|
|
 تحليل شخصيات : من الكتابات
|
السلام عليكم
بعض الشخصيات اقلاما بيننا تختال
كثير منا يرسم صورة لكل شخصية حسب الكتابات
قد تكون صورة الافكار
وقد تكون صورة من خيال
الكتابات مرات بتكون مطابقة للشخصية
ومرات الكتابات بتكون رغبات في النفس
يعني زول فاقد شئ في حياتو يرسم شخصية بكتاباتو مخالفة للواقع
وقد يطابق الواقع احيانا ما يكتب البعض
وهنا سوف ارسم بعض الشخصيات
رسما قلميا
بلا حساسيات
وبلا رسميات
والحق مكفول للجميع في المشاركة بلا رسميات
____________________________________________-
الشخصية الاول : دكين عشا البايتات
او كا يسميه اصاحابو الوغد دكين
ولا ادري لما يطلق عليه وغدا وموافق
ما شايف معتز قريش اعلن حربا علي الظلاميات وكل التسميات
_______________________________________________________
تسمح يا دكين ولا نمشي للشخصة التانية
وبعد موافقة الوغد دكين (سوري) كما يكتب اصدقاؤك هنا
بعد الاذن ارسم التحليل للشخصية :
ولحبن الموافقة فاصل اعلاني
ولطلبات التحليل ارسل علي الماسنجر الداخلي
واطلب منكم الدعوات بالشفاء
لانني طريحة فراش ودي هضربة حمي وفياقة مني
واها يا عشا البايتات نواصل ؟؟؟؟
|
|
 
|
|
|
|
|
|
|
 Re: تحليل شخصيات : من الكتابات (Re: sudania2000)
|
الاخت سودانية
لكى التحية
اما شخصيتى لا تستطيع تحليلها لانها مطربة احيانا ...
واصلى وتجدينى من اكثر المتابعين للتحليل ...
اماالاخ دكين فعلا هو دكين لا اعرف كيف دكين اصبح وبقى ..
تسلمى
| |
|
|
|
|
|
|
|
|
|
Re: تحليل شخصيات : من الكتابات (Re: عاصم ابوبكر حامد)
|
الاخ عاصم
سلامات
صحيح لا استطيع التحليل في حالتك لانك شخصية غير معاصرة 
الكلمة كانت تضاف في شرح الشاعر في الادب في الثانوي
بس شخصيتك مطربة جدا والدليل سامي المغربي
رسل بصمة عشان تكتمل الصورة
تسلم يا ذوق
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
الاخت الكريمة
يقول علماء النفس ان الكتابة تعكس طريقة تفكير الكاتب أي الحالة المزاجية التي تعتريه لحظة
الكتابة رغم أن بعضهم أثبتت عكس ذلك من خلال تتبع سيرة حياة بعض كبار الروائيين
عموما الفكرة جيدة والبوست ممكن ان يتحول لعيادة نفسية لو كان هناك نوع من الجدية
| |
|
|
|
|
|
|
|
|
|
Re: تحليل شخصيات : من الكتابات (Re: حيدر حسن ميرغني)
|
الأخت العزيزة سودانية
أولا سلامتك، وكفارة.
Quote: يعني زول فاقد شئ في حياتو يرسم شخصية بكتاباتو مخالفة للواقع
|
أتفق معكي تماما أن هناك من يكتبون ليعبروا عن شخصية غير شخصيتهم، فبعضهم بغير وعي منهم، أي بغلبة عقل باطني، وآخرين يقومون برسم الشخصية ويضعون لها أبعادها بعناية شديدة، وغالباً هذه الشخصية ما تكون مركبة من مجموعة (معكوس شخصيته الحقيقية)، ولتأكيد تطابق الشخصية، وقدرته على تقمصها، يكون في عداء حاد، مع كل سمات شخصيته الحقيقية، وهو ما سبق بالريسايكل (Recycle)، أي اعادة انتاج شخصية جديدة من حطام الشخصية الحقيقية، دون أن يعي بأن الشخصية المنتجة لابد أن تحمل سمات شخصيته/ا الحقيقية.
| |
|
|
|
|
|
|
|
|
|
Re: تحليل شخصيات : من الكتابات (Re: nadus2000)
|
الاخ الكريم نادوس 2000
تسلم يا ذوق
وكلامك في محلو وهو بيت القصيد
(((((((( أتفق معكي تماما أن هناك من يكتبون ليعبروا عن شخصية غير شخصيتهم، فبعضهم بغير وعي منهم، أي بغلبة عقل باطني، وآخرين يقومون برسم الشخصية ويضعون لها أبعادها بعناية شديدة، وغالباً هذه الشخصية ما تكون مركبة من مجموعة (معكوس شخصيته الحقيقية)، ولتأكيد تطابق الشخصية، وقدرته على تقمصها، يكون في عداء حاد، مع كل سمات شخصيته الحقيقية، وهو ما سبق بالريسايكل (Recycle)، أي اعادة انتاج شخصية جديدة من حطام الشخصية الحقيقية، دون أن يعي بأن الشخصية المنتجة لابد أن تحمل سمات شخصيته/ا الحقيقية))))))
وخليك قريب
تسلمي يا اخوي في البابا 2000
خالص احترامي ومودتي
| |
|
|
|
|
|
|
|
|
 Re: تحليل شخصيات : من الكتابات (Re: tmbis)
|
Quote: . دكين ده بجيهو ليك يا سودانية ..
خلوهو علي وارمو طوبتو .. وشوفو غيرو |
الاخ الكريم تمبس
اشكرك بس ما فهمتك !!
