اعلان ارشفة المنبر الحالى يوم الاربعاء الموافق 18 اكتوبر 2017
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-17-2017, 08:41 PM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ناس الزقازيق ... أجدع ناس (4) ..

01-19-2012, 08:03 PM

عمر نملة
<aعمر نملة
تاريخ التسجيل: 11-07-2009
مجموع المشاركات: 1414

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: أحمد إسماعيل)

    سلام تحيه
    عايز احكي عن كل واحد وواحده فيكم من دكتور سناء وسؤالها عن اخي الطيب وعن عتابها المر لسلفا كير
    وعن مبارك جادين الذي ارتحل بصمت الي الحبيب الجنوب والله ياالمبارك بشوف كل السودان في شخصك
    يااخي ماعايزين انفصال خلونا اخوان اخوان ويامبارك لو لعب المورده وهلال او مريخ جوبا في زمتك بتشجع منو؟
    ،وعن تلفون طارق جبريل الجنني سواء في السودان او في موراكو ولا عن رقبة النضيف وقلتو لي شنو السبب مقابل
    الحيطه يظهر قصدكم واحد تاني السبب سمعنا انو بتلفت بيفتش عن قبله غير الزقازيق وعرفنا القبله اوربيه بس العلاج هو ضمان مسقبل البنيات وخليك اوربي وانسى لي ناس ابو دبي وابوظبي ديل سمعنا هم زاتهم بفتشو للاوربيات يعني بالواضح
    قبل الشاكوش شوكش.
    لكن ابدء الحكي عن الاسره الدهشه والله اذا وقفوا ابتسام تلقى عيونهم بتبسم ماشاء الله ماقلنا بسمتك ازهار. واحكي ليكم عن ايثار الحاولت اقنعها مع مجتبي يمشوا للبوليس ويتكلموا بس وانا احكي ليها عن ظلم والدها وتعاونه مع جماعه الامر باالكمكمه والله حرام وماقادر افهم كيف يعني يحرموا الزهور من الضوء والله جميل وبحب الجمال، والله كنت جادي واخلي ليك منصور ينضم لجماعه وليد حمدون واحمد السني وكتاحه الرياض. ولا احكي عن حجازي المشفر ماتسمع منو غير هكذا وهناك ووي كأن. اما احمد الهادي ربنا يكملوا بعقله لكن لوسمع كلامي اقنع لي الظالم يجي ناني اوربا وانا بجهز الباقي . اما ست البيت السكري الاماني السندسيه يااخي مبالغه بس عندها عيب كبير انها دفعه محمد حسن البرلوم وهل بعد ذلك عيب يعني قولي انا وجلا جينا في سنه واحده بس انا دفعت النضيف.اما سرعه بديهة وتصرف منصور مابتصدقوا بان منصور بيكتب الاحداث قبل وقوعها كدي راجعوا مداخلات منصور والاحداث الماحصلت. بس منصور زي ماكنت مصدق الزناتي انو زي انا والشادي كريم الوعد( ماعدا قسم بمحيك البدري) والاصل بخاف من البخوفو لكن تصدقوا اللعب كله عند مدرار قال لي وبحليفتها والله ماقادر عليها بيقدر عليها احمد .. برجع ومعاي المستندات
                   |Articles |News |مقالات |بيانات

01-20-2012, 00:44 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عمر نملة)

    (7)
    أكملنا أيها الأحباب طقوس صلاة العيد وهنأنا بعضنا بعضا وتمنينا دوام الصحة للجميع..
    حين رجعنا لدارنا أحسست أنني أفتقد شيئا لم أفعله منذ سنين،...
    دخلت بيوت الحلة بيتا بيتا، هنأت الجميع وبكيت مع الجميع لفقدي وفقدهم..
    كنا نواسي بعضنا في أيام مباركة.. ثمة آلام في العمق لكن اليوم يوم فرح..
    عُلقت الأكباش على الأبواب وبدأت مراحل السلخ وأحضرت «الصواني» و«السواطير»
    و«التلكي».. ورجع القوم لسجيتهم التي أعرف منذ أن بدأت أدرك محيطي الضيق..
    «شية جمر» و«شية صاج» و«دمعة» و«مرارة» و«شطوط» و«الشربوت»...
    وضحكات من القلب..
    وأحضان دافئة وعناقات الأحبة و«تعود الأيام» و«كل سنة وانتو طيبين يا رب»..
    حين يجتاحك ألم المنافي وتجد نفسك وسط هذا الكم الهائل من المحبة..
    لا محالة ستصاب بدوار الحنين...
    قضيت سحابة يومي ذاك مهنئا ومعايدا وفرحا وشبعانا...
    إلتقيت بأصدقاء الطفولة وسنوات الصبا... ضحكنا وأكلنا ..
    عشرون عاما لم أذق طعما لهذا الحنين...
    عشرون عاما ويوم العيد يمر علي كئيبا حزينا...
    إلا من ضحكات أطفالي وابتسامة أمهم...
    يا لعبث الرحيل.. ليتكم أيها الساسة تعلمون مدى الجحيم الذي رميتمونا فيه..
    حقيقة ليتكم تعلمون..
    حين أتى المساء كانت الأكباش في طريقها إلى المراحيض.. نقضي عمرنا كله
    نلعن في هذه الأرض التي تطعمنا وتأوينا وتتحمل قاذوراتنا .. وحين نرى الجمال
    تشخص أبصارنا إلى القمر لنشبه به من نحب ونحن جلوس على سطح هذه المستديرة..
    اجتمعنا في غرفة قصية من البيت نتدارس تحضيرات زواج شقيقي الصغير تجاني..
    كنا في السابق نجهز كروت الدعوات ونبحث عن أكثرنا جمالا للخط ليُمهر أسماء
    الأسر التي نود دعوتها لعرس أحبتنا... تغير الزمن كثيرا.. قضى الموبايل على
    جميع تلك الطقوس... ولم يستغرق الأمر سوى سويعات ولائحة من نود دعوتهم:
    سلام.. سلام.. زواج شقيقنا يو كذا وحنته يوم كذا حبابكم..
    لا أدري لماذا تذكرت علوية بت الجريف... كانت أفضل «داعية للزواج» في حينا
    ما أن تجد عرسا في الحي إلا ويلجأ إليها الجميع للقيام بمهمة الدعوة الخاصة بالنساء
    ويتكفل اثنان من الحي بدعوة الرجال،..وآخران بتوصيل دعوات الأهل والأحبة..
    أصررت أن تكون «الحنة» كلها «طمبور»..
    منذ زمن بعيد لم أحضر حفل طمبور حي..
    وددت أن أعيش طقوس سنوات خلت...
    جاء يوم الحنة وتحول المنزل لخلية من النحل..
    - يا لطفي ياخي الطباخ دة قال عايز صيوان من الشمس
    - يا راشد ناس الصيوان ديل ما ما رصوا البساطات
    - يا ابراهيم ياخي الحاجة الباردة لسة ما وصلت
    - يا خالو عليك الله أرقعني ياخي عايزة أمشي الكوفير
    كنت مليئا بالحبور وسط هذا الزخم من الشجن..
    لبسنا جلابيبنا ووضعنا العِمَم وكنا في استقبال الضيوف..
    أشرفنا على راحة ضيوفنا وأكلهم وشرابهم..
    ثم دخل ثنائي العامراب..
    وقفت في مكان قصي أراقب الحفل.. حين رنة الطمبور..
    أحسست بدوار حقيقي.. هذا لعمري نغم حي يشجيك ويطربك حتى الثمالة
    هاج القوم.. ودخل «الدارة» إمام مكاوي وحاجة رقية ابنعوف..
    إمام أبدع في «الترترة».. كانت عضلاته مطواعة يوجهها حيث تتناغم
    مع نغمات الطمبور.. ترك لنفسه متعة الفرح..
    ثم دخلت فتحية محمد الحسن.. وملأت «الدارة» بهجة..
    دخلنا نصفق ونضرب بأرجلنا ونردد مع الفنان أغانيه..
    وحين صدح ثنائي العامراب: الرايقة شتيلة قريرة الفجر نبحن بوابيرها
    تصببت عرقا.. ولم أحس إلا وأنا وسط «الدارة» «أترتر» مع القوم
    أحاط بي الصفاقون.. تركت العنان لنفسي لتمرح..
    لم يعهد في القوم ذلك الإقدام... لكنني كنت مليئ بالشجن والحنين ..
    لمحت عمي حسن يصفق «ترترت» حتى وصلت إليه وأعطيته الشبال..
    ثم عدت لوسط «الدارة» يتبعني الصفاقون.. وكأنما أحس بي ثنائي العامراب
    فأردفوا:
    ومالكن يا قماري بتشدن إيش لازمة تغنّن
    نغيماتكن تهيج أشواقي للعينين يبكّن
    بدّيكن وصية أمانة لي سيد روحي طيرن
    أحسست أن جسمي ينتفض كسكرات الموت..
    حين رفعت رأسي وجدت شقيقاتي وأشقاي حلوا مكان الصفاقين،..
    إحاطوا بي مبتهجين، وبادلتهم البسمات والرقيص..
    أحسست أنني نبتة عادت لأرضها وارتوت..
    كم هي جميلة نوستالجيا المكان وساكنيه..
    حين اقتربت الساعة الحادية عشرة وبدأ الجميع النظر في الساعة..
    حينها فقط أدركت فداحة «المشروع الحضاري»..
    «مشروع» سرق حتى البهجة من القوم..
    ....
                   |Articles |News |مقالات |بيانات

01-21-2012, 05:08 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    صبحكم الله بالخير

    Quote: سمعنا انو بتلفت بيفتش عن قبله غير الزقازيق وعرفنا القبله اوربيه بس العلاج هو ضمان مسقبل البنيات وخليك اوربي وانسى لي ناس ابو دبي وابوظبي ديل سمعنا هم زاتهم بفتشو للاوربيات يعني بالواضح
    قبل الشاكوش شوكش


    شنو يا نملوز المطاعنات دي...
    لكن بيني و بينك معاك حق...
    و عبارة قبل الشاكوش شوكش دي في الصميم...
    فهنا تشعر طول الوقت بالراحة و الطمأنينة...
    حتى تفاجأ يوم بأنهم استغنوا عن خدماتك...
    و يمهلوك شهران لتعديل أوضاعك و تغادر كما تسمى...
    تضيق الدنيا عليك و ما تعرف محل تقبل...
    لكن انت عارف نحن خلاص كبرنا و بقينا ما بنقدر للدردرة...
    كان في طريقة ساهلة ما فيها جهجهة ورينا ليها...
    ان شاء الله مستثمر (وش أخدر)...

    Quote: حين رفعت رأسي وجدت شقيقاتي وأشقاي حلوا مكان الصفاقين،..
    إحاطوا بي مبتهجين، وبادلتهم البسمات والرقيص..
    أحسست أنني نبتة عادت لأرضها وارتوت..


    جبريلا ما كان تكمل ياخي...
    ارتوت و أينعت و أزهرت ...
    انبسطت في اجازتك شبعت لحم و حنان و (ترترة)...
    جعل الله كل أيامك أفراحا ياخي...
                   |Articles |News |مقالات |بيانات

01-21-2012, 06:56 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    صباح الخير ،،، يا وجوه الخير

    دعاء الصباح :

    اللهم زدنا ولا تنقصنا
    وأكرمنا ولا تهنا
    وأعطنا ولا تحرمنا
    وىثرنا ولا تُؤثر علينا
    وأرضنا وأرض عنا
    =========================

    Quote: اين مي .؟


    يا ربي المقصود بيها شنو؟؟؟

    إذا كنت تقصدني فأنا موجود حي أُرزق

    هذه أغنية نسمعها وكان أصدقاء الثانوية

    ينادوني " أين مي " وخاصة عندما فكرنا

    أن نجرب (نحب).............
    =====================================

    ذهبت إلى مكة كثيراً وبل سكنت بها لمدة سنتين

    وحججت لأكثر من أصابع يدي وأكثرت من العمرة ما لا

    أذكر عددها ولكن يمكن أن تعيش تلذذ جميل وقوه إيمانية دافقة

    وأن تختفي بين شعب وجدران المسجد الحرام وتغيب وتذوب مع أولادك

    بالداخل وتنسوا الدنيا ولا تفرق بين إنتهاء يوم الخميس ودخول يوم الجمعة

    وحتى يوم الجمعة لا تشعر به إلا عند صلاة الجمعة إنها متعة لا تدانيها متعة

    لماذا الإحساس بهذا الجمال ؟؟؟

    هل يا ترى التقدم بالسن يعطيك هذا الطعم الجميل الذي لم نتذوقه من قبل

    إلى الذين يحيطون بشعب مكة اغلقوا جوالاتكم وأذهبوا في رحلة سياحية روحانية

    سوف تنسوا الدنيا وما فيها ؟؟؟؟؟؟؟؟؟؟؟
                   |Articles |News |مقالات |بيانات

01-21-2012, 12:25 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    Quote: جبريلا ما كان تكمل ياخي...
    ارتوت و أينعت و أزهرت ...
    انبسطت في اجازتك شبعت لحم و حنان و (ترترة)...
    جعل الله كل أيامك أفراحا ياخي...

    رشا يا حبيب
    والله اخوك كمل الترترة في العرس
    عارف نفسي حا اجي اتقفل في غربة الجن دي قلت اخير افتوا للنهاية


    يا ريس ميسرة ربنا يوعدنا ياخي نحن البعاد ديل
                   |Articles |News |مقالات |بيانات

01-22-2012, 06:13 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    صباح الخير ،،، يا وجوه الخير

    دعاء اليوم :

    اللهم أعنا على
    ذكرك
    وشكرك
    وحسن عبادتك

    يا الله ،،،
                   |Articles |News |مقالات |بيانات

01-22-2012, 06:38 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صبحكم الله بالخير
    بينما درجة الحرارة في الرياض تلامس الصفر حسبما قرأنا في هذا المنبر...
    فان أبو ظبي تعلو فوق الصفر بدرجات يقمن مزاج واحد رومانسي زي كده...
    زميلنا جيريمي الأوروبي اللون و اليد و اللسان وجد في الجو ضالته...
    فمر علينا في المكتب أمس الأول للمشورة و هو يوم عطلة بالنسبة له ...
    كان في غاية الاستمتاع و هو يرتدي الشورت و التي شيرت...
    بينما كنا نحن نرتعش من البرد...

