هل الشيوعي السوداني كافر ؟

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 03:25 AM الصفحة الرئيسية

مدخل أرشيف الربع الأول للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-02-2007, 09:15 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


هل الشيوعي السوداني كافر ؟

    زمان (ولغاية الآن) حبوباتنا لما الواحدة يكون عندها غرض

    تنده وتقول (يا الشيخ الفلاني تلحقني وتفزعني) حسب الطريقة الصوفية المتبعة لديها.

    أو تدعّي واحد تقول ليه (شديتك في الشيخ الفلاني) برضو حسب الطريقة الصوفية المتبعة لديها.

    يقوم واحد من أولادها أو أولاد أولادها يقول ليها :

    يا حبوبة قولي يا الله الشيخ دا ما بعمل ليك حاجة (لاحظ قولي يالله)

    ترد عليهو الحبوبة :

    أمشي يا ولد من وشي انت كافر انت (شويعي) تقصد شيوعي .

    أو تقول ليه:

    يا ولد انت بقيت (شويعي) تقصد (شيوعي) ولا شنو ؟ بصيغة السؤال طبعا .

    السؤال :

    لماذا ارتبط الشيوعي السوداني بالكفر في المجتمع السوداني ؟

    وهل فعلا الشيوعي السوداني كافر ؟
                   |Articles |News |مقالات |بيانات

06-02-2007, 09:21 AM

Dina Faisal

تاريخ التسجيل: 07-08-2006
مجموع المشاركات: 1102

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    خلاص فكيت الجمهوريين وداير تقبل علي الشيوعيين؟؟










    *حكمة اليوم

    الفاضي يعمل قاضي
                   |Articles |News |مقالات |بيانات

06-02-2007, 09:24 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Dina Faisal)

    Quote: خلاص فكيت الجمهوريين وداير تقبل علي الشيوعيين؟؟


    الأخت دينا

    تحياتي واحترامي

    أنا بسأل بس ولا حتى السؤال حرم ؟
                   |Articles |News |مقالات |بيانات

06-02-2007, 09:36 AM

Randa Hatim

تاريخ التسجيل: 15-05-2006
مجموع المشاركات: 1998

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Dina Faisal)

    معتز القريش ........
    استغفر يازول ... انت موضوعك شنو بالضبط؟؟؟؟؟

    اول شئ القال منو الشيوعى السودانى كافر ... وانت قلت بى نفسك "حبوباتنا" لانو فهمهم كان محدود ... وبالتالى اتخيلو انو الشيوعيه يعنى الكفر وبس ..... يبقى دا ما موضوع للطرح والنقاش دا اسمو فهم حبوبات وبس ....


    معتز قريش ... انا من القطينه ... ومحمد ابراهيم نقد "سكرتير الحزب الشيوعى السودانى" خالى ... موش من بعيد ... لا خالى من قريب شديد .... زول بيصلى ... وبيصل رحمو ... وبيحسن للناس ... واتحدى اى زول عاش فى القطينه او غيرها واتعامل معاهو يقول ليك عنو اى شى غير كل خير ..... وحتى على نطاق علاقاتو بالناس وتعامله معاهم .....

    ويا اخى الفكره الشيوعيه حينما دخلت الى السودان دخلت كفكره اشتراكيه لمحاربه الراسماليه ... ولنصرة الطبقة العمالية المسحوقه ... الشيوعى السودانى .. رجل كان او امرأه .. مثقف ومطلع وقارئ نهم ... ولكن فى الفتره الاخيره ...وهى كلمة حق يجب ان تقال .. تذرع كل من يريد او كل من تريد التملص من قيود الدين والعادات والتقاليد .. بحثا عن الانفلات والتصرف بلا رقيب .. تذرعو بكلمة شيوعى .. وكانها منفذهم نحو الحريه الغير مقننه .. ولكن حتى هؤلاء لا يحق لك ان تقول عنهم "كفار" هم اناس ارتضو لانفسهم منهاج حياة بعيدا عن التقيد بالتقاليد والدين .... وهم ايضا ليسو كفارا!!!!!!!

    معتز قريش ارجو ان تبتعد عن مثل هذه المواضيع الشائكه الان ...انت بالتحديد فى هذه الفتره لا يحق لك مناقشة هكذا امور ... لان صورتك فى نظر الكل الان انك "تكفيرى" ... تريث قليلا ريثما تستعيد توازنك الفكرى مع نفسك وايضا تستعيد صورتك المتزنه فى انظار الاخوه والاخوات فى المنبر ... حينها فقط سيقبل منك مثل هذا الطرح بشكل موضوعى ...

    ارجو ذلك ......

    تحياتى

    (عدل بواسطة Randa Hatim on 06-02-2007, 09:48 AM)

                   |Articles |News |مقالات |بيانات

06-02-2007, 10:02 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Randa Hatim)

    الغالية رندا حاتم

    تحياتي واحترامي

    وانتي أكتر واحدة تعلمي معزتك عندي وعند كل أعضاء هذا المنبر

    وقد عهدتك رزينة ولا يجد الغضب سبيلا الى قلبك

    يا أم وبت حاتم ..

    براحة شوية علي .

    لماذا كل هذه الثورة ؟

    هل لأن محمد ابراهيم نقد خالك ؟

    يا ستي أنا ما جبت سيرة حد أنا بسأل عن فكرة مأخوذة عن الشيوعيين .

    المفروض انك تصححي الفكرة دي أو تثبتيها بدل مهاجمتي بهذه الطريقة .

    بالله عليك هل أنا قلت الشيوعي السوداني كافر .

    أنا سألت سؤال بسيط جدا . أنا زول ما عارف وعاوز أعرف .

    دي فيها حاجة ؟


    Quote: ويا اخى الفكره الشيوعيه حينما دخلت الى السودان دخلت كفكره اشتراكيه لمحاربه الراسماليه ... ولنصرة الطبقة العمالية المسحوقه ... الشيوعى السودانى .. رجل كان او امرأه .. مثقف ومطلع وقارئ نهم ... ولكن فى الفتره الاخيره ...وهى كلمة حق يجب ان تقال .. تذرع كل من يريد او كل من تريد التملص من قيود الدين والعادات والتقاليد .. بحثا عن الانفلات والتصرف بلا رقيب .. تذرعو بكلمة شيوعى .. وكانها منفذهم نحو الحريه الغير مقننه .. ولكن حتى هؤلاء لا يحق لك ان تقول عنهم "كفار" هم اناس ارتضو لانفسهم منهاج حياة بعيدا عن التقيد بالتقاليد والدين .... ولكن ليس كل الشيوعيين مثلهم ............وهم ايضا ليسو كفارا!!!!!!!


    أها كلامك الفوق دا هنا مفيد جدا ...

    بس عندي سؤال فيه ..


    Quote: وهى كلمة حق يجب ان تقال .. تذرع كل من يريد او كل من تريد التملص من قيود الدين والعادات والتقاليد .. بحثا عن الانفلات والتصرف بلا رقيب .. تذرعو بكلمة شيوعى ..


    في رايك ..

    لماذا تذرعوا بكلمة شيوعي ؟

    لماذا لم يتذرعوا بكلة اتحادي أو حزب أمة أو أخوان مسلمين ؟

    أها سؤالي دا فيه حاجة ؟ كان فيه حاجة ماتردي عليه .
                   |Articles |News |مقالات |بيانات

06-02-2007, 10:17 AM

Randa Hatim

تاريخ التسجيل: 15-05-2006
مجموع المشاركات: 1998

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    معتز ... انا ما زعلانه .. انا زعلانه عليك من الهجوم اللى ح تلقاهو ...

    يا سيدى موش لانو نقد خالى انا زعلانه ... انا ضربت ليك بيهو مثل باعتبار انو رب البيت زى ما بقولو .. فاذا كانو الشيوعيه كفار .. يبقى من باب اولى يكون هو اكبر كافر ... دى حاجه ...

    الحاجه التانية ... دا اصلا ما سؤال تسالوا .... يا اخى حتى البيطالبو بى فصل الدين عن الدوله ... الدوله العلمانيه ... هل دا بيدينا الحق نقول عنهم كفار ... ابدا ... الدين اصلا علاقه بين العبد والرب ... طريق ممتد فى طرفو الاول العبد وفى طرفو التانى الله ... ويظل الانسان فى حالة سعى نحو الله حتى يصل ... فلما نقول والله ما دايرين شريعه اسلاميه فى الحكم لانو السودان متعدد الديانات مثلا ... يبقى الكفر هنا وين .... وكيف ننفى الدين عن القائل مثل هذا القول هل انت تعلم كيف هى علاقته الفرديه مع الله ... مستحيل ....

    انت سؤالك دا اذا فعلا انت ما عارف ليهو اجابه .. دا ما محل طرحو ولا زمنو ... للسبب الذكرتو ليك فى نهاية مداخلتى ..... اما كلام حبوباتنا ... فعليك الله يا معتز خليك علمى فى طرحك ... يعنى اتحدث عن سلوك شيوعى او تطرف دينى او.. او .. والمهم فى النهايه ابعد عن كلمة "كافر" دى ...

    تحياتى ...
                   |Articles |News |مقالات |بيانات

06-02-2007, 10:54 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Randa Hatim)

    الغالية أم حاتم

    Quote: معتز ... انا ما زعلانه .. انا زعلانه عليك من الهجوم اللى ح تلقاهو ...


    شكرا جزيلا على شعورك النبيل وأنا مستعد للهجوم وسأرد على المداخلات المفيدة وأهمل الباقي

    Quote: يا سيدى موش لانو نقد خالى انا زعلانه ... انا ضربت ليك بيهو مثل باعتبار انو رب البيت زى ما بقولو .. فاذا كانو الشيوعيه كفار .. يبقى من باب اولى يكون هو اكبر كافر ... دى حاجه ...


    اذن انتي خايفة عليهو إنو إكون أكبر كافر صاح ؟

    عشان كدا أنا سالت السؤال دا .

    عشان الناس ما يفتكروا أنو محمد ابراهيم نقد أكبر كافر

    أنا بسأل عن علاقة الشيوعي السوداني بالمجتمع السوداني من خلال الفكرة السائدة

    والمذكورة في بداية البوست .


    Quote: الحاجه التانية ... دا اصلا ما سؤال تسالوا ....


    يا راندوك سؤالي دا فيه شنو ؟

    مش إمكن عاوز أبقى شيوعي ؟


    Quote: فلما نقول والله ما دايرين شريعه اسلاميه فى الحكم لانو السودان متعدد الديانات مثلا ... يبقى الكفر هنا وين ....


    دا خارج الموضوع . موضوعنا مش هو الدين والدولة دا بحث تاني جاي في الطريق .

    Quote: والمهم فى النهايه ابعد عن كلمة "كافر" دى ...


    ربنا ذكر الكفر والكافر والمؤمن والإيمان مرات عديدة في القرآن

    مثلا قوله تعالى :

    (تِلْكَ الرُّسُلُ فَضَّلْنَا بَعْضَهُمْ عَلَى بَعْضٍ مِّنْهُم مَّن كَلَّمَ اللّهُ وَرَفَعَ بَعْضَهُمْ دَرَجَاتٍ وَآتَيْنَا عِيسَى ابْنَ مَرْيَمَ الْبَيِّنَاتِ وَأَيَّدْنَاهُ بِرُوحِ الْقُدُسِ وَلَوْ شَاء اللّهُ مَا اقْتَتَلَ الَّذِينَ مِن بَعْدِهِم مِّن بَعْدِ مَا جَاءتْهُمُ الْبَيِّنَاتُ وَلَكِنِ اخْتَلَفُواْ فَمِنْهُم مَّنْ آمَنَ وَمِنْهُم مَّن كَفَرَ وَلَوْ شَاء اللّهُ مَا اقْتَتَلُواْ وَلَكِنَّ اللّهَ يَفْعَلُ مَا يُرِيدُ)


    فهل نترك قراءة القرآن لأنه وردت فيهو كلمة الكافر .

    لماذا هذا الرعب من هذه الكلمة ... حتى لو قيلت في مكانها

    هل لأن المستنيرين أوحوا الينا بذلك وأصبحنا نتبعهم جحرا جحرا
                   |Articles |News |مقالات |بيانات

06-02-2007, 11:05 AM

Randa Hatim

تاريخ التسجيل: 15-05-2006
مجموع المشاركات: 1998

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: اذن انتي خايفة عليهو إنو إكون أكبر كافر صاح ؟


    القال منو؟؟؟؟ انا كلامى واضح .. قلت ليك اذا كان الشيوعيين كفار يبقى من باب اولى نقد يكون كافر... ما قلت خايفه عليهو من التكفير ...


    Quote: فهل نترك قراءة القرآن لأنه وردت فيهو كلمة الكافر .

    لماذا هذا الرعب من هذه الكلمة ... حتى لو قيلت في مكانها

    هل لأن المستنيرين أوحوا الينا بذلك وأصبحنا نتبعهم جحرا جحرا


    ياخى ما برضو ربنا هو القال "تلقونه بالسنتكم ما ليس لكم به علم وتحسبونه هين وهو عند الله عظيم"

    يا اخى قول .. هل الفكر الشيوعى فكر الحادى؟؟ مثلا دى نقبلها منك .. لانك بتسال عن الفكره نفسها .. لكن ما تقول الشيوعى السودانى كاااافر ... انت كدا بتعنى اشخاص .. ما فكره .. ودا ما من حقك!!!! اطلاقا ما من حقك ترمى بيهو بنى ادم ..... وبعدين الاشتراكيه العامله زوبعه دى فى الاسلام فى (الناس شركاء فى ثلاث) ولا دى اشتراكيه اسلاميه وديك اشتراكيه كافره ....

    وبعدين دى كلمه فعلا بترعب .. ومفروض انت البتقولا اكتر واحد يترعب منها .. لانها ح تهوى بيك فى جهنم سبعين خريفا اذا وجهتها لى ناس وهى ما فيهم ... الايمان يا معتز الذى هو عكس الكفر تعريفه انه ماوقر فى القلب ... وصدقه العمل .. فهل انت مطلع على قلوب العباد؟؟؟؟؟؟؟؟؟؟؟؟؟؟؟؟؟؟؟؟؟؟ وهل لديك ادله وبينات من افعالهم تدل على انهم كفار؟؟؟؟؟؟؟؟؟؟؟؟؟؟؟؟؟

    اتقى الله ...... وما تقول لى انا بسال مجرد سؤال ... يعنى ما تحاول تتذاكى وتحرف الموضوع .. صيغة سؤالك وطرحك للسؤال دا مضمونو ومعناهو ... يبقى اتحمل الموقف كامل بكل تبعاتو....
                   |Articles |News |مقالات |بيانات

06-02-2007, 09:25 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30789

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    والله يا معتز عليك شلاقة
    بتعرفها براك
    لسة كلامك في الجمهوريين ما برد
    وإعتذارك عن تكفير الناس صداه لا زال يتردد و البوست حي لسة و مرفوع

    حقو تجهز إعتذارك من الآن
                   |Articles |News |مقالات |بيانات

06-02-2007, 09:34 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: محمد البشرى الخضر)

    Quote: وإعتذارك عن تكفير الناس صداه لا زال يتردد و البوست حي لسة و مرفوع


    الغالي محمد البشرى

    تحياتي واحترامي

    أكرر اعتذاري هنا ايضا للأخت هنادي وآمل قبول الاعتذار

    أها قلنا المرة نسأل ساي بس للعلم دي فيها حاجة ؟
                   |Articles |News |مقالات |بيانات

06-02-2007, 09:25 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7798

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: خلاص فكيت الجمهوريين وداير تقبل علي الشيوعيين؟؟










    *حكمة اليوم

    الفاضي يعمل قاضي



    ليش كدة ليش كدة ليش كدة يا بت فيصل؟؟؟

    مودتي... وباركوها يا شباب... وصلو علي النبي...


