منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 16-12-2017, 03:44 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مربع كاي

16-11-2009, 12:39 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا ريت كده وكمان مريحيننا ..!!

    امبارح فى اتنين بيض كده غايتو ما خلوا لينا جهة نرقد عليها

    ومنزلين بوست مخصوص كمان ..

    بعد ما انفعلت وقربت اعمل زى سامى ..

    رخوا الحبل وقالوا بيهظروا !!!

    لكن انا شايف انو ايقاع بوست المنبر العام كويس كده

    يعنى هو مهم يكون موجود دائما وبس .. لكن الاهم التركيز على

    البوستات الداخلية .. لأنو بخلاف الاحساس بالكيونينية والذاتية

    المواضيع فيهو موجهة ومركزة يعنى النقاش والتحاور غالبا بيكون فى صميم الموضوعات

    وبيريحنا شوية من مسائل الشــوت الضفارى !!
                   |Articles |News |مقالات |بيانات

16-11-2009, 05:04 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    يا حمادة ان مثل هؤلاء لا أهتم بهم كثيرا و بمهاتراتهم...فأنا عندما آتي الى المنبر آتي لقضاء وقت طيب و ليس لحرق أعصابي..لذلك تجدني لا ابدي أي اهتمام بهم و لا أشارك بالرد عليهم...يكفينا أن نعلم من نحن و لا يهمني كثيرا أن يعلم الآخرون من نحن...و قالوا أهلنا (العارف عزه مستريح)...

    سيبك منهم وخلينا نعمر المنبر من الداخل بما يفيدنا و يرفه عنا أيضا...و قد فتحت هذا البوست خصيصا لهذا الغرض...و لكني ربما لم أكن موفقا في اختيار الاسم..فلقد بدا و كأن البوست خاص بناس زراعة و هو ليس كذلك..فهو بوست لكل الناس...و قلت تعالوا دردشوا و أشعروا و غنوا و أعمل كل حاجة ترجعكم للزمن الجميل و تعيشكم في زمن أجمل...

    اختار لينا كده أغنية ننزله ليك تبرد ليك أعصابك شوية و بعدين نكمل النقاش حول الاطلالة..
                   |Articles |News |مقالات |بيانات

16-11-2009, 05:25 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">



    لو أعيش زول ليه قيمه

    كلمات / قاسم الحاج

    لو اعيش زول ليهو قيمة اسعد الناس بوجودي

    زي نضارة غصن طيب كل يوم يخضر عودي

    ابقي دار لكل لاجئ او حنان جوه الملاجئ

    ابقي للاطفال حكاية حلوة ضمن الاحاجي

    بيها يتهنو وينمو واحرسهم طول ليلي ساجي

    والقي في راحة نفوسهم بسمتي وطول ابتهاجي

    لو اعيش طول عمري نسمة لو مع الايام سحابه

    اهطل ادي الدنيا بسمة اوري وادي واسقي غابة

    لو اعلم طفل واعد لسه ماعرف الكتابة

    ببقى شجرة ظلالها ورافة تحتي نايمين ناس تعابة

    اشقي والقي وابقي بهجة في النفوس لكل مناضل

    ابقي لمعتل علاج وابقي للفلاح سنابل

    ابقي للثوار سلاح اعتي من قذف القنابل

    وابقي للكداح الملوح كل حد موفور وعادل

                   |Articles |News |مقالات |بيانات

16-11-2009, 06:31 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    Quote: فلقد بدا و كأن البوست خاص بناس زراعة و هو ليس كذلك..فهو بوست لكل الناس...و قلت تعالوا دردشوا و أشعروا و غنوا و أعمل كل حاجة ترجعكم للزمن الجميل و تعيشكم في زمن أجمل...


    الحبيب الرشيد...سلام

    انت صاح فى الحالتين فقد يبدو كذلك ولكنه ليس كذلك بالفعل فهو للجميع والدليل

    على ذلك وصوله للصفحة الثانية.

    بلا تعالوا كلكم.
                   |Articles |News |مقالات |بيانات

16-11-2009, 06:39 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    شكرا يا كوتش...عرفت أنك كنت خارج الخرطوم...أرجو أن يكون لخير...

    نفكر في عمل اصدارة أدبية كالتي كنا نصدرها في الكلية و نريد منك مساهماتك القيمة و الجميلة..نرسلها لمحمد عيد و الذي سيقوم بدوره باخراجها بصورة جيدة و جميلة و من ثم اعادة نشرها هنا...فما رأيك؟؟؟
                   |Articles |News |مقالات |بيانات

16-11-2009, 07:00 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3979

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس

    خارج الخرطوم..خير ان شاء الله.

    Quote: نفكر في عمل اصدارة أدبية كالتي كنا نصدرها في الكلية و نريد منك مساهماتك القيمة و الجميلة..نرسلها لمحمد عيد و الذي سيقوم بدوره باخراجها بصورة جيدة و جميلة و من ثم اعادة نشرها هنا...فما رأيك؟؟؟


    فكرة جميلة ولا مانع لدىّ.
                   |Articles |News |مقالات |بيانات

16-11-2009, 07:22 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    رشا والكوتش ...

    ميرسى أوى على التجاوب الجميل ...

    اقترح ان يصدر العدد الاول مع اطلالة عيد الاضحى المبارك ...

    ارجو متابعة استقطاب مزيد من المبدعين ...

    وارسال المساهمات لى على الفور

    والدعوة لجميع اعضاء البوست للمشاركة وارسال مساهماتهم على الايميل

    [email protected]

    ونطمئن الجميع بعدم وجود ورش للسمكرة هنا والكل يشارك بانفعالاته الطبيعية
                   |Articles |News |مقالات |بيانات

16-11-2009, 07:27 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد صديق)

    Quote: فكرة جميلة ولا مانع لدىّ.




    هذا ما توقعته يا كوتش...علينا الآن دعوة ياسر نجيلة للانضمام ثم نحدد متى نرسل المساهمات لمحمد عيد ليقوم باخراجها...
                   |Articles |News |مقالات |بيانات

16-11-2009, 08:46 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    هذه هي قصة حاج اللمين التي دار حولها حديث كتير...أخضعت للسمكرة ولكني لم أجد نفسي مرتاحا أو متوافقا نفسيا مع السمكرة...أحدثت عليها بعض التعديلات التي اقترحها الأخوان محمد صديق و زهير الزناتي بالقدر الذي أحسست أنه يتلائم مع القصة...و ما زلت أشعر بأنها ليست على ما يرام...و لكنني قررت نشرها بدلا من وادها...و انزلها هنا للمناقشة و الفائدة العامة ولا تتحرجوا من ذلك افادكم الله..

    حاج اللمين


    حاج اللمين شيخ سبعيني نحيل الجسم أبيض اللحية تبرز عروقه من ساعدية و كفيه خشنتين نتيجة عمله الطويل لقرابة الأربعين عاما في الحياة البرية...تنقل خلالها في كل أرجاء السودان شرقه وغربة وجنوبة..عمل في حظيرة الدندر الشهيرة و في الأنقسنا و في جنوب السودان..ثم استقر به المطاف في حدائق الحيوان بالخرطوم بعد أن بلغ من العمر عتيا و أصبح غير قادر على التنقل مثلما كان في شبابة..عمله هذا أكسبة معرفة كبيرة بالحيوانات و الطيور اكتسبها و هو يجول مع أفراد فرقتة يحاربون الصيد الجائر للحيوانات...كما أكسبه عملة هذا الانضباط و النظام...
    كان يبدأ يومه باكرا مع صلاة الفجر قبل أن يقهر ضوء الفجر ظلام الليل وينتهي بعد عشرة ضمنه مع أصدقاءه من بعد صلاة العشاء في الحي الشعبي الذي استطاع أن يبني فيه بيتا له و لعائلته المكونة من زوجته حاجه النعمة وأربعة من البنين و ثلاثة من البنات..كلهم تزوجوا و استقلوا ببيوتهم الا خضر الذي تخرج من الجامعة و ما زال يبحث عن عمل...
    أحيل حاج اللمين للمعاش فحزن لذلك كثيرا و كان يقول انه عندما استلم خطاب احالته للمعاش (و الله كنت زي المحكوم عليه بالشنق يجي واحد يقرأ ليه الحكم و بعدين يسحبو الخشبة التحت رجلينو فيكون معلق بين السماء و الأرض..حسة أنا زي المعلق على حبل المعاش ده...لا طايل سماء و لا لاحق أرض)...
    بالاضافة الى المعرفة و الانضباط الذان اكتسبهما حاج اللمين من عمله..كان اجتماعايا وله روح حلوة و ظرف عرف به في الحي..و كانت لتعليقاته الساخره و حس الفكاهة عنده أثر طيب عند سكان الحي...فلقد اعتاد أن يعود ليشرب شاي الصباح مع حاجه النعمة بعد تسلل أول ضوء للشمس عائدا من المسجد القريب و هو يردد أورادة التي حفظها عن ظهر قلب..يجلس و رفيقة عمرة حاجة النعمة ملاطفا و مناقرا..كانت الحاجه تبره أحيانا ببعض اللقيمات مع الشاي...فيستحسن ذلك ولكنها لا تنجو من دعاباته ايضا..ثم يغفو قليلا قبل أن يصحو ليصلي الضحى ثم يطلب من خضر أن يخرج له الكرسي تحت ظل الشجرات أمام المنزل قبل أن يخرج خضر في تجوالة اليومي باحثا عن العمل...فيخرج الى الشارع متأبطا الراديو و مثبتا المؤشر على اذاعة أم درمان ليسمع الأخبار و أغنيات الحقيبة التي يعشقها...يداعب المارة من نساء و أطفال و شباب..و ينادي الشباب بأسماء الحيوانات..
    يا مرفعين الخلاء..تعال جيب لي تمباك من دكان حسن...يا الأسد النتر تعال خش جوه خلي الحاجه تعمل لي شاي...الكل يستجيب لطلباته الا أحمد ولد شيخ التوم الذي كان دائما في عجلة من أمرة...فكلما ينادية حاج اللمين تعال يا النمر جيب...و قبل أن يكمل الحاج جملته يقاطعة أحمد و الله أنا مستعجل أتاخرت على الجامعة عندي لكشر...
    انت طوالي متأخر...الولد الثقيل العامل زي أبو السعن ده...
    يدخل الى البيت ليستعد لصلاة الظهر..ثم يرجع من المسجد الى البيت و ينتظر حتى عودة خضر لتناول الغداء...في العصر كان خضر يحمل له كرسية الى ميدان الكورة ليتفرج على أولاد الحي و هم يلعبون...و هو يطلق تعليقاته الساخرة التي تجمع جمهورا كبيرا...كل الناس تحضر ليستمتعوا بتعليقات حاج اللمين الساخره أكثر من اسمتاتعهم بمشاهده الأولاد وهم يلعبون...
    انت يا ولد ما تجري...عليك الله شوف الولد ده التقول مربط...ما تعكس الكورة دي..هو انت تعكسه كيف كراعك الزي كراع الفيل دي..الولد ده لقى مقاس الكدارة دي وين...كورة شنو البتلعبوها انتو...هو في كورة بعد صديق منزول و دريسة والقطر...حسة دي كورة..شوف الأولاد ديل ميتين كيف..انتو يا أولاد ماكلين ويكة....
    أو اذا كان هنالك أحد اللاعبين يتلاعب بالكرة بحرفنة..كان يصرخ (ككو انت...و الله الولد ده ككو بس)..ثم يعود الى الزاوية مباشرة لصلاة المغرب...يجلس فيها حتى صلاة العشاء ...ثم يلعب عشرة ضمنة مع أصدقائة تحت عمود الانارة ...و هكذا ينتهي يومه ليبدأ من جديد على نفس المنوال...
    اشتهر حاج اللمين كذلك باهتمامه بالاحلام...فكثيرا ما يقوم من نومه أو غفوتة الضحوية..ليحكي لحاجه النعمة حلمة ان كان حلما سعيدا ينعكس ذلك على معنوياته طوال اليوم...
    اليوم حلمت يا النعمه بي بحر كبير و أنا عندي مركب كبير..عديت البحر ده لقيت قصر كبير و حوله كلو أخضر..جاء واحد قال لي يا حاج اللمين القصر ده حقك...و فجأة صحيت من النوم...
    خير و بركة يا أخوي...الموية في الحلم معناها خير كتير...و القصر و الخدار...برضو خير...تقوم حاجه النعمة بتفسير أحلام حاج اللمين..بمعرفة و دون معرفة...
    والله يا حاجه حلمت لي حلم كعب الليلة..
    خير يا أخوي..
    و الله حلمت زي أنا ماشي لي في غابة كبيرة...و حيوانات الغابة دي كلها جارية وراي عايزه تاكلني...
    ها يا أخوي انت طول عمرك تجري وراها..حسة أظنها جاية تتسدى حقها...ها ها ها ها...قول بسم الله أظنك تقلت في العشاء اليوم داك..دا ما حلم ده كابوس عشان أكلت كتير...
    كابوس..و الله معاك حق...ده كابوس...
    هنالك يوم في كل شهر لا يغفو حاج اللمين بعد أن يشرب الشاي بعد صلاة الفجر كعادته..بل يحضر مرآته و عدة الحلاقة ويبدأ في حلاقة ذقنه ثم يأخذ حماما بعد ذلك ويطلب من النعمة أن تعجل له بالفطور...
    الليلة ماشي تجيب المعاش يا حاج...
    ايوه...عايزه حاجة..
    لا بري...لكن انت كان اديت خضر يجيبوا ليك معاهو ما كان أحسن...
    لا ..ما أحسن...بمشي بجيبوا براي ...و بمشي أزور الأولاد ديل أشوفهم...
    هن شن القريشات...حسه تمشي تكملن تمباك وتجي..
    أكملن تمباك و لا أكملن عرقي انتي مالك..عليك الله شوف الولية الزي القرنتية دي...
    في هذا اليوم..و الذي يعرفة الجميع بيوم المعاش..يفتقد سكان الحي حاج اللمين..يفتقده الماره بالشارع..و جمهور الكرة..و أصحاب الضمنة...فكلهم يعرف ان يوم المعاش يوم ثقيل في الحلة..لعدم وجود حاج اللمين في الحلة....

