|
Re: الشعبية نجمة تزين سماء مدينة الخرطوم بحري (Re: صلاح أبودية)
|
Quote: انا لهسه ملخبت هل حاج حمد هو نفس الحاج حمد الحاج.
ولازم نعقد مؤتمر قمة لكي نحل الاشكال دا!! |
الأستاذ حسن طه أنا خايف يكون زي قمة دمشق
طبعا كما أشرت في مداخلة سابقة فقد طلبت من بكري أبوبكر أن يكون ال Nickname بتاعي الحاج حمد الحاج و قد لبى مشكورا طلبي و لكن تفاجأت أن ذلك تسجيل جديد و فقدت بذلك تاريخ تسجيلي الذي يؤكد انني من أول الذين سجلوا في هذا البور على الاطلاق اذ أن تاريخ تسجيلي 05/02/2002م و مشاركاتي زيادة من 1400 مشاركة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: حسن طه محمد)
|
وصلتني الرسالة التالية من الأخ عثمان المتعارض (هامبورج -المانيا) و التي أشكره عليها ، و عثمان شاركنا مشاركات جميلة و لكن اختفى منذ فترة ، وينك يا عثمان؟ هناك الكثير عن مسجد الختمية و المرحوم الخليفة كانكيج و المرحوم الخليفة مسعود و غيرهما...
Quote: أخي العزيز حاج حمد
تحياتي وسلاماتي العطرة
والله لم أعلم الا اليوم بخبر وفاة الوالد ... نعزيكم وأنفسنا في المصاب الجلل ، ونسأل الله أن يسكنه فسيح جناته مع الصديقين والنبيين والشهداء .. وأن يجعل قبره روضة من رياض الجنة .. وأن يجعله في سدر مخضوض وسدر ممدود وطلح منضوض .. وأن يجعل البركة فيكم وفي ذريته وأهل بيته .. ويلزمنا واياكم الصبر الجميل ...
أرجو المعذرة علي التأخير ... ولك حبي ..
أخوك عثمان المتعارض
ألمانيا .. هامبورج
30 مارس 2008
|
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الأخ / عزام حسن الأخ / بدر الدين (الزنجى)
لكما التحية والود
قابلت اليوم من الدفعة :
فيصل فرينى ، هذا الشخص الفريد الّّذى يعرفه كل سكان الشعبية والخرطوم بحرى عموم وأبشركم إنه نفس الفرينى ما زاد ولا تعريفة
ألقيت عليه التحية من على البعد (بالبورى) ولوح لى يده والإبتسامة نفسها تعلو وجهه.
ثم ليس بعيداً من منزله قابلت أيضاصبرى إسماعيل شقيق المرحوم شاكرإسماعيل والله ماشاء الله آخر خفة ورشاقة ونشاط يحسد عليه.
شايفك عاوز تحسب العزابة يابدرين أكتب عندك الإثنين ديل
ممكن تزيد عليهم تاج السر فضل والتاج شريفة
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
ارسل لى الاخ بدر الدين مشكورآ ايميل ردآ على سؤالى له ( ماذا تفعل فى السودان؟ رجل اعمال ولا وزير؟). انقل لكم ما ورد فى الايميل من سيرة بدر الدين التعليمية والمهنية والسياسية:
Quote: · الشعبية جنوب ... الاميرية (2) ... الخرطوم التجارية ...جامعة امدرمان الاسلامية كلية التربية ...دبلوم عالى النيلين ...ماجستي تربية الاسلامية امدرمان ( مسرة التعليم الحكومى الشاقة ) .( دراسة فى بيروت العربية فشلت لضيق ذات اليـد ) . الكلية الحربية الدفعة 14 فنيين .
· تاريخ الزواج يونيو 1989 م قبال الانقاذ دى ... بكون اول زول فى دفعتنا تزوج .
· الشباب بفضل الله ( 3 بنات + 3 اولاد ) اكبرهم ممتحنة الشهادة السودانية دعوات يا ناس البوست كلكم .
· مســيرة البحث عن الرزق الحلال إمتدت من :-
o كاتب حسابات هيئة توفير المياه ( وانا فى الجامعة )
o منظمة الاتحاد الاسلامى للعمل الشبابى
o وزارة التخطيط الاقتصادى والاستثمار مدير مكتب الوزير على الحاج .
o ادارة المعلومات والاتصالات .ديوان الحكم الاتحادى
o مؤسسة السلام والتنمية
o مكتب السلام بالسفارة السودانية نيروبى
o مع قليل من الانتدابات الى مؤسسات حكومية وغيرها
o تمت الاحالة الى الصالح العام 2001م
· مدير المركزالوطنى لاعداد وتاهيل القادة ( مركز تدريب شبابى ) الرياض شارع اوماك .
· السكن فى قائمة إيجارات واستضافات تطول ( منزلنا + الشعبية شمال + شمبات الديم + شمبات الشلعاب + الجريف شرق + المزاد شمال + الحلفايا فريق الشايقية + المزاد + (شمبات الاراضى شمال مربع 17 منزل رقم 95 ) بحمد الله منزلنا اليوم ... اكثر ما يحزننى فيـه ولم يكمل فرحتى بــه عدم رؤية والدتـى رحمها الله لجهد وثمرة ابنها منزلى ..
· مفاخــر
o اكثر من عمل من اجل السلام والاستقرار فى جنوبنا الحبيب مسيرة امتدت من ( مفاوضات اديس ابابا 1989 – 1998 م ..
o ذو علاقات خاصة كل قادة الحركة الشعبية قبل السلام بصورة شخصية .بدءاً من القائد د. قرنق شخصياً والمرحوم يوسف كــوة الاكثر التصاقاً باسرته ...الى د.لام اكول (( أسالوا الدفعــة صلاح ابودية )) .اقرب من يعلم سيرتنا العملية .
o صدقاً ما عندى علاقات مع ابناء السودان من غير الجنوبيين فى الحركة الشعبية لماذا (ما عندى سبب واجابة ).
· حــوامــة عاليمة
عييييييييييييييييييييييييييييييييييييييييك زرت دول عديدة وعشت خارج السودان ردحاً من الزمن عايشت وعاشرت شعوب واجناس وتواصلت مع ديانات وتعلمت لغات ...وشفت بلاد منها دهــــــــــــــــــــــــ
o يوغندا 17 مرة
o كينيا 34 مرة والعيش فيها لمدة 2سنة
o اثيوبيا 5مرات
o اريتيريا مرتان
o نيجيريا 3 مرات
o تنزانيا 2مرة
o زامبيا مرتان
o جنوب افريقا 3 مرات
o ناميبيا مرةواحدة
o ليسوتو مرة واحدة
o ملاوى مرة واحدة
o مصر 3 مرات مع العيش فيها لمدة 6اشهر
o بلد الحبيب محمد صلى الله عليه وسلم حجةواحدة وعمرات .
o المانيا 3 مرات
o بريطانيا مرتان
o الولايات المتحدةالامريكية 3 مرات
|
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
و كما زينت الشعبية سماء الخرطوم بحري ، هاهي تزين البورد كواحد من اعلى البوستات مشاهدة (تجاوزت 30,000 مشاهدة و ما يفوق 1400 مشاركة) و الشكر للأخ الباشمهندس بكري أبوبكر الذي استجاب لأن يستمر بوست الشعبية بهذا الكم الهائل من المشاركات و المشاهدات دون أرشفة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
بسم الله الرحمن الرحيم
الكريم حاج حمد ناس الدفعة عزام / صلاح الناس الكبار منير وعادل
سلامات مبرووووووووووووووووووووووووووووووووووووووووووووووووك اعدد المهو ل من المشاهدين ...والمشاركين فى هذا البوست مع الامانى بمواصلة العطاء وتسخين هذا البورد بكل ما فيه نماء وخير شعبيتنا . السؤال ليـــــــــــــــــــــه هذا العدد من المشاهدين والمشاركين اقول رؤيتى للاتى : • صدق المقال والمشهد عند المشاركين • توحد الزمان والمكان • التشارك فى المشاهد • وحدة النمط المعيشى لاهل الشعبية • شفافية الشخوص • البيت / المدرسة / الزاوية / الميدان / السينما / الذكريات ( الواحدة ) . • شوق الاخرين الى محاكاة هذا البوست فى احياءهم .. • بعد اهل البوست عن ممارسة ساس يسوس • الحنين والشوق لكل واحد منا لحكاية ومشهد وموقف و...حاجات تانيه حاميانى .
رسائل :- • الاخ عادل شكراً على اشراك اهل البوست فى سيرتنا الشعباوية . • لكن قول ليــــه شكلك كـــده (( زى كمسارى القطر )) صحح ليـــه المشهد إنت فى البلد البايخـــة ديك شغال شنــو ( بلد مطرتها ما معروفة بتكب متين ووين ...بلد يتعاقب على يومها كل فصول السنة .
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
الأخ بدر الدين اسحاق
بالفعل الشعبية دي متميزة في حاجات كتيرة و سبق أن ذكرت ان تجربة الشعبية لو درست دراسة متأنية يمكن تساعد كثيرا في خلق الشخصية السودانية القومية و التي سوف تساعد في تحقيق السلام الحقيقي ، لاحظ في الشعبية الناس بقت أهل و بينهم نسب و لا يفرق بينهم جنس ، في شوارع في الشعبية أصل السكان من الغرب و الجنوب و الشرق و الشمال و لكن ذلك لا يؤثر في أنهم أصبحوا أهل و بعضهم يعرف اهله ناس الشعبية اكثر من أقربائه..انها الشعبية الطحنية..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Quote: لو انت كنت مع احمد اخوي في فصل واحد أم لا .. |
يا منير سلامى كدى ادينى الإسم ثلاثى ....و هل أنتم ساكنين فى الشعبية شمال .... قصاد ناس (افتكر) جمال ... التعايشى ... الشارع الثانى شمال غرب الميدان ... بيت ناصية فاتح جنوب.... عشان اوصف ليك بيتكم من جوه.. لانو فى واحد إسمو أحمد عبدالرحيم ... كان خطاط جدا و كان يزين العناوين للدروس برسومات و بالوان... لاحقا سرقنا منه الفكرة.... كان معى فى فصل واحد...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح أبودية)
|
الدفعة صلاح سلامات وسلام مبروك الامورة ...يا عم انت لســــه مساسك الدرب ده احسن ليك تفكوا ... تم قبول المذكورين الى قائمة الاشراف العزابة صبرى اسماعيل الصنم الكبير اسامة ابو دية...عامل شباب وبتاع حاسوب وكدهله الف تحية وتحية الشقيقان ( اللتش ...وعصمت بشكوته ((شوف الاسم القديم ده ..والله سيدوا زاتو تلقاهوا نساهـ .
