|
|
 Re: ناس الزقازيق ... أجدع ناس (6) (Re: ميسرة سيد أحمد)
|
احتفالا واحتفاءا واستقبالا لزميلنا وحبيبنا
سعادة العقيد عمار رحمة الله
يلتقى الزقازيقيون والزقازيقيات
الساعة السابعة والنصف من مساء غد الأربعاء
على مائدة عشاء عامرة
فى مطعم الصخرة شارع الأربعين
لو جاى من شارع الستين
تتجه من تقاطع الأربعين شرقا (شارع عمر بن عبد العزيز ) وشرق مستشفى قوى الأمن
لو جاى من شرق الرياض او شمالها بالدائرى الشرقى
من مخرج اربعتاشر تتجه غربا حتى تتجاوز اشارة الأحساء (البيبسى كولا سابقا)
مطعم الصخرة على يمينك للقادم من الستين
وعلى يسارك للقادمين من شرق الرياض وشمالها
الرجاء الحرص على المشاركة علما بأن العشاء عائلى على مستوى الأزواج والزوجات
ولو اضطريت تجيب معاك الأطفال , فلا مانع لدينا
المواعيد فعلا سبعة ونص , مش تمانية ولا تسعة يا احباب
| |
  
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صباح الخير ،،، يا و جوه الخير
صباح الخير ،،، يا زقازيق الخير
مرحب بالزائر الكبير الكمندان عمار رحمة الله
وصحبه وهنيئة لكم يا ناس الرياض بهذه الزيارة الكبيرة
===============================
حكمة اليوم :
إن كانت الحياة بحر من الهموم
فأركبها بقارب صغير من الصبر
وقل************
اللهم برائحة الجنة بلغني
وبياض الوجه أوعدني
وبظل عرشك أسكني
ومن حيث لا أحتسب أرزقني
دعاء الصباح
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صبحكم الله بالخير
انتهى المشروع الذي كان يشغلني لما يزيد عن العام.....
و قمت باعداد كل التقارير الختامية و تسليمها للجهة صاحبة المشروع....
و مراجعة الحسابات النهائية المقدمة من مقاول المشروع و اعتمادها....
و أدخلت في اجازة لا ايدي لا (كراعي) حتى بداية المشروع الجديد...
أول ما فعلته انني قمت بشراء كتاب تم الترويج له من خلال سودانيزأونلاين....
و بمجرد أن تخرج ست بيتي و أولادي لا يفرق بيني و بين الكتاب الا طاريء.....
لم يكن الكتاب بمستوى الدعاية التي عملت له ...و لكن لا مناص....
في بضعة أيام كدت أن أفرغ من الكتاب فتمهلت قليلا في القراءة حتى آخذ زمنا أطول...
و أصبحت أبحث عن أشياء أخرى أملأ بها فراغي...
قررت أن أرافق أختي العائدة الى السودان للمطار....
عند الثامنة صباحا لبست قميصي الجديد فوجدت ان كرشي قد زاد بروزها...
أخرجته و لبست التي شيرت الأبيض الذي كان واسعا فوجدته أخف قليلا و لكن ليس كما توقعت....
لجأت الى القميص الذي اشترته لي ست بيتي بدون مناسبة قبل بضعة أسابيع فكان الأنسب....
صحيح ان المرء مرآة أخيه ...فست بيتي مواكبة تماما لكل التحورات التي تحدث لي.....
عندما عدت من المطار قلت لنفسي لا بد من اتخاذ اجراءات حازمة و حاسمة....
فأنا أتمشى منذ ما يزيد عن الأسبوعين و لمسافات طويلة ....
و روضت نفسي تماما و تحكمت في كل نقاط ضعفي خاصة الكنافة النابلسية...
و لكن بقائي لأسبوعين بالبيت قد أفسد كل شيء....
من بعد صلاة العشاء توجهت الى السوبر ماركت و قمت بشراء سمك فيليه....
أي أنه سمك منزوع الجلد ... و زبادي منزوع الدسم......
ثم عند مكان الخضار اشتريت كوسة..ليمون...جزر و فلفل أخضر ....
ثم الى حيث الفراخ و قمت بشراء صدور الدجاج منزوعة العظم....
و توجهت الى مكان الخبز فأخذت كيسا من الخبز المصنوع من الحبوب الكاملة....
و لم أنسى صندوق الكورن فليكس المصنوع من الحبوب الكاملة أيضا (فيتنس)...
و مارجرين دوار الشمس الخالي من الكوليسترول...
عملي كاستشاري لفترة طويلة جعلني أحب التخطيط في كل شيء....
خططت لعدة وجبات صحية خالية من الدهن و الدسم....
كان تخطيطي هو عمل صينية سمك بالفرن ...
أما الدجاج فسأسلقه مع الخضروات في حلة (البريستو)....
صباح اليوم و من بعد برنامجي الصباحي المعتاد و الذي يبدأ عند الرابعة صباحا.....
و ينتهي بانزال الأولاد الى بص المدرسة و أتفرغ من بعد ذلك للانترنت...
انشغلت بالانترنت و نسيت أمر السمك و الدجاج ...
عند الساعة الثانية عشر انتبهت (لكركبة ) مساي في المطبخ....
فهرعت اليها و سألتها ماذا تفعلين ....
فقالت لي أنا أجهز السباغيتي ....لا حول و لا قوة الا بالله...
انظري جيدا الى كرشي ..هل هذه كرش سباغيتي....
ألم تلاحظي للسمك الفيليه و الدجاج و الخضروات و كل الأشياء التي أحضرتها مساء البارحة....
نعم لاحظتها و لكني لم أعرف ماذا أفعل بها....
دعيني أشرح لك ماذا تفعلين بها ..فأنا لن اتناول هذا الاسباغيتي اليوم (حردان).....
السمك جاهز و لا يحتاج الى شيء أخرجية من الفريزر الآن.....
قطعيه الى قطع بهذا الحجم أشرت لها بيدي...
قطع البصل و الطماطم و الفلفل الأخضر الى شرائح على شكل حلقات.....
امسحي الصينية بقليل من زيت الزيتون ...
ثم ضعي السمك و من فوقه حلقات البصل و الطماطم و الفلفل...
أوووووووه لقد نسيت شرائح الليمون....
أخلطي قليلا من الطماطم ثم أسكبي العصير من فوق....
هل أضفتي الملح و البهار الى عصير الطماطم...
نعم فعلت ذلك...أضفت الملح و الفلفل الأسود و القرفة و جوز الطيب....
أحسنتي ...اذا فالصينية جاهزة لكل تدخل الفرن...
اوووووه لقد نسيت شيء آخر و لكن لا يهم لندخلها من دونه....
ما هو فيمكننا اضافته الآن....
انه الجزر و لكن لا يهم لندخلها من دونه...لقد تأخرنا كثيرا....
أتفضلوا معانا سمك و بكره دجاج مسلوق مع خضار....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
تحياتي للشباب الجميلة ...
حضوركم بسعدنا ...
واحتفاليتكم باخونا عمار ... الكمندان بتبهجنا ...
لمة عشاء ... مقبولة ... وان شاء الله بالسعاده والهناء ...
انتم يا زقازيقاب الرياض ... ان شاء الله مانعدمكم ...
تجمعاتكم يذكرنا بالذي مضي ...
نجاحاتكم في الالتقاء من حين لاآخر ...
لم يتكرر في اي مكان ... ولا حتي في السودان ...
هنيئا لكم ...
طبعا حاسدكم ... ولكن بمحبه ...
================================
الرشيد يا خوي ...
نصيحة اخويه صادقة ...
اكل الاسباغتي ... احسن ليك من صينية السمك ...
لان الاسباغتي ... من اول ملعقة ملعقتين ... نفسك ح تنسد وح توقف الأكل ...
لكن صينتك الجاري بتحضر فيها يومين بلياليها . ...
اذا بديت تأكل فيها ... منو البوقفك ...
ومساي بتاعتنا ... بتقول دايما ...
العبرة ما في نوع الاكل ...
العبرة في كمية ... الأكل .... 
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
بسم الله الرحمن الرحيم
اللهم أجعلنا من الشاكرين لآلآئك ، والصابرين على بلائك
الناصرين لاوليائك ، اللهم لاتحرمنا خير ماعندك بسوء ماعندنا
ـــــــــــــــــــــــــــــــــــــــــــــ
إذا سمعت الرجل يقول فيك من الخير ما ليس فيك
فلا تستبعد أن يقول فيك من الشر ما ليس فيك
أضحك يضحك العالم معك وأبكي تبكي وحدك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
Quote: سلامات يا حلوين
Quote: صينة
عُدْنَا والعَوْدُ أحْمَدْ. |
ياكوتش انت مركز حتي يوم الخميس ....
========================================================
Quote: إذا سمعت الرجل يقول فيك من الخير ما ليس فيك
فلا تستبعد أن يقول فيك من الشر ما ليس فيك |
حكمة في الصميم .....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صباح الخير يا رشيد القوم
Quote: ثم ضعي السمك و من فوقه حلقات البصل و الطماطم و الفلفل...
أوووووووه لقد نسيت شرائح الليمون....
أخلطي قليلا من الطماطم ثم أسكبي العصير من فوق....
هل أضفتي الملح و البهار الى عصير الطماطم... |
عارف يا رشيد راجعت المداخلة بتاعتك دي أكثر من مره
هل إذا سنحت لنا الظروف سنكون أكثر تفاعلاً
من ربات البيوت في فنون الطبخ ؟؟؟؟؟
وليه أشهر الطباخين في السودان من الرجال
(فنادق وأعراس ومناسبات) والذي منه
في مناسبة زواجنا وصفوا لينا طباح خطير جداً
وكان معانا أول يوم وفي اليوم الرابع كانت هنالك عزومة
وأحضرنا نفس الطباح وبعد الوجبة الدسمة مع كوكبة كبيرة من
الأهل والأصدقاء فاجأني الطباح بإجادته للرقص البلدي (عشرة بلدي)
وإتقطع كله ولا فيفي عبده (الغريبة سوداني وما ليهو في المصرين)
يعني المنافسة شديدة ،،،
لاحظ لنملوز طرق في جبهة أخرى الحلويات والشيكولاتات
على الرغم من أن هذا المجال هو مجال رجالي بحت ولا تجد كثير
من النساء فيه !!!!
بالله لو عملت ليك ملاح بلدي كلمنا ،،،
علشان أنا كنت بجيد ملاح البامية الفرك من أيام الزقازيق
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام ياكرام
أحسن إلى الناس تستعبد قاوبهم وكن مع الله ولاتبالي
....................................
