|
Re: ناس الزقازيق ... أجدع ناس (4) .. (Re: محمد صديق)
|
Quote: وين الصور..................؟؟ |
يا كوتش ... زمان قالوا ...
نقــّل فؤادك حيث شــئت من الهــوى
ما الحب الا للحبيب الاول ....
.....
....
صور الرحلة ... وبفعل فاعل
ضلت طريقها للزوجة الثانية ( الفيس بوك )
غايتو انا ما قلت جلا ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
انا ذاتي بطالب برجوع الزول البطالب بيهو
زهير اعلاه .
و الحقيقة اتصلت بيهو من شوية و قال ما برجع
الا جلا يبطل الحركات بتاعتو دي و يرجع للناس
حقوقهم من باقي الرحلة .
و اضم صوتي للاخ محمد عيد و اطالب ايضا بعودة
كمال الشادي حيا كان أو غيره و بقول ليهو برضو
عندنا في البوست ابوعركي بس انت تعال و تشوف !!!
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
بسم الله الرحمن الرحيم صباح الخير يا وجوه الخير يا جماعة ما تقلعو مني الباسويرد بتاعي دا لأنو عامل لي فلايت و بعد داك الواحد يطالب بي واحد جديد لنج
ولا أقول ليكم كلام خلاص أنا في إجازة من اليوم و لغاية ما ألقا لي زول يفتشني و يحنسني بعدين نشوف الظرف شنو...وبعدين أقرر الزول بتاع السلع ...بي جازو
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
انا قلت كده برضو يا جلا و بارك الله فيك
عموما انا برشح الباسوورد بتاعك المتنازل
عنه و بتاعي نديهم للتاج علي الاقل نضمن انو
لو سحبت منو ست بيتو واحد يكون عندو اسبير !!!
و بالله يا جلا خلي لي عنوانك لو احتج لي لمتعهد رحل
ممكن اتصل عليك و برضو في اخر مداخله اعمل لينا
كروكي للفتيحاب دي بدخلوا ليها باي طريق .
محمد احمد عوض قال ::
مسافر وين مخلينا .. لنار الفرقة تشقينا . ...
مسافر وين مخلينا ومنو البعدك بواسينا .. بزاورنا
وين بعدك نلاقي حنان و منو غيرك بواسينا .
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
Quote: مسافر وين مخلينا .. لنار الفرقة تشقينا . ...
مسافر وين مخلينا ومنو البعدك بواسينا .. بزاورنا
وين بعدك نلاقي حنان و منو غيرك بواسينا . |
الغنا زي دا ما بقسم معاي عندك غنا تاني غيرو ...كبو نحن غنانا نانسي عجاج و غادي محمد عيد ما تعلق بي جاي (خليك في الفيس بوك هناك) بمناسبة الباسويرد شوف الماسنجر بتاعك وهو أمانة في رقبتك أبو الزوز بدل تفتش طارق جبريل و بس داير أتعبك شوية عشان تفتش لي يا جماعة ما تقول الزول دا زاغ بي باقي الرحلة بس الزول محتاج لي راحة زهنية شوية يعني لمن الطايوق يروق أو إجازة ماليزيا تنتهي أو حوار الإسمول لدي يكتمل بعد داك لو عندكم تعازي أو فرح نجيكم غير كدا ممكن أقول ليكم صباح الخير يا وجوه الخير
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
غايتو بتاعنك ديل يا نجيلة بيكون لافينها بي بعرة فيل مسطول أخوهو مات ، الجماعه غسلوهو ولفوهو في الكفن ، قام إتلفَت ليهُم وقال ليهم مافي واحد معاهو ولاعه ______________________
مسطول قالو ليهو عادل إمام مات قال ليهم الليله نكير الضحك شرطو _____________________
مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة عندي الحمدو __________________________
هاهاهاهاهاهاهاها رُباطابي فتح دُكان جاب واحد فلاتي قرا فيهو يس أول شهر الدكان رِبح 4 مليون ..الفلاتي سمع جا للرباطابي قال الا يشيل 2 ملون .. الرباطابي قال ليهو لي إنتَ يس دي قايلا من تأليفك __________________
نجيلة غايتو حا أعيد النظر في القرار الكنت عايز إتخذو ليس حباً في مداخلتك بس حباً في نكاتك ال514
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
سلام يا اجدع ناس
اولا بقول لنجاة حوفى عقبال تطفى الشمعة لميه ويا نانى التفون الجاى على وطالبانى هدية برسلا لر يوصلا ليك ليك كل المنى
يا جلا اللوم وصلنى لكن وحاة الخوة التقول مقصودة منجهة ما مما افتح الصفحة تعلق معاى طوالى يفتح بعدىساغتين
غليكم الله شفتو السخانة دى كيف
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: غليكم الله شفتو السخانة دى كيف |
Quote: السخانة دي غلي و غلى أغدائي |
ليلتين على التوالى ارتفعت درجة حرارة جسمى بصورة كبيرة حتى منعتنى النوم
حينها تذكرت قصــيدة اخونا / احمد صالح التى اشتهرت فى زراعة بقصيدة الحمى
وهى تقول فى مطلعها ...
الحمــى تســرى فى جســدى فأثور أزمجر كالأســـد
فى احدى الحفلات وبعد ان شــّنف احمد صالح مسامعنا بها ( للمرة الـ 514 )
صاح فيه عاطف القوز ... ياخى أسد شنو البتزمجر زيو ؟؟؟؟ انت الحمى طالعة ليك فى راسك ساكت بس ..!!
اها انا طول الليل اردد بيت الشعر بتاعو ده وأزمجر مطاردا سلطان النوم دون جدوى ...
