السرقة الأدبية مابين سجيمان والفاتح جبرا (معقولة بس )

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 09:40 PM الصفحة الرئيسية

مدخل أرشيف الربع الثالث للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-07-2010, 07:53 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


السرقة الأدبية مابين سجيمان والفاتح جبرا (معقولة بس )

    الحيثيات في الطريق
                   |Articles |News |مقالات |بيانات

04-07-2010, 08:25 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    لسجيمان مجموعة في الفيس بوك تدعي د . عادل الصادق المكي ( الباب البجيب الريح )
    ومابين القوسين هو عنوان عموده اليومي في صحيفة التيار

    كما للفاتح جبرا مجموعة تدعي الفاتح جبرا ساخر سبيل
    وهذا معلوم للكثيرين هنا
                   |Articles |News |مقالات |بيانات

04-07-2010, 08:29 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    بدأت القصة عندما أنزل سجيمان مقالا ساخرا بعنوان
    ثم قام بانزاله في مجموعته كالمعتاد

    حنة عواطف من هنا
                   |Articles |News |مقالات |بيانات

04-07-2010, 08:33 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    فتم اتهام سجيمان بسرقة المقال من الفاتح جبرا علي أساس ان المقال موجود في مجموعة الفاتح جبرا بتأريخ سابق

    من هنا
                   |Articles |News |مقالات |بيانات

04-07-2010, 08:40 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    فقام سجيمان بتقديم دفاعاته علي أساس ان المقال موجود في مكتبته في سودانيز أون لاين بتأريخ 2003
    الـــنـجـعـة

    الكرة الآن في ملعب أستاذنا جبرة

    (عدل بواسطة محمد الطيب يوسف on 04-07-2010, 09:34 PM)

                   |Articles |News |مقالات |بيانات

04-07-2010, 08:53 PM

Barakat Alsharif

تاريخ التسجيل: 08-06-2010
مجموع المشاركات: 1253

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    والله ما معقولة
    الحل هو أن يأتينا الفاتح جبرا بتاريخ اقدم من 2003 أو يكون سجيمان والفاتح جبرا شخص واحد باسمين (روح واحدة واتقسمت قسمين)أو ...ماذا؟

    (عدل بواسطة Barakat Alsharif on 04-07-2010, 08:54 PM)
    (عدل بواسطة Barakat Alsharif on 04-07-2010, 08:56 PM)

                   |Articles |News |مقالات |بيانات

04-07-2010, 09:04 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)


    شكرا يا دكتور

    المقال فعلا موجود بمكتبتي وقد تم نشره بتاريخ 17-7 - 2003 الساعة 5|:17 صباحا

    وبرضو المقال انتشر في جريدة الاضواء في الصفحة الاسبوعية عكس الريح تحت عمودي الاسبوعي (فارغة ومقدودة)و كان يحرر الصفحة بروفسير معز عمر بخيت وكان رئيس التحرير انذاك الاستاذ كمال حسن بخيت ثم اعقبه الاستاذ فيصل محمد صالح...
    ايضا تم نشر الموضوع بجريدة الصخافة..... تحت عمودي(كلام خارم بارم*)..... ضمن الملف الاسبوعي ونسة.....
    ايضا تم نشر الموضوع بموقع سودان نت.... وكتير من المواقع نقلتو .. وفتشو !!!!
                   |Articles |News |مقالات |بيانات

04-07-2010, 09:26 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    Quote: الحل هو أن يأتينا الفاتح جبرا بتاريخ اقدم من 2003


    أو بتوضيح لما يجري هنافهو قامة أكبر من السرقة الأدبية

    جبرة

    أفصح أبن
                   |Articles |News |مقالات |بيانات

04-07-2010, 10:55 PM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)



    مافي حل غير يكون راجل عواطف صديق للاتنين سجيمان و جبرا
    و الاحداث حقيقية 100%

    .........

    مشتاقين يا سي جي و...كامل تضامني مع عواطف ;)


                   |Articles |News |مقالات |بيانات

04-07-2010, 11:21 PM

haider osman

تاريخ التسجيل: 27-07-2005
مجموع المشاركات: 1316

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: mamkouna)

    رواية الاستاذالفاتح جبرا فيها خطأ يحسب لصالح سيجيمان:

    وهذه رواية الاستاذالفاتح جبرا ...والخطا ما تحته خط ( من اين اتى الاستاذ الفاتح بالانبوبة التى انكأ عليها)

    كان ذلك فى منتصف ثمانينات القرن الماضى وكنا وقتها نأخذ (نصيبنا) من الإغتراب بإحدى دول (البترول) ، فى نفس العمارة التى كنا نقطنها كان يسكن صديقنا (سعيد) فى الطابق الأعلى للشقة التى أسكن فيها حينها


    وسعيد هذا ينتمى إلى أحدى القبايل التى تتكسر فى (الزوجة) كسير شديد وتجعل (طلباتها) مستجابه فى (لمح البصر) بل تجعل الزوج كما (الربوت) يسير وهو مبرمج تماماً … يمين يمين .. شمال شمال .. كان (سعيد) ينصاع إنصياعا تاما لزوجته (عواطف) والتى أسميناها (الحكومة) فما أن يسمع سعيد صوت (الحكومة) وهى تنده له إلا و(يرمى) ورق (الويست) الذى كنا ندمن لعبه فى العطلات ذاهباً نحو مصدر صوتها ملبياً لأوامرها تماماً .
    كان سعيد يهيم حباً بزوجته (عواطف) حتى تخال أنها عشيقته فأنت إذا ما قدر الله وذهبت معه للتبضع فى السوق فاجأك قائلاً :
    - والله التوب (المشجر) داك أريتو فى (عواطف) !
    - شفت (أحفظ مالك ) الفى البترينه داك يجنن أنا ح أشتريهو لى عواطف !
    فى أحد الأيام وبينما أنا أصعد درجات السلم نحو (شقتى) مرورا بشقة (سعيد) وجدته أمام باب شقته عائداً من (الشغل) وهو يحمل فى يده (بطيخة) وعددا من (الأكياس) وبعض الصحف والأوراق ونفسو (طالع ونازل) من الشيل .
    - مالك يا سعيد واقف متحير ؟
    - (وهو يشير بنفس مقطوع نحو شقته) : الشقة مقفولة والمفتاح جوه مع (عواطف)
    - طيب ما تكورك ليها !
    - لا .. لا .. ما أصلو هى قاعده محننة
    - ويعنى شنو؟ ما تخليها تطلع الحنة و تجى تفتح ليك
    - كيفن تجى تفتح ليا أكان جات فتحت ليا حنتا ما بتبوظ ! قالت ليا إنتظر الحنة لامن تشيل و(أخرتا) حتين أجى أفتح ليك !
    - وأنت هسه قاعد راجى حنة عواطف لامن تشيل ليك بعد ساعتين ؟
    - ساعتين شنو؟ فى أقل من ساعة ح تشيل .. دى أصلو (حنة التاج) جايبا ليها أنا (من السودان) مع الشاف والطلح والمحلبية (نمرة واحد) أصلية (ميسو) … أنا حاجات (عواطف) دى ما بلعب فيه كلو كلو!

    - طيب خلاص وكت ما عايزا (تفرتق) حنتا تعال أطلع معاى فوق فى الشقه لحدت ما (حنتا) تشيل وتطلعا وتفتح ليك الباب !
    وطلع معى (سعيد) إلى شقتى وهو يحمل (البطيخة) وكل تلك الأكياس والأوراق والصحف وما أن جلسنا ورأى علامات الإندهاش على وجهى حتى بادرنى قائلاً :
    - كل حاجه ولا بشتنت عواطف دى .. أنا عاوزا لمن تمشى عرس ناس سعاد بت بابكر بعد بكرة النسوان ديل لمن يتضايرن
    - هى لاكن .. أنت كده الوقفه البره دى عليك ما حارة ؟
    - لا حارة ولا حاجة أنا كل شئ ولا زعل عواطف دى .. لازم حنتا دى تطلع سمحه وذى سواد الليل !

    رفض (سعيد) رفضا قاطعا مبدأ ان يتناول معى طعام (الغداء) قائلا لى :
    - عواطف دى لو أنا ما أكلت معاها ما بتاكل !
    إنقضت حوالى ساعة من الزمان كان يحدثنى فيها (سعيد) عن علاقته الحميمة مع زوجته (عواطف) وكيف أنه حريص على تجنب (زعلها) ودائم العمل على إرضائها كما عرج على موضوع (حنة عواطف) وكيفية إختيارها (للنقشات) وعدد (الحنانات) اللواتى كن يقمن بعملية رسم الحنة لها فى السودان وإختياره للنوع الجيد من (الطلح) والشاف من شاطئ (أبوروف) وأخذه معه (صحبت راكب) فى الطائرة وبعد أن إستمعت له قلت له مندهشاً :
    - ياخ معقول فى راجل بيهتم بالحاجات دى كده !
    - كيفن ما أهتم ؟ دى (عطوفه) ياخ !
    - طيب قوم شوف (عطوفه) بتاعتك دى (حنتا شالت) !؟ عشان تدخل المأوراق والملفات الشايلا ليك ساعتين دى !
    خرجت مع (سعيد) وهو يحمل الذى إتكأ مرة أخرى على الأنبوبه وقال مخاطبا (عواطف) فى رقه زأئدة :
    - عواطف .. عواطف .. حنتك ما شالت؟
    - (جاءه الرد سريعا فى حده) : ياخى كرهتنا الحنة ذاتا .. ما قلنا ليك لسه ما شالت !
    أحمر وجه سعيد وإصفر ثم إحمر مرة أخرى ونظر لى مبتسماً وهو يقول :
    - عواطف دى مرات كده عندها عصبية زياده شوية !

    روايةدكتور سجيمان:

    لقيتو قاعد جنب باب الشقة حقتو.. جنبو أنبوبة غاز.. متفن في واطة الله.. سلمت عليهو.. إزيك يا أخينا.. مالك قاعد هنا؟.. عاين لي.. وهو يأشر بإيدو للشقة.. وقال الشقة مقفولة وأنا ما عندي مفتاح.. المفتاح جوا.. أصلها عواطف قاعدة جوا.. لكن متحننة.. وما دايرة تقوم تحوم وتخرب حنتها.. قالت لي انتظر لحدي ما الحنة تشيل.. وأخرتها.. وبعدين أجي أفتح لك الباب.. أهه أنا حسي قاعد وراجي الحنة تشيل.. لكن يا جنى الحنة بتشيل في كم ساعة؟.. عاينت ليهو.. وحقيقة شفقت على هذا الزوج الأليف.. الوديع.. الذي أبدع الفكي بتاع عواطف.. في أن يخلق منه نعجة.. وقلت ليهو.. والله يا أخينا شيل الحنة ومدتو بيعتمد على عوامل كتيرة.. لكن أهمها.. نوع الحنة.. نوع المحلبية أو الصبغة.. وأهم حاجة كرعين المرا المتحننة.. كل ما كانن ناعمات.. الملمس.. كل ما كانت المدة أطول.. وبرضو بتعتمد إذا كانت الحنة منقوشة.. ولاّ.. مفروشة ومجلوطة ساكت.. وبرضو طبقات الحنة.. ليها دور.. انتهيت من نضمي وعاينت ليه.. لقيتو الهم باين على وشيهو.. وعلى وشك أن يذرف الدمع السخين.. قال لي.. تعرف الحنة نمرة واحد جايانا مخصوص من الدامر.. والمحلبية ميسو الأصلية.. ما قاعدة تستعمل صبغة عندها حساسية الله يحفظها من عين الناس.. وبطن كرعين عواطف صلاتي على النبي.. جضوم ليلى علوي وداخلات في سفنجة.. يعني بي نضمك دا حنتها عشان تشيل دايرة لها تلاتة ساعات.. وأنا ماشي الشغل.. كيف الحل؟.. قلت ليهو.. طيب يا أخي كلمها.. وخليها تفرتق الحنة وتقوم تفتح لك الباب.. عاين لي وبانزعاج وغضب.. نهرني لمن نطيت.. يا زول إنت ماك نصيح..؟ داير حنتها تخرب.. وتطلع شينة.. والنسوان يقعدن يقارصن ويتونسن فيها؟.. يا أخوي كل شيء ولا زعل عطوفتي دي.. إن شاء الله يرفدوني.. بس هي حنتها تطلع سمحة.. واتلفت على باب الشقة وقعد يكورك.. يا عواطف.. عواطف.. ما شالت؟.. وجاء صوت من الداخل.. وكأنو صوت عسكري في الحركة.. وبحدة شديدة.. قالت ليهو.. ما قلنا لك لسه.. كرهتني الحنة ذاتها يا أخي.. زولي هنا.. قعد يبلع في ريقو.. ويضاحك.. وعاين لي وقال.. والله.. الله يهديها بس.. عصبية خلاص.. إلا طيبة.. والله.. وحنينة.. لملمت بعضي.. ونزلت وأنا ما مشيت تلاتة خطوات إلا وأسمع أخونا يغني.. ويدندن الزول السمح... فات الكبار والقدرو
    قفل الباب:-
    ختت ايدها فوق ايديّ انجذبت
    خِدرت حبيت أمشي من كُتر الطرب ما قدرت
    بقت الحنة بين ايديّ وايديها اندرت
    لولا الحنة بيني وبينها كنت ودرت
                   |Articles |News |مقالات |بيانات

04-07-2010, 11:23 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: mamkouna)



    ممكونة ازيك
    شفتي البقت علي؟
    بشبلو حفي ويقولو لي سرقتو؟؟؟؟ ههههههههههههه
    عايتو ناس الزمن دا حليلنا منهم....



    Quote: كامل تضامني مع عواطف ;)


    عواطف يومن اسود الاتحننت فيهو...... انتي عارفة يا ممكونة عواطف دي اتحننت قبال تجي انتي هنا....وتاني يخربا!!!!
                   |Articles |News |مقالات |بيانات

04-07-2010, 11:43 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)


    حيدر ازيك.....
    الموضوع الفكرة... ! وحقو ترجع لتاريخ المقال في مكتبتي...
    ويعدين يا حيدر انت في شي انا ما مشيت خليت راجل عواطف جنب خشم الباب باقي لي يكون في السبعة سنين دي مشى وجاب لو بتيخة وجا واها لاقاهو شيخ الفاتح... لكن المحيرني عواطف دي تكون متحننة وخاتا حنتا سبع سنوات!؟.... غايتو شي يمخوّل
                   |Articles |News |مقالات |بيانات

05-07-2010, 00:49 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)



    واضح جداً انو الفاتح جبرا عجبتو قصة عواطف السجيمانية و قام زاد ليها توم و شمار!
    "راجل عواطف جبرا بيلعب ويست , بيعمل البيعملو لعطوفة من باب الريدة فقط ( حقت سجيمان كاتباهو عند فكي ) , يشوف حاجة سمحة يتمناها ليها , كاسيها تياب و محفلا دهب , يقعد يحرسا في الباب , ما ياكل الا هي جنبو , بيختار نقشات حنتا و كدا يعني"

    لكن في اختلاف جوهري ...

