|
|
 Re: أهل اليسار من أعضاء المنبر هذا قلة وفاء أم جهل؟! (Re: بدر الدين اسحاق احمد)
|
زُهير عُثمان حمد
كيف حالك؟ علك طَيِب
Quote: الاخوة الكرام
وكل العابرين
تحياتي
وبعد في البداية أذا كنت عنصري فهذا المنبر أحدي مدارس الرأي والرأي ولكن لا أحفل بالشتائم والغزم والاشارات السالبة التي لا تؤدي الي نقاش هادف لماذا لا نحول النقاش للحديث عن تجربة اليسار السوداني وسوف أكتب مجموعة من المقالات في خانة المقالات لكي أعرض رائي في مسألة اليسار السوداني وأمراضه وتحدياته في هذه المرحلة وعسي أن يكون هذا بداية لنقاش علي المنبر جاد في قضايا اليسار
والتسأؤل الحقيقي هل يمكن أن يقدم جديد لساحة العمل العام أم شلة من أهل المصالح لا تفهم حتي أبجديات الفكر الماركسي
فمن منكم علي أستعدادللحوار الهادي والعلمي في تجربة اليسارالسوداني منذ جبهة النضال ضد الاستعمار الي اليوم ؟ |
يعني ما مُمْكِن يا زُهير يا خوي تكتِب عن [تجرُبة اليسار السوداني مِنذُ جبهة النِضال ضِد الإسْتِعْمار إلى اليَوم] إلا عن طريق هكذا عمود ... الكِتابة في سودانيز ما بِتِحْتاج تدخُل ليها بِحمد وتمرُق بِخوجلي ... يعني مُمْكِن ومُتاح تفترِع ليك عمود ، يِكون مَوضوعو [تجرُبة اليسار السوداني ... إلخ] بِدون ما تِسْتجدي وتِسْتعدي البشر بِعمود مِتِل عمودك ده ... شنو بت بحر وجنوبِِية وعدم وفاء ... إنت قايِل "سودانيز أونلايِن" هي السودان ولا شنو؟ غايتو لو إنت صحفي -حسب عِلمي- تبقى إنت مِثال حي وسبب مِن أسباب تدهَوُر الصحافة السودانِية ... والله أنا ما دايِر أزعِلك يا زُهير ، بس ده رأي ... ما مُوفق ليك كصحفي : لُغة ركيكة ... إتِهامات بِدون دليل ... عدم إطلاع حتى على عناوين المنبر الإنت أكدت إنك ما شُفت عمود تعزِية زَوج القائِد جوزيف ... ضربك لإزُملاءك الشِيوعِيين والمفروض يِكون "سِري" علشان يُصنف "تَوبيخ" ... المُشاترا السويتا في ها العمود ده ، ما مُمكِن الزول يِتَوفق فيها إلا بِعَون مِن الله تعالى ... غايتو بِندعو الله يِعرِس ليك وتِنْشغِل
| |
 
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: بدر الدين اسحاق احمد)
|
| Quote: المسالة ما مسالة سرقة أنت تعلم أن الكتابة الالكترونية لا تعطي مكان لسرد المصادر والاقتباس أو توضيح هذاالمقطع من ذاك الكتاب أو من عدة كتب وكذلك لك أن تقارن وتمعن في المقارنةبالله أعقد مقارنة وبعدها قرر لا تأخذك عصبية الرفاق فالعقل هو الابقي |
زهير انت سرقت مجموعة مقالات ..
المطلوب منك الاقرار بذلك وبس ..
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: بدر الدين اسحاق احمد)
|
يا زهير الموضوع كما تري دخل حوش السرقات الادبية عديل أمامك واحد من حلين يا تعتذر عما كسبت يداك
يا تعتذر عما كسبت يداك ـ أنا شخصياً ما فاضي للطوطحانية دي ـ إعتذر لكتاب المقالين ولموقع الحوار المتمدن وبعد داك تصلي علي الحبيب المصطفي وتجي تعتذر لقراء وأعضاء المنبر .
