العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-21-2017, 06:57 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مربع كاي

03-15-2010, 09:43 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    هاكم القلبة دى وبى الكعب كمان ، أها يا رشيد أو رشو برواية بت النوبة رايك شنو فى التقدم التكنلوجى ده .
                   |Articles |News |مقالات |بيانات

03-16-2010, 07:10 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    سلامات يا ناس

    وصباحات التفاؤل

    للاسف الاستمتاع جا متأخر

    ممكن تجيبوا لينا الجزء الاخير من ص 14 بى جاى؟

    الرشيد منص بكرى ...شكرآ

    زهير ما معاكم
                   |Articles |News |مقالات |بيانات

03-16-2010, 10:41 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    Quote: هاكم القلبة دى وبى الكعب كمان ، أها يا رشيد أو رشو برواية بت النوبة رايك شنو فى التقدم التكنلوجى ده .


    و الله يا بكوري عيني بااااااردة...

    تقدم تكنلوجي رهيب...بقيت تعرف الصفحة تتقلب بتين...

    انت بي طريقتك دي بتقلبه تاني من الصفحة التانية لو عايز...
                   |Articles |News |مقالات |بيانات

03-16-2010, 10:48 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: سلامات يا ناس

    وصباحات التفاؤل

    للاسف الاستمتاع جا متأخر

    ممكن تجيبوا لينا الجزء الاخير من ص 14 بى جاى؟


    حسه يا كوتش في زول يخش ليهو فلم مرتين في أسبوع...

    كورة الهلال و الأهلي دي شنو الفيها ممكن يكون جديد عشان تتكبد ليها المشاق....

    عجبتك تتكبد ليها المشاق دي...صاح...

    أها كورة أمبارح دي الرقابة قصت الحتة لما ديمبا خلع كتفو...يخلع كتفو ليه...

    ما عارف المباريات دي بقت تدخل البيوت...

    عقابا ليك يا كوتش و عشان بقيت تدخل أفلام معادة...

    قررنا انك تمشي تتكبد المشاق أيضا و تمشي تقرأ الكلام بي هناك...

    دي صفحة جديدة و أفكار جديدة...ا

    انت قايل الصفحة دي حتكفي لأفكارنا الجديدة...

    أنا بوصلها ليكم 99 و خلي بكري يجي يقلبه..
                   |Articles |News |مقالات |بيانات

03-16-2010, 12:32 PM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    مش قلت ليكم لو دايرنى بس اهبشونى
    ما هبشتونى ليه بالليل و على الأقل كان (قلبتها ليكم ) دبل كيك
    مش باكورد زى ما عمل بكور
    مسعولين من الخير , انتو الفرق شنو بين الدبل كيك والباكورد
    عموما
    استرعى انتباهى كلام الرشيد , الجا بين السطور ومحوره وموضوعه تراكم الخبرات
    ده كلام صح جدا
    اصلوا مافى جيل يا زهير كان فاهم الجيل القبلو
    مشكلة تفاهم الباء مع الأبناء وايجاد ارضية مشتركة ولغة واحدة , هى مشكلة قديمة قدم التاريخ
    ولكن ادوات حلها والتعاطى معها , دائما , ولحسن الحظ , ادوات موغلة فى الحداثة
    لدرجة انك ما بتستوعبها -كأب طبعا - الا بعد ما تراكمها خبراتيا , وممكن بعد ما تكبر واولادك يكبروا , تاف فيها كتاب
    ولكنه - وللأسف الشديد - متاب لا يصلح للجيل المقدر له قراءة خبراتك التراكمية والأستفادة منها
    من حيث الدوات طبعا , وان بقيت من حيث المعانى , متشابهة فى المحتوى والمضمون
    حتى عدد الأولاد ,بيفرق يا شباب
    طبعا ما بيخفى على فطنتكم , اننى قلت الأولاد , قاصدا بهم الأبناء عموما , دون تفريق جندرى
    وعموما لفظة الأولاد دى , والى زمن قريب , تطلق عليهم ويراد بها , كل الأبناء والبنات , وفى احايين كثيرة , امهم زاتها معاهم
    فى احيان اخرى , الآولاد يعنى بهم الزوجة , دون ان تعنى ابناءها -اللذين هم اباءك بطبيعة الحال
    نفسيات الأبكار من البنين والبنات , تختلف عن عداهم
    البكرى مختلف يا (بكرى )
    بمعنى بلدى عامى , الأباء والأمهات يمارسون (طفولتهم التربوية ) فى بواكيرهم
    لذا فان صفات الأعتمادية , والمباشرة , وعدم التردد , هى صفات غير ملازمة للبواكير من الأولاد والبنات
    ولكن بواكير الأولاد , يختلفون ايضا عن البواكير البنات
    لا استطيع هنا ان احدد فوارق بيولوجية , تحددها عوامل الجندر فقط , دون ان ارفقها بتحليل استباقى اسميه (الفطرة )
    وهذا مسمى لسلوك جندرى طبيعى مغروس فى اطفالنا ومختلف بحكم الجندر بطبيعة الحال
    مثلا , الدلال والدلع , قد يكون ملازما للأناث دون ان يستنكره احد , ولكنه مستنكر اذا ما لازم الذكور منهم
    فاذا ما ربطناه بانه (اى الدلع) ذو عيار منفلت وزائد عند حديثى الأبوة والأمومة , فان تأثيره يختلف فى الذكور من الأبناء عنه عند الأناث
    فدلع امنية وعدم اعتماديتها الذاتية لا يستنكر -مرحليا ان وجد عليها -
    ولكنه ممقوت زمستنكر -ان وجد عندى ولدى البكر -احمد منصور -مثلا (الشر برة وبعيد )
    ولكن ماذا انت فاعل حينذاك ؟؟
    هذا قبل ان نتحدث عن البن الأوسط , والبنت الصغيرة (الحتالة )
    الموضوع ده حا يجر يا خوى
    الواحد ما يقدر يشتغل معاكم ولا شنو ؟؟؟؟!!!
                   |Articles |News |مقالات |بيانات

03-16-2010, 07:06 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    علوية مأمون أحمد أبو شيبة
    دي أمي...
    عايز أكرمها بأن أتحدث عنها في المربع...
    تستحق مني أكتر من أن أتحدث عنها في المربع وبس....
    ليس لأنها حملتني وهن على وهن...
    و لا لأنها أرضعتني الحق و الفضيلة و القيم و الحب...
    و لا لكونها سهرت الليالي و أنا مريض أو متضايق أو حتى زعلان...
    و لا لأنها كانت لا تأكل حتى أشبع و لا تشرب حتى أروى و لا تلبس حتى ألبس أجمل الثياب...
    بل لكونهاحالة تستحق التكريم...
    والدها الفكي مامون رجل دين و علم معروف بمدينة الكوة...
    اشتهر بورعة و تدينة فأصبح يحج اليه الناس من كل المناطق المجاورة اما للعلم أو التداوي...
    ملئت شهرته كل الآفاق...عاش و مات في عمر ال63..
    وافق عمره العمر النبوي...و شخص مثله لا يمكن الا أن يعيش للعمر النبوي...
    توفي و خلف وراءه اثنين من البنين و أربعة بنات...
    و أمها الحاجة أمونة حاج مهدي...
    كان حاج مهدي جد والدتي رجل علم و دين معروف أيضا...
    الطريقة الصوفية السائدة في المنطقة هي الطريقة الأحمدية..
    نسبة الى سيدي أحمد بن ادريس..و هي تعرف أيضا بالطريقة الادريسة...
    كان حوش جدي حاج مهدي يحتضن الحوليات و حلقات المديح كل جمعة..
    كان الناس يتوافدون من كل مكان لحلقات المديح...
    و منهم من كان يحضر من أجل الفتة و اللقيمات...
    كانت حاجه أمونة أصغر بنات جدي حاج مهدي و الأقرب اليه و الأكثر تدليلا...
    كانت ترافقة في الحوليات و حلقات المديح حتى رزق بابن له أسماه محمود..
    مرافقة حاجة أمونة لجدي جعلها تحفظ الكثير من المديح...
    لذلك عندما ولدت أمي كانت حاجة أمونة تهدهدها بالمديح و الصلاة على الرسول...
    هذه البيئة جعلت أمي تحفظ الكثير من الأوراد و المديح...
    بل أصبحت روتينا لا تنقطع عنه حتى يومنا هذا...
    بدون مبالغة أعتقد أن أمي لم يؤذن أذان الفجر يوما و وجدها نائمة منذ حتى قبل سن التكليف...
    لذلك لازمني أعتقاد أن دعوة أمي لم تغلق أمامها أبدا أبواب السماء..

    (عدل بواسطة الرشيد بابكر on 03-16-2010, 07:13 PM)

                   |Articles |News |مقالات |بيانات

03-16-2010, 07:57 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشيد وجورج ومنص المنداح إندياح كيّفى وقادر أيضاً على تكييف دول الخليج كافّة بسمومها وزمهريرها ورطوبتها التى أطلت برأسها فحاكت شفقة بت الطاهر .

    أمس بعد قلبت الصفحة أخذنى الزهو وكدتُ أدعى عن جهالةأننى ( ما سائل فى محمد عيد ذاتو ولا فى الفوتو شوب ) وعدتُ تذكّرتُ أن الإقتباس المتعدد حرامٌ على جهلى المستمر ، وذاع وعمَ القرى والحضر، وأدركتُ أننى غير قادر على الإقتباس سوى من المشاركة الأخيرة وهى فى حالتنا هذى مشاركة روش ، أقول قولى هذا لنفى أى إتهام محلبى أو كسير ثلجى أو حتّى كتير العوامرة ، فين الزناتى يا مينز .


    Quote: لذلك لازمني أعتقاد أن دعوة أمي لم تغلق أمامها أبدا أبواب السماء..


    بل هو اليقين بعينه يا روش ، هو يقين لأنها تدعو من سويداء القلب دعوة متجردة عن الهوى والغرض ، دعوة ملؤها الحب والخير وعطاء نذرت نفسها وعمرها ليبلغ فلذات الأكباد غاياتهم ، ولم تكتف بذلك وما هو فى حدود قدراتها بل تتضرع للمولى عز وجل أن يشمل نسلها برعايته ورحمته وان يصرف عنهم السوء ويرزقهم ويفتح عليهم من مفاتح رزقه ولطفه ، فليحفظ الإله والدتكم الحاجة علوية ويمدّ فى أيامها ، وأيام كل أمهاتنا ونترحم وندعو بالمغفرة لمن إرتحلن عن دنيانا الفانية بعد أن ادين الأمانة والرسالة على أكمل وجه.

                   |Articles |News |مقالات |بيانات

03-16-2010, 07:59 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يحكى عن والدتي أنها كانت ذكية جدا و متفوقة في المدرسة...
    كانت الكوة مدينة يهتم سكانها بالتعليم بشكل كبير...
    و ذلك لأن معظم كبارها كانوا مصادفة من المتعلمين...فجدي تخرج من كلية غردون...
    تفوقت أمي على بنات دفعتها و اشتهرت بذلك بينهن...
    مرض جدي لسنوات قبل وفاته بمستشفى الدويم...
    من المفارقات أن خالي محمد و الذي كان متمردا على تلك الحياة في كل تفاصيلها..
    كان هو من أصر أن تخرج أمي من المدرسة المتوسطة لتتزوج من أبي...
    تزامل خالي محمد و أبي في المدرسة الوسطى و الثانوي بأم درمان...
    لم يكن اصراره مستغربا أو مدانا...فلقد كان السائد في ذلك الوقت ان المرأة للزواج...
    و من فاتهن قطار الزواج بالكوة فقط هن من أكملن تعليمهن و تخرجن ليصبحن مدرسات..
    فأصبحت مهنة التدريس هي المهنة السائدة بين نساء الكوة...
    حتى اللائي تزوجن و تأخرن في الانجاب أكملن تعليمهن ثم اشتغلوا بالتدريس...
    تزوجت أمي من أبي بعد أن تم اخراجها من المدرسة الوسطى...
    أو حتى قبل أن تبدأ فعليا في المدرسة الوسطى...
    ما زالت أمي تتحدث عن ذلك بحسرة...فهي تعتقد أنه كان سيكون لها شأن كبير اذا ما واصلت تعليمها...
    و لكن الزواج لم يقتل طموحها و لم يخبو ذكائها بسببه أيضا...
    عندما وعيت الى الدنيا وجدت أمي تحرص على قراءة الصحف و المجلات التي حرص أبي
    على أحضارها لها و لنا...
    كانت تحرص على قراءة روز اليوسف و آخر ساعة و تناقش المواضيع المطروحة بهما..
    كنت أحسد أمي على هدوءها الشديد...
    فقليل جدا ما رأيتها ثائرة أو منفعلة...
    جابت مع ابي كل أنحاء السودان بحكم عملة في وزارة الصناعة...
    و في كل مكان كانت هي هي أمي...بهدوءها و رزانتها و اهتمامها بشؤونها و شؤون بيتها...
    لم أسمعها تتكلم عن جارة لها أو أي أحد...
    حتى ان خالتي فاطمة رحمها ابنة خالة أمي كانت كثيرا ما تردد...
    علوية دي مره مسكينة خلاص...
    كانت أمي و ما زالت لا تتحدث حتى تسألها...

    (عدل بواسطة الرشيد بابكر on 03-17-2010, 12:22 PM)

                   |Articles |News |مقالات |بيانات

03-16-2010, 08:06 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    بكوري الحبيب...أخذني الحديث عن أمي فاسترسلت استرسالا كنت أخشاه عندما هممت بالكتابة عنها...
    هي تستحق ذلك كما تستحقه كل أم...
    خشيت أن أسترسل حتى أبلغ المداخلة 99 و أنا أتحدث عنها...
    و لكني أكتشفت أنها ربما فرصة لجعلك تقلب الصفحة مرة أخرى فتزهو مجددا...

