|
|
|
 Re: ناس الزقازيق ... أجدع ناس .. (Re: سامي عبد الوهاب إدريس)
|
تعرف يا سامي قصص الزقازيق دي ما بتخلص .. قبل كم يوم كنت بناقش في زول بقول ليهو الناس القرت مصر دي إكتسبت خبرات حياتية ضخمة غير الدراسة الأكاديمية والدليل إنه معظمهم ناجح في مجال عمله ، يعني بتلقي في ناس كتار مبرزين في محلات كتيرة . الإعتماد علي النفس في تلك السن الباكرة ، وتحمل الشخص لمسئولية نفسه ومن معه ، أعطت الناس نضج مبكر ودي واحدة من حسنات الدراسة في مصر ...
| |
 
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
اتعودتو ارفع ليكم البوست واقلب ليكم الصفحة
كان فى سهرة رهيبة فى النيل الازرق واللة ياعبد الدائم منار ابدعت عديل
شمار
افراح عصام اتزوجت الملحن على المك وقال حيصنع منها ام كلثوم جديدة(نقلا عن جريدة فنون)
ازيك يا جبريلا
سلمى احمد البشرى سكنت هنا الخرطوم وكانت شغالة فى كير سودان قبل ما تقفل
حاحاول اجيب ليك تلفونا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
ماشاء الله تبارك الله ...
وردية الليل بقت أحلى ما فى البوست ..
زنوبة وابو الزوز وجلجل وسامى .. عفارم عليكم ..
فعلا هؤلاء الاشبال من اولئك الاسود .. بس الاسود نامت بدرى ..
والله يا ابو الزوز كنت بره فى مشوار عائلى ولما رجعت لحقت سهرة النيل الازرق فى آخرها
زعلت جدا ... بس ورينى الاعادة بكرة متين
أحبتى .. انتم الجمال معبأ" فى قارورة عطر ...
بل انتم النفم منداحا فى أغنية ...
احبكم وأحب الجابوكم كلكم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
محمد حسان سعد الدين شخصية لطيفة جدا وانسان عجيب يعنى ما حصل رسب او ملحق لكن برضو ما حصل قرا
كان حافظ كل اغانى الحقيبة وكل الاغانى الحديثة بشعرائها وملحنيها بس كان اشتر
كان بصر انو يكون فى الكورال وصوتو نشاز (برضو دفعة)بس تبريره انه ده حق من حقوقه
كان حافظ كل الاحداث السياسية بكل تفاصيلها وكان محلل سياسى بارع
يجيد لقة الانتشار وكان عنده مقولة انتشرو فى الجماهير
كان نادر ما اراه ياكل بكتفى باقل القليل ما حصل شكى من فلس او جوع وكان مشاى بمشى اكتر منى.................
مره محمد حسان مشى زار زملاء فى اسكندرية فسالتة عن الرحلة كيف والجماعة ديل كانو من المثقفاتية جنهم كتب وقراية
قال لى والله نزلت مع جماعة كده مفلسين و عايشين فى فقر مدقع كل ما تقول لواحد انا جعان يديك كتاب يقول ليك اقرا
التحيه لحسان اينما كان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: افراح عصام اتزوجت الملحن على المك وقال حيصنع منها ام كلثوم جديدة(نقلا عن جريدة فنون) |
والله يا زنوبة الزول ده لو بقى بيتهوفن ما حيقدر يعمل منها ولا عوضية عز الدين ..
البت ســميحة لكن ما عندها صوت بى تعريفة ..
وهو زاتو برضو ما قدر كده .. !!!
معليش ده رأيى غايتو لو بتريدوهم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: التحيه لحسان اينما كان |
يا زوبة .. قبل كم شهر كده .. جلا أسعدنا فى احدى زياراته للدامر
باعطائى فرصة التحجث هاتفيا مع حســـان الجميل .. ومنذ ذلك الحين
اصبحت دائم التواصل معه هاتفيا وعن طريق الايميل ...
تعرفين بالطبع ارتباطى به من خلال الاطلاة ولى معه من جميل الذكريات الكثير
وتذكرين شخصيته الشهيره فى الاطلالة ... ســاخر وعابث
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: وحاتك ياهو الماحضرا ... بعد المشاوير دي وسهر الحوش دا
ياهو الصاحي للصلاة بس
--------- |
يا جلال قلت لى بت الشيخ زهير قال بيعدو السهرة باكر 11 صباحا ..
ضحكت وقالت لى زى كلامك ..
زوبة .. سامى ده بيكون اكل الرز باللبن وهسه قاعد يتونس مع الملائكة ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
عيد بتبالغ الليله.. نحكي ليك عن الطيور..
مسلسل نوتس لاندنج الشهير كان مسخن جدا ايامنا الفي الزقازيق.. كنا انا والكمندان جورج متابعينو بنهم..
في المسلسل شخصيه محوريه جدا.. واحد اسمه ماك ماكنزي.. هو ومرتو يتلاقو في اي ملف يدوها بسبوسه.. نظام حبكانه وكدا..
اها الكمندان كانت عاجباهو القصه دي خالص.. في يوم بنحضر قامو جابو ماك ومرتو وكانوا واقعين ليهم في مشكله كبيره..
في عز الموقف دا قام ماك قال ليها باحبك وادوها بسبوسه..