    أبو الحســــــــــين...
                   |Articles |News |مقالات |بيانات

06-02-2007, 09:35 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 27289

للتواصل معنا

FaceBook
تويتر Twitter
YouTube


وماذا يهم إذا كان الشيوعي كافر؟؟ فهو حر.. (Re: أبو الحسين)

    يا أبا الحسين،

    سلامات

    Quote: ليش كدة ليش كدة ليش كدة يا بت فيصل؟؟؟


    استغربت مداخلتك مع دينا.. مع أن الأوجب كان أن تتداخل في البداية مع معتز؟؟ دينا ذكرت مثل شعبي شهير عندما ينشغل الإنسان بما هو غير مهم..

    يا معتز حتى إن كان الشيوعي كافر فما هي المشكلة بالنسبة إليك؟؟

    وأنا أعرف أن كثيرا من الشيوعيين السودانيين غير كفار.. طبعا إنت مولود في سنة 1966.. أكيد بتكون حبوبتك سمعت بقصة حل الحزب الشيوعي وعن أن الشيوعيين كفار والقصة البايخة إياها..

    حبوبتك الله يديها العافية إن كانت موجودة، والله يرحمها لو توفيت.. أكيد كانت طيبة القلب وحتى لو كان واحد من أولادها شيوعي لن تقول بإعدامه لأنه كافر؟؟ مش كدا وللا إيه؟؟

    تحياتي
    ياسر
                   |Articles |News |مقالات |بيانات

06-02-2007, 09:40 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: وماذا يهم إذا كان الشيوعي كافر؟؟ فهو حر.. (Re: Yasir Elsharif)

    Quote: يا معتز حتى إن كان الشيوعي كافر فما هي المشكلة بالنسبة إليك؟؟


    اخي ياسر الشريف

    تحياتي واحترامي

    أنا ما عندي مشكلة بس عاوز أعرف

    دي فيها حاجة ؟

    فهل انت تعلم ؟

    ان كنت تعلم ارجو أن تجيبني وجزاك الله خير .
                   |Articles |News |مقالات |بيانات

06-02-2007, 09:30 AM

fadlabi
<afadlabi
تاريخ التسجيل: 13-12-2004
مجموع المشاركات: 4116

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    والله ياخي ما عارف

    لكن أنا شيوعي جمهوري حركة شعبية
    ذاتو
    يلا جيب سيفك و تعال
                   |Articles |News |مقالات |بيانات

06-02-2007, 09:46 AM

Salah Musa
<aSalah Musa
تاريخ التسجيل: 29-03-2004
مجموع المشاركات: 525

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: fadlabi)

    وإنت طبعا واضح بتفكر زي حبوبتك الله يعينك
                   |Articles |News |مقالات |بيانات

06-02-2007, 06:47 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Salah Musa)

    الأخ الكريم صلاح موسى

    Quote: وإنت طبعا واضح بتفكر زي حبوبتك الله يعينك


    يا أخي عاملوني على قدر عقلي وردوا على سؤالي أو خلوا البوست دا إمشي الإرشيف .

    مالكم مفورين دمكم .
                   |Articles |News |مقالات |بيانات

06-02-2007, 09:50 AM

Dina Faisal

تاريخ التسجيل: 07-08-2006
مجموع المشاركات: 1102

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: fadlabi)

    Quote: يلا جيب سيفك و تعال



    فابشر بطول سلامة يا فاضلابي



    Quote: ليش كدة ليش كدة ليش كدة يا بت فيصل



    لقيت روحي فاضية يا ابو الحسين قلت ابرمج بيهو زي ما هو مبرمج بروحه



    *زمان كان في بوست كدة بعنوان ماذا تفعل لتصبح مشهورا؟؟ واحدة من الردود

    كانت : تتصدر للفارغة ومقدودة.
                   |Articles |News |مقالات |بيانات

06-02-2007, 04:04 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: fadlabi)

    Quote: والله ياخي ما عارف

    لكن أنا شيوعي جمهوري حركة شعبية
    ذاتو
    يلا جيب سيفك و تعال



    خلاص يا شاطر لما تعرف أبقى تعال

    أنا ما عندي سيوف انا عندي كيبورد بس
                   |Articles |News |مقالات |بيانات

06-02-2007, 09:49 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 27289

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    معتز هذا البوست سيكون استفتاء آخر.. أرجو أن تستهدي بما يكتبه لك الناس..
                   |Articles |News |مقالات |بيانات

06-02-2007, 10:22 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Yasir Elsharif)

    Quote: معتز هذا البوست سيكون استفتاء آخر.. أرجو أن تستهدي بما يكتبه لك الناس..


    ما هو عشان كدا أنا فتحتو
                   |Articles |News |مقالات |بيانات

06-02-2007, 09:50 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7798

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: يا أبا الحسين،

    سلامات


    Quote: ليش كدة ليش كدة ليش كدة يا بت فيصل؟؟؟



    استغربت مداخلتك مع دينا.. مع أن الأوجب كان أن تتداخل في البداية مع معتز؟؟ دينا ذكرت مثل شعبي شهير عندما ينشغل الإنسان بما هو غير مهم..




    الحِبيِّب ياسر...

    تسلم يا اخوي... لكن أنا ما قصدته هو أن لا ينزلق البوست...

    أما ردي للأخ معتز... وهل فعلا الشيوعي السوداني كافر ؟

    كل من يقول لا إله إلا الله محمد رسول الله فهو مسلم...

    ومن كفره فقد كفر...

    وأسأل الله أن يبعد عن إسلامنا التكفيريين...

    ومودتي... وآسف لو حدث من ردي أي إزعاج لأي أحد...

    مع كميات مودتي للأخت دينا...


    أبو الحســــــــــين...
                   |Articles |News |مقالات |بيانات

06-02-2007, 04:56 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: أبو الحسين)

    أبو الحسين

    تحياتي واحترامي

    Quote: أما ردي للأخ معتز... وهل فعلا الشيوعي السوداني كافر ؟

    كل من يقول لا إله إلا الله محمد رسول الله فهو مسلم...

    ومن كفره فقد كفر...


    شكرا الإجابة وصلت .
                   |Articles |News |مقالات |بيانات

06-02-2007, 09:55 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 27289

للتواصل معنا

FaceBook
تويتر Twitter
YouTube


الدولة المحايدة دينيا أصبحت الآن ضرورة... (Re: معتز القريش)

    يمكن بالضغط الإستماع والمشاهدة لمحاضرة للدكتور عبد الله النعيم في جامعة إيموري.. حول الدولة المحايدة دينيا..




    المحاضرة تستمر حوالي ساعة والنقاش حوالي 20 دقيقة والمقدمة الأولى حوالي 7 دقائق..
                   |Articles |News |مقالات |بيانات

06-02-2007, 10:27 AM

Abureesh

تاريخ التسجيل: 22-09-2003
مجموع المشاركات: 19467

للتواصل معنا

FaceBook
تويتر Twitter
YouTube


Re: الدولة المحايدة دينيا أصبحت الآن ضرورة... (Re: Yasir Elsharif)

    الأخ معتـز،

    تحياتى، وإجابتى هـى: لا.

    ليس من شـروط الكفـر الإنتماء للحزب الشيـوعى.. الإلحـد هـو الكفـر والشيوعيين السـودانيين ليسـوا ملحدين بالضـرورة.. هـذه هى المناسبـة التى يجب أن تأخـذ كل حالـة لوحدهـا.. فقـد يكون هناك كافـر فى أحزاب أخـرى، وأولياء صالحون فى الحزب الشيوعى.. وبالعكس..
    وحديث الأشعـريين واضـح فى شيوعيـة الإسـلام، فقد قال النبى صلى الله عيه وسـلم:
    "كان الأشـعريون إذا أملقوا أو كانوا على سفـر، فرشـوا ثوبا ووضعوا عليه ما لهم من زاد، ثم أقتسمـوه بالسويـة.. أولائك قوم أنا منهـم وهـم منى" أو كما قال.. هـذه ليست أشتراكيـة، هـذه دعوة لشيوع المال بالتسـاوى بين الناس.. أى مرحلـة الشيوعيـة التى نادت بهـا الماركسيـة، ثم عجزت حتى عن تطبيق الإشتـراكيـة، دع عنك الشيوعيـة.
                   |Articles |News |مقالات |بيانات

06-02-2007, 06:14 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Abureesh)

    شكرا أخي أبو الريش على الرد والمرور

    وشكرا على المعلومة القيمة
                   |Articles |News |مقالات |بيانات

06-02-2007, 10:23 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)
                   |Articles |News |مقالات |بيانات

06-02-2007, 10:35 AM

سليمان عبد الغني


للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    الأخ معتز ... سلام
    في إحدى المنتديات كتبت مقالاً شبيهاً بمقالك بعنوان (يا شيوعي يا ملحد) وإليك المقال وبعض الردود .. عسى أن تضيف شيئاً في هذا البوست:

    نص المقال:
    يتبادر إلى أذهاننا بمجرد سماعنا أن فلاناً شيوعي بأنه ملحد ينكر وجود الله أي أن الشيوعية والإلحاد كلمتان متلازمتان ويا ويلك ويا سواد ليلك إذا إتهمك أحد بالشيوعية عند أباؤنا وأمهاتنا كبار السن فالشيوعي في فهمهم هو الشخص الغير مسلم وكثيراً ما سمعنا حبوباتنا إذا غضبن من أحدنا ينعتنه بالكافر الشيوعي الذي يتبول واقفاً وكم تم إتهام الكثير من جيلنا الذين إرتادوا الجامعات السودانية من النوبيين بأنهم شيوعيين بسبب عملهم في الروابط والكيانات الطلابية النوبية فهناك دوماً تهمة جاهزة سواءً كانت من قبل إدارة الجامعة أو أجهزة الأمن للطلبة النوبيين بسبب إنتقادهم الدائم لسياسات الدولة المتمثلة في تهميش المناطق النوبية ولكن الذي لا يعلمه الكثيرون هو أنه هناك كثير من المبادئ والأهداف الجميلة والنبيلة التي تدعو إليها الشيوعية وسأحاول أن أبين بعض تلك الأهداف ليس دفاعاً عن الشيوعية بل فقط للفائدة وأرجو من القراء أن لا يفهموني بطريقة خاطئة فأنا لم إنتمى أبداً لحزب سياسي بل أكره العمل السياسي والإنتماءات السياسية لما به من كم هائل من الخيانة والغدر والطعن من الخلف ففي لعبة السياسة لا يأمن صديق لصديقه وحليف لحليفه فالمصالح الذاتية والمكاسب السياسية لها الأولوية.

    الأب الروحي والمؤسس للشيوعية هو كارل ماركس ومساعده صديقه فريدريك أنجلز ومن أهم من تعمق في النظرية الشيوعية وأسهم في الكتابات والتطبيق فيها ومؤسس الشيوعية الروسية هو فلاديمير لينين فالشيوعية نظرية إجتماعية وحركة سياسية تهدف إلى السيطرة على المجتمع ومقدراته لصالح الكل بالتساوي لا فرق بين فرد وآخر في المزايا.
    الفكرة الأساسية التي إرتكزت عليه أفكار ماركس وأنجلز هو (أن التاريخ صراع بين طبقات المجتمع ، نجد أن طبقة صغيرة متنفذة تشرف على عملية الإنتاج والعطاء بينما السواد الأعظم من المجتمع يسهم إسهاماً قليلاً في عجلة المجتمع الإقتصادية والإنتاجية في هذه المرحلة كانت الرأسمالية تتحكم وتسير عجلة الإقتصاد بصورة غير منصفة من وجهة نظر ماركس يرى كيفية إستغلال البرجوازيين للطبقة الكادحة ويستدل بالطريقة التي يشتري بها أرباب الأعمال وقت العامل عن طريق دفع راتب مقطوع لهذا العامل ومن ثم يقوم رب العمل ببيع السلعة التي يصنعها العامل بفارق ربح ) كان يرى ماركس في العملية الآنفة الذكر ظلماً وإجحافاً بحق العامل وأن هناك خللاً بتطبيق العدالة بين ما يجنيه العمال من عائد متمثل في راتبه المقطوع وبين الربح الفاحش الذي يجنيه أرباب العمل.
    أيوجد هناك أروع من هذه الفكرة التي تبناها ماركس ومن منطلقها قرر الثورة على الرأسمالية وتحرير العمال الكادحين والإتيان بنظام يلغي الفردية أي إمتلاك الفرد لشئ فكل شئ للدولة وهي المسؤولة عن الفرد بإعاشته وعلاجه وتعليمه مقابل عمله في مصانع ومؤسسات حكومية فيستاوى جميع أفراد الشعب وتختفي الطبقية وأنا أرى في هذه النظرية عين العدالة.
    وإليكم بعض المبادئ الرائعة للشيوعية الروسية التي وضعها المؤسسين:

    1- المصادرة التدريجية لأملاك كبار العقاريين والصناعيين وأصحاب خطوط السكك الحديدية والبواخر وذلك بواسطة منافسة القطاع العام في الصناعة من جهة وبواسطة المصادرة المباشرة مقابل تعويضات معينة من جهة أخرى.
    2- مصادرة أملاك جميع المهاجرين والمتمردين ضد مصلحة غالبية الشعب.
    3- تنظيم العمل وتشغيل العمال في ممتلكات ومصانع ومؤسسات الدولة مما يقضي على تنافس العمال فيما بينهم ويضطر ما تبقى من الرأسماليين على دفع أجور مرتفعة مساوية لما تدفعه الدولة.
    4- إلزامية العمل لجميع أفراد المجتمع حتى القضاء التام على الملكية الخاصة.
    5- تكثيف حشود المشتغلين بالصناعة وخاصة لخدمة أغراض الأنشطة الفلاحية.
    6- مركزة نظام القروض وتبادل العملة في أيدي الدولة وذلك بواسطة إنشاء بنك وطني ذي رأسمال حكومي وإلغاء كل البنوك الخاصة.
    7- مضاعفة عدد المصانع والمشاغل والسكك الحديدية والسفن التابعة للقطاع العام واستصلاح الأراضي المهملة وترشيد استغلال الأراضي الفلاحية وبذلك تقع الزيادة في الرساميل وتنمو القوى العاملة بالبلاد.
    8- تعليم جميع الأطفال في مؤسسات الدولة وعلى نفقتها منذ أن يصبح بإمكانهم الاستغناء عن عناية أمهاتهم (التنسيق بين التعليم والعمل الصناعي(
    9- بناء مجمعات في الصناعة أو الفلاحة مع الحرص على توفير جميع إيجابيات الحياة في كل من المدينة والريف مع التخلص من سلبياتها.
    10- تهديم جميع المساكن والأحياء غير الصحية والسيئة البناء.
    11- تمتيع الأبناء الشرعيين وغير الشرعيين بنفس حقوق الإرث.
    12 مركزة جميع وسائل النقل في أيدي الدولة.