    كان نفسي أقولك من زمان
    سطوة محاسنك عندي ما كسرة جفون
    وقت العيون تعبرنى زى خاطر المسا
    سطوة محاسنِك ما الرخام ألفى الحرير
    وقت الثغير يفجعني بي حرفاً قسي
    سطوة محاسنِك عندي وكتين كبريائِك
    ينهزم لى طيبتى بى لفظة حنان
    وكتين مشاعرِك تنسجم فى عمرى
    تنفح قلبى بى رعشة أمان
    سطوة محاسنك عندى وكتين شوقى
    يصبح فى هواك
    ليل عزة ما بتعرف هوان
    كان نفسى اقولك من زمان
                   |Articles |News |مقالات |بيانات

01-22-2012, 09:41 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: كان نفسي أقولك من زمان

    فتو يا رشا ياخي وليك الأمان
                   |Articles |News |مقالات |بيانات

01-22-2012, 10:19 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    سلامات يا ناس

    Quote: وحين صدح ثنائي العامراب: الرايقة شتيلة قريرة الفجر نبحن بوابيرها


    انا ذاتى ما ترترت معاك ....ولا عشان ما بعرف صفقة الشوايقة؟
                   |Articles |News |مقالات |بيانات

01-22-2012, 10:51 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)



    صباح الواطة البااااااردة
    والترترة
    وعمر نملوز
    مى المافيشة دى , لى الليلى ما لقيتوها
    وحرف الشين الجنن ياسر نجيلة جن
    من الشرى , لغااااية شنب سيد الشنب زااااتو
    يا رب الصباح البارد ده , تشفى منى بت بابكر
    وتعدل رقيبة النضيف المعووجة
    وترجع شعرك الشلتو من راس حاتم جبارة الزمااااان
    وتعدل مزاجى قادر يا كريم



    * ده شاكر ده , ولا حجازى منصور يا احمد اسماعيل ؟؟!!!!
                   |Articles |News |مقالات |بيانات

01-22-2012, 11:28 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    هذا الصباح
    بداته بداية غريبة , شاهدا على عقد زواج بنت عمى , فى محمكمة الرياض للأنكحة
    الأسم اصلو ما عجبنى
    ماذون شرعى دى مالا , عيبوها لى عليكم الله , ما حلوة ومكملة الحلاة , لامن بى غادى
    عمى هذا , الذى كنت صباح اليوم شاهدا على عقد قران بنته
    اتم فى هذه السعودية , ما يزيد عن النصف قرن
    تزوج من سعودية فاضلة , هى الآن اكثر (سوداونوية ) من الكثيرات ممن اعرف
    تاكل الكسرة , وتغوص جوة صحن القراصة , طالعة منو بى لقمة لايووووقة , زى الماحصل حاجة
    ولكن اولاد وبنات عمى , تسعودوا , بالجنسيات مرة , وبالطباع والعادات مرات عديدة
    لا الومهم على ذلك ابدا
    فحتى اولادنا وبناتنا نحن , دخلت عليهم طباع السعودة والأمرتة والأمركة والمصرنة
    كل على هوى مدرسته وبيئته ولسان الأخلاء والأصدقاء والأصحاب
    لن نرمى بهم فى البحر , ونطالبهم بأن يقلعوا ناشفين
    الموية لاحقاهم لاحقاهم , خاصة ما اذا كان بحرنا قد (جف ) او قارب ما يشبه الجفاف
    طالما بحرك فى (مى ) , شجرك امد حد السمى , وطينك معتق بالطمى ,نبنيك هوا , نبنيك ايوا سوا سوا
    اها , تقدروا فى الأول تقولوا لى اخينا , وينا (مى ) ؟؟؟
    قبل ما انسى , اكمل ليكم , فالسؤال عن مى , سؤال مآله الى تهلكة اكيدة , لذا فان من باب اولى , ان نتركها , تمشى محل ما تمشى
    اجراءات عقد قران بت عمى دى , لأنها ذات جنسية سعودية , اجراءات معقدة , يقرب الواحد من تعقيدها , يقول ليهم
    انتا رجع لى رسايلى , والرسايل العندى شيلا شيلا شيلا , ما دايرها
    تبدأ الأجراءات بطلب موافقة زواج ترفع الى مقام وزارة الداخلية , فهى ولية الأمر للمواطنات الراغبات فى الزواج من اجانب
    الطلب مشفوع بمستندات العريس , وموافقة الوالد اللى هو ولى الأمر
    كل اولاد وبنات عمى , عندهم جنسيات او تابعيات سعودية , عدا عمى سيد الشى زااااتو
    لم يهتم بنيلها (احيييييييا انا منو عمى ده ) , وازيدكم من الشعر بيت , قضى معظم عمره موظفا فى السفارة الأمريكية فى الرياض حتى نزل الى المعاش وهو على راس العمل
    اها , جنسية امريكا زااااتا , لا اشتغل بيها ولا جرى وراها , ما قلت ليكم احيييييي انا من عمى ده !!!!
    طلب الموافقة هذا , عادة يتاخر ويستغرق بعض الوقت , لكن المسالة عند عمى , طالت شهورا وشهور
    لكنها جات اخيرا , فكان عقد القران المعقد والغريب صباح اليوم
    عريس بجنسية سودانية , وتربية فى بيئة سعودية , وعروس بى جنسية سعودية , ودم سودانى , واب سودانى , وام واخوات واخوان سعوديين
    وشهود سودانيين , لمن حيرنا ليك القاضى زاتو
    ولكننا لم نسمع الا مبروك السودانية , وما منعنا من الزغاريد , الا جو المحكمة مش السعودى بس , كمان لابس ليهو بشت وعقال كمان
    ثم بدأنا التنكيت , ورواية قصص الزواج الأولى , التى بدأناها بى , عليك الله يا هيفا , ما لقيتى تعرسى الا فى البرد ده !!!!
                   |Articles |News |مقالات |بيانات

01-22-2012, 12:00 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    اتذكرت بكرى حامد ود الماذون وحاة الله
    وانا قاعد قدام القاضى , ذو الوجه الممعن فى التجهم والأنقباض
    ياربى اصلو كده , ولا عاوز يوصل للناس (رسالة )
    ولا كرهتوا اجراءتنا المعقدة دى , وخلطة الجنسيات والجوازات القاسمها المشترك الأعظم
    جوازات خدرا , تتشابه فى اللون , لكن واحد وشو سيفين ونخلة
    والتانى صقر جديان , نسى الطيران , التقول جناحينو مقصقصات
    المهم , الراجل سجل بيناتنا , واستجوب عروستنا , وشاف وشها كمان وطابقه مع الصورة
    آمنتا بيهو لكن فى اللحظة ديك , الشوفة الشرعية دى , اتاريها ليها نكهة ياخ
    لحظتها , الراجل مرة بى لحظات (عدم تجهم وانفراج اسارير ) , اتعبت للراجل وشه جنس تعب !!!
    تتعب الوجوه اذن , اذا ما لبست قناعا غير القناع , حتى خفت للحظة , ان يفقد الرجل وشه , ويبقلى من غير وش
    ما ابيخ (القهوة الما عندها وش )
    ما شافوا ود المأذون بكرى , يعقد للناس , وهو يسكسك !! وشه منبسط وعيونه مليانات فرح !!
    ولا ما سمعوا بى مأذون حلتنا , داك الحافظ ليهو اكليشيه دعوات مأثورة , ومطعمة بى تمنى الزواج , للشباب
    والتدبيل لمن يريد من الحاضرين مثنى وثلاث ورباع
    لا ينتهى دعاؤه , الذى يؤمن عليه كل الحاضرين بصوت خفيض
    حتى ياتى لى حتة المثنى وثلاث ورباع دى
    فيرتفع الصوت فيما يشبه (شيلة الصفاقين البشيلو ورا ثنائى منو اسمهم يا طارق جبريل ؟؟؟؟)
    فتبدأ الترترة , وتتجدع الشبالات , البيعرس واحد , البيعرسوها واحده , ولكن الفرح يتوزع على الجميع
    وكلو من انبساط وش المأذون ولا ولده , وترترة طارق جبريل (القيل انوان معاهو محمد صديق كمان )
    ولكننا لم نرض بان نخرج من معمعة عقد القران ابو اجراءات ده , الا بحكايات من شنطة حكايات ود المأذون ورفاقه
    حكينا مثل هذه الخواطر , فحكيت ليهم عن بكرى حامد ود المأذون
    دعينا للعروسين , فادخلت منى بابكر ضمن دعواتى ,خلسة مرة , وبالصوت العالى مرات
    سالوا عن فلان الفلانى وينو ؟؟ قلت ليهم مش لمن نلقى (مى ) فى الأول !!
    قالوا ان العقد انتهى , وموعدنا العشاء مساء , قلت ليهم , لمن تقرع الأجراس ؟؟؟
    اتى ابن عمى الكابتن طيار وليد عطا على بعض الحكايات الصينية التى قدم من عاصمتها ليلة الأمس واهلها يحتفلون براس سنتهم (الخلاقة ده )
    فقال ان رمز احتفالاتهم هذا العام , هو شجرة اليوسف افندى , فسألته ان صادف ياسر نجيلة او سناء الصباغ هناك
    مع كامل ايمانى , بان اليوسف افندى خشم بيوت , وكامل الحذر من اليوسفى (الصينى ده )
    تلقاهو (برتكان عدييييل )
                   |Articles |News |مقالات |بيانات

01-22-2012, 12:43 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    قال ليك , العريسين من صالة الأفراح
    ولى بيتهم الجديد , ترفرف عليهم حمائم السعاده
    وتحفهم الملائكة عن يمين وشمال
    وهما فى قمة سعادتهم تلك
    طرأت لهم فكرة , طرات على العريس بالأحرى
    فاسر لعروسته بها
    نحن بكرة الصباح , ما نفتح الباب بتاعنا ده , لى اى قرد
    خلاص اتفقنا , ردت العروس دون اى تفكير ولا تقليب للأمر
    لا ابوى لا ابوك
    ما عندى اى مانع
    لا تقولى لى امى لا امك
    موافقة
    لا اخوى لا اخوك
    ------
    لا اختى لا اختك
    نشوف البينط منو , هكذا ظلت العروسة تؤمن على مقترحات عريسها , تملأهما معا النشوة والحبور والسعادة
    ناما , بعينين قريرتين سعيدتين , ثم استيقظا على صوت جرس الباب
    استغرق الأمر عندهما بضع دقائق حتى يستوعبا رهبة المكان الجديد , والواقع الجديد
    ثم تذكرا اتفاقهما ليلة البارحة
    جرى الزوج على الباب , ثم اخفض من وقع مشيته وصوت ارجله , متاوقا للطارق من خلف عدسة التلصص
    انه ابى , قال العريس لعروسته يملأه التردد , والرغبة فى ان (ينط ) من اتفاق الليلة البارحة
    ولكنها صوبت تجاهه نظرات صارمة , انحنا مش اتفقنا لا ابوى لا ابوك
    غفل العريس راجعا الى سريره دون ان يفتح الباب , يملؤه زهو ما , كيف لا وهو الملادر الى الألتزام باتفاقية وضعها هو
    وهاهى الفرصة تتاح له ليثبت لها , انه ممن يصونون العهود , ويلتزمون بالمواثيق
    فقد والد العريس الأمل فى فتح الباب , او ممكن تقول قدر ظرفهما الدقيق , اذ ان ابنه فى اول ايام عسله الممتد ان شاء الله
    فغفل راجعا , سعيدا , حتى ولو لم يفتح له ابنه الباب
    اما الأبن العريس , فعاد غارقا فى عسله اللذيذ , فخورا بعهده الذى صان , وموثقه الذى حفظ
    حتى اذا ما مرت ساعة
    رن الجرس ثانية
    من خلف عدسة التلصص , رأت العروسة وجه ابيها الذى تعرف وتحب
    يا لهذا الوجه الحبيب , لكم قبلته وقبلها , لكم تمعنت فى لمعان هاتيك العيون , لكم فهمت نظراتها وخبرتها
    همت بفتح الباب , الا ان التفاتة منها الى زوجها , اجبرتها على العودة الى الوراء , تاركة اباها يمعن فى دق الجرس
    كلما دق الجرس , ازداد وقع خطواتها ثقلا , وتوزعت دقات قلبها واختلطت ايقاعاته , بين نغمات الجرس , وموسيقى العهد والميثاق الذى ابرمت
    الليلة البارحة
    حتى اذا ما توقف الجرس عن الرنين , نظرت الى زوجها نظرة المنتصر , ولسان حالها يقول , كلنا منتصرون
    ولكن صوت وقع خطوات والدها المغادرة على درج المنزل , عادت اليها اقوى من صوت الجرس
    فسالت دموعها دون ان تشعر , فابتلت الخدود والشفاه , وخضب سواد كحل العيون , حمرة الشفاه واختلط بها
    حتى اذا ما رآها عريسها وهى على تلك الحال , بادر اليها بالقول , اسرعى يا حبيبتى وافتحى الباب لأبيك
    وانت فى حل مما اتفقنا عليه ,
    ودفعها زوجها دفعا الى الباب
    فتحته , ولحقت بابيها الى الدرج , وارتمت على صدره باكية متولهة
    عاشا سعيدين بعد ذلك
    مرت بهما السنوات والسنوات
    رزقا بالولد الأول , ففرحا فرحا كبيرا
    ثم جاء الولد الثانى , ففرحا فرحا اكبر
    ولكن فرحتهم كانت اقل عند ولادة الولد الثالث
    ولمن الله اداهم بنت , فى الولادة الرابعة , تضاعفت فرحتهما مرات ومرات
    حتى انه ضاعف فى عدد الخراف المذبوحة , وبالغ فى طقوس الاحتفال ومظاهر الفرحة
    سأله ابوه , مالى اراك يا ابنى اكثر فرحا ببنتك , من فرحتك بكل اخوانها الأولاد
    قال لأبيه , ببساطة يا ابى , لأنها من سيفتح لى الباب , لمن ادق عليهم الجرس , يوم صبحيتهم
    وارتمى فى صدر ابيه باكيا منتحبا
                   |Articles |News |مقالات |بيانات

01-22-2012, 12:58 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    سلامات يا ناس

    تحياتى يا منصور ومشتاقين ........

    مبروك ليكم وللعرسان ....

    تذكرت العقد الفى مدنى وكان المأذون بكرى حامد ومن ضمن الحضور

    كان محمد حسن البرلوم وناصر بشار (كشرى ) بيطرة ...ولازلت اتصور

    خُلعة بكرى حامد لما شاف كشرى من بين الحاضرين.............



    ++++++++++++++++++++++++++++++++++++++++++++++++

    Quote: رشا حقيقي في إنتظارك ....

    شكراً حمد علي الزيارة والطلة ... وبلغ تحياتنا للإبن عبد الكريم الأمين شقيق الزقازيقي صلاح الأمين
    ونحن متابعين تجربتكم بكثير من الإعزاز ... نتمني أن نستفيد منها ..


    يا ريس ميسرة والله حكاية الحج البيدسوهو دي جديدة .. بس أكيد في حاجة خلت الود جلا يأمن التأمين العالي دا ... بس ما يكون مطلوب في المحكمة الجنائية الدولية ...