الموضوع ده سرقة راسو عديل فلطالما حدثتنا هنا عن الوفاء والموش عارف إيه فأولي بك أن تكون وفياً مع نفسك قبل أن تنصح الاخرين ولا موكدي ؟
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: زهير عثمان حمد)
|
زهير انت طاير ليك حوار في راسك
شابكنا من أول البوست حوار حوار حوار
انت فتحت البوست دا قلت ناس اليسار ما عندهم حس بالمرحلة
عشان ما جوا بكاء أرملة الشهيد جوزيف قرنق
ناس الخرطوم قالوا ليك جينا، وناس المنبر قالوا ليك عزينا في بوست طلحة السيد
بعد داك قلت أنا داير حوار "وسوف أكتب مجموعة من المقالات"
وطوالي مشيت لموقع "الحوار المتمدن" ونقلت لينا مقال على أساس انك كاتبو
ثم واصلت النقل موهما الناس انها كتاباتك انت دا
هسع نحاورك انت ولاّ نحاور الناس الناقل منهم ديل ؟
ياخ انت سطر واحد ما قادر تكتبو بدون أخطاء، ودا ما عيب
لكن ما بنقدر نحاورك كتابة لأنو كتابتك بتتلخبط علينا
أضرب تلفون وخلينا نتحاور مشافهة
بعدين "مبروك" دا اسم ولاّ تهنئة ولاّ شنو "
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: زهير عثمان حمد)
|
Quote: بالتأكيد يمكن تجاوز هذه النقطه بأن توضح أنك جلبت المقالين من مكان آخر ..
واضفت شيئا من الطابع الشخصى الذى يساعد على ابتدار الحوار ..
وكنت ستشير فى نهاية الأمر لروابط النقل ..
او .. هذا ما أراه
|
غايتو تخـت اللقمــة للزول فى خشمــو ...
نبــل المقاتــل
يا ود المشرف
برضو الكتابة الابداعية يجب ان تنسب الى صاحبها ...
ثم كيف ينتقل الواقع المغربى بعلاقاتـه المجتمعيةالى الواقع السودانــى من وجة نظر اليسار
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: حيدر حسن ميرغني)
|
Quote: يارفاق
التعاسة جزء أصيل من حياة كل منا
اليكم المقال الثاني لحين نشره علي خانة المقالات أنا عايز رد ردوا بالله عشان نعرف ثقافة أهل اليسارفي المنبر |
ياأستاذ
مقالك الثاني ده برضو حكمة الله طلع ما حقك فرجاءاً أن لا تنشره في خانة المقالات ـ بطريقتك دي حتكتل ليك زول يا زهير ـ كفاية علينا مقال واحد منشور تحت اسمك في خانة المقالات بالرغم من انك لم تبذل فيه مجهوداً يذكر سوي أجر المناولة من موقع الحوار المتمدن ـ
أما مطالبتك لنا بأن ياناس هوي ردوا فقادر الله يازهير ووحياتك ووحياة (الاحلام القلبي سقاها) أنا ماعارف أرد أقول ليك شنو غير الله يكون في عون الكتابة الابداعية .
هلكتنا يا زهير
يعلم الله هلكتنا
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: Deng)
|
Quote: معاوية الزبير
صباح الخير
المسالة ما مسالة سرقة أنت تعلم أن الكتابة الالكترونية لا تعطي مكان لسرد المصادر والاقتباس أو توضيح هذاالمقطع من ذاك الكتاب أو من عدة كتب وكذلك لك أن تقارن وتمعن في المقارنةبالله أعقد مقارنة وبعدها قرر لا تأخذك عصبية الرفاق فالعقل هو الابقي
وأنتم علي موعد مع العجيب والمثير من الاقوال وكم من التجارب
أسالكم بحق ما تعتقدون فيه الرد بمسئولية دون الركون للنقد فقط وأثارة العيوب الزلل في النهاية لم تلد الحرائر في كل أقصاع الدنيا مناضل كامل أو مبرأ من الضعف الانساني |
يا معاوية ياخ الزول دا ما تراهو بحاور فيك زي ما جا في كتاب الكورة بالحرف الواحد !! . . . جكسا بس  . . . يرمي الكورة باليمين و يجري يلحقا بـ ( اليسار )
يحاوركم كيف يا رفاق يا ( متعصبين ) يا ( قبيلة ) اليسار الما بتعرفوا الواجب انتو ؟
واخد بال سعادتك ؟ ( عصبية ) و ( قبيلة ) شوفا اتكررت كم مرة و في ( كتابة ابداعية ) من ( متفرغ ) فارغ في وكت فراغ !!!!!
