|
|
 Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
كما أسلفنا فإن برنامج محمد الفاضل
يتخلص المشروع في الزوجة الثانية
الشروط :-
1- أشهار الزواج وإعلام الزوجة الأولى
2- يدرج في قناة النيل الأزرق برنامج أفراح أفراح
3- عدم طلاق الزوجة الأولى والإستمرر مع الزوجة الجديدة
4- الإستقرار بالخرطوم دون أم درمان أو بحري أو الأقاليم لوجود الحافز
الأساسي بالخرطوم .
الحوافز :
بعد كتب الكتاب يتم تسليمكم بيت كامل الدسم جاهز ومشطب من جميعه في مدينة الخرطوم
| |
 
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
محمد الفاضل أثرى تلك الليلة وكان الجميع متحلق حوله
والأسئلة تدور حول كيف تعيش مع ثلاثة حريم وتعدل بينهم
أمطرناهوا بوابل من الأسئلة الصعبة والحرجة جداً وضحكاتنا
ترتفع في الساوث مول ،،، الغريبة محمد الفاضل ذكر بأن هناك
ميول قلبي لأحداهن وهذا لا تحكم هو فيه ولكن هو لا يظهره للأخريات
بالمناسبة محمد الفاضل صرح بأنه سوف يأتي بالزوجة الرابعة قبل الإستفتاء
ياربي تكون أخت سيلفاكير
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
ضاق الخناق على ود الفاضل بلازا بخصوص كيفية
العدل في تعدد الزوجات وهو صاحب خبرة كبيرة في المجال
فضرب لنا مثل بأصدقاءة التعددين والذين يحبون التعدد حتى
ولو لم يكن ذو مال كثير ،، يعني التعدديه غير مرتبطة بالمال الوفير
قال عنده واحد في رابطة التعددين أسمه - طه - وهو يعمل ضابط شرطة
متزوج من ثلاثة حريم (الثلاثة يسكنوا في منزل واحد) هذا الرجل إبتدع طريقة
لم يسبقها عليه إبليس اللعين ، علشان يظبط البيت ويقلل من المطالبات الكثيرة
جعل كل شئ بإسمه مثلاً البيت ملكه هو كذلك الزوجة والأولاد وجعل في منزله دولاب واحد
إسمه دولاب طه ، يعني يقوم طه يشتري توب واحد للحريم ويكون إسمه توب طه في دولاب طه
أي واحده من الحريم ترغب في الخروج ما عليها إلا الذهاب إلى دولاب طه وتلبس التوب العاجبه
بعد إستئذان طه وكذلك يمكنها أن تتمكيج وتتعطر من دولاب طه وبالتالي وجد هذا الطه حل لمشكلة
الغيرة ودي توبها أحلى من توبي ولا حريحتها أكثر من ريحتي ، حتى طه حضر إلى السعودية مع محمد الفاضل
وإشترى ثوبين فقط لحريمه الثلاثة وقال هذه (6) ثياب كل واحده يمكنها أن تلبس الثياب مرتين وبالتالي
يكون العدد ستة تياب .
هذا الرجل مش طبيعي !!!
آسف الحريم نفسهم مش طبيعيين!!!!
سوف أتيكم بقصة أخرى من قصص ود الفاضل بلازا زعيم ورئيس رابطة محبي تعدد الزوجات
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد آدم النور)
|
يا ريس ميسرة ...
صاحبي الفي الهند داااااك بسلم عليك تاني ...
وبقول ليك هو ماعندو اي مانع ...
بس ادوهو تلفونات ود الفاضل ...
عشان يعرف تفاصيل البيت ومواصفاتو ...
لانو الزوجه التانية والتالتة وحتي الرابعة مامشكة ... عندو
المشكلة يتصل في ود الفاضل كيف ... والبيت كم غرفة والموقع .....
===================
وين ناس هرشة دوت كم ....
ود الشادي ..... انا منتظرك ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ياسر نجيلة)
|
رغبه مني في شرح ملابسات الموضوع يا نجيلة
لي صاحبك لؤي ابراهيم
الكان بيدرس في بونا في الهند وإتخرج وشغال في نيودلهي
قمت بالاتصال به مباشرا باعتباره صديق مشترك بيني وبينك
فوج
فوجئت والله يا ياسر
والمفاجأة اكلت لساني عدييييييييييييييل
تصدق قال لي شنو ؟
قال لي ياسر نجيله ده انا لي منو زمن طويييييييييييييل
اما موضوع ود الفاضل البتتكلمو عنو في النت ده
انا راح اخش اشوفو
وعموما قالي لي انه ما عندو صالح في مواضيع زي دي وهو راجل ( موحد )
زي اخينا الفوق داك
السؤل
انت قاصد صاحبك بتاع الهند
والله .......
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ياسر نجيلة)
|
سلام يامنى....السلام عليكم ياخالى ميسره...لو عندك ذاكره قويه ياميسره...تذكر لماذا اناديك ياخالى؟؟؟؟؟
لو مابتذكر ما مشكله انا حاوريك لماذا؟؟؟؟
طبعا البوست بتاعك يامنى قمه فى الروعه....
