القـحـــة و لا صـمـــــــّـة الـخـشــــــــــــــــــــم ! ! . .

مرحبا Guest
اخر زيارك لك: 03-28-2024, 04:46 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-09-2010, 04:08 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
القـحـــة و لا صـمـــــــّـة الـخـشــــــــــــــــــــم ! ! . .

    أعـزائي وعـزيزاتي الشــراقوة (أجدع ناس)
    كــم أنـا ســعيدة بهـذا الإنتمـاء .. وبقـدر فـرحي وفخـري بالمعرفـة الحميمـة لعـدد كبير منكم ، بقـدر مـا أنـا حزينـة على ضـياع
    الفرص للإسـتمتاع بصحبة كوكبة من الذين عاصرتهم ، ولم أحظ بالمعرفة اللصيقـة بهـم. ذلك يرجع لأسـباب عـديدة ، منهـا الجغرافية
    التي جعلت كليـة البيطرة خـارج المبنى الرئيسـى للجـامعــة ، وكذلك حمـاس الشـباب (في ذلك الوقت) الذي صـور لنـا أن العمل السياسي
    الدؤوب سـياتي بالفرج القـريب ، حيث لم نكن نعلـم حينهـا أن المعـادلـة أكثر تعقيــدا ممـا نتصـور.
    عمـومـا شــكرا للتكنولـوجيــا التي مـلأت الشــاغر في عـلاقـاتنـــا.....

    مـرّت مـدة ليست بالقصـيرة منذ أن أسـتعدت كلمـة المرور ، وقـد كنت قبل تلك "الإسـتعادة" أشـعر بغبن شـديد خـاصــة عندمـا
    أقـرأ مـادة أود المشـاركـة فيهـا ، وأقـول لنفسـي لـو كنت أملك "كلمـة مرور" لكنت كتبت: كـذا ..وكــذا .. ولكن عندمـا استعدتهـا ، اكتشفت
    أنني أجيـد "الســباحة في البر" فقـط لأنني كلمـا هممت بالكتابة أو الدخـول للمشـاركة في موضـوع مطـروح أحس بالعجـز عن الكتابـة
    أو أن كتـابتي سـتكون دون المسـتوى المطـروح من المشاركين والمشـاركات. فــاقــم ذلك الشـعور بداخلـي تزامن حصـولي على كلمـــــة
    المرور مـع تواجــدي بينكم ولقـائي بعـدد مقـدر من الأصـدقاء ثـم الحـفاوة البالغـة التي ادهشتني وألجمتني حتى هـذه السـاعة عن كـتـــابـــة
    كلمـة شـكر واحـدة في حـقّكــم. فمنـذ عـودتي في مــايــو الماضي أهـم يـوميـا بالدخـول للتعبير عن امتناني واعتزازي بكم .. ولكن تعجـز الكلمـات
    وتتقـزم .. فاسـتحي واشـطب مـاســطّرته. اليـوم .. حســمت أمـري وقلت لنفسـي .. " القحـّــة .. و لا صـمّة الخشــم" .. و "عيب الــــزاد ..
    ولا عـيـب ســيدو" .. فلأعــبّر عن نفســي مهمـا كان تواضـع الكلمات .. فالـصــدق حتمـا ســينفخ فيـهــا "الـطـــول و الــعــــلا" .. فتبدو
    أنيقـة وجميلـة في نـاظركـم ولكنهـا ليسـت (قنبلــة) .. لأننـا دعـاة ســـلام ، فلنبق بعيدون عن أدوات الدمـار.

    الشـــكر لكل من كتب مهنئا بمناسـبة حصـولي على المـاجســتير .. والشــكر لكل أهـل البيت/الحوش المنتظمين في التواجـد وجالبي
    الأفكـار الخـلاقــة ، وعشـان مـا أفـرز .. أخص بالشـكر: زهـير ، محمـد صـديق ، ومحمـد آدم ومعتصـم جعفـر أصـحاب المبادرة الأخـيرة
    مع رئيس جامعـة الزقازيق (شـفتو عـدم الفرز دا كيــف !!) وتاني أشــكــر زهـير ومحمـد صـديق ومبـارك جـادين لأســباب خاصـة
    بي أنــا .. ولا أقول (إن شـاء الله يوم شـكرهم مـايجـي !!..) لأنهـم ديـل نـاس في منتهـى الـروعـة ، ولـو يـوم شــكرهم جــاء ..
    بعــد خــرف .. لن نجـد إلا أن نســتورد كلمـات من لـغــات تانيـة عشـان نشـكرهم بيها .. فـالعـربي البنعـرفـو دا مـا أظن فيـه
    مفـردات تكفيهـم حـقـهــم.