    خرج حاج اللمين باكرا وذهب الى مكتب المعاشات لصرف معاشة...سجل اسمه في قلئمة الحضور و جلس في كنبة خشبية خشنة تحت مظلة تخترقها الشمس من كل الجهات...جلس وسط مجموعة من المعاشيين المنهكين...الذين قدموا للوطن سني عمرهم النضرة بكل اخلاص..و ها هم يزحفون تحت الشمس الحارقة منتظرين دورهم في الوصول الى الصراف...منهم من يصل الى الشباك فيجد أن معاشه لم يصل بعد فتعلو الأصوات ويتجمع حوله الناس منهم يهدئ و منهم من يتعاطف و أكثرهم يعبر عن سخطه و ضيقة... والصراخ الجائع لشيوخ تجاوزوا ارذل العمر ليس هو المظهر الوحيد من مظاهر السخط...بل أحيانا كثيرة يتظاهر هؤلاء الشيوخ محتجين على المعاملة السيئة التي يلقونها ...كل ذلك يؤثر على حركة الصف و يزيد من معاناة المنتظرين...وصل حاج اللمين بعد انتظار و زحف طويلان الى الشباك و أعطاه بطاقته المهترئة و قام الصراف بطلب توقيعة على القائمة ثم مد له بضعة أوراق تناولها حاج اللمين بحسرة ووضعها كلها في جيبه... ثم قام بجولتة المعتادة الى أبنائة...وعاد بعد ذلك متأخراالى البيت خائر القوى..منهك جدا..
    و الله يا حاجه النعمة الليلة ما عارف مالي...تعبان شديد...
    انت و الله يا أخوي ما بتسمع الكلام...كلام القصير ما بتسمع...تتعب نفسك ساكت..المعاش ده خدر بجيبو ليك..و الأولاد كل جمعة بيجو يقيلو معاك..
    أسوي ليك العشاء و لا تنتظر خدر..
    لا أنا ما عايز عشاء خليني أرتاح شوية...
    طيب نوم يا أخوي..ارتاح...
    ثم غطتة (بالفردة) وعدلت له الوسادة...
    دخل خدر و سأل عن والده...فأخبرته أمه بأن أباه قد عاد متعبا و نام...
    استيقظ حاج اللمين من نومة ولم يستطع أن يذهب الى الصلاة من تعبة...و نادي على النعمة فحضرت مسرعة..
    مالك يا حاج...ان شاء الله تكون أصبحت كويس ...
    و الله يا حاجه لسه تعبان...و كمان حلمان لي حلم غريب...
    أها....خير
    حلمان يا حاجه بي غراب واقف لي فوق راسي...
    والله يا حاج انت داير سيدنا يوسف عشان يفسر ليك أحلامك دي...غراب شنو كمان يا حاج...
    ضحك حاج اللمين ثم شخر و اسلم الروح لبارئها...
    فشيعة زملائة في الحياة البرية...أصحاب الضمنة و كل الذين يمرون أمام منزله يوميا...و جمهور الكرة...
                   |Articles |News |مقالات |بيانات

17-11-2009, 08:52 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">


    تشوف الغيمه

    في مقلة مراية السَهَلَة راخيه رموشا

    تنَتْ في ام شديده القهوه

    جاتا الدوشه

    في طاقة منام هلواسا لاوذ ود قُزَح

    طربان وشايلا الهوشه

    خَطَفت توبا

    قالت... أخ!

    نِست باب حوشا .. فاتح

    والمطور الليله كيف مَلبوشه

    دسيهو منك فيهو

    أو سميهو في الخيل الصحاب

    البِخشو الحَضره دون مانوبه

    من غير ما يدقوا الباب

    البَدَسو الفكره في ضحكة بنات نَعَشْ

    البِنادَن قمره, تغسل جمره,

    في ريق السحاب

    البحرسو الخمره, في النخل

    البَصَحي التمره, نص الليل

    إذا نقص الشراب

    دِسيهو منك فيهو

    أو همباتي
    غارِز في أتّر شوفتِك

    على رمل المناظر ناب

    دسيهو منك فيهو

    جملة أولياء النحت

    سابقين الحواس بي ركعه

    نهاضين وينقِفوا من حلوق الشوف

    حصان في ضحكتك مربوط

    مرق من ليلى ليلك جَنَ

    من دُبُرْ اليقين مقدود

    كل ما الموج راودك عن نفسو

    تعطشي فيني؟!

    تفتحي أطلس الخوف

    كل ماالليل زاد نجمةفي كتف العسس

    جرت العصافير المطار

    دخل الشِعِر وَكَر المباشره

    والبنات ..

    طَفوا الرتاين و....وَلَعَنْ؟!

    الخَمَروك فتحوك إنداية ومَشَنْ

    الكلما صابحتهِن

    سرقَن نهارك ومغربن

    الفي صدور هرطقه

    وإشلاق حليب

    بت الذين أحبهم

    أنة صريف في كُرنُق الروح

    المطر ما ببقى لي زول

    المغارب لابسا أقصر من خيال المُفترِي

    ونحن مديونين نسيم

    تلقاها في أول شريعتا غافيه

    فارده شرودا

    في الموج الحَتَلْ في بالا ظنّهَاطافيه

    غامْتَه حنانا

    في إيدا وينقع عافيه

    تشبه في الوقع من عشو,

    خوفو وكت يطير,

    لا يلقى قِبله

    لا طفل في إيدو نبله

    ولا غصن ذو شوك رحيم..

    والبادي أجمل

                   |Articles |News |مقالات |بيانات

17-11-2009, 09:51 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    أجواء مباراة مصر و الجزائر غدا بالخرطوم...تسيطر على كل شئ...و أصبحت الشغل الشاغل لكل الناس هنا في الامارات...في العمل...في الشارع و في كل مكان..لا حديث الا عن مباراة الغد...
    قمنا مساء اليوم بجمع كل مجموعة العمل وذهبنا الى شاطئ الخليج و أقمنا حفل شواء في جو جميل تتسم به هذه الشهور من السنة...الجمع كبير و غالبيتهم من المصريين و السودانيين و جنسيات أخرى غير مهتمين بكرة القدم و لا بالمباراة...أما المصريين فلم يكن لهم حديث الا عن المباراة و كانو مهتمين جدا بمتابعة القنوات الفضائية السودانية و ما تعكسة عن المباراة...و أكاد أجزم أن ما عرفة المصريين عن السودان في خلال هذيت اليومين لم يعرفوه طوال حياتهم...
    حضرت و أنا البس تي شيرت أخضر و كان ذلك محض مصادفة ليس الا...و لكنني استغليت ذلك وعند حضوري هتفت (ون..تو..ثري...فيفا للجري) مثلما يهتف الجمهور الجزائري مداعبا اخواننا المصريين...فقالوا كيف تشجع الجزائر و أنت درست بمصر وكل أصدقائك من المصريين...قلت لهم انها كرة القدم و ليس لذلك اي علاقة بالعلاقات الانسانية...و أخذت أداعبهم و أغيظهم...فكانوا يتحدثون عن أدبهم في التشجيع عكس شراسة المشجعين الجزائرين...فقلت لهم لا تحدثوني عن أدبكم في التشجيع...فلقد تم ضربي في أستاد القاهرة بعمود من الخشب في ظهري و أنا أشجع الهلال ضد الزمالك في مباراة أنهزم فيها الهلال بالأربعة....رغم انني مشجع زملكاوي و كنت كثيرا ما أحضر مباريات الزمالك و أشجعة في الدوري و تنتهي المباراة بفوز الزمالك فيقبلني كل المدرج مرددين (وشك حلو علينا يا سوداني) الا في مباراة الهلال فلقد القى مشجع زملكاوي خشبة في ظهري...
    أمتد الونس حتى وقت متأخر و انتهى بروح رياضية و محبة يحسدون عليها اخواننا المصريين...و خلصت الى أن المصريين رغم الحساسيات التي تحدث بيننا و بينهم الا أنهم لذيذين و روحهم رياضية و رغم كل شئ هم الأقرب الينا و يستحقون تشجيعنا لهم...

    و لكني أقول ليكن الفوز للأجدر...سواء ان كانت مصر أو الجزائر...
                   |Articles |News |مقالات |بيانات

17-11-2009, 10:02 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: لكني أقول ليكن الفوز للأجدر...سواء ان كانت مصر أو الجزائر...