التاج شريفة تم رفض قبول المذكور ماجد جلد لانـــه ليس من دفعتنا ... يا دفعة بقيت تبخر ولا شنــو تم الرفض الشديد للاخ معتصم حماد ((( والله انا أكلت الضلع بتاع عرسوا ...انت وين يا دفعة ..غرقان فى عسل بــرى ولا شنـــو .
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
الاخ عادل سلامات وسلام لقد أجرى الزمان إزميلــه فى صورتك الخائف عليها حافراًًًًًَُُ...شيبا ...وصلعة ... عمرا ... نعلم تفوقكم الاكاديمـــى كنا نريد اشراكنا فيـــه دراسة ... ووظيفة ...وسكنا ...وحاجات تانية ...لكن شحكم المعلوماتـــى حال دون ذلك ... متعكم الله بالصحة
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
اهل البوست سلام وسلام ودعوات اخونوا عادل اهو اظنك زى علاء الدين محشية بحثت عن ملاذات من الكتاحة والعجاجة و البطالة الى الخضرة والجمال وبلاد الغال ( مش اسمها هكذا فى التاريخ )) ... رجال عظام من ابائنا فى شعبية الخير من الجناينئة سنوثق لسيرتهــم العطرة ... وبعدين الجناينية خشم بيوت (( صبى جناينى ... فنى جناينى ...مهندس جناينى ...ياتو فيهم ووين انت عايش مالك بخيل معوماتياً امكن ربنا يجيبنا البلاد ديك نجـــى ننحل عندك ... وبعد داك نشوت ضفارى : نهدد لاخر مرة باننا سوف نقوم بنشر القوائم single للناس الكبار ...احسن يعترفوا براهم . الحبيب محمد عبد الرحمن شمس الدين كدية نشوف معلوماتنا المحس كترانج الموطن الاصلى اشقاء ( محمد ...شمس الدين )) اكبر الابناء اخت واحدة صغيرة فى ذلك الزمان ابن عم ناس ( سمية شمس الدين فى الشعبية جنوب مربع 6/7 يفتح منزلهم شمال على الزاوية السكن الشعبية شمال ( ليس منزلكم )شارع عمنا عبد الرحيمحاج عمر (حكم الكورة ) والد طارق ..حاتم. سكن بعدكم فى المنزل اسرة ناس شقيقة ابراهيم سعيد بتاع مصانع سعيد للمواد الغذائية اظنك درست فى جامعة الخرطوم ( هندسة ) عثمان عبد العظيم سكن جارنا فى الشعبية جنوب منزل ورثة طلع لهم وهو الان طبيب فى السعودية ياسر حامد الياس اطول طالب فى الدفعة يسكن غرب طلمبة شل شارع الكبرى كنت قبل مدة مع شقيقة وابلغنى ان ياسر يعمل طبيب فى بريطانيا . والله زمان يا محمد (( قلنا ليكم ما تقدموا الى الاميرية (1) ما صدقتوا كلامنا اها حسى كده كويس نامن الناس يرجعوا وينحتوا الذاكرة عشان يطلعوك من اللاوعــى ...ماشاء الله على بنتنا فى الاطار سلام للاسرة الكريمة والاخ شمس الدين (( صلعة شنو ...والله انا اخت صورتى تقولوا جدو ده من وين جنس شيب خليهوا ساكت .
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح أبودية)
|
Quote: اخونا عادل اهو اظنك زى علاء الدين محشية بحثت عن ملاذات من الكتاحة والعجاجة و البطالة الى الخضرة والجمال وبلاد الغال ( مش اسمها هكذا فى التاريخ )) |
بحثت عن ملاذات آمنة يا بدر الدين من بطش واحتكار الجبهة الاسلامية للسلطة والثروة والسوق والاسمنت والكلية الحربية والخدمة المدنية والدبلوماسية !
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Mohamad Shamseldin)
|
الاخ العضو الجديدالحاج حمد
تحية طيبة زي مارحبت بي انا برضو بقو أقول ليك مرحب بك ياالحاج عضو جديدفى المنبر واللة شرفت المنبر ياالحاج وواصل معانا باللة فى بوست الشعبية دي الفتحو واحد اخونا زمان اسمه حاج حمد اللة يطراهو بالخير . ياسلام عليكم ياحاج انت ومنير ذكرتونا بكارم كزام ومامون ،وكارم ده بالذات كان صديقى وكان يجلس خلفى مباشرة ومعذبني بدفر الكرسي برجله وكان استاذالرياضيات عبد الحميد الكندي معذبنا بالأسئلة وكل مايكتب مسألة فى السبورة واراد أختيار واحد لحلها يقول ايوة يامعاوية ولو ماقدرت طوالي يقول ايوة ياكارم يعني كان فاضحنا فى الفصل وطوالي كارم كان يتذكر ذلك وكل مايقابلني يقول لى بطريقة الكندي ايوة يامعاوية ومن طرائف كارم فى حصة الادب الانجليزي يكون ماسك كتاب غير الذي يقرأ منه الأستاذ وعندما يسمع صوت قلب الصفحات يقول لي يامعاوية الناس قلبوا ،وأخر مرة قابلتوا فى الدوحة فقد جاء لزيارة عمل قبل عدة أعوام وكان يجلس بجواره المصيبة الثاني اخونا عبد اللة سعيد وهو من الزومة يامنير وكان شخص مضحك جداًواتذكر مرة جاءنا أستاذتربية اسلامية من المولانات يرتدي جلابية وقفطان وبمجرد دخوله قال السلام عليكم ورد عبد اللة سعيد وعليكم السلام ياعم مختار وكدنا ان نموت من الضحك وماعارف يامنير وصلتكم النكتة دى قدام أم لا ،وكان يجلس بجواري طيلة سنوات الثانوي العام صديقي الفاتح بشير مدني فقد جئنا معاً من مدرسة المزاد وكان ايضاً نجلس بجوار بعض من الفصل الرابع وهو الأن موظف كبير ببنك البركة فى السودان وتحياتي من على البعد له ولكارم ومامون وعبد اللة سعيد بهولندا
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: معاوية محمد الحسن)
|
الأخ العزيز معاوية محمد الحسن شكرا لترحيبك بصاحب البوست.. طبع الأميرية (2) كانت تضم خلطة عجيبة من الشعبية و المزاد و الديوم و الدناقلة و الاملاك و الختمية و شمبات و بقية مناطق بحري رغم ان الاغلبية كانوا من الشعبية و المزاد. تصدق يا معاوية عبد الله سعيد دا من الأميرية (2) تاني ما قابلتو و ما جات حاجة ذكرتني الاسم دا لكن الآن بمجرد ذكرك لهذا الاسم جات الصورة و الضحكة و النكتة التي كانت تميزه مارة بخيالي. من الطرائف التي لا أنساها كان الأخ حسن طه (الشعبية جنوب) ضخم الجسم و مرة عملوا جوطة ورا و قام استاذ مختار (رياضيات) شال ليهو سوط و مشى عليهم و قرر جلدهم قال لي حسن طه : أفتح يدك و عندما فتح حسن يده الضخمة علق استاذ مختار و كان صاحب نكتة : لا حول دي كابي ليها باكنج بودر.مرة عماد عبد الله (سوسيوة) (الشعبية جنوب) الصباح بدري و حسن طه عندو مسائل رياضيات ما حلاها بالليل جا شال كراس واحد و بدأ ينقل عاوز ينتهي قبل الحصة و عماد يجري جنب حسن طه و يفرفر قام حسن طه قبض عماد باليد الشمال و واصل النقل باليد اليمين و عماد يصيح : ياخي فك و حسن ما شغال بيهو و ما فكاهو الا بعد ما خلص نقل المسائل ، أيام لها ايقاع.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
المحطة الآخيرة للبصات
كانت المحطة الآخيرة لبصات أبو رجيلة في المساحة التي يوجد بها حاليا منزل السيد / سيد ضو البيت و هو رجل أعمال من اهالي بربر يلاصق منزله منزل المرحوم / عيسى خليل من الجهة الجنوبية و يفتح مباشرة على شارع الكبري و يقع غرب منزل المرحوم دلدوم (يفصل بينهم شارع الزلط) ، و بعد ان تم تشييد القطعة تم انتقال المحطة لموقعها الحالي قرب سوق السيد / علي الميرغني يعني انتقلت للشعبية جنوب. موبيليات عيسى
و على ذكر المرحوم عيسى خليل فهو من اول الذين دخلوا مجال تصنيع الأثاثات المنزلية و كان له الفضل في تطور هذه الصناعة في السودان و رغم أن منزلهم يقع في العمارات التي يطلق عليها الصبابي الا انهم كبقية سكان هذه العمارات تربطهم صلات طيبة مع سكان الشعبية و أصبحوا جزء منهم و قد ربطتهم علاقات نسب بسكان الشعبية ، و قد ورث أبناء المرحوم عيسى هذه الصناعة و أصبحوا من المعروفين في هذا المجال ، فأصبحت هناك موبيليات خليل و سمير و احمد عيسى أبناء المرحوم عيسى و كلها تقوم بصناعة متميزة و فاخرة للأثاثات المنزلية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الأخ/ محمد شمس الدين ...
