|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Kostawi)
|
كوستاوى
واحد اخونا بشاهد فى المباراة ومعه قريبه سواق شاحنة وقفها فى السهلة وعاوز يطايبو ويمشى على جدة بلاحظ فى اخونا دا مندمج فى المباراة,,وهو ساكت ساى بعد ما انتهت المباراة,,,قال ليه الالمان ديل عملوا المارسدس فيه 12 تعاشيق,,,تغلبهم شغلة الجرى دى,,,قوم شوف شغلتك بجى احضرهم معاك فى النهائى,,,فعلا قوة ضاربة لكن الا توافقنى بان استراليا ضعيفة تحياتى,,
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Kostawi)
|
Quote: كوستاوى
واحد اخونا بشاهد فى المباراة ومعه قريبه سواق شاحنة وقفها فى السهلة وعاوز يطايبو ويمشى على جدة بلاحظ فى اخونا دا مندمج فى المباراة,,وهو ساكت ساى بعد ما انتهت المباراة,,,قال ليه الالمان ديل عملوا المارسدس فيه 12 تعاشيق,,,تغلبهم شغلة الجرى دى,,,قوم شوف شغلتك بجى احضرهم معاك فى النهائى,,,فعلا قوة ضاربة لكن الا توافقنى بان استراليا ضعيفة تحياتى,, |
أب قوتة الجزئية الأولى موافقك عليها لكن أستراليا ضعيفة أمام المانيا yes لكن ما حا تكون ضعيفة أمام فرق أخرى....... العملية نسبية مش كدا?
تخيل أستراليا مع سوربيا أو الجزائر.....أكيد ما حا تقول ضعيفة
و الأيام حا توضح ذلك
المانيا صاحبة الكأس .......مريخاب يا صحبي
(عدل بواسطة Kostawi on 06-14-2010, 06:56 AM)
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: صبري طه)
|
بجيك راجع يا صبري
لو الألمان كان عايزين يجيبوا عشرين قون في مباراة الأمس ما كان بغلبهم لكن عشان الزيك دا يتابع الدورة دي و ما يمسخوها على جنوب أفريقيا و دخل الدورة المادي......إكتفوا بال 4/صفر دي......عشان يخلوك تفتح التلفزيون و تواصل في الوهم بتاعك بتاع البرازيل و انجلترا
المانيا أووييي
_________________________________________ بعدين بطل الرجفي و التعديل يعني الكورة لو out معناها out
سمح?
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Kostawi)
|
كوستاوي إزيك غايتو أنا مشجع قديم لألمانيا..من سنة 82 رومنيغة وبرايتنر وروبيش وبريغل وشوماخر..واستمريت معاهم لحد يومك دة..البيعجبك في الألمان التنظيم والارادة الجبارة..الناس ديل الكورة عندهم 90 دقيقة يعني 90 دقيقة..إن شاء الله غالبين 10 - صفر..كان في طريقة بيجيبوا قوون في الزمن الضايع..الفريق يعكس شخصية البلد والشعب..ارادة جبارة فعلا وخطط ولعب هجومي سريع ومنظم جدا.بس غايتو ممغوسين بي غياب القائد مايكل بالاك
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: خالد عويس)
|
Quote: كوستاوي إزيك غايتو أنا مشجع قديم لألمانيا..من سنة 82 رومنيغة وبرايتنر وروبيش وبريغل وشوماخر..واستمريت معاهم لحد يومك دة..البيعجبك في الألمان التنظيم والارادة الجبارة..الناس ديل الكورة عندهم 90 دقيقة يعني 90 دقيقة..إن شاء الله غالبين 10 - صفر..كان في طريقة بيجيبوا قوون في الزمن الضايع..الفريق يعكس شخصية البلد والشعب..ارادة جبارة فعلا وخطط ولعب هجومي سريع ومنظم جدا.بس غايتو ممغوسين بي غياب القائد مايكل بالاك |
salam Khalid دا كلام تمام يا خالد لكن سنة 82 مش شوية كتيرة!!! دي 28 سنة يا خالد.
إنتو حا تجننونا.
المهم ناسك ديل شايلين الكاس و بسهولة. الفريق الوحيد الكان ممكن ينافسهم هم الأسبان, لكن كشوهم أمبارح.
