|
|
 Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
Quote: دا شنو دا ياشباب
الواحد حاسي كدة زي التقول شالوا العدة ....
احسن ذاتو عشان نسكن هنا
|
يا جلجل الجاتك في وش كتابك..و لا كتاب وشك سامحتك...
أعمل ليك حساب تاني بي ايميل تاني...صعبة دي...
Quote: اسرع هدف ...
تلاتة نقلات سريعات ... ومدقنات ...
والرابعة في الشبكة ...
|
نويت من البداية أن أتخلص من كل تعصب أعمى في المباراة دي....
و أن أتابعها بعين العايز يستمتع بي كورة جميلة...
اكتشفت فجأة اني لا أملك قناة السودان في أي من الرسيفرات العندي...
و ذلك بعد أن بدأت المبارة فحولت الى الراديو..
أخذت أبحث في النت عن ترددات قناة السودان...
أحضرت كمبيوتري و فتحت اذاعة أم درمان حتى يتسنى لي اعادة البحث عن السودان...
12169 أفقي على النايل سات...أضبط غير حول...أعمل سيرش...
هجمة شرسة في الاذاعة ...زي ما قال ولدنا نجيلة بالظبط....
Quote: معز محجوب ... لعمر بخيت ... لسادومبا .... وبشة من لمسة واحدة ... في الشبكة
|
جات معاي قناة السودان في التلفزيون مع قون الهلال...
لقيت الجماعة ملمومين في بشة و مبسوطين بسطة ما بعدها بسطة...
مع رجعة القناة للتلفزيون طوالي رجعت لي عصبيتي الهلالية و فرحت...
أتاري تعهدداتي الأولى دي كانت بسبب الاذاعة...
لكن برضو وأرجع و أقول و بامانة أن المريخ كان الأحسن من حيث المظهر...
استلام.. تمرير..احتفاظ بالكورة...
كان يعيبه العصبية التي تمثلت في التمريرات الطويلة للكرة...
و البطء الشديد لخط هجومه الذي سهل مهمة دفاع الهلال....
أما الهلال فواضح أنه لا يستطيع اللعب بدون هيثم مصطفى...
رغم انني كنت أتمنى أن يثبت غير ذلك...
| |
 
|
|
|
|
|
|
|
 Re: ناس الزقازيق ... أجدع ناس (4) .. (Re: الرشيد بابكر)
|
صباح ا لخير ،،، يا وجوه الخير
دعاء الصباح :
اللهم إني أعوذُ بك من الفقر
والقلة، والذلة، وأعوذُ بك
من أن أطلم أو أُظلم
آمين
===================
جلال عثمان ده دخل من وين
يا خي أنزل المبارة دي هلال مريخ
وبرشلونه ما لاعب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الأب المثالي - منقول
في ذلك المساء لم ينم جاكسون الأب
تقلب كثيراً في فراشه ، وأخيراً قرر ان ينزل من الدور العلوي
وتسلل إلى طاولة المطبخ وهو يحمل معه قلمه البسيط الجميل
وبضع أوراق بيضاء ، وبدأ يكتب إرشاداته لابنه آدم:
انتبه ،، لا تفعل ،،، احذر ،، لا تنس،،، أياك أن ....
والأرواق المعدودة صارت عشرات الأوراق ، وبدأ يعجبه ما يكتبه لابنه
بعد فترة اطلع على أرواقه الأقارب والأصدقاء وراق لهم كثيراً ما كتبه
وأستمر بكتابة إرشاداته وصار يرسلها - لاحقاً - إلى آدم في الجامعة
في ذلك المساء القلق ، والحزين لذهاب آدم ، كان يظن هذا الأب اللطيف
أنه سيكتب ثلاث أوراق تحتوي على عدة نصائح وإرشادات ، الأوراق صارت مئات
والإرشادات وصلت إلى 1560 إرشاداً ونصيحة ووصية ، وكانت النتيجة كتاب من
أكثر الكتب مبيعاً على مستوى العالم ، وترجم إلى 28 لغة ودخل قائمة النيويورك
تايمز كأفضل الكتب مبيعاً لعدة سنوات.
بعض مما كتبه جاكسون بروان لابنه آدم:-
- توكل على الله ولكن أغلق الباب جيداً
- اختر رفيقة حياتك بعناية وحرص فهذا القرار سيشكل 90% من سعادتك أو بؤسك
- أقلب أعداءك لأصدقاء بفعل شيء جميل ومفاجئ لهم
- أهد حماتك ورداً في عيد ميلاد زوجتك
- أحذر من عروض البنوك مهما كانت مغرية
- كن شجاعاً ، و إن لم تكن كذلك ، فتظاهر ، فلن يلاحظ أحد الفرق
- لا تصدق كل ما تسمع ولا تنفق كل ما تملك ولا تنم قدر ما ترغب
- حين تصادف كتاباً جيداً اشتره حتى لو لم تقرأه
- تعلم كيف تستمع فالفرص الخفية تحتاج لإذن قوية
- لا تجادل شرطياً أبداً
- لا تفقد أعصابك ، أو ثقتك بنفسك ، أو مفاتيح سيارتك
- فاجئ صديقاً قديماً باتصال مباغت
- حين تشتري عقاراً ، انتبه لثلاثة شروط مهمة : الموقع ثم الموقع ثم الموقع
- أكتب (10) أشياء تريد إنجازها في حياتك ثم ضع الورقة في محفظتك
- أرسل لزوجتك باقة ورد ،،، ثم فكر بالسبب لاحقاً
- لا تشارك رجلاً فاشلاً ثلاث مرات
- اشرب ثمانية أكواب من الماء يومياً
- قيم الناس بما في قلوبهم من خير ، لا بما في جيوبهم من مال
- عش في حدود قدراتك
- اطلب علاوة عندما تشعر انك تستحقها
- لا تضيع وقتك في تعلم (حيل المهنة) بدلاً عن ذلك تعمل المهنة ذاتها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلام عليكم يا حلوين..
تام الشفاء لاخونا علاء الدين.. ربنا يقومو بالسلامه إن شاء الله..
رحم الله العم سيداحمد وغفر له ورزقه الجنه..
طبعاً شفت الصفحه 63.. قلت ركبتو ليكم جنحين..
لقيت زايدينكم عشرين..
شغلنا عنكم أخونا الفيس..
خلوا الغتاته وشاركوا بهناك كمان..
في ناس حلوين كتار ونشيطين وما بيقدروا يشاركوا هنا..
أدوهم حقهم بالله..
قبل يومين كان عيد زواجنا التمنتاشر..
الدومينيكانيه المهضربه كالعاده ما جايبه خبر.. غالبها ليكم 0/18
ومهزومه بنفس النتيجه في عيد ميلادي وحتى عيد ميلادها..
طبعاً بعد ما أذكّرها بتحس بالذنب وبتبقى اكسترا نايس..
لكن ما بتنسى حق البنات نهائي..
خشينا المرحله الحرجه مع البت ساره رخصه السواقه..
القانون هنا اجباري استخراج رخصه تعليم بعد عمر ستاشر سنه..
والرخصه بعد استكمال مدرسه القياده نظري وعملي..
ومدرسه القياده ما بتقدر تخشها الا بعد 45 ساعه سواقه مع أحد الوالدين..
والمدرسه ما بتديك الشهاده الا بعد تحضر محاضره ساعتين بحضور أحد الوالدين..
بعد دا كلو.. ما ممكن استخراج الرخصه ما لم تمر 9 شهور من استخراج رخصه التعليم..
شفتو النظام كيف.. يحليل سودانا..
قلت لي خفت تركب الأسانسير؟
محمد عيد لسه في حداد؟
ما داير أخش في هلال مريخ.. لانو ماليش في الكوره..
النضيف شداني تلفون من صباح الرحمن .. قلقلني من نومي..
الرجاء مراعاه فروق التوقيت..
جلال.. جيب سفه..
نشوفكم بهناك..
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
قالها: يا حنان ريدك ماني ناكرو وقليبي دة كتلان وراك... دحين دبريني أسوي شنو
قالتلو: يا أحمد انا ذاتي فتِر من ريدك.. اهلي مزانقني وما خليتلي حجي ما قلتها
قالها: نان يا حنان أسوي شنو في كوم اللحم دة.. عاد أرميهم وأفوت.. آآآآبقدر.. آآآبيبقى يا نور عيني
قالتلو: ماك راجلا بيرميلو لحما وراء ضهرو.. وماك قادر تسويهن اللتنين... دحين الله يعدلك خطوتك
وأنا تراني قاعدي هني منتظراك وإن جارطوني، ياني المعرسي.. ومبروك علي العريس لحما من غير روح
بعدك آآآبريدلي زول وحرمان علي قلبي راجلا بلاك..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
| Quote: قلت لي خفت تركب الأسانسير؟ |
آآآآآآآي....
بخصوص الفيس بوك...
عن نفسي صعب أكون فاتح الفيس بوك في المكتب...
بينما هي مداخلة واحدة صباحية في سودانيز أون لاين...
و ربما تزيد بواحدة أخرى و لكن على فترات متباعدة...
يشرفني جدا أن ألتقي بالزقازيقاب بالفيس بوك..
| Quote: لايك لمداخلة حاتم جبارة |
أنا ذاتي لايك....
Quote: نان يا حنان أسوي شنو في كوم اللحم دة
ماك راجلا بيرميلو لحما وراء ضهرو
ومبروك علي العريس لحما من غير روح
|
مائة عام من اللحمة...
جبريلا غارسيا ماركيز....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صباحات ...
الأمل والتفاؤل ...
وصباحات كلها خير ...
وصايا الاب جاكسون للابن آدم ...
مختصر مفيد ... لمن يعمل به ...
وثقافي رهيب ... لم يتطلع عليه ...
نصيحة للآباء قبل الأبناء ...
تشكر ياريس ميسرة ...
حجزنا نسختنا ...
===================
ود جبارة الله يعينك ... في التربية ... ونيل البنات لرخصة القيادة
ويا بخت البناسبك يا حاتم ...
الام البتنسي اعياد الميلاد ...
اكيد ماعندها شغلة ... بالمهر والشيلة ...