يا ربى تكون طلعت لى فى راسى ولا شنو ؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير المقولة التي تقول جينا لي مكة تغنينا قلعت طواقينا... اذا أردنا الاستعلام عن صحة المقولة بالنسبة لمكة بالتحديد.. فأهل مكة أدرى بشعابها... و ليس أصلح من عصام دهب للاجابة على هذا السؤال... و أرجو اذا حضر عصام للاجابة على هذا السؤال... أن يفيض و يسترسل في أنواع الطواقي... أما الطاقية بتاعتي و التي اقتلعت عنوة مني أنا في الامارات... فهي عدة طواقي... أولها الشباب الذي قضيناه هنا رغم أنها كانت أياما جيدة... و الذي دفعني لقول ذلك الأوجاع الكثيرة هذه الأيام... تجلس في الصلاة فاذا بالركب تطقطق كلها.. حتى يخيل اليك ان أصل الانسان كان عنقريب... و ليس قردا كما أخطأ دارون... و القطايع التي لا حصر لها... و هنالك العديد من الطواقي الأخرى... والتي سآتي اليها لاحقا...
Quote: الزول بتاع السلع ...بي جازو |
زيدني من دلك شوية...و كتر الأشواق علي... عشان نفقدك يا شقي الحال..
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
ايوااااااا ... خليكم على كدة بالله داوموا ادام الله عافيتكم .... حيث ان الكتابات هنا تجذب الآخرين فربما يجد بعضهم كلمة تستهويه ... او تعبيرا يعجبه .... او مزحة لامست شيئاً فيه ... فيقوم بالتداخل ... وان لم يجد أي من ذلك ... فلربما يجد جلا وهو يقوم بأرجاع باقي حساب الرحلة فينوبه من الطيب نصيب ....
كيف حالكم ... يارعاكم الله
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
سلام عليكم يا خوانا.. أولا.. تعازينا لكل من فقد عزيز لهم.. ثانيا.. مبروك النجاحات المشرفه لكل الأبناء والبنوتات.. ثالثا.. نأسف للانقطاع القسري.. آخر مره دخلت من زمن بعيد طقاني فايرس في كمبيوتر المكتب.. قربوا يلبسوني ######شات.. وشالوا العده.. وما رجعوها الا قبل يومين.. تاني نهي من دخول البوست من المكتب.. الوقت للعمل.. رابعا.. رجعوا لينا الناس المقاطعين زي جبريلا ونمله.. وين أجاويدكم.. خامسا.. صور الرحله البينزلوها بي غادي ما دايرينها.. سادسا.. شكرا لكل من سأل.. سابعا.. كل سنه والبت ناني طيبه.. ثامنا.. اسحبوا منو الباسويرد.. قبل ما يتنازل منو.. تاسعا.. نكت من سنه دو.. لكن لذيييييييذه.. كتر بس.. عاشرا.. تسلم من الزمجره.. وديل العشره مداخلات.. قبل ما يسحبوا العده..
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: فلربما يجد جلا وهو يقوم بأرجاع باقي حساب الرحلة فينوبه من الطيب نصيب ....
|
سلامات يا طاعم ومشتاقين ...
الزول ده قدر ما زنقوهو قال ما بيرجع لاى زول باقيهو
الا من جلد الخروف او راسو او باقى اليتزا بتاعت نهلة
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: وديل العشره مداخلات.. قبل ما يسحبوا العده.. |
والله رهيب يا ميســى ...
تخيل انت كنت رقم 3 فى حملة اعادة الـ ... بعد جبريلا ونملوز ...
لكن ما شاء الله حصانك جراااى ...
يظهر أثــر الحج ما زال باقيا" ... بركاتك يا حاج ...
تخريمة :
شايفك غطيت كل حاجة ..
لكن بس ما باركت لى صلاح اللمين .. ولا قلت العاقبة لى فلالالالالالان ...!!
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صبحكم الله بالخير
Quote: ما انه عارف يوم الخميس ده مافي زول حا يجي يشتغل بي |
منو القال ليك يا أبو الزوز... خليك متفائل ياخي شوية... بعدين الما بيجو يوم الخميس ديل المطاميس.. لكن ناس اللالوبة الزينا ديل قاااااعدين...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
التحية والتقدير والمحبة لكم جميعا يا أجدع ناس ...
المعذرة على طول الغياب وذلك لأسباب فنية وكفيلية طارئة ..
التعزية لكل من فقد عزيزا لديه وأسأل الله له المغفرة .. والتبريكات لكل أبناءنا الناجحين وانشاء الله يارب نشوفهم جميعا في أعلى المراتب.. والتهنئة موصولة لعريسنا الدكتور صلاح الأمين وعروسته اسيا ربيع مع امنياتي لهم بالمال والبنين ..
Quote: بعدين الما بيجو يوم الخميس ديل المطاميس.. لكن ناس اللالوبة الزينا ديل قاااااعدين... |
عشان نحن من ناس اللالوبة .... لا مطاميس ولا حاجة ... انت البقعدك شنو لي هسة ؟؟؟ مالك ما ركبت الزلط ........
| |
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
السلام عليكم ايها الناس
Quote: التحية والتقدير والمحبة لكم جميعا يا أجدع ناس ...
المعذرة على طول الغياب وذلك لأسباب فنية وكفيلية طارئة ..
|
مبروك علينا جميعاً عودة قدورة ...وعقبال:
حاج الركز
عفاف
حنان مجمر
منى عباس
منى يونس
كوثر داوود
سناء الصباغ
نورا
عرفة
نملة
الشادى
سيف
السهيلى
بكرى حامد
د.احمد
د.الصادق
ودالمهدى
مجتبى
شقلينى
عجب سيدو
بسكو
معاوية
عشة
ودالمرتضى
قيس
الجدى
ابايزيد
وط ا ر ق ج ب ر ي ل....