    بغض النظر عن موقفها من الأديان الشيوعية من أروع ما ينتمي إليه الإنسان بما يوفر في المجتمعات التي تطبقها المساواة الكاملة بين أفرادها وقضائها على الطبقية والملكية الفردية فلا يكون فوارق إجتماعية وبالتالي لا يشعر أحد بالدونية وبذا نحصل على مجتمع معافى من كثير من العلل.
    ليس الضرورة أن تنتمي إلى جماعة أو حزب معين ولكن حتماً هناك جوانب إيجابية وسلبية في كل من هذه الجماعات والأحزاب وما ذكرته أعلاه هو رأيي الشخصي في إيجابيات الشيوعية وأسمحوا لي أن أقول إذا كان بالإمكان إتخاذ الشيوعية منهجاً بطريقة مجزأة أي إذا كان مسموحاً بالأخذ بجزء من مبادئه وترك جزء آخر كنت سأكون شيوعياً حتى الثمالة.
    ودمتم؛؛؛
    إنتهى المقال:

    نموذ من التعليقات:
    أخي سليمان بارك الله فيك لتناولك هذا الموضوع المهم.....وقبل أن أعقب عليه وجدت الأخ .... قد عقب وسبقني بكل ما كنت أريد أن أخطه في بوستك هذا..... نعم للشيوعية شعارات رنانة لكن إن أخذت كل شعار على حدة وحكَّمت فيه الدين ستجد أنها شعارات جوفاء فمثلاً خذ ( المصادرة التدريجية للأموال. فكر معي أخي في هذا الأمر هذا يعني إشاعة الفوضي... وإشاعة الكسل وسط الناس... واشاعة الأعتماد على الغير في طلب الرزق وبالتالي تدهور اقتصاد الدولة.... ثانياً نأخذ البند (11) من سردك.... الميراث ظاهر جداً في الدين الاسلامي فكيف نورّث الابن غير الشرعي؟؟؟؟؟ هذا أيضاً يقود إلي اشاعة الزنا..... ألم تري أخي سليمان في الجامعات نشاطهم وعتمادهم على العنصر النسائي مع رفع الكلفة بينهم وحبهم للون الاحمر (لون الدم) وقصائدهم التي يمجدون بها الرعيل الأول من الشيوعيين.... عفواً أخي سليمان لأنني لم أوافقك في كلامك (وما ذكرته أعلاه هو رأيي الشخصي في إيجابيات الشيوعية وأسمحوا لي أن أقول إذا كان بالإمكان إتخاذ الشيوعية منهجاً بطريقة مجزأة أي إذا كان مسموحاً بالأخذ بجزء من مبادئه وترك جزء آخر كنت سأكون شيوعياً حتى الثمالة.
    ودمتم؛؛؛)))
    أخي عرفناك شخصاً محبوباً ورزيناً فلا تنقاد لأفكار الشيوعيين حتي لا تكون منبوذاً ولو علي سبيل المزاح.....

    نموذج آخر من التعليقات:
    بسم الله الرحمن الرحيم
    والحمد لله على نعمت الاسلام
    والحمد لله الذي فضلنا على كثير من خلقه
    وبقول بصراحه والله انا صراحه مستغرب من الأخ سليمان من الحديث المهين ويصدر عن انسان مسلم موحد
    وبقول لو كان الموضوع الطرحته كان في شكل سرد عن موضوع فأنا أول المؤيدين ليك
    لكن انك تقول انك بتفضلوا وتقول عن تلك الأفكار بأنها أفكار حسنه فهذا هو العيب بنفسه
    ولا حول ولا قوة الا بالله
    وبعدين والله لو نظرت برأي الانسان الفطن والله مابتلقى نظام اقتصادي واجتماعي أفضل من النظام الأسلامي
    وبعدين كيف أنا أحرم الانسان أهم حاجه هو بيحبها والتي هيا نعمة الامتلاك
    يعني لازم النسان يمتلك الاراضي والعقارات والمصانع
    والله والله والله عيب انك تقول الأبناء الغير شرعيين يدخلوا في الارث انت كده بتحث على الفساد الذي الدين الاسلامي يدعوا لالغاءه
    وبعدين لازم يكون في حريه رأي في المجتمع مش عشان أنا غالفت رأي الأغلبيه تصادر أملاكي
    عموما في الأخير
    نقول للأخ سليمان الكلام ده ماصح وصحح مذهبك لو كان غلط.

    الأخ معتز هذه آراء بعض الناس حول الموضوع. ولك التحية.
                   |Articles |News |مقالات |بيانات

06-02-2007, 11:50 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: سليمان عبد الغني)

    شكرا أخي سليمان عبد الغني على الإثراء والفائدة

    وأتمنى لو تجد لنا شئ عن العقيدة عند الشيوعيين

    أنا البعرفوا انو الشيوعية العالمية شعارها الأساسي

    (لا إله والحياة مادة)

    (الدين افيون الشعوب)

    هل كلامي دا صاح ؟

    فهل الشيوعي السوداني يعتقد بهذه العقيدة
                   |Articles |News |مقالات |بيانات

06-02-2007, 10:38 AM

Frankly
<aFrankly
تاريخ التسجيل: 05-02-2002
مجموع المشاركات: 34804

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    أخي الحبيب معتز القريش

    هناك قواعد وآليات للتكفير

    فالتكفير يجب أن لا يصدر من الأشخاص العاديين أولاً بل يخرج من مؤسات فقهية وقضائة مخوّلة بالنطق في تكفير شخص بعد أن تقام عليه الحجة

    يمكن تكفير فكر ومنهج ولكن لا يمكن تكفير كل من تبع هذا الفكر الضال

    فمسألة التكفير مسألة ليست بالساهلة ولا بالفوضوية

    فإن رمى أحدنا الأخر بالكفر فإن لم تكن به باء به وارتد عليه تكفيره

    هناك من يتبع الأفكار الضالة تعاطفاً أو جاهلاً بأسرارها وخباياها
    وهناك من يتبع أفكار ضالة وهو متأول
    وهناك من يتبع أفكار ضالة وهو يتخذها سبيل لنيل منافع دنيوية
    وما إلى ذلك

    لذلك من الخطر تكفير شخص لأنّه يتبع جماعة تحمل أفكاراً معينة حتى وإن كانت أفكاراً كفّرها علماء الأمة

    تحياتي واحترامي
    كمال
                   |Articles |News |مقالات |بيانات

06-02-2007, 11:17 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Frankly)

    أخي المحترم كمال

    تحياتي واحترامي ...


    Quote: فالتكفير يجب أن لا يصدر من الأشخاص العاديين أولاً بل يخرج من مؤسات فقهية وقضائة مخوّلة بالنطق في تكفير شخص بعد أن تقام عليه الحجة


    لأجل ذلك تجدني رجعت عن الخطأ الذي ارتكبته في حق الأخت هنادي يوسف

    في لحظة غضب وثورة وتبت الى الله منه وندمت واستغفر الله من ذلك .


    أما فيمن انطبق عليه قولك أعلاه فلم أسحبه ولم أعتذر عنه .

    Quote: يمكن تكفير فكر ومنهج ولكن لا يمكن تكفير كل من تبع هذا الفكر الضال

    فمسألة التكفير مسألة ليست بالساهلة ولا بالفوضوية


    طيب أنا هنا اسأل عن كفر المنهج وهل هو عقيدة لكل المتبعين وهل هو شرط لدخولهم الى هذا الفكر

    أو بالأصح هل الفكر وحدة واحدة أم يمكن تجزئته

    واذا كان يمكن تجزئته لماذا نصر على أن نسمي انفسنا بذلك الاسم المسبب للخلط وسؤ الفهم.

    لماذا لا نتخذ اسما آخر مثلا (ديموقراطيين ـ اقتصاديين ـ جبهة ديموقراطية)

    لماذا نصر على إسم شيوعي


    Quote: لذلك من الخطر تكفير شخص لأنّه يتبع جماعة تحمل أفكاراً معينة حتى وإن كانت أفكاراً كفّرها علماء الأمة


    اذن أليس هذا البوست في مصلحة هؤلاء لماذا لا يأتوا ويوضحوا لنا هذا الخلط العجيب .
                   |Articles |News |مقالات |بيانات

06-02-2007, 10:41 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    سلامات يا أستاذ معتز :

    أولا هل هذا البوست لجمع التوقيعات!!

    هل الأصدقاء و الزملاء يمتنعون أم مسموح

    لهم , أن النيران الصديقة قد تكون قاتلة

    أحيانا, من حق أى إنسان أن يسأل ليعرف و

    يتعلم و هذا حق مكفول للجميع و لكن نوع

    السؤال دائما ما يكشف القصد!! انا أملك الإجابة

    يا صديقى و لكن أسمح لي أن أسألك سؤالى هذا

    قبل إجابتك , بعد كل ذاك البوست الكبير و بعد

    كل الزمن الذى إستهلكه تأتينا بهكذا سؤال,

    ليس من الحصافة ولا المنطق ولا المعقول أن تكون

    لا تعرف الإجابه و لكن قد يكون فى الجدل ما ينفع

    الناس ياصديقى, بالمناسبة الجماعة التى كفرتها

    من قبل هل تمت إعادتهم للملة و تم قبولهم و إستتابتهم

    أم ليس بعد و علي كل سؤالى هو ماذا يدور فى رأسك

    بالظبط و أرجو التكرم بإجابتى و عذر إن ضيعنا زمنكم

    ولكن حقيقة تهمنى الإجابة.

    إحترامى
                   |Articles |News |مقالات |بيانات

06-02-2007, 11:15 AM

Abdulbagi Mohammed
<aAbdulbagi Mohammed
تاريخ التسجيل: 11-12-2006
مجموع المشاركات: 1198

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: أيمن الطيب)

    أها الحمد لله أنا شيوعي لبناني
                   |Articles |News |مقالات |بيانات

06-02-2007, 11:26 AM

الشفيع عوض شوشتا

تاريخ التسجيل: 24-10-2006
مجموع المشاركات: 1655

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Abdulbagi Mohammed)

    يا حبيب ...
    ياخ لغاية الان ما عارف الشيوعي السوداني كافر ولا لا؟؟
    وانت لسه من زمن التقييم السماعي ...
    ياخ انا كنت مفتكرك زول بتبني حججك بمستوى ارقي من كدا ..
    يلا نعيش وياما ح نشوف ...



    Quote: هل الشيوعي السوداني كافر ؟


    لا يا قريش
                   |Articles |News |مقالات |بيانات

06-02-2007, 11:25 AM

ABU QUSAI
<aABU QUSAI
تاريخ التسجيل: 31-08-2003
مجموع المشاركات: 1863

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: أيمن الطيب)

    Quote: تنده وتقول (يا الشيخ الفلاني تلحقني وتفزعني) حسب الطريقة الصوفية المتبعة لديها.

    أو تدعّي واحد تقول ليه (شديتك في الشيخ الفلاني) برضو حسب الطريقة الصوفية المتبعة لديها.


    حبوبتك في نظر الوهابية والأصولين مشركة فهل هي كذلك في نظرك ؟؟؟؟؟
                   |Articles |News |مقالات |بيانات

06-02-2007, 12:10 PM

Elwaleed Ibrahim

تاريخ التسجيل: 06-12-2003
مجموع المشاركات: 282

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: ABU QUSAI)


    الاخ معتز قريش امير الظلام
    ما عرف ليه اسم قريش ده لايق عليك بذكرنى ابو جهل طوالى ....

    فى البوست بتاع هنادى كتب ليك ( هذا وحتى سقوط جديد او عودة للنفخ فى الكير )

    وما خيبت ظنى اصلا .......

    الشيوعيين السودانيين يا صديق الضلمة عبد الخالق والشفيع وجوزيف وهاشم وحتى محمد عبد
    السلام شهيد الحركة الطلابية اواخر التسعينات رجال ونساء زلزلوا بالثبات وقار المقاصل
    لا يعنيهم سخفك وخطرفات حبوبتك ومحاولاتك الساذجة للعودة بنا للعصور الوسطى , فاذهب بضاعتك كاسدة ودربك اعوج ......

    حقيقى مابفهم المكتوب البقرا بالقلبا .....

    سؤال لم يجاوب علية مخترف اخر
    ما حكم الاسلام فى وضوء رجل ادخل يده فى اسفين فيل ؟

    تلحقنا وتنجدنا يا شيخ لنيين يا القبرك فى الكرملين ........
                   |Articles |News |مقالات |بيانات

06-02-2007, 06:43 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Elwaleed Ibrahim)

    الأخ الكريم / الوليد ابراهيم

    تحياتي واحترامي ،،

    Quote: الشيوعيين السودانيين يا صديق الضلمة عبد الخالق والشفيع وجوزيف وهاشم وحتى محمد عبد
    السلام شهيد الحركة الطلابية اواخر التسعينات رجال ونساء زلزلوا بالثبات وقار المقاصل
    لا يعنيهم سخفك وخطرفات حبوبتك ومحاولاتك الساذجة للعودة بنا للعصور الوسطى , فاذهب بضاعتك كاسدة ودربك اعوج ......


    هل زلزلوا وقار المقاصل ولا وقار بيت الضيافة ؟

    هل تستطيع أنت أو غيرك من الشيوعيين حتى آخر شهيد الحركة الطلابية أواخر التسعينيات

    أن ترووا لنا حقيقة ما حصل في بيت الضيافة ؟

    من الذابح ومن المذبوح ؟

    ومن قتل من ومن الشيوعي ومن غير الشيوعي ؟
                   |Articles |News |مقالات |بيانات

06-02-2007, 03:36 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: أيمن الطيب)

    الأخ أيمن الطيب المحترم

    تحياتي واحترامي



    Quote: أولا هل هذا البوست لجمع التوقيعات!!


    لا البوست دا للعلم والمعرفة .

    Quote: هل الأصدقاء و الزملاء يمتنعون أم مسموح

    لهم , أن النيران الصديقة قد تكون قاتلة

    أحيانا


    مطلوب المعرفة من الجميع الشيوعيين وأصدقائهم

    Quote: ليس من الحصافة ولا المنطق ولا المعقول أن تكون

    لا تعرف الإجابه


    كيف عرفت ذلك ؟ ولنفرض أنني أعرف فلماذا لا يعرف غيري ؟
    وتصصح فكرتهم عن الشيوعي السوداني


    Quote: بالمناسبة الجماعة التى كفرتها

    من قبل هل تمت إعادتهم للملة و تم قبولهم و إستتابتهم

    أم ليس بعد


    للتصحيح أنا لم اكفر أي جماعة . وحتى زعيمهم كفرته هيئات اسلامية

    أكبر مني ، بل وقبل ولادتي .


