|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
اعتبر الصفحة اربعين زكاة المنبر يا أخى بعد انواع الزكاة المعروفة تم اضافة نوع جديد وهو زكاة المنبر عشان زى ناس شمس الدين ديل الواحد الزطاة دى ولا متذكرها ..
هسة بكرى عندو مشكلة تانية وهى انو الواحد لما يضغط على زر ( أضف رد ) الجهاز لايتقبل ولوعايز ترد الا من خاصية الرد الموجودة فى مداخلة الشخص اللى قبلك ..
| |
|
|
|
|
|
|
الشعبية (Re: hajhamad)
|
اضف رد شغالة عندنا في السودان اول مرة نتميز بحاجة الحمد لله
___ عابدون ازيك
| |
|
|
|
|
|
|
Re: الشعبية (Re: عبدالوهاب علي الحاج)
|
هاتفني بالأمس الأخ العزيز و الدفعة محمد حسن التريبيل و قد انضم للمتابعين لبوست الشعبية و قد طلب مني أن أبلغ تحياته للجميع و قد وعد بالكتابة لنا..التحية للأخ محمد حسن و في انتظار كتاباته.
| |
|
|
|
|
|
|
Re: الشعبية (Re: الحاج حمد الحاج)
|
الحاج يا حمد
والله ما عندنا طريقة للاحتفال بالربعين النووية حقت بوستنا دى غير ان نقوم ( بغارة شعبياوية ) على قندهار ونرسل ليكم الصور
ودخان الشواشو ( عشان ) تستنشقمها انت واخرين كتار بيتاوقو من بلاد المهجر ( شـــم يا عزام ) مقدما .
ترمة بدردينية :
انت يا عزام ياقى ليك بيشكلو الحروف كيفن ؟ ما تعمل فيها استاذ انت صدقت ولا شــنو
| |
|
|
|
|
|
|
الحاصل شنو (Re: hajhamad)
|
الحاصل شنو ؟
ياعابدون كل حاجة ملصقا فيني.
يعني إنت مدخل بنتك الجامعة بقروش بالهبل
وتجي تقول زكاة. ورونا الحاصل ؟
اخي عبد الحليم شكرا ليك والحاج ساتي الله يديه العافية
بصحة جيدة بس الكبر ليه مشاكله . تحياتي لخالك حسين
ومصطفي ورجاء تلفون حسين لأنني أضعته.
وهبة .. الخاصية القالها عابدون شغالة الآن يعني ماعندكم التكتح
| |
|
|
|
|
|
|
Re: الحاصل شنو (Re: شمس الدين ساتى)
|
Quote: Quote: رحيل الشيخ / حسن عبدالحليم الي جوار به امام مسجد عمر بن الخطاب بمربع 8/9 الشعبية جنوب
تقبل الله الفقيد الشيخ/ حسن عبدالحليم قبولا حسنا وأسكنه فسيح جناته مع الصديقين والشهداء وأنزل على قبرهشآبيب رحمته وغفرانه والبركة في ذريته |
| |
|
|
|
|
|
|
Re: الحاصل شنو (Re: سيف الدين علي محمد الفاضل)
|
نداء الي ناس دبي من عشاق الشعبية
ساقوم ان شاء الله بزيارة دبي 4 ايام يوم الجمعة
يسعدني ويشرفني مقابلة كل من تمكنه ظروفه بالنادي السوداني
تلفون الاخ عبد الكريم 00971505199440
| |
|
|
|
|
|
|
Re: الحاصل شنو (Re: حسن طه محمد)
|
ياسعادة المستشار انا فى ابوظبى لكن حأحاول أجى دبى يوم الجمعة أو السبت عشان نسلم عليك ونتعارف من جديد انشاء الله ..
وهبة زى ماقال ليك شمس الدين الموضوع اشتغل أظنه بس خلينى أرسل الرد دا وأشوف ...
بدر الدين متابعين موضوعك البى هناك بتاع الاعتذار ويا أخوى اذا الموضوع اتطور كتير كلمنا نجيب عكاكيزنا ونجيك عشان نفرتقها فى راس بكرى ..
أخ ياوهبة ارسلت الرد وقال لى مابمشى ...
| |
|
|
|
|
|
|
Re: الحاصل شنو (Re: حسن طه محمد)
|
لاحولا ياحسن .. من ايام الصديق انا نزلت صورة هنا فى الموقع لى شمس الدين ليها15 سنة شمس الدين كان حيجيب لى البوليس ... غايتو الملامح تقريبا نفسها لكن الشعر .... ياحليلو...
| |
|
|
|
|
|
|
Re: الحاصل شنو (Re: حسن طه محمد)
|
Quote: حاج حمد
بديت ليك الصفحة اربعين من جديد
قصرت معاك. |
شكرا حسن طه و الناس نامت شوية خاصة مع التهكير..لكن عاوزين الناس ترجع و تكتب بالتفاصيل و كما ذكرت هناك الكثير الذي يمكن ان يكتب...
| |
|
|
|
|
|
|
Re: الحاصل شنو (Re: الحاج حمد الحاج)
|
طارق محمد سعيد: وين انت مسجل غياب،قالوا حتي ناس السودان صعبة يجمعوا فيك. مشغوليات الله يديك الصحة والعافيه طارق،ادينا شويه من وقتك وذكرياتك وانتم والرائع المختفي كذلك:عصام مامون،الجيل الذي سبقنا مباشرة الصوط لاحق لاحق.بالله ياحاج معاك عصام مامون لكزه،قلمه لا يمكن تهميشه رغم انو كلمة تهميش سياقها مختلف هنا. طارق منتظريين ذكرياتكم وياحبذا لو اشركتنا وشربكتنا بهاشم.معروف ومشهور في فترة خصبة لا يمكن تغافلها. تحياتي للحاجه والحاج، متعهم الله بالصحه والعافيه دمتم
| |
|
|
|
|
|
|
الشعبية فوق (Re: hajhamad)
|
Quote: أخ ياوهبة ارسلت الرد وقال لى مابمشى ... |
ياعابدون انت تكابس في الما بمشي هسه الصرافات دي ما مااااااشة عملت فيها شنو ؟
| |
|
|
|
|
|
|
Re: الشعبية فوق (Re: عابدون محمد عابدون)
|
صباحكم نور
الاخ هشام درماس يغريكم جميعا كثير السلام وعايز تلفون الاخ الفاضل يس بشدة .
بالمناسبة الاخ هشام ابدع في الاناشيد الوطنية بمناسبة احتفال الجالية السودانية بالدوحة باعياد عيد الاستقلال.
ومثل الشعبية خير تمثيل.
