
    ترقيمه من الرقم ( 4 ) الة الرقم ( 9 )
    بقدرة قادر .. بل أن هناك رسائل عكسية قد
    أصبحت رتد لي وكأنها تقول لي :-

    (( روق اللعب شوية وأدي الناس فرصة ))
    واصل سردك الجميل أخي منير حتى لايمل الناس
    حديثنا وحتى نلون تلاوين المشاركات بلونكم
    الأخاذ ..

    لك ولكل الرائعين من أمثالك خوالw مودتنا




    (( وينك ياعبدون )) ؟؟؟








    =




    =

    (عدل بواسطة صلاح شكوكو on 06-05-2007, 04:06 PM)
    (عدل بواسطة صلاح شكوكو on 06-05-2007, 04:07 PM)
    (عدل بواسطة صلاح شكوكو on 06-05-2007, 04:07 PM)

                  

06-05-2007, 01:12 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)


    .. أخي الراقي صلاح شكوكو .. شكرآ لإطرائك .. وآسف أن قطعت علي القراء تنقلك بنا في رحاب الشعبية من ركن لركن في سياحة زمانية ومكانية ممتعة بها وخذت ذاكرتنا وأثريت هذه المساحة بأسماء وأحداث وحقائق غزيرة اعادتنا لفضاءات ماضية نتمني أن تعود ولو في الخيال !! .. ومتابعين سردك والذاكرة مفتوحة علي مصراعيها .. فهل من مزيد ..

    و سنحاول أن نجادعك وإن كنا لن نبلغ مداك ..
    .
    Quote: ما حيرني أخ منير هو أن البوست قد قفز في
    ترقيمه من الرقم ( 4 ) الة الرقم ( 9 )
    بقدرة قادر .. بل أن هناك رسائل عكسية قد
    أصبحت رتد لي وكأنها تقول لي :-

    (( روق اللعب شوية وأدي الناس فرصة ))
    نعم أنا أيضآ لاحظت تضاعف عدد صفحات البوست ويبدو أنه تم نقص عدد المداخلات التي تنقل للصفحة التالية .. و .. أهو الحكاية بقت مثل تخفيض العملة الصفحة بصفحتين .. تماشيآ ربما مع العقوبات الامريكية علي السودان

    كل الود ..


                  

06-05-2007, 02:55 PM

Hussain Ghaffar

تاريخ التسجيل: 05-30-2007
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    شكرا للأخوة صلاح شكوكو ومنير عبد الرحيم على كتاباتهم الممتعة.
    وتحية خاصة للأخ صلاح الزبير ساكن الرويس الجميلة , وأخيرا ظهر كمال الزبير فله التحية
    والود, وما يعمل لينا فيها مشغول جدا , لأنى ما بريحو وكل يوم أرن ليهو تلفون.
    واعتذارى الشديد للأخ العزيز الحاج حمد لأنى حرمته من أجر المناولة !
    وتحية للأخ عادل محمد عثمان الذى أدهشتنى صورته الغريبة المنشورة , لأنها لا تعكس وسامته وشكله الحقيقى . وبعدين الشيب ده شنو يا عادل ؟ لما جيتنا فى أبوظبى ما كنت مشيب كدة !!
    وهذه الصورة ذكرتنى باحدى نكات عادل. كنا مرة مع بعض وقلت له : صلعتك دى كبرت يا عادل. فقال لى بسخريته المعهودة : ده النبوغ المبكر , فضحكت جدا , فقال لى : مالك ؟ عندك أعتراض على الكلام ده ؟ فقلت له : أنا ما عندى أعتراض انو ده نبوغ , لكن مبكر دى شنو ؟!
    وأقول للأخ صلاح الزبير جزاك الله خير على ذكرك للمرحومة "حلوة" , وأرجو أن أصحح معلومة خاطئة وردت من أحد المشاركين بأنها توفيت بالسجن. والصحيح أن سلطات مباحث بحرى عندما عجزت عن منعها من بيع الخمور البلدية أوعزت الى جهة ما, والتى أجبرت المرحومة حلوة على دخول معسكر الدفاع الشعبى بالقطينة. وقد توفيت حلوة أثناء اجبارها قسرا على أداء تدريبات عسكرية شاقة ومرهقة بالمعسكر منذ الصباح الباكر وحتى المساء. فهى ضحية من ضحايا نظام الأنقاذ , والبعض يعتبرها شهيدة. وعلى الرغم من الخلاف فى التكييف الفقهى , وربما السياسى , لواقعة وفاتها الا أننى أترحم عليها وأسأل الله لها المغفرة والرحمة, رغم أننى لم أكن من زبائنها , فقد كانت جارة لنا وهى كانت امراة طيبة وتحترم كل الناس
    ومن الجقدليات ذات الصلة بالموضوع , أن بعض الشباب فى الحلة أرادوا أن يشتروا بعض الخمور البلدية ( أيام الجاهلية طبعا ) ولما كان الأخ حيدر الجقدلى قد اشترى قبلهم من نفس البائعة , فقد سألوه عن جودة الشراب قائلين : حيدر , العرقى ده الليلة كيف ؟
    فقال حيدر بأسلوبه الفكاهى : والله هو ما زى أبوك لكن بيربيك !
    مع تحياتى للجميع
    حسين عبد الحليم
                  

06-05-2007, 06:07 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Hussain Ghaffar)


    Quote: والصحيح أن سلطات مباحث بحرى عندما عجزت عن منعها من بيع الخمور البلدية أوعزت الى جهة ما, والتى أجبرت المرحومة حلوة على دخول معسكر الدفاع الشعبى بالقطينة. وقد توفيت حلوة أثناء اجبارها قسرا على أداء تدريبات عسكرية شاقة ومرهقة بالمعسكر منذ الصباح الباكر وحتى المساء. فهى ضحية من ضحايا نظام الأنقاذ , والبعض يعتبرها شهيدة. وعلى الرغم من الخلاف فى التكييف الفقهى , وربما السياسى , لواقعة وفاتها الا أننى أترحم عليها وأسأل الله لها المغفرة والرحمة, رغم أننى لم أكن من زبائنها , فقد كانت جارة لنا وهى كانت امراة طيبة وتحترم كل الناس

    بالله يا حسين أغتيلت العمة حلوة بهذه الطريقة؟؟!! لا حول ولا قوة إلا بالله !! ..
    رحمها الله رحمة واسعة وغفر لها وألهم آلها وذويها الصبر وحسن العزاء ..

                  

06-05-2007, 03:18 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    الأخ منير

    تحياتي و يبدو أنك عدت بشهية مفتوحة (يبدو انو يكون عندك مشكلة دائرة الكترونية معصلجة انتهت لووووول) ياخي كتر لينا من العينة دي ..سرد جميل
    Quote: الحقيقة اتلخبطت الآن ومااتذكر بالظبط هل اللاعب رمزي موسي كان في الصداقة أم المارد ؟!!


    رمزي موسى كان بيلعب في الصداقة و يمكن اتلخبطت لأنو فريق المارد انتقل لحلة ناس رمزي و لعب بالمارد أخوهو شهاب ، طبعا المارد كان في الحلة الورانا يا منير لكن المرحوم معاوية عريبي نقل الفريق لحيهم ، لكن كان يشرف عليهو ناس الماحي و بشرى عبدو و كان في حلتهم لكن انتقل تدريجيا لحلة ناس معاوية ، طبعا معاوية كان اداري بالصداقة و بعد ذلك أشرف على المارد و نقله تدريجيا لحلتهم رحمه الله رحمة واسعة...

    طبعا كان للصداقة نادي و حاليا هو منزل المرحوم مولانا الأزرق امام مسجد ابوبكر الصديق (الكوارتة) و امام المسجد الفي حلة ناس عادل محمد عثمان ، كان عبارة عن حوش به غرفة واحدة و كان نادي للصداقة لفترة...على ذكر الصداقة سوف ارجع للحديث عن كثير من الأشخاص و لكن الآن أخص بالتحية الأب الروحي لفريق الصداقة عبد الرحيم (ود الشول)
                  

06-05-2007, 03:56 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    Quote: تحياتي و يبدو أنك عدت بشهية مفتوحة (يبدو انو يكون عندك مشكلة دائرة الكترونية معصلجة انتهت لووووول)
    .. لا والله ياالحاج بالعكس أخوك الزومة ضايقي عديــــل .. واسع ده داعك في دائرة وشغال فيها simulation وأثناء الـsimulation اقزقز بسطر سطرين .. مفروض اخلص في ظرف ثلاثة اسابيع فدعواتكم لينا ..

    وياريت ياالحاج تسهب لينا شوية عن الميدان والكورة فما أظن في واحد شاهد عصر زيك .. بحكم أن خشم بابكم فاتح علي الميدان ليل ونهار وشايف الجميع لاعبين ومتفرجين .. وأنا زي ما عارف الذكريات دي قديمة جدآ بالابيض والاسود بس .. فألحقنا سريع بالملون ..

                  

06-05-2007, 03:27 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)



    .. أما فريق الصديق فرغم أني متعود عليه جدآ بحكم أن كل تمارينه كانت بميدان الصداقة جنبنا إلا أني لم أكن اشجعه ولا ادري لماذا؟ .. ربما لأنه كان منافسآ للصداقة أو لربما أن لاعبيه كلهم من حلة الصديق البعيدة منا نسبيآ وهي المنطقة شرق السوق .. في حين أن كثير من لاعبي فريق الصداقة من حلتنا وخاصة أولاد عم بين ناس يوسف المفك ومنعم وتيتو وكمال كأعمدة للفريق ..
    وقد تميز الصديق بعض اللاعبين الطوااال أمثال ناس كرتكيلا والجقدلي وحارس المرمي حامد رحال(أها انا هنا اتلخبطت هل كان حامد رحال قون الصديق أم الشعلة!!) .. كما كان بالفريق اللاعب القصير حمادة والذي كان اسرع لاعب يمكن في بحري كلها .. الزول ده عندما يجري بالكورة تاني غايتو إلا تحوشوهو في دكان احمداليماني .. تشنكله ما ينفع تنط ليهو جوز تعوق نفسك ساي .. تمسكه من الفنيلة يقلعها يخليها ليك .. وما يقيف إلا يعكس الكورة أو يخش بيها القون .. غايتو حمادة كان رقم صعب خلاس في تشكيلة الفريق ..

    أما فريق المارد فكان أعمدته الاخوة إمام ومزمل وبشري والماحي وكذلك من نجومه كما قلت الاخ كمال نورالدائم جناح الفريق الايمن الذي تميز بالسرعة وعكس الكرات والكونرات فقد كان شواتآ جدآ وفي أي تمرين أو مباراة لابد علي الأقل يعكس ليهو 100 عكسه .. ثم هناك النجم دفع السيد جيب الله الشهير بمنقستو وهو طريقة لعبه يمكن تقول عليها الصعب الممتنع ووظيفته في الميدان مهاجم وميزته العجيبة أنه برضو تفتكر أن الكورة مقدمة منه لكنه بيكون متحكم فيها بأعجوبة .. وعنده طريقة محاورة كدة النوع البطقطق ضهر المدافع داك.. يعني يكون جاري بالكورة والمدافع جاري وراه وده جاري وداك جاري وراه جاري وجاري وراه .. وفجأة منقستو يروح لافي بالكورة 180 درجة ويقبض فرامل .. فإذا بالمدافع وبقوة الدفع الذاتي تلقاهو بيكابس في الخور .. أما لو كان من عينة المدافعين الحرفاء فعلي الاقل حتجيهو فلايت من اللفة المفاجئة لو ما انزلق ليهو غضروف .. وكذلك كان من لاعبي المارد الصعبين اللاعب شعار .. هو مدافع شرس لو ما قطع منك الكورة ما ممكن يخليك تمر لو ما اداك شلوت .. فقد كان لا يحتمل الغلب والاستفزاز الكروي .. ومن لاعبي المارد كذلك اللاعب المحبوب سيد ناصر ـ الخانة العامة : دفاع .. وقد كان ايضآ ذو بنية جسمانية رياضية وخفيف الحركة.. وهذه الخفة انقذته مرة من تعويقة محققة .. فأذكر يومآ ما كانت هناك مباراة دورية في ميدان الرابطة بين المارد والصداقة( والله يا اخواننا انا هسة برضو تاني اتلخبطت اذ يخيل لي أن سيد ناصر ده لعب في الصداقة ـ معليش الواحد مع طول الزمن بقي يشوف الغابة وما بيفرز الشجر ) ـ المهم .. المباراة كانت ملتهبة والجمهور مشتعل وبعد شوية كدة اللعب بقي فيهو عنف شديد قانوني وغير قانوني .. أها مع الحماس الزائد ده قام سيدناصر جاته الكورة .. فتقدم بها من خانة الباك الشمال وتقدم وتقدم .. فظهر له لاعب الصديق عبدون (اذكر الاسم الاول فقط وياربي يكون الاخ عبدون الذي يشارك معنا هنا ده ياربي ؟؟) ..
    فعندما اقترب عبدون من سيدناصر ووقف معترضآ له علي بعد 3 امتار .. ومع جوطة الجماهير المحرضة علي العنف .. وسيدناصر كان قريب من جمهوره في الجهة الغربية من الميدان .. فبقي سيد يتقدم ببطء وعبدون يتراجع ببطء ..ده يتقدم وده يتراجع .. ده يتقدم وده يتراجع.. قام فجأة سيد قدم الكورة عمدآ لعبدون بصورة مستفزة لعبدون عشان عبدون يجي خاشي علي الكورة وسيد يقوم يكشه هو والكورة ويمتع الجمهور الشرير المتعطش للكاسوري .. وارتسمت علي وجهه ابتسامة ماكرة .. وعبدون كان بيلعب حفيان وحجمه أقل من سيدناصر .. وسيدناصر مدرع بالكدارات والشنكارات .. بس عبدون ده أذكر أنه كان من أحرف اللعيبة في الرابطة وكان من أذكي اللاعبين .. فعندما انتبه لنوايا سيدناصر وعرف ان الزول ده قدم ليهو الكورة مخصوووص عشان يكشه هو والكورة تصرف بسرعة بديهة مثيرة للإعجاب .. فهو لم يجبن بل كان معروفآ بالشجاعة فلم يتراجع من الكورة وتقدم اليها وعندها انقض سيدناصر عليه يريد مكاوشته .. وفي جذر خمسة من الثانية رقد عبدون ارضآ ونط في الكورة جوز وتكل اقدامه في الكورة .. وعندما شات سيدناصر لقي نفسه شايت في كورة متكولة بجوز قدمين في شكل حيطة .. ومع اندفاعه لم يكن هناك وقت ليفرمل فشات الحيطة واتقلب وراء عبدون يمكن ثلاثة قلبات .. وربك ستر .. لو ما كان سيدناصر زول خفيف ورياضي مطبوع كان كسر رقبته لكنه كور جسمه في شكل ترتار واتشقلب ليهو كم شقيلبة كده وقام .. وضحك علي نفسه وقال في نفسه (وتري الرجل الضعيف فتزدريه وفي اثوابه أسد هصور) .. وصفق الجمهور بإندهاش وإعجاب لعبدون الذي دافع عن نفسه بشجاعة وذكاء ومهارة يحسد عليها..
    .
    .
    زمن يا روابط ..