تحية طيبة مزجاة لكم ولكافة أبناء الشعبية الميامين...
بوست بحري الأميرية ( 1 )... حلم راود الكثيرين من أبناء تلكم المدرسة العتيقة.. وتمنياتكم علينا بهذا الخصوص تدفع بإتجاه أن يولد بوست يوثق لتلك المدرسة.. وإن شاء الله نحاول كما تفضلتم بطلبكم..
ياسر حامد الياس.. غالبا هو شقيق أخونا أحمد حامد الياس وهو الدفعة الورانا في بحري الأميرية ( 1 ) وأعتقد أيضا هو طبيب متخصص في بريطانيا.. وهم من عائلة أنعم الله عليهم بنعمة الشطارة الفطرية..
أأمل أن أتمكن من إفتراع بوست عن الأميرية ( 1 ) ... ولو بعد حين.. (إن كان في العمر بقية)..
لك ولكافة أبناء الشعبية أطيب المنى... ودمتم في حفظ الله
| |
|
|
|
|
|
|
العزيز كمال كرار
تحية وردية من ورود بحري الاميرية الندية
شخصي الضعيف من الذين تشرفوا بتلقي العلم من بحري الاميرية(1)
كنت أسكن آنذاك حي الدناقلة جنوب بالقرب من المدرسة.
كان جل وقتي في المدرسة
صباحا مع الحصص
وعصرا مع الجمعيات الأدبية والرياضية ( كنت في منزل طارق ) وغيرها من المناسبات.
لا زلت أذكر أساتذتي الأجلاء
وزملائي الأعزاء
لا زلت اذكر الفصول ومواقعها والأشجار وست الفطور
لا زلت أذكر العم فتح الرحمن والعم حسن اللذان كانا بالنسبة لنا آباء حقيقيين.
لا زلت أذكر ميدان الكورة
لا زلت أذكر جميع المناشط الرياضية التي كنا نمارسها من البينق بونق الي الباسكت الي الفولي بول الي كرة القدم
لا زلت أذكر تدريبات الجمباز وكاننا من المشاركين في الدورات الاولمبية العالمية
لا زلت أذكر الكثير.
سررت كثيرا بفكرة فتح بوست عن مدرستنا الحبيبة بحري الاميرية (1).
لا تتأخر يا كمال ونحن في الانتظار
والشكر مقدما لكم .
مع تحياتي للجميع خاصة من نالوا العلم الرفيع من هذه المدرسةالتي كانت أشهر المدارس في العاصمة في كافة المجالات وفي مقدمتها التفوق العلمي الذي اشتهرت به كثيرا .
أين نحن الآن من كل ذلك؟؟
وتحياتي،،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Kamal Karrar)
|
فعلا يا كمال جاءت الصفحة بيضاء من كل سوء .
والرسالة كانت موجهة ليك بالتحديد
وقلت فيها اني ممن تشرفوابالدراسة في هذه المدرسة العملاقة
وما زلت اذكر فصولها وأشجارها
وما زلت أذكر أساتذتنا الأجلاء
وما زلت أذكر العم فتح الرحمن والعم حسن وقد كا آبوين حقيقيين للجميع
وما زلت أذكر مناشطها من البينق بونق الي الجمباز وكاننا في دورة أوليمبية الي الجمعيات بمختلف مسمياتها
وما زلت أذكر زملائي الطلبة
وما زلت أذكر بعض الذكريات بها
لذلك سررت كثيرا عندما جاءت منكم فكرة البوست عن الاميرية ( 1 ).
فاسرع ونحن في الانتظار يا كمال ود الكرار
مع تحياتي للجميع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
Quote: يا منير سلامى كدى ادينى الإسم ثلاثى ....و هل أنتم ساكنين فى الشعبية شمال .... قصاد ناس (افتكر) جمال ... التعايشى ... الشارع الثانى شمال غرب الميدان ... بيت ناصية فاتح جنوب.... عشان اوصف ليك بيتكم من جوه.. لانو فى واحد إسمو أحمد عبدالرحيم ... كان خطاط جدا و كان يزين العناوين للدروس برسومات و بالوان... لاحقا سرقنا منه الفكرة.... كان معى فى فصل واحد... |
العزيز الحاج شكرآ لإجابتك علي الأخ محمد شمس الدين ..
نعم يا محمد شمس الدين هو أحمد عبدالرحيم ذاته جار المرحوم جمال النور الذي قيل أنه مرض فجأة وتوفي ، نسأل الله له الرحمة والمغفرة وحسن المآب .. وبالمناسبة أنا ربما اتذكر شكلك (الزمان) طشاش طشاش كده .. ولكني قطعآ أتذكر أن أحمد والمرحوم جمال كانا صديقين لتلميذ اسمه محمدعبدالرحمن .. ودا أكيد تكون إنت.. وانت طبعآ أكيد في السودان معروف بالا سم محمد عبدالرحمن وليس محمدشمس الدين.. وطبعآ حذف الاسم الاوسط ده حركات خواجات ساي .. مش كده؟؟ ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح أبودية)
|
الدفعة صلاح سلامات والله كتلتوا ياهو ذاتو محمد شبر ... قصيرونى وكمان عندو نظارات منيوموا بس قعر كباية (( ماشاء الله )) .. برضوا شاكى انا منزل لينا صورة وهو فيها ضاربوا الهواء البارد لكن الصلعة دى يوديها وييييييييييييييييييييييييييييين .
الدفعة صلاح بالله عليك الله شوف الحلبى عزام دهـ كلاموا كيفن ضفارى ...باقى ليك لو رجعنا لينا كم ((( احسن مانقول السنين )) بقدر يقول متل كلاموا دهـ (( والله لو لقى ليه ملاذات امنة من ناس مجلس الامن مابيقولوا )) ...لكن اهو حكاية الحريات المغطية الدنيا اليومين دهـ خايفين من ناس منير يقولوا (( حاجات تانية )) .. الحبيب عزام احتراما للايام الخوالى ما حبينا نعترض على صورتكم وما فيها من ملامح شبابية لكن والله تقول ماخدها زمن الابيض والاسود يعنى حوالى 85 او 87 والله اعلم ...بعدين اعمل حسابك انت فى القائمة الثانية مع صلاح بتفرغ ليكم بعد ايام . العزيز محمد شمس الدين والله اخت ليكم صورتى تقولوا عموا دهـ درسكم وين ((احسن خلونا كدهـ نختبى خلف الكلمات .
بعد داك يا عزام الجماعة الكبار ديل انت ما منهم لكن الفى بطنوا حرقص براه برقص (( ديل ناس شكوكوالكبير وابوقرجة وناس الحاج حمد وبعدهم ناس منير وعادل .
عادل منير عزام الحق الناس ديل قايلين بيلحقوا الاميرية (2) دهـ مدرسة ينتهى فيها ( العلم .. الفن .. الكورة ...والاساتذة ... والنظار الماليهم مثيل (( ناس السحار )) ... وبعدين الحركات الانفصالية دهـ احسن تخلونا منها
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Mohamad Shamseldin)
|
وشالوا السمك بيتهم لامهم ( التومة ) وقالوا ليها الله فتحا علينا بفضل دعواتك و الصيد كان وفير !!! امهم صدقت القصة قصاد كمية السمك البلطي !! وظبطت العضة وضربوا المشاوي هي والاشرار وابو الاشرار،،، وبدون رغيف كمان !! بعد شوية تجي ( عايدة شمار ) البيت تلاقي اختها ( السرة ) راقدة في السرير وهي بتقرا مجلة سيدتي . عايدة شمار : الله يسد نيتك راقدة لا جيهتي السمك لا حمرتي مالك !! راقدة زي الجنازة ترقدي في احمد شرفي !! و يجيك عريس كيف انت يالخملة !! السرة : سمك شنو انت طاير ليك !!؟ تقول انت معرسة واولادك في الجامعة ( في سرها طبعا ) !! ... عايدة شمار تجي فترانة و عيونا مطششة طوالي علي التلاجة تأخد حقنة الانسولين !! المهم عرفت انو الجوز ماجابو السمك !! السرة : لكن قبيل جاني ( حليتي ) وشحدني دكوة وليمون وقال لي الليلة عندنا فطرة كاربة ابوي جاب لينا سمك من الموردة ، تعالي افطري معانا لانو شايف اختك لافة في السوق زي كلب الحر و احسن ليك تجي تأكلي وهي شديدة علي روحا بعدين تأكلي نيم !! ... عايدة شمار وهي تزبد وترغي شالت توبا ومرقت علي جيرانا ،، وهي تسب وتلعن ،، دكوة الله يدك عليهم الواطة !! انا كلب الحر ولا هم المطاليق اولاد الحرام !! وفي الشارع بدأت تشم في ريحة السمك حقها .. وبقت تدمع . جنب الباب شافت موية السمك مدفوقة كضبت الشينة وقالت : ده بيكون ترتر ساي ما قشر السمك وانا عشان الانسولين عيوني مطششة !! واي شئ شايفا سمك ،، سمك !!
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: شهاب شكوكو)
|
لمن وصلت بيت الاشرار كررو دفرت الباب ونادت ام الاشرار ،،، التومة ،، يا التومة !! عايدة شمار : اولادك عملوا كيت وكيت !! انت ما سالتيهم جابوا السمك ده من وين ؟؟ التومة : ما صادو من البحر يعني من وين جابو من الغابة !! عايدة شمار : بحر ابليس ، ان شاء الله ياكلك الحوت ياعفنة ، ياام العفنين . ... ناس الحلة اتلموا بالجوطة ،،، وجابو الشفع الاشرار قالوا سمك عايدة شمار اكلوا منهم كلب الغفير بتاع المدرسة السعران ، وسمكنا ده صدناو من البحر !! وبعدين هي زاتا سمكا كان نص كيلو بس !! وكان ما مصدقانا امشي شوفي كلب الغفير تلقيو عمل ليو جضيمات !! عايدة شمار لمن خلاااص قنعت من سمكا ، و السكري طلع ليها في راسا وخشمها بقي ملح ملح !! قالت : طيب خلاص يااولاد الكلب ما فضلتوا ولا راس ، ادوني ليو اعملوا شوربة ولا صينية سمك !! الله يقطع راسكم زي ما قطعتوا راسي !!
