|
Re: وصل جاد الله والكفيل اتطلب الله !!!! الراى شنو (Re: عبد المنعم سليمان)
|
يا عبد المنعم جاد الله
اولا بالتبادى يتقسم على الورثة من الناحية القانونية حسب عمدة الشعب السودانى تحت كبرى كليو تمانية بجدة؟
يازول سفر جاد الله ده مرحلة عيييييييييك بعيدة خلاس ؟؟
لكن فى راى تانى قالو عمدة السودانة بالكرنتينة!!! انو جاد يسلم نفسو الترحيل !!! لازم من رفع البوست لمزيد من المشورة ولا كيف
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: أيمن دياب)
|
لا خوف على جاد الله بإذن الله وسياكل تميزا ومعصوبا
وربما مطازيزا .
ومن يدري ربما يغشى الكندرة يوما.
وقد يرزق بمولود ذكر يختار له اسم المرحوم
يا سلاااام على اسم المرحوم لو كان خنيفس أو جريبع
أما إن كان أسمه شرار دي تكون ستا وطابه وقميص عامر
فصلوهو في باب شريف وطلع قدر الوليد في أم الطيور
ومرحب حباب الشر , محل ما بتق
وتنقد الرهيفة وإن شاء الله ما تتلتق
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: جمال المنصوري)
|
ياحبيب اقولك النجيضة على قولة ودالصايم : على حسب نظام العمل والعمال السعودى عند وفاة الكفيل اذا كانت له مؤسسة او شركة فيكون المكفول ضمن المؤسسة اوشركته يعنى فى مسالة الاقامة والمكاتبات الرسمية وعند توزيع التركة يكون المكفول ضمن كفالة احد الوراث وذلك بالاختيار واذا كان الوراث لا يريدونه فيمكنه نقل كفالته على اى جهة حسب اختياره يعنى بالمختصر لا خوف على جاد الله والحلول كثيرة وقول لام عياله شوفيلك بطيخة صاقطة .
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: الامين موسى البشاري)
|
تعرف قبل كم سنة كدا كُنت مسافر للسودان
بحري وفي الباخرة التقيت سوداني مسكين
ركب معاي لحدي مدني , وحكى لي قصته مع
موت ماشية الكفيل تزامناً مع وصوله للديرة
حقت كفيله فتشائموا منه واعادوه بي العراقي
حقو وبس يعني جاد الله لو لقى ناس مؤمنة بالقدر
ح يقسم ضمن التركة وينقل مجاناً حسب الانظمة واذا
لا فمصيره العودة جهز العراريق والهدايا وخلي جاهز.
................................................حجر.
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: نادر النور آدم)
|
عندنا عمتنا في 2005م جبناها زيارة للسعودية ..قامت من السودان في نفس الوكت الجابو فيهو خبر جون قرنق مات ...مشينا وعيال عمى مطار جدة نجيبها ..نزلت الطيارة ...ونحن في المطار جانا خبر وفاة الملك فهد ...واحد من اولاد عمتنا قال ..ياجماعة الزولة دي من مطارها ده أدفروها ارتريا وخلونا نخلص من اسياس ...
اها اخونا جاد الله جيبوه لينا المنبر ده واحشروه حشر في بوستات الانتحالات الشخصية ...الناس دي حاتعترف ...صدقوني ...
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: معاوية عبيد الصائم)
|
معاوية عبيد (يا صـــديغ)
انا ماشي أنوم بدري الليلة ذو الكفل عندو شغل مهم بكرة
بس النحكي ليك النكتة دي قبل ما أمشـــي
قالو واحــد جاي من الســـودان عمـــرة وزوغة
أها الجماعة قالو ليهو أنت ارتاح ليك اســـبوع كدا وبعدين فتش الشغل
أها كل يوم اسمع ليك الجماعة بتكلمو يا فـــلان أنت وين التــايد يااااخ
المهم طبعاً ما قادر اتونس معاهم الناس كلامهم كلو في التايد والمراعي والحاجات دي
أها بعد تلاتة يوم حب اقول ليهو كلمتين مع الجماعة وقام كدي قال ليهم:
انتو عارفين والله لقيتو التـــايد دا في البلد دي تاني ما بترجعو أم الطيــــور
دحين جاد الله وريهو التايد عشان ما يدقس
تحاياي لجاد الله
| |
|
|
|
|
|
|
Re: (Re: Khalid Saeed)
|
Quote: وصل جاد الله والكفيل اتطلب الله !!!! الراى شنو |
يسلق بيض .................. !