    Quote: و علي كل سؤالى هو ماذا يدور فى رأسك

    بالظبط و أرجو التكرم بإجابتى


    ما يدور في راسي هو (هل الشيوعي السوداني كافر ؟)
                   |Articles |News |مقالات |بيانات

06-02-2007, 11:41 AM

مهند مامون
<aمهند مامون
تاريخ التسجيل: 14-09-2006
مجموع المشاركات: 1001

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    الزميل معتز القريش سلامات
    انا غايتو وفي حدود معرفتي وعلمي لا اعلم ان هناك حاجة اسمها شيوعي روسي وواحد سوداني وواحد من نيكراجوا او كوبا او الجمهورية اللبنانية
    الحاجة البعرفها انو في فكرة اسمها الماركسية وبدلعوها بـ(الشيوعية) ومرات ببسطوها وبخففوها ب(الاشتراكية) .. هذه الفكرة تقوم على مبادئ واضحة قاطعة حددها ووضعها منظروها ومات معظمهم عليها
    وابسط ما فيها انه ترد الكون والحياة الى غير الله الذي لا تؤمن بوجوده من الاساس ..(لا إله والحياى مادة) وهناك كلام فلسفي كتير في هذا المجال ... ومن ينتمي لها يصبح ماركسيا أي شيوعيا وهو بالضرورة مؤمن بمبادئها وقيمها أسسها ... واذا كانت هي كافرة بمعنى صريح فبالضرورة أن من يؤمن بها ويتبع (هديها) هو كافر أيضا ...
    الخلط يأتي عندنا من ان لدينا افراد غير ماركسيين وغير شيوعيين ... شكليا يدعون الانتماء للحزب الشيوعي لاسباب ودواعي ودوافع مختلفة ومنهم من يفعل ذلك من باب المعارضة للاسلاميين اكثر منه قناعة واقتناعا بالمبادئ الماركسية ... ومنهم من يعجب بجزئية او ينفعل بطرح جزئي او يتفاعل لاسباب اجتماعية وربما اقتصادية ومصلحية في بعض الحالات ...هذا يصبح في حقيقته ليس شيوعيا وكونه يصلي ويصوم وينطق الشهادة دلالة على ذلك وتأكيد عليه ...
    اولاد بلدنا الذين نحن نعرف انهم مؤمنين ويؤدون المناسك ويفعلون الخير لكنهم في الانتخابات والمنابر والمجالات السياسية يزعمون انهم شيوعيون هم في الحقيقة غير ذلك ولذلك هم ليسوا بكفار ليس لأن الشيوعية ليست فكرة كافرة بل لأنهم هم لا ينتمون اليها كعقيدة ومبادئ واضحة ... ومن هنا يأتي الخلط ...
    نقطة اخيرة :
    تكفير اي انسان ليس امرا سهلا ولا سائبا ... فتكفير الشخص المحدد له ضوابط وشروط واسس شرعية لأنه تترتب عليه احكام شرعية وليس مسموحا لأي انسان ان يكفر انسانا محددا بهذه البساطة ... وذلك يختلف عن تكفير الفكرة .. فيمكن لي او لك ان يقول بأن الماركسية فكرة كافرة ودعوة باطلة ويقيم على ذلك الدليل من القرآن والسنة ثم من كتبهم ومصادر فكرتهم ... ومن ينتمي لفكرة كافرة فهو الذي يحكم على نفسه وليس انا او انت .........
    معزتي
                   |Articles |News |مقالات |بيانات

06-02-2007, 11:51 AM

Abdulbagi Mohammed
<aAbdulbagi Mohammed
تاريخ التسجيل: 11-12-2006
مجموع المشاركات: 1198

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: مهند مامون)

    بؤس الفلسفة أم فلسفة البؤس
                   |Articles |News |مقالات |بيانات

06-02-2007, 12:14 PM

Yassir Tayfour
<aYassir Tayfour
تاريخ التسجيل: 18-08-2005
مجموع المشاركات: 10897

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Abdulbagi Mohammed)


    Quote: في لحظة غضب وثورة وتبت الى الله منه وندمت واستغفر الله من ذلك


    _____________________
    The way to Ghandahar starts from Dawha
                   |Articles |News |مقالات |بيانات

06-02-2007, 01:06 PM

بكري اسماعيل

تاريخ التسجيل: 29-12-2005
مجموع المشاركات: 1040

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Abdulbagi Mohammed)

    حبيبنا معتز
    لك التحايا والود

    ارتباط الفكرة الشيوعية بالكفر والإلحاد فرية قديمة قام بترويجها الإتجاه الإسلامي عندما كان الشيوعيون في أوج عظمتهم ومجدهم وذلك للتنفير وعدم الإقتراب من الشيوعيين أو موالاتهم .. هل تعلم أخي معتز بأن الشهيد عبد الخالق محجوب كان يحفظ القرآن عن ظهر قلب كما كان يؤم المصلين وزملاؤه بالمعتقلات شهود على ذلك ..

    محبتي
                   |Articles |News |مقالات |بيانات

06-02-2007, 07:23 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: مهند مامون)

    الأخ الكريم

    مهند مأمون

    تحياتي ومحبتي

    اشكرك أولا على المرور وعلى المساهمة القيّمة التي أوردتها

    Quote: الحاجة البعرفها انو في فكرة اسمها الماركسية وبدلعوها بـ(الشيوعية) ومرات ببسطوها وبخففوها ب(الاشتراكية) .. هذه الفكرة تقوم على مبادئ واضحة قاطعة حددها ووضعها منظروها ومات معظمهم عليها
    وابسط ما فيها انه ترد الكون والحياة الى غير الله الذي لا تؤمن بوجوده من الاساس ..(لا إله والحياى مادة) وهناك كلام فلسفي كتير في هذا المجال ... ومن ينتمي لها يصبح ماركسيا أي شيوعيا وهو بالضرورة مؤمن بمبادئها وقيمها أسسها ... واذا كانت هي كافرة بمعنى صريح فبالضرورة أن من يؤمن بها ويتبع (هديها) هو كافر أيضا ...


    لغاية هنا حلو الكلام ...

    Quote: اولاد بلدنا الذين نحن نعرف انهم مؤمنين ويؤدون المناسك ويفعلون الخير لكنهم في الانتخابات والمنابر والمجالات السياسية يزعمون انهم شيوعيون هم في الحقيقة غير ذلك ولذلك هم ليسوا بكفار ليس لأن الشيوعية ليست فكرة كافرة بل لأنهم هم لا ينتمون اليها كعقيدة ومبادئ واضحة ... ومن هنا يأتي الخلط ...


    اذن لماذا يسمون أنفسهم شيوعيين أليس الأفضل لهم اختيار اسم آخر؟

    السؤال المطروح

    هل الذي يسمي نفسه شيوعي ينطبق عليهو الكلام الفي الكوت الأول داك ؟
                   |Articles |News |مقالات |بيانات

06-02-2007, 12:25 PM

Mohammed Elhaj
<aMohammed Elhaj
تاريخ التسجيل: 12-12-2004
مجموع المشاركات: 1670

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Your question is out of date
    You need plenty of updates
                   |Articles |News |مقالات |بيانات

06-02-2007, 01:23 PM

MAHJOOP ALI
<aMAHJOOP ALI
تاريخ التسجيل: 19-05-2004
مجموع المشاركات: 3726

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Mohammed Elhaj)

    الاخ القريشى
    اخونا فرانكلى قال ليك التكفير يتم من قبل مؤسسة دينية
    كهنوت يعنى , الازهر مثالا, كان يرى فى الملك فاروق
    خليفة المسلمين , وعندما خلع اصبح فى نظر الازهر فاسق
    وماجن , فى عهد عبدالناصر اصبح الازهر اشتراكيا,
    تبعا لهوى الحكم وصدرت كتب واتجاه دينى عام يربط الاسلام
    بالاشتراكية وفى عهد السادات تم التحول للراسمالية واصبحت
    دين الدولة الرسمى
    الكفر يااخوى تمارسه حكوماتنا بشكل يومى , والاسلام اختصر
    لحماية مصالح فئة , وابرز دليل يوستاتك التكفيرية التى تتعلف
    من فتاوى هئية علماء السودان التى كفرت كل من ينتمى للحركة
    الشعبية او الحزب الشيوعى , بكره لو تغيرت موازين القوى
    شيوخ الطلام نفسهم حايطلعوا بيان يصفوا فيه الحزب الشيوعى وقادته
    بالغر المحجلين
    اخر كلام عشان بكره ماتجينا بحاجة جديدة
    مافى حاجة اسمها كفر او كافر فى حاجة اسمها جهل ا وجاهل
                   |Articles |News |مقالات |بيانات

06-02-2007, 01:09 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    نرد عليهو يقوم يبكي ويقول ما تقولو لي ظلامي

    نسكت الجهل والتكفير والظلام ينتشر !!





    ____

    والله حالة تحير


    منعم
                   |Articles |News |مقالات |بيانات

06-02-2007, 01:15 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    ليتك لم تكتب هذا البوست يا معتز

    ليتك




    ____

    ممكن تسحبوا يا معترtheres away


    منعم
                   |Articles |News |مقالات |بيانات

06-02-2007, 01:24 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    قريش ده يامنعم الظاهر عليهو(ورقو زاد)
                   |Articles |News |مقالات |بيانات

06-02-2007, 01:28 PM

عاصم ابوبكر حامد
<aعاصم ابوبكر حامد
تاريخ التسجيل: 03-03-2006
مجموع المشاركات: 3017

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    الاخ معتز
    لك التحية


    ليس بهذه الطريقة اخى

    اتمنى ان تعيد التفكير مجددا لو سمحت ...


    تسلم
                   |Articles |News |مقالات |بيانات

06-02-2007, 01:34 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: قريش ده يامنعم الظاهر عليهو(ورقو زاد)


    والله يا كيكي قريش ده دخلني في خيارات صعبة جدا بالبوست ده

    اما انا ما بعرفوا وللا هو اصلا كده


    ___

    وفي الحالتين انا الضايع


    معزتي يا رجل وشكرا ع المجهودات الكبيرة يا كيكي يا صاحب الامل


    منعم
                   |Articles |News |مقالات |بيانات

06-02-2007, 01:40 PM

Randa Hatim

تاريخ التسجيل: 15-05-2006
مجموع المشاركات: 1998

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    Quote: فهل الشيوعي السوداني يعتقد بهذه العقيدة



    عليك الله يامعتز خليك امين مع نفسك دا سؤال تسالو؟؟؟؟؟؟


    ولا هو بس المهم كلام والسلام.......
                   |Articles |News |مقالات |بيانات

06-02-2007, 01:41 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    أنا غايتو لمن كنت بفوّت الصلاة
    حبوبتي كانت بتقول لي شيويعي!!
                   |Articles |News |مقالات |بيانات

06-02-2007, 02:13 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30789

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: حبيب نورة)

    الأخ معتز
    كيف قيلت
    أسمح لي عندي كلام براة الموضوع بدور أقولو ليك
    ياخي أنا من يوم شفت صورتك خلف الراحل الأستاذ المعلم مصطفى سيد أحمد و عرفت إنك كنت بتعزف ليه
    إتأكدت قطع شك إنو حا يكون ليك بوست - هي... قالوا ب الطاء أقيف - بوسط كارب عن الأستاذ يحكي عن أيامكم و علاقاتكم و ذكرياتكم و أشياء أخري أنت تعلمها و لا نعلمها و لكننا في شوق عظيم لها
    و كل ما أقرأ إسمك على بوست بقول بس ياهو , أدخل و كلي أمل ألقاك يا بتشاكل يا بتعتذر

    أنا متأكد إنك بتجهز في البوست و بتعد في الصور و الذكريات لكن شاغلنك الجمهوريين و الشيوعيين و ناس الدوحة . عليك الله أفتحليهم

    بالمناسبة قريت اليوم أن منعم لا يود الحديث عن الأستاذ و علاقته به , سيبك منو دا زول بتاع ستات شاي و عمل إنساني لا يحسن الحديث *, لكن إنت راجل معلم و فنان و أكيد حا تمتعنا.

    بتاعة....
    *و تحت تحت سمعنا إنو أجر الباسوورد و عمل نايم بي حق عمار
    و عمار دا طبعا الزول الجاب ليهو.......
    و لا أقول ليك الموضوع طويل , خلينا في مصطفى

    بتاعة تانية.....
    أعفى لينا يا عمك مرقنا عن صلب الموضوع ....................
    (و سكت أبا يتم الكلام و قعد يتلفت خايف يجو ناس دينا يرجعوه مطارحة الدال)
                   |Articles |News |مقالات |بيانات

06-02-2007, 02:20 PM

wadalzain
<awadalzain
تاريخ التسجيل: 16-06-2002
مجموع المشاركات: 4195

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: حبيب نورة)


    قال قريش الآتى ( انا البعرفو انو الشيوعيه شعارها الاساسى لا اله والحياة ماده )

    ولكى لا يرمى الكلام فى الهواء دون انضباط ، ارغب من السيد المحترم القريش ان يدلنى على الآتى :-

    1 - اين عرفت انو الشيوعيه شعارها الاساسى لا اله والحياة ماده

    2 - فى اى كتاب واى مرجع ، وهل قرات انت شخصيا هذا الكلام

    3 - ماذا تعنى بشعارها الاساسى ؟ هل مكتوب هكذا - شعارها الاساسى

    4 - هل قرات مطبوعه من مطبوعات الحزب الشيوعى السودانى

    5 - اذا اجابتك على اعلاه رقم اربعه بالايجاب هل وجدت فيها لا اله والحياة ماده


    6 - من اين تستمد معلوماتك عن الحزب الشيوعى السودانى ؟ من حبوبتك ام من مصادره الاصليه

    7 - لا اعرف مستوى قريش التعليمى لكن هل قرأت فى تعليمك المدرسى او غير المدرسى عن النظريه الشيوعيه وممكن لو سمحت اذا قرأت ان تحدد لنا اين كان ذلك

                   |Articles |News |مقالات |بيانات

06-02-2007, 07:11 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: wadalzain)

    ود الزين

    تحياتي واحترامي

    أنا قلت :


    Quote: أنا البعرفوا انو الشيوعية العالمية شعارها الأساسي

    (لا إله والحياة مادة)

    (الدين افيون الشعوب)

    هل كلامي دا صاح ؟


    وانت قلت :

    Quote: قال قريش الآتى ( انا البعرفو انو الشيوعيه شعارها الاساسى لا اله والحياة ماده )


    اذن أنت بترت كلامي ولا أحسبك متعمدا ..

    أما الرد على مداخلتك فهو :

    اذا أنا عارف الإجابة على الأسئلة دي ما كنت سألت ـ صاح ؟

    والآن أكرر هل كلامي صاح ؟

    مع محبتي
                   |Articles |News |مقالات |بيانات

06-02-2007, 07:35 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: حبيب نورة)

    حبيب نورة

    تحياتي واحترامي

    Quote: أنا غايتو لمن كنت بفوّت الصلاة
    حبوبتي كانت بتقول لي شيويعي!!


    تفتكر ليه ؟

    أها دا قلتو أنا ؟
                   |Articles |News |مقالات |بيانات

06-02-2007, 01:55 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    الراقية المستنيرة الانسانة رندا حاتم

    الاخ الصديق كيكي




    ما مشكلة بنمسجها في وشكم

    والجات من قريش تتحملها رندا


    منعم
                   |Articles |News |مقالات |بيانات

06-02-2007, 01:58 PM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    هسهتكون بتتمنى الأرض تتشقة وتبلع بوستك الورطة ده ... وبتكون تتمنى يمشي الصفحة التانية وما يجي زول يرفعو ... والبرفعو ده تشمو شم الفيلة والله حالتك تحنن ...





