انتهي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
مدرسة الشعبِية جنوب الدفعة : صلاح / بدرالدين / محمد شمس الدين وآخرين
يادابي عِرفتك يا محمد شمس الدين (شِبِر) ... وين أراضيك هسع ... يا صلاح إت التوجه الحضاري العام في السودان ما كان بيمنع مِتِل ناس بدرالدين مِن الشمارات ... الزول قال لينا عديل أنا وإنت الدور جايينا ... كدي النلحق ولدي حسن وفرح مِن دخول البورد ده ... الحِكاية جايبه ليها فضايِح الظاهِر ... الله قال بِقولنا المصيبة دي أكان فتحت ، أمانة ما وقعوا رُجال ... وكِت بدأت بِالـ(الحلبي) ما أظِنها بتنتهي إلا (بِطالِعني بره أكان راجِل) هسِع نجيب ليك نادِر منصور مِن وين ...
سلام بِالعربي الفصيح
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
Quote: الحبيب حاج حمد تحياتى
تسجيل حضور ومتابعه . وكميات سلام وتحايا من احمد كربوج |
الأخ حسن عوضاي سلامي لك و تحياتي عبرك للأخ أحمد كربوج و الذي لم أقابله منذ سنوات طويلة و لكن هو دائما في الخاطر عند ذكر الشعبية و الرياضة فهم أسرة ساهمت في العمل الرياضي و الاجتماعي و العام في الشعبية ، و ما زال الأخ بكري يقوم بدور كبير في الرياضة و الاجتماعيات بالشعبية ، الأخ بكري كربوج مشكورا حضر معزيا لنا في وفاة الوالد له التحايا من البعد..
شكرا الأخ حسن عوضاي. يا بدر الدين اسحاق ياخي ايه الحكاية عاوز تكبرنا كمان زيادة ، الأخ منير دفعتنا في الأميرية (2) و بحري الحكومية و عادل محمد عثمان الدفعة القدامنا..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
الأخ شهاب شكوكو
مرحبا بك مرة أخرى و أول الغيث نقطة فينهمر..في انتظار الكثير من المشاركات
تخريمة وين العيزي صلاح شكوكو مسجل غياب.
هشام درماس جلسة على ضفاف النيل الأزرق شاهدتها في قناة هارموني كان ضيفها ابن الشعبية الفنان المبدع هشام درماس ، و قد تحدث هشام في اللقاء عن الشعبية و محاولة لتلخيص حديثه عن الشعبية : الشعبية حي راقي و ناس الشعبية ناس طيبين و متضامنين في جميع مناسباتهم و الشعبية حي متميز و نادر تجد مثيل له و هشام درماس نتاج لهذا الحي الراقي ، و عن بحري أقول أن بحري مدينة هامة و مظلومة اعلاميا اذ أن التركيز دائما على أم درمان و الخرطوم و حتى في الغناء لم تجد النصيب المفترض من الشعراء و الفنانين و أنا الآن اجهز لأغنية لمدينة بحري..شكرا الأخ الفنان هشام و أكيد بصمات الشعبية مرسومة على أبنائها..لك التحايا و الود.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
صورتك يا بدر الدين صورة عجيبة. ده انت ولا ابوك؟ ههههه تعرف انت فى ذاكرتى مشهدين: الاول وانت طفل صغير فى الابتدائى بالفنيلة الحمالات والردا والشغب والمشاكل والفتونة. المشهد التانى وانت بالجلابية بعد ما بقيت كوز كبير فى الثانوى! وده المشهد التالت. ضابط متقاعد بى كرش! ضابط وسياسى وتنفيذى خدم 12 سنة فى حكومة الجبهة الاسلامية/الانقاذ منذ 1989 دنيا! دنيا لا يملكها من يملكها... اغنى اهليها سادتها الفقراء!
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: عادل عثمان عاين لي جاي واسمع نصيحة ود عمك :- الشنب ده خففه والدقن شيلها نهائي وشعر الراس الفضل احلقه نمرة3 كده .. وإذا كان لابد من الشنب الطويل فأبرمه زي النعام آدم .. وبكده تكون حافظت علي سمعتنا نحن !! .. فرزت الليلي؟؟ .. لأنو إذا خليت الشعور دي ترعي كده إلا بعد شوية خشمك يفتشوه بالبطارية .. |
هههههههه طيب حاضر يا منير. هالك الصورة دى فى بداية ابريل 2005. قبل 3 سنوات فى مطار هيثرو فى لندن. صورتها بموبايلى من انعكاس المرايا.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
Quote: طيب حاضر يا منير. هالك الصورة دى فى بداية ابريل 2005. قبل 3 سنوات فى مطار هيثرو فى لندن. صورتها بموبايلى من انعكاس المرايا. |
أيوة كده يا عادل .. جيب ليناالصور الشبابية دي .. وكما تخيتك صلعة نمرة3 وشنب خفيف ودقن مافي !!!.. والغريبة زمن صورتك دي نفس زمن صورتي بتاعة عصابة القناع ـ بس ديك كانت شهر تلاتة .. ياخي بين الصورة أبو دقن وأبو من غير دقن ما يعادل 20 سنة ولا مبالغة !!!!! ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: حي المساكن الشعبية بالخرطوم بحري ، حي تم توزيعه كتجربة ناجحة للسكن الجاهز لطبقة العمال و صغار الموظفين و مع ذلك فقد ضم حتى وزير الاسكان الذي شيد الحي في عهده المرحوم / محمد نور الدين عليه رحمة الله ثم بعد ذلك سكن فيه كثير من نجوم المجتمع في مختلف المجالات.
يتميز الحي بموقع استراتيجي فهو في مدخل كبري شمبات الذي يقود لامدرمان و على مسافة قصيرة من كبري النيل الأزرق و بالتالي قريب جدا من مدينة الخرطوم و هذا الموقع جعل الحي يتميز بموقع يسهل على سكانه التواصل مع بقية العاصمة بسهولة.
رغم ان حي الشعبية يتكون من الشعبية جنوب و الشعبية شمال و يفصل بينهما شارع كبري شمبات (شارع الزعيم الزهري) لكن يعتبر الحي حي واحد و قد سبقت الشعبية جنوب الشعبية شمال و جمعت علاقات اجتماعية طيبة بين سكان الشعبية و اصبحوا كأهل بل كأسرة واحدة و امتزج سكان الشعبية و جمعت بينهم علاقات مصاهرة و علاقات انسانية واجتماعية قل ما تجد مثلها في مناطق أخرى.
مقدمة و سأعود.. ما أجمل هذا الحي |
قبل عام و في يوم 04/04/2007م و في تمام الساعة 4 و الدقيقة 4 (بالمناسبة مسألة الوقت و الأريعات دي كانت محض صدفة لاحظ لها الأخ عادل محمد عثمان) قبل عام من اليوم قمت برمية البداية لهذا البوست و الذي أصبح نواة لتجمع أبناء هذا الحي الراقي الشعبية و كنت متوقع نجاح للبوست من خلال ثقتي في أبناء الشعبية الذين يكتبون في هذا البورد و يملكون أقلام ذكية و لكن لم أتوقع أن يكون النجاح بمثل هذا التفوق و ان ينافس البوست على المرتبةالأولى من حيث البوستات الأعلى مشاهدة و مشاركة ، سعيد بكم و بهذا النجاح الذي يرجع للمشاركات الثرة من اخواني الذين يكتبون و الذين يتابعون و الذين يتصلوا تلفونيا مشجعين على مواصلة هذا الابداع ، لكم و لهم كل الشكر و الود..
مبروك الشمعة الأولى للشعبية التي تزين سماء كل السودان..
