|
|
 Re: ناس الزقازيق ... أجدع ناس ( 3 ) .. (Re: عفاف علي ميرغني)
|
أحسن الله عزاءكم وعزاءنا في الفقد الجلل
نسأل الله أن يتقبلها قبول حسنا ويتغمدها بواسع رحمته وعظيم مغفرته
وأن يلحقها بالصالحين في الفردوس الأعلى
Quote: اللهم زيد في حسناتها وتجاوز عن سيئاتها وأدخلها في عبادك الصالحين يا أرحم الراحمين
اللهم باعد بينها وبين خطاياها كما باعدت بين المشرق والمغرب
اللهم نقها من الذنوب والخطايا كما ينقى الثوب الأبيض من الدنس
اللهم لقنها حجتها وثبتها بالقول الثابت عند السؤال
اللهم أحعل قبرها روضة من رياض الجنة
اللهم أجمعنا بها في مستقر رحمتك
اللهم لاتفتنا بعدها ولاتحرمنا أجرها وأختم لنا بخاتمة السعادة أجمعين
|
| |
 
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
عارف البوست حيكون حزين
لكن دوام الحزن مرض
عليكم أن تعزو و تغادرو
لكن راجع لي مداخلات منصور
Quote: وجدت نفسى (اجك ) الى عربيتى الواقفة
وتانى تضرب ليك تقول ليك خلصنا ومنتظرينك
وعربيتك تكون واقفة فى جانب الشارع التانى ومقدمينك ناس جمال فارح واسامة خضر وشريف حقوق وكبارك جادين
تعمل شنو ؟؟؟؟
الأجابة النموذجية القاطعة
تجك طبعا
علما بانو فى ناس قالوا
نجرى عديييييييييييييييل |
في إعتقادي الموسيقى التصويرية لا تتناسب مع الحدث المذكور
و تجربتي كناقد توصيفي للأشياء
حيث أنه من الممكن أن تأخذ الجكة صورة استثنائية
لأن الموضوع في الأصل هو الجكة و ليس سمك عوضية
حيث سمك عوضية موضوع استثنائي
ممكن يمر بخاطر أي شخص مغترب
بدءً بالرشيد..مروراً بمنصور و ما أظن أن هناك نهاية له...
عليه أي مغترب لا بد من تحضير نفسه للجكة...
إذا كانت بت الشيخ نازلة معاهو السودان
أما إذا قرر الشخص النزول للسودان من غير أي بت شيخ نسبة للظروف
ما علينا ....عليه أن يأتي للسمك و يجيب صاحبو أو جارو لزوم الجكة و كدا
أما نحن في السودان علينا و التحضيرات و الشمارات و البهارات
لو داير الونسة تكون طاعمة ممكن نجيب الناس الذين ذكرهم منصور
لو داير الونسة تكون مسكرة ممكن نجيب الكمندان
لو داير تفرتك الونسة أجي أنا و محمد المرتضى
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
يا جلا زمان في واحد صحفي اظنه زهير السراج قال استغرب من الرجال الذين لايخافون من زوجاتهم
وقال ان هذا المقال اذا المدام ما وافقت عليهو ما بينكتب اساسا والناس الذين تعصرهم بنات شيوخهم
وتجعلهم يهرولون كمن وصل العمودين الاخضرين في السعي بين الصفا والمروة هؤلاء هم الرجال حقا اشد على اياديهم واهنيهم. اما المرجفون في المدينة والذين يدعون كذبا انهم لا يخافون من بنات شيوخهم ويعودون انصاص الليالي الي بيوتهم فهم اما خائفون من المواجهة لعدم تلبية طلبات واوامر بت الشيخ لذلك يفضلون العودة بعد ان تنوم بت الشيخ مع اولادها استعدادا للمدرسة ثم بعد ذلك ياتي الواحد وهو يحمل جزمته على اباطه خوف ان تسمعه بت الشيخ وتسمعه وصلة حتى ترتعد فرائصه حلوة الفرائص دي ولكم في الزناتي اسوة حسن فهو لا يستطيع ان ينكر انني وجدهفي البيت مع الرفبق مجد لان الاستاذة ابتهاج اليوم duity وانحنا ما دايرين نتكلم عن النوع التانى الذي يهرب من الواجبات الي بالي بالك خوفا(والتي لاتذكر خوفا من مقص الرقيب) فهؤلاء يسري عليهم المثل سجم الدلتكو واداني .........الباقي تموا خيال .هؤلاء نلقهم حجرا كبيرا ونقول لهم انتم كاذبون كاذبون كاذبون
جك جك يا منصور وعين الله ترعاكم
احبكم واحب جكتكم
واحب زوغتكم
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
سلامات يا ناس
خالص التعازى للاخ احمد اسماعيل
لها الرحمة ولكم حسن العزاء
*******************************************
Quote: لأن الموضوع في الأصل هو الجكة و ليس سمك عوضية
|
عفارم عليك يا جلا...الزول ما حبرتجى داير يخمنا...
صدق ما حيجى راجع...ولو جا ما حيجيب سيرة للجكة ولا حتى السمك
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
مساكم الله بالخير
يا كوتش عايزين تجرسوا صاحبي ده مالكم...ما قال ليكم جكيت عشان العربية واقفة بالجهة التانية من الشارع و صدرت لي أوامر أن أحضر فورا...تاني يقول ليكم شنو أكتر من كده...انتو غايتو البقع معاكم الله قال بي قولو..
يا كوتش جيب معاك جبريلا و تعال أشرب معانا كباية شاي بي لبن مقنن...في مربع كاي...
