|
|
|
 Re: ولمن فاتهم الاستماع ..... (Re: محمد عيد)
|
سلامات يا ناس
Quote: مبروك الميل العاشر ...
ويا هناى و ســعدى بتدشينه ....
|
صدِّق انا قلت اصلو ما اقلب الصفحة دى اخلى
ود حلال يجى يقلبا...شكراً وانا سعيد بتدشينك
للصفحة 10.
| |
 
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: ثم حرااام
ثم حراااااااااااااااااااااااااااااااااااام
الا يكون مثل هذا الابداع مجمّعا" ..!!
والا يكون مثل هذا الشفيف الرهيف عنوانا ورمزا لاجيال وأجيال ... |
نجيب يكتب شعراً جميلاً ...ويتميَّز بقدرة عجيبة على الإلقاء
ليتك عرفته عن قُرْب ...فهو إنسان وكفى...
سأحصل على قصائد منه وأنشرها هنا تباعاً...بس أروق.
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
يقول د.القرشى:
كان امرؤ القيس صاحب قصيدة مطوّلة عُرِفت بالمعلَّقة مع غيرها من معلقات العرب
وله قصائد أخرى طويلة ومُقطَّعات .وكان للحاردلو ايضاًقصيدة مطولة عرفت بالمسدار
مع غيرها من مسادير السودانيين علاوة على ما له من قصائد اخرى طويلة ومقطعات.
ومسداره يُعد معلقة الشعر القومى السودانى الأولى بلا خلاف.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
نواصل فى المقارنة ...
المسدار قصيدة طويلة اختلف الدارسون فى أصل الفعل الذى اشتُقت منه أهو من سَدَرْ
(صدر)بمعنى ذَهَب أم أنها مقلوب (سَرَد) بمعنى حَكَى،أم هى بمعنى (سَدَر) بمعنى نظم كما
فى اللغات السامية ( ود.القرشى يميل الى هذا الأصل ويستند فى ذلك على قول البروفسير
إبراهيم الحاردلو)( ويميل ايضاً الى أنها من سدر بمعنى استمرّ من (سدر فلان فى غيه)
والإختلاف فى اصل اسم المسدار مثل الإختلاف فى أصل اسم المعلقة..فريق يرى انها من علق
بمعنى حفظ..ويرى آخرون من تعليقها على استار الكعبة ويرى فريق ثالث انها من (العِلْق)
وهو الشىء النفيس ورابع يرى انها من تعليق القلادة على العنق.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
تعالوا نِنْجَمْ مع محمد نجيب محمد على :
بنات البنوك
بنات البنوك
حاملات الصكوك
خدم الأغنياء كما أعتقد
اللواتى يُجِدْنَ العَدد
ويُجِدن التأمل فى كل شىء ورد
ويعرفن أسماء من
يكنزون الرصيد
وفى كل صباح تراهن يحدقن
فى كل وجهٍ جديد
وشيك جديد
ومقاصات يأتى بها آخر اليوم
ظهر البريد
وحوالات تأتى معبأة من بعيد
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
وكل أحاديثهن
تدور بهن
عن المال ..عن روعة الرائحة
وكيف تَوجَّعن من زحمة الإستلام
وكيف العيون غدت نائحة
وكيف الدنانير تعدو وتعدو
لتلك الخزائن
ملفوفة بخيوط الحرير
ومحروسة بالجنود الأشاوس
كى لا تطير
ومختومة بكتاب المدير
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
نواصل الإنجمامة مع نجيب..(جلا حيقول شنو تانى؟مش عايز ينْجْم؟)
البنات يولولن فى السِّر
من نفحات الريال
من عجوز أتى يتمرجح
ذات اليمين
وذات الشمال
وترقص عكازه كالعروس
تميل بشبالها عند باب الصرافة
العجوز الذى يزدهى بالنحافة
وعمته بالظرافة
وجبته بالخرافة
وأمواله حوله تستدير
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
هو من الخطوات الأولى....التى حملتنى إلى
صهيل الحرف...
الحبيب...أخى محمد صديق ...
فى ذكرى حياة
حضرنا
ووجدناها
أبداً ...محمد نجيب
21/1/2009
هذا الإهداء الرقيق كان لديوانه الوحيد
(ضد الإحباط) ( وكل القصائد ...سبعينية)
ومعاً نقول :
مساءات التفاؤل
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
إذ....و...إذ
(1)
إذ يعشق سائح إمرأة سائحة
تنفلت خيول الهمج الجامحة
يكبر شكل الورد وتنفتح الأجراس
يُوقظ صمت الليل الحُرَّاس
تسقط عنق الفرس الخشبىّ
تزدحم الأمكنة المنسية
يحتل الأولاد النهر
يقيمون جسوراً ومعابد
ويغنون عروس البحر قصائد
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
(2)
إذ يلقى موسى بعصاه السحرية
تتلوى ـتتأود طيفاًـتنقلب صَبِيَّة
يندهش السحرة بين اليقظة والإغماءة
ينبهر جنود الفرعون فجاءة
تصمت جدران القصر
تخرج أسماك القرش من البحر
تلتهم الفرعون الكافر فى عقر الدار
ينقلب الليل نهار
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
(3)
إذ تنبت فى هذى الأرض الخطرة
من أرجاء العتمة شجرة
ينتشر الأولاد بساحات الظل الممتد
صوت الأجراس من البعد السابع يرتد
تضحك حواء فيقطف آدم احدى الثمرات
يصعدن جميعاً أعلى السموات
إذ تنبت فى هذى الأرض الخطرة
من أرجاء العتمة شجرة
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
(4)
إذ تُفتح كل محطات العالم للشعراء
تخضَرّ الأرض الصحراء
تزدحم بلُعَبِ الأطفال الورقية
تخصب أرحام الفتيات قصائد شعر غجرية
تُمنح تأشيرات خروج للشجر من المنفى
تمتد مظلات الفرح البكر على المرفأ
إذ تفتح كل محطات العالم للشعراء
يسكن وجع الطير
وتبتهج الأشياء
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
مع نجيب....
أسَفَاً...ولَمْ....
(1)
أسفاً عليك...ومن رماك؟
فى سدرة البدء انتهيت
وما اشتهاك
غير جرحك ذلك الشىء الذى ما كان جرحى
غير بوحك ذلك الشىء الذى ما كان بوحى
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
Quote: أسفاً عليك...ومن رماك؟
فى سدرة البدء انتهيت
وما اشتهاك
غير جرحك ذلك الشىء الذى ما كان جرحى
غير بوحك ذلك الشىء الذى ما كان بوحى |
يا سلام يا كوتش على الكلام الجميل...
أرجو تشجيع نجيب على تجميع أعماله الأخيرة...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
(2)
يسقط المطرُ وأعشاب السماء
وما تبقى:
الطير
والشُطآن
والعسل المُنَقَّى.
أنت من تحت سمائى لست أرضى
أنت بعضك لست بعضى
يسهر القلب ...وللقلب ابتهاج
وجبينٌ من زجاج
أنت تأخذنى من القلب
ومن هذا الزجاج
آهٍ...
ومنك...
تجىء
آه
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
ومساءات التفاؤل
حبيبنا الرشيد الزبون الحصرى...سلام
أستأذنك والمتابعين ..جلا فى الفطور امس ادانى
هرشة ...قال لى نقول ليك عايزين ننجم تجى تسوقنا
زى السواقة دى ...نخليكم تنجموا وانا ذاتى تمرين
الليلة ده ابوساعتين هدَّانى و محتاج لى نومة بدرى.
انجموا لامن اجيكم تانى.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
تعظيم سلالالالالالام يا كوتشنا الحبيب
رمضان كريم وانشاء الله تصوم وتفطر على خير
وألف ألف مبروك الترقية
انشاء الله يارب نسمع بيك في أعلى المراتب
وربنا يرفع مقامك كمان وكمان ..
معليش التهنئة جات متأخرة نسبة لعدم دخولي النت في الفترة الأخيرة
انت عارف رمضان الواحد بيكون في حالة ثانية ..
ألف مبروك تاني وعقبال مشير انشاء الله
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
وتحية ل نجيب :
وأنا أبحث خلف جدار الليل
عن الضوء الشارد
أبحث عن شىء مارد
أبحث عن حرف
يقلعنى من أسفل قاع
يرفعنى نحوك يا أرفع قمّة
نحوك يا ضوء الفجر الغارق
فى أحشاء الظلمة
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
أها مش الشِّعر ده ...خليناهو..
هاكم دى:
Quote: ـ عصااااااااااااااااااااام
يباغتك الصوت المعتاد ... رغم أنك اعتدته كل هذه السنين ...يأتيك منطلقاً كما المدفع تحس داخله ذلك التهديد غير المنطوق ...إيَّاك والتأخير .أكثر ما كان يُخيفك هو ذلك التهديد المُبطَّن المنطلق منه،
طوال هذه السنوات لم تتأخر أنت ثانيةً واحدةً لحظة أن تنطلق حروف اسمك الأربعة بعد أن تتحول إلى ملايين الحروف المنفلتة
داخل غرف وصالات المنزل الضخم بل المنازل المجاورة...وحتى الشارع.... كنت تجهد أن تستجيب قبل أن ينفلت الحرف الأخير ويلتحق بإخوته ..
الإستجابة كانت عنيفة ...تطايرت صفحات الصحيفة التى كنت تطالعها وأنت مستلقٍ على سريرك فى كل أرجاء الصالة بفعل اندفاعك والهواء المنبعث من جهاز التكييف الضخم ..وقبل أن يرتد طرفها إليها كنت تقف هناك أمامها وهى متكومة فوق سريرها الضخم بالصالة الأخرى ...كأنك تراها لأول مرة !!كل سنواتك هذى قضيتها مع هذا الجسد الضخم ؟؟
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
ياكوتش ياغناي
تحياتي وكل ايامكم هنا
انا في ملم العوني قاعد من ضحايا
انا رسلت 00وماجات قم برايا
ياود حمزه شد حيلك معايا
انا لما شفت سكرتير القضايا
الا اكسر لك كتابك والدوايا
رمضان الحمد لله الطايوق طشاش
+ زنقه عمل وربك يجيب الخير
| |
|
|
|
|
|
|
|
|
|
Re: ولمن فاتهم الاستماع ..... (Re: عمر المهدى)
|
أن هذا البوست يستحق أن يعلو و لا يهبط...
لما فيه من جمال و ابداع و ألق...
و لما يتميز به صاحبه من شفافية و سماحة...
لقد سكب الكوتش في هذا البوست عصارة فكره...
حتى يستمع و يستمتع الآخرون...
أنا أعرف ان توقف الكوتش يجعلنا نشعر بالوحشة...
و لكنني متأكد من عودته ستكون مصحوبة بكثير من الجديد المثير الخطر...
أرجو من كل المهتمين بالجمال أن لا يغيبوا كثيرا...
حتى يستمر التواصل الجميل...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
| Quote: مُغْلَقْ ......إلى حين إكتمال مسألة إعادة النظر فيه. |
طالما الأمر كما ذكر
و كما ذكرت نحن ناس إنقلابات
نقوم نحتل المركز الثقافي دا
و نجيب المعلقة بتاعت إمرؤ القيس زاتها
قفا نبك من ذِكرى حبيب ومنزل
بسِقطِ اللِّوى بينَ الدَّخول فحَوْملِ
فتوضح فالمقراة لم يَعفُ رسمهاَ
لما نسجتْها من جَنُوب وشمالِ
ترى بَعَرَ الأرْآمِ في عَرَصاتِها
وقيعانها كأنه حبَّ فلفل
كأني غَداة َ البَيْنِ يَوْمَ تَحَمَلّوا
لدى سَمُراتِ الحَيّ ناقِفُ حنظلِ
وُقوفاً بها صَحْبي عَليَّ مَطِيَّهُمْ
يقُولون لا تهلكْ أسى ً وتجمّل
وإنَّ شفائي عبرة ٌ مهراقة
ٌ فهلْ عند رَسمٍ دارِسٍ من مُعوَّلِ
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
هذه إنتفاضة رمضانية في العشر الأواخر
نسأل الله القبول
و كما ذكرت سابقاً أنني سأحتل هذا البوست
ويعود العسكر و الجيش النيجري إلى ثكناته
من سيكون أول الحاضرين غير الحاردلو
سوف اكون اول الحاضرين
.. ومرت بيّا زى شوبتينْ
وزىْ شِيتاً حميمْ .. ودفينْ
يجيكْ وكتَ الوجع .. والشينْ
يجيكْ زىَّ العديل ... والزينْ
حضرنى شعورْ
شعورْ بحضورْ
حُضور محضورْ
وسادِى الدنيا .. جايى عليّا .. زفة نورْ
.. واتلَفَتَ .. بى هجمة فرحْ .. مسحورْ
وجُوه النورْ
بَشُوفِك نورْ
شَلَح تَالاىْ
تقول مَقطعْ من الدوباىْ
بِفتش ليهو .. لى غناىْ ،
أتاريكْ .. كُتِ دِيمه معاىْ
مهاجرة .. وفى الضُلوع .. جُواىْ ،
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
سلامات يا ناس
Quote: .. ومرت بيّا زى شوبتينْ
وزىْ شِيتاً حميمْ .. ودفينْ
يجيكْ وكتَ الوجع .. والشينْ
يجيكْ زىَّ العديل ... والزينْ
حضرنى شعورْ
شعورْ بحضورْ
حُضور محضورْ |
يا سِرِّى...سلام
الدكان قلت لى أجّرتو بى كم؟
الفوق ده كلام سيد احمد الحاردلو ...ربنا يتمم ليهو الشفاء
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
Quote: يا سِرِّى...سلام
الدكان قلت لى أجّرتو بى كم؟
الفوق ده كلام سيد احمد الحاردلو ...ربنا يتمم ليهو الشفاء |
اللهم أشفه أنت الشافي
لا شفاء إلا شفاءك
أنا جنِّي و ناس أسياد البيت
و طالما أنت مؤجر البيت
مش كل كل مرة تجي و تقول لي
أها حتدينا مقدم و دايرين نزيد الإيجار
و الماسورة دي بتنقط مالها؟؟؟ و كلام زي دا
و لأن البوست في إتجاه التطرق للحاردلو
فسرت على ذات النهج
عشان ما تجي و تقول لي الحيطة البنيتها دي كسرها
المهم...