    مساءك طيب و لوالدتك...
                   |Articles |News |مقالات |بيانات

03-16-2010, 09:29 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    و لأن أبي كان موظف حكومة و في ايام عز موظف الحكومة...
    فلم يبخل على أمي بمن يساعدها في البيت...في النظافة و الغسيل و الكوي...
    فلم تكن تقوم بتلك الأعمال أبدا...
    و لكنها كانت تهتم بالمطبخ وحدها و هي تحسن الطبخ حالها حال كل نساء ذلك الوقت...
    كنت و ما زلت أحب طبيخ أمي...و لم آكل طعاما يضاهي طعام أمي في لذته...
    كانت كل ما تطبخة يكون لذيذا...حتى أنها كانت تعد لنا الكاسترد لنتناوله بعد كل وجبة غداء...
    ما زال طعم الكاسترد اللذيذ المتنوع في فمي...
    مرة تعده بالحليب فقط و مرة بالقمردين و مرة بالكركدي...
    كنت أقف الى جانبها و هي تعده فتعلمت منها طريقة اعداده و أصبحت أجيدها...
    لم أكن اقف الى جانبها لكي أتعلم منها طريقة الاعداد...
    بل لكي أظفر بالحلة...كنت أحب ما تبقى من كاسترد بالحلة...
    اصابتي بالرمد الربيعي في بواكيري جعلني أحظى باهتمام كبير من أمي في طفولتي...
    فكنت ملتصقا بها جدا رغم شخصيتي المستقلة منذ طفولتي...
    كانت تصفني بأنني أجمل اخوتي شكلا...
    تلك المحبة و الاهتمام الذي أحاطتنا به أمي يجعلني كثيرا ما أفكر...
    كيف أرد لها الجميل...
    فهي كلما تتصل بي طالبة مبلغا من المال...ثم تقول لي معليش أثقلت عليك..
    أقول لها ان كل ما أملك هو لك...
    انه لولا دعاءك لي كل فجر و عيالي لما يسر الله لي هذا الرزق...
    انني لو أعطيتك كل ما أملك فلن أستطيع أن أرد لك و لو جزءا يسيرا من دينك علي...
    أمي...

    علوية مامون أحمد أبو شيبة....
    أمرأة من ذهب...

    (عدل بواسطة الرشيد بابكر on 03-17-2010, 12:28 PM)

                   |Articles |News |مقالات |بيانات

03-16-2010, 11:00 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلام يا كاى
    وسلامين لرشو

    يا رشو كاى دة لمة طلبة وببسى واسعد وهيصة ناس طالعة من محاضرات
    وناس بتفتش فى لاب كوت لسكشن
    وناس مطرودة من سكشن احمد زكى
    وناس بتنقل محاضرة فايتة
    مالك جايب ماما علوية هنا ياخ فرشنا ليها الارض رمل بهناك
    بس ابقى مارق
    لو داير نقلب ليها صفحة براها نقلبا كلم بكور

    وتصبحون على خير
                   |Articles |News |مقالات |بيانات

03-17-2010, 04:12 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    مساكم الله بالخير
    زوبة أشكرك على نقل ما كتبتة عن أمي في بوستك بي هناك...
    و الحقيقة لم تكن المسألة بوستي و بوستك...
    فهذا البوست لم يعمر الا بكم...
    و ليست له استمرارية الا بكم..
    حتى و ان كانت بأضعف الايمان...
    و أضعف الايمان هنا هو القراءة...
    لكنني وجدت نفسي و أصابعي تداعب الكيبورد...
    و تكتب و تسترسل في الكتابة عن أمي...
    عندما أنهيت المداخلة الأولى...وجدتني أتبعها بالثانية...
    ثم انقطعت لأرد على بكوري...ثم أتبعتها بالثالثة...
    و لا أريد أن أشكرك على الاقتباس هناك...
    فالبوست هناك لي كما هو لك...
    و لكني أشكرك على استحسانك لما كتبت...
                   |Articles |News |مقالات |بيانات

03-17-2010, 04:26 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يوجد هنا في الامارات اهتمام شديد بعيد الأم...
    و لهذا الاهتمام مظاهر كثيرة..
    تقوم المولات بالترويج منذ وقت مبكر لهدايا للأم بهذه المناسبة..
    و تفعل مثلها محلات المجوهرات بانتاج هدايا ذات أسعار متفاوتة...
    اهتمام متعاظم أيضا في المدارس...
    هذا الجو جعل أبنائي يهتمون كثيرا بعيد الأم...
    فهم يسألوني ماذا نشتري لماما في هذا اليوم...
    نسكن في منطقة تكثر بها محلات المجوهرات...
    و صادف أن محل داماس الشهير قد انتج عقدا جميلا خاصا بهذه المناسبة...
    شاهدت أمنية هذا العقد في احدى النشرات الترويجية للمحل...
    هذه النشرات تدس من تحت فتحة الباب أو تعلق به...
    كتب على العقد كلمة MOM و به قطعة صغيرة من الماس...
    أصرت أمنية أن تشتري هذا العقد لأمها...
    تحت اصرار أمنية الشديد قامت نجاة بشراء العقد لأمنية..
    و قامت هي بدورها باهدائه لأمها...

    أتسائل ماذا ستكون مفاجآت أمنية هذا العام...
                   |Articles |News |مقالات |بيانات

03-17-2010, 08:12 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    هضربة الليل يمحوها النهار...
    المداخلة دي مقصود بيها قارئ جديد...أو نقول قارئة جديدة...
    اليوم قلت لي ما أكسب لي قارئ جديد للبوست ده ليس من قبيلة الزقازيق...
    لكنها من حتة أقرب...من جوه حوشنا...
    اتصلت على غادة أختي و قلت ليها بتعرفي سودانيزأونلاين...
    قالت لي لا...
    طيب الكمبيوتر فاتح و النت فاتح...
    أيوه...
    طيب أكتبي سودانيزأونلاين دوت كوم...
    أها فتح معاي..
    أمشي لي منبر ناس الزقازيق...
    طيب مشيت..
    انقري على مربع كاي....و أقري الكلام الكتبتو عن أمي...
    بعد شوية تهدج صوتها و قالت لي أضرب لي بعد شوية...
    غادة حنينة جدا...لم تستطع أن تكمل الكلام معي...
    ثم اتصلت بها بعد فترة طويلة...
    وجدتها معجبة جدا بالمكان...
    وقالت لي تاني كل يوم حأجي أخش أقرأ...

    قلت ليها خلاص كل يوم حتلقي هضربة الليل..
    و قلت ليها هضربة الليل يمحوها النهار...

    الهضربة دي مهداة لغادة عشان تجي تقراها الصباح...
                   |Articles |News |مقالات |بيانات

03-17-2010, 08:27 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلام لكاى ومربع كاى وناس كاى
    كمان سام لسيدة كاى الاولى
    ومليون سلام لغادة بابكر
    ليها كل المنى
    بتزكر لما غادة كانت بتجى الزقازيق وعلاقتها الحلوة باخوها الحلو
    وكيف كنت بتدلعها وطوالى بتكون مممسكة بيك
    ربنا يخليكم لبعض ويخلى ليكم ماما علوية

    يا رشا ما قصدت بوستى او بوست اى حد تانى
    احنا ماما علوية نمشى ليها فى اى مكان
    مش الامجاد فى؟
    ودمتم سالمين
    على قولة نانى

    بلمناسبة الليلة عيد ميلاد دودو (احمد التجانى)الرابع
    سلام
                   |Articles |News |مقالات |بيانات

03-17-2010, 08:38 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    كل سنة دودو بألف خير و ان شاء الله العمر كلو

    مافي صورة لي دودو يا زوبة...
                   |Articles |News |مقالات |بيانات

03-17-2010, 09:36 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)




    دودو...أحمد التجاني عمر محمد عمر...أكمل عامه الرابع اليوم...

    كل سنة و دودو بألف خير...

    كل الأمنيات الطيبات له

    التهنئة لزوبة و عمر و كل أحباب دودو
                   |Articles |News |مقالات |بيانات

03-17-2010, 10:24 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    كل الأمنيات الحلوة بعيد ميلاد سعيد وعمر مديد لى دودو ، كل الأمنيات بموفور الصحة والعافية لأحمد وزوبة وعمر وبقية أفراد العائلة ، يازوبة نحن ناس سكرى والتورتات بترفع علينا الطاعم ، أها سوّى لينا سنكيت ويا ريت إكون دايت لأنو الكوليسترول برضو مرتفع .

    يا روش قول لى غادة تقرا المربع من الصفحة الأخيرة لأنو فى صفحة سابقة فى واحده بتسف صعوط ما عاوزنها تعرفا .

    روش وزوبة ... ليحفظ المولى بحفظه كل الأمهات فهن وكما يحلو لى ترداده ( مواقيت للعشق ) (هذه ضربة استباقية لمن تسوِّل له نفسه التلويح بالرقم 514 مكرر ).

    بالله يا روش بى أمانتك المعهودة وعدم تعصبك كروياً ، ألا ترى أن برشلونة وميسى فاقوا حدود الروعة ذاتها؟

    الساعة واحدة وتلت بتوقيت البحرين ، اتنين وتلت بتوقيت الأمارات ، تصبحوا على خير ، أرشّكم ... أقلبكم ... لا لا لا لا مابقدر ........ باى
                   |Articles |News |مقالات |بيانات

03-18-2010, 02:05 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    Quote: سلام لكاى ومربع كاى وناس كاى
    كمان سام لسيدة كاى الاولى
    ومليون سلام لغادة بابكر
                   |Articles |News |مقالات |بيانات

03-18-2010, 07:47 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    سلام لكاى وناس كاى

    يا كوتش الكوبى بيست دة بعدة علامة استفهام ولا تعجب

    ولا بدون تعليق

    شكرا يا رشا ويا بكور ويا جورج برضو على التهنئة وشكرا لكل من هنى وتمنى

    يا رشا دى من صور النرويج كنت حارسل ليك من صور كوبنهاجن

    تشكر على التلفون
    دودو مبسوط من صورتو وريل قالت اشمعنى كدى نمشى ننزلهم عند طارق جبريل

    اليوم السودان كتاحة عدوكم من الصباح و بلرغم من جلوس الطلاب لامتحان الشهادة الصغرى (ناس تامن)ربن ينجحهم
    الا وانو القطوعات الكهربائية فى اوجها

    اللهم برد الصيف دة ذى ما قالو جاى بنمرة اربعة
                   |Articles |News |مقالات |بيانات

03-18-2010, 09:23 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    Quote: شكرا يا رشا ويا بكور ويا جورج برضو على التهنئة وشكرا لكل من هنى وتمنى


    يا زوبة السنكيت ولا صمّة الخشم ، والخشم عند أهل الخليج يعنى الأنف ، بالله شوف.

    يا زوبة ده أحسن توقيت لإنزال صور كل الدول الأسكندنافية ، نزّليها وغنّى:

    فى غفلة رقيبى

    رُحتَ أزور حبيبى

    لقيتو جايى من غياثى

    وعلى حس كتاحة السودان أهدى زهير أغنية (الكنداكة) ، لغاية ما زهير إنفض الغبار عن شنبو تقدرى تنزلى بى ارتياح كل الصور ............... ولا خفتت أضواء الفلاشات والفلاشا.

    حسب توقعات الأرصاد الجوية يتوقع أن تشهد البحرين اليوم الجمعة عاصفة ترابية قادمة من الربع الخالى ، يا رشيد رجاء توخى الحذر وحبذا لو أنجزت أعمالك ليوم السبت من مكتب أبوظبى لحين انقشاع العواصف.
                   |Articles |News |مقالات |بيانات

03-19-2010, 11:18 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    Quote: حسب توقعات الأرصاد الجوية يتوقع أن تشهد البحرين اليوم الجمعة عاصفة ترابية قادمة من الربع الخالى ، يا رشيد رجاء توخى الحذر وحبذا لو أنجزت أعمالك ليوم السبت من مكتب أبوظبى لحين انقشاع العواصف.


    شكرا يا بكوري...سأتبع نصيحتك و أتوخي كل الحذر....

    قال الشاعر..

    لا تنهى عن شو و تأتي مثلة
    عار عليك و ان كانت صور كوبنهاجن

    أي محاولة للتحايل على اللوائح سوف تكون عواقبة وخيمة...
    تنزلي صورة واحدة من كوبنهاجن...
    حأنزل صوري كلها من سنة دو...
    أي صورة فيها شو أو ممكن تفسر على انو فيها شو حأنزلها...

    و لا نامت أعين الشواوين بالدس...
    و لا أعين المحرضين كمان...
                   |Articles |News |مقالات |بيانات

03-19-2010, 11:49 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: بالله يا روش بى أمانتك المعهودة وعدم تعصبك كروياً ، ألا ترى أن برشلونة وميسى فاقوا حدود الروعة ذاتها؟


    بكوري الحبيب...برشلونة الآن ظاهرة كروية و ليس مجرد فريق كرة قدم..و جاء ذلك نتيجة لعدة عوامل...ادارة ذكية و مستقرة....حأقول ليك لاعبين موهوبين و يعدوا الأفضل في العالم...ليس ميسي وحده...شافي...ألفيش...انيستا...بويول...بيكي الرهيب...توري...أبراهيموفيتش...
    مجموعة متفردة من اللاعبين...
    بعدين نجي نقول مدرب جيد...قريب من اللاعبين...متفهم لنفسياتهم وامكانياتهم...
    بعدين أجهزة مساعدة محترفة و مؤهلة...

    كل الظروف المحيطة جعلت من برشلونة ظاهرة كروية...
                   |Articles |News |مقالات |بيانات

03-19-2010, 10:21 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    والله يا روش لم تخيب ظنّى فيك ، وأضيف لما تفضلت بذكره الإعتماد على المدارس السنية التى أنجبت شافى وانيستا وبيدرو وبوسكيس والقادم أحلى.

    سحبت القرعة ظهر أمس وأوقعت برشلونة فى مواجهة آرسنال صاحب الأداء الراقى ومدربه الفذ آرسين فنغر الذى يعمد لصناعة النجوم ويطور من أدائهم.

    يا روش بمناسبة عيد الأم ح نعزم زوبة تنزل الصور ، أها الرشيد ما قال حاجة والسكوت علامة الرضا ، أسرعى قبل ما تنقشع كتاحة الخرطوم وانط لينا عمو الشواربى .