    تاني تجي المولد ؟؟
                   |Articles |News |مقالات |بيانات

06-02-2007, 02:51 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    بالله دة كلام يكتبو زول مكتمل العقل وفي منبر عام ؟!!!



    ____

    ومن الرجال من هو ناقص عاقل ودين فاجتنبوه



    اتوقع ما يقولة صديقي الامير ود الامير الآن

    ( اللهم لا تؤاخذنا بما فعلة .... منا)


    * ارجو من الاخوة الرد ع هذا الصوت حتي يخرس ويرعوى

    او عساة ان يرعوي

    منعم
                   |Articles |News |مقالات |بيانات

06-02-2007, 03:03 PM

hanadi yousif
<ahanadi yousif
تاريخ التسجيل: 03-06-2005
مجموع المشاركات: 2743

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)
                   |Articles |News |مقالات |بيانات

06-02-2007, 07:48 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: hanadi yousif)

    الأخت هنادي المحترمة

    تحياتي واحترامي

    Quote: لا مريخابي وعندو طنب وبعرسو اخواتهم وبنقلبو قرود زي ما قالت حبوبتي
    عزرا الموضوعي المحترم ود الذين لهذا الهتر


    أنا برضو حبوبتي قالت كدا ..

    بس دا ما السؤال ...

    السؤال هو

    هل الشيوعي السوداني كافر ؟


    ملاحظة أخوية

    Quote: طنب


    Quote: عزرا


    Quote: ود الذين


    أرجو الاهتمام باللغة لأنو انتي مستنيرة ومحامية ومناضلة ولا يجوز ذلك في حقك

    بعدين الأجانب يضحكوا عليك في الأمم المتحدة .
                   |Articles |News |مقالات |بيانات

07-02-2007, 01:52 PM

hanadi yousif
<ahanadi yousif
تاريخ التسجيل: 03-06-2005
مجموع المشاركات: 2743

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)


    معتز قريش العليم الذي يعلم ما في الصدور.

    Quote: بس دا ما السؤال ...

    السؤال هو

    هل الشيوعي السوداني كافر ؟


    الغريب في الامر ان السؤال دا ما في زول ح يعرف اجابته غير الله

    بس بتحاول تتخارج من كلامك حول تكفير الشيوعين والغريب في الامر انو السؤال انت عندك اجابته وقلتها انت شخصيا ولا غيرك.

    Quote: انت لا تؤمنين بالله فلا تتحدثي عن الإسلام لأنك لا تعرفين عنه شيئا

    الدكتور حيدر له الحق أن يقول الله او الجنة أو النار أو الاسلام

    ولي أن اختلف معه من هو المسلم ومن هو الكافر ومن هو المرتد

    اتفقنا أو اختلفنا فعقيدتنا هي (لا إله إلا الله محمد رسول الله)

    أما أنت فعقيدتك هى (لا إله والحياة مادة)

    والدين عندكم أفيون الشعوب والعياذ بالله

    دا ما كلامك الفوق دا كلامة حبوبتي؟

    Quote: أرجو الاهتمام باللغة لأنو انتي مستنيرة ومحامية ومناضلة ولا يجوز ذلك في حقك

    بعدين الأجانب يضحكوا عليك في الأمم المتحدة .

    لا احرجتني ودخلتني في اضافري يا سبويه
    " دا كلام حبوبتي نقلتو زي ما هو من غير تحريف"
    طنب ضنب المهم الناس عرفو انا قاصدة شنو؟
    ود الذين ودالزين المهم الناس فهمت انا قاصدة ودالزين الواحد دا
    اللغة كائن غير ظلامي يعني متجدد والتعريف الجديد للغة هو الاتصال يعني تقول الرسالة والمرسل يفهمها دي اللغة --هسي في الجامعة الامريكية الامريكان يفهمو لغات دارفور اكتر من اللغة العربية.
    بعدين اجانب شنو البضحكو علينا الاجانب ديل بتكلمو انجليزي والناس دي متواضعة حد الدهشة ما زيكم نافشين ريشكم في الفاضي.
    برضو ما مشكلة كل يوم بنتعلم وح نتعلم.
                   |Articles |News |مقالات |بيانات

07-02-2007, 05:58 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: hanadi yousif)

    أستاذة هنادي انتي زعلتي ولا شنو ؟

    هسي أنا أرد عليك ولا أصلح ليك تاني

    خلينا نصلح أول

    Quote: الشيوعين


    الصحيح (الشيوعيين) حتى اسمكم نصلحوا ليكم

    Quote: كلامة حبوبتي؟


    الصحيح (كلام)

    Quote: سبويه


    الصحيح (سيبويه)

    Quote: يعني تقول الرسالة والمرسل يفهمها دي اللغة


    طيب دي كيف ؟
    أظنك قاصدة (المرسل إليه لأنو أكيد المرسل فاهم رسالته)

    Quote: بعدين اجانب شنو البضحكو علينا الاجانب ديل بتكلمو انجليزي


    عليك الله ؟؟

    دي كمان ما فهمتيها ؟ طيب أنا افهمك كيف ؟

    هسي أنا تعبت ح ارد عليك كيف ؟

    معليش نحاول

    Quote: الغريب في الامر ان السؤال دا ما في زول ح يعرف اجابته غير الله


    ولا حتى انتي ما عارفة ؟

    أنا ما عارف دي مقبولة لأنو أنا ما شيوعي .

    انتي المابخليك تعرفي شنو ؟

    ماشة ساي ؟ معاهم معاهم ؟

    Quote: دا ما كلامك الفوق دا كلامة حبوبتي؟


    بلحيل دا كلامي ما كلام حبوبتك .. بس أنا كنت غلطان ورجعت عنه .

    انتي مصرة عليه ليه ـ حاسة بي حاجة ؟
                   |Articles |News |مقالات |بيانات

06-02-2007, 03:05 PM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    ارت
    Quote: باط الفكرة الشيوعية بالكفر والإلحاد فرية قديمة قام بترويجها الإتجاه الإسلامي عندما كان الشيوعيون في أوج عظمتهم ومجدهم وذلك للتنفير وعدم الإقتراب من الشيوعيين أو موالاتهم .. هل تعلم أخي معتز بأن الشهيد عبد الخالق محجوب كان يحفظ القرآن عن ظهر قلب كما كان يؤم المصلين وزملاؤه بالمعتقلات شهود على ذلك


    بالمنطق دا نفهم هناك شيوعية سودانية وهي شيوعية الدين فيها اساسي
    وفي الشيوعية ست اللسم ديك البترفض الدين وتقوم على الفكر المادي.

    وبكدا يا معتز نكون الليلة اتعلمنا شئ جديد
    هو انه الشيوعين بتاعين السودان ديل فقط مسلمين عصاة وغير منكرين لوجود الخالق..
    وموحدين.

    ما تكفرهم سمح؟
    غياتو يا حليلك يا ظلامي الناس دي قبلت عليك الله معاك
    تاني لو قلت الشمس تعطينا الضياء حيجو يقولو ليك انت مضلم عرفت كيف؟
    ..
                   |Articles |News |مقالات |بيانات

06-02-2007, 03:21 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: bayan)

    كدي يا جماعة بعد ما تكوركوا جاوبوا لينا

    هل صحيح في فكرة شيوعية بتقول ان لا اله والحياة ماده ؟

    لانو الكلام ده سمعته كتير انا وعايز اعرف صاحه من غلطه
    وهل في فترة من الفترات اشاعة الماركسية كل شي حتى المرأة ( والكلام للجندريات)

    السؤال عام بخص الشيوعي السوداني او خلافه
                   |Articles |News |مقالات |بيانات

07-02-2007, 10:56 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: وليد محمد المبارك)

    Quote: كدي يا جماعة بعد ما تكوركوا جاوبوا لينا

    هل صحيح في فكرة شيوعية بتقول ان لا اله والحياة ماده ؟

    لانو الكلام ده سمعته كتير انا وعايز اعرف صاحه من غلطه
    وهل في فترة من الفترات اشاعة الماركسية كل شي حتى المرأة ( والكلام للجندريات)

    السؤال عام بخص الشيوعي السوداني او خلافه


    انت قاصد الشيوعية ست الإسم والناسا ما بنكروها وبدافعوا عنها بالدم

    (اللون الأحمر)

    ولا الشيوعية النص نص النصها شيوعية ونصها اسلام والتي تستند على قوله تعالى :

    (أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاء مَن يَفْعَلُ ذَلِكَ مِنكُمْ إِلاَّ خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللّهُ بِغَافِلٍ عَمَّا تَعْمَلُونَ)
                   |Articles |News |مقالات |بيانات

06-02-2007, 03:12 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    هل من كمال دين المسلم ما يخرج به هذا القريشي الجديد !!

    يا ديمقراطيي المنبر واحرارة فالتتحدو ضد المكفر الجديد





    ___

    ملحوظة : المدعو يتضايق من لفظ ظلامي ارجو عدم كتابتة هنا




    منعم
                   |Articles |News |مقالات |بيانات

06-02-2007, 03:29 PM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    لنفترض انو في ناس سودانيين ـ شيوعين و لا ما شيوعيين ـ كفار كما تسميهم، ملحدين لا دينيين ... اها و بعد داك؟

    انزلاق بعض الناس و لو بحسن نية للتدليل على عدم "كفر" مجموعة سياسية هو وقوع في الفخ الحقيقي. اعطاء الحق لجهة او فرد في تفتيش ضمائر الناس يعنى التراجع عن حرية الضمير والاعتقاد، نفس الحق الذى يضمن للقريش او غيره ان يكون مسلم و لدينق ان يكون مسيحى و بروسلى بوذى و دهرامندرا هندوسي, التراجعات المتعاقبة امام هجمات الاسلام السياسي والسلفيين بوجوههم المتعددة هى واحدة من اسباب رسوخ هذا السلاح لترهيب المخالفين والمختلفين معهم و عنهم.
    الشئ الاخر من حق الناس مناقشة الافكار والنظريات بما فيها "الماركسية" بتنويعاتها المختلفة و موقفها الفلسفي المعروف والذى يكون من السخف والابتذال نفي صفة المادية عنه، لكن نقاش كهذا لا ياتى في سياق بوست او كتابة معروفة غاياتها سلفا، تهدف لادانة مؤسسة سياسية بشعار سياسي لغايات سياسية.

    ان يكون هناك شيوعى او شيوعية مؤمن/ة او بشر سودانى او غير سودانى مؤمن او ملحد يمكن ان تكون موضوع نقاش جيد، او ان يقود حق التفكير الحر الى عدم الايمان او الايمان كلها جديرة بالنقاش في سياق مختلف.

    الواجب رفض اسئلة ترهيبية مثل هذه دفاعا عن حق انسانى اصيل بحرية الضمير والاعتقاد.
                   |Articles |News |مقالات |بيانات

06-02-2007, 03:48 PM

Yassir Tayfour
<aYassir Tayfour
تاريخ التسجيل: 18-08-2005
مجموع المشاركات: 10897

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: esam gabralla)

    تعرف يا ود جبر الله
    القريش ده حتى لو فكرت تعمل ليهو upgrade معرفي،
    ح تواجهك مشكلة hardware لانو السعة التخزينية والتحليلية لا تتوافق مع الminimum requirements
    ودي المعضلة الأساسية
    ح يكون لافي ما بين كلام الحبوبات والأحاجي
    ___________
    نقول شنو غير الله يعينو
    ويعينا علي بلاويهو
                   |Articles |News |مقالات |بيانات

06-02-2007, 08:00 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: esam gabralla)

    الأخ الكريم / عصام جبر الله

    تحياتي واحترامي ،،،

    Quote: الواجب رفض اسئلة ترهيبية مثل هذه دفاعا عن حق انسانى اصيل بحرية الضمير والاعتقاد.


    بالله عليك اين الإرهاب هنا ؟؟؟
                   |Articles |News |مقالات |بيانات

06-02-2007, 03:37 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    اخي عصام


    تحياتي يا رجل


    المذكور اعلاة يريد ان يصبــو ويصبح مشهورا حتي لو ادي ذلك ليصبا بعض القوم


    ولكن ليتة يعلم


    معزتي يا صديقي

    ____

    شكرا لمشاركة اسرتك في حملة حماية الامل (علاج غادة نوري) وياها المحرية فيك وفيهم


    محبتي

    منعم
                   |Articles |News |مقالات |بيانات

06-02-2007, 03:54 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: ح يكون لافي ما بين كلام الحبوبات والأحاجي


    الراجل طلعت مصادرو كلها اهلية

    يا ياسر كلامو الفي الاستاذ داااك بكون سمعو من جدو

    قال حبوبتي قال


    معليش يا ياسر امسحها لي في وششي


    منعم


                   |Articles |News |مقالات |بيانات

06-02-2007, 04:14 PM

elsawi
<aelsawi
تاريخ التسجيل: 13-06-2003
مجموع المشاركات: 4233

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    الأخ معتز القريش تحية طيبة
    Quote:
    أنا البعرفوا انو الشيوعية العالمية شعارها الأساسي

    (لا إله والحياة مادة)

    (الدين افيون الشعوب)

    هذه العبارات ـ المبتورة من صياغها ـ كان كيزان الجامعات والمعاهد العليا يرددونها في منابرهم وفي منابر الجبهة الديمقراطية عندما تتاح فرصة النقاش وايضا كان كيزان الثانويات يرددونها حتي ثمانينيات القرن الماضي، وقد تم الرد عليهم آلاف المرات حتى صاروا يخجلون من ترديدها ..
    تحضرني هنا قصة حدثت في جامعة الخرطوم في منتصف الثمانينات ونحن برالمة اثناء ركن نقاش للجبهة الديمقراطية كان يتحدث فيه نزار ايوب، وبعد الإنتهاء من الحديث فتحت الفرصة للنقاش كالعادة واخذ احد الكيزان الفرصة وردد كلام معتز القريش الفوق ده، وقبل ان يرد عليه نزار ايوب جاء طالب مارق من بين الحضور ومسك المكرفون دون ان تتاح له فرصه وقال للكوز "ياخ كرهتنا سؤآلك ده ردوا ليك عليه في ركن امبارح وركن اول امبارح وركن اول اول امبارح وركن الأسبوع الفات وركن الشهر الفات و وركن السنة الفاتت جدد ياخ جدد" .. فإنسحب الكوز بخجل بينما انفجر الحضور بالضحك واقلع ذلك الكوز عن ترديد هذه العبارات وتاب توبة نصوحة .. والغريب في الأمر ان الطالب الذي تصدى لهذا الكوز ليس له اي إنتماء سياسي بل طالب هندسة يمر يوميا بمقهى النشاط حيث يقام ركن الجبهة الديمقراطية في طريقة للبركس ليلحق الغداء بالسفرة بعد إنتهاء المحاضرات ..