جبريلا دعوة خاصة ليك لشرب كباية شاي بي لبن مقنن...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
| Quote: ويعودون انصاص الليالي الي بيوتهم فهم اما خائفون من المواجهة لعدم تلبية طلبات واوامر بت الشيخ لذلك يفضلون العودة بعد ان تنوم بت الشيخ مع اولادها استعدادا للمدرسة ثم بعد ذلك ياتي الواحد وهو يحمل جزمته على اباطه خوف ان تسمعه بت الشيخ وتسمعه وصلة حتى ترتعد فرائصه حلوة الفرائص دي |
يا جماعة كدي انا ده خلوني ..... كلام مبارك جادين ده تصوير مبالغة ... لي زول خبرة في الدخول ما بعد الساعة الثانية عشر .... والله تصوير زي تصوير منصور عبد الرازق للجكة ودي راجع ليها تاني \.. بختك يا منصور لقيت ليك حليف
| |
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
و تحية و سلام و شوق و إحترام لأجدع ناس و ما سائلين في الناس ..
و أعدكم بتفرغ منكرب لهذا البوست و لوننستكم الطاعمة التي أتابعها في هذا الحوش و الحوش الكبير و أجد نفسي عاجزاً عن مجاراة صفائكم و أنا في خضم المناوشات الإسفيرية ..
تقبلوا مني الحب كل الحب لكم جميعاً ..
_
لا يفوتني أن أتقدم بصادق التعازي للأخ الفاضل / أحمد إسماعيل في وفاة جدنه التي أسال تعالى أن يتغمدها برحمته و مغفرته و ينزل على قبرها شآبيب رحمته و يجعل الجنة مستقرها الأبدي .. و يلهم ذويها الصبر على فقدها ..
صادق التعازي أيضاً لزميلنا الفاضل د. الصادق عبد الله في وفاة شقيقه الأكبر / صالح الفكي عبدالله و أسأل الله تعالى أن يتغمد الفقيد الراحل بواسع رحمته و عظيم مغفرته و أن ينزله الفردوس الأعلى من الجنان في زمرة الشهداء و الصديقين و حسن أولئك رفيقا ، التعازي لدكتور الصادق و لكافة أفراد أسرتهم الكريمة في فقدهم الفادح و مصابهم الجلل ، و أساله تعالى أن يجبر كسرهم و أن لا يريهم مكروهاً أبدا ..
لتعزيةو مواساة د. الصادق في بوست منفصل ..
عزاء واجب إلى د. الصادق عبدالله
ولتعزية و مواساة د. الصادق عبر الهاتف بجمهورية أيرلندا
00353879359144
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عصام دهب)
|
صادق العزاء للأخ د. الصادق عبد الله و للأسرة في فقدهم الجلل...
نسأل الله أن يتغمد الفقيد بواسع رحمته و مغفرتة و أن يجعل مثواه الجنة مع الصديقين و الشهداء و الأبرار و حسن أؤلئك رفيقا..
و لكم و للأسرة الصبر الجميل.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
خالص التعازى للاخ احمد اسماعيل فى وفاة جدته
والعزاء موصول لكافة افراد الاسرة
والتعازى ايضا" للاخ د / الصادق عبدالله فى وفاة اخيه
نسأل الله القدير ان يتغمدهم بواسع الرحمة و المغفرة
وانا لله وانا اليه راجعون
ولا حول ولا قوة الا بالله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
بسم الله الرحمن الرحيم
السلام عليكم يا جماعة
أدونا فرقة للكوبي يا ناس
بيت البكا دا فاتح ما بنتهي
أصبحنا وأصبح الملك لله ،،، وحده
ربنا لا تزغ قلوبنا
بعد إذ هديتنا،،،،
وهب لنا من لدنك رحمة
إنك أنت الوهاب،،،،،،
جلكسة:
حاتم جبارة ما تغيب عندي معاك شماااااااااار
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
نشكر الأخوة الأعزاء الزقازيقاب
على خالص وصادق التعازي في جدتي
لها الرحمة وعظيم المغفرة وربنا
يتقبل دعاكم للمرحومة.
وعظم الله أجركم وأحسن إليكم.
ـــــــــــــــــ
خالص التعازي للأخ الصادق عبد الله
ونسأل الله الرحمة وعظيم المغفرة لأخيهم
وإنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عثمان الخير)
|
صادق التعازي للأخ أحمد إسماعيل في وفاة جدته
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها وللأخ أحمد الصبر
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: سامي عبد الوهاب إدريس)
|
كما نعزي الأخ الدكتور الصادق في وفاة أخيه
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه وللأخ الصادق الصبر
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: سامي عبد الوهاب إدريس)
|
خالص العزاء للاخ / احمد اسماعيل فى وفاة جدته ..
ونسأل الله أن يتقبلها قبول حسنا ويتغمدها بواسع رحمته وعظيم مغفرته
والتعازى ايضا" للاخ د / الصادق عبدالله فى وفاة اخيه
نسأل الله القدير ان يتغمده بواسع الرحمة والمغفرة
وانا لله وانا اليه راجعون
ولا حول ولا قوة الا بالله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Dr.Elsadig Abdalla)
|
التعازى الخالصة لدكتور الصادق فى فقد اخوه الأكبر
رحمه الله وغفر له واحسن عزاءكم والزمكم الصبر الجميل
مرحبا بعثمان الخير الجدى
وود جبارة ده نسوا (الكود ) بتاعو فى السودان ولا شنو
الزول ده من عزومة نادى الشرطة , بقى شغال لينا برقيات اختزالية زى بتاعت زمان
لاسلو ليهو شفرتو الوقعت منو يوم داك , يا كوتش
الحمد لله الما مشيت معاكم نادى الشرطة , ولا عبد السميع عزمنى , ولا اسامة ابتر شافنى , ولا عمار هببوا لى
كان روحتو لى (شفرتى ) ولحقتونى حاتم جبارة
اما جكتى , فانا عائد لها لا محال , بسمك او بدون سمك , بالشطة والليمون ولا (اسكتوا ) يا مبارك جادين
فى واحد سألنى , قال لى لو فى حتتك دى كان ياسر نجيلة
كان عمل شنو ؟؟
واحد شليق متلقى حجج اول حرف فى اسمه (م ) والشق التانى فى اسمو اجازتين واحدة صغيرة والتانية كبيرة وفيها هرولة عديييييل
قال (م ع )
يكون ياسر نجيلة جارى لغاية هسه
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
Quote:
واحد شليق متلقى حجج اول حرف فى اسمه (م ) والشق التانى فى اسمو اجازتين واحدة صغيرة والتانية كبيرة وفيها هرولة عديييييل
قال (م ع )
يكون ياسر نجيلة جارى لغاية هسه |
و الله يا منصور انا ذاتي اليومين دي براي نفسى قايم
قلت هسع لو منصور جاب لينا معاه كيس من سمك عوضية دا
كنا بقينا تمام ؟
و محمد عيد دا اليومين دي ما فاضي للبوست حقنا دا تقوم
تتفتنوا مع ياسر نجيلة مالك ؟
انت في جكتك و لا جكة صحبي جلا قال للليلة هو جاكي و الله قرب
يحصل حاتم جبارة الله مرقو لينا بالعافية و الله نحن خفنا علي
الباسوورد حقه لكن الحمدلله الجمع .