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
السلام عليكم يا أحباب والله ياريس حكاية طريفة ومعبرة عن واقع الحال الذي يغني عن السؤال لكن ناس الفاقد التربوي يمشوا وين ؟ وأصحاب المهن الفي الحكاية بالتخصصات العجيبة دي ، لو الواحد فيهم تأهل أكثر وزادت خبراته يترقى لوين؟
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
مساكم الله بالخير
و مساء التماسي للريس ميسرة... يا ريس من وحي القصة بتاعتك... عندنا ناطور صعيدي اسمه أحمد... ما حصل فتحت موضوع مع أحمد هذا الا و أدهشني بثقافته العالية... لم أسأله يوما عن دراسته... لكني أشك في أن أحمد هذا فيلسوف ضل طريقه الى الناطوريه...
Quote: عشان نحن من ناس اللالوبة .... لا مطاميس ولا حاجة ... انت البقعدك شنو لي هسة ؟؟؟ مالك ما ركبت الزلط ........ |
حباب قدوره... منور البوست اليوم... الأيام دي أجد نفسي بين مطرقة حر المكتب و سندان حر الطريق... و لكني أشواقي الى أسرتي تجعلني أحتمل حر الطريق... سعيد أنا بعودتك....
بهجة منوره البوست اليوم... أعتبري نفسك في اجازة مع ميار و داومي على الظهور... و خلي صاحبي ده يخفف وزنه شوية... و ما يعتمد على ان البنطلونات الواسعه بتاعت السودان ما زالت تناسبه...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
- نفيسي: دحين يا خدوم (خادم الله) بيتك دة عدمان الكركار والحجار - خدوم: كيفن يا نفيسي - نفيسي: نان شقوق كرعيك اليدخلن العقرب ديل ماكي شايفاهن - خدوم: من الشقاوة يا حبيبة قساي وحش البرسيم - نفيسي: نان نحن مالنا مانا قاعدين نحش البرسيم ونحلب النعاج ما يييديل كرعينا مملسات وليلنا ونهارنا ندخن وبرطمان الدلكي في المُعلاق وفتيل الخومري تحت السرير - خدوم: أنا شن عرفني - نفيسي: هو ذاتو صالح دة العاجبو فيكي شنو.. كرعينك مكلوجة وسَفَتك علي «لبقة» حوض البرسيم يا خرابة ما تشوفيلك حجرا تحكي شقوق كرعيك ديل.. يمين يضرسن عاملات علي الحلفا - خدوم: نان انا صالح قلتلو عرسني... ما تراهو جاء لي ابوي وقال دايرني.. وبقينا نرمي في الشفع علي رمييي اللقيمات - نفيسي: أصلكن بسم الله آآبتقوولوها.. قبلكن وحدكن.. الحالة كرعينك ملياني شقوق وراسك منكوش علي اللاشميق - خدوم: (ختتلها سفي): ههههههه نان انت مقصري ما يييدا مليتي الدنيي بُطان.. عاملي جضومك الناشفات ديل علي السعن اليابس - نفيسي: (ولعتلها سجارة ألت برنجي) ههههههههههه.. عاد فراغك.. يمين وكتين امشط مسايري واتمسح بالكركار وآكبلي خومري تحيت إضنيني وألبس الكلوش وحات نضري ود الطيب دة ان كان ليهو ينهق كلو كلو..
هوي خوتكم لستك والفيكم اتعرفت انا ان بقيت تميت باقي الحوار (الله بيسألني حضرتو في البركل) بيقيمو علي الحد
تليشة: للترجمة عليكم بجلال عثمان لانه ود جبارة من شوايقة كلفورنيا
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: - خدوم: نان انا صالح قلتلو عرسني... ما تراهو جاء لي ابوي وقال دايرني.. وبقينا نرمي في الشفع علي رمييي اللقيمات |
الخرابا الــ ،،، ود جبرين جاكم كان الله أداكم،،،،
عاد نان ما نضميك سمح يا أبو الحبان ،،،
ممسح بزيت القطران ومعجون بدهن المصران،،،
حمد لله على سلامة العودة يا حبيب
الجابك يجيب الشاقي الكبير - كمال الشادي -
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: مبروك علينا جميعاً عودة قدورة ...وعقبال:
حاج الركز
عفاف
حنان مجمر
منى عباس
منى يونس
كوثر داوود
سناء الصباغ
نورا
عرفة
نملة
الشادى
سيف
السهيلى
بكرى حامد
د.احمد
د.الصادق
ودالمهدى
مجتبى
شقلينى
عجب سيدو
بسكو
معاوية
عشة
ودالمرتضى
قيس
الجدى
ابايزيد
وط ا ر ق ج ب ر ي ل |
شكرا على السؤال ..تحياتي للجميع ..ويا ناس السودان جاييكم في الصيف السنه دي لمدة ثلاثه اسابيع من نهاية يونيو حتي بداية يوليو ..انشاء الله تكون برامجكم مدوره وما تكون انتهت بسفر الزناتي..
| |
|
|
|
|
|
|
Re: ناس الزقازيق ... أجدع ناس (4) .. (Re: ابتهاج عبد الله)
|
الجمعة الخضراء ميروكة ومباركة ...
ومبارك لكم جميعا عودة الحبيب ود جبرين - فاكهة المنبر وطنبوره الرنان ...
مبارك ايضا عودة الحبيب قدورة .. وطلات بنتنا بهجة ....
خبر سعيد آخــــر ....
وهـــو ....
.....
....
......
ظهـــور مفاجىء وعزيـــز لاخونا وزميلنا وصديقنا .... زاهـــر الصادق على صفحات الفيس بوك
ومؤكد ان ظهوره سيأتى به عاجلا الى مرفأنا وحوشنا الحميـــم ...