يقول الحاردلو
نحن كنا.. ومانزال لأنا نحن مـن علَّـم الغـرامَ... الغرامـا
نحن جئنا به وكـان يتيمـاً وسقينـاه نحـن عشْـق اليتامـى
نحن شلناهُ فـي البـلاد رسـولاً وبعثنـاه للعبـاد... إمامـا
نحن من أيقظ المشاعرَ في الأرض... ومن قبلُ... كانت نياما
وسنمضي إلى النهاية إنا نحن مـن صيَّـر الحيـاةَ.. هُيامـا
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا كوتش مساك الله بالخير
رغم ان عودتك خجولة الا أنها تفرحني و أنا من أشد المتابعين و المعجبين بهذا البوست...
و أنا في انتظار العودة الحقيقية و الشكل الجديد للبوست الذي وعدتنا به...
لك كل الحب و التقدير...
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
Quote: رغم ان عودتك خجولة الا أنها تفرحني و أنا من أشد المتابعين و المعجبين بهذا البوست...
و أنا في انتظار العودة الحقيقية و الشكل الجديد للبوست الذي وعدتنا به...
لك كل الحب و التقدير... |
سلام يا حبيب...
لك المعزَّة والتقدير وكل الحب...
سأكون زائراً لهذا البوست إلى حين ...ليس فى نيتى تغيير الشكل
اؤمن بجدواه كما هو ...إعادة النظر التى قصدتها هى جدوى الكتابة
هنا فى غياب التفاعل الكامل من غالبية الناس..وذلك التفاعل السلبى
احتاج إلى تقييم من المشاركين والمتابعين...ولا أسعى إلى فرض هذا النوع
من الكتابة على الناس...ما أحسّه لا أعتقد أننى أَجَدْت التعبير عنه...
مودتى لك ولكل من قال جميلاً عن الكتابة هنا.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلام ياكمندان لو سمحت شوية من تراث دارفور
تراث قومي وددت اليوم أجمعه كي ما أخلده شعرا على فرخاي
كلنكي الجبراكة حـدا لصـاحبه وآلـة الزرع بـوتين وجـراي
أبنعباط مـع الفـقـوس فاكهـة ومصادر بروتين من لحم كدكاي
ودمبل مـن صـنوف الحبس أذكره وحكومة القوم سلطان وشرتاي
| |
|
|
|
|
|
|
|
|
|
Re: ولمن فاتهم الاستماع ..... (Re: أحمد إسماعيل)
|
سلامات يا ناس
Quote: لو سمحت شوية من تراث دارفور
|
يا ابوعمر ....سلام وكل عام وانت بخير
نعاين ليك زى هلال العيد ومنتظرين جيتك الخرطوم
نجى نلقاك فى (ولمن فاتهم الإستماع ).
تراث دارفور ده ادينا منو كتير مش شوية...وهذه القصيدة
التى اوردت منها جزء صغير...طويلة ..اذكر تعرفت عليها فى
احد الاسابيع الثقافية بدار الاتحاد..وتولى شرح مفرداتها الاح
محمد الفاتح (علوم).بالله اين هذا الرجل؟
ننتظر منك بقية القصيدة التأريخ.
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: عبد الحفيظ عباس)
|
Quote: نعاين ليك زى هلال العيد ومنتظرين جيتك الخرطوم
نجى نلقاك فى (ولمن فاتهم الإستماع ).
|
حقكم علي ، لاكن ياجنابو قطعت الإجازة دي
قطعت راسي ياخي كنت شاكي مدجج بأم عمر وعيالي
والمجموعات المقبلين ليها تتمنانا فجأة ألاقي نفسي
إتحرمت من كل هذه المجموعات وأحبس حبس إنفرادي بالبيت
البقى خربة زي الراكوبة في الخريف
| |
|
|
|
|
|
|
|
|
|
Re: ولمن فاتهم الاستماع ..... (Re: أحمد إسماعيل)
|
يا جنابو
كيف حالك وازيك
وكل الناس ما زيك
شوق مطر
الدخلة دي أرجو إنك تعتبرها
إعتذار لطول القطعة والدبرسة
مباركة بي شهر رمضان رغم إنو عدا لكن الستوت شغالة
مباركة بالعيد السعيد رغم إنو عدا لكن سيرتك عيد يا عيد
----
زمان لمن كنت بشترك في فرسان في الميدان بتاع حمدي بدر الدين
كان التزود بنونية إبن زيدون
سلاح لابد منو
-----
أضْحَى التّنائي بَديلاً عنْ تَدانِينَا، وَنَابَ عَنْ طيبِ لُقْيانَا تجافينَا
ألاّ وَقَد حانَ صُبحُ البَينِ، صَبّحَنا حَيْنٌ، فَقَامَ بِنَا للحَيْنِ نَاعيِنَا
مَنْ مبلغُ الملبسِينا، بانتزاحِهمُ، حُزْناً، معَ الدهرِ لا يبلى ويُبْلينَا
أَنَّ الزَمانَ الَّذي مازالَ يُضحِكُنا أُنساً بِقُربِهِمُ قَد عادَ يُبكينا
غِيظَ العِدا مِنْ تَساقِينا الهوَى فدعَوْا بِأنْ نَغَصَّ، فَقالَ الدهر آمينَا
فَانحَلّ ما كانَ مَعقُوداً بأَنْفُسِنَا؛ وَانْبَتّ ما كانَ مَوْصُولاً بأيْدِينَا
وَقَدْ نَكُونُ، وَمَا يُخشَى تَفَرّقُنا، فاليومَ نحنُ، ومَا يُرْجى تَلاقينَا
يا ليتَ شعرِي، ولم نُعتِبْ أعاديَكم، هَلْ نَالَ حَظّاً منَ العُتبَى أعادينَا
لم نعتقدْ بعدكمْ إلاّ الوفاء لكُمْ رَأياً، ولَمْ نَتَقلّدْ غَيرَهُ دِينَا
ما حقّنا أن تُقِرّوا عينَ ذي حَسَدٍ بِنا، ولا أن تَسُرّوا كاشِحاً فِينَا
كُنّا نرَى اليَأسَ تُسْلِينا عَوَارِضُه، وَقَدْ يَئِسْنَا فَمَا لليأسِ يُغْرِينَا
بِنْتُم وَبِنّا، فَما ابتَلّتْ جَوَانِحُنَا شَوْقاً إلَيكُمْ، وَلا جَفّتْ مآقِينَا
نَكادُ، حِينَ تُنَاجِيكُمْ ضَمائرُنا، يَقضي علَينا الأسَى لَوْلا تأسّينَا
حَالَتْ لِفقدِكُمُ أيّامُنا، فغَدَتْ سُوداً، وكانتْ بكُمْ بِيضاً لَيَالِينَا
إذْ جانِبُ العَيشِ طَلْقٌ من تألُّفِنا؛ وَمَرْبَعُ اللّهْوِ صَافٍ مِنْ تَصَافِينَا
وَإذْ هَصَرْنَا فُنُونَ الوَصْلِ دانية ً قِطَافُها، فَجَنَيْنَا مِنْهُ ما شِينَا
ليُسقَ عَهدُكُمُ عَهدُ السّرُورِ فَما كُنْتُمْ لأروَاحِنَا إلاّ رَياحينَا
لا تَحْسَبُوا نَأيَكُمْ عَنّا يغيّرُنا؛ أنْ طالَما غَيّرَ النّأيُ المُحِبّينَا!
وَاللهِ مَا طَلَبَتْ أهْواؤنَا بَدَلاً مِنْكُمْ، وَلا انصرَفتْ عنكمْ أمانينَا
يا سارِيَ البَرْقِ غادِ القصرَ وَاسقِ به مَن كانَ صِرْف الهَوى وَالوُدَّ يَسقينَا
وَاسألْ هُنالِكَ: هَلْ عَنّى تَذكُّرُنا إلفاً، تذكُّرُهُ أمسَى يعنّينَا؟
وَيَا نسيمَ الصَّبَا بلّغْ تحيّتَنَا مَنْ لَوْ على البُعْدِ حَيّا كان يحيِينا
فهلْ أرى الدّهرَ يقضينا مساعفَة ً مِنْهُ، وإنْ لم يكُنْ غبّاً تقاضِينَا
رَبيبُ مُلكٍ، كَأنّ اللَّهَ أنْشَأهُ مِسكاً، وَقَدّرَ إنشاءَ الوَرَى طِينَا
أوْ صَاغَهُ وَرِقاً مَحْضاً، وَتَوجهُ مِنْ نَاصِعِ التّبرِ إبْداعاً وتَحسِينَا
إذَا تَأوّدَ آدَتْهُ، رَفاهِيّة ً، تُومُ العُقُودِ، وَأدمتَهُ البُرَى لِينَا
كانتْ لَهُ الشّمسُ ظئراً في أكِلّته، بَلْ ما تَجَلّى لها إلاّ أحايِينَا
كأنّما أثبتَتْ، في صَحنِ وجنتِهِ، زُهْرُ الكَوَاكِبِ تَعوِيذاً وَتَزَيِينَا
ما ضَرّ أنْ لمْ نَكُنْ أكفاءه شرَفاً، وَفي المَوَدّة ِ كافٍ مِنْ تَكَافِينَا؟
يا رَوْضَة ً طالَما أجْنَتْ لَوَاحِظَنَا وَرْداً، جَلاهُ الصِّبا غضّاً، وَنَسْرِينَا
ويَا حياة ً تملّيْنَا، بزهرَتِهَا، مُنى ً ضروبَاً، ولذّاتٍ أفانينَا
ويَا نعِيماً خطرْنَا، مِنْ غَضارَتِهِ، في وَشْيِ نُعْمَى ، سحَبنا ذَيلَه حينَا
لَسنا نُسَمّيكِ إجْلالاً وَتَكْرِمَة ً؛ وَقَدْرُكِ المُعْتَلي عَنْ ذاك يُغْنِينَا
إذا انفرَدَتِ وما شُورِكتِ في صِفَة ٍ، فحسبُنا الوَصْفُ إيضَاحاً وتبْيينَا
يا جنّة َ الخلدِ أُبدِلنا، بسدرَتِها والكوثرِ العذبِ، زقّوماً وغسلينَا
كأنّنَا لم نبِتْ، والوصلُ ثالثُنَا، وَالسّعدُ قَدْ غَضَّ من أجفانِ وَاشينَا
إنْ كان قد عزّ في الدّنيا اللّقاءُ بكمْ في مَوْقِفِ الحَشرِ نَلقاكُمْ وَتَلْقُونَا
سِرّانِ في خاطِرِ الظّلماءِ يَكتُمُنا، حتى يكادَ لسانُ الصّبحِ يفشينَا
لا غَرْوَ في أنْ ذكرْنا الحزْنَ حينَ نهتْ عنهُ النُّهَى ، وَتركْنا الصّبْرَ ناسِينَا
إنّا قرَأنا الأسَى ، يوْمَ النّوى ، سُورَاً مَكتوبَة ً، وَأخَذْنَا الصّبرَ تلقينا
أمّا هواكِ، فلمْ نعدِلْ بمَنْهَلِهِ شُرْباً وَإنْ كانَ يُرْوِينَا فيُظمِينَا
لمْ نَجْفُ أفقَ جمالٍ أنتِ كوكبُهُ سالِينَ عنهُ، وَلم نهجُرْهُ قالِينَا
وَلا اخْتِياراً تَجَنّبْناهُ عَنْ كَثَبٍ، لكنْ عَدَتْنَا، على كُرْهٍ، عَوَادِينَا
نأسَى عَليكِ إذا حُثّتْ، مُشَعْشَعَة ً، فِينا الشَّمُولُ، وغنَّانَا مُغنّينَا
لا أكْؤسُ الرّاحِ تُبدي من شمائِلِنَا سِيّما ارْتياحٍ، وَلا الأوْتارُ تُلْهِينَا
دومي على العهدِ، ما دُمنا، مُحافِظة ً، فالحرُّ مَنْ دانَ إنْصافاً كما دينَا
فَما استعضْنا خَليلاً منكِ يحبسُنا وَلا استفدْنا حبِيباً عنكِ يثنينَا
وَلَوْ صبَا نحوَنَا، من عُلوِ مطلعه، بدرُ الدُّجى لم يكنْ حاشاكِ يصبِينَا
أبْكي وَفاءً، وَإنْ لم تَبْذُلي صِلَة ً، فَالطّيفُ يُقْنِعُنَا، وَالذّكرُ يَكفِينَا
وَفي الجَوَابِ مَتَاعٌ، إنْ شَفَعتِ بهِ بيضَ الأيادي، التي ما زِلتِ تُولينَا
إليكِ منّا سَلامُ اللَّهِ ما بَقِيَتْ صَبَابَة ٌ بِكِ نُخْفِيهَا، فَتَخْفِينَا
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
عارف جنابو
القصيدة التحت دي بتاعة روضة الحاج
كلما احس اني شبعت منها
القى نفسي لسه عايز اقراها كمان وكمان
---
القصيدة فيها أنوثة عجيبة جداً
المعني الراقي للانوثة
القوة الكامنة في الضعف زي ما بقولو جماعة علم النفس
إنسانة ترفع كل راياتها البيض
تعلن كل إستسلامها للحبيب
وترجوه الا يغدر بها
بكل الحب والاعتراف به
والاعتراف بالضعف
تحسسني هذه القصيدة
وهذه السيدة الفاضلة روضة الحاج
بأنثي رائعة تمشي بين السطور
-----------------
في موسم المد جزر جديد
اليوم أوقن أنني لن احتمل !!