    كلام (زهير) ال بالليل يمحوه النهار.
                   |Articles |News |مقالات |بيانات

01-22-2012, 09:31 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد صديق)

    الله الله يا منص
    مدد يا حبيب مدد
    زدنا من طرب العرسان وحكاويهم



    (8)

    عادة حين يكون العرس في منزلنا يوم العرس يكون التعب وصل مداه..
    رغم ذلك حاولت جاهدا أن استمتع بيوم قد لا يتكرر في حياتي مرة أخرى..
    ذهب شقيقي لطفي رفقة العريس لأحضار العروس من الكوفير وذهبت أنا وأشقائي
    الكبار لنكون في استقبال الضيوف.. لكن الألم كان حاضرا كعادته..
    ما أن يتسرب الفرح وسط القوم حتى يطل برأسه لينغص عليك سعادة أنت تنشدها..
    والدي لم يستطع الذهاب إلى القاعة.. حيث لا يمكنه الجلوس وسط القوم
    وفي نفس الآن لا يمكن أن يكون مددا على أريكة والناس تهتز طربا..
    اتفقنا أن نأتي بالعروسين في ختام الحفل ليبارك لهما حياتهما الجديدة..
    كان هذا هو الحل الأمثل والأقل إيلاما...
    طبق علينا صمتا هو أشبه بالنحيب... لكنه كعادته يحاول أن يخلق من حياتنا
    فرحا: أمشوا للعرس ياخي واستقبلوا ضيوفكم ولامن تنتهي اللعبة بتلقوني قاعد
    منتظركم هني أصلي داير أمشي وين..
    توكلنا على الله ووجهنا وجوهنا صوب قاعة «ليلة عمر»...
    زمن طويل لم أعش هذه الأجواء.. كنت أتوسط أخوي إبراهيم وخضر وعم بريقع
    والد العروس.. كانت مهمتي أن آخذ الضيوف إلى أماكنهم...
    سعادة غامرة امتلكتني وأن أقوم بتلك المهمة.. وكانت شقيقتاي اعتماد وأسماء
    ترحبان بالنسوة مع أم العروس..
    الكل كان فرحا لشقيقنا تجاني.. صغيراتنا لبسن أجمل ما لديهن..
    وتسربل كبارنا بالعمم والجلاليب ونساءنا بالثياب..
    دخل «فرفور» في جو احتفالاتنا وأنشد «المهرجان»...
    وشاشات البلازما كانت تنقل خروج العروسين من الكوفير في طريقهما إلينا..
    حضر السفير المغربي الذي تربطه بأسرتنا علاقة قوية... لذا كان لزاما علي
    أن أكون في معيته حتى استطيع «ترجمة» دارجتنا إلى الدارجة المغربية..
    كان مستغربا أن هذا الكم الهائل من البشر يتناغم معا في رقص أشبه بجذب
    الحيران في حضرة المداحين... وازداد استغرابه أن الواجب يملي علينا راحة
    هذه الأنفس والوقوف على إطعامها... فهناك المعازيم لا يتعدون المائتي شخص
    قلت له إن هذه حياتنا التي نحب وطقوسنا التي ورثناها عن الجدود وجدود الجدود
    علت وجهه ابتسامة مُحيرة ووضع يده على خده الأيسر يتأمل فرحة القوم..
    حين زاد تطريب «فرفور» قفزت من مكاني وتوسطت القوم والعرسان..
    تمايلت مع القوم وبشرت وكدت أن أزغرد مع شقيقاتي..
    هذا الجمال ينقصني هناك عند خاصرة الأطلس.. هذا الدفء افتقده
    في زمهرير الرباط ولياليها المرهقة.. إن كنا سافرنا مرغمين.. فلنجعل من زياراتنا
    هذه زادا نستعيض به عن ألم فراق الأحبة... شُحنة من العواطف في صحراء الغربة
    هذه هي أقدارنا... إن كانت قاسية علينا أن نخفف من قساوتها ما استطعنا..
    أجواء العرس اختلفت كثيرا عن أيامنا.. كانت «الصيوانات» باعثة للفرح
    في مداشرنا وحوارينا وأزقتنا... كنا نتفنن في نصبها أمام منازلنا..
    كان بيت الجيران، حتى دون استئذانهم، هو المكان الماسب لـ«الطباخين»
    وكان شباب الحلة وشابات الحي يشرفن شخصيا على توزيع الطعام..
    الآن يكلفون جهة ما ويتركون لك وقتا أكثر للمتعة والبهجة..
    لكن أيضا في أيامنا تلك كنا نبتهج.. فأفراحنا كانت تنتهي مع تباشير الصباح..
    كنا نعبد الله دون تطرف أو وصاية من أحد ودون «مشروع حضاري»..
    كنا نجد الفرصة في الأعراس في أن نلتقي مع من نحب..
    ولو للحظات تبقى معنا طول العمر..
    واصلنا احتفاليتنا وسط الأهل والأحباب والأصدقاء..
    ثم أخذنا العروسين لوالدي ليبارك لهما قرار أن يكونا معا إلى نهاية العمر..
    قبلهما... أي والله قبلهما معا وتمنى لهما حياة سعيدة...
    وحين غادرا إلى شهر عسلهما.. رمقته من الشباك..
    نظر إلى السماء ثم سبح وأغمض عينيه..
    كان يتمتم بأدعية ويلهج لسانه بالشكر...
    فهذا العريس هو أصغر أنجاله..
    تملكني حزن دفين عليه
    لكنها على أية حال ليست ليلة للحزن..
    الفرح ثم الفرح وحده..
    ......
                   |Articles |News |مقالات |بيانات

01-23-2012, 04:28 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    Quote: ولمن الله اداهم بنت , فى الولادة الرابعة , تضاعفت فرحتهما مرات ومرات
    حتى انه ضاعف فى عدد الخراف المذبوحة , وبالغ فى طقوس الاحتفال ومظاهر الفرحة
    سأله ابوه , مالى اراك يا ابنى اكثر فرحا ببنتك , من فرحتك بكل اخوانها الأولاد
    قال لأبيه , ببساطة يا ابى , لأنها من سيفتح لى الباب , لمن ادق عليهم الجرس , يوم صبحيتهم
    وارتمى فى صدر ابيه باكيا منتحبا


    غايتو في الحته دي يامنص ...
    دخلت فيني جنس خوفة ورجفة ...
    وخليتي اعقد عزمي جازما ... أن احاول للمرة الرابعة ...
    ولو طلع ولد زي .. أحمد وعمار وفارس ...
    ياني ... المودع اولادي من صالة العرس ...
    واقفل على باب بيتي ... وانتظرهم لما يجو براهم ...
    ويطرقو على باب بيتي ... وافتح ليهم ... واحضنهم وأبكي أنا الماعندي بنيه ...
    ياخي مابقدر على الشره خلف الأبواب دي ....
    غايتو تصوير مبااااااالغة ... كالعادة يامنص ...


    ========================
    وانت كمان ياود جبريت اقعد بكي فينا زيادة ...

    Quote: ثم أخذنا العروسين لوالدي ليبارك لهما قرار أن يكونا معا إلى نهاية العمر..
    قبلهما... أي والله قبلهما معا وتمنى لهما حياة سعيدة...
    وحين غادرا إلى شهر عسلهما.. رمقته من الشباك..
    نظر إلى السماء ثم سبح وأغمض عينيه..
    كان يتمتم بأدعية ويلهج لسانه بالشكر...
    فهذا العريس هو أصغر أنجاله..


    يا اخوانا ادونا فرصة نجر نفسنا ... ونرتاح شويه ...
    ماتجو متبارين مع بعض ...
                   |Articles |News |مقالات |بيانات

01-23-2012, 06:15 AM

أحمد إسماعيل
<aأحمد إسماعيل
تاريخ التسجيل: 09-10-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    براحة علينا يا منصور
    ياخي أنت عارف الغربة خلتنا رهيفين بشكل
    ما بنقدر على الهبباي في عز الشتاء ، وبالطريقة دي بتكتل ليك زول
    أو ترميه من طولو والكلام دة بخصكم يانجيلة وعمر نملة
    الأخ عمر نملوز تحياتي وسلام ليك وألف حمد الله على السلامة وإن جات متؤخرة
    ويكون لمعلويتك متابعين أخبارك خاصة طموحك في تحقيق رقم مميز في السباق
    وذلك لأن ولدي عمر عامل فيها بتاع كورة قدم دائما بحمسه بسعيك الدؤوب
    ونسأل الله السلامة والصحة والعافية لإخيك وإن شاء الله أجر وعافية وربنا يرفعه
                   |Articles |News |مقالات |بيانات

01-23-2012, 06:24 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    صبحكم الله بالخير

    السقط السقط السقط...
    أكتر حاجة بتعجبني في السقط ده...
    هدوم البرد و التمسح ..
    لكن الما بيعجبني فيهو كتير...
    رغم ان الجو لذيذ في الشتاء لكن تشعر بي كآبة ما بتعرف ليها سبب..
    اليوم و الحمد و الشكر لله جينا لقينا ثنائي العامراب في البوست...
    علي العلينا تجي كل يوم تلقى البوست خلاء يتعكر مزاجك زيادة...
    و الحقيقة مداخلات ثنائي العامراب (منصور و جبريلا) فيها الكثير المثير الخطر...
    أحيانا تلقى نفسك واقف براك قدام سطر واحد لحدي ما تحتاج ليك زول يلكزك...
    و يجرك من يدك و يقدمك لحدي قدام باب سطر تاني و ينتظرك..
    عشان يمكن تجيك حرنه تاني و يقوم تاني يسوقك يقدمك....
    لحدي ما يمرقك من المتاهة دي بي سلام...
    أيوه و الله متاهة كنت مع منصور لحدي ما القاضي وشو اتجهم....
    لحدي ما لقيت نفسي في البت الرابعة و لقيت ياسر نجيلة قاعد يبكي مع ولدو...
    قلت أنا الجابني هنا شنو أنا كنت واقف هناك في حتة الزغاريد...
    و القاضي الشاف العروس شوفه شرعييييية (يغسي عليهو) لحدي ما وشو انفرج...
    و الأمركة و السعودة و راس السوط الهبشني في الأمرته لحدي ما اتحسست....
    قلت لي نفسي الجاتك في أمرتك سامحتك...
    و خلطت بين الأحمر و الأٍسود بين مداخلتي الثنائي...
    و احترت في كيف تكون المغرب في خاصرة الأطلسي...
    أنا طول عمري شايف خريطة أفريقيا دي زي الجمجمة...أصلي ما شايف ليها شيتا تاني...
    و طول عمري شايف المغرب دي قاعدة في دنقوس أفريقيا....
    لكن نعمل ليهم شنو الرومانسيين ديل و خيالهم الخصب اللذيذ....
    خيال فيهو زيادة شوية زي (التوبينغ Toppings) في الآيسكريم.....
    كان تجرجر السفير المغربي من غطاء الراس بتاع جلابيتو و تخليهو يرقص معاكم...
    مش كان أخير ليهو من الحيرة و ختة اليد في الخد...
    الثنائي الأول خلى البت تجري تلحق أبوها و تنكص وعدها..
    و التاني رد عليهو بعد أخوهو و مرتو سلمو على أبوهو و مشو...
    قعد يتاوق لي أبوهو بالشباك بتاع الأوضة و شافو بيشكر الله...

    يا أخوانا ثنائي العامراب ديل الله يديهم العافية...
    يعني اتنين ممكن يرفعوا معنويات شعب زقازيقي كامل...

    السقط السقط السقط...

    و أقول لي صاحبي الذي يعلم مدى حبي له ما رديت على رسالة الشوق بتاعتي لحدي حسه...
    و ما عايز أعتبر الأصفار ديك كانت رد عليها...
                   |Articles |News |مقالات |بيانات

01-23-2012, 07:04 AM

عمر نملة
<aعمر نملة
تاريخ التسجيل: 11-07-2009
مجموع المشاركات: 1414

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    غايتو في الحته دي يامنص ...
    دخلت فيني جنس خوفة ورجفة ...
    وخليتي اعقد عزمي جازما ... أن احاول للمرة الرابعة ...
    ولو طلع ولد زي .. أحمد وعمار وفارس ...
    ياني ... المودع اولادي من صالة العرس ...
    واقفل على باب بيتي ... وانتظرهم لما يجو براهم ...
    ويطرقو على باب بيتي ... وافتح ليهم ... واحضنهم وأبكي أنا الماعندي بنيه ...
    ياخي مابقدر على الشره خلف الأبواب دي ....
    غايتو تصوير مبااااااالغة ... كالعادة يامنص ...
    عرفتني قاصد منو ياالرشيد؟
                   |Articles |News |مقالات |بيانات

01-23-2012, 07:38 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عمر نملة)

    Quote: عرفتني قاصد منو ياالرشيد؟

    نملوز يا حبيب راس السوط هبشك؟؟؟
    لكن منصور ده مالو فطاكم هنا...
    امكن يكون خايف البلجكة دي تتفهم غلط...

    Quote: فحتى اولادنا وبناتنا نحن , دخلت عليهم طباع السعودة والأمرتة والأمركة والمصرنة
                   |Articles |News |مقالات |بيانات

01-23-2012, 08:17 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    أحمد عمار فارس = الطيب عيسي يسن

    دي ما أصفار زهير الزناتي زاتا ......................




    =========================
    نملوز انت احسن مني شوية ...
    لانك بضفر شعرك وشعر الطيب ...
    انا شعر ساي اضفرو في البيت مافي ...
    بت الشيخ زاتا حلقت زينا ....



    انتو ياشباب ماتشوفو لينا حاج الركز وعفاف مرغني ديل اختفو وين ...




                   |Articles |News |مقالات |بيانات

01-23-2012, 09:18 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    Quote: الحقيقة مداخلات ثنائي العامراب (منصور و جبريلا)



    يا رشا ياخي كتلتني بالضحك
    يا اخوانا ان شن جابني لي حكاوي منص داك زول محترف في برشلونة
    واخوكم لسة بيلعب في مريخ القولد
                   |Articles |News |مقالات |بيانات

01-23-2012, 10:34 AM

جلال عثمان
<aجلال عثمان
تاريخ التسجيل: 09-13-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    Quote: واخوكم لسة بيلعب في مريخ القولد

    مريخ قولدنا ولا برشلونة ناس ميسى
    على وزن لالوب بلدنا

    شكرا على كل الجمال ووضعنا موضع الحدث
    ياخي والله مشتهيلي عرضة لي زمن وبارك الله فيك ان اضفت لها كل تلك الاحاسيس
    لكن داير الجد "نجضتنا نجاض" من الصباح خليت الزول اتذكر حاجات كنا نظن انها ماتت "لكن اتاريها كانت متضارية ساكت"
    ثنائي العامراب شكيتكم على الله كان خليتو قلبنا "خفيف"
                   |Articles |News |مقالات |بيانات

01-23-2012, 12:44 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: جلال عثمان)