    يا روش بلغ تحايانا لى غادة بابكر وقول ليها الناس فى رجاك.
                   |Articles |News |مقالات |بيانات

03-20-2010, 01:32 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    Quote: سحبت القرعة ظهر أمس وأوقعت برشلونة فى مواجهة آرسنال صاحب الأداء الراقى ومدربه الفذ آرسين فنغر الذى يعمد لصناعة النجوم ويطور من أدائهم.


    هذه فرصة طيبة لمحبي الفن الرفيع بأن يتفرجوا على لوحة كروية غاية في الروعة و الجمال....فالمواهب الشابة في الفريقين قادرة على تسطير لوحة جميلة...
    الخبرة تصب في مصلحة برشلونة...فلاعبوا برشلونة بالرغم من صغر سنهم الا أن رصيدهم من الخبرة يفوق خبرة لاعبي الأرسنال...
    هي مباراة ميسي و هنري في برشلونة و فابريجاس و ارشافين في أرسنال...لو سألتني قلبك مع من أقول لك ان قلبي مع الأرسنال...فأنا اتضامن نع أرسين فينيجر...فالرجل يستحق لقبا أوروبيا و يستحق لقب سير تكريما له لعديد النجوم الذين قدمهم للكرة العالمية...و لو على فابريجاس فقط فهو أهل لذلك...
                   |Articles |News |مقالات |بيانات

03-20-2010, 02:06 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    موضوع هم البيت البديتو في البوست العام قلت أحسن أتمو بي جاي...زول هببو لي بي هناك مافي...في ناس غايتو جاملوني بي كلمتين طريفات...موضوع ظريف و الله يا رشيد القوم...و بارك الله في أخونا أحمد اسماعيل الجبر بي خاطري و تفاعل معاي شوية...و السسب التاني الحاجة العايز أكتبها خايف تثبت اني بحب الشو... لكن و الله الموضوع ده جد جد يا جماعة و لا شو و لا حاجة...
    مره و نحن ماشين في المارينا مول بأبوظبي لقينا ليك اعلان في ركن من الأركان المعروفة بالمولات بقول تملك قطعة أرض في لندن بي فقط 90 ألف درهم و بالأقساط المريحة...قلت لي نجاة أرض و في مدينة الضباب أرحج نمشي نشوف الموضوع شنو...لقينا واحدة قاعدة منجعصة سألناها ورتنا الخرط و موقع الأرض في لندن و انها تبعد من هيثرو كذا من الداون تاون كذا...يا زول اتحمسنا ليك حماس ما اعتيادي أنا و نجاة...قلنا للبت خلاص حنشتري...كم الدفعة الأولى...قالت الدفعة الأولى كذا ألف درهم قلنا ليها خلاص بكرة حنجي ندفع المبلغ كاملا...و جينا بالفعل و دفعنا و اتسلمنا ايصال بالمبلغ...طلبنا من البت تدينا تلفون و عنوان مندوبهم في لندن عشان نمشي نشوف الأرض على الطبيعة فقامت فعلا باعطاءنا العنوان و التلفون...
    مشينا لندن و قمنا بالاتصال بالمندوب فحدد لنا الموعد...يوم الموعد طلب مننا أن نستقل القطار من مجطة فكتوريا و ننزل في مكان معين و سيقوم هو بانتظارنا هناك...ركبنا القطار بعد شوية برلمة في فكتوريا ستيشن...أنا و نجاة و ابن عمها مهند المقيم بلندن...وصل القطار الى المكان المعني بعد قرابة ال45 دقيقة و وجدنا الرجل ينتظرنا هناك...ركبنا معه في عربيته الصغيرة الى المكان ثم أوقفنا أمام أرض خلاء و قال لنا هذا هو المكان...سألناه أين قطعة الأرض رقم كذا...قال لنا انها في مكان ما هناك ...ثم سألناه ماهي الامتيازات التي تعطيها لنا هذه القطعة...فأجابنا بصراحة الانجليز أن ليس هنالك امتيازات و لا يمكننا بناءها حتى...كل ما في الأمر أننا مستثمرون نبيع قطعة الأرض لكطورين بعد عدد من السنين و نستفيد من الأرباح...كم سنة و ما هي الأرباح...فوجدنا أن الأمر برمته عبارة عن استهبال و ضاعت أحلامنا بامتلاك قطعة أرض بمدينة الضباب تضمن لنا أمتيازات مثل الاقامة الدائمة و غيرها...
                   |Articles |News |مقالات |بيانات

03-20-2010, 04:00 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    الليلة مواضيعك متنوعة وعجيبة ..

    نبدأ أولا بتهنئة الولد دود بعيد ميلاده الرابع وعقبال المية يا ود يا دودو وأمك وأبوك يكونوا حاضرين ...
                   |Articles |News |مقالات |بيانات

03-20-2010, 04:12 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    نجي لموضوع برشلونة ......... يا بكري تعرف إنه برشلونة فريق يغرد خارج السرب ... يؤدي كورة جميلة جماعية وشاملة .. ودي نتاج للمدرسة الهولندية من زمن كرويف الأسطورة ومروراً بالولد الحريف ريكارد .... وأخيراً أسكت جوارديولا الخشامة زينا الشكو في مقدراته واثبت فعلاً إنه مدرب كبير وعنده فكر مش زي ما قلنا عنه وهاجمناه .. المباراة بين أرسنال وبرشلونة حتكون قمة كروية لأنه الفريقين بيلعبوا كورة جميلة .... ومعروف عن آرسنال إنه كورته ما بتشبه كورة الإنجليز ... ناس كتار بترشح برشلونة لفارق الخبرة والمهارات وإمتلاكه لترسانة من النجوم النووية ..... لكن بنقول أمر التأهل بيحسمه الميدان وليس التاريخ ولا النجوم ولتجارب بتأكد ذلك ...
                   |Articles |News |مقالات |بيانات

03-20-2010, 05:57 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    كل سنة ودودو بالف خير.. وعقبال ماية شمعة وربنا يفرحك يا زوبة انت وعمر وكل اهله بنجاحه يا رب..
    راجعة ليكم
    ودمتم سالمين
                   |Articles |News |مقالات |بيانات

03-20-2010, 06:31 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    خالتى علوية مامون .. اجل امرأة من ذهب..
    كيف لا وهى ام رشيد القوم الام الصالحة الكريمة..المتواضعة.. التى تتفانى فى الاهتمام باولادها وعمى بابكر.. واولاد اولادها.وزوجات اولادهاكمان. لم احس لحظة منذ زواجنا باحساس انها نسيبتى .. انها امى التانية حتى بنات خالات الرشيد يقولو لى والله انتى الله بحبك وامك داعية ليك انه خالتى علوية نسيبتك وانا اكره هذا اللقب..هى خالتى وامى وام رشيد القوم وام اولادى وام الكل..الله يطول عمرها ويخليها ليناكلنا ويمتعها بالصحة والعافية..
    دمتم جميعا سالمين
                   |Articles |News |مقالات |بيانات

03-20-2010, 06:55 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    والله يا جماعة الخير العبري خانقاني...
    اشتهيت البلد واشتهيت اهلي...
    نفسي اتحاوم في السموم ديك في شبا شارع شارع
    من البغاديد للقرونة للسواعير للكرسناب للقلعة وبرج ود درقي
    نفسي افتح برج الحمام أليل عمي الطيب واشوف الزغاليل وصلن وين
    عايز اقوم قبل تشرق في بيت خالتي زينب بت ابو دية رحمها الله واقرض
    العيش أليلها السمح داك وأقول للنعام التربال أليلم يجي يقبض معاي طير الجنة
    عايز اسويلي نبلي وأباري الدباس والقمري ونجي نشويهو في سعف الجريد
    مع مامون مكاوي ومجدي ود فاروق ومزمل ود الرحيمة وعبد العزيز ود عامر الخضر... داير امشي السواعير ألقى حبوبتي فردوس بت الريح بالالي البركاوي في كوريتي ألت الألمنيوم وخاتاها بين الازيار فشان تبرد ووكتين اشبع تردفني وراها في الحمار ونندلى لاااتحت ونسلم علي ود تميم ونغشى جدي محمد عثمان ونقول لي زكريا يجهزلنا السكر وكتين نكون طالعين... وبي تحت حبوبتي تتشاكل مع الدقير وهو قلبه ميت يضحك لامن يقع علي قفاهو... ونلاقي كرسني ود حاج كرسني وامي توصيهو علي الحجز أليلنا من بدري فشان وكتين نكون راجعين لا يضيع علينا الحجز... عايز امشي مع مبروك ود الطيب ونفلع التمر وناكل الصيص ونطلع في المنقايات ألات الكشتنير ألتم وآآآآكل زين لامن جضومي كلهن يصفرن وينشف لامن ما اقدر افتح خشمي..... عايز امشي القيف واعدي للجزيرة واتونس مع احمد ود كرسني واقطعلي طماطمايي وآآكلها وهي مسخني من الشمس...
    نفسي في عشرة حريق في نادي شبا ووكتين نجوع نطلع انا واحمد ود فتح بلولة ونشوفلنا فول وجنى جداد...
    دحين قولولي اسوي شنو...
                   |Articles |News |مقالات |بيانات

03-20-2010, 07:20 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: طارق جبريل)

    جبريلا الحبيب...

    و الله يا أخوي أنا كان قلت ليك تسوي شنو بتجن...قول لي كيف...

    أنا مرات كده بتذكر محلات و ناس عزيزين فبقوم بتخيلهم و بقعد معاهم و أحيانا بتونس معاهم كمان...

    بس دي لما أكون براي...

    لأني لو عملتها و نجاة معاي حتقوم جارية و تبلغ علي مستشفى المجانين...

    مش بيقولو هنالك شعرة بين الوعي و الجنون...

    أها الحمد لله الشعره دي لي يوم الليلة فاصلة...

    لكن شكلو كده خرفنا حيكون مصيبة...

    الله يكون في عون نجاة حوفي...

    أمبارح قلت لي مهند بكرة ان شاء الله تكبر و تبقى دكتور كبير و عندك بيت كبير...

    و أنا أجي أقعد معاك في بيتك...

    قال لي...ليه انت ما عندك بيت...

    أحسن أحجز لي في بيت عجزة يكون كويس كده من حسه...
                   |Articles |News |مقالات |بيانات

03-20-2010, 07:27 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    والله يا الرشيد ولدك دة تقول ود الزومة
    ههههههههههههههه
    مقرم ياخي
    الله يحفظه
                   |Articles |News |مقالات |بيانات

03-20-2010, 08:17 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: طارق جبريل)

    سلام لكاى وناسكاى

    يا رشا سالت عن موضوع الفاتح وقالو لما على عثمان جاء للنادى الزراعى عشان العقودات الناس هتفو ضد الاتحاد وما كان عارف انو فى مشكلة فى الاراضى بتاعة سوبا شرق وطلع مستاء
    اراضى الفاتح الاقبال ضعيف جدا على التسجيل لانو طالبين رسوم حتى بعدكدة يورو الناس يدفعو كم الدفعة الاولى
    الناس فاقدة مصداقيتها فى الاتحاد والمصيبة انو دورتو حتنتهى شهر 5 بعد كدة حيسالو منو
    انتو على الاقل اراضيكم معروفة اما احنا فاتنصب علينا على مرئى ومسمع

    امس كان يوم ما عادى
    بلرغم من انو المناسبة كانت العزاء فى والد عزة التجانى الا وانو لقلئى بيها هى والمديرة شوش كان شى جميل
    اخر مرة قابلت عزة كانت فى الزقازيق بس عزة هى عزة بنفس الروح ومكاواتها مع شوش
    طريقة كلامها
    شوش هى شوش لما طلبت منها توصلنى لعزة حيث كنت فى اركويت لمناسبة
    امهلتنى عشرة دقائق
    وكانت بسيارتها الفرهة قدامى
    اتسالمنا وضحكنا
    وبكينا مرة على ابو عزة ومرة على القيا
    اتذكرنا كل الناس
    ولما جاء الشاى بللبن اتفاجات عزة بانى لسة بخت الملعقة فى الكباية
    وقلت لى انها اتذكرت ملعقتى دى قبل يومين

    سرقنا الوقت لحدى ما اتصلت بى امى تتفقدنى

    رجعتنى شوش من حيث اتينا وكان يوم جميل

    شوش ما حاحكى الباقى
                   |Articles |News |مقالات |بيانات

03-20-2010, 08:26 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    ماشاء الله الليلة البيت محروس بسيادو

    يا نانى عنر بكرة مسافر الصين عن طريق دبى

    كويس.............

    طبعا ما حاقول كلام نانى عن خالتى علوية دة كسير تلج لانى عارفة انو كل وحدة مكسرة فى التانية

    لما مشيت للرشيد ونانى فى اركويت

    لقيت نانى فى بيتها ووسط اهلها
    واحنا بنتونس قالت لى يا زوبة ما شفتى اهل الرشيد
    فطوالى جيت عليها قريب ومطيت خشمى و وقلت ليها مالم
    سوو ليك شنو؟

    فقالت لى لى ملايكة بس وخالتى علوية دى دى انسانة عجيبة فى طيبتها ومحبتها

    كنت صايمة ومعاى دودو وقال عايز ببسى وهو بيقصد اى عصير
    فما كان منها الا ومشت جابت الببسى

    بدبنا نتونس بعد شوية نسيت نانى والرشيد
    مش طلعنا اهل
    يعنى نسايب نانى

    يعنى ريس كاى رشيد القوم ممكن يكون ود عمتى

    التحية لماما علوية الانسانة الطيبة المحبة الجميلة
                   |Articles |News |مقالات |بيانات

03-20-2010, 08:21 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: طارق جبريل)

    تحية خاصة لخالتى علوية واقول ليها كل عام وانت بالف خير..يا احلى ام فى يوم عيدك
    شكرا على الهدية الاهديتنى ليها..شريك بطعم الحب.. والتوكل على الله ..والتقوى والايمان..
    كمان تحية خاصة لام اسماعيل( غادة بابكر)
    ودمتم سالمين
                   |Articles |News |مقالات |بيانات

03-21-2010, 05:37 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    هذه رسالة من المديرة الكبيرة العزيزة شوش....