    الأخ معتز ما تقوم به هذه الأيام سيفقدك كثيرا من الإحترام ولن تجن منه شيئا .. دع الخلق لخالقها وللناس رب يعلم مافي صدورهم ويرجعون اليه يوم الحساب .. ناقش الأفكار والبرامج السياسية، فالفكر لا يحارب إلا بالفكر وابتعد عن تكفير البشر .. قبل ايام كفرت الأستاذ محمود محمد طه وبالأمس كفرت الأخت هنادي فضل واليوم تريد ان تكفر الشيوعيين والمرة دي عامل فيها الولد حريف خاتيها في شكل اسئلة وكأنك طالب معرفة .. الأعضاء والقراء ليسوا بهذا الغباء يا قريش .. كف عن هذه العادة السيئة قبل ان تفقد إحترام آخر عضو بالمنبر .. تأمل في حديث عصام جبر الله بذهن مفتوح ففيه تكمن الإجابة على تساؤلاتك ..
    Quote:
    تعرف يا ود جبر الله
    القريش ده حتى لو فكرت تعمل ليهو upgrade معرفي،
    ح تواجهك مشكلة hardware لانو السعة التخزينية والتحليلية لا تتوافق مع الminimum requirements
    ودي المعضلة الأساسية

    اضحكتني كثيرا يا ياسر طيفور اضحك الله ايامك

    الصاوي
                   |Articles |News |مقالات |بيانات

06-02-2007, 04:11 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    قصة غريبة !!

    معتز دخل البوست وكتب


    Quote: ما يدور في راسي هو (هل الشيوعي السوداني كافر ؟)



    طيب وبنفس البساطة اللي بتتعامل بييها نقول ليك :

    ما كافـــــــــــــــــــــــر .. سمح


    ولو كافر يا معتز انت البهمك شنو ؟ ولية يااخ الاسئلة الغلط دي يا معتز !!



    _____

    السؤال الخطا يقود للاجابة الخطا



    ويبقي ما بيننا


    منعم
                   |Articles |News |مقالات |بيانات

06-02-2007, 04:41 PM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


سجم القرد .. معتز نموذجا (Re: عبد المنعم سليمان)

    حدث ذات يوم في غابة

    قيل ان هناك قردا وقع فريسة لاضطهاد النمر نائب الملك الذي كلما يراه يسأله: القرد
    طاقيتي وين؟.. فيرد القرد: ياتو طاقية!
    فيصرخ النمر ويضربه ضربا مبرحا وهو يردد قلت ليك اديني طاقيتي..

    عندما كثرت الاعتداءات على القرد المسكين ذهب و أشتكي لملك الغابة..
    فنادي الاسد النمر ولامه قائلا: ياخي قصة الطاقية دي شنو؟!! . انت لو عايز اصلا تدق القرد شوف ليك حاجة تانية لانه بالصورة دي الرعية حتعرف انك ظالم وكدا..
    فسأله النمر" ماذا افعل؟
    قال الاسد: ارسل القرد الى السوق لشراء موز فاذا احضره اخضر قل له لماذا اخضر
    او طويلا قل له لماذا طويلا وهكذا.
    فسمع القرد ما دار بين الاسد و النمر
    فعندما ارسله النمر لشراء الموز اشترى كل انواع الموز..
    رأى النمر الموز فسأله لماذا يبدو طويلا؟
    قال القرد: القصير تحت الطويل.
    نظر النمر وساله: لماذا القصير اخضر ؟
    قال له القرد :الاصفر القصير تحت.
    ساله: لماذا الاصفر القصير قويا؟
    قال له: الاصفر الرخو تحته.
    نظر اليه النمر وقال له:






























    القرد وينها طاقيتي...

    وجد سجم القرد
    مع تحيات بيان..


    سجم القرد...
                   |Articles |News |مقالات |بيانات

06-02-2007, 04:47 PM

khaleel
<akhaleel
تاريخ التسجيل: 16-02-2002
مجموع المشاركات: 30134

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    معتز قريش

    ياخي مالك ومال الشيوعي كافر وللا مسلم

    وبعدين ماهو الفرق بين الكافر والمرتد


    غايتو نحن في حلتنا عمك مصطفي ابريش بقول ( قوم عامل دقنك زي الشيوعي)

    وهسع بعت جات الانقاذ

    بقي ما قادر افرق بين دقن الشلوعي ودقن الكوز

    عليك الله الفرق شنو

    بعدين ناس شافيز وكاسترو ديل اكون شنو

    شلوعي ونصراني
                   |Articles |News |مقالات |بيانات

06-02-2007, 04:45 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    صديقي معتز قريش


    ارجو حذف ما كتبتة وسحب البوست


    لانك صديقي يا اسد



    وبرضة انحنا ما شيوعيين ولا الشيوعيين كفار يا قريش


    اسمع نصيحة اخوك يا زول


    منعم
                   |Articles |News |مقالات |بيانات

06-02-2007, 05:22 PM

hanadi yousif
<ahanadi yousif
تاريخ التسجيل: 03-06-2005
مجموع المشاركات: 2743

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: عبد المنعم سليمان)

    ياسر طيفور
    احترامي

    انا عايزة اشكرك لمواقفك المبدئية وتحليلاتك الجيدة مهما اختلفت مع حد لما يكون الموضوع قضية ومبداء طوالي بلاحظ انك مبدئي.
    الزول قال علي كافرة حاصروتوه وفي ناس قالو اللائحة طوالي اعتزر وجاء تاني جاب موضوع الكفر دا بيكون نزلو ليهم في البرمجة " تكفير من طرف "
    الشكر مجددا
                   |Articles |News |مقالات |بيانات

06-02-2007, 05:50 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: hanadi yousif)

    Quote: الزول قال علي كافرة حاصروتوه وفي ناس قالو اللائحة طوالي اعتزر


    ثانيا أكرر اعتذاري لك لما ورد في ذلك البوست

    وليس خوفا من اللائحة انما خوفا من الله عز وجل

    وما أعتقد انو لو اللائحة وقفتني من المنبر خلاص ح أموت

    دا برضو كلام دا ؟

    (إن أنت أكرمت الكريم ملكته وإن أنت.............. تمردا)
                   |Articles |News |مقالات |بيانات

06-02-2007, 07:15 PM

Kostawi
<aKostawi
تاريخ التسجيل: 04-02-2002
مجموع المشاركات: 37234

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    يا ود القريش

    ياخ ما كنت ظريف و ملان حلاوة و فنان خطير
    و ظلامي مستنير

    كدي خلينا من حكاية كافر و ملحد دي
    المهم هو حق المواطنة و المصير المشترك
    أمسك في دي قوي و ما بتجينا عوجة
    أسمع:

    داك الجامع
    وديك الكنيسة
    و داك ميدان الكورة (للمريخاب فقط)
    و أي زول معلق من عصبو

    و البلد بلدنا كلنا

    بالمناسبة حبوبتي كانت بتقول عليهم شعوعيين و كانت بتصوت ليهم
    شفت كيف?
    ظلامية و فنانة

    الرجاء سحب البوست خوفا عليك من الشمات
                   |Articles |News |مقالات |بيانات

06-02-2007, 07:25 PM

MAHJOOP ALI
<aMAHJOOP ALI
تاريخ التسجيل: 19-05-2004
مجموع المشاركات: 3726

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: دا برضو كلام دا ؟

    (إن أنت أكرمت الكريم ملكته وإن أنت.............. تمردا)

    من اقوال المسلم القويم الذى اعز الله به الدين
    معتز القرشى جعله الله ذخرا للمسلمين, ففى
    اقواله تنجلى صورة المسلم الامين المقتدى
    برسول رب العالمين ومصنف العباد الى كفار
    ومؤمنيين. اللهم صنه للاسلام وانصره
    على الشوعيين والجمهوريين والختميين وصنه
    للوهابيين والظلاميين
                   |Articles |News |مقالات |بيانات

06-02-2007, 08:53 PM

Haydar Badawi Sadig
<aHaydar Badawi Sadig
تاريخ التسجيل: 04-01-2003
مجموع المشاركات: 8076

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: MAHJOOP ALI)

    عزيزي معتز،

    تحيتي ومودتي،
    سعدت بسماع صوتك عبر الهاتف، والتواصل معك. أسال الله أن يديم المودة بيننا.

    إلى موضوع الخيط.

    الشيوعيون في السودان طرائق قدداً، إلا أن معظمهم مؤمنون بالله. ذلك، مع إيمانهم بمعظم أطروحات ماركس. ولا يرى هؤلاء تناقضاً بين معظم أطروحات ماركس والإسلام، لأن الإسلام، ببساطة شديدة، دعوة لتقاسم الموارد الطبيعية (الاشتراكية) ومشاركة القوى العاملة في السلطة (ديكتاتورية البلوريتاريا).

    قال نبينا الكريم، عليه أفضل الصلاة وأتم التكريم، "الناس شركاء في ثلاث، الماء والنار والكلأ." يعني في موارد الطاقة (ويرمز لها بالنار) و مواردالزراعة (ويرمز لها بالماء) وموارد الاستهلاك بكافة أنواعه (ويرمز له بالكلأ). وغني عن القول أن الإسلام ينهي عن السيطرة المطلقة للحاكم على شعبه. وقد ورد في ذلك قوله تعالي "فذكر إنما أنت مذكر، لست عليه بمسيطر." فإذا كان النبي، على رفاعة قدره، وتخلقه بأخلاق الله من الرحمة والمودة، ينهي عن السيطرة على الآخرين فمن باب أولى أن ينهي أي شخص آخر عنها. هناك الكثير مما يمكن أن نستمده من مغزي الحديث النبوي الذي يقول "تخلقوا بأخلاق الله إن ربي على سراط مستقيم،" في هذا الشأن. لكن دعنا الآن نناقش أمر الشيوعية.

    تلتقي الشيوعية مع الإسلام في ما سبق ذكره. ولا يأتي الفصام بينهما إلا عند نكران وجود الله. وهنا لب العجز في الفكر الماركسي. وقد انتقد الأستاذ محمود الماركسية في هذا الشأن، كما أنتقده من زوايا أخرى، منها مثلاً قول ماركس بأن "العنف والقوة هما الوسيلتان الوحيدان لإحداث أي تغيير أساسي في المجتمع." عند الأستاذ العنف ليس لازمة من لوازم التغيير كما أكدت ثورة غاندي في الهند ضد المستعمر، وكما أكدت ثورة أكتوبر في السودان، وكما أكدت ثورة الحقوق المدنية في الولايات المتحدة الأمريكية. وحول هذا يمكن أن يقال الكثير. فإن كنت تريد المزيد، عليك بقراءة كتاب الأستاذ محمود محمد طه "الماركسية في الميزان." ولكن في هذه العجالة أقول بأن ماركس حين أنكر وجود الله، فإنما دلل على جهله بحقائق الوجود، ذلك لأنه ظن بأن العقل الحادث نتاج المادة وأن الأيمان بالغيب ليس إلا محض وهم. وهو بهذا ينكر وجود العقل الكلي المسيطر على الكون، أي ينكر وجود الله. ويقول الأستاذ في هذا الشأن بأن ماركس اتخذ من عجزه عن إدراك ما وراء عقله فضيلة. ومن أساسيات العلم إلا تنكر ما لا تعلم!!

    جزئية نكران ماركس للغيب، على أهمتها عنده، لا تشكل عندي مانعاً من أن نعترف بأن معظم طرحه كان عميقاً يستحق أن نفهمه ونهضمه وأن نتعلم منه. إن لم يكن من باب السعي الحثيث، الصادق، نحو المعرفة الإنسانية، فيمكن أن يأتيه المتششكون من باب "أعرف عدوك." وأرى أنه من واجب الذين ينتقدون الماركسية ويتهمون الشيوعيين، زوراً وبهتاناً، بالكفر أن يبذلوا الجهد الواجب في دراسة الماركسية، من باب قوله تعالى "يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين." قال قوماً، ولم يقل المسلمين أو المؤمنين، مما يعني أن الله ينهانا عن التسرع في الحكم على أي شخص أو جماعة لا نعرف عنها ما يجعلنا نطلق أحكاما سليمة. من هذا الباب، فإني أقترح عليك أن تقرأ للماركسية لتعرف فحواها، أو أن تطلب معرفة أساسياتها من الشيوعيين، حتى تعرف ونعرف معك المزيد عنها قبل أن ننطلق الأحكام.

    هذا من ناحية. أما من ناحية أخرى، فإني لا أرى أن عقلية التكفير تصلح لإنسانية اليوم. وهي لا تشبهك بأية حال. أنت تشبه مصطفي سيد أحمد، الذي عزفت له. ولكنك، وبسبب موجة الهوس الديني الطاغية، أصبت بما أصيب به كثيرين من أهل شمال السودان من تعصب. والتعصب ليس من ديدن الفنانين، بأية حال من الأحوال. لذا فإني أرجو مخلصاً أن تقلع عن هذا النوع من التفكير، لأنه يضرك أكثر مما يضر غيرك. نحن نعيش في زمان لا يصح فيه إلا تحكيم الآية "قل الحق من ربكم فمن شاء فليؤمن ومن شاء فليكفر." وهذا ما ظل عليه حال السودانيين من التسامح والتخق بأخلاق القرآن إلى أن جاء المهووسون والسلفيون، بكافة مشاربهم، فافسدوا علينا مزاجنا المتسامح. وقد آذن ليل ظلمتهم، وظلمهم، بزوال، وقد بدأت خيوط فجر الديمقراطية تطل علينا. إن موعدهم الصبح!! ألي الصبح بقريب؟ بلى إنه كذلك، وقريباً سنغني "أصبح الصبح، ولا السجن، ولا السجان باقٍ،" راجين أن تكون من عازفيها معنا.

    نواصل، إن دعا الأمر!