دمتم،،،
| |
|
|
|
|
|
|
Re: الشعبية فوق (Re: حسن طه محمد)
|
Quote: لاحولا ياحسن .. من ايام الصديق انا نزلت صورة هنا فى الموقع لى شمس الدين ليها15 سنة شمس الدين كان حيجيب لى البوليس ... غايتو الملامح تقريبا نفسها لكن الشعر .... ياحليلو... |
الله يصبحك بالخير ياحسن ... كلامى الفوق دا الظاهر ماشفته ...
| |
|
|
|
|
|
|
بطل كضب (Re: hajhamad)
|
بطل كذب ياعابدون
يعني عايز تقول الصورة دي في سنة 1984
ياخ الصورة دي في السبعينات يمكن ليها أكثر من 35 سنة
والله بالجد حقو نجيب البوليس....
عبد الحليم عبد الغفار
شكرا علي سؤالك عن صحة الوالد والله يديه العافية
أرسل لي تلفون خالك حسين علي العنوان أدناه
[email protected]
| |
|
|
|
|
|
|
Re: بطل كضب (Re: شمس الدين ساتى)
|
اصلو ياوهبة انا عندى حساسية من الصرافات دى وحتى شارع الصرافات عندنا هنا فى ابوظبى عندى منه حساسية ..
شمس الدين كان مامصدقنى تعال ابوظبى وشوفنى ياحاقد الايام دى الجو عندنا هنا سمح ...
| |
|
|
|
|
|
|
Re: بطل كضب (Re: عابدون محمد عابدون)
|
الحاج ياخوى الموضوع خلاص اتنسى اظهر وبان ... شنو يعنى انتو السبعة اقوان اكلتوها كدة فى حنانكم لما بقت على قونين والله يالحاج قونين بعد سبعة يعنى زى الغالبين يعنى فى تحسن ...
ولا شنو ياوهبة كدى خليك من موضوع الصرافات دا وركز معاي بى جاى ...
| |
|
|
|
|
|
|
عابدون (Re: hajhamad)
|
يركز معاك في شنو إنت ماعندك شغلة غير المكاواة
المريخ إتغلب يعني القيامة قامت . إنتو هربتو ليه
قلتو مادايرين عديل..ومشيتو للفاشر تلعبوا مع ناس معسكر كلمة
| |
|
|
|
|
|
|
Re: عابدون (Re: شمس الدين ساتى)
|
شمس الدين ؟؟؟ انت المقعدك فى المكتب لى هسة شنو ... أها انا كمبيوتر الشركة وقاعد العب فيه لكن انت حق الحكومة دا بوديك التوج .. قوم امشى بيتكم ... وبعدين ياشمس الدين انا عارف وهبة بكون عمل عزومة شاى بالكيك فى غلب المريخ دا
| |
|
|
|
|
|
|
Re: عابدون (Re: عبدالوهاب علي الحاج)
|
يا عابدون فى الصورة الفوق دى ما فى زول عرف الجماعة ديل اه رايك شنو
الواقفين يمن شمال: حمد طيفور (العربى)، ويسين وداعة. الجالوس يمين شمال ابوعركى، سلامة، محجوب شابو.
عادل
| |
|
|
|
|
|
|
إتعلم يا خوي (Re: hajhamad)
|
بدرالدين وآخرين ...
Quote: انت يا عزام ياقى ليك بيشكلو الحروف كيفن ؟ |
ما فيها حاجة عادي ... بس عاوزك تنتبِه معاي ... خليك معاي شايف يا سيدي لو عاوِز تكسِر - طبعاً التِكِسِر ده إنت حريف فيهو ... شكيتك على الله - تضغط Shift - يا شِفِت - فوق الحرف العاوُزو يتكسر تِكِسِر فهو مكسور ويُقال لِمَن فعل الفِعل كاسِر فهو مُكَسِر نعود لِلتشكيل ... خليك مُنتبِه بِالله ...
لِتشكيل كسر ( تظل ضاغِط على زِر Shift ثُم تضغط بِالتزامُن مع زِر حرف الشين وهو أيضاً زِر A ) ... فتح ( زِر Shift بِالتزامُن مع زِر حرف الضاد وهو أيضاً زِر Q ) ... ضَـم ( زِر Shift بِالتزامُن مع زِر حرف الثاء وهو أيضاً زِر E ) ... تنَوين كسر ( زِر Shift بِالتزامُن مع زِر حرف السين وهو أيضاً زِر S ) ... تنَوين فتح ( زِر Shift بِالتزامُن مع زِر حرف الصاد وهو أيضاً زِر W ) ... تنَوين ضَـم( زِر Shift بِالتزامُن مع زِر حرف القاف وهو أيضاً زِر R ) ... الشدة ( زِر Shift بِالتزامُن مع زِر حرف الذال وهو أيضاً زِر الشرطة المائِلة ~ ) ...
ولِتشكيل الحرف بِتشكِلَين ... كمِثال ... خليك معاي بقى قُلنا شنو قبل شوية ... خليك معاي
الشده المفتوحة ( زِر Shift بِالتزامُن مع زِر الحرف الذال ثُم وإنت لازِلت ضاغِطاً على زِر Shift ترسُم تشكيل فتح بِضغط زِر حرف الضاد الذي هو أيضاً زِر Q ) ... الشده المكسورة ( زِر Shift بِالتزامُن مع زِر الحرف الذال ثُم وإنت لازِلت ضاغِطاً على زِر Shift ترسُم تشكيل كسر بِضغط زِر حرف الشين وهو أيضاً زِر A ) ... الشده المضمومة ( زِر Shift بِالتزامُن مع زِر الحرف الذال ثُم وإنت لازِلت ضاغِطاً على زِر Shift ترسُم تشكيل كسر بِضغط زِر حرف القاف المرسومة وهو أيضاً زِر X ) ...
أخليك تذاكِر ديل وبعد ما أتأكد مِن إنك إستَوعبتهُم ... أراجِع معاك ونشوف الدرس البعديهو شنو ...
أصلاً الحِكاية أنا بنظُر ليها مِن منظور إسلامي ... يعني أنا مثلاً لا يُعقل أن أُخلق كهذا عبثاً ... السبب في تسَوِيتي أن أنشُر العِلم ... وكَيد الله تعالى لا يُعادِلهُ كَيد فأتى بي مِن " عَـجَـمٍ " وهذا فِعل لا يستطيعَهُ إلا الله تعالى شأنهُ ...