    حنة عواطف جبرا ...حنة التاج الممتازة
    و حنة عواطف سي جي...نمرة واحد من الدامر
    ..... جبرا كتٌر المحلبية !


                   |Articles |News |مقالات |بيانات

05-07-2010, 08:27 AM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: mamkouna)



    ممكونة.... تعرفي لو الفاتح وناسحكايات.... كتبو تنوبه انها دي ما عواطف اللت سجيمان.... كانو مرقو من اللوم
                   |Articles |News |مقالات |بيانات

05-07-2010, 10:18 AM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    Quote: ممكونة.... تعرفي لو الفاتح وناس حكايات.... كتبو تنوبه انها دي ما عواطف اللت سجيمان.... كانو مرقو من اللوم


    لحين وضوح الخيط الأبيض من الأسود بقدوم أستاذنا جبرة
    هل كانت صحيفة حكايات علي دراية بملابسات المقال المعني حين نشره أم أن التركة الثقيلة تقع علي كاهل جبرة وحده حتي الان
    أ/وجدي الكردي لديه حساب هنا نتمني منه الحضور والتوضيح
                   |Articles |News |مقالات |بيانات

04-07-2010, 11:33 PM

طيفور
<aطيفور
تاريخ التسجيل: 17-08-2002
مجموع المشاركات: 1666

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)




    حسبما اذكر أن هذه المقالة نشرت في موقع سودان دوت نيت باسم سجيمان (دكتور عادل الصادق) منذ زمن بعيد
    وقبل اعادة نشرها هنا في العام 2003 والذي يؤسف له ان سودان دوت نيت لا يحتفظ بسجل مفتوح للاعمال القديمة
    ولكن بمراجعة الاخ معاز عطا السيد يمكن الحصول على بعض المراجع على اية حال فان الدكتور عادل (سجيمان)
    حتى الان يملك سجلا موثقا للنص هنا ,, عليه فالفاتح جبرا متهم بسرقة النص وتجييره لصالحة حتى يثبت العكس ...
    ونحن في الانتظار


                   |Articles |News |مقالات |بيانات

04-07-2010, 11:40 PM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46519

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: طيفور)

    Quote: ولكن بمراجعة الاخ معا عطا السيد يمكن الحصول على بعض المراجع على اية حال فان الدكتور عادل (سجيمان)
    حتى الان يملك سجلا موثقا للنص هنا ,, عليه فالفاتح جبرا متهم بسرقة النص وتجييره لصالحة حتى يثبت العكس ...
    ونحن في الانتظار
                   |Articles |News |مقالات |بيانات

04-07-2010, 11:49 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: طيفور)





    اي يا طيفور.. اتظكر المرا دي اول حاجة ختت الحنة في سودان نت.. حتين بعدين جات طبقتا هنا....


    Quote: حسبما اذكر أن هذه المقالة نشرت في موقع سودان دوت نيت باسم سجيمان (دكتور عادل الصادق) منذ زمن بعيد
    وقبل اعادة نشرها هنا في العام 2003
                   |Articles |News |مقالات |بيانات

05-07-2010, 01:48 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    نحن ما بنعرف الماركة المسجلة؟

    القصة سجمانة من قولة تيت ... الفاتح جبرا شن قدّرو على جنس السجم دا ...

    (تحيتنا يا دكتور عادل ... واختيار أبيات "ابوصلاح" موفق جداً)







    ... المهم ....
                   |Articles |News |مقالات |بيانات

05-07-2010, 03:59 AM

خالد العبيد
<aخالد العبيد
تاريخ التسجيل: 07-05-2003
مجموع المشاركات: 21529

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: تبارك شيخ الدين جبريل)

    قرأت الموضوع في عام 2003 باسم سجيمان هنا
    وكنت في ذاك الزمن برلوم في المنبر
    كنت في السعودية .. اسكن مع صديق اسمه مجدي
    مجدي طبع الموضوع وكنا نقرا فيه باهتمام
    اذكر ان مجدي قال لي :
    سجيمان ده ممكن يكون صلاح السعدني السوداني !
    وانتهى الحوار
                   |Articles |News |مقالات |بيانات

05-07-2010, 07:01 AM

معاذ حسن
<aمعاذ حسن
تاريخ التسجيل: 14-11-2006
مجموع المشاركات: 3304

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: خالد العبيد)

    نعمل للمقال تحليل الـ DNA
                   |Articles |News |مقالات |بيانات

05-07-2010, 10:43 AM

حاتم شناب
<aحاتم شناب
تاريخ التسجيل: 12-11-2008
مجموع المشاركات: 1031

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: معاذ حسن)

    Quote: نعمل للمقال تحليل الـ DNA

    معقولة دي
                   |Articles |News |مقالات |بيانات

05-07-2010, 12:00 PM

الفاتح يوسف جبرا
<aالفاتح يوسف جبرا
تاريخ التسجيل: 31-10-2006
مجموع المشاركات: 1617

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: معاذ حسن)

    الأحباء الأعزاء
    التحايا والود

    منذ صباح اليوم الباكر لم ينقطع رنين هاتفى مستقبلاً عدداً مهولا من المكالمات تحكى لى عما تتداوله الأسافير عن موضوع حنة عواطف ..
    موضوع وفكرة المقال هو حكاية وطرفة (شائعة) كانت تتناولها وتتداولها المجالس حينما كنا فى مدينة الرياض فى ثمانينات القرن الماضى لم أفعل غير أننى قمت بإعادة صياغة أحداثها وشخوصها فى القالب الذى قرأه القراء وتم نشر المقال للمرة الأولى بصحيفة الخرطوم عندما كانت تصدر فى القاهرة (1997) وكنت أكتب فيها حينها بصورة راتبة .. وقد تم إعادة نشر المقال بصحيفة السودانى (2006) .. ثم أعيد نشره بصحيفة الرأى العام(2008) .. ثمأعيد نشره أيضاً بصحيفة حكايات (2009).. (يعنى المقال نشر فى 4 صحف مختلفة فى 4 أزمان مختلفة) كما تناقلته المواقع الإليكترونية (عند إعادة نشره بالصحف) شأن معظم مقالاتى.. وبنفس العنوان... وبعد كل هذا لم يره الأخ الدكتور سجيمان حتى (تاريخ الأمس) حينما قام بنشر (المقال)على موقعه وعلقت عليه إحداهن بأن ذات الفكرة سبق أن تناولها (الفاتح جبرا) فشرع فى توجيه الإتهام (كشئ طبيعى)لشخصنا الضعيف الذى يربأبنفسه أن يقوم بهكذا مسلك كما يربأ كذلك عن الدخول فى أى (مهاترات) كانت من أى نوع .

    كسرة :
    لمن أورد مسألة(الأنبوبة) فقد تعددت الروايات حينها فمن كان يقول بأن بطل القصة كان يحمل بطيخة ومن كان يقول بأنه يحمل أنبوبة ومن كان يقول بانه يحمل أشياء ثقيلة أخرى كناية على أنو كان ممكون ويبدو أننى كنت متردداً باى رواية أعيد صياغتها ..

    كسرة تانية :
    لا أقول أن الأخ سجيمان قد (إقتبس مقالى) كما إتهمنا بذلك لكن يبدو انه إستمع للقصة كما إستمعنا لها حينها وقام بصياغتها فى العام 2003!!!

    كسرة تالتة :
    للأخ الدكتور سجيمان كامل الحق فى التقدم للجهات المعنية متظلماًأن كان يرى بأننا قد تغولنا على حقه الأدبى !
















    (عدل بواسطة الفاتح يوسف جبرا on 06-07-2010, 07:48 AM)
    (عدل بواسطة الفاتح يوسف جبرا on 06-07-2010, 08:02 AM)

                   |Articles |News |مقالات |بيانات

05-07-2010, 12:21 PM

Barakat Alsharif

تاريخ التسجيل: 08-06-2010
مجموع المشاركات: 1253

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)

    Quote: الحل هو أن يأتينا الفاتح جبرا بتاريخ اقدم من 2003


    جاء الأستاذ الفاتح جبرا بالتاريخ المطلوب وهو 1997، ولكن بما أن النكتة شائعة ومتداولة منذ الثمانينات كما أشار الأستاذ الفاتح فهي قد اصبحت وكأنها (تراث) يستطيع اي كاتب تناولها من وجهة نظره، والأستاذ الفاتح نفسه اوضح بجلاء انها ليست من بنات افكاره،أما ابداعه فيها ينحصر في الصياغة الساخرة التي اتشهر بها، لكن يمكن المقارنة بين النصين لرؤية إن كان سجيمان قد نقل جملا بكاملها من الأستاذ الفاتح (أو ما يسمى وقع الحافر على الحافر) أم أنه صاغها بطريقته الخاصة..وبمقارنة النصين تنتفي فكرة سرقة العبارات وخلاصة القصة ان القارئ السوداني استفاد روايتين لحدث واحد كما كان شعراء الحقيبة يتغنون بقصيديتين في لحن واحد

    (عدل بواسطة Barakat Alsharif on 05-07-2010, 12:30 PM)

                   |Articles |News |مقالات |بيانات

05-07-2010, 12:37 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Barakat Alsharif)

    مشكور الاستاذ جبرة علي حضورة ودي المحرية فيه
    لي رجعة بعد ماافك في اليدي
                   |Articles |News |مقالات |بيانات

05-07-2010, 12:42 PM

معاذ الهادي
<aمعاذ الهادي
تاريخ التسجيل: 24-04-2010
مجموع المشاركات: 1034

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Barakat Alsharif)

    كبير يا جبرا كما عهدناك......
                   |Articles |News |مقالات |بيانات

05-07-2010, 12:48 PM

Osama Siddig
<aOsama Siddig
تاريخ التسجيل: 08-10-2006
مجموع المشاركات: 806

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: معاذ الهادي)

    الفاتح جبرا و سـجيمان

    أكتفى بالقول " لكليكما التحية و الاحترام"
                   |Articles |News |مقالات |بيانات

05-07-2010, 01:21 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)


    الحمد لله الجيت يا شيخ الفاتح....
    لقد اقمت بالسعودية من العام 85 الي الغام 2005 وصلت وجلت فيها..ما لافاني زول حكا لي عن حنة اختنا عواطف دي.....!!!!


    Quote: وتم نشر المقال للمرة الأولى بصحيفة الخرطوم عندما كانت تصدر فى القاهرة (1997) وكنت أكتب فيها حينها بصورة راتبة


    اوكي يا ريت تثبت االنضمم دا.... والحمد لله التكنلوجيا ما خلت شي....وانت سيد العارفين .... واستاذ كمبيوتر...عشان ترتاح وتثبت حقك....... وفي التكنلوجبا فوق كل ذي علم عليم
    ولو اصلو نضم انا كتبتها.... سنة 1960 في جريدة السودان الجديد!!(مع اني ما كتبتها ولا حاجة).... حفبفة انا اول مرة كتبتها في العام 2003 وهو موثق وموجود في سودانيزونلاين...
    با رااااجل!!!


    اما التواريح ما بعد 2003.....دا النضم زااااتو...... ااي تاريخ.... بعد دا ... يكون فيهو النضم....




    Quote: لمن أورد مسألة(الأنبوبة) فقد تعددت الروايات حينها فمن كان يقول بأن بطل القصة كان يحمل بطيخة ومن كان يقول بأنه يحمل أنبوبة ومن كان يقول بانه يحمل أشياء ثقيلة أخرى كناية على أنو كان ممكون !


    يا راااااجل.... انت اعدت صياعة الرواية.... كان ممكن تثبت علي شي.. يا البتيخة يا الانبوبة؟.....البتيخة اقرب,,,,. لا لا دي دقيسة منكم

    شيخ الفاتح بصراحة عندي احساس انك ورطوك في الموضوع دا لا ايدك لا كراعك.....



    بدون اي كسرات

    لو كان اثبات الحق مهاترات فانا لها

    اما الشكوى فلابد منها
                   |Articles |News |مقالات |بيانات

05-07-2010, 03:00 PM

حاتم شناب
<aحاتم شناب
تاريخ التسجيل: 12-11-2008
مجموع المشاركات: 1031

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    Quote: نعمل للمقال تحليل الـ DNA
                   |Articles |News |مقالات |بيانات

05-07-2010, 03:02 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    Quote: موضوع وفكرة المقال هو حكاية وطرفة (شائعة) كانت تتناولها وتتداولها المجالس حينما كنا فى مدينة الرياض فى ثمانينات القرن الماضى
    أ. الفاتح

    Quote: اقمت بالسعودية من العام 85 الي الغام 2005 وصلت وجلت فيها..ما لافاني زول حكا لي عن حنة اختنا عواطف دي.....!!!!
    د. سجيمان

    Quote: وتم نشر المقال للمرة الأولى بصحيفة الخرطوم عندما كانت تصدر فى القاهرة (1997) وكنت أكتب فيها حينها بصورة راتبة ..
    أ. الفاتح

    Quote: حفبفة انا اول مرة كتبتها في العام 2003 وهو موثق وموجود في سودانيزونلاين...
    د. سجيمان


    ـــ
                   |Articles |News |مقالات |بيانات

05-07-2010, 04:37 PM

عمر سعد
<aعمر سعد
تاريخ التسجيل: 31-05-2007
مجموع المشاركات: 2468

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عصام دهب)

    الاخ صاحب البوست

    ياخى شن جاب لى جاب

    لك التحيه
                   |Articles |News |مقالات |بيانات

05-07-2010, 05:03 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عمر سعد)

    Quote: وتم نشر المقال للمرة الأولى بصحيفة الخرطوم عندما كانت تصدر فى القاهرة (1997)


    أها ... فضل الله محمد ... أو من ينوب عنه ... تأكيد أو نفى المعلومة ... المصدر مشكوك فى مصداقيته ومتهم بسرقة حقوق تأليف قصة قصيرة (وسجمانة) ...

    أى زول من قرّاء جريدة الخرطوم ... سلمى الشيخ سلامة ... نادية عثمان ... الناس الإشتغلوا فى صحيفة الخرطوم ... أخواننا المصريين (يكون لفّوا ليهو سندويتش فول بى الجريدة!) ....

    أىّ زول ...

    (عادةً يا أستاذ الفاتح جبرا ... الناس بتأرشف كتاباتها بنفسها ... فلو عندك صورة للجريدة برضو ينفع ... لأنو موقفك بطّال!)








    ... المهم ....
                   |Articles |News |مقالات |بيانات

05-07-2010, 06:27 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عمر سعد)

    عمر

    لم أفهم ماترمي اليه
    لك التحايا برضو







    المهم*






    ________________________________
    *الحقوق محفوظة لي تبارك
                   |Articles |News |مقالات |بيانات

05-07-2010, 05:31 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عصام دهب)

    Quote: Quote: موضوع وفكرة المقال هو حكاية وطرفة (شائعة) كانت تتناولها وتتداولها المجالس حينما كنا فى مدينة الرياض فى ثمانينات القرن الماضى

    أ. الفاتح


    Quote: اقمت بالسعودية من العام 85 الي الغام 2005 وصلت وجلت فيها..ما لافاني زول حكا لي عن حنة اختنا عواطف دي.....!!!!

    د. سجيمان


    Quote: وتم نشر المقال للمرة الأولى بصحيفة الخرطوم عندما كانت تصدر فى القاهرة (1997) وكنت أكتب فيها حينها بصورة راتبة ..

    أ. الفاتح


    Quote: حفبفة انا اول مرة كتبتها في العام 2003 وهو موثق وموجود في سودانيزونلاين...

    د. سجيمان



    شكرا يا دهب علي الاقتباسات
    أتي د. سجيمان بدليله الرجاء من أستاذنا الفاتح ارفاق دليل يؤكد نشرها في 97
    أكد أ/ الفاتح أن الحكاية تروى في أوساط السودانيين بالمهجر في ثمانينات القرن الماضي مع نفي د. سجيمان لذلك

    بورداب المملكة الرجاء ادلاء دلوكم في الامر خصوصا ناس الرياض
                   |Articles |News |مقالات |بيانات

05-07-2010, 05:31 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عصام دهب)
                   |Articles |News |مقالات |بيانات

05-07-2010, 05:36 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: أكد أ/ الفاتح أن الحكاية تروى في أوساط السودانيين بالمهجر في ثمانينات القرن الماضي مع نفي د. سجيمان لذلك


    النكتة هينة ..