اظن هدفك نبيل جدا ....هو توعيه الجماعه ديل انو يا اخوانا الكلام دى ما بنفع (مثنى وثلاث رباع) ما بنفع...
لو بفتش على ياسر نجيله...دائما قاعد وش فى اى مكان قاعد فيه ود الفاضل...
انت ام الاولاد ما قاعدة تدخل منبر الزفازيق دايا ياسر....
يا اخوانا الموضوع دا حساس انتو ما سالتوا نفسكم وين نجاة حوفى...وين حنان المجمر.. وين زينب التجانى ..
وين كوثر داود... وين شوش..وين.. وين؟؟؟الجماعه ديل خلوا المنبر ليه؟؟؟؟؟
حالتى عايزه اعرفكم على زوجى..لكن مادام جابت ليها (مثنى وثلاث و...) بعيد... بعيد
يااخوانا انا بدات اغير راى فى الاخ محمد ادم النور...ياخوانا الزول دا كويس خلاص....
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ياسر نجيلة)
|
سلام يامنى....السلام عليكم ياخالى ميسره...لو عندك ذاكره قويه ياميسره...تذكر لماذا اناديك ياخالى؟؟؟؟؟
لو مابتذكر ما مشكله انا حاوريك لماذا؟؟؟؟
طبعا البوست بتاعك يامنى قمه فى الروعه....
اظن هدفك نبيل جدا ....هو توعيه الجماعه ديل انو يا اخوانا الكلام دى ما بنفع (مثنى وثلاث رباع) ما بنفع...
لو بفتش على ياسر نجيله...دائما قاعد وش فى اى مكان قاعد فيه ود الفاضل...
انت ام الاولاد ما قاعدة تدخل منبر الزفازيق دايا ياسر....
يا اخوانا الموضوع دا حساس انتو ما سالتوا نفسكم وين نجاة حوفى...وين حنان المجمر.. وين زينب التجانى ..
وين كوثر داود... وين شوش..وين.. وين؟؟؟الجماعه ديل خلوا المنبر ليه؟؟؟؟؟
حالتى عايزه اعرفكم على زوجى..لكن مادام جابت ليها (مثنى وثلاث و...) بعيد... بعيد
يااخوانا انا بدات اغير راى فى الاخ محمد ادم النور...ياخوانا الزول دا كويس خلاص....
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني عباس)
|
Quote: لو بفتش على ياسر نجيله...دائما قاعد وش فى اى مكان قاعد فيه ود الفاضل...
انت ام الاولاد ما قاعدة تدخل منبر الزفازيق دايا ياسر.... |
عليك الله يامني ...
منو غيري ... البدافع عنكم ...
منو غيري ... البادر وادخل ثقافة الخوف من بنات الشيخ ...
قد يكون القالب ... فكاهي ....
ولكن المعلومه بتصل للجميع ...
لكن اصحابنا ميسرة وبما فيهم بت شيخو "مني" ... جابو الموضوع عديل بدون هزار ..
يمكن ده الخوفكم ...
انا زاتي بقيت ارجف ...
يعني بت شيخي لو مابتقرأ البوست ...
انا فاتح ليها بوست تهنئة بالولاده واعتذار للعزاء في عمها ... ليه ...
بالمناسبة يامني ...
مادخلتي عزيتي ..... منتظرنك
==========================
كدي جيبي .. زوجك يامني ...
خلينا نسمع الرأي منو .... مباشرة
شادي ... جايك بعد ما مني ... تبتسم ...
هو الداير يعرس منتظر ... بوستاتكم دي ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ياسر نجيلة)
|
مرحب بالناس التمام منى عباس
أتذكرك يا منى بأنك كنتي إنسانه دمك خفيف
ومن ضمن أفضل الناس ولكن نسيت موضوع خالي والله
ممكن تتكرمي وتذكريني !!! أنا فاكر زمان زميلتنا سميرة السماني
بتناديني بود الشيخ وكنت مسميها بت الشيخ ودحين المفاهيم إنقلبت لهذه المعاني
ونتشرف جداً بالتعرف على زوجك وبعدين ما تخافي موضوع ود الفاضل ده موضوع إتولد ميت
أنحنا دورنا نقلنا الموضوع بحضور 13زقازيقي ومن بنات الشيخ الزقازيقيات ، منى يونس ،
مزار زوجة الزقازيقي أحمد السيد و هلا ايوب .
يا شادي إنحنا فاهمين الزول بتاع ياسر نجيلة بتاع الهند يطلع منو ،،،
أنحنا نبارك ليك لأخونا بالزواج وعقبال لصاحبك بتاع الهند العرس والبيت
ومن البوم صور ود الفاضل بلازا.