إتعلم يا خوي أتعلم ... جبانا هايصة ...
| |
|
|
|
|
|
|
Re: فتلو (Re: عزام حسن فرح)
|
ذكر المستشار:
Quote: الاخ هشام درماس يغريكم جميعا كثير السلام وعايز تلفون الاخ الفاضل يس بشدة |
تحياتي للاخ:هشام درماس وشقيقه احمددرماس، واحمد دا مافي زول اشار اليه اطلاقا، رغم انه الاكبر ترتيبا،ولعب حارسا للمرمي مع الفلاح،ثم ولج مجال الفن واستفتح الدرب لاشقائه والنشيد الذي شاركت فيه شقيقته،كان هو ايضا مشاركا.ومطلع النشيد< نحن البراعم درع الثورة> وبث علي التلفزيون،وكانت سابقه غير مالؤفه ان يظهر ابناء الحي فيه. طيب ارجع للاستعلام: تلفون المنزل:00442920232907 اما الجوال:00447961215876 و00447588689101 تحياتي لدرماس اخوان ومتعهم الله بالصحه والعافيه والدتهم الحنون برضو.
مودتي
| |
|
|
|
|
|
|
Re: فتلو (Re: الفاضل يسن عثمان)
|
مقال غاية في الروعه وسلاسة الاسلوب و تنميط جميل للغة خطه الاستاذ:شكوكو وجدته بالصحيفة الاكترونيه النليين،ورائت ان اشرككم فيه.
Quote: بين الموردة والصبابي
أشياء كثيرة تتستحق الكتابة بدءا من حذاء بوش وإنتهاءا بتنصيب أوباما ومأساة غزة وغيرها من أحداث .. .. لكن أصعب أنواع الكتابة أن تكتب مرافعة تحاول من خلالها تبرأة ساحة (( محام )) لكنه في حقيقة الأمر ليس ككل المحامين .. بل من أكثرهم نجاعة ومقدرة على الدفاع عن نفسه .. لكن حسن تأدبه يجعله يصرفه ممن مثل هذا الدفاع ,
لكن ماقادتني لهذه المرافعة تلازم عجيب قفز الى ذاكرتني .. رابطا بين الماضي والحاضر .. وكأن الأيام تثبت لنفسها بعض المواقف التي تبدو أمام البعض بأنها مشاهد يجترها الزمن .. وفيها يمكن أن يقال أن التاريخ قد بدأ يعيد نفسه .
اليوم كنا في مناسبة دعينا لها بمناسبة إكتمال بناء بيت الأخ الصديق الصدوق (( عزالدين الصبابي )) المحامي وإنتقاله إليه .. وحينما أقول الصبابي فكأنني أدلل على كينونة الرجل بهذه الصبابة .. لكن الحقيقة عندي أن عزالدين هو الذي أضاف للصبابي ولم تضف له شيئا .
صحيح أن للصبابي تاريخها السالف كمكان أسهم بقدر مقدر في الثورة المهدية .. لكن العلاقة بين عز الدين والصبابي علاقة قدم فيها الرجل لنادي الصبابي جهدا وبذلا لا ينكرهما إلا مكابر .. لكن الصبابي لم تقدم لعزالدين شيئا .
فقد كنت ضمن الوفد الذي زار نادي الصبابي للسعي الى ضم عزالدين لنادي الموردة حيث كنت قد سبقته اليه .. بل كنت حريصا على ضم عزالدين للموردة لمعرفتي اللصيقة به كأحد أبناء حيينا الأبرار .. وأحد المتميزين في الرمي والتصويب والمرواغة في السجال واللعب ...
لكن أهل (( الصبابي )) وكدأب كل أندية الأحياء قابلوا وفدنا بتهكم باهت .. مؤكدين أن هذا الإنتقال ضرب من المحال .. بل أنهم لم يناقشوا الفكرة ذاتها .. رغم أن وفد الموردة آنذاك كان يضم كوكبة من رجالات الموردة وقاماتها . لكن الشاهد في الأمر أننا عدنا بخفي حنين ..
المفارقة بعد ذلك أن نادي الصبابي قد تم شطبه مع أندية أخرى من كشوفات الإتحاد بعد إن إنضم الى تجمع رفض المشاركة في الدوري لمشكلة كانت قد نشبت حينئذ بين هذه الأندية والإتحاد . .. وبذا أصبح عزالدين حرا طليقا وإستطاع أن يسجل في كشوفات الموردة دون أن يستفيد منه ناديه ماديا أو معنويا .
ثم دارت الأيام بنا وبعزالدين .. فكان عزالدين لاعبا موهوبا قدم للموردة والسودان أداءا وسلوكا منضبطا أسس لنوع متفرد من الرياضيين الرياديين .. وشاءت الأقدار أن يقدم الرجل بعد رجاءات كثيرة شيئا للموردة في مجلس إدارتها .. ليتقلد الرجل القاضي منصب السكرتارية والتي أجزم أنها لم تضيف للرجل بقدر ما أخذت من وقته وجهده .
وهكذا قرر الرجل مع مجلس إدارة الموردة تسريح اللاعب (( صالح عبد الله )) لنادى الهلال .. ليضيف أدبيات جديدة في سجل الممارسة وضع من خلالها (( 300 مليون جنيه )) في خزينة الموردة التي كانت تشكو لطوب الأرض من ضيق سعة اليد وقلة المورد في الموردة ..
كانت فكرتهم مستنيرة .. فيها ما فيها من الجانب التربوي بإتاحة فرصة للاعب للتقدم وتحيق ذاته ومراده .. ومن جانب آخر إستثمار اللاعب لإدرار عائد مادي يمكن الفريق من التسيير في زمن العسرة .. وبذلك يستطيع النادي شراء لاعبين كثر أكثر حذاقة من اللاعب المباع .
وكأن الرجل قد غاص في ذاكرته الخاصة ليتذكر كيف خسر أهل الصبابي حينما أرادوا تقييده في أوتاد الزمان .. غير أبهين بمستقبله كلاعب وما يمكن أن يدره إنتقاله عليهم من مال يعينهم على المواصلة والتقدم وتجديد الدماء .
لكن أهل الموردة لم يستوعبوا الجرعة مثلما فعل أهل الصبابي أنذاك ..بل زادوا في ذلك أتهمامهم مجلس الإدارة بأنه باع اللاعب للهلال من باب التواطؤ .. وأنهم يعملون ضد مصلحة الموردة وبذلك إنقلبوا عليهم وتنكروا لما قدموه من لمحة إستنارة في منهاج العمل الإداري .. وهكذا أبى التاريخ إلا أن يقدم ملحة إستوثاق ودليل إدانة للمارسات العقيمة لأندية الأحياء التي تأبى فكرة الإحياء .