الكمندان عاين لي وقال عليك الله شوف الناس ديل .. زي الطيور ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
كيف يا محمد عيد فى حاجات ما بتتنسى عندى ارشيف فى الابيض بخت فيهو الحاجات البخاف عليهامن ضمن الحاجات دى كم اطلالة كدة
وكمان فى ارشيفى قصيدة ابتهاج لاسامة الخواض
طبعا زهير صاحبنى لحدى ما صورها
مش كدة مرة لقيت زهير واقف جنب21 قلت ليهو يا زهير شايفة رجلك بقت سالكة بهنامالك كترت الجية
فكل مرة بدينى سبب مرة سالتة نفس السوال فقال لى اسمعى لو عندك قصيدة ابتهاج عايز اصورها
والبيب بلاشارة يفهم قلت يا بت دى ما مساسقة رجيع احسن اصورها وادية الصورة وكان دة الحصل
فقلت ليهو لكن انتو اليومين دى شنو حكاية قصيددة ابتهاج دى بلزات اصلو فى زول تانى طلبها منى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
موضوع احمد المك وافراح انا معاك دة بس كان شمار
يا زهير الغلط بتاع ما بعد منتصف الليل وارد مررو
جورج نام ولا شنو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
كيف يا حاتم
تتذكر الجكت بتاعك النبيتى
كان من ضمن الفوضى الحاصلة اياميها
ايام كنت شاداهو يوم الجمعية العمومية الكان كل شوية ينبهو فيها عصام دهب وحدة قريبتنا جات تحضر الجمعية العمومية قالت لى جكتك حلو من هنا ولا القاهرة
قلت ليها دة من لندن بتاع حاتم جبارة
سكتت مسافة بعدها قالت لى دى فوضة وسكتت
تانى يوم بطة قالت لى الجكت دة يرجع الليلة انتى دايرة تجيبى لينا كلام
كنا وما زلنا بنفس النقاء
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
اواصل الهضربه..
ما حصلنا سندويتشات الصلصه.. لكن الفلس كان بيطقنا من حين لاخر..
كنت افلس قدر ما افلس.. الا دايما بادكن حق البيجو للقاهره.. عندي خالتي الله يرحمها هناك..
اول ما القصه تزنق.. اقول لجبريلا خالتي نادتني ماشي اشوف الحاصل شنو.. واكب الزوغه..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
تماشيا مع حكاوي الفلس
مرة زينب دقت باب شقتنا في لكوظ
طلعت ليها انا لقيت عيونها منفخات
- زينب التجاني خير مال
- شوف يا جبريلا البس وانزل وجيب قروش معاك
دخلت في الجينز الما بيغباكم وبحتة علي القروش وكمدتها في جزلاني ونزلت
لقيت ليك زينب عيونها مورمة ونجاة حوفي عيونها مورمة
- يا ناس مالكم خير الحاصل شنو
- شوف لينا تكسي وودينا السنترال
توووش مشينا السنترال
كل واحدة دخلت في كابينة تليفون ورغت كويس وجات طالعة
- زينب: جبريلا ادفع
- سمح بدفع انتو ما تفهموني الحاصل شنو
- ياخي نجاة قامت حلمانة بي ناس بيتهم وقعدت تبكي وانا اتذكرت ناس بيتنا وقعدنا نبكي
وشقة المطبعة ما فيها اليكتح.. قلنا الولد جبريلا دة جيبه بيكون دفيان
- هههههههههه انتشار بي بكاهو يعني
- بس يا جبريلا ياهو ذاتو وكمان لو لقينا لينا ابو راشد كدة ما بناباهو
ههههههههههههههههههههههههههههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
عندى مداخلة طشت لحقت بتاعة ميسرة
تتذكر يا حاتم لما مشيت معاك الجامعة اول مرة
قام فلان الفلتكانى قال لى جيبتك حلوة من هنا
انت اتيسمت لانو طريقتة كانت ما بريئة
نفس الزول دة لما كانت دروس الاتحاد بتاعتكم كان برجع ياسمسن للمغتربات براس الرجاء الصالح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
دي اتقطعتي فيها..
ذكرتيني بحق الشغاله..
جيت برلوم سكنت مع سناير بيطره.. طارق النور وطارق لكوظ ومجدي الشفيع واحمد البرلوم..
طارق لكوظ كان ماسك الحساباتل ومقرطها علي الناس.. اها اول الشهر جا قام ضرب حساباتو وقسمها علي 5 بدل 4 لاني جيتم جديد..
نصيب الواحدطلع اصغر.. قام ابتسم وقال.. "اذن الشغاله اتنكتت".. يقصد حق الشغاله..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
ونستكم حلوه ودقاقه وفيها كثير من الذكريات
وحكاية الفلس الشديدة خالص كنا نعيش كثير من الحرمان
على الرغم من أننا لم نعاني من الفلس في شقتنا لأن كان
عندي أخوان كتار شاغالين في السعودية والوالد كان بالسعودية
ولكن أذكر وأنا في رئاسة الإتحاد مرت علي تجربة كلما أتذكرها
أزعل من نفسي ، حضرن بنات من لكوظ وتقدمت إحداهن بكثير من الأدب
وأفهمتني بأن شقتهم تعاني كثير من الفلس وأن تأخر التحويلات أثرت عليهم
ووعدتها خيراً وكنت أتوقع تحويل فلوس من جدة خاصة لي والمشكلة إختفت الأخوات
ولم يأتوا نهائي ونسيت شكلهم ولم تنجح كل محاولات في التعرف عليهم نهائياً لأني
كنت ضعيف بعلاقاتي بناس لكوظ وخاصة الأخوات ،، المهم كل ما أتذكر الموضوع أزعل شديد
ولربما تكون مشكلة تحويلاتهم إنتهت ولكن القصة عالقة بذهني .