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
و هذه حدوته لمنصور و الرشيد واحمد اسماعيل فقط ؟
1/ و انت جالس في الكرسي ارفع رجلك اليمين عن الارض و حركها حركة دائرية في اتجاه عقارب الساعة .
2/ اثناء تطبيق الفقرة (1) قم بكتابة الأرقام من واحد حتى ستة في الهواء .
3/ النتيجة مذهلة آمل من الممتحنين كتابة النتيجة في البوست حتى نستطيع تحديد الفائز؟
4/ عدد المحاولات ثلاثة محاولات فقط .
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
الله يجازى محنك يا موسى عيسى
انت بتجيب المحن دى من وين
حاولت عشرة محاولات فاشلة
اول لفة صاح بتكون فى اتجاه عقارب الساعة
لكن من ما تكتب واحد فى الهواء
تلقى نفسك بتدور فى رجلك اليمين فى اتجاه كتابة الرقم البتكتبوا
وانا قاعد فى المكتب
شت تربيزة المكتب كان مرتين كان تلاتة
المكتب ما اشتكى , والحمد لله مافى ناس جنبى عشان يضحكوا على
لكن وحاتك رجلى وجعتنى عدييييل
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد السميع دفع الله)
|
احر التعازي للاخوين الصادق واحمد اسماعيل
رحم الله الجميع
Quote: يا كوتش جيب معاك جبريلا و تعال أشرب معانا كباية شاي بي لبن مقنن...في مربع كاي...
جبريلا دعوة خاصة ليك لشرب كباية شاي بي لبن مقنن...
|
يا الرشيد عندي شرط واحد
حلة اللبن دي تكون (مكرتبييي)
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد السميع دفع الله)
|
Quote: و هذه حدوته لمنصور و الرشيد واحمد اسماعيل فقط ؟
|
موسى عيسى عليك الله لاميني مع العجايز ديل ليه...لمني مع ناس دفعتي ناس جلا ياخي...
المهم حاولت زي منصور...و اذا كان منصور شات التربيزة...أنا اتعولقت عديل كده...
خليك مواظب على البرنامج بتاع أطرف أفلام فيديو...امكن تلقاني هناك...
لكن برضو ما تلمني مع العجايز ديل تاني...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد السميع دفع الله)
|
لمن فاته الإستمتاع على حسب قول محمد صديق
واحد عنده أرنب عارضو للبيع جاهـ واحد مسطول
قال القرد بكم ؟ صاحب الأرنب قال ياخي ده أرنب ماقرد
المسطول قال يا ابو الشباب ، انا بتكلم مع الأرنب
ياموسى بالنسبة للإختبار دوران الرجل في إتجاه عقارب الساعة
وكتابة الأرقام 5 ، 6 ، وممكن 9 بالطريقة السودانية مامشكلة
اما بقية الأرقام هناك صعوبة في كتابتها لكن يسهل كتابتها بالإنجليزي
منصور قال ضرب الطربيزة ، انا قلبت سلة النفاية هناك
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد السميع دفع الله)
|
لمن فاته الإستمتاع على حسب قول محمد صديق
واحد عنده أرنب عارضو للبيع جاهـ واحد مسطول
قال القرد بكم ؟ صاحب الأرنب قال ياخي ده أرنب ماقرد
المسطول قال يا ابو الشباب ، انا بتكلم مع الأرنب
ياموسى بالنسبة للإختبار دوران الرجل في إتجاه عقارب الساعة
وكتابة الأرقام 5 ، 6 ، وممكن 9 بالطريقة السودانية مامشكلة
اما بقية الأرقام هناك صعوبة في كتابتها لكن يسهل كتابتها بالإنجليزي
منصور قال ضرب الطربيزة ، انا قلبت سلة النفاية هناك
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
Quote:
موسى عيسى عليك الله لاميني مع العجايز ديل ليه...لمني مع ناس دفعتي ناس جلا ياخي |
والله يالرشيد ماتخلينا نمشي لمحمد عيد نجيب
تايمك ( بالمناسبة شفنا حكاية المعضي الدابي بخاف من مجر الحبل)
وماعايزين نقول محمد عيد جاب تايم منو والعايز يعرف
يطالع جرايد أول الأسبوع
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
شكيت محنك على الله يا ابوعهود
عارف غايتو كل الناس الدخلوا البوست اليوم ما اشتغلوا شغل بي تعريفة
وحاتك الناس كلها شغالة بلا سواقين بصات السوق الشعبي القديمة ديك يهوزوا في كرعيهم
والله كنت عاوز اشوف جلا نتيجة الاختبار بتاعو شنو ... لكن عارف الشقي دا بكون جاب "جيد جدا"
مش هو كان الباك اليمين بتاع تجارة ...
وطيب بكون متعود على الحركة دي من الشغل النضيف الكان بسوي فيهو محمد صديق ايام مباريات تربية تجارة ...