يا محمد صديق ، الفيسبوك فيهو جنس سفه
المستعجل فيهو بخرج منه بعد ساعة أو ساعتين
باظبط زي مناسبات الحفلات والقمار ، الجماعة
هناك سحرة لو مشيت بحنبهم ساكت يسحروك
ما عارف لكن كثير من المتفاعلات حرقن حلل الملاح
والرجال الله يسترهم من قطع عيشهم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ياريس زي ما أنت شايف عقالنا الكانوا هنا
بهناك كشف شديد ، بعدين يا ريس مش لازم تحتو
حتى تكشف ، كونك ماتخلي أي كلمة حب في أغنية
إلا وتقولها ، ما أهو ديه الكشف الإسفيري
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
سلامات يا حلوين
Quote: يا محمد صديق ، الفيسبوك فيهو جنس سفه
المستعجل فيهو بخرج منه بعد ساعة أو ساعتين
باظبط زي مناسبات الحفلات والقمار ، الجماعة
هناك سحرة لو مشيت بحنبهم ساكت يسحروك
ما عارف لكن كثير من المتفاعلات حرقن حلل الملاح
والرجال الله يسترهم من قطع عيشهم |
حوالينا ولا علينا .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
صبحكم الله بالخير
Quote: يا محمد صديق ، الفيسبوك فيهو جنس سفه
المستعجل فيهو بخرج منه بعد ساعة أو ساعتين
باظبط زي مناسبات الحفلات والقمار ، الجماعة
هناك سحرة لو مشيت بحنبهم ساكت يسحروك
ما عارف لكن كثير من المتفاعلات حرقن حلل الملاح
والرجال الله يسترهم من قطع عيشهم |
بدون تحميل هذا التعليق المكود أكثر مما يحتمل....
والتعامل بحسن الظن....
فسأكتفي بالرد عليه بأضعف الايمان....
و على طريقة الفيس بوك....
لا يعجبني (ديس لايك).....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
Quote: دون تحميل هذا التعليق المكود أكثر مما يحتمل....
والتعامل بحسن الظن....
فسأكتفي بالرد عليه بأضعف الايمان....
و على طريقة الفيس بوك....
لا يعجبني (ديس لايك)..... |
هنا وهناك بينا كزقازيقاب نتواصل بحب وأخوية منذ الزقازيق
وأنا بهذا التعليق أبدا لم أقصد إساءة ... بدليل أنا مشارك معكم هناك
وحكاية بسحروك دي تبرير لينا المشاركين بالفيسبوك وغبنا
من هذا المحل
ياسيدي طالما لايعجبك التعليق .. أنا أيضا لايعجبني لأن هنا مجال
خوة وإلفة ... لا أحتمل تعكيرها.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
مساكم الله بالخير
Quote: هنا وهناك بينا كزقازيقاب نتواصل بحب وأخوية منذ الزقازيق
وأنا بهذا التعليق أبدا لم أقصد إساءة ... بدليل أنا مشارك معكم هناك
وحكاية بسحروك دي تبرير لينا المشاركين بالفيسبوك وغبنا
من هذا المحل
ياسيدي طالما لايعجبك التعليق .. أنا أيضا لايعجبني لأن هنا مجال
خوة وإلفة ... لا أحتمل تعكيرها. |
و لأني أعرف من هو أحمد اسماعيل لم أحمل التعليق أكثر مما يحتمل.......
أعرف أنك رجل أبيض القلب محب للآخرين...
و أعرف تماما انك لم تقصد الاساءة لأحد و مثلك لا يعرف أن يسيء لأحد....
و نحن دائما نحسن الظن بك لمعرفتنا بك ....
ولكن بصراحة و شفافية لم يعجبني التعليق يا أبو عمر...
فحبيت أعبر عن رأي بطريقة لا تفسد الود الذي بيننا....
و الذي أتمنى أن يدوم ..بل و يزيد....
أما موضوع سودانيزأونلاين فيس بوك ده فده موضوع ذو شجون.....
سأعود اليه و بنفس الشفافية اذا اردتم ذلك....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
قد يتفق الجميع باننا ندعم اي موقع اسفيري او في الواقع ...
يدعو لتجمعنا ... ونسانده بشدة ...
بوست الزقازيق اجدع ناس في سودانيزاونلاين من اوائل تلك المواقع ...
وكان نواة لانطلاق تجمعنا في الواقع وفي كل المواقع الاسفيرية الاخري ...
ونري الآن قد انسحب منه الكثير الأعضاء ...
ونريد ان نناقش الاسباب ... والطرق التي تعيده لسيرته الاولي ...
دون المساس بالتجمعات الاخري ... التي هي ايضا مصدر تجمعنا وفخرنا ...
تحياتي للجميع ... بدون فرز
=============
مع دعواتكم بالدعاء لاخونا أحمد السني بالشفاء العاجل ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
Quote: لبوست بقي شيئ محزن ...
خلونا نتفاكر كيف يمكن ارجاعة للحيوية مرة اخري ...
اريد اقتراحاتكم ....
تحياتي للجميع ....
|
يالرشيد هذا آخر تعليق للريس ياسر على حالة البوست فحزنت معه
Quote: ولكن بصراحة و شفافية لم يعجبني التعليق يا أبو عمر...
فحبيت أعبر عن رأي بطريقة لا تفسد الود الذي بيننا....
و الذي أتمنى أن يدوم ..بل و يزيد....
|
أيضا بصراحة تعليقي فيهو شوية مبالغة في مجال الود البينا ، ومنحازا للبوست
كمزحة لكن الظاهر مزاح خشن
لكن الحمد لله نتعامل بحكمة الشافعي
عاشر بمعروف وسامح من إعتدى ودافع ولكن بالتي هي أحسن
اللهم سلمنا ولا تسلمنا ، وأمنحنا ولا تمتحنا ، وأجعلنا في ضمانك وأمانك وإحسانك
اللهم أعنا على حسن عبادتك ووفقنا إستفتاح أبواب رحمتك
الأخ أبو الطيب تحياتي وإمتناني
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلامات يا حلوين
Quote: قد يتفق الجميع باننا ندعم اي موقع اسفيري او في الواقع ...
يدعو لتجمعنا ... ونسانده بشدة ...
بوست الزقازيق اجدع ناس في سودانيزاونلاين من اوائل تلك المواقع ...
وكان نواة لانطلاق تجمعنا في الواقع وفي كل المواقع الاسفيرية الاخري ...
ونري الآن قد انسحب منه الكثير الأعضاء ...
ونريد ان نناقش الاسباب ... والطرق التي تعيده لسيرته الاولي ...
دون المساس بالتجمعات الاخري ... التي هي ايضا مصدر تجمعنا وفخرنا ...
|
يا ريّس ...سلام
الدماء الجديدة هى الحل ...الفات تانى ما بيجى ...
فى ناس كُتار متابعين ومستمتعين من بعيد ....نحاول نجيبهم ...وأول نجم تسجيلات
أرشحو ليكم دكتور مُطيع ...خلى ناس السعودية يتصلوا بيه يرسلوا ليك بياناتو ...وال زى د.مطيع كتيرين...
حصِّل تسجيلات يونيو دى ...
*************************************
بشوف ليكم إمكانية ( التَّجْنِيسْ ).
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام
سلامات ياسني والسني طمني وسلامات وياابوعمار تلفون السني لو ممكن
وورينا ايه الحاصل عليه. السني ليه معزتين الاول زقازيقيه والثانيه دباغيه
وناس الدباغه هم اساس الحب.
وين منصور واقفين في عرس حجازي.
ياكوتش مرحب مقدما باالعبيه الجدد بس لازم ابوشنب يشطب.
يارشيد احبك كتير
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صبحكم الله بالخير
يعلم الله يا عمر اني أحبك محبة صادقة....
و أحبكم كلكم محبة تنبع من القلب....
و أعلم أن الذي شجعني على أن أقول لأبو عمر ما قلت....
هو معرفتي به...
أعرف انه سيتقبل مني ما قلته بصدر رحب....
رجل يتقبل النقد بل و يمارس النقد الذاتي دون تكبر و اعتداد بالنفس.....
ان الذي يربطنا بهذا المكان هو عقد محبة....
بنودة الملزمة و شروطه هي المحبة الخالصة....
لا شيء آخر يلزمنا بالحضور الى هنا .....
لا أريد أن أعيد ما قلته سابقا عن البوست....
عندما قلت ان عدم التفاعل مع ما نكتب سيجعلنا نتوقف عن الكتابة.....
او سيدفع بنا للذهاب حيث يتفاعل الناس مع ما نكتب....
لا أدعو الى أن نهجر هذا المكان و نذهب الى حيث يجتمع العدد الأكبر من الناس....
بل العكس فأنا أدعو الى الحفاظ على هذا المكان كما هو....
و الابقاء على خصوصيته....
مع المشاركة و التفاعل مع الناس في الفيس بوك....
دون حساسية و التعامل بمنطق المعسكرين.....
شاركو هنا و هناك ....
فهذا المكان له رواده و أنا أعرف ذلك جيدا......
من خلال اتصالات تردني أو أناس يلتقونني يحدثونني عن ما قرأوه في مربع كاي.......
أو هنا في البوست العام .....
الألمر الذي أدهشني و جعلني أداوم على الكتابة في مربع كاي.....
في الفيس بوك تنزل الموضوع بالصباح تجد ان عدد المتداخلين زاد عن المائة آخر النهار.....
أي شخص مهما كانت مستوى كتابته يسعد بهكذا تفاعل....
و يتمنى لو يكتب كل يوم....
القروب في الفيس بوك مغلق تماما....
أي انه لناس الزقازيق فقط و بعض الأصدقاء المقربين جدا......
و لا يستطيع أي أحد أن يطلع على ما يدور فيه أو الدخول اليه الا باذن....
هنالك هكر يقتحم القروب من وقت لآخر و هذا يحدث هنا أيضا....
هنالك بوستات قد لا تعجبكم و قد لا تناسب أذواقكم و لكنها تراعي الخصوصية و الذوق العام...
و لكن هذا طبيعي فنحن مختلفون في طبائعنا و أذواقنا.....
ختاما ....
أرجو أن لا نفكر بان تفاعلنا هناك سيتطلب الغاء هذا المكان....
أو أن مشاركتنا هنا ستتطلب الغاء ذالك المكان...
لنشارك هنا و هناك...
و لنبقى أكثر حيث نحب.....
و لتبقى المحبة التي بيننا هي ديدننا.....
و دمتم سالمين....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
Quote: الدماء الجديدة هى الحل ...الفات تانى ما بيجى ...
فى ناس كُتار متابعين ومستمتعين من بعيد ....نحاول نجيبهم ...وأول نجم تسجيلات
حصِّل تسجيلات يونيو دى .... |
ياكوتش ... سبق وفتحت باب التسجيلات وعلى مصراعيها ...
بعد التنسق مع ادارة سودانيزاونلاين ...
واعلنت هذه الدعوة في الفيس بوك أيضا ...
وكان القبول ضعيف جدا ...
فقط فيصل كنزي ... وحسين شنقراي الذي لم يظهر حتي الآن ...
عموما اكرر الدعوة ...
لمن يرغب ارسال التفاصيل التالية
الاسم المختصر للظهور في سودانيزاونلاين ...
الهاتف ... بلد الاقامة ...
صورة من مستند رسمي .... جواز ... بطاقة
وخاصة مايثبت الاقامة اذا كان مقيم خارج السودان
على الايميل التالي
[email protected]
وان شاء الله بكري مابقصر معاكم ...