    الأبوة
    قيمة مظلومة معنويا عندنا
    امام طغيان وحنية الأمومة , وزخمها الحياتى والدينى
    ولكنها قيمة بطعم مختلف
    ونكهة مميزة
    هى خليط بين اشياء تبدو فى ظاهرها , متضادة ومتقابلة
    اشبه بلذة عصير الليمون , والفراولة , لمن ادمن واستمرأ , الحليب بالموز
    والمنجا بالحليب
    حليلكم يا ياسر نجيلة , ويا عمر نملوز , ويا حجازى اخوى الله يرحمك
    كدى شوفوا معاى طعم فرحة عم جبريل , الله يديهو الصحة والعافية , بى عرس وليده الزغنتوتى , تيجانى
    تفرح الأم بى عرس ولدها , وتكمل فرحتها للأخير
    تملأ ساحة الرقيص , وتجدع شبالاتها فى اى حتة بتستاهل تتجدع فيهو , واليوم داك , لا عندها حساب لى زول
    ولا بتكون شغالة بى اى قرد
    ولكن نفس الأم , لمن تجى لى عرس بتها , تتضارى ليها ورا حيطة , وتشيل هم المعازيم , الأتعشى منو , والما اتعشى منو
    فى حين انها يوم زفاف وليدها , اتعشيت ما اتعشيت , لا شغالة بيكم ولا شيتين
    ولكنها لا تمانع فى ان تسن (لسانها ) فى نسيبتها ام عروسة ولدها , لو بالغلط سمعت واحد من ضيوفها , قال انو ما اتعشى , ولا حتى بيفتش ليهو فى كباية موية
    هكذا هو سلوك السيدات والأناث عموما , وضوح بالغ , لا وسط فيه , فرحة عارمة , او مسئولية وهم , تخالطهم فرحة مكتومة
    ولكن الأب , تتجاذبه وتمزقه افراحه واتراحه كل ممزق
    تشعر بيهو , قاعد يتقطع فى الحالتين , يوازن بين متضادات شعورية , فتظهر مشاعره المختلطة , وكأنها مسروقة سرقة
    الدموع زااااتا لمن تطلع , زى التقول ما مرقت قبل كده , لامن تحس بيها تمرق وتدخل , عاملة الدرب ساساقة ,
    الضحك مع الدموع , يتبادلان تقاطيع الوش , فيعرض هذا , ويقبل ذاك , وخيرهما الذى (يبدأ بالسلام )
    ولكن يا سبحان الله
    فى يوم زواجى (الزماااااااان داك )
    انت كنت حاضره يا الرشيد
    عندى مشهد , تخرج فيه دموعى وتجرى انهارا , كل ما ستحضرته , كان فى الخيال , ولا حتى فى شريط الفيديو , الأنهرى من كتر التشغيل
    الأحساس نفسه ما غيره , جانى وانا بقرأ (واتنفس ) , مشهد قبلات عم جبريل , لى وليده التيجانى وعروسته , بعد عودتهم من (العامراب )
    العامراب المرة دى كان فيها فرفور , ورحلة فى طيارة , بين طيات السحاب
    والدتى , الله يرحمها ويسكنها الجنة , قولوا كولكم آمين
    يوم زواجى ذاك , شهر سبعة , فى يومه التاسع والعشرين , من سنتنا الثالثة بعد التسعين
    كانت , لتوها , خارجة من تجربة مؤلمة , مع مرض سكرى لعين , لم يكن الأولين من جيلها يعطونه حقه ومستحقه من العناية والأهتمام
    كما نفعل نحن الآن
    تلكم التجربة اللعينة , وبعد عمليات موية بيضاء , تخيلناها بسيطة , وتخيلناها بيضاء
    الا انها استبدلت نور بصرها الأبيض , بظلمة وسواد افلح فى اقتلاع اللون الأبيض من حياتنا كلنا لفترة
    الا انه لم يفلح ولم يتجرأ , على بياض سريرتها وبصيرتها الذى نعرف , حتى ان خيار تأجيل حفلة زواجى مثلا
    انقلب عندها الى نوع من التنكيت علينا , من شاكلة , يعنى حا تنتظر بدون عرس لغاية ما اشوف تااااانى
    انا ما كملت الشوف يا ولدى , دايرنى اشوف تانى شنو فى دنيتى دى !!!
    انت وولدتك من بطنى دى , عروستك وشايفاها قدامى من يوم هى ماشة فى الشارع حفيانة
    شفتوا المنطق ده مفحم وبسيط كيفن ؟؟!!!!
    اها , يا ربى عنده علاقة مع كلام عم جبريل , امشوا قضوا لعبتكم وتعالوا تلقونى قاعد فى مكانى ده , اصلى حا امشى وين ؟؟؟
                   |Articles |News |مقالات |بيانات

01-23-2012, 01:10 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    مشهد امى الله يرحمها , بثوبها الأزرق
    ويمسك بها ويراقصها , عمى الذى امعن فى القيام بدور ابوى
    ليس يوم زواجى فحسب , بل فى الكثير من فترات حياتى
    حيث ان والدى رحمه الله , توفى باكرا سبعينات القرن الماضى
    اتحدى اجعص جعيص , يقوا الزولة دى ما شايفا قداما
    ومشهد جيتهم لى , مع عمى واخوى المرحوم حجازى
    يملأهم الفرح , وتحفهم الزغاريد , كان مع الطيب مدثر , ولا كمان
    مع احلى من القمر والله احلى من القمر
    الكان بيردد فيها ابن البادية وكأنها معمولة خصيصا لينا
    هذا المشهد , انا بيتجدد عندى , مع كل عرس احضره
    ولا اى عرس اسمع بيهو حتى
    ويكسب مشهدى ذلك , الجولة دائما وابدا , لا بعرفوا فى اللحظة ديك
    طالع منى , ولا كمان داخل ليها
    بس ترترة طارق , ووش ماذوننا قاضى الأنكحة , وبكرى حامد ود المأذون
    وصهينة اخونا العريس من صوت جرس الباب , ثم استجابته للدموع السايلة التى احالت ليل الكحل
    الى بياض ناصع , من التفهم والمقدرة على قراءة فوارق شعورية مرتبطة اظنها بالبيولوجيا
    وجقلبة ابو فارس وعمار , الأتحالف معاهو فيها فى الجقلبة والبلجكة ابو الطيب وعيسى نور ويسن
    وفرح عم جبريل المقاوم للمرض حد الدهشة
    خلتنى , اترتر وانا فى محلى دا , واقارن بين فرحة امى الما شايفة
    مقارنة مع فرحتها يوم زفاف اختى , وهى بكامل صحتها ونظرها
    تباشر عشاء الضيوف , تغالب دميعاتا , وتشيل كده وتغطس بيهم فى صحون الكوكتيل المرصوصة
    الصحن داك ناقص لحمة , وداك جبنته مالا قدير دا , وما ختيتو فيهو طعمية مالكم , دايرين تسودوا وشوشنا مع اهل العريس ؟؟؟!!
    شفتوا الألوان دى متقاطعة كيفن
    وشوش ما دايرة تتسود , ووشوش كاسيها البياض , وموية بيضاء , حولت بياض الدنيا لى سواد
    وقليب عم جبريل , اللى اضناه واتعبه , دموع ما عارفة تقبل وين , تساسق فى (الدريب الجاى بحداكا )
    تقول يمكن تصادف مرة تلقاكا
    فى الوكت , ينشرح قلبى
    الأصلو حباكا
                   |Articles |News |مقالات |بيانات

01-23-2012, 01:18 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    Quote:

    انتو ياشباب ماتشوفو لينا حاج الركز وعفاف مرغني ديل اختفو وين ...


    قبل يادوب ساعة واحدة بس , مرق منى الزول السخوت اب صلعة ده
    بعد ما سفسف معاى ملاح الرجلة الما خمج
    بس لكن يمين لقمته كبيرة جنس كبر , لو كنت عارفه جاى , كنت جبت الرجلة , باللنش بوكس الكبير ياخ
                   |Articles |News |مقالات |بيانات

01-24-2012, 05:06 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: منصور عبد الرازق)

    صبحكم الله بالخير

    مرات بجيني احساس انو أمنية بتي دي قاعدة تفتح البوست بي وراي...
    و تقعد تقرا فيهو و بعدين تجي تفاجأني بي حاجات منه...
    مع العلم انها ما بتعرف أي حاجة عن البوست و ما عايز أقول عن العربي زاتو...
    تقوموا تهيجو فيني و يجي منصور يقول ليكم شفتو..ما قلت ليكم...
    و تثبت حكاية السعودة و الأمركة و البلجكة و الأمرتة و التي هي ما يلينا...
    أمنية زهجت من الأمرته أو كما قالت و عايزة تتأمرك أو تتكندك (الشر بره و بعيد)...
    و بالعدم تتأطلن و دي جايه من ايطاليا...
    قلت ليها يا بتي انتي قايله نفسك (صمويل ايتو)...
    صمويل ايتو زاتو مشى روسيا و قعد قبلو هناك...
    وروسيا دي... ما أظن أمك دي تخلينا نمشي روسيا...
    طبعا عشان البرد شديد...
    لازم نوضح يا جماعة..
    عشان ما يجي عمك جبريلا بي دنقوسو الكلو طلح و شاف ده يقول لي...
    اشمعن روسيا...
    بعدين هي ذاتها تصريفها صعب شوية.. الروسنه...صعبه شوية..
    قلت ليها يا بتي خلينا في البجكة..و لسببين...
    أول حاجة تصريفها ساهل..(البلجكة)...
    يعني ما زي سويسرا و النمسا و لا كمان فرنسا...
    و الأصعب منهن كلهن البرتغال...
    تانيا عمك نملوز قاعد بي هناك وبقى مقدد دروب الشغلانية دي...
    و سمعنا تحت تحت كده ..مما رشح في الويكليكس...
    انو نملوز ممكن يترشح بعد شوية عمدة لي أوستند...
    عشان كده نفسو يفوز بي سباق ماراثون واحد يدعم بيهو حملتو الانتخابية...
    و بعد ما نملوز يبقى عمدة أوستند..
    نمشي بلجيكا و نقعد و نتجدع في أوستند زي القاعدين في الكوة...
    في بيت جدي هناك الجمب البحر...

    اذا كان في حاجة واحدة لذيذة في أيام الامتحانات دي...
    فهي حجج أمنية و ونستها الكتيرة عشان تلهيني من موضوع القراية...
    و أنا متأكد تماما انه بمجرد ما تنتهي الامتحانات حتنقطع الونسة...
    و كان جيت بعد داك قلت ليها يا أمنية انتي عايزة تمشي ايطاليا...
    حتقول لي ايطاليا شنو يا بابا انت صدقت و لا شنو...
    الأمرته دي أمشي أخليها وين أنا...

    دعاء الصباح لحدي ما يجي الريس بالسلامة...
    اللهم لا تأمركنا و لا تأمرتنا و لا تأنجلزنا...
    بل أحفظنا وأحفظ وطننا من الفتن و أجعل للناس فيه سعة في الرزق و الأمان...
                   |Articles |News |مقالات |بيانات

01-24-2012, 06:16 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: كانت , لتوها , خارجة من تجربة مؤلمة , مع مرض سكرى لعين ,
    لم يكن الأولين من جيلها يعطونه حقه ومستحقه من العناية والأهتمام
    كما نفعل نحن الآن


    والله نحنا عارفين ... ناس الرياض ديل كلهم .... سسسسسسسسسسكر ...

    يا جلة ياخ .... تحياتي الحارة ...

    ======================================

    Quote: دعاء الصباح لحدي ما يجي الريس بالسلامة...
    اللهم لا تأمركنا و لا تأمرتنا و لا تأنجلزنا...



    يا خوي الشر بره وبعيد ..
    يارشا ياخي شوف زول تاني غيرنا يأمن معاك دعاك الشين ده ...
    انا بره ...

    ادعو معي يا شباب ... وامنو بقلوب خاشعة ...

    اللهم تأمركنا و تأمرتنا و تأنجلزنا ....
    وكمان زدنا من فضلك الذي لاينضب ... فاسترنا ....

    ولا يخفي على فطنة القارئ ...
    استرنا ... ليس من الستر ...
    ولكن من استراليا ....
    وعليه وجب التنويه وعدم الخلط في الدعاء ...




    نقبل وين نحنا لو ما لقينا واحد من الجوازات دي ...
    فرحان يعني بمجمعك السكني ... القاطعو من راسك ده ونجيلتو المحفرة دي .... ......




                   |Articles |News |مقالات |بيانات

01-24-2012, 08:03 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    صباح الخير ،،، يا وجوه الخير

    دعاء اليوم :

    أعوذُ بكلمات الله التامة
    من كل شيطان وهامة،،،،
    ومن كل عين لامة ،،،،،

    ==========================

    الدعاء ده بيصلح مع الرشيد وكمان نجيلة

    في الحالتين نطفش في بلد طير عجم أو نكون في غربة الطويلة دي.
                   |Articles |News |مقالات |بيانات

01-24-2012, 08:33 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    اختفى دعاء الصباح يوم أمس حيث إختفيت داخل القنصلية السودانية
    بجدة لإستخراج جنسيات وجوازات للأولاد علشان نكون جاهزين للبلجكة والأمركة

    ذهبت يوم أمس وضاع كامل يومي وطلبوا مننا الحضور يوم غداً وجلست أبحلق
    في هذه القنصلية ومبناها الجديد مقارنة بالمبنى القديم القابع في حي الثعالبة
    بالقرب من باب شريف قبلة السودانيين المقيمين والمعتمرين والزائرين ولكن مبناها
    الجديد في شمال جدة إتجاه المطار صدمني بشكله الغير جميل وإختفاء أي شكل جمالي
    ملفت للنظر سوى بعض الأعلام الصغيرة في الصالة وجبنه معلقة في السقف مصنوعة من الصفيح
    وأشياء أخرى لا قيمة لها وتذكرت تلك المعارض التي كنا نقيمها عن التراث السوداني في الكليات
    ووجدت فرق السما للأرض ، عجيب لا توجد أدنى بصمة جمالية حتى المبنى (فيلا) جديدة صالة الأستقبال كئيبة
    المقاعد من الألمونيوم الرخيص وقد مالت إلى الوراء يعني عبدالدائم لو زارها وجلس فترة يطلع
    بوجع ظهر بعد وجع الرقبة ، دخلت الحمامات الله يكرمكم حمام بلدي تعبان (العنده وجع ركب لا داعي أن يدخل)
    الخرابه دي وبعض المياه تسرسب والسباك يجتهد في الإصلاح ولأن العدد قليل ولا يوجد حوض لغسيل اليدين
    تطلع من الحمام وأنت مكتمل ، توجد مكينة تصوير عادية على تربيزة (عندي في البيت أكبر منها وديجتال) يجلس عليها سوداني طيب الصورة في خارجالسفارة كل 16 حبه بريال أما داخل السفارة صورت ثلاثة أوراق بمبلغ 2 ريال ، يوجد بداخل الصالة إستديو مكتوب عليه دجيتال ولكن منظر الصور المعلقة على الجدران تنافس أرخص إستديو في أمبده زمان يبدو نحن شعب لا نهتم بمسألة الديكور.

    على الرغم من أن معاملتي سوف تنتهي اليوم ولكن ساءني ما شاهدت وكنت أُمني نفسي بمنظر غير
    لأني زرت المبني الجديد للقنصلية المصرية وجدتهم مهتمين بكل صغيرة وكبيرة وكذلك يا منصور بالبستنه والزرع
    والورود وحتى بسقوط أسعة الشمس بزاوية وكأنه تحاكي أهل الكهف أو المعابد الفرعونية بالأقصر .

    ==================
    نفتقد أخونا عبدالدائم الذي ما زال يواصل علاج آلام الرقبة
    وعدم إمكانيته بالجلوس في المكتب لمدة طويلة وقد تقدم بإجازة طارئة
    عسى أن يرتاح بمنزله بجوار أم الأولاد ،،،
    نتمنى له عاجل الشفاء وأن يعود إلى مقر عمله سالم معافى
                   |Articles |News |مقالات |بيانات

01-24-2012, 08:47 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    Quote: نقبل وين نحنا لو ما لقينا واحد من الجوازات دي ...
    فرحان يعني بمجمعك السكني ... القاطعو من راسك ده ونجيلتو المحفرة دي ....