اها زولك دا بكون خبرة عديل كدة
الناس اللسة ما حاولوا يعملوا الاختبار ده:
نصيحة لله طلعوا النضارة قبل هذه التجربة لانو ممكن تحدث اضرار
(هذا عن تجربة شخصية)
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
Quote: والله يالرشيد ماتخلينا نمشي لمحمد عيد نجيب
تايمك ( بالمناسبة شفنا حكاية المعضي الدابي بخاف من مجر الحبل)
|
و الله يا أحمد من قبيل عايز أرد عليك لكن خفت يجيني مركوب طاير من الجماعة الشغالين يلفو في رجلينهم ديل...
موسى عيسى كان في واحد وقع كسر رجله و لا مخروقته بتكون انت المسئول...
أحمد بالله خلي محمد عيد ده بعيد...حسة الزول ده الجاب سيرته منو...
يا جماعة مسئولين من الخير...وين طارق جبريل...الزول ده اختفى تب...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: دحين آآآطارق ولدي انت جايي تزورنا وتقفر جدودك ولا جايي تباري الزرازير وطير الجنة
- يا حبوبتي هسي انا من اصبحت ماني قاعد معاكي في المراح أليل النعاج
- نان المراح ما كله قمري ودباس فشان كدي لابد فيهو يا ابن الهرمة
- لاكن يا حبوبتي انا زمان قلتلك سويلي كفاي أليل قُمري انت ابيتي
- نان يا ولدي داير الناس يقولوا فردوس بت الريح جنت وسوتلها كفاي قمري بدل الجداد
- انت الناس الدايرين يقولوا ما يقولوا انا مالي عليهن
- انت عاد ماك عايش في الخرتوم..
- والله الخرطوم طايري يا حبوبتي اريتني كان كنت عايش معاكي هني
- نان ما قلت لي امك تخليك معاي ابت.. قالت ابوك ما بيرضى
- هسي ما تكتري الحجي .. تمشي تقولي لي ود ناس تميم يجيب النملي من كريمة
ويسويلي كفاي أليل قمري.. في حوش جدي ود ابو دية وانا بقبض وبجي اخت القمري فيهو
- عاد يا ولدي اشيل حالي معاك انت كلهن شهرين تجي تصوت الدنيي هني وتمشي وتخلينا
نتباكى علي فراقكم.. الله ينعل الخرطوم ويقهرها ان كان شالت بُطان البلد كلهن علينا
- يلا انا بمشي ناس عمي الطيب واجي القاكي سويتي الكفاي
- انت عمك القاشر دة هسي ما كنت عندهم وبايت هناك لي شنو صادي تاني
- نان ماهو عمي يا حبوبتي انت باقيلي خرفتي
- الخرف اليقبضك انت وعمك المباري العرقي دة من تمغرب
- ياخي والله وكتين يجي بالمغربيي يقعد يغنيلو في غنى سمح خلاص
- مو ياها:
ود قرنين في علو
يا خلايق الله خلو
عندي صيدا في الكرو
خايف العين لا تحصلو
- ايي ياها انت قاعدي تعرفيها
- منو الماهو عارفها.. البلود كلها عارفي عمك الطيب كان دايرلو ويحيدتا في الكرو
- نان مالو ما عرسها..
- حبوبتك نفيسي بت بغداد حمتو يمشي يعرس هناك.. انت عارفها مرتا قاهري
آآآبيقدر عليها زول.. اصلو غير ابوك ما قدر عليها زول
- نان هو اصلو ما حنسها
- وحاتك يا ولدي وقفتلو في حلقه المسكين من يومه بقى مباري العرقي وعرس بت ناس محمد احمد دي
- بت ناس محمد احمد والله مرتا زيني
- ما قلنا شي علي عمك كان رايد ألت الكرو..
- نان مالو ما تنابا
- مع نفيسي دي ما ظنيتو يقدر
- مو يييدا ابوي سواها
- وحاتك سنتين آآبتناضمو.. وتلقاهو في الدرب بي تحت تفلعو بالحجار
- انا غايتو ان بقيت دايرلي ويحيدي باخدها حتى ان بقت امي ماها دايراها
- انت عاد ماك ترب ابوك.. محقب يدينك كدي علي شعبة الكرقي..
- هههههههه حبوبتي باقيلي دايري تنجضيني
- هههههههههههههههههههه.. يا ولدي ماهو من قلبي من لساني
الريدة دي من زمان مجهجهة خلق الله |
مربع كاي
يسال منك الخير يا الرشيد ترانا عايشين نحمد الله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
بسم الله الرحمن الرحيم
السلام عليكم يا ناس
معليش ما لقينا حتة نعمل منها كوبي
عشان البيست
لكن الكوبي من المداخلة بتاعتي لا يمكن أن تكون بيست
المهم
أصبحنا وأصبح الملك لله ،،، وحده
ربنا لا تزغ قلوبنا
بعد إذ هديتنا،،،،
وهب لنا من لدنك رحمة
إنك أنت الوهاب،،،،،،
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
يا فردة اسفين على التاخير قلت اعمل صباحية كرابة انت
استعجلت و دخلت علشان كده قلنا نحصلك قبل ما تمشى علي
الفطور و اقول ليك جيب لي معاك سندوتش بتاع هنا و كباية
اشمو شنو كده ما عارف زي الجبتها للرشيد المرة الفاتت ؟
و تعال هنا الولد الاسمو جلال دا ماله معاك يعني الطقيش بتاعو
معاك شايفو كتر لو ما قادر ليه كلمني اشوف شغلي معاه ؟ اصلو
اليومين دي الروح مكركره ؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
سلام ياكرام
ربناعليك توكلنا وإليك أنبنا
وإليك المصير
ربنا لاتزغ قلوبنا بعد إذهديتنا
وهب لنا من لدنك رحمة إنك أنت الوهاب
ربي أوزعني أن أشكر نعمتك التي أنعمت
عليّ وعلى والديّ وأن أعمل صالحا ترضاهـ
وأدخلني في عبادك الصالحين.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
و الله خلعتني يا ابو عمر انا قلت احمد اسماعيل
قاصد كرام الفاتحة ليها كم بوست بغادي و هو
بدل يعمل المداخلة في احد بوسات المعنية كرام
دخل بالخطا وعمل المداخلة هنا ولا شنو والله
علي بال ما افهم الكلمة تعبت يبدو التعب العندي
دا زي ما قال الحبيب جلا تعب باسبابه ؟ بالله يا جلا
ما تفسر ؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
سلامات يا ناس
وصباحات التفاؤل
تذكرت ناس البطانة ..شوفو الزول ده قال شنو
واعتقد انو هو الحردلو ....