سلام لكل المساهرين .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
جاليلو
اطرشنى سندوتش الصلصه ده ما سبقكم عليها زول
تعرف فى حالات الفلس الشديد بنجيب علب سلمون بالدين وحق الرغيف الله كريم
اما اذا عمك البقال قال الحساب كتير تجمع العيش الناشف وتبلو وتديهو النار
عصيده تمام وبتقلى ليك حبة ويكه ولا شرموط ناشف0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
على غير العاده كان العشاء عامرا بالكثير والمثير كيف لا وقد قبضت 300دولار من اخى بالسعوديه
ماشاالله فرختان ممتلئتان وصحن فول كبير وطعميه وزبادى ومربة تين وسجق انها مائدة لا تتكرر كثيرا
ومع جلوسنا رن الجرس اهلا اتفضل حصانك جراى00
لاشكرا والله متعشى
يازول كدى صلى على النبى
عليك الله تجى
وامام هذا الاصرار تقدم ضيفنا الذى كان محرجا ومتعففا لعدم معرفته بمجتمعنا الزقازيقى وانتقم من
الاكل تمام الا ان ضيفنا محمد عثمان لم يفوتها له فعلق له
يا اخوى شابكنا متعشى متعشى انته اتعشيت حلاوة قطن!!!
وضحك ضيفنا معلقا انتو الواحد ما اتعزز ديل شنو ياخى
وضحكنا جميعا فى صفاء زقازيقى وما اكثره بل ما اروعه0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
بِسْمِ اللّهِ الرَّحْمنِ الرَّحِيمِ
الحَمْدُ للّهِ ِ الأَوَّلِ قَبْلَ الإنْشاءِ وَالاِحْيأِ وَالاخِرِ بَعْدَ فَنأِ الاَشْيأِ، العَلِيمِ الَّذِي لايَنْسى مَنْ ذَكَرَهُ وَلا يَنْقُصُ مَنْ شَكَرَهُ وَلايَخِيبُ مَنْ دَعاهُ وَلايَقْطَعُ رَجأَ مَنْ رَجاهُ. اللّهُمَّ إِنِّي اُشْهِدُكَ وَكَفى بِكَ شَهِيداً، وَاُشْهِدُ جَمِيعَ مَلائِكَتِكَ وَسُكَّانَ سَماواتِكَ وَحَمَلَةَ عَرْشِكَ، وَمَنْ بَعَثْتَ مِنْ أَنْبِيائِكَ وَرُسُلِكَ، وَأَنْشَأتَ مِنْ أَصْنافِ خَلْقِكَ، أَنِّي أَشْهَدُ أَنَّكَ أَنْتَ اللّهُ لا إِلهَ إِلا أَنْتَ وَحْدَكَ لا شَرِيكَ لَكَ وَلا عَدِيلَ وَلا خُلْفَ لِقَوْلِكَ وَلا تَبْدِيلَ، وَأَنَّ مُحَمَّدا صَلَّى اللّهُ عَلَيْهِ وَاَّلِهِ عَبْدُكَ وَرَسُولُكَ أَدّى ما حَمَّلْتَهُ إِلى العِبادِ وَجاهَدَ فِي اللّهِ عَزَّ وَجلَّ حَقَّ الجِهادِ، وَأَنَّهُ بَشَّرَ بِما هُوَ حَقٌ مِنَ الثَّوابِ، وَأَنْذَرَ بِما هُوَ صِدْقٌ مِنَ العِقابِ. اللّهُمَّ ثَبِّتْنِي عَلى دِينِكَ ما أَحْيَيْتَنِي، وَلا تُزِغْ قَلْبِي بَعْدَ إِذْ هَدَيْتَنِي، وَهَبْ لِي مِنْ لَدُنْكَ رَحْمَةً إِنَّكَ أَنْتَ الوَهّابُ. صَلِّ عَلى مُحَمَّدٍ وَعَلى اَّل مُحَمَّدٍ، وَاجْعَلْنِي مِنْ أَتْباعِهِ وَشِيعَتِهِ، وَاحْشُرْنِي فِي زُمْرَتِهِ، وَوَفِّقْنِي لأَداءِ فَرْضِ الجُمُعاتِ وَما أَوْجَبْتَ عَلَيَّ فِيها مِنْ الطّاعاتِ وَقَسَمْتَ لأهْلِها مِنَ العَطاءِ فِي يَوْمِ الجَزاءِ. إِنَّكَ أَنْتَ العَزِيزُ الحَكِيمُ.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: صباح الخير يا وجوه الخير
قلنا نبدأ ليكم الليلة بدعاء الجمعة
ربنا يتقبل منا ومنكم صالح الأعمال |
جمعة مباركة ونحن نقترب من موسم الحج وهذه الأيام
المباركة الطيبة ونرحب بكل اهلنا بالسودان وخاصة ناس
الزقازيق القادمين لأداء شعيرة الحج ، ونأمل التنسيق حتى يكون
الجميع في ضيافتنا ولازم يكون لنا دور .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
صباح الخير
جمعة مباركة
اللهم تقبل منا ومنكم صالح الاعمال
شقاوتكم شقاوة تانى نهار وليل لمدة اسبوعين
ود الشيخ غادر بلسلامة لمصر والاماراااااااااااااااااااااااااااااااااات يا الرشيد
الdsl with me
براية سنينة
نرجع بعد الصلاة
يا زهير ودعنا عمر بى نعيمية خطيرة
رايك شنو نرسل ليكم منها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
جمعة مباركة
نسأل الله العلي القدير أن تمر عليكم نفحاتها المباركة و أنتم جميعا اخوتي ترفلون في الخير و الصحة والرضى...و انتم تذكرون الله وتصلون على أفضل خلق الله المصطفى صلى الله عليه و سلم...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: ود الشيخ غادر بلسلامة لمصر والاماراااااااااااااااااااااااااااااااااات يا الرشيد |
يا زوبة مرحب بي عمر في الامارات ...بس ورينا مواعيد و مكان حضوره ان شاء الله... و ان شاء الله تكون عنده تلفوناتنا...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
جمعنكم مباركة
ولمتكم ان شاء الله دائما
نمت متأخر
وقمت مصدع
قريت كلام الليل
الصداع راح
والمعنويات ارتفعت
صلصة وقطر قام ونعيمية وموائد الريس العامرة وصوانى البسبوسة الطالعة نازلة
جوعتونا
الغداااااااا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
و الله يا منص انت سمعت بالكلام البيقولوهو البرالمة ديل لما كنا في الزقازيق...أول مرة أسمع بيهو...غايتو الما سكن مع رفعت ما سكن... كان في فلس...لكن سندوتشات صلصة دي...ما أدونا ليها...