Quote: *************************************
بشوف ليكم إمكانية ( التَّجْنِيسْ ). |
والله في الفترة دي يا كوتش ...
بنقبل ناس ... التجنيس ... والتحنيس ...
انت بس لمّ الناس من طرف ...
==========================================
رشيد القوم ... وأحمد اسماعيل ...
والله انعشتو البوست ...
متابعين ومستمتعين ...
=========================================
Quote: عندما قلت ان عدم التفاعل مع ما نكتب سيجعلنا نتوقف عن الكتابة.....
.
.
.
في الفيس بوك تنزل الموضوع بالصباح تجد ان عدد المتداخلين زاد عن المائة آخر النهار..... |
ويا رشيد القوم ... ناقشنا النقطة دي اكثر من مرة ...
كل موقع وله ... تكتيكه ...
وفي الفيس بوك ...
انت بتفتح نافذة بالموضوع الواحد ومن البديهي كل من قرأ ويريد التعليق ... يعلق على الموضوع المكتوب اسفل المداخلة...
ولكن هنا صفحة بها مجموعة من المداخلات .... والمداخلات كلها بتحظي باهتمام الجميع ...
واكيد مرو عليها كلها ... وعدم التعليق لايعني عدم اهتمامهم بالموضوع ...
فعليك الله يا ديجانغو ... افرز ...
عموما هنا برضو لينا نكهتنا ...
=================================
ابو الطيب ...
احمد السني حاليا بخير وتعدي المرحلة الخطرة ...
وخرج من الانعاش لغرفة عادية ...
المعلومات دي اخدتها لما اتصلت على منصور ...
وتلفون احمد مغلق ...
ولكن لا يمنع من كتابته لكم ...
966557968826+
==================================
اخبار عبدالدايم النضيف شنو ... الزول ده في السودان ولا رجع جدة ...
===================================
اليوم الخميس ... ضيعتو مروتنا في الكلام ساي ...
انا زاتي ...بحبكم كلكم ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صبحكم الله بالخير
Quote: ويا رشيد القوم ... ناقشنا النقطة دي اكثر من مرة ...
كل موقع وله ... تكتيكه ... |
هذا اذا أسقطنا المنبر يا أبو عمار.....
تبقى هذه الصفحة فقط التي تمثلنا هنا....
دعني أسألك سؤالا أرجو أن تجيبني عليه بصراحة....
أين هي البانوراما التي كنت تتحفنا بها من وقت لآخر....
و أضيف اليها سؤال آخر ...
كيف يكون شعورك عندما تجد الناس متفاعلين مع ما تعبت فيه من أجلهم...
جرب هذا الشعور بعمل واحده مختصرة و أنزلها في الفيس بوك....
و أوصل نفسك بجهاز قياس المشاعر ...لكي تقيس مشاعر...
و خذ القراءات عندما تجد الناس يتفاعلوا معك.....
و نزلها هنا و قيس درجة الاحباط الذي تشعر به.....
Quote: ولكن هنا صفحة بها مجموعة من المداخلات .... والمداخلات كلها بتحظي باهتمام الجميع ...
واكيد مرو عليها كلها ... وعدم التعليق لايعني عدم اهتمامهم بالموضوع ... |
اذا لما نشكو من عدم تواجد الناس وعدم تداخلهم اذا كان الأمر كذلك...
ليأتي كل واحد منا و يكتب ما يريد أن يكتب و يذهب....
فأكيد ان ما سيكتبه سيمر عليه الناس و يقرأونه و ان لم يعلقوا عليه...
و لكن ماذا يهمه ان علقوا أو لم يعلقوا طالما انه لا يعني عدم اهتمام منهم....
| Quote: فعليك الله يا ديجانغو ... افرز ... |
و الله ديجانغو غلب حمــــاره.....
حاولت جاهدا توضيل فكرة معينة و لكن دون طائل....
و أظنها المرة الأخيرة التي سأكتب فيها عن هذا الموضوع....
و لكنها لن تكون المره الأخيرة التي سأكتب فيها هنا....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
| Quote: حاولت جاهدا توضيل فكرة معينة و لكن دون طائل.... |
ياحبيب والله فكرتك واصلة ,,, وواضحة وضوح الشمس ... من اول مرة
ولكن عمرو سودانيزاونلاين ... يكون نفس الفيس بوك ...
ولا المداخلات هنا يكون لها نفس الايقاع كما هي هناك ...
فالفيس بوك جاذب جدا ...
فلا تهجرونا لهذا السبب ...
في الشغل مانعننا الفيس بوك ...
وفي البيت برضو ...
غايتو انا واخوي الكاشف .... قاعدين ....
والبانوراما كنت بقتبسها من مداخلاتكم ...
ولكن ان شاء الله ح نواصل بعد وصول البرالمة ... ان وجد
خميسك كيف ... يا رشا ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
تحياتي واشواقي بلا حدود ....
الحمد لله اهو مرات (وإن طال الغياب) الواحد بلقى فرقة يطل على الناس الزينة
عجبني جدا (الخد والهات) بين الرشيد واحمد اسماعيل وذلك الحوار (النقاش) الراقي
انتو معجونيين بي موية شنو؟ ولا طينتكم ذاتها شنو؟ سبحان الله فيكم شئ كتير يامولاي
تناقشوا تعاركوا ... العنوا سلسفيل بعض في الآخر والله ياها المحبة زاتها وماشة زايدة كمان
والكسبان الكيان ... والمستمتعين والمتابعين ....
كمان قبل ما انسى عاوز اوجه تحية كبيرة اوي للكمندان (الكوتش) وجلا ورفعت لزيارتهم لي ابان تواجدي في السودان
ما عدمناكم يا ناس الزقازيق وبارك الله لكم في عيالكم وامهاتهم ... والتحايا موصولة لاسامة خضر وعزام البشرى وسمؤل عوض السيد
وعبدالرحمن (توتي) وعزيزالرحمن وكل من نسيت اسمه ... طبعا ناس السعودية وما اليها بنديهم حقهم بوش الكتاب.
عبدالدائم ... مشتاقين ... اصل محمد الهادي بتلقى عندو دواء للشمش بالعدم بتطلع ليك منو بي (آمبي)
احمد السني بخير ولله الحمد والمنة ونسأل الله ان يتمم عليه نعمة العافية يارب
كنت معه ظهر هذا اليوم وابيت اديهو سفة ... قام سب لي وقال لي اصبر بردها ليك يا معفـ....
مما جعلني اطمئن عليه تماما......
دعواتكم
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: جلال عثمان)
|
السلام عليكم يا كرام
بعد ما طماننا الأخ العزيز جلال على صحة الأخ أحمد السني
إتصلت بالأخ جلال فوصف لي كيفية الزيارة ، أمس العصر كنت
مع الحبيب أحمد السني ، الحمد لله وما شاء الله بلغ عافية كثيرة
إذ أنه نزل معي وقدمني إلى موقع سيارتي
الأخ عمر نملة إطمئن على صحة الأخ أحمد
وأفيد الجميع بأني أخبرته بكل الإخوة الذين يسألوا
ليطمئنون عاى صحته وعافيته
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
هل نحــن عـاشـقــينا ؟
عندما نعشق ماذا يعترينا ؟
ما الذي يحدث في دواخلنا ؟
كيف نغدو كالتلاميذ الصغـار ؟ أبرياء ساذجينا
ولماذا عندما تضحك الدنيا تمطر السماء علينا ياسمينا ؟
ولماذا عندما تبكي على ركبتينا يصبح العالم عصفورا حزينا ؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
سلام
تسلم ابوعمار على تلفون السني وحاولت وحاولت حتى حصلت السني وكعادته ضاحكا
واكتشفنا الدواء كبده و7 سيخات اقشي.
ياراش عارف المشكله الاساسيه فينا بني سودان عدم اكمال دائرة المعلومه .
هي سبب الاحباط.
ابوعمار قلت في الشغل مانعننا الفيس بوك ...
وفي البيت برضو ... دي زي صاحبنا يوم القيامه مش على طول النار وفتش اسمه
في الكشوفات ما حصله! قال اي ياجماعه معقول بعد العملتوا في الدنيا دا كله يدخلوني الجنه؟!
مش فتش في كشوفات الجبنه برضوا مالقى اسمه! قال شنو ياربينا ننام في الشارع؟
نص عمرو ضايع الما شاف النضيف وجرستو من الشمس.
الصوره ياجنابو او اي تسجيل صوتي. ويخسي على شمس السودان الما بتفرق بين ديدو
وودرابح الشيخ.
تسلم ابوعمر الحمد لله ضحكت مع احمد السني( تصدق امه عليها الرحمه زميلة امي في المدرسه
ياجله احمد السني قال قاصد سفة شكولاته.
اخوكم مزنوق امتحانات وناس المدرسه قالوا شرط النجاح بدرجة لذيذ .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
أحلي حاجة في الصفحة دي ...
ظهور ولدنا جلة ... وبقول ليهو الدنيا كلها تسف الا ود السني ... دي عمايل ناس الرياض ...
وكذلك اطمأنينا على صحة أحمد السني ...
ودي ألذ ... اللذاذ ...
| Quote: اخوكم مزنوق امتحانات وناس المدرسه قالوا شرط النجاح بدرجة لذيذ . |
طريقة الامتحان ... تعمل المطلوب ... وتجيب معاك جيرانكم عشان ... تذوق ...
ياخوي انت امتحانكم ده ... بصححوهو كيف ؟؟؟؟؟
انا جادي في السؤال ... يانملووووز ....
الحمدلله عبد الدايم النضيف ظهر في السودان ...
سلامنا الكثير ليهو ...
واحسن علاج للحر والشمس والوساخة ...
اوع تتحاوم ... خليك جوه البيت ... اقصد جوه الغرفة
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلامات يا حلوين
Quote: كمان قبل ما انسى عاوز اوجه تحية كبيرة اوي للكمندان (الكوتش) وجلا ورفعت لزيارتهم لي ابان تواجدي في السودان
ما عدمناكم يا ناس الزقازيق وبارك الله لكم في عيالكم وامهاتهم ... والتحايا موصولة لاسامة خضر وعزام البشرى وسمؤل عوض السيد
وعبدالرحمن (توتي) وعزيزالرحمن وكل من نسيت اسمه ... طبعا ناس السعودية وما اليها بنديهم حقهم بوش الكتاب.
|
والله اتلومنا معاك لوم السنين...خليها مستورة.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام
Quote: طريقة الامتحان ... تعمل المطلوب ... وتجيب معاك جيرانكم عشان ... تذوق ...
ياخوي انت امتحانكم ده ... بصححوهو كيف ؟؟؟؟؟
انا جادي في السؤال ... يانملووووز ... |
ابوعمار الامتحان مكشوف بالنسبه للتورتات والخبز والحاجات الفي نصهم زي الكوروسات والحاجات
البحشوها بالشكولاته والكستر والشئ منو. واقل غلطه تنسى الامتياز وممكن تعيد الامتحان.