    نتمنى ذلك يا رشا ...

    واتفق معك فى ازدياد الاهتمام ببلادنا فى هذه الايام ..

    بل ان الكم المعلوماتى لدى الشعبين حتما قد حقق معدلات لم تكن متوقعة على الاطلاق

    ولعلك تذكر ما كنا نعانيه من جهل يثير الحنق ايام الجامعة فيما يخص بلادنا من قبل اخواننا المصريين ..

    واذكر هنا فى احدى تلك السنون ان لاعب الاهلى فريقا من غينيا او السنغال لا اذكر بالتحديد .. وفاز الاهلى بخماسية

    فى اليوم التالى كان زملاءنا المصريين فى القسم يكيدوننا وكأن المهزوم هو الهلال او المريخ ...

    وعندما تصدى لهم اخونا جمال مصطفى بأن هذا الفريق ليس سودانيا .. اجابه أحدهم ببلاهة ..

    يا عم ما كلكم افريقيا ..!!

    وطبعا لا احتاج لاحكى لك كيف كان رد فعل جيمى لفظا وفعلا ..!! ولكنه بكل تأكيد .. برررررد قلوبنا ..!!
                   |Articles |News |مقالات |بيانات

17-11-2009, 10:11 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    و الله يا حمادة لنا قصص كثيرة عن جهل أخوانا المصريين بالسودان...الأمر الذي أدى الى نشوء حالة من الحنق و الغضب و التحدي أيضا بيننا و المصريين..لأنهم دائما ما يعتبروننا أقل منهم رغم انها حقيقة الا أننا لا نقبلها...كنت أتمنى أن يكون هذا التحدي دافعا لنا و أقصد هنا الحكومات المتاعقبة للحاق بركب الدول التي تسبقنا...و لكننا و للأسف تخلفنا عنهم كثيرا..بل و تخلفنا عن دول أخرى كانت أقل مننا كثيرا...
    و لكن أيضا يا حمادة و لأننا لم نحتك بشعوب أخرى مثلما احتكينا بالمصريين فلا نعرف عنهم الكثير غير الذي نعرفة بحبنا كسودانيين للمعرفة...أليس من الممكن أن يكونوا هم كذلك نفس الشئ...

    (عدل بواسطة الرشيد بابكر on 17-11-2009, 10:14 PM)

                   |Articles |News |مقالات |بيانات

17-11-2009, 10:14 PM

زينب التجاني
<aزينب التجاني
تاريخ التسجيل: 24-01-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلامات يا ناس يا ابداع

    شوق مطر يا رشا والصور ماشاء الله ربنا يديكم العافية ويخليهم ليكم وقول لنانى I AM WAITING

    عيد يا مبدع والله عاينة اصفق ليك والناس دى كلها تصفق معاى والله مبدع
    وشكرا على الاطلاله
    كنت وما زلت من المعجبين بيها لانها اسهمت فى توصيل موهبه بتاعة مجموعة مميزة

    اتحفونا وممكن تكون كل ثلاثاء ذى ما كانت لو ما خانتنى الذاكرة
    المهم تصدر
    الى الامام

    اخلاص محمد احمد صديقة الزمن الجميل مليون سلام وتحية
    منورة ومضيئة

    شايفاك راكبة امجادى

    فافى يا الق شوق مطر
    انتو زناتى دة ما بجى بهنا كتير

    سلام
                   |Articles |News |مقالات |بيانات

17-11-2009, 10:20 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    زوبة الشوق مطر والله...وينك اختفيتي...و الله في بالي و كنت عايز أكتب قبل شوية و اقول أين أنتي يا زوبة...
                   |Articles |News |مقالات |بيانات

17-11-2009, 10:24 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: انتو زناتى دة ما بجى بهنا كتير


    و الله يا زوبة زهير ده..نزلت ليهو قصة ما عبرني...جبت ليهو عاطف خيري و ما اشتغل بي..ما عرفت أعمل ليهو شنو عشان يعبرنا...بس بقول ليهو يا زهير من لقى أحبابه نسى أصحابه..و برضو تدلل و أطلب اي حاجه عشان نجيبك بيها..
                   |Articles |News |مقالات |بيانات

17-11-2009, 11:29 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    هلا يا ناس مربع كاي ,,,, والله الواحد مشتاق ليكم عديل كده ، البوست بره بقي إيقاعه بطئ ،، المهم كورة مصر دي شاغلانها شغلة شديدة .. تقول الواحد في الجهاز الفني بتاع مصر ...
    اها جيناكم تاني بتفرغ شبه كامل
                   |Articles |News |مقالات |بيانات

18-11-2009, 11:43 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    Quote: اها جيناكم تاني بتفرغ شبه كامل


    أبو الزوز حبابك...دي جيناكم ولا جاينكم...بتفرق معانا شوية...
                   |Articles |News |مقالات |بيانات

18-11-2009, 08:43 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12239

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشا يا كحيل سلام إنت وضيوفك ... زي ما قلت الكورة دي حا تقصر عمري ، ما تتخيل إنه كورة مصر والجزائر كنت عايشها كل الأيام الفاتت دي ، ما قادر أفكر في حاجة غيرها ... بس أكتر حاجة مزعلاني الأصوات التي تنادي بكراهية مصر ... وديل ناس غريبين جداً .. أي زول من حقه يشجع الجزائر .. ويحب لجزائر بس من غير ما يكره مصر ... ويدعونا لكراهية مصر ... الكورة دي حالة خاصة .. تحب الفريق البتحبه من غير أي اسباب تانية إلا لأسباب رياضية ... وتقيف ضد فريق برضو لنفس الأسباب ... يعني ممكن تشجع فريق عشان لاعب واحد وإنت بتشجع ضده علي طول ، يعني الكورة دي عندها قوانينها براها ، ما عندها أي علاقة بأي حاجة تانية ..... المهم في النهاية فازت الجزائر وإنهزمت مصر ... ما الذي تغير ... لا شئ ... تظل الأشياء هي الأشياء ...

    اها دي كيف جيناكم ولا جاينكم
                   |Articles |News |مقالات |بيانات

19-11-2009, 05:56 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: زهير الزناتي)

    أبو الزوز يا صديقي...أشعر بحزن شديد لهذا الكم من التشوهات التي أصابت عدد ليس بالقليل من السودانيين أو ذلك ما بدأ لي من خلال ما كتب قبل مباراة مصر و الجزائر...و أسميها تشوهات لأن كل ما قيل كان لا يعبر عن ما كنا نتصف به...الانسان السوداني الطيب الكريم و المحايد أيضا...تلك الحيادية التي أكسبتنا حب و احترام الآخرين على الدوام...و الذين كرهوا مصر نظروا الى النصف بل قل الربع الفارغ من الكأس و لم ينظروا الى الجزء الممتلئ..عكس ما فعلوه في أمر الجزائر...و نسوا و كما قلت أنت في مقالك أنها مجرد مباراة لكرة القدم تنتهي بهزيمة أحد الطرفين...
    لم أستطيع تشخيص هذه التشوهات أوادراك مسبباتها....و لكني أخشى و أحذر من الانحدار السريع لنا في كل المناحي...

    نسأل الله اللطف بنا...
                   |Articles |News |مقالات |بيانات

19-11-2009, 08:11 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: لم أستطيع تشخيص هذه التشوهات أوادراك مسبباتها....و لكني أخشى و أحذر من الانحدار السريع لنا في كل المناحي...


    اعزائى الرشيد وزهير ...

    بهدوء كده وبدون اية ردود افعال ..

    انا الآن استطيع وبرضاء كامل من ضميرى ان احمـّل كامل مسئولية ماحدث

    ويحدث الآن للاعلام المصرى الســـألب ..!!

    وذلك باستغلاله لامكاناته الكبيرة وخبراته المتراكمة فى تحويل وتأويل الامور

    والاحداث بطرق مســـرحية هزليــة لا تخفى على أحد ...

    ويكفيكما - اذا لم تتابعا ماحدث عقب المباراة - الاسلوب الذى اتخذه المدعو

    عمرو أديب فى اوربت .. وذاك النكرة الموجود فى النيل للرياضة حتى الصباح

    وتوجد فى المنبر العام تسجيلات مصورة لاحاديثهما ..

    الآن انقلبت الحرب على السودان ومنذ ليلة البارحة يتعرض البلد سياديا وتاريخيا

    لحملات تريقة واستهزاء مقيتة ومخجلة .. وفى كل هذا يأتى عجز الاعلام والرسميين

    السودانيين ليزيد من استمراء تلك الفئة من الاعلام المصرى لهذه الحالة واستراره

    فيها ...

    تخيلوا فى وسط كل ذلك الهراء ومداخلات بعض مسئولى الشرطة السودانية الذين رضوا

    بأن يخضعوا على الهواء لاستجوابات عمرو أديب وزميله الوقح وهم يفتقدون لابسط مقومات

    الناطق الرسمى ...

    ولولا مداخلة مزمــل ابو القاسم فى نايل سبورت والذى الجم مذيعها حجرا غليظا

    اراح به قلوبنا لنمنا ليلتنا فى المستشفيات من جراء ما سمعناه من سواقط القول فى

    حق وطننا ومواطنينا وقاتنا الامنية بل وتاريخنا ..!!

    ما العمل .. قد نستطيع تسليط بعض الاقلام والالسن اللاذعو مثل مزمل والرشيد على عمر

    وعمرابى و.... حتى نستطيع جلب يونس محمود من جديد ... ولكن هل نملك مثل آلتهم

    الاعلامية الضخمة التى يمتلكون ؟ بل وهل نستطيع مجاراتهم فى اساليبهم تلك ؟

                   |Articles |News |مقالات |بيانات

20-11-2009, 10:45 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    و الله يا حمادة قبل المباراة قلت لبض الأصدفاء ان المصريين سيسيئون الينا بعد المباراة رغم اختيارهم لنا سواء أن فازوا أو خسروا...و لم يفعلوا ذلك لما كانوا مصريين...لذلك تجد أن كل العالم العربي كان يشجع الجزائريين...و لقد خسر المصريين معظم أراضيهم بسبب ازدرائهم للآخرين...فتجد مصريا لا يعرف القراءة و الكتابة يحدثك عن فشل السودان في التعامل مع الجمهور الجزائري...فكنت كل ما أفعله هو أن أدير له ظهري و أذهب...
    أمس في غياثي خرج جزائري بسيارتة و معه زوجته و كانت تحمل العلم الجزائري...تعاطف معهم كل الناس و شجعوهم...و هذا ما قصدته..حتى الذين شجعوا مصر كانت قلوبهم مع الجزائر...
    كل القنوات الفضائية غير المصرية أقرت بنجاح التنظيم من قبل السلظات السودانية خاصة و ان الوقت الذي تم فيه أختيار السودان كان ضيقا...و لقد شاهدت في الجزيرة الرياضية مساء البارحة في برنامج عن الفرق المتأهلة...ضيوفة المغربي سعيد شيبا و المدرب الفرنسي جيرار جيلي...كيف كانت الاشادة بالسودان...و تم استضافة حمادة صدقي مساعد حسن شحاتة وتم سؤاله عن سبب الهزيمة...فبدأ حديثة عن الروح الرياضية و أن ما حدث بعد المباراة...فقاطعة مقدم البرنامج قائلا ان المباراة انتهت في الملعب وليس خارجة و ان التنظيم كان جيدا وما حدث خارج الملعب كان عاديا و تم تهويلة من قبل الاعلام المصري.