    Quote: الرشيد عاوزة منك تنزل لى الكلام دا فى كاى سريع ..... عاوزة اعترف ليكم بشى انت قايل زينب قاصدة شنو بانها ما حتتكلم فى الكلام الباقى ؟؟؟ الحصل كالاتى بعد ما قضينا احلى يوم مع عزة واحنا طالعين فى الشارع انا وزينب وعزة مقدمانا قلت اغير ليهم جو شوية واكسر ليهم الروتين . قمت قلت ليهم تعالوا لزوا لى العربية اصلها ابت تدور ... عليك الله دى فيها حاجة يعنى شنولولزوا العربية ... فبهاحاجة دى هسة بتكون عفاف عاوزةتجى السودان تتاكد من الخبر دا ونجاةحيكون اغمى عليها لكن اعمل شنو يا رشيد القوم دبرنى ونتشاور انا لو كنت ما حكيت ليكم الكلام دا كان زينب وعزة ذلونى بيهو وتاجروا بيهو فى كل المجالات وكان لقن ليهن برنامج من مافى .....عليك الله زق العربية كم سم دى فبها مشكلة لبهن .... لكن يا الرشيد دى كنت عاوزاها لنجاة وعزة لانو ياما حمونى امشى المساكن ايام الانتخابات ..... والله المساكندى كانت بتكون مولعة والامةدى كلها فيها وانا يا حبة عبنى محبوسة مع عزة ودوليبة ( دوليبة دا كان الاسم الشائع عندنا للعزيزة الغالية الهام دوليب .... الى اللقاء .... شوش
                   |Articles |News |مقالات |بيانات

03-21-2010, 05:44 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    شوش كلاكيت تاني مرة...

    Quote: الرشيد او كما يحلو لى ان اناديك رشيد القوم اسعدنى سماع صوتك اليوم بعد محادثتكم انت والسيدة الاولى ةالله اليوم فقدناكم انت ونجاة ورغم انو اتلمينا عند عزة فى مناسبة حزينة الا ان الجلسة تخللتها الضحكات عارف لبه با الرشيد ؟؟؟ لانه رحعنا بالذاكرة للايام الجميلة التى جمعتنا هناك فى الوطن التانى الزقازيق ... حقبقى الزقازيق وطن ثانى لانه التقينا كلنا فيها على خبر وحب ووئام رغم اختلاف الامكنة والتقاليد والطريقة التى تربينا بها واختلاف بعض المفاهبم لدى البعض منا الا اننا احببنا بعضنا حب الاخ والاخت ورعينا بعضنا رعاية الاب والام ..... الرشيد انا كنت ما بحب الكلية شديد وما كنت بحب اذاكر كتير يعنى موضوع التقادير دا ما كان فى ود بينى وبينو يا دوب حبيب عمرى وروحى المقبول بالمصرى مأ بول .... كنت بخاف من عزة ونجاة كانوبيرازونى فى موضوع القراية كل يوم سؤال عن المذاكرة وكل يوم تذكير بقرب التيرم وطبعا متابعة شديدة لدخول السكاشن ..... مرة عندى صحبتى مصريةعزمتنى عندها فى بلبيس مشيت هناك بعد تعب حتى قدرته اخد تصريح بالمشى معاها .... بعد فترةعزمتنى واحدة فى منبا القمح قاموا ناس عزة ونجاة رفضوا وقالو لى شغلة هى مشى تانى مع المصريات برة الزقازيق مافى عملت روحى زعلانه وما قاعدة اتكلم معاهم غشان يحنوا على وحاتك ما جابن خبرى لمن مواعيد العزومة جات وفاتت قمت لقيت موضوع الحردان دا ما بجيب همه رحعت عادية وكانو شى ما حصل بقيت اقول ليهم ضيعتو على العزومة والعضة السمحة ..... ديل احنا يا الرشيد كنا قدر ما نختلف اونزعل نرجع حبايب اكتر ..... هسه انا بحكى ليك وكانى بعيش اللحظة ديك او اللحظات ديك كانها حقيقة قدامى ... ايامنا كانت حلوة ورائعة يا رشيد القوم وانا حقيقى بعتبر نفسى ما محظوظة خالص لانه ما حظيت بمعرفة انسان زيك كدا من بدرى ... انا عرفتك من خلال حديث نجاةعنك .. وبعد داك اتلاقبنا لكن ما اعنيةكنت اتمنى انو اعرفك ايامالدراسة .. هسة انا ما خسرانة برضوبعرفك وفخورة بمعرفتك على قول د iam proud of you مهند
    حاكتب ليك حكاوينا زمان كتير وحاملى ليك المربع فرح كان وما زال ما لينا عشان كلكم
    تفرحوا معاى ونكمل العقد الفريد بحلقة كنا فاقدنها وهى انتم لك كل الود ولكل من لم يشاركنى الابام الجميلة the good old days
    عليك الله با الرشيد اعتذر لى من الصغير الجميل الرائع كابوية مهند قول الليلة خلتك شوش ركبت مكنتك
    بس ما لقيت مناسبة ادخل فبها المصطلحات التانية بتاعته ... الى ان تلتقى لك منى كل الود وتحبات


    شوش لي عظيم الشرف أن تتوثق معرفتي بك و ان كانت بعد كل هذا الزمن الا انني أشعر بأني أعرفك من زمان و من خلال كلام نجاة عنك أيضا لذلك تجديني عندما ألتقيك أتحدث اليك و كأننا تزاملنا كل فترة الدراسة بالزقازيق...
                   |Articles |News |مقالات |بيانات

03-21-2010, 11:04 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    المربع حافل كالعادة بالجديد المثير الخطر
    لكن انا حارقنى كلام ارسنال وبرشلونة القلتوهو فوق ده
    برشلونة لا شك مدرسة كروية مختلفة
    هى تشبه مدرسة ارسنال ولا شك
    من حيث الملامح العامة , والطريقة
    ولكن برشلونة (فريق مصنوع )
    بمعنى انه قائم على تلقيط نجوم اجتهد غيرهم فى تنميتها وتكوينها
    نجوم جاهزون , مقدراتهم الفنية عالية ومتميزة مافى ذلك شك , ولكنهم معروضون للبيع للكل
    يعنى لو اى واحد عنده قروش , وافق رياضى كويس , يقدر يسوى فريق زى برشلونة
    الصورة دى قد تكون اوضح فى ريال مدريد مثلا
    لقط نجوم الدنيا والعالمين , وكون فريقا مدهشا و (مكلفا)
    ولكن الأمر شديد الأختلاف عند ارسنال وارسين فينجر
    انه فن اكتشاف مشاريع النجوم
    مواهب الأرسنال اليوم
    هم (نجوم كل الفرق العالمية غدا )
    هل سمعتم بان ارسنال اشترى لاعبا جاهزا الا فى اضيق نطاق ؟؟؟
    على العكس من ذلك
    ارسنال يكون النجوم , يخلقهم من عدم , ولا مانع عنده من ان يذهبوا الى برشلونة او غيره من الفرق طالما وصلوا الى مرحلة النجومية
    لأن بامكانه , وببساطة شديدة , تكوين غيرهم بخيال فنى واسع ومتميز
    ارسنال وبرشلونة
    الفرق بين تكوين المواهب حتى توصيلهم الى النجومية
    وادارة النجوم الجاهزة
                   |Articles |News |مقالات |بيانات

03-21-2010, 01:09 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    طبعاً يا منص في كلام كتير فوق عايز تعليق خاصة كسير التلج المالي البوست ده من أمبارح لمن جبته لي بطانية ... لكن كلامك عن برشلونة ده عايز وقفة شوية لأنه واضح معلوماتك مغلوطة عن الفريق ... فريق برشلونة من الفرق المعروفة في اوربا بإعتمادها علي مدرسة التكوين وهي مرحلة ما قبل فريق الشباب التي يعتمد عليها آرسين فينجر يعني بيتهتموا باللاعبين من هم أطفال وإذا مسكت فريق برشلونة الحالي خريح هذه المدرسة
    1/ الحارس فيكتور فالديس ونائبه ابو ضفيرة بنيتو ولا إسمه منه ما عارف .
    2/ الكابتن كارلوس بويول . (مدافع)
    3/ جيرارد بيكيه . (مدافع)
    4/ بوسكيت (لاعب إرتكاز)
    5/ أنيستا (لاعب وسط)
    6/ إكسافي . (لاعب وسط)
    7/ ميسي (مهاجم)
    ديل سبعة أساسيين في الفريق وفي الإحتياطي عنك
    1/ بدرو
    2/ بويان .
    3/ جيفرسون .
    والشافع الرابع داك نسيت اسمه يعني الفريق ما بيعتمد علي اللاعبين الجاهزين وده سر القوة التي يلعب بها لاعبي برشلونة ... المهم في الموضوع من دلوقتي لازم تخلي روحك رياضية وتتوقع هزيمة كبري خاصة في النيو كامب ....
                   |Articles |News |مقالات |بيانات

03-21-2010, 01:18 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    Quote: طبعاً يا منص في كلام كتير فوق عايز تعليق خاصة كسير التلج المالي البوست ده من أمبارح لمن جبته لي بطانية


    أبوالزوز الما عاجبو يحلق حاجبو و شواربو كمان....

    لكن بالرغم من ده كلو متفق معاك في موضوع برشلونة...
                   |Articles |News |مقالات |بيانات

03-21-2010, 01:55 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    أمي محاسن

    صديقتي و نسيبتي و والدة نصفي الحلو...

    ان الذي بيني و بينها لمختلف جدا...

    و هذا ليس تحت شعار كسير التلج المرفوع كما ذهب المرجفون...

    مختلف عن أي علاقة بين أثنين...

    أحيانا أشعر أنها أمي...

    و أحيانا كثيرة أشعر بأنها صديقتي بكل ما تحمله الكلمة من معاني...

    نتناقر و كأننا تزاملنا معا في الجامعة...

    لقد كانت نجاة البداية...

    ثم حلقنا أنا و هي بعيدا عن الاطار الضيق الى آفاق أرحب بكثير...

    تتصل بي كل مساء خميس و كل صباح سبت لتسألني كيف وصلت....

    ليس لأنني زوج ابنتها فحسب...بل لأنني ابنها و صديقها...

    تعزني و تقدرني و تحترمني و فوق كل هذا تحبني و كأنها حملتني في بطنها تسعة أشهر...

    و أكن لها من الاعزاز و التقدير و الاحترام و الحب ما يفوق كل ما تكنه لي...

    بيني و بينها قصص و نوادر و طرائف لا يتسع المجال لذكرها...

    لها مني في عيدها كل الأمنيات الطيبات بالعافية و طول العمر...
                   |Articles |News |مقالات |بيانات

03-21-2010, 08:49 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلام يا ناس كاى

    ياخ البوست دة التقول مربع تلج ما كاى
    جاتنى رطوبة من كسير التلج

    يا شوش يعنى ما قلنا نستتر برضوا انتى مديرة وليك وضعك الاجتماعى
    اتخيلو انا وعزة
    انا بكامل قشرتى واقفة الز فى عربية
    ولا عزة وما ادراكم ما عزة
    عزة تلز؟ يانى الازاها انا
    معسمة مما رجعت
    غايتو عقبال العربية الجديدة
    العربية دى تانى ما حاخت رجلى فيها

    يا رشو نانى وصلت لغادة بابكر اها خلينا النشوف غادة حوفى منك

    لكن الميرندة عندكم
                   |Articles |News |مقالات |بيانات

03-21-2010, 09:03 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    زوبة الليلة قلت بمناسبة عيد الأم أمشي أرفع البوست الأم ده...
    لقيتو ليك حالتو بالبلى...البلاء يعني يا زوبة مش البلي...
    أصلك زمان كنتي بتلعبي البلي مع الأولاد في الشارع...
    المهم مشيت قلت أعمل خير في البوست الأم داك وأتكلو شوية...
    مشيت خرفت لي تخريفتين كده و جيت لقيتك جيتي و مشيتي...
    المهم كسبنا دعوات من البوست العام نفسو...
    يا ولدي ان شاء الله تتعلى ما تتدلى...
    ربنا يعدل دربك و ينور طريقك و يخدر ضراعك و الحاجات دي...

    أها انت عاملة كيف مع الأمهات...

    باقي ليك بس مصر أم الدنيا الما هنيتيها....
                   |Articles |News |مقالات |بيانات

03-21-2010, 09:24 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    والله كل شوية اتزكر حاجة وعندى كم حاجة ابت تنزل
    عارف يا رشا الشبكة طين لمن زهجت
    الصفحة تعلق ساعتين حتى تقلب
    لقيت موضوع الفاتح ؟ نزلتو ليك هنا
    ياخ ما بحب البوست الصامت ولا غنية ابت تنزل حتى عيد ماقصر حاول

    بلمناسبة عزة بتسال من ياسر بطة وين واخبارو شنو
    قلت ليها سالت لمن حلقى بح ما فى زول عبرنى

    وين ياسر بطة؟


    ياسر بطة لما خالتى محاسن حوفى جات الزقازيق
    قال لنجاة والله امك صغيرة حقو نديها لابكوت ونننزلا سكشن

    التحية لبطة اين ما كان
                   |Articles |News |مقالات |بيانات

03-21-2010, 09:42 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    Quote: ياسر بطة لما خالتى محاسن حوفى جات الزقازيق
    قال لنجاة والله امك صغيرة حقو نديها لابكوت ونننزلا سكشن


    خمسة و خميسة...

    قولي ليهو بأثر رجعي قهرتك بالقاهر و النبي الطاهر...

    مالو عايز يسحر لي نيبستي اللذيذة الصغيرونة المحنتشة المحنكشة...

    والله أحسن من يدلنا على ياسر بطة هو جلال...بحكم انهم الاتنين من سنار...