اما طريقة التصحيح فهي
1- اتباع قواعد النظافه الشخصيه ونضافة الادوات( العده)
2- تجهيز المواد المطلوبه امامك قبل البدء في الامتحانات مع كمياتها المطلوبه
3- اختيار درجة الحراره المطلوبه مع وضية الفرن مقفول مفتوح مقفول ومفتوح ومفتوح ومقفول
4- المده المطلوبه لكل منتج
5- الشكل الظاهري لكل منتج وحجمه وطريقة تزينه
6- ان تكون المواد المستخدمه متجانسه( ماتلبس لي كرفته مخططه مع قميص مخطط وين دودي)
لان الكمونيه ماممكن مع العسل.
7- كل واحد من السابق ليها درجه يجب ان تحصل على 50% و50% من المجموع
8- هناك لجنه مكونه من ثلاثه لذيذين تحدد درجة لذاذتك.
في اخر امتحان للشكولاته التزم ناس الدفعه بحشوه الشكولاته من الدروس قلت اتشالق واعمل حشوه جديده
جبنة الغنم مع التين والكريملا. وقلت الليله يا الاول يا الطيش. وكانت المفاجاه الاستاذ الاول قال لي انا شايف دي حاجه غريبه!
بقية لجنة التحكيم قالوا المواد متجانسه ودي وصفه جديده تستحق وكان متوسط نقاط تحكيمهم 8 من 10.
االان مضطر اسافر مسافة120 كيلو اجيب قونليز وعرديب للامتحان النهائي.
Quote: يا نملوز يا لذيذ يا رايق
إنشاء الله تنجح ولو بالسسفن آب |
ياريس غلطه صغيره بتنسف المجهود والحمد لله حتى الان نجحت في كل الامتحانات التي لاتحصى
وضغط نفسي لانه مافي يمه ارحميني ومافي حد بينظر لشخوصنا اعمالنا هي البتحدد
والايام السابقه حصلت انهيارات نفسيه من بعض الزميلات. والضغط النفسيوصل اقصى مراحله.
Quote: بصراحة عجبتني شديد النجاح المطلوب بدرجة لذيذ والمشكلة لو كان المصحح
ما بحب السكريات أو عنده سكري أها اللذيذ ده بضوقوه كيف ؟؟؟؟ |
عندنا اساتندر وهو وصفة المدرس لكن مثلا حسب التقارير والدراسه قررت باذن الله ان تكون
منتجاتي خاليه من الكحول والخنزير( للاسف زياده من 80% من شغلنا بيدخلان فيه)
بس المشكله الاساسيه في الامتحان الزمن. يعني لازم الخبز تبداء عجنته قبل كل الحاجات عشان يتخمر
وواضعين خطه ماتخرش الميه عشان نكون لذيذين.
ياريس شغلنا دا دايما بيكون ليلي عشان مع الصباح كل شئ يكون جاهز الصبح وفيه عتاله شوالات دقيق
ومرات المكنات بتعطل لازم تعجن يدوي. عشان كدا الجنس الناعم بتخصص شكولاته
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صباح الخير ،،، يا وجوه الخير
صباح الخير ،،، يا نملوز الخير
دعاء الصباح :
اللهم أجعل صباحنا صباح الصالحين
وقلوبنا قلوب الخاشعين
وأعمالنا أعمال المتقين
وارزقنا الجنة يا آرحم الراحمين
=============
حكمة اليوم :
قالوا في الحب
إما أن تجد إنساناً يكون بمثابة روحك
أو تجد إنساناً يطلع روحك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
لعلم
ألا أيها العدلُ فاحكمْ بعدلِك ْبعدلِكْ جميع الملا راضيه
نزاعٌ حدثْ بين علمٍ وجهل ٍفكلٌ يقولُ لِـيَ الساريـهْ
الجهل
أنا الجهلُ سدتُ البلادَقديما ًوللآن ما زلتُ في ناحيهْ
فبأسِي شديدٌ وعزمي حديد ٌفخَلَّفتُ جُلَّ القرى خاويهْ
العلم
أنا العلمُ نورٌ لمن نالني وعزٌوفخرٌ لطلابيهْ
أقودُ الجميعَ إلى كُلِّ خيرٍوأنتَ تقودَ إلى الهاويهْ
الجهل
أتنسى السلاحَ وتنسى الحروبَ بأسباب مَـنْ أيهـا الداهيـهْ
وتفخر أنـك خيـرُالجميـعِ وأنـت لهـم علـةٌ خافـيـهْ
العلم
خَسِئْتَ فإنِّي لهمْ كلَّ خيرٍوهذي نتائجُ أقواليهْ
فمنِّي الطبيب ومنِّي المهندسْ ومنِّي المدرِّسُ من ناحيهْ
زمانُ الجهالةِ وَلَّى وراحَ فليس لك اليوم من باقيهْ
فعصرك هَدْمٌ وعصري بناء بِمَ الفخرُ يأيها الطاغيهْ
العدل
حكمتُ على الجهلِ للعلمِ فوزاًوقد كان بالضربـةِ القاضيـهْ
فبالعلمِ زَارَ الرجـالُ الفضـاءَ وبالعلـمِ كُـل الـدُّوَلْ راقيـهْ
وبالعلمِ زرعوا القلوبَ الصِّحَاحَ وتــم النـجـاحَ لأولائـيـهْ
بفضلِ العلومِ هزمنا الصِّعَـابَ وكان لنـا النصـر والعافيـهْ
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
يا الحبيبين ونحن في الثانوي العام قاعديلنا في حجار قدام بيت ناس بابكر الشايقي..
انا وبابكر وخالد الغنماية والخرابة عوض ود كريمة.. قوم يا بابكر الجن وهو كان بيدرس مع
أولاد العمارات ونحن نعافر في امتدادنا دة.. قوم اضهب واتظارف وقول لي أولاد العمارات
نلعب معاكم مباراة ودية ونجيكم في العمارات.. اها اتاريهو ولاد المصارين البيض ديل عندهم فريق هناك
وعندهم كدارات وفنايل ولباسات وشراريب كمان.. وبوكو خجلان مننا.. البيجي الدافوري لابسلو عراقي
واللابسلو بنطلون مشروط من لااااورا واللابسلو فنيلة حمالات ومعاها لباس ساوينوا من باقي الدمورية
حق المرتبة.. اها يا الحبان قام قالنا نشوفلنا طريقي نجيبها علي الاقل فنايل.. قوم يا عوض ود كريمة
قولنا نشتري صبغة هدوم وكل زول يجيبلو فنيلي ونصبغن فشان نكون مجيهين قدام ولاد المصارين البيض ديل
اتوكلنا علي الله شلن من هنا.. وفريني من هنا وقرش من هني شلناهن وجبنالنا صبغة من السوق الشعبي..
ومشينا علي نيمة خادم الله وجبنالنا كانون وطشت ولعنا الفحم وكل زول جابلو فنيلي.. الناقصة كُم
والمجحمطة.. وإن كان لي أنا جبتلي عراقي قدييييييم ومهلهل وكفيتو لامن بقى جنب صُورتي..
سخنة الصبغة في علبة نيدو كبيري وقلنا كدي جلغناها في الفنايل في الطشت وبي عود نيم
صوتناهن زيييييييييييييين.. لامن اتلونن.. وكتين شريناهن في حبل بين النيمتين لا عرفناهن
بنو فسو (بنفسجية) لا عرفناهن كُحليات..
المهم يا الحبيبين جاء الخميس واتغدينا غدايا بدري.. الماكلو سخينة.. الماكلو لوبي عفن..
والضاربلو فاصوليا بيضة.. وقلنا كدي اتلاقنيا ولبسنا فنايل الجن دي..
وأصلو إن بقى للكدارات.. أحمد كلوب اتشنط في الكلوب حقو.. الخير فططت لبسلو كبك مصوفن
وعوض كريمة شوف عيني لابسلو جزمة زيزي حقت محاسن أختو.. وأنا لابسلي كبك الرجلين فيهو شمال..
وخالد اللارا جابلو كدارة ما فيها سنتيميتر الا وهبشو النقلتي.. بس علي وشوش المجارمة في الافلام المصرية
والنعيم فينا لابسلو «لاركو»..
والعجب الشراريب.. أصلو مافي شرابا متل اخوهو.. ووحدات مصوفنات ضومة ضومة ومقدقدات
والاصابعين مارقات منهن علي جنى التمساح وكتين يمرق من البيض..
قلنا كدي اتوكلنا ومشينا كداري علي العمارات ونغني ونصفر والماكلين اللوبي النغمات تمرق منهن من لاااااتحت
لامن وصلنا العمارات إنكان نلقالكم القيامي قايمي.. الميدان يلمع ومحددنو بالجير.. وشوف عيني عندهم عراضات
وبي شبكاتن.. قادر الله..
والناس منتظرننا والمتفرجين بي كراسيهم.. وكمان الحكم لابس اسود في اسود.. وبُطان العمارات حلات الدنيا عليهم
لابسلهم فنايل حُمور ولباسات بيُض وشرابات ليهم زيقين حُمور علي التلتوار.. وكداراتم تلمع في الشمس..
وفوق دة ودة كمان عندهم مدرب... صلاتي علي محمد.. سالمناهم ودخلنا نسخن نتجارى كدي وكدي
وهم مرصوصين مع بعض ويسولوم في حركات زي ناس البوندسليغا..
نحن اتلمينا وقلنا لازم نغلبم الحناكيش ديل.. بهناك المدرب صاقعلهم: باص/خانة وافتحوا اللعب
وهني انا اقول لي ود قطبي وياسر البزار: انتو المهاجم البتشوفوا فرفارة قنطروا لي وانا (...) أم حلتو..
بدينا اللعب يا الحبيبين والكوف وكاع اشتغلت.. شي عفيص وشي قريص في الضهر وتحت تحت: احي أنا..
واتاريهم بالمشجعين حقنهم.. لكن ربكم رب الخير البيغسلوا العربات في العمارات كلهم جوا يشجعوا فينا
وكمان الغفراء حقين السفارات وشابكننا ليك: اركب... قشو ... ماهن مغبونين الخرابين
يا الحبيبين قشيناهم ليك خمسة واحد ونص فريقهم ماشي يعرج.. قاموا قالولنا نحن عازمنكم شاي في بيت
هيثم.. اها مشينا علي بيت هيثم دة لقينا الكراسي منظمات والزهور دي ماليي الدنييي..
وحاتكم ورود يفتحن النفس.. باقي نحن في الامتداد غير «صباح الخير» مانا عارفلنا ورود شي
وقال كدي احمد كلوب مرق رجلو من الكلوب بالله الريحي علي التركين المعفن وبي دودو..
فسراع فسراع حصلناهو لامن رجعها تاني..
وعلي التعترو خالد اللارا لابسلو لباس دموريي وجاء يتمطى إن كان نسمع اللباس قال كررررررررررررررر
نان تاني هو قام من بوكانو..