اوع بعدين تعمل لينا فيها سوداني ...
وقبل ماننسي ...
ألف مبروك عيد زواجكم الـــ 18
بالله تميتو 18 سنة ...
يعني الصلعة دي ماجات من ساهل ...
==========================
ود جبرين ...
اها قمت تحرض على ... زواج الاتنين ... والتعددية ...
بعدبن البنيه ديل مطرطشة ...
مالا ومال ... راجل المرا ... وكمان عندو اولاد ...
حبا ها برص ... وعشرة خرس ....http://www.alwatanvoice.com/arabic/news/2012/04/13/269819.html
الشباب مالين الشارع .... انا بعرس ليها بدل الواحد ألف ...
طبعا الرد من خشم ..... ام أحمد ...
===============================
رشيد القوم ... ياخي بالغت ...
معقول ولا قناة سودانية ...
والله حرام عليك ...
ياخي انا يوميا لازم امر على الثلاثي المرح ...
الشروق ... النيل الازرق ... والسودان الام ...
اغتربنا اي نعم ...
بس ارجو ان لا نغرب ... مشاعرنا ...
اها رايك شنو انا امس جبت اولادي كلهم ... حتي فارس الصغير ...
وفتحت قناة السودان ...
فيهو التلاتة الدجالين ديلك ...
مقدم البرنامج بتاع ساحات الفداء ... وواحد ممثل الجيش ... والآخر ممثل للدفاع الشعبي ...
واي واحد انضف من التاني ... وعلامات الراحة والدعه بادية على وجوههم ...
هم يتكلو ... والبحاربو ويموتو اهلنا الغبش ....
ومجبرا قعدت اشرح ليهم ...
حتي يتعرفو ... ولو القليل عن طبيعة بلدنا ...
وكيف تدار الامور ...
مع شرح وافي للحاصل ...
عشان بعدين نحنا برضو سودانيين ...
والخلاف مع نظام الحكم ... لايعني الانفصال عن الواقع ....
ونحنا عارفين ... سياستنا شينه ... وكورتنا اكثر بشاعة ...
بس برضو ... بنحبها ....
بعدين ياخوي ...
لما نعمل لينا تأشيرة لبلاد المهجر ... ممكن ماذكرته يكون منطقي ...
لكن طول مانحنا في الخليج ...
طال الزمن او قل ... لابد ان نرجع السودان ...
خلينا ماننفصل ... او نفصل اولادنا عن واقعنا ...
===============================
نشكر كل واسانا في مرض اخونا علاء ....
عن طريق البوست أو الاتصال الهاتفي ... او حتي الدعاء سرا
علاء مقبل على علاج حساس جدا ...
محتاج لدعواتكم ....
ان شاء الله ماتشوفو شر ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: رشيد القوم ... ياخي بالغت ...
معقول ولا قناة سودانية ...
والله حرام عليك ...
ياخي انا يوميا لازم امر على الثلاثي المرح ...
الشروق ... النيل الازرق ... والسودان الام ...
|
النيل الأزرق حاضرة بقوة يا نجيلة...
أولادي حافظين حتى عثمان سيد الدكان...
الشروق أحيانا...
كانت أتابع ريحة البن في زول...كان برنامج جميل...
راحت زول و ضاع البرنامج...
أما تلفزيون السودان...
مرات لما أكون فرحان أكتر من اللازم بخفف بيهو شوية...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
الليلة عثمان سيد الدكان ما فتح لينا من الصباح
على البوست ولكن يفتح في الفيس بوك رحنا عملنا جوله
وعدنا سالمين غانمين ،،، ونقلت ليكم شعر من أشعار
شاعر الزقازيق حسين شينغراي
خلاص إنقلب المجن
كلمات: حسين شنقراي
يا الضايقيين حلوها
مرها تضوقو
لا تهدوا يوم
لا ساعة إنتو ترقو
ناهبين البلد
وشلتو من شروقو
بقي كوم تراب
وأصبحتو قاعدين فوقو
خلاص أرعد عليكم
ولامعة ياخي بروقو
الله ينشف عروقكم
يا النشفتوا إنتو عروقو
ماليكم عليهو حقوق
كم ضيعتوا منو حقوقو
-----------
كان حدادي مدادي
وكنا بنموت بي شوقو
ضاع الدوام مزهر
والسلام محلق فوقو
جيتوهو زي أقدار
وسعتوا إنتو شقوقو
رعاكم تقول أولادو
وجزاكم ليهو ياما عقوقو
هدًمتو حتحتو بعتو
في ديوان النخاسة وسوقو
خلاص إنقلب المجن
يلا أصحوا وفوقو
جننتونا وجننتوا البلد
لامن طلع طايوقو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: مرات لما أكون فرحان أكتر من اللازم بخفف بيهو شوية... |
تعرف يا رشيد القوم ...
زمااااااان لما كنت صغير ... قبل ماادخل المدرسة ...
اذكر هذا الموقف كأنه حصل لي بالأمس ...
كنت راجع من الخرطوم لسنجة مع ابوي ... ببص الخواجة الأحمر ...
وفي الكاملين محطة الفطار المعهودة ...
ابوي فتح لي الساندوتيش ... وجاب لي قزازة ببسي بااااااااااااااردة ...
وحزرني من حاجتين ...
ان لااشرب الببسي إلا بعد ما اكمل الساندوتيش ..
والتانية ... ان اخلي بالي شديد على شنطة السامسونايت بتاعتو التي وضعها على الرف اعلي رأسي ...
وبربع تركيز أو تركيز طشاش او رهاب ... زي الجا زول وسرق الشنطة ...
وكان كل تركيزي ان اكمل الساندوتش ... عشان اشرب الببسي حسب الوصية ... المشددة ...
ويادووووب ما اخدت ... جغمة واحدة بس من الزجاجة ...
جا ابوي ...
اها ياياسر اخبارك شنو ...
وقبل مايكمل السؤال عاين ... لقي الشنطة مافي ...
الشنطة وين ... اخدا منو .... مشي بي وين ...
وكل ناس البص ... والمطعم تجمعو ...
ولكن هيهات .... لم يكن هناك اثر ...للشنطة او الشالا ....
ابوي من زعلو كاد ان يفتك بي ...لولا اولاد الحلال في البص اخدونو خلوني مع اسرة ...
وابو الاسرة قعد مع ابوي ....
اها المشوار كلو انا زعلاااااااااااان .... عشان ما كملت زجاجة الببسي ...
ولي هسع ....
وبالتالي ياخوي تلفزيون السودان ...
شاهد صريح على سرقتنا ...
زي الحرامي ...
كل من طل عليك في الشاشة ...
فهو حرامي ...
حرامي مشاعر ...
أو حرامي مناصب ...
أو حرامي قروش ...
أو حرامي وطن عديل كده ...
والادله قدامنا ... يقدموها لينا كل يوم ...
وكلنا متأكدين من كده ...
بس صدقني بالا في قزازة الببسي ...
نقلب بكل برود لمشاهدة سهرة كاربة ... او كورة عالمية ...
والبحصل في بلدنا كانو مابخصنا ...
=============================
هجليج ....
بلدنا ... وجزء من وطنا ...
اعتدت عليها دولة مجاورة ...
الجنوبيين صارو دولة جوار ... بعد ان اختاروا الانفصال ...
وحكومتنا زاتا .... عاجزين عن تغيرها ...
ولكن نحارم مع منو ... ضد منو ...
مع الحكومية العاوزين نغيرها ....
ولا مع الجنوب عشان نغيير الحكومة ... وعلى أمل نرجع جنوبنا تاني ...
ولا نواصل دور المتفرج ...
وسودانا يتقطع اجزاء امام اعيننا ...
ونحنا قاعدين بالا في الببسي ....
ودمتم ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
دولة الجنوب إحتلت هجليج هذه حقيقة
كُرهنا للإنقاذ لن يحرمنا حب الوطن
ضياع الفشقة وحلايب غير مبرر لضياعات أخرى
كل ما يحدث في هجيج يصب في رأس المواطن السوداني البسيط
من قتل ، دمار ، تهجير ، غلاء في المعيشة ، صفوف بنزين ، إرتفاع سعر الدولار
سقوط في كل شئ!!!!!!!!!!!!!
إحتلال هجليج غير مبرر وغير قانوني حسب إتفاق نفاشا المشؤوم
الخروج الآمن من هجليج لقوات دولة الجنوب وبدون شروط مسبقة هو الحل وإلا
فإن الدمار سوف يستمر ، ولن نقبل؟؟؟؟؟؟؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
و الله يا نجيلة عجبتني قصة ساندوتش الجبنة وقزازة البيبسي...
و الشنطة السامسونايت...
من ناحية رجعتني لي زمن جميل و من ناحية كانت مقاربة جيدة...
و قلت ان كانت البلد هي السامسونايت و الحرامي المجهول معلوم...
و سندوتش الجبنة هو الماضي الجميل باعتبار انك أكلتو كلو...
و قزازة البيبسي هي الآمال و الطموحات العراض...
و بص الخواجة الأحمر هو الزمن...
ومن ده كلو وصلت لحقيقتين...
الأولى انك كان ما دفعتنا بتكون قريب مننا...
ان الأبرياء دائما ما يدفعون الثمن...
حتى تأويهم دولة مجاورة فينجون...
ان المقدمات لما حصدناه و نحصده من نتائج كثيرة جدا...
لن أقول كما يقول كل السودانيون...يبرأون أنفسهم و يتهمون الآخرون..
بل أقول لقد كنت مساهما بعلم أو غير علم فيما يحدث الآن...
مثلما ساهم الآخرون بدورهم فيما يحدث...
الحل...