أجمل هدية في هذا اليوم صورة المرحوم محمد نور الدين الذين ندين له بأنه قد كل له فضل كبير في تشييد المساكن الشعبية و بأنه اختار أن يكون بين أهله من المواطنين البسطاء..نسأل الله له الرحمة و المغفرة و أن يجعل البركة في ذريته..التحية لأبنائه و حفدته..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
الأخ عزام الأخ بدر الدين
نرجع بيكم شوية للدفعة :
أسماء سسقطت سهوا:
نادر حمزه وكان طفل هادى ودود حاول أن يخلق صداقات وفشل مع الجميع
أيمن حمزة وكان أعسراً أرغمه خاله الناظر حسين على الكتابة بيده اليمنى مما جعل خطه أقبح خط فى الفصل
محمد إبراهيم مرسى وكان ينافس على الطيش
بخيت عثمان منافس محمد مرسى
محمد سليمان حندورة وكان مشاغباً فى الفصول الأولى ثم أضرب عن الكلام حتى تخرجنا من الإبتدائى
محمد إبراهيم حمود أول واحد كان عندو كدارة أديداس فى الدفعة
ونواصل إن شاء الله
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: صلاح أبودية)
|
الدفعــة صلا ح ..عزام الناس الكبار بجيكم تارى تانى ايمن حمزة ...متواجد بكثرة فى الشعبية ...ويعمل فى ادارة اعمال خاصة ((حافلات وكــده )). نادر حمزة الله يطراهوا بالخير ..سكن شرق ناس وليد وياسر عبد الحميد رحل من الشعبية اوائل 1980 كديه يا دفعة نشوف اخواننا الساكنين خارج الشعبية ناس .....عادل مصرية الحلفايا عاطف عبد الغنى السنهورى احمد محمد على ...الحلفايا ..درس فى الخرطوم التجارية ....الان متخصص فى الكهرباء كيف ماعارف ناس عادل ومنير ....والهروب الى الامام الناس الكبار برضو عشان ما جبنا صورة متجملين فيها دون اى رتوش ولا ابيض واسود زى ناس عزام ...ولا صورة ليها سنوات زى ناس عادل ((وجدتموها فرصــة للهروب من الموقف الزمنــى التاريخى الذى انتم فيه ... ((وكمان يا عادل ده انا شغال عشرة سنوات مع ناس الحركة الشعبية وكلها حوار ونقاش ... ياخى انا اكثر سودانى حضر مؤتمرات وجلسات حوار فى غابات وتحت اشجار وفى جل ارجاء افريقا مستكثرين على شوية الشيبات ده...والكرش ده والله بعد التقاعد وقعدة البيت ... غايتو معليش اديتوا دفعتنا عزام فرصة تاريخية ليتجدع فينا ..وبختك يا محمد شمس الدين ( شبر )
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
Quote: وكان يجلس بجواره المصيبة الثاني اخونا عبد اللة سعيد وهو من الزومة يامنير وكان شخص مضحك جداًواتذكر مرة جاءنا أستاذتربية اسلامية من المولانات يرتدي جلابية وقفطان وبمجرد دخوله قال السلام عليكم ورد عبد اللة سعيد وعليكم السلام ياعم مختار وكدنا ان نموت من الضحك وماعارف يامنير وصلتكم النكتة دى قدام أم لا |
الأخ العزيز معاوية .. مرحبآ بالذكريات وفصل أولي وثانية وثالثة جنوب !!.. طبعآ نحن الناس القاعدين قدام ديلك كنا دائمآ نسمع الكركبة والكبسيبة جايانا من وراء ..والظاهر الكراسي والادراج كانت تعبانة معاكم تعب شديد .. ووزي ما عارف برضو ناس حلمي حسن والفاتح جمال وزاهي بسطاوي كانوا ما مريحننا .. شغب وهرجلة تحت تحت ما تديك الدرب وخاصة الفنان المستهبل حلمي الـ كان قاعد جنبي في سنة تانية وسنة ثالثة .. وبمناسبة اخونا عبدالله سعيد ده الله يطراه بالخير ويغشاه السلام ذلك الشباب الطويل النحيل الضحوك ( تلقاه هسة عمل ليهو كرش كاربة ورمرم العراميص وبقي زول هادئ وخلي الشغب ).. وأنا أتذكر ذلك المولانا شبه الحلبي، القصير، ذو الأنف المدبب ، كنت معجبآ جدآ بتمكنه من اللغة العربية رغم صرامته وحرارة قلبه .. كان جادآ جدآ ومجودآ للمادة التي يدرسها .. إلا أنه لسبب ما كان دائمآ يعاني من مشاغلات الطلاب ما عارف ليه؟ ربما لجديته الزائدة !!! .. وإن كنت فعلآ تقصد نفس المولانا الذي أعنيه بوصفي هذا فأذكر أيضآ أن أخوي أحمد حكي لي موقفآ حدث لذات الاستاذ في فصلهم.. إذ ضايقه أحد الطلبة والشغلانة سخنت وقامت كبسيبة كبيرة والطالب قام جاري من الفصل والاستاذ حاول يجري وراءه وأخيرا دنقر عشان يشيل ليهو حجر يفكه فيهو فتعثر بجلابيته ووقع و..وو .. الفصل قيامته قامت .. ههه ..
ونفس الاستاذ الله يطراه بالخير ـ وأحسبه من حلة حمد ( الغريبة أني لم استطع تذكر اسمه .. أو أني لم أعرف إسمه أصلآ ) ـ لحقنا أيضآ في بحري الحكومية .. ودرس فصل ناس الحاج ده .. وزي ما قلت فهو كان استاذا جادآ مجودآ لمادتيه ـ العربي والدين ـ وكان دقيقآ في عباراته ـ يعني أي جملة ينطقها لابد أن تكون صحيحة ودقيقة في معناها وإعرابها !! .. وأتذكر أن حكي لي الحاج حمد أنه في إحدي الحصص كان منهمكآ في الشرح فرن جرس الفسحة ـ الكلام ده في بحري الحكومية ـ فالجرس دق وهو كان لسه ما كمل كلامه .. وواصل كلامه.. وتضايق الطلاب والاستاذ مواصل في كلامه وهو يحول نظره في أرجاء الفصل ليرقب المتململين .. والطلبة بعد شوية من شدة التململ بدأوا يحكحكوا أحذيتهم في البلاط فتحدث إزعاجآ لتوصيل رسالة الضجر !! .. فما كان من الاستاذ إلا أن قال لهم من بين أضراسه : والله مش كان حكيت !!!! .. هههه ..
وبالمناسبة برضو عبدالله سعيد ده كمان ذكرني شخصية زيه كان معانا في الابتدائي وكان بنفس الملامح والطبع (وبرضو زومابي) إسمه :
(72) عادل سيداحمد .. ذو شخصية مرحة في الفصل .. كان يسكن الشعبية شمال ـ شرق جامع الختمية .. أخوه الأصغر كان زميلنا في ليليات الخليفة كانكيج ـ رحمه الله ـ ربما يذكر إسمه الأخ عثمان المتعارض .. أما عادل سيداحمد ذاته فلا أدري أين هو .. ربما اغترب مبكرآ .. له السلام العاطر ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
بِسم الله الرحمن الرحيم السلام علَيكُم ورحمة الله تعالى وبركاتِهِ ،،،
السَيِد الفاضِل / الحاج حمد الحاج ... المُحترم
مبروك علَينا هذا الجمع ... ومبروك مُرور سنة أولى [ حُب ] ... وإلحاقاً لِصورة السَيِد / مُحمد نور الدين التي أتحفتنا بِها (أعلاه) هذِهِ ترجمة السَيِد / مُحمد نورالدين
مٌُحمد نورالدين : مِن نسل حب الله الأخ الأكبر لِرِكاب بِن غُلام الله بِن عابِد المدفون بِمنطِقة حلفا مِن دُعاة الوِحدة مع مِصر ، وُلِد بِحلفا وتعلم بِها ، عمِل بِالبنك الأهلي المِصري (1925 - 1947) وهو مِن مؤسِسي مؤتمر الخريجين ، وكان رئيساً لِنادِيهِ بِالأبَيِض وكان أمين مال جمعِية اللِواء الأبَيض. إستقال مِن عملِهِ لِيعمل بِالسِياسة كان نائِباً لِرئيس حِزب الأشِقاء وعارض الجمعِية التشريعِية وسُجِن بِكوبر. وبعد إنشِقاق الختمِية عن الإتِحادِيين عام 1956م إنضم لِحِزب الشعب الديمُقراطي ، ثُم أصبح عضواً في الحِزب الوطني الإتِحادي وأُنتُخِب لِلبرلمان وعُيِن وزيراً لِلأشغال في الوِزارة الأولى ، كما عمل وزيراً في حكومة عبدالله خليل. إشتهر بِالنزاهة والإخلاص والوفاء وتَوفى في منزِل شعبي ، لا يملُك من دنياهُ سوى الإيمان والصِدق وكرامة الرُجال. تزَوج فاطمة خليل مُصطفى وأنجب تَوفيق وصلاح وفاروق وأحمد وإسماعيل وشمس الدين وسُعاد وفتحِية وفريدة وإنتِصارات وصفِية وكَوثر. ـــــــــــ المصدر : مَوسوعة القبائِل والأنساب في السودان / الجُزء [5] صفحة رقم [2220]
ولكُم جزيل شُكري وتقديري ،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
السادة الأفاضِل / المُنتدى ... المُحترمين
بحري نجمة تُزَيِن سماء الخُرطوم
أقترِح أن نتَوسع تحت العِنوان أعلاه لِتمتد مدى الذِكريات و[ النِقة ] لِرِحاب أوسع ، وهذا المُقترح ، سيُكسِب البوست [ لعيبة ] جُدُد منعتهُم [ جَهوِية ] الشعباوِيين مِن المُشاركة ... هذا بِالإضافة إلى عِلاقة الشعبِية بِبحري عِلاقة فرعٍ لأصل ، إذا إعتقدت بِالفرع تحتم أن تؤمِن بِالأصل ... ثُم رأيتُُ [ بحري نجمة ... ] حيلة نلوذ بِها عِندما ينضُب معين الذِكرى أو تُمل.
ولكُم جزيل الشُكر والتقدير ،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الصورة في مُنتصف شهر أغُسطُس عام 2006م - شمبات الأراضي مُربع [12]
يا أخي ما قولنا ليك الحِكاية دي خليك مِنها ... أها كدي كويِس ... في داعي لإصابة الأخوان والأحباب بِالإحباط ... تِستاهل ... عشان تاني ما تقنِب تنكُت وتحفِر ... عجبني ليك ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
العــــــــــم العزيز عتريــــــــس عفـــوا عزام ياخوى والله طمنتنــى جدا ...انت ياخـــوى شكلك صاحب عزبة كبيرة والوليدات والبنيات بيجـوا يقيلوا معاك انت والحجة يوم الجمعه...هههههههههههههههههههه الحمد لله بعمل ليــه كم جرية زى عاطف منصور وبشيل الكرش وبرجع شباب انت يا عزام علاقتك بيه مربع 12 الاراضى شنو ....انا ساكن فى مربع 17 الاراضى ... والله زمان ياعزام ...خاصة مع الفنطوط الصغير اظنوا الحفيد الاول هههههههههههههههههههههههههههههههههه
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
أظُن يا صلاح يا خوي الحِكاية جابت ليها حُدُس ... هسِع أمانةً عليك الكرشة الشوفناها دي بِتنزِل بِجكه ، حرم دي إلا إستِئصال ... إت قايِل أُغنِية [ راجِل المره ] دي في مِنو يعني !!! نِحن ماشين على الثالِثة خوي ... وكِدة
مُربع 12 - شمبات الأراضي - الشارِع رقم (6) يمين مُستشفى إسمو مُشتق مِن [ رحب ] ما بعرفو شِنو ... المِهِم هذا منزِل نسيبي (زَوج شقيقتي) إبراهيم أحمد أمين ...