    بـجــُــر القـول والـشـــكـر لـصــديقي جمـال فـارح للعـزومـة الوهيطـة بنادي الشــرطة .. أصـلو صـاحبي دا من زمـان بيحب الوهـاطة ،
    والوهاطـة لمـن لايعـرفهـا هـي الـبراح والبســطة في الرزق وفي المكــان وفي كل مـا أحـــلّ للمســـلمـين.

    ...ونواصــل ،، ،،
                  

07-09-2010, 04:43 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3990

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    سلامات يا ناس

    مراحب بالدكتورة سناء

    ومنوّرة و......

    ( القحة ولا صمّة الخشم)
                  

07-09-2010, 09:36 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: محمد صديق)

    شكرا محمد صديق

    وشكرا مرة أخري لأنك أول المهببين (أي الذين هببوا لي أو قاموا بالرد)

    تفتكر أكتفي بالقحة ولا أقلبها أنفلونزا عديل.

    تحياتي لخالدة والعيال
                  

07-09-2010, 11:12 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    Quote: وكذلك حمـاس الشـباب (في ذلك الوقت) الذي صـور لنـا أن العمل السياسي الدؤوب سـياتي بالفرج القـريب ، حيث لم نكن نعلـم حينهـا أن المعـادلـة أكثر تعقيــدا ممـا نتصـور.


    يا سناء كلامك ده لامس مواجع وفواجع واختزل الكثير ، دى ما قحّة ياسناء ، ده رنين مغناطيسى وأشعة مقطعية وموجات صوتية ، بطلى استهبال يا سناء وأكتبى ، فما أحوجنا لكتابات تتسامى على الأحزان.
                  

07-10-2010, 04:15 AM

مني عباس

تاريخ التسجيل: 04-30-2010
مجموع المشاركات: 37

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: أبوبكر حامد الأمين)

    الاخت العزيزه سناء
    سلامات
    اولا...مبروك الماجستير...والله ماسمعت...اصلوا انا ناسى ديل لميت فيهم يادوب...
    كنا منتظرين اشراقك هذا من بدرى...من ايام المتواقه بالحيطه..اهلا ومرحب بيك بين اهلك وناسك.
    والله ياسناء انا كانت ماره بى نفس حالتك...كنت حاسه بالعجز التام من مجارة الفضاحله ديل فى الكتابه.
    كنت متردده جدا فى الكتابه...ولكن اخوى المتفرد الرشيد شجعنى وقال لى بس انت ابدى وكل شى برجع...
    مهدى زوجى عندوا قوله مشهوره...بقول فيها (من ماجينا البلد نسينا العربى والمشكله ما اتعلمناانجليزى)
    مهدى كان زميلى فى الصحافه ايام جريدة السياسه....فالحاله عامه...
    وذى ما قلت القحة ولا صمةالخشم...وانا متاكدة انو حيكون من اجمل البوستات ...يلا اتحفينا..
    عندى حاجه حارقنى من ايام الزقازيق قلت الزمن لو جمعنى بسناء لازم اقوله ليها
    اذكر..اهتمامك بالاخوات نجاة/ياسمين/وزينب..كالاخت الكبيره شاملاهم بعطفك وحنانك ورعايتك فعندما يتحدثون عنك
    كنت اتمنى ان اكون واحده منهم...لاحظى ولو بجزء بسيط من حنانك.. ولكن ذى ما قلت احتمال لانكم كلكم كنتم فى لكوز...
    سلام الى الاخ عمر مجذوب والاولاد...
                  

07-10-2010, 11:29 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5002

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: مني عباس)

    سنوية...لو كنت أعرف أنك هنا لكنت ثاني المهببين...
    ربما نملك نفس الحاسة التي يمتلكها الكوتش محمد صديق...
    و لكنه يتفوق علينا باحترافيته...لذلك يستحق أن يكون أول المهببين...

    ثانيا مداخلتك اللذيذة سميتيها بكل تواضع قحة...
    و أنا أقول لك بكل صدق انها ألذ من دجاج ناندوس الذي لم أعرف حتى الآن ان كان حلالا أم حراما...
    و لكنها حتما لن تكون ألذ من ذلك اليوم الذي كان من أروع و أقصر الأيام في حياتي...
    كنت دائما أتسائل لماذا هي الأيام التي التقيك فيها قصيرة و رائعة...
    و لكن ذلك اليوم كان الأروع و الأقصر...
    سناء لقد وثقت لتلك المجزرة....ان كنت تتسائلين أي مجزرة؟؟؟
    هي يوم لم يردعكم رادع و أنتم تقضون على أطباق الدجاج الواحد تلو الآخر...
    في كل مرة تحدثني نفسي بأن أرسل ذلك الشريط الى المحكمة الجنائية...
    و لكن الوشائج التي تربطني بك و بزوجك الجميل...
    و عظيم المودة التي تحملها لك نجاة حوفي ...منعتني من أن أفعل ذلك...
    و اعيش الآن تحت وطأة من تعذيب الضمير...