فوق ضهر اللّفجْ كوعو وبعيد من زورو
منّو خترنا بالوادى المحيّف خورو
يا زول يا ظريف انا مرضى تمّم دورو
نوسر بىّ واتقسّت دروب دكتورو
************************************
مهداة للعشّاق
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
كويس إنك معاي الليلة
طبعاً صاحبك أبو الجل
حكايتو غريبة خلاص و حاجاتو كلها متناقضة!!!
مثلاً تلقاهو مفتح عين و مغمض التانية
أو خاينة خايفة يعني زي ما قاعدين يقولو ناس كسلا
أو لا بدورك و لا بحمل براك
أو يكون يقرا تربية و بيحب عند ناس آداب
في النهاية هو مصاحبك لكن مخاصمني
كان جا عليك شوتو ضفاري
نشوفو حيقبل على وين؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote:
أو خاينة خايفة يعني زي ما قاعدين يقولو ناس كسلا
أو لا بدورك و لا بحمل براك
أو يكون يقرا تربية و بيحب عند ناس آداب
في النهاية هو مصاحبك لكن مخاصمني
كان جا عليك شوتو ضفاري
نشوفو حيقبل على وين؟؟؟؟ |
اها يا جلال عملت بوصيتك و دردقت ليك صحبك و جاك عديل
بس بالله كبر ضقلك و قابله في اللفة و نحن بنتفرج بس
و لو الموضوع محتاج انت طبعا محمد صديق ود كليتكم ؟
يعني ما بتحتاج لو وصية بس شيل معاك دراب للجديع و كده
لانو صحبك دا باقي جراي ما بتلحق لو فك منك ؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
| Quote: علي بال ما افهم الكلمة تعبت |
و أنا عشان أفهم إنت قاعد تقول شنو؟؟؟
لي هس أنا تعبان
زمان تذكر قلت ليك العربي دا صعب
لغير الناطقين بها
و أبيت تقتنع...
و قلت ليك أهون تدرس التجارة بي لغتك
قلت تُرتُر بس العربي دا
قلت ليك ما بتقدر عليها خليها لأولاد العرب
قلت يا فيها يا أطفيها
هس ...عشان الناس يفهمو مداخلتك دي
عليك أن تعمل دروس خصوصية
خت في بالك ممكن يساعدك فيها جلال
الكورسات لي ناس محمد عيد بي 500 ريال للحصة الواحدة
و من هنا ترفع لي فوق
يعني ناس نجيلة زيادة حبتين
ممكن تتمنى في ناس النضيف
لكن أحذرك ما تمشي للرشيد و تقول ليهو تعال للدروس الخصوصية
الزول دا كان ما أخاف الكضب
هو زاتو من عنديكم
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
Quote: فوق ضهر اللّفجْ كوعو وبعيد من زورو
منّو خترنا بالوادى المحيّف خورو
يا زول يا ظريف انا مرضى تمّم دورو
نوسر بىّ واتقسّت دروب دكتورو |
و الله يا محمد صديق
بالطريقة دي نحن زاتنا نقول دايرين دروس في اللغة العربية
وعشان ما تفضحنا و تطلعنا من الناطقين بغيرها
نرجو الترجمة على الشريط
شوف يا أحمد إسماعيل
دي الحالات الممكن تنفع فيها الترجمة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
قلت الحق "اطقعك" قبل ابو الكا دا ما يجيب كثافتنا
المهم الطقيع دا وصية من صاحبك، والله كمان الدراب دا زاتو جايبو لي هو
المهم ياحبيب الله لا جاب خصام وطبعا حكاية المتناقضات دي نجرة منك ساكت
لانو الايام دي الواحد قاعد يلقا نفسو شوية ... يعني الامور سالكة شوية
اها متناقضاتك دي يااخوي لمها عليك.
وقبل ما انسى ماتنسوا تسجلوني معاكم في كورسيكم دا قالوا في خصم للمجموعات
عشان نحنا برضو ناس "صعيد" ومن الناطقين بغيرها
-------
تحيات ياكوتش وما تنسى الترجمة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
| Quote: نان المراح ما كله قمري ودباس فشان كدي لابد فيهو يا ابن الهرمة |
جبرييلا يا ابن الهرمة .... اتاريك ياحبيب من الزمن داك جنك قمري ودباس
لكن ياشقي الحال القمري والدباس دا ما بشركولو بالليل ... عصريات ... عصريات بس
ماتبخل علينا بالنضم الطاعم ده ... نحن الغربة دي خلتنا نجليها ثابتة ياخ
وفي حاجة ماسة "للدربات دي"
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
حكاية الترجمة دي شنو يامحمد ادم ماقلت (نوبة)
يا أخوان لازم الفردة تكون قريبة مثلا زي بت الشيخ وزي فردة النظارة
وزي فردة النعال الله يعز السامعين
بس داير أعرف قرابة موسى عيسى من محمد ادم هو كسلاوي وأنت ابواوي
لو زمان بكلية تجارة تلك مرحلة آنية وإنتهت ولو قرابة من حجتكم مع بعض
ايضا وقت إنتهى ، اللهم إلا قرابة كورنات ، بالمناسبة ياموسى وين صاحبك
عبد الله كورنا تذكر كان بالرياض أيام بحكم لينا التمارين
نصيحتي لك ياموسى ماتخسر جلال لأن المثل بقول
جارك القريب ولا حبيبك البعيد ، وجلا مامضمون بتاع تحالفات إستراتيجية
شي خواجات ومرة بورتسودان ومرة الدامر وممكن داراندوكة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
سلامات يا ناس
الحبايب المتداخلين ( والمطاقشين)...سلام
Quote: Quote: فوق ضهر اللّفجْ كوعو وبعيد من زورو
منّو خترنا بالوادى المحيّف خورو
يا زول يا ظريف انا مرضى تمّم دورو
نوسر بىّ واتقسّت دروب دكتورو
و الله يا محمد صديق
بالطريقة دي نحن زاتنا نقول دايرين دروس في اللغة العربية
وعشان ما تفضحنا و تطلعنا من الناطقين بغيرها
نرجو الترجمة على الشريط
شوف يا أحمد إسماعيل
دي الحالات الممكن تنفع فيها الترجمة |
ودالمهدى الغنّاى ..يغشاك السلام
ياخوى ما تلحق الافندية ديل ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
يا جلا انت مالك ما تخلي جنابو يتجدع ليه زمن بعمل
لينا مس كول و يقول لينا جايكم برواقه لحظة ما يظهر
تقول ليه بالله خلي الترجمة مع الفيلم الاجنبي !