    (عدل بواسطة Haydar Badawi Sadig on 07-02-2007, 02:18 AM)

                   |Articles |News |مقالات |بيانات

07-02-2007, 03:45 PM

hanadi yousif
<ahanadi yousif
تاريخ التسجيل: 03-06-2005
مجموع المشاركات: 2743

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    (
    Quote: إن أنت أكرمت الكريم ملكته وإن أنت.............. تمردا)


    البخاف الله يا ما بطاعن والشجاع بيقول الكلام عديل ما قولو ناقص.
    وبعدين عامل فيها قماز لماز .
    والله كان قكنا على المطاعنة الا تقوم جاري." تخصص"
                   |Articles |News |مقالات |بيانات

07-02-2007, 08:49 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11307

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: hanadi yousif)

    Quote: ياسر طيفور
    احترامي

    انا عايزة اشكرك لمواقفك المبدئية وتحليلاتك الجيدة مهما اختلفت مع حد لما يكون الموضوع قضية ومبداء طوالي بلاحظ انك مبدئي.
    الزول قال علي كافرة حاصروتوه وفي ناس قالو اللائحة طوالي اعتزر وجاء تاني جاب موضوع الكفر دا بيكون نزلو ليهم في البرمجة " تكفير من طرف "
    الشكر مجددا


    هنادي يا أختي

    ما قلنا ليك خلي بالك من اللغة

    ما تبقي عنقالية زي ود القريش

    انتي محامية

    * أوعة تكون مذكراتك بتكتبيها كدا ، لأنه العربي دا أقل غلط فيه بودي موكلك في ستين داهية
                   |Articles |News |مقالات |بيانات

06-02-2007, 09:21 PM

Eng. Mohammed al sayed

تاريخ التسجيل: 16-10-2005
مجموع المشاركات: 1181

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: عندما التقينا وتعارفنا, وتفاهمنا, وتقاربنا, رأينا أن هناك فهوماً خطأ لبعضنا البعض,


    أخى معتز تحياتى
    بعد سؤالك أبحرت فى منفستو الشيوعية(لكارل ماركس)
    Quote: Karl Marx and Frederick Engels

    Manifesto
    of the Communist Party
    1848

    http://www.anu.edu.au/polsci/marx/classics/manifesto.html
    ثم قادنى البحث لحديث الشيخ الزندانى مع حسن معوض
    وأقتبس لك منه
    Quote: حسن معوض: طيب، من ناحية أخرى أيضاً شيخ زنداني يعني في الواقع أريد أن أنتقل الآن إلى الوضع الداخلي، في عام 1989 عندما أعلنت الوحدة بين شطري اليمن في الواقع كنت من أشد المعارضين لها، أيامها وصفت الاشتراكيين بأنهم ملحدون، في عام 1993 كنت عضواً في مجلس الرئاسة ممثلاً لتجمع الإصلاح في الواقع, وكان معك في نفس المجلس اشتراكيون, كيف انقلب ملحدو الأمس إلى.. ليس حلفاء ربما بل زملاء اليوم.. اليوم ذلك .. نعنيه عام 1993؟

    الشيوعية العالمية تقوم على الإلحاد, وشعارها الأول لا إله والحياة مادة, وأن الدين أفيون الشعوب


    الشيخ عبد المجيد الزنداني: أنت لا تستطيع أن تُنكر أن الشيوعية العالمية تقوم على الإلحاد, وشعارها الأول لا إله والحياة مادة, وأن الدين أفيون الشعوب, لا تستطيع أن تُنكر ذلك ولا أحد يستطيع أن يُنكر هذا, وقفنا ضدهم عندما حملوا الأفكار الشيوعية, عندما التقينا وتعارفنا, وتفاهمنا, وتقاربنا, رأينا أن هناك فهوماً خطأ لبعضنا البعض, واتفقنا مع الحزب الاشتراكي, ومع المؤتمر ومع.. اتفقنا كلنا جميعاً على أن يكون دستورنا ينص "الشريعة الإسلامية مصدر جميع التشريعات" وكم سعدنا بأن الحزب الاشتراكي وهو ينزل في الانتخابات يكتب في ضمن شعاراته: "نؤمن بالإسلام عقيدة وشريعة". كان هناك فهوم عن الشريعة خطأ, كان هناك فهوم عن الإسلام خطأ, من ثقافات مستوردة جاءتنا في ظروف معينة, فنحن الحمد لله التقينا على قاعدة واحدة وجاء هذا الدستور. أنا لم أعارض الوحدة يا أخي الكريم, أنا من أشد أنصار الوحدة ليس فقط بين جزئي اليمن, بل بين بلاد العرب جميعاً, وبلاد المسلمين أجمعين. أنا أنادي وأناشد من هذا المكان وبهذه المناسبة قمة رؤساء الدول العربية وهم يجتمعون في هذا الشهر, أناشدهم أن يمضوا بنا قدماً نحو اتحاد عربي, يوحّد هذه الأمة حتى تكون لها كلمة, يكون لها قيمة, ويكون لها وزن في المحافل الدولية.


    ....................................................................................
    تبع.
    (على وزن المطعم السودانى الإتغديت فيه اليوم ضلع)
    أنا ما شيوعى
                   |Articles |News |مقالات |بيانات

06-02-2007, 10:49 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: هل الشيوعي السوداني كافر ؟



    عامل فيها الود بطرح اسئلة صعبة وكمان (بفط) ناس في الردود


    بالله دة سؤال ده !!



    قلنا ليك ياااخ اعقلها ثم اكتب يا مولانا


    ______


    مثل : المحرش ما بكاتل


    مثل2: العاوز يشوف ود الامير في المكتب ما يشوف معتز في المنبر





    ما قلتو نوبة


    قال هل الشيوعي السوداني كافر قال


    ما كافر سمح

    اتحرك وكلم بكري يخرجك من الورطة دي يا معتز


    اخوك

    منعم
                   |Articles |News |مقالات |بيانات

06-02-2007, 10:56 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)




    المذكور اعلاة يكتب البوست بصورة الجلابية ويريد ان يرد علي المتداخلين بالبدلة


    ( وجب التنوية)

    منعم
                   |Articles |News |مقالات |بيانات

06-02-2007, 11:35 PM

yaser mostafa

تاريخ التسجيل: 05-11-2006
مجموع المشاركات: 797

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    هل الشيوعي السوداني كافر ؟

    هذا سؤال يساله انسان سوي وطبيعي ومتزن خلقة واخلاق وعقلا بل وديناً؟؟؟؟؟؟؟؟؟؟ هب انه غير كافر في ماذا تفيد الاجابه وان كان كافر ايضاً في ماذا تفيد هل ستعلن عليهم الجهاد او لن تجلس معهم في مائدة طعام واحدة................سؤال والله يفور الدم

    انا ماشيوعي للاسف لاكن الشهداء القدمهم الحزب الشيوعي في مسيرته النضاليه الثره التراب الذي وطاته اقدامهم اشرف بملايين المرات من معظم الاسلاميين في تاريخ السياسه السودانيه.
    بعدين سؤال: الزول دا كان عايش وين؟؟؟؟؟؟لامات لاشقا المقابر لاشاف لاقرا لاباري لاعندو قريبو شيوعي لافي حلتو لاسمع لا لا لا لا في سن قدر دي جاي يسال سؤال فج واجوف وغبي ذي دا؟؟؟؟؟دا جهل ولاعبط ولا تخلف ولا شنودا ياخونا عليكم الله افتونا في جنس الحاله دي.

    في رد واحد طلع هنادي كافره الناس حاصروهو بالانتقاد جا ذي الطفل فتح باب تاني بي جاي...




    حاجه غريبه تانيه ذكرها الاستاذ حيدر انو هذا الانسان موسيقي؟؟؟؟؟؟وكان عاذف في فرقة الاستاذ العظيم عليه الرحمة مصطفي سيد احمد؟ دي تفسيرها شنو؟؟؟؟
    الله يرحمك يادكتور حسبو سليمان كان اديتنا تحليل وافي وكافي لي حاله مستعصيه ونادره
    نسال الله السلامه
                   |Articles |News |مقالات |بيانات

06-02-2007, 11:42 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: وين؟؟؟؟؟؟لامات لاشقا المقابر لاشاف لاقرا لاباري لاعندو قريبو شيوعي لافي حلتو لاسمع لا لا لا لا في لا لا لا ...



    مشغول !!


    طول الوكت ده بث بسمع في حبوبتو


    الله يخلي حبوبات الجميع العضوات منهم والاعضاء





    _____

    يا ربي معتز ده بكون تاني سمع كلام حبوبتو في شنو تاني .. يا ربي ..؟


    منعم
                   |Articles |News |مقالات |بيانات

06-02-2007, 11:42 PM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    فى المقال بعض ما اردت قوله، لعل البعض يستفيد منه

    Quote:
    في حرية الاعتقاد الديني
    تواجهنا سواء أكنا يهوداً، أم مسيحيين، أم مسلمين، أم كنّا من المؤمنين بصورة عامة، بدرجات مختلفة وفي بيئات متباينة إلى حدٍّ ما، مشكلة كبرى من مشاكل عصرنا الراهن، مشكلة هي بمثابة الركن من صرح حقوق الإنسان ؛ وأعني بها مشكلة حرية الاعتقاد الديني.
    فانطلاقاً من إيماني المسلم، إيماناً لا يقتصر على الانتماء إلى ثقافة معينة، بل إيمان التزام تام بالشهادة وإتمام الفرائض، سأتناول هذه المشكلة التي أضفى عليها ما كان في الربع الأخير من العام الفائت من قضية توماس ياديجاري (الذي كان يعرف سابقاً باسم حسين) الذي رفض العودة إلى بلاده إيران بعد أن قررت حكومة نيوزيلندا ترحيله، بسبب مخاوفه من إعدامه بسبب تحوله من الإسلام إلى المسيحية، وقبل ذلك قضية عبد الرحمن الأفغاني – الذي كاد أن يعدم "لارتداده" عن الإسلام.
    إن مشكلة الحرية الدينية، ليست، طبعاً، بالمشكلة الجديدة. فإن وراءها تاريخاً طويلاً، تاريخاً دموياً في الغالب الأعم، ومع الأسف، ومن زاوية لاهوتية، يمكن مشارفة المشكلة باعتبارها أقدم بكثير أيضاً. فهي ترتبط، على المستوى "الكياني"، بخلق الإنسان نفسه ؛ ذلك أن نبي الله آدم المخلوق حراً قد اختار بملء إرادته أن يعصي ربه، والله قد احترم حريته هذه.
    فالحرية في تجلياتها كافة، ومع كل ما تعد به وما تستتبعه من مخاطر، تجد إذاً تأسيسها الأصلي الأول في الفعل الإلهي، السامي، الخلاّق نفسه. والرهان على حرية الإنسان إنما هو منذ البداية، والمصدر، رهان الله تعالى.
    وللنقاش الذي يعنينا سوابق في التاريخ. أما الصورة التي أمسى يطرح عبرها اليوم، مع مستلزماته المرتبطة بحقوق الإنسان في مجملها، فقد انطلقت أولى صياغاتها الحديثة في أوروبا ابتداءً من القرن التاسع عشر بتأثير من فلسفة التنوير والموسوعيين الأوائل من مثل (ديدرو).
    وفي ردة فعل على "دكتاتورية" الأديان، كاد التركيز ينحصر يومها على الحق في الإلحاد، أي عدم الإيمان، وذلك لا في الدهاليز الخفية بل جهاراً نهاراً، وباعتزاز. فلم يعد الإلحاد داءً مشيناً يتستّر المرء عليه ويحجبه. لا بل صُودر العقل لمصلحة الإلحاد وحده، وأضحى النعت بالعقلاني لا يحمل حصراً إلاّ على ذوي الأذهان المستنيرة التي اطّرحت تخييلات الإيمان وأساطيره.
    وهكذا غدت الحرية الدينية، من سبيل الخطأ، مرادفاً للإلحاد، وهو أمر لم يكن من شأنه توضيح النقاش والحث على الاعتدال، وقد بلغ من شدة الاختلاط في المعمعة أن توصّل الناس إلى نسيان ما هو بديهي، ألاَ وهو أن الحرية الدينية هي أيضاً حرية الإيمان، الإيمان بما يرغب الإنسان أن يؤمن به، وما هو مقتنع به، وأن لا وجود لإيمان حقيقي من دون حرية.
    فقد امتزج تاريخ الحرية الدينية الحديث في أوروبا امتزاجاً حميماً بتاريخ الانفكاك من المسيحية. وفهمت العقلانية، بما لها من مكانة كبيرة في عصر الأنوار، على أنها متنافية مع الوحي الذي لا حظّ له في الازدهار إلاّ في فردوس الظلامية.
    ومع التأخير عن أوروبا زهاء القرن، بدأت المشكلة تطرح على الإسلام، وهنا أيضاً اتخذت، في جملة ما اتخذته من مظاهر، مظهر ردّة الفعل على "دكتاتورية" الدين، وباتت من جرّاء ذلك ترتبط بتزايد الانفكاك من الإسلام، الذي يثير من الضجّة أقل كثيراً مما تثيره الصحوة الإسلامية، إلى حدّ أنه قد يفوت كلياً نظر المراقب غير المتمرّس.
    غير أن هذا الانفكاك أو التفلّت واقع ملموس، ولاسيما في الطبقات العليا – مالياً أو ثقافياً – من المجتمع، كما أشارت بعض الدراسات، وإن كان للشرائح الأقل حظوة حظ منه، وبخاصة في أوساط المدن.
    لقد باتت مشكلة الحرية الدينية تطرح اليوم علينا، نحن ورثة تراث نبي الله إبراهيم، بمصطلحات شديدة الشبه بتلك التي عرفتها أوروبا وإن لم تكن هي نفسها، وذلك في درجات من الحدّة، والأولويات الملحة، وردود الفعل، التي قد لا تكون مختلفة إلاّ بصورة مؤقتة.
    الحرية الدينية، الحرية الحقيقية، تلك التي تترك فعلاً لكل إنسان أن يقرر اختيار مصيره بحرية، تعنينا كلنا إذاً، من مؤمنين وملحدين، نحن الملتزمين التزاماً مخلصاً بالكرامة الإنسانية المرتبطة بحرية قرار كل إنسان. فالسلام يتوقف عليها سواء على المستوى القومي أم الدولي.
    فنحن نلاحظ على المستوى القومي، في الشرق كما في الغرب، في الهند، باكستان، لبنان، ايرلندا، الفلبين وغيرهم ربما، أن دورة الحروب الدينية، أو بالأحرى الحروب المتذرعة بالدين، لم تقفل. وعلى المستوى الدولي توشك التناقضات بين الأيديولوجيات المتمركزة حول تصوّرات متباينة للحرية أن تتسبّب بكارثة على قدر من الضخامة يهدد بوضع حدّ نهائي للمغامرة البشرية. فقد قدّرت بعض التقارير أن الطاقة التدميرية التي يمتلكها قادة هذا العالم تساوي أربعة أطنان من المتفجرات لكل إنسان.
    ولا يكفي لاستئصال الشر عدم الاعتقاد بوجوده، إما إفراطاً بالثقة في "توازن الخوف" ، وهو توازن هشّ يعاد النظر فيه باستمرار بفعل اختراعات مكلفة، وإما لواذاً بالتواكل، وهو موقف مريح ومشبوه، يفضي إلى استرخاء المؤمن أو يستدرجه إلى سُبل مزيفة. وهو ينطوي، فضلاً عن ذلك، على مخاطر جعله غير مستحق لمعونة الله الذي حَبانا بالعقل وخلقنا أحراراً لكي نبني صيرورتنا بالعدل وكدّ اليمين.
                   |Articles |News |مقالات |بيانات

06-02-2007, 11:45 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    Quote: الله يرحمك يادكتور حسبو سليمان كان اديتنا تحليل وافي وكافي


    واللة ده كان جنن حسبـــو ظاتوووووو






    ____

    بالمناسبة احسن عازف اكورديون في الدوحة كمان

    منعم
                   |Articles |News |مقالات |بيانات

07-02-2007, 00:01 AM

BAKTASH
<aBAKTASH
تاريخ التسجيل: 21-02-2003
مجموع المشاركات: 2453

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    هو لسع في ناس بالعقلية دي وفي القرن ال 21 يسالو جنس الاسئلة ال..... دي ؟؟؟ اللهم طولك يا روح...
                   |Articles |News |مقالات |بيانات

07-02-2007, 00:32 AM

ابوعسل السيد احمد
<aابوعسل السيد احمد
تاريخ التسجيل: 12-12-2005
مجموع المشاركات: 3416

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: BAKTASH)
                   |Articles |News |مقالات |بيانات

07-02-2007, 00:54 AM

ابوعسل السيد احمد
<aابوعسل السيد احمد
تاريخ التسجيل: 12-12-2005
مجموع المشاركات: 3416

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: BAKTASH)

    الأخ المحترم معتز القريش
    الإخوة ضيوف معتز و خصومه المحترمين جميعا.
    تحية طيبة و بعد
    أعتقد أن تساؤل الأخ معتز تساؤل مشروع و في محله تماما طالما هذا المنبر مبذول للحوار و التساؤل و تناول القضايا عصيُّها و سهلها. و كنت آمل من الإخوة و الأخوات و بالخصوص في الحزب الشيوعي السوداني من عضوية المنبر أن يتكرموا بالرد الموضوعي على هذا التساؤل دون اللجوء إلى محاكمة معتز على نوايا لا نعلمها ( الله وحده و معتز يعلمانها) بل و المضي قدما في مهاترات ليس هذا محلها.