    و الله ياسر من الناس اللذيذين الذين اختفوا تماما بعد التخرج....
                   |Articles |News |مقالات |بيانات

03-21-2010, 09:59 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    عارف دودو عاجباهو صورتو بتاعة تلى تبيز المنزلا عيد كل شوية يقول لى افتح افتحى والصفحة ما تفتح

    الليلة زكرتنى مثل من ناس الابيض انا وانت عاملين زى بنات غلام الله
    قالو بنات غلام الله ديل اخوات كبار فى السن وحدة مشت لاختها وطلعت منها بعد العشاء
    فقالت ليها اقدمك ما تمشى براك
    لما وصلو الاخت برضو قالت لاختها اقدمك
    كل وحدة تقدم التانية لحدى ما الصبح اذن
    اها انا وانت الليلة ما نكون ذى بنات غلام الله مداخلة وردها


    بلمناسبة بارك لى الليلة طلعت الجنسية
    واصبحت سودانية باثبات
    بكرة حاحكى ليكم موضوع الجنسية

    عمر الليلة بطرفكم فى طريقة للصين
    حابراكم ليل نهار
    بس الجماعة موجزين وقالو لازم يحصل توزيع للوقت

    حكمت الله بيوزعو لى المشكلة مزاكرة عشان اهرشم بيها مافى
                   |Articles |News |مقالات |بيانات

03-21-2010, 10:09 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    زوبة انتي بت غلام الله و أنا ود غلام الله....

    و أنا قلت أقدمك لحدي خشم الباب بس..اذان الصبح ده ما بقدر عليهو...

    مبروك الجنسية و الله يا زوبة...

    خلاص تاني كل ما الناس في الشارع يفتكروك الحبشية الفنانة ديك اسمها منو...

    طلعي ليهم الجنسية قولي ليهم سودانية...

    بس الخوف يفتكروها بالتجنس و يفتكروك بتلعبي في المريخ...

    قالو حبشي مشى يطلع جنسية...

    سألوهو قالو ليهو جنسك شنو...يعني قبيلتك شنو...

    قال ليهم انسار سنة...

    انتي قلتي ليهم قبيلتك شنو يا زوبة...

    مؤتمر وطني؟؟؟؟
                   |Articles |News |مقالات |بيانات

03-21-2010, 10:35 PM

زينب التجاني
<aزينب التجاني
تاريخ التسجيل: 01-24-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا ود غلام الله

    عندى بت ود عمى سالوها جنسك شنو
    البنية قالت تقشر
    رجعت لاصولنا المغربية
    قالت ليهم مغربية
    يا زول لففوها كعب داير
    والجنسية دى طلعت من عيونها

    عشان كدة سؤال القبيلة والجنس دة عملنا ليهو بروفة

    حامشى اعمل بطاقة شخصية كمان

    واغنى ليكم الشعب حبيبى وشريانى ادانى بطاقة شخصية
                   |Articles |News |مقالات |بيانات

03-22-2010, 07:10 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    مساء قرنفلى لسيد الحوش البراااااااااااى وكل الاحباب
                   |Articles |News |مقالات |بيانات

03-22-2010, 07:39 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    Quote: مساء قرنفلى لسيد الحوش البراااااااااااى وكل الاحباب


    قرنفلي عديل كده...
    أقول ليك شنو عاد غير...يديك العافية..

    ويسكنك الصافية...
    طبعا الأخيرة دي عجبتك...
    و بتكوني ضحكتي لحدي ما ضرس العقل بتاعك ظهر...
    بالعربي...حتى بانت نواجذك...
    قرنفلي ده لونو شنو...
    لون القرنفل يعني...و لا بنفسجي...
    انتي عارفة أنا عندي مشكلة في الألوان...
    كم مره مشيت اشتريت لي بنطلون أنا شايفو في المحل بني..
    لما أجيبو البيت يطلع كاكي..
    مش كاكي بطل ألعاب القوة...
    لون كاكي يعني..
    و لا أمشي أجيب لي قميص أنا بسميهو أخضر..
    لما أجي البيت انتي تقولي لي حرجلي...
    أقول ليك انتي قميصي اللبني وينو...
    تقولي لي قصدك التركواز داك...
    أنا شن عرفني بالألوان..
    أنا بعرف ألوان الطيف بس..
    لكن ناس بصلي...و بطيخي..و حرجلي...و موف...
    ديل عرفتهم عندك...

    علم و الله...

    مساك منقاوي...
                   |Articles |News |مقالات |بيانات

03-22-2010, 08:11 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    الليلة بت غلام الله مختفية...
    حسه تجيني الساعة اتنين صباحا و تقول لي يا رشا ما زال الليل طفل يحبو...
    غايتو أطفال الزمن ده الله يدينا خيرهم...
    أنا من حسه يا زوبا حدي معاك نص ساعة تاني..
    كان جيتي أهلا و سهلا...
    و كان ما جيتي...بشفافية كده...
    شوفي ليك ود غلام الله غيري...
    فترت من الدعايات البايخة بتاعت تلفزيون النيل الأزرق...
    و قلت النوم أحسن..
    بكره عندي يوم عمل طويل و ثقيل...
    و نفسي في اجازة و لو حتى يومين مع بت شيخي و أولادي...
    عايز انجم شوية...
    تعبت و الله...
    الغربة الداخلية دي وجعت لي قلبي...
    الليلة ياسر نجيلة كتر خيره فرق علي كتير...
    ونسني ونسة بتاعت أسبوع كده...
    و جلا ضرب لي تلفون الساعة سبعة صباحا...
    و جلال ضرب لي الظهر...
    فكان يوم ولا كل الأيام...
    يوم سعيد و بخيت...

    الليل ده سكلو بدأ يشيخ..
                   |Articles |News |مقالات |بيانات

03-22-2010, 09:49 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    http://www.youtube.com/watch?v=D_ZY67ELT7g

    تعرف يا الرشيد
    صوت محمد جبارة دة
    بيسوقك سوق ويوديك حتات كدة عجيبة
    انا في وسط الرباك وانا سايق عربيتي
    لمن يغني الزول دة بحس اني في البركل
    وفي نص شبا ذاتها
    بحس اني مندلي لاااااااااااااا تحت وسط التمر
    ولا واقف في القيف اعلاين في حيضان البرسيم
    ولا شجيرات الترمس
    ياخي الزول دة بيسوي فيك حاجات عجيبة كدة
    خصوصا لمن يكون شاعر الاغنية السر عثمان الطيب القاعد جنبو دة

    يا نسمة كيف
    يا نسمة كيف اخبار اهلنا وحينا
    احكيلي عاد ما باقي طولوا مننا
    زي ما دوام طارنهم طارننا
    زي ما بنشيلم في القلوب شايلننا
    حتى البعاد فتق جروحم زينا
    آآنسمة ما تدسي المكتم عننا
    تمرتنا كيف آآآنسمة عرجونا انتنى
    شيلا تقيل فوقو الدباس رسل غنا
    لملم عويشو مع الصباح للعش بنا
    حضن الجنا
    الساقي كيف..
    جدولنا كيف...
    البوغة كيف...
    آآنسمة ما شفتي المتر سايقنو صيف
    عربا بعاد يا نسمة كيف
    ما قالوا ليك بيوضة رشاها الخريف
    يا نسمة لم غشيتي ما شميتي زيف
    آآنسمة قولي بدون بكى
    المنقة كيف.. والبرتكان صح شال وانتكى
    آآنسمةمالك ساكتي ما قلبي اشتكى
    آآنسمة قولي فتر أنا
    احكيلي عن ناس حينا
    شيلي السلام يا نسمة بالكوم مننا
    وديهو ليهم في الشمال من عندنا
    ان شاء الله توصلي بالسلامة بدون عنى
                   |Articles |News |مقالات |بيانات

03-22-2010, 10:00 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: طارق جبريل)

    Quote: يا نسمة كيف
    يا نسمة كيف اخبار اهلنا وحينا
    احكيلي عاد ما باقي طولوا مننا
    زي ما دوام طارنهم طارننا
    زي ما بنشيلم في القلوب شايلننا
    حتى البعاد فتق جروحم زينا
    آآنسمة ما تدسي المكتم عننا


    جبريلا...نويت علي خلاص...

    عايز تلحقني كمال الشادي يوم نزلت ليهو ست الدار...

    كمال ما نام لحدي الصباح...

    و أنا شكلي كده طيرت لي النوم من عيني...

    محمد جبارة ده عندو صوت خارق للعادة...
    تفرد عجيب...
    و العجب لما يمتزج بصوت الطمبور...
    عالم من الجمال و الابداع...

    شكرا جبريلا...
                   |Articles |News |مقالات |بيانات

03-22-2010, 10:20 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    عارف يا الرشيد
    حقيقي افتقد كمال الشادي بشدة
    ضربت ليه قال مشغول شوية
    بس قلبي ماكلني عليه
    بكرة ان شاء الله من دغشا بدري بكشحوا بي تليفون
                   |Articles |News |مقالات |بيانات

03-22-2010, 10:27 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: طارق جبريل)

    جبريلا...
    كمال فعلا مشغول...و يكاد يقضي كل يومه في العمل...
    لكننا حقا نفتقده...
    وحسب آخر تلفون لي معه...
    قال كلها أيام و يرجع يتواصل مثا الأول...
    و لكن شايف الموضوع جر..
                   |Articles |News |مقالات |بيانات

03-23-2010, 09:47 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    حالات التبلد الكتابى
    ما تزال تكتنفنى , تناوشنى مع اول لمسة كيبورد
    لكنى مصر الليلة , على ملاواتها ومصارعتها
    مين ود غلام الله ده ؟؟؟
    ان شاء الله توصلى بالسلامة بدون عنا
    السر عثمان الطيب ومحمد جبارة
    ومحاولة للحديث مع النسائم
    ابتداءا من نسائم الليل روحى كلمى
    وصولا الى
    الزهور صاحية وانت نايم , داعبت شعرك النسائم وايقظت نوم الحمايم
    كمان فى تانين يا طارق جبريل اتكلموا معاها , من وراء حجاب
    باعتبارها مرسال شوق , قالو ليهو يالكلك ذوق , تغشى الحبان فى كل مكان
    ما عارف تقول ليهم شنو كده
    اها , شفتو جنس التبلد ده !!!
                   |Articles |News |مقالات |بيانات

03-23-2010, 10:13 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    قايلنى يعنى عشان ظرف (تبلدى ) دى بخليك يا رش ؟؟!!
    يا دوب قريت كلامك وتعقيبك على ارسنال وبرشلونة
    مما لاشك فيه , ان جوارديولا افلح فيما لم يفلح فيه سابقوه من مدربى برشلونة
    خاصة فى زيادة قاعدة المواهب الشابة
    مقابل الأعتماد على المواهب الجاهزة والمصنوعة
    ولكن برشلونة حتى بمواهبه المحلية خريجة مدرسة برشلونة
    يبقى فى منزلة وسط فى تبنى هذه السياسة
    ما بين ارسنال , رائد مدرسة المواهب الشابة والجديدة
    وريال مدريد مثلا , رافع لواء مدرسة (سوق اللاعبين الحر )
    يعنى يا رش يا حبيب , من ما الله خلقنا , ما سمعنا بى ارسنال داخل بى تقلو فى سوق اللاعبين
    لم يوجه سهامه ابدا للاعب جاهز , من شاكلة مليتو والفيس وماركيز وهنرى وابراهيموفيتش , ده هسى
    او على شاكلة الكسندر هليب وايتو وديكو وابيدال والسويدى الهداف النسيت اسمه داك , ده قبل حين
    او على شاكلة ناس حتى ماردونا ولا فيجو ولا اوفر مارس وصافيولا , من ايام الزمن البعيد
    ارسنال , ومنذ ان تولى اموره ارسين فينجر , مشفقنا عديييل باصراره وثقته فى نجومه الصاعدين بنسبة تقارب المائة بالمئة
    لذا فهو مصنع النجوم العالمية لكل دوريات العالم , شأنه فى ذلك شأن مدرسة اياكس امستردام القديمة
    حتى ولو لم يصل برشلونة فى اعتماده على النجوم المصنوعة مرحلة ريال مدريد وباقى اندية الميزانيات المفتوحة فى العالم
    ولكنه -وبكل تأكيد - لا يرقى لمرحلة اعتمادية ارسنال على المواهب الصغيرة الشابة
    هذا هو الفرق كما قصدت واردت ان ابين
    اما لقاء دور الثمانية , فيكفينى ان اقول ليك , انو الفرص متساوية , رغم فارق الأمكانيات والخبرة
    لكن المواهب متوفرة فى الطرفين ولا شك
    اما ميسى هذه الأيام , فده قصة براهو القصيرونى ده , الله يكفينا شره
                   |Articles |News |مقالات |بيانات

03-23-2010, 01:08 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    سلامات يا ناس

    سلام وشوق لاولاد غلام الله وبنات غلام الله

    والبنات القرنفليات والاولاد الابنوسيين..

    انا ما عارف نجاة حوفى دى قاعدة تحندكنا بى منى عباس ليه؟؟؟

    قبل كده طلبت منها تجيب لى حاجات من منى بالايميل عبرها فى

    ولمن فاتهم الاستماع ...الرشيد: قدام اولاد غلام الله وبنات غلام الله

    انا بشتكى ليك من مرتك دى.
                   |Articles |News |مقالات |بيانات

03-23-2010, 01:44 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    سلامات يا ناس

    الغرفة 10 هو عنوان القصة...

    اليك وزوارك هذا الجزء....نظام حندكة . مش مرتك قاعدة تحندكنا بمنى عباس؟

    وحيدآ تأتى انت هذا المساء...تخطو نحونا بأناقتك المعهودة يسبقك حذاؤك الأسود اللامع

    وكذلك أنفك...تتسارع خطواتك وأنت تفتش المكان بعينيك وأنفك...يُنبؤك ذلك الأنف الذى نَبَتَ

    له قرنا استشعار مؤخرآ ..أنها ليست هنا ....تُسيطر علينا جميعآ الدهشة كونك تأتى وحيدآ

    من دونها...أين هى؟؟لم يتجرأ أحدنا على سؤالك...جلستَ بعيدآ تُحدّق فينا ومدخل النادى ..كنتَ

    فى تلك الأمسية تجلس الينا بنصفِ عقلٍ ونصف احساسْ......تتوالى القراءات وأنت تركن الى صمتٍ عظيم

    ودونما استئذان تهُب واقفآ ويحتويك الشارع العريض.
                   |Articles |News |مقالات |بيانات

03-23-2010, 06:15 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    Quote: قبل كده طلبت منها تجيب لى حاجات من منى بالايميل عبرها فى

    ولمن فاتهم الاستماع ...الرشيد: قدام اولاد غلام الله وبنات غلام الله

    انا بشتكى ليك من مرتك دى.