بنجيكم ان شاء الله لأيام الفلس الما زي فلسكم...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد ..
قاعد اتفرج فى برنامج الرياضة فى الفضائية ..
ما براها الكورة تمرض .. زايدين لينا الصلايب ..!
جايبين مدرب بيــض اسمه ابو عبيده .. بيحلل مباراة هلال مازيمبى ..
غايتو تحليلو ده ، لو جابو مجدى عبد الله بيتكلم احسن منــّو ..!!
قفل نفسى الله يقفل نفسه ..
حردت الغداء ذاتو ..!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
فقدنا الصديق عبد الحفيظ ، فوجدته طريح الفراش منذ عدة أيام ، ألف كفارة عبد الحفيظ . ويا جماعة الناس دي لمن تغيب كده أكيد بيكون في الشديد القوي ، مثلاً اخونا عصام دهب ليهو كم يوم مختفي وهو صاحب الحوش ، يعني البيت محروس وسته تكوس .. ما يجي عشان يشوف الإنجازات الحققها البوست , والله يا جماعة البوست دا متابع بشكل ما عادي . من داخل وخارج السودان ، عشران ناس الزقازيق بيلاقوني ويتكلموا معاي عن البوست ومتابتعه ولقينا تلفون فلان في البوست وعنوان علان . وقربنا نصل المائة الف قارئ ، ولمن نصل الرقم الكبير دا عايزين إحتفال ضخم أسفيري ومحلي .. ومعاهو الصفحة مية . يا ريت نصل المائة الف قارئ قبل الصفحة المية ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: ونستكم حلوه ودقاقه وفيها كثير من الذكريات
وحكاية الفلس الشديدة خالص كنا نعيش كثير من الحرمان
على الرغم من أننا لم نعاني من الفلس في شقتنا لأن كان
عندي أخوان كتار شاغالين في السعودية والوالد كان بالسعودية
ولكن أذكر وأنا في رئاسة الإتحاد مرت علي تجربة كلما أتذكرها
أزعل من نفسي ، حضرن بنات من لكوظ وتقدمت إحداهن بكثير من الأدب
وأفهمتني بأن شقتهم تعاني كثير من الفلس وأن تأخر التحويلات أثرت عليهم
ووعدتها خيراً وكنت أتوقع تحويل فلوس من جدة خاصة لي والمشكلة إختفت الأخوات
ولم يأتوا نهائي ونسيت شكلهم ولم تنجح كل محاولات في التعرف عليهم نهائياً لأني
كنت ضعيف بعلاقاتي بناس لكوظ وخاصة الأخوات ،، المهم كل ما أتذكر الموضوع أزعل شديد
ولربما تكون مشكلة تحويلاتهم إنتهت ولكن القصة عالقة بذهني .
|
يا ريس تعرف في مواقف كتيرة تكون حافرة في ذاكرة الزول لا تمحوها الأيام ، لدي موقف مشابه في شركة كنت أعمل بها ، لا أستطيع أن أنساه مهما حدث سأحكيه لكم يوماً ما
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
حقيقي دي أجمل ذكري ميلاد وأحلي كم هائل من التهاني وصلني من إناس إحتلوا
مكانة بطيبتهم وجمالهم الذي لا حدود له بقلبي وعقلي فما أجمله من إحتلال
وإحتفاء ناس في مثل روعتكم . كانت مفاجأة جميلة من ميار حنا مزن وأجملها
من أسرتي الكبيرة الزقازيقية وأفرادها الحلوين ناس زوبة ، جلال ، الرشيد
بادي ، ميسرة ، مني ، بوليس ، جبارة ، طارق ، النضيف ، مبارك ، منصور ،
عيد ، سامي ، نادر ، نجاة ، محمد آدم الزعل مرفوع ونردها ليك في 30 يونيو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
كفارة للأخ عبدالحفيظ...ان شاء الله أجر و عافية...