اليوم أوقن أن هذا القلب مثقوب ومجروح ومهزوم
وان الصبر كل …
وتحول لجة حزني المقهور .. تكشف سوقها كل الجراح وتستهل
هذا أوان البوح يا كل الجراح تبرجي
ودعي البكاء يجيب كيف وما وهل
زمنا تجنبت التقاءك خيفة .. فأتيت في زمن الوجل
خبأت نبض القلب
كم قاومت
كم كابرت
كم قررت
ثم نكصت عن عهدي .. أجل
ومنعت وجهك في ربوع مدينتي .. علقته
وكتبت محظورا على كل المشارف .. والموانئ .. والمطارات البعيدة كلها
لكنه رغمى اطل ..
في الدور لاح وفى الوجوه وفى الحضور وفى الغياب وبين إيماض المقل
حاصرتني بملامح الوجه الطفولى .. الرجل
أجبرتني حتى تخذتك معجما فتحولت كل القصائد غير قولك فجة
لا تحتمل ..
صادرتنى حتى جعلتك معلما فبغيره لا استدل
والآن يا كل الذين احبهم عمدا أراك تقودني في القفر والطرق الخواء
وترصدا تغتالني .. انظر لكفك ما جنت
وامسح على ثوبي الدماء
أنا كم أخاف عليك من لون الدماء !
...
لو كنت تعرف كيف ترهقني الجراحات القديمة والجديدة
ربما أشفقت من هذا العناء ..
لو كنت تعرف أنني من اوجه الغادين والآتين استرق التبسم
استعيد توازني قسرا ..
أضمك حينما ألقاك في زمن البكاء
لو كنت تعرف أنني احتال للأحزان … أرجئها لديك
واسكت الأشجان حيث تجئ .. اخنق عبرتي بيدي
ما كلفتني هذا الشقاء!!
ولربما استحييت لو أدركت كم أكبو على طول الطريق إليك
كم ألقى من الرهق المذل من العياء ..
ولربما .. ولربما .. ولربما
خطئ أنا
أنى نسيت معالم الطرق التي لا انتهى فيها إليك
خطئ أنا
أنى لك استنفرت ما في القلب ما في الروح منذ طفولتي
وجعلتها وقفا عليك ..
خطئ أنا
أنى على لا شئ قد وقعت لك .. فكتبت
أنت طفولتي .. ومعارفي .. وقصائدي
وجميع أيامي لديك
...
واليوم دعنا نتفق
أنا قد تعبت ..
ولم يعد في القلب ما يكفى الجراح
أنفقت كل الصبر عندك .. والتجلد والتجمل والسماح
أنا ما تركت لمقبل الأيام شيئا إذ ظننتك آخر التطواف في الدنيا
فسرحت المراكب كلها .. وقصصت عن قلبي الجناح
أنا لم اعد أقوى وموعدنا الذي قد كان راح
فاردد إليّ بضاعتي ..
بغي انصرافك لم يزل يدمى جبين تكبري زيفا
يجرعني المرارة والنواح
اليوم دعنا نتفق
لا فرق عندك أن بقيت وان مضيت!
لا فرق عندك أن ضحكنا هكذا - كذبا -
وان وحدي بكيت!
فأنا تركت أحبتي ولديك أحباب وبيت
وأنا هجرت مدينتي واليك - يا بعضي - أتيت
وأنا اعتزلت الناس والدنيا
فما أنفقت لي من اجل أن نبقى؟!!
وماذا قد جنيت ؟؟!!
وأنا وهبتك مهجتي جهرا
فهل سرا نويت؟؟!!!
اليوم دعنا نتفق
دعني أوقع عنك ميثاق الرحيل
مرني بشيء مستحيل
قل لي شروطك كلها .. إلا التي فيها قضيت
إن قلت أو إن لم تقل
أنا قد مضيت … !!!
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
عديت بعد اسبوع
لمن ما لقيت رد لي كوراكي القبيل داك كلو
قلت على بالطلاق
انشر ليك قصيدة
تهز
المايتهز
-------------------
مصابيح السماء التامن طشيش
محمد الحسن سالم حميد
يا جاي مارق من دخول الغيث
شرايين التراب السايقة أوردة الوطن
قشرا اليباب ... نشرا العطش
كل ما سرت قطرات درب الرحمة...
في جوفو أرتعش حال الشجر
بال العصافير الخيالها مع الدغش
مشدوه متل خاطر طفل
من ضل برش راكوبة فوق حافة حجر
واقع سجر ...واقف بعد نقط المطر
ويستنشق إحساس السحاب
بين لهفة الطين والشمس
لمت وراء ضهر الجبال
في عبها المهتوك شفق
آخر رمش في الدنيا من جفن النهار
والليل ملقيلا الطرف
سعف النخيل مال منتعش
بال الطفل يرقد على ضهر الرعد
يجمع مصابيح السماء التامنة ويطش
لو يلقى راس رسن الزمن
ديك لحظة ما كانت تمش
شان يندهش
يتمطق الحلم البعد قرب يوافينا ابتعد
لو مدت إيد كان أنجبد
يا الدنيا بي ريحة الدعاش لو تنعرش
أو تنفرش تحت الفراشات بالبرد
فوقها الوعد صادق يمش
يا غادي منك فوت كلام الشوق
من القلب الخشم بابو البلد
شقيش مستف وحدتك
سايب بنات الحلة يا كمين ولد
تسترسل الأيام بحر
قبال يقالد القيف شرد
مالك رحيلك دون وداع زي الحرد ؟
رواسي راح والجو صلاح
كارب شراع
لا أنفر للريح لا أنفرد
لليلة شان نار الصراع
لهليبا بعدك ما برد
بدلت كيف سعة الوجود
بي ضيق لحد ؟
باغتنا ريح الفجعة ليل
فرنب في جوفنا
مرابنا الصبر شال سعن الجلد
صابنا الذهول
زي التكنو قبل دا ما فارقنا زول
قبل الرسول
ولة التقول
أول قلوب في الدنيا يغشاها القدر
بعدن تضيع منو الدروب
تطمبج الساحات حريق
يضوي الفريق المشتعل
كل الفريق شوقر وراك
يا جرحنا المابندمل
لا بان وراك شهد الغنا
ولحن الحناجر ما همل
صاقر خلايا أبو الدبر
يدبن حنايا نمل ... نمل
وين ماشي يا نبض الرحيق
سايب المشاعر ريق دقيق
تحت المغنين التفل
غنياتن الورطانة أو لوطانة
في الريق المقق
حتحت ورق في طين زبل
أوصاف على جسد الحبيبة بهق ... بهق
تحت احتمالها مرضرضة
زي لعبة ما استهوت طفل
يا نهنهات متكبرتة ودنانا يترنح دغل
أوطان بتتشايح عرق وإنسانا مجبور يشتغل
ما ضر من بعد الغرق
جوف الضحية إذا أنشرق
يا سيفي هوبي على الكتل
وين ماشي يا قمر الهناء
الكرمنا عن ساعة مرق
سايب لياليك لي نجوم
واقفات وجوم .. على فد رجل
فرع الغنا الميل هنا
على مين وراك حا يتكل
والشيل تقل
شعبا يشيلوا الشيلة في ..
لكن ظروفن هل تفي ؟
تحتاج جماعة من الرجال
الكنت فيها براك تقل
دارت فليتة من الحبال
الكان بقيلا فرد حبل
الخوف قلوبنا التشتهيك
تنشق من ذاتا وتنقفل
من بعد ما أتوحدنا فيك
ننفك قبائل وننكتل
من بعد ما أتوحدنا فيك
ننفك قبائل وننكتل
وين يا زمن ؟!