    جابت ليها مطاعنات كمان يا نجيلة...
    بعدين تعال قول أدوني شقة و لا فيلا...
    بعد ولدك يعاين ليك بي فتحة الباب و يطنشك...
    و العجب بعد ما تتأستروا...
    حيقول ليك يا بابا لو سمحت مافي داعي تجينا لي مدة شهرين كده...
    خليني من حركات السودانيين بتاعتك دي...
    انت أصلك ما عايز تتغير يا بابا...
    تخنقك العبرة و تجينا في المجمع بي جلابيتك و عمتك السمحة ديك...
    عمه مرسوم فيها (كانجارو) ...(عليك الله أعمل أربعة وشوش خدر هنا)
                   |Articles |News |مقالات |بيانات

01-24-2012, 09:17 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: وروسيا دي... ما أظن أمك دي تخلينا نمشي روسيا...
    طبعا عشان البرد شديد...
    لازم نوضح يا جماعة..
    عشان ما يجي عمك جبريلا بي دنقوسو الكلو طلح و شاف ده يقول لي...
    اشمعن روسيا

    هسي يا ناس الله انا قلت حاجة
    الناس مالها براها بتتلفت


    يا ديدو اجر وعافية ياخي
                   |Articles |News |مقالات |بيانات

01-25-2012, 05:53 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    صباح الخير ،،، يا وجوه الخير

    نجاوى صباحية :

    إلهي ما ألطفك بي
    مع عظيم جهلي!

    وما أرحمك بي
    مع قبيح فعلي!
                   |Articles |News |مقالات |بيانات

01-25-2012, 06:13 AM

أحمد إسماعيل
<aأحمد إسماعيل
تاريخ التسجيل: 09-10-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    أصبحنا وأصبح الملك لله رب العالمين
    وقضى ربك الا تعبدوا إلا اياهـ وبالوالدين إحسانا
    اللهم نسألك الرحمة والمغفرة والصحة والعافية لهما
    اللهم أرزقنا رضاهم ونعوذ بك من عقوقهم
                   |Articles |News |مقالات |بيانات

01-25-2012, 06:09 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    صبحكم الله بالخير

    اليوم بقت لي النجارة دي صعبة خلاص..لسبب أو لآخر...
    كل يوم أجتهد غاية الاجتهاد عشان أطلع حاجة...
    مرة يطلع معاي دولاب و مره (سحارة) و مرة فضية، (بترينة)،شفونيرة...
    و لاكمان ممكن تطلع معاي حافلة بكسر شديد جدا لحرف الفاء...
    و لمن خلاص أفلس شديد و ما ألقى لي حاجة بدق لي كم مسمار كده في خشبه...
    يجي أي واحد يعلق فيها جلابية و لا قميص أو بنطلون...الخ..
    لكن رغم ذلك الأًصفار دي ما بعمله...
    قالو لي انت مالك شاني هجوم على الزول ده...
    قلت ليهم والله عشم و محبة...
    رغم انو ما شغال بي...

    Quote: هسي يا ناس الله انا قلت حاجة


    دي اسمها ضربات استباقية يا حبيب...
    انت بينتظروك لحدي ما تقول...
    لازم يقهموك كده من البداية...


    أين المدعو محمد آدم النور الشهير بجلا...
    و أين أخونا زمان المدعو موسى عيسى...
    و أين قدورة...
    و واحد كده صاحبنا بس ما اسمه أبراهيم...
    و شفتو يا جماعة طايوق الكوتش بي جاي و لا جاي...
    عشان الكوتش بيفتش عليهو...
    و أين عثمان ادارة...
    و أخيرا و ليس آخرا مافي مناسبة كده و لا كده تجيب لينا أبو مصطفى بي جاي....
    حبيبنا محمد عيد...
                   |Articles |News |مقالات |بيانات

01-26-2012, 04:19 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    صبحكم الله بالخير

    على طريقة ولدنا البادي و الذي نفتقده بشدة (أجي يا أولاد أمي)...
    قبلكم و قبالكم...مالكم يوم كاااامل مافي زول فيكم جاء بي جاي...
    غير الريس و أحمد اسماعيل...
    طبعا اذا كان يوم الأربعاء ما جيتو ما أظنكم تجو يوم الخميس....
    أنا غايتو بعمل العلي برفع ليكم البوست...
    و يجي الريس يدعو لينا دعاء يفتحها علينا...
    و يجي أحمد اسماعيل يصبح عليكم ...
    و بعد داك الله كريم...
                   |Articles |News |مقالات |بيانات

01-26-2012, 06:41 AM

أحمد إسماعيل
<aأحمد إسماعيل
تاريخ التسجيل: 09-10-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: دعاء فك الكرب
    الهم انت عونى فى شدتى و مؤنسى فى وحدتى وحفظي في غربتى ودليلى فى حيرتى وملجئى اذا ضاقت على نفسى
    اللهم انى اسألك بحق وجهك الكريم و سلطانك العظيم الامن و الامان يارب العالمين
    اللهم لا تشمت اعدائى بدائى و اجعل القرأن العظيم دوائى وشفائى
    انت ثقتى و رجائى واجعل حسن ظنى بك شفائى
    الله ثبت على عقلى و دينى وبك يارب ثبت لى يقينى
    وارزقنى رزقا حلالا يكفينى وابعد عنى شر من يؤذينى
    ولا تحوجنى لطبيب يداوينى
    اللهم استرنى على وجه الارض
    اللهم ارحمنى فى بطن الارض
    اللهم اغفر لى يوم العرض
    بسم الله طريقى و الرحمن رفيقى والرحيم يحرسنى من اى شئ يلمسنى
    اللهم انى اعوذ بك من شر النفاثات فى العقد و من شر حاسد اذا حسد
    بفضل قل هوة الله احد الله الصمد لم يلد و لم يولد ولم يكن له كفوا احد

    وصلي الله على سيدنا محمد وعلى آله وصحبه اجمعين ....

    والله يانجيلة دعاء شرط
    والله يا رشيدنا أنت المهم والزقازيقاب جميعا يهموني 000
    ما شاء الله سادي كل الورديات في غذاء أرواحنا هذا

    (عدل بواسطة أحمد إسماعيل on 01-26-2012, 06:49 AM)

                   |Articles |News |مقالات |بيانات

01-26-2012, 07:07 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: أحمد إسماعيل)

    أنا جيت ....



    ================
    كيف أخبارك ... أحمد اسماعيل ... دعواتك ياناس السعودية
    رشيد القوم ...
    مداخلة الخميس دي مامحسوبة ...
    لا عندك ميزانية يناقشوها ... ولا ضارب خط سريع زي زمان ...
    ادينا مداخلة مقدرة خلينا نمشي نهاية الاسبوع بسلام ...




                   |Articles |News |مقالات |بيانات

01-26-2012, 08:12 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    Quote: رشيد القوم ...
    مداخلة الخميس دي مامحسوبة ...
    لا عندك ميزانية يناقشوها ... ولا ضارب خط سريع زي زمان ...


    أنا كان عندي تدريب على الاخلاء في حالة حدوث حريق...
    عندنا واحد Safety officer ما عندو شغلة و لا مشغلة...
    جانا من الصباح في المكتب في الموقع قال لينا عندنا تدريب اخلاء Fire drill ....
    ضربوا لينا صفارة الانذار و قعدنا نتجارى في السلالم...
    جزء من الجودة بتاعت استشاري و شركات المقاولات عمل حساب لي مسألة السلامة دي...
    و وضع خطة للطواريء في حالة حدوث مشكلة ما...
    و هي من الحاجات الاجبارية التي لا يمكن الاعتذار عنها بأي حجة مهما كانت...
    حتى لو كان عندك مداخلة صباحية مهمة...
    أها جيت عملت مداخلتي دي من الصباح و قعدت أجري في السلالم...
    الحقيقة تدريب الحريق ده خلاني انتبه لي أهمية انزال الكرش...
    ما عايز أقول ليك جيت الطيش في نزول السلالم...
    لأنو في ناس كروشهم أكبر من كرشي كانوا أطيش مني...
    الراجل قال لينا لازم تعملوا حسابكم للحاجات دي...
    قلت ليهو انت بتاع أمن و سلامة و لا اخصائي باطنية...
    و مال التدريب فايدته شنو..خليك من كروشنا..
    حسه لو في واحده حامل مثلا حتقول ليها أعملي حسابك...
    عليك الله منطقتو و لا ما منطقتو؟
                   |Articles |News |مقالات |بيانات

01-26-2012, 08:47 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: والله يا رشيدنا أنت المهم والزقازيقاب جميعا يهموني 000
    ما شاء الله سادي كل الورديات في غذاء أرواحنا هذا


    تسلم يا أبو عمر يا غالي...
    انت عايز تزعل جلا منك ساكت..
    حسة يجي يقول ليك اشمعن الرشيد بس...
                   |Articles |News |مقالات |بيانات

01-26-2012, 01:13 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    يا رشا لكن الكرش ما عندك
    ههههههههه


    (9)

    أوصلنا تجاني وعروسه إلى الفندق وتمنينا لهما السعادة...
    منذ مدة طويلة لم أر هذا الكم من الفرح على محياه..
    كان مسؤولا عن البيت رغم أنه أصغرنا.. الظروف فرضت عليه تحمل مسؤولية
    تسيير شؤون البيت لأننا أُضطررنا للضرب في أصقاع الأرض بحثا عن الأمان..
    كان يأتي من مكتبه في الخرطوم وهو شبه نائم..
    في نصف ساعة يرتب شؤون البيت ليوم الغد ثم يغوص في سريره..
    أشفقنا عليه كثيرا لكن لم تكن أمامنا حلول.. المشاريع الحضارية وغيرها لم
    يتركوا لنا فرصة لنتكبد معه ونشاركه مشاق تدبير الحياة اليومية هناك..
    كانت الخيارات المتاحة معدومة.. إما الانتحار في الوطن العزيز..
    أو ركوب أمواج الغربة وتداعياتها المزمنة..
    لم نجد غير خيار الرحيل... فثدي الوطن عبث به الآخرون..

    كان لزاما علينا العودة إلى البيت لترتيب مبيت ضيوفنا..
    الأحباب أتوا من كل البقاع.. البركل.. مدني.. سنار..
    أن يتكبد القوم مشاق ووعثاء السفر ليشاركوك لحظات مسروقة من الفرح..
    ذلك لعمري أمر دونه النجوم..
    سهرنا على راحتهم بفرح كبير..
    قضيت الهزيع الأخير من الليل اجتر ذكريات الصبا مع أهلي القادمين من شبا..
    كان حديثا للروح والدعابة وشقاوات الصبا وحكاوي القرية التي لا تنتهي..
    لم نترك شيئا.. القمري... الدباس.. شجر المنقة.. «نشل» الماء من الأبيار..
    أحواض البرسيم.. طلوع «التمُر».. بنيات الفريق..
    كانت قهقهاتنا تملأ سكون الليل صخبا..
    كنا سعداء أن جاد علينا الزمان في واحدة من نوادره بلحظات من الحنين..
    جاءت أخواتنا وبنات خالاتنا وبنات أعمامنا.. وأصبحت الذكريات علنية..
    ضحكنا حتى دمعت عيوننا من براءة الحب حينها..
    كانت حين تأتيك نظرة ممن تحب ولو خلف «طرحة»..
    تظل شهورا بلياليها وأن تعيد وتصور وتخلق الأساطير حول «نظرة»
    أصابت سهامها مسام قلبك..
    أحسست بفرح طفولي وأنا وسط القوم..
    ثم سرح خيالي في أطفالي هناك في زمهرير الرباط..
    كنت دائما أحكي عن تلك الليالي لـ«بت شيخي»..
    وعدتها أن نأخذ الأطفال يوما إلى «شبا» ليروا أرض أجدادهم..
    تمنيت في داخلي دائما أن تسوقنا الأقدار مرة أخرى للعودة إلى الأرض التي نحب..
    لكن يبدو أن لا أمل يلوح في الأفق..
    أحسسن بألم خفيف في بطني.. وهذا نذير لحلم كبير غير قادر على تحقيقه..

    حين نادى منادي الصلاة.. قمنا إلى رحاب الله... حمدنا الله واستغفرناه..
    ودبت الحركة في البيت من جديد... هناك من سيغادر أوصلناه الميناء البري
    وهناك من استغل الزيارة لمعاودة الأحباب في الخرطوم وشاركناه أجر صلة الرحم..
    حين انتصف النهار وجدتني مرهقا جدا...
    انزويت في احد الغرف وغرقت في نوم عميق..
    ثم استيقظت على المأساة..
    ...
                   |Articles |News |مقالات |بيانات

01-28-2012, 05:52 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: طارق جبريل)

    صبحكم الله بالخير

    جبريلا يواصل التألق و الاندياح الجميل...
    بينما الآخرون يواصلون التراخي ...
    حتى الريس انقطع عن الدعاء بعد أن أصيب بالقرفة القنصلية...
    و أنا...
    وأنا مقياس رسم للتواصل والرحيل ..
    أنا الآن الترقب .. وانتظار المستحيل ..

    ليس من المستحيل عودة أبو الزوز...
    و لن ينقطع الرجاء....
    يا ناسينا يا مجافينا حن علينا...

    أما أخونا اللي في راسه بطحة...
    حقو يحسس عليها و يعمل ليها مكمدات...
    أي واحده فيهم.. باردة و لا دافية...

    انتو كلكم كوم و جلال عثمان ده كوم براهو...
    الزول ده بقى يستكردنا عديل كده...
    يجي كل شهر تلاتة مرات...
    بيضة ديك تلات مرات بالشهر...
                   |Articles |News |مقالات |بيانات

01-28-2012, 08:41 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    صباح الخير ،،، يا وجوه الخير

    دعاء بداية الإسبوع

    اللهم إنك تعلم سري وعلانيتي
    فأقبل معذرتي
    وتعلم حاجتي فأعطني سؤالي
    وتعلم ما في نفسي
    فأغفر لي ذنبي

    ================

    رشيد القوم ، القومه ليك يا سيدي
    وما حرمناك يا حامل اللواء ويا عضد ناس الزقازيق
    ود جبرين ربنا يخدر ضراع ويزيد يراعك واصل حبيبي،،،،،

    بس أنحنا من يوم الخميس كنا مضيوفين بشخصية زقازيقية
    لم نشاهدها منذ عام 1992 وجانا مع أولاده معتمراً من داخل المملكة

    ولم يسمع بموقعنا على سودانييز أو على الفيس بوك
    وبدأنا نقرأ من يوم الخميس وحتى صباح يوم الجمعة
    حقيقي إستمتعنا ولم أكن أتوقع أن تكون مراجعة ما كُتب
    منذ سنين لذيذ ورايق بهذه الصورة ، سوف نكشف الشخصية عما قريب
    ونعتذر لناس جدة لأن الزيارة كانت بين مكة ومنزلنا بجدة .

    أضم صوتي وأقول نفتقد أبو الزوز بشدة من وزمن اين مي؟؟؟؟؟؟
    ما عاداتك يا جمل الشيك يا تمساح الدميرة يا الأسد النتر صحى المرافعين خوف!!