                  

06-05-2007, 03:42 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    الأخ منير سيد ناصر فعلا كان بيلعب في الصداقة و عابدون محمد عابدون هو عابدون المشارك معنا في البوست...

    وصلتني الرسالة التالية من الأخ صلاح الزبير

    Quote: تحياتى للجميع
    الشارع المقترح تسميته بإسم المرحوم أبوأمنه حامد يطلق عليه من زمان إسم شارع عبدالرحمن مكاوى الذى لا نعرف عنه أى معلومه. أرقدوا عافيه
    صلاح الزبير


    الأخ صلاح الزبير المركز الصحي كان اسمو مركز صحي عبد الرحمن مكاوي و لا أعرف ان كان هو الذي شيد المركز الصحي ؟أم أنه قدم عمل جليل خلد اسمه بهذا المركز؟ بعد ذلك تم تغيير اسم المركز الصحي لمركز صحي الشعبية
                  

06-05-2007, 04:09 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    و رسالة مراسلنا بالدوحة شمس الدين ساتي:

    Quote: الأخ منير / سلامات
    عابدون الذي ذكرته هو بالذات الذي يراسل بالبورد وفعلا كان حريف جدا وقصير القامة زإسمه الكامل عابدون محمد عابدون ومنزلهم الناصية الداخلية في حلة الصديق. أما عن سيد ناصر فهو قد لعب بالمارد - وكذلك من لعيبة المارد الذين لم تذكره اللاعب المهذب ذو الأخلاق العالية الصديق جمال موسي محمد موسي ولكنك لم تذكر شيئا عن الهدف أيام زمان ولعيبته الأفذاذ صلاح الزبير الفنان والحريف كمال الزبير - نست أن أذكر من لعيبة المارد الزين عبد اللطيف الفنان المهذب الحريف - الأخ الصديق حسين عبد الحليم . أمتعنا بالله . نعم العابة الحاكمة هي التي تسببت في موت حلوة. أرجو مواصلة إبداعاتكم . باحاج البيت الذي قصدته ليس الكائن قرب ناس حامد دفع الله والذي هو بيت سجون إنما الذي أقصده الذي ذكرته لك قرب ناس ربيع - تحياتي للجميع
                  

06-05-2007, 04:57 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    الاخ شمس الدين سلامات وشكرآ علي رسالتك ..
    والله زي ما قلت للحاج البلد ضيقة وفعلآ العالم اصبح قرية !!.. وأنا كنت معجب جدآ بحرفنة الاخ اللاعب عبدون ولذلك اسمه عالق في ذاكرتي بقوة .. وطبعآ اللاعب الحريف ما بيتنسي ..
    لو تلاحظ يا شمس الدين أن الفترة البتكلم عنها دي قديمة خلاس عشان كده الواحد بقزقز بذكريات رهاب رهاب في مرحلة عمرية بقينا نشوفها طشاش طشاش .. ونعم اذكر لاعب الماردالحريف المهذب جمال موسي الذي كان يلعب مدافع وأنا اذكره عندما كان يلعب بدون كدارة ولا يمكن لمهاجم أن يتعداه بسهولة .. له ألف تحية .. وطبعآ تهذيب الملاعب ده (وهو عدم الخرخرة والضجيج والعنف المتعمد) هو اقصي درجات حسن الخلق ونقاء النفس وقد ميز الكثيرين من اللاعبين ..
    أما فريق الهدف فياما جلست وراء القون متفرجآ في تمارينه في ميدان الصداقة .. وطبعآ كما ذكرت انت ان ابرز نجومه ناس صلاح الزبير ده وكمال الزبير وناس خميس المصري الكانوا مرات كده بيجيبوا ليهم حلب قرايبهم يلعبوا معاهم .. جرايين جنس جري ولعابين لعب !!.. والواحد فيهم لايووق لياقة !!.. يكون لاعب حفيان وقدر ما يشلتوهو ويعفصوهو ما يفك الكورة !! .. قلت ليهم ديل انتو كده !!.. أمال ناس محمودالخطيب كيف ؟؟!! ..
    وكان هناك النجم الطيار هاشم طيارة ـ علي ما اعتقد ـ والله ياجماعة الاسماء دي بتجي واقعة من الذاكرة علي السليقة ساي فلو غلطان صلحوني ـ الواحد ما يقوم يتلوم ساكت ـ وأنا صراحة ماكنت بتاع كورة مختلط باللاعبين بس كنت متفرج وبجيب الكورة من وراء القون ههه .. وطبعآ لا يمكن أن انسي حارس مرمي الهدف الاخ قريبي عبدالواحد ودالخليفة محمداحمد ..

                  

06-05-2007, 04:13 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    بالله يا الحاج ده طلع عبدون ذاته؟؟ .. والله لكين صدفة جميلة جدآ .. هو طبعآ مابيعرفني لكين ياربي بيتذكر اللقطة الحكيتها دي؟؟ .. تحياتي لك أخي عبدون .. الدنيا ضيقة وانتو عبيد كبار ما نزال نذكر ابداعاتكم في الميادين

                  

06-05-2007, 04:39 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    يا منير بمناسبة اللقطات التي لا تنسى لقطة كانت بين محمود (أنقي) من الصداقة و (موني) من (الجهاد) و موني طبعا كان لعاب جدا مرة مباراة مسخنة بين الفريقين و موني مسك الكورة و سحب ليك أنقي للخط و مال يمين أنقي مال شمال مال شمال أنقي مال يمين ، قام أنقي نط جوز موني بحركة سريعة دخل الكورة تحت انقي و سريع عكس الكورة و كان نتيجتها هدف طبعا ناس أحمد أبوسعد و جورج و كضلو قاعدين بره يضحكو ضحك بصوت عالي و تسمع وااااااااا مع كل ميلان لموني يمين أو شمال ، الذ ما في الموضوع بعد نهاية المباراة (أنقي) الجماعة اتلمو يضحكو فيهو قام قال : و الله يا جماعة الزول دا ما عمل حاجة بس ميلت شمال ميل يمين ، ميلت يمين ميل شمال ، نطيت ليهو جوز دخل بي تحتي و عكسها و طبعا الجماعة واقعين ضحك ، دا كلو يا أنقي و ما عمل حاجة...........
                  

06-05-2007, 05:51 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    Quote: الذ ما في الموضوع بعد نهاية المباراة (أنقي) الجماعة اتلمو يضحكو فيهو قام قال : و الله يا جماعة الزول دا ما عمل حاجة بس ميلت شمال ميل يمين ، ميلت يمين ميل شمال ، نطيت ليهو جوز دخل بي تحتي و عكسها و طبعا الجماعة واقعين ضحك ، دا كلو يا أنقي و ما عمل حاجة...........
    الاخ الحاج .. اشتقنا جدآ لهؤلاء للأخوة وتخيل أنا ما لاقيت أخونا جارنا محمود انقي منذ انتقاله لبورتسودان !!! .. وكذلك الاخ كضلو .. وطبعآ انقي وكضلو ديل كانوا بيكاووا بعض في كل شئ مع صداقتهم العميقة وصحبة المدرسة والجيرة ..

    طبعآ أنقي جوة الميدان جوة الميدان وياها هوايته وبقت في الآخر تخصصه .. وده مخلي ناس كضلو لاقين فيهو فرصة .. وطبعآ كان لاعب حريف ومؤهل لللعب الاستاندرد المعروف .. بس ما يغلط أو يتحاور زي محاورة موني دي الجماعة يحردوهو ليك العشا .. وكضلو طبعآ فقري جدآ في المكاواة وهو رغم أنه عندما يتمرن (وهو لم يكن مداومآ علي الكورة) بيجلط كثير في الميدان وبيتحاور بسهولة لكنه مبرراتي درجة أولي !! وممكن يغالطك زي مغالطة انقي دي .. ما ممكن تقنعه إنه اتحاور ابدآ .. حتي لو بيضوا ليهو الكورة قدام الجمهور كله ممكن ينكر واحتمال يقنعك انه هو البيضها للخصم .. لذلك أنقي ما كان بيقدر يغيظه كلو كلو .. ههههه

                  

06-05-2007, 09:12 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    الاخوة الاعزاء
    تحياتى
    المركز الصحى بناه رجل البر والاحسان المرحوم عبد الرحمن مكاوى ولهذا سمى باسمه. فكرة تسمية شارع الشعبية باسم المرحوم ابو امنة حامد فكرة صائبة ارجو ان تتحقق. فى ذكرى الشعبية وابو امنة نستمع سيداتى انساتى سادتى لاغنية (سال من شعرها الذهب) كلمات ابوامنة حامد والحان وغناء صلاح ابن البادية
    http://www.youtube.com/watch?v=Gr6s-_wQkis
                  

06-05-2007, 11:14 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)

    زي ما ذكر الأخ منير الصداقة كان بها لاعبين أفذاذ و على ذكر الفلاح أذكر في مرة من المرات أيام كان فريق الصداقة يتلتل انتصر علة\ى الفلاح في احدى المباريات 13/ صفر..و بما أنه عندنا جماعة كده بتاعين نكتة و لماحين فأصبح عندنا مثل لأي نتيجة مضمونة بقول ليك (و الله دي زي الصداقة و الفلاح) ، أذكر مرة واحد من شباب الشعبية وجيه و جاء ماشي و معاهو واحدة شينة عامل بحبها ، جماعة من الشرامة الما بحيو و ما بخلو الناس يحبو سأل يا جماعة الناس ديل حبهم بتاع مستقبل و الله صاحبك دا ح يزوغ؟ رد عليهو واحد من القاعدين : و الله دي ظاااهرة زي الصداقة و الفلاح ما عاوزة ليها سؤال ، و يقصد انو صاحبك زوغتو واضحة.....
                  

06-06-2007, 06:26 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الأخ حسين عبد الحليم

    (حسين غفار دا Nickname) عشان في ناس غفار دي ح تجهجهم شوية (حسين عبد الحليم عبد الغفار)..تحياتي و البوست ازداد حلاوة بوجودك و مشاركتك..اول مرة أعرف انو حلوة دخلت دفاع شعبي ياخي دي لو لقت ليها كيلة بلح جوة كان سكرت المعسكر كلو..يا حسين مالك عاوز توهم عادل محمد عثمان فالرجل رغم الشيب الذي علله بنبوغ مبكر (نشهد به) فمازال يحمل تلك الوسامة

    الأخ منير

    دعواتي لك بالتوفيق و عارفك ما بتقصر و نحن الخواجات ديل رسلنا ليهم نوع منير دا (عشان يأمينو أديييل كده)..طبعا يا جماعة منير دا عندو لقب كده جوه شارعهم و شارعنا بس و هو (سيزر) و قد أطلقه عليه الأخ (كضلو) فعندما تعصلج مسألة رياضيات على الأخ كضلو يجي لمنير يفتفته ليهو في دقيقة و في ذلك الوقت كان المدرب الخواجة (سيزر) يدرب الهلال و أحرز معه نتائج طيبة و كثر الحديث عنه و كضلو معروف تفكيره كروي بحت فأطلق على منير لقب (سيزر) تيمنا بذلك الخواجة..

    الأخ عادل محمد عثمان

    شكرا على تأكيد معلومة أن الذي قام بتشييد المركز الصحي هو المرحوم عبد الرحمن مكاوي ، أسال الله له الرحمة بقدر ما قدم هذا المركز لسكان الشعبية و المناطق الأخرى خاصة شمال بحري من خدمات صحية لسنوات عديدة

    (عدل بواسطة hajhamad on 06-06-2007, 07:33 AM)

                  

06-06-2007, 06:27 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    عشاق الشعبية سلام

    ويا حاج حمد ما دام انفتح باب الرياضة في البوست وانفتحت شهية الكتاب في الكتابة عن المدينة الرياضية ، فان نسينا لا ننسي أحد رموز الشعبية وهو الحكم القدير عبدالرحيم حاج عمر . فالدعوة لكل المحبين العارفين بهذا الحكم الشهير للكتابة عنه بالتفصيل وعن ابداعاته في الملاعب.

    الحلوة وما ادراك ما الحلوة كدوس وما ادراك ما كدوس . واذا بليتم فاستتروا . لذلك اقترح عدم التعرض للمسائل الشخصية بالاسم لان ذلك زمن مضي .

    الأخ صلاح شكوكو : ما زلنا في انتظار الابداع عن الفوالين والسماكين.

    آخر القول : ما زالت الدعوة مفتوحة لفطور فسيخ مع بداية يوليو بالشعبية وبداية موسم الامطار لانه مع الرذاذ يحلو الفسيخ ووووووو .

    خاتمة :

    دع الأحلام تدغدغ في الصدي يا شوقا بت أعشقه علي المدي

    من عندياتي عندما كنت أحلم في زمن ولي .

    أنفع ؟؟؟؟؟؟؟؟؟؟؟؟؟؟
                  

06-06-2007, 07:16 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: حسن طه محمد)

    الأخ حسن طه
    Quote: دع الأحلام تدغدغ في الصدي


    ما دام قد جالست هؤلاء الفطاحلة أكيد أنك تخفي الكثير من الاتجاهات الأدبية الراقية ، تنفع جدا جيب ما عندك ، كيد ما خفي أعظم..

    رسالة من مراسلنا بالدوحة شمس الدين ساتي ، و ياخي طول الرسالة شوية هي رسالة جوال:

    Quote: لأخ الحاج - الأخ منير
    عبد الواحد قريبك وجاري العزيز كان يلعب في المارد وليس الهدف وبعدها زامل صديقي زاهر ودفع السيد في الكفاح لفترة طويلة أيضا من لعيبة الزمن القديم اللاعب المدافع ضابط الشلرطة الحالي ابراهيم الشيخ الذي لعب بعدها بفريق شمبات أيام كان بالدرجة الأولي وفي إحدي المباريات ضد الهلال حاوره الدحيش وضحك فيه الجمهور فماكان من إبراهيم إلا أن ضرب الدحيش شلوت خرج بعدها ببطاقة حمراء. يمكن القاصده إنت أخو عبد الواحد الثاني أحمد جل وفعلا لعب بالهدف وكان مدافعا- وهو هنا معنا بالدوحة - ياأخوانا نسيتو المرحوم اللعاب عبد الفتاح الذي أقيم له أكبر مهرجان تأبين - أرجو الكتابة عن هذا اللآعب


    المرحوم عبد الفتاح خوجلي شقيق جمال و كمال و عادل خوجلي كان لاعب موهوب و فنان عليه الرحمة ، و طريقة لعبه تشبه طريقة لعب المرحوم شيخ ادريس كباشي ، نفس طول القامة نفس الذكاء و حسن التصرف.
                  

