مسودة كتاب الشعبية الباب الثامن: أدبيـــات

في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-11-2018, 10:45 AM الصفحة الرئيسية

منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-01-2010, 06:33 AM

ستنا خضر عبدالله

تاريخ التسجيل: 18-12-2009
مجموع المشاركات: 201

للتواصل معنا

FaceBook
تويتر Twitter
YouTube


Re: مسودة كتاب الشعبية الباب الثامن: أدبيـــات (Re: ستنا خضر عبدالله)

    الحاج حمد الحاج

    فطور فتة:

    أثناء اجازتي العام السابقة ، الصباح عادة بمشي المكتبة الفي ركن المدرسة الجنوبي الشرقي و اشتري الجرائد و عادة بشتري الرأي العام و أي جريدة سياسية تانية و بشتري جريدة (الصدى) لانو مزمل أبو القاسم بطون كاتب ليهو عمود بنجض لينا الرشاشات ديل نجاض بالاضافة انو أخبار المريخ سدي البلد بتكون بغزارة في جردية (الصدى ، و بجي أطلع الكرسي قدام الباب و أبدأ أقرا الجرائد بمزاج و احتمال يكون في تمرين صباحي في ميدان الصداقة خاصة ناس السجون بتمرنو باستمرار في ميدان الصداقة و جابهم عبد الرحيم (الضب)لانو مساعد المدرب ، يوم بقرا في الجرايد و في نفس الوقت يوسف المفك قاعد بالكرسي قدام بيتهم و بيقرا في الجرائد و رغم المسافة البينا حوالي كم متر مرات يلقى خبر يقوم يقرأ لي الخبر و يعلق بسخرية خاصة اذا كان تفاوض مع لاعب دفعو ليهو كم مليون و يقول لي : و الله نحن ضعنا ساكت زمان ندرن مع المريخ او الهلال يجي عثمانالحاج (سكرتير التحرير) يصرف لي كل واحد 5 الف جنيه حافز نكون فرحانين الاسبوع كلو..و بعد فترة يصل عبد الرحيم الضب و تقف كريسيدا فارهة بيضاء ينزل منه الوجيه عاطف جعفر..و بعد شوية تقف عربة لاندكروزر فارهة جدا ينزل منه الوجيه أسامة سليمان..و بعد شوية يصل اسماعيل زمبة معلق شنطة على ظهره و في كامل اناقته التي عرف بها..تكتمل الشلة و بعد شوية الضب يقول : يا جماعة الفطور كيف؟ واحد يقول : نظبط الفتت..طوالي يقوم الضب يشيل صحن كبير و تتحرك الكريسيدا و يمشو سوق الشعبية..يتم احضار الدكوة..السلطة..زيت سمسم من محل اسمو (ابو البنات) دا متخصص زيوت بس و عامل ليهو طبلية قدام دكان العم بشير..و يمشو لي عباس اللوبي و هو صاحب دكان في بيت ناس الفحل و عندو فول مظبط..و يظبطو الفتة..و أنا بين الجرائد و الونسة..و في برنامجي الفطور مع الوالد عليه الرحمة و هو برنامج شبه ثابت..لكن بعد تظبيط الفتة الجماعة بدو يكوركو : يلا يا حاج الفطور جاهز..الضب يكورك : و الله فتة زي دي موش في السعودية لو مشيت فرنسا ما تلقاها..و عارف الجماعة ديل بظبطو فتة رهيبة..رغم كميات الشطة..يا زول رميت الجرائد على الكرسي و مشيت عليهم..الصحن عبارة عن طش ..الفتة رهيبة جدا زيت السمسم اخضر و كمية و عبارة عن برك صغيرة صغيرة..و الطعمية مفتفتة من فوق..و جبنة الدويم تعوم في زيت السمسم..الشطة الخضراء مقطعة دقاقة يعني بغتاتة شديدة و انت بتاكل تسمع اسنان قرضت ليها حاجة بعدج شوية خشمك يسخن و تجري للصحن تشيل لقمة تانية تحاول تبرد بيها الاولى لكن غاليا التانية فيها شطة اكبر من الاولى و بي كده تلقى يدك شغالة بين خشمك و الصحن و بعد شوية تعرق..و الفتة فعلا رهيبة..و ما تقيف الا تلقى يدك بدأت تلامس قعر الصحن..ايام لها ايقاع..


    صلاح شكوكو

    كلمات في لغتنا العامية
    إضافة تستحق أن تكون هنا ..
    لا أستطيع أن أحدد المربع الذي تسكن فيه لأنها تسكن فينا
    بل نحن هي وهي نحن .. فأصبحت سمة تطلق على كل سوداني أينما يكون خاصة في العالم العربي .. ونحن هنا إذ نضيفها هنا إنما تؤكد ما لايحتاج الى تأكيد .. لكننا نضعها هنا كمعلومة غائبة عن البعض .. وثانيا لنجاري كثير من الأقلام الجاهلة التي تتندر بهذه الكلمة .. وذلك من فرط جهلها بمكنونها ومعناها ..
    ولعلنا بإضافتها هنا نجبر ( محركات البحث ) في جعلها تطفو أما الباحثين عنها .. خاصة الذين يودون توضيحها للغافلين عنها من أبناء الدول العربية التي يتصف الكثيرون منهم بضيق الأفق وقلة المعرفة .. والذين يعتقدون جهلا أن الكلمات المتداولة عبر الإعلام هي كل دنياوات اللغة التي يعرفونها .. مما جعل عظمة هذه اللغة التي حوت التنزيل تغيب عن ناظريهم ..

