|
|
 انــــــــــــا بت معذبة في الغرب (كتاباتي )
|
انا بت معذبة في البلد
انا بت ملفحة بالصبر
بتغطي بالهم والتعب
انا بت معطرة بي اريج الامسيات
مزدانة بالايام تعب
مشتاقة للناس التكيل احزانة
بي قولة عجب
مستنية الرحمة التشيل مني الفقر
شان انسي كل الكان فجر
انا بت مفجرة في الوريد
بي كلمة من اهلي الحنان
يوم قالو لي عطوفة ما سمعتي الخبر
جابوهو في الراديو الصباح
انو الحرب بدء في الغرب
الجن غنم
والجن بقر
والجن جداد
والجن خروف
والجن جمل
والجن حمير
والجن جواد
الجننوالناس الهناك
كلهم مراد بيهم خشم بيت الجداد
تعالوا ابواتنا الكبار
التلموا في بيت الضرا اتناقشوا
وسو السلام ... وسو السلام
لاني بعشق في الغرب رمل البيوت
الفاشر الام البتحضن في الاسي وترجع تنوم
ونيلا فيها حلاة عيون
زي سكة القطر البيدهس في الظنون
وفيها شلالات قلول
وانا جد معذبة في كجا
وانا بت معذبة في الغرب
الفاشر
2004يناير
|
|
 
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عواطف احمد اسحاق)
|
سلامات في خطا في طباعة نيالا اسفة
انا بت معذبة في الغرب
انا بت ملفحة بالصبر
بتغطي بالهم والتعب
انا بت معطرة بي اريج الامسيات
مزدانة بالايام تعب
مشتاقة للناس التكيل احزانة
بي قولة عجب
مستنية الرحمة التشيل مني الفقر
شان انسي كل الكان فجر
انا بت مفجرة في الوريد
بي كلمة من اهلي الحنان
يوم قالو لي عطوفة ما سمعتي الخبر
جابوهو في الراديو الصباح
انو الحرب بدء في الغرب
الجن غنم
والجن بقر
والجن جداد
والجن خروف
والجن جمل
والجن حمير
والجن جواد
الجننوالناس الهناك
كلهم مراد بيهم خشم بيت الجداد
تعالوا ابواتنا الكبار
التلموا في بيت الضرا اتناقشوا
وسو السلام ... وسو السلام
لاني بعشق في الغرب رمل البيوت
الفاشر الام البتحضن في الاسي وترجع تنوم
ونيالا فيها حلاة عيون
زي سكة القطر البيدهس في الظنون
وفيها شلالات قلول
وانا جد معذبة في كجا
وانا بت معذبة في الغرب
الفاشر
2004يناير
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: رشا سالم)
|
| Quote: عشمانة في النقد تحياتي عواطف |
يا عواطف يا بت اسحق...سلامات ورمضان كريم... إن شاء الله رمضان الجاي تكون كل دار فور في سلام. أثنان لا ينقدان: الحق والحقيقة. وما خطه بنانك وعبّر عنه لسانك هما الحق والحقيقة. وتصويرك هو إحساسك الحقيقي النابع من دواخلك النظيفة. إنه ليس مثل إحساس المتنبي تجاه كافور لأنه كان إحساس الطامع في جاه ولهذا انقلب على كافور بعد أن يأس منه. ولا أظنك ستصابين بداء اليأس الذي أصاب المتنبي، لأن المتنبي ينطبق عليه القول: من صلى وصام لأمر كان يقصده... أما أنت فتصلين وتصومين من أجل رفاهية أهلكم ... لك الأجر من الله ومنا كل التحايا وصادق الدعوات بالخير والعافية.