اليوم أوكلت الينا مهام شبيهة بمهام الكوتش محمد صديق...مذاكرة مع مهند جنني فيها جن...أقول ليهو أقرأ عشان أسألك...و أقوم أكتب ليهو كمية من اسئلة على الورق حتى يأخد وقت في حلها عشان أتكي شوية..يجيني طاير بعد دقيقتين ما شاء الله...
أثناء ما كنت بكتب ليهو في الأسئلة كنت فاتح الكتاب بتاعه...قالو لي انت يا بابا بتغش من الكتاب...ما تغش...مهند قال لي أمنية انتي يا أمنية الMonitor ما تخلي بابا يغش...
قلت في نفسي يا حليلنا نحن القرينا أحمد ضرب الولد...و ا..أسد...و كا كلب...وتا تمساح...ووا ورل...
monitor دي والله عرفتها قي الثانوي...و استخدمتها بعد ما اتخرجت من الزقازيق...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: فقدنا الصديق عبد الحفيظ ، فوجدته طريح الفراش منذ عدة أيام ، ألف كفارة عبد الحفيظ |
يا سلام عليك أخونا عبدالحفيظ ألف لا بأس عليكم
توقعت أن يكون إختفاءك أن تكون مسافر داخل البلد
ترجع لينا بالسلامة ونشوفك نشيط كما عهدناك يا حبيب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كل ما آكل لي بطيخة أتذكر نكتة البطيخة الحكيتة ليكم قبل كده...لكن قلت لا بأس أحكيها ليكم تاني و أعمل ليكم زي عمنا محمد حوفي والد نجاة...في نكات و حكاوي حكاها لي سنة 95 وهي سنة زواجي و نجاة و لحدي اجازتي الفاتت دي يحكيها لي ويقول لي حكيته ليك دي أنا...اقول ليهو لا أبدا...بس هو طبعا من أظرف الناس ولا تمل أبدا الجلوس اليه...و دي يا جماعة ما كسير تلج لي نجاة...فكثير منكم قد التقى به و يؤيدون كلامي...
زهير بالرغم من أنه شاب...لكن من نفس قبيلة عمنا محمد حوفي...زهير ده أظنه شاب في الحيطة...
أما نكتة البطيخة...فهي أن جماعة أهلنا في الكوة بتهم اسمها بخيتة ...بخيتة طلعت من البيت مشت عند الجيران...وقت الغداء أمها رسلت أخوها يناديها للغداء...
أخو بخيتة دخل عند الجيران لقاهم ليك مقطعين بطيخة حمرااااااااء في الصينية و قاعدين يجضموا ليك فيها...البطيخة رهيييييييييييبة...
خالتي فلانة بطيخة معاكم..
و الله يا ولدي بخيتة ما معانا لكن عليك الله كان ما جيت قعدت أكلت معانا بطيخ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
و لأن الشئ بالشئ يذكر...طالما سيرة البطيخ دي انفتحت خلوني اتمها ليكم للآخر...
قالو في واحد قامت بطيخة كبيـــــرة جمب المستراح حقهم (الحمامات تادبا)...البطيخة انتجت بطيخة واحدة...البطيخة بقت تكبر و نكبر لحدي ما بقت حاجة ضخمة جدا...جاب ليهو شاحنة و 14 عتالي...قطعوا البطيخة دي بي ساطور و ال14 عتالي رفعوا البطيخة في الشاحنة ودوها السوق...
في السوق الناس بس تتفرج في البطيخة مافي زول عايز يشتريها من حجمها الكبير...
واحد مروق عجبته البطيخة قال يشتريها...
يا زول البطيخو دي للبيع..
أيوة للبيع...
نجيضة و حمراء ولا الكبر ده ساكت..
نجيضة و حمراء..شوفه براك..
الراجل هبش البطيخة بي جاي و بي جاي ومارس كل ما يعرفة من وسائل الاختبار...آخر حاجة ضرب على البطيخة...تج تج تج...
جاهو ليك صوت من جوا البطيخة..
احم احم
| |
|
|
|
|
|
|
|
|
 Re: ناس الزقازيق ... أجدع ناس .. (Re: الرشيد بابكر)
|
على ذكرى بطيخ الرشيد اتذكرته ومن غير كركم قصة اخونا د\سامى عندما انتقل من العباسيه امدرمان
الى حى الرياض الخرطومى ,رقم ان سامى والاسره رحلوا الى منزل جديد الا ان عربيه سامى كانت هى نفس العربه
الفولكسواجن التى قصمت ظهر الجميع بالدفره.
فى طريق عودته الى البيت الجديد وقف سامى لشراء بطيخه من امام بائع فى لفة الرياض وقد لاحظ سامى
ان كل المشترين لم ينزل احدهم من سيارته فقد كان البائع يضع البطيخه ويقبض الثمن دون جدال وبما ان
ود امدرمان تفتيحه فقد رفع بطيخه بعد نظره فاحصه وخبط عليها خبطتان بيده ثم وجه سؤاله للبايع بكم دى ؟؟
فما كان من البايع الا ان اخذ البطيخه واعادها الى مكانها فى غضب قائلا00 خلاص جيتونا يا ناس بيكم ما للبيع
امشى شوف شغلتك!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
قام وفد زقازيقي رفيع المستوي بقيادة
الريس معتصم
ونائبه محمد صديق
وعضوية كل من :
مبارك جادين
نادر فاروق
محمد حسن
خالدة
إبتهاج
محمد آدم النور
عابدين محمد زين
زهير الزناتي
بإداء واجب العزاء للأخوات رجاء الطيب ومشاعر بدوي
وكنا نود إتمام الأمر بزيارة الأخ عبد الحفيظ عباس إلا أن تأخر الوقت حال دون إتمام الزيارة . ولكن علي وعد أن نزوره في أقرب فرصة ممكنة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
عندما أجد باسويرد إبتهاج مفعل ، اتعمد أن أكتب مداخلة مطولة وبعدها مداخلة أخري لأقول فيها :
ولا يفوت علي فطنة القارئ ...