في أن نجعل الوطن أولا و الوطن أخيرا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
ازيكم يا جماعة
ومالو كان الساعة بقت تلاتة الا تلت
متأخر ؟؟ اى نعم , بس مش اخير من عدم الجية
انا ما عارف الشغل ده كتر مرة واحدة كده ليه
يمين صفحة الزقازيق دى مفتوحة يمكن من الساعة اتناشر ونص
بس مفتوحة ساى لكن , عين تشوف وعين ما تشوف
ناس الرشيد الحرفا ديل , هسى يقولول لى , بتنزل فى مداخلة مصبوبة مسبقا
قلوبنا مع علاء يا ياياسر نجيلة , قلوبنا معاهو حقيقى
بعدين انتا ام احمد دى براااها قلبا مقطوع مع علاء الدين اخوها , تجى كمان توريها مداخلات حنان دى
بتاعة سبعة سنوات من اللحمة , الله يجازيك يا رش
اما الود حاتم جبارة , فابشره بأن احمد ولدى اخد الرخصة , بعد خمسين ساعة سواقة مع ابوهو
ومدرسة قيادة لمدة اسبوع
كدى بس زهير ما يجى يعمل لايك للمداخلة البايتة دى ؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ده كتير علينا يا ابوالزوز ...
اتنين لايك في صفحة واحدة ... وورا بعض ....
ان شاء الله ربنا مايجيب ... دس لايكنا .... ...
وعشان لايكنينك الاتنين ديل ... هات النكت دي ...
اهداء خاص لك ... والباقي يسد اضنينو ....
ان شاء الله كمان ياخدو ... لايك ...
بعد خمس سنوات من دراسة اللغة الانجليزية قال التلميذ لاستاذ ه: أشكرك على كل ما
فعلته من أجلي . فهل هناك شئ يمكنني أن أفعله من أجلك ؟
فقال الأستاذ : نعم .. لا تخبر أحداً أنني علمتك الانجليزية التي تتكلمها.
اتصلت الزوجة بالدكتور قائلة : الحقني يادكتور، زوجي لا يتحرك ولا يتنفس.
فقال الدكتور: يعني مات؟
قالت الزوجة : لا أعرف.. سألته إذا كان مات فلم يرد.
واحد سطلنجي صايم اتصل بقناة روتانا,
قالولوا : شو بتحب تسمع ,
قال : مقاطع من آذان المغرب
مرة واحد بيعدي الشارع مع اصحابه خبطته عربية مات....
اختارو واحد منهم عشان يقول لمراته الخبر ...
فراح لها ... فتحت له الباب ...
قال لها: "جوزك ضيع كل فلوسه ع القمار" قالت له: "إلهي ينشل البعيييد!"
قال لها: "و باع البيت" قالت له: "إلهي يبيعوا عنيه!"
قال لها: "و اتجوز عليكي على فكرة" قال له: "إلهي يدخلوا عليا شايلينه"
الراجل قال: "بس..خشوا يا شباب..."
================================
غايتو يارشيد القوم ....
حللت القصة ... وفصلتها ...
ماخليت لي حاجة اقولا ....
ربنا ينصر ... سودانا ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
نجاوى صباحية:
اللهم أحمدك حمداً يليق
بجلال وجهك وعظيم سلطانك
وأسألك غيث جودك وواسع فضلك
فإنك تعطي من غير سؤال
وتجود بأجزل النوال
سبحانك يا الله
=======================
هلا ومرحب بالريس معتصم
البوست مشاق لكتاباتك ومداخلاتك
فلا تحرمنا من جياتك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
أول لمسة للكورة في مباريات كرة القدم بتكون هي مفتاح تألق اللاعب في المباراة...
لو استلم الكورة تمام و اتخلص من لاعب لاعبين تمام و باص تمام...
خلاص كده باقي المباراة بتكون تمام التمام...
عشان كده اللاعبين قبل المباراة و بعد التسخين تلقاهم بيحاولوا يلمس الكورة كتير...
عشان لما تبدأ المباراة يكون اتعود على كورة المباراة و ما تكون ليهو مفاجأة...
كمان لو كانت اللمسة الأولى ما تمام المباراة كلها بيكون فيها كعب...
المناسبة شنو...مش ده سؤالكم...
ما لازم يكون في مناسبة المهم يكون معمول بحب (دعاية سيقا)...دي عشان ياسر نجيلة يآمن...
أنا اليوم من ما قمت أشيل و أتلاعب بي كورة المباراة بتاعت الليلة...
قصدي يعني مداخلات اليوم يا جماعة...لا حولا انتو ماكلين فول و لا شنو...لازم نشرح يعني...
و أنا راكب في العربية كمان ضقيل شديد بالكورة...
جيت المكتب فتحت كمبيوتري..قلت أفتح ايميلي بتاع الشغل أول...
بعدين نمشي نشوف مباراة اليوم دي..
لكن مافي مشكلة..أنا جاااااهز...
و ما أن شرعت في بداية المباراة و اللمسة الأولى التي تحدد باقي لمساتي...
ظهر لي شغل بالكوم و الردوم...
قعدت أردد بي حرقة تأتي الرياح بما لا تشتهي السفن...
و طشت اللمسة الأولي و بدت لي و كأن المباراة ستضيع من بين يدي...
الدش ده كلو و المباراة حتضيع من بين يديك..حرام عليك...
أنا بتخيل أبو الزوز قاعد يقول كده...
لكن ده أبدا ما كان نويت كتابته..الحاجه الجهزتها راحت في غضب الله...
ده لعب بالخبرة ساااكت...
| Quote: وبعد السلام على الحلوين |
يعلم الله مشتهنك يا ريس...
و مشتاقيييين عدييييل كده...
| Quote: بالغت يا رشا ياخي اشد البوليغ |
يا جبريلا سامحنا ياخي...
بعر الفيل كان قوي شوية...
Quote: غايتو يارشيد القوم ....
حللت القصة ... وفصلتها ...
ماخليت لي حاجة اقولا ....
ربنا ينصر ... سودانا ...
|
آمين يا ياسر ياخي...
و شكرا على تلفونك الجميل ياخي...
لو سألتوني اجتهادي و تعبي ده كلو عشان شنو...
عشان ألقى لي لايك من زهير طبعا....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يارشيد القوم ...
انت دايما لياقتك ألف ...
وكورتك منظمة وفي السلك ...
وباصاتك ... متقنة ...
ولو لاك ... البوست بمشي السنتر ليغ ....
وكمان بتقلبا .....
======================
النضيف ...
يعني لازم تخلونا نكابس مع العيال في البيت ...
عشان نسمع .... مختاراتكم ...
عموما مشكور مقدما ...
وزوقك ... معروف .... يا ابوكرتونه .......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
حاجة سريعة بمناسبة الكورة ....
بدون لايك ...
أغرب مباراة في تاريخ كرة القدم هي التي جمعت مابين ( الأرسنال & سبارتاك موسكو ) على ملعب وايت هارت لين في بريطانيا عام 1925
حيث غطى الملعب ضباب كثيف جعل الرؤية شبه مستحيله ولكن حكم المباراة رفض المطالب بإيقافها بحجة أن الفريق الأخر جاء من روسيا للعب المباراة،،
وهنا تبدأ الغرائب حيث أن أحد لاعبي الأرسنال قد طرد من الملعب بسبب مشاجرته ولكنه عاد للعب دون أن يميزه الحكم بسبب الضباب الكثيف،، ...
الفريق الروسي أجرى تبديلا لأحد لاعبيه ولكن اللاعب المبدل لم يخرج من الملعب ۄ استمر في اللعب دون أن يعرف الحكم ذلك بسبب انعدام الرؤيه،
وبعد ذلك بدأ الشك يساور البعض بسبب كثرة لاعبي الفريق الروسي الذي أصبح يلعب پ 15 لاعب بدلا من 11
ولكن المشكله انه لم يكن أحد يستطيع الرؤيه جيدا لمعرفة عدد لاعبي الفريق الروسي ،
المشكله الحقيقيه وقعت عندما انطلق حارس الأرسنال للتصدي لأحدى الكرات فاصطدم بالقائم ۄ أغمى عليه لينزل أحد المشجعين ويحل مكانه.
.........
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: يارشيد القوم ...
انت دايما لياقتك ألف ...
وكورتك منظمة وفي السلك ...
وباصاتك ... متقنة ...
ولو لاك ... البوست بمشي السنتر ليغ ....
|
ياخي خلتيني أشعر اني أبراهيموفيتش عديل كده..
| Quote: المشكله الحقيقيه وقعت عندما انطلق حارس الأرسنال للتصدي لأحدى الكرات فاصطدم بالقائم ۄ أغمى عليه لينزل أحد المشجعين ويحل مكانه |
لايك شديد..........
فعلا مباراة تاريخية....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
واحلي لايك يا نجيلة علي النكات فعلا جديدة وحلوة وملعوبة ...
يا منص ما تبقي طماع ... اولاً خليك مواظب علي الحضور هنا عشان تستحق اللايك ...
بعدين معقولة أونسك في التلفون واجي اديك لايك هنا ... بنخاف عليك من زيادة
الضغط ....
اكيد المداخلة الجاية حا يكون فيها لايك بحجم عائلي ...
طبعاً في لايك دائم ومستديم لصديقي الرشيد ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
غايتو ياجلة ...
لو صورة ودجبرين الفاتت ... طفايات قاعة الصداقة ...
ديل بكونو ... علب كبري .... توتي ... ...
================================
يعني ياطارق جبرين ... قصدك شنو ...
نحنا ماصدقنا قلبنا الصفحة الفاتت ...
انت ماعارف جماعتنا ديل بكونو لحام معانا لما نتصفح البوست ده في البيت ...
دس لايك .... بشدة ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
يا جبريلا صفحة الرجلين دي ما خلاص قلبناها ياخي...
بعدين ياخي نحن فينا الحاجي جديد..مثال ليهم ياسر نجيلة...
و فينا المعتمر...محمد عيد و الريس ميسرة...
و فينا البخاف من ضلو...ديل أنا ممكن تدخلني فيهم...
و فينا المعمر...و ديل اختارهم بي مزاجك..بس أوعك تدخل الكوتش...
| Quote: ديل بكونو ... علب كبري .... توتي ... ... |
انت يا ياسر قاري تجارة و لا هندسة مدنية (عليك الله أعمل لي وشين خدر هنا)...
ان طق الزمن لازماك عمرة جديدة..
و بي أية تمن...
أنا قلت تعليق على الصورة دي في سري...
و قعدت أضحك لما قربت أتنفقل على ضهري...
لكن ما حأقولو ليكم الا تحنسوني شديد...