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Raja)
|
Quote: انا غايتوا برشح الارجنتين |
بالله يا ناس لمن الخواجات يناقشوا أمور الرياضة و مآلاتها, ناس الصين يستمعوا و بس.
ود النيل بالله إعتذر للنجمة, ياخ الواحد لمن يكون لعاب بقولوا عليه نجم (من نجمة)....ما بقولوا عليه هلة.
رجاء بت العباسي, ياخ والله أعتذر ليك لأنو لخبتيني في حكاية الأرجنتين. خلاص طلعنا بحاجة في النهاية, ألمانية ود النيل و مريخية بت العباسي = كوستاوي
أها الليلة شوفونا مع شرق أوربا حا نعمل شنو!!!
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Hafiz Bashir)
|
اخونا القال بشجع المانيا من سنة 82 سمعت بمقولة باولو روسى يروض الوحوش الالمان...... اها بعد يوم السبت حتبقى ميسى يروض الوحوش الالمان!!! وقع ليك كلامى. المانيا تعتمد بصورة اساسية على القوة البدنية مع غياب شبة كامل للمهارات الفردية لمعظم لاعبيها (الملقطين) بودوليسكى- كلوزة- كاكاو- اوزيل- قوميز- خضيرة- وهلمجرا. يعنى بصراحة كدة يا كوستاوى ياخوى المرسيدس بتاعتكم دى مركبين ليها مكنة تايوانية!!!!! ولو جابو هتلر زاتو ماحيغلبو الارجنتين ولو غلبو الارجنين ماحيغلبو البرازيل ولو غلبو البرازيل ماحيغلبو هولندا يعنى فى النهاية حيخلو خشمك ملح ملح عشان كدة احسن تفارق دربهم وشجع ليك فريق بتاع متعة بدل الرجال الاليين ديل.
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Emad Mohamed)
|
Quote: خونا القال بشجع المانيا من سنة 82 سمعت بمقولة باولو روسى يروض الوحوش الالمان...... اها بعد يوم السبت حتبقى ميسى يروض الوحوش الالمان!!! وقع ليك كلامى. المانيا تعتمد بصورة اساسية على القوة البدنية مع غياب شبة كامل للمهارات الفردية لمعظم لاعبيها (الملقطين) بودوليسكى- كلوزة- كاكاو- اوزيل- قوميز- خضيرة- وهلمجرا. يعنى بصراحة كدة يا كوستاوى ياخوى المرسيدس بتاعتكم دى مركبين ليها مكنة تايوانية!!!!! ولو جابو هتلر زاتو ماحيغلبو الارجنتين ولو غلبو الارجنين ماحيغلبو البرازيل ولو غلبو البرازيل ماحيغلبو هولندا يعنى فى النهاية حيخلو خشمك ملح ملح عشان كدة احسن تفارق دربهم وشجع ليك فريق بتاع متعة بدل الرجال الاليين ديل |
كيف ملقطين ؟؟ولو دامعيارك طيب كيف هولندا مافيها ملقطين بعدين انت منو القال ليك هتلر دا الماني صحح معلوماتك برضو كان تلقيط يا اخي تيم الالمان دابيوضح انه المانيا بلد غير عنصري اولا وما اظنك بتعرف تستمتع بمشاهده الكوره الالمان بلعبوا كفريق بينما الفرق الاخري تعتمد علي المهارات الفرديه ودي في حد ذاتها شئ ايجابي في صالح التيم الالماني ولعبهم ممتع لمن يعرف الاستمتاع بالكوره انت من النوع العايز بس ميسي يجري ويجيب قون . البسمع المانيا تعتمد علي القوه البدنيه يفتكرهم ملاكمين يا اخي حرام عليك قوتهم البدنيه ليست اكبر من نيجيريا ولا اكبر من ساحل العاج ولا اكبر من البرازيل ولا الارجنتين ما شايفه زول هناك ضارباه سوء تغذيه ابدا ولا احجامهم اكبر من احجام اي فريق عدا الفرق الاسيويه بحكم طبيعتهم امس شاهدت الماتش بين هولندا وسلوفاكيا والله كانت ممله والهولنديين ما لعبوا كوره بي تعريفه يعني لو ما قون روبن دا وخطأ دفاع سلوفاكيا وحارس المرمي بتاعهم كان اكلو نيم وتقول لي هولندا كمان ؟؟!! الارجنتين هي صاحبه الكاس لكين البرازيل ليست بمستواها الزمان ابدا.