يا الدنيا بالطيبين تقل
وين الطبيبو أو المتل
قول يا خيالي وماك فسل
أطهر وزيزينا يعوم
في النيل مع الصير منشغل
ولة اليقوم يوم بعد يوم
يغسل دميمو عديل غسل
ولة الوطن قال ما بنوم
إلا الفجر يا ليل يهل
ماسك وضوهو من الغيوم
السالو سيل ساعة محل
كيف الدبارة ما العمل
لما القبيلة تشيل سيوفا السوق
تبيعا على عجل
تغشى المغارات الحشيش
تاخد بخور ودخان
ولفافات سطل
ورق المواثيق إنبهل
كاويق جريح
طارتبو ريح
كيمان مقنبرة للمديح
من غير ضريح
دارت من العهر الصريح
حلقات قمار تحت النخل
والخيل مجهزة للسباق
آخر النهار فوق السهل
لما الجدل يبقى الدجل
والأيدلوجيا هي البوليس كتال كتل
ليش البلاد ما تستباح
يوماتي كل ما الليل دخل
إشمعنا يا شوقنا الرحل
إشمعنا يا شوقنا الرحل
لو صدقت زرقة غناك
والبت نصيرة سنة محل
بنت الدهب بنيانا ما فات الركب
حزنت على الكيل الكرب
بعد الرجال سكنوا الترب
والدنيا غابة وسط حريق
تصبح كرب تنمسى ضيق
قامت نصيرة تحت تعب .. برت الفريق
يا أخواتي ستات البيوت
ناولني قوت قبال أموت
دور والمعاي ما فكو ريق
طبق الدهب بي مد دقيق
دهب الجبال صافي البريق
بي مد دقيق لو كان مريق
مطفية نيران التكل ... رغم الدخان
والحلة زي المافي زول ... رغم البطان
عين الشمس زي التقول
مدشوشة أو محمرة من حرقة غضب
والليل دخل كبت الفريق
قنعت نصيرة من البلد
قنعت نصيرة من الدقيق
كشحت على كوشة الدهب
وجات راجعة بي نفس الطريق
لا رحمة غير الموت قبل
لمت عيالا على عجل
أنشهدت واستغفروا
وقفلت على روحا الجبل
كانت نصيرة بتفتكر
جوف الجبال أولابا من عيشة الوبال
أولابا من جرس الرجال
ساعة يصيب الحال خلل
والبال مو يا
كم من نصيرة اتريحت وأصبح براك
رغم الفشل والاستياء
من مسخرة هادي الحياة
بي إيد تدهده في الأجل
بي إيد تجهجه للجراح
بي إيدين تفتح للدروب
والسايقة لابد يوم تصل
يسلم حشاك تبرد غبينتك ولوعتك
طول الأزل
ويا روعتك لمن تجادل دمعتك
دايما تكون .. فوق العيون
مرحيبه بالداخل عليك
من دنيتك
عبيت مواعين الصباح
ببياض ضميرك ونيتك
بعرق جبينك وبنيتك
بالشمس ماروق الرجال
وادي الجناين غنيتك
ما كان رحيلك غير دليل
للجاي ماسك سكتك
يا المصطفى الراجح حباب
كل المدائن بكتك
يا شدو عصفورنا البسيط
كل الخلوق إتوكتك
إن ما بتبيت فوق السبيط
طول مسافة ركتك
ما خوفك صياد غتيت
لا الريح قدر يوم سكتك
عذرا ... إذا حال الوطن
بالجاتو ذات ليل بكتك
بإيدينا سايقين الزمان
ماسكين خيوطو الفكتك
يا زول يا صاح زمن الغلط
تنزف في دمك يوم في يوم
لا انصر وشك لا عبس
أيش يعنى لو سالن نقط
من كل عابر نقطة بس
يصبح شرايين الزمن
تبقى الشوارع أوردة
وجسد البلد عافية عريس
زينة عروس ... والنيل رحط
هزة صحابة بي غناك
خلي الزمن طربان يميس
نوم في كتفو القرمصيص
والكون صاحبن وانبسط
شهي المدائن تنتفض
ما تمتعض
لحدي ما آخر فصيلة من المرابين تنقرض
موكب زفافك للأرض
شهداء الوجود تنقلي ليك
محتفية بيك شوقا ربط
مركب عبر عاتي البحار
شايل خبار الهاربين
كان البشارة لكل شط
علت ابتسامتك حين هبط
مامن جواز بينات يديك
لامن ربط عملة وشنط
نية رسول إنسان فقط
ما بينا بيناتن ربط
بأسمى مبدأ وأقوى خط
ظل مطمئن
نحن الوراك ما جانا عشقك من فراغ
لا نحن غنيناك عبط
الدم رطن في يومنا داك
ماك البقصر يا وطن
وما فينا قطعا
نحن ليك ما خنا قط
قدامنا زول خطالنا خط
ختالنا قول ما منو نط
يا بلد فوق اللميليس لا تهم
لا بتميد الأرض تحتك
لا مغنيك ينهزم
مد ليك نغمو المخالف نغمة الخانو النظم
يشطب الباعو المشاعر
ويرسم الإحساس رسم
في زمن كاتم كتم
ولة تدخل زي نسيمة
زي شعاع قمرة ونجيمة
أي بيت من غير تدق
لا في إمضاء رقيب غريب
لا تراويس لا ختم
غنوة من بق المغني
في القلوب بالفال تبق
تحرق السقط التدني
وبي تأني
تمشي تفتح للدروب
المارقة منك وداخلة مني
المارقة منك وداخلة في
الداخلة فيك ومارقة مني
من بعد دا ولا يهم
المغني مع قضيتو
يقضوا أيام في القسم
كلما تنبح كلاب كلما انكشح العذاب
كلما طفح السباب كلما عانى الجسم
كلما غروه سم
كلما كان المغني كالمعاني يبتسم
على التجني ... كانوا جني
شديد بصيرة وملتزم
سديد بصيرة وملتزم
ويا المغني الماندم
يوجد غنوتو وينعدم
خاتم المغنين يا ختم
يا مصطفى الصلاة والسلام
الحب عليك يبراك وسم
يكسيك هدم ... يكفيك اسم
النخلة طالت ..
والسبيقة بعد دا لي شنو؟ التنهدم
قول للبلاد
الطلوحت عينيها في دمع السواد
قول ليها ما غنى الأسف تتأسفي
لا حض نمو على الحداد تتكتفي
عاد عودو ما ودع شهيد
البال دوام في شهيد جديد
لأيام جداد لما العوالم تكتفي
وينهض جوادها المنكفي
ذات مرة ما عرف السأم
لما البلاد صادها الوخم
صارا المبغض دغما النغم
في سجنو يتطرطق ألم
ينسف مطاميس الوهم
بي سن قلم
كل القواميس الوهم
جافا المداد
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
الليلة يا جنابو
يحلك الحلا بله
------------------
انا سمعت تحت تحت إنو بله ولا إتحل ولا حاجة
إشاعات
------------------
لما اتلامس بينى وبينك
شبق المطرة وشوق الصحرة
زلزل روح السد الواقف
بين الرؤية الفجر الاخضر
بين الليل الجرح النازف
لقيتك تغزلى فى احزانك
نار اسطورتك معبد مجدك
معبد مجدك فرح اكوانك
لقيتك تغزلى فى احزانك
اتعافيت من خدر الغفوة
صحيت ناديتك انا انسانك
فى جواك شهقت هواك
زفرت سموم الجفوة
جيتك منك جيتك
من تحبال مرساك
انا حطمت قواقعى الرخوة
انسليت من جرحى عشانك
ذاتك تلمى كمال البيعة
يلا استلى سيوف اتخبت
تحت اجفانك
حضنى عليك الترعة الواقف
زى بس حبك هو الباقى
من بركانك نبض اعرانى
غصنى بفرهد بين احضانك
يلا ادينا خريطة السكة
تمتمى لينا نشيد الغضبة
حنـبدا معاك الخطوة الصعبة
نحى الفرح الجاى زمانك
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
يا جنابو
الليلة الماسورة فاتحا تش
لقو الطشاتابس
--------------------
النص الكامل لحلم إنسان
هردت لهاتي بالغنوات ... وقُتْ يبرد حشاك يا امي
ومن التعب البلا صالح .. تفيقي .. تروقي ... تنجمِّي
تسوي مكانسك المطرة .. تضوي البيت وتنحمي
تمرقي صبوحة للجيران ... قدح فوق ايد وفي ايد أَلمْي
يلاقوك شُفّع الكُتّاب نُضاف وظُراف بلا النّسْمي
ويغنولِك ... يغنّولِك غناوي السّابْ
وفي بيّوضة مافي سراب
جبال كَجَبي وفيافي الكاب ... تميد بالخضرة منقسمي
ولا غابار .. ولا هو سحاب .. وتنهجمي
من الدّهشة وتحاحيهُن ... غناكُن نيي ... غُنا الوهمي
ويهتفوا زي كلاب الحي .. على الأغراب
حوافي الصّي وبيوضة
البراسيم فيها مفروضة
خدارا يراري شوف عيني على الأبوابْ
قماريها وحواريها وطواريها بقت روضة .. بقت تشرب من الحامدابْ
تشربي عافيي من إيديّ ... تدوي اليوية بي حشمي
تسوّي السّي وتبتسمي
تشوفي رهاب بُعُد نجمي
واشوفو قريب قُرُب نضمي
اشوف العالم التحتاني .. هيلا هوب وقف ناهضْ
دكّ عمايد الفوقاني ... جوه الُّجب رمى العارضْ
وفي السابو الدمار أفراق عريق الحب نبض قابضْ
متل قبض الحروف في اسمي
غناوينا القبيل رقراق علينا تصب برد قارضْ
أَلُكْ طيناتا من دمّي .. وارمِّلها من عصب عشاق ..
أنط تُلُّبْ واجيك عارضْ
واجر نمي
أدودي لهاتي بالغنوات ... عقب يبرد حشاك يا امي
تسوي السي وتبتسمي
تسمِّي الشعب وتعتصمي
بحبل الشعب تتفرق ظلمةً فيها تتحرق .. صُرُمةً قالوا ليك قسمي
أدودي لهاتي بالغنوات عقب يبرد حشاك يا امي
تقلبي الكلمة بي الكلمي
ضراعك يرمي ما يدمي
تقيفي بعيد عن الشمات تكوني اقرب لي من اسمي
واضمك بارتياح يا امي
أحبك صاح وصاح حلمي
ولاكي سعية للضباح ولا شمش الصباح حزمي
ولا كتف السلاح سواح ولا نزف الجراح ألمي
هيا انحزمي .. هيا انخلقي .. هيا انعتقي ..
متين مو دايرة ري تسقي
ولا في إيد النزيف نبقى ... ولا في إيد الخريف تبقي
ولا الفيضان يبضِّع بِكْ .... ولا في القيفة تنهدمي
ولا ان جات حاره تنهزمي
ولا يغشى الغلب قلبك ولا تشقي
ولا انت تخافي لا تدمي
ضراعك يرمي ما يدمي
فيا حزن البلد عوك كَرْ
ويا سعد الولد ضَرْ ضَرْ ... مع النسمي
ولي قيمة العمل عمي .. وافتحي ظلمتك للضي
سِنِّي على النضال إيدي
سوِّكي بالهتاف فمي
شوارعك لي دويها علي
اذا ما اخر العلاج الكي ... مراويدك حمر صمي
مراويدك حمر يا امي
بليلتي ولا ضبايح طي
قليلتي ولا كُتُر سّمي
وطني ولا ملي بطني
سكاتي ولا الكلام الني
سلام يا امي .. سلام يا امي .. سلام لا هكمي لا دكمي
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
الليلة يا أنا
صا صفحتك دي
إلا اقلبها ليك
---------------------
الضو وجهجهة التساب/حميد
ودَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا
يبراهُو بالسلُّوكة من ورا
والعِيوش والخير يعم يرقد رقاد
والناس تخُمْ خمّ السرور ،
وماهُو البرا
ناساً كُتار فاكرين كدِي
يومين تلاتِة ، الحالة ترجع حالَتَا
ويبنوا البيوت هُو وشفَّعوا وأم الوِلاد
ينجمَّعوا ، ويسترجعوا الماضي
وشتاتات السواد في صالَتَا
شِيتاً ضحك شيتاً بِكِي
ويبقى الخراب دا رهاب رِهابْ
عِبرة وحكاوى بتنحكي
بلدك مِتلْ كمِّين بلادْ
بدت الدقون فيها الخَتَا
نجَّس تراها المُتْرَفين
كِترتْ مواعين الفسادْ
وكان كلمة الإسلام غُتـَا
جاتْ الَلَتْ الله وشالتا
كان ظنُّو يوم يومين تلاتِة
مشى السِبُوع والتاني جا
والمُوية كلما ليك تزيد ويقلْ رجا
قوز الرمادْ الكان قِريْب فات بعيد بقى ماب تخُوجْ
قوز الرمادْ يا الضوْ فِضِلْ جزيرِة ضاربْ فيها مُوجْ
وحصار حصارْ كيف النَجَا
عاينْ البلد دي دمار دمار