كبـّـاشي الصـّـافي
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عواطف احمد اسحاق)
|
وجع البلد
وجع البلد في الجوف
ياتو البداويني
قالوا العلاج بالكي
ياتو البتشيني
ودواي مافي عديل
تعالوا جيبوا حكيم
انا مرضي في القيزان
وصداع شديد من الدواس الدار
في بلد جدودي انا
في بلد ملان حيران
مزروع شدر هجليج
الموية من البير بلدا بيتو وساع
تعالوا انجموا
عندنا البطيخ وعندنا الكركروا
وعندنا القلقما وعندنا الحميض
وعندنا الخير خير في بلدي انا
بلد دينار بيكسي الكعبة في كل عام
ويرسل للحجيج اهداء
مطرز بي اسم دارفور وخير دارفور
وبرضو تقولوا ما عارفين
اصبروا وقت شمسنا تغيب
وتطلع ليكلم القمرة
توريكم انحنا منو
اسود وجنود وخيل وبيوت
في بلدي انا
بتعرفوا شدرة الجميز دا خالي انا
طول شدر الحراز بالوا
عدد شدر النبق ساسوا
وريحة المنقة والقضيم هي انفاسوا
وطعم القرقدان حسوا
وشجر الدوم والدليب هي احوالوا
عرفتوا منوا
اقيفوا وقت درتنا يحل
وتبقي الكلمة حقتنا
ومافي بعد كلامنا نضم
وحتي الطير وقت ينزل
يقول لينا انا في شدرة القضيم
بدور اكل واشيل زادي
وبرضو الضيف وقت ينزل
ويعرف انو في داراري وفي دارفور
يقول لينا بدور اكل واشبع من متاميركم
واشيل زادي من دبنقتكم
دخن وسمسم وفول وذرة
وارسل تاني لي اهلي
اقو ليهم
انا الموجود في دار الجود
تعالوا علي
انا القاعد في دار الفور
كلول فوق اللدية سخن
ودحلوب فوقوا خير البيت
ادخلور علي الدردر
واقعدوا في البرش جوة
واشربوا من قربة عجوز مريم
وكل شغل تدوروا هناك
دقيق مطحون وخير راقد
اني فتا
لمن نلاقوا فجر
الفاشر 2004
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عواطف احمد اسحاق)
|
اقيفوا وقت درتنا يحل
وتبقي الكلمة حقتنا
ومافي بعد كلامنا نضم
وحتي الطير وقت ينزل
يقول لينا انا في شدرة القضيم
بدور اكل واشيل زادي
وبرضو الضيف وقت ينزل
ويعرف انو في داراري وفي دارفور
يقول لينا بدور اكل واشبع من متاميركم
واشيل زادي من دبنقتكم
دخن وسمسم وفول وذرة
وارسل تاني لي اهلي
اقو ليهم
انا الموجود في دار الجود
تعالوا علي
انا القاعد في دار الفور
كلول فوق اللدية سخن
ودحلوب فوقوا خير البيت
ادخلور علي الدردر
واقعدوا في البرش جوة
واشربوا من قربة عجوز مريم
وكل شغل تدوروا هناك
دقيق مطحون وخير راقد
اني فتا
لمن نلاقوا فجر
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عواطف احمد اسحاق)
|
Quote: انا مرضي في القيزان
وصداع شديد من الدواس الدار
في بلد جدودي انا
في بلد ملان حيران
مزروع شدر هجليج
الموية من البير بلدا بيتو وساع
تعالوا انجموا
عندنا البطيخ وعندنا الكركروا
وعندنا القلقما وعندنا الحميض
وعندنا الخير خير في بلدي انا
بلد دينار بيكسي الكعبة في كل عام
ويرسل للحجيج اهداء
مطرز بي اسم دارفور وخير دارفور
وبرضو تقولوا ما عارفين
اصبروا وقت شمسنا تغيب
وتطلع ليكلم القمرة
توريكم انحنا منو
اسود وجنود وخيل وبيو |
سلمت سلمت يا عواطف
مداد رائع وواصلي
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: ذواليد سليمان مصطفى)
|
.......اختنا الصغيرة عواطف...وجع البلد
Quote: وجع البلد في الجوف
ياتو البداويني
قالوا العلاج بالكي
ياتو البتشيني
ودواي مافي عديل
تعالوا جيبوا حكيم
انا مرضي في القيزان
وصداع شديد من الدواس الدار
في بلد جدودي انا
في بلد ملان حيران
مزروع شدر هجليج |
مبدعة يارائعة....رمضان كريم...سوا لنعيد البسمة.....