وحتما سنصطف وراءه فى كورال جميل ونغنى معه سويا ... رائعـــته الجميلة ...
وطنـــى عيونــك ديــل ... وطنى
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: ظهـــور مفاجىء وعزيـــز لاخونا وزميلنا وصديقنا .... زاهـــر الصادق على صفحات الفيس بوك
ومؤكد ان ظهوره سيأتى به عاجلا الى مرفأنا وحوشنا الحميـــم ...
وحتما سنصطف وراءه فى كورال جميل ونغنى معه سويا ... رائعـــته الجميلة ...
وطنـــى عيونــك ديــل ... وطنى |
خبر جميل ومفرح جداً لهذه الهامة الزقازيقية الكبيرة
مرحب بالظهور الإسفيري للعزيز زاهر الصادق عبدالسلام
ونقول له :
وطني عيونك ديل .......... وطني وطني الدمعة الحزينة.......وطني وطني غضبة مسيرة...........وطني ،،،،،،،،،،،،،،،،،،،،،،،،،،،،،
كل ما ترحل تسافر ،،،،،،،، شوقنا ليك ما ليهو آخر نبدأ بيك قبال نغادر ،،،، شوقنا ليك ما ليهو آخر
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يااجدع ناس
أنعش الله يومكم برائحة البخور ...
ورطب الله لسانكم بالدعاء المغفور...
وجمل الله مسائكم بالورد المنثور...
وتقبل الله طاعتكم بالعمل المأجور ...
في يوم جمعه الدعاء فيه مبرور..
إستجابة لمناشدة العودة الطوعية،،،
| |
|
|
|
|
|
|
Re: ناس الزقازيق ... أجدع ناس (4) .. (Re: سناء الصباغ)
|
وكمان الى كل من ...
الاحمر الجميل ... د. الصادق
والسيده الاولى ... منى يونس
والعزيزه ... سناء الصباغ
نقوووووووووووول ....
حلاوة العودة غنيناها فى موال ... يحكى عن الولف ... واصلوا الولف كتال ...
هل من مزيد من الأحبة ..؟
| |
|
|
|
|
|
|
Re: ناس الزقازيق ... أجدع ناس (4) .. (Re: سناء الصباغ)
|
جمعتكم مباركة وحلوة التحية لكم جميعا ومرحب بعودة جميع الغائبين ونتمنى نشوف الجميع مسجلين حضور وانشاء لمتكم دائمة .. ... موسى عيسى تحياتي .. وين صور ابو عركي ياخي .. محمد عيد الله يديك العافية ويديم علينا أخبارك الحلوة فقد تفاجئت اليوم بظهور الجميل زاهر صادق على الفيس بوك ذلك الرائع الذي ضمخ أيامنا بهجة وروعة متعه الله بالصحة والعافية .. .. ود جبريل ..
Quote: هوي خوتكم لستك والفيكم اتعرفت انا ان بقيت تميت باقي الحوار (الله بيسألني حضرتو في البركل) بيقيمو علي الحد |
ياخي بركة الجيت .. تمو وليك علي مافي حدا جاييك مافي كلاما كتلو زول ... نفيسي لكن مبااااالغة في الشمشرة... ضحكتنا الله يديك العافية .. .. ..
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
صحبتك السلامة ايها الحبيب الرشيد و انت في طريقك الي
السلع , و تبدل المود الي الاتش من البهجة بعد مكالمة صباحية
حلوة من ابو امينة سلمه الله قبل قليل و كانت لها طعم جميل
بالله ما تقطعها يا ظريف .
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
صبحكم الله بالخير
أن تستصحب معك موسى عيسى في طريق مغبر طويل فهي لا شك رفقة حسنة.. ضحكة صافية و قلب أخضر و كلام طيب...و..و.. و قطيعه حلال...
عودة جبريلا لا شك هي عودة ابتسامه و كتابة ممتعة و قلم ضل الطريق زمنا طويلا... عودة دكتور الصادق ما هي الا تعبير عن محبة صادقة لما للرجل من مشغوليات... ظهور زاهر الصادق و لو من على الفيس بوك دليل على أن الرجل قد اقترب كثيرا... عودة منى يونس... و كيف نرفض رجوع القمره لي وطن القماري...
أما عودة سناء خليل دي رغم أنها تفرحنا كل مرة... الا انني المره دي أوصي بالآتي... يجي زول كبير (ما أنا غايتو) و يقعد سناء دي في الواطه... و يقعد يلوم فيها لوم السنين... لحدي ما تحرم تنقطع مننا تاني... لكن صدقوني لو كل مره تغيب و تجي راجعه و نحن..مرحبا بسناء...مرحبا بسناء... الزوله دي حتستمرأ المسأله دي... أسألوني منها أنا...
تاني منو العاد... انتو جلا ده عاد و لا لسه.. عاااد...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلام يا اهلنا شاكرين يا شباب للترحيب الجميل وود جبارة دة اصلو الفيهو عرفتها من زماااااااان ههههههههه
موسى عيسى واحمد اسماعيل والله طلعاتكم دي تشهي الزول يجي يشتغل في الدمام ما تقولوا عندي عرض هناك
يا قدورة بتم ليك القصة لكن انا في حمايتك ثمح غايتو ارجوني حكاوي نفيسي دي آآآبتنتهي كلو كلو
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
Quote: مرحبتين بطلة الحبان ود جبريل (طيب صالح الزقازيق ).
|
ياخي دي ما بقدر افوتها ليك ... انا كنت قايل روحي بتاع تلج لكن دي اوسكار عديل ... احب التلج ذاتو في الحر ده ....والله يا موسي كيفتني قبل طارق جبريل .... دي غايتو نحيل اوارقها لفضيلة الشيخ جلا ... يفتي لينا فيها ....