    فى الأول نستوثق من ادعاء المقال المنشور ...









    ... المهم ....
                   |Articles |News |مقالات |بيانات

05-07-2010, 07:59 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: تبارك شيخ الدين جبريل)

    Quote: لنكتة هينة ..

    فى الأول نستوثق من ادعاء المقال المنشور ...
                   |Articles |News |مقالات |بيانات

05-07-2010, 08:13 PM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17119

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: تبارك شيخ الدين جبريل)

    معا من اجل تصحيــح المــســار ... بروح الحوار الموضوعــى المفضــى الى انتاج اليــه

    من اليات المجتمع المدنــى للتبشير بمفاهيم الملكية الفكرية ومحاربة السرقات الادبيــة

    بمشاركــة مجتمعية واسعــة ...مع الاهتمام اكثر بالنشــر الالكترونـى لصعوبة الرقابة على

    مخرجاتـه ومنتوجاتــه فى شتى المجالات ..


    Re: السرقة الأدبية مابين سجيمان والفاتح جبرا (معقولة بس )




    سيد البوســت ( السلام عليكم ) ...

    التجربة الاهلية الكويتية لم تستثنــى احد كبير / صغير / اديب / شاعر / قاص / صحفــى

    فلنهتدى بتجربتهــم ...
                   |Articles |News |مقالات |بيانات

08-07-2010, 07:52 AM

Mohammed Kaddam
<aMohammed Kaddam
تاريخ التسجيل: 17-03-2008
مجموع المشاركات: 136

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    حليلك بتسرق حكاية ورواية
    تخيل في غيرك بيسرق .......
    انت يا ابوذر لسة كلوتك بتوجعك

    يا اخوانا الجودية
    احنا السرقات الكبار ما بنتكلم فيها
    لانو العاقل من اتعظ بابو ذر
    اما السرقة دي فلا مناص من قطع يدي السارق من خلاف
    قصاصاً لا تعذيراً
    الاستاذ سجيمان التسمية ما قامت منو
    جاتو مربوطة فاستشعر الخطر وقام سماها عشرة
    وهو عندو سبعة اتو من 2003
    اها عمنا جبرة قام جاري وقال 13
    تاني قام قال لا دكوها
    عشان ندكوها الا يكون عندو تمنية اتو ولا اكتر 2002 فما فوق
    واسألو راجل عواطف ذاتا ما خبير وست
    ولا الراي كيف
                   |Articles |News |مقالات |بيانات

05-07-2010, 08:07 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: خالد العبيد)



    خالد العبيد

    Quote: كنت في السعودية .. اسكن مع صديق اسمه مجدي
    مجدي طبع الموضوع وكنا نقرا فيه باهتمام


    اها با خالد في ضمتك دي ( وبشبر المجنى عليه الي حلقوم الشاهد)..النكتة دي في قعادك الفي السعودية الكتة دي عترت لك؟........
                   |Articles |News |مقالات |بيانات

05-07-2010, 08:42 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    صراحة حينما قرأت هذا الموضوع لم أكن من متابعي سودانيز أون لاين ..

    و كنت قرأته في نسخته التي كتبها د. سجيمان ـ بإفتراض وجود نسخة أخرى ـ بعد أن أحضرتها شقيقة زوجتي لي مطبوعةكان ذلك تقريبا في 2004م ..

    و مع إحترامي الأكيد للأستاذ الفاتح فقد كنت من متابعي صحيفة الخرطوم في فترة صدورها خارج السودان و خاصة صفحة ( وطن الإبتسامة) الساخرة والتي كان و التي كان يمكن نشر ذلك الموضوع عبرها لطبيعته الساخرة ، لكن لا أذكر انني قرأت هذا الموضوع و بالتأكيد لا يعني ذلك ان الموضوع لم ينشر فآمل من الاستاذ الفاتح حسم هذ الأمر بالاشارة لعدد الجريدة و تاريخ صدوره و حتما سيكون موجودا في الارشيف و بذلك ننهي هذا الجدل .

    (عدل بواسطة عصام دهب on 06-07-2010, 09:46 AM)

                   |Articles |News |مقالات |بيانات

05-07-2010, 10:19 PM

الفاتح يوسف جبرا
<aالفاتح يوسف جبرا
تاريخ التسجيل: 31-10-2006
مجموع المشاركات: 1617

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عصام دهب)

    الأعزاء الأكارم
    إلى عهد قريب كنت أحتفظ بالصحف التى بها مقالاتى قبل أن أتخلص منها جميعها بعد أن اصبح المنزل يضيق بها وأصبحت أكتفي بوجودها على جهاز الحاسوب .. أرجو من الأخ الدكتور عادل (مشكوراً) أن يجيبنى على السؤال الذى ورد فى مداخلتى :
    Quote: وتم نشر المقال للمرة الأولى بصحيفة الخرطوم عندما كانت تصدر فى القاهرة (1997) وكنت أكتب فيها حينها بصورة راتبة .. وقد تم إعادة نشر المقال بصحيفة السودانى (2006) .. ثم أعيد نشره بصحيفة الرأى العام(2008) .. ثمأعيد نشره أيضاً بصحيفة حكايات (2009).. (يعنى المقال نشر فى 4 صحف مختلفة فى 4 أزمان مختلفة) كما تناقلته المواقع الإليكترونية (عند إعادة نشره بالصحف) شأن معظم مقالاتى.. وبنفس العنوان... وبعد كل هذا لم يره الأخ الدكتور سجيمان حتى (تاريخ الأمس) حينما قام بنشر (المقال)على موقعه وعلقت عليه إحداهن بأن ذات الفكرة سبق أن تناولها (الفاتح جبرا) فشرع فى توجيه الإتهام ؟؟)


    والسؤال الأهم والذى يحتاج إلى إجابة مقنعة هو :
    كل كتاب الأعمدة والمقالات بالصحف خاصة ممن يتعاملون مع الإنترنت وتنشر لهم المواقع (وأنا منهم) ما أن ينشر لأحدهم مقال حتى يقوم بين الفينة والأخرى بتتبعه ومعرفة ردود فعل القراء والمواقع تجاهه وذلك بكتابة (إسم المقال) فى محرك البحث (قووقل) .. السؤال لأخينا الدكتور عادل هوأين كان طوال هذه الفترة وقبل الإتهام :

    هنا بإسم المقال :

    http://www.google.com/search?hl=en&source=hp&q=%22%D8%A...i=&aql=&oq=&gs_rfai=

    وهنا متبوعاً بإسم الكاتب :

    http://www.google.com/search?hl=en&q=%22%D8%AD%D9%86%D8...i=&aql=&oq=&gs_rfai=

    كل هذه السنوات وكل هذا الإنتشار الأسفيرى .. ولم يخبرك أحد(بحنة عواطف) ولم يقابلك فى بحثك عن مقالاتك فى النت مقالى هذا؟ لماذا تحديداً بعد أن تم إتهامك ؟؟

    كسرة :
    إن تعثر الحصول على عدد الصحيفة المعنى فأرجوإلا تتعسر إنت فى الإجابةعلى هذه الاسئلة أخى سيجيمان !
                   |Articles |News |مقالات |بيانات

05-07-2010, 11:56 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)



    استاذ الفاتح
    بصراحة انا لست من قرائك..لاتتبع مقالاتك....افسم بالله العظيم!. اها في داعي للاحراج دا؟ الواحد تدخلوهو في ضفورو...( يعني ممكن القى ورقة طائرة من حكايات او اي صحيفة او ينبهني احدهم لمقال لاخذ رائيي ..... كخبير ساخر يمول فقراء السخرية..) لكن اتحزم واتلزم واربط جلابتي في نصي واقعد احفر في قوقل كايس لمقالاتك ؟.... اوعك من دي!!!! والله االعظيم مرة تانية( الزول دا حليفتو مالا كترت كدي؟) ..... ووحات الشيخ الجعلي ان ما عجبك كمان!!....برضو والله ما قاعد اكوس لي مقالاتي علا يحدسوني بيها.. وبلقاها كاتبين اسمي فيها.. براك الله فيهم.....

    ومقالي المسلوب هذا لو لم تنبهني اليه فارئة لما انتبهت له ليوم القيامة للسبب اعلاه...... نحن يا الفاتح يا اخوي شلاقة بعض القراء بتخلينا ندقس؟ الواحد ان دفس ينهزوهو من دقستو ... واوعدك انني سوف اكون من فرائك..وباثر رجعي ....
    وقراء (حكايات الغراء) باصر رجعي برضو! مع تحياتي للاستاذ وجدي!!!!!!!!!!!...


    اما ما اتيت به من روابط لا تغني ولا تسمن من جوع طالما هي بعد ولادة مقالي المسلوب!!!!!! ان مليت لي الانترنت دا لي اضنيهو روابط ....

    ما زلت والقراء في انتظار دليل كدليلي الموجود في سودانيزونلاين والفيهو اني كتبت مقال الحنة.....في تاريخ 17-7-2003 الساعة 17:5 صباحا... وما بكضب اقول كتبتو قبال كدي عشان الكضب حرام....االمزعلني يا الفاتح انبوبة الغاز القاعدة تتقلبن دي..مرة انبوبة ومرة بتيخة.....

    يا راااااااااجل!!!!!!

    وانا وراء حقي
                   |Articles |News |مقالات |بيانات

06-07-2010, 00:19 AM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)



    الفاتح اخوي
    والله بعد ما مشيت علي عنقريبي داير انوم..... هميت لي حكاية جرايدك الشرطهن دي... انت يا الفاتح عشان تقبضني امشي لي ناس جريدة الخرتوم.... قطع شك بيكونو محتفظين بي جرايد الفترة ديك.. وخاصة ديك فترة مهمة في تاريخ السودان وهم كانو في القاهرة ومعارضة وعيك وعوك... ( يا اخي انت زاتك اتلومتا الناس يعاارضو وانت تنضم في حنة عواطف) المهم امشي لهم وقطعا يلقو لك العدد الفيهو الحنة دا....عليك الرسول من الله خلقك لاقاك حرامي عديل وطيب زيي كدي يساعد الزول عشان يقبضو؟؟... لكن والله انا خايف من الله..ان ما اتقبضتا ما برتاح......
                   |Articles |News |مقالات |بيانات

06-07-2010, 00:22 AM

خالد العبيد
<aخالد العبيد
تاريخ التسجيل: 07-05-2003
مجموع المشاركات: 21529

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    Quote: اها با خالد في ضمتك دي ( وبشبر المجنى عليه الي حلقوم الشاهد)..النكتة دي في قعادك الفي السعودية الكتة دي عترت لك؟........

    ابدا يا سي
    اصلو ما سمعتها
    ويا قولك اضاني طرشا
    لكن سمعت واحدات تانيات
    كان قلتها ولا كتبتها بكري برفدني من المنبر ده!!
                   |Articles |News |مقالات |بيانات

06-07-2010, 00:37 AM

mohamed osman bakry

تاريخ التسجيل: 02-12-2003
مجموع المشاركات: 1539

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: خالد العبيد)

    الإشكال ده ما يتحلا علا تجيبو راجل عواطف
                   |Articles |News |مقالات |بيانات

06-07-2010, 04:44 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: mohamed osman bakry)

    Quote: بعد أن اصبح المنزل يضيق بها وأصبحت أكتفي بوجودها على جهاز الحاسوب


    يمشى برضو يا استاذ الفاتح ... من الحاسوب (دا لو ما عندك كمبيوتر) جيب لينا نشوف ...

    مش الحاسوب اخرنق برضو؟









    ... المهم ....
                   |Articles |News |مقالات |بيانات

06-07-2010, 05:14 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11864

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: mohamed osman bakry)

    سلام يا شباب
    انا اميل لمقولة ان هناك قصة متواترة عن هذا الموضوع في السعودية تحديداً
    حدثت لي قصة مشابهة (انا ما راجل عواطف) في حوالي عام 92-93 في الدمام
    عدت من العمل وكانت زوجتي متحننة وقافله الباب من الداخل
    وكنت دايما بوصيها لامن تقفل الباب تطلع المفتاح
    دقيت الجرس براااحة
    المرة الاول طنشتني
    قلقت ودقيت الجرس شديييد
    جات وفتحت الباب ولقيتها مدخلة رجليها في كيس نايلون ومعفصة حنتها
    وطبعا ما كان في طريقة تكورك لانو الغرفة بعيدة من الباب وما كان في جوالات

    اذكر في مساء نفس اليوم او اليوم التالي كنا مع جيرانا وحكت ليهم حكاية الحنة بتاعتها
    جارتنا حكت قصة شبيهة بقصة (راجل عوطف) وبصراحة لا اذكر الاسم ولا التفاصيل لكن الثابت في القصة انو الراجل دهـ انتظر لحدي ما الحنة شالت

    تحياتي للجميع
                   |Articles |News |مقالات |بيانات

06-07-2010, 06:01 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الشفيع وراق عبد الرحمن)

    معليش يا الشفيع ...

    ما تقص لينا لغاية ما نشوف النسخة الفى الحاسوب ...











    ... المهم ....
                   |Articles |News |مقالات |بيانات

06-07-2010, 06:12 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11864

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: تبارك شيخ الدين جبريل)

    (تقص) دي من المقص ولا القصة يا تبارك

    صباحك خير

    انا والله ما داخل (فزعة)
    وقسم بالله لا اعرف هذا ولا ذاك
                   |Articles |News |مقالات |بيانات

06-07-2010, 06:18 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الشفيع وراق عبد الرحمن)

    Quote: (تقص) دي من المقص ولا القصة يا تبارك

    صباحك خير

    انا والله ما داخل (فزعة)
    وقسم بالله لا اعرف هذا ولا ذاك


    تقص دى من الحريق؛ ولاّ كبرى القوات المسلحة ما عارف ..