وجابولنا البستي كولا وشويتين جابولم كيك وترامس ألات شاي..
بي لبن يشهنك تتصور جنبهن..
وحات نضري الكبابي بقينا نشوف وشنا فيهن..
والمساكين شغالين: يا هيثم ناولني السكرية.. أمجد جيب الكيك من جوة.. حاتم شوف الطربيزة في الصالون..
ونحن معاوية طمبل باي شابكنا: دسيسين ياخ.. عضة زي العضة..
مشينا متنبلين لي بيوتنا يومين باقيلي ما اكلنا ..
ووكتين جونا في حلتنا داك أصلو يوما كان برااااااااااااااااهو
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
| Quote: وعوض كريمة شوف عيني لابسلو جزمة زيزي حقت محاسن أختو.. |
الله يجازي محنك يا جبرييلا ....
سعيلي الله ضحكت لامن مصاريني وجعوني
اها شوف اوعك تطول علينا مباراة الرد ... وذولك مقطوع الطاري دا النبي فيك كان خليتو مرق الزيزي دي
بلحيل راجيهو يجي يشوتلوا كورة وتقوم يا الزيزي تنقلع منو وتفلعلها واحد من عوين العمارات الحناكيش ديل.
-----------
يا كوتش مافي لوم يالحبيب ياخ ... ماقصرتوا والله
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: جلال عثمان)
|
Quote: مشينا متنبلين لي بيوتنا يومين باقيلي ما اكلنا ..
ووكتين جونا في حلتنا داك أصلو يوما كان برااااااااااااااااهو |
والله ضحكت لو مصاريني وجعني ،،،،
قايتو الزول الخرابة الإسمه طارق جبرين ما هو زول نصيح
والله تصوير طبيعي وكأنك موجود وعايش القصة معاهم
لاحظ إنته أجبرتني أعمل مداخلة سريعة
أصلوا أنحنا الأيام دي معصورين في الشغل بس ما قدرت
افوتك وما أعلق عليك ،،،،
أنحنا منتظرين مبارة الرد
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صباح الخير وصباح النور
أبو ك لباية وأبو زيزي والكُبكة العجيبة والكدارة الكلها مرقعة من النقلتي
على تلك الحال وماوجتموهو في العمارات من إستعداد ومشجعين على الكراسي
فعلا قيامي فايمي
سلام ياطارق ، والله حكي كأنك ترى المشهد أمامك
مباراة الرد الرد بس ماتكون السد السد
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
صبحكم الله بالخير
| Quote: يا الحبيبين قشيناهم ليك خمسة واحد ونص فريقهم ماشي يعرج.. قاموا قالولنا نحن عازمنكم شاي في بيت |
ما عارف ليه عندي احساس انو القصة دي مقلوبة......
و عايز أعدلها .....
أولاد الامتداد عاملين فيها معسكرين و ضاربين الغداء من بدري....
منفوخين باللوبا عفن و الفاصوليا ......
قالوا نديها مشية لحدي العمارات....
لما وصولا كانت اللوبا عفن و الفاصوليا راحت في غضب الله.....
و البطن بقت عل القربه المنفوخه.....
مشوا لقو أولاد العمارات طالعين يا دوب من بيوتهم و مرتاحين....
ماكلين كاسترد قبل ساعة بس و شاربين جلكوز.....
و جو عملوا تسخينة علمية.....
أولاد الامتداد متحمسين بي فنايلهم و عراريقهم الخدراء دي....
قالوا لازم نغلب أولاد المصارين البيض ديل ...
قاموا يتجاروا و يلبعوا في اولاد العمارات النضاف عشان يخوفوهم.....
الكوتش بتاع أولاد العمارات من بره يقول ليهم ما تخافوا منهم خلوهم يتجاروا لياقتهم حسه بتكمل.....
و فعلا بعد شوية أولاد الامتداد الواحد فيهم لسانو بقى في نص بطنو.....
و أي انبراشه في الواطه يطلع معاها أصوات عجيبه ...البطن ما فاضيه و منفوخه قربه بس......
لياقة أولاد الامتداد كملت تب....و جبريلا عراقيهو مليان عرق كأنو كان شغال يومية في نهار حار.....
أولاد العمارات اتفسحوا ليك في أولاد الامتداد.....
و الأقوان نزلت هبطرش حتى بلغت رقما قياسيا.....
و لأنهم أولاد عمارات و كده قالوا حرام نغلبهم و ما نضيفهم....
قاموا عزموهم كيك و عصاير و حاجات الوقت داك جبريلا ما كان بيعرفها.....
العمارات خمستاشر .....الامتداد واحد.....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
يا رشا بالغت اشد البوليغ ياخ
يا حلوين دي كمالة الرش:
ضربنا يا الحبيبين كيك العمارات السمح العلي «البشاورة» داك وقعدنا نتونس مع ولاد المصارين البيض ديل..
اها قوم يا بابكر قولي: باقليك شنو نعزمهم الخميس الجايي..
يا بوكو انت باقيلي جنيت.. نعزمهم بي شنو... جزمة زيزي ألت عوض ود كريمة دي ولا بلاها..
كدي أدنا سبوعين خلنا النشوف نسويلم شنو السحاسيح ديل..
قام بوكو وقف وقعد يشكر فيهم وعلي كرمهم وقالهم إن شاء الله من هني سبوعين تجوا عندنا في الامتداد..
مرقنا يا الزينين شي يغني وشي بطنو متنبلة ماهو قادر يمشي وشي يقطع في شدر التمرهندي..
وصلنا بيوتنا واستحمينا بي صابون «بيوضي» أليل الغسيل داك وجينا مارقين للحجار ألاتنا
نفكر في الوكرة الورطنا فيها بوكو دي..
انا قلتلم: ناس الرابطة آآآبيدونا شبكاتم دحين انا عندي فكرة... نباري الكويش الفي العمارات وأي خيشة
ألت مكيف نلقاها نلمها وواحدين يكبسوا كوشة الجبل برضو... فشان ما نتفضح انا وعوض ود كريمة بندقش
العمارات فشان بوكو ان لقوهوا حايم بهنوك واااااافضايحنا... الخير فططت واللارا يدقشوا كوشة الجبل
- عوض ود كريمة: نان المويات دايرين تسووا فيها شنو
- خالد الغنماية: كل زول باكر يجيبولي شِلن ان شاء الله من قروش فطور المدرسة
- عوض كريمة: ومن يوم الاتنين كل واحد يختلو باغة في الفريزر..
- أها والمويات دي كيفنها
- عوض كريمة: تلاتة فتايل ألات روح فراولة وكل زول يجيبلوا نص كوريي سكر ونصوتها ونديها ليهم
- أها.. والكيك الاتنبلتوبوا دة نجيبو من وين ونحن البيت السمح فينا مرسلنلهم القرقوش من الشماليي
الخرابين ديل ان بقوا أكلوا القرقوش دة متل عوض ود كريمة وكتين يغتسو في كوباية الشوب يمين
علي نوديهم الحوادث.. يقوم يجيهم تسمم كمان..
- عمر سيوسيوة: ياخي انا بقع لي امي في الواطة تسويلنا بسكويت وبقعد اقابلها المفرمة فشان ما تكورك
- أها دايرلنا حكم يكون سميح كدي..
- بوكو: ودة نجيبوا من وين.. هو محمد عجوز حكم الرابطة قاعد يجي حفيان
- عوض كريمة: ياخي السر كاوندة ممكن يرواج الحتة دي وشايفه عنده قميص أسود عاجبه
- عصام جوطات: الطيب والدرقة الادونا ليها هديي نسوي فيها شنو..
- عمر كشكشة وجمال ابو الريش عليهم يلموا صناديق البرنجي والبنسون.. ونديهن أخت أسامة سلك
تسويلنا فيهن ترتر ونغمتها ليهم وكتين تمغرب.. وين دايرين يشوفوها هُن..
ـ.............
انا وعوض ود كريمة دقشنا العمارات من دغشا بدري يوم الجمعة ما خلينالنا خيش أليل مكيف حايم
قبل صلاة الجمعة قعدنا في ضل النيمة وجبنالنا «مسلة» وخيت دبارة وخيتنا الخيش وسوينالنا شبكات زي العجب
وقبل يومين منى أخت اسامة سلك ظبطتلنا الترتر فوقو صندايق البنسون والبرنجي ومشينا جبنالنا «ركامة»
حمرا وسوينالنا شريطين فوق الفنايل فشان يكونن يلمعن في الشمس..
وقشينا الميدان يوم الأربعاء وكل زول جابلو علبة رماد من تحت الصاج وخططنا الميدان.. وحنسنا امين
الجمعية وجبنالنا كراسي في حوش ناس بابكر ويوم الأبعاء بالليل جبنا روح الفراولة وجبنالنا اربعة جرادل طلس
وسوينا العصير وكل زول شالو جردل وداهو لي تلاجتو..
وكلمنا اولاد الحلة الكبار فشان يجوا يشجعونا..
شوف عيني ولاد المصارين البيض جوا بالعربات ومعاهم المشجعين كمان..
السر كاوندة دخل السنتر بي قميصه الاسود وكمان اداها كوز موية ولبس نضارة سوداء..
ولابس في يده الاستك الاسود بتاع المصفة حقت العربية وثلاثة خواتم..
ونحن مشجعننا كلهم شغالين: يا حنني اجدع لي سفة ياخ... يا مجنق ياخي صعوط المحسي كويس
ود الزهرة خمس لي البرنجاية ياخي ما تتغاتت..
دخلنا نتجاري هني وهني في ميدانا وعرقنا بقى يخُر وريحة الصماح ترمي الصقُر موش أولاد العمارات
دخلوا في صف واحد وشوف عيني يلبسوا في «الشنكارات»... صلاتي علي محمد..
اها يا الحبيبين الكورة بدت ######نت ومشجعننا شغالين: أركبو ... قشو حلاوة لكوم دة.. آآآآآآي سوي ليهو
يا محمد كجاجة اضغطو «الـ.......ة» دة... احي انا يا ألموظ..
غايتو الخوفة الدخلت فيهم ما اظنها مرقت لليلي ههههههههههههههههه..
رشيناهم ليك ستة اتنين.. وسوقناهم بيت ناس بوكو ودخلو يتشطفوا وانا وود كريمة كل مرة نشيل جردل البلاعة
ندفقوا في الشارع ونسب في بوكو: الله «.....» أم حلتك يا بكوكو..
جبنا جرادل الطلس وسقيناهم روح الفراولة وختينا ليهم البسكويت في صواني الألمونيي..
ياكلوا ويتهامسوا... باقيلي البسكويت نشادرو كتير لامن غلبهم يتنفسوا ههههههههههههههه..
قام بوكو يشكر فيهم وقدمنالهم صناديق البرنجي بالترتر..
وكتين جات العربات تشيلهم جاء ماري «حسن صاجات» وقعد يكورك: أحي أنا يا ألموووووووووووووووووووووظ..
ههههههههههههههههههههههههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
مساكم الله بالخير
Quote: جبنا جرادل الطلس وسقيناهم روح الفراولة وختينا ليهم البسكويت في صواني الألمونيي..