خايف أقولو تقومو تفهموني غلط...
أحسن أحتفظ بيهو لي نفسي...
الباب البجيك منو الريح...سدو و استريح...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الأسانسير كلاكيت تالت مرة
رن المنبه بشدة هذا الصباح لصلاة الصبح...
أغلقته و قمت بسرعة و توجهت الى الحمام...
لأني ساهرت حتى وقت متأخر كنت أشعر بنعاس شديد...
كنت أكثر من التثاؤب أثناء الوضوء و أثناء لبسي لجلابيتي من بعد ذلك...
كنت أتثائب طول الوقت و أنا خارج من المنزل و أنا واقف في انتظار الأسانسير...
أتي الأسانسير بسرعة شديدة فلا أحد يستدعيه في هذا الوقت المبكر...
دخلت و أنا ما زلت في حالة التثاؤب الشدديد...
كانت الاضاءة خافتة داخل الأساسنير..
اخترت ركنا قصيا و اتكلت على أحد الجنبات و أخذت أسبح و أتثائب...
داهمتني نوبة جديدة من التثاؤب و فتحت فمي حتى ظننته لن ينغلق...
في هذه الأثناء توقف الأساسنير على غير العادة في الطابق الثاني....
هم فلبيني بالدخول الى الأساسنير و يبدو أنه لم يلحظني و أنا في ركني القصي مع عتمة الأساسنير...
تقدم الى الداخل قليلا ثم فوجيء بي و كنت أنا في حالة تثاؤب...
أطلق صرخة و حاول الامساك بالباب ليفتحه و يخرج...
و لكني طمأنته بانجليزية يبدو أنها أقنعته بأنني شخصا عادي و ليس شيطانا أو سفاحا...
لا تخاف..لا تخاف...فأنا كنت أتثائب فقط...
فوقف بعيدا عني ينظر الي بطرف عينه و كنت أنظر اليه بكلتا عيني...
خشيت أن يصاب بنوبة قلبية لذلك حرصت أن أمنع نفسي من التثاؤب...
وصلنا الى الطابق الأرضي فأنطلق و هو ما زال ينظر الي بطرف عينه...
منحته وقتا كافيا حتى يبتعد ثم توجهت الى الجامع...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
لايك شديد لتعليق الرشيد السري .....
تعرف انا لو في محلك كان قلت للفلبيني ده وه بيديني كده ....
ياسر نجيلة ... ما عارف أتذكرت المثل البيقول النفيسه فيها والقليب مابيها ...
شايفك يا الرشيد ما صنفتني ولا ما حاسبني مع ناس البوست ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: أنا قلت تعليق على الصورة دي في سري...
و قعدت أضحك لما قربت أتنفقل على ضهري...
لكن ما حأقولو ليكم الا تحنسوني شديد ... |
اكيد يا رشيد القوم ...
مابيناتنا تحانيس ....
بس انا بذكرك قصة الاسانسير ... الفاتت
بتاعة الشامية ... مش الفلبيني ...
في واحد فينا جاب خبر ولا كلم ... نجاة حوفي .... وتيب ...
ماتخاف قول ساي .... سرك في خشم ودالزناتي ...
=============================
نفيسة شنو يازهير ...
ود جبرين ده انا زعلان منو عديل كده ...
مالو مارفع الصورة شوية كده ... زي الصورة الفاتت ......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote:
كنت أكثر من التثاؤب أثناء الوضوء و أثناء لبسي لجلابيتي من بعد ذلك...
كنت أتثائب طول الوقت و أنا خارج من المنزل و أنا واقف في انتظار الأسانسير
|
نفس الأسانسير , مش كده ولا انا غلطان
بما انك ما جاوبتنا على الأسئلة بتاعت الأسنانسير زاتو , لمن كانت فيهو الشامية
فتصرفنا المرة دى حا يكون مختلف
وبعدين دى صلاة الصبح , مش كده
لا , الوضع مختلف اختلاف توتالى يا معلم
كمان فى حاجة تانية بتعزز الأختلاف الجذرى ده
المرة الفاتت كنت مستعجل , ولبست هدومك كووولها مرة واحدة , بما يوحى انها كانت بنطلون وقميص
بنطلون وقميص , وانت مستعجل , معناتا ما فيها صلاة صبح
لكن المرة دى جلابية
وتثاؤب !!!
الموضوع بقى معقد شديد يا اخوانا
وكمان جابت ليها طارق جبريل , ومروس الصورة لى منص
منص منو يا زول ؟؟
عليك الله انا ده , طيب الأسانسير ما كال حماد
اقصد الرماد ركب الأسانسير
اقصد الطاهر حماد جاب قون فى المناقل
وفيصل العجب طردوهو من الأسانسير
لقوهو بتثاءب قالوا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote:
غايتو ياجلة ...
لو صورة ودجبرين الفاتت ... طفايات قاعة الصداقة ...
ديل بكونو ... علب كبري .... توتي ...
|
ود نجيلة .. يا عسل
كبرى توتى كبرى طاير ... يعنى بدون علب ..
ما عرفتك قاصد شنو ... ( وش برىء )
Quote:
أطلق صرخة و حاول الامساك بالباب ليفتحه و يخرج...
و لكني طمأنته بانجليزية يبدو أنها أقنعته بأنني شخصا عادي و ليس شيطانا أو سفاحا...
لا تخاف..لا تخاف...فأنا كنت أتثائب فقط...
|
أها الشامية وقلنا ما بنكلم بت حوفى ...
المرة دى ندسو من منو ؟؟!! ( وش خبيث ..!! )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
أحي منكم..حسه الواحد يرد عليكم كلكم كيف...
استعنا على الشقا بالله...
| Quote: شايفك يا الرشيد ما صنفتني ولا ما حاسبني مع ناس البوست .. |
و الله أكسر فيك تلجه لمن تآمن زاتو...
انت البوست ده بيبقى من غيرك يا أبو الزوز...
نحن الأيام الانت بتكون غايب فيهم ما قاعدين نحسبهم زاتو...
دي على وزن أغنية أم كلثوم أنت عمري...
عمر ضايع يحسبوه ازاي علي...
Quote: يا جماعة دي ما طريقة ياخ
اللهم أشفي الأخ علاء من سقمه
و تاني شنووووو؟؟؟؟؟
وبس
|
دي ياها رجالتك مع الرجال...
رجع الباسورد لي بكري كان دي ياها مداخلاتك...
| Quote: ماتخاف قول ساي .... سرك في خشم ودالزناتي ... |
اختيارك ما موفق يا نجيلة...
ما عشان أبو الزوز قوال حاشا لله ...
عشان الزول ده الشفافية كاتلاهو...
| Quote: جابتني صورة الرجلة دي |
المره الجايه بنخلي جبريلا ينزل ليك ملوخية يا حافظ..
نشوفك حتجي و لا ما حتجي...
Quote: لكن المرة دى جلابية
وتثاؤب !!!
|
برضو كنت عايز أعلق لكن اتحفظت...
فوضت محمد عيد نيابة عني يرد عليك...
Quote: أها الشامية وقلنا ما بنكلم بت حوفى ...
المرة دى ندسو من منو ؟؟!! ( وش خبيث ..!! )
|
أستر أخوك ساكت يا حمادة..
صدقة قليلة تمنع بلاوي كتيرة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
شكيتك على الله يا ود جبريل
ما تخليك حلو ورايق زى ريس ميسره وجورج
يعنى لو ما كنت فى المغرب؟؟؟؟؟؟
####
شكرا ريس ميسره على الاهدا الجميل
ورشيد القوم ادام الله التالق
ويا زهير نزل القزاز شويه انعل ابو الشرقيه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: ورشيد القوم ادام الله التالق
|
تسلم يا ريس..
أدام الله عليك الصحة و العافية...
و أدام طلتك البهية...
يا نجيلة البيان بالعمل...
يقولوا ليك علب تجيب ليهم الكبري كلو...
نتوقف لدعاء الصباح بصوت الريس ميسرة..
و على متابعيننا في الأقاليم مراعاة فروق التوقيت...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
أصبحنا واصبح الملك لله وحده،،،
دعاء الصباح الجميل والناس الحلوين
اللهم إني استغفرك من كل ذنب
نهيتني عنه فخالفته إليك
وحذرتني منه فأقمت عليه
وقبحته لي فزينته لي نفيسي الأمارة
فصل يا رب وسلم وبارك على سيدنا محمد
+++++++++++++++++++++++++++++
محمد معانا ما تغشانا
يا ربي جلا وين ، يا ريس معتصم
أدي الولد ده لكزه (ما لكزس)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
والله بوستيكم ده بلا الكوتش مسيخ مساخة .... (تلجاية صباحية)
يا رشدي والله الزول زمان كان بت حوفي دي فردته وكان ممكن يوصل ليها كل الشفافية بس رفعت القزاز
الظاهر عليها أشترت العربية أياها ... عشان كده سحبنا السفراء .... عشان أخد راحتك ... لكن بيني وبينك
لازم أشد ليك تلفون أعرف التعليق السري ... ياخي انا من أمبارح عندي حمي ومعاها برد كمان ...
وين ولدنا ياسر نجيلة بتاع الشقق ام دولارات ... ياخي انت زول مستفز يمين لو ما العشرة القديمة
كان يفرزونا بالتي شيرتات ... ياخي طمنا علي علاء .... ورشا ... تحياتي للحلوين ... طبعا التي شيرتات
دي ناس فيفتي سينت ديل ما عندهم معاها طريقة .....
يا ريس معقولة العين تعلو علي الحاجب ... ياخي أنت الخير كله يمين متابع أخبارك كلها ... ومطمن عليك
بس قلة أدب اولاد صغار مفروض أشد ليك تلفون نبدي فيهو فروض الولاء والطاعة ... لك العتبي حتي ترضي ...
بالمناسبة هنا مافي اي تلج ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: يا رشدي والله الزول زمان كان بت حوفي دي فردته وكان ممكن يوصل ليها كل الشفافية بس رفعت القزاز
الظاهر عليها أشترت العربية أياها ... عشان كده سحبنا السفراء .... عشان أخد راحتك ... لكن بيني وبينك
لازم أشد ليك تلفون أعرف التعليق السري ... ياخي انا من أمبارح عندي حمي ومعاها برد كمان ... |
يا أبو الزوز أطمنك لسه ما أشترت العربية أياها...