    المعلومة فى الحاسوب ...
    حنة عواطف (النوع ابو بتيخ)
    جريدة الخرطوم (إصدار القاهرة)
    1997






    .. المهم ...
                   |Articles |News |مقالات |بيانات

06-07-2010, 06:18 AM

الفاتح يوسف جبرا
<aالفاتح يوسف جبرا
تاريخ التسجيل: 31-10-2006
مجموع المشاركات: 1617

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الشفيع وراق عبد الرحمن)

    Quote: سلام يا شباب
    انا اميل لمقولة ان هناك قصة متواترة عن هذا الموضوع في السعودية تحديداً
    حدثت لي قصة مشابهة (انا ما راجل عواطف) في حوالي عام 92-93 في الدمام
    عدت من العمل وكانت زوجتي متحننة وقافله الباب من الداخل
    وكنت دايما بوصيها لامن تقفل الباب تطلع المفتاح
    دقيت الجرس براااحة
    المرة الاول طنشتني
    قلقت ودقيت الجرس شديييد
    جات وفتحت الباب ولقيتها مدخلة رجليها في كيس نايلون ومعفصة حنتها
    وطبعا ما كان في طريقة تكورك لانو الغرفة بعيدة من الباب وما كان في جوالات

    اذكر في مساء نفس اليوم او اليوم التالي كنا مع جيرانا وحكت ليهم حكاية الحنة بتاعتها
    جارتنا حكت قصة شبيهة بقصة (راجل عوطف) وبصراحة لا اذكر الاسم ولا التفاصيل لكن الثابت في القصة انو الراجل دهـ انتظر لحدي ما الحنة شالت

    تحياتي للجميع


    الاحباب الكرام سلااام
    الأخ سيجيمان :
    إجابتك ليست مقنعة بأية حال من الأحوال وهذه الروابط ليها سنين موجودة ولم تنشأ بالأمس .. بمكنك الذهاب إلى مقر صحيفةالخرطوم وإحضار خطاب من الصحيفة يفيد بعدم وجود هذا لمقال فى أرشيف 1997 إذ أن البينة على من إدعى وهذه هى البينة وليست نشرك للبوست فى 2003 .. لأسباب كثيرة أهمها (الزمالة) أتوقف عن الخوض فى هذاالموضوع ودونك الجهات المناط بها إسترداد الحقوق إن كنت تعتقد بأن لديك حق تم التغول علية.. أكرر توقفى عن الخوض فى هذه المسألة تماماً ..
                   |Articles |News |مقالات |بيانات

06-07-2010, 07:28 AM

جمال الباقر
<aجمال الباقر
تاريخ التسجيل: 14-12-2008
مجموع المشاركات: 2136

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)

    الدكتورعادل سجيمان والبروف الفاتح جبرا وسيد البوست
    انا في رايي الخاص ان الموضوع برمته اصبح في ايجاد اثبات ان المقال تم نشره
    فى صحيفة الخرطوم عام 97 وفي تصوري انه ليس بذلك التاريخ البعيد
    نحن نحترم كتابات الاثنين بنفس الدرجة ولكن لو ثبتت السرقة الادبية فدون شك ان احترامنا للسارق
    سينتهي فذلك شيئا غير مقبول تماما

    في الانتظار
                   |Articles |News |مقالات |بيانات

06-07-2010, 07:40 AM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: جمال الباقر)

    قصه حنه عواطف هي في الأصل نكته تحكي في السعوديه
    وأذكر أنني إستمعت لهذه النكته أو القصه في منتصف التسعينات بالمملكه العربيه السعوديه

    مثلها مثل كثير من القصص أو النكت أو المواقف التي لا تعرف من صاحبها الأصلي

    وكلنا نحكي قصه الرجل السوداني الذي كان مريض بمستشفى سعودي ولم يكن له مرافق

    وعندما إحتاج لدواء طلب من سعودي أن يأخذ الروشته ويعطيها لأي سوداني ويخبره

    إن مريض سوداني يحتاج لهذا الدواء ........... إلخ

    هذه القصه تحكي للدلاله على ترابط السودانيين بالخارج

    وتجد الجميع يحكيها لكنك لن تجد أبداً من يدلك على من ألفها

    وهل هي وأقع أم خيال

    فعليه أعتقد إن ما حصل شئ من هذا القبيل
                   |Articles |News |مقالات |بيانات

06-07-2010, 07:32 AM

داليا حافظ
<aداليا حافظ
تاريخ التسجيل: 06-06-2008
مجموع المشاركات: 5055

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)

    Quote: موضوع وفكرة المقال هو حكاية وطرفة (شائعة) كانت تتناولها وتتداولها المجالس




    أنا فعلا سمعت القصة دي سماااع ولا قريت عمود استاذ الفاتح ولا د/ سيجمان ..
                   |Articles |News |مقالات |بيانات

06-07-2010, 08:12 AM

Munir
<aMunir
تاريخ التسجيل: 11-02-2002
مجموع المشاركات: 10431

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: داليا حافظ)

    تحياتي للجميع ..
    بعد شهادة فدياس نجم الدين وداليا حافظ يتضح أن الاستاذ الفاتح نسج القصة حسب ما كانت متداولة ولم يدعِ ابتداعها .. ولا أري حوجة للفاتح بجلب الصحيفة -
    في المقابل علي أخونا سجيمان إثبات أن القصة من بنات افكاره وأنه هو من ابتدع نكتة عواطف وهو مؤلفها و أول من حكاها في السعودية ..
                   |Articles |News |مقالات |بيانات

06-07-2010, 08:21 AM

محمد علي شقدي
<aمحمد علي شقدي
تاريخ التسجيل: 25-04-2010
مجموع المشاركات: 2730

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Munir)

    Quote: لأسباب كثيرة أهمها (الزمالة) أتوقف عن الخوض فى هذاالموضوع ودونك الجهات المناط بها إسترداد الحقوق إن كنت تعتقد بأن لديك حق تم التغول علية.. أكرر توقفى عن الخوض فى هذه المسألة تماماً ..


    اتمنى ان ينأى كتاب قادرين علي الابداع امثالكم فعلا عن خلق عداء فالذهاب الي الجهات المناط بها استرداد الحقوق هو الاجدي والاكثر حفاظا ايضاعلي مالكم من احترام وتقدير عند الكثرين
                   |Articles |News |مقالات |بيانات

06-07-2010, 08:35 AM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Munir)

    Quote: سلام يا شباب
    انا اميل لمقولة ان هناك قصة متواترة عن هذا الموضوع في السعودية تحديداً
    حدثت لي قصة مشابهة (انا ما راجل عواطف) في حوالي عام 92-93 في الدمام
    عدت من العمل وكانت زوجتي متحننة وقافله الباب من الداخل
    وكنت دايما بوصيها لامن تقفل الباب تطلع المفتاح
    دقيت الجرس براااحة
    المرة الاول طنشتني
    قلقت ودقيت الجرس شديييد
    جات وفتحت الباب ولقيتها مدخلة رجليها في كيس نايلون ومعفصة حنتها
    وطبعا ما كان في طريقة تكورك لانو الغرفة بعيدة من الباب وما كان في جوالات

    اذكر في مساء نفس اليوم او اليوم التالي كنا مع جيرانا وحكت ليهم حكاية الحنة بتاعتها
    جارتنا حكت قصة شبيهة بقصة (راجل عوطف) وبصراحة لا اذكر الاسم ولا التفاصيل لكن الثابت في القصة انو الراجل دهـ انتظر لحدي ما الحنة شالت


    الأخ منير ولا تنسى إن تستصحب معك هذه المداخله للأخ الشفيع
                   |Articles |News |مقالات |بيانات

06-07-2010, 08:59 AM

Munir
<aMunir
تاريخ التسجيل: 11-02-2002
مجموع المشاركات: 10431

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    والله ياخوي فدياس قصص .. ياخ أقول ليك كلام؟ .. تواتر القصة دي في السعودية كلام وارد جداَ ونتيجة منطقية لنمط حياة الأسرة في السعودية حيث يغلب قفل النساء في البيوت وتوصيتهم بعدم فتح الباب لأي مخلوق .. يبقي النتيجة الطبيعية إنو زي ناس عواطف ديل يقضوا اليوم كله حِنّة .. والراجل يجي ما يلقي زول يفتح ليهو الباب .. وحكاية إنو المرأة ما تفتح الباب لأنها متحننة أو نائمة أو أي شئ أكيد تكون حصلت لكثير من الناس ، فطبيعي هسة زي الشفيع ده لمن يحكي قصته في مجلس ، مليون واحد حيحكي ليهو قصة زيها حصلت ليهو..
                   |Articles |News |مقالات |بيانات

06-07-2010, 09:18 AM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Munir)

    منير

    معرفتنا بالرجلين من خلال ما يكتبان

    تجعلنا نظن وهو من حسن الظن بهما

    إنهما ليسا في حاجه ليتغول أحدهما على الآخر خصوصاً إن النص المكتوب أقرب إلى النكته الشعبيه

    وهو ليس بالنص الخارق للعاده وكلا الرجلين يملك نصوص تفوق هذا النص من حيث الجوده والإتقان

    كل ما نرجوه إن يبتعد أصحاب المديده الحاره وهواه تعكير الأجواء عن إثاره المزيد من الجدل الذي لن يفطي

    إلى شئ وأزيدك من الشعر بيت لو كتبها سجيمان أولاً ونقلها جبرا ثانيه أو العكس فهذا لا ينقص من قدرهما عندي

    مقداره خردله ..... إن ما ينقص في قدرهما في رأي هو الإستمرار في هكذا عراك ..

    يأخي كده بيخلوا لناس الفارغه والمقدوده شنو ؟؟؟؟؟؟؟؟؟
                   |Articles |News |مقالات |بيانات

06-07-2010, 10:01 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    Quote: بمكنك الذهاب إلى مقر صحيفةالخرطوم وإحضار خطاب من الصحيفة يفيد بعدم وجود هذا لمقال فى أرشيف 1997 إذ أن البينة على من إدعى وهذه هى البينة


    لا يا أستاذ الفاتح ..

    إعمال قاعدة ( البينة على من أدعي ) يعني أنك من يتوجب عليك إحضار عدد جريدة الخرطوم المعني سواء من أرشيف الجريدة أو من دار الوثائق إن تم إيداعه هناك بعد العودة للسودان .. ببساطة لأنك من أدعى النشر في ذلك العدد من صحيفة الخرطوم .. و إن تعذر إحضار العدد المعني فيمكن أن تحضر خطاب من الجريدة بأن الموضوع نشر في ذلك العدد و تكون تلك بينتك .. و مع إحترامي لك فإن عدم إحتفاظك بعدد الصحيفة المعني فهو عذر غير مقبول من ناحية قانونية طالما الأمر أمر إثبات .. و هذه الواقعة يمكن إثباتها أيضا بأي من وسائل الإثبات و يمكنك في ذلك الإستناد لشهادة الشهود .
    د. سجيمان أدعى أنه نشر الموضوع في العام 2003م و أحضر ما يثبت ذلك ,، و أنت لم تحضر ما يثبت إدعائك بأنك قمت بنشر الموضوع قبل د. سجيمان و بالتالي فإن إدعاء د. سجيمان بشأن أسبقية نشر الموضوع يعتبر هو الصحيح حتى يثبت خلافه ..
                   |Articles |News |مقالات |بيانات

06-07-2010, 12:26 PM

إيهاب محمد نور
<aإيهاب محمد نور
تاريخ التسجيل: 16-08-2007
مجموع المشاركات: 18

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    قرأت إدعاء الطرفين ، وحقيقة وبحياد تام ، يتبين من خلال ما سُرد من وقائع ، أنَّ الأخ/ سجمان قد تقدَّم ببينة مقبولة ، والتي مؤداها أنَّ قصته قد نُشرت بموقع سودانيز أون لاين منذ تاريخ 17-7-2003 الساعة 17:5 صباحا ، وعليه يُمكن التحقق من هذا الإدعاء بالرجوع لأرشيف الموقع أو الإطلاع على مكتبة الأخ سجيمان ، فإنَّ ثبت ذلك ، يكون الأخ سجيمان قد قدَّم دليلاً كافياً على أنَّ القصة في نشرت في هذا التاريخ.
    وبذلك ينتقل عبء الإثبات للأخ/ الفاتح جبرا ، ليثبت العكس ، أي ليثبت أن مقاله قد نُشر قبل هذا التاريخ .
    وحتى هذه المداخلة ، لم يُقدم الأخ/ الفاتح جبرا ، ما يُفيد بأنَّه قد سبق الأخ/ سجيمان في كتابة هذه القصة ، وإن كل ما أثاره ، وما ذكره من تواريخ ، ومع إحترامي له ، لا يعدو أن يكون قولاً مرسلاً ، يفتقر للدليل والبرهان.
    النجيضة ، ذي ما بيقول أخونا ود الصايم ، أما أن يتقدَّم الأخ/ الفاتح برقم عدد جريدة الخرطوم التي نشرت فيها قصته أو أن يمسح ضوئياً عاموده ويبرزه بالبوست ، ويُمكنه الإستعانة بأرشيف الجريدة ، ليضع حداً لهذا الإتهام .
    بغير ذلك ، فإنَّ الأمور ليست في صالحه.
    علماً بأنَّه وحتى هذه المداخلة لم يأتي أحد ليدعي بأنَّه قد قرأ هذه القصة للأخ/ الفاتح بجريدة الخرطوم ، رغم أنَّ قُراء جريدة الخرطوم كُثر.
    مع إحترامي وتقديري للأخوين الفاتح والدكتور سجيمان.

    الأخ فدياس : حماية الحقوق الأدبية لا تتطلب أن يكون النص خارقاً للعادة.
                   |Articles |News |مقالات |بيانات

06-07-2010, 01:49 PM

Abdel Aati
<aAbdel Aati
تاريخ التسجيل: 13-06-2002
مجموع المشاركات: 32958

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    Quote: معرفتنا بالرجلين من خلال ما يكتبان

    تجعلنا نظن وهو من حسن الظن بهما

    إنهما ليسا في حاجه ليتغول أحدهما على الآخر خصوصاً إن النص المكتوب أقرب إلى النكته الشعبيه

    وهو ليس بالنص الخارق للعاده وكلا الرجلين يملك نصوص تفوق هذا النص من حيث الجوده والإتقان

    كل ما نرجوه إن يبتعد أصحاب المديده الحاره وهواه تعكير الأجواء عن إثاره المزيد من الجدل الذي لن يفطي

    إلى شئ وأزيدك من الشعر بيت لو كتبها سجيمان أولاً ونقلها جبرا ثانيه أو العكس فهذا لا ينقص من قدرهما عندي

    مقداره خردله ..... إن ما ينقص في قدرهما في رأي هو الإستمرار في هكذا عراك ..

    يأخي كده بيخلوا لناس الفارغه والمقدوده شنو ؟؟؟؟؟؟؟؟؟
    كلام عقل ..

    احترامي لدكتور عادل واستاذ الفاتح وارجو ان يتجاوزا هذه المعركة في غير معترك
                   |Articles |News |مقالات |بيانات

06-07-2010, 02:01 PM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Abdel Aati)

    Quote: كلام عقل ..

    احترامي لدكتور عادل واستاذ الفاتح وارجو ان يتجاوزا هذه المعركة في غير معترك


    ميه الميه أستاذ عادل

    وياريت باقي الناس تصل للمعنى ده

    تحياتي
                   |Articles |News |مقالات |بيانات

06-07-2010, 10:01 AM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Munir)

    Quote: الدكتورعادل سجيمان والبروف الفاتح جبرا وسيد البوست
    انا في رايي الخاص ان الموضوع برمته اصبح في ايجاد اثبات ان المقال تم نشره
    فى صحيفة الخرطوم عام 97 وفي تصوري انه ليس بذلك التاريخ البعيد
    نحن نحترم كتابات الاثنين بنفس الدرجة ولكن لو ثبتت السرقة الادبية فدون شك ان احترامنا للسارق
    سينتهي فذلك شيئا غير مقبول تماما

    في الانتظار


    اعتقد ان النقطة الهامة هناالاتيان بدليل علي نشر القصة في 97 لأنه الدليل الواحد لاثبات براءته
                   |Articles |News |مقالات |بيانات

06-07-2010, 10:20 AM

معاذ الهادي
<aمعاذ الهادي
تاريخ التسجيل: 24-04-2010
مجموع المشاركات: 1034

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: إن ما ينقص في قدرهما في رأي هو الإستمرار في هكذا عراك ..



    دي الخلاصة في رايي

    على قول فدياس


    اتمنى ان يقف الدكتور عند هذا الحد من المشاركات

    كما توقف ا.الفاتح



    لان هناك قاعدة مشتركة لقرائهما،هي الخاسر من معركة في غير معترك.