ياكلوا ويتهامسوا... باقيلي البسكويت نشادرو كتير لامن غلبهم يتنفسوا ههههههههههههههه.. |
و ان شاء الله تكونوا اتفقدوا أولاد الناس ديل تاني يوم......
شكرا يا جبريلا على النص الجميل المترع بكل ما في الماضي القريب من محبه و اخوة ......
المشهد ليس بغريب عني يا جبريلا...
فلقد كنت يوما ما من طلاب مدرسة العمارات النموذجية ....
المدرسة المتوسطة عند سوق 41 و التي تحولت بعد ذلك الى مدرسة أساس....
و لعبت في فريق السهم الذهبي في رابطة العمارات.....
و كثيرا ما لاعبنا شباب من الامتداد و من الديم.....
يلفون (الفاول) على أرجلهم الحافية و يرتدون الفانلات و الشورتات المصبوغة....
و ان لم يمر علي أي واحد منهم بعراقي مصبوغ باللون الأخدر....
و هنالك أسطورة صنعها الناس وحدهم....و هي أن الفقر و الأخلاق لا يلتقيان.....
و لكني أقول لقد زاملت طلاب من الديم يتمتعون بأخلاق قل ما توجد في أولاد العمارات....
و ما زلت أزكرهم واحدا واحدا بل و ما زالت تربطني بهم علاقات متميزة...
كذلك هنالك أولاد من العمارات يتمتعون بقدر عال من الأخلاق و ما زالوا أصدقاء.....
بينما يوجد هنا و هناك نماذج سيئة......
و استطعت انت بقدرتك الهائلة على الحكي و الوصف بنقلي الى تلك الأجواء في ذلك الزمن الجميل......
و رجعتني (الكم) سنة ديل و أستمتع بمحاورة الباك الخاتنو لي ده....
لافي ليهو فاولين...واحد في الرجل اليمين و التاني في الرجل الشمال.....
بشتنتو ليك لما المدرب بتاعو قعد يكورك فيهو من بره.....
و بعد المباراة أدوني جائزة نجم المباراة و كان عبارة عن شورت و فنيلة......
الغريبة برضو كان لونهم أخدر.....
شكرا يا جبريلا.................
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
رشا يا حبيبنا
ياخي الاخلاق الحلوة والناس الجميلين بتلقاهم في كل مكان
والواحد لي هسي عنده صداقات يباهي بها الشمس من جميع احياء الخرطوم
والغريبة يا رشا معظم الناس ديل قابلناهم في الخرطوم الجديدة في الثانوي
وعلاقتنا ممتدة لي هسي
تسلم يا حبيبنا
عايز امشي بهناك افتشب بت شيخك هههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام يا كرام
مادة مكررة ممكن تؤدي 70% من مفعولها..... نرجو من صاحبها أن يبان .. متى وأين سجلت ومن أين أحضرت ؟
رباطابيات ... وكدة !
رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحوهو .. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط ..
----------------------------------------------------------------
رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..
------------------------------------------------------------------
رباطابي بتاع فرن جاءهو واحد قال ليهو العيش في النار .. رد ليهو لا يا اخوي في الجنة ..
------------------------------------------------------------------
رباطابي جاهو شايقي من السفر قال ليه ارح وريني قبر امي
الرباطابي مشى معاهو المقابر وقال للشايقي اها ده قبر امك
الشايقي قال ليه حددو لي بالضبط ياخي ده ولا ده؟؟
الرباطابي قال ليه يا زول شيل فاتحتك ساي ..اصلك انت داير تديها مصاريف؟؟
------------------------------------------------------------------
رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو؟ تطلع في كراع بتاع الناس، انت ما عارف زاتو ماشي وين ... الرباطابي رد عليهو : انا ماشي عند اهلي انت ماشى وين ..
------------------------------------------------------------------
رباطابي لابس جزمة قديمة أصابعينو الخمسة مارقين بره. مشى لي بتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليهو: لا لا .. طقطقم لي!!
------------------------------------------------------------------
رباطابي جزار جاو واحد قال ليهو عايز راس نيفة بس صلحو كويس
قال ليه اصلحو كيف يعني البسو نضارة
------------------------------------------------------------------
رباطابي بتاع لبن .. عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو .. جا زوجها المحامي وقال ليهو انحنا ماممكن تغالطنا ابدا .. الرباطابي قال ليه اغالطك كيف وانت الغلاط فاتح لو مكتب
------------------------------------------------------------------
رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كنتو خاتنو في الشاحن ...
------------------------------------------------------------------
رباطابي مشى لواحد بعمل في لقيمات في المحطة، داك كلما يخت الصاج في الكانون الصاج يميل لي جمبه، الرباطابي قال ليهو بتظبت في الدش عايز تجيب ياتوا قناة فضائية؟
صاحبنا لمن رمى العجينة في الصاج والزيت كان سخن العجينة بعد ما نزلت في آخر الصاج عملت صوت (تششش) .. الرباطابي قال ليهو اكيد دي قناة الجزيرة زولنا طوالي طفى الصاج ومشى بيتهم.
------------------------------------------------------------------
رباطابية بتبيع زلابية وطعمية للركاب في محطة ابوحمد و الايام ديك شغلو القطر الاكسبرس وكان ما بيقيف في اي محطة .. المهم القطر جا ماشي فيها فووووو وماباعت اي حاجة وقامت رجعت البيت، قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي
------------------------------------------------------------------
الرباطابي عمل ليهو محل فول في البلد ومشى معاهو كويس، قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل .. جاهو صاحبو رباطابي قال ليهو يا دكتور عينت ليك (فحيص) معاك ولا شنو!!
-----------------------------------------------------------------
رباطابى عمل شكله بالليل واتفلق .. ابوهو وداهو للدكتور والدكتور كان طالع عاين للولد لقا الجرح كبير
قال لي ابوهو ولدك دا كان تجيبو بدري
ابو الولد قال ليهو بدرى كيف يعنى كان اجيبو ليك قبل مايفلقو
------------------------------------------------------------------
شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!
------------------------------------------------------------------
واحد رباطابي راكب القطر قاعد جنب الشباك ... فطلب منو الزول القاعد جنبو: ممكن اقعد جنب الشباك عشان انا بسف السـعوط وبتف ... الربطابي رد عليو: نان وانا بسف وببلعو؟؟ ..
------------------------------------------------------------------
رباطابى نزل ضيف عند جماعة وكان عندهم تيس فى الزريبة جنب الصالون عندو نزلة، الليل كلو يعطس ... الصباح بدرى سيد البيت جا وسأل الرباطابى" ان شاء الله نمت كويس؟؟ الرباطابى قال ليهو
انوم بى وين لى تيسك ده التقول مكوجى مقابل العيد
------------------------------------------------------------------
واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش
قاليها يابتى عندنا قراصة كان دايرة سندوتش جيبى ابرة وخيط
------------------------------------------------------------------
رباطابي شاف عتود اسود واضنينو بيض قال مالو دا عامل زي البنطلون القالبين جيوبو
------------------------------------------------------------------
الحاجة جات للدكتور الرباطابي في المركز الصحي وقالت ليهو
دايراك تحولني المستشفى عشان هناك بكشفو علي بالسماعة .
قال ليها نان الشايفاها مدروعة في رقبتي دي قايلاها نبلة؟؟
------------------------------------------------------------------
رباطابي جارو عندو غنماية عايز يبيعا
بعدين في السوق الغنماية قربت تزوووغ قام رفع ليها ولدا عشان تشوفو .. جات راجعه،
والرباطابي مصور الموقف كلو قام قال ليهو
اسمع ياصاحبي جبتها بالريمووووووت؟؟
------------------------------------------------------------------
شايقي جاء لرباطابي قال ليهو انا بقيت شاعر وقام قرأ ليهو
ما بين الشتاء والفواصل حبك سكن المفاصل .. الرباطابي قال ليهو
انت ما شاعر انت عندك رطوبة امشى اكشف
------------------------------------------------------------------
رباطابي مره بي جماعه من اهلنا الهدندوة بشربو في قهوة
وكانوا لابسين لبستم المعروفة الواحد يكون لابس سروال طويل
وباقي جسمو عريان ورابط العمه خلف خلاف
.. الرباطابي قال ليهم يا اخوانا داير لي فنجان جبنة
نط واحد من الهدندوة قاليهو ياخي انتو سحارين ما بنديك
الرباطابي قاليهو عليك الله انت هسي يسحرو ليك شنو زي الفانوس القزازتو مكسرة
------------------------------------------------------------------
في واحد رباطابي جـنو شراب .. وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمره دي (موت بطيييييء) ..
الرباطابي اتلفت وقال ليهو: (أنا زاتي ما مستعجل) !!!!!
------------------------------------------------------------------
قالوا رباطابي قاعد في مطعم وجنبو زول احوص، الرباطابي طالب كباب والجنبو طالب فول .. اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف .. ما بتضوق؟؟؟؟
------------------------------------------------------------------
واحد قال لرباطابى انتوا عليكم الله عندكم موية؟ ...
الرباطابى قال ليهو طيب الشجر العندنا داااك قام بالتيمم؟؟ ...
------------------------------------------------------------------
رباطابى في قرية .. جارهم تعب شايلنوا مودينو المستشفى ركب معاهم فى العربية، الرباطابي ساكت ساى يعاين للمريض والمريض ماعاوز يدى اى اقوال ولا كلمة .. اول ماجاء في شارع المطار قامت العربية دقدقت قام المريض قال نحنا وين؟؟ الرباطابي قال ليهم
( زولكم يادوب خش الشبكة )
-----------------------------
شافع رباطابي شايلو جردقة في صينية بيعرضها للبيع عند محطة قطار أبوحمد ، شايقية راكبة القطر مدت راسا قالت ليهو ها جني الجردقه بي كم ، الشافع رفع راسو وقال بالفين ، ردت الشايقة كيفن بالفين مي واطاا ، رد الشافع تطي العقرب وكت واطا ما تنزلي تخمي.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
Quote: قالوا رباطابي قاعد في مطعم وجنبو زول احوص، الرباطابي طالب كباب والجنبو طالب فول ..
اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام
قال ليهو : عرفناك ما بتشوف .. ما بتضوق؟؟؟؟ |
=============================================================================
Quote: يا ريس ياسر ممكن نجذب أعضاء البوست من الفيسبوك
بإعادة بعض مداخلاتهم الجميلة والتي لايزال لها بريق
مع بعض الإضافات الجاذبة كالأسئلة كما فعلت أعلاه
أو ماترونه أكثر تأثير |
يا ابو عمر ...
كل شئ يعيد البوست لسيرته الاولي ... مباح ...
تسلم للمداخلات الشحمانة ,,,,
اضحتنا ... مع الرباطاب ...
ماعندك .. شايقي ...
===================================
اكيد ممتعين يا ودجبرين ورشيد القوم ...
عاده ان شاء الله ماتنقطع ...