هل تعني اخلي ليك التحليل لدكين واشوف زول غيرو؟؟
اكان كدة موافقة
لاني اصلا الشخصية بتخوف
يلا اكتب التحليل للوجيه دكين
تسلم
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
الاخ العزيز دكين
اشكرك جدا علي القبول
وما عليك نحن انتظرنا الموافقة عشان نكون في الامان ولازم توافق عشان تدينا الامان بالانطلاق
والله وصلتني كم رسالة بقولوا علي ضمانتهم اكتب ولو انت زعلت و قبلت علي هم ح يوقفوك
وانا قلت ابدا عشان نخت زول في تحليل لشخصيتو الاسفيرية لازم يوافق بملء الارادة
واشكرك تاني علي روحك الرياضية
وتسلم
وقبال ما نبدا بدكين نعلن الاتي :
اي زول من الحضور و المتصفحين عندو تحليل يرسلو لينا
واعلان عن الشخصية البعد دكين وبرضو من الرجال : فيصل نوبي : ارجو ارسال الموافقة علنا هنا
خارج التغطية :
دكين قال :
اناذاتي عندي ناس عايز احللهم هنا..
احللم فيبقو حلالي فلا اختشى منهم ابدا..
ديل منو؟؟
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
طيب يا سودانية ..
دكين ده قصاري ، من باب القصيًر يا حمكة يا .. أها دكين ده فتنة ،
نحبف ، شكلوا الغنماية تآكل عشاو ، لكن الحقيقة إنو يآكل عشاء زريبة بتاعة غنم ،
شكلوا البراني شايت جهة والجواني في جهة تانية
زولاً دوغري..
ومسيخ ..
وكمان زولاً سكوت ، بصاحب نفسوا وبحكي ليها كتير وبهازر معاها وبضحك معاها وبضحك بيها وبضحك ليها ،
قلموا اسلط من لسانو ، شخصيتو بتاعة الكتابة أشرس كتير من شخصيتو الإجتماعية ،
كان شاطر في المدرسة لكن ما بتاع قراية ،
زول حارة والفي جيبو ما حقتو ..
،،،
| |
|
|
|
|
|
|
|
|
|
Re: تحليل شخصيات : من الكتابات (Re: mutwakil toum)
|
سودانية الفين
سلامات كده كتيرة تحيرك!
دكين ده بالذات لازم تحليلوا يكون جماعي،
زي مواضيع التعبير عن الوطن، الأم، النظافة!
الزول ده شخصيته مبنية على اساسات متنوعة
هو وغد وأمين!
مريح، وبراي!
حاجة زي صحن الفول! فقري ورتيب بس بتشتاق ليهو !
لو حابة نزودك بمراجع، راجعيني
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
الاخت سودانية..
أتاريك إنت ماخدة الحكاية جد جداً ..
وقلمك ماشي علي امشاطوا في البوست ، حساسية، ومجابدة ما يمرق من صراط الصدق المستقيم،،
يعني عايزة تقولي كلام جادي ، كلام يمرق من لايوق المجاملة وما يزعل زول ..
في البداية إفتكرتك بتتمرني علي كتابة الابراج ، منجماتية وكدة .لكن لم تبقى عليك تكون، صدقت سودانية ولو كدبت ..
المهم يا زولة إتسلحي بي حبة بجاحة كدة وقولي لي الاعور عينك التانية اجمل ، بفهم عوجة الأولي
ربنا يعينك
----
دكين ،
كيفنك ،،
تعرف بشقلب في المنبر كدة ، إكتشفت إنك بتاع قانون ،
يعني أكل عيشك لسانك ، لو صنت فلست ،
يعني قصة سكوت دي سقطت.
و بعوامل خارجية سقطت نحيف..
تعرف ونسبة لفارق الوكت بينا أنا أكون كتبت حظك بتاع يوم الخميس ، وصلك يوم الجمعة، إتسببت في المفارقات دي ..
| |
|
|
|
|
|
|
|
|
|
Re: تحليل شخصيات : من الكتابات (Re: فيصل نوبي)
|
الاخ الكريم فيصل
سلامات
الف شكر علي كرم الموافقة علي وضعك في كرسي ساخن
وخلينا نخلص من الشخصية الاولي
ونقبل التحليل لدكين
من كل الجهات
وبلا حساسيات
الزول ادانا الامان
بس نرجو الالتزام في اللغة كاخوان
شكلي كدة خفت
ح اطلب مساعدة صديق
خارج التغطية : تقريبا الشخصيتين مخيفات و ماواضحات
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
Quote: سودانية الفين
سلامات كده كتيرة تحيرك!
دكين ده بالذات لازم تحليلوا يكون جماعي،
زي مواضيع التعبير عن الوطن، الأم، النظافة!
الزول ده شخصيته مبنية على اساسات متنوعة
هو وغد وأمين!
مريح، وبراي!
حاجة زي صحن الفول! فقري ورتيب بس بتشتاق ليهو !
لو حابة نزودك بمراجع، راجعيني |
الكريمة عزاز
سلامات تغرقك واشواق لحدي الاستغاثة
واشكرك علي المرور الجميل
صحن الفول ..اقصد الوغد دكين لازم تحليل جماعي موافقين
وارجو ارسال المراجع
| |
|
|
|
|
|
|
|
|
 Re: تحليل شخصيات : من الكتابات (Re: sudania2000)
|
| Quote: تسمح يا دكين ولا نمشي للشخصة التانية |
شفت ليك وغد بشاوروه ..
أكتبي يا دكتورة وليك الأمان ..
بس صحن فوووول ما كتير على الوغد دا ..
وزي ما قال ليك تامبا الزول دا نحن بنجيهو ليك ..