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني عباس)
|
الاخت الغالية الصغنونة
منى عباس
تحية وإحترام
خليني أول واحد واقف في الصف
صف الناس البتتشرف إنها تتعرف بي زوجك
عليك الله قولي ليهو واحد إسمو كمال الشادي عايز يتشرف يتعرف بيك
شوفي منى مرة هنا شلة اصحاب في الرياض بنتكلم في نفس الموضوع ده
انا وصديق لي هنا لنا رأي واحد في الموضوع ده
لكنه عبر عنه بطريقة اعتبرها بليغة جدا
صديقي ده عندو اربعة بنات واكبرهم ولد
بيحب بنتو الصغيرة جدا واسمها نادين
قال لي هسي مثلا تصحى نادين من النوم تسال وين بابا
يقومو يقولو ليها بابا عند المرأة التانية
وعشان شنو امشى للمرأة التانية واخلى نادين بنتي
عشان أكون انا مبسوط أني راقد جنب مرأة تانية
قالي لي : مهما كانت ومين ما كانت المرأة التانية دي
انا اكيد راح اكون زول صغير جدا قدام بنتي نادين
وأكيد راح اكون شخص مش محترم قدام نفسي
العزيزة منى
تناول كل الناس في البوست ده هنا هو للهزار وللضحك
تصدقي انا كلما أكتب حاجة قوية بتصل احيانا بياسر نجيلة في الامارات عشان يرد عليها
وهو كمان
بس عشان نضحك
لكن إنتى أخدتي الموضوع بشكل جاد وكأنو الناس لابسا عمم وماشيا تعقد
أنا اعرف حياة اغلب المتداخلين في البوست ده يامنى معرفة شخصية
وأكاد اجزم إنهم بيحلفوا بأولادهم وزوجاتهم
وهم آخر من يفكر بشكل جاد في موضوع الزواج
لكن عشان نضحك ونهزر بس
عني انا يا منى
انا شخصيا رغم إنو الزواج من أتنين وثلاثة واربعة حلال
لكني لا اقدر ان اتصور كيف يكون الرجل مع زوجة
وبعده مع تانية
احس انها خيانة
لا يعرف قيمة زوجته ألا من أغلق حياته عليها وعاش متأملاً فيها
ليست المسألة مسألة جمال
إنماجمال الحياة لا يتأتي إلا بزراعة الاطمئنان والطمأنينة في الحياة
وهذه تعطيها المرأة في البيت للحياة
وتستطيع المرأة ان تعطي مثل هذه المعاني السامية والراقية وهي تفتقد الاحساس بالامان
من رجل
عينو زايغا
حتى لو كانت بالحلال
انا شخصيا
احب حسناء زوجتي جدا
المها هي والاولاد لاغني لهم
هي تعرف وتثق اني لايمكن أفكر في انسانة غيرها
بأي صورة من الصور
ودي هي الحقيقية الانا مصدقها وبعيشها
ولو في حاجة تانية من شدة الشفافية البينا
هي راح تحس بيها
الله لا جاب حاجة تانية والله تالتة
انا اتعجب من راجل يقول لي زوجتو إنتي حبيبتي وأنتي تاج راسي
ويمشي تاني ليلة لي واحدة تانية عشان يقول نفس الشيء
انا شخصيا ما بقدر اعمل كدة
وأزيدك في الشعر بيت ما بقدر اتفق مع واحد ممكن يعمل كده
ارجوك منى
عايز اتعرف بي زوجك واتشرف بي كده
تحياتي للاولاد
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
| Quote: حالتى عايزه اعرفكم على زوجى..لكن مادام جابت ليها (مثنى وثلاث و...) بعيد... بعيد |
عليك نور.....
عارفة يا منى عباس
أولاً زوجك دا ما تخليهو يجي يشوف العك البي جاي
تانياً صحبة ميسرة و ناس كمال الشادي في الزقازيق و إنتهت
سمعتي بي الناس البتلوث الأفكار و غسيل المخ؟؟؟
من غير ذكر أسماء
ديل ناس ود الفاضل و ناس فلان و فلان
بالمناسبة إنتي ما دفعت إشتراك العضوية بتاع 7 شهور
طبعاً أنا الناطق الرسمي بإسم بنات الشيخ
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد آدم النور)
|
يا شادي يا شفافيه مذهلة ووضوح صريح
وأنا بالإنابة عن أولادك وعلى رأسك أمهم
أمتدح فيك هذا الإحساس بالوفاء وأعتقد هذا
حال معظمنا وربنا يدوم المحبه ،،،،
في حاجة مهمة جداً فاتت عليك يا شادينا
تعريف محمد الفاضل بنفسه قال من مواليد 1959م
الزول العجوز ده بيكون قاصد مواليد 1946م قبل
خروج الإنجليز ولا أنا غلطان ، والله أنحنا لقينا لينا
فرصة في زول أكبر مننا خصباً عنه ونضري في عشينا .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
العزيزة منو
شوفي يا ستي
انا شخصيا
كمال محمد الحسن أو كمال الشادي
لايمكن يكون واحد زي ود الفاضل قدوة لي في موضوع زي ده
أتمنى من كل قلبي إنو ود الفاضل بيكون بيقرا في كلامي ده
عشان يستفيد
هو وزوجاتو الثلاثة
لان الاختلاف في المواضيع دي بيخلي كل الاطراف تستفيد
اقول انا بالنسبة لود الفاضل امثل الجانب البيسمع بيهو ولايمكن يعرفو
يمكن بيشوفو قدام عينو لكن لايمكن يعرفعو أو يحسو أبدا
الرجل البيحب مرتو وبيختها فوق راسو فوق الناس كلها فوق اهله واهلها
انا يا ود الفاضل نوع الرجال البيفاجأك في السودان وفي وسط زحمة كل الناس البتعتقد إنو سلوكياتها متحفظة