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
نرحب ترحيب كبير أوي بالعودة الطوعية لكن داير أسأل لماذا العودة الطوعية؟؟؟؟ لماذا لا تكون عودة بعد إنقطاع أو العود الأحمد أو عودة الحب و الإخلاص أو عودة دون إنقطاع العودة الطوعية دي تذكرني بمفوضية اللاجئين (UNHCR) و تحية إجلال و تكريم و تقدير للأخ زاهر الصادق ودا تختوهو في ياتو عودة و لا دا لاجئ جديد لنج؟؟؟
Quote: تاني منو العاد... انتو جلا ده عاد و لا لسه.. عاااد... |
عااااد دا ما أنا ما أعود كيف!!!! دحين الباسويرد بتاعي ما وقع في عينكم؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
قــلتو لى جاء كم نفر من ناس ( العودة الطوعية ) لحدى الان
نابكم حيطلع على شونة .......
قـــالو يا سناء بت الصباغ النسيبة ماشة الحج ومحاربة ومقاطعة مرات ولـــــدا .... لا سلام لا كلام بينـاتـم الجيران يوم مسافرة قالو ليها الكلام ده ما صاح .. لازم تسامحيها عشان حجتك تتقبل والمسامح كريم قبلت الحاح الجيران على مضض وساعة طالعة على المطار سلمت على الناس كلهم ... وجات لمرات ولــدا اخر زول قالت ليها انا ماشة لبيت الله كان متـــــــه العفو و العافية وكان جيت راجعة كمان كلوووو شى فى محلوووو ....
هسه انتى كمان كان بتواصلينا وتزورينا وتشوفينا العفو والعافية ... وكان زى جيتــكم دى خلى كل شى فى محلووووو ..
تانى لا اتصالات ولا مسنجرات و لا فيس بووك
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
بعض التعثر يلازم بيضة الديك هذا الصباح... ربما لنقص في الكالسيوم...
هذا الصباح و أنا أقبع حيث تصنع الأفكار النيره... أخذت أفكر على طريقة الدكتور جيكل و مستر هايد... دكتور جيكل كان يحدثني بأن أبو الزوز كان يقصد قلة المداخلات... و ذلك عندما وصف مداخلاتي ببيضة الديك... بينما كان مستر هايد يدفعني الى فهم أنه يقصد بأنها فارغة المحتوى... و لكنني عندما عدت الى نفسي قلت... الجاتك في بيضة ديكك سامحتك...
شجعت الريال فلم يكسب الدوري الأسباني... و شجعت المانشستر فلم يكسب الأرسنال الدوري الانجليزي... و شجعت الميلان فكانت فرحتي أكبر من فرحة بربارا برلسكوني... فأنا أشجع الميلان و هي تشجع باتو رغم أن والدها مالك النادي... البنية من ما جكست الولد باتو المعلقين جننونا بيها جن... بربارا جات ...بربارا مشت...بربارا اتلفتت... نص المباراة الكاميرا مركزة على بربارا... أنا بيني و بين نفسي كده قلت و الله بربارا أحسن... من اللاعبين الواقعين في الأرض و بيدردقوا ديل... أنا شكلي كده لو باتو السنة الجاية مشى اليوفي مثلا فأنا حأشجع اليوفي... ما تقولو عشان بربارا...
كان حبة الكالسيوم البلعتها جابت نتيجة... فأنتم موعودون ببيضة ديك تانية...
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: ياخي دي ما بقدر افوتها ليك ... انا كنت قايل روحي بتاع تلج لكن دي اوسكار عديل ... احب التلج ذاتو في الحر ده ....والله يا موسي كيفتني قبل طارق جبريل .... دي غايتو نحيل اوارقها لفضيلة الشيخ جلا ... يفتي لينا فيها ....
|
يا موسى عيسى ما تشتغل بالزول المكركب دة اصلو هلالابي حاقد وليك علي اخت ليك حكاوي ((نفيسي )) والمرة الجاية سميني ماركزي الزقازيق
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
بالرغم من أن البترول في خزان سيارتي كان يكقيني اليوم و غدا... الا أنني قررت ان أتوجه الى محطة الوقود التي بقبالة البحر... و بينما عامل المحطة بملأ الخزان بالوقود وجهت نظري الى البحر متأملا... فوجدته ساكنا الا من بعض مويجات هنا و هناك يتاقفزن فرحا... و قلت لنفسي باسما وانا أتذكر صور التسونامي التي بثتها الفضائيات... حقا ان عاتي الأمواج من مستصغر الموج.... ثم قلت للبحر ضاحكا...يا بحر... أتامل سكونك أسدأك...أشوف نسوناميك أستغرب....
من الأقوال التي صارت مثلا ..ان القصير يا فتنة يا حكمة... و لكني أصبحت أنظر مؤخرا الى هذه المقولة بكثير من الشك... فلقد صادفت هنا من هم من طوال القامة و هم أصحاب الفتنة.... بينما لا يزال هنالك بعض الحكماء من قصار القامة... فقلت هذا زمن طالت فيه الفتنة و قصرت أو تقاصرت فيه الحكمة....
عندما تبحث عن البوست في الصفحة الأولى فلا تجده... فهذا أكبر دليل على أن الرجل كان محقا... و أنا هنا أقصد أبو الزوز... فيبدو أن الأمر يحتاج الى أكثر من بيضة ديك واحدة... ليتني كنت أملك حرفنة الكوتش... لكنت قسمت هذه البيضة الى أربع بيضات كاملات... و ربما اذا أمعنت في التقسيم... لجعلتها بدنة كاملة..