    (عدل بواسطة ميسرة سيد أحمد on 01-28-2012, 08:43 AM)

                   |Articles |News |مقالات |بيانات

01-29-2012, 04:44 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صبحكم الله بالخير

    حكي لي صديقي السوري ان أحد جيرانهم من الشباب كان يهوى الرسم...
    لم يلقى حظا من التعليم بسبب عدم قدرة عائلته على اعالته...
    فعمل في عدة مهن ليست لها علاقة بالرسم و لكنه لم يترك الرسم...
    و كان ينفق جزءا كبيرا من دخله على أدوات الرسم...
    نمت موهبته و تطورت كثيرا حتى أصبح معروفا في (الضيعة)...
    لكنه كان يبحث عن فرصة يظهر بها موهبته على مستوى أكبر...
    و يريد أيضا أن يتكسب من موهبته بدلا من ممارسة أعمال شاقة....
    فيصطاد بذلك عدة عصافير بحجر واحد...
    صادف مرة أنه كان يعمل بالقرب من مدرسة للبنات...
    و بما أنه كان في عنفوان مراهقته كان يتعلق قلبه بعدد من فتيات المدرسة...
    و لكنه لم يكنا قادرا على التعبير عن حبه لهن...
    بحكم أن كل سكان الضيعة يعرفون بعضهم البعض...
    ويخشي أنه اذا تكلم الى احداهن أن يتسبب ذلك في مشكلة له و لأهله...
    قرر أن يستغل موهبته في التعبير عن حبه لأي فتاة يهواها قلبه...
    فأخذ يأتي ليلا الى المدرسة و يرسيم على جدران المدرسة لوحة جميلة...
    ثم يقوم باهدائها الى احدى الفتيات..يشير اليها فقط دون ذكر اسمها...
    فتأتي الفتيات و المعلمون فيجدوا أن جدران المدرسة قد تغيرت...
    و كان ما أن يهوى فتاة حتى يغير الى أخرى بعد فترة و جيزة...
    فيهديها لوحة أخرى تكون أجمل من سابقتها...
    قام مرة برسم وردة جميلة جدا و نحلة تقوم بامتصاص رحيقها...
    وكتب تحتها بخط جميل...
    لو عرفت النحلة رحيق شفتيك000 لتركت الزهرة و ذهبت اليك..
    بالرغم من أن جميع أهل الضيعة أثنى على جمال اللوحة...
    الا أن العبارة التي كتبها تحتها أثارتهم ضده...
    و قامت مديرة المدرسة بابلاغ الشرطة...
    و التي لم تجد كثير عناء في معرفة هوية الفاعل والتوصل اليه...
    تم القبض اليه و ايداعة في حبس مخفر الضيعة..
    حتى يحول الى المدينة ليقدم للمحاكمة هناك...
    الا أن أحد موجهي التعليم تدخل و ذهب الى مديرة المدرسة...
    و توجه اليها بسؤال مباشر..هل تجدين جدران المدرسة الآن أجمل أم ما كانت عليه في السابق...
    اعترفت بأنها تجد الجدران أجمل الآن الا أن العبارات لا تتناسب و المدرسة...
    قال لها اذا لنزيل العبارات غير المناسبة و نترك اللوحات كما هي...
    وافقت مديرة المدرسة و تم اخلاء سبيل الفنان...
    وأصبح من بعد ذلك يتعاون مع المدرسة في أي أنشطة تتطلب رسومات و غيرها..
    و أتيح له أن يبقى قريبا من كثيرات كان قد أهداهن لوحات جدارية من قبل...
                   |Articles |News |مقالات |بيانات

01-29-2012, 04:53 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    يوم الخميس قبل ما امشي البيت يا رشا
    عملت مداخلة سريعة بخصوص
    الكرش ونزول السلالم ..
    بس وين طفشت المداخلة
    وهسع بعد مرور الخميس والجمعة والسبت .. بفتش فيها ماليقيها ..
    وما بقدر انزلها تاني ..
    صدقوني الرشيد ينزل كرشو ... اسهل من تنزيلها مرة تانية بعد مرور 3 أيام ...

    =========================================
    يا شاب زهير الزناتي ده فكو شوطو ..
    ولدنا ده كان كلو حماس ...
    وكان كل مرة بنشاط ... بفكر يقلبا ...
    هسع ملاااااااااان احباط ... وغلبو يقلبا ....
    كل الشباب في كل مكان ... قلبوها ...
    ياخي ديل حتي نا س الحكم الملكي الـ بالمغرب ... قلبوها ...


    ===============================
    ياريس ميسرة ...
    ماتشحتتف روحنا ... وتجرنا بالأيام ...
    ورينا ... الزقازيقي ده منو ...
    حالة البوست عاوزة انتعاش سررررررررررررررررررريع ...



    ================================
    النضيف ...
    ربنا يشفيك ... ويعافيك من المرض والشر ..
    والله اشتقنا ... للدغاتك ...




                   |Articles |News |مقالات |بيانات

01-29-2012, 05:53 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    صباح الخير ،،، يا وجوه الخير

    دعاء اليوم :

    اللهم إني إستغفرك من كل ذنب.
    إستغفاراً يكون لي نوراً في القبر
    وأمناً في الحشر
    وحجة في الحساب
    وثباتاً على الصراط
    اللهم شافي ولدنا عبدالدائم
    وخفف آلامه وأرفع عنه

    آمين،،،،،
                   |Articles |News |مقالات |بيانات

01-29-2012, 06:14 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    هذه المداخلة في البدء لتحية صديقي الرشيد ... ومن ثم تحية نجيلة ، ميسرة ، طارق جبريل .... وبس
    الما عاجبه يلاقيني وراء الخور ..... رغم انه في زول يمين مشتاق ليهو عديل كل يوم اقول اتصل عليهو
    الليلة ... وبعدين بكره .... وهكذا وكان ما إتصل علي هو ما في ليهو تحية وهو عارف نفسه كويس ...
                   |Articles |News |مقالات |بيانات

01-29-2012, 06:28 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    يا ريس حرم مشتاقين لمن غلط ... بالنسبة للزقازيقي الزائر فقد قالت العصفورة أن اسمه مما عبد من الأسماء ... وهو خريج تجارة قديم ... وفي رواية أخري سمعنا أنه نوبي عتيد ... تفصح ولا نفصح ....
                   |Articles |News |مقالات |بيانات

01-29-2012, 06:57 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    إنت ما تقول عبدالحي اسحق و تريح نفسك و تريح ياسر نجيلة

    المنتظر ليهو مدة ولا صحبي بتاع السلع زمان المقهي و فاتح

    خشمو للشمار اها فتيناهو ’ تعال انا بايت معاك يا زهير ولكن

    الفيك اتعرفت !!!


    معليش الواحد داخل توش بعد غيبة بدون فاتحة ناس جلال ولا جلا .

    بالمناسبة يا زهير طبعا صحبي اسامة طيب راجل نكته و كذلك كل

    ناس بيتهم ففي الاجازة السابقة ( طبعا الاجازة المضت دي كان هنالك

    مراقبة لصيقة الواحد ما قدر ينط) عموما جلا عندو قريبة ليهو توفت

    ماشين نعزيهو معاي النذير و يوسف عبدالله خالد و اسامة الطيب والمصباح

    علي حسب الوصف في جبرة دخلنا الشارع المقصود في اولو لقينا صيوان

    عزاء نزلنا و افتكرنا انه بتاع ناس جلا , اسامةالطيب ما نزل فقلنا ليهو

    مالك ما تنزل قال لينا انتو مجانين دا ما عزا ناس جلا قلنا ليهو لايه

    قال لينا الله يسالكم الناس السمحين ديل بشبهوا جلا !!!!! لمن وصلن جلا

    طبعا عامل متاثر بحالة الوفاة قمنا قلنا ليهو نكتة اسامة الطيب فكاها

    ضحكة لمن وقع .....

    عموما لكم التحية و انا افتقد جلا كثيرا يا يظهر يا نظهر فتكم بعافية.
                   |Articles |News |مقالات |بيانات

01-29-2012, 07:28 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    الناس فى شـــينو ....
    وناس جبريلا و منصور مدورين حفلاتم ...
    والصفاقين يصفقو .....

    -
    -
    -
    -
    -
    -
    -
    المداخلة دى خارج نطاق التأمين ....
                   |Articles |News |مقالات |بيانات

01-29-2012, 07:34 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عبد الدائم سيد أحمد)

    يا دودي الف حمد لله علي السلامة الجاتك في رقبتك

    سامحتك و انت البوديك للمعانية والطنطين شنو عموما

    المساج الحبشي مجرب اسال صحبك كمال الشادي عنده خبرة

    والاستعانة بالرشيد في حالة تعذر الوصول لاسي كمال ؟؟؟


    من الداخل الظاهر ما زال اثر الالم موجود لانك يبدو

    بتكتب بالجنبة دي اهم شي !!!!!

    ليك وحشة يا فردة و مشتتتتتاقوون يا مان
                   |Articles |News |مقالات |بيانات

01-29-2012, 08:39 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    Quote: يوم الخميس قبل ما امشي البيت يا رشا
    عملت مداخلة سريعة بخصوص
    الكرش ونزول السلالم ..
    بس وين طفشت المداخلة
    وهسع بعد مرور الخميس والجمعة والسبت .. بفتش فيها ماليقيها ..
    وما بقدر انزلها تاني ..
    صدقوني الرشيد ينزل كرشو ... اسهل من تنزيلها مرة تانية بعد مرور 3 أيام ...


    المداخلة قاااعدة محكرة في نهاية الصفحة الفاتت يا ياسر...
    اعمل ليك جكة كده حتلقاها...

    Quote: هذه المداخلة في البدء لتحية صديقي الرشيد ...


    سلام يا صاحبي...
    مشتاقين ياخي...

    Quote: ولا صحبي بتاع السلع زمان المقهي و فاتح خشمو للشمار


    وينك انت لابد...
    قالوا كتر الضغط بيولد انفجار...
    الاشارة هنا الى الضغط بتاع السودان...
    محل الانفجار ده لحد ما يجي يوريناليهو جلا...

    Quote: المساج الحبشي مجرب اسال صحبك كمال الشادي عنده خبرة

    والاستعانة بالرشيد في حالة تعذر الوصول لاسي كمال


    أنا أبرى و أستبرأ من المساج الحبشي...
                   |Articles |News |مقالات |بيانات

01-29-2012, 09:07 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: أنا أبرى و أستبرأ من المساج الحبشي...


    ما في داعي ندخل في الغريق خلينا في القيفة !!!!

    مالهم الحبش ما زي الفل و كمان امشي الفيس بوك بتاعي

    شوف الجمال بهناك و شوف الناس المكسرة و الله كسيح شايل

    عميان ......

    الموضوع دا خليهو لوقتو قرب انشاء الله بس صحبك الما مسمى جلا

    وين ايامو من ايام السودان ما عارف اخباروا
                   |Articles |News |مقالات |بيانات

01-29-2012, 10:24 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    Quote: المداخلة قاااعدة محكرة في نهاية الصفحة الفاتت يا ياسر...
    اعمل ليك جكة كده حتلقاها...


    يا حبيب المداخلة قاعدة ... وين
    الله يستر مايبقي عليك
    كرش ..... ونظر

    اوع تكون قاصد مداخلة ... انا جيت
    انا عملت مداخلة تانية بعدها ...
    عجبتني سالفة الكروش
    ومنطقك الرهيب ... في حال المرأة الحامل ....

    ===========================
    حمدلله على سلامتك ... يازهير الزناتي ..
    جاي بعد ماقلبناها ...
    المرة الجاية ما تتأخر

    =========================
    موسي عيسي ...
    سلامات ياخي ...
    ومعك تظهر المناكفات ... والابتسامات الساخرة ...
    ... جلا الشين ...
    ان شاء الله البركة فيكم ... جبر الله كسركم ...

    الصفة ما من عندي ... الكلام على الراوي
    =========================
    النضيف .....
    طلت تفرحنا ....


                   |Articles |News |مقالات |بيانات

01-29-2012, 10:57 AM

عفاف علي ميرغني
<aعفاف علي ميرغني
تاريخ التسجيل: 09-10-2009
مجموع المشاركات: 769

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    تلويحة محبة
                   |Articles |News |مقالات |بيانات

01-29-2012, 12:12 PM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عفاف علي ميرغني)

    Quote: تلويحة محبة


    أصلو المحبين بتوع زمان لا بنسوا ولا بتغيروا

    مرحب بيك يا عفاف ، الجابك يجيب منى يونس والباقين

    مرحب يا موسى عيسى عايزك تركز في البوستي ده

    ما تبقى لينا زي حبينا جلا ،،،،،

    (عدل بواسطة ميسرة سيد أحمد on 01-29-2012, 12:15 PM)

                   |Articles |News |مقالات |بيانات

01-30-2012, 06:10 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صباح الخير ،،، يا وجوه الخير

    أصبحنا وأصبح الملك لله وحده

    أعوذُ بكلمات الله التامات
    من غضبه وعقابه وشرك عباده
    ومن همزات الشياطين وأن يحضُرُن
                   |Articles |News |مقالات |بيانات

01-30-2012, 06:35 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صباحاتك ندية يا ريس و لك التحية و الاحترام

    في صباح بهي الطلعة جميل كجمال سريرتك البيضاء


    سعدت صباحا و نسال الله لك دام الصحة والنعمة والعافية

    نحن معاك دوما بس انت اشر و ترانا قاعدين .

    و التحايا لجميع الحبان الزقازيقاب الصبايا والصبيان

    و الشيبة و الشبان نسال الله لهم الصحة والعافية .

    و بالله يا ريس ما لقيت لي زول تشبهني بيهو الا الجلا

    طبعا المسمي هذا كان بناديهو بيهو صحبك الطيب شبس

    اطاب الله ايامه .

    و مرحبتين بالاميرة عفاف علي و بالمناسبة بين ظهرانينا

    بمستشفي الملك خالد الجامعي الدكتورة حنان علي عبدالرحمن

    و زوجها دكتور سعيد نسال الله أن يطيب لهما المقام برياض

    الخير ..
                   |Articles |News |مقالات |بيانات

01-30-2012, 06:39 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صبحكم الله بالخير

    بعد مداخلات الريس عن القنصلية السودانية في جدة..
    كنت خايف و أنا في طريقي الى السفارة السودانية بأبو ظبي لتجديد جوازي...
    فيما يخص شكل السفارة من الداخل و الخارج..
    فالحال من بعضه هنا و هناك...
    أما المعاملة و سرعة العمل فالأمر مختلف هنا...
    ربما لن تصدقوني اذا قلت لكم انه تم تجديد جوازي في عشره دقائق...
    بما في ذلك من ضرائب و غيرها...
    و لما رجعت الى المكتب كان الجميع يسألونني..
    انت ما قلت ماشي السفارة...
    فالتحية للعاملين بسفارة السودان في أبو ظبي...


    و برضو يا ياسر نجيلة المداخلة قااااااعدة محكرة في آخر الصفحة السابقة...
    شكلك كده لحقتني يا يابا...غير النضارة...
    كنت عايز أجيبه ليك هنا لكن استبيخت الموضوع.
                   |Articles |News |مقالات |بيانات

01-30-2012, 09:52 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: و برضو يا ياسر نجيلة المداخلة قااااااعدة محكرة في آخر الصفحة السابقة...
    شكلك كده لحقتني يا يابا...غير النضارة...
    كنت عايز أجيبه ليك هنا لكن استبيخت الموضوع.