نبداهو ليك من وين ولسه في حاجات من مخاوف ومن وجل ..
عذراً لشاعرنا الجميل أزهري محمد علي ..
| |
|
|
|
|
|
|
|
|
|
Re: تحليل شخصيات : من الكتابات (Re: معتصم دفع الله)
|
أستاذة سودانية
أحييك على الفكرة المبتكرة
فكرتك دي زي برميل البارود تحتاج التعامل معها بحذر
وأحييك تاني على ذكائك في إختيار الشخصيات
إنت إخترتي أكثر عضوين ما ممكن يقولوا لأ لزميلة
على كدا التالت حيكون منعم(الأصلي) أو تبلدينا
و ما قادر أستنى لغاية ما تصلي الحبشي و بشاشا و بكري
دا حيكون إبداع
متابعين بشدة
بتاعة....
ناس الرياض لقيتكم ما عندكم سالفة, مساهرين لغاية الساعة 3 صباحا تحللوا في دكين
| |
|
|
|
|
|
|
|
|
|
Re: تحليل شخصيات : من الكتابات (Re: محمد البشرى الخضر)
|
Quote:
أستاذة سودانية
أحييك على الفكرة المبتكرة
فكرتك دي زي برميل البارود تحتاج التعامل معها بحذر
وأحييك تاني على ذكائك في إختيار الشخصيات
إنت إخترتي أكثر عضوين ما ممكن يقولوا لأ لزميلة
على كدا التالت حيكون منعم(الأصلي) أو تبلدينا
و ما قادر أستنى لغاية ما تصلي الحبشي و بشاشا و بكري
دا حيكون إبداع
متابعين بشدة
|
الاخ الكريم محمد البشري
السلام عليكم
اشكرك علي الاشادة والمتابعة
واشترك معك في الترشيح للشخصية رقم 3 بتبلدي بس منعم ياتو فيهم ؟؟
ناس بكري وبشاشا والحبشي في القائمة برضو (((وش عامل ساتر)))
لكن في بالي شخصية من اخواتي بعد كل شخصيتين من طرفكم
تسلم يا ذوق
| |
|
|
|
|
|
|
|
|
 Re: تحليل شخصيات : من الكتابات (Re: معتصم دفع الله)
|
Quote: نبداهو ليك من وين ولسه في حاجات من مخاوف ومن وجل ..
|
الرقيق معتصم دفع الله
بيتا نور
الوغد اكيد بشاورهو عشان نسلم نحن
والله انا كنت خائفة يقول لي شائفة علي شنو
لكن طلع ذوق شديد وقبل الامر باريحية شديدة
لكن احجام الناس عنو محيرني
يكونوا خائفين من لسانو الطويل؟؟
منتظرة تحليل تمبس والنوبي ليهو عشان اتم التفاصيل
ورسم الصورة علي ناس مصدق والاخوة الرسامين
الاصدقاء في الواقع يمتنعون
ولا عزاء للاسرة والاخوان ان وجدوا قريب
جمعة سعيدة ودعواتكم
| |
|
|
|
|
|
|
|
|
|
DKEEN (Re: DKEEN)
|
دكين : دلالات اختيار الاسم؟
دكين : لغة الحوار والمفردات؟
دكين : تاثير الخلفية الاكاديمية علي الكتابات
دكين : المخاطبة مع السيدات والانسات
دكين : الشلة والصحبة من خلال الكتابات
دكين : الاثر في النواحي الاجتماعية
دكين : واين هو من عالم السياسة و المناكفات
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
عزاز
صحن فول بالتميس؟؟؟
يعني ما ممكن انطباعك عن الزول يكون بي الحاجة الشايلة في يدو..
دي مالاقتني في زول بصراحة..
زول بحلل زول بي الشي الشايلو في يدو ده يخربني ..
ياخي انا والله لوعارفك زولة مادية كده كان عملناها (باسطة )..
هسي كان قتي دكين ده زي الباسطة..
بعدين امين دي ماتقرضي عليها كتير..
راجعي عدد التحف الصغيرة ..
وراجعي قلب مروة..
| |
|
|
|
|
|
|
|
|
|
Re: تحليل شخصيات : من الكتابات (Re: د.محمد حسن)
|
Quote: الاخت سودانية
كنت عايز ادخل واشوت ضفاري
لقيت اخونا دكين ( الله يديه العافية ) ما زال نجم البوست
اتلملمت واتخارجت
مودتي للجميع |
سلامات يا دوك وجمعة سعيدة ومباركة
اشوت ضفاري =؟؟
اتلملت واتخارجت : ليش ؟ خفت تكون من القائمة ولا عندك قائمة::
مسموح ليك بالاثنين اقعد ساي واكتب الدايروا والبيت بيتك
واتفضل كرسي وكوب كركدي بارد
__________________
دكين باسطة ياتو نوع الباسطة في السودان من الف لعشرين الف : تسلم
| |
|
|
|
|
|
|
|
|
|
Re: تحليل شخصيات : من الكتابات (Re: welyab)
|
الكريم ولياب سلامات
انت في الفاصل الاعلاني ولا في الاخطاء الاملائية او الكي بوردية
نشوف رايك في الشخصية
مشاغل الجمعة و السودان
والله غمض ساي
الفاصل الاعلاني دائما ممل
و
تسلم
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
دكين أمبس ..
ار متليرسكنا ..؟؟
ار كتتى جانيكوننها منبركى كسقي ار دولقي باجي ..؟؟
ار اكنقي ان سودانيقي اجنا..؟؟
تر قمرتقي كومس ..!!
ياخي ان جانجي موقعكي مليون نفرمن يومر قرين ..!!
............
............