و أخيرا..... وشوشنى العبير ..فانتشيت وساقنى الهوى فما أبيت يد الحرير أرتعشت بكفى فبكيت من رقتها..بكيت
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير يا اب شنب .. زولك عاد يجيب بيضة الديك من وين صاحبك كمل الكالسيوم حقو من المساسقة بين السلع وابوظبي ضهرو انسحك من قعاد العربية ...
Quote: عندما تبحث عن البوست في الصفحة الأولى فلا تجده...
|
ابو أمنية .. بركة الجيت يا خي .. يا خوي انت من زمن البوست غاطس ؟؟؟ نشلناهو قبييييييييل بي سنارة من البحر الكنت بتتأمل فيهو داك ...!!!
| |
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
الزول الما جا الحتة دى من زمن البركة فيكم بتاعت الهام شمس الدين (ربنا يرحم والدتها ) ومن زمن احسن الله عزاكم بتاعت مكى عباس (ربنا يتولى اخته برحمته وغفرانه) ومن زمن ما ولد عوض عبد الرحيم شلبى , طلع الأول فى امتحان ماليزيا بتاع اليوسى ماس (مليوم مبروك وان شاء الله من المتفوقين دائما ) يعمل شنو ؟؟؟؟ يجى داخل سااااكت كده , ينفع ؟؟؟ وبعدين كونى اغيب قدر ده , وبرضى اجى راجع قبل ما صور ناس جلا فى شمبات تظهر ده معناتو انو الصور دى , راكبة شنو يا ربى ؟؟؟ تكون يا ربى راكبة مع الرشيد , لمن لاوز ليهو الرادار , وقام لقاهو مجرد صبة اسمنت ادو الصور دى لى عصام دهب , كلنا ندفع غرامة ساهر , بس نشوف الصور ياخ عموما , جينا جينا , كيا للمابينا
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
نخش فى الموضوع طوالى مود البنى آدم ومزاجه , مد وجزر متواصلين ده لو ثبتنا كل المتغيرات الأخرى يعنى حتى لو مزاجو وموده , معتدلين , ممكن كمان تغلبه حاجات تانية وتضرب روتين حياته فى مقتل لا يعرف عدلتها من قلبتها , ولا يعرف وشها من قفاها يحدث هذا للبنى آدم فى كل مجالات تماسه الحياتى القريبون منه , يتعودونها , ويساعدونه على (السردبة ) حتى تمر الموجة انا اغايتو غلبنى اعرف مسببات لى هذه التقلبات المزاجية التى تصيب كل انسان من حين الى آخر طبعا فى ناس اكتر من ناس ولكن كثرت ام قلت , فهى حالة تصيب العامة , ولا اعتقد ان اى انسان سوى يسلم منها وسردبة صاحب الحالة المزاجية نفسه (لتقلباته ) وتعوده عليها , مرحلة مهمة من مراحل التعايش ولكن سردبة المحيطين له (معه) ومساعدته للتعايش مع (الكيس يا طاعم ) مظهر راقى من مظاهر الفهم والتفهم خلونا نتناول غياب الناس من المساهمات البوستية , من هذا المنظار
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
بنو آد م , اصناف واجناس وانواع مختلفة منهم من لا يسمح لنفسه ان يظهر للعامة , الا بهندام كامل وهندام هنا , لا تنحصر فى جلاليب معممة , او بناطلين وقمصان (مكرفتة ) والأحذية كمان ممكن تتراوح فى هندمتها , من الشباشب والسفنجات , الى احذية الرياضة , وصولا التى الأحذية ذات الكعوب الرسمية مش زمان كانوا بيقولوا فى حيثيات الدعوة لمناسبات بعينها ان الدخول بالملابس الرسمية , يعنى تى شيرتات ما معانا يا ود جبارة , وبناطلين الجنز , غير مسموح بيها يا نماوز اذا كنت ما تزال (بتقرانا ) عموما فى ناس بتحصر ظهورها قدام الآخرين , مهما كانت درجة علاقتهم بهم , بتحصرها فى الظهور بالملابس الرسمية وعشان المعنى يصل , الملابس الرسمية تعنى هنا , لباس كامل التأنق , وحضور ذهنى ما عنده اى فرصة من فرص (انصاف الحضور ) يعنى ما بيسمح لنفسه ان بحضر قدام الناس , بذهنية فيها فرصة تشتيت , مهما كانت الفرصة دى بسيطة الناس الزى ديل , بيعقدوا حياتهم جنس تعقيد وبيحرموا انفسهم من فرص ان يعييشوا بتلقائية ومهما كانت درجات الأعجاب التى يحصدونها فى كل لقاء انسانى جراء حضورهم الكامل , وذهنيتهم الحاضرة , وتألقهم الدائم فهم يعيشون فى سجن الشخصية الدائمة , متربسين انفسهم داخل اطار مزعج , وان بدا براقا لامعا هذا مدخل اول
| |
|
|
|
|
|
|
Re: ناس الزقازيق ... أجدع ناس (4) .. (Re: فرحات عباس)
|
Quote: فى ناس بتحصر ظهورها قدام الآخرين , مهما كانت درجة علاقتهم بهم , بتحصرها فى الظهور بالملابس الرسمية |
إنت بالذات ما تتأنق و لا حاجة ألبس ليك أي دلقان وتعال الهندام تخليهو لي زوي السلع و القمصان البنفسجية
فرحات عباس أولاً ألف مرحب بيك و حبابك..إنشاء الله إنت تكون طيب إنت جاي بي هندامك و متأنق و لا جاي ساكت؟؟؟ شفت نفسك في مرايا قبل الدخول للبوست؟؟؟ لأنو في مدخل ثاني في الطريق
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