أولادي مرات بيدوني حجم أكبر كتير من حجمي لحدي ما أتكيف أنا ذاتي...
قالوا لي أعمل لي ماما مفاجأة و أشتري ليها عربية في عيد ميلادها الجاي...
و مشوا اختاروا ليهم أغلى عربية و اختاروا اللون و الفرش الداخلي...
أنا لحدي قريبات دي ما كنت بعرف غير الجيب الروسي و الفولغا الروسية و اللاندروفر...
بحكم النشأة في بابنوسة و المصنع الروسي و الفنيين الروس...
لما اشتريت أول عربية قربت أجي شايله في كتفي...
أما عن تعليقي السري فدي تلقاها عند الغافل يا أخوي...
مرات ست بيتي دي بتصرصر لي سااااكت بدون سبب...
أقول ليها فتحتي سودانيز أون لاين تقول لي لا...
فتحتي الفيس بوك..تقول لي لا...
أعرف انو القصة فيها جواسيس و عيون...
ناس تفك ليهم آخرك بالنهار يخونوك بالليل...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: وين ولدنا ياسر نجيلة بتاع الشقق ام دولارات ... ياخي انت زول مستفز يمين لو ما العشرة القديمة
كان يفرزونا بالتي شيرتات ... |
يا ابو الزوز ياخي ... مش بقينا ... رز بلبن ...
ودفعنا عربون ... كم نكتة ...
ياخي دولارات الشقق دي انساها ...
والله الوضع لو استمر على كده ...
الفول المدمس ببقي ...بالدولار ...
===============================
احلي نكتة ... بعد الاحداث الاخيرة ...
Quote: مرات ست بيتي دي بتصرصر لي سااااكت بدون سبب...
أقول ليها فتحتي سودانيز أون لاين تقول لي لا...
فتحتي الفيس بوك..تقول لي لا...
أعرف انو القصة فيها جواسيس و عيون...
ناس تفك ليهم آخرك بالنهار يخونوك بالليل... |
====================================
والنكتة الاحلي ...
سمعتها اول أمس ...
في التلفزيون القومي ... بعد عودة برنامج عرس الشهيد ... مبروك عليكم ...
وابشركم عرس الشيهبد ... بقي بالعود بس ... المرة دي احترمو عقولنا شويه ...
وقالها المجاهد وقائد كتيبة المعزين من المجاهدين بالفم الملان ...
وعلى الهواء مباشرة ...
"انا مستغرب من الناس المنتظرة ... الربيع العربي بالسودان ...
نحنا ربيعنا قام من 23 سنة ...
ثورة الانقاذ هي الربيع العربي الحقيقي ... والسباقة
وبقية الدول الآن تسير على نهجنا ....
وبنقلو في تجربتنا ...
آل منتظرين الفرج من .... آل
هنئاً لهم ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
معليش يا جماعة اللياقة تعبانة
و ذلك من جراء عتالة العفش
و لا تفوت على فطنة القارئ
إنو أنا رحلت البيت الجديد
و بقيت من أصحاب الملاك (يعني دوق وكدا)
و دا بعد مشقة و تعب
ما يجي نجيلة و يكب الحنك بتاع الدولارات هنا
العضة مؤجلة إلى حين
الظروفو ما مساعداهو يجي العضة
حنرسلو ليهو عضم
حددو إتجاهاتكم و عناوينكم
العدد المسموح به لا يزيد عن .... دقيقة أسأل بت الشيخ و أجي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: إنو أنا رحلت البيت الجديد
و بقيت من أصحاب الملاك (يعني دوق وكدا) |
ادينا الوصف ... والعنوان بالتفصيل ....
ولايخفي على فطنة القارئ ان الفلل التي اروج لها ...
قد نقصت فيلا ... واحدة ....
==================================
جلا ياخي مليون مبرووووووك
اخيرا زقازيقابي .... يمتلك منزلا في الزمن الصعب ...
وزهير الزناتي لسة بشاكل ... بالتي شيرت .......
اليوم ماملاحظين ان تداخلت اكتر من اللازم ....
طبعا فاضي شغلة ....
وما عندي كوتات يومية محددة للدخول ......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote:
Quote: شكرا ريس ميسره على الاهدا الجميل
على قول منصور
الخيــــــل تجقـلــــب و الشــكر للاسانســــــير ... |
Quote: هلا ومرحب بالريس معتصم
البوست مشاق لكتاباتك ومداخلاتك
فلا تحرمنا من جياتك |
والله يا النضيف حاسد حسادة شديدة خلاص
بشكيك لياسر نجيلة ،،
تحرمنا جياتك دي ما سمعتها من البلابل
يعني لازم تكون منى الخير هي منى يونس
وتيب.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: الظروفو ما مساعداهو يجي العضة
حنرسلو ليهو عضم
حددو إتجاهاتكم و عناوينكم
العدد المسموح به لا يزيد عن .... دقيقة أسأل بت الشيخ و أجي |
ألف مبروك يا حبيب
ولكن أنا عارفك بعد ما أخدت ليك مفراكتين
في رأس ما بترجع تاني
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
احداث هامة فى الصفحة خمسة وستين
* زهير الزناتى بقت لايكاتو من الحجم الأكس لارج
* فلل ياسر نجيلة نقصت واحدة , وجلا رحل لى بيت جديد , هسى عليكم الله ده مش ياهو ذااااتو الرابط السرى بتاع اسبيس توون
* الرشسد بابكر ساكن فى الأسانسير , والفلبينى قالوا لغاية هسى جارى
* نجاة حوفى ما عندها اى علاقة لا بالصفحة دى ولا بالقبلها , ومحمد عييد لا ضرب ليها تلفون ولا ضرب ليها تلفون
* تلجة فى الأول , وتلجة فى الأخير , سندوتش تلج عديييل يعلم الله
* معتصم سلمان جعفر شخصيا ؟؟!!!!!!!!!!
* ياسر نجيلة عمل خمسة مداخلات فى صفحة واحدة , حالتو صفحة من الصفحات الخلاقة بتاعت بكرى ام ما بعرف كم مداخلة ديك
* ميسرة سيد احمد ما براهو , حايكون معاهو منو يعنى ما منى يونس ولا منى الخير , غايتو عبد الدائم ده ؟؟!!!!
* البادى النور لسه رايح , لكن ولا شغالين بيهو الشغلة , معقولة بس المعز البادى مع بعض , كفاية علينا واحد
* بشة كييييييف ؟؟؟؟!!!
* هجليج احتلوها السودانيين الجنوبيين , انعل ابو البترول زااااتو
* وانا مالى ومال الدولار
* الحمد لله لا عندنا اسانسير ولا حاجة , بس عندنا فلبينيين , ولا لازم الأسانسير
* غايتو جلال ده !!!!
* هسى عليكم الله فاطنة ام مصطفى محمد عيد , ورجاء ام روعة نادر فاروق , وام محمد المصطفى موسى عيسى ديل ما بيستاهلوا ليهم فيلا من فلل ياسر نجيلة ديل ,
* هسى فى زول جاب سيرة ميار زهير الزناتى ؟؟؟يا ابتهاج ؟؟!!!!!
* امبارح ما لقيت ليكم زينب التيجانى فى الفيس بوك , بتكلم جد والله !!!
* حاج الركز وعفاف وكمال الشادى , حانقلع منكم باسويرداتكم دى كان ما اتصلحتوا معانا
اتفضلوا معايا سمك فرايد وسلطة اسود عليها دكوة سودانية , الواحد ما يتغدى معاكم يعنى ولا شنو ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: و بقيت من أصحاب الملاك (يعني دوق وكدا)
و دا بعد مشقة و تعب
|
يشقق اضنينك الكبار ديل...
ده كلام تجي تقولو هنا في البوست ده...
حسه لو بنات الشيخ قروا الكلام ده يقولو شنو...
جلا القاعد في السودان لا اغترب و لا يحزنون عمل ليهو بيت...
انت قاعد تعمل في شنو ليك أربعتاشر سنة...
غير ما عملت ليك كرش و .........مافي داعي...
المسنجر ده عملوهو لي شنو...
مبروك..من غير نفس....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
شكراً للجميع
قلنا ما دام ما عندنا عيد ميلاد يباركوهو لينا
و لغاية ما عمر يمتحن الشهادة
قلنا نجيب الحنك دا
بس فات على فطنتي إنو المسألة بتجيب ليها مساءلة
| Quote: مبروك..من غير نفس.... |
و الله دي مبروك بي شق الأنفس
و كمان مكيفاني للآخر
بالمناسبة الكوتش حا يرحل بيتو السنة الجاية
يعني بتكون مغلوب 15/ صفر
يا منص:
طارق جبريل قاعد يتكلم معاك
ولا منتظر الأصانصير!!!!!
عالم ج ب ان ات بشكل منقطع النظير زاتوووووو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
ده اليوم الدايرنو ليك يا جلا مبروك عليك
والعقبة لهناي اخوك ....
ما وريتنا الحتة السكنت فيها اسمها شنو .... اكيد ما كافورى ...
ومنطقة عامرة ولا طرفية ...
فيها حرامية ولا امنة ..
القطعة الوراكم فاضية ولا مبنية ...
هسه القروش الدفعتها فى الايجارات ما كان جابت ليك فيلا من فلل نجيلة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
| Quote: اتفضلوا معايا سمك فرايد وسلطة اسود عليها دكوة سودانية , الواحد ما يتغدى معاكم يعنى ولا شنو ؟؟؟ |
و الله أظنك خجلت سااااكت قلت اتغدى...
أنا عارف انو دي النقنقة بتاعتك...
قول غداء ما نقنقة..سمك فرايد و سلطة أسود بالدكوة كمان...
ليه حارم نفسك كده ياخي...
أماني دي عايزه تكتلك لينا و لا شنو...
حسه تكون نزلت خمسة كيلو...
قصدي جيت شايل كونتينر مليان سلطة و سمك فيهو خمسة كيلو...