مسألة العنصرية دي كنت قايلا مناكفات ساي بينو بين دينق و معاوية عبيد !! . . . لا بعد كدا [ سنتابع ] او كما قال حبيبنا الصادق اسماعيل
و الله يا زهير بي كلامك في الباقير دا ، انت انتيكة ما لاقاني ( مناضل ) في كل ( اقصاع ) الدنيا دي زيك كدا
يا زول انت جااااااادي !!؟؟
و الله فكفكت اللغة و عجنتها و اعدت تشكيلا في تجليها الاعلى لـ ( العمليةابداعية ) و حلقت بينا عالياً عالياً في سماوات ( الباقير )
هآزول زول ها !!؟؟
خليك من كلام " زهير في الباقير " دا . . .
يا زول بطل لولوة
واس سدرك معا سدري . . . و استعدل و اقيف دغري
و السؤال بالعربي . . واخد بال حضرتك ؟ . . آي بالعربي ما بكلام الطير . . الاخير دا نحن ما قاعدين نفهموا لانو ببدأ من اليسار . . شفت كيف ؟
انت سرقت المقالات و لأ لا ؟
| |
|
|
|
|
|
|
|
|
 Re: أهل اليسار من أعضاء المنبر هذا قلة وفاء أم جهل؟! (Re: قيقراوي)
|
| Quote: مسألة العنصرية دي كنت قايلا مناكفات ساي بينو بين دينق و معاوية عبيد !! |
شكراً يا قيقراوي يا أصلي وكل سنة وإنت طيب ياخ.
| Quote: انت سرقت المقالات و لأ لا ؟ |
زهير مطالب بالإجابة علي هذا السؤال دون لفة ودوران.
العمالة والإرتزاق وقتل أطفال العراق كما تدعي لا يعطيك حق سرقة مجهود الآخرين يا بطل.
الله!
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: قيقراوي)
|
| Quote: المسالة ما مسالة سرقة أنت تعلم أن الكتابة الالكترونية لا تعطي مكان لسرد المصادر والاقتباس أو توضيح هذاالمقطع من ذاك الكتاب أو من عدة كتب وكذلك لك أن تقارن وتمعن في المقارنةبالله أعقد مقارنة وبعدها قرر لا تأخذك عصبية الرفاق فالعقل هو الابقي |
هو انت قايل بلا المقارنة والامعان في المقارنة مساككتنا دي فوق كم مثلاً ؟
بعدين ياخ اطلع من قصة عصبية اليسار وانهم ماعندهم عقل والكلام اللا بودي ولا بجيب ده
تعال ناضمنا وورينا مقارنتك أو علي الاقل أوجه الاختلاف بين المقالين وقارنهم بالمصادر
التي توفرت لديك في هذا البوست ـ ولو عندك حق عند ناس الحوار المتمدن حتاخدوا غصب
عنهم موش يمكن يكونو سرقوا مقالاتك دي ؟
| Quote: وأنتم علي موعد مع العجيب والمثير من الاقوال وكم من التجارب |
شخصياً أبحبذ انو نصل لي حل بالنسبة للموعد الأنحنا فيهو ده
ــــــ
في زول صاحبنا كان بيكتب هنا اسمو عاصم ابوبكر دايماً كان بقول لي صلاح غريبة
ياغريبة انت رجل غريب وعجيب
ويلزمني هنا ان اقول لك
يا زهير انت رجل غريب وعجيب وعجيب خالص خالص
وحسب الله ونعم الوكيل
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: قيقراوي)
|
Quote:
المسالة ما مسالة سرقة أنت تعلم أن الكتابة الالكترونية لا تعطي مكان لسرد المصادر والاقتباس أو توضيح هذاالمقطع من ذاك الكتاب أو من عدة كتب وكذلك لك أن تقارن وتمعن في المقارنةبالله أعقد مقارنة وبعدها قرر لا تأخذك عصبية الرفاق فالعقل هو الابقي
|
عيب يا زهير، انت سرقت مجهود زول بحث تعب واستقصى مفروض تعتذر انت مقبوض بالثابتة: مش تكضب:
السرقة دي بتجيب محاكم وغرامات والتزامات قانونية، ممكن تعتذر وتبدأ صفحة جديدة، لكن ما تكابر
اييييه ما مسألة سرقة: ومال مسألة ايه: دي سرقة بت اُمها وأبوها:
اعتذر وأقلب الصفحة يا زهيروأبعد من الحيطة المابتقدر تنطها في الزرّة
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: قيقراوي)
|
Quote:
يا زهير
والله انت يا شجاع شجاعة ماحصلت
ولا عوير عوارة ماحصلت
ياخ اقلاها البوست ده سيبو عسي ولعل يغطس بي فضيحتك الشينة دي
|
اها ؟
----------
مداخلة مهمة يا مبدعنا محمد الطيب يوسف قلنا نبرزا
اما من ناحية البوست يغتس . . . فدي يلقاها عند الغافل
بتعرف دربو و لا نوصف ليك يا ابو الزهور ؟
بعد تصلو ، عليك قول ليهو عمك قيقا بسلم عليك . . . سمح ؟ 
وكت ما اتينا لحوار . . . اها الجايبنا شنو طيب ؟
ساكين لينا كيس !؟
| |
|
|
|
|
|
|
|
|
 Re: أهل اليسار من أعضاء المنبر هذا قلة وفاء أم جهل؟! (Re: خضر حسين خليل)
|
| Quote: ياقدورة المولد ده اتمخض عنو ميدان مولد عديل |
غايتو يا خدر ، البختشوا ماتوا في تايتانك !