06-06-2007, 08:50 AM

Hussain Ghaffar

تاريخ التسجيل: 05-30-2007
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    رحم الله اللاعب الموهوب عبد الفتاح خوجلى الذى كان يتمتع بأخلاق حميدة.
    وكان المرحوم أحد أعمدة فريق المارد الذى لعب فيه أيضا دفع السيد جيب الله ( منقستو ) وامام عبده وسيد ناصر وجمال موسى وابراهيم فضل أبوشوشة ( الشهير باسم شعار ) وغيرهم من اللعيبة الأفذاذ.
    وقد كان فريق المارد هو فريق حلتنا حيث تأسس فى حلتنا وكانت ادارته تتمثل فى ثلاثة اخوة كبار لنا هم : /محمد عبده ( شقيق مزمل الكوتش وامام والماحى عبده ) وهو حاليا معنا فى الامارات فى مدينة العين , والأخ أحمد عبد العزيز الموجود حاليا فى أمريكا على ما أظن , ثم الأخ محمد فضل أبوشوشة والأخ بكرى أسمر رحمه الله ( شقيق أخونا بدر الدين ديكا ) . ولهم جميعا خالص التحايا والتقدير.
    وأذكر جيدا أنه عندما تأسس فريق المارد كان هناك اجتماع جمعية عمومية فى بيت ناس أحمد عبد العزيز, ومن ضمن أجندة ذلك الاجتماع كان اختيار اسم لذلك الفريق الجديد ( فى أوائل السبعيتيات على ما أذكر ) وقد وقع الاختيار على اسم "المارد" الذى اقترحه الأخ هاشم طيارة الله يطراهو بالخير , وهو لاعب حريف ويمتاز بأخلاق عالية.
    وكنا فى ذلك الوقت صغار فى بدايات المرحلة الأبتدائية , وعندما تكون هناك مباراة للمارد كنا ندخل فى جوقة المشجعين لفريق المارد ونمشى خلف اللاعبين فى ما يشبه الزفة ونحن نهتف وندق على العلب الفارغة والصحون المعدنية القديمة وبعض الطبول الصغيرة التى اصطنعتها أيادى أولاد الحلة الصغيرة المبدعة , ونصفق فى تشجيع ومؤازرة حميمة للاعبى المارد الى أن يصلوا الى أرض الملعب.
    وهناك الكثير من الذكريات الجميلة والطرائف التى تشكلت وحدثت خلال مسيرة فريق المارد , وهناك عدد من الشخصيات التى ارتبطت بفريق المارد فى ذلك الوقت , أذكر منهم المرحوم حسيب وعمنا مختار ( والد المهندس هاشم مختار ) وعمنا مختار ود العمايا رحمه الله ( والد معاوية الخال وخالد كنب ). بالاضافة الى هؤلاء فقد كان هناك رجل مرح جدا ( للأسف نسيت اسمه ) كان دائم الحضور فى مباريات المارد وله أسلوب مميز فى التشجيع ويعلو صوته بالهتاف والتعليقات الطريفة, وكان دائما ما يطالب الحكم باحتساب ضربة جزاء لصالح المارد فى أى احتكاك يحدث مع أى لاعب , حيث كان يصيح : بلنتى بلنتى يا حكم , فيضج الجمهور بالضحك.
    والشئ الذى لا أعرف سببه وملابساته هو انتقال فريق المارد الى حلة ناس عادل محمد عثمان عن طريق المرحوم معاوية عريبى الذى كان أحد محبى فريق المارد. ولكن الملاحظ فى تلك الفترة هو العلاقات القوية والصداقات الحميمة التى كانت تربط الكثير من أولاد حلتنا بكثير من الشباب فى حلة ناس عادل عثمان , وربما يكون ذلك من أحد الأسباب فى انتقال المارد الى الجانب الاخر من شارع الشعبية الصغير.
    والملاحظ أيضا, كما أشار الحاج حمد من قبل , أن تسميات أجزاء من الشعبية ارتبطت بأسماء الفرق , فهناك حلة المارد وحلة الصديق وحلة الصداقة وحلة النجوم...الخ.
    وهناك الكثير من أبناء الشعبية الذين لعبوا فى فرق الدرجات الأولى والثانية والثالثة , فقد كانت الشعبية وما زالت منبعا وموردا لا ينضب للاعبين الممتازين الذين أسهموا بنصيب كبير ومقدر فى مسيرة الكرة السودانية . ومنهم أخونا صلاح شكوكو وعزالدين أبو الريش والكرابيج والتاج ادم وجحر ومنقستو وعزالدين سكرة وعبد العزيز فضل الله . ومن الجيل اللاحق اللاعب الفنان مصطفى كومى وود البدرى وغيرهم من اللاعبين الموهوبين.
    وأقترح أن نكتب سجل كامل يشمل جميع اللاعبين المميزين من أبناء الشعبية , يشارك فيه الجميع , وخصوصا الأخ صلاح شكوكوالاعب الفنان والكاتب المتخصص فى التوثيق وصاحب القلم المتمكن فى هذا المجال.
    وللجميع تحياتى وتقديرى.
    حسين عبد الحليم
                  

06-06-2007, 03:09 PM

Hussain Ghaffar

تاريخ التسجيل: 05-30-2007
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Hussain Ghaffar)

    فات على أن أذكر من اللاعبين اللاعب الحريف يوسف بين ( المفك )
    ومن حراس المرمى بدر الدين ديكا وعبد الواحد الخليفة ( تورو )
    وعادل محمد فضل الله (دولة ) واخرين.

    ومن الشخصيات التى ارتبطت بفريق المارد الأخ محمود سرور وهو من ظرفاء الشعبية.
    لهم جميعا التحية والتقدير.
    حسين عبد الحليم
                  

06-06-2007, 03:14 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Hussain Ghaffar)

    الأخ حسين عبد الحليم

    مشاركة رائعة فيها توثيق و سرد شيق ، منذ أن فتحت البوست خطر على بالي الأخوان عادل محمد عثمان و منير و صلاح شكوكو ثم جاء الأخ حسن طه و بقية الكوكبة ، و انت تؤكد اليوم أن في الشعبية المزيد من المبدعين و الكتاب...

    تأكد لي أن الشعبية رجال صنعوا أحداث و هناك كتاب سوف يوثقوا لذلك بأقلام صادقة رائعة أنيقة ، لك تحياتي و ودي..

    تعرف يا حسين بحاول اتذكر في الشخص الذي ذكرته و الذي يصيح بلنتي يا حكم و سوف أتذكره ان شاء الله

    البوست بعد دا لو لقيت شوية تنقيح و اضافات و لقاءات يمكن أن يكون كتاب يطلق عليه اسم :

    الشعبية الحي النجمة
                  

06-06-2007, 03:23 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    و رسالة من الأخ عابدون:
    Quote: الاخ حاج حمد ... تحياتى
    وتحيات خاصة للاخ منير ويامنير انا اللقطة اللى حكيت عليها متذكرها جدا ودى فعلا كانت ايام جميلة واللقطة دى بالذات اوجدت علاقة صداقة خاصة وقوية بينى وبين الاخ سيد ناصر واصبحنا من اخلص الاصدقاء يزورنى فى منزلنا وازوره
    فى منزلهم ولغاية ماسافرت الى ابوظبى كانت تربطنى بالاخ سيد ناصر ومازالت اقوى العلاقات
    اخى الرائد صلاح شكوكو
    قاعد احاول انزل فى صورة قديمة كدة تجمعنى انا والاخ المرحوم كباشى والاخ عثمان بانقا لكنى اجد صعوبة فى الابلودينق لكن اخوك عاضى شلاليفه ولازم الزها لى فوق عشان الاخوة يشوفونا ويتذكرونا
                  

06-06-2007, 03:35 PM

Hussain Ghaffar

تاريخ التسجيل: 05-30-2007
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    شكرا يا حاج حمد
    والشعبية فعلا تحتاج لكتاب
    ولو فعلا عايز تنفذ فكرة الكتاب دى , أنا سأتكفل بالطباعة
    وعلى الطلاق ما تقول حاجة !
    وتحية خاصة للأخ عابدون ونسأله عن صديقنا ودفعتنا الأخ فيصل محمد عابدون
    الذى قابلته فى أبوظبى فبل حوالى خمسة أو ستة سنوات وكان وقتها يعمل
    فى تلفزيون عجمان , فأين هو الان ؟
    بالله بلغوا التحيات وندعوه للمشاركة فى بوست الشعبية
    فهو أيضا رجل فنان ومبدع
    حسين عبد الحليم
                  

06-06-2007, 03:53 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Hussain Ghaffar)

    يا سلام يا حسين لهذ الحب و الوفاء للشعبية و الذي أعتقد انه حب و وفاء للوطن الكبير..

    تحياتي للأخ فيصل محمد عابدون و هو كما ذكر حسين دفعة و انا لم ألتقيه منذ زمن طويل..
                  

06-06-2007, 05:37 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    Quote: ويامنير انا اللقطة اللى حكيت عليها متذكرها جدا ودى فعلا كانت ايام جميلة واللقطة دى بالذات اوجدت علاقة صداقة خاصة وقوية بينى وبين الاخ سيد ناصر واصبحنا من اخلص الاصدقاء يزورنى فى منزلنا وازوره
    فى منزلهم ولغاية ماسافرت الى ابوظبى كانت تربطنى بالاخ سيد ناصر ومازالت اقوى العلاقات

    الاخ عابدون تحيات خوالص ..
    تعرف يا عابدون اللقطة دي انا بتذكرها كأنها كانت امبارح ده .. لأني كنت قريب .. وجو المباراة ورد فعل الجمهور الذي انفجر بالتصفيق علي جنبات الميدان الاربعة لا ينسي !.. والحركة العملتها إنت أخونا سيد ناصر أصلو ما كان متوقعها .. كان بس شايلاهو الهاشمية وداير بس يعمل فاول مع أي زول ويخش معركة الشلاليت التي سادت الملعب .. لكين يمين ساعة جاء مندفع وبدون ما يشعر لقاك مافي ولقي نفسه طاير فووق قريب للسحاب ومنها جاء هابط up side down يكون في الساعة ديك عرف حاجة هههه .. وطبعآ ذاك الرجل الحبوب سيد ناصر لم يكن شريرآ يقصد الأذية .. إحتمال كان داير بس يعمل معاك قـفـلة كاربة مدوية يفرح بيها مشجعي الصداقة الأشرار .. لكين حظه كان كعب ..

                  

06-06-2007, 05:10 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    Quote: الأخ منير
    عبد الواحد قريبك وجاري العزيز كان يلعب في المارد وليس الهدف

    الاخ شمس الدين .. شكرآ علي تصحيحك لي بخصوص عبدالواحد .. وزي ماشايف آثار السنين خلت الذاكرة زي بيت العنكبوت .. عبدالواحد ده بالذات ما كان مفروض اتلخبط فيه .. لكن الظاهر أني ربطت بين الهدف وعبدالواحد لأني كأنما عهدته بيتمرن مع ناس الهدف أو برضو يمكن لأن أخوه الاخ أحمد كان في الهدف .. أو لأنهم قريبين من ناس اولاد الزبير فارتبطت ذكراه بالهدف .. فليعذرني الاخ عبدالواحد علي هذه الشربكة ..
    لكين ما بعيد برضو ياشمس الدين أنه يكون لعب مع الهدف في مرحلة ما .. حقو الواحد ينادي ليك "كضلو" يجي يغالطك في الحتة دي

                  

06-13-2007, 05:51 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    أستديو ناصف :-
    ===========
    كان يحتل الركن القصي لشارع الكوبري عند نهاية حي الشعبية جنوب .. قرب مدخل مواصلات الشعبية . وكان هذا الأستديو الوحيد تقريبا في الشعبية بهذه الناحية حيث كنا نسجل تذكاراتنا وصورنا لديه .. كما كنا نحمل أفلامنا الخاصة إليه بغية تحميضها ..

    كان صاحب الأستديو يدعى (( محمد ناصف )) وعلى ما أعتقد أنه كان يسكن في حلة الدناقلة في الجزء المواجه لميدان الجهاد .. وحتى الآن لدي عشرات الصور المختومة بخاتم المحل والتي تحمل سنة إلتقاطها مما سهل علينا عملية إستذكار أوانها ..

    وفي هذا الجانب أذكر أن هناك مصورا مشهورا من الحلفايا ويبدو أن لديه ( إستديو ) هناك كان يجوب المدارس لتصوير الطلبة كجماعات .. ومازلت أحتفظ بعدد هائل من الصور لتلك المرحلة .. بل أننا علمت من أخواني أنه ظل على هذا المنوال حتى وقت قريب ..

    ولعل الصور المدرسة تعتبر سجلا حافلا لشخصيات ضاعت منا في دروب الحياة كلما تفرسنا صةرنا وجدنا حنينا لهم فيها وبالتالي نبدأ في إجترار حكايات لهم من خلال الذاكرة ..

    من هنا أدعو الأخوة الأكارم الذين يملكون صورا ويودون نشرها عبر هذا البست أن يرسلوها للأخ (( حاج حمد )) عبر بريده المنشور في هذا البوست .. كما يمكن أيضا إرسالها لي كذلك على بريدي الألكتروني كملف مرفق ( [email protected] ) ..

    ومعلوم أن حركة التوثيق تعتمد على الصور التي تقرب المسافات وتقرب الصورة حتى نتمكن من مشاهدة اللحظة من خلال الصورة .. وفي معي صور كثيرة لكنني بعيد عن جهازي (( كمبيوتري )) الذي يحوي هذه الذكريات .

    ولنا عودة





    =
                  

06-06-2007, 05:05 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    كتب الأخ عبدون محمد عبد ون

    Quote: اخى الرائد صلاح شكوكو
    قاعد احاول انزل فى صورة قديمة كدة تجمعنى انا والاخ المرحوم كباشى
    والاخ عثمان بانقا لكنى اجد صعوبة فى الابلودينق لكن اخوك عاضى شلاليفه
    ولازم الزها لى فوق عشان الاخوة يشوفونا ويتذكرونا


    الأخ العزيز (( عبدون محمد عبدون ))
    لك التحية وفيض من التقدير

    أدرك أنك ولعدم وجود عضوية لك بالمنبر فقد يتعذر عليك الإدراج
    لذا ليس لك إلا أن (( تباصي )) الصورة كمرفق لحاج حمد أو لي
    عبر البريد الألكتروني على أن نقوم بإدراجها .. والإحتفاظ لك بالحق
    الأدبي والحق الخاص وأي حقوق أخري مجاورة لحق التملك الذي يتيح
    لك حرية التصرف وأي تصرف لا يتعارض مع القانون من هبة أو بيع
    أو إستثمار أو تعليق أو ما شاكل ذلك ..

    (( باين علينا ياكابتن على موعد مع إجترارية عميقة تحيلنا
    الى الزمن السحيق .. وطالما فيها عضعيض شلالاليف إن شاء الله
    الضحك ما يقيف .. ))

    (( طرش .. ناطرين ))





    =
                  

06-06-2007, 05:31 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =


    Munir
    Quote: أخي الراقي صلاح شكوكو .. شكرآ لإطرائك .. وآسف أن قطعت علي القراء تنقلك بنا في رحاب الشعبية من ركن لركن في سياحة زمانية ومكانية ممتعة بها وخذت ذاكرتنا وأثريت هذه المساحة بأسماء وأحداث وحقائق غزيرة اعادتنا لفضاءات ماضية نتمني أن تعود ولو في الخيال !!