حسه راجع بيهو البيت فاضي...
نزلت خمسه كيلو و لا ما نزلت...
لا يخفى على فطنة القاريء اني قاعد لسه في المكتب و جعان..
و منصور كاواني بالسمك الفرايد و سلطة الأسود...مع العلم اني ما بحب السمك...
لكن كاواني بي سلطة الأسود دي...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
الله يبارك فيك يا ديدو
عارف أول حاجة الواحد ختا الصحافات و الخرطوم عموم
عارف ليه؟؟؟
عشان الواحد ما يكون قريب للميناء البري و يرجع كسلا
البيت في أم درمان و بالتحديد في الفتيحاب
المكان وسط الفتيحاب
الحالة الأمنية تتوقف على نوعية مظاهر البيوت
بيوت الدرجة الأولى الحرامية فيها عصابات
بيوت الدرجة التانية الحرامية فيها بتاعين دهب
بيوت الدرجة التالتة الحرامية فيها بتاعين موبايلات
البيوت الطرفية الحرامية فيها بتاعين حلل و صواني و عدة
القطعة الوراي بتاعت لواء معاش و بتاع جيش
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
والله يا جلا جيت جاري جري ابارك ليك البيت
غاينو عرست وحجيت وبنيت البيت
فاضل ليك تغترب بس بعد كدة "بعد الشر عليك"
الف مبروك ياحبيب ربنا يجعلوا منزلاً مباركاً
-----
والله يا جماعة امر بي حالة دبرسة "لدرجة المبالغة"
درجة المبالغة دي مافي زول يتعقد من القوسين بتاعنها ديل
كان جا سامي بي هنا بشرحها ليكم
ومن الصباح كتبت زي كم وشليون سطر كدة ومسحتهم
الحل شنو يا جماعة ؟
ولا متين يعني؟
اللهم ارفع غضبك ومقتك عنا يارب العالمين
غايتو اقبلوها منى مداخلة لغاية ما يبين لكم صاحب في الوضع المش فايت دا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote:
يا منص ياخي انا موش هديتك ليك هدية فوق
وتيييييييييب |
التجاهل
التجاهل
التجاهل
يا زول فى الأسانسير ساكت الليلة اكلونا سمك فرايد وسلطة اسود
تجيب لينا حجر الأساس بتاع كبرى توتى
وياسر نجيلة كمان , قال مشتح !!!
حجر فى توتى , وحجر فى شارع النيل
انحنا حجر الشيشة براهو بيقوم نفسنا , زى محمد عيد
ده انا بخاف من حجر الشيشة
يطلع لى حجر الأساس
* انتا بتجيب الكرعين ديل من وين ؟؟؟!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote:
هسه القروش الدفعتها فى الايجارات ما كان جابت ليك فيلا من فلل نجيلة |
كويس كده , ناس سبيستوون حا يزعلوا منك , اها وقول انو القطعة الجنبهم فاضية , وستها حنانة , والكبرى جنبهم
وحجر اساسه مشتح
ده كلو ما بيعنى شىء قدام دبرسة جلال
جلال , امشى جنب الكبرى على الأقل
سوق معاك الرشيد , ومنى الخير , وطارق جبريل , وسامى عبد الوهاب
عشان تاتى تقرا لى ياسر نجيلة بعد الساعة عشرة
يخم ليك نفسك بالضحك , ويقول ليك ميتين وسبعين الف شنو كده ما عارف
اها , احسن ليك الكبرى المشتح
ولا كلام نجيلة ده ؟؟
* الحلاوة الكتيرة سبب اساسى للدبرسة , فابتعد عنها يا طاعم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
غايتو .. بكرى ابو بكر ده الله يسامحو ساكت
هسه جاب لينا الكلام والتعنيف من الريس ميسره
يا ريسنا وحارسنا وفارسنا ...
والله العظيم لغاية صلاة الفجر قاعد احاول انزل التهنئة فى المنبر
وراسو والف سيف ما ينزل ...
بعدين اخوك عشان الليلة شغال سهرة نمت لغاية العصر
وجيت لقيتك عملت المطلوب وشلت التقيلة كعادتك دائما يا امير
جزاك الله خيرا .. ومعذرة للعزيزة زنوبة على التاخير هنا
مع اجمل المنى لها بعمر مديد وحياة سعيدة فى كنف عيالها وابو عيالها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
بتنا زينب التجاني ...
عيد ميلادها الخامس والعشرون ....
شمعمة فوق شمعة ... والسعادة في زيادة ...
مبتهجين ولامين كلنا بنبارك ليك ....
وتأكدو سعادتنا في لمتنا ...
وعمرنا محسوب من يوم ... ما اتلمينا ....
عيد ميلاد سعيد ... يازوبة ...
======================
يا جماعة حصلو منصور ده ...
بقي يهضرب زي ... يونس شلبي ...
عليك الله يامنصور ... بتاكلو سلطة اسود ...
غايتو انا ايامي البيضا كلها يوم .. الاسود ...
وبحسب اليوم الابيض لما يكونو التالاتة وجباب ... اسود ...
اجدع لينا صحن يامنص ...
ربنا يبيض أيامكم انت وصاحبك رشيد القوم ...
اول مرة اشوف ناس بتحب .... الأسود ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
أول حاجة نهني زوبا بعيد ميلادها...
كل سنة و انتي طيبة يا زوبا....
كل الأمنيات الطيبات بعمر مديد مع وافر الصحة و العافية...
و تتحقق كل الأمنيات و على كل الأصعدة...
و يخلي ليك ماما محاسن و العيال و أبوهم...
جلال..الكتابة و المسح ديل ما دليل دبرسة...
ياما كتبنا و مسحنا و ياما كتبنا و ما مسحنا...
و ياما كتبنا و صرفنا نظر عدييييل كده...
و مرات كده بشعر ان الفرق بين الدبرسة و الانبساطة شعرة...
عايز تدبرس بتدبرس عايز تكون مبسوط بتكون مبسوط...
المهم كل ما تحاول الدبرسة تداهمك أبعد منها للانبساطة...
ربنا يجعل أيامك كلها انبساطة ان شاء الله...
سلطة الأسود الأولى مكررررربة يا ياسر....
أول ما شفتها كده جاني حرقان طوالي...
تعرف أنا ممكن آكل سلطة أٍسود في كل الوجبات...
لكن مشكلتي معاها الحرقان...
ممكن نلقى عندك وصفة نتجنب بيها الحرقان...
كل جارهم الوراء لواء في الجيش...
انت ساكن في القيادة العامة يا عمك...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
تاني حاجة أفرد المداخلة دي للسؤال عن الكوتش...
الزول ده كان بيعاني من صعوبات في انزال مداخلاته...
ثم اختفى في ظروف غامضة...
وينك يا كوتش...
ان شاء الله تكون حضرت مباراة البارشا و تشيلسي...
عجبتني الكورة جدا طبعا أكتر من كورة الريال و البايرن...
لكن اكتشفت ليك انو عصام الشوالي معلق الجزيرة ده ما نصيح...
قال ميسي سجل 25 هدف في 15 مباراة...
سألته متى تتوقف يا ابن التانجو...
قال لي لن أتوقف...
متى تتوقف يا ابن البلوجرانا...
قال لن أتوقف...
متى تتوقف أيها الساحر...
قال عندما أتجاوز الثلاثين من عمري...
سكت ثم أجهشت بالبكاء...
غايتو زول ضارب فيهو سلك تعليق....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: تعرف أنا ممكن آكل سلطة أٍسود في كل الوجبات...
لكن مشكلتي معاها الحرقان...
ممكن نلقى عندك وصفة نتجنب بيها الحرقان... |
شوف يا حبيب ...
بعد عمر الخمسة وعشرين سنة ...
الحيرقان ده شئ طبيعي ...
انا حكايتي معاهو كالتالي ...
اول ما بدأ معاي من زمااااااااان نهاية التسعينيات ...
كنت بشرب اندروس ...
ولما يكتر على خالص ... بمص لي حبة .. رينو ..
بعد كم سنة حولنا لشراب المالوكس وماشابه ذلك ...
وبعدها دخلنا في ... الزنتاك ....
اها الزنتاك زاتو بقي مابشتغل ...
هسع شغالين في ... النكسيوم ....
وحأعمل منظار بعد اسبوعين ...
ده كلو بسبب ... سلطة الأسود ... واخواتها ...
احسن حل اقول ليك ... خليها ...
اما انا ده ... لو بدلو لي كل مصاريني ...
بخرطوش PVC أسود - تلاتة ونص لينيا
برضو ما بخليها ...
ياخي دي أكلة عجيبة خلاص ... واسمها اعجب ....
==========================
كدي خليني الاضرسكم شوية ...
بالامس بعد ماحضرت مباراة المريخ ... وجزيرة الفيل ...
طبعا مستمتع ... خالص
قلت كدي النشوف شوية من المباراة السينمائية بتاعة الانجليز والاسبان ...
تشلسي وبرشلونة ...
لا تعليق ...
بالبرغم من ان درودبا أو دروجبا ... احرز الهدف ...
ولكن مازالت كورتة ... افريقية ...
والزول ده قريب يخرب الكورة كلها ....
عملها كلها فنجيط .... ووقيع ....
غير كده ... المصوراتي العندهم بالغ عديل كده ...
بالله فلم هندي بس ...
عموما ده رأي في ...الكورة كلها ...
كلها استادات ... حتي استاد ود مدني ...
المهم ...
طول الليل امس لابد في التلفزيون السوداني ... القومي طبعا
بعد ماخلصت الكور ... وبين الأشواط ...
صادفني خطاب الرئيس ...
الزول ده اصلو بتكلم كده من زمااان ...
ولا انا مستجد ...
عموما ...
نتيجة للفراغ السياسي الذي نعيشة ...
خاصة للناس المامسيسين زينا ... وهم كثر ...
اذا ناس المعارضة ديل وا جابو لينا برنامج واضح ...
ومتكامل ... يحرك مشاعرنا لمساندتهم ..
غير العويل والنبيح ... دي ضربوها وده سجنوه ... وده كلامو مخالف للقوانين الدولية ..
وده ماعارف ايه ... كلام لابودي ويجيب ...