معظم غيابات زقازيقاب البوست , من التداخل فيه تصنف على انها مجرد مشغوليات حياة وده طبيعى وعادى ولكن غياب المزاج وعدم اكتمال المود وتقلبه وبعض شذرات وملامح من علامات (تعقيد الدنيا والعالمين ) قد تنتاب الكثيرين منا اتساءل هل من الطبيعى ان تستغرقك بعض التفاصيل الشخصية فى موضوع ما فتفقد القدرة على التفاعل مع اى موضوع آخر سواه ؟؟؟؟ ماذا لو دربنا انفسنا على نستخدم (حواجز نتوهمها ) , تفصل لنا بين الأشياء وتمنعها من الأختلاط ببعضها البعض من شاكلة انك تجى من الشغل مزاجك معكر بسبب مشكلة تخص العمل تقوم تعكر مزاج البيت كله لأنك من الأساس ناسى انك فى لحظات كتيرة بتمثل لى بيتك وعيالك (ترموميترهم القياسى ) واول ما تنجح فى انك توتر بيتك وتنقل ليهو توترك العملى لو جيت البوست ده وكتبت فيهو مداخلة متوترة , تقوم تقلبوا لى طاحونة بعد انت لقيتو وانت داخل محراب فنون وآداب اها تقوم تصل معاى للحتة العاوز اسالكم منها بى توترك اللابسك ده , فانت تخليت عن هندامك , يا عن جلابيتك وعمتك , يا عن بنطلونك وقميصك وكرافتتك ينفع تجى بى جلابية البيت ؟؟؟ولا اخير تنتظر لغاية ما تجهز هندامك وتجى داخل بيهو بعد حين ؟؟؟ لو الزول بيضمن انكم تعاملو جلابية البيت , زى كأنها بدلة اسموكنج ولو انتو مستعدين تتعاملو مع الشورت والفانيلة والكاب , كأنهم جلابية جناح ام جكو مع ملفحتها وعمتها فى الوكت داك , اطلبوا من الناس , لا يغيبوا ولا يتغير مزاجهم ولا مودهم اما عدا ذلك , وهو الطبيعى والعادى والمفهوم فخلوا البوست ترمومتر لقياس امزجتكم وموداتكم ولو موجود واحد بس فى البوست , متمتع بمزاجه المعتدل , فليدخل وليمارس اعتداله , حتى ولو لم يجد لحواره اى صدى ولكن ليعلم انه يجر امزجة الناس الى الأعتدال , وليعلم انه بكتابته وسؤاله واجتراره للكلام الغير ذى صدى حتى ولو لحين انما يمارس _(سردبة جميلة ومحمودة ) , يحتاجها احدنا فى بقعة من بقاع الدنيا , يصلها هذا الأرسال الأسفيرى العبقرى
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
سلامات يا ناس
Quote: ولو موجود واحد بس فى البوست , متمتع بمزاجه المعتدل , فليدخل وليمارس اعتداله , حتى ولو لم يجد لحواره اى صدى ولكن ليعلم انه يجر امزجة الناس الى الأعتدال , وليعلم انه بكتابته وسؤاله واجتراره للكلام الغير ذى صدى حتى ولو لحين انما يمارس _(سردبة جميلة ومحمودة ) , يحتاجها احدنا فى بقعة من بقاع الدنيا , يصلها هذا الأرسال الأسفيرى العبقرى |
بعد مراحب يا منص....نقول حِكَمْ.
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
عن غيابى انا شخصيا من هذا البوست فهو خليط من انشغالات عملية وعدم اعتدالات مزاجية اما الأولى , فلا حل لها الا بها , تنشغل يعنى تنشغل يجيبوا ليك عشرين ورقة , تقول ليهم هل من مزيد اما عدم الأعتدال المزاجى , فعليكم بالسردبة , وهى معنى آخر للقول المأثور القديم (اتدمدم ونوم ) لكن النصيحة لى الله , آيبودى نفعنى جنس نفع والغريبة دائما المزاج الما معتدل , تصاحبه دائما روح شفافة لكنها فردانية هذه الروح الشفافة تتضاعف قدرتها على اكتشاف مواقع الجمال تكون شغال بدون صحن التقاط , لكن تلقى محطات الجمال بتاعت الدنيا دى كلها تتقافز قدام عيونك فى (زحمة الوان ) هاكم دى عشان تآمنوا
اتدللى واتدللى وانسينى ويوم ما تسألى انا قلبى بيك مبتلى ما بيسيب هواك لو تكتلى اتدللى واتدللى اتمهلى وزيدى الصدود واتجاهلى حالى العلى ما بتجهلى ضاع عمرى فيك تستاهلى اتدللى واتدللى اتاملى وضياع حبيبك حللى وانا وحدى بالنار اصطلى وراجيك ونورك ينجلى اتدللى واتدللى ما تسألى خلينى غيبى وطولى وانا قلبى بالريد مبتلى عا########ى يا ام قلبا خلى اتدللى واتدللى
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صباحكم نور على نور
اليوم البوست ده بتاع أخونا قدورة
وما منعنا من الدخول الصباحي إلا الشديد القوي
وبالليل يا قدوره ما بنلقى السمار كل واحد بيضرب
الرز باللبن وبينام.
نبارك ليكم عودة الفتى الذهبي منصور
ولأن مداخلاته بتكون دسمة وسلسلة خلونا نستمتع شويه
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الزول الجميل دا حاليا في مكتب المدعو جلا و قد قام المدعو بتكريمه
بفنجان قهوة من النوع ابو كديسة التي تركت حبيبنا في السلع حاليا
يفقد بوصلته في الخرتوم لمدة اسبوع لذا ننوه للجميع اخذ الحيطة والحذر
عند زيارة الخرتوم من المرور المدعو جلا في مكتبه نهارا و بارادته الا
إن كان مجبرا فذلك غصبا عنه ؟؟ ففي هذه الحالة يبتعد عن القهوة و عدم
مجالسة الحسنوات بالمكتب و كذلك عدم الذهاب للفتيحاب ........!!!!!