ترى كم خسرت الصبابي بإنتقال عزالدين الى الموردة بتلك الكيفية ؟؟؟ وترى كم خسرت الموردة بخسارتها لعزالدين الإداري بهذه الكيفية ؟؟ وترى كم ربحت الممارسة ؟؟ وكم ربح اللاعب ؟؟ وكم ربحت الموردة والممارسة ؟؟
ولعلنا نشاهد في عالم اليوم أن عملية الإنتقال قد أصبحت مقننة لمصلحة اللاعب .. حتى لا يحجر علية الإنتقال .. وحتى يفهم الناس أن عملية الإنتقال ظاهرة طبيعية .. بل هي تصب في مصلحة النادي .. وكأننا بتحجرنا القديم نعتنق مفاهيم عتيقة متحجرة تعيق تقدمنا الرياضي وتجعلنا مقعدين عن الإنطلاق .
ترى لوعاد الزمان للوراء هل كانت أسرة الصبابي ستطلق سراح عزالدين لنادي الموردة بمحض إرادتنا ليرسم تلك اللوحات البديعة في سماء الممارسة ؟؟ أجزم بأنهم الآن سيقولون ليتنا عدنا لنطلق سراح الرجل الجميل طواعية طالما أنه سيبدع وسيجعل إسم حيينا في فضاءات الإبداع .
إذن لماذا يرفض أهل الموردة فكرة إطلاق سراح هذا اللاعب الذي لو غضب من حرمانه وجلس في منزله لخسرت الموردة هذه الــ(( 300 مليون جنيها )) دون أن تجد مادة في القانون يمكن أن تجبره لفك تمردة والعودة للنادي .
وأخيرا ..
دعونا نتفق أن عزالدين قد أضاف بروعتة إضافة مقدرة في سجل الصبابي دون أن تقدم الصبابي كلها شيئا واحدا للرجل .. لذلك نقول أن هناك من الناس من يصنعون واجهات جميلة لبعض الأمكنة لكنهم من فرط جمالهم لا يلتفتون للوراء بطيب خاطر منهم .. و في ذات الأوان هناك آخرون لا يتركون للمفاهيم الجمي لة أن تسود فيجرمون الناس .. ويكتشفون خطياهم بعد حين .
هل يعقل أن من كان قاضيا .. وقد شهد له القاصي والداني بالنزاهة وعفة القلب والخاطر .. أن يكون في دائرة التخوين .. ؟؟؟
ماذا خسرت الموردة بخسارة رجل جسور كعزالدين ؟؟ وماذا ربحت الصبابي بأن يكون عزالدين منها رغم مرارة الإطلاق ..
ختاما التهنئة لأخي عزالدين بمناسبة إنتقاله لمنزلة الجديد الإنيق .. على مرمى حجر من بيت أسرته بحي الشعبية .. فالرجل لايقوى على ان يعيش بعيدا عن حيه وأحبته وإخوته الذين ترعرع بينهم بحي الشعبية جنوب .
الرحمة والمغفرة للوالد (( محمد خير أبو الريش )) وليته كان بيننا ليرى ثماره الطيبة وقد سمقت بأخلاقها بين الناس وقديما قيل : (( يعرف الشجر الطيب بثماره )) وياله من غرس طيب . والتحية للوالدة آمنه وهي آمنه في سربها بين الخيرين والجيران ... متعها الله بالصحة والعافية ..
-------------------- ملء السنابل تنحني بتواضع ... والفارغات رؤوسهن شوامخ --------------------
صلاح محمد عبد الدائم ( شكوكو ) [email protected]
|
التحيه لكما استاذ شكوكو والخلوق عزالدين الصبابي،بمثل قيمكم واخلاقكم.
| |
|
|
|
|
|
|
Re: فتلو (Re: الفاضل يسن عثمان)
|
يا سلام يا شباب
تسلم يا عبدون
والله زمان مناصرة اولاد الحلــة
( وشباب كل مربع وهم يسيرون جماعات الى سينما الصافية فى كل الاراضى المعادية )
Quote: بدر الدين متابعين موضوعك البى هناك بتاع الاعتذار ويا أخوى اذا الموضوع اتطور كتير كلمنا نجيب عكاكيزنا ونجيك عشان نفرتقها فى راس بكرى .. |
ترمــــــة بدردينيــة :
يا عبدون يا اخوى ما تشيل هـــم دى ( كاسورى إسفيرى ساكت )
شايلين عكاكيزك لوقـــت شــدة
| |
|
|
|
|
|
|
Re: فتلو (Re: بدر الدين اسحاق احمد)
|
يا عابدون الصورة دي قبل دقائق مع إبن أختي عزام حسن
بالدوحة. تاني ماتجي تقول مشروع جد.
عزام حسن فرح قال تاني أصيب بالصرعع . يمكن صرعة.
ماعارفين .. المان كل يوم مصروع بالحب .. ويقول ما بتزوروني ليه
ياخي أناحنا ما تمرجيه عشان نعمل زيارات إستشفائية. الرسول قال
إذا مرض فعده ..يعني مرة واحدة.. بعدين إنت داير فيزا خاصة للشحانية
أعملها لينا وشوفنا كان قصرنا..
بالمناسبة ياعزام حقو تجي رمامدا اليوم لوداع د. أسامة عبد الحليم
أحد أبناء كوستي البررة.....
هاك الصورة دي
| |
|
|
|
|
|
|
Re: فتلو (Re: شمس الدين ساتى)
|
لاحولالالالالالالالالا ياشمس الدين النضارة دى لسة قاعدة معاك؟؟؟
ياخى اشترى ليك نضارة جديدة ياخى دى من زمن الاميرية2
بعدين كان تبتسم شوية عشان نشوف السن المكسورة قاعدة ولا مركب محلها طقم..
| |
|
|
|
|
|
|
Re: فتلو (Re: شمس الدين ساتى)
|
خالص العزاء للأصدقاء الأعزاء جمال زميل الطفولة والدراسة
وعز الدين أبو الريش في وفاة الوالد ولا أدري إن كان
الخبر جديد أم لا .وأرجوك ياشكوكو أن تبلغهم عزائي الشخصي
فهم أصدقاء لي بحق.