    الشفيف (( منير ))
    كلنا في الحي حب .. وكل منا يجاهد نفسه في الكتابة
    لحينا الحي .. ولعلك هذه التداخلات هي التي تزكي وتلهب
    المشاركات لأنك من خلال تدخلك تفتح أفقا جديدا لي مثلما
    أفتح أنا كوة تذكر آخرين بموضوعات في الخبء ..

    آمل أن تنداح وأن تحلق بنا في سماوات الذكرى ..
    وكلما وجدنا كوة فتحت فلن نتردد في الولوج الى حلبة
    النزال .. ندلق فيه بعض ماء ينبت زهرة ..

    لك التحية والود

    Hussain Ghaffar
    Quote: شكرا للأخوة صلاح شكوكو ومنير عبد الرحيم على كتاباتهم الممتعة.

    شكرا جزيلا لك أنت أخي (( حسين ))
    ولعل هذا من ظرفك وروعة الدواخل عندك
    فكل جميل يرى الوجود بناظريه جميل
    لك الود

    حسن طه محمد
    Quote: الأخ صلاح شكوكو : ما زلنا في انتظار الابداع عن الفوالين والسماكين.

    حسن طه (( الزول الجميل ))
    لك المودة تترا ..
    نحاول أن نحصر الفوالين وتعوزنا بعض الأسماء
    من المربعات المجاورة ونحاول أن نستعين (( بصديق ))
    أما السماكين والفسخنجية فلهم مساحة مقدرة وأحسب
    أنهم سيجعلون البوست يقفز من الثاني عشر الى العشرون

    تشكرات

    Hussain Ghaffar
    Quote: وهناك الكثير من أبناء الشعبية الذين لعبوا فى فرق الدرجات الأولى والثانية والثالثة , فقد كانت الشعبية وما زالت منبعا وموردا لا ينضب للاعبين الممتازين الذين أسهموا بنصيب كبير ومقدر فى مسيرة الكرة السودانية . ومنهم أخونا صلاح شكوكو وعزالدين أبو الريش والكرابيج والتاج ادم وجحر ومنقستو وعزالدين سكرة وعبد العزيز فضل الله . ومن الجيل اللاحق اللاعب الفنان مصطفى كومى وود البدرى وغيرهم من اللاعبين الموهوبين.
    وأقترح أن نكتب سجل كامل يشمل جميع اللاعبين المميزين من أبناء الشعبية , يشارك فيه الجميع , وخصوصا الأخ صلاح شكوكوالاعب الفنان والكاتب المتخصص فى التوثيق وصاحب القلم المتمكن فى هذا المجال.

    ضابط إيقاع البوست (( حسين ))
    عطر الله حرفك كما عطرت هذه الساحة والمساحة
    أوافقك الرأي فكثير من الهبات والوهبات ق حظي بها
    كثير من أبناء الحي .. فكانوا نجوما في سماء الممارسة
    مهما كان إطارها ..
    ويحتاجون الى شيء من التوثيق المتأني لنجوم كانوا يرسمون
    لوحات طيبة في سماء الممارسة الإجتماعية بحماس ومنافسة شريفة
    لطيفة شفيفة ..
    نحن مستعدون .. ونحتاج الى المعاونة ..

    لك الود









    عدلت المشاركة لوضع نقطة
    =

    (عدل بواسطة صلاح شكوكو on 06-06-2007, 05:36 PM)
    (عدل بواسطة صلاح شكوكو on 06-06-2007, 08:05 PM)

                  

06-06-2007, 08:15 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)



    اليوم يصادف الذكرى التاسعة لرحيل الوالد العزيز محمد عثمان الحاج رحمة.

    ذكراه واعماله ومآثره تعطر سماء الشعبية وبحرى والسودان.
    كان من اوائل المساعدين الطبيين فى السودان. واكتسب من الخبرة والمهارات والقدرات ما جعله يعرف مهنته اكثر من اطباء تخرجوا فى احسن الجامعات. ولهذا لم يكن لقب الدكتور الذى اطلقه عليه المرضى الذين عالجهم او ساهم فى علاجهم بما اوتى من علاقات، لم يكن هذا اللقب بعيد عن الحقيقة. كان، رحمه الله، ملاذ كل مريض فى الشعبية. من وجع الاسنان الى وجع المخ. كان يوالى المرضى بالحقن والعلاج انصاص الليالى حين يطرقون بابه. او يذهب اليهم عز الشتاء لحقنة دورية كل اربعة ساعات او كل ساعتين. ولم يكن يفعل هذا بغية اجر او شكر. كان هكذا. ولد وعاش للخير وللبذل وللعطاء وللتضحية. له فسيح الجنان. اللهم انفعنا بذكراه. ويسر لنا الطريق الذى سلكه فى حب الخير وحب الناس..والوفاء لجذوره الشعبية..
                  

06-06-2007, 10:21 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)


    يا إلهي يا عادل .. بالله معقول 9سنة؟؟ .. والله يا عادل أنا لم أعلم بوفاة العم العزيز محمدعثمان الحاج رحمة حتي عهد قريب .. فقد كنت خارج السودان .. رحمه الله رحمة واسعة واسكنه فسيح جناته مع الشهداء والصديقين وألهمكم الصبر والسلوان .

    ولا زلت اذكره وأذكر أنه كان رجلآ فاضلآ ودودآ بشوشآ دائم الابتسام .. وكم كنت أشعر بالفخر بهم عندما يقابل والدي في الشارع أو في أي مناسبة فيتبادلوا القفشات والتحايا وكنت أحسهم يسترجعون روح البلد وربما رفقة صبا وشباب .. ولطالما ساهرت بوالدي أو والدتي آلام الاسنان وتراهم يضيقون طول الليل منتظرين الصباح للإسراع لحمدسمان ودالحاج رحمة ليزيل عنهم هذا العناء بلطفه الشديد وشخصه الودود ..

    وطبعآ ياعادل كلما تذكرنا عزيزآ فقدناه انتبهنا إلي أن هذه الدنيا مهما بلغت من غاية الاشباع من المتاع فهي زائلة .. وهي دار فراق :إن لم يكن بالموت فبالبعاد .. ولنا أن نحسب عدد الايام والسنين التي قضيناها بعيدين من الاحباب والاصحاب وعدد السويعات التي تمتعت فيها عيوننا برؤيتهم وصحبتهم !! .. تجد أن الحسبة تطلع بالخسارة .. فكما ورد في الحديث أن الرسول صلي الله عليه وسلم قال : « أتاني جبريل، فقال: يا محمد عش ما شئت فإنك ميت، وأحبب ما شئت، فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس » ..

    ولكن تبقت لنا منحة ربانية عظيمة وهي ذلك الأمل اللانهائي باللقاء بعد الممات .. بذلك الوعد العظيم الذي يغطي علي كل أحزان الكون وهو وعد اللقيا السرمدية التي ليس بعدها فراق مشفوعة بالحديث الشريف : المرء مع من أحب ..

                  

06-07-2007, 07:07 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    الأخ عادل محمد عثمان

    في هذه الذكرى دعواتنا بالرحمة و المغفرة للوالد المرحوم محمدعثمان ، فقد عرفناه انسان و طبيب كان شعلة من النشاط في مركز صحي الشعبية ، يداوي مرضاه و الابتسامة لا تفارقه ، أذكر نشاطه في العمل العام في الشعبية بهمة و نكران ذات ، نسأل الله أن يجعل كل ذلك في ميزان حسناته و يجعل البركة فيكم و أن يحبب لنا جميعا خدمة الآخرين...
                  

06-09-2007, 01:27 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)

    Quote: اليوم يصادف الذكرى التاسعة لرحيل الوالد العزيز
    محمد عثمان الحاج رحمة.


    له الرحمة والمفرة .. جعل الله قبره روضة
    من رياض الجنة وأسكنه الله رضوانه مع الصديقين
    والشهداء جزاءا لأياديه البيضاء وقلبه الكبير
    وحب للخير ..

    فمن منا لم تمد لك يد والدكم الحانية وهو بأدبه
    الجم وخلقه الرفيع حيث كان يحترم الجميع ويعمل
    بكل تفان وأخلاص ..

    وقديما قيل (( يعرف الشجر الطيب بثماره ))
    بارك الله فيكم أخي عادل وفي أخوتك الأفاضل الذين
    آمل أن تنقل لهم أزكى تحياتنا .. وفائق تقديرنا
    لهم جميعا .. ولاحول ولاقوة إلا بالله )) ..

    والبركة فيكم ..








    =
                  

06-06-2007, 08:24 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    يوسف عبد الله بين (المفك)

    يعتبر المفك من أميز اللاعبين الذين ولدتهم الملاعب على نطاق السودان ، فقد تميز يوسف بلعب السهل الممتنع ، مايسترو حق و حقيقة ، أحب كرة القدم حب العاشق الولهان و أخلص لها و أعطاها فأعطته ، يلعب من أجل المتعة و الامتاع قبل النصر ، بدأ رحلته مع كرة القدم منذ طفولته بديوم بحري و عندما رحلوا للشعبية واصل عطاؤه وظهر نجمه بصورة لافتة للنظر بفريق التحرير و أظهر امكانيات فنية عالية ، أعجب بها كبار المدربين خاصة سليمان فارس (السد العالي) و منصور رمضان رحمهما الله و أعجب به كبار اللاعبين و كان من أشد اللاعبين اعجابا بطريقة لعب يوسف اللاعب بشارة ، و قد أدى بروز نجم المفك لاختياره للفريق القومي و رافق الفريق القومي في عدة رحلات وطدت علاقاته بالوسط الرياضي ، بعد ذلك انتقل للعب بنادي الفجيرة (بالامارات) و منها للعراق ثم عاد للسودان حيث يتواجد الآن و يقوم بتدريب عدد من الفرق ، و عمل يوسف بالتدريب و أظهر فيه أيضا عطاءا ثرا فهو صاحب شخصية قوية تجعله صاحب القرار الأول في طريقة التدريب و اختيار التشكيلة المناسبة مما جعله من المدربين المتميزين..من ميزات يوسف أنه يملك مهارة عالية جدا للتعامل مع الكرة و قدرة كبيرة في التحكم فيها و هو صاحب جسم مرن يجعله يتلو وسط زحمة اللاعبين بمرونة عالية و كذلك يتمتع بلياقة عالية جدا تجعله يؤدي المباراة بعطاء كبير..ما يميز يوسف عن كثير من اللاعبين الذهنية العالية التي يؤدي بها المباراة و قدرتها غلى قراءة الملعب ..كان يلعب باص للعاب في مكان حتى اللاعب نفسه لا يتخيل أنه في وضع تصله فيه الكرة لذلك كثير من الذين يلعبون في أطراف الملعب عندما تصله الكرة من المفك يحتاج لثواني كي يتصرف مع الكرة فغالبا ما يكون شارد الذهن لأنه يتخيل أن الكرة بعيدة أن تصل له في تلك اللحظة و يوسف يجيد ضربات الرأس و يجيد تنفيذ ضربات الجزاء فكل ضربات الجزاء التي تكون لصالح التحرير كان يؤديها هو..يوسف صاحب موهبة عالية و أذكر في مرة اثناء احدى المباريات اضطر المدرب لاشراك أحد اللاعبين كحارس مرمى و لمعرفته بامكانيات يوسف و مرونته تم اختياره ليكمل المباراة كحارس مرمى ، فأدى المباراة كأنه الحارس الأساسي بل و تالق في ما تبقى من زمن المباراة..قام يوسف بتدريب فريق الزمالة و فريق الصداقة و منتخب الشعبية و عدد من الفرق و متخبات المصالح و البنوك و الشركات و مازال يواصل هذا العطاء المتدفق..تحياتي له

    (عدل بواسطة hajhamad on 06-07-2007, 06:25 AM)

                  

06-06-2007, 10:23 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    سامي إبراهيم أحمد
    لاعب فريق المارد بالشعبية شمال ..
    وأحد أفذاذ الكرة السودانية .. حيث إنتقل لفريق
    التحرير ببحري ولعب بجوار المفك حيث كان مهاجما
    ذو بأس شديد .. لعب بالدورة المدرسية بفريق بحري
    الحكومية وكان نجما بارزا متألقا ..
    إنتقل لفريق الفجيرة بالإمارات العربية المتحدة ولعب
    كذلك بفريق الشرطة بالفجيرة التي مايزال فيها خيث
    مازال صيته يملأ الآفاق ..

    من إخوته أحمد( بلول )
    مولانا ( مجدي )
    ربيع ..

    إنتقلوا من الجزء الشمالي الى الجزء الجنوبي من الشعبية
    شكل مع زميله المفك ثنائية متميزة بالتحرير ثم الفجيرة

    له التحية والتقدير
    ولأخوته خالص التحايا





    =
                  

06-07-2007, 06:33 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    الأخ صلاح شكوكو

    من اخوان الأخ سامي بلول الدكتور بدر الدين و الذي كان متفوق أكاديميا ، درس الطب بمصر و بعد ذلك سافر الى لندن حيث أكمل تخصصه و أعتقد أنه لا يزال هناك و يمكن للأخ عادل محمد عثمان أن يفيدنا بأخبار الأخ بدر الدين..تحياتي
    وصلتني الرسالة التالية من الأخ عابدون:
    Quote: سلام شباب الشعبية الرائعين
    Date: Thu, 7 Jun 2007 08:44:47 +0400
    اخى الحاج

    ارجو ومن خلالك ان ارسل خالص التعازى للاخ عادل عثمان فى وفاة والده العزيز اسكنه الله فسيح جناته واقول لعن الله الغربة وظروفها التى تضطر الانسان للاغتراب عن الوطن والاهل وزى ماذكر اخى منير من انو لم نكن نعلم بالخبر طوال هذه السنين وهذه محمدة كبيرة للاخ الحاج حمد فى ايراد هذا البوست نتمنى من الله ان يجعله فى ميزان حسناته
    يارب

    اخى صلاح شكوكو شكرا لايراد الطريقة وانا فعلا كنت محتار فى الطريقة اللى ارسل بيها الصور وانشاء الله حأرسلها
    كمرفق اما من خلالك او خلال الاخ حاج حمد

    منير صباح الخير .. الدنيا صباح عندنا هسة فى ابوظبى
    فعلا الاخ سيد ناصر من اطيب الطيبين فى الحى لكن تعرف يامنير ودى فعلا ناحية تستحق الكتابة انو فى زمنا داك كانت منتشرة ثقافة كدة ماقادر اسميها بالضبط فى انو الناس تتصرف على غير فطرتها وطبيعتها الى ان تتبلور ظروف معينة تخلى الناس تفهم بعض ويتصرفوا بطبيعتهم وحسب فطرتهم لكن هناك كثير من الناس اللى كنا بنعاين ليهم وتفهم مثلا انهم يمتازوا بالشراسة او ماشابه لكن فى دواخلهم تلقاهم طيبين جدا وماعارف بالضبط السبب شنو اللى كان بيخلى الناس تتصرف كدة فى وقتها واضرب ليك مثل المرحوم نجم الدين حبيب واللى كل الناس ممكن تفكر انو من اشر الناس فى الدنيا هل تصدق انو الزول دا من اطيب الناس وكان يمتاز بدماثة خلق غير عادية رغم كل شىء ودا فعلا كان شىء غريب وقتها
    تحياتى
                  