حسع لا يفوت علي فطنة القارئ أن المداخلة السابقة نزلت عن طريق الخطأ في حساب الأخت إبتهاج
مع وافر الشكر ...
يا ريس قصتك جديدة لنج ولذيذة ، في إشارة إلي أن بطيخة الرشيد أقصد قصة الرشيد قديمة لنج
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
Quote: قام وفد زقازيقي رفيع المستوي بقيادة
الريس معتصم
ونائبه محمد صديق
وعضوية كل من :
مبارك جادين
نادر فاروق
محمد حسن
خالدة
إبتهاج
محمد آدم النور
عابدين محمد زين
زهير الزناتي
بإداء واجب العزاء للأخوات رجاء الطيب ومشاعر بدوي
وكنا نود إتمام الأمر بزيارة الأخ عبد الحفيظ عباس إلا أن تأخر الوقت حال دون إتمام الزيارة . ولكن علي وعد أن نزوره في أقرب فرصة ممكنة . |
محدثكم الناطق الرسمي للوفد
ابتهاج عبدالله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جمعتكم مباركة.
عذرا للانقطاع غير المقصود والله طول الفترة الفاتت ما كنت قادرة حتى اتابع حتى استمتع بس احساسى معاكم وقلبى كمان والجواى تجاهكم كلكلم ما بقدر اوصفه متروك ليكم الاحساس بيه.
اعزى كل من فقد عزيز لديه اهنى كل العندهم مناسبات سعيدة وبشكر كل الناس الفقدونى وسالوا عنى وحتى
الما سالوا عنى
المشكلةدوامى طويل وعندنا زحمة شديدة كل يوم نظام جديد لازم كمان مذاكرةعشان نقدر نشتغل و امتحانات العيال وكمان ما تنسوا انا ذاتى ممتحنةمن قبلهم فى مواد الا اقراهاوافهمها واشتريت لى اكبر دكشنرى والمشكلة التانية وانا بهرش ليك فيهم واقول اقرو بسرعة ترجمة وتفسير السور القرانية بالانجليزى بينى وبينكم كلمات اول مرة اسمع بيهابنطقها غلط مرات يضحكوا يقولولى مامى ما كدة اهرشهم اقول ليهم خلاص كلام كثير ما عايزة وخطتى بقت اخليهم يقروا بصوت عالى اسمعهم عشان اعرف انطق الكلمات
والSCEINE
قررت ارسل لى جبارة فى امريكا يجى يدرسهم الاولاد ديل قايلين امهم مولودة فى لويزيانا..
انا لسه فى حفلة الرياض .. وحكاوى سندى الابنوسى ... وذى ما قالت فافى رقصنا وغنينا وضحكنا وبكينا
انا رقصت طربالما شفت صورة كمال الشادى واتذكرت انا والاشواق بصوته... التحية ليكم جميعا وخاصة للمبدع الشادى وكل من ساهم فى هذا اللقاء الروحى التاريخى. وتحية لبنات الشيخ الانيقات وكدى النشوف زول يجينا ابوظبى ما يجيب لى توب انيق هدية ذى الابسينهم ناس امانى وفافى ...
زوبة انا ام مهند والله عمر مرحب بيه وبس يورينى طيراته الساعة كم من المطار بستقبله..
بهجة العمر كله ليك والله يحقق كل الامنيات ويخلى ليك العيال وابوهم.
يا جلا وينك يا الفقاد والله برايتى بقت ميتةبعدالامتحانات بشترى لى واحدة سنيييييييييييينة الا تقولوا الرووووووووووووب من نجاة حوفى..
دى برية سريعة
دمتم سالمين
نجاة حوفى
| |
|
|
|
|
|
|
|
|
 Re: ناس الزقازيق ... أجدع ناس .. (Re: الرشيد بابكر)
|
Quote: عندما أجد باسويرد إبتهاج مفعل ، اتعمد أن أكتب مداخلة مطولة وبعدها مداخلة أخري لأقول فيها :
ولا يفوت علي فطنة القارئ ... |
مرات الواحد شليق لمن زيادة....يعني في داعي أقول محدثكم ابتهاج
عارف يا زهير دي زي الحاجة البتشبه الحلاوة الفي الطربيزة بتاعت ناس مشاعر
الله يعافينا من الشفقة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
منى يونس/
Quote: بس يا منى فى ذى 4 بنات كدا فى صور اكتوبر كانو ساكنين الانتفاضة
يكونو رحلو وما ادونا خبر ولا شنو .... |
أخوي عبدالدائم وإنت الصادق دول كلهم بنات 21 إكتوبر
عدا الأخت رجاء والأخت تيسير وديل كمان جونا زيارة
خالص العزاء للأخوات رجاء الطيب ومشاعر بدوي
في فقدهم الجلل إنا لله وإنا اليه راجعون ,,,,
تحيةعطره لشباب البوست من البرايات الظريفات
زينب التجاني ونجاة حوفي ويا زنوبا أبري زي ما
إنتي عايزة والـ DCL معاك , ويعود ليكم بالسلامة إنشاء الله
وشكراً ليك يا ظريفه.