    سناء عودا حميدا...أنا في غاية السعادة لعودتك...

    تليشة...
    سناء حاولت أن أتعرف عليك وسط طابور المتخرجين في الفيديو الذي لم ينزل عندي كاملا...
    و عندما عجزت قلت لا بد أنها تلك الجميلة في مقدمة الصف الذي انحرف يسارا...
    و قدماها الاتنين left...
                  

07-10-2010, 12:04 PM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: الرشيد بابكر)

    المقدمة بتاعتك تشبة كتابات الاديب جمال فارح
    حتى انى شكيت انو الزول ده يكون شــــففك
    طااااب ما انتى كويسة اهو ( بالمصرى ) لو قدرتى تردى على الكام نفر
    الموجودين هنا ديل ، تكونى ركبتى الخط ، وما تقيفى تانى كلو كلو
    ولو صحيتى بدرى ممكن تقلبى الصفحة كمان ....

    ،،،،،


    انت يا الرشيد متخيلها فى الفيديو بالتوب ولا شنو
    والله انا زاتى وسط البنات الصغار ديك ما فرزتها
    تقول دفعتهم عينى باردة
                  

07-10-2010, 02:21 PM

عمر المهدى
<aعمر المهدى
تاريخ التسجيل: 11-08-2009
مجموع المشاركات: 403

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: عبد الدائم سيد أحمد)

    الاخت سناء
    تحياتي
    نورت المنبر

    مبروك الماجستير
    مع الامنيات بمزيد من التوفيق
    واصلي الابداع والاندياح
                  

07-11-2010, 06:41 AM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: عمر المهدى)

    الأخت الدكتورة
    سابع المهببين يأتيك من كل فج جميل
    جمال ناس الزقازيق
    جمال ريس الداخل و ريس الخارج
    ما علينا....
    أن تأتي سابعاً خير من لا تأتي
    و في كل خير ...
    طالما نبحر على سفن الماضي الجميل و الحاضر الأنيق
    أما المستقبل فأترك وصفه للأخ الرشيد بصحبة الجميلة منى يونس
    بالمناسبة نصيحة ليكي
    لا تجاري كتابات الناس ديل
    و لا تتقيدي بلونية واحدة في حال أردت أن تتواصلي في هذا البوست
    لا تكتبي بي شغف زائد عن اللزوم
    الكتابة حسب المزاج....و الوقت
    وعن هذه الحالة لك أن تسألي الأخ محمد عيد فقط
    قلتي لي كيف!!!!
    القحة و لا صمة الخشم!!!!
    كلامك صحيح صمة الخشم دي مرااات بتعوق
    خاصة إذا تناولتي وجبة سمك من سمك عوضية بأمدرمان
    محبتي في مكانها لك و لي ناس الزقازيق
                  

07-11-2010, 11:34 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: محمد آدم النور)

    أبو بكر أزيك

    لو كنت أملك مثل ذاكرتك وقدرتك على الكتابة لكنت تجولت بكم في نجوع تحول
    ملحها لشهد في دواخلي لكن رغم ما يجيش في النفس يظل القلب بصير والقلم كسير (أقصد الكيبورد)
    لكن سأحاول قدر استطاعتي التواصل وحديث الذكريات.

    لك كل الود
                  

07-11-2010, 11:50 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    العزيزة منى عباس

    هل تعلمي لما قلت اني نادمة على تفويت فرصة القرب من ناس كتيرين عاصرتهم في الزقزيق
    كنت في بالي كواحدة منهم لأني كنت دائما أسمع عن صفاتك النادرة من ياسمين ونجاة وزينب
    وصديقنا المشترك محيى الدين عبد الستار وزادت حسرتي عندما تعرف عليك عمر مجذوب وكان
    دائم الحديث عنك وعن شخصيتك الفذة . عموما الجايات أكتر من الرايحات فلنتواصل من خلال هذا البيت
    في حضرة من نهوى أي كل قاطنيه من الزقازيقيين والزقازيقيات.

    ولك من الحب أجزله
                  

07-12-2010, 00:26 AM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    رشا يافردة

    مامهم يكون الدجاج حلال أو غير ذلك المهم أن المعركة كانت
    بصحبة ناس لهم في النفس مكان خاص وفي حضرتهم يكون كل شيئ
    حلالا طيبا.
    الأوقات الجميلة دائما قصيرة ياصديقي , هل تذكر سنيى الزقازيق كيف مرت سراعا
    ولم يبقى لنا منها سوى الذكرى نجترها فلا نشبع بل يزيد شوقنا لتلك الأيام.

    هلا تكرمت عزيزي بانزال صور المعركة حيى نستفيد من تاكتيكاتها في معاركنا القادمة ولا نامت أعين الجبناء.
                  