| |
|
|
|
|
|
|
Re: فتلو (Re: شمس الدين ساتى)
|
الاخ العزيز عابدون ,ابناء الشعبيه الكرام ** شرف دُبي اليوم أخونا المُستشار حسن طه "ودالبوب" . ** عابدون تلفوني :- 0505199440 (ودام الود بيننا) (ابو محمد فؤاد)
| |
|
|
|
|
|
|
Re: فتلو (Re: عبدالكريم أحمد الامين)
|
هلا يا ابو الشموس
يا ود العمة يا غالى وبالمصرى كدة ( ايه الحلاوة دى) وةالله ماشاء الله وليه ناس عبدون شابكنك كبرت وكدة
Quote: بعدين كان تبتسم شوية عشان نشوف السن المكسورة قاعدة ولا مركب محلها طقم.. |
طبعا طالما فى ناس عارفين انه فى سن مكسورة الصورة الجاية لازم تكون ضاحك مش مبتسم وبس ( وجه ضاحك)
تحياتى لكل الاهل
| |
|
|
|
|
|
|
Re: فتلو (Re: حامد محمد حامد)
|
Quote: يا عابدون الصورة دي قبل دقائق مع إبن أختي عزام حسن |
شمس الدين ما شاء الله..أنا قلت الزول دا ما عاوز ينزل الصورة عشان التغييرات لكن بعد ما شفت الصورة قلت ما شاء الله يعني ضيعت صاحبك زاهر...
| |
|
|
|
|
|
|
Re: فتلو (Re: الحاج حمد الحاج)
|
عزاممممممكو
الاخـــو
كتر الف خيرك
علا انا جنــــس كلامك الكتير وصغاره دى كان بقدر عليه كان سألت وطلبت الاستعانة بصديق ...
غايتو ما ترجانى فى اقل من شهر عشان تشوف ليك كتابة مشكلة وكمان (( بلون شنو كدى ما عارف ))
بــس يا دفعة إنت ما تصدق طوالى تجــــى شايل طباشيرتك ومعاك ( ســوط نيـــم ) من القلقو بيهم منام طفولتنا ...
قال شــنو ( ليكم اللحم ولينـــا العضم )) ..
عافـــى ليكم غايتو يا الناس الكبار
Quote: ما فيها حاجة عادي ... بس عاوزك تنتبِه معاي ... خليك معاي شايف يا سيدي لو عاوِز تكسِر - طبعاً التِكِسِر ده إنت حريف فيهو ... شكيتك على الله - تضغط Shift - يا شِفِت - فوق الحرف العاوُزو يتكسر تِكِسِر فهو مكسور ويُقال لِمَن فعل الفِعل كاسِر فهو مُكَسِر نعود لِلتشكيل ... خليك مُنتبِه بِالله ...
|
| |
|
|
|
|
|
|
Re: فتلو (Re: بدر الدين اسحاق احمد)
|
عزام ظهر
ياعزام أسف لعدم الرد لأني كنت في رمادا أبحث عن
حفلة وداع د. أسامة وعدت متأخر شوية .أها ياعابدون
كان راجل نزل صورة جديدة. دايرين نشوف الصلعة.
ود الخال حامد ... ليك وحشة يارفيق الدرب
تعرف ياحامد .. بتذكرني بالمرحوم الخال عبد الله من
كل الأوجه.. دائما في ترحال.. وقلبك علي الوطن الصغير سمت
والأهل.. تعرف ياحامد .. مرات أقعد أفكر .. ليه بكون قدر الإنسان
النوبي إنه يكون في رحيل دائم ؟ كلما أقرأ سورة القصص وبالذات آية
فاقذفيه في اليم ..أتذكركم أنت والمرحوم الخال .. نبي الله موسي من عندنا
هذه حقيقة تأريخية وجغرافية لأن النيل يذهب شمالا وعندما قذفت به أمه
حسب النص القرآني أخذه التيار من الجنوب إلي الشمال
يعني بالدارجي من منطقة النوبة لأن قصر الفرعون كان بمنطقة
الأقصر وهي منطة تتبع للنوبة.. ثم أيضا بعض الأسماء النوبية
تجدها في العبرية..صليحة..زليخة.. هارون .. موسي..صابحة..
لك التحية وأنت في ترحالك ...ولأخوتي عمار وناس الداخل باقر وياسر
ولأخواتي العزيزات
| |
|
|
|
|
|
|
Re: فتلو (Re: شمس الدين ساتى)
|
اولاد حسن التريبيل: للمرة الثانية يهاتفني ألأخ محمد حسن التريبيل و هذه المرة كان معه الأخوان سيف الدين و جمال و كانت مكالمة ممتعة تحدثنا كثيرا عن الشعبية و الذكريات و هم يتابعون ما يكتب و لكن طلبت منهم الكتابة و المشاركة الفعالة معنا للتوثيق للشعبية..التحية لأولاد حسن التريبيل..
| |
|
|
|
|
|
|
Re: فتلو (Re: الحاج حمد الحاج)
|
غريبة ....
عابدون إنت متذكر السن المكسور
ويا الحاج صاحبي أصلو من يومو ضايع الشيب المالي راسو دا
كلو من هم البيت والتفكير الكتير في حق الوالدين خاصة أنهما
صارا في مرحلة (لكي لايعلم من بعد علم)...
ياعبدون نزل صورة جديدة
| |
|
|
|
|
|
|
Re: فتلو (Re: شمس الدين ساتى)
|
كيف مابتذكر سنك المكسورة يامرض وبعدين تعال هنا اشتريت صبغة بى كم وجلبطها فى راسك عشان مايظهر الشيب بتاعك ياخى راسك كلو بقى زى القطن مابتخجل تمشى تشترى الصبغة وتجلبط راسك عايز تعمل شنو يعنى بعد كدة ماخلاص ... آوت ديتد .. بتعرفها ولا أترجمها ليك؟؟؟؟؟؟؟
| |
|
|
|
|
|
|
Re: فتلو (Re: شمس الدين ساتى)
|
كيف مابتذكر سنك المكسورة يامرض وبعدين تعال هنا اشتريت صبغة بى كم وجلبطها فى راسك عشان مايظهر الشيب بتاعك ياخى راسك كلو بقى زى القطن مابتخجل تمشى تشترى الصبغة وتجلبط راسك عايز تعمل شنو يعنى بعد كدة ماخلاص ... آوت ديتد .. بتعرفها ولا أترجمها ليك؟؟؟؟؟؟؟
المستشار حسن طه مشرف دبى وموجود على رقم عبد الكريم الموجود فى الصفحة ياشباب ابوظبى ودبى والعين وماجاورهما ..
| |
|
|
|
|
|
|
Re: فتلو (Re: عابدون محمد عابدون)
|
أكتبها صاح يا عبيط إسمها آوت أوف ديت
مش أوت ديت ..بعدين الكلمة دي بالذات متداولة
في البنوك عندما يكون الشيك مضي عليه أكثر من ستة شهور
بيكن الكلمة الكتبتها غلط دي.. فهمت .. يلا نزل صورة جديد
وبلاش تتزاوغ...
| |
|
|
|
|
|
|
Re: فتلو (Re: شمس الدين ساتى)
|
أنا قلت ليك أوت ديتــــــــــــــــــــــــــــــــــــــــــــــــد ... أها كدة شفتها موش أوت ديت ...