ومحتشمة ومؤدبة انا الراجل البيفاجأك أنو خاتي إيدو فوق كتف مرتو وماشي بيها أو ماسك يدها قدام أبوها وأهلها
انا ياود الفاضل البترجم الغنا الجميل البيغنوهو المراهقين لي سلوكيات راقية مع زوجتي
انا يا ود الفاضل كمال الشادي الببوس يد مرتي في اليوم ثلاثة وأربعة مرات قدام أولادو
عشان يعلمهم معنى الحب
وانا متزوج لي اربعاشر سنة
انا يا ود الفاضل
لازلت زي ماكنت في الشهر الاول من الزواج مابدخل البيت يوميا إلا وشايل لي زوجتي هدية إنشاء الله صباع شكولاتا بي ريال واحد
المهم هي تنتظر إنو كمال يدخل عليها ومعاهو زي ما بيقولو المصريين حاجة حلوة
انا لي الليلة يا ود الفاضل قبل ما ادخل بيتي بقعد في العربية
بسرح شعري ( دي طبعاإنت ما معانا فيها )
وبتعطر
واصلح شكلي عشان لما ادخل البيت حسناء تشوفني زي ما تحب هي
اقسم بالله يا ود الفاضل لي صديق في المكتب سوري في سؤال بيدور في ذهنو من فترة طويلة
وهو
مين المرأة اللي أنت كل يوم بتكلمها قبل ما تبدأ الشغل حوالي نص ساعة وانت منتشي ومبسوط
وسألني يومها وانا احدثها الصباح
( إنت مغروم ؟ ) يقصد بتحب واحدة
قلتو ايوه خد كلمها
واديتو السماعة
كلم حسناء زوجتي
ما بعرف استفتح يومي في الشغل الا تكون هي الاستفتاح وهي بشارة الصباح
انا كمال الشادي يا ود الفاضل
تحياتي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
لايمكن أتصور نفسي
انا البغني وبصور المشاعر الراقية للناس
با قلب انا كنت قايلك تبت من تعب السفر
وكيف يهون عندك خصامي
ويا ضنين الوعد
وحاتجي البت الحديقة
اقوم انا ذاتي أجي آخد معايير أختيار الزوجة من ود الفاضل
يا ما معقولة
كبيرة جدا دي
وما بتظبط
انا متأكد
الرجل ( الحميري المشاعر )
( أفهموها براكم )
لايمكن لهذا النوع من الرجال أن يفهم أجمل مافي مشاعر المرأة من دقة ورقة ونبل وحلاوة
لايمكن أن تكون معايير اختيار الزوجة بالنسبة لي انا
يعطيني لها واحد متزوج ثلاثة وبيفتش على الرابعة
أكيد حتى في المعايير الحسية للاختيار انا أرقى منو وافضل منو
انا عندي زوجة أصدق وبقوة أنها تسوى
كل نساء العالم
وافتخر بذلك
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
والله ان زول متعب جدا
Quote: يا منى يا أختي
سمعتي بي لاعب كورة نيجيري إسمو مكناكي؟؟؟؟
و لا أنا...... يعميني و يطرشني |
لا عاجبك العجب ولا الصيام في رجب
مرة سمعت صالح كامل بيتكلم في التلفزيون وقال
انا لو موجود في اي مكان في العالم بستفتح يومي بي صوت امي
يعني بضرب ليها تلفون واسمع صوتها
عشان باقي يومي يكون (ناجح)
عجبتني الفكرة
فترة طويلة من الوقت كنت بعد ما انزل الاولاد في المدرسة
اول حاجة اعملها وانا في العربية اصبح على امي في السودان
مكالمة دقيقة او اقل من كده
صباح الخير يا امي وكيف اصبحتي وسلام
هسي يا جلا امي معاي في البيت
آخر حاجة بعملها قبل ما اطلع للشغل بديها ملخص للحاجات المهمة الراح تحصل اليوم في الشغل
عندنا اجتماع زبالة
عندي موعد مع واحد ثقيل جدا
عندنا صفقة مهمة جدا
عندي مشكلة مع واحد راح تتحد بناء عليها حاجات كتيرة
ادعي لي يا حاجة اليوم ده يكون ظابط
وامشى الشغل
لما ارجع تسألني
وردي في كل الاحوال واحد
وبيفرحها جدا
بقول ليها
شوفي يا أمي إنتي قبل ما ترفعي يدك للمولى عز وجل عشان تدعي لي
والله تحركي عضلات قلبك عشان تدعي لي
ربنا بيستجيب لي دعائك
واموري كلها كويسة والحمد لله
لما أمشى الشغل يا جلا
أول حاجة بعملها بتصل بي حسناء زوجتى
صحيح في كتير من الايام بتكون مكالمات رسمية عشان اعرف اخبار في البيت امبارح ما عرفتها
او نخطط لي يوم الليلة
لكن خلاص دي بقت عادتي
لو ما أستفتحت يومي بصوت حسناء زوجتي
بتكون في حاجة ناقصة
وإتعلموها بأأأأأأ
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
Quote: ادعي لي يا حاجة اليوم ده يكون ظابط
وامشى الشغل
لما ارجع تسألني
وردي في كل الاحوال واحد
وبيفرحها جدا
بقول ليها
شوفي يا أمي إنتي قبل ما ترفعي يدك للمولى عز وجل عشان تدعي لي
والله تحركي عضلات قلبك عشان تدعي لي
ربنا بيستجيب لي دعائك
واموري كلها كويسة والحمد لله |
بالمناسبة دي كلها قاعدين نسويها
و أنا ماشي أي سفرية
طوالي إتصال لي دعوات و عفو عاااام
و تعال أسمع يا دعوات ...يغني عليها كمال الشادي ذات نفسو
ومكنة زي دي .... تقسم زي الترتيب معاي
المكنة التانية لأنو الشيالات تقيلة و الجربكس مرات بعضي
بنقوم نسايسها بشويش عشان نكف العين
لكن المحلبية لمن بتكون كتيرة ...