Quote: وبعدين هبشكم كميدانيين قال ليكم ما بتعرفو تبوبوا الجريده
وجريدة الميدان خالية من الادبيات الحزبية
غايتو قلنا ليهو في اتنين هنا انت واستاذنا حسن قول ليهم
كلامك ده واديناهو الفيهو النصيب كقراء للميدان |
معناتو يا خدر في مولدات كتارات فاتتني !
لكن شكلي ح اتفرغ ليهو بعد كدا ، زي تفرغوا للنهب الإسفيري المسلح بالوقاحة وتقالة الدم دا
| |
|
|
|
|
|
|
|
|
 Re: أهل اليسار من أعضاء المنبر هذا قلة وفاء أم جهل؟! (Re: معاوية عبيد الصائم)
|
Quote: اين صاحب المشروع العنصرى ؟
شكرا؟ |
يا معاوية سامع صوت حصانك درقن درقن درقن متحاوم في المنبر
تعال اقعد هنا دا ، اتعهد البوست دا بالسقاية والرعاية لحدي ما ارجع ليهو.
لو البوست دا وقع ، انا بكلم ليك مولاناخدر يعزلك من ولاية الحجاز ونواحيها
ــــ
أنا ماشي أنوم كان قدرت مع مرارتي الإتفقعت ،و ضغطي الإرتفع دا !
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: السيد المسلمي)
|
القال ليك منو يا المسلمي ما محتاج شرح
والقال ليك منو من اساسو انو اخوانك الشيوعيين ما ادانو تروتسكي
اها النكلمك يا المسلمي
دخلنا وأدنا معتز وقلنا رأينا بالكامل وياريتك ترجع لي مداخلاتنا هناك
بدل واقع فينا لوم وتنظير ـ وحتي اعتذار تروتسكي لفعلته قلنا ليه
انو البنقص اعتذارك ده انو مخصص لي ناس محددين وبالرغم من انو الواحد
كان من ضمن من خصهم تروتسكي بإعتذاره الا ان ذلك لم يمنعنا من قول ما
نراه مناسباً ... وعليه وبما انو الكوت الانت جبتوا ده ما عندوا اي اساس
من الصحة ياريتك تجي تبرر موقفك ده أما وهبة ده فالواحد بلاقيهو وبنشيل
حقنا منو كاش داون .
انا منتظرك يامسلمي
| |
|
|
|
|
|
|
|
|
 Re: أهل اليسار من أعضاء المنبر هذا قلة وفاء أم جهل؟! (Re: السيد المسلمي)
|
Quote: Quote: أخواننا الشيوعيين :
1/ خضر حسين خليل
2/ قيقراوي
3/ سيف النصر محي الدين
4/ معاوية عبيد الصائم
5/ طارق ابوعبيدة
6/ العريس أبوبكر صالح
7/ حيدر حسن ميرغني
8/ فتحي الصديق
9/ ومن لف لفهم من قبيلة اليسار الذي (لم يأفل نجمه بعد)
بالله عليكم خشوا في الرابط التحت وواشجبوا ودينوا لينا السرقة الواردة فيه عشان تكونوا فير ويبقى عداكم العيب
السرقات الادبية فى المنبر ( تروتسكى ) نموذجــاً !!!