    شكلي كده مش حأغير النضارة ...
    أنا حأغير الجهاز زاتوووووووووووو ....
    والله مالاقيها ...
    عموما خلينا نشوف السودان حيعمل شنو ... في مباراة اليوم
    قصدي حيعمل لينا ضغط ...
    ولا حنبقي حلوين زي ناس الرياض ...




    سلام ياشباب ...
    وسلامين لأم الأولاد ....
                   |Articles |News |مقالات |بيانات

01-30-2012, 10:07 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    Quote: و التحايا لجميع الحبان الزقازيقاب الصبايا والصبيان

    و الشيبة و الشبان نسال الله لهم الصحة والعافية


    أصالة عن نفسي و نيابة عن الناس ديل...
    نرد لك التحية بأحسن منها يا موسى...
                   |Articles |News |مقالات |بيانات

01-30-2012, 10:17 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: عموما خلينا نشوف السودان حيعمل شنو ... في مباراة اليوم
    قصدي حيعمل لينا ضغط ...
    ولا حنبقي حلوين زي ناس الرياض ...


    أنا و الله أتمنى الفوز للفريق القومي...
    و بدون ما أعمل فيها مورينهو...
    أنا شايف بوركينا فاسو أقوى من أنجولا و لآعبيها أكثر شبابا...
    لكن بتمنى يكون حظ (بشة) مستمر و يعادي لينا كمان كاريكا...
    و نطة نجم الدين تكون أعلى من نطتو في مباراة ساحل العاج...
    لمن شاف أٍسفل حذاء دروجبا و هو يقفذ لاحراز الهدف...
    شوف يا حبيب جهز من حسه الكركدي البااااارد و الشاي بالقرنفل...
    و لا كمان نوم في مواعيد نومك..الساعة عشرة دي متأخرة عليك...
    الصباح بتلقى مني رسالة بالنتيجة....
                   |Articles |News |مقالات |بيانات

01-30-2012, 10:58 AM

عمر هواري
<aعمر هواري
تاريخ التسجيل: 11-07-2009
مجموع المشاركات: 123

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    إزيكم ... كيفنكم.. أنا لي زمان ماشفتكم
                   |Articles |News |مقالات |بيانات

01-30-2012, 03:59 PM

أحمد إسماعيل
<aأحمد إسماعيل
تاريخ التسجيل: 09-10-2009
مجموع المشاركات: 1375

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: عمر هواري)

    سلام لجميع الأحباب الزقازيقاب
    وسلام كثير للأخ عمر هواري
    وإن شاء الله في معية الوالدين إلى أرض المليون 00000
    ممكن نسمة أومشكلة أو جنيه أو قرش أو مليم لكن ليس ميل
                   |Articles |News |مقالات |بيانات

01-31-2012, 05:54 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: أحمد إسماعيل)

    صباح الخير ،،، يا وجوه الخير

    أصبحنا وأصبح الملك لله وحده،،،

    أهدى تحية الصباح للشعب السوداني

    بمناسبة فوز وتأهل المنتخب السوداني

    والذي غاب لعشرات السنين من التأهل لأي دور متقدم

    جميل أن نبتسم وأن نفرح لوطنا الذي غابت عنه كثيراً مثل هذه الأفراح
                   |Articles |News |مقالات |بيانات

01-31-2012, 06:20 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    سلام ياشباب ...
    مبروك الفوز ...
    ونتمني تخطي زامبيا لدور الأربعة ...

    صدق يالرشيد ساهرت لأخر ثانية في المباراة ...
    وكمان سمعت شوية من التحليل الفني عقب المباراة ..
    ياخي ماتصور حبي للكرة الافريقية كيف ...
    وخاصة لما يكون فريق سوداني طرف فيها ... حتي ولو كان الهلال ...




    ========================
    انت عكست الآيه ...
    انا لا أطيق انتظار ثانية واحدة لمشاهدة ... مباراة اوروبية ...
    يمكن انجذب بعض الشئ للدوري السعودي ... وخاصة الهلال والاتحاد ...

    حب الناس مذاهب ...



                   |Articles |News |مقالات |بيانات

01-31-2012, 07:28 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    صبحكم الله بالخير

    مبروووووك للسودان الفوز و التأهل للمرحلة التالية...
    في اتنين بتكون فرحتهم فرحتين...
    فرحة فوز السودان..و فرحة ان محرز الأهداف هو كاريكا..
    الأول مازدا الذي أصر على اصطحاب كاريكا رغم عدم جاهزيته...
    و التاني الكوتش محمد صديق و الذي يعتقد ان كاريكا لاعب كبير...
    و هداف جيد يعرف طريق المرمى و لا ييأس...
    التحية لي مازدا الذي أًصر على كاريكا...
    و التحية للكوتش الذي كان يرى في كاريكا ما لم نكن نراه...

    Quote: صدق يالرشيد ساهرت لأخر ثانية في المباراة ...
    وكمان سمعت شوية من التحليل الفني عقب المباراة ..
    ياخي ماتصور حبي للكرة الافريقية كيف ...
    وخاصة لما يكون فريق سوداني طرف فيها ... حتي ولو كان الهلال ...


    يعني اليوم لو طبظت في أي مداخلة نعذرك...
    نقول الزول ده ما نام كويس أمبارح...

    Quote: انت عكست الآيه ...
    انا لا أطيق انتظار ثانية واحدة لمشاهدة ... مباراة اوروبية ...
    يمكن انجذب بعض الشئ للدوري السعودي ... وخاصة الهلال والاتحاد ...


    تاني الهلال...
    يا زول انت هلالابي لكن ما شاعر بالحكاية دي...

    ياخي بتبالغ في كرهك للدوريات الأوروبية...
    ياخي دي فيها..
    سياحة...تخليك تتعرف على بلدان و مدن كتيرة...
    ملاعب جميلة...
    كورة فيها فن و اثارة و حرفنة و كل حاجة...
    و خضرة...دي بتاعت الملعب...
    و ماء...البيغسلو بيهو اللاعبين وشوشهم...
    و وجه حسن...و ده محل ما الكاميرا تقبل...

    تاني داير شنو عشان تشوف الكورة الأوروبية...


    نتمنى لحبيبنا أحمد اسماعيل الشهير بأبو عمر اجازة سعيدة في ربوع الوطن...
    بصحبة والده و والدته...
    عليك الله يا أبو عمر..
    أنقل اليها وفاي ليها...
    و حبي الأكيد...
                   |Articles |News |مقالات |بيانات

01-31-2012, 09:43 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    Quote: ياخي بتبالغ في كرهك للدوريات الأوروبية...
    ياخي دي فيها..


    لا ... لا ... لا
    المسألة ماعملية كرهه ...
    انا بلقي نفسي ... وحماسي مع الفرق الافريقية ...

    كورة المسيح والجمال دى ... انا ما جزء منها ...
    كل ما احضر كورة اوروبية ...
    بتصور نفسي انا بشوف في فلم ...
    ياخي ما مكن تحضر كورة كاملة ...
    ماتشوف فيها ولا خطأ ...
    كانو عاملين ليها مونتاج ...

    يازول خلينا في كورتنا ... بتاعة الغبش ...
    الحفير والدفير ... والرعاف بالنخرين ...

    هسع ماشفت ولدنا نجم الدين ... أمس
    خبطوهو ...
    وزولنا قعد يعاين لحدي ما اطمئن انو الكورة مسكها ... اكرم الهادي ....
    حتن بعد دااااك ... قام داااااخ ....

    تقولي ... مسي ورونا ... وجني ...



                   |Articles |News |مقالات |بيانات

02-01-2012, 04:16 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    صبحكم الله بالخير

    يوم جديد..
    صباح جديد...
    ثقة في الله و تفاؤل...

    اللهم : اني عبدك وابن عبدك وابن أمتك
    ناصيتي بيدك, ماضى فيّ حكمك, عدل فيّ قضاؤك..
    أسألك بكل اسم سمّيت به نفسك أو أنزلته في كتابك..
    أو علّمته أحدا من خلقك أو استأثرت به في علم الغيب عندك...
    أن تجعل القرآن ربيع قلبي ونور صدري وجلاء حزني وذهاب همّي وغمّي..
    اللهم امين يارب العالمين00اللهم امين يارب العالمين...
                   |Articles |News |مقالات |بيانات

02-01-2012, 04:32 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    آآآآآمين ...
    شايفك مبكر يا رشا ...
    ادعوك اليوم لمشاهدت مباريات الامم الافريقية ...
    في هذه المجموعة كل الفرق مهددة بالخروج أو الصعود ... حتي غانا العندها 6 نقاط
    وغينيا ومالي لكل 3 نقاط ...
    حتكون منافسة موووت ... في المباريتين ...


    كاراكاتير ... ماعندو علاقة بالكورة ...

    sudansudansudan6.JPG Hosting at Sudaneseonline.com
                   |Articles |News |مقالات |بيانات

02-01-2012, 05:07 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)



    بالعت يا عمي ياسر لكن اخو الاروسه دا ما داقدي سستم صاح !!!!

    طبعا داقي سستم دي عايز ترجم من ناس الداخل نأمل ذلك .

    شوقت الابو مقهي كيف ؟؟

    والتحية ليك و الريس و الشاب الرشيد
                   |Articles |News |مقالات |بيانات

02-01-2012, 05:30 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    Quote: ادعوك اليوم لمشاهدت مباريات الامم الافريقية ...


    أنا أي كورة بتفرج فيها يا نجيلة...
    ان شاء الله دافوري في الحلة منقول في التلفزيون بتفرج فيهو...
    ما عندي قشة مرة أبدا في الكورة دي...
    امبارح استمتعت بي مباراة تونس و الجابون...
    كانت مسخنة سخانة دشيدة...
    و أكيد الليلة حأتفرج في مباريات مجموعة غانا....

    Quote: والتحية ليك و الريس و الشاب الرشيد


    سلامات يا حبيب...
    وينك ياخي مختفي...
    دي زيدني من دلك شوية..
    و كتر الأشواق علي...
    و لا شنو...
                   |Articles |News |مقالات |بيانات

02-01-2012, 05:56 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    صباح الخير ،،، يا وجوه الخير

    أصبحنا وأصبح الملك لله ،،،

    دعاء اليوم :

    اللهم آتنا في الدنيا حسنه
    وفي الآخرة حسنه،،،
    وقنا عذاب النار،،،

    آمين،،،
                   |Articles |News |مقالات |بيانات

02-01-2012, 08:50 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    Quote:
    سلامات يا حبيب...
    وينك ياخي مختفي...
    دي زيدني من دلك شوية..
    و كتر الأشواق علي...
    و لا شنو...


    يالرشيد والله نحن بين الأيادي بس إنت اشر و نحن شوبيك

    لوبيك الواحد طبعا بعد الزنقة من الاجازة والميزانيات

    نحمد الله الان تمام بس انت اظهر و خاصة اخر الاسبوع موجود

    في الاسكايبي و مشتهنك بلحيل و التحايا للمنقة امينة و

    باقي العقد الفريد موصلة التحايا للدفعة ود نجيلة
                   |Articles |News |مقالات |بيانات

02-02-2012, 05:58 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    صبحكم الله بالخير

    بعد بسم الله الرحمن الرحيم...
    و الصلاة و السلام على خاتم المرسلين سيدنا محمد و على آله و صحبه أجمعين..

    شاعر انو الأبيات بتاعت أغنية الجابري دي تنفع افتتاحية جميلة هذا الصباح...
    مهداة لكل الرومانسيين...
    و لكل الذين يشتاقون الى الرومانسية...
    و الى الذين ضلوا طريق الرومانسية..
    و لي موسى عيسى كمان...

    فى العيون ببنيلو دارين من موده ومن منا
    بضمه فى قليبى محبه فياضه وهنا
    ماردت غيره ولاهو راد زولا سواى انا
    نظراته كيفن اوصفا دى الفى العيون مدونا
    همساته تحنان القمارى الراجعه للعش والجنا
    وتضوى والليل ينهزم
    وكتين يبالغ ويبتسم
    الدنيا ياناس تنقسم
    الفرحه تملاها وتزغرد فيها والشوق يرتسم
                   |Articles |News |مقالات |بيانات

02-02-2012, 09:24 AM

ياسر نجيلة
<aياسر نجيلة
تاريخ التسجيل: 08-30-2006
مجموع المشاركات: 1800

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    خميسكم سعيد ....




    =========================
                   |Articles |News |مقالات |بيانات

02-02-2012, 08:40 PM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ياسر نجيلة)

    مساءكم فل يا شباب الزقازيق
    أهديكم أغنية الفنان عثمان حسين

    قلبي فاكرك


    كلمات ... السر دوليب
    ------------------------
    حبيبي ليه قلبي فاكرك وإنت ليه خالي قلبك
    خالي خالي والله ما عليه
    ***
    كنت فاكر ألقى عندك الحنان تغمرني بيه
    قلبي يرثى ألقى جنبك
    الأماني الأماني تدوم عليه
    بحنانك تحتويني
    وبي ودادك تصطفيني
    ليه تسيبني يا ضنيني لدلاك اشتكيك
    ****
    عهدي بيك وأشكي ليك
    وتواسيني في آلامك
    غيروك بدلوك عن حنيني يا غرامي
    لا بقيت تسأل علي لا بتقول واحشاك عيني
    أو عذابي رضيته لي يا حبيب أنا راضي بيه
    ******
    إنت لي نور عيني في الليالي تضوي ليا
    ذكرياتي وأغنياتي في فؤادي لسه حيه
    لو نسيت أشواقي ليك أو شبابي هان عليك
    قلبي لسه أملو فيك راجي لو تعطف عليه
    ****
    أي لحظة أي لمحة من حياتي إنت فيها
    في كلامي في ابتسامي في الأماني البشتهيها
    يا نضاري وإزدهاري يا ربيعي واخضراري
    يا حبيبي وإنت داري بالعذاب الإحنا فيه
                   |Articles |News |مقالات |بيانات

02-03-2012, 08:10 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    يا نجيلة انهم يقتلون الجياد ...............



    رهان الكوتش محمد صديق علي مدثر كاريكا اثبت بأنه كوتش حقيقي وصاحب نظرة فاحصة للمواهب الكروية ..............
                   |Articles |News |مقالات |بيانات

02-03-2012, 05:18 PM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    مساء النور على البلور

    جمعتكم مباركة يا شباب،،،،،
                   |Articles |News |مقالات |بيانات

02-03-2012, 05:20 PM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: زهير الزناتي)

    مساء النور على البلور

    جمعتكم مباركة يا شباب،،،،،
                   |Articles |News |مقالات |بيانات

02-04-2012, 06:01 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صباح الخير ،،، يا وجوه الخير

    دعاء اليوم :

    اللهم إني أسالك يا الله بأنك
    الواحد الصمد الذي لم يلد ولم يُولد
    ولم يكن له كفواً أحد ، أن تغفر لي ذنوبي
    إنك أنت الغفور الرحيم.
                   |Articles |News |مقالات |بيانات

02-04-2012, 06:39 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    Quote:
    وتضوى والليل ينهزم
    وكتين يبالغ ويبتسم
    الدنيا ياناس تنقسم
    الفرحه تملاها وتزغرد فيها والشوق يرتسم


    يضون عليك حسنات تنهزم زامبيا وكتين نشوف ضحكات يا الرشيد

    علي الذوق العالي انت عارف يا رشيد انا بشعر بان الجابري

    و زيدان و خليل من اكثر الفنانين تطريب و ذوق في الاختيار

    فلك التحية علي الهدية الجميلة و اخوك منتهي بس الدعاء ثم

    الدعاء

    و التحايا للريس المرابط دوما.