بنجيك ناطين زي كدا
المهم المحلبية الكتيرة شوف ناسها وييين
موسى عيسى أو منصور ولا أقول ليك نجيلة ينفع؟؟؟؟
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
جلا
تصدق صنفتك تبع
هرشا دوت كوم
لمن تجي المشاعر الحلوة والجميلة عن الام تكون اول واحد
لمن نتكلم عن الزوجة كلامك يبقى مكنات وتلميحات
يا زول انت هرشا دوت كوم
بس الهرشا المرة دي مش هرشا من بت الشيخ
لا يا الحبيب
الواحد لمن يزوغ نسميهو هرشا دوت كوم
ايا كانت الزوغة
لمن الموقف يتطلب نقول
نقول
قصدي نعبر عن مشاعرنا
ولما عبرنا يقى زغنا
والله رايك شنو
هاك القصة الظريفة دي يا جلا
مرة داخل في نقاش زي ده مع ناس المنبر الحار يمكن تلاتة شهور يوميا
لمن بقو يتصلو علي تلفونيا من السودان
وصلنا إلى انو التعبير عن المشاعر حاجة مهمة ولذيذة وبتدي الحياة ابعاد
قمنا عملنا مسابقة
قلنا خلال الاسبوع الجاي
كل المشاركين في البوست مطلوب منهم إنهم يقولو بحبك لكل من
الزوجة
الاولاد
الام
تعال شوف جنس قصص جميلة
واحد مهندس جاتو سفرية للغرب
قال دي احسن فرصة اقول لي امي بحبك
قام رفع سماعة التلفون وقال ليها يا أمي انا بحبك
امو قلبت الدنيا
الولد ده اكيد حاصلا ليهو حاجة
الولد ده اكيد تعبان
شوفوهو مالو
واحد تاني وهو صاحب البوست
قام قال لي زوجتو بحبك
قالت ليهو تعال دغري عايز شنو
وزوجتو مهندسة وبتشتغل مقاول
قام هو علق وقال
اخلاق مقاولين
واحد تالت قال لي ولدو الصغير انا بحبك
اكتشف يومها انو ولدو ينبوع مشاعر وحنان وهو ماكان عارف
ودي كانت اجمل مافي البوست واجمل مافي المسابقة
الولد قاليهو وانا كمان يا أبوي بحبك جدا وشايفك اعظم ابو في الدنيا
انت بتتعب عشانا كتير جدا يا أبوي
وعشان انا بحبك لازم اكبر بي سرعة واساعدك
لو رجعت لي المنبر الحار
البوست أسمو لو ما كنت سوداني
تحياتي
يا هرشة
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد آدم النور)
|
Quote: واحد تاني وهو صاحب البوست
قام قال لي زوجتو بحبك
قالت ليهو تعال دغري عايز شنو
وزوجتو مهندسة وبتشتغل مقاول
قام هو علق وقال
اخلاق مقاولين |
و الله بالغ عديييييييييل
زولك كب المحلبية كتيييييرة لمن غلط
أها زي دا
المكنة زي دي ما بتقسم معاي أو مع بت الشيخ زات نفسها
بالدغري دي كيفتني في حناني
لكن عليك الله بعملوها كدا طوالي
زول ما خش الثانوي
يعني من الأساس لي سنة رابعة جامعة و كمان خريج
و دي تجي إزاااااي يا مرسي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
العزيز الطاعم جدا
ابو الجل
جلال عثمان
Quote: يقيني ان حياة كهذه ... تطّول العمر ... وتمنحك كل شيئ
كل شيئ ...