07-12-2010, 00:54 AM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    ديدو ياعسل
    أولا قبل ما أرد عليك عاوزة أوضح للناس الجو للمنبر متأخرين
    زي ناس جلا وآخرين أن حقوق الملكية الفكرية في تسميتك بديدو تعود لي حصريا.

    تانيا مشور ياخي على حسن ظنك وأنا لو بعرف أكتب زي كتابة جمال فارح كان كرهتكم القعدة ومعايير الكتابة ذاتها
    بس صاحبي جمال دا مشغول بجمع المال وأشياء أخرى , لولا ذلك لكان من الأدباء الذين يشار اليهم.

    تالتا شكرا على التهنئة وبعدين بطل السخرية البنات الصغار ديل (أندرقراديويتس) يعنا أنا كنت قدرهن لما أتخرجت من الزقازيق
    سنة 87

    تحياتي للزهرات وأمهم
                  

07-12-2010, 04:29 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5002

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    Quote: هلا تكرمت عزيزي بانزال صور المعركة حيى نستفيد من تاكتيكاتها في معاركنا القادمة ولا نامت أعين الجبناء.


    سنو....سأفعل ذلك قريباان شاء الله...

    التحية لعمر مجذوب و الشباب....
                  

07-12-2010, 11:39 AM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: الرشيد بابكر)

    العزيز عمر مهدي

    شكرا ليك ولهذا المكان الذي يشبه الأغاني التي تفك الدبرسة.
    تعرف يا عمر مرات أشبك ليك في المنبر دا وكلما أجد اللابتوب
    جنبي أقوم بفتحه لا شعوريا حتى أصبح أبنائي يتندرون عليّ بأنني
    أعتقد أن الانترنت قد أخترع خصيصا لمنبر الزقازيق.
    لكن مرات بتكون الدبرسة أقوى من أن يفكها أي منبر أو غناء.

    تحياتي
                  

07-12-2010, 12:04 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    العزيز محمد آدم

    انت عارف الرقم سبعة دا رقم محبب في ثقافات كتيرة ما عارفة ليه
    مثلا لما كنت في دبي كان هنالك مزاد لأرقام السيارات المميزة فكان الرقم سبعة
    من أغلى الأرقام. أما في الثقافة السودانية فالبخور مسبع أي مكون من سبعة أصناف
    لفك العين, الأحتفال بتسمية المولود تتم في اليوم السابع وكذلك سبوع العريس.
    وفي ذات الوقت الذي يحمل فيه الرقم سبعة دلالات فرح وتفاؤل فأنه يستخدم في المناسبات المرتبطة بالحزن
    فهناك سبوع الميت وكذلك أرملة الميت يمشط شعرها سبع جدائل تعبيرا عن الحزن. ياخي الثقافة السودانية دي فيها جنس
    لخبطة يعني المسألة عاوزة أعادة نظر وغربلة شديدة عشان نحتفظ بالكويس منها دون التمسك الأعمى بكل ماهو قديم.

    معليش سرحت في السبعة ونسيت الموضوع الأساسي, شكرا على النصيحة وفعلا أنا ما حأقدر أجاري الناس ديل
    عشان كدا حتكون مسألة مزاج.
    تعرف يوم سمك عوضية داك كانت لدي رغبة أكيدة في حديث جانبي معاك لكن طبيعة المكان ######ونة الجو وظروف المعركة
    حالت دون ذلك و خيرها في غيرها, عندي صورة ختييرة جدا ليوم عوضية سأحاول الأستعانة بصديق لانزالها.

    تحيات عطرات للتخلص من ريحة السمك
                  

07-12-2010, 12:46 PM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: سناء الصباغ)

    يا رش هذا ما كتبته الدكتورة
    Quote: نستفيد من تاكتيكاتها في معاركنا القادمة ولا نامت أعين الجبناء.

    Quote: وظروف المعركة حالت دون ذلك

    لكن عايز أسأل
    الماجستير بتاع الزولة دي كان على أم المعارك بتاعت صدام و لا شنو ؟؟؟؟؟؟
                  

07-14-2010, 12:43 PM

مبارك جادين

تاريخ التسجيل: 09-13-2008
مجموع المشاركات: 350

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: محمد آدم النور)

    يا دكتورة
    مرحب بيك مرة اخرى
    واكتبي
    وكما يقول الادباء تداعي
    واتحفينا بكل ما لذا وطاب
    ومبروك الماجستير
    مودتي
                  

07-27-2010, 11:49 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3990

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: مبارك جادين)

    سلامات يا ناس

    Quote: شكرا على النصيحة وفعلا أنا ما حأقدر أجاري الناس ديل
    عشان كدا حتكون مسألة مزاج.