    و يا زهير و الله الصدفة البحته هي جعلت كاريشا يغير نتيجة

    المباراة التي لا يساورنا ادني شكل في شراء المباراة !!!!

    و عندي الاحساس دا من قبل المباراة...

    قوم لف بلا كاريكا بلا عوارة لعب و الله لو ما الدنيا بنت ك لب

    المفروض ما يدخل الميدان من اصلو !!! كنت قايل عندك ذوق كروي

    طلعت لي بتاع تسالي سالي ...............
                   |Articles |News |مقالات |بيانات

02-04-2012, 02:20 PM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    من تداعيات الأزمة المصرية
    sudansudansudansudansudansudansudansudansudansudansudansudan107.jpg Hosting at Sudaneseonline.com


    وأنحنا ح نقول حليلكم يا ............!!!!!
                   |Articles |News |مقالات |بيانات

02-05-2012, 04:39 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    العزيز ميسرة ما زلناخ نتذكر حتى الان مقولة صلاح

    دولار الذي افاد و بافتخار لولا وصول الانقاذ للحكم

    لوصل الدولار لعشرين جنيه ووقتها الدولار كان يساوي

    12.50 جنيه و اليوم الدولار يعادل 5075 جنيه تقول لي

    حسني , حسني دا عسل عديل بالمقارنة بالمشير !!! والله

    الوضع هذه الايام صعب جدا يا شباب غلاء لا يوصف فنسال

    الله ان يكون في عون اهلنا بالداخل و نساله الفرج



    نسينا ان نتقدم بالتحايا الصباحية الندية لاجمل زقازيقاب
                   |Articles |News |مقالات |بيانات

02-05-2012, 06:17 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    صباح الخير ،،، يا وجوه الخير

    أصبحنا وأصبح الملك لله وحده،،،

    دعاء الصباح :

    اللهم أغفر لي وارحمني
    وأهدني ، وعافني ، وارزقني
    وأجبرني وارفعني،،،

    ======================

    تحية الصباح مهداه لأخونا النشط

    رشيد القوم وإنشاء الله ما عدمناك
                   |Articles |News |مقالات |بيانات

02-05-2012, 07:38 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صبحكم الله بالخير

    Quote: تحية الصباح مهداه لأخونا النشط

    رشيد القوم وإنشاء الله ما عدمناك


    يديك العافية يا ريس...
    و لك و لأٍسرتك خالص التحايا...
    الـ 36 ساعة الفائتة قضيتها بين السفارات و المطارات و المدن...
    سافرت مساء الخميس الى بانكوك للاطمئنان على صحة أختي منى...
    و عدت صباح اليوم...
    14 ساعة سفر + 6 ساعات في المطارات...
    و ما تبقى منها بالمستشفى ملازما أختي...
    أسألكم جميعا أن تدعو لها....
    و اليوم في المكتب مداوم...
    اذا سألتني عن بانكوك...
    فهي بالنسبة لي أمطار غزيرة..و مطار ضخم...
    و ممرضات في الرداء الأبيض ...
    و نساء كاسيات عاريات او بالأحرى عاريات عاريات...
    قالت لي والدتي ما الذي أتى بنا الى هنا...
    هذه بلاد النساء فيها عاريات و الناس تعبد الأصنام...
    قلت لها يا أمي غضي البصر مثلك مثلنا...و أذكري الله (كيه كده في الشيطان)...
    أما غير ذلك فلم أعرف عن بانكوك و عن تايلاند الا ما سمعته من الناس هناك...
                   |Articles |News |مقالات |بيانات

02-05-2012, 08:09 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    نسأل الله الشفاء العاجل للاخت منى بابكر اللهم أكتبها لها

    العافية وألبسها ثوب الشفاء برحمتك يا أرحم الراحمين .


    و ألف حمدلله علي السلامة يا بطل الجاتك في شوفاتك سامحتك

    ولو سالتني قلت ليك كنت تقطع معاك تذكرة للولد بتاع المغرب

    علشان توفر علي نفسك شقاء النظر و التعليق علي اللابسات الواقفات

    و الجالسات من حور البانكوك أو كنت تصطحب معاك الابنوسي من

    من أجل امتاعنا بسرد جميل للجو الممطر هناك و لكن لنا عودا

    معاهم بس انت اوصف و هم يتخيلوا .

    نكرر دعاءنا للاخت منى .
                   |Articles |News |مقالات |بيانات

02-05-2012, 08:29 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    Quote: سافرت مساء الخميس الى بانكوك للاطمئنان على صحة أختي منى...
    و عدت صباح اليوم...
    14 ساعة سفر + 6 ساعات في المطارات...
    و ما تبقى منها بالمستشفى ملازما أختي...
    أسألكم جميعا أن تدعو لها....


    يا ودود يا ودود يا ودود ..
    ياذا العرش المجيد ..
    يا مبدئ يا معيد ..
    يا فعالا لما يريد ..
    أسألك بنور وجهك الذي ملأ أركان عرشك ....
    وأسألك بقدرتك التي قدرت بها على جميع خلقك ..
    وأسألك برحمتك التي وسعت كل شيء ..
    أن تلبس أختنا منى أخت الرشيد بابكر ثوب العافيه
    وأن ترفع عنها هذا البلاء
    يا واحد يا أحد يا فرد يا صمد
                   |Articles |News |مقالات |بيانات

02-05-2012, 09:35 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    تسلم يا حبيب

    و الله يا موسى ما غالبني الوصف...
    لكن حيائي وما طرأ علي من أمور تشغل تفكيري يمنعاني...
    ربما بعد ما البال يروق شوية أقوم باخراجها من جديد...
    بعد عمل التعديلات الضرورية...
    مثل الأفلام التي تعرض على طيران الاتحاد...
    حيث يسبق الفلم تنويه يفيد بأن الفلم قد تم تعديله..
    و لا يكتبون انه تم حذف المشاهد المخلة بالآداب...
    عجبتني عبارة تم تعديله هذه وكأنه سيارة عادية تم تعديلها الى دفع رباعي..
    الواقع انها كانت كلها أفلام دفع رباعي تم تعديلها الى أفلام عادية..
    و أنا في مطار أبو ظبي بحثت عن كتاب يرافقني في رحلتي الطويلة..
    من بين الكتب المعروضة وقع اختياري على كتاب للروائية الجزائرية أحلام مستغانمي...
    رواية بعنوان فوضى الحواس...
    رواية بها كم هائل من العبارات التي وقفت أمامها طويلا...
    و حاولت جاهدا بنصف تخزين الكثير من الجمل و العبارات حتى أجترها مرة أخرى في كتاباتي اليكم...
    و أعمل فيها عب كبير...
    صدرت في العام 2005 و تم طبع 15 طبعة منها...
    وكانت خير رفيق لي في رحلتي...
    كنت عندما أجد نفسي جالسا وحيدا في بهو المستشفى...
    أهرب من واقع أجد نفسي غير قادر على التفكير فيه حتى النهاية...
    و ألوذ بأسطر مستغانمي المربكة و المحيرة في نفس الوقت...
    و لكنها كانت أقل ارباكا من كل شيء حولي...
    و كانت ملاذا آمنا من تحرشات التايلانديات غير المتعمدة...
                   |Articles |News |مقالات |بيانات

02-05-2012, 12:35 PM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    للرجال في الجنه حور العين ....فماذا للنساء ؟؟

    عند ذكر الله للمغريات الموجودة في الجنة من أنواع المأكولات والمناظر الجميلة
    والمساكن والملابس فإنه يعمم ذلك للإثنين ( الذكر والأنثى ) فالجميع يستمتع
    بما سبق. ويتبقى: أن الله قد أغرى الرجال وشوقهم للجنة بذكر ما فيها من

    (الحور العين ) و (النساء الجميلات )

    ولم يرد مثل هذا للنساء.. فقد تتساءل المرأة عن سبب هذا !؟

    أولاً :

    أن الله: لا يسئل عما يفعل وهم يسئلون

    ثانياً :
    - أن من طبيعة النساء الحياء – كما هو معلوم – ولهذا فإن الله – عز وجل – لا
    يشوقهن للجنة بما يستحين منه.

    - أن شوق المرأة للرجال ليس كشوق الرجال للمرأة – كما هو معلوم – ولهذا فإن
    الله شوّق الرجال بذكر نساء الجنة

    مصداقا لقول الرسول (ص)

    { ما تركت بعدي فتنة أضر على الرجال من النساء }

    أما المرأة فشوقها إلى الزينة من اللباس
    والحلي يفوق شوقها إلى الرجال لأنه مما جبلت عليه

    يا ربي التايلانديات ديل ينطبق عليهم معنى الحياء؟؟؟
                   |Articles |News |مقالات |بيانات

02-06-2012, 05:53 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    صباح الخير ،،، يا وجوه الخير

    أصبحنا وأصبح الملك لله وحده ،

    دعاء اليوم :

    اللهم آتني الحكمة
    التي من أُتيها فقد
    أُتي خيراً كثيراً ،،،،
                   |Articles |News |مقالات |بيانات

02-06-2012, 06:03 AM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    Quote: تلويحة محبة

    ما في زول يقول لي كنت وين؟؟؟؟
    أها الفهم شنو!!!!
    و من قبل السلام عليكم و رحمة الله و بركاته
                   |Articles |News |مقالات |بيانات

02-06-2012, 07:35 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد آدم النور)

    Quote: ما في زول يقول لي كنت وين؟؟؟؟
    أها الفهم شنو!!!!
    و من قبل السلام عليكم و رحمة الله و بركاته


    و عليكم السلام و رحمة الله و بركاته...
    يا زول انت كنت وين؟

    ياخي مشتاقين عديل كده...
                   |Articles |News |مقالات |بيانات

02-06-2012, 07:48 AM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    شكراً على الترحيب و كفى
    ما جاوبت على الفهم شنو؟؟؟؟
    زولي وقع في عينك؟؟؟؟
                   |Articles |News |مقالات |بيانات

02-06-2012, 08:23 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد آدم النور)

    Quote: ما جاوبت على الفهم شنو؟؟؟؟
    زولي وقع في عينك؟؟؟؟


    ما لاقي ليها جواب..تتصور..

    لكن زولك شايفو لافي بي جاي..
    أنا كنت غايب شويه كده..
    لكن لما رجعت لقيتو سادي خدمة...
    عليك الله لو في لخبطة في الحروف ما تآخذني...
    عشان الليلة نسيت النضارة بتاعتي في البيت...
                   |Articles |News |مقالات |بيانات

02-06-2012, 08:42 AM

موسي عيسي
<aموسي عيسي
تاريخ التسجيل: 05-03-2009
مجموع المشاركات: 1905

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: الرشيد بابكر)

    وعليكم السلام و رحمة الله

    ارحع مكان ما جيت انت قايلها

    وكالة من غير بواب و كمان علي

    طول الفهم شنو , انتو يا شباب محمد صديق

    وين لي زمن ما شايفو و لو ياربي يكون ......؟؟؟

    عموما احمد اسماعيل بطرفكم ليهو كم يوم و قال

    طفشان عموما عنوانه ام درمان شارع الموردة

    امام مدرسة الاحفاد للاساس بمعرفة اللواء معاش

    صديق محمد اسماعيل و لو عينك يا جلا وقعت فيهو

    بلغ عليهو البوليس لانه مطلوب للعدالة ...

    وينك رشيد اخبارك و انشاء بالله كبر البونت و لو

    خلي السكرتيرة تقرأ ليك اححححححححححيييي يا بري !!!!!!

    قلت لي الجكس هناك كيف ؟؟؟
                   |Articles |News |مقالات |بيانات

02-06-2012, 11:58 AM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: موسي عيسي)

    أهنا إلتقاء الأحبة!!!
    و كيف هي الأشواق!!!
    كيف الشتاء و الغربة و المطر
    و هل يحج الناس إلينا بعد مولد النبي
    يخالجني شعور بأنني لست أنا
    و في أحيان كثيرة أتحسس رأسي و من ثم بقية ما موجود فيه
    أردت أن ألوح لكم بيدي و إلقاء التحية فذهبت أناملي موضع الكيبورد

    لا يفوت على فطنة القارئ إنو أنا متقمص دور الرشيد بابكر في رواية الناس و الأشواق
                   |Articles |News |مقالات |بيانات

02-07-2012, 05:54 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد آدم النور)

    صباح الخير ،،، يا وجوه الخير

    تحية الصباح نرسلها لأخونا جلا

    ونقول هلا وحلا يا جلا ،،،

    بمناسبة ظهورة يوم أمس المتميز

    وأخونا جلا له معزة كبيرة ومكانة مرموقة

    وشعبية كبيرة عند أجدع ناس وظهورة يعني

    الكثير والمثير وخاصة عند ناس موسى عيسى وأبو الزوز وآخرون ،،،

    نفتقد المحلل الصحفي منصور عبدالرازق وأخونا كمال الشادي

    =============================
    اللهم آتنا في الدنا حسنة
    وفي الآخرة حسنة ، وقنا عذاب النار
                   |Articles |News |مقالات |بيانات

02-07-2012, 08:45 AM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: ميسرة سيد أحمد)

    تشكراااااات يا ريس
    لا عدمناك
    كلماتك الطيبات عني تجعلني أتحسس جعبتي اللغوية لأرد بأحسن منها
    و لكن مصاحبتي للناطقين بغيرها ساعدت ما هو موجود أن ينضب
    فهل تعذرني في ترميم ما تبقى
    و لك لي أن أغير الصحبة لآخرين
    بالطبع ليس فيهم الآتية أسماءهم:
    ود جبريل و اللغة الدراجة
    منص الذي يكتب سطر و ينط خمسة أسطر
    نجيلة و الكتابات النجيلة
    أبو الزوز الذي تحصل على القيد الصحفي بقدرة قادر
    و بتاع سلامات يا ناس
    و من بعد بتاع رفع الأثقال (رفع البوست)

    يأخذ في الحسبان مع الإحتراز
    صحبة عبدالدائم
    وأحمد إسماعيل
    و محمد عيد إذا كان هو موجود
    و أخيراً الدمينكاني

    بخلاف ذلك أنا متسامح مع الكل
    و الله أعلم

    (عدل بواسطة محمد آدم النور on 02-07-2012, 08:49 AM)

                   |Articles |News |مقالات |بيانات

02-07-2012, 09:09 AM

حافظ انقابو
<aحافظ انقابو
تاريخ التسجيل: 02-04-2012
مجموع المشاركات: 3525

للتواصل معنا

FaceBook
تويتر Twitter
YouTube


Re: ناس الزقازيق ... أجدع ناس (4) .. (Re: محمد عيد)

    زقزاقين والله
    عموما انا برحب بنفسي في البوست وبتمنى ليها قامة طيبة في الزقازيق
                   |Articles |News |مقالات |بيانات

[رد على الموضوع] صفحة 45 „‰ 59:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de