|
ليس هناك سقف لحب الزوجة
ليس هناك حد لحب الزوجة
ليس هناك حدود للكرامة والزعل و ( الانا ) و ( والانت )
بين الزوج والزوجة
فيروز قالت حبيتك في الصيف
حبيتك في الشتتي ( دي مكسورة باللبناني مش بالشايقي - الله يجيبك يا مقطوع الطاري )
لازم تحب مرتك في الصيف وفي الشتي وفي الخريف
وتخلق ليها فصل خامس تحبها فيهو براك وبراها
بي كده فعلا يا أبو الجل تحس إنو عمرك قاعد يطول
في محبة إنسانة تستاهل
احيانا يعدي إسبوع كامل مرتي تكون مطنشاني
لمن اعاين مطنشاني ليه
القاها مشغولة بالعيال وتدريسهم أو داخلين على إمتحانات
اقول اذا انا بعتبر اولادي هم اهم شيء في حياتي
وحسناء مقضية كل وقتها عشان اهم حاجة في حياتي وهم اولادي
فهي أهم من اهم حاجة في حياتي
في اللحظة دي بحس إني موزون جدا ( اوعى تفهمني غلط )
موزون يعني الحاجات في جواي قاعدة صاح وموزونة
وبجي قدام العيال وهي بتدرسهم ابوس ليها راسها
عشان يعرفوا انا بقدر امهم وبحترمها وبحبها
تاني تجي تقول لي ود الفاضل
قووووووووووووم بلا ود الفاضل بلا عرس
يا منى عباس وين زوجك العايزا تعرفينا عليهو
خلاص قدمنا السي في بتاعتنا واكتر من كده ينط علينا جلا
ويعملا ليك محلبية وسرتية والقصة تجيب ليها بعد شوية دلكة ودخان
تحياتي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
إحتفال
و
دعوة خاصة
( عايزا ليها صورة فوتو شوب كاربا من محمد عيد )
إحتفال
و
دعوة خاصة
نسميها
( بان وعليك الامان )
الدعوة موجة للزوجات بناتنا بنات الزقازيق
بانو وعليكم الامان
فاطنة السمحة غلبت الغول الشين ( دي برضو دايرا صورة كاربة يا محمد عيد )
الاحتفال
عايزين نشيل بناتنا بنات الزقازيق والزوجات المصونات اليوم فوق راسنا من فوق
ونعتذر ليهم بأننا ( خرمجنا شوية ) وكان قصدنا الهزار والضحك وبس والله
في حضرة الضيف محمد الفاضل
والدعوة للظهور والكتابة والمشاركة موجهة لكل من :
1- منى عباس
2- نجاة الحوفي
3- زينب التيجاني
4- منى يونس
5- عائشة صلاح الدين
6- سناء الصباغ
7- عرفة محمد سعيد
8- كثر داؤد
9- عفاف على ميرغني
10- حنان مجمر
11- د نورا كرم الله
12- مشاعر بدوي
وأي إسم تاني نسيتو انا بعتذر لمن تقبلوا الاعتذار
اهم حاجة بانو وعليكم الامان
وأثروا لينا الساحة وخلونا نتبادل خبرات حياتنا مع بعض
و
التوبة لي حبوبة
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
ياكمال الشادى عقدتنى عديل...انا ذاتى بهزر....قرايت المداخله بتاعتى 10 مرات...
عذرا...باين العيشه مع الخواجات خلت الواحد بقى لايعرف الحد الفاصل بين كتابة الهزار.. وكتابة الجد..فمعذرة..
احييك...وتعظيم سلام...لرجل يحمل كل هذة المشاعر الجميله لزوجته..ليس هذا فقط بل يقيف ويهتف بريدك ياصباح عمرى...على الملا الاعلى....
زوجى له عظيم الشرف بالتعرف عليكم....
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني عباس)
|
مرحبتين حبابك العزيزة منى عباس طلتك أفرحتني
ومشكوره يا حبيبة ،،،،،
الأخوة المتداخلين جميعاً موضوع محمد ا لفاضل أظهر كثير من معادنكم
النفيسة والناس تدردش ، علشان كده بنات الشيخ كلهم نايمات مطمئنات
وغير مكترثات لا مشروع ود الفاضل ولا غيره .
سعيده جداً بالتفاعل البناء لكل المداخلين حباً وفكاهة ودعابة
وفوتو شوب .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني عباس)
|
| Quote: ليس هذا فقط بل يقيف ويهتف بريدك ياصباح عمرى...على الملا الاعلى.... |
أنا من قبيل أقول الزول دا مكناكي
و المكنة ما قسمت
و المحلبية تقيلة
و الحنك دا ما سنين
و نحن ما دقوسة
والجربكسي تقيل
و الشيالات عاضة
تجي براحة و في غفلة ياكلو راسك
| Quote: زوجى له عظيم الشرف بالتعرف عليكم.... |
و أنا أبري نفسي من هذا المخطط الفاضلي
و أعلن على الملأ
ألا هل بلغت
ألا هل بلغت
غايتو زول ما يكب ليهو محلبية
موسي طوالي يصدق
عالم هنااااااي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مني يونس)
|
Quote: مش إنت الوكيل الشرعي بتاعنا
وبالمناسبة إنت لحدي هسع صاحي مالك الساعة دحين 12ليلاُ عندنا |
أولاً شكراً جميلاً و تحياتي تسبق أشواقي
ثانياً و بما أنني الوكيل الشرعي
فأنا صاحي للمخطط الفاضلي و الدفاع المستميت لكنَّ
لكن الزولة منى عباس دي
براك شايفاها شايلا حمار نوم و لا شنو؟؟؟؟
تصدق في ود الشادي دا
تحت تحت أشتاق إلي الخرطوم عاصمة السودان
أو هكذا أقول
| Quote: بالله لمن ترجع من بورتسودان أدخل معاك على كسلا وسلم على الوالده |
الوالدة تبعد مسافات طوال
فهي الآن بمدينة نيالا ....تشتاق إليَّ كما أنا
سلامك يصلها ولا شك
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
مني عباس سلامات ....