فيها إيش فِضِلْ
لعبة قصب فِ إيدين طفلْ
الحِيطة وكتينا الـتقـع
تقع ألفِ وجعة على الضُلعْ
دخانه يمرق في السما
آهاتو تنزف في الأرِضْ
بحر الصَبُرْ والاحتمال
بيناتو ينقطَّع تُرعْ
لا يلقى يربُط لا يحِلْ
لا حولة يا الكتب الكراريس
المكَرِّنِة في الشتِلْ
التَخْتَة أقلام الرصاص
كنَب المدارسْ كُور يلُوجْ
باب الفَصِلْ كاسحبو موجْ
لا قوَّة يا ورق الجرائد يا المصاحف
والصحيحات المَجَخْسنة في الذِبلْ
ورافعين دواليبن بعيد طابلين خَوازِيقُن طَبِلْ
لا حولة حال ما بـتِـنـْقَبِلْ
يا مسلمين وين لي تَسابْ عشرة وتَسابْ كم وأربعينْ
دا يمِين خرابْ كمِّين سنة
يا الضوْ مِنُو الفي الكون يصدِّق
كان هِنا ليلة ذِكرْ حلقةْ مديح
دارةْ غُنا هيصة
ورقيصْ القرمصيصْ
سيرة عريسْ وحلاةْ عروسُو محَنْنَة
يا الضوْ مِنُو الفي الكونْ يصدِّق كان هِنا شُفَّعْ بيلعبوا جَمْ بَعَضْ
دِيكْ لِفّتُنْ في الدِشِّي غَبْشِي مَشكَّنَة
واللاَّ الشَتِلْ خايِفْ لها فارِدْ ضَفايرُو وحاضِنَا
فِيقْ لا تضيقْ
باتْ الفَرِيقْ بَهَجِي ومَتَمْسَحة بالمِي
وين يا الضوْ نَقاقِير الهَنا
ووِيننْ مشاوِير الفرحْ غَزَلْ البناتْ
الهُودَنَة
حَشْ البراسِيمْ العصُرْ الليلْ وَنَسْتُو
الشيْطَنَة
وعِندْ الفَجُرْ كمْ مِيضَنَة
وهَذَرْ التلاميذ الصباح
بِي جَمْ رواكِيبْ الحَلَبْ
يا الضوْ بِيُوت الناسْ حياتا مَبشْتَنة
الحِلّة كلَّها في البحَرْ
كَسَر البحرْ
ولاَّ انتَحَرْ قلبْ المياهْ
واِنكبَّ قَبَلَكْ وحْدَكْ
ضاضاك فِ بلدكْ شرَّدَكْ
نَفَدتْ قوافلْ الأغنياء وجملك على الحصْحاصْ بَرَكْ
مرتاح حمامُن في البروجْ وإنت
أب حماماً طاشْ يلُوجْ
لا سوَّى عشْ لا ركَّ رَكْ
يا الدنيا كيف مِتْقلْبِنة
تصحَى العصافير الودِيعة ،
مع الصباحْ مِتْخلْقِنَة
وشرْ الكلابْ مِتْمسْكِنة
وين نْرَّتـا وهِوْهِيوَا وينْ الليلِة غابْ
######ْ الجَنائنْ زيُّو زيْ كُل الكلابْ
######ْ الغلابَة المُسْتَغلِّينْ العَبِيدْ
الليلِة سِيدْ سيِّدْ مُهابْ
######ْ أبْ زَهانَة تَهِينُو هانة ،
مِن المهانة تقولُّو تَكْ
حُكْم اِنقلاباتْ التَسَابْ
دوَّارَة دنيا فَرنْدَقسْ
نِنْجارَى فيها سبقْ سبَقْ
نخسرْ بعض في هِينْ ترابْ
نتلاوَى عند فتحْ اللَبَقْ
فاكرين برانا أهل العقابْ
تارِي البحرْ عَوَّافِي عندُو معانا حَقْ
يا الدنيا زيْ سكْرَة وتَفِكْ
مِنْ راسُو فَكْ
بعضْ المسافاتْ اِتْلَغَتْ
الفارغِة طَنْبَجَـا والملانِة اِتفرَّغَتْ
الدَنْدَهُوباتْ زيْ بعضَ
شكل العِديدِى ورَصّها
نَفس العَنَاقْريب نَفْسَهَا
عَفَشَك دَة ،حَقْ غِيَرك تَشِك
يَدَخل فى بَالك أَلفْ شَكْ
مَا الحَالة اصلاً مِن بَعض
حكم إنْقِلابات الَتَسَاب
الدِنْيا كُلَهَا حِلّتك
تَنْضُم مَعَ اَلَفِى آخْر الَبَلَد
مِن غِيْر تَفُوتَا مِحِلّتك
تَحْكِيْلُو قِصَة تَقِصّها
إِنْ نَفَسُو فِيْهَا تَحِسّها
إِنْ مَاها فِيْهَا تَحِسّها
حَتَى الأحَاسيِس نَفَسَهَا
مَا الَحَالَة كُلَهَا مِنْ بَعَضَ
إِلا الَمَسَاخِيْت الَدِقُون
خَتَوُهَا بين أَهَلَك قَرَضَ
بالَدِيِن وبالَطِين بالَنَسَب بالَمَيكْرَفُونَات بالَخُطَبَ
بالَبَنْطَلُونَات بالَرُتَبْ فرِّق تَسُد
تَاخُدْ قَنَادِيلَك تَفُوت
وإنْكَتَلُو فِى حِزْمَة قَصَب
ويَوْم التّصُد تَلَقَى الَبِيُوت
فِى أزْيَارَهَا بَانِى الَعَنْكَبُوت
والَحِزْمِة شَاَهَد فِى التُّرَب
حَرَسَك يِظَمْبِر مِنَهَا
وفَرَسَك يكُد لا اسَيَادَهَا تَسَأل عَنَها ولا زُوْل يَرُد
أرْخِيلِى اضَانِكَ يا بَلَدَ
مَرّة اسَمَعِينِى مِن الَبَعِيد
وإنْطَارَشِينِى وللابد
فِى حَبْلى مَاتَت حلتِى
مَاْت بيْتى مَاْتَت شتلتى
لَكِنِى يُوم مَاَت إِتْولَدْ جُوَاَى
الفَ إنْساَن جَدِيْد
وانَا ذَاِتِى مِن ذَاتِى إِتْوَلدْ
وَرَتْنِى مَلَتَى مِلّتى
والمُوْية بَدَلت الوجُوه
يا بَادِى مِن بيتَكَ تَتُوه
تَضهَب ضِهِب
لَوْ بَاَبُو مَافى أو العَتَبَ
تَحَسِبْلو مِن قَوْز الرَمَاد
أو بِيْت أمِيْر المُؤمنِين
ِاللِسة حِيطُو تَسِوى رَبْ رَبْ در دَرَبْ
والَدنْدَهُوب إنْدَكّ دَكْ
هَرَسْ القَزازْ المُوية جازْ والجازْوَدَكْ
بِينُو الدقِيقْ إتْلكَّ لكْ
ضِلَفْ الدَواليب الكُبارْ عائماتْ خَشَبْ
المُكْحَلِة الكُشتينة مِيزانْ الدهبْ
ضُوقْ الغضَبْ
ضُوقْ المَذلَّة الدُسْتـَبا الناس العُزازْ
سِيدك دخرنالُو المطرْ
أمَّا إنت يكفيك الرزازْ
خدرّتَ تاني يجي الجَرادْ
أقوى الحقيقة من المجازْ
وهِنا المحكْ ..
يا أرزقي يا نسلِ حمّالةْ الحطبْ
يا مستفيدْ مِن بذَّةْ أطفالْ السوادْ الما نزلْ فوقُن ملكْ
بالسُكرْ العيشْ السمادْ
المُويَة أوْلى من العبادْ
في ياتْ كتاب دين ياتْ حديثْ يا فاجِر الله بيسألكْ
يا حَسرةْ الإتغشَّى فيك كَبَّر وراكْ جاهد جهادْ لامن هلـكْ
يا حَسْرةْ الصدَّق صلاتكْ وموعظاتكْ في الفسادْ بان الشَرَكْ
أيْواتَ ليك ايوا تلك
أيْوَة أيْوَة يا بحرْ التسابْ ما أعدلكْ
شُكراً جزيلاً يا بحرْ رغم الكَساد
بحَّتْ لنا العَفَنْ المَكرِّنْ في الزمنْ
من عهدِ عاد
والضوْ وليداً ما قرا
خرَّجتو منك باقتصاد قانون فلكْ
جَفَّ المِداد ما أعدلكْ
ما أعدلك ما أعدلكْ
بالسكَّر العيشْ السماد
المُوية أوْلَى من العباد
يا شارعْ الثورة القصاد أهلي المسالمينْ البعادْ
يا بندقيتو هِنا المحكْ
*******
وقَبَّل على القِبلة ونَدَهْ
قُبَّالْ يمد إيديه إنتَبَهْ
حِسْ المطرْ بين الشدرْ
والضوْ مع الفيها إنشَدَهْ
بَرَّة المطرْ
في الدَنْدَهُوبْ برضُو المطرْ
خَتَّ البِرِشْ فوق راسُو لكِن المطر
أوْوْوْوْ والهوَا
وراسْ تمرة فوق عَقَشْ المسكينِة
الجَرِيدْ رمَى دَنْدَهُوبا العدِّة فاتتْ بالبحرْ
بِرِشْ الصلاة اللافْحُو الهوا وإبريقْ يثرثرْ بين كَررْ
يا الله سِتَّها في السفر
والضو ينط من دنْدَهُوبُو
يا جاي مارق
من دخول الغيث
شرايين التراب
السّايفَة..
أوردة الوطن
قَشَرَه اليباب..
نَشَرَه العطش..
كُلَما سرت
قطرات درب الرحمة
في جوفو
ارتعش..
بال الشدر
حال العصافير
الخياله
مع الدغش
مشدوه
متل خاطِر طفل
من ضُل ضهر راكُوبة
فوق حافة حجر
واقع سَحر..
واقف
يعد نقط المطر
ويتمطّق إحساس السحاب
بين لهفة الطين
والشمش
لمّت وراء طَرَف الحُقاب
أخر رمش
باقِيله
في عِب الشفق
والليل ملقّيِله الطرف
طَرَف الغسق.
...
شفق المغيب..
قفا غيم بِهت
كان نفضة الريشة الأخيرة
حَمَاره
فوق لُوحة الوكت..
يا كركَدَايةَ الله
إترشق ناقع عصيره
من إيد ملاك
فوق المغارب
بي تِحِت.
كانت مراكيب
حين صلاة
والترعة قِدّامن
طَشِت
ولا المراكب
من بعيد
ودعات علي
النيل
والنخيل المتكِي
دار يقرا البَخِت..
قنّب يحِت...
قلّع زريزير
غفوتو
عضّ إنطلاقة
غنوتو
وقام منحفِت..
والكمبو
ينشاف
من مسافة
قطر بضاعة
العربجية الطيبين..
سبّابة
والمتسببين..
شعراء ومغنين الأنادي..
أنصاص لصوص..
حلب البلد..
عرب الجبال..
منسللين من لا تحت.
والريح يشيل للنيل
من هرج المغنّين
الدعايات
نشرة أخبار
الولايات..الوفيات
الملايات..العبايات
المرايات..التصاوير
التعابير
الحكايات النِكـــِت.
عشم البنيات
في الضراع
الضاع
وكت حرّ الكَفِت
زاغ الصراع ذات جمعة
قدّت من وطن
توب السبت؟!
نَقَد الحَمام
خُرجَ الوكِت
طارت لو نقطة لحظة
من مية ملح
في حلقو
مرّرت الهديل..
كَمَد الجرح..
جَبَد السكات...
لكنّو فات
وأَبي يتلفت؟
...
بال الطفل
يرقِل
علي ضهر الحمار
يجمع مصابيح
السما التامنة..
ويطش
ينكربَش الحلم
البَعَد
قرّب يوافينا..إبتعد..
لو مدّت إيد
كان إنجبد..
يا الدنيا..!
بي ريحة الدعاش
لو تنعرش....؟
أو تنفرش
تحت الفراشات
بالبَرَد؟
فوقَو الوعَد
صادق يمش.
لو يلقي راس
رسن الزمان
ديك لحظة
ما كانت تمش
شان يندهش
أو ينبرش
بين نجمة الملكوت
ونسمة رضية
من رب العرش
...
يا غادي منك
فوت كلام الشوق
من القلب
الخشم بابو البلد
لو خشّ هدهد
في رماد ما فيهو
يمرق قانقرد..
والقانقرد
بابُو الحمام
راجيهو
لمليم الطيور..
ضمة جناح..
صمّة عدد..
قادرات علي
صد الحِدَي
جاسرات علي
صقر النكد.
إيدين بِنيات الفريق
بتهدهد الطفل الرضيع
بتعدّي شيخ
دومة الحفير
تشلَخ لَبَق..
تسقي الخدير
بتعوس
وتفرك للملاح
بِتَوَرّقَ اللوبي
وتحش..
تمسك مراح
تَحَلِب..تخش
تغسل هموم ايامه
في طشت الحِلم
تنفض..تَشُرّ الشوق
هِدم
تنشل من البئر
أُم تلاتين باع
تعَتّل..
تفزعَ الطيّانة
لو ما تجدَع البّانة
بتجيه بيوت
تغزل خيوط
بتطرّز المنديل
تخيّت لي طواقي العيد
صَبُر..
بتتبب السجاج
مع الفجاج..تقوم
إيدين بنيات الفريق
بتحش تمر..
تخرت سبيط
بتعتق الدكّاي..
وتخبز للصفاح
بتكفي عيزومة
وضيوف..
بتغنّي قيدومة
وتطوف
بتهني..
بتودي وتجيب
بتحنّي..
بتدلّك حبيب
بتولّد الأمّات..
تربي علي الصلاح..
زي ماب تضمّد
للجراح
إيدين بنيات الفريق
إن داهم الحلاّل
خطر
قادرات علي
شيل السلاح.
,, .. ,,
يا..مناحته
وبلاّله
يا..رجع اللي راح
يا ود عيون..
فِرحَن..بكَن
تِرحَن يغطســِن
في الدموع..
الدنيا عامرابك تظل
وإن كان رحيلك
فرتَكَه
أو يا لسان نار الصراع
لهليبه بعدك
لو هكَع
مين شالّو شيلة
بلا اتكّأ؟
...
مع إنو صبرك..ما نفَد
برشمتَ
أو كبسَلتَ
كيف؟؟
سِعة الوجود
في ضيق لَحَد ؟
باغتنا ريح الفجعة
ليل
فَرنَب في جوفنا
مَرَابَنات الصبر
شات ســِعن الجَلَد
صادنا الذهول..
زي التكنّو
قٌبُل دا .. ما فارقنا زول
بعد الرسول؟؟؟
... ...
واللاّ التقول
أوّل قلوب
في الدنيا
يغشاها القدر
بعَدِن
تضيع منّو الدروب؟!
تِنطَمبَج الساحات
حريق
يدغي الطريق
المحتمِل
كلّ الفريق
سوقَر وراك
يا جرحنا ..