    يا دكتورة ...إزيِّكْ

    شكلك اعتمدتى على الكلام ده وعملتى نايمة

    وكان اعتمدتى على المزاج البوست ده حيلحق أمَّاتْ طه.
                  

07-30-2010, 02:29 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: محمد صديق)

    سلام يا سناءءءءءء
    واله منورة
    اتارى كل ما افتح المنبر النور يجهر وقوم قافلاهو بس عرفت السبب
    والله فى اضان بس الحمد لله على العودة الجميلة
    طبعا خلينى حابدا بمداخلة منى
    منى دى ما عارفة انة مسالة رصة الاسماء دى بتجيب مشاكل نجاة و ياسمين ثم اخيرا زينب
    قصرتى معاى يا منى عباس
    وتجى انتى تواصلى بنفس الترتيب
    اتلومتى يا ام ناظم كدى شوفى ليك مخارجة من الحتة دى
    استعينى بلرشيد
    يا سناء الرشيد بينى وبينو عهد وميثاق تنزل صورة واحدة من لندن
    حتنزل صورى المليون كلها


    ممكن ننزل صور قندهار وعوضية والفردوس

    حاواصل
                  

07-31-2010, 02:14 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5002

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القـحـــة و لا صـمـــــــّـة الـخـشــــــــــــــــــــم ! ! . . (Re: زينب التجاني)

    Quote: يا سناء الرشيد بينى وبينو عهد وميثاق تنزل صورة واحدة من لندن
    حتنزل صورى المليون كلها


    زوبا...انتي عامله عمل في صور لندن دي الظاهر عليك...
    كلما أقول أول ما أرجع أبوظبي أقوم أنكت الصور عشان أنزلهم لي سناء...
    أمشي أبو ظي أنسى كل حاجه مع العيال...
    لكن المره دي حأربط لي خيط في يدي اليمين عشان ما أنسى...

    و بعدين شنو حكاية الخيل تجقلب و الشكر لي حماد دي...
    أنا أضرب ليك تلفونات أسأل منك تقومي تضربي لي صاحبتك بالساعات و ما تسألي مني...
    طيب يا زوبا شوفي البيسأل منك تاني...
                  

07-31-2010, 04:56 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
القحة ولا صمة الخسم (Re: سناء الصباغ)

    الكومندان العظيم محمد صديق
    ألف سلام وألف تحية, فعلا وصية محمد آدم وقعت لي في جرح
    ومان برضو كنت مشغولة شوية لأني كنت خارج البلاد في رحلة لألمانيا
    (دا نظام قشرة وبوبار شوية قاصدة بيهم الرشيد وزينب وحاأنزل الصور
    خاصة أنو ما عندي اتفاق مع أي منهما)

    زنوبة العسل الموضوع ما محتاج لي أي مخارجة لأنو بديهي التحلية أو التوبنج
    بيوضع في الآخر لذا فمن الطبيعي أن أذكر أسمك في الآخر, بس بعد كدا بكون اتورطت مع ناني
    ولازم أشوف لي حل مناسب أما بطة دي فأنا ما شغالة بيها كانت صاحبتي زمان وهسة أنا محارباها
    لأنها مابتشتغل بالناس, أقول ليكم حاجة ياناس الزقازيق البتعرفوا المدعوة ياسمين حاج الطاهر
    تعالوا كلنا نحاربهاونعلن انها مابقت صاحبتناعاملة لينا فيها دكتورة وأستاذة في الجامعة
    ويعني شنو هسة نجاة حوفي صاحبتنا ما مديرة وسايقة مرسيدس ولسة صاحبتنا وبتسأل مننا

    الصديق محمد آدم النور لما أنزل ليك صور عوضية حتعرف ليه أنا سميتها معركة
                  

07-31-2010, 07:12 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: سناء الصباغ)

    سنوية كيفك
    جيتى تكحليها عميتيها
    نانى سايقة مارسيدس.............
    انتى ما عارفة حساسية الموضوع دة بلنسبة لى

    يا رشو عندى اتفاق مع نانى و صورك ما حتنزل
    اها نزلا
    ثم تانيا لما اتفقنا بوست سناء دة ما كان فى
    اذا الاتفاق لا يجرى عليهو


    يا الرشيد انت عارف انا اتصلت بنانى
    لكن ما ادتنى فرصة عشان اشيل نفسى
    بتتكلم بدون شولةولا سطر جديد
    بس كلاما كان دثم جدا


    ما حاقول ليك


    سناء جلا دة ما تهبشيهو
    دة نصير المراة فى المنبر
    منحاذ لبنا فى اى شى
                  

08-03-2010, 07:40 PM

نجاة حوفي
<aنجاة حوفي
تاريخ التسجيل: 11-08-2009
مجموع المشاركات: 198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: زينب التجاني)

    الغالية ام ناظم..
    جذبتى قحتك اللذيذة للكتابة بعد ان انقطعت عن المتابعة وحتى الاستمتاع لاكثر من شهر..
    وجذبتنى اكثر لالتهام كلماتك التى لم ولن اشبع من حبى لها مكالمة منى عباس وكلماتها الدافئة الرقيقة
    التى تنتشلنى دوما من روتين الحياة وهموم الشغل والكفيل..