في السعودية هنا الراجل لمن يكون عنده مرة تانية لا يحق له استقدامها باقامة .... يعني ممكن يعمل ليها زيارة تلاتة شهور ... وتاني تلاتة شهور ... اها في بلد الخواجات المسالة دي مسموح بيها وكده .... يعني الزول لو عنده مرتين صحي بيدوده السجن .... عشان نشحن ليك كل ناس الزقازيق لكندا ... وتاني ما يجيبوا سيرة العرس ....
يا جماعة زمان قالوا السواي ما حداث ....
| |
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد آدم النور)
|
حبيبنا ود الشادي ...
كلنا نهنيك من أعماق قلوبنا ... لهذه الشفافيه والبوح الصريح ... بحب الاولاد وامهم
بس انا اختلف معاك ... كثيرا
بان الزوجة الثانية والتالتة وحتي الرابعة
مش بالنظرة ... الفظيعة التي اطلقتها ... "حماريه العلاقة"
لكل ظروفه ... ومعتقداته ... نحترمها بدون تجريح ...
اعرف كما كبيرا يعيش في توازن وحب ... لزوجتين او اكثر
المريضة ... والتي لاتلد ... وعدم التوافق ...
دفعن ازواجهم للزواج باخري بكل حب واحترام ... وعاشو متوافقين برغم التعدديه ....
==========================
شايفك كشفت ورقك ...
وفكيت آخرك سريع ...
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ياسر نجيلة)
|
نجيلة
التحية والاحترام
Quote: شايفك كشفت ورقك ...
وفكيت آخرك سريع ...
|
ما فكيتو سريع ولا حاجة
شايف منى عباس
بدت تجهز في المظاهرة
فلانة مافي وعلانة مافي
وانا ما راح اجيب زوجي اعرفو عليكم
وصاحبك جلا قعد يمحي فيها ويقول ليها ناس ميسرة وكمال الشادي
فقلت لا يا حبيب نوقف الشغلانة لغايةهنا نحن قاعدين نهزي
صحيح الهزار تقل شوية
لكنه في الاخر هزار
ولو دايرين الجد
نديكم الجد
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
يحلو الحكي مع ود الفاضل بلازا
ومن التحف القصصية التي حكاها في جلسة الساوث مول
كان لديه صديق أبوه حاجز ليهو بنت عمو علشان الزواج
وصديقة عامل علاقة عاطفية مع زميلته في الجامعة وبعد التخرج
والعمل فكر في الزواج وعرض على والده الأمر الذي أصر على بنت اخيه
المحجوزة ومقفوله علشانه فقط ،،، ووقع صاحبنا في حيرة من أمره كان لزاماً
عليه أن يرضي والده وفي نفس الوقت تلك المسكينة التي إنتظرت حبيب العمر
لعدة سنوات والراجل إتصل بمجموعة محمد الفاضل للأنكحة وكانت إجابة محمد الفاضل
سريعة جداً بأن يتزوج الإثنين وإنتهت القضية ولكن صاحبنا صعق وزعل وترك ود الفاضل
وبعد عدة أيام رجع وأخبر بأنه إستحسن الفكرة وأقنع بنت عمه ولكن لم يستطع أن
يقنع الحبيبة وتولى ود الفاضل المهمة وأقنعها بزاوية حرجة بأن عمرها حالياً
ثلاثون عام تقريباً ولو إنتظرت علشان تبدأ حياة جديدة وتنتظر ود الحلال المشوار
طويل والعنوسة، أخيراً إقتنعت وتزوجهم في يوم واحد وفي حفلة واحد وكوشة واحده
وود الفاضل كان الوزير .
وفي شهر العسل كانوا ثلاثة ورابعهم محمد الفاضل وأنزلهم في فندق واحد كل واحدة
في غرفة منفصله ،،،،
يا جماعة مغامرات محمد الفاضل دي ما ليها حدود ولو عايزين زيادة ما في مانع!!!!