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
سودانية اثنين ثاوساند
Quote: الناس دي بصراحة اصحابي يعني ما اتوقع زول يجي يقول لي دكين ده يدو خفيفة مثلا..
او قمرتي اوبتاع نساوين .. |
الزول ده ايده خفيفة جدا جدا،
قمرتي، ما اعتقد لانو زول جيبات البنطلون مخيطات لبره وما عندوش إلا القضا
نساوين دي حاجات نسبية وعناء ليس له قبل به
وبالمناسبة،
والزول ده انا ممكن ابيعه في بوست مباركة ولادة خليك من بوست قراءة شخصية
واصلي بالفاصل
| |
|
|
|
|
|
|
|
|
|
Re: تحليل شخصيات : من الكتابات (Re: عزاز شامي)
|
بتخيله دكين نوبي شكله لئيم ومنفر
لكن وكت تقعد معاه يفقعك بالضحك
زول بتاع ناسات
ما بتونس الا مع الزول البنفع معاه
وبجلي باقي الناس عاااااااااااااادي
والزول لو نفع معاه
لو غلط لي بكره وسوى السبعة وزمتها بغفر ليه
والما بنفع معاه لو بقى نبي ما بمشي وراه
غايتو انا عاجبني
| |
|
|
|
|
|
|
|
|
|
Re: تحليل شخصيات : من الكتابات (Re: وليد محمد المبارك)
|
Quote: بتخيله دكين نوبي شكله لئيم ومنفر
لكن وكت تقعد معاه يفقعك بالضحك
زول بتاع ناسات
ما بتونس الا مع الزول البنفع معاه
وبجلي باقي الناس عاااااااااااااادي
والزول لو نفع معاه
لو غلط لي بكره وسوى السبعة وزمتها بغفر ليه
والما بنفع معاه لو بقى نبي ما بمشي وراه
غايتو انا عاجبني |
وليد المبارك سلام
تحليلك في نقاط
1. لئيم
2.دمو خفيف
3.بتاع ناسات
4.انطباعي
كل الشكر والتقدير
وابقي قريب
________________
عاجبك دي خليها نحن ما استار اكاديمي
| |
|
|
|
|
|
|
|
|
|
Re: تحليل شخصيات : من الكتابات (Re: عزاز شامي)
|
سودانية ..
سلام و سلام و كتير إحترام ..
إنتي يا بت بتجيبي الحاجات دي من وين ؟؟؟
غايتو دكين البعرفو انا ( و اللي لغاية هسه ما قابلتو ) هو تماما زي ما بتقول حبوبتي :
لا بيتعرى .. لا بيرقد بره .
أهلنا المصارية بيقولو عليها : برّاني .
زول لسانو فَلَقة .. و صادق .
و ما تسمعي الجعجعة دي .. لو راجعتي كتاباتو بتاعة أنصاص الوجع و أرباع الليالي ..
تلقيهو زولاً مسيكين ( و الشاعر قال : إنتي ما بيدوكي لزولاً مسيكين علي واحداً نخلو مزروع في البساتين ) ..
أها زولي ده لا نخلاً لا زرعاً .. لا ( ضرعا ) 
بس ياهو اللسان ده ..
و ظنيتو عشان دكين ده برضو أهلنا قالو : صاحب اللسان فقري و فلسان ..
فقري دي عرفناها و عرفها الكلب و غاشي الدرب ..
أما صاحب لسان دي فتبتي عليها و عضي بالنواجذ , الزول حريف كتابة و موجوع باللغة السمحة و شحمانة ..
و لسانو طاعم و مجيّه ( مش طاعم بتاعت صديق الموج يا دكين .. ديك يسمّك فيها ) ..
أما فلسان دي , فأشهد ( و بكامل قواي العقلية ) إنه يخربو التكتح ما عندو ..
غير إنه زول جميل و صادق مع روحو ..
و زي القطر بيداقش بدون ما يتنازل عن خطين الحديد الماشي فيها ( مع إنه بقت في قطارات بتمشي على وسائد هوائية هوفر , و تزوغ من القشة ما تعتر ليها ) ..
( في مثل تاني حبوباتي بيشبه الحالة الدكينية : نفخ السّدُر الفي الفقُر )  غايتو يا دكين حبوبة ما مقصرة معاك .. بختك .
أها و حاجة مهمة و مفتاح اللعب ده كلوووو :
الزول ده بتبرد حيلو السماحة ..
سماحة أي حاجة ..
لكن ركزي لينا على الغنج .. و الدلال .. و الدلع .. و الـ ..
هووووي يا ليلى هووووووووووووووووووي .
إتخارجي من قدام وشه يا بت .. و بسرعة
.
| |
|
|
|
|
|
|
|
|
|
Re: تحليل شخصيات : من الكتابات (Re: Emad Abdulla)
|
العمدة سلام
نضمك سمح بالحيل لكن شكلوا الزول دا بريدوا ناس كتار
وبعيدا عن الشكل والاصحاب والناس العندها تار والناس الما بتعرف هزار
اقول دكين لسانو طويل ومتبري منو دا شبه اتفاق
الزول دغري لكن في بعض الحالات ظالم بعد العباد
يعمل فيها مجنون ويدفق مويتو علي الرهاب
ويرجع اخر ذوق ويقول انا لا اهاب احد
الزول نضمو سوداني واقعي
شربان موية النيل بكل الفيها
طيبة ولؤم
قسوة و حنان
شجاعة وجبن
دين ودنيا
تقليدي أعمي
مرهف فنان
وفي النهاية
خليط انسان
يعرف ويجيد التوازن
لكن في بنات حواء حارن
لا عايز يركع لجمالن
ولا عايز يرفع سوط يقولوا عليهو غير متوازن
عارف يا دكين
احسن وصف لشخصيتك الصايبري
شنو
سوداني
ولك العفو و العافية (((وش معاهو ساتر )))
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
Quote:
و الله يا دكين بقيت مهم عديل كده....