    تحياتي صاحب البوست
                   |Articles |News |مقالات |بيانات

06-07-2010, 10:26 AM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: اعتقد ان النقطة الهامة هناالاتيان بدليل علي نشر القصة في 97 لأنه الدليل الواحد لاثبات براءته
                   |Articles |News |مقالات |بيانات

06-07-2010, 10:06 AM

عبدالله احيمر

تاريخ التسجيل: 24-02-2008
مجموع المشاركات: 3011

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    الســلام عليكم جميعـا
    وصلتني الحكاية في بريدي قبل فترة طويلة من أحـد الأصدقاء
    وكانت صاحبة الحنة ( المتححنة ) اســمها ( محاســـن ) و ليس عواطف
    فهـل دي نســخة ثالثـة من القصـة دي
    وكمان أغنية النهاية مختلفة
    وبرضـ, قصـة محاســن تدخـل فيها ( فكي ) حول زوجها الى نعجـة
    وفيها تفاصيل عـن
    الظروف المطلوبة عشـان الحنـة تشــيل
    والحنـة من غير صـبغة ( محلبية صافية )

    اتفق مع الرأي القائل بأنها حكاية ما عندها ســيد
    لذلك على الكاتبين تجـاوز هذا الخلاف







    Quote: لقيتو قاعد جنب باب الشقة حقتو جنبو أنبوبة غاز ... متكن في واطة الله ...
    سلمت عليهو إزيك يا أخينا مالك قاعد هنا ؟

    عاين لي وهو ياشر بايدو علي الشقة وقال لي الشقة مقفولة وأنا ما عندي مفتاح المفتاح
    جوه أصلها محاسن قاعدة جوه لكنها متحننه وما دايره تقوم وتخرب حنتها قالت لي أنتظر
    لحدي ما الحنة تشيل وأخرتها وبعدين أجي أفتح ليك الباب
    أها أنا قاعد وراجي الحنة تشيل ...
    لكن يا جني الحنة بتشيل في كم ساعة ؟؟؟؟؟

    عاينت ليهو وكلي شفقة علي هذا الزوج الأليف الوديع الذي أبدع الفكي بتاع محاسن في أن
    يخلق منو نعجة
    وقلت ليهو والله يا أخينا شيل الحنة ومدتو بتوقف علي عوامل كتيرة
    لكن أهمها نوع الحنة والمحلبية والصبغة .
    إنتهيت من نضميني وشرحي الوافي عن العلاقة
    بين شيل الحنة والمدة الزمنية لذلك وعاينت ليهو ولقيت الهم عصف باين علي وشيشو وعلي وشك
    أن يزرف الدمع الثخين قال

    لي تعرف الحنة نمرة واحد جايانا مخصوص من الدامر والمحلبية أصلية ميسو محاسن ما قاعدة
    تستعمل الصبغة عندها حساسية الله يحفظها
    ويغطي عليها من عين الناس وبطن كرعين محاسن
    صلاتي علي النبي ما جضوم ليلي علوي وداخلات في سفنجة يعني بي نضمك دا حنتنا عشان تشيل
    دايرة ليها ثلاثة ساعات وأنا ماشي الشغل كيف الحل؟؟؟

    قلت ليهو طيب يا أخي كلمها وخليها تفرتق الحنة وتقوم تفتح ليك الباب .
    عاين لي بإنزعاج وغضب ونهرني نهرة : يازول إنت ما نصيح ؟ داير حنتها تخرب
    وتطلع شينة والنسوان يقعدن يتقارصن ويتونسن بيها ؟ يا أخوي كلو شيء ولا زعل حسونتي
    دي إنشاء الله يرفدوني من الشغل بس هي حنتها تشيل وتطلع سمحة .
    وإتلفت علي باب الشقة وقعد يكورك محاسن يا محاسن ما شالت؟؟؟ وجاء صوت من الداخل وكأنه
    صوت عسكري الحركة وبحدة شديدة قالت ليهو : يشيلك التمساح.. ما قنا ليك لسه كرهتني الحنة
    زاتها يا أخي
    زولي هنا قعد يبلع في ريقو وضحك وعاين لي وقال: والله الله يهديها بس عصبية خلاص إلا طيبة
    طيبة والله وحنينة .
    لملمت بعضي ونزلت ثلاثة عتبات إلا وأسمع ليك أخونا يغني ويدندن
    الزول السمح فات الكبار والقدرو
    كان شافوهو نوع دا كانوا يعزروا

    وأنا متأكد إنو قاصدني أنا
                   |Articles |News |مقالات |بيانات

06-07-2010, 10:16 AM

الفاتح شلبي
<aالفاتح شلبي
تاريخ التسجيل: 27-02-2009
مجموع المشاركات: 2086

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عبدالله احيمر)

    وأنا أيضاً أميل الى أن قصة عواطف وزوجها راجت ما بين السودانيين وصادف ان كتبها كل من الكاتبين الفاتح جبرا وسجيمان كل بطريقته أما التشابه فى بعض النصوص يعود الى ان الكاتبين لديهم خلفية كافية عن تفاصيل حياة المغتربين والروتين اليومي وخاصة بالسعودية (أكاد أجزم بانها الحقيقة بس إنتو فكروا برواقة)

    أتمنى صادقاً أن تزول هذهـ الغشاوة ما بين الكاتبين الفذين

    تخريمة:

    الاخ محمد الطيب تساؤلك مشروع, لكن يا بقية القراء إتلومتو !!! بدل ما توفقوا ما بين إثنين وقع بينهم سوء تفاهم تقوموا تشعللوا فى النار ؟ والله دهـ زمان كان عيب
                   |Articles |News |مقالات |بيانات

06-07-2010, 10:26 AM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح شلبي)

    Quote: الاخ محمد الطيب تساؤلك مشروع, لكن يا بقية القراء إتلومتو !!! بدل ما توفقوا ما بين إثنين وقع بينهم سوء تفاهم تقوموا تشعللوا فى النار ؟ والله دهـ زمان كان عيب


    الأخ الفاتح

    أبحث عمن يحاول أن يؤجج النيران هنا

    بحجه إنه نصير الحقيقه

    وإنه لا بد من دماء تراق وإنه لا بد من جاني


    المهم.................

    جنازه ويشبع فيها لطم
                   |Articles |News |مقالات |بيانات

06-07-2010, 10:23 AM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عبدالله احيمر)

    يالاحيمر تحياتي

    النص الاتيت بيهو مطابق تقريبا لي نص سجيمان النازل في الاونلاين ماعدا في اختلاف الاسم
    غير كده في كتابتات كتيرة بتجي في الايميل لكتابات جبرة وسجيمان فده مابعني انها اصبحت حق مشاع وطالما مافي زول قعد وكتبها يبقي بتنتمي ليهو
                   |Articles |News |مقالات |بيانات

06-07-2010, 10:30 AM

داليا حافظ
<aداليا حافظ
تاريخ التسجيل: 06-06-2008
مجموع المشاركات: 5055

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: في كتابتات كتيرة بتجي في الايميل لكتابات جبرة وسجيمان فده مابعني انها اصبحت حق مشاع وطالما مافي زول قعد وكتبها يبقي بتنتمي ليهو



    يعني الحق هنا حق التدوين ولا الفكرة ؟
                   |Articles |News |مقالات |بيانات

06-07-2010, 11:00 AM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: داليا حافظ)

    داليا ازيك
    حتي لو سلمنا بانو القصة تراثية في كتير من القصص التراثية اتحولت لروايات وقصص واكتسب كتابها حق التدوين واضحت تنتمي لهم
                   |Articles |News |مقالات |بيانات

06-07-2010, 10:31 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46519

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: يا أستاذ الفاتح ..

    إعمال قاعدة ( البينة على من أدعي ) يعني أنك من يتوجب عليك إحضار عدد جريدة الخرطوم المعني سواء من أرشيف الجريدة أو من دار الوثائق إن تم إيداعه هناك بعد العودة للسودان .. ببساطة لأنك من أدعى النشر في ذلك العدد من صحيفة الخرطوم .. و إن تعذر إحضار العدد المعني فيمكن أن تحضر خطاب من الجريدة بأن الموضوع نشر في ذلك العدد و تكون تلك بينتك .. و مع إحترامي لك فإن عدم إحتفاظك بعدد الصحيفة المعني فهو عذر غير مقبول من ناحية قانونية طالما الأمر أمر إثبات .. و هذه الواقعة يمكن إثباتها أيضا بأي من وسائل الإثبات و يمكنك في ذلك الإستناد لشهادة الشهود .


    تمام ............
                   |Articles |News |مقالات |بيانات

06-07-2010, 12:25 PM

Barakat Alsharif

تاريخ التسجيل: 08-06-2010
مجموع المشاركات: 1253

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: ود الباوقة)

    احترم قرار الأستاذ الفاتح بعدم الخوض في الموضوع، وأطلب من الأخ سجيمان التريث قليلا وعدم السخرية من اقوال الأستاذ الفاتح، فلو صح ان القصة منشورة في عام 1997 فسيكون سجيمان في موقف لا يحسد عليه وسيضطر إلى الرجوع والتمسك بكون القصة نكتة مشاعة كمخرج وحيد له، لذا قليل من التريث حتى ينجلي الموضوع.
                   |Articles |News |مقالات |بيانات

06-07-2010, 01:05 PM

بدر الدين اسحاق احمد
<aبدر الدين اسحاق احمد
تاريخ التسجيل: 29-03-2008
مجموع المشاركات: 17119

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Barakat Alsharif)

    الاخ الكريم مداخلتك تلخيص لموضوع البوســت ...

    اذا كنت قانونى فساعد البوســت بموضوعيــة حول حــق المؤلف والحقوق المجاورة ..


    Quote: قرأت إدعاء الطرفين ، وحقيقة وبحياد تام ، يتبين من خلال ما سُرد من وقائع ، أنَّ الأخ/ سجمان قد تقدَّم ببينة مقبولة ، والتي مؤداها أنَّ قصته قد نُشرت بموقع سودانيز أون لاين منذ تاريخ 17-7-2003 الساعة 17:5 صباحا ، وعليه يُمكن التحقق من هذا الإدعاء بالرجوع لأرشيف الموقع أو الإطلاع على مكتبة الأخ سجيمان ، فإنَّ ثبت ذلك ، يكون الأخ سجيمان قد قدَّم دليلاً كافياً على أنَّ القصة في نشرت في هذا التاريخ.
    وبذلك ينتقل عبء الإثبات للأخ/ الفاتح جبرا ، ليثبت العكس ، أي ليثبت أن مقاله قد نُشر قبل هذا التاريخ .
    وحتى هذه المداخلة ، لم يُقدم الأخ/ الفاتح جبرا ، ما يُفيد بأنَّه قد سبق الأخ/ سجيمان في كتابة هذه القصة ، وإن كل ما أثاره ، وما ذكره من تواريخ ، ومع إحترامي له ، لا يعدو أن يكون قولاً مرسلاً ، يفتقر للدليل والبرهان.
    النجيضة ، ذي ما بيقول أخونا ود الصايم ، أما أن يتقدَّم الأخ/ الفاتح برقم عدد جريدة الخرطوم التي نشرت فيها قصته أو أن يمسح ضوئياً عاموده ويبرزه بالبوست ، ويُمكنه الإستعانة بأرشيف الجريدة ، ليضع حداً لهذا الإتهام .
    بغير ذلك ، فإنَّ الأمور ليست في صالحه.
    علماً بأنَّه وحتى هذه المداخلة لم يأتي أحد ليدعي بأنَّه قد قرأ هذه القصة للأخ/ الفاتح بجريدة الخرطوم ، رغم أنَّ قُراء جريدة الخرطوم كُثر.
    مع إحترامي وتقديري للأخوين الفاتح والدكتور سجيمان.







    انا افتكر دى اضافـة تؤسس الى تحديد مفاهيمــى لحماية الحقوق الادبيــة...

    Quote:

    الأخ فدياس : حماية الحقوق الأدبية لا تتطلب أن يكون النص خارقاً للعادة.
                   |Articles |News |مقالات |بيانات

06-07-2010, 01:46 PM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: بدر الدين اسحاق احمد)

    Quote: الأخ فدياس : حماية الحقوق الأدبية لا تتطلب أن يكون النص خارقاً للعادة.


    الأخ بدر الدين

    لم أقل ذلك لكن طلاما أنتم تبحثون عن المحاكمه

    فدعوني أسأل سؤال

    كثي من العابرين قالوا إنهم سمعوا هذه القصه بصوره أو بأخى قبل تاريخ نشر الدكتور سجيمان لها

    الأستاذ الفاتح ذكر إنها قصه شعبيه ولم يكن المؤلف لها

    الدكتور لم يذكر بتاتاً مقوله إن القصه من بنات أفكار الشعب ونسبها لنفسه دون منازعه من أحد

    هل من سمع هذه الروايه قبل العام 2003 كاذب

    هنا أكثر من شخص سمعوا القصه قبل تاريخ نشرها

    من كلا الكاتبين .. ولا نملك دليلاً مادي ملموس لنريكم له فهل نحن كاذبون

    ونحن هنا تعود للأشخاص الذين قالوا إنهم قد سمعوا هذه القصه
    فمن أين جاءت هذه الروايه أو القصه أو النكته سمها ما شئت

    هذا هو بيت القصيد ومربط الفرس

    الذي تحاشيت أن أكتبه حتى لا نوسع هوه الخلاف ولكنكم أبيتم إلا وأن تواصلوا المسير في هذا الدرب الشائك
                   |Articles |News |مقالات |بيانات

06-07-2010, 02:18 PM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    أنا غايتو مع سجيمان

    بريدو لله في لله

    وأثق إنو المقال حقو
                   |Articles |News |مقالات |بيانات

06-07-2010, 02:35 PM

فدياس نجم الدين
<aفدياس نجم الدين
تاريخ التسجيل: 19-05-2008
مجموع المشاركات: 2401

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد فرح)

    Quote: أنا غايتو مع سجيمان

    بريدو لله في لله

    وأثق إنو المقال حقو


    هي ليست معركه بين ديكين لتضع رهانك على أحدهم

    أفق هداك الله يا رجل
                   |Articles |News |مقالات |بيانات

06-07-2010, 02:41 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: فدياس نجم الدين)

    Quote:
    هي ليست معركه بين ديكين لتضع رهانك على أحدهم

                   |Articles |News |مقالات |بيانات

06-07-2010, 03:30 PM

محمد أحمد إدريس

تاريخ التسجيل: 16-08-2007
مجموع المشاركات: 140

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد فرح)

    غريبٌ ما يحدث هنا بالفعل وكأنما أكتشف صاحب البوست والنافخون فى البوق خطراً محدقاً بالوطن أكبر من الأخطار التى تُدَق لها النواقيس كل حين .
    أبسط حقوق الإنسان منكورة فى وطننا ويأتى من لم يفتح الله عليه بكلمة حيالها للذود عن حياض الملكية الفكرية إدعاءً عله يكتسب شهرة من وراء كاتبين
    شهيرين صنعا نجوميتهما عن إقتدار .
    الكاتب الكبير أ محمد عبد الله الريح ( صاحب حساس محمد حساس ) كان السابق فى شق طريق الكتابة الساخرة حتى أصبح أسلوبه مدرسة قائمة بذاتها.
    ورغم حبنا وتعلقنا بكتابات ود الريح الساخرة منذ كنا بجامعة الخرطوم فى أواسط ستينات القرن الماضى وحتى توقف عنها لأسباب لا نعلمها، فإننا
    معشر محبيه لم نتهم المبدعين اللاحقين بسرقة أسلوب كتابته وروحها .
    نحن قرّاء محبين للنكته الذكية والأسلوب المفعم بروح الدعابة ومن منطلقهما نلهث إلى حيث يكتب الفاتح ويكتب عادل رغم عدم معرفتنا الشخصية بكليهما .
    إنهما جزءٌ حميم من سودانيتنا ويشكلان وجداننا كسائر الجوانب المشرقة والجميلة التى نفتخر ونعتد بها فى سوداويتنا  .
    من الواضح أن الذى يحدث هنا قد أصاب الفاتح بالتجريح وهذا واضحٌ من مداخلته الأخيرة ولا يقلل من ذلك أن يكون رد فعل عادل مشحوناً بقدرٍ وافر من
    أسلوبه الذى يفقع الفشفاش من الإضحاك .
    نحن معشر محبيكما (نأمر) بقفل هذا الباب الذى نراه سخيفاً ونراه ينال منا أكثر مما ينال من أحدكما وهذا هو عين الذى يكون فيه الكاسب خاسراً .
                   |Articles |News |مقالات |بيانات

06-07-2010, 04:04 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد أحمد إدريس)

    Quote: غريبٌ ما يحدث هنا بالفعل وكأنما أكتشف صاحب البوست والنافخون فى البوق خطراً محدقاً بالوطن أكبر من الأخطار التى تُدَق لها النواقيس كل حين .
    أبسط حقوق الإنسان منكورة فى وطننا ويأتى من لم يفتح الله عليه بكلمة حيالها للذود عن حياض الملكية الفكرية إدعاءً عله يكتسب شهرة من وراء كاتبين
    شهيرين صنعا نجوميتهما عن إقتدار
                   |Articles |News |مقالات |بيانات

06-07-2010, 04:18 PM

الفاتح شلبي
<aالفاتح شلبي
تاريخ التسجيل: 27-02-2009
مجموع المشاركات: 2086

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: نحن معشر محبيكما (نأمر) بقفل هذا الباب الذى نراه سخيفاً ونراه ينال منا أكثر مما ينال من أحدكما وهذا هو عين الذى يكون فيه الكاسب خاسراً .