الكيف يندمل؟
ما بار وراك شهدَ الغُنا
ونَحَل الحناجر
ما هِمِل؟
صادر خلايا أبو الدَبُر
صاقر حناياه
نَمل..نمل
...
...
وين ماشي..
يا نبض الرحيق
سايب المشاعر
ريق دقيق
نهب المغنّين
التِفِل ؟
غنواتن
الورطانة
أو لوطانة
في الريد المَقَق
حُترُب صفَق..
في طين ذِبل
أوصاف علي جسد الحبيبة
بَهَق..بَهَق
تحت احتماله مَرَضرَضَة
زي لعبة ما استهوت طفل !!!!!!!
... ...
وين داجّي
يا قمر الهنا الكرّمنا
عند مغرب مَرَق
سايب لياليك
لي نجوم
واقفات وجوم
علي فَد رجِل؟!
وفرع الغُنا
الميّل هنا
علي مين وراكَ.......حيتّكل ؟
والشيل تِقِل ؟
.... ....
قَدر اليشيلو الشيلة
في
لكن ظروفن
هل تفي ؟
تحتاج جماعة من الرجال
الكنت ليها براك تقِلّ !
دارت قبيلة من الحبال
الكان يقيله فَرد حبل...
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
ياكوتش
غايتو هي ليست نظرية المؤامرة .... ولكن ما اثرته في المنبر العام جعلني اشعر بالذنب (دي بكتبوها كيف"...
ينبغي ان نتداخل هنا ليس مجاملة ولكن ولاننا فاتنا الاستمتاع بالكثير المثير ... الخطر هنا لذلك ينبغي
هي واحة ومتعة وقصدت بهذه المداخلة ان اجبرك على ان تقراء ماذا خط كيبوردي هنا بعد ان تجد هذا البوست قد افاق من "قيلولته"
قاتل الله الوقت ياكوتش ويقيني بانك تجد لنا العذر ودونك "هزلول" الذي يعاني حتى ان "كتاحة سواكن" لم تستطع ان تحرك ثباته العميق
----
كل الود
| |
|
|
|
|
|
|
|
|
|
Re: ولمن فاتهم الاستماع ..... (Re: جلال عثمان)
|
الحق معك ايها الكوتش الجميل فى كل ما أثرته بالمنبر العام ...
وفى رأيى ان الانشغال اذا كان يمنع الواحد منا من التداخل فى المنبر العام ...
لكان اولى بنا ان لا ننقطع عن المرافىء الجميلة التى نستظل بها فى منبرنا الخاص
لأنها لا تتطلب ردودا وانتظارا لردود الافعال عما تشارك به فى المنبر العام
حيث من المفترض عند زيارتنا لهذه الواحة ان يأخذ كل منا جلسته الجميلة
التى تغسل عنه كل الهموم ومن ثم يغادرها وهو فى غاية الاستجمام ...
فالعتبى لك حتى ترضى ولك من الود أجزله ...
وحتما لن نعود للتقصير والتقتير ...
| |
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
صباح الخير ،،، يا وجوه الخير
صباح سعيد يا كمندانا العزيز
فقدناك خلال الفترة السابقة وكتبنا شوقنا
في بوستنا العام وطبعاً فقدكم عزيزكم لمن فاتهم الإستماع
ولكن لم يفوتنا الإستمتاع بما يكتب هنا من درر ، يكفيك فخراً
بأن معظمنا يقرأ ما يكتب ،،، ونحن يؤرقنا كثرة الشغل والضغط العالي
الذي يمارس ضدنا،، ولكن سوف نسرق وقت مستقطع لدعم البوستات الرائعة
مثل لمن فاتهم الإستماع ، وبوست مربع كاي .
| |
|
|
|
|
|
|
|
|
|
Re: ولمن فاتهم الاستماع ..... (Re: ميسرة سيد أحمد)
|
Quote: خذ هذا المثل
ثلاث رجال حالهم ما بتسر
1- الراجل الجالس وسط الرجال بجهالتو
2- والراجل البمشي البحر ويرجع بجنابتو
3- الراجل القاعـد مع نســابتــو
بنســال ضيوف (لمن فاتهم الإستمتاع)
الأول والثاني حالهم واضحة للعيان
اما الثالث القاعد مع نسابتو ماسـببو؟ مقدما نأسف للإحراج
|
بالله ياكوتش لو أي واحد زود لينا حرف واحد ماكان تجي تلاقي الدار عامرة
لكن الظاهر (عيال ام قطية دنقرهم واحد)
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
يا كوتش يا لذيذ
انا شخصانيا , فكرة البوست الأصلية , كاسرة فينى ضلعة
وزى ما انا فاهمها , الغرض منها القاء الضوء على مواد تم نشرها قبلا ولم تجد حظها من الضوء الذى تستحق
اى ان (حمد هذا البوست فى بطنه ) , علما باننى لا ادعى ان ابو الزوز قصد هذا المعنى فى تعليقه المختصر عاليه
بمعنى انك يا كوتشينا العزيز , اول من انتبهت لن سرعة عجلة الحياة , وايقاعها اللاهث , قد يجعلنا نمر على اشياء تستحق الوقوف والتأمل , مرور الكرام
وبهذا المعنى فان هذا بوست للمتاملين فقط
والمتأملين (قليل ) , على وزن رجل والرجال-----
لهذا فان هذا البوست ينتظرك بصفة دائمة , لنك من مـاملينا اللذين نعتز بهم , وما اقلهم
هذا البوست يتطلب فوق الوقت المتسع , مقدرات تامل وتمحيص وقراءات لما بين السطور
ومثل هذه البوستات (يا كوتش )
لن نتوقع له غير الأيقاع الماهل والرتم الأكثر تمهلا
امضى فى طريقك ولا تبتئس , فانت فى الطريق الصحيح
ما اشبهك , وما اشبه بوستيك هذا الجميل , بتلك التى قال فيها (الجاهلى )
غراء فرعاء مصقول عوارضها , تمشى الهوينى كما يمشى الوجى الوحل
| |
|
|
|
|
|
|
|
|
|
Re: ولمن فاتهم الاستماع ..... (Re: أحمد إسماعيل)
|
لك ما أردت يانضيف مع التحية والتقدير
أم قطية دجاجة لها رويشات طويلة على رأسها
وعيالها هم الكتاكيت حديثي التفريخ ، يجمعهم الدنقر
وليس هناك قرينة مانعة من إرادة المعنى الحقيقي أو المقصود
| |
|
|
|
|
|
|
|
|
|
Re: ولمن فاتهم الاستماع ..... (Re: أحمد إسماعيل)
|
واحد صاحبي قال زعلان
وقال حردان
وقال مرضان
اريتو الزعلك تلم فيهو باعوضة تطلع عينو
ومعاها دستة نمل ابو ريش
زمان من كنا في وطن الجدود كان في نمل ابو ريش
قالو هسه طلعت ليهو جنحات
مالك وما الزعل يا جنابو
يا اخي حتتك دي
حتة لذيذة جدا
لو قيلت فيها كل يوم
بتكون ما قصرت في حق مزاجك ابدا
وصدقني بيتعدل تب
الله يعدل حالك ان شاء الله
تحياتي
يا اخي تلفونك اليوم اسعدني جدا جدا جد
ارجوك ما تقطعني منك
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
سلامات يا ناس
الاحباء...الريس..منص ...عيد ...رشيد
الشادى...ابوعمر...النضيف...جلال..زهير
وجلا...
شكراً على الكلام والمشاعر الطيبة..
الحديث ليس عن هذا البوست بصورة خاصة
إنما الحديث عن المنبر هو الاهم ..وخطورة
العزوف عنه كأنما توحى بوجود تيارين..انا
حريص كما الكثيرين على ان نكون كُلاّ جميلاً وواحداً
لكم الود جميعاً.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
هديه بمناسبه عوده النشاط
مسدار الضير
ود شوراني
:::::::
الضير عده من بدر اللتيمه شتاهو
من الشلخة لامن يا بس العيش جاهو
الخلانى حاتم اعود عليه شقاهو
ادعج مايقه سابل ديسه ازرق فاهو
***
قت للرابطو قلله العلوق الضير
بكرة وراى سفرا قاسى زوله بغير
خلفنا الوعد طولنا فى التاخير
من المجلس الممتاز وليله اخير
***
البارح مساهر ومايقى نومو جفاله
لامن بهرج البراق وضح شهلاله
ما دام معدن الذوق القلب هفاله
كيف يكون مقدر القود العزيزه انساله
***
بعد قفلن قهاوى منزل العذابه
قمت رسنتو حليت السخى البشابه
وزرو الليله ود الهبرب الضرابه
انا والسيف ومخلوفتى البصر كرابه
***
حبوبة ام ابو جده العزاز انسابه
من فرط نياق ود حامد الصهابه
على السمحه وظريفه وفايقه عابده شبابه
شارف الربوه الشرع كلابه
***
شديت شرحو فوقه عمله كربو متالت
غرده ومحقبه ولبب ودوايرا جالت
ست حد الصبا الفيها المجالس خالت
بتعبو عليها فارط القود بعد تتفالت
***
ختيت فوقوقام بى من بركتو مشمم
ناطح الفرقو خلى الجو على مسمم
الامياقه تجرح من غير سلاح ودمم
دا الخلانا ما نطمع فى كثير ونيمم
***
شب فوق المرى طارق زوال الوادى
ناطح الكان مشاهده وعندى منه مبادى
قت للضير بعيدا نارو راعيه فؤادى
قال لى عليهو بوريك للرسانه عنادى
***
جيت شاق المحجر يا ابو كفة فجاجه
مشروع صيد كلابو وراهو ليها عجاجه
على المن فرقو يالضير المقل لجاجه
اركز للتعب سرجك وسارو اتناجه
***
وخر ود كور سيت الخبيب فوريم
جفل يا اللربد الشاتيك جايب غيم
واقلبى اللتيب الحملو جاب دغيم
شبه الخيل ردف سبه الحمامه قديم
***
جرى عارق النقير راحل فضله يطير
رسنه موتره ومخلوفتو ليها صرير
ابوك جاب النصر يوم الجمع فى الجير
ات واقلبى الظبى الراد قفر ابو صفيفير
***
يا ابلب الختاك ظرف الرشيدى وجله
با شرف ام مصارين كالرهاب اتعله
لتيا فى السماك نزلن تعوله وتله
غردك يا المشمم دونه ما بنحله
***
وخرت الفروخ جاتك مشقه وبونه
واقل العندها ارواح الخلوق مرهونه
ما دام فوقنا عواية الصقوت مقرون مقرونه
شمش الليلة يا العنافى لا تغيب دونه
***
داك شدر ابنديب طارى يا الكتيوى السابح
جيتو مخلى سرجك فوق سراتك نابح
بريب القصيره اللى العسين بصابح
عليها الليله يا العنافى باعك شابح
***
يا البركى البراك شقيت مراعى ام ذور
وخرت التلاته وسيت رحيلك فور
على هجوم دكة الشتله السقاها التور
جريك ازعجبو قيدك والفرش والكور
***
داك شرف الطليح مرعى النعام والصيد
يا الضير جيته فى غاية الزعل والقيد
على الجارحو نحر كبد مو فريد
نفضك للسرج جاب فى قفاك قريد
***
يا الضير عد خويرات شرفهن دانيتو
عجلك بيهو بادوب العلو فنيتو
على ست الصبا الفايقة الغناء الغنيتو
سرجك صاح وجبدك للرسن شنيتو
***
جملى البدرب مرواح شند ناهبلو
فات علو شينكو والمريود بعيدو قربلو
جفيل ربد الخلا بعد الكياقى يهبلو
ساهو الجاي من ملك الزقاريت ابلو
***
وخر ود كور سيت الخبيب فوريم
حفل يا الاربد الشاتيك جايب غيم
واقلبى اللتيب الحملو جاب دغيم
شبه الخيل ردف شبه الحمامة
***
جرى عارق النقير راحل فضله يطير
رسنهو موترو ومخلوفته ليها صرير
ابوك جاب النصر يوم الجمع فى الجير
ات واقلبى الظبى الراد قفر ابو صفيفير
***
وخرت الفروخ جاتك مشقة وبونه
واقل العندها ارواح الخلوق مرهونه
ما دام فوقنا عوايه الصقوت مقرونه
شمش الليلة يا العنافى لا تغيب دونه
::::::
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
Quote: حريص كما الكثيرين على ان نكون كُلاّ جميلاً وواحداً
|
يا كوتش لا نشك أبدا في تلك المشاعر السامية...
لأنك جميل و لا يأتي منك الا كل جميل...
سنكون باذن الله كلا جميلا و لو باهتمامات مختلفة...
خليني أكلمك بصراحة...