شكراً عبد الوهاب علي الحاج ... يبدو أن معايير المنبر مازالت تغط في نوم عميق !!
تحياتي .
ـــ
التعديل مزاج ! |
| Quote: يبدو أن معايير المنبر مازالت تغط في نوم عميق !! |
ممكن تصحي عادي!
لكن قبل ما تصحيها كدي ورينا رايك شنو في جنس السُواطة السايطا زولك دا ؟
!!!
ولك التحيات
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: عبد القادر محمد)
|
نحمد الله على الغلط
وانه في كتابتنا اخطاء لغوية ونحوية تخارجنا من انو نكون قصعة ثريد
اعتذر يا زول فانت لم تشير الى النقل باي وسيلةووسائل الاشارة الى النقل كثيرة في السافير
منها الكتابة المباشر بان المكتوب منقول
او بكتابة مصدر المنقول
او بوضع الرابط
او بختيار ايقونة من اللمبات التحت المخصصة فعلا للمنقول هذه
او بوضع المنقول في شكل الاقتباس المعلوم
يمكن تكون نسيت وهذا وارد وعادي جدا
لكن البنسى بقول نسيت انو اشير او اذكر المصدر او يستخدم احدى علامات النقل حتى بدون ما تعتذر
لو ما عملت كده بتكون قاصد عديل
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: عبد القادر محمد)
|
Quote: ممكن تصحي عادي!
لكن قبل ما تصحيها كدي ورينا رايك شنو في جنس السُواطة السايطا زولك دا ؟
|
ياعبد القادر القال ليك منو زولي ؟؟
زهير دا زول سلنطحي ووهم ساهي وحكاية تجي تعملوا ليه مجرزة دي زاااتا كتيرة عليهو !!
هو بالله أكتر من يكون ما عندو أمانة ويسرق مجهود غيرو تاني فضل ليهو شنو ؟
ــ
بعد كدا أمشي صحي معاييرك
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: محمد عبد الماجد الصايم)
|
يازهير يا اخوي طلعت خازوق يساري ساي
والله من أول مره عرفت الزول دا جايب ليه عفنة
وكان باين عليه عايز قدم نفسه كزول خارج من كبسولة اليسار
ليتأملها من على البعد وكنت من طريقته مستدركا أنها (( مجرد ريح تفسد الوضوء ))
ورغم أن الكثيرين يرون أن نقد اليسار يعني (( توبة )) لكنني لم اراها إلا زهوا
فيرقصة اليسار للإستعلاء والزهو الطاوسي الكاذب ..
ورغم أنه إصطدم مع أهل اليسار بسبب عزاء ( يساري ) لكنه لم يقدم صورة لطريق التعزية المقترحة
خاصة وان التعزية اليسارية لونا ونكهتها تختلف عن التعزية الإسلامية .. مما يستوجب تامل شكل هذه التعزية المملؤة بشجن الرفاق .
لكن أخي زهير لم يحالفك التوفيق لا في التهيئة ولا في الطريقة ولا حتى في شكل (( الإستفراغ والبصاق ))
الذي خرجت به .. لأنك ببساطة سرقت المسروق وعرضه في ذات السوق الذي سرقت منه .. مما يجعلك في نقيض مع الحصافة وفي قرب ودنو للغباء الفكري .. بل تعتبر معرفتك في ح ذاتها إهانة لمن يعرفك ..
وألأغرب في كل ذلك التمادي البغيض .. والتعمية البهاء التي حاولت أن تغلف بها عيوننا نحن نرى (( شرطي النت )9 يلقي القبض عليك .. بين جمهرة لم يكن لك بينهم من متعاطف .. فقد خسرت اليسار واليمين والوسط .. بل خسرت نفسك ذاتها في هذا التمادي البغيض .
لن أدعوك عن الكف .. لأنك لم تستحي فإذا لم تستحي فأفعل ماشئت .. لكن على الأقل كن حصيفا .. وأحتفظ بالحد الأدنى من إنسانيتك وأصدقاءك ..