06-07-2007, 07:44 AM

Hussain Ghaffar

تاريخ التسجيل: 05-30-2007
مجموع المشاركات: 62

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الأخ عادل محمد عثمان
    فى ذكرى وفاة الوالد محمد عثمان حاج رحمة نسأل الله له الرحمة والمغفرة
    وأن يسكنه الله الفردوس الأعلى ,ان يجزل له العطاء كما فعل الرحوم
    فى حياته مع كل الناس دون تمييز.
    وأذكر أن عمنا الرحوم محمد عثمان كان بارعا فى مهنته حيث كان
    يعالج أعقد الحالات وأكثرها دقة. وقد مررت أنا شخصيا بتجربة معه
    عندما كنت فى سادسة ابتدائى حيث أعطانى نصيحة طبية وعالجنى بناء عليها ولم أعانى من أى شئ بعدها
    وحتى الان.
    كما أنه كان رجلا بشوشا صبوح الوجه يلاقينا دائما بالابتسامة والترحاب
    عندما كنا نأتى لزيارة عادل فى البيت. وأذكر فى مرة كان معى أحد زملاء الدراسة
    ولم نجد عادل فى البيت وقابلنا العم محمد عثمان وأصر على دخولنا الى البيت
    وقام بواجب الضيافة كاملا قائلا لنا : يعنى عشان صاحبكم ما موجود عايزين تمشو ؟ فتونسنا معه
    وخرجنابعدها وهو يشيعنا بابتسامته العذبة مودعا لناحتى الباب .
    ألا رحم الله العم محمد عثمان وأسكنه فسيح الجنات.
    حسين عبد الحليم
                  

06-07-2007, 09:42 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Hussain Ghaffar)

    و رسالة من مراسلنا بالدوحة الأخ شمس الدين سلتي:
    Quote: صورة المرحوم دكتور محمد عثمان ذكرتني أشياء وأشياء رحمه الله . كان فارع الطول وتميزه شلوخ الشايقية. وقورا ويتحدث معك بصوت منخفض. هل تعلم أنه قد عالجني كذا مرة لأن أضراسي كانت خربة.البركة فيكم انت وكمال وبقية الإخوة.وكما قال منير عسي أن يجمعنا مع من نحب. الاخوة الحاج وشكوكو وحسين عبد الحليم . ومنير وبقية العقد الفريد.أرجو مواصلة والإبداع والسرد . والله شبعنا ولسة دايرين نقرأ .لأنه أنا لست من النوع الذي يتمتع بخاصية الأدباء ولكني أستمتع بالقراءة فقط وبالذات منكم - تحياتي
                  

06-07-2007, 02:47 PM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    Quote: الأخ عادل محمد عثمان

    في هذه الذكرى دعواتنا بالرحمة و المغفرة للوالد
    المرحوم محمدعثمان ، فقد عرفناه انسان و طبيب
    كان شعلة من النشاط في مركز صحي الشعبية ، يداوي
    مرضاه و الابتسامة لا تفارقه ، أذكر نشاطه في العمل
    العام في الشعبية بهمة و نكران ذات ، نسأل الله أن
    يجعل كل ذلك في ميزان حسناته و يجعل البركة فيكم
    و أن يحبب لنا جميعا خدمة الآخرين...


    التحايا للجميع
    مشكور الأخ منير على السرد الرائع عن الرياضه
    وفي ذكرك للاعبين الطوال في فريق الصديق تنسى
    اهم واحد وهو حسين كوكو وكذلك زكريا عمر والي زيكو
    وعلي عليوه وصلاح الضب السيردباك الممتاز..اما الأخ
    الفنان عبدون فقد كان يمتعنا بمحاوراته وخاصه عندما
    يكون مزاجه عالي..ومن اكثر اللاعبين تميزا من بيت واحد
    اولاد مامون نادر وعادل والفاضل..وكذلك سلامه واخوه
    كيسو الأشولنجي..وكذلك اللاعب المميز صلاح عمر واخوه زروق
    وطبعا صلاح عمر كان مشهور ايضا بالغناء وكان له صوت جميل
    واداء رائع..ولا انسى اللاعب الرقم في مباريات الرابطه
    غفار مرحوم الشهير بغفار الأطرش..اما حماده فكان الشوكه الفي
    خاصرة الخصم.. وكذلك من الاعبين الفنانين المرحوم التاج خليفه
    جاري بالحيطه ونسيبي فانا متزوج بنت عمه لزم.. وقد توفي رحمه
    الله العام 2004 اثر حادث حركه في ليبيا وهو لم يتزوج بعد نسال
    المولى ان يتقبله من الشهداء آمين..وقد كان حارس المرمى الشهير
    لفريق الصديق هاشم محجوب وكان اخوه محمد محجوب الشهير بالعجب
    من اللاعبين المميزين ايضا بالفريق..وايضا من اللاعبين الذين برزوا
    بالفريق الفاتح سليمان وايضا ياسر عوض سليم المعروف بالضو لمبه
    ومن حراس المرمى الذين لعبو للفريق صلاح خليفه شقيق المرحوم التاج..
    اتوقف هنا وارجو من الأخ عابدون يواصل في ذكر اللاعبين بالفريق
    وبعض الذكريات خاصه المباريات الوديه التي كنا نؤديها بالمدن
    الأخرى مثل عطبره الدويم ..
                  

06-07-2007, 04:06 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزالدين محمد عثمان)

    جقدليات

    مرة في مباراة بين فريق الفلاح و أحد فرق الرابطة و كان من ضم اللاعبين الأخ / علي (رق) و كان فنان حقيبة أيضا و يلعب لفريق الفلاح و هو لاحقا لعب لفريق شمبات و هو لاعب خلوق ، المهم علي جاتو كورة و يبدو انو كحل واحد من الخصم جاي جاري عليهو من الخلف فعمل حركة سريعة ضرب الكرة للجهة اليمين في اللحظة الوصل اللاعب قريب منو و بذلك استمر اللاعب في اندفاع و اخد علي الكرة بسهولة ، حيدر الجقدلي شاهد المنظر قام كورك من برة للاعب الذي تمت محاورته : و الله لو عندو مرايات ما يحاورني كده (لانو فعلا ما في زول من المشاهدين كان متخيل انو علي شايف اللاعب الجاي من الخلف)..

    مرة حيدر و الشلة لاعبين كوشتينة في النادي ، جات عربة و نزل منها شخصين نادوا حيدر و حسن صالح ، حيدر قال للشلة : 10 دقائق بس ، و ركبوا مع الجماعة هو و حسن صالح و رجعوا بعد نص ساعة ، بعد رجوعهم واحد سأل حيدر : مشيتو وين؟ رد حيدر : و الله الجماعة ديل لاعبين كوشتينة و متغالطين في (قفلة) و جوا ساقونا معاهم عشان يشوفوا رأينا شنو..
                  

06-07-2007, 04:14 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزالدين محمد عثمان)

    الاخوة عشاق الشعبية

    التحية لكم جميعا

    واضح أن الرياضة قذ أخذت القدر المعلي من الاهتمام والذكريات . أرجو السماح لي باسهام متواضع لأني حاولت وحاولت التذكر ولكن الذاكرة الخربة لم تسفني.

    أول فريق أنشئ بالشعبية شمال هو فريق نجوم الشعبية وكان الملعب الرئيسي ( حلوة الملعب الرئيسي دي ) هو الميدان الموجود به حاليا الطابونة ومسجد الختمية . وكان اتجاه الملعب شمال جنوب كغيره من جميع الملاعب الرسمية مثل استاد الخرطوم واستاد الهلال واستاد المريخ.
    ولكن لسبب لا أتذكره انقلب الملعب الي شرق غرب في نفس المكان .

    من لاعبي الفريق آنذاك :

    عبدالرحمن سيودة
    محمد عثمان فضل الله
    المرحوم حسن صالح
    بابكر باقرين
    فوزي
    خالد
    حسن طه

    ألم أقل لك أن الذاكرة خربة

    أدينا مباريات كثيرة خاصة مع فرق المزاد وشمبات وفي معظمها كان الفريق عنوانا للالتزام والانضباط وكانت دائما نتائجه ايجابية تشرف سكان الحي .

    أعتقد أن هذا الفريق كان هو النواة الأولي لفرق الصديق والصداقة والشعلة.

    أرجو ممن يتذكر أو يعلم الاضافة والتصحيح .

    في الانتظار لنتواصل
    مع مودتي وقديري
                  

06-07-2007, 04:57 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزالدين محمد عثمان)


    يا سلام ياأخي عزالدين علي هذا التذكار بهؤلاء العمالقة الذين أدبوا الكورة تأديبآ .. وأنا لم تسعفني الذاكرة بالعمالقة ناس حسين كوكو وزكريا وعلي عليوه وصلاح الضب .. وكنت أعرف عندما ذكرت فقط كورتكيلا أنه فايتين علي هؤلاء الآخرين !! .. وحقيقة طول القامة كان مميز لمدافعي الصديق حيث كانوا شامخين كالنخيل أمام مرماهم !.. ويميز لعب حسين كوكو المكاوشة طويلة المدي بالسرعة البطيئة فلعبه يمتاز بالشبحات الطويلة كأنما يقش الميدان قش .. أما زكريا فقد كان سريع الحركة ويجيد العنف الارضي القانوني وطيران الجووز وربما إرهاب مهاجمي الخصم ..
    وعليوة كان لا تمر منه الكورة ولا يستطيع مهاجم أن يتخطاه .. أما الباك صلاح الضب فكان بينجض جناحه نجاض !.. مافي جناح يجي مطرف بناحيته إلا تلقاه هو والكورة مجندلين بره الميدان !! ..

    عبدون طبعآ كما قلت كان يمتعنا بمهاراته العالية وذكائه المتقد .. وياليته يذكرنا ايضآ بتلك الازمان والشخصيات وبعض حكاوي الملاعب ..

    وأشكرك مرة أخري علي تذكيرنا بفطاحلة فريق الصديق ومنهم كما ذكرت حارس المرمي هاشم محجوب السد المنيع ضد المقذوفات الارض جو والجو جو .. طبعآ كذلك أخوه اللاعب الحريف الفنان العجب .. وهذا العجب كان من المهاجمين الخطرين المتميزين بالدهاء والمهارات الفردية .. أذكر ليهو قون كده ابداع رسمي وشعبي .. ففي إحدي المباريات الدورية الملتهبة والتي كانت في الدقائق الاخيرة وكان العجب علي ما اعتقد هداف تلك المباراة .. فانعكست الكورة أمام مرمي الخصم (العراضة الجنوبية في ميدان الرابطة) وكانت الكورة معكوسة من الغرب للشرق علي ارتفاع منخفض وقرييييييب للقون .. ومع العكسة جاء العجب جاري من الشرق للغرب .. وانا استغربت أنه الزول ده من قبل ما الكورة تصله وقبل ما يهبشها وأثناء ما هو جاري عليها رفع ذراعيه الاثنين مبشرآ الجمهور بالقون !!! .. ولاحظ أن الكورة كانت لسه في الهواء !!!.. وعندما وصلته هو اصلآ لم يشوتها ولا عاين ليها زاتو !!!.. بس خلاها مع نزلتها علي الارض انشاتت براها بأن ـ في لحظة واحدة ـ لمست الارض ودقشت قدم العجب بالجنبة وانحرفت بقوة وبزاوية 90 درجة وخشت قون !!.. ولاحظ أن اللقطة حصلت والعجب جاري رافع ذراعيه محييآ الجمهور لأنه كان مقدر أنه عندما يضع خطوته في اللحظة الحتصل فيها الارض الكورة حتشوت نفسها براها وتحير القون شخصيآ .. ده كان من أجمل اللقطات التي اختلطت فيها المهارة والذكاء ودقة التهديف ..
    لهم التحية أولئك الافذاذ ..

    طبعآ ناس العجب وأخوانه كانوا جنهم صيد سمك .. السنة كلها شاقين شارعنا ذهابآ وإيابآ من وإلي البحر ونحن طول السنة قاعدين فراجة سا~~ي ..


    Quote: وكذلك من الاعبين الفنانين المرحوم التاج خليفه
    جاري بالحيطه ونسيبي فانا متزوج بنت عمه لزم.. وقد توفي رحمه
    الله العام 2004 اثر حادث حركه في ليبيا وهو لم يتزوج بعد نسال
    المولى ان يتقبله من الشهداء آمين
    رحم الله اللاعب الفنان نسيبك التاج خليفة وغفر له وأحسن إليه ..
    ونسأل الله أن يرد غربة كل المغتربين بليبيا هذه بسلام غانمين آمنين !! .. فقد لاحظت أن هذه الليبيا مضيعة للزمن وكثيرآ ما قصرت أعمار كثير من السودانيين ..


                  

06-07-2007, 07:48 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)



    .. وعلي ذكر اللاعب الفريد يوسف المفك احب اذكر بالاضافة لما تكرم به العزيز الحاج أني أعتقد من الله خلقني ما شفت لي زول بيلعب بطريقة يوسف المفك !! ..
    أول شئ الزول ده جريته زاتها ما جرية تقليدية بل جريه عبارة عن قفزات سريعة متسارعة بخفة ـ ماشاء الله ـ ويخيل لي أن النوع ده من الجري إقتصادي في حرق طاقة الجسم .. لذلك تراه ـ تبارك الله ـ يؤدي المباراة بنفس واحد وتلقاه متواجد في كل الميدان ولا يسهو من الكرة .. الشئ التاني إنو الزول ده جادي جدآ ومخلص للكورة دي لا بيهظر لا بيجامل زول .. لذلك امتلك صفة المدرب وأداها بجدارة .. كما أنه مهارته وتحكمه في الكورة لا تنافس .. ومثلما كان بارعآ في ضربات الجزاء كان ايضآ دقيقآ في ضربات الرأس !! .. وأكثر ما كان يميز لعبه الخدع الذكية فأنا لاحظت أن عنده طريقة في تمريرات الكورة تجهجه الخصم .. فتلقاه متجهآ مثلآ في اتجاه ومتقدمآ بالكورة وعندما يفك الباص يفكه في أتجاه مختلف تمامآ عن وجهة جسمه وحركة قدمه .. وذلك يلخم الخصم ويلخم الحكم زاته !! .. وتلقي اتجاه اللعب ومكانه اتغير فجأة لمنطقة في الميدان لم تكن في الحسبان !!! ـ حيلة فعالة جدآ .. وأقول ليكم سر أنا استفدت من الخدعة دي في لعب الـ"الكمبلت" .. أكون شايل الكورة وأعاين للاعب من الخصم وأعمل نفسي حاجدع فيهو الكورة وفعلآ اصوبها عليهو ولكين الكورة تمرق من يدي بزاوية 45 درجة تضرب ليك لاعب تاني يكون ما متوقعها .. وبالطريقة دي ..