    =====

    زول :-

    كلمة زَوْلٌ من فصيح العربية جاءت في قاموس لسان العرب لإبن منظور ولها أكثر من سبعة عشر معنى ، فالزول تعني : الكريم الجواد ، أنشد السكيت المزرد :-
    لقد أروح بالكرام الأزوال ..... من بين عم وابن عم أو خال .
    والزول : الخفيف الحركات ، حيث قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول . والزول أيضا بمعنى الفتى ، قال محمد بن عبيد الله الكاتب المشهور بالمفجع يمدح علياً رضي الله عنه : أشبه الأنبياء كهلاً وزولاً وفطيماً وراضعاً وغذياً .. والزّول : أيضا تأتي كضرب من ضروب التعجب من شيء .. بمعنى ياعجبي من هذا الشيء . قال الشاعر في وصف سير ناقة . :-
    مرفوعها زول وموضوعها كمر ... غيث لجــــب وسط ريح
    فمرفوعها زولٌ يعني سيرها إذا أسرعت عجب من العجائب . والزول هو : الشجاع الذي يتزايل الناس من شجاعته والزول أيضا : الخفيف الظريف الفطن الذي يعجب الناس من ظرفه والزول هو : الغلام الظريف والزول : الداهية والزول الصقر والزول : معالجة الأمر كالمزاولة والزول التظرف والزول : الحركة والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة ... قال أبو علي : الحيزبون التي فيها بقية من الشباب . والزولة الظريفة ..
    أما الزولة : فهي المرأة البرزة (الجميلة) الفطنة الذكية ، قال الطرماح بن حكيم : -
    وأدت إليّ القول منهن زولة ... تلاحن أو ترنة لقول الملاحن
    والملاحنة هي الفطنة ، فهذه تتكلم بما يخفى على الناس ولا يفهمها إلا الفطن . والزولة : الفتية من الإبل أو النساء ، قال رؤبة بن العجاج : قد عتق الأجدع بعد رق بقارح أو زولة معق ووصيفة زولة : إذا كانت نافذة في الرسائل ويقولون فلان رامي الزوائل : إذا كان خبيرا بالنساء ، قال الشاعر :_
    وكنت امرأً أرمي الزوائل مرة ... فأصبحت قد ودعت رمي الزوائل
    ففتى، زول وفتاة ،زولة ، وفتية أزوال ، وفتيات زولات ، ونسوة زوائل . وبقي معتى ثامن عشر عليكم به في بطون الكتب . فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء . ولعلك تلاحظ أن كثيرين من غير السودانيين إن أراد مناداة آخر صاح فيه : يازول ! فكأنه أتى بجرم أو شيء غريب أو كأنه (ضرب السما جير ) والأدهى أن بعض السودانيين قد يضيق بذلك ربما لأن بعض الجاهلين يعتقد أنها غريبة فيتخذها وصمة للتندر بالسودانيين . ولكن المتأمل بدرك أن سر ضيق السوداني منها ينبع من السياق الذي ترد فيه وليس منها في ذاتها .







                   |Articles |News |مقالات |بيانات

العنوان الكاتب Date
مسودة كتاب الشعبية الباب الثامن: أدبيـــات أمير قناوي25-12-09, 07:41 PM
  Re: مسودة كتاب الشعبية الباب الثامن: أدبيـــات أمير قناوي26-12-09, 08:46 PM
    Re: مسودة كتاب الشعبية الباب الثامن: أدبيـــات أمير قناوي26-12-09, 08:49 PM
      Re: مسودة كتاب الشعبية الباب الثامن: أدبيـــات أمير قناوي27-12-09, 09:07 PM
        Re: مسودة كتاب الشعبية الباب الثامن: أدبيـــات ستنا خضر عبدالله28-12-09, 05:51 AM
          Re: مسودة كتاب الشعبية الباب الثامن: أدبيـــات ستنا خضر عبدالله28-12-09, 07:07 AM
            Re: مسودة كتاب الشعبية الباب الثامن: أدبيـــات ستنا خضر عبدالله28-12-09, 08:25 AM
              Re: مسودة كتاب الشعبية الباب الثامن: أدبيـــات ستنا خضر عبدالله28-12-09, 11:42 AM
              Re: مسودة كتاب الشعبية الباب الثامن: أدبيـــات ستنا خضر عبدالله28-12-09, 02:29 PM
                Re: مسودة كتاب الشعبية الباب الثامن: أدبيـــات ستنا خضر عبدالله30-12-09, 03:26 PM
                  Re: مسودة كتاب الشعبية الباب الثامن: أدبيـــات ستنا خضر عبدالله30-12-09, 07:37 PM
                    Re: مسودة كتاب الشعبية الباب الثامن: أدبيـــات ستنا خضر عبدالله31-12-09, 11:02 AM
                      Re: مسودة كتاب الشعبية الباب الثامن: أدبيـــات ستنا خضر عبدالله31-12-09, 11:21 AM
                        Re: مسودة كتاب الشعبية الباب الثامن: أدبيـــات أمير قناوي01-01-10, 08:54 AM
                          Re: مسودة كتاب الشعبية الباب الثامن: أدبيـــات ستنا خضر عبدالله04-01-10, 05:33 AM
                            Re: مسودة كتاب الشعبية الباب الثامن: أدبيـــات ستنا خضر عبدالله04-01-10, 06:33 AM
                              Re: مسودة كتاب الشعبية الباب الثامن: أدبيـــات ستنا خضر عبدالله06-01-10, 11:20 AM
                                Re: مسودة كتاب الشعبية الباب الثامن: أدبيـــات ستنا خضر عبدالله06-01-10, 08:51 PM
                                  Re: مسودة كتاب الشعبية الباب الثامن: أدبيـــات ستنا خضر عبدالله10-01-10, 05:54 PM
                                    Re: مسودة كتاب الشعبية الباب الثامن: أدبيـــات ستنا خضر عبدالله11-01-10, 08:16 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de