|
|
 اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!!
|
بتاع حبشيات : تعني بموووت في الحبش وفي حسن ضيافتهم وخاصة النساء الجميلات
المضيافات وطريقة تقديمهم للاكل ( الزغني) الاسبايسي المفضل لدي هنا ..
قبل يومين كنت بتناول الغداء مع صديق في مطعم الصديقة الفاتنة ماساي والتي
اركض وراء اكلها ( اكل الطعام ما ماماساي) منذ ان كانت بمركز جوتة والآن بالديم..
اقول قبل يومين دخلت مطعم ماساي ولقيت كوز انتهازي واضح وكوزة عليها علامات الكوزات
الثانوية المعروفة قاعدين في قعدة شكلها رومانسي وحديثها انتهازي فكل الحديث كان
عن بنك ام درمان الوطني والمتعافي وشكر عبدالرحمن سرالختم !!
حانقل الحديث اللي دار بينهم في القعدة الرومانسية الانتهازية واللي سد نفسي من
الاكل ومن اشكالهم القبيحة !! لكن بعد الغداء ..
جااااي
|
|
 
|
|
|
|
|
|
|
|
Re: اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!! (Re: عبد المنعم سليمان)
|
العلامات الثانوية للكوز :
غباء ظاهر في الوجة
لا يحسن الجلوس وطريقة الحديث ويتطاير البصاق من فمة عند الحديث
يتحدث بصوت عالي وبمعلومات مغلوطة
يحك اعضائة (الداخلية) بيدة امام الناس (مكرفسا) جلبابة الابيض
يكثر من النظر للاخرين ويبدو التطفل واضحا علية
ينظر للمراة التي امامة وكانها( زغني)
علامات الكوزة الثانوية:
ضخمة الجثة ومن ذوات الثدي جدا جدا غير الجاذب
مربعة
تاكل بنهم وتبدو عليها اثار الخيانة
حديثها فيه منفعة خاصة ويكثر فية الحديث عن الناس
عباطتها واضحة والوان ملابسها غير متسقة وغير انيقة
تلبس شرابات ( ما عارف لية)
ونجي للقصة
| |
|
|
|
|
|
|
|
|
|
Re: اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!! (Re: عبد المنعم سليمان)
|
يا منعم الله يجازي محنك ياخ...
انت عارف انا عندي صحبي اسمو بيكاسو زول لذيذ خلاص معانا في الدوحة هنا
حكي لي زمان انو مشي اديسس ابابا وكان نازل معاهم في الفندق واحد كده سماهو بيكاسو (ابودقن)...
ناس بيكاسو محترمين ابو دقن ده احترام شديد وكانوا بقولوا ليهو مولانا..
...اها يوم كده مشوا ديسكو مطرف كده في اطراف اديسس ابابا ولقوا ليك صحبك ابودقن ده
طابق ليهو زي كم واحدة كده وقداموا قزاز كثير خلاص..!!
المهم لبدوا ليهو مع باقي الليل داك في الفندق وكسروا كسر شديد..
قلت ليهو داقيين الزول ليه..؟؟
قالوا لي لانو بتلاعب بالدين.. 
| |
|
|
|
|
|
|
|
|
|
Re: اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!! (Re: معتز القريش)
|
عليك الخوة يا منعم ما تتم هذه القصة ... أشعر بعدم إرتياح ,
والسبب هو أنت والمجموعة التي توفرت لدعم مشروع الأمل العام أن
أهلتم علينا من المشاعر ما يحسن أمرنا ويفيض , أحدثتم داخلنا جيشانا
حميدا تجاه غادة والوطن والإنسانية ... كانت رسالتكم داوية عميقة ,
أقلها أن ما نزال بخير ... وأن باب الأمل ما يزال مفتوحا ... هذا الامل
الذي نريده متقدا لإنقاذة حياة غادة وكل شعب السودان ... بل للعبور المقتدر
نحو مستقبل أفضل .
لقد وصلنا بكم ومعنا إلى ربوة أحاسيس عليه وإلى عمق نافذ فى الوجدان
الإنساني وإلى تفاؤل خير بالوطن ... فنرجو أن نكون جميعا ها هنا ... إن
لم نتقدم خطوات إلى الأمام ... أصبحنا يا منعم كما الجسد الواحد الذي
يتداعى بالسهر والحمى عندما يصاب أحد أعضائه ... إذن فلدينا مسؤولية
أخلاقية وإخوانية مشتركة تجاه بعضنا البعض ... وإذن تهمنا وكثيرا صورتنا
وهيئتنا بين الناس ... فلنأتهم خيرا وجمالا وفكرا وزادا ... أو لنصمت .
معليش يا عزيزي ... لا أقصد هنا الذم والذي ليس من حقي موضوعيا ... لكنك
تعلم ما أرمي إليه ... فنحن الآن نحاول ان نقدم نموذجا أفضل مما هو كائن
فى مجال العمل العام ... ولما نعلم مقدار السوءآت التي حاقت به , نحاول
أن نحافظ على باب الأمل مفتوحا ... حتى تنفتح { نفس } الناس ويستمعوا إلينا
ونذهب جميعا خطوات على مشوار طويل ... طويل .
أما الاهم ... فإن من حقك أن تتناول الإنقاذ بالنقد وهي تستحقه ... فقط
{ أفضل } النقد المباشر الموجه للتنظيم وممارساته ومواقفه وما أكثرها
شططا وضررا ... أما { شخصنة } الخلاف ... أو قل جعله المستهل لنقد التنظيم
الذي وراءه ... فهذا ربما لا يكون الخيار الأفضل ... لتداعياته وتمحوراته
الشخصية ... وهذا فى حدود تقديري المتواضع .
منعم ... أنت من أجمل وأصفى أبناء السودان ... فإنتبه ... وكر النظر ...
ناقش محبيك ... أضبط إيقاع الصورة وتأمل مردوداتها ... ثم أكتب بسلام .
مع حبي ... وتقديري
| |
|
|
|
|
|
|
|
|
|
Re: اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!! (Re: عبد المنعم سليمان)
|
الاخوات والاخوة الاعزاء
كتبت هذا البوست قبل فترة ولكنني لم استطع مواصلتة لانشغالي
بقضايا كثيرة منها العام ومنها ما هو خاص ومنها ما يخص هذا
المنبر ( الموقع) وكيفية تطويرة ولم استطع مواصلة القصة
التي ارتبطت بظرف وبزمن معين اعتبرتة قد قات وبالتالي فقدت القصة رونقها عندي ثم لم اواصل ..
_____
أنا تكفيري وجاهل كمان...
اخونا معتز قريش ومن لف لفة بعد ان ملا المنبر تكفيرا وقد تصدينا له
فظن وهو مسكين انه سيحرجنا بهذا البوست فرفعة الي اعلي !!
يا معتز والله بحب الحبشيات والسودانيات كل البنات مووووت
وما عندي تمييز للناس ع اساس ديني او عرقي او جهوي ..
فعلا طلعت مسكين
وهل اتاك حديث الماسنجرات يا معتز ؟
الله يكون في العون .
الاخوة والاخوات ساغيب عن المنبر لفترة قد تطول لموضوع
فيه ما خاص وماهو عام
محبتي
منعم
| |
|
|
|
|
|
|
| |
عبد المنعم سليمان
ناذر محمد الخليفة
mamkouna
عبدالكريم الامين احمد
حبيب نورة
معتز القريش
HAYDER GASIM
محمد البشرى الخضر
bakri abdalla
عاصم ابوبكر حامد
فيس بوك
تويتر
انستقرام
يوتيوب
بنتيريست