التاج ساتى أخباره شنو؟؟؟
| |
|
|
|
|
|
|
Re: فتلو (Re: عابدون محمد عابدون)
|
الحقونا ياجماعة
كلما أحاول التصفح تجيني رسالة هاكت فروم جوكر
الحكاية شنو ياعابدون..
بعدين قرأت في الموقع إنه في دواء جديد وفعال
للسكري بالأمارات من الأعشاب وبراءة الأختراع لدكتور
أردني من أصل فلسطيني ألحقونا بيهو ياعابدون
| |
|
|
|
|
|
|
Re: فتلو (Re: شمس الدين ساتى)
|
شمس الدين بالنسبة للموقع هناك لعبة توم اند جيرى دايرة بين بكرى والهاكر والحكاية يوم ليك ويوم عليك أها عشان كدة لما يجيك الاعلان بتاع الهاكر دا معناها الورق والتوزيع عنده تقوم تنتظره لغايه مايجى بكرى بالمدافع بتاعته ويفتح الباب ... وهلم جرا ياقول الصادق ...
بالنسبة لعلاج السكرى انا ماعندى فكرة عن الموضوع لكن حاول اسأل عن الدكتور وعيادته ورسلها وانا حأزوره فورا ..
| |
|
|
|
|
|
|
Re: فتلو (Re: عابدون محمد عابدون)
|
ياناس امريكا هيوستون - تكساس يعنى يا اسامة سعد اظنه هو الوحيد اللى فى تكساس .. يا اسامة اخوك احتمال يجيكم فى زيارة زى 5 أيام كدة فى معرض يقام فى هيوستن وهو معرض خاص بالمنتجات والمعدات الخاصة بحقول النفط Offshore Technology Conference ( OTC ) 2009 أها كان بقينا بى هناك عندكم هيوستن دى بتكون قريبة منك عشان نشوفك ولا بتكون بعيدة ...
| |
|
|
|
|
|
|
Re: فتلو (Re: عابدون محمد عابدون)
|
يافيصل لقيت البوست بتاع عبد الرزاق الطالب لكن الصور ماواضحة ... أها زى ما اتفقنا رسل لى الصورة عشان نعرضها هنا لعجايز البورد المشاركين والمتفرجين وطبعا يافيصل من اهم العجايز الموجودين هنا فى ابوظبى ويمكن تكون متذكره هو الاخ عثمان بانقا وهو طبعا اهم مدافع كان فى الصداقة عندكم فى الزمن داك ....
| |
|
|
|
|
|
|
Re: فتلو (Re: عابدون محمد عابدون)
|
Quoteالحقونا ياجماعة
كلما أحاول التصفح تجيني رسالة هاكت فروم جوكر
الحكاية شنو ياعابدون.. Quote
الاخ شمس الدين سلام
ممكن تتخلص من الحكايه دي بان ترفع درجه الامن في الويب سايت امشي لي tools Internet Options then click on Security
بعد داك ارفعها لي High ولمن تطلع من سودانيزاونلاين رجعها محلها بنفس الخطوات
عبدون اخبارك شايفك ماسك البوست مقاوله ..وانشاء الله زيارتك دي تجيبك لينا بي هنا في كندا
تحياتي لبقية المتداخلين
| |
|
|
|
|
|
|
Re: فتلو (Re: عزالدين محمد عثمان)
|
عز الدين سلامات ومشتاقين .. الحمد لله الجيت أها لو شايف فوق انا كاتب كلام لى فيصل عبد الله وهو كان ساكن فى بيت ناس يحيى جمب دكان فضل المولى وناس دكتور ياسر حنفى ولعب فى الصداقة فى خانة جناح يمين زمان ايام ناس عبد الرحمن سيودة وموش على سيودة يعنى لما كان الصديق والصداقة فريق واحد واتفارقوا وهو متابع لهذا البوست وبيكون بيقرأ فى الكلام دا وياعز الدين انا فيصل ماقدرت اتذكره وقدر ماحاول يشرح لى فى اتصال هاتفى بالتلفون ما اتذكرته رغم انو متذكر الحلة وكل الناس ... أها كدى لو انت متذكرو قول لينا ..
| |
|
|
|
|
|
|
Re: فتلو (Re: عبدالوهاب علي الحاج)
|
أتاريك الناس فاتحة الشبابيك وتتونس وجايبين لى بكرى الهوا ... أها الساعة عندنا بقت سبعة وانا لسة قاعد فى المكتب وبعد دا ماشى اكوس لى حاجة آكلها .. شفتو الشغل هنا كيف تقول لى عندكم هناك قاعدين لى تحت المكيفات وونستات مع الشاى والقهوة والواحد يجى البيت يقول تعبان ..
| |
|
|
|
|
|
|
Re: فتلو (Re: عابدون محمد عابدون)
|
Quote: هو الماسنجر دا شغال وانا ماجايب خبر؟؟؟ غايتو رقمه 00971508994767 |
الاعزاء عابدون ووهبه ** الاخ فيصل عبدالله موجود بالرياض - السعوديه ولقد إتصل بي مشكوراً صباح اليوم , بس ياعابدون التلفون النزلتو لى وهبه دا فى الامارات وحديثك عن فيصل عبدالله ود. ياسر حنفي فهل المعنى شخص آخر ؟ ** وهبه غايتو حاأرسل ليك تلفون فيصل عبدالله الفى الرياض - السعوديه SMS (ودام الود بيننا) (ابو محمد فؤاد)
| |
|
|
|
|
|
|
Re: فتلو (Re: الحاج حمد الحاج)
|
كرومة صباح الخير ... انا كنت افتكرت انو عبد الوهاب عايز تلفون فيصل عابدون لكن فيصل عبد الله رقمه 00966556456917 وياعبد الكريم فيصل امبارح كان على اتصال متواصل معاى من السعودية وانا قدر ماحاولت اتذكره لأنه كان ساكن فى الحلة وكان بيلعب فى الصداقة أيام كان فريق الصداقة فى رابطة المزاد وعلى العموم انا طلبت منه يرسل صورة من الزمن القديم ومنتظر منه الايميل ... صباح الخير يافيصل عارفك بتتاوق بالحيطة ...
| |
|
|
|
|
|
|
Re: فتلو (Re: عابدون محمد عابدون)
|
وطالما جات السيرة عن دكتور ياسر حنفى فنقول ليهو صبحك الله بالخير ياياسر وانشاء الله ربنا يديم عليك الصحة والعافية ... عبقرى آخر إنتاج الشعبية والاميرية2
| |
|
|
|
|
|
|
Re: فتلو (Re: صلاح أبودية)
|
وكمان فوق .. عشان ود ابو دية يرفع راســـو
ونحن نخــش مع الناس الكبار التحت ديل فى الدعاء
Quote: كل ما أعاين ألقى واحد فيكم رافع البوست !!