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Kostawi)
|
Quote: يا اخي تيم الالمان دابيوضح انه المانيا بلد غير عنصري اولا وما اظنك بتعرف تستمتع بمشاهده الكوره الالمان بلعبوا كفريق بينما الفرق الاخري تعتمد علي المهارات الفرديه ودي في حد ذاتها شئ ايجابي في صالح التيم الالماني ولعبهم ممتع لمن يعرف الاستمتاع بالكوره انت من النوع العايز بس ميسي يجري ويجيب قون . |
ياكرمبا انت برضو بقيت تقرا باضنيك ما زمان كنت بتنقشا طايره يا اهي اقرا كلامي دا وانت تعرف اين كان قلبي ودماغي. هنا نتلقى التهانئي بفوز اولادنا الالمان .
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Kostawi)
|
Quote: ياكرمبا انت برضو بقيت تقرا باضنيك ما زمان كنت بتنقشا طايره يا اهي اقرا كلامي دا وانت تعرف اين كان قلبي ودماغي. هنا نتلقى التهانئي بفوز اولادنا الالمان . |
يا حبوبة السكليبة في شنو....قلتي الأرجنين حا يفوزوا بالكاس و لكن ما برضى في أهلي الألمان.....نحن قلنا غير كدا?
شوفي أنا زول بعرف الكورة Big Time و بنيت ملاحظتي بعد مشاهدات ما حاجات تانية و الله يا حبوبة.
و قلتها هنا في هذا البوست و بعضهم قال لي (أستراليا فريق تعبان و كانت النتيجة 4-0) و الليلة كانت النتيجة كما كانت مع أستراليا
هل أرجنتينا فريق تعبان?
حزني على غانا و البرازيل و لكن الكرة مدورة
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: doma)
|
Quote: والله انا حزنت شديد علي هزبمه غانا لانها لعبت وارقواي كسبت وفرحت جدا بهزيمه البرازيل |
غانا, أنا معاك تب. ما بتدي حريف.
البرازيل...في العقل الباطن و الحمد لله تخلصنا من العقدة دي لكن برضو لعبوا قيم جميل
أما أخوانا الألمان ديل هم (قوات الردع) موية و نور
لياقة عالية, قوى, هندسة, لعب جماعي, عدم أنانية و إحترام للعبة
______________________________
قلنا ليكم و الشهادة لله
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: saif massad ali)
|
الاخ كوستاوي
اتفق معك في ان المانيا هي افضل فريق من الناحية الفنية في كأس العالم الحالي، وكل التحليلات المنطقية تقول ان المانيا هي البطلة القادمة
ولكن....
منذ متى وأفضل الفرق فنيا هي من يفوز بكأس العالم؟ في الغالب تخرج افضل الفرق فنيا من دور الاربعة او تخسر المباراة النهائية - عدا كأس العالم 94 -
----------------------
من ناحيتي اتمنى - مجرد تمني- ان تفوز اسبانيا او هولندا بكأس العالم، من اجل انصاف فرق قدمت متعة ونجوم ولكن دون لقب عالمي واحد
| |
|
|
|
|
|
|
Re: يا جماعة شيلوا عفشكم دا من هنا....المانيا شايلة كاس العالم, بلا تشريع معاكم!!! (Re: Soumeta)
|
يا سوميتا يا بت أختي كرة القدم بقت علم من العلوم الحديثة زي ال Physics و احد. و الناس ديل بدرسوها و بطبقوها
ما زي ناس قريعتي راحت ديل من أهلنا المهمشين في أمريكا اللاتينية و آسيا و أفريقيا و جنوب أمريكا البعتمدوا على المهارات الفردية....ناس جكسا و الدحيش و مردونا.
ياختي اللألمان ديل ال 11 لاعب بلعبوا بمستوى واحد و لو ال 11 كلهم طقاهم مرض عندهم 11 لاعب جاهزين يحلوا محلهم و بلعبوا بنفس المستوى.
قلي ما شاء الله ساكت و نشوفك يوم الأحد.
| |
|
|
|
|
|
|
|