    محمد صديق شبيك لبيك...عايز منى عباس...بس كده...

    أها أنا جبت ليك منى عباس و هي جايبة سيرتك كمان...

    شفت توارد الخواطر ده كيف...

    Quote: الرشيد بابكر----سلام-- اخيرا لقيت فرصة فى لاب توب قررت ارسل الى كل الاصدقاء الاعزاء---كيف الاولاد امنية العسل ومهندالhandsome متابعة ومستمتعة---زى ما بقول محمد صديق----فى منبر الزقازيق وخاصة مربع كاى --ربنا يسهل علينا ونجى بخشم البيت خلاص تعبت من المتاوقة بالحيطة--سلام الى المدام
                   |Articles |News |مقالات |بيانات

03-23-2010, 07:31 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    مساكم الله بالعافية مساء فل ابيض..
    جئت لاقدم اعتزارى للرقيق محمد صديق.. بس بالتاكيد البتونس بس مع منى عباس ممكن يحندك الدنيا كلها ..
    تعرف يا جورج انه انا او منى بس نتكلم مع بعض ننسى انه التلفون ممكن يكلف كثير.. ونسة منى من القلب للقلب.. منى هى منى .. رقة وصفاء ..براءة وتواضع.. اصيلة منى اختى.. منى عباس اخت الحارة والباردة
    منى ماسة فريدة فائقة النقاء..
    احندكك بس ما تزعل ؟؟؟ منى جات مخصوص ابوظبى عشان تلاقينا؟؟ واختها فى ابوظبى بس دايما بتسافر من بيتنا.. زوج اختها اول مرة كان مستنكر كيف يعنى تسافر من بيت اصحابها فقلت ليه يا اخى منى دى ما صاحبتى اسال اخواتها وعمى عباس ابوها..اختها سالوها صاحباتها اختك مسافرة كندا بعد 4 يوم ليه مشت ابوظبى؟؟ فردت عليهم انه اختنا بت امنا اسمها نجاة حوفى مشاركانا فيها فحا تسافر من بيتها..
    الانصهار البينى وبين منى.. فوق الوصف.. اما علاقتها برشيد القوم المتفرد كما اعتادت ان تصفه
    فهى متفردة مثلها..
    تحية قرنفلية لمنى الماسية القيافة الفايتة الناس قيافة وفايته الناس زوق..
    انت تامر يا جورج وحا اتصل بيها مخصوص عشانك وانزل ليك من حاجاتها فى بوستك الراقى..
    دمتم سالمين
                   |Articles |News |مقالات |بيانات

03-23-2010, 07:51 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    اتذكرت بمناسبة لقب زوبة للرشيد بابكر رشيدشو..احكى ليكم عن واحدة صديقة لينا بابوظبى
    اشترت ليها عربية على الزيرو( موضوع العربات ده حساس شوية ) المهم اتصلت بى عشان تكلمنى .. شبكتنى ليكم عربيتى وعربيتى ولونها بترولى.. والاوشنس الفيها.. وانا ساكتة واردد والله ما شاء الله مبروك.. والله تستاهلى.. فقالت لى اسمعى انت بعد ده اشترى ليك عربية .. اخدى قرض.. ما ممكن لحسه من تاكسى لتاكسى
    ( طبعا هنا لا رقشة ولا امجاد ولا بص) يعنى التكاسى بهدلة.. فرددت لى ما ممكن يا نجاة حوفى بهدلة التكاسى دى ما معقولة .. فقلت ليها بكل تواضع انت سايقة عربية .. سالتنى اشتريتى؟؟ متين؟؟ قلت ليها لا عربية الرشيد .. سالتنى تانى لى على الزيرو؟؟؟.. قلت ليها العربية اشتريناها ليها 4 سنوات.. فردت لى اه يعنى ما على الزيرو؟؟!!.. وانا مصرة على التواضع فقلت ليها اكيد يعنى حسه م على الزيو بس بتجيب 3 نيسان تيدا على الزيرو. فزعلت منىوسالتنى ليه هى شنو فقلت ليها سكتت .. ومن يومها ما سمعت سيرة عربيتها النيسان تيدا العلى الزيرو.
    زوبة الشو بتاعكم انتى والرشيد صور اوربا بس والله اجيب ليكم صاحبتنا دى تامنوا وتقولوا الروب والله دى تحير ماما تيتا ذاتها..وتنسيها الشو نفسه..
    ريا جماعة افتقد واشتاق الى صديقة ودفعتى زناتى .. شوق يتعدى الخيال..
                   |Articles |News |مقالات |بيانات

03-23-2010, 08:08 PM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    البراية بتاعتى الليلة جديدة وسنينة.. والحوش دى فى FREE COUNTRY
    AND WE ARE FREE
    ذى ما بقول هنودى.
    زوبة لما جات برلومة مامامحاسن ما خلت ليها حاجة ما شيلتها ليها حتى الليفة والصابون
    يوم انا وهى وبطة نزلنا ليك من التاكسى فى شارع القومية ماشين الاتحاد.. لاقينا ليك سناء الصباخ قاشرة وشايلة شنطة اليد ومعاه مجموعة من الناس وعاملة ليك فيها قشرتها ما عادية.انفجرنا تلاتتنا بالضحك لدرجة الناس المع سناء ذى الزعلو مننا.. فسناء بحسم قالت لينا يا زميلات يعنى ضحكم بالطريقة دى وفى الشارع غير مقبول.. ونحن للاسف زايدين ضحك فلما ركزت عرفت ليه نحن بنضحك ..
    تعرفوا ليه سناء شايلة شنطة كحلية انيقة جدا لابسة معاها جينز كحلى وتطقيم على سنجة 10 بس الشنطة كانت شنطة الصابونة والليفة الاشترتها ماما محاسن لزوبة وهى جاية فسناء قالت لينا ليفة شنو كمان البشتروا ليها شنطة دى شنطة قشرة عديل ونحن كنا مفتكرنها بتهزر.. الظاهر مشت اشترت ليها جيبة جينز مخصوص..
    تحية خاصة لسناء الصباغ صانعة الفرح .. والبسمة .. لمن يعرفون سناء عن قرب اود ان اقول لهم ان سناء ام معطاءة تطبخ .. تبدع.. تهتم باولاده اهتمام فوق العادة.. تحية حب ليك يا سناء ونشوفك فى الصيف ذى ما قال رشيد شو فى المكان والزمان المحددين.. ما عايزين نقول عشان الشو بتاع رشو ما يتحرق..
                   |Articles |News |مقالات |بيانات

03-23-2010, 09:11 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    مساكم الله بالخير

    رغم عشقي للحياة النظيفة و المرتبة جدا الا انني تعايشت مع ظروف ليست بها لا حياة نظيفة و لا مرتبة....عملت في الجزيرة حيث لم يكن لنا الا ضل التراكتور ثم نعود مساءا لنأكل في اناء واحد تغوص فيه كل الأيدي القذرة بحثا عن قطعة لحم...و أذكر انني عندما عدت من الجزيرة رقدت طريحا للفراش لمدة تقارب الشهرين مصابا بحمى التيفويد...
    أما الحياة التي عشناها بأبوزمام فكانت أسوأ حالا من تلك التي عشناها في الجزيرة...لا الفراش نظيف و لا وعاء الطبخ و لا حتى وعاء الأكل...حتى الحمام كان بماء متسخ...
    لم أشكو أبدا رغم طموحي في العيش حياة كريمة نظيفة و مرتبة...و لكنني لم أخنع و لم استسلم لذلك الواقع و جاهدت جهادا مريرا لتغييره...و لا أقول نجحت بقدر ما ما أقول أن الله قد وفقني وتمكنت من تحقيق جزء من أحلامي....
    كثيرا ما أقوم بالمقارنة بين تلك الحياة و هذه التي نعيشها الآن....فأجد رغم الفارق الكبير بينهما الا أن تلك الحياة كنا نستمتع بها جدا و كنا نحبها رغم تمردي عليها و تطلعي الى حياة أفضل...فأذكر أنني عندما كنت بأبوزمام...كنت عندما أقضي عدة أيام بالخرطوم أحن أبو زمام و رائحة الأرض و الطين...فأرجع اليها بشوق شديد..و بمجرد دخولي الى حرمها تملؤني الراحة و السكينة....
    و لكن عشقي للنظافة و الترتيب لم يتغير...بقي كما هو...ربما هو أمر يعود الى طبيعتي...او ربما الى عادات اكتسبتها أثناء نشأتي....

    لكن منو الما بحب النظافة و الترتيب...
                   |Articles |News |مقالات |بيانات

03-23-2010, 09:43 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    الليلة منصور عاداني بي الحالة بتاعتو...
    أي حاجة حاولت أكتبها أحس بيها بااااايخة جدا...
    و في العادة لما أحس بي حاجة زي دي بقوم أقفل الكمبيوتر و أمشي أعمل لي حاجة تانية...
    لحدي ما أشعر اني قادر أكتب أرجع أكتب...
    الليلة رغم شعوري التبلد زي حق منصور...
    الا اني قلت اتلايق على نفسي...
    ما حأقفل الكمبيوتر...و حأكتب مهما كان...
    خلينا نكون شفافين شوية...
    يعني نحن ما طوالي رايقين..و مبسوطين...
    مافي أيام كمان بنكون حالتنا ما بتتقابل..
    مش حميد بيقول....
    وما طال المطر بيصب
    طبيعي إنو البحر ما راق
    كما إنو العكار من طين
    كمان من طين بيجي الرواق
    صحيح إنو المطر ضايق
    لكن التراب مشتاق
    إذا ما العشق مندافع
    كذلك حضرة العشاق

    لازم تتضايق عشان تروق...
    و لازم يجي الضيق بعد الروقة طالما هنالك حياة...
    لكن ضيق طوالي و لا روقة طوالي بتكون في حاجة ما طبيعية...

    خلونا الطين ده أو الحالة دي رواق عشان تجي بعدو روقة...
    و ان شاء الروقة تطول....
                   |Articles |News |مقالات |بيانات

03-24-2010, 11:47 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    هذا الايميل من الأخ أحمد سيد عبد العال وصلني اليوم...
    لي عظيم الشرف بالتعرف عليك و أسالل الله أن تساعدني ظروف عملي في ملاقاتك بالمعرض..ولكن حتى و ان لم نلتقي بالمعرض فواجب عليك زيارتنا بأبوظبي...فأنا عادة أكون في أبوظبي يومي الخميس و الجمعة و أعود الى مكان عملي بالمنطقة الغربية صباح السبت..

    Quote: الأخ الفاضل الرشيد
    تحية طيبة
    على الرغم من اننا لم نتقابل بالزقازيق - لأختلاف الأجيال طبعا - الا اننى من المتابعين لكتاباتك الرائعة واسلوبك المتميز فى الكتابة وكذلك القصص ، لقد عاصرنا الأخت نجاة وهى فى السنة النهائية وآمل ان تكونوا جميعا بخير .
    بأذن الله سوف نكون حاضرين فى دبى يوم الأحد القادم 28 مارس للمشاركة فى المعرض الزراعى اجرامى - وندعوكم لزيارة جناحنا وحضور ندوتنا العلمية يوم الثلاثاء الموافق 30 مارس وهذه الدعوة للمهندسين الزراعيين بصفة عامة والعاملين فى مجال الدواجن بصفة خاصة .
    آمل ان تسمح لكم ظروفكم فى تلبية الدعوة والى اللقاء تقبلوا منى كل التحايا .
    أحمد سيد عبد العال - زراعة الزقازيق 1993
    جدة - السعودية


    أسعد كثيرا عندما تاتيني مثل هذه الايميلات وأدعو من هنا كل ألأخوان الذين لا يملكون عضوية المنبر بمراسلتي و سأقوم بنشرها لهم ليتواصلوا مع من يحبون...
                   |Articles |News |مقالات |بيانات

03-24-2010, 01:33 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    Quote: وحا اتصل بيها مخصوص عشانك وانزل ليك من حاجاتها فى بوستك الراقى..
    دمتم سالمين


    نجاة سلام وشوق

    لك كل الشكر على شعورك الراقى وده ما يمنع انو الواحد يحسدك فى منى عباس

    لك التحية وللوليدات اللذاذ.
                   |Articles |News |مقالات |بيانات

03-24-2010, 03:49 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    يا كوتش يبدو اننا موعودون بقصة مشوقة و على طريقتك المتميزة...الجواب يكفيك عنوانه....


    Quote: وحيدآ تأتى انت هذا المساء...تخطو نحونا بأناقتك المعهودة يسبقك حذاؤك الأسود اللامع

    وكذلك أنفك...تتسارع خطواتك وأنت تفتش المكان بعينيك وأنفك...يُنبؤك ذلك الأنف الذى نَبَتَ

    له قرنا استشعار مؤخرآ ..أنها ليست هنا ....تُسيطر علينا جميعآ الدهشة كونك تأتى وحيدآ

    من دونها...أين هى؟؟لم يتجرأ أحدنا على سؤالك...جلستَ بعيدآ تُحدّق فينا ومدخل النادى ..كنتَ

    فى تلك الأمسية تجلس الينا بنصفِ عقلٍ ونصف احساسْ......تتوالى القراءات وأنت تركن الى صمتٍ عظيم

    ودونما استئذان تهُب واقفآ ويحتويك الشارع العريض.
                   |Articles |News |مقالات |بيانات

03-24-2010, 03:51 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    أين المدعو أبوبكر حامد الأمين...

    نفتقدك بشدة يا بكوري...

    و حججك كترت...
                   |Articles |News |مقالات |بيانات

03-24-2010, 05:25 PM

جلال عثمان
<aجلال عثمان
تاريخ التسجيل: 09-13-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: رغم عشقي للحياة النظيفة و المرتبة جدا الا انني تعايشت مع ظروف ليست بها لا حياة نظيفة و لا مرتبة....عملت في الجزيرة حيث لم يكن لنا الا ضل التراكتور ثم نعود مساءا لنأكل في اناء واحد تغوص فيه كل الأيدي القذرة بحثا عن قطعة لحم...و أذكر انني عندما عدت من الجزيرة رقدت طريحا للفراش لمدة تقارب الشهرين مصابا بحمى التيفويد...