شُكري وتقديري ،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
بسم الله الرحمن الرحيم الاعزاء ابناء الشعبية مدخل : العلاقات الاجتماعية المتداخلة حاكمة على كل اهل الشعبية بمختلف مكوناتهم الاجتماعية ... الامر الذى فرض جملة من المعطيات الحاكمة للمجتمع الشعبياوى تمثلت فى الاتى :- • توحد السلوك الاجتماعى تجاهـ القضايا الاساسية للحياة اليومية المعاشية ( مأكل ...ملبس ...علاج ...الخ ) . • تقارب المستوى المعيشـى او تطابقه بين كل اهل الشعبية ... • الانماط الغذائية الواحدة ... وما يترتب عليها من ثقافة غذائية غالبة ...ترتب عليها بنية جسمانية ثابته . الاعزاء ابناء الشعبية :- اقول كان التمايز سابقا بمستوى الجهد الذى يبذلة المتعلم وبقدر التحدى والاستجابة يكون الكسب ...المحفزات الاسرية تظل تشكل اكبر ضغط وتحدى للتميزوالنبوغ والتفرد اكاديميا ...تغير الحال اليوم الى المعطيات التالية :- • التفوق الاكاديمى ليس بالاجتهاد والمثابرة اليوم ...بالمعلم المتميز والمتفرد والنابغة فى مادتــه ( يندر وجوده فى المدارس الحكومية ) . • اجتهاد التلميذ مهما كان غير كافــى للتفوق الاكاديمــى ...والحصول على درجات علمية تؤهله الى الالتحاق بالكليات المتميزة . • البحث الغالب اليوم عن الكليات التى تؤهل الى الحصول على مهنة يغالب بها الطالب تحديات جسام لاهله ولنفســه . • المدارس الحكومية تتميز بكل المسالب الاكاديمية ...اكتظاظ الفصول ( 70) طالب فى الفصل ...عدم وجود اساتذة بعض المواد ((فيزياء..احياء ..رياضيات تخصص ...البيئة المدرسية الايجابية ( مراوح ..مياه باردة ...حتى الكهرباء . الاعزاء ابناء الشعبية بفضل الله توفرت لنا فرص التنافس الاكاديمى الحر فى ظل شروط متكافية مع ابناء من القوم اكثر ثراءاً وتهيئة ...ان يتوفر لابناء حــى الشعبية كل هذا المناخ اظن انه سيكون اكبر دعم يقدم الى اهل الشعبية ... ويمكن ان ابتدر محاور تمكين التعليم فى مدارسنا الاربعة الاساس بالاتى :- • توفير بيئة تعليمية متميزة من حيث الاثاث ...الوسائط و الوسائل التعليمية ...الكتاب المدرسى ... المكتبة المدرسية . • دعم الاستاذ ...توفير سكن او دعم سكن قريب من المدرسة .. تحفيز • الوجبة المدرسية ( والله انها مشروع معلن من قبل وزارة التربية والتعليم ) يمكن ان تكون برنامج ثقافة غذائية للاطفال . • الحاسوب كمهارة لازمــة للتعامل مع المجتمع • المناشط المدرسية ( الفنون ...التربية الرياضية ...المسرح ... الاعزاء ابناء الشعبية بسم الله المبتدأ واليه المنتهــى بحول الله وقدرتــه نرمـــى بهذا الحجر فى بركـــة الشعبية لتتفجر لنا انهار معرفة وعلوم ونوابغ علم من ابنائنا .... الشعبية حــى المستقبل ...روح التداخل الاجتماعى تحكمه
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
Quote: صورتك يا بدر الدين صورة عجيبة. ده انت ولا ابوك؟ ههههه |
تعرف يا بدرالدين أكيد متزوجك بت عمك.... أنا عاوز أقترح أنو السودان ده يعملوا فيهو إحتفال سنوى بعيد "أبوالقدح" لآنو بنات العم وحدهن البرضن بكومر مهكع زى عمو بدرالدين الفى الصورة ده ...زمان كنا بنقول ليك الزنجى هسع نطة و لا حركة واحد بتوديك التوج هسع إقتراح الإسم ليك "أبو السارةأب كرشا لازة" ... وحالة صعبة... .... بعدين يا عزام صورة ولدك الخاتيها دى مرقتك .... بعدين الدبلجة بتاعت الصورة دى لو عاملها فى السودان تكون البلد إتطورت جدا ورى ناس بدرالدين عشان يلحق روحو.... أما عادل عثمان ... شكلو فى كل سنة بكبر سنتين.... و منير فنان بتاع تصوير يا يجيب ليكم وشه كبير ... يا صورة من بعيد...حرفنة و الله
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Mohamad Shamseldin)
|
Quote: و منير فنان بتاع تصوير يا يجيب ليكم وشه كبير ... يا صورة من بعيد...حرفنة و الله |
محمد شمس الدين .. هسة أمانة في ذمتك الصورة بتاعتي دي من بعيد؟؟ .. إنت لو الكبر غرز نشابو وبقيت ما بتشوف كويس إعترف ياخي .. ما فيها حاجة .. بنكلم ليك المخرج يقرب الصورة زيادة لغاية ما تقول بعدوها شوية عشان نقدر نشوفها
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: توفير بيئة تعليمية متميزة من حيث الاثاث ...الوسائط و الوسائل التعليمية ...الكتاب المدرسى ... المكتبة المدرسية . • دعم الاستاذ ...توفير سكن او دعم سكن قريب من المدرسة .. تحفيز • الوجبة المدرسية ( والله انها مشروع معلن من قبل وزارة التربية والتعليم ) يمكن ان تكون برنامج ثقافة غذائية للاطفال . • الحاسوب كمهارة لازمــة للتعامل مع المجتمع • المناشط المدرسية ( الفنون ...التربية الرياضية ...المسرح ...
|
الاخوة الأعزاء
صباحكم فل
ابتداءا اسجل بأن العزيز جدو وأظنكم عرفتوه لأنو الي الآن هو الجدو الوحيد المعروف
ويبدو أن هناك آخرين لم يكشفوا عن هوياتهم وعن أحفادهم بعد
أقول العزيز محمد موسي محمد نور شرفني بالأمس بالزيارة
وسلمني مبلغ خمسمائة ريال عدا نقدا كمساهمة متواضعة - علي حد قوله - للشعبية
وكان مستعدا لدفع مبلغ أكبر ولكني طلبت منه الاكتفاء بذلك وأنا أعرف مسئولياته والتزاماته
التي بدأت معه منذ ما قبل الاغتراب والمستمرة الي الآن.
وربنا يديه العافية والعمر ليري احفاد أحفاده.
أما بخصوص المدارس
فأعتقد أن كثيرا مما ذكر أعلاه فهي من مسئوليات الدولة
ولا يمكن بأي حال من الأحوال أن يكون التلميذ مسئولا عن فطور أستاذه
ومع ذلك لن نألو جهدا في تقديم كل ما يمكن للمساعدة في نهضة التعليم
بمدارس الشعبية
وتزويدها بالمستلزمات الأساسية.
ونحن في انتظار مساهمة الجميع .