عندما بدأت بمربع كاي لم يكن لي ناس زراعة بل لكل الناس...
و لكن فهم من الاسم انه خاص بناس زراعة و ذكريات زراعة...
و حتى الآن رغم انني أكتب فيه قصصا و ذكريات خاصة و أشياء أخرى...
الا أن الكثيرين حتى الذين يمرون عبر المنبر لا يدخلوا...
و السبب ربما يكون العنوان أو ربما لأسباب أخرى...
و لكن الذين يدخلون و على رأسهم أنت كانوا بمثابة وقود استمراريتي...
و أقول لك بصراحة يحزنني دخول أحدهم مجاملة أكثر من حزني على عدم دخوله...
فالذين يدخلون مجاملة لا يقرأون ما أكتب...و هذا محزن...
أما الذين يقرأون حتى و ان مروا كل شهر فانهم يفرحونني كثيرا...
لذلك أستمر بالكتابة و أستمتع بذلك كثيرا...و أتابع عدد القراء كل يوم...
و كلما يزيد العدد واحد أكتب المزيد حتى و ان لم يدخل أحد...
لا تعرف كم يمثل لي هذا الموقع في غربتي الداخلية...
ففيه أجد الونس و الصحبة و المتنفس أيضا...
و أفرد له وقتا مقدرا قد لا تجدونه أنتم...
فأستغل كل ذلك استغلالا تاما و أكتب كل ما يخطر ببالي...
و أتمنى فقط أن يقرأ الناس ما أكتب...
و لا أتمنى أن يمر أحدهم مجاملا ...
قد يتصور الناس ان ما تكتبه و أكتبه يأتي بسهولة و يسر...
ان ما نكتبه يأتي بعد أن يعتصر الواحد نفسه اعتصارا...
و يأتي بعد مخاض و تفاعل و لا أريد أن أقول ألم و لكن يمكن ذلك...
يا كوتش...لا تتوقف...لا تتوقف...تتوقف...
فان توقفت سنخسر نحن كاتبا عظيما و مرفأ جميلا و متكأ نضرا...
و ستخسر أنت متنفسا رحبا...
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
وصباحات التفاؤل
| Quote: يا كوتش...لا تتوقف...لا تتوقف...تتوقف... |
يا حبيب..لك الود كله
وللاحبة جميعهم...
التوقف خسارة كبيرة لى ...وهو اختناق قبل كل شىء
والمهم التواصل ...
نسأل الله القدرة على التواصل والقدرة على الحب.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
مع مصطفى محمد الحسن:
Quote: جورج
رياح تشرين
شوية غبشة عند الفجر و احساس مبالغ فيهو انو الدنيا خلاص ماشة علي الحركرك
و ارواح الناس الميتة و ماشين يداقشو
ريحة السمك الميت في حلفا القديمة
و البنات امات مساير الخلاص اتيقنو من الدرب ماسكاتنو براهن
لانو اليل خلاص ضهب درب الراجينو
لمن تحكي احزانك
و الحزن مشرور في الدروب زي وساخة يوم العيد
افلي في الكلمات زي القمل ، ما عندي اي موضوع ، قفلت معاي قلت اقفلا معاك ، الدنيا كلها بقت زي يوم السبت زمان في المدرسة الابتدائية كلها زمزمة ، ما علي كيفك ، زمان كان تهف تيك تركب البص تبيت رفاعة ، تدخل فرشتك في شرابك و يا الدرب جاك زول ، تشتهي الونسة زي آخر سيجارة كيلوباترا نص اليل ، ما اتعس الزول لما حتى الونسة تغلبو و يكوسا كواسة .
اول امس جافاني النوم بالمرة ، كملت كوابيس اليقظة ، لي زمن طويل بقيت ما بحلم ، خلي بالك الاحلام دي عندها علاقة بالحاصل لي الزول في الحياة علي طريقة هذه من تلك ، لما الزول حياتو تبقى زي حواشات الصيف يابسة برضك احلامو بتيبس .
حاولت استدعي البنات الكانن معاي من اتفكن لي طلاسم العشق ، العذبني و ملن سراب عمري حنين ، جاوبني سكات ، وشوشن لاحن لي زي قصايد قريتن في صباي الاول باهتات الا من المطلع ، لقيتن في جملتن لمة ما لاميها غير الغي ، نارن بردت ما زادني الا شرود.
كذلك مات صلاح سليمان
في الليلة الاولى في الخرطوم و انا اتهيأ للسفر الي مصر فؤجئت بان الشخص المفروض يوديني معاهو سافر بعد ان تلكأت في الحضور من كسلا ، وراسي انقطع تماما و فكرت في الرجوع و اصلي كنت متحيل ، و انا اسال في جامعة الخرتوم عن ذلك الشخص، مسكتني يد صلاح سليمان ، حكيت ليهو قصتي ، قال خلاص وصلت ، اتعشينا فول كارب في الجامعة ، و حضرنا هناك فيلم ( ليلة القبض على فاطمة ) ، و يا المحطة جاك زول ، فرشنا في الرصيف ، صلاح جاهز تماما للسفر ، طلع العدة ، المسجل الما خمج ، و زيدان ابراهيم ، سمعت ليلتها ( لو أحبك أنا ) باحساس م عادي ، كيف و انا حينها مليان عشق ، في أولى ساعات الفجر عتمني كيف اتمركز في قطر حلفا و كيف اتهيأ للمدافرة و التي سرعان ما تنقلب الى ود يطول. لما وصلن حلفا القديمة حرنت كفرس أبي الطيب المتنبئ لما قالو لي حنقعد زي اسبوع لانو الناس مكدسة و البواخر قليلة ، ما اشتغل بي حرداني ، مشى السوق جاب الاكل ، و بدا في تجهيز المعسكر في فندق الرمال . ب الرغم من انهو كان طالبا في جامعة القاهرة الا انو اصر مشي معاي حتى المنصورة و سلمني للزول بتاعي و عاد في نفس الليلة.
صلاح سليمان ما ممكن يموت ساكت كدا ، استشهد في حادث حركة عند الشوك الساعة واحدة و نص صباحا وهو في طريقه اللا كسلا للاداء العزاء في كمال رابح المحامي ، واحد من شباب الهوسا المليان استنارة و فهم ، ما قلت ليك أنا لازم أنكد عليك.
لازم و بأي طرية تكوس ( ذاكرة الجسد) المرة دي انا كنت قايلة فاجرة ساكت زي ما بقول (حاج النور)، لكن و الله طلعت جنبة خلاص ، أنا ذات نفسي الكتاب ما قريتو لكن شفت المسلسل ، اللغة عفنة عديل ، و الاحداث حديقة من التورة ، الحب و الاحلام المودة
اظني نجحت بعض الشئ في تكدير صفوك و استثارتك و هذها هو المأمول
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
Quote: رياح تشرين
شوية غبشة عند الفجر و احساس مبالغ فيهو انو الدنيا خلاص ماشة علي الحركرك
و ارواح الناس الميتة و ماشين يداقشو
ريحة السمك الميت في حلفا القديمة
و البنات امات مساير الخلاص اتيقنو من الدرب ماسكاتنو براهن
لانو اليل خلاص ضهب درب الراجينو
لمن تحكي احزانك
و الحزن مشرور في الدروب زي وساخة يوم العيد |
ياكوتش ...
اما من سبيل لمد هذا "الراهب" بمفتاح صديّ يفتح به "بيبان" هذه الحلة
فتحت او انكسر المفتاح في الآخر ستملؤنا الدهشة ...
غايتو عليك الله يا مصطفي انتا اللغة العفنة تفوتك تمشي وين ... كتلتنا ياخ ...
واهم حاجة عكرتا لينا صفو الزول الاصلو مكركر دا
يديكم العافية ...
| |
|
|
|
|
|
|
|
|
|
Re: ولمن فاتهم الاستماع ..... (Re: جلال عثمان)
|
سلامات يا ناس
جلال ...سلام
كتلتنا بشرودك القابلتنا بيهو ..
انشاء الله ما نشوفوا عليك تانى.
Quote: ياكوتش ...
اما من سبيل لمد هذا "الراهب" بمفتاح صديّ يفتح به "بيبان" هذه الحلة
فتحت او انكسر المفتاح في الآخر ستملؤنا الدهشة ...
|
عارف مصطفى ده ابن ستين لذينه فى الكتابة
والما قرا كتابات مصطفى فاتو الكتير...
مرة كان فى رحلة علمية ما متذكر فى سينا ولا البحر الاحمر
وكان بيكتب لينا كل يوم خطاب فى الدفتر بتاعو ...ولما رجع ادانا الكراس
وكانت يوميات تُضاهى يوميات ناس كتار بتلقى صورهم وسيرهم على الاغلفة الخلفية
للكتب.
شكراً لمرورك الذى دوماً يُسْعِدْ.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
آخر حاجة كتبها الرائع عبد القادر الكتيابي
بسم السلام :
ردوا السلام بس
.. والسلام ..
خلونا نهدا و نستريح
... قصر الكلام
مليون مربع ميل فسيح
لولا انقلابات الضلام
كان انفتح في كل ميل
مليون سبب للانسجام ..
مليون سبب واضح صريح ...
معروفة إنك يا وطن ...
من يوم خلقت مع النهر
مخلوق نظام واحد صحيح ..
الـ ما صحيح : هو البرضى ليك الانقسام
والـ ما بيحبك : ما نصيح .......
يا طينة الجين الطمي و يا نسمة الروح في العضام
ليك أنتمي وبيك احتمي وكيف أمدحك ! وانت الغنا و إنت المديح
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
يا كوتش
فعلا" انا فاتنى الاسمتاع
تصدق انا ولا مرة قريت ولا حضرت لمصطفى جلسة عن قرب
يمكن عشان اغبش وبجى عن طريق فندق الرمال
انا افتكرو ذى ناس ال######ان ، قلت فى نفسى عليك الله نحن ناقصين
| |
|
|
|
|
|
|
|
|
|
Re: ولمن فاتهم الاستماع ..... (Re: عبد الدائم سيد أحمد)
|
سلامات يا ناس
Quote: داك شدر ابنديب طارى يا الكتيوى السابح
جيتو مخلى سرجك فوق سراتك نابح
بريب القصيره اللى العسين بصابح
عليها الليله يا العنافى باعك شابح
|
حباب ود المهدى الغنَّاى
ياخى اعمل فينى معروف ....كان زمان عندى كتاب فن المسدار
للدكتور سيد حامد حريز...وقتها كنت بالثانوى ...وكنت حريص
عليهو لكنى فقدتو يمكن بسبب الحرص ده...
أحِنّ الى هذه المسادير...
ياخ ما ترفدنى بيها.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: ياخ ما ترفدنى بيها. |
يا ود المهدي
شيل نو الكاكي
و خلي ليهو الأسبلايت لأنو مامعروف الزمن
تعرف يا كوتش
الما قعد مع مصطفى أغبش كان أملس و ما سمع تعليقاتو
وضحك لمن إتفنقل لي ورا
عليه أن يشد لرحال إلى كسلا فوراً
و يمشي يشوف الزول لمسكون بالدهشة دا
شدة ما حكاي ....في بيت البكا.......
إلا تقوم من جنبو لزوم تكف الحرج الفي عيون الناس وبرضو تقوم و إنت مشتهيو
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
Quote: يا ود المهدي
شيل منو الكاكي و خلي ليهو الأسبلايت لأنو مامعروف الزمن
|
حلوة وملعوبة ...
Quote: الما قعد مع مصطفى أغبش كان أملس و ما سمع تعليقاتو
وضحك لمن إتفنقل لي ورا
عليه أن يشد لرحال إلى كسلا فوراً
و يمشي يشوف الزول لمسكون بالدهشة دا
|
والله مصطفى محمد الحسن مسكون بالدهشة وبتفاصيل يحسبها الجاهل بسيطة بينما هى أقرب ماتكون لرؤية فلسفية ومشاهدات مراقب للمشهد الحياتى من زاوية تمكنه من رصد كل التفاصيل ، ولديه مفرزة مدهشة ، فبعض هذه التفاصيل ينحو بها مصطفى نحو الفكاهة والسخرية ، وبعضها يؤلمه سواء لشدة روعته او لفظاظته على حد السواء ، ويملك تفاصيل ومواقف وآراء تشبهه ويشبهها ، وتصدر عنه تعليقات وهمهمات تكابد فى سبيل الخروج حتى يخيل إلىَّ أنها وأنفاسه المتصاعدة تتصارعان للخروج من هذا الجسد المكتنز شحماً وروعة .