و الله يا جنابو نحن مستمتعين باعجاب و السؤال الغلبنا
بنستعين بصديق ( عصام جلي ) مما مقصر معانا و انت ما
تنسانا ؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
Quote: ودالمهدى الغنّاى ..يغشاك السلام
ياخوى ما تلحق الافندية ديل ... |
طبعاً في ناس كتار اتضايرو
حتى ود المهدي بتاعك
أروش ليك و لا أخليهو يجي براهو يشرح كلام الطير دا
المهم معهو لغاية باكر الساعة 10 صباحاً
و بعد داك لا عذر لمن أنذر
ناس قريعتي راحت يا أحمد إسماعيل
يجو بعد الشرح يقول ليك نحن مستمتعين
عليك الله شوف زي دا
Quote: و الله يا جنابو نحن مستمتعين باعجاب و السؤال الغلبنا
بنستعين بصديق |
خلي أولاً ود المهدي دا يجي يشرح
بعدين اتفوجج بي استمتاعك دا
بالنسبة لأبو الجل
يعني قاعد ليك كم يوم كدا و ما شغال بينا إلا نجيب سيرتك و لا شنو؟؟؟
بعدين فعلاً كلام المتناقضات دا نجرة عشان نحدد موقعك
بكرة يوم جديد و حا تتعب معاي
من هس أوع تقول لي زانقني أبو الكفل؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
Quote: يا اخوانا مسئولين من الخير
انتو زهير دا مالو؟
|
مساكم الله بالخير
زهير ما عندو أي حاجة...قاااااعد يقرأ و مستمتع و يضحك ساكت..
قال عايز يغيب شوية عشان الناس تشتاق ليهو...
زول طراهو غير جلال مافي...
يا زول ما تدفق مويتك على الرهاب...
الناس ديل ما شغالين بيك...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: لكن أحذرك ما تمشي للرشيد و تقول ليهو تعال للدروس الخصوصية
الزول دا كان ما أخاف الكضب
هو زاتو من عنديكم
|
جلا..دروس شنو
معليش أنا ما كنت متابع ممكن تشرح لي الحكاية من الأول..
شعر البطانه ده مرات كتيرة بكون ما فاهم الكلمات ..
لكن بكون مستمتع...
حسه متابع شاعر المليون..
و الله زي البتحضر ليك في مسلسل تركي بدون دبلجة...
لكن مستمتع جدا...و حسة بقيت كمان أفهم...بس ما يدخلوا في الغريق...
المشكلة مش يدخلوا في الغريق...
المشكلة يبدو من الغريق...
و الله الا في نهاية القراية تقول مع الناس...
صح لسانك....
جلا...و مع اني ما فاهم...
لكن برضو...صح لسانك...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
Quote: : فوق ضهر اللّفجْ كوعو وبعيد من زورو
منّو خترنا بالوادى المحيّف خورو
يا زول يا ظريف انا مرضى تمّم دورو
نوسر بىّ واتقسّت دروب دكتورو
|
قايتو نجتهد شوية
على ظهر دابة سريعة وغالبا ماتكون جمل لأن الجمل عندما يكون مسرع
يحرك كيعان راكبه وناس البطانة دايما يفتخرون بالجمال
خترنا اي ذهبنا بهذه الدابة في مأمورية عبر الغابات والوديان فمرينا
بالوادي المحدد مجراه بالجرف
ويازول ياظريف مرضي وعلتي ليها سنة كاملة(حول)
هذا المرض مسهر بي وصعب علي علاجه بل هذه إشكالية لايداويها طبيب عادي
غالبا ماتكون مشكة مع الحبيب ، زي مشكلة الطيب عم طارق جبريل ماحيخلي
العرقي لأنه ينسيه زولته وده علاجو بالنصيحة ماينفع إلا بقطع العرق وتسييحو
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
بسم الله الرحمن الرحيم
السلام عليكم و رحمة الله و بركاته
دا الكوبي و لا بلاش
| Quote: اللهم إني أسألك الثبات في الأمر ، والعزيمة على الرشد ، وأسألك شكر نعمتك ، وحسن عبادتك ، وأسألك من خير ما تعلم ، وأعوذ بك من شر ما تعلم ، وأستغفرك لما تعلم ، إنك أنت علام الغيوب |
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
إلهي..
أنا الفقيرُ إليكَ في غِنايَ..
فكيف لا أكونُ فقيراً إليكَ في فقري؟!!
وأنا الجَهول إليكَ في عِلمي..
فكيف لا أكونُ جَهولاً إليكَ في جَهلي؟
إلهي :
ماذا وَجَدَ مَنْ فَقَدَكَ؟
وَماذا فَقَدَ مَنْ وَجَدَكَ؟؟
لقد خاب من رَضِيَ دُونَك بَدلاً..
ولقد خَسِرَ من بَغىَ عَنكَ حِولاً
إلهي :
سَمِعَ العابِدون بجزيلِ ثوابِكَ فَخَشَعُوا..
وسَمِعَ الزَّاهِدونَ بِسعَةِ رَحمَتِك فَقَنَعُوا..