المبلغ الموجود بطرفي حتي الآن:
محمد خير الف ريال قطري حسن طه الف ريال قطري الدكتور عبد المحمود محمد عبد الرحمن الف ريال سعودي( حولت باسمي وفي انتظار وصولها ) محمد موسي محمد نور ( الشهير بجدو ) خمسمائة ريال قطري
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: حسن طه محمد)
|
Quote: أما بخصوص المدارس
فأعتقد أن كثيرا مما ذكر أعلاه فهي من مسئوليات الدولة
ولا يمكن بأي حال من الأحوال أن يكون التلميذ مسئولا عن فطور أستاذه
ومع ذلك لن نألو جهدا في تقديم كل ما يمكن للمساعدة في نهضة التعليم
|
الاخ حسن تحايا طيبة الوجبة المدرسية برنامج يستهدف التلاميذ وليس المعلمين ... كل ما ذكرته من المسئوليات الاساسية للدولة ...لكن نعمل شنو مع عمنا عبد الرحيم حمدى الذى خصخص التعليم والصحة ...فهذا هو قدرنا ان نتصدى لهذه التحديات او ننتظر الدولة . الامر اليكم ...والى ابناء الشعبية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Mohamad Shamseldin)
|
Quote: تعرف يا بدرالدين أكيد متزوجك بت عمك.... أنا عاوز أقترح أنو السودان ده يعملوا فيهو إحتفال سنوى بعيد "أبوالقدح" لآنو بنات العم وحدهن البرضن بكومر مهكع زى عمو بدرالدين الفى الصورة ده ...زمان كنا بنقول ليك الزنجى هسع نطة و لا حركة واحد بتوديك التوج هسع إقتراح الإسم ليك "أبو السارةأب كرشا لازة" ... وحالة صعبة... |
الزول الشبر دهـ كلموهوا قول ليهوا انت غير لماضتتك دهـ البخلى الناس زمان بيطفقوك شنو ...ودائما مستعين بيه صديق بجييييييييييييييييييييييييييييييييك تارى وبفتش ليك فى الذاكرة ولو استعين بصديق بخلى اهل البوست يشوف الشبر كيفنوا اليوم . الحقنا يا عزام .. ويا صلاح
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الاعزاء ابناء الشعبية السلام عليكم واقع التعليم فى السودان اصبح من اكبر الاسواق لتنمية الاموال ...فكل اصحاب رؤوس الاموال المعلومين لديهم الان استثمار فى التعليم ناس البرير .. ابراهيم مالك ... ناس الصفوة للسيارات .. .. نماذج تعليمية مدرسة سودانية تدرس المنهج السودانى باللغة الانجليزية (العام الدراسى للاساس والثانوى بمبلغ 25مليون جنية سودانى قديم يعنى 2500 جنيه جديد مدرسة الارتقاء قرب سينما حلفايا للاساس الطالب العام الواحد (3.5 مليون جنيه ) مدارس القبس اساس وثانوى الطالب فى العام 2.8 مليون جنيه مدارس المشكاة ...رياض الاسلام ...الرحيق المختوم ..كلها العام الدراسى مع الترحيل ليس اقل من 1.5 مليون . الاعزاء ابناء الشعبية ان هذا الامر من اكبر التحديات ولايمكننا مجاراة هذا الامر الا بالتكاتف والتعاضدد وخلق البدائل التعليمية المناسبة وباذن الله نحن وانتم قادرون على ذلك ابحثوا تحت العقول واستخرجوا لينا افكار ...واقول انا ان هناك كثير من الافكار غير المادية يمكننا ان ندخل بها هذا التحدى مع كل الامانى بخوض هذا التحدى التعليمى
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
Quote: أعطِني سِنارة ولا تعطِني سمكة
جمع المال لِشِراء [ثلاجة] لِمدرسة ... عمل مظلة ... كراسي ... طاولات ... هذا في إعتِقادي ، لا يُجدي نفعاً ... فقط ظلت مدرسة الشعِبية جنوب تجمع [ حق الخرطوش ] طُوال فترة دِراستِنا ... لِذا أقترِح أن يُجمع المال لِيُستثمر وبِالعائِد الشهري الدائِم نفعل شئ لِمدارِسُنا ... مِثل فتح فصل لِتدريس اللُغة الإنكِليزِية والمواد العِلمِية طُوال العام ، هذا لِمُجاراه المدارِس الخاصة ذات الأرقام الفلكِية ... وإستِثمار المال يكون ، في شِراء منزِل مثلاً وتأجيرِهِ ... أو أرض وبِناءِها ... لِنفترِض أن هذا الإستِثمار سيُكلِفُنا 100 مليون جنية سوداني (قديم
|
الأخ عزام طبعا اذا كان في استحالة في اعطاء السنارة و في امكانية لاعطاء السمكة فشئ أفضل من لا شئ ، و قد بدأنا فكرة لتقديم شئ بسيط يكون تعبيرا عن الوفاء لهذا الحي و توقعنا ان يساهم ناس الخارج مساهمة فعالة و لكن الى الآن هذه هي قائمة الخير و في انتظار الباقين: 1 - محمد خير (قطر) 1000 ريال قطري 2 - عادل محمد عثمان 500000 جنيه 3 - شمس الدين ساتي 300 ريال قطري 4 - عابدون محمد عابدون 100 درهم اماراتي 5 - الحاج حمد الحاج 1000 ريال سعودي (أفادني الموكل بجمع المساهمات باستلام 540000 جنبه) 6 - حسن طه محمد 1000 ريال قطري 7 - كمال الزبير التوم 1500 درهم اماراتي. 8 - أسامه سليمان أعلن تبرعه بمبلغ 500000 جنيه و قد طلبنا منه أن يتبرع بنصف المبلغ نسبة لأنه مقيم بالداخل و معلوم للجميع ظروف ناس السودان. 9 - منير عبد الرحيم 200 يورو و حولها لحسابي و استلمتها 1,170 ريال سعودي. 10- محمد موسى محمد نور 500 ريال قطري
و صدقني سنفعل شئ و لو بسيط و سنزيد مساهمتنا اذا توقف المبلغ عند هذا الحد.. و ستطول قائمة العطاء ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: جمع المال لِشِراء [ثلاجة] لِمدرسة ... عمل مظلة ... كراسي ... طاولات ... هذا في إعتِقادي ، لا يُجدي نفعاً ... فقط ظلت مدرسة الشعِبية جنوب تجمع [ حق الخرطوش ] طُوال فترة دِراستِنا ... لِذا أقترِح أن يُجمع المال لِيُستثمر |
تحايا طيبات حقو نسمع من الاخوة اولاً فى الجعبـــة كثير من المقترحات ونحن بحول الله قادرين على انفاذها ...من المكون المحلى فهمنا احسن نتوحد حول جملة من الاراء ثم بسم الله نبدأ اول الغيث مبادرة العزيز عزام
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
الأخوة الأفاضل .. السلام عليكم ..
بخصوص المساهمة من أجل الشعبية والتي ستتوجه للمدارس :
أري أن يكون الهدف محددآ وواضحآ وممكنآ وذو نتائج ملموسة ومشجعة وتصلح مثالآ يحتذي !.. وأعتقد أن هذه الأهداف يمكن أن تكون تحت إسم مدرسة الشعبية النموذجية .. وكلمة نموذجية هذه هي الهدف !!.. فإن استطعنا تعمير مدرسة واحدة من حيث المباني والاثاث المدرسي والتشجير والمظهر العام عمومآ زائدآ جذب هيئة تدريس متفانية يمكن تحفيذها وفي خضم هذا الجهد يكون مجلس الآباء في الصورة ويكون هو القوة المحركة والمتابعة لمدرسة ابنائهم النموذجية هذه فإن تضافر الجهود والتعاون من أجل تحقيق مدرسة الشعبية النموذجية سيثمر وتكون نتائجه ملموسة ومشجعة لمزيد من الجهود الشعبية الجماعية ..
وبدون تحيز اقترح البدء بمدرسة الشعبية جنوب لأنها في موقع استراتيجي وبنيتها الأساسية مؤهلة بدرجة ما كمنطلق ابتدائي ..
وطبعآ عندما قلت مجلس آباء ليس المقصود هم ناس عبدالرحيم أبو منير وإنما الجلاكين الجدد زي ناس بدرالدين ده وعزام وصلاح ابودية وغيرهم .. ونحن أولاد امبارح ديل بنناولهم الطوب ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
سلامى للجميع أرى النظر فى وديعة إستثمارية كما ذكر الأخ عزام ... او النظر فى عمل دكاكين أو مبان يتم تأجيرهافى المدرسة....و أرى ان مدرسة بنات العمال قد قامت بعمل دكاكين ومبان تم تأجيرها و كانت مربحة بالنسبة لهم ... لا اعلم إمكانية ذلك من عدمه من الناحية الإدارية و خلافه و لكن طرحا للفكرة للنقاش فقط...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: مدرسة الشعبية النموذجية .. وكلمة نموذجية هذه هي الهدف !!.. فإن استطعنا تعمير مدرسة واحدة من حيث المباني والاثاث المدرسي والتشجير والمظهر العام عمومآ زائدآ جذب هيئة تدريس متفانية يمكن تحفيذها وفي خضم هذا الجهد يكون مجلس الآباء في الصورة ويكون هو القوة المحركة والمتابعة لمدرسة ابنائهم النموذجية هذه فإن تضافر الجهود والتعاون من أجل تحقيق مدرسة الشعبية النموذجية سيثمر وتكون نتائجه ملموسة ومشجعة لمزيد من الجهود الشعبية الجماعية ..
|
الاخ منير ...الفكرة مدرسة نموذجية ذات قدرة تنافسية عالية ليواكب ابنائنا فى التحدى الاكاديمى المطروح لذلك افتكر انو نظام الحلقات الاكاديمية للممتحنين هى البرنامج الاسعافى العاجل الذى نحتاجه اليوم ... ونظام البناء الاكاديمى الاساسى هو الاصل ...فصول اللغة الانجليزية للاساس ....وبأذن الله سوف اجتهد لافتتاح فصل اكاديمى مبدئياً فى دار العمل الوطنى فى الشعبية جنوب ...ودار اللجان فى الشعبية شمال ( رؤيتى ان يكون المعلمين من ابناء الولايات الجنوبية لجملة من الفوائد اللغوية
بعدين انا متعود على حكاية مجالس الاباء واستنزاف المعلمين للاباء خاصة فى المدارس الحكومية ...ثابت مقرر على شخصى كل عام الامتحانات الشهرية لفصلين سنوياً تكون على عنقــى
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
شكرا لجميع الأخوان على المقترحات و الأراء التي تؤكد رغبة اكيدة في تقديم شئ لهذا الحي ، و أرجو ان أؤكد (من وجهتي نظري) على الحقائق التالية:
1- أي فكرة لبناء دكاكين في المدرسة غير ممكنة بسبب تعارض مع المحلية و التكلفة التي لن نجد متبرعين لتغطيتها. 2- أي تفكير في استثمار بتكلفة كبيرة لن ينجح اذ ان كل المغتربين يعانون من التزامات أسرية و تدني رواتب و غلاء في دول المهجر. 3- اذا افترضنا توفير التمويل لمشروع كبير و مع مشغوليات الأخوان في الداخل لن يستطيع أي واحد منهم متابعة هذا العمل (الناس العايشين بعيد من السودان بعضهم لا يعرف معاناة تشييد حمام في منزل مكتمل!. 4- نستطيع تقديم مشروع صغير و مهم فتوفير صهريج للمياه في المدرسة ذو تكلفة معقولة و مهم جدا ، تخيل مدرسة بها مئات من الطفال و المياه غير متوفرة لهم!!
مدارس الشعبية شمال الابتدائية
تمت عملية صيانة كبيرة بواسطة الحكومة لمدرستي البنات بالشعبية شمال و لكن هناك نقص في بعض المعينات التي يمكن أن نساهم فيها و قد كلفنا الأخ أسامة سليمان مع بعض الاخوة بالجلوس مع ادارات المدارس و معرفة الاحتياجات التي يمكن توفيرها في حدود المساهمة المعلنة مع ترتيب هذه الاحتياجات حسب الأولوية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الاخوة الأعزاء
تحية طيبة
وشكرا لجميع المتداخلين واقتراحاتهم بالنسبة للدعم وهي كما قال اخي حاج حمد
تنبئ عن أصالة محببة لجميع ابناء الشعبية.