    نحن نشجع كرة القدم دون النظر الى أي شئ آخر...كرة قدم فقط و نقف مع من تميل معه عواطفنا لا لشئ آخر غير كرة القدم...

    مبروك للجزائر مرة أخرى و هاردلك لمصر من أمنتياتنا لها بالتوفيق في مقبل الأيام...و نرجو منهم و من اعلامهم أن يراجع نفسة و الا سيخسرون كثير من الشعوب ولن يجدوا من يساندهم اينما حلوا...
                   |Articles |News |مقالات |بيانات

20-11-2009, 11:16 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    هذه الصورة تعجبني كثيرا عشان كده قلت أبراكم ببيها تاني...جعل الله كل أيامكم أفراحا..


                   |Articles |News |مقالات |بيانات

20-11-2009, 02:13 PM

زينب التجاني
<aزينب التجاني
تاريخ التسجيل: 24-01-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشا يا جميل مليون سلام ليك وللحلوين المعاك
    الصورة دى رهيبة وحاجزاها للبروفايل بتاعى بس فى مشكلة ابت تنزل قول لنانى ما تشيلا

    سلام يا عيد وفى انتظار الاطلالة


    عمر مسافر بكرة الحج ادعوا ربنا يتقبل منو ويجيبو بلسلامة

    زناتى دة ما براهو مختفى

    التحية ليهواين ما كان
                   |Articles |News |مقالات |بيانات

20-11-2009, 05:11 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    زوبة سلام وتحية ...

    ربنا يتقبل من عمر الحج ويرجعه ليكم بالسلامة

    والسنة الجاية انشاء الله معاهو ...

    غيبتك طالت .. واطلالتك جات فى موسم بيات شتوى للبوستات ..

    انشاء الله بنحاول ننزل الاطلالة قبل العيد بس الشباب شوية يطلعوا من حالة الدبرسه ..

    اعتقد .. واتمنى ان تزول هذه الحالة باشراقة صبيحة الغد
                   |Articles |News |مقالات |بيانات

21-11-2009, 09:11 AM

نجاة حوفي
<aنجاة حوفي
تاريخ التسجيل: 07-11-2009
مجموع المشاركات: 198

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    سلام لاجدع ناس.. بدون فرز ليكم كلكم.
    اسفة للانقطاع غير المقصود..بصراحة احسن شى انزل ليكم جدول الامتحانات ينتهى هنودى بعد يومين تبدا امنية..يعنى المتابعة ذاتها محرومة منها لكن مستمتعة باحساسى بيكم..
    عيدى يا مبدع ما تنسانا من الدعوات فى الايام الطيبة دى.
    زوبة ذى ما ودعتى عمر تلاقيه ويرجع سالم وحجة مقبولة يا رب.
    عليكم الله شوفواابو هنودى عاجباه الصورة شديد.زوبة عايزة تنزلها فى بروفايلها.. وحقوقى مهضومة يعنى اسعد المصوراتى ده (شخصى الضعيف ) مافى اى تحية ليه؟؟ صورة استخدمت فيها كل ابداعاتى وضبط الزوايا الفنية لا شكرا ولا كثر خيرى.. بصراحة الكلام على الناس الفى الصورة (قولوا ما شاء الله)
    حا ارجع ليكم متين ما عارفة.. اليوم يوم الدلع لانه عندنا ذى ما بقول هنودىSaturday is the sad day
    مهمتى اليوم هى الاصعب .
    فافى ومنص مشتاقين.. زناتى !!! الله يسامحك وشكرا تانى على الباسوورد...
    ودمتم سالمين
                   |Articles |News |مقالات |بيانات

21-11-2009, 01:53 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: نجاة حوفي)

    يوم السبت الذي يكرهه صديقي منصور هو بمثابة بداية اغتراب بالنسبة لي...حيث أودع عيالي و أم عيالي على امل أن ألتقيهم بنهاية الأسبوع...هو يوم لا أستطيع أن أقول بأنني أكرهه...و لكنه يسبب لي الكثير من الحزن الناتج عن مفارقة أسرتي...و لكن من يرى مصائب غيره تهون عليه مصيبته..هكذا دائما ما أذكر نفسي...الحمد لله الذي جعلني مستقرا في عملي أستطيع من خلاله تلبية احتياجات أسرتي الصغيرة و الكبيرة حتى ولو كان هذا العمل يفرق بيني و بين أسرتي...

    عندما أحضر الى العمل أذكر نفسي بأنني في مهمة ما و يجب علي أن لا أشعر بالملل و لا بالغربة انما أنا بحكم واجبي...فيعطيني ذلك دافعا كبيرا للعمل حتى نهاية الأسبوع و يمر الأسبوع بسرعة حتى عودتي الى أبوظبي مرة أخرى بنهاية الأسبوع...
                   |Articles |News |مقالات |بيانات

21-11-2009, 05:40 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا جماعة البوست ده نقفلوا ولا شنو...البوست ما جايب راسماله...خسرنا فيهو أغاني و شعر و صور واطلالة من محمد عيد و محاولة اطلالة....وبرضو مافي جمهور...بالطريقة دي حيخسر معانا...يعني الواحد لو كان فتح ليهو محل عجلاتي كان أحسن ليهو...كان على الأقل جاب راسماله...
    قلت لي موسى عيسى يا موسى لو الواحد قعد يتكلم براه في البيتش...الناس مش حتقوم من جمبك..و تبلغ عليك الشرطه و يجو يلبسوك البدله البيضاء و يودوك السرايا الصفراء...قال لي أنا ما فاهم انت بتقول في شنو...كلام واضح وضوح الشمس في منتصف الظهيرة وبرضو ما فاهمني...يقولو ليك عودة الروح للبوست...طيب و المنبر ده مقطوع من شجرة..ما تزوروه شوية كمان معاكم...مش قلتوا عايزين منبر و بوست...و طيب عملوا ليكم منبر و بوست...لا عمرتوا منبر و لا بريتوا بوست...و الله الحكاية دي دايره ليها جن كلكي عديل كده...كل يوم تجي تنضم براك و تؤلف و تنجر ليك كلام ساكت..يا قالوا مجنون يا حنوا عليك و جو قعدوا معاك...

    يا زول كفاية كده...بعد شوية بتجن جد جد...
                   |Articles |News |مقالات |بيانات

22-11-2009, 08:29 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    في اتصال تلفوني مع الأخ و الصديق الأستاذ حمزة سليمان حدثته عن أغانيه التي أهداهني اياها في سي دي مؤخرا...يحوي السي دي 26 أغنية من عيون الشعر السوداني و العربي و قد أضفى اليها حمزة اروع الألحان...و ذلك ليس بالأمر الغريب..فحمزة صاغ أجمل الألحان لفرقة عقد الجلاد...و لا ابالغ اذا قلت انني لم أسمع لحنا يمكن أن نقول عنه أنه لحنا جديدا منذ رحيل مصطفى سيدأحمد و حتى استمعت الى تلك الأغاني...
    عاتبت حمزة على على عدم اجتهادة في نشر أغنياتة و التي تعتبر ثروة قومية...و كلمته عن أهمية الأمر...فهو كفنان تقع على عاتقة مسئولية كبيرة في الارتقاء بالذوق العام للمستمع السوداني...و هذا يستوجب منه القيام بجهد اضافي لنشر أغانيه الجميلة...و وصيتة أن يختار بدقة من يقوم بالعزف معه...اذ أن مجموعة العازفين لا بد يكونوا بمستوى الغناء العالي المستوى...
    شكرني حمزة بتواضعه المعهود عنه وو عدني بأنه سيقوم بتسجيل أغانية في السودان في عطلة عيد الأضحى ان شاء الله و بصورة تنال اعجابي...ووعدني كذلك باهدائي ذلك الشريط بعد الفراغ من تسجيلة...
    و لحرصي الشديد بأن تصل هذه الأغاني الى الناس بصورة جيدة..أقول لصديقي حمزة لن أجاملك يا صديقي اذا كان التسجيل ليس بالمستوى الذي أتمناه...
                   |Articles |News |مقالات |بيانات

22-11-2009, 12:13 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    رشا يا حبيب
    والله انت زول حساس حساسة
    ياخى بوست زى ده تقول ما جايب راسمالو
    انا شخصانيا , مستمتع بيهو جدا
    بس تعرف , وجود بوست ومنبر فى نفس الوقت
    عايز ليهو وقت اطول
    لسه يتخيل لى معظم الناس ماقدروا يوزنوا معادلة الوكت الأطول المطلوب
    من الأنقسام الأنشطارى الجديد بتاع بيتنا القديم ده
    لكن البوست موضوعا ومتابعة
    اكثر من رائع
    ولا تنسى انك دائما
    تمارس ما يشبه الكتابة الصحفية الراتبة
    يكتبها القليلون
    ينسجها نادرون
    ولكن يطلع عليها ويستلذ بها
    الكثيرون الكثيرون
    تأكد تماما يارش
    ماضاع حرف , ولا ضل الطريق
    ولكن صداه سياتيك , وان تاخر
                   |Articles |News |مقالات |بيانات

22-11-2009, 01:45 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    رشيد ...

    حتى لو مافى زول جاء واتداخل بى هنا ...

    البوست ده لازم يبقى و يبقى ويبقى ...

    حتى لو باقى الناس اعتبروه شأنا زراعيا بحتا وقاطعوه

    برضو لازم يكون قاعد وزاهى بوروده ورياحينه ...

    حتى لو انشغلنا عنه شوية .. زى انشغالنا عن المربع سيد الاسم ايام الامتحانات

    برضو لازم نمشى ونجيهو مرة ..مرة ...

    ياخى مش ايام الامتحانات الواحد مرات يزهج من الكسر والمعسكرات

    ويجى يشحن بطاريته فى المربع ؟؟

    وتييييييب ...!
                   |Articles |News |مقالات |بيانات

22-11-2009, 05:44 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    منص ...حمادة...

    الدار نورت بمقدمكم السعيد...و لا شك أنكم و مهما تأخرتم فانكم تأتون...لتضيئوا ليس دارنا فحسب بل قلوبنا أيضا...بيتنا نور و الله نور و كلوا زينة وبي فرح عودتكم زغردت كلمات حنينة...
    شفتوا كيف بتعمل زيارتكم فيني...بتخليني أفرح و تزداد رغبتي في الكتابة و التواصل معكم و الآخرين وهذه هي طبيعتي...فأنا تزداد رغبتي و قدرتي على الكتابة بالتداخل معي...أستطيع أن أكتب كل يوم في هذا البوست ولكنه و كأنه موجه لي...و لقد فتحنا هذا البوست للدردشة و التسامر...و هذا يعني أن يشترك عدة أطراف في الأمر...
    على اي حال أشكر لكم حضوركم و نتمنى المزيد من الزيارات التي تبهجني و تفرحني كثيرا...
                   |Articles |News |مقالات |بيانات

22-11-2009, 09:27 PM

زينب التجاني
<aزينب التجاني
تاريخ التسجيل: 24-01-2009
مجموع المشاركات: 504

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشا ياخ انا يوميا بجى بهنا لمن القى البيت فاضى بشد الملايات وانضف واملا الموية وامشى


    دة متكا جميل الاندياح فيهو عايز تكية
                   |Articles |News |مقالات |بيانات

22-11-2009, 09:45 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: زينب التجاني)

    و الله يا زوبة مرورك يسعدنا...و نشكرك على على فريش الملايات و ملي الموية...انت عارفة عايز شوية تنسيق بين الناس لأن معظم تركز على البوست في المنبر العام و بتنسى هذا المكان...بتنسيق بين الناس سيكون متكأ لذيذ يجتمع فيه الناس كل مساء و يدردشوا مع بعض...بدل المساسقة بتاعت كل يوم...أنا انتظركم مساء كل يوم بعد التاسعة مساء ان كان يناسبكم هذا التوقيت...