    لكن قبل أن أشرع في اجتهادي في الرد على تساؤل معتز من جهتي و بحسب رؤيتي المتواضعة للأشياء في بلادي سيما و أن لي عدد كبير من الأصدقاء من منسوبي الحزب الشيوعي السوداني و هم أشخاص أكن لهم كل إحترام و تقدير و أعتز بصداقتهم، أحب أن أسأل الأخ معتز بعض الأسئلة على غرار سؤاله عساها -هذه الأسئلة- تعينه في الإجابة بنفسه على تساؤله:
    (1) هل عضو حزب الأمة القومي وطني؟
    (2) هل عضو الحزب الاتحادي الديمقراطي ديمقراطي؟
    (3) هل السوداني مسيحي؟
    (4) هل السوداني عربي؟
    (5) هل الأفارقة سود البشرة؟
    (6) هل الأميركان بيض؟
    (7) هل المغتربين أغنياء؟
    (8) هل السوداني أسود؟
    (9) هل جميع لا عبي المريخ ناجحون مع النادي؟

    لو نظرت، أخي معتز، إلى تساؤلاتي البسيطة أعلاه على إختلافها إلا أنها تشترك جميعا في أننا لا يمكن أن نجيب عليها بلا أو نعم مطلقتين إذا فكرنا قليلا قبل طرحها. لماذا؟ لأننا نتناول بها مواعين تضم تحت عرضها الشاسع أناس يمثلون في كل حالة من الحالات التسع خلفيات ثقافية، دينية، لغوية، عرقية، أيديولوجية، فكرية مختلفة بغض النظر عن درجة هذا الاختلاف و التباين. و يمكنك أن تأتي عل هذا المنوال بعدد لا نهائي من الاسئلة التي لا يمكن الإجابة عليها بلا أو نعم.

    لكن إذا عدنا إلى حديث الأخ معتز عن جدته و توصيفاتها للشيوعي نجد أن هذا التوصيف ماثل إلى اليوم في مخيلة الكثير جدا من الناس و هو ليس مجرد إرث من الماضي البعيد الذي سيفنى بفناء الأجداد و المسنين. و أظن ظنا أن مثل هذا الفهم للشخص الشيوعي في السودان بأنه هو الشخص الذي يتقول بالعبارات المبتورة أعلاه ساهم في ترسيخه، أي الفهم، التنافس القديم بين الأحزاب الطائفية و اليمين الاسلامي من جهة و الحزب الشيوعي السوداني من جهة أخرى حول استقطاب العامة من ملح الأرض في السودان و. للاسف أيضا، في اعتقادي، فقد ساهمت عضوية الحزب الشيوعي السوداني في ترسيخ كثير من هذه المفاهيم الخاطئة عن الشخص الشيوعي، بما فيها أنه هو "الزول البيعرس أخته و البيقول الله مافي" مثلا، بالتعالي عليها و تجاهلها و عدم محاولة فهم العقلية التي تنتجها و تصدقها، و بالتالي تفنيد مثل هذه الادعاءات. و لذا فقد ظل الحزب الشيوعي السوداني في مجمل الوقت حزبا نخبويا يعتمد فقط على المثقفين، و المتعلمين الذين في مقدورهم فقط طرح الأسئلة الشائكة و العصية التي لا تتسع لها مواعين الأحزاب الطائفية و اليمين الاسلامي و الأحزاب العروبية.

    و لي عودة
                   |Articles |News |مقالات |بيانات

07-02-2007, 04:42 AM

ابوعسل السيد احمد
<aابوعسل السيد احمد
تاريخ التسجيل: 12-12-2005
مجموع المشاركات: 3416

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: ابوعسل السيد احمد)

    الأخ معتز القريش
    و إذن فإن الشيوعيين السودانيين هم كغيرهم من السودانيين فيهم من يصلي و من لا يفعل، من يصوم و من لا يفعل، من يزكي و من لا يفعل، من يزني و من لا يفعل، من يؤمن بأن الله واحد أحد فرد صمد و من لا يفعل. لماذا؟ لأنهم بشر و لأن الله خالقهم جميعا هو الذي يكتب على الناس أن يكونوا سعداء أو اشقياء. و لا أظن انه يفوت عليك أن السعادة و الشقاء عند الله سبحانه و تعالى ليست مربوطة بهذه المظاهر. و لعلك تذكر الحديث الذي معناه أن الرجل يعمل عمل أهل الجنة فلا يبقى بينه و بينها إلا ذراع فيسبق عليه الكتاب فيعمل عمل أهل النار فيدخل النار، و أن الرجل يعمل عمل أهل النار فلا يبقى بينه و بينها إلا ذراع فيسبق عليه الكتاب فيعمل عمل أهل النار فيدخل النار. بمعنى آخر فإن تمظهرات العبادة هذه يعلم سرها العليم القدير وحده، و هو غافر الذنب قابل التوب. و هو المعني أولا و أخيرا بأن فلان كافر او مسلم و ليس عامة الناس الذين هم نحن معنيون بذلك، و الرسول (ص) يقول: من حسن اسلام المرء تركه ما لا يعنيه. و في يوم الموقف العظيم لا يسالن الله معتز القريش إن كان أبو عسل كافر أم مؤمن بل يُسأل معتز عن نفسه أمام الله يوم يفر المرء من أخيه وامه و ابيه.. إلى آخره.

    تبقت بعض الاعتقادات و قد اشارت الاخت رندا حاتم إلى أن بعض الناس المائلين بطبعهم إلى بعض السلوك المرفوض من قبل المجتمع يحاولون نسبة ذلك إلى الشيوعية. أذكر عندما كنا طلابا في النصف الاول من التسعينيات كان بعضهم لا يهتم بنظافة جسده و هندامه و يتشدق بانه شيوعي موحيا للناس بان الشيوعية تعني الا تهتم بالنظافة. و قد يفعل نفس الشيئ من يعاقر الخمر أو يتصيد الفتيات. النتيجة ان يهرع الناس، بانين على المفاهيم القديمة و الظالمةالتي أُلقموها من أعداء الشيوعية الطبيعيين، قائلين هذه هي الشيوعية.

    أذكر أنني بعد تخرجي من الجامعة، و كانت حكومة الانقاذ الحالية في أوج عسفها و تجبرها، أنني رفضت العمل في اي مرفق حكومي و أعلنت ذلك صراحة في محيط الأسرة الممتدة التي بها بعض من منسوبي الجبهة الاسلامية. و الله على ما أقول شهيد، يا اخ معتز كنت أصلي الصلوات الخمس المفروضة و اصوم و أرحم الصغير و أوقر الكبير، لكنني إكتشفت بمحض الصدفة أنه كان من يشيع داخل الاسرة الكبيرة بأنني شيوعي، و أن الجميع صدقوا ذلك. لماذا؟ لموقفي من العمل في ظل الحكومة ومن ممار ساتها يروج أنصارها من اقربائي بانني شيوعي و هم يعلمون أن ذلك يعني انفضاض الشباب صغار السن من الأسرة من حولي و كره الكبار لي بحكم الفهم الجمعي الخاطئ للشيوعي بالذات عند البسطاء من الناس من أمثالي و هم أغلبية اهل السودان. يعني لم يفعلوا غير توظيف وسائل الاقصاء الازلية لليمين المتاسلم و الطائفية. غني عن الذكر أنني و إلى اليوم لم أنتم للحزب الشيوعي أو أي حزب سياسي آخر. أوردت هذا هنا و قد لا يكون ذو أهمية سوى أنه تجربة شخصية تعلمت منها الكثير، و أوله انك إذا كنت شيوعيا فإن الاقصاء نصيبك بفعل تلك العقلية و إن صمت صليت. و إذا لم تكن شيوعيا و لم تكن اسلامويا أو متأسلما أو طائفيا أو حتى عروبيا يمكن اقصاؤك بدعاوى أنك شيوعي.

    و في آخر الأمر، يا اخي، ما ينفع الناس أن تحمل لهم الخير صادقا في نفسك و يسلموا من لسانك و يدك، و في الأرض متسع للجميع. و يجدر بنا ان نحب الوطن و أن نهتم بتنشئة اجيالنا على الحب و احترام الآخر و خياراته و الله يقول في سورة الكافرون على لسان نبيه (ص): لكم دينكم و لي دين. و هو تعالى يقول من شاء فليؤمن و من شاء فليكفر. و عوض أن نهدر وقتنا في تقصي إن كان فلان مؤمن او كافر أو تلك الفئة مؤمنة أو كافرة الأولى بنا أن نغتنم وقتنا في ما ينفع الناس و يمكث في الارض، و ننشر الحب و نفشي السلام بيننا.

    آسف على الاثقال عليك و على ضيوفك بهذه الاطالة
    و لكم جميعا التحايا و الحب الأكيد.
                   |Articles |News |مقالات |بيانات

07-02-2007, 00:15 AM

Sabri Elshareef

تاريخ التسجيل: 30-12-2004
مجموع المشاركات: 21083

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: معتز القريش)

    والله السقوط عندما ياتي لا يجعل للانسان طعم

    هذا عازف مع مصطفي سيداحمد ومصطفي فنان له قضيه

    والا ما كنت تعزف ولا تدري ماذا تقول الاغنية

    لقد بدات التكفير ولا احد يخاف من حكمك لان الفكر السلفي القديم مليان بفهمك الحديث

    والاسلمة التي دخلت فيها جديد
    بس داخل غلط تبث في التكفير واثارة الفتنة بدات بالفكرة والان الحزب الشيوعي السوداني

    لا فرق بينك وبين الصادق عبدالله وسليمان ابو نارو هؤلاء كفروا تنظيم كامل تنظيم الجبهة الديمقراطية

    يا معتز فاضل لك الحركة الشعبية ننتظر بوست تكفيرك لها

    علي العموم ربنا يهديك وينير طريقك فانت في وادي مظلم

    الشيوعيون/ ات سيتصدون لك وستضيق عليك الدوحة والبوست لانك الان

    تعبر عن ثقافة لا تفرق عن الطالبان واقزام الدولة الدينية بتاعت السودان
                   |Articles |News |مقالات |بيانات

07-02-2007, 01:30 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Sabri Elshareef)

    معتز

    وا خسارة عيشنا الاكلو الجداد

    نقيف معاك بي هناك

    تجي تقدَنا بي هنا

    يازول وحات الله ورسول مكة ما كفَار

    لكننا بشر

    جارحون كالصقور

    غنانا كرجفة الشتاء في ذؤابة المطر

    وضحكنا يئزّ كاللهيب في الحطب

    خطانا تريد أن تسوخ في التراب

    ومؤمنون بالقدر

    أها ... لقيتنا كيف
                   |Articles |News |مقالات |بيانات

07-02-2007, 01:59 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: Sabri Elshareef)

    شوف يا معتز الجماعة ديل عايزين طاقيتهم لا غير..
    لانه ما قادرة افهم زول شيوعي مسلم دي
    الا زول يكون سلكتف.
    ودي مع الاسلام ما بتجي تختار من الشيوعية النظام الاقتصادي
    ومن الاسلام الاخلاقي
    الاسلام دين متكامل تيك ات اور ليف ات
    والاسلام الذي اختاره لنا الله هو الكتاب والسنة المطهرة
    لما زول يجي يتكلم عن الشريعة وقانون الاسرة ويقول الا سلام ظلم النساء
    دا معناها بيفتكر الله ظلام للعبيد بما انه العدل احد اسماء الله وصفاته
    كونك تقول انه ظالم دا كفر
    وكونك تحارب الاسلام برضو دا كفر
    وكونك تنكر وجود الله دا كفر..

    يعني الكفر دا ما حاجة عايزة ليها مايكروسكوب
    زلا يرى بالعبن المجردة..
    ويا معتز ما تخلي الجماعة ديل يرهبوك
    اي زول يقول هو شيوعي معنها رافض لوجود الله بالضوروة لان الشيوعية فكر مادي
    الا يجي شيوعي يقول
    انا مسلم عاصي بسكر وعارف السكر حرام ما بصلي لاني بس سكران وفي القرآن قالو لا تقربوا الصلاة وانتم سكارى وما بصوم
    لانه لما اسحر بالعرقي بيجيني شقاق الصباح لازم اشرب والله ما امر بالتهلكة..
    كدا بنقول انك ما كافر..

    عشان السودانيين وخرمجاتهم دي اي حاجة ماشة غلط في السودان..
    وللاخ القال الشيوعين قدموا شهداء الشهداء ديل كانوا قاعدين في عناقريبهم؟
    ولا برضو اتسببوا في مقتل خيرة رجال السودان..
    عشان موضوع بيت الضيافة وانقلاب مايو ما يدور
    خليكم فقط في سؤال معتز دا..
    يلا هل انتم كفار بالدين ولا لا؟
    لو ما عايزين تجاوبوا نحترم رغباتكم
    لكن لما تجوا تسالو عن طاقيتكم برضو يا شلتوها يا ابينا...
                   |Articles |News |مقالات |بيانات

07-02-2007, 02:03 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: bayan)

    والكافر هو
    "المنكر للمعلوم من الدين بالضرورة"
    اي زول ينكر وجود هذه المعلوم بالضرورة يبقى كافر وفقا لهذه القاعدة.
    يعني ما حاجة صعبة شديد ولا كيف؟
                   |Articles |News |مقالات |بيانات

07-02-2007, 02:25 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: bayan)

    تعرف يا معتز زعيمنا في عطبرة إسمو العيدروس كان يوقف الاجتماع إذا دخل الاذان حتى يصلي من يرغب

    في الصلاة .. لاحظ يرغب دي يعني مافي زول بيجبروه عليها.. بعدين في ناس كثيرة ما بتصلي ولا هم

    بشيوعيين ومافي زول بجيب خبرهم ... لكن لو كانوا شيوعيين .. القيامة تقوم

    والعيدروس ده كان مسؤول في السكة حديد

    يحلف من عملوا معه ان لجنة المراجعة كانت دائماً تخجل عندما تراجع عمله.. وده لأمانته ونزاهته

    يا عزيزي خلينا من الشيوعيين .. القاعدين في الحكومة ديل وباسم الدين رأيك فيهم شنو
                   |Articles |News |مقالات |بيانات

07-02-2007, 02:26 AM

Adil Isaac
<aAdil Isaac
تاريخ التسجيل: 02-12-2003
مجموع المشاركات: 4104

للتواصل معنا

FaceBook
تويتر Twitter
YouTube


Re: هل الشيوعي السوداني كافر ؟ (Re: bayan)

    بوست يوم قيامة عديل كدةنشوف بكرة الدخلتو منو في النار الإسفيريةهولتك
    دىو الفاضى يعمل قاضى (باطبع قاضى حيض نفاس وأنكحة)
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de