4 سنين فى جامعه الخرطوم و ما كان فى زول شغال بيك..."غير صحبك عبد الرحمن"
بقيت نجم فى sudaneseonline....ابسط يا عم.... |
باين عليهو فوتوجينيك!
فى الجامعة فى ناس فارس احلام البنات وفى ناس رافس احلام البنات!
غايتو البعرفوا دكين دا توم الطريفى!
يعنى زول نصيحة!
بدون دبلوماسية!
الأعور أعور فى عينو!
انشاءالله يديهو بونية المهم النصيحة ما بموت بيها!
أها قصرت !
جنى
| |
|
|
|
|
|
|
|
|
|
Re: تحليل شخصيات : من الكتابات (Re: jini)
|
جني سلامات
الطريفي زول النصيحة =دكين
شهادة وتحليل جني
تسلم
في زول من الخايفين من دكين رسل في الايميل وقال
الزول دا ود ناس بس عامل ليكم فيها صعلوق ساي !!!!
عالم جبانات
هسي زول يقولوا ليهو ود ناس ويشاكل لمن يخافوا منو؟؟
الا تكون الرؤية فوق راي!!
_______________________________________________
دكين : طولة اللسان دي جبتها من وين؟؟ كمان قارئ قانون دي معلومة جديدة
انا كنت ح اقول الزول دا مرق من الثانوي واشتغل طلبة كم سنة وبعدها اغترب
وهسي راعي غنم احد الامراء في الجوف (((وش خواف)))
| |
|
|
|
|
|
|
|
|
|
Re: تحليل شخصيات : من الكتابات (Re: smart_ana2001)
|
ولياب الحبيب
ياخي الناس ديل عايزين يختوها لي في مدحبما يشبه الذم...
حركات عرب وتوجهات ضد النوبيين ..
العرب بقولو
المدحتو في وشو ياهو الذميتو عدييييييل..
الطاهر ساتي
قال لي لي بسحروك وهم لايدورن عن تاريخك المشين شيئا..
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
| Quote: عاجبك دي خليها نحن ما استار اكاديمي |
ود المبارك
شايفك بقيت هوين .. الجكس بهظر معاك وهيبتك راحت ...
دينا فيصل دي الظاهر بقتك هملة ساي ياخوي ..
بعدين ياحبيب
وحاتك انا مازول لئيم
بس تكالبت على سماحة الجكس ..
واخوك ريااااد ..ماتشوف هرجلتي دي ساي..
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
Quote: سمارت
موش قتا ليكي انتي نص عمرك راح ساي في اربعة سنة مالاقيتيني فيها.. |
و انا مش قلت ليك لو كنت قعدت فى الجامعه دى اربعين سنه ماكنت ح تعرفنى....
انت (اقل شويه من عمرك كله) راح ساى لانك ما عرفتنى فى الجامعه...معليش
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
عماد عبد الله بن جلدتي..
الدجل عندك ولا بلاش...
صدقتا في حتة الجكس دي واعترف بها..
واول واحدة كانت شهادة عربية من قطر
ودنقلاوية لسوء حظها..
ولان البلد ضيقة خليك من قطر ..
فمن المؤكد انو مجتمع الدناقلة هناك ولوف ومتعارف..
وحتكون بتعرفها..
لذا انا احبك ..
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
| Quote: الاصدقاء في الواقع يمتنعون |
ماف طريقة تسحبي الكلام دا ؟
عموما يا سودانية ،،
باختصار كدا افضل طريقة لتحليل دكين
ترشي فيهو كيلو بتاع ملح و تقفليهو في صفيحة لمدة سبعة شهور
حصل اكلتي تركين ؟
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
ياجني
| Quote: فى الجامعة فى ناس فارس احلام البنات وفى ناس رافس احلام البنات! |
ناس سمارت ديل كانو مكسرين وكده..
اخوك من وضأتو لامن ماقدرت اشوفها اربعة سنة في الجامعة..
كنتا جاهر لدرجة انو كل ماعداي كان كالظل لايبين...
(خخخخخخخخخخ)
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
اها ياشباب
لحدي هنا وكفاية
انا بعد ده اعمل برنت لي الصفحة دي واختو في الـ cv بتاعي
واشليو اخش بيهو معهد تاهيل الاوغاد..
او اقدم بيهو لي الكلية الحربية...
شوفوا فيصل نوبي او دينا فيصل نوبي
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
دكين
ارعى بقيدك
دي المرة المليون تكتب اسمي من غير سبب
وبما انو المرة دي اضفت ليهو نوبي فانا جعلية رباطابية
وفيصل نوبي دة حدود معرفتي بيهو لا تتعدى سودانيزاونلاين وسودانيزهوم
وكان كمان دي حركات جرسة منك عشان تزوغ من التحليل دة فكلم سودانية تعفي عنك.
| |
|
|
|
|
|
|
|
|
|
Re: تحليل شخصيات : من الكتابات (Re: Dina Faisal)
|
Quote: ود المبارك
شايفك بقيت هوين .. الجكس بهظر معاك وهيبتك راحت ...
دينا فيصل دي الظاهر بقتك هملة ساي ياخوي .. |
يا عمك
رفقا بالقوارير ( مرات مرات كده )
Quote: بعدين ياحبيب
وحاتك انا مازول لئيم
بس تكالبت على سماحة الجكس ..