    أوفيت وما قصرت
                   |Articles |News |مقالات |بيانات

06-07-2010, 05:10 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح شلبي)


    الاخوة الاجاوبد...
    جزاكم الله الف خير
    لكن يا جماعة تكتب موضوع..... ويجيك زول يقول لك انت سارقو من فلان.... وبين يوم وليلة تلقى نفسك حرامي( وفي حقك..)..حاجة تغيظ... وتزعل!! جد.... والغريبة يجي من استولى على المقال محاولا اثبات اني حرامي,,, و يقعد يعدد في الصحف ومن ضمنها صحافة االخرتووم..... وكتبو بتاريخ 97.... انتو عارفين سنة سبعة وتسعين دي غواطف ولا عرسوها... علا ناضمين فيها.... اوكي انت اتهمتني اني سرقت الموضوع حتى لو كان الاتهام ضمنا.. ما ممكن تتهمني كدا وعلى الملاء واقعد انا اتفرج.... كمان لازم تثبت تهمتك دي...... قلت لو يا الفاتح يا اخوي.... امشي ناس جريدة الخرتوم... وجيب العدد وتاريخو... وتعال ارفعو لي في عيني... وقول لي اها تراهو دا... بعد داك انا ابفى حرامي ونص.... انا ما طالب من الاخ الفاتح غير يثبت المسالة دي.... ودي حاجة في غاية البساطة......او امشى انا بصورة رسمية لي ناس جريدة. الخرتوم.... ولومك بي لو لقيتو اجي ارفعو ليك في عيني برضو......ولو انا زول ظمتي غريقة وما مضمون... تتكون لجنة من حكماء بورداب الخرتوم وتمشي جريدة الخرتوم....وتفتيش الارشيف ويجيبو الموضوع.. اها قصرت يا جماعة؟؟؟....
                   |Articles |News |مقالات |بيانات

06-07-2010, 06:06 PM

محمد الطيب يوسف
<aمحمد الطيب يوسف
تاريخ التسجيل: 22-02-2008
مجموع المشاركات: 3084

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    Quote: قلت لو يا الفاتح يا اخوي.... امشي ناس جريدة الخرتوم... وجيب العدد وتاريخو... وتعال ارفعو لي في عيني... وقول لي اها تراهو دا.
                   |Articles |News |مقالات |بيانات

06-07-2010, 07:03 PM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46519

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: محمد الطيب يوسف)

    Quote: ......ولو انا زول ظمتي غريقة وما مضمون... تتكون لجنة من حكماء بورداب الخرتوم وتمشي جريدة الخرتوم....وتفتيش الارشيف ويجيبو الموضوع.. اها قصرت يا جماعة؟؟؟....


    والله يا سجيمان يا اخوي نضمك سمح بلحيل

    وما قصرت تب

    الا منتظرين الدكتور ...
                   |Articles |News |مقالات |بيانات

06-07-2010, 07:08 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)



    شيخ الفاتح سلا م مربع تربيعة قعدة عواطف للحنة

    Quote: إن كنت تعتقد بأن لديك حق تم التغول علية..


    انا لا اعتقد..... بل اجزم





    Quote: أتوقف عن الخوض فى هذاالموضوع


    الفاتح اخوي.. انا وانت ملك للفراء.... والموضوع بيهم القراء,,,حسي عليك الله عاين الناس دي العميان شايل المكسر.. وجاين يشوفو عواطف دي خبرا شنو...؟؟....رجال خلو شغلتهم.. ونسوان زي عواطف خرتن حنتن.. وجن يتاوقن.. وفيهن واحدات جن بساعدنك( الواحدة فيهن تنضم وتمشي اهلها ووتقول استغفرتك يا الله.. استغفر الله من حقك يا سجيمان !!!!!).. وواحدين قعدو يألفو في قصص وظهرت مواهب الله عالم باكر يا الفاتح اخوي يضايقونا في النضم دا .. انت تقوم تقول ما داير.... لا يا شيخ الفاتح عشان خاتر الناس ديل... انا غايتو ما بكسر خاترون.....وخسمتك بالزي خلقك تسلم لي علي وجدي الكردي....


    Quote: بمكنك الذهاب إلى مقر صحيفةالخرطوم وإحضار خطاب من الصحيفة يفيد بعدم وجود هذا لمقال فى أرشيف 1997


    اهاااااا..... باقي لك بي يدوني جواب؟...انت ما عندك واسطة.. باقي الناس ناسن ليك...وعواطف دي اول ما اتحنننت اتحنننت عندهم... في مصر... يا ربي تكون حننتا ستونة مجروس؟.......
    قال جواب
    يا راااااااجل
                   |Articles |News |مقالات |بيانات

06-07-2010, 07:41 PM

عوض الصديق
<aعوض الصديق
تاريخ التسجيل: 31-05-2010
مجموع المشاركات: 507

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    دكتور عادل واستاذ الفاتح
    تحياتى
    لكم نظرنا اليكم كنجوم سامقة
    واعتقد ان الزمن الذى تضيعانه فى اثبات ملكية
    قصة اعجبتنا حينما كتبها كل واحد منكما منفردا
    سيضيع علينا قصص اخري وابداع ننتظره منكما

    خلوا البتعملوا فيهو دا وامشوا اكتبوا

    بنقرا ليكم ونديكم الاول مشترك
                   |Articles |News |مقالات |بيانات

06-07-2010, 07:59 PM

Munir
<aMunir
تاريخ التسجيل: 11-02-2002
مجموع المشاركات: 10431

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: سجيمان)

    القصة اتشربكت .. من كلام الناس القالوا سمعوا القصة حايمة في السعودية تكون الفكرة ليست من بنات افكار سجيمان إلي أن يثبت أنه مؤلفها وذلك شبه مستحيل .. يبقي السبق هو في صياغة الحكوة في سطور وإخراجها مدوّنة ، وهنا فإن الفاتح جبرا وضع نفسه في مأزق إدعائه بنشر القصة سنة١٩٩٧ - وبذلك يصبح موقف كلاً من سجيمان والفاتح حرجاً .. فلو تمكن الفاتح من إثبات نشره للقصة سنة٩٧ يبقي الحرامي هو سجيمان ، وإن لم يستطع وثبت أنها لم تنشر في صحيفة الخرطوم يطلع الفاتح كضاب .. وإن لم يستطع سجيمان إثبات أنه هو مؤلف القصة يبقي يكون هناك مبدع مجهول حقه راح بين الرجلين ..

    (عدل بواسطة Munir on 06-07-2010, 08:30 PM)

                   |Articles |News |مقالات |بيانات

06-07-2010, 10:18 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8597

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Munir)

    أنا سمعت القصة قبل سنة 2001 في اسمرا، الزول الحكى القصة كان مغترب في الإمارات وكان في قصص عن المغتربين ونسوان المغتربين، والطريقة الإتحكت بيها القصة (على ما أذكر لم يكن هناك أسماء ولا بطيخ)، والقصة كلها إنو الراجل واقف جنب الباب وفي زول جا لقاهو وسألوا مالك وبدأ الحوار الذي إنتهى بأنه منتظر الحنة تشيل، وزمن النكتة كان بسيط جداً، وكعادتي كسوداني إحتفظت بالنكتة وتحينت فرصة (سيرة المغتربين) وحكيتها مراراً وتكراراً.


    ملاحظة:

    أنا لم أقرأ غير مرة واحدة للفاتح جبرا (لا أذكر الموضوع)

    ومرة واحدة لسجيمان (بوست عن جلابية مشختة نساها في مكتب بكري ابو بكر أو شئ من هذا القبيل.

    ملاحظة:

    أعتقد أن أستاذ الفاتح عليه أن يبحث عن عدد جريدة الخرطوم المذكور.


    سجيمان: عليه أن يعرف أن هذا الموضوع هو قصة منتشرة عن المغتربين (حتى ولو لم يسمعها.


    مع كامل تقديري لقراء الطرفين (على الرغم من عدم تذوقي لكتابتيهما)
                   |Articles |News |مقالات |بيانات

06-07-2010, 10:28 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Munir)

    Quote:
    منير

    معرفتنا بالرجلين من خلال ما يكتبان

    تجعلنا نظن وهو من حسن الظن بهما

    إنهما ليسا في حاجه ليتغول أحدهما على الآخر خصوصاً إن النص المكتوب أقرب إلى النكته الشعبيه

    وهو ليس بالنص الخارق للعاده وكلا الرجلين يملك نصوص تفوق هذا النص من حيث الجوده والإتقان

    كل ما نرجوه إن يبتعد أصحاب المديده الحاره وهواه تعكير الأجواء عن إثاره المزيد من الجدل الذي لن يفطي

    إلى شئ وأزيدك من الشعر بيت لو كتبها سجيمان أولاً ونقلها جبرا ثانيه أو العكس فهذا لا ينقص من قدرهما عندي

    مقداره خردله ..... إن ما ينقص في قدرهما في رأي هو الإستمرار في هكذا عراك ..

    يأخي كده بيخلوا لناس الفارغه والمقدوده شنو ؟؟؟؟؟؟؟؟؟

    الاخ المحترم فدياس اوجزت وكفيت ووفيت...
    قسما بالله دخلت لاكتب نفس كلامك لذلك اكتفي بالاقتباس
    والشكر ليك بقدر احترامي لاخواني الاعزاء دكتور عادل والاخ جبرا

    سجيمان يا خوي الابداع بحروا كبير وانت زول ليك محبيك ومعجبيك لا نشك لحظة فى تناولك لنص غير ملك لك

    ايضا الاخ العزيز جبرا انت رجل مبدع ولك جمهور وقراء كثر
    بالتالي الارجح تناول الرواية كل علي هواه واسلوبه
    التحية لكما ولكم الاحترام

    وارجو من العزيز سجيمان رجااء وليس امر التوقف عند هذا الحد
    وفى انتظار نص يرجعنا للاضواء واستراحة الخميس
    تقديري واحترامي
                   |Articles |News |مقالات |بيانات

06-07-2010, 10:19 PM

Al-Shaygi
<aAl-Shaygi
تاريخ التسجيل: 16-11-2002
مجموع المشاركات: 7904

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)


    Quote:
    Quote: سلام يا شباب
    انا اميل لمقولة ان هناك قصة متواترة عن هذا الموضوع في السعودية تحديداً
    حدثت لي قصة مشابهة (انا ما راجل عواطف) في حوالي عام 92-93 في الدمام
    عدت من العمل وكانت زوجتي متحننة وقافله الباب من الداخل
    وكنت دايما بوصيها لامن تقفل الباب تطلع المفتاح
    دقيت الجرس براااحة
    المرة الاول طنشتني
    قلقت ودقيت الجرس شديييد
    جات وفتحت الباب ولقيتها مدخلة رجليها في كيس نايلون ومعفصة حنتها
    وطبعا ما كان في طريقة تكورك لانو الغرفة بعيدة من الباب وما كان في جوالات

    اذكر في مساء نفس اليوم او اليوم التالي كنا مع جيرانا وحكت ليهم حكاية الحنة بتاعتها
    جارتنا حكت قصة شبيهة بقصة (راجل عوطف) وبصراحة لا اذكر الاسم ولا التفاصيل لكن الثابت في القصة انو الراجل دهـ انتظر لحدي ما الحنة شالت

    تحياتي للجميع


    الاحباب الكرام سلااام
    الأخ سيجيمان :
    إجابتك ليست مقنعة بأية حال من الأحوال وهذه الروابط ليها سنين موجودة ولم تنشأ بالأمس .. بمكنك الذهاب إلى مقر صحيفةالخرطوم وإحضار خطاب من الصحيفة يفيد بعدم وجود هذا لمقال فى أرشيف 1997 إذ أن البينة على من إدعى وهذه هى البينة وليست نشرك للبوست فى 2003 .. لأسباب كثيرة أهمها (الزمالة) أتوقف عن الخوض فى هذاالموضوع ودونك الجهات المناط بها إسترداد الحقوق إن كنت تعتقد بأن لديك حق تم التغول علية.. أكرر توقفى عن الخوض فى هذه المسألة تماماً ..

    أستاذ الفاتح جبرا
    لقد تابعت هذا البوست منذ بدايته ولم أشأ أن أتداخل في في إنتظار وصولك وإدلائك برأيك فيه وأتيانك بالدليل القاطع على عدم سرقتك وكنت واثقاً من برائتك وعدم تداخلي كان مرده إحترامي لكل من يكتب هناك من الزملاء وعدم رغبتي في أن أنحاز لزميل ضد آخر في المنتدى.
    بخصوص مسألة الحنة كان كنت راجل عواطف ولا نانسي عجرم هذا لا يهم ولكنها حدثت لي أنا شخصياً وتحديداً في بداية أيام حياتي الزوجية وكنت وقتها أسكن حي النسيم بالرياض وعدت من العمل في صيف 1988 والمشوار بين العمل والبيت طويل والسيارة غير مكيفة فتخيل الحالة المزاجية، وبالطبع التحذيرات والمخاوف وأغلاق الباب وترك المفتاح بالداخل يعني مافي طريقة أفتح الباب بمفتاحي الخاص.
    ضربت الجرس وفي العادة مرة واحدة والحاجة تجي جارية لإستقبالي بعد ساعات طوال من الوحدة والناس لسة في حكم العرسان الجداد (جدد يالفاتح ما دواجن - كويس عشان ما تعمل لي لخبته)، وجرسين تلاته مافي رد.
    حقيقة أنزعجت فبدأت أطرق الباب بيدي طرقاً عنيفاً وبعد دقائق أنفتح الباب والمسكينة ماشية فوق حنتها ومجلبطة الموكيت.
    ما بقول ليك الحصل شنو بعد داك المهم بقت ذكري نسيناها بس قصة البوست ده رجعتني ليها.
    هذا ما اردت توضيحه دون أتهام لأي طرف، رغم أني شايف البوست جاب الهتيفة والذين يجهزون سكاكينهم لوقوع التور وحاشاك أن تكون تور وحاشاك أن تقع للهتيفة والأنا عارفهم وأنتا ما بيخفوا عليك....
    وكدي بس عاين للهاجموك وأيدو موضوع السرقة (حاشاك) وشوفهم هم منو وبتعرف ليه أصلاً فتحوا الموضوع ده،،،
    يا راجل يا مبدع خليك ماشي فوق دربك وخلي اليهوي يهوي وعوائهم ما بيوقف ليه مسيرة ومصيرهم براميل الهناي داك....
    ناس تمام وما عارف شنو داك....