ادونا حاجة منظمة ومدروسة ... للخلاص ....
وتكون بديل للحاصل ... نقتنع بيهو ...
وإلا ..... سوف ........ غير نادمين ...
انت يا عصام دهب .... عملت بيت ولا لسه ...
خميسكم مبارك ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
يا جماعة انا قائل روحي براي الدنئ في سلطة الأسود .... ياخي ما حصل مشيت محل الخضار ما جبت معاي اسود
بت شيخنا لمن بقت خبرة في سلطة الأسود بكل أنواعها ومخللاتها .... يبقي في شئ لازم الناس تدرسه هل
كل السودانيين بيحبوا سلطة الأسود ولا دي حالة عند ناس الزقازيق ... ولا بس خاصة بالبوست ده ....
ياخي انا بكتب ولعابي سائل رغم اني ضارب سندوتشين ابو كديس ... يا رب امشي البيت القي في الغداء
سلطة أسود ... رغم أنه امابرح آكلنا اسود مسقع ...
قصة مهداة لياسر نجيلة :
مرة مشيت مع صديقي نادر فاروق لعزاء والد حسن أبو علي في الشجرة ... قام قال لي تصدق
البيت ده حق أبو علي ذاتو ما شضاء الله عليهو .... انا طبعاً متخصص أدور نادر فاروق ..
قلت ليهو خليهو أبو علي أنت بيتك وين مع الرجال ... لي يوم الليلة ساكن مع نسابتك ...
بزعل قال لي انا بيتي في الجنة لكن انت يا شيوعي يا معفن لا بيت دنيا لا بيت آخرة
(حسب علمي القصة دي 514 شفاهة وليس كتابة) ...
يا رشدي أنا اي كورة ما أحضرها للبارشا يا أتغلب يا إتعادل .... السنة الفاتت أي
كورة حضرتها للبارشا أتغلب .... حظ عجيب ... في النهاية بيجو الكامب نو يتلطشو
زي المافي حاجة بالذات ناس شيلسي دي متعودة .....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الوصفية السحرية لسلطة الاسود من غير حرقان
هدية ليكم مجان كده عشان انا برضو بحبها...
قطع الاسود ( ترنشات .. ترنشات ) يا نجيلة
وامسحو بشوية زيت وختو فى الصينية و دخلو الفرن
اول ما تشوفو لونو بقى احمر .. طلعو من الفرن
واعمل خلطتك العادية ... وبالهناء والشفاء
كده لا كلفت نفسك زيت قلى كتير ( سبب الحرقان )
والمشوى برضو بعمل حرقان اكتر ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
هو انتو قائلين اهم حاجة فى سلطة الأسود شنو ؟؟
انها سلطة ؟؟ كضبا كاضب
انها اسود ؟؟ كضبين كاضب
اهم حاجة فيها انها بتعمل حرقان !!
والله صحى
لو ما بتعمل حرقان , الكان اكلا ليكم منو ؟؟!!
لمن يسار نجيلة حكى لينا حكاية علاء محمد سعيد اخو رشا
البندعو ليهو سرا وجهرا انو ربنا يرفعه ويطمن اهله وولياتو عليهو
وقال انو بداية مشكلتو مجرد حرقان فى الأكل
طوالى عرفتو ليك بيحب سلطة الأسود
اها , رشا زاااتا طلعت بتحبها
والدليل انو نجيلة كمان ماشى يعمل منظار
وبدأ يفكر فى خرطوش البى فى سى
بس اتنين بوصة ما كتيرة يا مفترى
لو لقيتو كلمنى عليك الله , انا غايتو لا بعمل منظار ولا بعمل منظار
بس سلطة الأسود , بكسرها ليكم بى اى حاجة , ان شاء الله سمك فرايد
ونديها بعد داك حبة نكسيوم عاااااادى , اصلو النكسيوم مفيد لى سلطة السود اوى اوى
لا حول ولا قوة الا بالله , متكلشى سمك ولا بيض ولا سلطة اسود
Quote:
عليك الله يامنصور ... بتاكلو سلطة اسود ...
غايتو انا ايامي البيضا كلها يوم .. الاسود ...
وبحسب اليوم الابيض لما يكونو التالاتة وجباب ... اسود ... |
بس ما ياها دى بتاعت امبارح يا نجيلة
جيب لينا صورة ديك , الفيها دكوة ياخى , ولا انتو بتسموها زبدة الفول السودانى
زى ناس نجاة حوفى ؟؟؟
* الى زينب التيجانى
خلاص كبرتى و بقوا ليك (كمتاشر سنة ؟؟)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: كده لا كلفت نفسك زيت قلى كتير ( سبب الحرقان )
والمشوى برضو بعمل حرقان اكتر |
يا ديدو الحتة دي ملخبطاني شوية...
اذا الأسود المقلي الزيت سبب الحرقان...
و قمنا حليناها بالفرن...
المشوي ده سب الحرقان شنو؟؟؟
ما تقعد تقول لي الليلة الخميس...
و الأسئلة الزي دي صعبة علي يوم الخميس...
اذا ما جاوبت السؤال ده ما تمشي بيتكم...
وين الليلة جار اللواء...
مشيت شفت الصورة بتاعت البيت الجديد في الفيس بوك...
الصورة شكلها كده مرتبه..
عشان رفعت قااااشر و انت لابس جلابية بيضاااااء...
السيراميك ما عندكم لكن...
ان شاء الله يتكسر بي عرق العافية...
يا أبو الزوز المرة الفاتت برشلونة طلعت تشيلسي بالحكم...
المرة دي ناس تشيلسي جايبين معاهم 5 ألف مشجع انجليزي...
ما عشان يشجعوهم ...
عشان يقفلوها معاهم وراء بالضبة و المفتاح...
و الله ميسي ده الا يبقى توماهوك...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
هذا الباذنجان , زول لذيذ جنس لذة
حاجة فيها جنس مرونة , وين ما توديها , تمشى معاك
عايز تحشيها , تتحشى ليك
تقطعها , اصلو ما بتقول ليك لا
تهرسها , ولا شغالة بيك
تعصرها , تتشرب ليك زى الترتيب
عشان كده انا بعزها اعزاز شديد
هى وصديقى اليوسفى , الأكتشفتوا على كبر
من اعز اصحابى ياخى
شكلوا لى فى حياتى فرق بتاعت انقاذ , فى اوقات ذروة ووزنقة , اظنها مرت على الكثيرين
انا اصلا فى حياتى دى , زول سبهللى سااااى
لا عندى نظام ولا عندى ترتيب
من زمنى الطالب , فى المتوسط والثانوى
آى متوسط !!! بتعاينوا لى مالكم , عاملين فيها قريتوا الأساس ولا شنو ؟؟؟
عاااادى عندى اكون حايم مع زملانى الأياميها ديك كانو نفسهم اولاد حلتى , واجى داخل البيت توووش معاى اتنين تلاتة اربعة منهم
وناس البيت عادة بيكونوا بعد ما انتظرونى للغداء وفتروا , سفسفوا وانشغلوا الى شئونهم الخاصة الأخرى
يعنى برنامج الغداء ده , بيكونوا انتهوا منه زمااااااان
نفس الشىء , ايام الأجازات الجامعية , لمن دار الأتحاد الصيفى كان بيكون فى الفرع , او حتى ايام وزارة الزراعة والجمعيات التعاونية الزراعية
عطالة طبعا , لا شغلة ولا مشغلة , يا طبيت معاى فى يدى عاطف القوز ولا محمد المرتضى ولا مجدى عبد الله ولا اى من الشباب البيكونوا جايين يا من مدنى ولا غيرها
اها , الزمن داك لا فى جوالات ولا فى جوالات
نصل البيت متأخرين كالعادة
الجماعة حصة الغدا عندهم انتهت , وفول دكان عمك خليل الجنبنا , لسه بيجقجق فى قدرتو
او لغااااية هسى , ومع توفر الأتصالات ووسائله , عندنا زملاء شباب سودانيين كتاااار فى الفروع
اى زول فيهم يجى لى شغل او مصلحة , اطبوا ليك معاى واحنسوا , ونمشى البيت , وحصة الغداء برضو تكون انتهت
اها , فى اللحظات دى , الله يطراهم بالخير اخواتى زمان , وست بيتى حديثا , او حت كمان لمن كنت لسه عزابى وقاعد مع اسرة حجازى اخوى الله يرحموا
النساوين طبعا , بيحبوا ليك القومة والقعدة , وانا ومعاى اصحابى واصدقائى , ما عندنا اى قشة مرة
صديقنا الباذنجان كان صديقا وفيا فى اللحظات ديك
بيتجلى جنس تجلى
بيفرد اجنحتوا ويتحول لى غرندايزر عديييل , ومرات فولترون المتحول كمان
السمح وكبار منو , نحشيهوا
والمعفص وصغار , نهرسوا
والنص نص , طرنشات طرنشات يا عبد الدائم
شى بالدكوة , وشىء مسقع , وشىء محشى , وشىء بالصلصة , وشىء طرنشات , وشىء مكعبات
وليمة باذنجان ما تخرش المية وحاتكم
نضرب ونتغزل , وآخرتا الجماعة يقولوا لى , عامل لينا وليمة حضرتك
اقول ليهم , قولوا ما شاء الله
اكتشفت اننا مرات كتيرة كنا بنأكل اشكال الباذنجان دى
قايلنها لحمة
انها سلطات الأسود يا صديقى
* هذه الحكاية , فى باكتش واحد مع كرعين طارق جبريلا الفوق ديك , وفوق راسهم كرامة جلا الأحتمال تكون يوم الجمعة
وعليهم (اسباب سهرى الما معروفة )
كلها هدية للولد الطاعم جلال , وكان غلبوك وزادوا تلبكك , الشكوى لى الله عاد , الا تأخذ معاهم حبة نكسيوم , وتركب الأسانسير , وتتثاءب , وتتفرج فى البيحصل للفلبينى الجنبك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلام باجدع ناس وشكرا يا عيد العيد البتدى يومى طعم العيد وشكرا بريسنا وحارسنا ميسرة وماعدمتكم بيكم سعيده ربنا يخليكم ياسر ياخ جيب لى تورته بدون شمع بس ما دايرة سلطه اسودالماعيد على هنا يرجع يعيد ماتقولو لى عيدنا فى الفيس يا زهير وجبريلا ونانى منو رشا قلت شنو انت؟
عارف يا عيد لما محاسن بتى قالت لى عملت ليك حاجه حلوة قلت لىها برضو فى زول بعمل حاجات حلوة ادخلى القروب شوفيها فعلا انت فنان ربنا يخليك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زينب التجاني)
|
صباح الخير ،،، يا وجوه الخير
أصبحنا وأصبح الملك لله وحده
بسم الله دخلنا
اللهم أجعلة يوم خير وبركة
بدأت هذه المداخلة من الساعة 8:30 صباحاً
إلا خطفت رجلي لحدي هجليج وجيت راجع هسع
وكنت عايز أمشي لحدي بيت جلا الجديد ربنا ما سهل
أصلوا بداية الإسبوع ينزل عليك العمل زي المطر
ولكن ربنا ما سهل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
رشيد القوم ...