كتر خيركم يا واصلى الرحم ! |
| |
|
|
|
|
|
|
Re: فتلو (Re: بدر الدين اسحاق احمد)
|
غياب
وين الاهيف عمر محمد عثمان ،ود الدرب،الانيق القلم وين،الطائي طارق محمد سعيد،نتمني ان يكون قد عاد سالما الي قواعده وين قلم الشيخ سيداحمد الرائع،واسلوبه الروائي الاجمل وين،امير قناوي،وعصام مامون. يتملكنا بعض من كسل وتدني للحيوية،لكنها الشعبية،في حبها نلتقي هيا نجدع في عشقهاحروف ما نختزنه لها.
مودتي
| |
|
|
|
|
|
|
Re: فتلو (Re: عابدون محمد عابدون)
|
Quote: وطالما جات السيرة عن دكتور ياسر حنفى فنقول ليهو صبحك الله بالخير ياياسر وانشاء الله ربنا يديم عليك الصحة والعافية ... عبقرى آخر إنتاج الشعبية والاميرية2 |
الاخوان/ الحاج حمد وعابدون ** أخصائى القلب إبن الشعبيه الصديق د. ياسر حنفي ,, إبن الاميريه "2" وبحرى الحكوميه ,, نتمني أن تُنشر سيرته الذاتيه مع صوره له فهو فخر لنا إذ أنه الدفعه التي سبقتنا في الاميريه وبحرى الحكوميه بعام ,, ونتمنى أن يكون ذلك ديدنا مع كل مُُبدعى ومشاهير بحرى ... (ودام الود بيننا) (ابو محمد فؤاد)
| |
|
|
|
|
|
|
ياسر حنفي (Re: hajhamad)
|
عبد الكريم وعابدون
ليه ما نحاول نشركه معنا في الموقع ويجي يحكي بنفسه
ياعبد الكريم ياسر الدفعة البيناتنا وكان معانا في شمال
في الأميرية2.. وشقيقه سليمان دفعة شقيقي التاج ساتي
ياسر كان يتميز بنظارة طبية سميكةوكان نحيفا وطويل القامة
ثم إنتقل معنا الي بحري الحكومية..منزلهم كان بمنطقة المساكن المحيطة بالشعبية
من جهة الشرق بمعني . المنازل بين شارع المعونة والشعبية
من الداخل وهو أقرب لمنازل ناس عابدون.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
عز الدين سلامات ومشتاقين .. الحمد لله الجيت أها لو شايف فوق انا كاتب كلام لى فيصل عبد الله وهو كان ساكن فى بيت ناس يحيى جمب دكان فضل المولى وناس دكتور ياسر حنفى ولعب فى الصداقة فى خانة جناح يمين زمان ايام ناس عبد الرحمن سيودة وموش على سيودة يعنى لما كان الصديق والصداقة فريق واحد واتفارقوا وهو متابع لهذا البوست وبيكون بيقرأ فى الكلام دا وياعز الدين انا فيصل ماقدرت اتذكره وقدر ماحاول يشرح لى فى اتصال هاتفى بالتلفون ما اتذكرته رغم انو متذكر الحلة وكل الناس ... أها كدى لو انت متذكرو قول لينا ..
الاخ عبدون سلامات كيف مابتذكره استاذ فيصل الراجل القيافه المهندم طول الوقت.. لونه اخدراني ونحيف وطويل شويه ووسيم وليه جلحات ..الله يطراه بالخير ليه تحياتي واشواقي..وياما اكلنا فول ناس فضل المولي سوا مع الشله اياها بعشر والطيب وابو الزيق ومحمد اللونق اخو زكريا وابقدوم والجاك ..ده الزمن الجميل.. برجع ليه تاني..واقول للاخ فيصل والله مشتاقين والواحد كل امنيته ان يعود الزمن القهقري ونتلاقي كلنا ولو في ونسه من الونسات اياها في الشعبيه قدام الدكان او علي الخط بتاع الميدان..وانت ياعبدون لم تتذكره لانك لم تعايشه لصغر سنك ربما في ذلك الوقت ولكنك كنت مشهور كلاعب فنان عشان كده الناس بعرفوك..
مودتي للاخ فيصل وللجميع بالبوست
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين محمد عثمان)
|
الاخ / علاء الدين محشيه صاحب القلب الكبير ... والروح الجميله .. وروح القياده والزعامه .. حيث كان فى المدرسه الالفه على الفصل وفى الحله كابتن ومدرب الفريق بالتنافس مع الاخ / فيصل يس وكان فى السوق ملك سعد قشره .. كانت له علاقه حميمه بحله فريق الزهره الاخوان اسامه جمعه وبدر الدين وعبد الوهاب .. كما كانت له علاقه وجدانيه عميقه جدا بالمرحومه الوالده زكيه (لها المغفره والرحمه ) تلقفته امواج الغربه رغم انه لايملك اى من ادواتها .. حيث ارتباطه الكبير بالحله وبحرى عموما .. والقلب المرهف والحنين الامتناهى.. لك الود الاخ / علاء محشيه واسرتك الصغيره متمنين لك عودا حميدا والتحيه للاخ / مختار على مختار بالسعوديه (سامى ) والتحيه للاخوان ضياء الدين ووليد وهيثم ومحمد الاخ / الحاج حمد انشاء الله تكون اتحصلت على تلفون الاخ / سامى كما ارجوا ارسال تلفون الاخ / علاء الدين
| |
|
|
|
|
|
|
Re: الصفحة أربعين دي كانت مهكرة (Re: عابدون محمد عابدون)
|
ياناس الصداقة المشتركين والبيتاوقوا بالحيطة ... زول من الزمن الجميل وكان هداف لفريق الصداقة لما كان فريق واحد جامع الصديق والصداقة مع بعضهم وقبل الانفصال ودخول الغابة ايام كان الناس بيلعبوا فى رابطة المزاد الاخ فيصل عبد الله بيسلم عليكم فردا فردا وبالاخص انت ياعز الدين فيصل بيسلم عليك كتير وطلب منى انزل الايميل الخاص بيهو للمراسلة لكل الاحباب ...