    يمين مرة كده لعب ليهو لعبة قردية كده حيرني عديل !! .. كان جاري بالكورة في الجناح الشمال .. فجاء خاشي عليهو المدافع !!.. الكوتش ده ما حاول يحاور الباك بصورة تقليدية ويخش معاهو في مخاشنة مافي داعي ليها.. خاصة إنو ذاك الباك كان عنيف ولعبه خشن .. فقام المفك لعب لنفسه باص .. أهه دي قولوا لي كيف ؟؟ .. الزول ده شات الكورة لافة علي يمين الباك كأنه ممرها للاعب وراء الباك .. والباك افتكر إنه خلاص الكورة اتباصت لواحد تاني وهو بكده أدي واجبه ومسئوليته الدفاعية انتهت ويللا بعد كده مدافع تاني يشوف شغله .. لكين الحصل أن المفك خت الباص لنفسه هو .. وزي ما قلت شات الكورة لافة بيمين المدافع وجري ليها بشمال المدافع ومشي لحق الكورة قبل ما الباك يتلفت زاتو .. وقدر بسهولة يكشف اللعب ويعكس الكورة !!.. غايتو .. دهاء ماعادي !!..

    علي أي حال المفك ده لو كان لقي فرصته الاعلامية ولعب في الهلال أو المريخ كان ليوم الليلة يكون نجم الملاعب السودانية والدول المجاورة .. وطريقته في الباصات المخادعة دي ممكن تتعولم كتكتيك رهيب في تدريبات كرة القدم .. ده حسب رأيي غايتو .. فالكورة خدعة !!!..
                  

06-08-2007, 00:22 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Munir)

    سبق ذكر الطاحونة و هي الطاحونة التي ما زالت تعمل كمصنع من الصباح للمساء لا كلل لا ملل عشرات السنين ، الطاحونة ملك عمك سيد من اهالي الجريف رجل طويل مشلخ تي لونه أحمر تكاد السفة لا تفارقه و رجل مرح عمل بالطاحونة بنفسه ثم كان عناك عامل يساعده و بعد ذلك ورث العمل ابنه..الطاحونة دي كما ذكرت و ذكر الأخ عادل محمد عثمان كانت برنامج ، تقوم تشيل العيش أو القمح في قفة أو خرتاية دمورية أو اذا كمية بسيطة في جردل طلس و تمشي الطاحونة و انت ماسك قروشك في يدك قابضة قبضة شديدة و لازم تعرق لتأكيد حرصك على القروش لأنو اذا وقعت الله قال بي قولك ، تجي الطاحونة و بكل ادب تلتزم بالصف ، و بعدين حاجة تمام لما تلقى الصف طويييل لأنو اللعب قدام الطاحونة ح يكون كتيير ، و أول ما اتخارجت من العيش أو القمح و ركبتو القطر (الصف) بعد دا يا لعب جاك زول و على انغام الطاحونة تلقى شلة من اصحابك لاعبين (كمبلت) أو اذا كان الموسم موسم (بلي) يكونوا لاعبين بلي..و انت تلعب و تدي العيش كحلة و في نفس تقول (ان شاء الله ما يدققوهو هسع) لأنو اذا عيشك دققوهو لازم تتخارج و تمشي البيت ..و الصف بيزحف بانتظام و غالبا يكون في بنيات هاديات جايات من جهة الهجرة أو من بنات الشعبية يقوموا بعملية تحريك المواعين..و كلما صوت الطاحونة يتغير دليل انو في واحد اتخارج و هو صوت انتهاء الدقيق على حجر الطاحونة..و خلال هذه الفترة غاليا ما تجي حاجة كبيرة و تنق مع عامل الطاحونة (دا شنو يا ولدي العيش دا و الله دراش ..) و يقوم العامل بزق الحديدة التي تتحكم في كمية العيش الداخل لحجر الطاحونة و هو ينقنق ( يا حاجة الدقيق دا هسع ما ناعم اصلو اكتر من كدة اعمل ليكم شنو؟) و هكذا تنتهي العصرية..و مع مغيب الشمس يكون جميع من في الطاحونة اتخارج.ليتكرر المشهد بعد اسبوع..على ذكر الطاحونة واحد صاحبنا قال لي بيقولو ايام الامتحانات أو اذا الشغل كتير (زنقة كلب في الطاحونة) و فسر المثل بأن زنقة الكلب في الطاحونة زنقة شديدة فهو عندما يدخل الطاحونة و تكون شغالة ما بيعرف يتخارج بي وين مع صوت الطاحونة المزعج و عامل الطاحونة الشايل عكاز و اذا طلع الاولاد برة كل واحد شايل حجر و منتظرو..فعلا مثل قوي و زنقة شديدة
                  

06-08-2007, 04:29 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    كتب حاج حمد:-
    Quote: من اخوان الأخ سامي إبراهيم الدكتور بدر الدين و الذي كان متفوق أكاديميا ، درس الطب بمصر و بعد ذلك سافر الى لندن حيث أكمل تخصصه و أعتقد أنه لا يزال هناك و يمكن للأخ عادل محمد عثمان أن يفيدنا بأخبار الأخ بدر الدين..


    سقط من أرفف الذاكرة إسم الدكتور بدر الدين إبراهيم أحمد
    في سردي لسيرة الأخ سامي إبراهيم أحمد.. فشكرا للأخ حاج حمد
    الذي ذكرني به ..

    ولعلنا كما قال الأخ حاج حمد في حاجة للندنيين لربطنا به
    وللآخرين في كل مكان لربطنا بأبناء الحي ( الحي ) المبعثرين
    في مناحى المعمورة المختلفة للتواصل معنا ..

    مع عاطر التحية والود








    =
                  

06-08-2007, 04:47 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    إهداء بلون الفل والياسمين للرائعين من أهل حيينا الحي
    بصوت (( سميرة دنيا )) وأغنية عثمان الشفيع ..
    فقط لوجود كلمة ذكرى في إد الأبيات فيها
    وربما للشجن الذي فيها
    مع الود
    (( ياريت خاصية التشغيل التلقائي للأغنية تعمل ))












    =
                  

06-09-2007, 01:16 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    كتب الأخ الحبيب صلاح الزبير :-

    Quote: صلاح شكوكو
    تحياتى
    سمعت إنك قريب مننا لكن سبحان الله إلى الآن لم نلتقى.

    بعد مراجعة كل ما خطه يراعك هنا فى بوست الشعبيه
    فإننى أجزم بأنك كاتب محترف و تعال نعمل بسزنس
    إنت تكتب و أنا أسوق
    صلاح الزبير


    أولا معذرة أخي صلاح
    لأنني لم أرى هذه المداخلة إلا الآن .. فأنت لست ممن يمكن
    أن نتجاهل حروفهم .. رغم أن في حدسث قول إطراء لشخصي
    وهو إطراء لا نستحقه لكنه من معين ومن نفس مترعة بالجمال
    فكان لابد أن ترى كل الحياة (( جمال )) .

    ولأننا أمام الأجلاء والحاذقين من أمثالكم نحاول أن نشرئب
    كي نطول هاماتهم وقاماتهم السامقة ..
    أو لعلنافي مسرح الحياة نحاول أن نقف أمامكم لنرى مدى مقدرتنا
    على مقارعة روعتكم التي نعلمها .. فلمثلكم تساق الحروف ..
    وتجمل الكلمات .. وتتأنق المعاني ..

    شكرا ياجميل .. وعبرك التحية لميسرة الإنسان وكمال الرائع ..
    فكم هو جميل أن نحدث الناس عنكم وأنتم بيننا بهذا البهاء
    وأنتم من أهل خاصتنا وأترابنا وبعض مدارج تاريخنا الجميل
    وكم هو رائع أن ننتمي لحي أنتم سماره وساكنيه ..

    تحية متأنقة لك ولكل الذين يتحلقون حولك ..
    كاملة الدسم وخالية من الكروسترول ..

    سلم ..






    =
                  

06-09-2007, 01:26 AM

Adil A. Salih
<aAdil A. Salih
تاريخ التسجيل: 11-29-2004
مجموع المشاركات: 868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخوة الاعزاء
    نرجع بعد غيبه
    ونقول لكل الناس .. سلام

    وسلام خاص للاخ صلاح شكوكو واضافاتك الرائعة للبوست .. وللاخ حسين عبدالحليم ونقوليك مبروك الانضمام للبورد والبورد هو المستفيد .. ولمراسلينا الاخ شمش الدين والذى حظيت بمكالمته من بعد زمان لكنه هو شمش الدين .. والاخ عابدون لك خالص التحايا.. والاخ صلاح الزبير اعطر التحايا.. وبالطبع اهل البوست القدامى..

    وبالمناسبة الكوره شايفه قلعت البوست .. وقربت بيه للقهوة .. ودى ما كعبة .. واتذكر واقعة بمناسبة مطالبة الاخ حسن طه للاخ شكوكو بذكر الفوالين ..

    في جلسة ظريفه ومن ضمن الحضور الاساتذه ابوامنه ومبارك بشير وعوض حسن احمد والاخ احمد دينق واخرين وكان الحديث يدور حول الفن والشعر والشعراء والادب وانتبه ابوامنة انو الوحيد الذي لم يشارك هو احمد دينق .. فساله ياحمد مالك قاعد ساكت ولا الكلام ده ما عاجبك .. عايزنا نتكلم في شنو .. فما كان من احمد دينق الا ان قال له بيكون كويس لو اتكلمنا في الكورة ياستاذ؟؟

    عادل على صالح
                  

06-09-2007, 07:21 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil A. Salih)

    و رسالة من الأخ أحمد بابكر (الدوحة) و أرجو أن يتواصل معنا لنوثق للجزء الجنوبي من الشعبية الحبيبة ، و كذلك أرجو أن يتواصل الأخ قرجة الذي اختفى لفترة و يبدو أن المشغوليات هي السبب

    Quote: منزل أو دكان الحجر الأساسي :-

    من المعالم البارزة في الشعبية جنوب وهو منزل خالي عبد الرحيم محمد أحمد طبعاً إبنه حسن موجود معنا في قطر ، موضوع في هذا المنزل وفي زاويته الشمالية الغربية حجر من الرخام المربع مكتوب عليه مشروع إنشاء 500 منزل شعبي ومكتوب فيه أيضاً ( وضع الحجر الأساسي محمد مجذوب البحاري وزير الحكومات المحلية ) في العام 1960 أو 1961 ما متذكر . ونحن صغار كان برسلونا يقولوا لينا أمشوا دكان الحجر الأساسي .



    أخي الحاج حمد :-

    سلام عليك

    ياخي نحن بنرسل عبر بريدك ولكن لا نرى رسائلنا إلا بعد مدة علماً بأنني أرسلت رسالة قبل عدة أيام ولم أرها حتى تاريخه .. عموماً نشكرك كثيرا على هذا البوست الرائع الذي هيج ذكرياتنا وتحياتي الخاصة جداً لأخي وإبن الحلة صلاح شكوكو ( إمكن يكون نساني. ليس لقدم أو خراب ذاكرته بل لطول المدة )

    أحمد بابكر

    الدوحة – قطر


    الأخ أحمد ان شاء الله سوف أحرص على نشر كل الرسائل التي تصلني أول بأول مع ودي..
                  

06-09-2007, 08:09 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    اخوتى الاعزاء
    شكرآ جزيلآ لكلماتكم الصادقة عن الوالد العزيز فى ذكرى رحيله التاسعة.
    اباؤنا جميعآ، من رحلوا ومن هم احياء، كانوا مثالآ للتضحية والدعم والرعاية للابناء وللبنات.
    الصحة والعافية لمن هم على قيد الحياة والرحمة والجزاء لمن فارقوا الحياة بعد أن خلدوا ذكراهم فيها
    بأعمالهم ومآثرهم وسيرتهم الجميلة.
    وفاؤنا لهم بأن نسير على نفس الدرب. درب الناس والخير والتضامن والتوحد ونكران الذات..
                  

06-09-2007, 09:27 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)

    Quote: اباؤنا جميعآ، من رحلوا ومن هم احياء، كانوا مثالآ للتضحية والدعم والرعاية للابناء وللبنات.
    الصحة والعافية لمن هم على قيد الحياة والرحمة والجزاء لمن فارقوا الحياة بعد أن خلدوا ذكراهم فيها
    بأعمالهم ومآثرهم وسيرتهم الجميلة.
    وفاؤنا لهم بأن نسير على نفس الدرب. درب الناس والخير والتضامن والتوحد ونكران الذات..


    الأخ عادل محمد عثمان

    و شكرا لك ، و هذه الكلمات الصادقة منك أيضا تحتاج لوقفة خاصة المتعلقة بأن الوفاء لهم بالسير على دربهم ، درب الخير و التضامن و التوحد و نكران الذات..لك ودي
                  

06-09-2007, 10:50 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    =

    التحية والتقدير للوالدة (( فاطمة حسين ))
    والدة الأخ (( فيصل يسن الملقب ب الدفجو ))

    ظلت إمرأة صاحبة رسالة .. وكثيرون من أبناء حيينا
    يعرفون تضحيتها الكبيرة من أجل إبنها الوحيد حيث
    ظلت عنوانا بارزا في السوق العتيق ..

    ومازلنا نذكر يوم أن جاء زوجها نعشا من الإمارات
    بعد رحلة طويلة جدا في الغربة للحد الذي لم يرى
    فيه إبنه (( فيصل )) .

    تربى فيصل في حضن جده (( حسين )) وكنف أمه
    المجاهدة الصابرة .. وهي بذلك تضرب مثلا حيا
    في التضحية ونكران الذات ..

    التحية لها وهي تحتاج الى تكريم من نوع
    خاص تكريم يليق بأم مثالية رسمت صورة حية
    للمرأة المناضلة القوية التي تقف في وجه الظروف .

    لترسم صورة زاهية رائعة لكل معاني التضحية والبذل
    والعطاء في صورة أزهى وأبهي من أن تسطرها حروف ..

    التحية لها وهي ترسم هذه الهالة الجميلة في السماء
    التحية لها وهي تعنون وجودنا بحروف ندية ..

    أمدها الله بالصحة والعافية




    =
                  

06-09-2007, 11:11 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    كتب الأخ أحمد بابكر

    Quote: أحيي كل أبناء الشعبية شمالها وجنوبها حيث عشنا فيها كل مراحل حياتنا كما أحيي إبن الحي المبدع صلاح شكوكو الذي لم أره منذ عهد بعيد بسبب الغربة التي فرقت بيننا ربما نسي حتى من أكون ... مع تحياتي




    Quote: عموماً نشكرك كثيرا على هذا البوست الرائع الذي هيج ذكرياتنا وتحياتي الخاصة جداً لأخي وإبن الحلة صلاح شكوكو ( إمكن يكون نساني. ليس لقدم أو خراب ذاكرته بل لطول
    المدة )

    الأخ الوريف (( ود الريف ))

    لك التحية وصادق الود

    وإن كانت تراكمات الزمان لم تحجب صورتك عندنا فإننا
    نؤكد لك بأن صورتك الزاهية مازالت متألقة في جدران
    ذاكرتنا رغم تقاطعات الأحداث وإنشطارات المواقف ..

    ويبدو أنك لم تمر على الصفحة الرابعة التي كنت
    قد أوضحت لك فيها ذلك .. لكن لا بأس أن نؤكد ماهو
    مؤكد فعلا وقولا وعملا .. فأمثالك أخي لا يضيعون
    من الخيالات ولا تجنح صورتهم ميلا الى هاوية النسيان ..