    و ما زالت الدعوة مفتوحة للجميع..
                   |Articles |News |مقالات |بيانات

27-11-2009, 03:34 PM

إخلاص محمد أحمد
<aإخلاص محمد أحمد
تاريخ التسجيل: 07-11-2009
مجموع المشاركات: 147

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا حليل نوال محمد علي يلرشيد ربنا يرحمها ويحسن اليها فقد كانت من اعزا صديقاتي واحباهن
                   |Articles |News |مقالات |بيانات

27-11-2009, 03:27 PM

إخلاص محمد أحمد
<aإخلاص محمد أحمد
تاريخ التسجيل: 07-11-2009
مجموع المشاركات: 147

للتواصل معنا

FaceBook
تويتر Twitter
YouTube


Re: مربع كاي (Re: عفاف علي ميرغني)

    كل سنة وانتم بالف خير
    شكرا الرشيد علي اختيار اجمل موقع ملتقي لكل الاحباء من زراعة واصداقائهم الاعزاء
    عفاف ياحبيبة شكرا علي الطريقة الحلوة في المنادة وانا واللة قريبة ومستمتعة بي كتاباتك انتي والرشيد
    مربع كاي بجيب اي زول وين ما كان فاجمل ايام الكلية كانت في هذا المربع السحري لي عودة بكمية من الزكريات
                   |Articles |News |مقالات |بيانات

27-11-2009, 02:57 PM

إخلاص محمد أحمد
<aإخلاص محمد أحمد
تاريخ التسجيل: 07-11-2009
مجموع المشاركات: 147

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    الرشيد ياصديق الزمن الجميل سلام من عندنا لمربع كاي هناك كلعهد بيك دائما
    سباق للاقتراحات الجميلة . لمربع كاي زكريات كثيرة وجميلة فهو المكان البنتلم فيهو دائما نسأل فيهو عن حالنا واحوالنا بدون فرق بينا في لونا السياسي اي زول صاحب اي زول. لي عودة يارشيد ببعض من الذكريات
                   |Articles |News |مقالات |بيانات

22-11-2009, 10:13 PM

قيس جمال الدين
<aقيس جمال الدين
تاريخ التسجيل: 07-11-2009
مجموع المشاركات: 30

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    سلام ...
    أنا لاحق سيكشن ... بس أخلص و أرجع ليكم ...
    باي .. كاي ..
                   |Articles |News |مقالات |بيانات

23-11-2009, 04:53 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: قيس جمال الدين)

    نرحب ترحيب كبير بالأخ قيس جمال الدين...و الله لو عارفين انك جاي علينا كان انتظرناك لحدي الصباح...لكن ما فات شئ...أمشي أحضر سيكشنك و تعال...تلقانا قاعديييين....
                   |Articles |News |مقالات |بيانات

23-11-2009, 07:17 AM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشدي ....

    فاضي ؟؟؟؟؟؟؟

    ولا وراك حاجة ؟؟؟؟؟؟؟؟
                   |Articles |News |مقالات |بيانات

23-11-2009, 07:31 AM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    نعرف يا أبو الرشد

    أنا كل يوم قبل ما أمشي المنبر العام بدخل على حوشك ده ...
    الليلة غايتو كثر خيرها زوبه فرشت لينا الملايات وملت الأزيار ورشت الرملة
    يعني الجو مهيأ للترطيبة ..

    دخلت المربع وشايف أخونا أسعد أب كرنك مجدوع في النجيلة بي هنااااك ورامي عكازتو جنبو والكاميرا معلقة في رقبتو في حالة استعداد لوصول الجماعة ... لكن المربع فااااضي ما عارف الناس دي داكين ولا داخلين سكاشن ؟؟؟ ... غايتو قلت آخد لي معاهو قعدة واتفرج على الصور العندو لحدي ما يظهر لينا زول نطق لينا فلاش معاهو ....

    جاييييييك ومعاي صور من الزمن الجميل !!!!!!
                   |Articles |News |مقالات |بيانات

23-11-2009, 07:47 AM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    أهم شيء في مربع كاي ...

    الصور ...

    كذي غايتو لحدي ما يجيني زول أجدع لي شوية صور من العصر الحجري
    نشوف الناس ديل مستحضرين معانا ولا الزمن عمل عمايلو ؟؟؟؟

    331.jpg Hosting at Sudaneseonline.com


    يتخيل لي دي ساااهلة ...

    شباب حلوين والخلفية كمان حلوة .. قسم الوقاية ..
    وذكريات جميلة وعزيزة ..
    سلالم الوقاية دي كانت بمثابة المقصورة كنا نطل منها على جميع مربع كاي
    وكانت هي المقر المحبب لنا معشر السناير نشرف منها على المربع ونراقب الجميع
    ..... ولا نفس ......

    (عدل بواسطة عبد القادر بابكر on 23-11-2009, 07:57 AM)

                   |Articles |News |مقالات |بيانات

23-11-2009, 08:14 AM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    هاكم دي كمان ..

    وسط النجيلة !!!

    332.jpg Hosting at Sudaneseonline.com


    كيف الديناصورات ديل يا رشدي ؟؟؟؟؟
    يلا ورونا شطارتكم وعيشوا معانا الأيام الحلوة ..
                   |Articles |News |مقالات |بيانات

23-11-2009, 08:26 AM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    يا خوي حوشك ده مالو ناشف كدي ؟؟؟؟؟؟

    لي ساعتين قاعد براي أبرى في نفسي ..
    بتنا زوبة ختت لينا جك الموية ومشت .. قلت تمشي بي هناك تشد الجبنة ولا الشاي !!!
    لي حسه ما جاتني ريحة ... يكون عصير يا ربي ؟؟؟

    يا أخي خت ليك ميزانية ضيافة في حوشك ده ..........



    بجيك صاد ....
                   |Articles |News |مقالات |بيانات

23-11-2009, 09:59 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    قدورة الحبيب...أنا يا أخوي النهار ده و الله صعب علي تلقاني قاعد هنا...بطلع من البيت الصباح و أول حاجة بتصل على أم العيال عشان لو دخلت المكتب تاني مافي طريقة...ثم أدخل المكتب و مع قهوة الصباح بقوم أعمل مداخلة في البوست و تاني عينك ما تشوف الا النور...مكتبي زي السوق الشعبي...واحد داخل و اتنين طالعين و هكذا حتى أذان الظهر...ثم بعد صلاة العصر و حتى الساعة الثالثة ظهرا...ثم يبدأ كل واحد في الانسحاب...
    أنا بروق بعد ذلك...أحيانا بلقى لي خمسة دقايق كده بخش فيه...
    بعدين سيد بيت ياخي...يعني ما تنتظر مواجبة مننا...أدخل و قلع نعلاتك و اتشنقل في اقرب عنقريب...و كورك لي ناس جوه يجيبوا ليك الفطور و الشاي...و الزير قريب بايت من البارح ملان...يعني موية باااااردة...

    أرجع لي صور الديناصورات...غايتو تفف التابا...انت التفة دي كانت موضة و لا مافي حلاقين كانو...أنا صوري كمان كلها كانت التفة ما تديك الدرب حاجه كده مالية الراس...زمان في الكلية كنت لما أجي الصباح يتلموا حوالي المصريين و يقولو لي بالله يا رشيد بتوقف شعرك كده ازاي...أقول ليهم خلقت الله يا أخوانا...و لا موقفو و لا حاجه بقوم من الصباح أنفشو ليك بالخلال وبجيكم...مرات كنت بقيف قدام المرايا براي و طق طق طق بالمقص أشرتم ليك الشعر...حلاقة مجهبزة...لكن الغريبة لما وصلنا سنة رابعة قصرنا التفة شوية...و حسة بقينا نحلق رقم واحد..

    كانت أيام جميلة يا قدورة
                   |Articles |News |مقالات |بيانات

23-11-2009, 10:26 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    قدورة شكرا لأنعاش الذاكرة بهذه الصور الجميلة
    الصورة الأولى وقوفا
    اول واحدة اسمها يجى ويروح , معاوية يحى , امال خضر , قمر الدولة عبد المطلب
    الباكستانى محمد عيد ,
    جلوسا , طارق البيض , عاطف القوز الأبيض منو , الطيب سلمان الأبيض منهم الأتنين , قدورة اب تفة
    هشام , احمد صالح تربيع
    الصورة التانية
    جمال الخليفة , قمر الدولة, قدورة بنفس التفة (الصورتين ديل يكون اسعد اب كرنك اداهم ليهو فى عرض تسويقى
    اشترى واحدة وخذ الثانية مجانا buy one get one free , حاتم امام
    جلوسا , جليتو , الطيب التكو , جليتو , حسن خاطر اب شنبر
                   |Articles |News |مقالات |بيانات

23-11-2009, 10:26 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    قدورة شكرا لأنعاش الذاكرة بهذه الصور الجميلة
    الصورة الأولى وقوفا
    اول واحدة اسمها يجى ويروح , معاوية يحى , امال خضر , قمر الدولة عبد المطلب
    الباكستانى محمد عيد ,
    جلوسا , طارق البيض , عاطف القوز الأبيض منو , الطيب سلمان الأبيض منهم الأتنين , قدورة اب تفة
    هشام , احمد صالح تربيع
    الصورة التانية
    جمال الخليفة , قمر الدولة, قدورة بنفس التفة (الصورتين ديل يكون اسعد اب كرنك اداهم ليهو فى عرض تسويقى
    اشترى واحدة وخذ الثانية مجانا buy one get one free , حاتم امام
    جلوسا , جليتو , الطيب التكو , جليتو , حسن خاطر اب شنب
                   |Articles |News |مقالات |بيانات

23-11-2009, 10:40 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    قدورة أجيك راجع للصور و التي أعتقد أن منصور ما كان لابس نضارة.....

    الصورة الأولى

    وقوفا: نهلة...معاوية...آمال خضر..قمر الدولة...محمد عيد

    جلوسا:الأول ما عرفته لكن ما طارق...عاطف..الطيب سلمان...محمد ابراهيم...على الحسن...أحمد صالح.


    الصورة التانية:
    وقوفا:جمال عبد الطيف...عبدالمنعم...قمر الدولة..حاتم أمام..

    جلوسا:ععبدالرؤوف..الطيب سلمان..علي الحسن...عثمان...