ياكوتش ها انذا جئتك بصحبة مصطفى لعل رفقته تشفع لبعض تقصيرى ، أسأل الله فى هذه الأيام المباركات ان يكون المصطفى صلوات ربّى وسلامه عليه شفيعاً لنا يوم العرض ، اللهم أرزقنا فى الدنيا زيارته وفى الاخرة شفاعته.
| |
|
|
|
|
|
|
|
|
|
Re: ولمن فاتهم الاستماع ..... (Re: أبوبكر حامد الأمين)
|
يا سيد الكشك
يا محمد صديق
اها فتناك بي عافية
انا ماشي الحج بكرة
اشوفك يا أخوي بعد الحج
قطعنا فيك لمن الله غفرلينا في عيد ميلاد مبارك جادين
وإنتظرتك تطل بي هناك في المنبر العام
لمن اجي من الحج اشوفك
سلام يا حبيب
| |
|
|
|
|
|
|
|
|
|
Re: ولمن فاتهم الاستماع ..... (Re: كمال الشادي)
|
سلامات يا ناس
| Quote: يمكن عشان اغبش وبجى عن طريق فندق الرمال |
يا نضيف ...سلام ّ
برضو هو كان عندو ناس بيرى انهم ناس مُلُسْ وبيسافرو بالإثيوبية..
مرة انا وهو جينا مطار القاهرة (لوداع ) ونحن قاعدين فى احدى
الصالات لابسين جينز ######ان وبلوفرات داكنة مع شالات بنفس اللون
وجزم مغبرة...ومصطفى شايل علبة كيلوباترا معفصة لانو بِدِسّها من
الجماعة البيشحدوا السجاير طوالى ديك ..بدسها فى الشرّاب..جانا واحد
من اصحابك المُلُسْ ديك وكان لابس بدلة كاملة بلون أبيض ..والجزمة لامعة
سلَّم علينا وسألنا ..عندكم عِلِم انو الأثيوبية مواعيدها اتعدلت؟ وانا بحاول
استوعب السؤال كان مصطفى يموت من الضحك ...وصاحبك وقف لثوانى ما عارف شنو
البيضحِّك..واظنو للليلة حيكون محتار.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: شدة ما حكاي ....في بيت البكا.......
إلا تقوم من جنبو لزوم تكف الحرج الفي عيون الناس وبرضو تقوم و إنت مشتهيو |
عارف يا جلا ..انت محظوظ لانك كل ما تمشى كسلا بتلقى ليك فرقة معاهو...
نحن بقينا بالتلفون بس ...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا كوتش كتابة مصطفي دي اتخيلتها بدري شوية ....ما شاء الله لو الزول كبر ... روحه لسه بتكون شباب ... ودي كتابها خضره ... وعودها طري ... ونديانه بالمشاعر الانسانية .... الجميلة ... تصيبك بالشجن وليس الحزن .... ويا مصطفي انت ما كبرت علي الزهج والدبرسة ... نحن خلاص بقينا ندق راسنا في الحيطة وما بنقدر نقول زهجانين ... ولا مدبرسين ....
مصطفي كاتب ضل طريقه لوين ما عارف ... ضل وبس ...
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
سلامات يا ناس
| Quote: ياكوتش ها انذا جئتك بصحبة مصطفى لعل رفقته تشفع لبعض تقصيرى ، أسأل الله فى هذه الأيام المباركات ان يكون المصطفى صلوات ربّى وسلامه عليه شفيعاً لنا يوم العرض ، اللهم أرزقنا فى الدنيا زيارته وفى الاخرة شفاعته. |
يا حبيب ولا عليك ...نحن بنزعل عشان نجى نفرح....
انت واحمد اسماعيل وموسى عيسى ...وحتى جلال اللاقيناهو وما لاقيناهو ...كلكم زعلتونا ..لكن برضو بجى
زول يفرحك .
ما كتبه مصطفى اليك انا حأنشروا ما لم تقول الروووووب( تجوز الروووووب بالتلفون)
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
على طريقة الرشيد ...أذكر العام كان 1988 مشينا حفل تخريج
فى المنصورة ( هندسة وعلوم واداب ...اعتقد ذلك )والحفل كان
بالمرحوم سيد خليفة ...كنت ومصطفى والمرحوم الحبيب ياسر الشفيع
الحشد كان كبيراً ...المسرح كان أسفل احد الكبارى ..أذكر أن المصريين كانوا
متعلقين على الكبرى ويرفعون اصواتهم مطالبين بالمامبو وإزيكم ..وكان ابو
السيد عليه الرحمة يفيض بهجة ويلبى طلبات المصريين...وكنا نطمع فى سماع الاغنيات الجِياد
اغانى جماع ومثلها....
عند الفاصل المرحوم ياسر قال لينا نمشى على ابوالسيد ده نطلب منو فى ربيع الحب...سلّمنا عليه
كأننا أصحابه ...والمرحوم ياسر قال ليهو يا أستاذ نحن من البداية نطلب وانت تستجيب للمصريين
ابو السيد قال ليهو ياخى المصريين ديل حبايبى وانتو طلباتكم فوق الراس ...ياسر عليه الرحمة
قال ليهو نحن جايين من الزقازيق ودايرين نسمع فى ربيع الحب...سيد خليفة قال ليهو يل سيدى اول
الفاصل ده حأزقزقا ليكم طوالى ...وقد كان ...
هذا ما كان من امر الحفل ...بأختصار
تناول مصطفى العودة الى الزقازيق ...
نشوف الرجعة:
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: جورج
تذكر قزاز ( البيجو ) و نحن راجعين من المنصورة ، و الصباح خلاص ديكو صاح ، القزاز كان تماما مغطى بالتلج ، يعطي الاخساس باننا معزولين عن ضجيج الدنيا ، و انت ساعتها أطلقت العنان لشوارد الغنا ، ما خليت الثنائي و لا صلاح مصطفي ( عصفت بي الريح و الموج .....) ، كانت ليلة امتدادا للحفل الانيق و ( سيد خليفة ) يكرمنا ب ( في ربيع الحب كنا نتناجى و نغني ) و الطلب كان من عزيز ، رحل زي الهزار ( اسي دي ازقزقا ليكم زي الترتيب ) لما عرف اننا جايين من هناك ،ود الشفيع زي الابام دي استاذن في الانصراف و الدنيا قبايل عيد ، تاركا موعدا لللقيا في سنار يبدو حتى الآن سراب يبين من وراء زجاج الامال المشروخة .
في اخر مساسقتنا للزقازيق شهر واحد سنة ستة و تمانين ن تذكر لما القطر اتعطل و حرن في ( نمرة ستة ) و الدنبا برد يقطع نفس خيل البطاطين و الدنيا لاذت بسكون غريب مزيج من رهبة الصحراء ، النفوس المتعبة و شمس الاصيل الهزيلة ، جانا (أحمد عوض الكريم ) الذي كان مرطبا مع العساكر على طريقنه في الاستنكاح ، و كيف انه بعد تمنع بدأ يدندن ب (حليل زمن الصبا ) بصوت هامس ، ثم أدركه ما يدرك من الزهو فاطلق سراح صوته الرهيب ، و كيف بدأ الناس يرخون المسامع و يستريحون كالخيل عند المنبع ، أذكر جيدا كيف جاء ذلك الرجل الوقور و بدأ يسال ( يا اخوانا الرادي دا وين ، انا سامع الكاشف يغني )
لا تحسب تلك المقدمة بشاير تغيير في مزاجي ، لا يزال 0 التغبيش × ملازمني ، و رغبتي الشديدة في جرك الى ( ايام من عدس ) في أوجها .
أجيكم و الحنين فايض بي سيلو
الاقيكم قليبي يفش غليلو
يفش حزن السين الهد حيلو
سنين من غيركم محسوبات خساير
ومنو غير الشايقية من يمتكون القدرة علي البكا و التعبير اليمس القلب عن الاحزان .
وصلتني ( ذاكرة الجسد ) ، الايام دي رجعت تاني ( للطيب صالح ) و تحديدا ( مريود ) ، مريود ما رواية ، قصيدة جميلة ، أتخيل لي الطيب صالح ( غمت ) فيها شي من حياتو ، لان السرد فيها رهيب و قاسي بعض الشئ ، انت ما ملاحظ انو كتير من الناس حافظين عديل النص دا ، لآ أعني الاحداث انما ( النص ب (ضبانتو) و هذا لآ يتاتى الا لفحول القصايد . النفاد يقولون أن نجيب محفوظ حاول في الثلاثية يروي شي من تجاربو الحقيقية في شخص ( كمال عبد الجواد ) بطل الرواية .
و بعدين نخن مالنا ، خليك في النكد .
أنا عارف ناس ود الزيناتي احموني هذا التواصل النبيل مع ناس الزقازيق الا بواسطة ، ياخي حتى كيلون يخش و يمرق علي كيفو ، لكن دا ما يمنعني من شكر كل المبدعين ناس عمر المهدي ، ياسر نجيلة ، حاتم جبارة ، كمال الشادي ، عبد الدايم ( الاتنين ) و عمر نملة الكان فردتي ( في ضفير الشعر و الدواحة ) و غيرهم من ناس الزقازيق .
و نواصل النكد ، و معليش كان عصرت عليك ، فلطالما ما عصرت علي ، و ما اكتر الاوكات القشيت و فشيت فيها علي أحزانك .
يا مسهرني
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: ما كتبه مصطفى اليك انا حأنشروا ما لم تقول الروووووب( تجوز الروووووب بالتلفون) |
يا جورج الروب ده ما حقّى .... حقّى اللبنة وجبنة لفاش كيرى ، أها هاك كلام مصطفى :
Quote: العزيز بكوري ( بعدين بوريك بكوري دي حقت منو )
و الله مشتاقين اكان الشوق بجيب شي
أول ما شفت موضوع ( نصي الحلو ) في البتاع بتاعك دا ، قلت يا ربي الراجل دا طلق و لا شنو ، شنو البكى كمان في ( الضحى الاعلم ) ، تاني بعد شوية قلت يمكن الراجل أخدو الحنين من النوع داك الزي حمار النور يكشف عورة المستخبي ، فالاسم من نهايتو بتاع نصك الحلو دي شكلو (جالية جالية ) أو علي الاقل يكمن تكون لبنانية من النوع اللاقيتو في سان فرانسسكو و ما جاورها في طناشك الاعظم ورا الرزق.
و تاني حاجة خلتني الحقك بالكتابة ، قصة ( نصي الحلو ( دي ) ، أنت يا بكري عندك نص حلو ؟ و خاتي وين ؟
و بعدين معقول تبكي كدأ علي الملا و نصة نهار ، ما تسمع كلام ناش الشادي ديل ، ديل اولاد خرتوم البكا عندهم ما عيب ن لكن ناس الجزيرة دا كلام صعب شوية .
أنا معاك في روعة الزولة دي لاسباب تانية ، اقلها انها أحتوت كل هذا الرهق ( الرهق دي اسال منها محمد صديق لاني انا ذاتي ما متاكد منها شنو ) ، لكن علي العموم يمكن الغربة تخلي جليد الزول رهيف و كدا ، و يمكن كمان تكون جاورت ليك حلب خلو دموعك قراب ( هن زمان كانن اقرب من حبل الوريد ، لكن مناسبات البكا مختلفة ).
لو قلت ليك بعد دا مشتاق ليك بتصدق ؟ ناس محمد صديق و زهير الزيناتي ابو يدوني فرصة معاهم ، حتى كيلون و ناس تانين يكتبو الصباح الصباح ، و أنا الا استعين بصديق ، يعني علي كيفو ، مرات لما الكلام ما يعجبو ما ينشر ن و انت عارف كلامي طوالي من النوع الزي دا .
غايتو حاتم جبارة ( الحاج ) مرتاح مرتو يخربا ما تعرف عربي ، لكن في ناس كتار تحت الرقابة و اي كلمة تفلت كدا و لا كدا يجيب خبرهم ، أنا غايتو عندي مكان صور ، يمكن الناس الناطقين بغير العربي تديهم شوية معلومات ، ر أيك شنو ، تنشر و لا يفتح الله ؟
حليل ارض الجزاير و (المراكب ) و الطنابير الترن
حليل ناس ليلى ساعة الليل بجن
ملحوظة
المراكب هي تصغير لكلمة باخرة ، و البواخر دي أسال منها (جورج )
ياخي ما تزعل ، بس اكتب لي
مصطفى
|
| |
|
|
|
|
|
|
| |
محمد عيد
محمد صديق
محمد آدم النور
عفاف علي ميرغني
الرشيد بابكر
سامي عبد الوهاب إدريس
عبد القادر بابكر
عمر المهدى
أحمد إسماعيل
عبد الحفيظ عباس
كمال الشادي
جلال عثمان
زهير الزناتي
ميسرة سيد أحمد
عبد الدائم سيد أحمد
منصور عبد الرازق
أبوبكر حامد الأمين
فيس بوك
تويتر
انستقرام
يوتيوب
بنتيريست