    كل المكالمة كانت عنك وعن اسلوبك الراقى فى جذب الصغير والكبير.. حكيت لمنى عن اشياء عن سنوية ربما لم تتاح لى فرصة قبل ان احكيها للزقازيقاب..
    سناء اذكر تماما صبرك علينا وعلى دلعنا فيك..
    اذكر دوما رسم البسمة على شفاهنا عند موسم الحفلات .. عندما يعتزر متولى الخياط من حياكة بلوزاتنا
    للقشرة فى الحفلات.. بحنان الام والاخت والصديقة تخيط سناء بيدها بلوزاتنا وجيباتنا حتى نفرح وتكتمل اناقتنا ..
    حكيت لمنى عن وقفتك معانا للاستعداد للزواج.. حكيت لمنى انه سناء هى سناء كل ما تلتقيها تنهلى من كل من فيها من روعة ولن ترتوى.. بل تحسى بالعطش اكثر للاستماع لها.. وللجلوس معها.. اجمل يوم قضيناها فى لندن كان بصحبتها.. محفورة فى اعماقنا انا والرشيد وحتى اولادى..
    ام ناظم لو حكيت لبكرة عنك ما بقدر اوفيك حقك..
    لكى شكر خاص من ماما محاسن حوفى .. على الزيارة والمصاريف كمان..
    شكر ا للبقعة الطيبة الجمعتنا باروع الناس..
    وانشاء الله ما تقحى بعد ونستنا الطويلة عنك..
    تحياتى لعمر مجزوب ولزوبة وناظم وايناس وانشاء الله نشوفكم قريب..
    ودمتم سالمين
                  

08-05-2010, 01:01 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: نجاة حوفي)

    العزيزة ناني
    يازولة مشكورة جدا علي كل ما قلتيه في حقي
    وكمان مشكورات انت والعزيزة منى عباس لذكري بالخير في محادثتكما
    والله دي العلاقات النحنا مقرطين عليها طوال هذه السنين لأن أعوام
    اغترابي الأخيرة كادت تفقدني الثقة في الناس, السودانيون في المهاجر
    معظمهم تغلب عليهم الأنانية والحسد وعدم حب الخير للآخر ودا
    موضوع كنت ناوية أفتح بيهو بوست عشان أسمع رأي ناس كتار خاصة وانو معظمنا
    الآن بالمهاجر, هسة بعد كسرت الحاجز بالقحة دي ممكن أفتح الموضوع وطبعا
    التعميم والتنميط والأحكام الجاهزة ما بتفيد في دراسة الظواهر عشان كدا قلت أستنير
    بقدرة ناس الزقازيق على البحث والتحليل.
    نرجع لموضوع ماما محاسن حوفي فما غريبة أسمع منها هذا الكلام الطيب فهي أمي والقرد
    في عين أمه غزال, أتمنى ليها الصحة والعافية هي وعمي محمد ويجنبهم فلهمة أمنية وهنودي
                  

08-05-2010, 01:10 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: سناء الصباغ)

    تعرف يامحمد آدم قدر ما حاولت أنزل صور العركة
    ما قدرت كل مرة أحاول أرفعها تجيني رسالة بأن الملف كبير
    حاولت أعمل adjustment للصورة قدر ما قرمتها برضو يقولوا لي كبيرة
    لحدي ما كادت آثار المعركة تضيع وما فضل الا نشوف حكاية ازالة الألغام
    ونفكر في التنمية.

    المرجو من خبراء التكنلوجيا( ديدو مثالا والزناتي مثال احتياطي) المساعدة
                  

08-05-2010, 03:40 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: سناء الصباغ)

    سناء والجماعة سلامات ومشتاقين خالص ...

    في موضوع الصور عايزينك ترشي لينا أولاً صورة ألمانيا ... عشان الرشيد وزينب ديل يعرفوا حاجة ويآمنوا ...
    البوست ده الظاهر عليهو الكلام فيهو ما يحكمل ....

    القرار بتاع مقاطعة ياسمين ده جاء متأخر خالص قبل كم يوم كنا في زيارتها في الفيلا الماخمج في سارية .. اها بطة بعد استاذة جامعة بقي عندها فيلا يعني بعد ده الفتح حا يكون مقنن ... الصور جاية ودي علي الطريقة بتاعت ندي القلعة في رائعتها ودرة الغناء السوداني (الشريف مبسوط مني) والتي تقول في أحد ابياتها

    يا هناي ويا هناية
    الهمر جاية

    كان معي في الزيارة اللورد جمال فارح رغم إنه اليومين ديل عنده نفسيات تقيلة جداً وإنت عارفه الحاجات البتجيب ليهو نفسيات شنو . وللأسف كلها موجودة في هذه الأيام ...