جنابو الشاب الظريف دا جاي و لياقته فوق يعني عايزين ماتش سريع مع تربية
اقصد منتخب الزقازيق بالعاصمة و حددوا المكان والزمان و نحن في الانتظار
قولت لي يا جلا عايز الجناح الايسر يكون منو ...... ما يهم انشاء الله من
الدومنيكان ذاتووووو نحن تجارة و امرك علي الله ما بهمنا لو جبتو السني ذاتو..
التلفون يا منقا سريع
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
سلاماتيا ناس
Quote: اقصد منتخب الزقازيق بالعاصمة و حددوا المكان والزمان و نحن في الانتظار
|
ياموسى ..تحياتى
مرحب بالتاج فى السودان ...وانا منتظرو هو والحاج ولسه ما منهم خبر...
اكتر واحد من المنتخب ده جاهز هو عبدالماجد سقراط....وإذاجرى ربع ساعة
حنمشى بيهو الحوادث.
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلام و تحية و عودة حميدة ( طوعية ) لأعز و أجدع ناس .. و إن شاء الله دائماً تامين و لامين .. و شكراً كتير لكل من سأل عني خلال الأيام الفائتة .. فقد كنت فيإجازة إجبارية .. و كتر خيرك كتير يا كوتش جورج على السؤال و الرسالة و ليك علي مكالمة لما تقتنع بس خلي ( النفسيات ) تزول .. لكني هذه المرة أعود إليكم و في معيتي زقازيقابي جميل و عالم جليل .. هو فخرنا لنا كزقازيقاب و فخر لأمتنا السودانية قاطبة .. حيوا معي زميلكم العالم خريج طب الزقازيق الذي يتبوأ الأن منصباً مهما في وكالة الفضاء الأمريكية ناسا .. د. الرشيد زكريا علي الطاهر ..في وكالة ( ناسا ) قامة سودانية ( تشنق ) لها الطاقية .. د. الرشيد زكريا .. أفتخروا بزميلكم و أدعموه .. إحتفوا به و بمداخلاتكم كرموه .. و شنقوا طواقيكم و أعرضوا .. و أطلقوا زغاريدكن لأجله ..
ثم كونا دوما تامين و لامين و على المحبة مجتمعين
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
بسم الله الرحمن الرحيم صباح الخير يا وجوه الخير إلى حين ميسرة يتهندم و يجي مبروك للزقازيقي الجميل د. الرشيد و مزيد من التقدم و النجاحات غايتو حكاية الهندمة دي ما وقعت لي لسع لكن زي (و الله أعل)م إنو عصام دهب دا مشا فتش البدل القديمة ديك و معاها كرفتة و جاكم... لكن الله أعلم حينتظم.... بالرغم من أنو متابع و ليس مستمتع أما فيما يخص الحرائر فإن ما يحجبهم عن البوست هو التكليف الخاص بالطبيخ و ريحة الملاح و البصل و التوم و الذي منه.. لكنهن إذا وجدن الشمارات بالبوست فإنهن لا يبالين بالقدوم
موسى عيس بي دلاقينك دي ما تجي لافي بي جاي محمد عيد قاعد يجيب الدراب الكبير دا من وين؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صباح الخيرات عليكم ونضر الله أيامكم .. .. تحية عطرة مليئة بالعزة والإفتخار للنابغة الزقازيقي د. الرشيد ونتمنى له المزيد من التفوق والتقدم ...
يا منصور ياخي تعال بي أي حاجة عايزينك والله حتى لو ............... يعني ممكن ببساطة يجي في راسك كلام حلو وجميل وأفكار خطيرة جدا .. وتنتبه تلقى نفسك لابس برمودة مثلا .. تقوم يعني تحرمنا من ابداعاتك الجاتك دي ؟؟؟؟ ما يجوز والله ... خليك دايما جاهز للإفراز الرائع وانت في أي مكان وبي أي هيئة ... ولو لابتوبك بعيد منك كورك للولية تجيبو ليك ... (فهمتني ؟؟؟) .. إتغلب على مودك الكعب ياخي وتعال داخل بيه توووووش يمكن تلقى دعوة طيبة من ميسرة تفرج همك .. ولا نكته حلوة من نجيلة ولا كمان يمكن تلقى الرشيد الرادار صادو تقوم تشمت وتضحك عليهو كاااااااااك .. ولو ده كلو ما أثر في مودك المعفن ده يمكن تشم ليك ريحة حلوة من حفرة دخان خدوم ولا خمرة نفيسي ولا تلقى ود عيد مركب صورتك في جسم شمبانزي مثلا ...
... أسوي ليك شنو أكثر من كده يا خي ؟؟؟ حيرتنا معاك انت ومودك الزي الطين ده ....
تعال ياخي انشاء الله حفيان ..........
| |
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
يا ود عيد ...
فكرتك حلوة والله وكانت في راسي من زمان نعمل بوست يكون زي واحة كده وفي نفس الوقت يكون خدمة لحبايبنا كلهم العايز شعار ومطبوعات وإعلانات .. والعاير ديكور داخلي ... والعاير حديقة ... والعايز يرجع صورتو عشرين سنة لي ورا .... والعايز يلعب في صورة عرسو .. وفي نفس الوقت يكون مجال للجميع للمشاركة بما لديهم من ابداع في كل المجالات حتى لو لقيت ليك صورة غريبة مثلا في أي مكان وعجبتك ممكن تنزلها في البوست
فكرة حلوة وأثني .. هل من مثني ؟؟؟؟
| |
|
|
|
|
|
|
|