    انت بس نكت جنس الحاجات دي ... ونحن نقوم نذكر حاجات مقابلة عشناها واقعا كما عشتها ...
    ونحمد الله كثيرا فهو مغير الاحوال من حال الى حال ...
    مرة كنا انا وسامي ومحمد الهادي وعزام في الاسكندرية حيث كنا نزور اسرة عزام المقيمة في الاسكندرية في ذلك الوقت
    المهم ياسيدي كنا نتمشي في كورنيش "ستانلي" العينة داك وكل منا يأكل في "كوز درة" محترم ...
    انا اول واحد خلصت وكان بقربي محمد الهادي فما كان مني الا ان غافلته وخطفت منه بتاعه وهاك يافكيك وهو ورأي
    المهم زولك ما قدر يحصلني فما كان منه الا أن قال ...
    يعرفوك كيف تربية "اشلاقات"

    ----
    ايه دنيا ياخ
                   |Articles |News |مقالات |بيانات

03-24-2010, 05:52 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: جلال عثمان)

    Quote: يعرفوك كيف تربية "اشلاقات"


    جلال ضحكتني حتى بانت نواجذي...

    ما قلت ليكم من زمان تعالوا بي جاي تلقوا الكلام الدقاق و النكت و الميراندا و كل حاجة...
    كل ما أقول ليهم يا جماعة ده مجرد اسم و المكان ده للناس كلها...
    يجيني واحد ناطي يقول لينا و الله يا ناس زراعة....
    يا جماعة المكان ده حق الناس كلها...
    يجي تاني واحد يقول ليك زمان يا ناس زراعة...
    يا جماعة انتو العربي ده لغتكم التانية...
    قلنا ليكم المكان ده ما لي ناس زراعة بس...
    نقول ليكم تور...تقولو أحلبوهو...
    المهم يا أبو الجل...
    النكت ده حقي..
    أقعد بالليل براي...أتذكر ليك من أيام الروضة لحدي حسة...
    و أي حاجة تجي في بالي أكتبها ليكم هنا...
                   |Articles |News |مقالات |بيانات

03-24-2010, 11:24 PM

محمد عيد
<aمحمد عيد
تاريخ التسجيل: 05-03-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    مررت خلال اليومين الفائتين بتجربة مريرة

    لم أعش مثلها من قبل ...

    الا فى ايام الدراسة الثانوية والمظاهرات ايام نميرى ...

    صباح الثلاثاء اول من امس .. وبعد دخولى لمكتبى فى المركز بدقائق

    تلقيت اتصالا من زميل لى بدا منزعجا وهو يصرخ .. ألحقنا عندنا طفل مات فى مدينة الملاهى ..!!

    انطلقت مهرولا بسرعة لا أحسب اننى مارستها لعدة سنين خلت وصعدت درجات السلم الخرسانى دون ان افكر

    فى امتطاء المصعد او السلم الكهربائى .. وسرعان ما كنت بالطابق الثالث ووجدت تجمهرا كبيرا فى مدينة

    الملاهى حول لعبة الـ flume ride او كما يسمونها الشلال المائى وسمعت من الزملاء ان طالبا عمره 6 سنوات

    كان من ضمن طلاب مدرسة انتظموا فى رحلة للمركز قد انزلق بين عربات الشلال وفاضت روحه الى بارئها ..!!

    لم استطع الذهاب لرؤيته ولكنى دون وعى كاملا ادرت هاتفى طالبا عمليات الدفاع المدنى الذين وصلوا خلال

    3 دقائق بالظبط .. وبدأت فرق الطوارىء مع الفنيين العاملين لدينا بالمركز فى محاولة اخراج الطفل

    وتحقق ذلك بعد مضى ساعة كاملة .. كانت مثل دهر ... وخرج الطفل البرىء جثة هامدة ...

    ارتبك الموقف بشكل غير طبيعى وامتلأت الساحة بضباط الشرطة والدفاع المدنى ومسئولى التربية والتعليم

    وبالطبع ملاقيف الصحافة ..!! وبعد ابلاغ والد الطفل واهله واجراء بعض التحقيقات فى الموقع تم اقتيادى

    مع مجموعة من زملائى العاملين بالمركز الى ادارة الدفاع المدنى لاكمال التحقيق ...

    وظللنا فى حالة انتظار مؤلم ومرهق ومداولات وتحقيقات حتى الساعة الثامنة مساء ...

    وتكرر الموقف منذ صباح اليوم ولكن فقط حتى الثالثة عصرا لنواصل يوم السبت .. بعد ان سمح بدفن

    الطفل نهار اليوم ..!!!

    وأخذ علينا تعهدا" وتم سحب اوراقنا الثبوتية لضمان تواجدنا حتى انتهاء التحقيقات ...

    الارهاق النفسى الذى تملكنى طوال اليومين لا استطيع وصفه .. ما بين رؤية الطفل مسجى على الارض ثم محمولا

    على النقالة وما بين الوقوف انتظارا للتحقيقات لساعات وساعات وترقب مؤلم لتداعيات لا أدرى الى اين

    يمكن ان تؤدى ... كل ذلك تمكن منى بصورة شعرت بعدها باعياء شديد ...

    أسأل الله ان نتجاوز هذا الموقف بكل تداعياته على خير واطمع فى دعاءكم معى ....

    يا رب ســترك ...
                   |Articles |News |مقالات |بيانات

03-25-2010, 05:35 AM

محمد آدم النور
<aمحمد آدم النور
تاريخ التسجيل: 05-03-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    Quote: أسأل الله ان نتجاوز هذا الموقف بكل تداعياته على خير واطمع فى دعاءكم معى ....

    يا رب ســترك ...

    اللهم سترك و عفوك
    اللهم أذهب عنا الهم و الحزن
    اللهم فرَّج كربنا و أخونا عيد
                   |Articles |News |مقالات |بيانات

03-25-2010, 05:45 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    صبحكم الله بالخير
    محمد عيد...لم أقرأ هذه المداخلة الا قبل قليل...فقمت بالاتصال بك تلفونيا مباشرة...و لكن يبدو انك ما زلت نائما و تحت تأثير التعب الذي نتج عن حادث موت الطفل...نسأل الله أن يصبر أهلة و يجعله لهم مشفعا يوم القيامة...
    و نسأل الله أن تتجاوزوا هذه المحنة على خير...
    و لكن السؤال هل تديرون أنتم في المركز هذه الألعاب مباشرة أم عبر مقاول يقوم بادارتها و صيانتها وتأمينها و الحرص على مقومات الأمن و السلامة بها بموجب عقد بينكم يتحمل فيه كل المسئوليات الناتجة عن الاهمال...
    على أي حال الحوادث واردة الحدوث و لكنها عندما تحدث يبحث الناس عن مسبباتها...

    نسأل الله أن لا يصبك أي ضرر من وراء هذا الحادث يا صديقي...
                   |Articles |News |مقالات |بيانات

03-25-2010, 06:12 AM

عمر المهدى
<aعمر المهدى
تاريخ التسجيل: 11-07-2009
مجموع المشاركات: 403

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    نسأل الله أن لا يصبك أي ضرر من وراء هذا الحادث يا صديقي..

    ياعيد قلبي معك ***اتصلت عشان اطمان الظاهر مشغول
                   |Articles |News |مقالات |بيانات

03-25-2010, 08:11 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: عمر المهدى)

    سلامات يا ناس

    عيد الحبيب ....سلام

    وربنا ما يوريك مكروه ورحم الله الطفل الصغير

    ويستر عليك ربنا ....مش كفاية الغربة؟
                   |Articles |News |مقالات |بيانات

03-25-2010, 08:26 AM

محمد عيد
<aمحمد عيد
تاريخ التسجيل: 05-03-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    الاعزاء الاحباب ..

    نجيلة ، سامى ، ود المهدى ، رشيد ، جلا ، محمد صديق

    الشكر الجزيل لكم على هذه الوقفة وهذا التضامن

    ونسأل الله الرحمة لهذا الطفل وان يجعله الله شافعا لوالديه

    &&&&&&&&&&&

    معذرة لكل الاخوة الذين اتصلوا علىّ ولم استطع الرد عليهم

    وذلك بسبب تركى لهاتفى فى المكتب والانشغال فى معالجة تداعيات الحادثة

    وخصوصا مع الصحافة والصحفيين أقصد السـخفيين .. وبالجد فكرت أستعين بالهكر

    الحايم فى المنبر العام اليومين ديل ..!!

    رشيد .. نعم نحن نقوم بتشغيل الملاهى والمعدات بأنفسنا .. وكل التجهيزات

    والتركيبات مصممة بأحدث الطرق ومؤمنة تماما من نواحى السلامة ..

    ولكن الطفل المرحوم لم يقع من اللعبة او سقطت به ... ولكنه تسلل من باب خلفى

    خاص باعمال الصيانة وحاول ركوب اللعبة فى الاتجاه المعاكس ...

    رحمه الله وصبــر والديه
                   |Articles |News |مقالات |بيانات

03-25-2010, 09:12 AM

جلال عثمان
<aجلال عثمان
تاريخ التسجيل: 09-13-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    محمد عيد ...
    كامل تضامننا ياحبيب وشدة وتزول ان شاء الله
    وربنا يرحم الصبي ويجعلوا شفيعا لوالديه
                   |Articles |News |مقالات |بيانات

03-25-2010, 02:02 PM

مني يونس
<aمني يونس
تاريخ التسجيل: 11-07-2009
مجموع المشاركات: 273

للتواصل معنا

FaceBook
تويتر Twitter
YouTube


Re: مربع كاي (Re: جلال عثمان)

    مسؤولية كبيرة وإمتحان رباني

    إنشاء الله تعدي على خير يا محمد عيد

    ربنا يرحم هذا الطفل .
                   |Articles |News |مقالات |بيانات

03-25-2010, 03:48 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: مني يونس)

    العزيز محمد عيد .... رحم الله هذا الطفل وجعله شفيعاً لوالديه يوم القيامة ... وأن يلهم والديه الصبر فما أقسي أن يفقدا طفلهما في هذه السن .. وهي تجربة مريرة أتمني أن يجتازها ... وكامل تضامننا معكم في هذه المصيبة وهي تجربة لا تقل قسوة عن والديه .. أتمني أن ينتهي الأمر بأسرع فرصة وأن تعود الأشياء لطبيعتها ... وقلوبنا معكم ...
                   |Articles |News |مقالات |بيانات

03-25-2010, 06:07 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    مساكم الله بالخير
    بعد أن تواصلنا تلفونيا عصر اليوم مع محمد عيد أطمئنيت على موقفة القانوني من المسألة...

    عشان كده قلت أغير الموضوع...و هو على أي حال يوم الخميس البوست بيكون زي الداخل ليك مدينة من مدن أفلام الكاوبويز ديك...لما يكونو الخيانة جايين عليها...الجماعة بيكونو كلهم لابدين...ماعدا البطل بيكون في دكان الجلاق بيحلق في دقنو و عامل فيها ما هاميهو...و شايل ليهو دولار حديد بيرمي فيهو و بيعضي ليهو في سيجار...
    و أنا من قبيل بتاوق شايف اتنين لافين..ديل بيكونو الشريف و مساعده...و أنا على أي حال جيت من غياثي لقيت العيال و نجاة في المدرسة...اليوم كان عندهم ما يعرف بالـSport Day جيت رميت نفسي السرير كجلمود صخر حطه السيل من عل...و لم أستيقظ الا و بعض الصخور تتساقط فوقي....فتحت عيوني فاذا هم ألذ صخور...مهند عمل Diving فيني و كأني حوض سباحة كبير....قفزة سببت لي بعض الآلام الخارجية و سيل من السعادة الداخلية...فاضت دواخلي من السعادة بعد ان انضم اليه أمنية و نجاة و كان يوم من يوميات أب ترتوار...
    ماذا أقصد باب ترتوار...مش الترتوار أبيض و أسود...و كذلك أنا أيام سوداء و هي الأيام التي أقضيها بعيد عن عيالي و أمهم في غياثي و أيام بيضاء هي تلك تمضي بسرعة..لذلك أشعر دائما أن الجزء الأسود في الترتوار أكبر من الأبيض...

    (عدل بواسطة الرشيد بابكر on 03-25-2010, 06:16 PM)

                   |Articles |News |مقالات |بيانات

03-25-2010, 07:00 PM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    Quote: مش الترتوار أبيض و أسود...


    كلو ابيض ان شاء الله.
                   |Articles |News |مقالات |بيانات

03-26-2010, 11:21 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    جمعتكم مباركة

    صلينا و تسوقنا و كلمنا الحجاج في السودان و قاعدييييين منتظرين الكسرة....قلت دي فرصة الواحد يطل عليكم في هذه الأثناء ...لكن لو نادوني للغداء أسمحوا لي يا جماعة ما حأقدر أهضرب معاكم فللضرورة أحكامها...
    ارتفعت درجة الحرارة قليلا بالنهار هذه الأيام...و هي عادة تزيد عدة درجات يوم الجمعة عن باقي الأيام...الحضور متأخرا الى الصلاة يفرض علينا الصلاة خارج المسجد و عادة ما يكون الخارج تحت الشمس الحارقة...لذلك أصبح الظفر ببدنة اضافة الى فضله الكبير فهو أيضا ضرورة و واجب تمليه علي ظروف الشمس الحارقة...
    التسوق بصحبة أمنية و مهند يجعلني مشوشا...فهم ينجحان في الهائي عن مواد مهمة الى أخرى غير ضرورية...فهم يركزون على العصاير و الحلوى و الكورنفليكس و الكريم كراميل و يجعلوني أنسى كثير من الأشياء المهمة الأمر الذي يجعل نجاة تحتاج الى أن تعود الى التسوق مرة أخرى لتكملة الأشياء الناقصة...و لكن هذا البرنامج بالنسبة لهم برنامجا مهما لذلك لا أستطيع أن أحرمهم اياه...و أذكر اننا كنا في صغرنا نرافق الوالد في برنامج مماثل...فأذكر اننا عندما كنا في مدني كنا نذهب صباح الجمعة قبل الفطور الى الملجة...هنالك اختلاف كبير بين المواد التي كنا نشتريها زمان و هذه التي نشتريها الآن...و لكن أكثر ما أتذكره و نفسي فيه الآن كان قصب السكر في الشتاء....كنا نجيب قصب اليكر و نقعد في الحوش الخلفي و نقعد نعذب ليك القصب ده عذاب...