    صحح و طلع النتيجة بسرعة ...ولا أقول ليك خلي محمد عيد يجي يقول كلمته...
                   |Articles |News |مقالات |بيانات

23-11-2009, 01:32 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    والله يا قدورة محنك عجيبة ..؟

    انت ياخى ما عارفنا معمشين من يومنا ..؟

    الصور دى نيجاتيف ولا كانت مدفونة فى خور المطرة بتاع الحارة الثانية ؟

    عموما برضو اظن انا احسن من منص والرشيد .. شوف ..

    الصورة الاولى : نهلة - معاوية - امال خضر - قمر - ( سيد الناس )

    جلوسا : الطيب رجب - القوز - ......... - محمد ابراهيم - على ميرغنى - احمد صالح


    الصورة التانية : جمال عبد اللطيف - قمر - قدورة - حاتم امام

    جلوسا : عبد الرؤوف - الطيب تكو - على حسن -ماعرفتو لكن ما حسن خاطر
                   |Articles |News |مقالات |بيانات

23-11-2009, 02:11 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    والله لكن حكايتكم حكاية يا برالمة يا عجائز !!!!

    غايتو منصور بالرغم من انو صايم لكن قرب يقفلها ..
    غلطاتو كلها بسبب الطباعة السيئة لورقة الامتحان ..
    أما أنت يا سيد البيت ..
    عملتها شينة عدييييل كده والله ..
    يعني يا راجل تجليني أنا بالظاط !!!!!!!!!
    وانا من قبيل قاعد وحارس ليك البيت وتجي في النهاية تجليني ..

    الباكستاني كثر خيرو كان ماشي كويس
    لكن برضو جلاني في الصورة الأولى !!!
    ده نقول عليهو شنو يا جماعة ...

    هاكم الحل يا برالمة يا طاشين ...
    الصورة الأولى :
    وقوفا : نهلة - معاوية - أمال خضر - قمر الدولة - ( سيد الناس )
    جلوسا : على حسن علي - القوز - فيصل محمد الحسن - قدوره - صفوت - احمد صالح

    الصورة الثانية :
    وقوفا : جمال عبد اللطيف - عبد المنعم اسماعيل - قمر - قدوره - حاتم امام
    جلوسا : عبدالرؤوف محمد بشير - التكو - علي حسن علي - عثمان حسب الرسول

    انت يا رشدي تجي دور سبتمبر ..
    بس كده كيه ليك عشان جليتني !!!!!!!
                   |Articles |News |مقالات |بيانات

23-11-2009, 02:19 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    قدورة والله فى الصورة الاولى ما عرفتك ( النضافة ليك من وين ؟ ) رغم انو منصور عرفك

    لكن القلت عليهو صفوت ده مليون % غلط ... هو يا على بجة او هشام عثمان !!

    (عدل بواسطة محمد عيد on 23-11-2009, 02:20 PM)

                   |Articles |News |مقالات |بيانات

23-11-2009, 02:50 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    لا والله وحياتك يا باكساني
    صفوت بي لحمو وشحمو ..
    طلع النظارة بتاعة السواقة وركب النظارة بتاعة القراية !!!!
    أنا ذاتي بستغرب كيف ما عرفتوه ...






    برلوم مطشش بس !!!!!!!!!!!!!!!!
                   |Articles |News |مقالات |بيانات

23-11-2009, 03:02 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    كدة كيييف ؟؟؟؟؟

    121421.jpg Hosting at Sudaneseonline.com
                   |Articles |News |مقالات |بيانات

23-11-2009, 02:53 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    قدورة ومن لف لفه ..

    عامل فيها سنير ومفتح

    كان راجل اعرف ديل ( كلهم حضرتهم ما عدا واحد بأعفيك منو )


    sudansudansudansudansudansudansudansudan018.jpg Hosting at Sudaneseonline.com
                   |Articles |News |مقالات |بيانات

23-11-2009, 02:57 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    وديل كمان يا كبير ..

    منهم 3 كانوا ساكنين معاك


    Picture007.jpg Hosting at Sudaneseonline.com


    انت كان باريتنى بتتعب
                   |Articles |News |مقالات |بيانات

23-11-2009, 02:55 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    Quote: لكن القلت عليهو صفوت ده مليون % غلط


    أنا مع محمد عيد...و ضربت حسه تلفون لي صفوت عشان يشوف الصورة و يأكد الكلام لقيته نايم..لكن بيرجع لي بعد شوية...أنا اتخيل ده العاقب...و لا عبدالحليم...

    أما صورتك يا قدورة في الصورة الأولى...انت السبب...ضللتنا بي قميص عبدالله اللابسه ده ياخي...
                   |Articles |News |مقالات |بيانات

23-11-2009, 03:13 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: كدة كيييف ؟؟؟؟؟


    هي والله ياهو صفوت ذاااااااااااتو....شفت يا قدورة السبب صورتك...


    محمد عيد الامتحان ما ساهل على فكرة...بعض الأسماء طارت...خاصة في الصورة التانية...الزول اللابس الوشاح في الوسط وقوفا نسيت اسمه...و تحت من بعد القوز يسارا برضو جلا....

    أما الصورة الأولى عرفتهم كلهم لكن نسيت اسم ازميلة في وسط البنات فوق...أظنه ايمان...
                   |Articles |News |مقالات |بيانات

23-11-2009, 03:22 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    الرشيد اقعد بعيد انت ..

    خلينا النشوف حاج كرتووووب ده ..!
                   |Articles |News |مقالات |بيانات

23-11-2009, 03:21 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رشدي موضوع التفة جاييك ليك بعدين..
    خلينا نشوف الباكستاني ده
    وكمان كبرت ليكم الصورة عشان تتأكدوا انو صفوت ..
    لما يصحى بالله سلم عليهو وقول ليهو قدورة قال ليك
    الجماعة طلعوا مطششين وطاشين كمان ..

    الصورة الأولى :
    الواقفين : احمد صالح - يتخيل لي اسمها خالده والله اعلم - الكذب حرام - الكذب حرام - نهلة - عبد الحليم والله اعلم
    المدنقرين :: حنان القطينة - ( الباكستاني )
    جلوس :: الكذب حرام - معاوية العميان - والله اسمو يمشي ويجيني ..

    الصورة الثانية :
    الواقفين : اب سيجارة ده يتخيل لي برة الصورة - الكذب حرااام - ( الباكستاني ) - بعرفو والله لكن اسمو طار بعرفو حق المعرفة - علي بجة - مجدي عبد الله
    القاعدين : حسين كوش - عاطف القوز - بعرفو والله لكن الاسم طااااار - صفوت ( النايم لسه والمغرب راح عليهو ) ....

    كده كيف يا برلووووووم ...

    (عدل بواسطة عبد القادر بابكر on 23-11-2009, 03:24 PM)

                   |Articles |News |مقالات |بيانات

23-11-2009, 03:28 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    محمد عيد عليك الله خليني أصحح ليهو...

    في الصورة الأولى....لقيت ايمانك قوي...عشان عرفت كل الكذب حرام الفي الصورة...

    و في الصورة التانية...لقيتك أولاد حاج الماحي...ده طار...و داك طار....ما نوبة...
                   |Articles |News |مقالات |بيانات

23-11-2009, 03:31 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    والله يا قدورة التيرم الاول مقبول بس عشان عرفت المرحومة خالده يوسف


    لكن التيرم التانى تربيتة بالمزيكا .. عارف ليه ..؟

    لأنك جليت كمال الطيب الكان ساكن معاك فى سفن أب وهو قريب التكو

    ودى كانت حفلة تخريجه فى تجارة ...

    هسه انا أٍوى فيك شنو ؟

    الرشيد عرفوا بالباقين بالله ...

    * انا ماشى البيت بعد ده والنت هناك كان قاطع الصباح

    فاذا لقيتو ما رجع ما تقولوا شردت ... وان غدا لناظره قريب
                   |Articles |News |مقالات |بيانات

23-11-2009, 03:35 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    محمد عيد و انت ماشي للبيت أغشى معاك زوبة شيل منها الDSL ...عشان ما شايفه متلحلحة...تجي يااك و تمشي...
                   |Articles |News |مقالات |بيانات

23-11-2009, 03:44 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    Quote: لأنك جليت كمال الطيب الكان ساكن معاك فى سفن أب وهو قريب التكو


    والله بعرفو لكن قدر ما حاولت اتذكر الاسم ما قدرت ... كيمو ....
    لكن والله كثر خيري عرفت حسين كوش .. الشخصية العجيبة وكان ليهو مواقف ظريفة مع عبدالله الدبجة
    الله يديهم العافية ..

    يا خوي كان معتمد علي الرشيد واطاتك اصبحت ......


    أمشي وتعال بالسلامة وياما في الجراب يا حاوي ....

    أما الرشيد ده ..
    حأجيب ليهو ناس الصين عشان يعد لي أسمائهم وأوعى تقول لي الكذب حرام ولا ده اسمو طار مني ...
                   |Articles |News |مقالات |بيانات

23-11-2009, 03:47 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    جاهزين يا قدورة ...بس انت جيب ساكت...حتلقى الذاكرة حديد....
                   |Articles |News |مقالات |بيانات

23-11-2009, 03:57 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    هاك شوف العيشة دي...دي لي زول واحد...بس يكون جعان شديد...لأنك لو ما جعان ربعها ما حتكمله..

                   |Articles |News |مقالات |بيانات

23-11-2009, 03:54 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    عاملين صوركم الكلها تفف دي !!!!

    ياخي طفشتوا مننا البرالمة
    يعني هسه ناس زوبة ونجاة حوفي وفافي يجو يقولوا علينا شنو ؟؟؟
    أكيد حيقولوا محمد معانا ما تغشانا !!!!! ويقوموا جارين يخلونا ...
    كلم زوبة خليها تجي تفرش لينا الملايات ديل ..
    وبالله لموا خلالاتكم المجدعة دي !!!

    فضحتونا مع البرالمة يا مساخيت ..
                   |Articles |News |مقالات |بيانات

23-11-2009, 04:02 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    انت ما جاوبت على سؤالي بتاع التفف يا قدورة...زمان كلما تكبر التفة الواحد يشوف نفسه مكمل الأناقة و الجمال...حسة التفف شايفة رجعت تاني لكن ما عندنا...نحن طبعا بتجينا الموضة متأخرة شوية..حسه الموضه حلاقة الشعر قريب للصلعة...
                   |Articles |News |مقالات |بيانات

23-11-2009, 04:04 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    في طاري التفف يا مسخوت ..

    شوف الصورة دي ..

    23232323.jpg Hosting at Sudaneseonline.com


    أمال خضر كانت جارة شعرة من راس العبد لله .. شوفها بالله طويلة كيف ..
    وطبعا هي مستغربة وبتضحك ...
    أنا ما عارف شنو الكان عاجبنا في التفة دي ..
    الله يطراها بالخير أختنا أمال خذر .. وين أراضيها بالله ؟؟؟؟؟؟
                   |Articles |News |مقالات |بيانات

23-11-2009, 04:13 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    تعرف يا قدورة لو كان ضفرت شعرك كان بقيت رود خوليت...هاك الشعر الطويل ده..