ولكن دعوني ادلو بدلوي في الموضوع
بالاضافة لبعض الاسباب التي أوردها البعض في صعوبة تنفيذ مشروع استثماري كبير رغم أن تلك هي امنيتنا جميعااذا كان في الامكان ذلك.
أقول ان هذا النوع من الاستثمار الكبير :
1- يحتاج لامكانيات كبيرة يصعب تنفيذهاويحتاج لجهود جبارة ومائة مليون جنيه المقترحة مثلا لن تكفي لمثل هذه المشاريع مهما صغر حجمها. 2- تجميع المبلغ في مدة 4 سنوات أمر صعب لطول المدة وتغير الظروف مع مضي المدة. 3- صعوبة الالتزام خاصة مع التغير المتوقع لظروف كل شخص حتي ولو كان من المتحمسين جدا. 4- صعوبة التنفيذ حتي بوجود المبلغ مع الظروف الادارية المعروفة. 5- وفوق هذا وذاك الظروف الحالة الصعبة في هذه المدارس بالنسبة للضروريات الغائبة حالياوالتي لا يمكن النتظار معها لمدة أربع سنوات مثلا.
لا يمكن أن تكون مدرسة ليس بها ماء !!!
لهذه الأسباب وغيرها أتفق مع الأخ حاج حمد في عمل ما يمكن عمله ونكون واقعيين
والاستثمار الكبير نفكر فيه برواقة
لاجتماع مستعجل استاذن لنواصل في وقت لاحق.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
السَيِد الفاضِل / الحاج حمد ... المُحترم السادة الأفاضِل / المُنتدى ... المُحترمين طبعاً [ جُهد المِقل ] أفضل مِن لا شئ أو كما قُلتُم يا سَيِدي الفاضِل ... وخزان ماء المدرسة مُهِم جِداً ورغم أن الحالة الإقتِصادِية الصعبة التي يمُر بِها الإخَوة المُغترِبين والمُهاجِرين وحِكاية أن : المال إن كِتِر طول العُمر بِـفَـنـا ... غَير وارِدة ، فَلَيس لدَينا مال حتى يكثُر وكذلِك لَيس بِالعُمر بقِية ... بِرغم ذلِك وفي معرض تَسويقي لِلمُقترح أُريد أن أبَيِن أن مُقترحي بسيط ومرِن :
الفِئة (أ) 75 ألف جِنية قديم شهرِياً أي [ 38 ] دولار أمريكي = [140] رِيال الفِئة (ب) 50 ألف جِنية قديم شهرِياً أي [ 25 ] دولار أمريكي = [92] رِيال الفِئة (ج) 25 ألف جِنية قديم شهرِياً أي [5ر12] دولار أمريكي = [46] رِيال
يجوز أن تُنفذ بِالمبالِغ المجموعة والتي بِطرفِكُم عمل خزان الماء ... ويظل مُقترحي تحت بند [ الدِراسة ]
مع شُكري وتقديري ،،،
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
افكار عزام ممتازة من الناحية النظرية والاستراتيجية. ولكن علينا ان نبدأ بالواقع الان كما قال حسن طه والحاج حمد. الواقع الان والاحتياجات الضرورية للمدارس. - الماء مع الماء لحياة التلاميذ والمعلمين والعمال يمكن زراعة الاشجار والزهور باقل تكلفة ممكنة. مع الماء يمكن اجراء الترميمات المستعجلة للفصول والمكاتب. شقوق الحيطان التى تدخل الهواء البارد فى الشتاء والشمس الحارقة فى الصيف. مع الماء يمكن رش الفصول والحيشان للسيطرة على الغبار الذى ينقل الكثير من الامراض خاصة امراض الجهاز التنفسى. وتبريد الجو . مع الماء يمكن عمل حلة عصير للتلاميذ كل يوم. باالماء يمكن اجراء الاسعافات الاولية فى حالة الخدوش والجروح والرعاف الخ. والماء ضرورى لقضاء الحاجة.
وهكذا ننتقل من الضرورى الى الذى يليه الخ.
ارى ان ندعم كل المدارس فى نفس الوقت بما تيسر. حتى لا نخلق احساس بالتحيز او المحاباة. انا متأكد ان الناس سيواصلون دعم المدارس كل حسب قدرته عندما يرون الانجازات ولو كانت بسيطة. لهذا يجب متابعة هذه المشروعات بالتوثيق والاعلام عنها بما يتيسر من امكانيات. ونشرها هنا فى بوست الشعبية.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
أعزائي
وصل تحويل الأخ الدكتور عبد المحمود محمد عبد الرحمن وهو مبلغ الف ريال سعودي تم استلامه.
الشكر مجددا له وهو ابن الشعبية الذي لم يسكن الشعبية بالمعني الحرفي للكلمة .
الأخ عزام
وبقية الاخوة الكرام
اقتراحك يا عزام جميل ويحتاج لعمل وجهد كبير.
نبدأ بما نستطيع الآن وربنا بيسهلها ان شاء الله.
يا حاج حمد
ما زلنا منتظرين مساهمات الاخوة الذين سبق لهم ابداء موافقتهم وحماسهم المنقطع النظير.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: حسن طه محمد)
|
Quote: ارجو ان نجمع كلمات الرندوق هنا ونشرحها بلغة واضحة وبسيطة. |
1- الفردة نقشنا و فحط : الصديق لمحنا و جرى. 2- ولد الاجات مريش و مرطب: ولد أغنياء صاحب مال و مرتاح. 3- الفردة كيس الدامة و اتكسرت فيهو : الصديق نجح في اقناع البنت و وقعت في حبه.
غايتو يا عادل محمد عثمان الواحد فعلا جاهو احساس انو بترجم بس المشكلة هنا لو في كلمة غلبتك ما في قاموس ترجع ليهو الا تستعين بصديق و في الحالة دي تستعين (بفردة مقرم من الشارع).
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الاخوان الأعزاء سلام واسمحوا لى أن ارسل هذه الرسالة الخاصة للأخ منير لاني سبق وان ارسلت له عبر الأيميل الذى اخذته من الاخ الحاج وعادت الرسالة لعدم التسليم .ويامنير ايه رايك تسيب البلد البعيدة دي وتجي تكابرنا هنا وتكون قريب من الشعبية والزومة وكل الحاجات البتحبها وخاصة الدوحة فيها رابطة كبيرة للزومة،واهلنا الشايقية يامنير كانوا بعتبروا الخرطوم غربة فكيف باللة وصلت لتلك البلد البعيدة وسويت ليك فيها بيت كمان وزي ماقال لى أحد الأصدقاء أنتو أهلكم ديل الواحد يجي الخرطوم ويقعد يغني ياحليلك يابلدنا وبتذكرك يايمة ساعة الناس يجونا من البلد ويضربوا الجرسة، المهم يامنير فى مؤسسة الكهرباء والماء القطرية والتى أعمل بها هناك وظائف شاغرة عديدة لمهندسين كهربائبن وطبعاً زي خبرتك دي تكون مطلوبة وبشدة ولو رأغب فى العودة للقرب الوطن فادخل على موقع www.kahrama.com.qa وأختار وظائف شاغرة وشوف مايناسبك من وظائف المهندسين الموجودة فيهو ،والكلام ده لاني شايفك تحن للعودة والاهل والشعبية وذكريات الماضي وبرضو نحن نتمني وجودك معنا فى المؤسسة اولاً والدوحة ثانياً مع سلامي لك وللجميع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: معاوية محمد الحسن)
|
Quote: وزي ماقال لى أحد الأصدقاء أنتو أهلكم ديل الواحد يجي الخرطوم ويقعد يغني ياحليلك يابلدنا وبتذكرك يايمة ساعة الناس يجونا من البلد ويضربوا الجرسة، |
الأخ المستشار معاوية محمد الحسن
تحياتي و ياخي اخدت العضوية دي بعد كفاح مسلح مع بكري عشان كده ما تحرمنا من مشاركاتك و ما (تطول بالحيل) زي ما بقولوا اهلك الشايقة.. بالنسبة لي منير أهل مكة أدرى بشعابها و ح يرد عليك لكن (باقي لي الزول دا اتورط بي هناك). بمناسبة جرسة أهلكم الشايقية من الغربة مرة منتظرين العيش يطلع أيام الازمة الشديدة قدام فرن الشعبية و الناس يتونسوا عشان يخففوا مرارة الانتظار ، واحد من النوع البونس الناس كلهم جات سيرة الشايقية قام قال : و الله الشايقية ديل تسمعهم يغنوا لي كريمة تقول كريمة دي في الصين! ما أهو قطر كريمة في الأسبوع مرتين لو مشتاقين ليها ما تمشوا ، و انفجر الجميع ضحك لهذا التعليق..
يا معاوية واحد قال لي ناس عمان بيقولوا : قطر قروش مطر ما عاوزين ليكم Finance Manager نقوم نجيكم بي غادي (الناس من الغربة بقت تفتش في غربة).
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الاعزاء ابناء الشعبية سلام مزيد من المعلومات التعليمية .. مدرسة الصبابى المتوسطة ... او الاميرية (3) تم تحويلها الى مدرسة اساس تتبع الى حى الشعبية جنوب يديرها استاذ خالد من الكدرو ومتزوج من الشعبية جنوب ... مهموم بحب الشعبية وحب التعليم ...تقع غرب مدرسة الدايات . الاستثمار فى المدارس الحكومية هو وحدة ايرادات لادارة التعليم الاساس بالمحلية يدار بواسطة المحلية ...وكل المدارس الحومية خاضعة لهم ولا يتم امر فيها الا بأذن منهم كنت عضو فى محلية بحرى ...تقدمت الينا وزارة التعليم العالى بطلب لشراء مدرسة الاميرية 1،2 بنات الريفية ...لتشييد جامعة عليها ... وبقدر ما تم الاعتراض من قبل ممثلين الشعبية تم الامر وبيعت لجامعة الزعيم الازهرى وهى جامعة حكومية فقط بمبلغ 18 مليون جنيه بالقديم
| |
|
|
|
|
|
|