ياخي هاردلك ...
واضح انو كريسيانو رونالدو ... بلعك كلمات الشعر الجميلة دي ...
اعدادك الجميل ... لاحتفالك بفوز البارشا ...
ولكن الريال قلب لك الموازين ...
معيش خيرا في غيرا ....
برغم الخسارة برضو ... اتفشيت ونزلت كلماتك الجميلة ...
Quote: هيهيهي هيهيهي
فارس الرجال ميسي...
ما بتلقى مدسي...
شاقي الدفاعات زي التقول جيمسي...
لا بيهمو ناس الريال ..لا بيهمو ناس تشيلسي
|
غايتو ناس الريال ...عرفناهم ...
الله يستر عليكم من تشلسي ...
فعليك تجهيز كلمات متوازنة ...
تتحمل المفاجاءات ... والهزيمة ...
كأن تعدل الابيات ... مثلا ...
هيهيهي هيهيهي
فارس الرجال ميسي...
ما بتلقى مدسي...
شاقي الدفاعات زي التقول جيمسي...
لكن الريال ... ورونالدو فار ذي الببسي ...
ودي حال الدنيا ... لو انداس من الريال او تشلسي
في الكامب نو عقر دارك .. وديل ضيوفك كن جوك بالطيارة أو بالتاكسي ...
===================================
ملحوظة للسادة المقرضين ...
انا ماعندي اي علاقة بالكورة العالمية ...
ريال ولا برشا ...
فقط حسيت بمصيبة ولدنا الرشيد ...
انا بتاع ناس ...
بلة جابر ... وكلتشي
الشرابم مريسة ....وتشجيع بدون جكسي ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير يا حلوين
يا رشا لا تحزن انا معاك مرابط في هذا البوست رغم حزني على البرشا
غارديولا كان غبي جدا في اللعب بي ثلاثة مدافعين خصوصا في غياب بيكيه وابيدال
وكان عليه اخراج توليو الصغير دة ويعوضه اما بكوينكا او بيدرو
وكان ممكن يستعين بي سيدو كيتا لانه لاعب ارتكاز وممكن يكسر هجمات الريال
وعنده مقدرة عالية جدا على قتل لعب الخصم خصوصا انه عنده نقص واضح في الدفاع
وكسافي عندما يكون ما في يومه البرشا كلها بتكون ما في يومها
الله يقلعك يا الإمساك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote:
رشيد القوم ...
ياخي هاردلك ...
واضح انو كريسيانو رونالدو ... بلعك كلمات الشعر الجميلة دي ...
اعدادك الجميل ... لاحتفالك بفوز البارشا ...
ولكن الريال قلب لك الموازين ...
معيش خيرا في غيرا ....
|
Quote: يا رشا لا تحزن انا معاك مرابط في هذا البوست رغم حزني على البرشا
|
و الله يا جماعة أنا بشجع الريال..
لكن معجب بي ميسي...
لأنه موهوب للحد الخرافي...
ناس الريال غلبوا البارشا صعلكة كورة...
خاصة مع ميسي...
و كانت توقعات جمهور البارشا في محلها..
كانوا متخوفين من ماسكارانو و كان تخوفهم في محله...
خاصة في هدف كريستيانو رونالدو فلقد وضح فارق السرعة...
الا انني أعتقد ان جوراديولا كان عينو على مباراة تشيلسي أكتر من الكلاسيكو...
و الا لما أبقى اليكسي سانشيز و فابريجاس في مقاعد البدلاء...
لأن الولد تيلو ده واضح انه كان بيحاول يصنع مجد شخصي ليهو...
و نسى أن البارشا قوتها في الكورة الجماعية...
سامي خضيرة و كريستيانو كان نجما المباراة...
و أوزيل يكفيه تمريرته السحرية التي أحرز منها كريستيانو الهدف...
لأول مرة يكون دفاع الريال متماسكا...
الليلة وين جار اللواء يا جماعة...
غايتو يا جلا سطورك قلت من ما عملت ليك سيراميك...
المفروض زحلقة سااااكت تزيد...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سودانيز اون لاين , بقى حاجة صعبة خلاص
من صباح الرحمن , فتحان ساى ابى يفتح لى
وبدا لى ان تلك مشكلة عامة , بسبب زيادة الطلب مع احداث هجليج
ومباراة كلاسيكو الأرض زى ما سموها ناس الشوالى
ريال مدريد , ارتفع اخيرا لمستوى ثانى احسن فريق فى العالم بجدارة
تفوق بالأمس تفوقا كبيرا وظاهرا على البرشا
مورينهو اثبت ام مشكلته فى التوتر والأنفعال
متى ما سيطر عليهما , فانه داهية كروية لاتجارى
والغريب انه عليه ان يعرف ويتأكد , ان لاعبى الريال سريعو العدوى منه هو بالذات
يتوترون عندما يتوتر , ويهداؤؤن عندما يهدا
ارتفاع مستوى ريال مدريد وبرشلونة , والفارق الكبير بينهم وبين باقى الفرق الأسبانية
مبقى الدورى الأسبانى , زى السودانى
طبعا مع الفارق بين الدوريين , والفارق بين الريال والبرشا , والهلال والمريخ
الفارق واحد , والمقارنة ياها زاتا ,
* اين انت يا كوتش ؟؟؟العلاقة بين سلطة الأسود والحنة , كان ما ورانا ليها طارق جبريل
بوريكم ليها انا , مش اخير ليكم طارق جبريل ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
جبريلا ونجيلة
غايتو الرشيد دردقكم دردقة واتفشى فيكم ..ز
غشاكم بحكامتو البتغنى لى ميسى ..
وهو مدريدى متعصب جدا
حاول يخفى فرحته ... لكن الانبراشة حقتكم
أحر علينا من خسارة البرشا ...
رش يا حبيب .. مبروك عليكم والايام جيــّابة انشاء الله ..
.....
أمس عملت مداخلة ردا على مداخلة الريس المشى فيها هجليج ورجع طيران
غتست وين ؟؟ الله أعلم ....
انتو المنبر ده فيهو غواصات ولا ناس اتحاد اشتراكى ؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
Quote: رش يا حبيب .. مبروك عليكم والايام جيــّابة انشاء الله ..
|
شكلهم كده حيتقابلوا تاني يا حمادة في الشامبيونز ليق...
و برضو الريال حيغلب...
واحد جارنا برشلوني قابل ست بيتي قال ليها قولي للرشيد أنا ما حضرت الكورة...
عشان ما أشمت فيهو...
قدر ما قلت ليهو مورينهو ده ما بفرط في الدوري السنة دي...
قعد يقول لي انتو حتخسروا من فالنسيا و بعدين نجي نحن نغلبكم...
و تفوز برشلونة بالدوري...
و أنا قاعد و خاتي ليهو الكلام ده كلو...
قلت أجرب المكاواة بتاعتي الجهزتها ليهو في ولدي مهند في الأول...
مهند برشلوني كبير...
قلت ليهو...
ما قلنا ليك الدوري طريق قاسي و صعيب من أوله..
ما رضيت كلامنا و مشيت براك أهو ده الريال استحمله...
المكاواة دي ما أثرت في مهند...عشان ما فهم مني أي حاجة..
لكن قطع شك حتنفع مع جارنا...
يا جماعة زول يكلم الكوتش يقول ليهو أنا قاعد أسأل منو...
أما موسى عيسى ده و لا تكلموهو و لا حاجة...
عشان هو قاعد يقرأ براهو.. و مطنشنا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
سلامات يا ناس
وصباحات التفاؤل
لكم جميعا التحايا والشوق
والشكر اجزله للسؤال عنى....
بسبب صعوبات فى الدخول الى البوست (نمرة واحد)
نمرة اتنين : كنت خارج الخرطوم (كسلا)...لايام....
نمرة تلاتة: بعض المتاعب الصحية (بسبب الكبر) انا وبت الشيخ.
بجيكم .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صباح الخير ،،، يا وجوه الخير
أصبحنا وأصبح الملك لله وحده
نجاوى صباحية:
إلهي
قسا قلبي
وعظم ذنبي
وجهلت أمري
وبخلت بالماء عيني
سبحانك يا أرحم الراحمين
=============================
حمد لله على السلامة يا كوتش
وأجر وعافيه ، سلام للمدام والأولاد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
أجر و عافية يا كوتش...ليك و لي ست بيتك...
عشان ما تمشي تقول ليها و الله الناس ديل كفروا لي و ما اشتغلوا بيك...
و حمدا لله على سلامتكم...
و نرجو أن تتجاوز كل أزماتك بما فيها التقنية..
لتعود الينا من جديد منور المنبر...
| |
|
|
|
|
|
|
| |
الرشيد بابكر
ميسرة سيد أحمد
Hatim Gubara
زهير الزناتي
طارق جبريل
ياسر نجيلة
منصور عبد الرازق
محمد صديق
معتصم جعفر
عبد الدائم سيد أحمد
محمد آدم النور
حافظ انقابو
محمد عيد
جلال عثمان
زينب التجاني
فيس بوك
تويتر
انستقرام
يوتيوب
بنتيريست