    آمال خضر ..كانت أخت فاضلة و من أظرف بنات دفعتنا...أعتقد أنها في السعودية...كان من المؤمل أن نلتقيها في الاجازة مع نهلة نجم الدين...و لكني لم ألتقيها...
                   |Articles |News |مقالات |بيانات

23-11-2009, 04:13 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    Quote: هاك شوف العيشة دي...دي لي زول واحد...بس يكون جعان شديد...لأنك لو ما جعان ربعها ما حتكمله..


    دي اسمها عندنا هنا .. تميس ...

    والله لكن يا ناس أبوظبي عليكم حنكشة عجيبة ..
    ياخي دي الواحد بيقوم بيها عااااادي وممكن نطلب زيادة كمان !!!
    خصوصا لما تكون حاااارة ومقرمشة ....
                   |Articles |News |مقالات |بيانات

23-11-2009, 04:17 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    Quote: دي اسمها عندنا هنا .. تميس ...


    دي و الله تقرمشه براك تميس ليك مصرانك الأعور...
                   |Articles |News |مقالات |بيانات

23-11-2009, 04:23 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    معاي صفوت في التلفون ...بيسلم عليك سلام شديد...و قال ليك وينك ووين ايامك...انت عارف صفوت بيحب ليك سيرة البناء و الأراضي حيه عندي حصة في الشقق و الأراضي...عايز أي معلومات...
                   |Articles |News |مقالات |بيانات

23-11-2009, 04:27 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا خوي الصفحة دي مالها ما دايرة تنقلب ؟؟

    هاك ناس الصين ديل قزقز فيهم لحدي الصباح .. عندك وقت كفاية قبل ما يجيك الباكستاني

    338.jpg Hosting at Sudaneseonline.com


    عامل تفتك دي .... !!!!!!!
                   |Articles |News |مقالات |بيانات

23-11-2009, 04:35 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    تحياتنا بالله للزول اللذيذ صفوت وقول ليهو والله مشتاقين ..
    وكان حيين بنتقابل انشاء الله .. قريب جدا حأسجل ليكم زيارة وعايزين لمة كااااربة بالله ..
    كذي بالله أسألوا لينا من أسعار الأراضي عايز لي قطعة أرض في امدرمان درجة أولى ما يهم الموقع بس يكون حي كويس .. بفتش والله وكلفت أخواني بي هناك .. أو بيت مشطب الطابق الأرضي تشطيب عادي ... أفيدونا أفادكم الله .....

    (عدل بواسطة عبد القادر بابكر on 23-11-2009, 04:44 PM)

                   |Articles |News |مقالات |بيانات

23-11-2009, 04:38 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    الله يا قدورة...و الله دي صورة لامه بي شكل...دي بيني و بينك عايزه ليها مقاول عديل كده...

    و الله لكن صورة جميلة جدا...دي أديني أسبوع عشان أعرفهم ليك واحد واحد...
                   |Articles |News |مقالات |بيانات

23-11-2009, 04:45 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: عايز لي قطعة أرض في امدرمان درجة أولى ما يهم الموقع بس يكون حي كويس .. بفتش والله وكلفت ناس هناك لكن يظهر عليهم مشغولين وما فاضين .. أو بيت مشطب الطابق الأرضي تشطيب عادي ... أفيدونا أفادكم الله .....


    قال ليك صفوت في حاجة أسمها مدينة الريحان السكنية و عندهم موقع في النت ..أبحث عناالريحان...و الشركة المطورة أسمها سوقطرة للانشاءات...و قال ليك بتتباع في سفارة السودان بالرياض..و كمان رسلوا رسائل على الموبايلات للسودانيين في الرياض...قال ليك انت مسجل في سفارة تشاد و لا شنو....
                   |Articles |News |مقالات |بيانات

23-11-2009, 04:51 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا خوي بعد ده بدقوني في البيت ..

    ما تنسى بالله تملا معاك الأزيار عشان تبرد لحدي بكرة ..
    وزوبة كان جات بي جاي خليها تجرجر معاها الملايات ديل ...
    وبكرة الجبنة علي أم مهند ..

    نشوفك الصباح ...
                   |Articles |News |مقالات |بيانات

23-11-2009, 05:00 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    والله أنا السفارة دي ما قاعد أحب أمشي ليها ..
    لكن حأدخل الموقع وأشوف الحاصل شنو وممكن أخطف رجلي وأمري لله علي سفارتنا الميمونة ..
    بس المخططات دي الواحد بلاوز منها لأنها أغلبها بتكون في سقط لقط ومناطق عجيبة كده ..

    بالله غرغره السلام والأشواق ..
                   |Articles |News |مقالات |بيانات

23-11-2009, 05:06 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    و الله ما قصرت الليلة معانا يا قدورة..ان شاء الله يا يابا تجيك العافية...أمشي خلاص عفيت ليك دربك أخدر...بس أوع تمشي تقول لي بت الشيخ كله من القشير ده...أخرني و طلع روحي..

    تعال بكره بدري..تلقى الموية باااااردة و الجبنة بره....
                   |Articles |News |مقالات |بيانات

24-11-2009, 07:48 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: هاك ناس الصين ديل قزقز فيهم لحدي الصباح .. عندك وقت كفاية قبل ما يجيك الباكستاني


    والله يا قدورة صورك البتجيب فيها دى دليل دامغ انك من العهد الديناصورى ...

    يعنى حتى الصور يخيل لى تم تحميضها وتجفيفها فى حبل الغسيل فى البلكونة بعد ان

    تم غسلها مع الفنيلة الحمراء بتاعت الدبجة ديك ..!!

    لكن تخيل انا قلت بسم الله لقيت نفسى متذكر مجموعة ما بطالة ... رغم انها أخذت قبل

    مجيئنا الزقازيق ...

    غايتو يخيل لى الصورة دى فى تاريخها انا كنت ما زلت أحبو فى الخرطوم القديمة

    الثانوية ...! بس فيليب ده الجابو معاكم شنو ؟ يكون جاء يزور منقستو ؟؟

    المهم هاك .. وبعدين صحح بى ضمير شوية ...

    نبيل البطل - سيدة عبد القادر ابوسم ( رأيك شنو فى الذاكرة دى ؟) - نهلة - الرشيد

    - محمد ابراهيم - ابراهيم مختار - المرحومة سميرة سيد - حاتم امام - عشة محمد دين -

    جمال عبد اللطيف - عماد محجوب - عبده مضوى - على البيه - اب تفة - فدوى - عثمان ابو شوك -

    مبارك احمد على - على حسن ..

    أها قصرت معاك ؟ يلا صحح زى الناس وما تبقى زى دكتور فايز مرعى ..!
                   |Articles |News |مقالات |بيانات

24-11-2009, 08:22 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    نجيك للصورة الأخيرة يا قدورة...

    وقوفا:
    اخلاص عمر الأمين...؟...؟...نهلة...حنان الأمين...سامية عبدالعزيز...محمد أبراهيم...الطيب...أبراهيم مختار...الراحلة سميرة....حاتم امام...جمال عبداللطيف...عماد محجوب.

    الوسط:
    أنا....حاتم عكاشة

    جلوس:عبدالرحمن...علي...قدورة...رتيبة...أبو شوك...مبارك...؟

    الصف الأخير:
    عثمان....مبارك...علي
                   |Articles |News |مقالات |بيانات

24-11-2009, 08:26 AM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    حبيبنا الباكستاني ...

    بركة الجيت ..

    قلنا ليكم ذاااااااكروا كويس ..
    بجيك العصر بي رواقة كده .. انت عاوز ليك قعدة يا خوي

    Quote: انا كنت ما زلت أحبو فى الخرطوم القديمة


    قال ما زلت أحبو قال ....
    لا وانت الصادق كنت تحبو في سلالم سفن أب




    يا رشدي ..
    ما تلحقنا وتفزعنا ياخي !!!!!!
                   |Articles |News |مقالات |بيانات

24-11-2009, 08:37 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    قدورة هاك التفف دى ..! وجاهات ..

    السؤال .. أعرف مناسبة هذه الصورة ..

    وما هو الكورال الذى قدمته كتيبة الأناقة الفى الصورة


    sudansudansudansudansudansudansudansudan33004.jpg Hosting at Sudaneseonline.com

                   |Articles |News |مقالات |بيانات

24-11-2009, 10:02 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    قال حاتم عكاشة قال
    عندنا زول قرا معانا فى الزقازيق اسمه حاتم عكاشة ؟؟؟
    يتخيل لى ده العاقب بلة
    ده مجرد تخيل
    فى صورة محمد عيد الأولى , يا قدورة نسيت جلوسا ياسر ياسين وجمال مصطفى
    اما فى (صورة الصين العظيم )
    بداية وقوفا نهلة , نبيل البطل , نسيتها , حسن صالح, ماجدة عبد الرحمن على ما اظن , هدى عبد الله , المرحومة نجاة خليفة , محمد ابراهيم , الطيب التكو , ابراهيم مختار , المرحومة سميرة سيد ,حاتم امام , عائشة محمد دين,جمال عبد اللطيف , عماد محجوب
    فى منتصف الصورة الواقفين وزى قاعدين ديل الرشيد والعاقب
    جلوسا , عبده مضوى , جليتو , قدورة , الكذب حرام , محمد ابو شوك, مبارك محمد على , نسيت اسمه مع انى بعرفه
    المفرجخين ديل كلهم جليتهم
    صورة محمد عيد بتاعت الكورال انا مقفلة عدييييل
    عبد الحميد رحمة الله ,عادل عبد العظيم , صلاح على صالح (الجابو هنا شنو ؟؟), ابوبكر ابوزيد , الباكستانى محمد عيد , الطيب سلمان
    برضو الجابو هنا شنو ؟؟)واخيرا محمد ابراهيم
    مناسبة الصورة ما يا استقبال يا وداع
    حايكون عرس الرشيد ونجاة حوفى يعنى ؟؟!!
                   |Articles |News |مقالات |بيانات

24-11-2009, 11:39 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    Quote: قال حاتم عكاشة قال
    عندنا زول قرا معانا فى الزقازيق اسمه حاتم عكاشة ؟؟؟


    يا منص حاتم عكاشة ده ما حتذكره الا لما تمشي جده و تجي...بعد ما يضربك هواء جده اللذيذ داك بتاع الشتاء...يا أخي حاتم عكاشة ده من أولاد عطبرة و دفعة قدورة..

    محمد عيد الصورة ساااااهلة...لكن السؤال...الناس ديل عملوا الكورال ده كيف...الواقفين ديل كلهم أصواتهم شينة...و العجب الطيب سلمان....ان أنكر الأصوات صوت الطيب سلمان...
                   |Articles |News |مقالات |بيانات

24-11-2009, 12:21 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    بديت اتذكر طشاش طشاش
    لكن يا رش
    اسمه حاتم ولا ماهر
    قدورة عنده الكلام الفصل
                   |Articles |News |مقالات |بيانات

24-11-2009, 01:48 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    والله يا رشيد منص صاحبك ده شكلو داقى الدلجة عديل كده

    حررررم لمن يجى جدة الا نوديهو ليك الكرنتينا ..!!

    يا منصور .. يا اباحمد .. يا بشير عباس ...

    ماهر خضر بتاع عطبره ده دفعتك انت ذاتك ..