    التحية لك ولكل الذين حولك من الأحباب .. والتحية عبرك
    للأخ مختار الأمين جارك بالجانبين جار دارك وجار غربتك ..

    والتحية للصافي محمد خير .. ثلة الألف الجميل بدوحة
    الخير وأم سعيد وما جاورها .. وإن كانت لنا مسألة أخرى
    فهي أن تبحثوا لنا عن شخصين نودهم في الله ونفتقدهم كثيرا
    أحدهم تشكيلي كبير ورسام ماهر يعمل معلما للرسم بسجن
    الدوحة بقسم تأهيل الموقوفين ويدعى (( طارق أحمد سالم )) .

    والآخر ربيع عوض حسين .. شقيق محمد عوض .. وهو من سكان
    حي فريق المجاهد خلف كوافير عفاف (( سابقا )) وهو بهذه
    الدوحة من أكثر من 25 وعشرون عاما ..

    ضاع منا في زحام الحياة وفقدت بوصلتنا الإهداء إليه أو
    الى من يدلنا عليه ..

    لك ولهم التحية وكل الود





    =
                  

06-09-2007, 02:38 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: صلاح شكوكو)

    عزيزي صلاح شكوكو

    التحية لهذه الأم المثالية و لكل أم بذلت الغالي و النفيس من أجل أبنائها...

    التحية لكل الأمهات بالشعبية فقد قدمن الكثير من اجل أن تخرج لنا هذه اللوحة الجميلة المعبرة عن تجربة انسانية من الصعب أن يجود الزمن بمثلها ، لوحة تمثل معنى العطاء للأسرة و للوطن...

    و جاء الرد سريعا من الأخ محمد خير و الذي تواصل معنا بكل ود و عطاء عبر الايميل و هو متابع لكل ما يكتب و يرد كلما سنحت له الفرصة ، فالتحية له و عبره لكل الأخوان بالدوحة ، و هذه رسالته:
    Quote: سلام حاج حمد. . وعبرك التحيه لإبن عبد الدائم الحريف الشفيف فقد إمتلك ناصية البوست ونثر الدرر واللآلى بأسلوب اخاذ ينطق حلاوه و طلاوه . . يسرد أحلى الذكريات . . يسأل عن الغائب . . ويذكر بالوفاء لأهل الوفاء .

    شكرا صلاح . . ونرجو عدم الانقطاع.

    لحداثة عهدى بالدوحه (نسبيا) فقد كلفت الاخ عبدالرحيم فقيرى(شقيق المرحوم سيف) للبحث والتقصى عن الاخوان ربيع وطارق . . ووعد خيرا.
    ماذا تقترح لتكريم الوالده فاطمه وأمثالها من فخر الشعبيه؟ وهن كثر ياصلاح.

    محمد خير
                  

06-09-2007, 02:50 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    من اللذين يمكن أن نصفه من المشاهير مجازا....

    عمنا رحمه الله المشهور بأطرش حلفايا.. وكان أن من الله

    عليه ببسطة في الجسم.. حتى أنه كان من اللذين يفرضون النظام عنوة

    في سينما حلفايا.. وكان يهابه الجميع.. ويخشاه صعاليك ذاك الزمان

    مع أنه معروف بطيبة القلب.. ألا رحمه الله رحمة واسعة..

    أرجو ممن يعرفون عنه كثير شيء أن يستفيضوا في ذلك وإن كان من باب التوثيق

                  

06-09-2007, 06:27 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Kamal Karrar)

    كلما ينضم للكوكبة المتميزة التي تضئ هذا البوست أحد الاخوان تذهب المجهودات لضم آخر ليكون هذا البوست شاهد على عظمة الشعبية تلك النجمة العالية التي أضاءت الطريق للكثيرين ، فقد كانت نقطة في حياتنا و حياة أجيال سايقة و أجيال قادمة..اليوم أيضا أتمنى ان ينضم لنا في هذا البوست أخ كريم و صديق عزيز ، قانوني و رياضي و اجتماعي عرفناه أخ مهذب يتعامل برقي شديد..رياضي و لاعب كرة فنان..له طريقة متميزة و ممتعة في اللعب..الآن يقيم بسلطنة عمان..و أتمنى أن يجد طريقه لهذا البوست فهو كاتب له نكهة خاصة يكتب بها..ذلك هو الأخ الاستاذ / خضر عثمان البدري

    (عدل بواسطة hajhamad on 06-10-2007, 06:14 AM)

                  

06-10-2007, 07:13 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    في المرحلة الابتدائية(الصف السادس) مررنا بتجربة كانت فريدة لنا و هي الدراسة المختلطة ، اذ طلبت ادارة مدرسة البنات من ادارة مدرستنا أن يسمحوا لبنات الصف السادس بأن يدرسن معنا درس العصر و الذي كان يقوم به أساتذة أجلاء ، و طبعا حكاية تقرأ و قاعدة معاك في الفصل بنات حكاية بالنسبة لنا غريبة في هذه السن ، طبعا سمعنا الخبر طشاش طشاش..بعد داك كان لاستاذ يتوقع ان بعض المشاغبين قد يقوموا ببعض التصرفات التي قد تحرج البنات لذلك تحدث لنا الاستاذ محمد احمد بابكر الهندي و هو استاذ و مربي فاضل كان يتمتع باحترام الجميع و في حديثه أن بنات الصف السادس ح يجو و يدرسو معاكم و ديل أخواتكم ما عاوزين حركات شفع و ديل ضيفات عليكم عايزين يستفيدوا بالله ما عاوزين احراجات طبعا و هو يتحدث بعض المشاغبين يعلقوا تحت تحت : بنات عدييل كده؟ يا زول و الله حب ساااكت..طبعا اليوم الأول كان زي امتحان الشهادة يا زول طبعا البنات جو قاشرات و عارفات دا أول يوم لازم يظهروا بمظهر كويس و نحن برضو قشرنا كويس و بدأت الحصة..نحن زي الصابة فينا مطر ما عارفين الاستاذ دا بيقول شنو..و الجماعة الشفاتة القاعدين ورا اليوم داك نسوا الشفتنا و يتلفتوا ساكت كلما الواحد يفكر يعمل حركة يعاين يلقى ليك البنات قاعدات يجر واطي..يا زول اليوم الأول دا مر بسلام و الاستاذ زاتو حمد الله لأنو عارف عندو جماعة ورا بيعملوا حركات لو عملوها اليوم الأول داك ما كان في بنت جات اليوم التاني..شوية شوية الأمور بدأت تاخذ مجراها و الحكاية بقت عادية و التركيز بقى في الحصة تمام و بدأ جانب تاني و هو محاولة كل واحد يثبت وجوده اما (الجكس) و لا طريقة لاثبات ذلك الا أكاديميا لأنو لو سألوك و ما أجبت اجابة صحيحة أو الاداء كان تعبان تقوم تتفضح وسط البنات ديل..دي ما جاية..بدأ يظهر تحسن أكاديمي.. و طبعا الشعبية ضيقة و دا فلان شاااطر و البنات لا يخفين أعجابهن بالمتفوقين و قد احدث درس العصر تحسن كبير للآكاديميات..و رغم انو كنا ممتحنين لكن استاذ محمد أحمد بابكر أراد ان يقوم بخطوة أخرى و ذلك بمشاركة البنات في نشاط غير أكاديمي و كان أن تمت مشاركتهن (نون النسوة دي حتى في الكتابة بتجهجه الواحد مش كده؟) في الجريدة الحائطية و كانت مشاركة ممتازة و اظهرن امكانيات ادبية و ظهرت مواهب من اولاد و البنات و صدرت أعداد متميزة و أفضل من التي كنا نصدرها وحدنا..أيام لها ايقاع
                  

06-10-2007, 10:23 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخوة الذين يرغبون في المشاركة و ليست لديهم عضوية يمكنهم المشاركة عبر بريدي الالكتروني

    [email protected]
                  

06-10-2007, 03:12 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    Quote: تحياتى للجميع
    تعالوا نحلم كيف نرى الشعبيه فى العشر سنوات القادمه
    تعالوا نحلم كيف يمكننا أن نسهم فى تغيير صورة الشعبيه إلى الأحسن فى العشر سنوات القادمه.
    تعلوا نحلم كيف يمكننا أن نعطى بعض الأمل لأولئك الذين ظلمتهم الحياة و ظروفها و هم غالبية أهلنا فى الشعبيه
    هنا بعض الأحلام الكبيره التى تحتاج إلى تدخل الدوله أو من يمثلونها و منا جميعا"و لو بالفكره
    أولا" من حق أبنائنا علينا أن نسعى لنوفر لهم مكانا" آمنا" و صحيا" و مناسبا" لممارسة كل ضروب الرياضه و ذلك بإقامة نواه لمدينه رياضيه عن طريق . تسوير إحدى الساحات (الكتيبه أو الصداقه) و ردمها و تنجيلها و إنارتها
    .توسيع نادى الشعبيه بإضافة المساحه الفاضيه شمالا" وذلك بإقامة صاله رياضيه مغلقه و بناء حوض للسباحه و ميادين للتنس إقامة حديقه عامه فى إحدى الساحات داخل الشعبيه أو حولها لتكون متنفسا" لشبابنا من الجنسين بدلا" من تركهم عرضه للعرقى وشراب البنقو
    يا أخونا الشعبيه فيها مشكله حقيقيه فى توفير المقبره الائقه لموتانا فمقابر شمبات ضاقت بما رحبت و الناس بتعانى فى صمت نبيل لكن هذه لن تحل إلا بتدخل قوى من الدوله
    إذا عدتم عدنا
    صلاح الزبير


    الأخ صلاح صدر قرار قبل فترة بتنجيل عدد من الملاعب في العاصمة و قد كان ميدا الصداقة من ضمنها ، تم التنفيذ في بعض الملاعب و لكن الى الآن لم يحدث شئ بالنسبة لميدان الصداقة ، أتمنى أن يتم تنجيله ليضيف رقعة خضراء لينعم بها الأطفال و الشباب و الكبار..فكرة اضافة المساحة الشمالية لنادي الشعبية فكرة جيدة ، و لكن أعتقد أن هناك مباني تابعة للدفاع الشعبي تم بناؤها بطريقة عشوائية في جزء من المساحة التي تقع شمال النادي.
                  

06-10-2007, 03:16 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    و رسالة من الأخ عابدون ، معها بعض المرفقات (صور) سوف أحاول تنزيلها لاحقا :
    Quote: الحاج اتوقع انك تكون مواجه صعوبة فى انزال الصور دى كونها جاية ليك كمرفقات ... اذا ماقدرت تنزلها حاول الاتصال بالايميل على الاخ شكوكو يمكن يقدر
    وبرضو من خلالك يالحاج ارجو ان اترحم على واحد من الناس اللى كنت بحبهم جدا وهو انسان رياضى اصيل ولاعب كبير من الزمن القديم ومشجع للكورة واللعبة الحلوة وهو عم مختار كما كنت افضل ان اناديه والمعروف على مستوى البلد ب مختار ود العمايا رحمه الله رحمة واسعة وهذا الرجل كان يحب الكورة ويحب اللعب الجميل وكان يستمتع بالمباريات الجميلة خاصة تلك التى كانت مثلا بين الصديق والصداقة او المارد ونجوم الشعبية وكان يتمايل وينفعل اذا منقستو اخد الكورة وانخرط بطريقته المعهودة او اذا سامى ابراهيم احرز هدف او مع التابلوهات الجميلة التى كان يقدمها الكابتن صلاح شكوكو والكرابيج او مباريات وتمارين الكتيبة التى كان يستمتع بها جدا من مكانه المعهود من ناحية المدرسة عند الحجار فى طرف الميدان وبالمناسبة دى ياجماعة الحجار ديك لسة موجودة ولا راحت مع العولمة أظنه يامنير انت برضو كنت قاعد تقعد جمب الحجار دى
                  

06-10-2007, 05:20 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)



    الاخ عابدون نترحم معك علي روح المرحوم العم مختار .. غفر الله له وادخله فسيح جناته مع الصديقين والشهداء ..


    Quote: التى كان يستمتع بها جدا من مكانه المعهود من ناحية المدرسة عند الحجار فى طرف الميدان وبالمناسبة دى ياجماعة الحجار ديك لسة موجودة ولا راحت مع العولمة أظنه يامنير انت برضو كنت قاعد تقعد جمب الحجار دى
    وطبعآ يا عابدون تلك الحجارة الغلاد ـ بقايا ركائز الحيطان ـ كانت الكراسي الوحيدة الموجودة لكين منو يازول البيقدر علي سخانتها ومجازفة بواسيرها .. تقعد فوقها ساعة بس مع سخانة العصر ديك تقوم منها حاجاتك كلها مبقبقة !! .. عشان كده نحن كنا ناس وقوف سا~~كت .. وخلي بالك الحجار ديل يكونن شاهدات العصر والعصريات بجدارة !! ..

                  

06-10-2007, 05:54 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)


    Quote: تعالوا نحلم كيف نرى الشعبيه فى العشر سنوات القادمه
    تعالوا نحلم كيف يمكننا أن نسهم فى تغيير صورة الشعبيه إلى الأحسن فى العشر سنوات القادمه.
    تعلوا نحلم كيف يمكننا أن نعطى بعض الأمل لأولئك الذين ظلمتهم الحياة و ظروفها و هم غالبية أهلنا فى الشعبيه
    الاخ صلاح الزبير .. جميل جدآ هذا الاهتمام بمظهر الشعبية ومستقبلها منكم انت والاخ حسن طه ـ وفعلآ نريد أن نري الشعبية حيآ عصريآ متقدمآ للأمام بدلآ عن تقهقره الذي نشهده .. تطوير السوق وإنشاء الحدائق الخضراء هما بعض يسير من أوجه التطوير .. وايضآ اسمحوا لي أن أضيف المدارس!! .. فمدارس الشعبية الشمال خصوصآ تدهورت جدآ واصبح التعليم فيها فقط أداء واجب !!.. وأعتقد أننا عندما تعلمنا فيها قد كان حالها رغم كل شئ حسنآ ومقبولآ .. ولكن الآن اعتقد أن الفصول مثلآ مهترئة ويعاني التلاميذ من مشكلة الأثاث المدرسي والارضية الترابية والسقف الملتهب وانعدام المراوح !!.. وربما مزيرات ماء الشرب .. وعلي ذلك فقس ..
    أظن أن أسهل أعمال الخير هي دعم المدارس لأن أوجه الدعم واضحة .. مثلآ الاثاثت ادراج وكنب وكراسي .. مراوح .. مبردات مياه .. ميزانيات بسيطة لصيانة الفصول بلاط .. سبورات .. و..و.. أشياء بسيطة وغير مكلفة ولكنها ذات أثر عظيم علي بيئة المدرسة وعلي الاساتذة والتلاميذ وحتي الآباء سترتفع روحهم المعنوية عندما يرون تحسن بيئة الدراسة ولو بمقدار بسيط .. واعتقد أنه بالاهتمام المتواصل وتدريجيآ يمكن أن نرتقي بسمعة مدارس الشعبية فتصبح مدارس نموذجية شاطرة مؤثثة خضراء تسر الناظر والناظرين ..
    فلنحلم أولآ بتحسين المدارس لأن الأثر فيها سيكون ملموسآ ـ أولآ ـ ثم تدريجيآ يمكن الانتقال لشئ آخر ـ ثانيآ ..