    اها دي قعدة للونسة ...
                  

08-05-2010, 04:05 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: زهير الزناتي)

    باعتباري احتياطي ما عايز اتشالق في إنتظار عبد الدائم يوم السبت علي اقل تقدير

    عشان الناس الكاتله الشمار تنتظر لغاية يوم الاحد



    يادكتورة تحياتي لصديقي عمر مجذوب وقولي ليهو وين رسائلك
                  

08-05-2010, 05:04 PM

عمر المهدى
<aعمر المهدى
تاريخ التسجيل: 11-08-2009
مجموع المشاركات: 403

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: زهير الزناتي)

    دكتوره سناء تحياتي لك
    ولاسرتك الكريمه
    نظام قحه وكده
                  

08-05-2010, 07:29 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: عمر المهدى)

    الزناتي زهير

    الشوق مطر
    ياخي أنا لو عرفت أنزل الصور كان الناس دي كلها فهمت حاجة

    وصلني الشمار بتاع الفيلا حقة بطة, يعني شنو أنا برضو هسة ما قاعدة أبني لي في
    بيت في أم درمان والمثل بيقول بيت في الشرفية ولا فيلا في سارية(دا نظام حسادة)
    المهم أنا لسة متمسكة بقرار مقاطعة بطة والفيلل ما مهمة الكلام علي الأخلاق.

    بخصوص صديقي جمال فارح كامل تضامني معه وطبعا أنا عارفة السبب والناس العملوها ديل ما أرجل منه
    بس جمال حنين وروح الشاعرية الفيه دائما بتوقفه من تنفيذ القرارات الثورية
    وصيتي ليه أن يستمتع بالمكتسبات الجديدة دون التفريط في منجزاته التاريخية.

    عمر مهدي
    التحية مضاعفة وبرية من القحة
                  

08-05-2010, 07:43 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: سناء الصباغ)

    Quote: بخصوص صديقي جمال فارح كامل تضامني معه وطبعا أنا عارفة السبب والناس العملوها ديل ما أرجل منه
    بس جمال حنين وروح الشاعرية الفيه دائما بتوقفه من تنفيذ القرارات الثورية
    وصيتي ليه أن يستمتع بالمكتسبات الجديدة دون التفريط في منجزاته التاريخية.


    يا دكتورة بالطريقة دي ممكن صاحبنا ده يروح فيها ... ويكون لا لم في منجزات لا مكتسبات
                  

08-08-2010, 11:41 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3990

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: زهير الزناتي)

    سلامات يا ناس

    Quote: يا دكتورة بالطريقة دي ممكن صاحبنا ده يروح فيها ... ويكون لا لم في منجزات لا مكتسبات


    كامل تضامنى مع جمال فارح فى مِحْنَتِه.
                  

08-08-2010, 12:12 PM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القحة ولا صمة الخسم (Re: محمد صديق)

    Quote: والمثل بيقول بيت في الشرفية ولا فيلا في سارية(دا نظام حسادة)


    مرة زيدان جاء حفلة فى الديم قام شاغل الديامة قال ليهم الفرق بينكم
    والعمارات شارع زلط ، لكن هو فى الحقيقة مشوار سنين و سنين

    سارية قاعدين يجيبو دعايتها فى التلفزيون ، اما حتتكم دى ما اظن الواحد
    يصل ليها بالوصف زاتووو ..
                  

08-08-2010, 12:49 PM

د. نورا كرم الله


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: سناء الصباغ)

    بالخير هنيتك
    وبماء الورد رشيتك
    وبالتخرج هنيتك
    ولو خدك قريب حبيتك
    كل يوم مع عمر في النت اتقاتت علي عارفة,,,,,,,,,,,,, والله ياسناء فرحت جدا وبكدا بقي عندك اثنين ماستر يعني بروفسير مساعد
    والي الامام
                  

08-11-2010, 01:40 AM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: د. نورا كرم الله)

    الناس الحلوين
    ازيكم ورمضان كريم

    يا كوتش والله بتضامنك مع فارح دا موقفه حيكون بقى قوي لأانو كدا ضمن الدعم اللوجستي
    الذي قد يحتاجه قريب فالظروف ما معروفة.

    ديدو الشوق مطر يا حبة وبعدين انت أظنك جاهل بالأحياء الراقية في السودان
    يا سيدي الشرفية دي حي في أم درمان شمال حي الهجرة كان غير مخطط واسمه الكباجاب (ياي)
    بعدين أيام كان شرف الدين بانقا وزير الأسكان عمل ليه أعادة تخطيط وسموه الشرفية (oh no saphage)
    بالله شوف الاسم دا بلدي كيف غايتو لما نجي نستقر بنحاول نشوف طريقة نتخارج من الاسم دا
    ان شاء الله نجمع توقيعات.