    الشايقي

    http://www.youtube.com/watch?v=WjNosdjuv7s

    فاوضني بلا زعل

    [email protected]
    http://alkatwah.com

    .
                   |Articles |News |مقالات |بيانات

06-07-2010, 11:16 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Al-Shaygi)

    يا الفاتح جبرا ..

    Quote: وكدي بس عاين للهاجموك وأيدو موضوع السرقة (حاشاك) وشوفهم هم منو وبتعرف ليه أصلاً فتحوا الموضوع ده


    انت برئ (وليس لدى دليل على ذلك) عن سرقة نص سجيمان ...
    وسجيمان (الذى أثبت ادّعاءه) هو من تبقى فى الساحة ... أيرضيك أن يصير سارقاً بلا بينة؟
    الموضوع فى منتهى البساطة ... إئتِ بالبينة على ادعائك النشر فى 1997 ... فلكم نحب أن نرى سجيمان مداناً ... ونشمت فيه ... ونبرئ ساحتك البيضاء عن سرقة هذه القصة السجمانة 100% (حتى الآن) وننادى بحزف باسوورده من هذا المنبر المحترم (لو ما حسبنا السرقات الأدبية التى تمنعها اللائحة) .... ويا دار ما دخلك شر ...

    باركوها .. باركوها ...
    سمعة الكاتب ومصداقيتو ما مهمّة ...
    .. المهم ... الـ .... مهم ....
                   |Articles |News |مقالات |بيانات

06-07-2010, 11:27 PM

عمر عشاري
<aعمر عشاري
تاريخ التسجيل: 22-08-2009
مجموع المشاركات: 1777

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: Al-Shaygi)

    Quote: ونسوان زي عواطف خرتن حنتن.. وجن يتاوقن.. وفيهن واحدات جن بساعدنك( الواحدة فيهن تنضم وتمشي اهلها ووتقول استغفرتك يا الله.. استغفر الله من حقك يا سجيمان !!!!!).. وواحدين قعدو يألفو في قصص وظهرت مواهب الله عالم باكر يا الفاتح اخوي يضايقونا في النضم دا .. انت تقوم تقول ما داير.... لا يا شيخ الفاتح عشان خاتر الناس ديل... انا غايتو ما بكسر خاترون.....وخسمتك بالزي خلقك تسلم لي علي وجدي الكردي....


    أستاذ سجيمان

    تحياتي

    مداخلتك اعلاه فيها إتهام لبعض المداخلات انها جاءت في إطار دعم موقف أستاذ / الفاتح وذهبت بخيالك حد تخيل المتداخلات يستغفرن عن كذبهن
    ووصفت الرجال بتاليف القصص في إطار المساندة

    وجعلت ذلك في قالب ساخر لتوحي للناس أنك هادئ وغير منزعج ...أنا أشعر أنك متوتر ودليلي على ذلك هذه اللغة التي إستعملتها ...لغة فيها إتهامات مجانية للناس ...وتخلو من الحساسية

    أنا مقتنع تماما ان الحقوق الأدبية يجب أن تُراعى ...ومداخلتي لا شان لها بأحقيتك أو الفاتح للقصة أو كونها مجرد قصة طريفة قديمة مؤلفها غير معروف ...مداخلتي تتعلق بالطريقة التي تُدير بها هذا الأمر وإسلوبك الساخر في التعاطي مع الأمر ...سخرية ظلها ثقيل ولاتتناسب مع الموقف

    يعني الكاتب الساخر لايمنعه التخصص في هذا النوع من الكتابات من التناول الجاد للأمور بطريقة رفيعة وغير مستفزة

    ولا اتوقع أن أرى الأكياس تتساقط من أيدي عادل إمام في كل الأوقات طالما أنه لايؤدي مشهدا في مسرحية

    ودي وإحترامي

    (عدل بواسطة عمر عشاري on 07-07-2010, 06:25 AM)

                   |Articles |News |مقالات |بيانات

06-07-2010, 11:55 PM

مدثر قرجاج
<aمدثر قرجاج
تاريخ التسجيل: 21-07-2009
مجموع المشاركات: 1614

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عمر عشاري)

    Quote: الاخ صاحب البوست

    ياخى شن جاب لى جاب

    لك التحيه


    منو قال شنو؟
                   |Articles |News |مقالات |بيانات

07-07-2010, 01:24 AM

عارف الركابي

تاريخ التسجيل: 14-06-2010
مجموع المشاركات: 2037

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: مدثر قرجاج)

    Quote: لأسباب كثيرة أهمها (الزمالة) أتوقف عن الخوض فى هذاالموضوع ودونك الجهات المناط بها إسترداد الحقوق إن كنت تعتقد بأن لديك حق تم التغول علية.. أكرر توقفى عن الخوض فى هذه المسألة تماماً ..


    السلام عليكم ورحمة الله
    أردت إبداء وجهة نظري من خلال ما قرأت من طرح ومداخلات في هذا الموضوع ، وإن كنت لست ممن رواد القصص أو المهتمين بها،،،فأقول :

    * تواتر ذكر القصة وأنها مما يحكى قديماً ، وذلك من خلال الشهادات التى أدلى بها بعض الإخوة ، وهذا لا يعني تكذيب للأخ عادل في أنه لم يسمع بها قبل كتابته للقصةوانها من بنات افكاره . وبالتالي فإن من يحكم بأن الأخ الفاتح لو جاء بالصحيفة سيكون ذلك إثبات بأن الأخ عادل قد أخذها منه يكون كلامه غير صحيح ، لأن كون كل واحد منهما ألفها غير متعذر. كما أن الأخ الفاتح أشار بما قال أنه لن يكون متهماً للأخ عادل إن جاء بالصحيفة.

    *قدّم الأخ عادل بينته بنشر المقال في هذا المنبر في 2003م ، وهذه بينة له ، إلا أنها لا تعني أن الأخ الفاتح لا توجد له بينة ، فهو قد ذكرها ولكنه مطالب بإثباتها ، وإثباتها كما تفضل الإخوة بصورة الصحيفة أو شهادة من الصحيفة بذلك ، وإن تعذر لأي أسباب مقنعة الحصول على الصحيفة فيكفيه شاهدان وبهما تقوم بينته.

    * كلا الشخصين مُدَّعي ، ولذلك فإن كليهما مطالب بالبينة على ادعائه ، ولا أوافق الأخ الفاتح في مطالبته الأخ عادل إحضار الصحيفة ، لأن هذه بينته وهو المطالب بإثباتها ، والأخ عادل قد قدم بينته.
    إلا أن الفرق بينهما أن الأخ الفاتح ترك المجال رحباً ، ومنذ البداية أشار إلى أنه بالإمكان أن يكون كل واحد منهما ألفها بطريقته دون أن يأخذها أحدهما عن الآخر ، أي أنه يدعي أن روايته من صنعه ، ولا يتهم الأخ عادل بأنه اخذها منه .
    وهذا كلامه:
    Quote: لا أقول أن الأخ سجيمان قد (إقتبس مقالى) كما إتهمنا بذلك لكن يبدو انه إستمع للقصة كما إستمعنا لها حينها وقام بصياغتها فى العام 2003!!!


    إلا أن الأخ عادل لم يكن في هذه الجزئية ينظر للأمر بنفس نظرة الأخ الفاتح ، ولذلك هو يركز ويصر على الإثبات بالصحيفة أو الاحتمال الآخر ....

    * ونظراً لأن الأخ الفاتح قد كتب الاقتباس الذي وضعته أعلاه في سقف مداخلتي هذه ، وأنه لن يستمر في مناقشة هذا الموضوع هنا وأكد ذلك ، إضافة إلى ما ذكره قبل ذلك بقوله :


    Quote: للأخ الدكتور سجيمان كامل الحق فى التقدم للجهات المعنية متظلماً أن كان يرى بأننا قد تغولنا على حقه الأدبى !


    فحسب وجهة نظري أرى أن الأمر لم يعد من المناسب نقاشه هنا في (ساحة حوار إسفيري) ، لأنها أصبحت قضية حقوق ونزاع بين طرفين ، ولأن الطرفين قد تواجدا هنا ، فوجهة نظري أن الأمر إن كان لدى الأخ عادل بحاجة إلى السير فيه إلى الأمام فليتجه إلى الجهات القانونية وهناك محكمة متخصصة في السودان بهذا الخصوص وقد لخصت للإخوة في الموضوع الذي طرح قبل يومين خلاصة القانون السوداني في هذا الموضوع ،،،

    ليس من المناسب ــ أبداً ــ (وهي وجهة نظري) ليس من المناسب أن يستمر نقاش قضية وصلت حيثياتها لما ذكرت هنا، وكما أن حق الطرف الآخر في طلب إغلاق النقاش معتبر هنا ، وله الحق في ذلك ، ولا يفهم أنه فعل ذلك لأنه لم يقم بنشره بالصحيفة ليس ذلك لازماًبالطبع ، فإن الناس تتفاوت في تقديرها للأمور والتعامل معها وهي قضية أصبحت عميقة في الخصوصية (والعيار الما يصيب يدوش) كما يقولون.

    كما أنه لا ينبغي أن يفهم ويساء بالفهم أن من طرح الموضوع هنا أو طالب بالاستمرار فيه يكون قصده الإطاحة بأحد الأخوين أو الإسقاط ، أو التشهير ، أو (بيحرق في المديدة) ، ينبغي أن نحسن الظن ببعضنا ، فهذه وجهة نظر لصاحبها رأى أن يستمر النقاش في القضية فلا تحجير طبعاً في ذلك ، وظني أن الأخ محمد الطيب صاحب البوست الذي طرح الموضوع ابتداء ، أو الإخوة الذين رغبوا في الاستمرار فيه ولا زالوا ظني بهم أنهم ينظرون للقضية من جانب إيجابي ، طالما أن القصة نشرت باسم الطرفين وكلاهما له قراء ، والموضوع فيه إثارة ، او من ناحية التوثيق ، أو البحث عن المصداقية ، أوأو أو.... لهم بالتأكيد عشرات التبريرات لمن اراد أن يلتمس لهما العذر في ذلك.

    ولكني أرى كما أسلفت أن الموضوع يغلق ويطوى هنا، وإلا فميدانه القضاء (لا قدر الله ) وإن قدر ذلك فالحكم النهائي فيه سيصل إلى من ينتظره أو يتابعه أو يحرص على معرفته.

    مع تقديري للجميع
                   |Articles |News |مقالات |بيانات

07-07-2010, 01:50 AM

عارف الركابي

تاريخ التسجيل: 14-06-2010
مجموع المشاركات: 2037

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عارف الركابي)

    هذا هو الملخص الذي أشرت إليه في مداخلتي وقد لخصته وتم وضعه بالموضوع الذي تم طرحه قبل يومين بذات الصدد ،من باب الفائدة أسوقه ، وإلا فظننا أن يطوى الموضوع ، والله الموفق :

    Quote: بناء على طلبك المتكرر فيما يتعلق بقضية السرقات الأدبية وموقعها في القانون السوداني فبين يدي كتاب بعنوان :الحماية القانونية لحق المؤلف والحقوق المجاورة والعلامات التجارية في القانون السوداني ، إعداد : سوسن سعيد شندي ، قاضي محكمة الاستئناف بالخرطوم ، الناشر مكتبة الشريف الأكاديمية الطبعة الأولى 2006م.

    إجابة لطلبك وللفائدة ألخص لكم منه بعض الجزئيات المتعلقة بالموضوع المطروح.

    * جاء تقسيم قانون المعاملات المدنية لسنة 1984م للحقوق ثلاثة أنواع (مادة 30):

    1/ حقوق شخصية 2/ حقوق عينية 3/ حقوق معنوية : وهي التي ترد على شيء غير مالي ، ويتبع في شأن حقوق المؤلف والمخترع ، وسائر الحقوق المعنوية الأخرى.

    جاء في الكتاب تعريف الملكية الفكرية أو الإنتاج الفكري بأنه هو كل ما ينتجه العقل البشري ذلك العقل الذي ميز به الله سبحانه وتعالى الإنسان من باقي المخلوقات.

    *حماية الإنتاج الفكري هو حق من حقوق الإنسان نصت عليه المادة 27/2 من الإعلان العالمي لحقوق الإنسان. والتي نصت على : "لكل فرد الحق في حماية المصالح الأدبية والمادية المترتبة على إنتاجه الفكري"

    * للملكية الفكرية سند في دستور السودان لسنة 1984م حيث نصت المادة (28) منه على الآتي : "لكل شخص حقه في الكسب من المال والفكر وله خصوصية التملك لما كسب ولا تجوز المصادرة لكسبه من رزق أو مال أو أرض أو اختراع أو إنتاج علمي أو عملي أو أدبي أو فني إلا بقانون يكفله ضريبة الإسهام للحاجات العامة أو للصالح العام مقابل تعويض عادل".

    *تدار الحقوق بواسطة جهتين أنيط بهما إدارة حقوق الملكية الفكرية وهما :

    1/مكتب المصنفات الأدبية والفنية ، وهو يختص بالإشراف على تنفيذ قانون حق المؤلف والحقوق المجاورة وفقاً لأحكام قانون المصنفات الأدبية والفنية لسنة 2000م.
    2/مسجل عام الملكية الفردية وهو مكتب تابع لوزارة العدل يهتم بتسجيل العلامات التجارية والتسجيل الدولي للعلامات ، وتسجيل براءات الاختراع.

    *انضم السودان لاتفاقية باريس فيما يتعلق ببراءات الاختراع لسنة 1984م ، وانضم لاتفاقية التعاون الدولي بشأن البراءات لسنة 1984م ، وانضم لمعاهدة قانون البراءات سنة 2000م ، كما انضم إلى اتفاقية برن لحماية المصنفات الأدبية سنة 2000م.

    *عرَّف القانون المؤلف بأنه : أي شخص طبيعي ابتكر المصنف والذي تم نشر المصنف تحت اسمه منسوباً إليه بأي طريقة من الطرق المتبعة في نسبة المصنفات لمؤلفيها أو بطريقة يتم اختراعها في المستقبل .

    *المصنفات التي تشملها الحماية : نصَّت عليها المادة (5) من القانون ونصَّت على الآتي : على أن تطبق الحماية بموجب أحكام هذا القانون دون التقيد بأي شكليات مقررة لحماية أي مصنف مبتكر أصيل في مجال في الآداب والعلوم والفنون أياً كانت طريقة التعبير فيه أو في قيمته أو غرضه.

    وبالتالي فإن شروط حماية المصنف هي أربعة شروط :
    1/ الشرط الأول : أن يكون المصنف مبتكراً وهو أصيل (بمعنى أن القانون لا يحمي أي عمل وإنما يحمي كل عمل يظهر فيه دور المؤلف الإبداعي .. تظهر فيه لمسات المؤلف وتبرز شخصيته من خلال هذا العمل ، ولا يكون المؤلف مجرد نسخة قام بنسخها من مصنف آخر. فالقانون اشترط الابتكار ولم يشترط الجدة ، والقانون يحمي الأعمال المبتكرة بغض النظر عن جدتها أو قيمتها أو غرضها. (ففي الكتب يتم تحديد الابتكار بتقدير كيفية توجه هذا الفكر وترابطه ، ومن صياغة وتركيب العبارات وترتيب الأفكار ومدى إبراز شخصية المؤلف في العمل).