    Quote: يا أخونا الشعبيه فيها مشكله حقيقيه فى توفير المقبره الائقه لموتانا فمقابر شمبات ضاقت بما رحبت و الناس بتعانى فى صمت نبيل لكن هذه لن تحل إلا بتدخل قوى من الدوله
    إحم إحم .. شنو ياصلاح ؟ خلاص العمر اتقدم وبقينا نرمي قدام ؟؟ .. نحن قبيل شن قلنا؟ ما قلنا الدود بيأكلنا؟؟ ..


                  

06-10-2007, 06:07 PM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    االتحايا للجميع
    ارحب بالأخ حسين عبدالحليم
    ونتمنى له اقامه طيبه بعيدا عن
    البوستات الملغومه..
    تشكر اخي صلاح على هذا الشجن
    في صوت هذه المغنيه وهذا الاختيار
    الموفق في الكلمات المعبره..
    الأخ منير فعلا االعجب كان لاعب موهوب جدا
    وانت ماشاء الله على ذاكرتك فعلا كانوا
    مشهورين بصيد السمك واظن ده من والدهم
    رحمه الله وقد توفي وهم صغار وقد كافحت والدتهم
    حاجه فاطمه وتفانت في تربيتهم وعملت منذ
    اليوم الأول وتحملت عبئهم حتى اصبحوا رجالا .
    ابعث لها ولابنائها التحيه والتجله عبركم..

    Quote: كلما ينضم للكوكبة المتميزة التي تضئ هذا البوست أحد الاخوان تذهب المجهودات لضم آخر ليكون هذا البوست شاهد على عظمة الشعبية تلك النجمة العالية التي أضاءت الطريق للكثيرين ، فقد كانت نقطة في حياتنا و حياة أجيال سايقة و أجيال قادمة..اليوم أيضا أتمنى ان ينضم لنا في هذا البوست أخ كريم و صديق عزيز ، قانوني و رياضي و اجتماعي عرفناه أخ مهذب يتعامل برقي شديد..رياضي و لاعب كرة فنان..له طريقة متميزة و ممتعة في اللعب..الآن يقيم بسلطنة عمان..و أتمنى أن يجد طريقه لهذا البوست فهو كاتب له نكهة خاصة يكتب بها..ذلك هو الأخ الاستاذ / خضر عثمان البدري

    اتفق معك اخي حاج واضم صوتي لصوتك..

    بخصوص الافوال فقد كنا في حلة الصديق مدمنين
    لفول دكان فضل المولى الكائن في بيت العم يحي
    من بيوت المزاد الحول الشعبيه من الجهة الشرقيه
    ويفتح غرب على شارع ناس سلامه..فقد كنا نتعشى يوميا
    في الدكان بعد رجوعنا من فنوس او قبل ذهابنا للدور
    الثاني في سينما الصافيه..وطبعا الحساب كان بكون
    كم طاشر قرش كده والشيرينق بكون كم قرش كده والله زمن!!!

    نعود للكوره واسأل اين الأخ عوض قربو؟؟؟
                  

06-10-2007, 07:06 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: عزالدين محمد عثمان)

    ومن اللعيبة الافذاذ فى الشعبية منتصر وشقيقه سيد جيران ناس محمد جار النبى. ومحمد خلف الله الذى كان حارس مرمى. وعماد عبد الهادى واخوه اسماعيل الذى كان ضابطآ فى الجيش.
    ومن الحكام ياسين الدنقلاوى والد فيصل الشخصية الظريفة الشهيرة. العم ياسين كان حكم كرة قدم وكرة سلة فى نفس الوقت. واظنه كان حكمآ دوليآ فى كرة السلة وشارك فى منافسات دولية.
    ولا ننسى كمال الشايقى ومحمد نور سالم وصبحى جمعة ومحمد جمعة وعادل محمد سعيد ومامون الباقر من فريق المارد. ومعاوية بدرى الشهير بمعاوية (كلبو) ورفعت محمد عبد القيوم ومجدى الرضى، والاخير خاله لاعب المريخ والسودان الاشهر بشارة عبد النضيف.
                  

06-10-2007, 10:43 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil Osman)

    الأخوان عزالدين محمد عثمان ، منير ، عادل محمد عثمان مشاركات ثرة سأعود بالتفصيل لها..

    الأخ عادل تصدق قابلت الأخ مجدي الرضي في جدة بعد سنوات طويلة بمنزل الاخ يوسف كيخاو سلمت عليهو و جلست يوسف كيخا عرف الحكاية قال و هو يبتسم : الظاهر ما عرفتو بعض ركزت على الوجه و طوالي قلت ليهو : مجدي الرضي و بدا السلام من جديد بالاحضان سنوات طويلة و كان حضورنا لشقة الأخ يوسف كيخا لمقابلة و تعزية الأخ عادل محمد الحسن أبوكروك الذي كان في طريقه للسودان للتعزية في وفاة والدته عليها الرحمة
                  

06-10-2007, 11:11 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    و رسالة من الأخ عابدون و الذي أرسل أيضا بعض الصور و قابلتني مشكلة فنية في انزالها و ح أحاول تاني :
    Quote:
    الحاج شيل شيلتك معانا
    ----------------------------
    أول فريق أنشئ بالشعبية شمال هو فريق نجوم الشعبية وكان الملعب الرئيسي ( حلوة الملعب الرئيسي دي ) هو الميدان
    الموجود به حاليا الطابونة ومسجد الختمية . وكان اتجاه الملعب شمال جنوب كغيره من جميع الملاعب الرسمية مثل استاد الخرطوم واستاد الهلال واستاد المريخ.
    ولكن لسبب لا أتذكره انقلب الملعب الي شرق غرب في نفس المكان .
    من لاعبي الفريق آنذاك :
    عبدالرحمن سيودة
    محمد عثمان فضل الله
    المرحوم حسن صالح
    بابكر باقرين
    فوزي
    خالد
    حسن طه
    --------------------------------------------------------------
    اسمح لى ان اضيف ياحسن برضو صبرى الحلبى لو متذكره كان هاجر الى ليبيا واستقر بها واظنه اصبح مواطن ليبى وايضا الاستاذ حسن والله مامتذكر حسن منو لكن بيتهم ورا بيت ناس عبد الرحمن سيودة واتوفى من زمن طويل رحمه الله وايضا كان هناك الكابتن قرشى وكان حارس المرمى للفريق ايام كانت مبارياتهم فى المزاد وطبعا فى مراحل لاحقة كان فى الفريق الاخ محمد حقار الملقب ب جحر وطبعا كان هناك فريق واحد فى المنطقة ولعب بعد هذا الجيل كان هناك جيل استاذ عطا والجقدلى واحمد سكس وسلامة والاخ عز الدين الموجود حاليا بكندا وبالمناسبة الاخ عز الدين كان من ذوى المهارات العالية والتابلوهات الجميلة لكنه كان برضو ( بتاع قراية ) وعشان كدة لم يتم تسجيله فى اى من الفرق الكبيرة فى بحرى رغم استعداده البدنى والمهارى وايضا كان هناك الطاهر محمد احمد رباح ... برضع ليكم صادى لمزيد من الذكريات ونزولا عند رغبة الاخ عز الدين سوف اقوم بإنزال كل ماتستطيع ان تقدمه هذه الذاكرة التى عمل عليها الزمن ويمكن يامنير تكون عايزة تجى تعمل تشييك على الدوائر بتاعتها

                  

06-11-2007, 04:49 AM

Adil A. Salih
<aAdil A. Salih
تاريخ التسجيل: 11-29-2004
مجموع المشاركات: 868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    الاخ عابدون

    Quote: اسمح لى ان اضيف ياحسن برضو صبرى الحلبى لو متذكره كان هاجر الى ليبيا واستقر بها واظنه اصبح مواطن ليبى وايضا الاستاذ حسن والله مامتذكر حسن منو لكن بيتهم ورا بيت ناس عبد الرحمن سيودة واتوفى من زمن طويل رحمه الله


    الاخ صبرى هو صبرى حسن الحاج اخ الاعبين الممتازين من فريق الشعلة عادل حسن الحاج وصلاح.
    المرحوم الاستاذ حسن هو حسن السنجك.

    عادل عثمان

    الاعبين هم منتصر وسيد على عبدالله وحارس المرمى هو خالد خلف الله والشهير ب خالد بونا وشقيقه محمد وديل كلهم من لعيبه الشعله..

    وبجيكم صادي لمشهاير فريق الشعلة..
                  

06-11-2007, 06:35 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil A. Salih)

    الأخ عادل والاخوة عشاق الشعبية الكرام

    تحية عطرة

    وشكرا علي الاضافات النيرة وواصلوا ففي الوصال مودة ومحبة .

    ألم أقل لكم أن الذاكرة خربة والغربة عملت فينا عمايلها. أسمعوا دي بخصوص الصديق المهندس صبري حسن الحاج ( صبري الحلبي كما كنا نناديه وهو لا يستمع اليك أو حتي يلتفت اليك الا عندما تناديه بهذا الاسم):-

    أثناء كتابة أسماء لاعبي فريق نجوم الشعبية نسيت اسم صديقي صبري وزي ما بيقولوا الاسم يجي ويروح وبعد أن أعياني التذكر كتبت اسم خالد وأرسلت للبوست . وفي مساء نفس اليوم قابلت أحد الاخوة و اشتكي لي من من مشكلة النسيان لديه فذكرت له أنني منذ الصباح وأنا أحاول أن أتذكر اسم أحد الاصدقاء وفي هذه اللحظة قلت : صبري الحلبي فبدأت في الصياح كفيثاغورث : وجدتها وجدتها ولكن بعد فوات الأوان .

    وبمناسبة النسيان ، يقول الامام الشافعي :

    شكوت الي وكيع ســـــــوء حـفـظي فأرشــدنـي الـي تـرك الـمـعـاصـــــي

    وعـلـمـنـي بأن العــلــم نـــور ونـور اللـه لا يــهــدي لــــعــاصــي


    الجقدلي وقرشي كانوا أيضا دفعة في الفريق.

    مع عاطر الود والمحبة لكم جميعا عشاق الشعبية،،،

    حسن
                  

06-11-2007, 06:22 AM

Adil A. Salih
<aAdil A. Salih
تاريخ التسجيل: 11-29-2004
مجموع المشاركات: 868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: hajhamad)

    صلاح ساتى
    الشهير ب صلاح دعايه

    من لاعبى فريق الشعلة ..مهاجم خطير ومزعج ولقد مشهورا بحركاته البهلوانية في التعامل مع الكرات العالية مثل الباك وورد واو لعب الراس وعند تسديده للكرة في المرمي وله طريقة حقتو براه في الجرى وخاصه عندما يحرز هدفا. مما اكسبه اسم الشهرة .. صلاح دعاية..
    صلاح كان يسكن فى حلة فريق المجاهد وانتقل الى الصافية وسبب لعبه في الشعلة وجود بيت عمه عبدالفتاح ساتى في حلة الشعلة اذا اخذنا بنظام دوائر الفرق الجغرافية وهى المنطقة شمال السوق والتى يمثل مربع 6/7 تى الجزء الغالب منها.
    حاتم (جني) وطارق اشقاء للاخ صلاحز

    لمن يعرف اخباره يزونا بها ويفريه السلام ونتمنى ان يكون موفر الصحة والعافية ..
                  

06-11-2007, 07:15 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil A. Salih)

    الأخ حسن طه

    أغلبية المتداخلين يشكون من النسيان و لكن الآن ننعش الذاكرة بذكريات الشعبية العطرة..لك ودي

    الأخ عادل علي صالح

    الأخ صلاح ساتي حاليا مقيم بدبي و يعمل في مجال الشحن و هو المجال الذي اكتسب فيهو خبرة واسعة و هو يعتبر مرجع في هذا المجال و قد هاتفني من هناك قبل فترة طويلة تحياتي له..
                  

06-11-2007, 07:24 AM

على محمد على بشير
<aعلى محمد على بشير
تاريخ التسجيل: 08-07-2005
مجموع المشاركات: 8648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشعبية نجمة تزين سماء مدينة الخرطوم بحري (Re: Adil A. Salih)

    الف مليوووووووون مراحب بالشعبيه واهلها
    ومنورين والله

    وبداية خالص تعازى الحاره
    للاخ عادل محمد عثمان فى وفاه الوالد
    جعل الله مثواه الجنه

    Quote: وكان هناك النجم الطيار هاشم طيارة ـ علي ما اعتقد ـ


    يا منير
    اظنك تقصد ( صلاح طياره ) ابن احمد وداعه مؤزن مسجد الختميه
    والله اعلم

    وازكر ايضا كان هناك طياره اخر وهو حيدر طياره والذى انتقل للسكن بالحاج
    يوسف وعلى ما اعتقد هو الان بالامارات

    بخصوص الفنانه امانى ( الله يرحمها )
    ازكر لها اغنيه كانت تبث كتير فى التلفزيون
    وكلماتها .. تبقى الدنيا حلوه لما تجينا زائر ياغلى الحبايب
    ووالله ما شفت ولا سمعت ولا حسيت بتطريب اجمل من الاحساس الذى ينتابنى
    وانا اسمع هذه الاغنيه من الراحله امانى
    وشكرا ليك يا شكوكو لانى اول مره اعرف انها من الشعبيه

    وبعدين ياجماعه
    مصطفى كومى ورحلته مع الشعبيه والهلال ما اتحدثتوا لينا عنها
    وهل هو من سكان الشعبيه ام لعب فى الشعبيه فقط
    غاينو انا بزكر انو ايام التسجيلات كان كومى منضم لغرفة تسجيلات المريخ
    وكان هو ونميرى احمد سعيد فى قبضة احد افراد النهضه والذى كان يخبئهم
    فى شقه فى العمارات وازكر انو اياميها كانت مباريات كأس العالم شغاله
    وقد بدأ تشفير المباريات فى ذلك الوقت لمباريات كأس العالم
    والراجل خلى كومى ونميرى فى الشقه وقفل عليهم بالمفتاح وزهب لمشاهدة
    مباراة البرازيل .. وجاءوا ناس الهلال اسفل العماره ةواصبحوا يصيحون باسم
    كومى ونميرى وفعلا وقف اللاعبان بالبلكونه وبدأت المفاوضات بينهم
    غرفة تسجيلات الهلال واقفين ارضا واللاعبين فى البلكونه
    وحينما تمت المفاوضات قفز كومى من البلكونه للارض وانضم لغرفة الهلال
    ورفض نميرى احمد سعيد ان يقفز وانتظر بالشقه
    وهكزا زهب كومى للهلال ولعب له وبقى نميرى بالمريخ ولعب له واظن انهم
    الاتنين نجحوا وان لم يعمروا طويلا

    الشئ التانى
    انتوا لييه كان دائما اغلب لاعبى الفلاح ومشجعيه من شمبات ؟
                  


1 صفحة 5 „‰ 110:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de