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عواطف احمد اسحاق)
|
الوصول
وحين اسافر فيك الليالي الطوال
اخاف التوجس من مقلتيك
اخاف التقرب من شئ شئ لديك
وابقي امارس تللك الطقوس
لعلي اسافر فيك مع كل حين
اناشد عندك نباء الوصول
لان ارتحال القلوب تموت بطول الطريق
لنبدا بذاك الرفيق
سلاما برغم الانين
وان التقاء السنين بنبضي الحزين
يؤجج فينا فتات الارق
ويشعل نار التواصل بيننا حين
لذا فلنعود لنوفي الوعود
ودي
عواطف
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عواطف احمد اسحاق)
|
حجر قدوا
وراي دا كم سدوا
من وين تفوت تمرق
تراي حجر قدوا
مطرة كم شقشقت تقدر تلقي
زي موية كان دفقت
يقدر تخمي
وقاقنا كان كوركت
بدوري تتبتبي
ياتوا البدوري بموت
في شان دواس اهلوا تعالوا
شدوا حمير
نفوتوا
شان نردوا
نلقوا شيخ احمد
نسوا جودية
حقت زرع نمة الداوسة لكلتم
شان ما يفوت حدا نسوا
جودية
شان ما يزيد كتلوا
وشان ما يفوت حدا
نسوا راكوبة
شعر /عواطف احمد
بعض المفردات صعبة ولكن بعد القراءة نشوف
ودي
| |
|
|
|
|
|
|
|
|
|
Re: انــــــــــــا بت معذبة في الغرب (كتاباتي ) (Re: عثمان محمد كرار)
|
كل عام وانتم بخير
وانشاء الله كل الاماني محققة
سعف الفريق
رغم الوجع فارقني سافر للزمن
لكن بتاوق للفرح انشاء الله في بال الحزن
شان ابدأ اكتب في الكلام
يا دوب عرفتا القول كضب
يوم جابو لي طاقة فرح
جوزين لبستهم في السفر
وتلاتة حاجات من زمن ناسا
بحسوا بحالة الدنيا البترحم في الحصل
ومشيت بري
لاقيت خطاي في زحمة الموج البدفر في شقاي
ويقول علي ما تسرعي .... ما تسرعي
لكن بخاف .........
يومين بدون ما القي همي البسمعوا
زي ما الفرح واقف بتاوق في البنية
الضفرة سعف الفريق
ومشطت كل النخيل
كانت بتحلم بي برش
تقعد عليهو من التعب
عملت برش ادت عماد
والباقي كان خازناهو لي يوم الزواج
شفو القدر نارًا بتاكل في البروش
السمحة تصرخ وين أبوي
وين اخوي .....
خلوا البروش .....
لاني عارفة النار بتأكل في همومي
عشان اخون
لكن يمين برجع بضفر في البروش
ما برضي عشتا بالقروش
لانها السوس الدسوس
البنهش الزول البكوس درب القروش
يا بت خلاص ما دي القروش
خليهم معاك
لاني بعرف بالبروش
من وين اضفر همي بين سعف البروش
خليك بعيد عندك قروش
الفاشر 2007
| |
|
|
|
|
|
|
| |
عواطف احمد اسحاق
M A Muhagir
خضر حسين خليل
رشا سالم
cantona_1
باسط المكي
محمد الفاتح خالد حسون
Tragie Mustafa
ذواليد سليمان مصطفى
Dr.Saeed Zakarya Saeed
احمد العربي
Abdlaziz Eisa
تبارك شيخ الدين جبريل
عبد القادر محمد
بريمة محمد
عثمان محمد كرار
Mahjob Abdalla
مهيرة
فيس بوك
تويتر
انستقرام
يوتيوب
بنتيريست