واخوك ريااااد ..ماتشوف هرجلتي دي ساي.. |
هاهاهاهاهاهاااااااااااااااااااي
والله يا عمك انت الظاهر عليك مشحتف ساااكت
ما قاعد في السعودية ما بتشوف النسوان الا مجلة سيدتي
انا حا تبرع اعمل ليك بوست حق صور نسوان سمحات
واتعهد اررفع ليك كله يوم صورة
عسى .. ولعل
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
| Quote: دي المرة المليون تكتب اسمي من غير سبب |
مليون عديل كده..
اهي دي مشكلة البنات
دايما بتخيلو انو الاولاد لامن يتكسروا بكتبو اساميهم باعداد فلكية كده..
دينا بالمناسبة انا هراش ..
يعني لوكررتي كلامك ده تاني في اي مكان بجر واطي
وتاني مابتلقيني قدامك..
الودودة ملكة سبأ :
الكلام شايفو وقع ليكي في جرح..
ريحتك من قولها موش؟؟
سودانية
يمكنك ان تضيفي الى قئامة تحاليلك بالاضافةالى كوني وغد
وسايكوباتي اني زول هراش ..
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
Quote: أما صاحب لسان دي فتبتي عليها و عضي بالنواجذ , الزول حريف كتابة و موجوع باللغة السمحة و شحمانة ..
و لسانو طاعم و مجيّه ( مش طاعم بتاعت صديق الموج يا دكين .. ديك يسمّك فيها ) |
عماد انت مفتكر طاعم بتاعت صديق الموج ساهلة لما تنطبق على قريبك الوغد ده؟؟
ياخى بينها وبينه مائة الف مليون ستة ضوئية
سودانية قبل ده دكين جاتو ملاريا ...انثى الانفوليس طلعت تحلل.
تقولى لى حا تحلليله..ده لو مات ما بتحلل..ياناس شوفو لى دكين (حلل) بكل ما تحمل الكلمة من معنى،،،
| |
|
|
|
|
|
|
|
|
|
Re: تحليل شخصيات : من الكتابات (Re: صديق الموج)
|
سودانية
تفضلي ترشيحي لعدد من الزميلات للتحليل بعد دكين و فيصل
1/ دينا بالنهار
2/ دينا بالليل
3/ ديناالراجل
------------------------------
الأستاذ صديق الموج
| Quote: ياناس شوفو لى دكين (حلل) بكل ما تحمل الكلمة من معنى،،، |
إتلومت لكين
| |
|
|
|
|
|
|
|
|
|
Re: تحليل شخصيات : من الكتابات (Re: صديق الموج)
|
البهجة صديق الموج
يخوانا صديق الموج ده عبارة عن بهجة متحركة تمشي على قدمكين..
نهائي لايمكن تصور مدى ما يتصف به هذا الوغد من جمال ودوزنة وحب للجميل والمسرات..
كتحليل ليهو ..
فلايمكن بحال اكشتاف الشخصية الحقيقة لهذا الوغد من خلال كتابتو ..
صديق ده تلاقيهو في ونسة
في سماية
في حفلة
ترقص معاهو في هجيج عام ..
حتان تعرف كم هو جميل هذا الرجال..
الزول ده لايمكن يكون مكرر في اي مكان تاني..شخصية استثنائية ..
وقليل ادب مؤسس..
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
Quote: 1/ دينا بالنهار
2/ دينا بالليل
3/ ديناالراجل |
لولووووووووووووووز
حلوة منك دي ياود البشرى..
انفصام مؤسس..
معليش يادينا ماترفعي كرسترولك وضغطك ..اهو كلنا طلعنا سايكوباتك..
يانوبي
انتا الناس المنفصمة دي ممكن تفلق؟؟
| |
|
|
|
|
|
|
|
|
|
Re: تحليل شخصيات : من الكتابات (Re: معاوية كرفس)
|
تفضلي أختي سودانية هذا الإجتهاد المتواضع
سأعلق على موضوع المرأة في كتابات دكين:
المتابع لكتابات دكين عن المرأة يبدو له جليا المكانة العالية و الإحترام الذي يكنه لها
و في تقديري أن لدكين إرتباط خاص بوالدته ولشدة إحترامه و مجبته إياها صارت هي الصورة المثالية لديه للمرأة
و لهذا لدي يقين انه لم يتعدى حدود الأدب في علاقاته مع الجنس الآخر في الجامعة وبعدها
ولكن عندما تغاير إحداهن صورة الوالدة (ربة المنزل ) لديه و تتحدث عن المساواة أو تقوم بما يراه حكرا على الرجل , يرفض دكين القبول بهذا النموذج و يستميت في مناكفته و إثبات خطل أفكاره مستعينا بملكه كتابة رائعة و مخزون ثر من المفردات. و إن كان يشتط أحياناز
و أعتقد أن الصورة المثالية للمرأة لديه هي السبب في محنته التي يعانيها( العثور على شريكة حياته)
هذا ما كان في شأن المرأة لدى دكين, و الله أعلم
------------------------------------------
مراجع:
- البيان و التبيين في كتابات الوغد دكين
- ألف باء دكين و النساء
- المنطق السليم في فهم دكين للحريم
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
ود البشرى
شايفك ُمصر تخرب سمعتنا قدام الجكس..
عايز تلحقنا ود المبارك وتبقينا هوينين..
في ناس بي قدرة قادر مرقو ليكي ود المبارك ده زول ساي..
هاهااهاهاهايكة
شكرا يا ود البشرى على الكلام المابشبهني باي حال
عايزين تكتلو حيلنا انتو باين عليكم..
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
الله يفتح عليكي ياتماضر
فكل انثى امراة ولكن ليست كل غمراة انثى..