    نادوني للغداء...اعذروني...
                   |Articles |News |مقالات |بيانات

03-26-2010, 12:20 PM

أبوبكر حامد الأمين
<aأبوبكر حامد الأمين
تاريخ التسجيل: 04-03-2006
مجموع المشاركات: 773

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    أيها الأحباب ............ سلاماً وتحية


    Quote: المباراة بين أرسنال وبرشلونة حتكون قمة كروية لأنه الفريقين بيلعبوا كورة جميلة .... ومعروف عن آرسنال إنه كورته ما بتشبه كورة الإنجليز ... ناس كتار بترشح برشلونة لفارق الخبرة والمهارات وإمتلاكه لترسانة من النجوم النووية ..... لكن بنقول أمر التأهل بيحسمه الميدان وليس التاريخ ولا النجوم والتجارب بتأكد ذلك ...


    لا ينتابنى أى قلق بشأن مباراة آرسنال وبرشلونة ، فالفائز يمثل ضمانة حقيقية لجهة المتعة واللعب الجميل ، وانتظر مننا با منص يا جميل تهنئة فى حال فوز آرسنال ، أما لو فاز برشلونة فلك علينا عصير "تَبّلُّدى" .

    Quote: أين المدعو أبوبكر حامد الأمين...

    نفتقدك بشدة يا بكوري...

    و حججك كترت...


    والله يا روش زحمة شغل أجبرنى على الجلوس عطلة نهاية الإسبوع الماضى فى البيت لإنجازه رغم مقتى لهذا السلوك الذى يمثل تعدى صارخ على حق الأسرة فى الإستمتاع بعطلة نهاية إسبوع تغسل عنها كدر أيام الدراسة ورهقها .

    Quote: المهم زولك ما قدر يحصلني فما كان منه الا أن قال ...
    يعرفوك كيف تربية "اشلاقات"


    بركة الجات على الشتيمة ، ده لو كرّبك فى مايرنو كان بقيت (كوز ذرّى).


    Quote: أسأل الله ان نتجاوز هذا الموقف بكل تداعياته على خير واطمع فى دعاءكم معى ....

    يا رب ســترك ...


    الحبيب محمد عيد .........

    تقبل إعتذارى عن تأخر المداخلة بسبب الغياب عن المنتدى ، عميق مواساتى لهذه الأسرة التى نفذت فيها إرادة الخالق جل وعلا ، عساه يكون لوالديه شفيعاً يوم لاينفع مالٌ ولابنون ، أسأل الله أن يصرف عنكم وعنّا السوء كيف شاء وأنّى شاء وأن نخرج من هذه الأزمة أكثر تماسكاً ورباطة جأش ، وأرجو شاكراً أن تنقل عنى لهذه الأسرة المكلومة أحر تعازينا واستعدادنا لأى عمل يسهم فى تخفيف مصابها ومصابنا.
                   |Articles |News |مقالات |بيانات

03-27-2010, 00:47 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: مربع كاي (Re: أبوبكر حامد الأمين)

    لا شوفتن تبل الشوق
    لا شوفتن تبل الشوق لا ردا يطمن
    اريتك تبقئ طيب انت انا البي كلوا هين
    قليبا لي رهين عارفه ما بيحمل حنين
    ولا ما بيرضيك حاله الفيهو كل البيهو بين
    بقيت ما لي غير اشعاري اكتبها فيك وادون
    ولا قول يمكن تزيل ما بي ولا قليل تهون
                   |Articles |News |مقالات |بيانات

03-27-2010, 09:42 AM

نجاة حوفي
<aنجاة حوفي
تاريخ التسجيل: 11-07-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: طارق جبريل)

    ربنا يصبر اسرة الطفل السعودى على هذه المحنة ويجععل طفلهممن عصافير الجنة..
    محمد عيد الرقيق.. انشاء الله ربنا يقويك ونسمع عنك كل خير .. حاولت التصال بس الرقم مغلق سوف احاول الاتصال مساءا
    تحياتى للعيال وامهم
                   |Articles |News |مقالات |بيانات

03-27-2010, 10:02 AM

محمد صديق
<aمحمد صديق
تاريخ التسجيل: 05-03-2009
مجموع المشاركات: 3978

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    سلامات يا ناس

    وصباحات التفاؤل

    مرور على كاى وناس كاى
                   |Articles |News |مقالات |بيانات

03-27-2010, 10:22 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    Quote: لا شوفتن تبل الشوق لا ردا يطمن
    اريتك تبقئ طيب انت انا البي كلوا هين


    رحم الله النعام آدم بقدر ما قدم من فن و ابداع..

    و شكرا على الغناء الجميل يا جبريل...
                   |Articles |News |مقالات |بيانات

03-27-2010, 10:28 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: سلامات يا ناس

    وصباحات التفاؤل

    مرور على كاى وناس كاى


    شكرا يا كوتش على المرور...

    لكن بعد قصتك بتاعت الغرفة رقم 10 مرورك بقى ما بطمن...
                   |Articles |News |مقالات |بيانات

03-27-2010, 10:30 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: والله يا روش زحمة شغل أجبرنى على الجلوس عطلة نهاية الإسبوع الماضى فى البيت لإنجازه رغم مقتى لهذا السلوك الذى يمثل تعدى صارخ على حق الأسرة فى الإستمتاع بعطلة نهاية إسبوع تغسل عنها كدر أيام الدراسة ورهقها .


    بكوري ما قلت ليك حججك كترت....

    لكن نحن برضو صبرنا أطول..
                   |Articles |News |مقالات |بيانات

03-27-2010, 11:01 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلام يا ناس
                   |Articles |News |مقالات |بيانات

03-27-2010, 11:03 AM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    في يوم حادث وفاة الطفل السعودي بالمول الذي يديرة محمد عيد...أخذت أسترجع كثير من الأشياء التي حدثت لي و أنافي مثل عمر هذا الطفل و كادت أن تؤدي الى نفس الكارثة لولا عناية الله و لطفه بي...
    فلقد كنت أقوم بكثير من الأشياء دون أن أضع في الحسبان تبعات ما أقوم به...و هذا أمر طبيعي لمن هم في سني أو سن هذا الطفل...فنندفع وراء أفكار قد تبدو لنا في تحدي لمقدراتنا و لاظهار القوة و التميز على الرفاق...
    أذكر عدد من الحوادث منها مثلا أنني عندما كنا في بابنوسة رميت بنفسي من أعلى تلة رملية عالية جدا و كان من حسن حظي أن كان للتلة لسان ممتد فارتطمت به و تدحرجت فنجيت من موتة محققة ولكن لدغتني عقرب أثناء تدحرجي و من شدة خوفي لم أهتم للدغة العقرب فذهبت الى البيت دون أن أخبر أحدا ثم حاولت تطبيق بعض ما درسته في حصص العلوم باخراج السم...ثمآلام و حمى شديدة...
    هذه واحدة أما الثانية و كنت في الصف الأول بالمرحلة المتوسطة فلقد راهنت أصحابي أن أقطع شارع الصحافة شرق و كان وقتها غير مسفلت و أنا أقود دراجة دون أن أتلفت يمينا أو يسارا...و فعلتها و كدت أن أموت نتيجة تهوري لولا عناية الله...
    الحقيقة و أنا أتعامل مع مهند دائما ما أذكر هذه الأشياء و أهتم كثيرا بتوجيهة الى فعل الصواب لعلمي أنه ربما يقوم بعمل شيئ ما دون أن يقدر التقدير الصحيح...فدائما ما أقول له يا مهند فكر كثيرا قبل أن تقوم بعمل أي شيئ...و هذا من باب التحوط والحذر و الذي أعتقد أنهما واجب على الأسر أن تراعيهما...لا أن تهمل أبناءها كل الاهمال ثم نأتي لنتحدث عن أنه كان مقدرا....نؤمن بالقضاء و القدر و لكننا ننهى عن الاهمال...
                   |Articles |News |مقالات |بيانات

03-27-2010, 11:25 AM

منصور عبد الرازق
<aمنصور عبد الرازق
تاريخ التسجيل: 05-03-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    ازيكم يا شباب ومشتاقين يا مربع كاى
    من منتصف السبوع الماضى وانا مشغول حبتين
    حتى اننى لم اتصل بمحمد عيد لطئن عليه وسأفعل ذلك بعد قليل (يا دوب )
    انا السكرتير العام لجمعية ابناء سورى الخيرية بالرياض
    لى حوالى الخمسة سنوات وانا كذلك
    سورى (ليست الكلمة الأنجليزية التى معناها متأسف )
    انها (سورى ) قريتنا الوادعة الصغيرة الواقعة على ضفاف النيل جنوب مدينة دنقلا
    على الرغم من اننى من مواليد الخرطوم
    الا انه ولو كان للمرء ان يشعر بان الغربة افادته فى شىء كما فى حالتى
    فلى ان اذكر بانها وثقت عرى التعارف بينى وبين اهلى وعشيرتى
    منذ الصغر , ونحن تعودنا على زيارات الأهل والأقارب من الخيلان والأعمام والعمات فى الخرطوم
    وحيث انه من المعروف ان الدناقلة رواد هجرة وغربة قديمين
    فانة معظم الأهل (ان لم يكن كلهم ) مغتربون خارج السودان ومنذ القدم (بما فيهم ابى رحمه الله )
    لذا فان التعرف عليهم فى الخرطوم , كان مربوطا بمرورهم علينا , فى الغدو والرواح ايام الأجازات
    فهم اما جايين من سورى ماشين السعودية , او جايين اجازة من السعودية ماشين سورى
    للأسف لم اهتم بزيارة قريتنا , وتعودنا على مبادرات الزيارة انة تأتى من جانبهم
    ثم كانت بداية غربتى فوجدت نفسى بينهم هنا اتعرف على معظمهم , من جديد
    هل تصدقون , عضوية جمعيتنا من الرجال حوالى الأربعمائة شخص
    منهم اكثر من مئة اسرة
    ولهم جمعية خيرية ودار عامرة بشكل يومى , ولا تجد فيها كرسيا فاضيا ايام الأربعاء والخميس والجمعة
    او ايام المباريات المهمة
    اجتماع الجمعية العمومية لجمعيتنا , كان مساء الخميس الماضى
    تصدقوا ؟؟خطاب دورة وميزانية ومناقشات زى العجب
    من جوانب غربتى الطويلة(المشرقة ) التى وصلت الى العشرين سنة
    ان كان للغربة ثمة جوانب مشرقة
    اننى تعرفت على اهلى , ووجدت لى موطىء قدم بينهم لخدمتهم
    هل ينفع مثل هذا الموضوع ان يحشر فى احد زوايا مربع كاى (القائمة ) ؟؟؟
    اعتقد ذلك , لأن له جوانب عديدة فى رحلة حياتى , خاصة مع زعمى بتناقص مقدرة البنى آدم على بناء علاقات اطارية جديدة
    بعد تخطى الأربعين
    طبعا بقصد بكلام تخطى الأربعين ده , اى زول فى المنبر والبوست ده , الا أنا
    فى زول ما وصل الأربعين ولا اتخطاها زيى ؟؟!!!
                   |Articles |News |مقالات |بيانات

03-27-2010, 12:21 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    Quote: سلام يا ناس


    حضور و متابعة من ابوالزوز يسعدنا حتى و لو كان متنكر....
                   |Articles |News |مقالات |بيانات

03-27-2010, 12:43 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: بعد تخطى الأربعين
    طبعا بقصد بكلام تخطى الأربعين ده , اى زول فى المنبر والبوست ده , الا أنا
    فى زول ما وصل الأربعين ولا اتخطاها زيى ؟؟!!!


    منص...أنا زيك...
    لكن ليه عندي شعور كده انو مداخلتك دي مجرد بداية...

    كلامي صحيح و لا أنا اتجاوزت الأربعين....
                   |Articles |News |مقالات |بيانات

03-27-2010, 01:58 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)





    يا رشدي تعرف لي الحتة دي وين
                   |Articles |News |مقالات |بيانات

03-27-2010, 02:32 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)




    طيب مربع كاي وين في الصورة دي
                   |Articles |News |مقالات |بيانات

03-27-2010, 02:47 PM

الرشيد بابكر
<aالرشيد بابكر
تاريخ التسجيل: 01-24-2009
مجموع المشاركات: 5000

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    في أول الأمر كنت تفاجئني بصورة جوية لمدينة الفاتح...ثم عندما تمعنت قليلا قلت من أين للفاتح بكل هذا التنظيم و البنية التحتية...

    انها مدينة غياثي يا أبو الزوز...

    غياثي مدينة المآسي...

    عندما كان شيخ علي أبو زيد رئيسا لقسم المجاري ببلدية أبو ظبي أحضر عددا من الشوايقة للعمل هنا...فكانو يقولون من تنقاسي لي غياثي...
                   |Articles |News |مقالات |بيانات

03-27-2010, 03:15 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    الأيام دي يا الرشيد مرضان بقوقل إيرث لفيت معاهو العالم كله ... ومدينة الفاتح دي بجيبها ليك بس وريني ليها وين في الخريطة ... بالمناسبة علي أبو زيد قريب لوالدتي جداً وكل شوايقة تنقاسي أهلها ... يعني الطرود المن تنقاسي ديل أقربائي .. بعد تخرجي مباشرة أصرت علي شقيقتي الكبري بأن ارسل أوراقي لعلي أبو زيد لكن عملت نايم ... هسه كان أكون سنيرك في غياثي ... لو عارف كده كان عملتها زمان
                   |Articles |News |مقالات |بيانات

[رد على الموضوع] صفحة 15 „‰ 33:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de