[email protected]
فى صور حأحاول أنزلها واحدة تلو الاخرى[RED/] ( يادنقلاوى يابتاع العربى ) طبعا عارف نفسك ..
| |
|
|
|
|
|
|
Re: الصفحة أربعين دي كانت مهكرة (Re: عابدون محمد عابدون)
|
ياناس الشعبيه حمداً لله علي السلامه , وبركه الجمعتو في البوست , وعملنا مُناشدة فزعه للبوست في بحرى ست الهوى والطراوه بالامس وفتشنا من خور شمبات الي أن وصلنا رشيد ودمياط وماحصلنا بوست النجمه..
** يابكرى ياخوى لي متين الجهجهه دى ؟؟ والمُداخلات البتمشي الخووووووووووور بقت كتيره!!!! ** هل نأمل في تأمين هذا الموقع من هذا العبث الصبيانى المُنظم؟؟؟؟ !!!!! (ودام الود بيننا) (ابو محمد فؤاد)
| |
|
|
|
|
|
|
الصفحة رقم أربعين (Re: hajhamad)
|
يا آبدون أنا قاصد الصفحة أربعين بالذات
وبعدين كلمة موصدة ليها هي والكلمة صحيحة
وتعني مقفولة (مسكرة- مبندة) locked
وقع ليك كلامي؟ نسيت أجاوبك علي سؤالك عن شقيقي
التاج.. طبعا كان في شرطة حرس الصيد وعين عضوا بالمجلس
الوطني الأول ثم نزل المعاش وذهب الي السعودية لعامين
ورجع السودان . وهو الآن يسكن مع أسرته بالدروشاب
| |
|
|
|
|
|
|
Re: الصفحة رقم أربعين (Re: شمس الدين ساتى)
|
كفارة للاخ كمال كرار ياعبد الكريم ونضم صوتنا الى صوتك ....
ياناس الشعبية ياجماعة شاركوا عن طريق الايميلات مع أى زول هنا يعنى ممكن ترسلوا عن طريق الحاج حمد او شكوكو او عابدون ومابيكفى تتاوقوا بالحيطة على رقصة العروسة ... ياجورج ياخى امشى اى محل بتاع انترنت واعمل رسالة للحاج ونزلها هنا ...
| |
|
|
|
|
|
|
Re: الصفحة رقم أربعين (Re: عابدون محمد عابدون)
|
الاخ عبدون من الاعزاء الذين تكرموا مشكورين بالاتصال بي هاتفيا في دبي ولم تمكنهم ظروف عملهم في ابو ظبي من الحضور الي دبي.
عبدون والجميع كانكم جيتو وشكرا ليكم كتير.
وشكر خاص لابن الشعبية البار الاخ فيصل عبد الله الذي تكرم مشكورا بالاتصال بي من السعودية.
وابو محمد فؤاد مثلكم خير تمثيل وسعدت بصحبته طيلة مدة الزيارة التي لم نتفارق فيها ابدا .
دمتم،،
| |
|
|
|
|
|
|
Re: الصفحة رقم أربعين (Re: حسن طه محمد)
|
حمد الله على السلامة ياحسن ياخوى وعودا حميدا ... كنا نتمنى وجودك معنا فى ابوظبى ولكن ابو محمد فؤاد طبعا مابيقصر وربنا يديم الود بيننا ..
الاخ فيصل عبد الله على اتصال معاى ياحسن وانا حاليا حأنزل صور حديثة له وكنت اتمنى انو يستطيع يرسل صور قديمة حيث نعتبر ان التاريخ قد وقف هناك وقبل امتطاء صهوة الغربة ..
| |
|
|
|
|
|
|
Re: الصفحة رقم أربعين (Re: عابدون محمد عابدون)
|
اخي عبدون
الاخ فيصل عبد الله آخر عهدي به قبل 15 سنة عندما كنت في الرياض.
في ذاك الوقت كنا نتقابل كثيرا وهو نعم الاخ الخلوق.
مثلك لا ادري ما فعل به الزمان وما فعل بك الزمان ولكني ادري ما فعل بي الزمان عندما اشاهد صوري السابقة واخوك بالشعر الكثيف.
احد المعارف لم اشاهده منذ اكثر من ثلاثين سنةوحين مقابلته رفع معنوياتي حين قال لي : لم تتغير سوي الشيب يا حسن .
في دبي سالت احد المارة من بلاد الشام عن مركز الغرير القريب من الفندق وسالته ان كان به ملابس .. بدل.
سالني عايز تتجوز ؟
قلت له : ايوة بس للمرة التانية.
دمتم ،،،
| |
|
|
|
|
|
|
سي (Re: hajhamad)
|
...
مواصلة لموضوع بيت عزالدين الصبابي
هنا نجم الدين ( أخو العريس ) ممسكا بعصاه وبجانبه طارق حسن (( شقيق سيف )) )) والصورة لقطه جانبية في أحد زوايا (( الصيوان )) الذي نصب بمناسبة وليمة تدشين منزل الأخ عزالدين ..
والصور مهداه لنجل الأخ عزالدين (( محمد )) الذي يدرس بالفلبين حتى يرى عبر التكنلوجيا بيتهم الذي لم يره مرأى عين وكأنها إتاحة موقوتة حتى عودته.. كما يمكنه أن يرى عمه النجم (( نجم الدين )) بإبتسامته المتوهجة التي لا تفارقه مع أمنياتنا له بالنجاح والتوفيق
مع الود
..
| |
|
|
|
|
|
|
Re: عده (Re: صلاح شكوكو)
|
Quote: ياناس الصداقة المشتركين والبيتاوقوا بالحيطة ... زول من الزمن الجميل وكان هداف لفريق الصداقة لما كان فريق واحد جامع الصديق والصداقة مع بعضهم وقبل الانفصال ودخول الغابة ايام كان الناس بيلعبوا فى رابطة المزاد الاخ فيصل عبد الله بيسلم عليكم فردا فردا وبالاخص انت ياعز الدين فيصل بيسلم عليك كتير وطلب منى انزل الايميل الخاص بيهو للمراسلة لكل الاحباب ... |
الاخ عبدون سلام انشاء الله حا ارسل ليه ايميل..المهم طلع هو زاته ولا لا؟؟ يعني زي ماوصفته ليك؟؟
ولكم مودتي
| |
|
|
|
|
|
|
Re: عده (Re: عزالدين محمد عثمان)
|
سلامات ياعز الدين والله الاخ فيصل طلع هو ذاته بس تغيير بسيط وكنت محتاج لفترة عشان البروسيسور بتاعى يشتغل ويرجع المسافة دى كلها ....
| |
|
|
|
|
|
|
|