رغم إدراكي بأنك لست من الذين يتأسفون ويعتذرون ويرجعون للحق .. لكنني أؤكد أنك ستتبخر كما تبخرت كثير من الأفكار الهوجاء التي ثارت ثم خمدت الى الأبد .. أنت لست من الذين نترجاهم التوقف والإعتذار .. لأنك أغبى من أن تستدرك ذلك ..
لكن دعني أقول للأخ (( بدر الدين )) هذا الزهير .. أثبت أنك حصيف .. وكل يوم تنبت لك زهرة في الإبداع
فأجعله وقودا لمصادقيتك رغم إدراكي بأنك لست من الذين يتشفون بضحاياهم ..
كن بألف خير أخي بدر الدين
ولك ودي
...
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: خضر حسين خليل)
|
ياخضر
كيفك
ما تحتار صدر قرر محكمة بدرالدين أسحق سجن أسفيري لمدة شلاثة أشهر وكب كل المكتبة الاسفيرية في الزبالة الاسفرية
غير الشكوي للنقابة وأستاذ مادة رسالة الماجستير وهو قدم أعتذر صريح اليوم وتمتحويل الموضوع لمجلس الكلية للنظر في الامر من وجهة النظر الاخلاقية ولاأعلم ماذا سوف يكون القرار سوف أنشر القرار لكي يتأكد لكم النصر المبين .
| |
|
|
|
|
|
|
|
|
 Re: أهل اليسار من أعضاء المنبر هذا قلة وفاء أم جهل؟! (Re: زهير عثمان حمد)
|
Quote:
المحكمة لك الامر ان تختار من المنبر ثلاث ( إحداهن امراة ) وهى هيئة المحكمة ولك محامـى تختاره انت
وسأمثل واخضر ( الاتهام )
والحكم نهائـى لا يستأنف وملزم ..
|
قلنا ليك اختار انت ثلاث من الاعضاء فى المنبر اى ثلاثة ان شاء الله ( لمبات الزينة حقات بكرى ديل )
(منقول / مسروق / حصرى / اى حاجة )
وانا ووخضر دا حنمثل الاتهام ....
ات يا زول مالك ( اياك ان تكون معول على الزمــن )
دا كلام لحدى الان عادى جدا .. سرقت تعال اعتذار ووريناك الدرب وطرق وآليــات الاعتذار
قول ما بعتذر ( القرار قرارك )
بــس ما علي لــوم بعد داك ...
البوســـت حينتقل لحدى 2015 م موعد انتهاء المرحلة التانية من الاستراتيجية ربع القرنيــة شفت كيف
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: بدر الدين اسحاق احمد)
|
Quote: ما تحتار صدر قرر محكمة بدرالدين أسحق سجن أسفيري لمدة شلاثة أشهر وكب كل المكتبة الاسفيرية في الزبالة الاسفرية
غير الشكوي للنقابة وأستاذ مادة رسالة الماجستير وهو قدم أعتذر صريح اليوم وتمتحويل الموضوع لمجلس الكلية للنظر في الامر من وجهة النظر الاخلاقية ولاأعلم ماذا سوف يكون القرار سوف أنشر القرار لكي يتأكد لكم النصر المبين . |
يا زول انت ما ممكن تكون بتاع سرقات ادبية
وكمــان
مدلــس
حســى بدر الدين وين كون محكمة ولا قرر يسجنك ... وانا ذاتى لااملك هذا الحــق
انا قلت ليك قبلان انا تختار ثلاث من اهل هذا المنبر من غير الشيوعيين والكيزان لانهم ( يريدون التشهير بك )
على ان تكون احداهن امراة ( جندر وكدا )
كافى البلا انت ما عندك ثلاث اصحاب فى المنبر دا
قبلانين بيهم ( ان شاء الله من بيتكم ذاتو )
ونطرح ليهم نحن حيثياتنا
وتقدم دفوعاتك
ويحكمو هــم
____________
انما الباقــى فدى مقترحــات :
Quote: عايزين دفع فى هذا المنبر ليكون لها ( مكان فى اللائحــة ) اقلاهــا :
* ان لا يمنح مكتبــة ابدا .
* اذا كانت لــه مكتبة .. تحزف وتدفــق كتبها فى الاسافيــر .
* الاعتذار بصيغة تضمن فى اللائحــة .
* السجن الاسفيــرى ( شهر - ثلاث اشهر ).