وتشمل محبتنا الاناث من المراة
والاناث من الطير والاناث من الزواحف
وانثى الغزال وانثى الكركدن وانثى الانوفليس..
(انثى)
ياخي الكلمة ذاتها رنين بريق بسيح الركب..
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
يا دكين صوتك في التلفون ما كان واضح
كنت عاوز تقول حاجة تانية؟
في غلط في التحليل بتاعك
أنا نزلته زي ما مليتني ليه في تلفونك الأول
بس عدلت الصياغة عشان لغتك ركيكة شوية
لو عايز تعدل حاجة تانية,أحسن رسلها إيميل أو مسنجر
لأنو صوتك ما واضح. و بعدين بتكمل قروشك لأنك ضارب من بعيد(مش دا مفتاح البرازيل برضو؟)
بتاعة.....
الكلام أعلاه للرمتالة و العتالة و آخرين
بالله ما يجيني زول طاير من غير الفئات المذكورة
| |
|
|
|
|
|
|
|
|
|
Re: تحليل شخصيات : من الكتابات (Re: انور تاج السر)
|
وهذا ما كان من امر دكين ( الذي يحاول أن يبدو وغدا)
أختي سودانية
ليس تغولا على حقك في إدارة التحليل و الحوار
و لكن إسمحي لي بتنبيهك إلى أن بورداب الدوحة قد بدأوا بتحليل العضو نوبي
و لذا أقترح عليك بدأ نقاش CASE #2
حتى تعم الفائدة و نستفيد من خبرات أهل الدوحة اللتي حتما سنحتاجها عند بداية CASE #3
و لك الود....
بتاعة....
أرجو عدم مؤاخذة دكين على كتاباته اليوم و قادم الأيام
إذ انه ينوي مسح ما علق بالأذهان مما ذكر عاليه عن أدبه و رقته مع الآنسات مما يحسبه ضعفا لا يليق بوغد مثله
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
سودانية
نبدا في فيصل على بركة الله فيصل نوبي ده
يعني زول بتاع صلاة وصوم ..
حياتو مرتبة ..
ماعندو علاقة بالجكس السوفيتي نهائي..
ابعد مايكون عن درب الصعلكة والمشاغلات..
مقرش..
ده التوصيف بتاع الاخوانيات..
لو عايز التحليل الثاني بتاع خلف الكواليس
ففيصل ده بصراحة قليل ادب وينطبق عليه تماما قول تماضر
بتاع إناث درجة اولى..
انا غايتو اي زول تختيهو هنا حاختها ليهو واااااااضحة زي ماختوها لي..
وبصراحة بصراحة فيصل ده بتاع نساوين..
وواااااااضح بطبزها ليك طبزة السنين..
يمكن وصفو بانو اخو اخوان وزول حربي..
ودي صفة غالبا مالازمت الصعاليك واولاد الحلة..
يحب جدا النكات والبهجة والمسرات ..
مجازف جدا جدا جدا..
اودت به هذه المجازفة الى عالمين جميلين جدا ..
وقالو اهلنا (البضوق مجازفتين بضوق التالتة والرابعة..)
ختاما
نوبي زول بحترم صدر المنابر كثيرا..
لذا اجدني احبه..
الانطباعات دي من بوستات مختلفة لي نوبي..
بس مصاحب ليهو خول*..
*خــول:
هي مفردة لا تعني باي حال شي مقذع كما يتبادر الى الاذهان..جرى تداولها في مابين الاصدقاء كثيرا..
تستخدم غالبا لوصف الواطيين والعواليق والباطلين..وبدل ماتقول زول واطي وباطل وخايب وتقعد تصرف عربي وحروف ابجدية ..
بتقول (زول خــول) وبتريح رقبتك
| |
|
|
|
|
|
|
|
|
|
Re: تحليل شخصيات : من الكتابات (Re: DKEEN)
|
الإخوة الأعزاء
الرجاء عند قراءة كتابات دكين إستصحاب التالي
Quote: بتاعة....
أرجو عدم مؤاخذة دكين على كتاباته اليوم و قادم الأيام
إذ انه ينوي مسح ما علق بالأذهان مما ذكر عاليه عن أدبه و رقته مع الآنسات مما يحسبه ضعفا لا يليق بوغد مثله |
سودانية في داعي تبدي التحليل بدكين؟
ماعندك فرانكلي
أو خالد ماسا
أو خلاااااس يعني منعم(الأصلي)
أها خمي و صري
جاب برشو و عراقيه و سفنجاته و بايت ليك هنا
| |
|
|
|
|
|
|
|
|
 Re: تحليل شخصيات : من الكتابات (Re: DKEEN)
|
آبدول
الراس كابس من الصباح ..
انت آخوي غلبكـ التسويو لقيت الناس دي بتكتب حقائق قلت نقع البحر كلنا !!
هسي بوست سودانية ده في داعي تخليو تميله ناحية الخور ؟
البنية اجتهدت معاكـ و حللت شخصيتكـ و جابت ليكـ الجكس في المسنجر و الورود و البساتين حتي كاد ان ينجب أطفالا و بعد ده تختها ليها واااضحة كده !!
ما شايف زول جاب سيرة الصحراء!!
بعدين ياخي صاحبي ده ممكن يكون خـول التانية بتاعت اللغة او خـول سعودي
المشكلة انه اي خـول عامل فيها فنان..
و قد جانا في مرسوم البرتقال و البساتين التالي "كي تبقي الاخوة عليكـ ان لا تقطف من بساتين الاخوان و لا تعمل معاهم شيرنق ( لكن ممكن تلحس بساتينهم باكملها و تنفرد بها ) و بالتالي لكـ بساتينكـ و لي بستان .."