وسَمِعَ المُولُّونَ عن القَصدِ بجُودِكَ فَرجَعُوا..
وسَمِعَ المجرمُون بِسِعَةِ غُفرانِكَ فَطَمِعُوا..
وسَمِعَ المؤمنُونَ بِكَرَمِ عَفوِكَ فَرَغبُوا
فلهم اغفر لاخوتي و اهلي و زملائي جميعاو اخص بذلك الحبيب جلا ؟
شوفتك كسير التلج دا ؟
انا عارفه غائب ليه كم يوم لكن الان ينط و يقول لي جلا داما حج سرا نحن مالنا
في راسنا ريشةأه يا صحبي يا الهي و كما القابض علي اعمال المنزل طيلة الفترة
السابقة و غاب عنا ليس برغبته و لكن بفعل فاعل ...آمين يارب العالمين!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
قصة جميلة جدا
طلب موسى عليه السلام يوما من الباري تعالي أثناء مناجاته أن يريه جليسه بالجنة في هذه الدنيا
فأتاه جبرائيل على الحال وقال: يا موسى جليسك هو القصاب الفلاني .. الساكن في المحلة الفلانيه
ذهب موسى عليه السلام إلى دكان القصاب فرآه شابا يشبه الحارس الليلي وهو مشغولا ببيع اللحم
بقى موسى عليه السلام مراقبا لأعماله من قريب ليرى عمله لعله يشخص ما يفعله ذلك القصاب
لكنه لم يشاهد شئ غريب
لما جن الليل اخذ القصاب مقدار من اللحم وذهب إلى منزله .
ذهب موسى عليه السلام خلفه وطلب موسى عليه السلام ضيافته الليلة بدون أن يعرّف بنفسه ...
فأستقبله بصدر رحب وأدخله البيت بأدب كامل وبقى موسى يراقبه
فرأى عليه السلام أن هذا الشاب قام بتهيئة الطعام وأنزل زنبيلا كان معلقا في السقف
وأخرج منه عجوز كهله غسلها وأبدل ملابسها وأطعمها بيديه
وبعد أن أكمل إطعامها أعادها إلى مكانها الأول . فشاهد موسى أن الأم تلفظ كلمات غير مفهومه
ثم أدى الشاب أصول الضيافة وحضر الطعام وبدأوا بتناول الطعام سويه
سئل موسى عليه السلام من هذه العجوز ؟
أجاب : هي أمي .. أنا أقوم بخدمتها
سئل عليه السلام : وماذا قالت أمك بلغتها ؟؟
أجاب : كل وقت أخدمها تقول :غفر الله لك وجعلك جليس موسى يوم القيامة في قبته ودرجته
فقال عليه السلام : يا شاب أبشرك أن الله تعالى قد استجاب دعوة أمك
رجوته أن يريني جليسي في الجنه فكنت أنت المعرف وراقبت أعمالك ولم أرى منك
سوى تجليلك لأمك واحترامك وإحسانك إليها
وهذا جزاء الإحسان واحترام الوالدين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
ولله في خلقه شئون
تعمر السلحفاة 150 عام
بعض العناكب يمكث 570 يوما بدون أكل
الثعبان ليس له آذان ظاهرة، ولاكنه يسمع عن طريق موجات الصوت
التي يلتقطها لسانه ويترجمها لآذانه الداخلية
يمكن للعقرب أن تصوم ثلاث سنوات متتالية
الضفادع يمكنها الصوم سنة كاملة
العنكبوت يضع خيوطا طولها ثلاثون مترا
السمكة أم سيف تستطيع أن تخترق قطعة من الخشب القوي أو المعدن
سمكها 469 ملم
جسم الإنسان العادي يحتوي على
كمية من الحديد تكفي لصنع 7 مسامير كبيرة
وكمية من الفحم تكفي لصنع 65 درزنا من الأقلام
وكمية من الفسفور تكفي لصنع 820 ألف عود كبريت
و20 ملعقة صغيرة من الملح و50 قطعة سكر
و42 لترا من الماء
قوة الفيل تعادل قوة 147 رجلا
الجمل هو الحيوان الذي لايستطيع السباحة في الماء
والسبب هو عدم توازنه يؤدي على إغطاس رأسه في الماء فيغرق
الكنغر له حاسة شم قوية جدا يستطيع شم رائحة الإنسان على مسافة
عدة كيلومترات
الذباب يكره من الألوان الأزرق، الأصفر، الأحمر، الأبيض، الأخضر
موضع الغضب في الإنسان في المرارة ، وموضع الرحمة معروف طبعا
الخطوط الموجودة على ظهر الحمار الوحشي تمنع ذباب التسي تسي
من الوقوف على ظهره
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار
ربنا تقبل منا إنك أنت السميع العليم وتب
عليناإنك أنت التواب الرحيم
ربنا آمنا بما أنزلت وإتبعنا الرسول فأكتبنا مع الشاهدين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
بسم الله الرحمن الرحيم
السلام عليكم أيها الناس
إنشاء الله خميسكم زين
شكراً يا أحمد إسماعيل على الكوبي
هاك البيست دا
Quote: أصبحنا وأصبح الملك لله رب العالمين
ربنا آتنا في الدنيا حسنة وفي الآخرة حسنة
وقنا عذاب النار
ربنا تقبل منا إنك أنت السميع العليم وتب
عليناإنك أنت التواب الرحيم
ربنا آمنا بما أنزلت وإتبعنا الرسول فأكتبنا مع الشاهدين |
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
| Quote: موضع الغضب في الإنسان في المرارة ، وموضع الرحمة معروف طبعا |
و الله دي حقيقة يا أحمد إسماعيل
و أنا طوالي أقول جلال دا فاقع مرارتي
موضع الرحمة قلت معروف
أنا شخصياً لا أدري أين هو؟؟؟
ممكن تدينا خيارات!!!!!