    العزيزة نورا شكرا على التهنئة والمشاعر الجميلة.
                  

08-11-2010, 07:45 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5002

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: سناء الصباغ)

    سنوية...رمضان كريم عليك و على فردتك اللذيذ عمر و العيال...
    و ان شاء الله ينعاد عليكم بالخير و البركات و قادم أياكم أحلى و أجمل...

    قربت أكتب و بعد...لأن السطرين الفوق ديل لا يأتي بعدهم الا و بعد...

    سعدت جدا بتلفونك الذي جاءني في لحظة دبرسة فرفع معنوياتي و جمل تلك الساعة وكل اليوم...
    عندما تحدثت الى نجاة حوفي مساء نفس اليوم قالت لي سناء كلمتني و قالت حتتصل عليك...كلمتك؟؟؟
    قلت ليها بخبث سناء خرتت الكرت بتاع التلفون فيني...
    و لأن بت حوفي تحب قفشاتي و سخريتي ضحكت حتى خيل الى انني رأيت ضروسها في شاشة موبايلي...
    و لكن رغم تعليقي الخبيث الا انني حقيقة سعدت بالتحدث اليك...
    عندما اتصلتي كنت أقوم نقل عفشي الى المكان الجديد الذي سأنتقل اليه بداية الأسبوع القادم بمشيئة الله...
    حيث أنني نقلت الى مشروع للشركة بمدينة السلع في الحدود مع السعودية..
    و سأبقى بالمشروع لفترة قد تصل الى الستة أشهر ثم الى مكان آخر....

    خلينا نشوفكم قريب في الامارات ...
                  

08-11-2010, 09:57 AM

مشاعر بدوي
<aمشاعر بدوي
تاريخ التسجيل: 12-18-2009
مجموع المشاركات: 194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: الرشيد بابكر)

    عزيزتنا الدكتوره سناء ....
    مليون مرحب
    مليون مبروك الماجستير
    رمضان كريم
    لك كل الود والتقدير
                  

08-13-2010, 04:36 AM

عفاف علي ميرغني
<aعفاف علي ميرغني
تاريخ التسجيل: 09-10-2009
مجموع المشاركات: 769

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: مشاعر بدوي)

    سناء الصباغ هنا

    اذن جبت الكرسي للصف القدام

    ومع تلويحة مودة رمضان كريم والماجستير مبروك
                  

08-14-2010, 04:46 PM

عمر نملة
<aعمر نملة
تاريخ التسجيل: 11-08-2009
مجموع المشاركات: 2550

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: عفاف علي ميرغني)

    د. سناء الف مبروك ومثلها من شقيقي صاحبك. اخر مره قابلته بعد غياب اكثر من 12 عام واول سؤال سالني ليه بتعرف د. سناء الصباغ؟ قلت: علم فوق راسه شعله اولمبيه. قال لي الغريبه سالتها منك ماعرفتك. قلت : انا ذاتي لو سالتني مني ايام الزقازيق ما بعرف نفسي.
    اسمعي دي: ايام الزقازيق اخبرت احد الاصدقاء بان فلان خطب فلانه( الاثنين جبهه ديمراطيه) قعد في الواطه وختا ايديه فوق راسه وقال لا اله الا الله ديل مابلدوا شواطين. المهم رجعت وكلمت حبيبنا مجدي النعيم والله قرب يموت من الضحك وقال لي يعني فلان وفلانه( انصار سنه) بيلدوا ملائكه.
                  

11-20-2010, 06:34 PM

كمال الشادي
<aكمال الشادي
تاريخ التسجيل: 10-15-2002
مجموع المشاركات: 1587

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: عمر نملة)

    الاخت العزيزة
    الدكتورة سناء الصباغ

    كل سنة وانت بالف خير وعافية
    انت واسرتكم الكريمة
    اعاده الله عليكم
    وانت من نجاح الى نجاح
    ومن توفيق الى توفيق
    ان شاء الله

    طلاتك بقت غالية
    وشوفاتك بقت بالقطارة

    مالك يابت الصباغ

    عليك الله طلي تاني وتالت ورابع

    تحياتي
                  

05-16-2011, 10:29 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3990

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الشـــكر لكل من كتب مهنئا بمناسـبة حصـولي على المـاجســتير ! ! . . (Re: كمال الشادي)

    سلامات يا ناس

    Quote: طلاتك بقت غالية
    وشوفاتك بقت بالقطارة

    مالك يابت الصباغ

    عليك الله طلي تاني وتالت ورابع

    تحياتي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de