كل سنه وانت طيب - شـــــــــديد
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: قيقراوي)
|
اعتقد ان جادو ينطبق عليه ماطبقه ناظرنا المرحوم حسين حمد ونحن طلبه في السنة الرابعة بمدرسة عطبره الاميرية الوسطي .. حيث قرر الناظر عمل درس عصر يومي لطلاب السنة الرابعة ليزيد من فرص نجاحهم في الشهادة الوسطي ودخولهم للثانوي .. وليقرر بداية ونهاية وقت الدراسة طلب من كل واحد منا ان يوضح مكان سكنه ليتم القياس حسب قرب او بعد المسافات من المدرسة .. وعندما جاء الدور لزميلنا وصديقي محمد بشير علي قال انه من ام الطيور .. فانزعج الناظر جدا .. وصاح "ام الطيور؟ " فاكد الزميل الحبيب ذلك واضاف انه بيمشي ويجي كل يوم ..
ولمن لا يعرف تقع ام الطيور في الناحية الغربية من النيل بالقرب من مصنع الاسمنت ولتصل منها الي عطبرة فانه يتعين عليك عبور النيل ثم عبور نهر عطبرة .... والمواصلات المتاحة في ذلك الوقت هي الحمير .....
قال الناظر : يعني كده انت لا لامّي في الدامر عشان تجي بالعربات ولا لامّي في عطبره عشان تجي بالبسكليت " .. ثم اردف بحماس : كده تبقي - Destitute وفهمنا فيما بعد انها تطلق علي من لا حكم له ... يعني لا والي لاكفيل لاوطن لا سكن ألخ .. وأعفي اخونا محمد بشير علي من درس العصر ..
والان وقد نوفي كفيل المعلم جاد قبل ان يدخل في كفالته رسميا فانه يمكن ان يطالب باعفائه من كفالة المرحوم .. او اعفائه من درس العصر !
ثم انها اعجوبة ان يحصل فران من ام الطيور علي وظيفة فران في جدة .. وين الباكستانيين واليمانية .. وهل لهذا علاقة بموت الكفيل .
هل تعرفوا اخي محمد بشير علي ؟
عمر علي حسن
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: عمر علي حسن)
|
معاوية يا اخوي كل عام وانت وجادالله وجميع من معك بخير وعافية ...
يا اخوي مافكرت تضم جادالله لبعض احزابنا السودانية ...
خاصة ومسألة التوريث والتركة دي ممارسة ليها سنين وستظل ...
الناس بتورث احزاب كاملة بتاريخها وعضويتها مستكترين على الكفيل كم سوداني وكم بنغالي ..
عجائب يادنيا .....
والدعوة مفتوحة لكم وجادالله بعدد واحد " أبونية " لمدة شهر على مطاعم البيك وعليكم إختيار الفرع ...
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: معاوية عبيد الصائم)
|
Quote: العروض تنهال على الاخ جاد الله اى زول عندو رغبة يتخلص من كفيلو اتصل بالاخ جادو عموما وكيل جادالله فى الرياض اخونا الامين البشارى؟ فى المدينة ابراهيم النعمة؟ فى جدة جاد الله وكيل نفسو فى اطار تقليل منصرفات الوكلاء جارى البحث عن وكلاء لباقى المناطق |
نطلب نحن خالد العطا ــ وكالة لشركة جادللتخلص من الكفيل المحدودة وكالة حصرية لمنطقة مكة نرجو الافادة
| |
|
|
|
|
|
|
Re: وصل جاد الله والكفيل اتطلب الله !!!! الراى شنو (Re: معاوية عبيد الصائم)
|
انا سامع يا معاوية الصائم إنو في نظام الكفيل في السعودية وشايف الناس كلها بتشتكي من حكاية الكفيل دي بس داير اعرف مهام الكفيل دة شنو . وهل السعودييين ديل بيستفيدو من حكاية الكفيل دي؟ . وبعدين الكفيل دة سيد الشغل ولا كيف؟ وهل الكفيل بيدفع ضريبة للدول ولا الحكاية فاكة ساكت زي الحاصل في بلدنا المعولقة بجرائم بني الكيزان.
| |
|
|
|
|
|
|
| |