    وحاتم عكاشة انا اتذكرتو لمن الرشيد كتب اسمو بس هو كان زول مسكين

    يعنى ما حنفوش زيك يا منص ..

    * بعدين تعالوا انتو الاتنين يا اولاد المساكن ...

    انا وجهت السؤال لى قدورة .. انتو الحاشركم شنو ؟؟ غايتو جنس لقافة ..

    انا قاصد أحشــر العجوز حاج كرتوب ده عشان امبارح هرانا بى صوره

    المطمســـة فى عصير القمردين دى ..

    بس صاحبكم شرد وما ظهر لى هســه ؟!

    والسؤال قائم ليهو هو وبس !!!
                   |Articles |News |مقالات |بيانات

24-11-2009, 02:01 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    وبعدين انا ما زلت مصرا على ان هذه الصورة اخذت قبل حضورنا للزقازيق

    واننى فعلا كنت أحبو فى الخرطوم القديمة وأفك البيرك من حسن عبيد الشايقى الله يرحمو

    وأملــّح الفطور فى البركس مع ناس الجامعة ... ونكتمها بى سيجارة برنجية تحت كوبرى بحرى

    وظهور عبده مضوى فى الصورة .. ببساطة لأنو عبده كان راجع من روسيا وجاء زار منقستو ود

    خالتو فى الزقازيق ... ومن هنا جاءت التسمية التى اشتهر بها حينها ... فيليب ..
                   |Articles |News |مقالات |بيانات

24-11-2009, 02:16 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    هاكم النجيضة يا برالمة يا عجائز .....

    341.jpg Hosting at Sudaneseonline.com


    الأسماء مكتوبة عليها فردا فردا ....
                   |Articles |News |مقالات |بيانات

24-11-2009, 02:26 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    Quote: أعرف مناسبة هذه الصورة ..

    وما هو الكورال الذى قدمته كتيبة الأناقة الفى الصورة



    المسرح ده مااااا غريب علي ...

    دحين يا ود أخوي ده ما مسرح الكلية ؟؟؟؟؟؟

    المناسبة يتخيل لي استقبال برالمة أو وداع خريجين .... صاااااح ؟؟؟؟

    الكورال ... طلع البدر علينا .... !!!!


    ((( عليك الله ما داير أسماء الحاضرين ))))) ؟؟؟؟؟؟؟؟؟




    برلوم حقار !!!!

    هههههههههههه
                   |Articles |News |مقالات |بيانات

24-11-2009, 02:57 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: عبد القادر بابكر)

    Quote: المسرح ده مااااا غريب علي ...

    دحين يا ود أخوي ده ما مسرح الكلية ؟؟؟؟؟؟

    المناسبة يتخيل لي استقبال برالمة أو وداع خريجين .... صاااااح ؟؟؟؟

    الكورال ... طلع البدر علينا .... !!!!


    ((( عليك الله ما داير أسماء الحاضرين ))))) ؟؟؟؟؟؟؟؟؟


    عشان تعرف نفسك فعلا خرفت ولحقت حاج كرتوب

    دى حفلة تخريجك انت بالذااااات .. وكان معاها سواء استقبال البرالمة اللى هم انحنا

    والحفلتين اتعملوا سواء لأننا جينا متأخرين ايام امتحان التيرم

    وده مسرح المدرسة العسكرية ...

    والكورال : ثــوار اكتوبر

    وجاييك بعدين بى صورة كورال الخريجين ...

    ما قلت ليك ما تبارينى ..؟؟
                   |Articles |News |مقالات |بيانات

24-11-2009, 03:29 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    زي دي كده يعني ؟؟؟؟؟

    1234.jpg Hosting at Sudaneseonline.com


    Quote: دى حفلة تخريجك انت بالذااااات .. وكان معاها سواء استقبال البرالمة اللى هم انحنا


    الصورة كانت في مارس 84 ..
    حفلة تخريجي دي معاك فيها والدليل الجاكيت الأحمر والبنطلون الأبيض ...
    كمان عايز تقنعني انك كنت برلوم سنة 84 ؟؟؟؟
    يا خي انت أقدم من عبد الله الدبجة في الزقازيق ؟؟؟؟

    عامل تفتك دي ......

    (عدل بواسطة عبد القادر بابكر on 24-11-2009, 03:32 PM)

                   |Articles |News |مقالات |بيانات

24-11-2009, 03:36 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    و الله يا قدورة الحقار انت ده...منصور ده يغالط فيني من قبيل في حاتم عكاشة..ما قلت بغم...عرفت ليك كمان علي...دي مش ضربت معلم...غايتو انتو البدوروهو بتقولو عليهو بخيت و الما بتدوروهو ما بعرف بتقولو عليهو شنو.....

    محمد عيد بالله الكورال كان ثوار اكتوبر...ان شاء الله يكون ناجح بس...غايتو أنا الجماعة الشايفهم ديل...الله أعلم يكونو نجحوا ليهم كورال...يطرشني ما سمعت زول فيهم بيغني...
                   |Articles |News |مقالات |بيانات

24-11-2009, 03:52 PM

عبد القادر بابكر
<aعبد القادر بابكر
تاريخ التسجيل: 07-11-2009
مجموع المشاركات: 462

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    يا رش وين انت ..


    انت غايتو مشيت كويس وكونك تعرف علي البيه برضو برافو عليك .. لكن تجلي حاتم عكاشة ؟؟؟

    الصورة لامة والله وفيها اسماء كثيرة مختفية نتمنى والله نسمع منهم ....
                   |Articles |News |مقالات |بيانات

24-11-2009, 04:13 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    محمد عيد الجاكيت الأحمر ده جبتو معاك من السودان و لا اشتريته من بورسعيد..

    بمناسبة المدرسة يا حمادة...اذكر انني و عندما كنت في الصف الثاني الثانوي أصبت في أسفل الساق في مباراة لكرة القدم...هذه الاصابة أدت الى تكون خراج تطلب اجراء عملية جراحية...تم عمل العملية بواسطة دكتور يسمى أحمد الرشيد..يقال ان لأحمد الرشيد هذا مقابر تعرف باسمه عندما كان يعمل بالأبيض...هكذا سمعت من بعض الناس...فكنت خايف جدا أقوم من العملية ألقى ليك رجلي مافي من كترة ما سمعت عن الدكتور...المهم أول ما صحيت من البنج اتفقدت رجلي فوجدتها في مكانها...قلت الحمد لله رجلي نجت من مقابر الأبيض..
    أعطاني كالعادة ورقة للمدرسة حتى أحضر الى المستشفى كل صباح للغيار...فكانت هذه الورقة في جيبي على الدوام...لأننا عندنا في مدرسة مدني الثانوية صول صعب جدا...حملت هذه الورقة في جيبي زمنا و كنت أدخل المدرسة متأخرا فأمشي بكل ثقة بينما كان زملائي يجرون هنا و هناك خوفا من سوط الصول...و عندما يأتي الي متوعدا أطلع الورقة فأمشي اقدل لحدي الفصل...
    كان منزلنا قريب من المدرسة...و كنت أحضر للبيت للفطور...و أرجع متأخر بعد أن أسمع جرس المدرسة...فأحضر الى المدرسة و أمشي بي مزاج و الزملاء يركضون...فأقطع ورقة من أي كراس و أدخل المدرسة و بمجرد أن أشاهد الصول ألوح له بالورقة..و كان ذلك بعد عدة شهور من العملية...
                   |Articles |News |مقالات |بيانات

24-11-2009, 04:17 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    و الله يا قدورة الظاهر عليك انت مجلي...أنا العرفت حاتم عكاشة و منصور البغالط...مش قلت ليكم البتدوروهو بتقولو عليهو بخيت...
                   |Articles |News |مقالات |بيانات

24-11-2009, 04:31 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)

    Quote: واننى فعلا كنت أحبو فى الخرطوم القديمة وأفك البيرك من حسن عبيد الشايقى الله يرحمو

    وأملــّح الفطور فى البركس مع ناس الجامعة ... ونكتمها بى سيجارة برنجية تحت كوبرى بحرى


    شوف يا قدورة صاحبك كان بيحبو بملح في البراكس وبيتمها ببرنجية...حبيكم كده مشيكم كان كيف...
                   |Articles |News |مقالات |بيانات

25-11-2009, 10:17 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: مربع كاي (Re: الرشيد بابكر)


    انتوا يالرشيد ومحمد عيد
    زول نسى وبخر مداخلات حصلت امبارح
    منتظرينوا يصحح ليكم احداث من سنة حفروا البحر
    ولا كمان محمد عيد
    برلوم قال جارى من حسن عبيد الشايقى
    وفى يده سيجارة برنجى تحت الكبرى
    يا زول انا لا بعرفكم ولا قدركم
    انا بس حا انادى ليكم القدركم
    ناس ابراهيم مختار واخمد المعتز
    يجوا يتفاهموا معاكم


    تليشة ؛-
    اسماء عادت الى الذاكرة بفضل (صورة الصين العظيم )
    اخلاص عمر الأمين , سيدة ابوسم , حاتم عكاشة , حامد على يحى , مبارك عبد الرحمن , نوال آدم نمير
    عثمان حسب الرسول , امانى اسماعيل , عادل عطا نعمان
    ولكنى لم اتذكر عوضية , ولم استبين اسم الزميلة الجالسة اسفل الصورة , قلت لى منو ؟؟؟
                   |Articles |News |مقالات |بيانات

25-11-2009, 02:35 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2003

للتواصل معنا

FaceBook
تويتر Twitter
YouTube


Re: مربع كاي (Re: منصور عبد الرازق)

    هســـه بالله يا عمو عموش ...

    دى ما هى نفس الحفلة .. ونفس اللبسه الماخمج

    ونفس الحنجره الذهبية ؟؟!

    sudansudansudansudansudansudansudansudan33004copy.jpg Hosting at Sudaneseonline.com



    1234copy.jpg Hosting at Sudaneseonline.com



    وبعدين صاح الحفلة فى مارس او ابريل 84 ...

    وانا يا عجوز جيت برلوم فى ديسمبر 83 ...

    هسه دى دايره ليها مغالطة ولا حساب ؟؟

    والله انت الكركم ذاتو ما بينفع معاك ... لكن أصبر شوية بلقى ليك دواء ...!

    امشى عامل راسك كده زى محل الشكله ..!! ( متذكر دى ؟)
                   |Articles |News |مقالات |بيانات

25-11-2009, 04:52 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: مربع كاي (Re: محمد عيد)

    يا شباب الليلة غشيتكم دي ما عجبتني...غشية زول مستعجل كده و باله مشغول بي حاجه تانية...ناس البيت يقولو ليهو عليك الله ما تقعد أشرب ليك كباية شاي...يقول ليهم لا معليش بفطر قدام...يا أخوي الجاب ليك سيرة الفطور منو....قلنا ليك أقعد أشرب شاي....
    لكن برضو كتر خيركم الجيتو مارين...الكلام في أبو تفة داك الليلة ما جاء ماري بي هنا قاعد يتحاوم بره بي هناك...هوي أسمع المره دي مشيناها ليك لكن تاني تكرره بجي أمعط ليك شعرك العامل زي محل الشكلة ده...
                   |Articles |News |مقالات |بيانات

[رد على الموضوع] صفحة 2 „‰ 33:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de