إني اري بساتيناً ًقد حان قطوفها..
بعدين مقرش دي ما تقرط عليها شديد انت داير تطفش الجكس مننا أخير الزول يكون مفلس ..
الوضوح مع الجكس ده سلاح ذو حدين يا قنطرها ليكـ يا كمان لملمت توبها و شتتت ..
لكن في الحالتين مكسب لأنكـ بتكسب زمنكـ ..
و كمان مافي واحدة تجي تقول ليكـ غشيتني و الحنكـ البيش ده ..
اما بخصوص المجازفات ربنا يضوقكـ الاربعة في يوم واحد عشان تاني ما تفرش ورقكـ و تتباكي علي الاطلال
لكن مع وصية محسن ديكـ أحسن أترحم عليكـ من هسي لانكـ اذا فكرت تجازف تاني ياها العزاز قطعتكـ اربا و رمتكـ في الربع الخالي لا لميت في البرتقال لا النوار..
دكين
سؤال جادي في تخصصكـ ..
ما هو حكم موافقة الجكس علي الارتباط مسنجريا ؟؟
يعني بالعربي كده قالت ليكـ قبلتك زوجا !!
نشد الرحال و لا نرمي الشبكة تاني ؟
__________
نواصل مع دكين يا شباب..
| |
|
|
|
|
|
|
|
|
|
Re: تحليل شخصيات : من الكتابات (Re: سفيان بشير نابرى)
|
ود بشير نابري
ازيك يا بنفسجي يا جميل..
واسعد الله صباحك وصباح الشهداء والملازمين وبيت المال..
ياخوي خليني من بتي الفي هيلمانة ..
سودانية دي خلت البوت وشتت وين؟؟
البت دي عايزة تعقدنا مالا؟؟
قنا شي غلط انحنا؟؟
| |
|
|
|
|
|
|
|
|
|
Re: تحليل شخصيات : من الكتابات (Re: فيصل نوبي)
|
عزيزتي ســودانيـــة 2000
تحية عطرة ، ، ، ،
Quote: واطلب منكم الدعوات بالشفاء
لانني طريحة فراش ودي هضربة حمي وفياقة مني
|
اللهم منا الدعاء وعليك الاستجابة ، اللهم اشفيها شفاءاً لا يغادر سقما .
إذنكم معك عزيزتي فأكتبي ما تودين . لك تحياتي ، وســـلام .
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
Quote: سودانية دي خلت البوت وشتت وين؟؟
|
سودانية براها يا أخوي دكين القماري كلها طارت ..
ناس .. تبل(دينا)
يمكن الوغادة زادت والكلام بقى كبار كبار ..
______________________________
خليك حريف يا ككو
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
دكين استميحك في انني ساكتب انطباع عن شخصية صاحبة البوست من خلال قرآتى لما تكتب
1- نشيطة
2- تولي اهتمام بعملها
3- غيورة على دينه ووطنها بعقلامية
4- صادقة مع نفسها
مع تمنياتي لها بدوام العافية
| |
|
|
|
|
|
|
|
|
|
Re: تحليل شخصيات : من الكتابات (Re: د.محمد حسن)
|
ده حائر وحاسي بعقدة الذنب
Quote: سودانية دي خلت البوت وشتت وين؟؟
البت دي عايزة تعقدنا مالا؟؟
قنا شي غلط انحنا؟؟ |
وده بيحاول يصلح الامور ويرجع البنية
Quote: - نشيطة
2- تولي اهتمام بعملها
3- غيورة على دينه ووطنها بعقلامية
4- صادقة مع نفسها |
ونحن نتابع ونشوف أخرتا .. عشان نحلل سودانية ....
فيصل نوبي خليك متابع ....
| |
|
|
|
|
|
|
|
|
|
Re: تحليل شخصيات : من الكتابات (Re: الطاهر ساتي)
|
اخي الكريم الطاهر
يا خي الله لا جاب الحيرة
ولا عملت ذنب اتعقد منه
بوست مفتوح لتحليل شخصيات لم نلتق بها ونعرفها من خلال احرفها فقط
ومن قراءاتي قلت مجرد انطباعات قد تصدق وقد تكون غير ذلك
وكل يرى بقلبه
بعدين ما انا البرجعها لانها حسبا كتلباتها سترجع براها
مش جايز تكون مسافرة
او عيانة
والغيب عذره معاه
ولك مودتي
| |
|
|
|
|
|
|
|
|
|
Re: تحليل شخصيات : من الكتابات (Re: sudania2000)
|
Quote: مش جايز تكون مسافرة
او عيانة |
ابدا .. لا مسافرة ولا عيانة
مدورة مداخلات في بوستات تانية ...
لكن البوست ده اتلغم .. على الاقل بالنسبة ليها
معقول يادكتور بوست زى ده بيدخل بالساهل كدة .؟
غايتو عودة سودانية انا شايفا مغامرة .......
تحياتى ليك
| |
|
|
|
|
|
|
| |
عاصم ابوبكر حامد
حيدر حسن ميرغني
nadus2000
tmbis
Gaafar Ismail
فيصل نوبي
معتصم دفع الله
محمد البشرى الخضر
د.محمد حسن
welyab
الطاهر ساتي
وليد محمد المبارك
Emad Abdulla
smart_ana2001
jini
walid taha
طيفور
حمد فتح الرحمن
ملكة سبأ
صديق الموج
نجوان
معتز القريش
معاوية كرفس
Tumadir
سفيان بشير نابرى
بشير جبريل علي
فيس بوك
تويتر
انستقرام
يوتيوب
بنتيريست