    2/ الشرط الثاني : أن يكون في مجال الآداب والعلوم والفنون (المصنفات المكتوبة كالكتب والمجلات والنشرات والمقالات ونحو ذلك).وهناك مصنفات لا تشملها الحماية نصَّ عليها القانون وبيَّن أنها غير محمية كما في المادة (6) وهي : (المصنفات التي آلت إلى الملك العام ، الوثائق الرسمية ، ما ينشر في الصحف اليومية والمجلات والنشرات الدورية والإذاعة والتلفزيون من الأخبار اليومية أو الحوادث ذات الصيغة الخبرية ، وشعارات الدول) .

    3/الشرط الثالث: دون التقيد بأي شكليات ، فقد قرر القانون حماية هذه المصنفات دون أي إشكاليات كما كان في القانون السابق الذي كان يشترط لاكتساب الحماية أن يتم إيداع المصنف لدى مسجل المصنفات ، وهذا القانون أعطى الحماية دون التقيد بأي شكليات خاصة بالتسجيل أو الإيداع لعدد من النسخ أو سداد الرسوم.

    4/ الشرط الرابع والأخير: أيَّاً كانت طريقة التعبير فيه أو غرضه ، فإن القانون لم يشترط شكلاً محدداً للمصنف وإنما يكفي أن تخرج الفكرة في شكل محسوس أيّاً كانت وسيلة التعبير عنها بالكتابة أو شفاهة كما في المحاضرات والمواعظ والخطب ، وقد يكون التعبير بالتدوين أو الرسم أو صنع برنامج حاسوبي. ولا عبرة بقيمة العمل المهم أن يكون المصنف له شكل محسوس وأيّاً كان الغرض منه (ديني ، تعليمي ، تثقيفي ، ترفيهي ...الخ).

    *حماية حقوق المؤلف والحقوق المجاورة :
    يكفل قانون حق المؤلف لسنة 1996م حماية مصنفات المبدعين من أي تعدٍّ يقع على هذه المصنفات وبأي شكل كان ، وقد فرض القانون أو كفل عقوبات جزاء هذه التعديات وكفل وسائل إجرائية مؤقتة لوقف التعدي وحفظ حقوق المؤلفين ، كما كفل للمؤلفين المتضررين تعويضاً يغطي ما أصابهم من ضرر وخسارة ، وما فاتهم من كسب وفق أحكام المسؤولية التقصيرية بأن كل ضرر يزال ويعوض كل متضرر.

    *من صور التعدي على حقوق المؤلفين جرائم السرقة سواء كانت كلية أو جزئية وتكون السرقة كلية بأن يضع شخص اسمه على مؤلف غيره أو يغير فقط في بعض كلمات المصنف . ولكن السرقات الجزئية هي الأكثر.

    *عقوبة الاعتداء على حق المؤلف :
    ـ ترفع الدعوى إلى محكمة القاضي من الدرجة الأولى لرفع الاعتداء المقصود وغير المقصود على حق المؤلف.
    ـ على مقدم الطلب أن يوضح في طلبه الوصف التفصيلي للمصنف الذي وقع عليه الاعتداء دون وجه حق بأي شكل من أشكال الاعتداء.
    ـ يطلب إصدار الأمر الوقتي المناسب كمنع النشر أو توقيع الحجز على المصنف أو تفتيش أي مكان لضبط النسخ أو أي صور لأي مواد تتعلق بالاعتداء المدعى به.
    ـ تختلف الطلبات حسب نوع المصنف فالاعتداء على مؤلف كتابي يكون الطلب بالحجز على النسخ المطروحة ، وإذا كان هناك ما يعرض يوقف العرض .
    ـ يجوز للشخص الذي يصدر ضده أمر وقتي أن يستأنف القرار خلال مدة عشرة أيام وهذا لمنحه فرصة الدفاع عن نفسه.
    ـ بعد سماع الدعوى وفي حالة ثبوت إدانة المعتدي تصدر المحكمة حكماً بالسجن لمدة لا تتجاوز ثلاث سنوات أو أي غرامة تقدرها المحكمة أو بالعقوبتين معاً ، ويجوز للمحكمة أن تأمر بالمصادرة والإبادة ومصادرة كل المواد التي استعملت في ارتكاب الجريمة ، ولها أن تأمر بدفع قيمتها لمالك المصنف على سبيل التعويض إن رأت ذلك أو إتلافها والتخلص منها (المادة 34).
    ـ أعطى القانون المحكمة بمضاعفة عقوبة الغرامة أو مدة العقوبة في حالة استلام مرتكب جريمة حق المؤلف أموالاً نتيجة للاعتداء على حق المؤلف.

    ـ ينشر حكم المحكمة في واحدة أو أكثر من الصحف اليومية على نفقة المحكوم ضده ، وقد طبقت المحاكم هذه النصوص في عدة سوابق منها على سبيل المثال :

    # محاكمة الهيئة القومية للتلفزيون م ع ط ج /23/2002م (غير منشورة) وجاءت شكوى الطاعن لبث التلفزيون لمصنفاته الشعرية دون الحصول على موافقته ، ودون تدوين اسمه عليها ، وهو ما يخالف نصوص القانون ، وقد حكمت المحكمة بالغرامة ووقف البث ، وجاء في حكم المحكمة أن للمحكمة الحق في توقيع عقوبة المصادرة والإبادة ، ومن باب أولى الحكم بوقف البث.

    #وفي محاكمة ..........وآخرين 49ط ج/156/2002م (غير منشورة) أدانت المحكمة المتهمين وقضت ضدهم بدفع غرامة مقدارها 25 ألف دينار للأول وبالعدم السجن لمدة شهر ، وبمبلغ 15 ألف دينار ضد الثانية وبالعدم السجن لمدة ثلاث أسابيع ، وأن يدفعا مبلغ 300 ألف دينار كتعويض بالتضامن والانفراد وذلك لثبوت قيام المتهمين بنشر مؤلف الشاكي ...... (مؤامرة ....وأثرها على .......) في صحيفة ...... دون الحصول على إذنه وموافقته.

    #في حكم للمحكمة العليا تمت محاكمة ...... مجلة قضائية لسنة 2000م صفحة 164 ، وكان الشاكي قد ألف مصنف عبارة عن تصوير (صيادين من قبيلة الدينكا) وبعد التصوير وقيامه بتصميم الشكل فوجئ بنشر مصنفه في مجلة .... في مقال بعنوان الفلكلور الشعبي لقبيلة النوير دون إذنه ، وقد تمسك المؤلف بحقه وطالب بتعويض عن الضرر الذي أصابه لنشر مصنفه بهذه الكيفية مع عدم مراعاة الضوابط الفنية للنشر ، وقد حرم من المشاركة في مسابقات عالمية كان يمكن أن يحصل منها على جوائز مالية ، وقد قام الشاكي بإثبات الضرر وقد قضت المحكمة بإدانة المتهم والحكم بالغرامة والحكم بالتعويض للشاكي وقد تم تأييد الحكم .

    وما سبق يتعلق بجوانب جنائية ، لأنه ترتب عليها أخذ أموال واستفادة من حقوق المؤلفين.

    *التعويض المدني على حق المؤلف :
    ترفع الدعوى عند وقوع أي اعتداء على حقوق المؤلف أمام المحكمة المدنية المختصة للمطالبة بالتعويض عن الضرر ، والمحكمة المختصة الآن هي المحكمة التجارية التي أنشئت بموجب قرار من رئيس القضاء وأعطيت اختصاص النظر في دعاوى الملكية الفكرية ، ومنه النظر في الدعاوى المدنية والجنائية عند الاعتداء على حق المؤلف ، وهي محكمة متخصصة وتعتبر من المحاكم الفريدة في العالم العربي ، فقضاتها متخصصون .
    وقد ذكرت المؤلفة مجموعة من النماذج لقضايا تم الحكم فيها بهذا الصدد.

                   |Articles |News |مقالات |بيانات

07-07-2010, 02:47 AM

عبد الصمد محمد
<aعبد الصمد محمد
تاريخ التسجيل: 12-12-2004
مجموع المشاركات: 314

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عارف الركابي)

    يا أخوانا انتوا الله دا إلا يشوفوا بالعين . الحكاية ماها واضحة . يعني أنا لو كت في مكانة الفاتح جبرا دا واتهم اتهام ذي دا لو أموت ما بجيب الجريدة النشرت فيها أول مرة . كم من صحفيين مشهورين خذلنا فيهم ودونك وزيري يعني شوف قال 97 وبعديها كم 2004 يعني سبعة سنوات طيب ليه ما نشرت في الاسافير او اي موقع تاني قبل 2003 وكنت محتفظبهاوين . جهجهة الموضوع ما حل وانوا ما بتداخل تاني كان بتنجد كان نجدت تروتسكي وعفيت حقي ولا امكن سي جي اخد من نفس القصة الاخدت منها انا دا كلام ني والني للنار
                   |Articles |News |مقالات |بيانات

07-07-2010, 05:49 AM

الفاتح يوسف جبرا
<aالفاتح يوسف جبرا
تاريخ التسجيل: 31-10-2006
مجموع المشاركات: 1617

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: عبد الصمد محمد)


    على القانون طواااالى
    ساخر سبيل
    صحيفة الرأى العام – عدد اليوم الأربعاء الموافق
    7 يوليو 2010م


    Quote:
    منذ صباح الأحد لم ينقطع رنين هاتفى مستقبلاً عدداً مهولا من المكالمات تحكى لى عما تتداوله الأسافير عن مقال (حنة عواطف) وهو مقال يصر الأخ الكاتب (سجيمان) أن يستخرج له شهادة بحث وملكية فى العام 2003م على الرغم من أن فكرة وموضوع المقال هى قصة بل طرفة شائعة كان يتداولها السودانيون فى مجالسهم بالمملكة العربية السعودية فى ثمانينات القرن الماضى وقد قمت بإعادة صياغة أحداثها وشخوصها ونشرتها بالعنوان نفسه بصحيفة الخرطوم فى العام 1997م وكانت حينها تصدر بالقاهرة وكنت أكتب فيها حينها بصورة راتبة .. وقد تم إعادة نشر المقال بصحيفة السودانى (2006) .. ثم أعيد نشره بصحيفة الرأى العام(2008) .. ثم أعيد نشره أيضاً بصحيفة حكايات (2009).. (أى أن المقال تم نشره فى 4 صحف مختلفة وفى 4 أزمان مختلفة) كما تناقلته المواقع الإليكترونية (عند إعادة نشره بالصحف) شأن معظم مقالاتى .. وبنفس العنوان... وطوال هذا النشر المطبعى والأسفيرى و(محركات البحث) التى تمتلئ بالمقال متبوعا بإسم شخصى الضعيف إلا أن الأخ سجيمان لم ير ولم يشاهد ولم يعلم (ومافى زول قال ليهو) أن فكرة مقاله (ملطوشة) حتى (يوم السبت الماضى) حينما قام بنشر (المقال)على موقعه وعلقت عليه إحداهن بأن ذات الفكرة سبق أن تناولها (الفاتح جبرا) فشرع فى توجيه الإتهام (كشئ طبيعى) لشخصنا الضعيف على الرغم من أننا قد سبقناه بزمان طويل فى نشر (القصة) !
    على الرغم من نشرى (للمقال القصة) قبل (ست سنوات) من نشر (أخونا سيجيمان) الذى قال بنشرة بتاريخ 2003م إلا أنه يجب أن يطمئن بأننى عند حصولى على (نسخة الصحيفة) لن أدعى سرقته للمقال إذ أن فكرة المقال هى كما أسلفت (طرفة شائعة) قد ذكر كثير من المتداخلين فى موقع سودانيزأونلاين أنهم قد إستمعوا لها قبل هذه التواريخ بكثير .
    لقد سعيت مرغماً بالأمس لمقابلة الأخ الأستاذ فضل الله محمد الذى إلتمست منه حين مقابلته مراجعة الارشيف للعام 1997 للحصول على نسخة من الصحيفة التى نشر بها المقال وقد تم تكليف موظف الأرشيف (جمعة) بالبحث عن (حنة عواطف) فى مجلد واحد من (أربع مجلدات) تم تركها فى القاهرة كما علمت من الأستاذ فضل الله ، هذا وسوف يفيدنا (الأخ موظف الأرشيف بالنتيجة) وأتمنى أن تكون الصحيفة المرجوة ضمن هذا المجلد الموجود حتى لا أضطر إلى البحث عنها فى دار الوثائق المركزية ولو إستدعى الأمر (لسافرنا إلى القاهرة) , وبالقطع إن وجود المقال فى ذلك التاريخ السابق بكثير عن (تاريخ الأخ سجيمان) لا يجعلنا نوجه له الإتهامات ونكيل له أسباب التندر والسخرية فالأمر لا يدخل فى باب الملكيات الفكرية إذ ان هذه القصة متداولة منذ زمان بعيد وأى كاتب ناشئ يعلم بأن نوعية هذه المقالات (لم يقم الكاتب بتأليف فكرتها وخطها الأساسى) بل هى فى الأصل نكتة أو طرفه يقوم الكاتب (بما يمتلكه من أدوات) بوضع (حوار) وأماكن وشخوص لها ، غير أن الأخ الزميل سجيمان فى عموده (الباب البجيب الريح) بصحيفة التيار أمس الثلاثاء قد شن على شخصنا الضعيف هجوما (ساخرا) يتهمنا فيه بسرقة (حنة عواطف) الذى لا أدعى أننى قد قمت بتأليفها بل أن (الكارثة) أن الأخ سجيمان يدعى ذلك رغم شيوع القصة قبل أزمان وهذا مثير للشفقة حقا والرثاء ..

    كسرة :
    لولا الضيق الذى أحسست به لما ذهبت لصحيفة الخرطوم طالباً البحث عن المقال فماذا تعنى نكتة (حنة عواطف) لرصيدنا فى (الكتابة) !! بل ماذا تعنى بالنسبة لهموم الشعب الفضل!!

    كسرة تانية :

    إن مكان إسترداد الحقوق هو القضاء وليس (البوردات) فقم بإختصار الطريق وما تنتظر وطواالى شيل مستنداتك وأمشى (محكمة الملكية الفكرية) – وجريدتى بجيبا ليكا هناك - وأثبت (حقك) – ولن تستطع أبداً - بإنك أول من قام بتأليف (حنة عواطف) وإننا قد قمنا (بسرقتها) كما تدعى .. وإن شاء الله تثبت إنو كمان (لبس جماعى) ذاااتو حقك .. مافى مشكلة .. طالما كلو بالقانون وبدون (إسفاف) ومهاترات


    كسرة أخيرة :
    فك الصيوان يا سيد البوست .. على كده الفراش إترفع ... شكر الله سعيكم !!
                   |Articles |News |مقالات |بيانات

07-07-2010, 06:00 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: السرقة الأدبية مابين سجيمان والفاتح جبرا (معقولة بس ) (Re: الفاتح يوسف جبرا)

    Quote: فك الصيوان يا سيد البوست .. على كده الفراش إترفع ... شكر الله سعيكم !!


    "جمعة" جاب الأكيدة؟ ولاّ نرفع على انو البكا "خبر"؟









    ... المهم ....
                   |Articles |News |مقالات |بيانات


[رد على الموضوع] صفحة 1 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de