و قلت الذباب لا يحب الألوان
الأزرق و الأبيض و الأحمر و الأصفر
يعني شنو؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عفاف علي ميرغني)
|
| Quote: عفاف000 حاج الركز0 |
لو العريس ينسى اسم العروس ما مشكلة
لو القاش رحل خلا الشرق ما مشكلة
لو اتنين بي باسويرد واحد ما مشكلة
لو إتنين بيكتبو في كيبورد واحد ما مشكلة
المشكلة البروفايل الواحد دا
ياسر عرمان مرشح الجمهورية في حديث له
الحرية تنتزع و لا تستجدى
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
قادر الله البرالمة بقو كل يوم بصورة بروفايل جديدة
وفى ناس ليهم 50 ميل كدا زى ما هم فى مكانهم
عفاف لابسة طاقيتك وشايلة قفتك دى ماشة تلقطى شنو ،،،
بعد ده انا خايف يا محمد عيد يدخلو ليك جوووة عينك ،،،،
انت يا موسى عيسى قبل كده ميسرة ما نزل ليكم امتحان محاسبة
القعدتو تقرو فيها اربعة سنين بعد ده كلو قعدتو تتلفتو
هسه جاى تقول للناس اختبركم ، ارفعوا كراكم وافتحوا خشمكم
واحمد اسماعيل شابكنا السلحفاه والعنكبوت والتوم فى الزقازيق
بعلقوه فى البلكونة كم سنة كدا ما عارف ،،،،،
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
غايتو الناس الخاشين بي نمرة خمسة ديل يشيلوا شيلتهم
وبما انو البوست دا زاتو الايام دي بقي نايم كدة داير احرروا ليكم
وادور الشكلة والمديدة حرقتني وكل حاااااااجة
دقيقة امشي اجيب عكازي واجي
جلا وعبدالدائم ما القاكم هنا
ابوعمر ... بالله اوعا تحجزني من الجماعة ديل
-------
انعل ابو ديييييييييييييشكم زاتو كما يقول "الكوامر"
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
أسأل الله تعالى أن يتقبل والدة زميلنا / محمد زين بواسع رحمته و عظيم مغفرته و أن ينزلها الفردوس الأعلى من الجنان .. صادق التعازي لأخينا و زميلنا / محمد زين و كافة أفراد أسرتهم في هذا الفقد الفادح و المصاب الجلل و أسأله تعالى أن يلهمهم الصير على فقدها و يجعل البركة فيهم جميعاً ..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
Quote: الحناكيش كل زول يجر ليهو عصاية
انتو عكازي وينو؟ |
هييييييع
أنا أنا أنا
أنا طبعاً ما مصنف مع الحناكيش
أعمل حساب أحمد إسماعيل
أوع من الرتينزات و الكواديك
أها الحناكيششش خلو ليك الدرب أبقا مارق
زول داير يداوس يسأل من عكازو وين؟؟؟؟؟
أفووو!!!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
Quote: و الله دي حقيقة يا أحمد إسماعيل
و أنا طوالي أقول جلال دا فاقع مرارتي
|
طيب ... فقع المرارة خليناهو اها شد حيلك لي كثير التلج "اقصد الرأس" دا
Quote: لو العريس ينسى اسم العروس ما مشكلة
لو القاش رحل خلا الشرق ما مشكلة
لو اتنين بي باسويرد واحد ما مشكلة
لو إتنين بيكتبو في كيبورد واحد ما مشكلة
المشكلة البروفايل الواحد دا
|
انت مالك .... الدخلك شنو ... بروفايل واحد ولا ما واحد
بعدين ياخ مش احسن من الجنازير المربطا لينا دي ...
يازول احسن ليك ...
بعدين شوف دا بالله
Quote: قادر الله البرالمة بقو كل يوم بصورة بروفايل جديدة
وفى ناس ليهم 50 ميل كدا زى ما هم فى مكانهم
|
يعني بالله في داعي للمطاعنة دي ... انت كان قاصد موسى عيسى ماتقول عديل كدة
Quote: عفاف لابسة طاقيتك وشايلة قفتك دى ماشة تلقطى شنو ،،،
|
خليك حريف ياخ ... بالله عليك دي قفة بلقطوا فيها
والله اسا الواحد ينادي ليك سناء الصباغ والله نجاة حوفي يدوك درس في "استايلات" الشنط
ولا اقول ليك حاجة: الاستايلات دي تخصص جبرييلا وحاتم جبارة
Quote: انت يا موسى عيسى قبل كده ميسرة ما نزل ليكم امتحان محاسبة
القعدتو تقرو فيها اربعة سنين بعد ده كلو قعدتو تتلفتو
هسه جاى تقول للناس اختبركم ، ارفعوا كراكم وافتحوا خشمكم |
المديدة حرقتني ... بجيك براهو
Quote: واحمد اسماعيل شابكنا السلحفاه والعنكبوت والتوم فى الزقازيق
بعلقوه فى البلكونة كم سنة كدا ما عارف ،،،،، |
ههههههههههه غايتو يوم بترفد ليك زول ....
بالله عليك اسا احمد اسماعيل دا جاب سيرة توم ولا شارع فاروق زاتو
غايتو ناس روحا محرقاها
| Quote: يكون يا رب بيشــجع التاكا ؟؟!! |
غايتو محمد عيد دا قاعد يكيفني ليك جنس كيف
اها رايك شنو في الرد الفوق دا
ارجو ان تضيفوا لبند "فقع المرارة"
هذا والتحية لسيد الحوش المشتهنو
--------
والشكلة لسة مدورة
| |
|
|
|
|
|
|
| |
محمد آدم النور
محمد صديق
الرشيد بابكر
موسي عيسي
معتصم جعفر
زهير الزناتي
جلال عثمان
عصام دهب
عبد الدائم سيد أحمد
عمر المهدى
Hatim Gubara
عبد الحفيظ عباس
محمد عيد
أحمد إسماعيل
سامي عبد الوهاب إدريس
ياسر نجيلة
عفاف علي ميرغني
Dr.Elsadig Abdalla
منصور عبد الرازق
طارق جبريل
فيس بوك
تويتر
انستقرام
يوتيوب
بنتيريست