===================================
يا ابوالطيب ...
مالك جاينا اربعة مرات ... ويدك فاضية ...
===================================
الكوتش ...
قصيدة لوسمحت ... ان شاء الله معادة ... اتحفنا وماتحرمنا ...
بالعدم نص ادبي ...كاااااااارب ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلامات يا حلوين
Quote: الكوتش ...
قصيدة لوسمحت ... ان شاء الله معادة ... اتحفنا وماتحرمنا ...
بالعدم نص ادبي ...كاااااااارب ....
|
حاضرين يا ريّس...
++++++++++++++++++++++++++++++++++++++++++++++++++++
جَسدٌ ضَخمْ
ـ عصاااااااااااااااااام
يباغتك الصوت المعتاد ... رغم أنك اعتدته كل هذه السنين ...يأتيك منطلقاً كما المدفع تحس داخله ذلك التهديد غير المنطوق ...إيَّاك والتأخير .أكثر ما كان يُخيفك هو ذلك التهديد المُبطَّن المنطلق منه،
طوال هذه السنوات لم تتأخر أنت ثانيةً واحدةً لحظة أن تنطلق حروف اسمك الأربعة بعد أن تتحول إلى ملايين الحروف المنفلتة
داخل غرف وصالات المنزل الضخم بل المنازل المجاورة...وحتى الشارع.... كنت تجهد أن تستجيب قبل أن ينفلت الحرف الأخير ويلتحق بإخوته ..
الإستجابة كانت عنيفة ...تطايرت صفحات الصحيفة التى كنت تطالعها وأنت مستلقٍ على سريرك فى كل أرجاء الصالة بفعل اندفاعك والهواء المنبعث من جهاز التكييف الضخم ..وقبل أن يرتد طرفها إليها كنت تقف هناك أمامها وهى متكومة فوق سريرها الضخم بالصالة الأخرى ...كأنك تراها لأول مرة !!أكلّ سنواتك هذى قضيتها مع هذا الجسد الضخم ؟؟جسدٌ يُغطِّى كل هذا السرير
كانت مستلقية على ظهرها ...وصدرها العظيم يعلو ويهبط ...عيونها
كانت تقول الكثير...تقف أنت هناك قزماً صغيراً...تنتظر الأمر.. كنت تعلم فى الآخر ان الموضوع لا يستحق كل هذا الجهد فى إرسال حروف اسمك الأربعة كل هذه الرحلة ...تُحضر كوب الماء وتضعه أمامها وتعود إلى صحيفتك ...تُجمِّع صفحاتها المتطايرة وتدفن نفسك داخل صفحاتها وأنت بعيد...
لم تكن فى حاجة إلى أن يذكرك أحد ما بفقرك الحاد ودمامتك التى لا تحتاج إلى كثير نظر....ظلت تُطاردك هاتان الصفتان لزمنٍ طويل وكان وقعهما شديداً فى كل مراحلك الدراسية مما كان يدفعك إلى التفوق وكان تفوقك المميز يعطيك القدرة على أن تَمُد لسانك لهما ولأؤلئك الذين يُعرِّضون بك تصريحاً وتلميحاً...تفوقك وروحك السمحة كانتا ترياقاً لكل تلك الآلام...ويأتى بعد ذلك تصالحك العميق مع نفسك...كنت تقول بأن الفقر مع هذا التفوق ستكون رحلته قصيرة
أما (عدم المَلاحة) ..الكلمة التى كنت تطلقها بديلاً للدمامة ..كنت تقول أن الرجال لايحتاجونها ...وتُدلِّل على ذلك بمقولة شهيرة لأمّك
(الراجل سَماحتو فى عَرْضُو)...
التحاقك بالجامعة كان حدثاً مهماً لك ولوالدتك والتى كانت تحس بأن سنوات المعاناة فى سبيلها إلى أن تُولِّى ..أخيراً سيترجل حملٌ ثقيلٌ جثم على صدرها سنين طِوال منذ أن فارق والِدك الدنيا ...كنت موفقاً فى دراستك ومتفوقاً كدأبك ..روحك الحلوة خلقت لك معارف وأصدقاء بلا عدد ...يلتف حولك الصِّحاب من الجنسين وأنت تُبسِّط
الدروس لهم ...كنت سعيداً بذلك وتزداد سعادتك حينما تلتف الزهرات حولك ...يسألنك وأنت تُجيب وتشرح ..يمازحنك ويُثنين عليك ولا يَذهبن أكثر من ذلك ...وأنت كنت تتوق إلى شىء لم تجده طوال سنوات الجامعة ...ورغم تصالحك مع نفسك إلا أنك كنت تهتف سِرَّاً تَبَّاً لهذين الشيئين....
ـ عصااااااااااااااااااام
يا لهذا ال عصام ...تأخذك الفجأة رغم تعوّدك ....تُهرول ناحيتها تقف قزماً ذليلاً ...تُنفِّذ الأمر وتعود إلى صحيفتك تدفن نفسك فيها وأنت بعيد.....لم يشفع لك تفوقك الدراسى ...وها أنت بعد كل ذلك محض موظف بأحد الدوائر الحكومية تنتظر راتبك عند نهاية كل شهر...لم تكن مُحقاً فى توقعك وكذلك والدتك لم تكن مُحقة فى توقعاتها ...الشىء الوحيد الذى جلبته لك الوظيفة هو ذلك الجسد الضخم المتكوِّم على السرير بالصالة الأخرى والذى يمُطُّ اسمك كل حين....هذا الجسد الضخم هو الوحيد الذى لامس أوتاراً مشدودة لم يلمسها أحد ...وقتها وبالنسبة إليك لم يكن مهماً من الذى سيلمسها المهم هو أن تُلْمَس....
بعض التوقعات بدأت فى التَّحقق ...ما عاد هنالك انتظار للمرتب آخر كل شهر....يضمُّك الآن هذا المنزل الباذخ ...وبالأسفل تقف سيارة أنيقة ....ورغم ذلك تظل هنالك أشياء أهم من كل ذلك..تُطل صورة والدتك وهى تخاطبك ..
ـيا وليدى ده كلو فايدتو شنو؟ دايرة أشوف جناك
تصالحك مع عدم الملاحة وتقبلك لذلك الجسد الضخم بكل تعقيدات حياته واشكاليات تعامله اليومى معك ..وكل حسناته الأخرى والتى يحسدك عليها الكثيرون ...والراحة التى تحسها جرّاء تحللك من بعض تبعات المعيشة التى كانت ستكون صعبة لولا هذا الجسد الضخم ....كل هذا لم يُوقف تفكيرك المستمر فى حاجتك إلى الولد
كيف السبيل إلى ذلك ؟؟الزوجة الأخرى ...هل تجرؤ ؟ حتماً لا تقدر على ذلك...إلا فى حالة واحدة....يقفز إلى ذهنك (عم كرار )الساعى
يهمس إليك وهو يضع أمامك كوب القهوة :
( ضغطة واحدة مستمرة بالمخدة ..وكل الحاجات دى تبقى حقتك براك ..)
تهتف فى أعماقك ...وتكون حراً ...تنفتح أمام عينيك عوالم أخرى وجسدٌ آخر ليس كهذا الجسد..تراها الآن أمامك .. تفاصيل الأشياء وشكل الجسد القادم ....تنفرج أساريرك ..يتمدد جسدك بهجة ..ويأتيك الصوت....
ـ عصااااااااااااااااااااام
تندفع مُلبِّياً وتتطاير صفحات الصحيفة مختلطة بحروف اسمك المنفلتة ...وقبل ارتداد الطرف تقف هناك وقفتك المألوفة تنتظر الأمر....ولكن الأمر هذه المرة ليس كالأوامر السابقة..الصوت الذى أتاك هذه المرة ليس كالأصوات فى كل المرَات ...تستطيع أن تميِّز فيه نوعاً من الوهن....كان الجسد الضخم ممداً كعادته ...الصدر العظيم يعلو ويهبط...علوه كان كما فى السابق غير أن هبوطه كان مختلفاً ...هذه الحالة التى أمامك ليست كسابقاتها ....تضع يدك على أجزاء الجسد الضخم جزءاً جزءاً...ارتفاع درجة الحرارة شىء بيِّن لم يكن أمامك إلا استدعاء سيارة الإسعاف ....داخل السيارة تختلط عليك المشاعر...هذا الجسد الضخم جزء منك ....تحسه الآن ولا ترغب فى فقدانه ...ويأتيك (عم كرّار ) الساعى ...يهمس فى أذنك (جاتك باااااااردة)...تبتسم فى أعماقك....
المستشفى كان جاهزاً لاستقبال الحالة ...الطبيب المختص ومعاونوه بلباسهم الأبيض المميّز يتحلّقون حول الجسد الضخم ...يضغط الطبيب على الصدر العظيم بصورة متكررة ...يظهر جهاز التنفس الإصطناعى ...يطلب الطبيب دواءً بعينه ...لابد من جلبه على وجه السرعة من الصيدلية الخارجية ...يدفعون إليك بالورقة التى كُتب عليها اسم الدواء....تخطفها خطفاً وتُهرول خارجاً ...تتخطى عتبات السُلَّم قفزاً...أنت لاتريد فقدان الجسد الضخم كما أنك تستمع إلى (عم كرار) وتبتسم ...وتستمر فى القفز ...تُخطىء قدمك عتبة السُلّم ..لم تجد القدم الأخرى العتبة المقصودة ...تهوى من ذلك العُلُوْ ..تتدحرج إلى الأسفل ...تبدأ الآلام فى زيارة أعضائك كلها ..عند وصولك إلى العتبة الأخيرة كان رأسك يتوسدها ...تحس لُزوجة الدماء على أذنك التى كان يهمس داخلها (عم كرار) وتسيل نحو عيونك التى كانت وقتها ترى الصدر العظيم وهو يعلو ويهبط.
*********************************************************************************************************************************************************************
أها دا كيف ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
كفيت ووفيت يا كوتش
===================
طارق ود جبرين عامل ليه معركة إسفيرية
مع أصحابه وحبايبو ناس الزقلازيق على الفيس بوك
شئ بصل وشئ بامية وناس ببيعوا ليهم لبن وسبح
شاغال فتشبه ساكت في كل الناس رجال وحريم
لكن بصراحة خلى الجو هناك ساخن وقام نجم فتشب طارق جبرين
والله إلا الشمتانين كانوا كتار خالص والضحك
وما زالت الحرب مدورة وفي إنتظار فتح جبهة هنا
علشان تولع !!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
يا حبيب انت كده مالحقت البطل والبطلة .. امات طه ...
يعني هسع عصااااااااااام ... ما ح يستمتع بقروش ... البقرة دي ...
نص ممتع ... ياخ ...
الحبكة جميلة ... وفك خيوطها زي اكل " كاس الجلي" كل ماتقول عرفت الحاصل ... تنفلت فكرتك وتظهر فكرة جديدة ...
وهكذا تكون في حالة "الرجفان في الافكار" لاآخر حرف في النص ....