يا كمال يا شادي بالله الزول ده معقول يعرس إتثنين في يوم واحد وفندق واحد
بالله الناس دي بتقسم (تقسيمة جلا) مشاعره كيف؟؟؟؟؟؟
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
رغم ثقتي العالية جدا في زميل الايام الحلوة ميسرة
الا إني في من امري ان اصدق او لا اصدق القصة السابقة
خصوصا
اني والاخ ميسرة كان بينا تلفون طويل هذا الصباح
قلت لميسرة اني اضع كل ما كتبه في خانة الهزار والضحك
ولكنه اخيرا اقنعني بأن ود الفاضل فعلا
شايل البوم صور يعرض صور العروسات المقترحات للعايزين يعرسوا
وكمان ميسرة اكد لي ان هناك بيوت تعطي للعرسان في الخرطوم
----------
لحدي هنا والهزار إنتهى
---------
في شنو يا أخوانا
معقول السودان اتغير للدرجة دي ونحنا ما حاسين ولا عارفين
رجال شايلين البومات صور يعرضوا الزواج على رجال متزوجين
بيوت جاهزة ومفروشة تعرض للعرسان
من يمول تلك البيوت
هل هي مؤسسات تابعة للدولة
واذا صح ذلك
ما هي مصلحة الحكومة في مثل هذا الطرح
والشباب يشتكون من العنوسة قبل البنات في السودان
في هذا الوقت يأتي ود الفاضل ليعرض الزواج على زملاء الدراسة
ما الذي يحدث حقيقة
يا ناس السودان افيدونا
في شنو
على ما اسمع ان هناك اشكالا جديدة للعلاقات صارت تفرض نفسها على السطح
بين البنات والاولاد في الجامعات تحديدا
زواج مسيار وزواج متعة وزواج فريندز وزواج مش عارف ايه
بيت المياقوما لم يعد يستوعب اللقطاء
والفاحشة ( على ما نسمع ) اصبحت من ثوابت الحياة اليومية
والقاسم المشترك
عدم المقدرة على الزواج
في هذا الوقت يأتي
ود الفاضل
ليعرض على زملاء الدراسة
الزواج
والبيوت
اقسم بالله انا مافاهم حاجة
لو في زول فاهم يشرح لي
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
حباب كل الإخوة والأخوات المتداخلين
كان لقاؤنا مع الحجاج لهذا العام جميل
ووجود الحاج محمد الفاضل لم يكن مرتب له
إذ أن الريس قال إنه وجد هاتفه عند أخونا موسى عيسى
وبالتالي لم يكن يقصدنا بمشروعه هذا ولكن الصدفة لعبت دور
في ذلك ودردشتي معه الصحفية كان من قبيل الفكاهة والضحك وإستطلاع
رأيه القديم على الرغم من أننا فوجئنا بأنه ما زال يحمل نفس الأفكار
القديمة .
تحياتي للجميع وأشكر الذين أثروا هذا البوست بجميع مداخلاتهم الجميلة
ورسوماتهم الكاروكتورية وعما قريب لنا أسره زقازيقية (خالصة) لم تُشاهد
صورهم في هذا البوست من قبل!!!!
لنا موعد ولقاء .
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
Quote: قولي لي صاحبي الريس مضتاقين ....
وكمان صاحبتي الجميلة مشكاة .... عليك الله سلام خاص ليها ... |
مشتاقين بالأكتر ،،،،،
صاحبتك مشكاة اليومين ديل شابكه في نوال البلول
عاملة ليها برنامج واسئلة ، أختنا نوال اقنعتها بأنها teacher
يظهر مشكاة غير مقتنعة طلبت منها أن تشرح لها درس وحلت الواجب
وبعدين قالت ليها والله يا عمتو لو طلع الكلام ده غلط تبقي مصيبة
وعملتها بصورة درامية تركت الحضور كلهم يموتوا بالضحك!!!!!
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: منصور عبد الرازق)
|
Quote: اقسم بالله انا مافاهم حاجة
لو في زول فاهم يشرح لي |
يا شادي الموضوع بسيط يظهر ناس ود الفاضل عندهم
جمعية او رابطة تساعد بنات المسلمين على الزواج والسترة
وشكلهن كلهن أزواجهم متوفين (ولا أدري مين إلى بيدعمهم مادياً)
ومسألة البيت هو حقيق ولا غبار عليه ولكن يبدو بأن الملكية مرتبطة
بزمن وربما تكون هناك شروط أخرى لا نعلمها لأننا أخدنا الموضوع كله ضحك
ومن الواضح بأن ود الفاضل لم يكن يقصد ناس الزقازيق بدليل حضوره إلى
الساوث مول بدون البوم الصور وأصبح زي حوت سيدنا موسى ونبي الله الخضر
أنا عارف لو ناس هناي حاضرين كانوا مشوا مع ود الفاضل وإتفرجوا على الألبوم
| |
|
|
|
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد صديق)
|
والله يا كوتش يظهر كده وكان ما أخاف الكضب
منى يونس دي دخلت عالم الواتساب
وصارت غير موجوده في كل المواقع
داخلة قروب ناس الزقازيق
قروب شلة المدرسة (المعلمات)
قروب العائلة بالسودان ومصر والسعودية
وكمية قروبات كده مخيفه ،،،
ويبدو حنفقد لاعب كبير في هذا الملعب
كنا بنقول الفيس بوك ظهر لينا الألعن منه
ربنا يرجع كل الحبايب
| |
|
|
|
|
|
|
| |
ميسرة سيد أحمد
زهير الزناتي
مني يونس
ياسر نجيلة
محمد آدم النور
كمال الشادي
جلال عثمان
عمر المهدى
محمد صديق
منصور عبد الرازق
عصام دهب
فيس بوك
تويتر
انستقرام
يوتيوب
بنتيريست