ناس الزقازيق ... أجدع ناس ..

Quote: تحياتى يا زهير يا زناتى , عبرك ومن خلالك برضو سلامى وتحياتى لى ام العيال زميلتنا ابتهاج , ومع انى لم ازاملك ولم التقيك فى الزقازيق فان حماسك واجتهادك نحو تعزيز وتقوية اى فكرة (زقازيقية ) يجعلنى احس انك زميل لدرجة هسى انا بعتبر نفسى من خريجى 1993 , وهذا يجعلكما انت مع ام العيال عندى فى نفس مكانة الرشيد بابكر ومحمد عيد مثلا , طبعا الأسماء الوردت فى الجزء الأول من الرسالة دى كلها افتراضية غرضها فقط ضرب المثل دون ان تعنى الحصر , فاسمك مع اسم ام العيال ممكن فورا تبدلهم بأسماء تانية بديلة بدون ما تتلفت , يعنى لو ختيت اسم طارق جبريل مثلا ولا حيدر حنين , ومحل الرشيد ومحمد عيد ختيت عثمان الجيلى ولا محمد عثمان حاج الركز وعفاف , او ياسر نجيلة وديدو , او سناء الصباغ ونجاة حوفى او ياسمين ولا زينب التجانى , كلو ده ما بغير فى المعنى , انما يزيده ايضاحا وبيانا طبعا المرة دى قلت نتاوق من الشباك بتاعك , انا عاوف شباكك بحرى وهواه شرقى , مش زى شباك الرشيد المحل ما تفتحه تلقه فاتح على الخلا بتاع (غياثى ) داك , بعدين يا اخى انت شباكك برضو فيه اختلاف تانى , سباكك عنده نفاج مباشر مع سيد الشىء ذاتو , اخونا بكرى ابوبكر , يعنى واسطتك قوية وكده , عشان كده قلنا نكب ليكم شوية (موية سكر ) , وبعدين بينى وبينك , انا ومحمد عيد عاملين خطة ما تخرش المية , قلنا كل شوية نتاوق لينا من شباك مختلف , يعنى نجرب الشبابيك كلها من خلالك يا حبيب قلوبنا مع يوسف عثمان , نعزيه بصدق فى وفاة والده , طبعا نتوقع منك كالعادة تعمل وفد زقازيقى كارب توصلوا ليهو وتعزوه بأسم الزقازيقاب كلهم , اما ليلتكم الشعرية اليوم , فأن شاء الله تتهنوا بيها , رغم اننى لا اخفيك , انى حاسدكم عديل , لكن حسد (بغر وغبطة ) , التحايا عبرك لكل الجمياين الزقازيقاب الحوالينك , ولعلى ارجع مرة اخرى اليكم (من شباك او من آخر ) لأحكى لكم اخر مرة التقيت فيها بيوسف عثمان , لو هو متذكر خليهو يقول ليك , ولو كمان الزهايمر عمل عمايلو فأنا ما زلت (شديد ولضيد ) التحايا والود كله من منصور عبد الرازق محمد