رهيب ... ياكوتش ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام
لكن عصام ماراح فيها وفعلا نفس عصام سودت عصام وبارك الله في امرء ياكل من عرق جبينه
عرق الجبين صحي كمان بتعرق بطلع كل السموم وتتواصل مع الناس في العمل يااخ العمل عباده
لان فن التعامل مع الناس عباده والدين المعامله. واكيد عصام مات من يوم قبل الذل والمهانه مقابل الراحات.
قصدت كم مره اجيكم فاضي عشان بوستيكم كمان فاضي في ايام الخميس والجمعه والسبت
المهم مزنوق زنقه شديده وكنت مشغول الايام الفاتت والي الان مع البحث النهائي للشكولاته والمحاسبه
الان خلصت الشكولاته بحثا وعملا وخرجت باول انتاج من نوعه في عالم الشكولاته
النوع الاول لبنه(قشطه) مع الهبهان والقهوه التنزانيه( كلمنجارو) محشيه في الشكولاته االسوداء
النوع الثاني قشطه مع القونقوليز والكبتشينو محشيه في الشكولاته الحليب
النوع الثالث قشطه مع جبنة الغنم والعسل (دي نصف الحشوه) فوها قطعه صغيره تين والنصف الثاني من الحشوه
عباره عن الكرميلا( سكر+جلكوز يكرمل + قشطه مع الشكولاته السوداء)
بحاول انزل الصور
العندو رغبه يرسل عنوانه
[email protected]
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
مساكم الله بالخير
يا كوتش قصة عصام دي المره الكم......
لكن برضو تستحق أت تطل علينا من حين لآخر ....
يا سلام يا نملوز على الابتكار في الحشوات....
رغم الدايت الصارم أغريتني اغراء شديد و خليتني أفكر أجي أصيف معاك......
..
..
..
و ان عدتم عدنا.............
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
يقول مارتن لوثر : لا يستطيع أحدٌ ركوب ظهرك ,, إلا إذا كُنتَ منحنيًا
لا تجادل الأحمق ,, فقد يخطيء الناس في التفريق بينكما
أن تكون فردًا في جماعة الأسود ,, خيرٌ لكَ من أن تكون قائدًا للنعاج ,
عظَمة عقلكَ تُخلق لكَ الحساد .. وعظَمة قلبُك تخلق لك الأصدقاء
يقول بلال بن سعد رضي الله عنه : لا تنظر إلى صغر الخطيئة .. و لكن أُنظر إلى عظم من عصيت
يوم العدل على الظالم .. أشد من يوم الجور على المظلوم
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
يا نملوز ...
احيك على صمودك ...
وثمرة اجتهادك ... واضحة ...
غايتو طمنا على النتيجة ...
وبالنسبة لمنتجاتك ... الصور 100%
والطعم ... ح نرسل رشيد القوم عشان "يضوق" ويدينا النتيجة
ياخ والله انت نموذج يقتدي به ... وشرف للزقازيقاب في الصمود ...
====================================
الكوتش كب النص ... وكب الزوقة ...
====================================
أبو عمر ... ولدنا الحكيم أحمد اسماعيل ...
حكم اليوم كل واحدة ... احكم من التانية ..
وكل حكمة محتاجة ... لحصة ...
وزيدنا لنزيد الدعاء لك .... تسلم ....
===================================
ياشباب ماعندكم تلفون للنضيف ....
سؤال للمرة 514 ... الكلام ليك يا المنطط عينيك ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلامات يا حلوين
Quote: يا كوتش قصة عصام دي المره الكم......
لكن برضو تستحق أت تطل علينا من حين لآخر .... |
ما سمعت بى إعادة التدوير؟؟
Quote: ياشباب ماعندكم تلفون للنضيف ....
سؤال للمرة 514 ... الكلام ليك يا المنطط عينيك .... |
ممكن تضرب فى تلفون السعودية . بضمن ليك إنو يرد عليك.
| Quote: الكوتش كب النص ... وكب الزوقة ... |
اليومين ديل عندى امتحانات شوكولاتة.بفتش لى فى عسل غنم وقضيم .
داير أنافس نملوز ....
| Quote: لا تجادل الأحمق ,, فقد يخطيء الناس في التفريق بينكما |
فى السِّلِكْ.
************************************************************************
ممكن نَكُبْ الزوغة بعد كده؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
صباح الخير ،،، يا وجوه الخير
صباح الخير ،،، زقازيق الخير
خاطرة اليوم :
مضى رجب يا صاحب القلب الذهب
وكل شعبان وأنت كسبان
وكل رمضان وأنت في رحمة وغفران
ربي ينور قلوبكم بالقرآن
ويجعلني بكم في ظل الرحمن
ويتمم لكم شعبان ويبلغكم عتق رمضان
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
تعقدت كثيراً لضياع كثير من مداخلاتي
أول كانت لي مداخلة ولم أجدها
قبل أيام زرت مربع كاي لدي العزيز رشيد القوم
بعد طول غياب وعجبني ما كُتب وكان له دور كبير
في تحريك كثير من المشاعر وكتب كلام جميل ولأنه بإحاسيس صادقة
فكنت أشعر بأنه جميل ورد جميل للعزيز الرشيد ولكن في اليوم الثاني
بحثت عنها في كل مكان فلم أجدها ولا أعلم في اي موقع ذهبت
يا ناس مربع كاي مداخلتي الحلوه دي ما وقعت في عينكم !!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سلام
قبل كم سنه في هولندا في جلسة جميله( جلسه ماقعده) مع د. احسان الفلسطيني( طبيب اسنان)
والشقيقان محمد وكمال. دار النقاش حول المستقبل والمعيشه. كنت مصر على انه اي شخص
يمكن ان يبتكر سلعه يجني من ورئها الملايين. وكنت مركز على الطعم والمذاق.
وها انا بعد هذا السنين احبو في الطريق. شكرا للتشجيع.
يارشيد في انتظارك بالجو الجميل والطعم اللذيذ
ابوعمار عليك الامان الشكولاته شكل وطعم .
ياكوتش كل المنتجات السودانيه والافريقيه قيد البحث بما فيها القضيم والدوم والنبق
وحتى لب التسالي، والعجب تمر بلدنا يطلع منو شكولاته بطعم الشربوت
شوكلاته حلال. ومنتجات لناس ادروب بطعم القرفه والبن والزليخ. ولناس غربنا بطعم القونقوليز والصمغ العربي والكول
ولجنوبنا بطعم الكجيك والكجومورو ولناس رفاعه بطعم لبن الابل تقول لي قضيم بس
ابوعمر يااخي النعاج دي فوائدها كبيره وحتى النعجه ذكرت في القرآن اما السباع ماذكرت بالخير في القران
مااكل السبع
ياريس ربنا يجيب دعواتك
برضو وين عبد الدائم ومحمد عيد ومبارك جادين وود المهدي ووين المهدي ذاتو
| |
|
|
|
|
|
|
|
|
|
Re: عزتي .... ارجوكم الدعاء لاخي الاكبر (Re: ياسر نجيلة)
|
لحين وصول .... الخميس ...
واحد مسطول بلف في سيجارة وقت آذان العشا ..
اولاده قامو طوالي يتوضو عشان يلحقو الصلاة في المسجد ..
وجدهم (أبو المسطول) قاعد في العنقريب بتفرج في المنظر ده ...
قام الجد قال لولده المسطول : عليك الله ما بتخجل اولادك
بتوضو ماشين الجامع ، وانت قاعد تلف ليك في سجارة السجم ده ...
رد المسطول : بالله عليك الله شوف الفرق بين تربتي وتربتك ...
.........
| |
|
|
|
|
|
|
|
|
|
Re: عزتي .... ارجوكم الدعاء لاخي الاكبر (Re: ميسرة سيد أحمد)
|
صبحكم الله بالخير
نسأل الله العلي القدير أن يشفي شقيق الأخ و الصديق السهيلي....
و أن يطمئنهم عليه.... قادر يا كريم............
يا عمر الفيديو يعجب و يفرح كمان......
يعجب للمادة الفيهو...مادة قيمة و مفيدة....
و لو أنني تمنيت أن تكون من مكان آخر غير السلام روتانا....
حتى تكون للجميع و ليس للذين يستطيعون الدخول الى السلام روتانا فقط.....
لتعم الفائدة قطاع أكبر من الشباب.....
و مفرحة لأننا نملك شباب و شابات لهم قدرة هذه الفتاة.....
هذا هو فعلا الشباب الذي يمكن أن يعول عليه في صناعة المستقبل الجديد....
..
..
..
فقط أريد أن أقول اننا في سعينا نحو مستقبل أفضل يجب أن نكون (نحن) ....
سودانيون الهوى و الهوية و أن لا نقلد أحدا...
سودانيون في أخلاقنا ...
سودانيون في ملبسنا....
سودانيون في كل شيء....
تميزنا في كل أنحاء الدنيا و كسبنا احترام ألاخرين بكوننا سودانيون ....
و ليتنا نكون أكثر تميز مستقبلا و نحن مستمسكين بسودانيتنا....
| |
|
|
|
|
|
|
|
|
|
Re: عزتي .... ارجوكم الدعاء لاخي الاكبر (Re: الرشيد بابكر)
|
ببالغ الحزن والاسى ننعي اليكم وفاة أخ السهيلي مجذوب بعد صراع مرير مع المرض ...
لا حول ولا قوة إلا بالله
اللهم أرحمه وأغفر له وأجعل الجنة مثواه
اللهم أكرم نزله ووسع مدخله وأغسله بالماء والثلج والبرد
ونقه من الذنوب والخطايا كما ينقي الثوب الأبيض من الدنس
والتعازي موصوله للأخ السهيلي مجذوب ولكل أفراد الأسرة الكريمة
إنا لله وإنا إليه راجعون
| |
|
|
|
|
|
|
|
|
|
Re: عزتي .... ارجوكم الدعاء لاخي الاكبر (Re: ياسر نجيلة)
|
ربنا يرحمه ويغفر ليه
وغريبه هذه الالهامات البتحصل. السهيلي من الشخصيات النادره التي قابلتها في حياتي
من ادب وذوق وفهم وقابلت في سنة 95 تقريبا اسرته( شقيقته الدكتوره وشقيقه) في شقتهم
العامره في صنعاء. وطول هذه الفتره قابلت السهيلي خلالها مرات قليله اما شقيقه لم اقابله
مره اخري. قبل اقل من اسبوع شايف السهيلي وشقيقه في اكثر من رؤيه . الله يرحمه
ويسكنه فسيح جناته. وينفع البشريه بعلمه ودعواتنا نحن اهله.
التعازي لكل اهل السهيلي وانا لله وانا اليه راجعون
| |
|
|
|
|
|
|
| |
منصور عبد الرازق
عمر نملة
ميسرة سيد أحمد
الرشيد بابكر
ياسر نجيلة
محمد صديق
أحمد إسماعيل
طارق جبريل
جلال عثمان
Elsuhaili Magzoub
فيس بوك
تويتر
انستقرام
يوتيوب
بنتيريست