* اخرى كما يقترح الاعضاء |
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: بدر الدين اسحاق احمد)
|
يا مولانا بدر عظم الله أجرك
مدلس لغة كلمة خطيره وما في داعي ليهاأظن وما سمعت بشرطة بتطلاق الاوصاف جديدة دي !
أنا بقتراح هؤلاء الافاضل الا من أعتذر عن المهمة
1- الاستاذ عبدالوهاب علي الحاج (وهبه)
2- الاخ ناذر خليفة
3- الاخ علاء الدين يوسف محمد علي
4- الاخ محمد الكاهن
5-لاخ وليدمحمد المبارك
6- الاخت أنعام حميورة
7-أميرة الشيخ
هنالك أكثر من ثلاثة لو أعتذر أي منهم تجدون البديل من الاساتذة و السيدات والجندر كذلك
للجنة المتابعة وقيادة الشرطة الاسفيرية لاتخاذ القرار والبدء فورا
شكرا
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: زهير عثمان حمد)
|
زهير والرفاق وباقي الناس الهنا
تحياتي..
يبدو انو انك يا زهير ما كان عندك عدو قبل نشاطك في المنبر ده،ولا عندك صليح
ويبدو أكتر ياخي انك زول طيبان وما فيك بذرة شر سوي شوية شتارة سببوا للناس البتقرا هنا حساسية سببت ليهم جيوب انفية وانت عارف الباقي
فياخي قبولك بمقترح بدر الدين وانك تشكل محكمة لروحك حزت في نفسي جدا
وانا شخصيا بعتبر تاني تتلح الناس ليك رضاعة في شطر ميت ومن باب اولي انو الناس تشوف منغصاتها اكتر من التشفي فيك
فياخي انت غلطت وانا واي انسان بغلط،وده بنتج عن حاجات كتيرة في الدنيا،منها انط بتفتكر الناس ما ناقشة زي ما انت سويت،ومنها حاجات النفس البشرية الحقد والطمع و و و.
فياخي اعرض عن تمسكك بالخطأ واعتذر وصدقني اي زول تاني يتلحك في الموضوع (مالم انت تستفزه) بعتبره ليك ما عنده موضوع.
ويبدو انك ضخمت ذاتك اكثر من اللازم والناس اتعاملت معاك علي اساس بروفايلك والكان كان..فيا جماعة رفقا تاني بالبروفايلات والناس ما تعبي سطورها احلام ساي
يبدو لي الموضوع منتهي والرفاق لو ما بعرفوا الصفح عند المقدرة بدرالدين اسحق المفروض يشرحها ليكم لو تعاونكم سوا جاب نتيجة
شخصيا يا زهير عرفتك منو انت من كتابتك ،زول طيبان ليس الا ما بتعرف بتتحسس مكان خطوتك الجاية وما راجي منك اعتذار ولا حتي مطايبة والله يوفقك ويوفق الجميع
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: حاتم علي)
|
الاخ قمر
تحياتي
المسألة ماطيبان وخبيث و ما مسألة أعتذر الاعتذر ولكن الذين يكتبون ويطالبون بمحكمتي لي سؤال هنا عن شيء واحد أين هو الرصيد الاخلاقي لهم والارث المفعم النقاء وكريم الخصال لهم حماة القيم الاماجد؟
لا أريد أن أطيل قد أعرف البعض ولكن الاغلبية لا أعرفهم ياقمر
أترك الامر الان ودعنا نجلس لنري الحكماء ماذا هم فاعلين
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: زهير عثمان حمد)
|
Quote: أنا بقتراح هؤلاء الافاضل الا من أعتذر عن المهمة
1- الاستاذ عبدالوهاب علي الحاج (وهبه)
2- الاخ ناذر خليفة
3- الاخ علاء الدين يوسف محمد علي
4- الاخ محمد الكاهن
5-لاخ وليدمحمد المبارك
6- الاخت أنعام حميورة
7-أميرة الشيخ
هنالك أكثر من ثلاثة لو أعتذر أي منهم تجدون البديل من الاساتذة و السيدات والجندر كذلك
للجنة المتابعة وقيادة الشرطة الاسفيرية لاتخاذ القرار والبدء فورا
|
وانا ياخ موافــق عليهم كلهم ...