يا نجاة أنا بعاني من نفس الموضوع بتاع اللغة الإنجليزية
والمصطلحاة بالإنجليزي وبجتهد شديد وبطلب المساعدة من ميسرة
لازم نتحمل ,,,, لكي مني التحية .
(عدل بواسطة ميسرة سيد أحمد on 10-23-2009, 09:39 PM)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سلامات يا ناس
Quote: ãäì
íæäÓ/
.وم الإثنين الرابع والعشرون من فبراير لسنة 2003م
عزيزتي .. زينب
أشفق على كلمات العشق والحب الوضيئة أن تُحرج هاهنا ، عذراً أيتها الحبيبة أن لا أجد ما يقال طوال أسابيع خلت فاليال لم تعد هي الليال .. والصباحات جرحى تتنفس رائحة الحرب والقتل .. والإرهاب .
إنها الحرب .. سيئة السمعة ، لا أدري هل هو مكتوب أن تُنكب بغداد بالتتار كل قرن ، هل مكتوب عزيزتي أن يبيت على حُرقِ كل يوم أطفال العراق .. ونخل العراق.. هذا عالم شديد الظلم ، سيحرق هؤلاء الأوغاد دون شك وجوهاً لرجال وأطفال ونساء غالية وآلاف السنين من الحضارة ورائحة الزمن الثمين الذي لن يعود.
كانت بلادي ترتدي ثوب الربيع
أوقفت راحلتي .. وقلت بكم تبيع
محبوبتي .. هذا الضياء الأزرق الوردي
هذا الثوب ... هذا الياسمين
قالت : " بكل قصائد الشعراء "
ولكن لن أببيع.
ترى ما كان ليقول البياتي لو علم أن جيوشاً مجيشة من الإفرتج والأعراب ستدهم ربيع العراق .. وضياء العراق وكل قصائد الشعراء .. هذا بلاء كبير ومحنة عظيمة ..
وقال قوم موسى حين أدركه فرعون وجنده( ... إن معي ربي سيهدين " .
لا أدري كيف تسنى لمثل هذه الإدارة المجنونة أن تقود أكبر دولة في العالم ، بل كيف تسنى لهذا الجنون أن يمشي بين الناس صباح مساء وكأن شيئاً لم يكن .. أليس فيهم رجل رشيد ؟؟
جعلت أتحاشى متابعة الأخبار الدامية على شاشة التلفاز ، عدت لأمارس عادتي القديمة في القراءة ، لا يفارقاني .. قهوتي ودخاني ..
وأهرب من قرفي هذا .. لأيامي الجميلة التي قضيتها بينكم في السودان " لعن الله الريال والدولار وكل عملات الدنيا الصعبة .. " .. هي حقاً صعبة " .أصعب ما فيها أن ترهنها وطنك وأهلك ومحبيك ووجهك عزيزتي هذا الشفيف المدهش كقصيدة شعر حارة غارقة في الضياء ..
افتقدت كثيراً شقاوتك ، شقاوة ضحكتك ، كل خربشاتك البريئة وفوضى تعليقاتك تصنع زماناً آخر برائحة أخرى ومكاناً لم تطأه قدم فنقعد معاً يداً بيد وقلباً بقلب .. هناك " حيث لا أمنيات تخيب ولا كائنات تمر ".
|
تداعيات ...لصديقنا الجميل فرحات عباس...
عدت الى دفاتر قديمة لزمن جميل...
ليت هذا الابداع يجعلنا ننظر داخل ام دواخلنا
نستخرج منها كل ثمين..
مهداة لكل الناس.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: Quote: قررت ارسل لى جبارة فى امريكا يجى يدرسهم الاولاد ديل
معناها الأولاد لحقتيهم أمات طه
|
طه دا ما عرفته...
صبرك يا جلا..
رشا ترجمتك حرفيه.. فقدناك امس.. شمت فيك زينب التجاني..
نجاه حوفي.. خلي الدلع البتسوي فوقو دا وذاكري للعيال كويس.. والا حيقومو يعملو ليك monitor زي ابوهم الشفاف دا..
اتصلت بنادر فاروق لاداء العزاء زهير مسك السماعه براني.. وهاك ياقطيعه في البرلوم محمد حسن.. هسي خطيت السماعه مع البرلوم.. شيل شيلتك ساي..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
| Quote: نجاه حوفي.. خلي الدلع البتسوي فوقو دا وذاكري للعيال كويس.. |
و الله يا و د جبارة لو قلت كلامك دا لي منو يونس بكون كويس
طبعاً دائماً السيدة الأولى لازم يكون عندها شويه برستيتج
الغريبة أختنا منى يونس مدروشة درشة عدوك ...و ضاربة بالسيدة الأولى عرض الحائط
لكن بيني بينك أخير تكون بت الشيخ بتاعت ريسنا..أفضل من السيدة الأولى دي
بعدين ريس شنو دا اليقعد مع بواب عمارة
غايتو حنيتكم دي حدها مترين قدامكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أي مداخلات تتعدى الساعة الثانية عشر
بالطبع هي فوضى بطعم ولون غير الذي نتناوله في سمرنا النهاري
كنت أتمنى أن يكون محمد عيد وبت التجاني المشت الحفلة و و و و و وقاعدين معاي
يبدو إنني سأعود أدراجي لنوما سيتمر إلى متى؟؟؟؟ لا أدري
غايتو جنس ناس!!!!!ً
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
الاحباب الكرام عدنا والعود أحمد بعد رحلة من العناء
الذي دام أكثر من ثمان ساعات وصلنا الساعة الثانية
صباحاً للرياض و لله الحمد .
