|
|
 غابت بُكرة..يا بهنس..!! زاهر بخيت الفكى
|
غابت بُكرة..يا بهنس..!!
زاهر بخيت الفكى
أفــل النـــجم..
غاب الشُعاع..
فى ليل بهيم..عسعس..
وسط الظلام..
تاه النجم..ضل الطريق ..
بين الغيوم مُنـدس..
والليل طويل ممتد..
كان العشم ..
لو صُبحوا يتنفس..
ينقَشِع الظلام..
تسطع شمس بُكرة..
يطِل معاها الغد..
وغابت بُكرة..
يا بهنس..
غابت بلا إشراق..
كنت براك..
متوسِد ..
حجر أملس..
عشان يحميك..
من قِر الليالى ..
يقيك..
هجر الصحبة..
نار الغربة..
مننا نحن يا بهنس..
معاك الحق..
تعيش وحدك..دوام شارد..
تنسى حياتنا..
ياخالد..
تموت وحدك..
بين أحضان ..رصيف بارد..
كله دنس..
تفوت يائس..
من دنيا..فيها بشر..
مفطور بحب الذات..
وما حاسس..
بأمر الغير..مهما الغير..
يكون بائس..
بعد ما مت..
يابهنس..بكيناك..
سجعنا كلام..
نظمنا شعر..
رثيناك..
ومن قبلك ..نعينا بهانس..
زى ما الليلة يابهنس ..نعيناك..
نحن كدة..
نحس بالزول بعد ما يموت..
نعدد فى مآثر المات..
نذكر ليهوا كم وقفــات..
نزيدوا شوية من أهات..
من زفرات..
نذرف لينا كـم دمعات..
نحشـد لينا كـم كلمـات..
بعد ما مات..
يرحمك الله..يا بهنس..
يغفر ليك كل الفات..
|
|
 
|
|
|
|
فيس بوك
تويتر
انستقرام
يوتيوب
بنتيريست