الاخوة الكرام اعضاء المحكمة الاسفيرية امامك قضية بسيطة نعشم فى اصدار حكم حولهــا
اتهامــى ( زهير عثمان حمد قام بالسطو الفكرى على مقالين للاستذة عبد الحسين شعبان وعبد الاله سطي ونسبهما الى نفســه )
مرفق المقالين المسطو عليهم فى الاصل
ومرفق المقالين المسطو عليهم بعد التزوير والتحريف
مقترحــى ان توقــع احدى العقوبات التالية على المذكور ( حال التزامــه الادبـى بتنفيذ العقوبــة )
عايزين دفع فى هذا المنبر ليكون لها ( مكان فى اللائحــة ) اقلاهــا :
* ان لا يمنح مكتبــة ابدا .
* اذا كانت لــه مكتبة .. تحزف وتدفــق كتبها فى الاسافيــر .
* الاعتذار بصيغة تضمن فى اللائحــة .
* السجن الاسفيــرى ( شهر - ثلاث اشهر ).
اهــا قوم بالاتصال بيهم ...
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: خضر حسين خليل)
|
علي اليمين انتو ما عندكم سالفة كان شيوعيين كان كيزان
قمر شنو الرشو يا خدركة،وبدر..ياخي كورتكم فاكة بشكل غريب،ولقيتوا ليكم زول طيبان عملتو حركات قوقل والعميان شايل المكسر
وحكاية اختكم قمر دي انتشرت بعد بوست مشهور..زهير كان بفتش لي عروس والجندريات الجدد عملوا ليه صافوطة في راسو جيت انا عملت مداخلة قال ياخوانا قمر دي منو
قلت ليه ولية من الحتانة وتجري علي نص دستة من العيال عشان ما يركز معاي..الحكاية عجبت اميرة الشيخ وحاتم علي،بقوا ماسكنها لي،لكن ما كنت قايلكم داقسين للدرجة دي
والله يا زهير انا مستغرب كيف ناس زي ديل يقبضوك..ويشكلوا ليك محكمة وانتا ترضي وبدر يحاكمك بالتوقيف..قول ليهم اي سرقت لكن بدر ده تحديدا بتاع محاكم طوارئ ساي ما يحاكمك هو
غايتو كتر خير الانترنت خلاكم مواكبين كان كيزان كان شيوعيين
انا خايف بدر الدين ده بعد شوية كمان الحكاية تعجبه يدخل علي حكاية الاي بي حقي وكدة ؟؟؟قال الكلاكلة قال..هووووي اعملوا لياقة وتمارين وتعالوا
| |
|
|
|
|
|
|
|
|
|
Re: أهل اليسار من أعضاء المنبر هذا قلة وفاء أم جهل؟! (Re: GamarBoBa)
|
| Quote: انا خايف بدر الدين ده بعد شوية كمان الحكاية تعجبه يدخل علي حكاية الاي بي حقي وكدة ؟؟؟قال الكلاكلة قال |
ات عارف يا قمر بوبا ...
حكاية السرقات الادبية والملكية الفكرية شكلها ما جايبه تعبها فى المنبر دا ...
قلنا احسـن نغير الاختصاص الى :
Ghost والبعاعيــت
خاصــة البعاتى / الشبح بعــد إكتشافــه والفبض عليه بالثابتــه
بيشــتت / بيتلاشـــى
بعدين نقول ليك حكاوى السماسرة
سماسرة العربات عندهم مصطلح بيسموهو للزول الطيبان الداقـس ما عارف السوق واسعارو
بيسموهو ( الرهيـــن )
والرهيــن دا السماسرة بيتكسرو فوقو الاعمى والمكسح
فدحيــن خلــى لينــا الرهيــن حقنـا
| |
|
|
|
|
|
|
| |
عزام حسن فرح
فتحي الصديق
خضر حسين خليل
مزمل خيرى
عبد القادر محمد
عبدالكريم الامين احمد
محمد الامين احمد
الجيلى أحمد
معاوية الزبير
محمد حيدر المشرف
Deng
زهير عثمان حمد
بدر الدين اسحاق احمد
حيدر حسن ميرغني
قيقراوي
شول اشوانق دينق
معاوية عبيد الصائم
Kostawi
عاطف مكاوى
Emad Abdulla
محمد عبد الماجد الصايم
صلاح شكوكو
حاتم علي
صلاح أبودية
فيس بوك
تويتر
انستقرام
يوتيوب
بنتيريست