لقد افجع زميلنا الزقازيقي عبدالباقي مخاوي خريجي
المعهد التجاري دفعة 83/84 بوفاة والده الذي كان
في زياره للرياض للعلاج و ذلك امس الجمعة، إنا لله
و إنا إليه راجعون نسأل الله يتغمد الفقيد بالرحمة
و يلهم أهله الصبر وحسن العزاء و سوف يصلي عليه
صلاة العصر في مسجد الراجحي و سوف يكون الدفن بمقابر
النسيم انشاء الله .و سوف يغادر عبدالباقي صباح الأحد
إلي السودان .
و تلفونه بالرياض 0556114197 و هاتف السودان
0912836229هارون مخاوي .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
صادق التعازي للأخ عبد الباقي في وفاة المغفور له بإذن الله والده
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
__________________
وحمد لله على السلامة يا موسى عيسى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
صباح الخير يا وجوه الخير ،،،،
نتضامن مع أخونا عبدالباقي مخاوي ونشاطره
الأحزان في وفاة والده بالرياض ،،،،
تغمد الله الفقيد بواسع رحمته ومغفرته
وألهم أهله وذويه الصبر والسلوان ...
إنا لله وإنا إليه راجعون ،،،،،،
ولا حولة ولا قوة إلا بالله............
عوداً حميداً أخي موسى عيسى
ومعليش للرحلة المرهقة دي ،،
غير عتبة الخطوط الجوية.
Quote: الغريبة أختنا منى يونس مدروشة درشة عدوك ...و ضاربة بالسيدة الأولى عرض الحائط
|
إنت يا جلا شاغال محرشاتي ،،، عايز تقوم علينا الدنيا مالك .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
خالص التعازى للاخ عبدالباقى مخاوى فى وفاة والده
ولا حول ولا قوة الا بالله
وانا لله وانا اليه راجعون
والتعازى ايضا" للاخت مشاعر بدوى وللاخت رجاء الطيب ونادر فاروق
والف سلامة وكفارة للاخ عبدالحفيظ عباس
وحمد الله بسلامة الوصول يا موسى عيسى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
الوجيه سامي عبدالوهاب مرحب بيك و كان الود ودنا أن
نكون في الرياض و نتشرف بالزيارة لأنناكنا مطالبين بيها
من زمان لكن ليك كده انت غالبنا بهدف و انشاء الله سوف
نقوم برد الزيارة في القريب العاجل و التحايا للاولاد.
النضيف و الله مشتاق ليك كتير و عندي ليك شمار طازج
عايزك توصلوا لحامد الحبر حيكون أول اتصال لشخصك
الظريف بعد المداخلة انشاء الله .
محمد عيد كيفنك طبعا وعدتك مرتين ولم اوفي بواحدة أولا
الذوق حافظ ابو عاقلة مشيت مدني و سالت كل الزقازيقاب
و لم يعرف احد تلفونه لانه انتقل للخرطوم و غير الهاتف.
و الله من ما كلمتك ما مشيت بحري لظروف مرض الحاجة و لكن
لنا لقاء قريب .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
سلامات يا ناس
عبد الحفيظ...سلامتك وربنا يتم ليك الصحة والعافية
موسى ...البركة فى وصولك بالسلامة
اين عصام دهب؟؟ واين نجيلة؟؟
عثمان الجيلى ...لسة مشغول ولا قاعد فى السودان؟؟؟
عروة على موسى؟؟
السموأل ابوسن؟؟
صلاح الامين؟؟؟
جمال السنوسى؟؟؟؟؟؟؟؟؟؟؟؟
دكتور احمد الامين؟؟؟؟
دكتور شبيكة؟؟؟
عادل عبد الرحمن؟؟؟
سناء الصباغ؟؟؟؟
نورا؟؟؟؟
التاج الخليل؟؟؟
عصام جلى؟؟؟
تعالوا يا ناس.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
الحبيب عبدالحفيظ سلامتك و نسألك الله لك العافية والسلامة
و انشاء الله ما تشوف مكروه ..
جنابو ود الصديق متشكرين على السؤال و التحايا للمدام
والسيد بتاع الهوبة و قول ليه خلاص يا مهند ؟
الشاب زهير كيفنك بعد قليل راجع الماسنجر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
خالص التعازي للأخ عبدالباقي مخاوي في وفاة والده
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
| |
|
|
|
|
|
|
| |
سامي عبد الوهاب إدريس
زهير الزناتي
زينب التجاني
محمد عيد
جلال عثمان
Hatim Gubara
طارق جبريل
ميسرة سيد أحمد
معتصم جعفر
الرشيد بابكر
منصور عبد الرازق
ابتهاج عبد الله
محمد آدم النور
محمد صديق
موسي عيسي
عبد الدائم سيد أحمد
مدثر أبا يزيد
عفاف علي ميرغني
فيس بوك
تويتر
انستقرام
يوتيوب
بنتيريست