|
|
|
 Re: ناس الزقازيق ... أجدع ناس .. (Re: محمد عيد)
|
صباح الخيرات و أحلى تحية و سلام لأجدع و أعزّ ناس ..
و تحية خاصة و ترحيب كبير بالبروف / عبد الرحمن الذي شرفنا بتواصله معنا و أتحفنا بغالي و درر نصائحه ..
Quote: يا إخـوتى أعملوا لكم بوســتات ومـداخلات إيجابية تفيدنا وتفيدكم، وتشــعل آمالنا وأمال أولادنا حتى يأخذوا منا القدوة بدل أن نشـــيع فيهم ثقافة الهدم وعادة التحطيم.
أمــلى أن أرى إســـهاماتكم المفــيدة وسأكون أول قارئ لـها مــســاهم فيـها، ولن أتوقف من قراءة والإســهام فيما أختاره؛ فهو خيارى ولن أســمح لأى إنســان من منعى من ممارسة هذه الحــرية التى مـهما صــغرت فإنهـا الأسـاس الذى تنبنى عليه كل الخيارات فى الممارسة الحياتية. |
شكراً يا بروف و لكم الإنحناءة إجلالاً و نأمل أن يستمر تواصلكم معنا ..
| |
 
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ا ذا جافاك النوم فماذا تفعل...هل تبدأ في العد حتى المليون..و ماذا ان لم يجدي ذلك نفعا أيضا..تشرب كثيرا من الماء كما شاهدت في احدى البرامج التلفزيونية...و لكن ذلك لم يجدي أيضا..ماذا عن العودة الى البوست و البحث عن متداخلين جافاهم النوم أيضا...انهم يتداخلون ثم يغيبون دون أن تدرك ذلك و دون أن يقولو حتى تصبحوا على خير يتركوك هكذا ترفرش الصفحة بين الفينة و الأخرى ولا تجد أحدا...
ماذا تطلق عليهم...ثقلاء
آآآآآآآآآآآآآآه...اشعر بالضجر....و النعاس...
تصبحوا على خير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
شخصيات زقازيقية...
أتذكرون جاكسون في مباريات المدرسة العسكرية...
كان نكهة كل المباريات وكان له غرام وأماني في
الوجيه حاتم جبارة (المتوجه حضاريا شطر البيت الأبيض)
وكان يطلق عليه إسم بورتو البرتغالي ...
ومن عباراته المشهورة تترسايكلين وكان يطلقها
لما يكونواالدكاترة والصيادلة بيلعبوا...
حقيقة حاتم جبارة كان وجيه وخطير ...
وجاكسون كان زول رائع بنكهات مختلفة ...
يا جماعة اللي بيعرف جاكسون كويس يدينا منه شوية...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
أبو الزوز ...
ربنا يرحم الوالد وجميع أمواتنا وأموات المسلمين ...
كلامك عن الهلال كان خطير جدا ... ودا عشقناالدائم للهلال العظيم ...
الهلال أثبت أنه كبير في كل شئ وجدير بحبنا ليه وعشقنا ليه ...
لكن للأسف أدخل فينا أملا أخضر وتلاشى تماما بضياع الفرص السهلة ...
خيرها في غيرها ... أنت مدعو لجلسة مع المعز في أي وقت تحدده إنت
عشان نقعد نتونس معاه في الحاجات الغريبة دي ونعرف ماذا يدور
خلف الكواليس ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
صباح الخير يا وجوه الخير ،،،،،
أصبحنا وأصبح الملك لله ،،،،
التحية العطره نرسلها للأستاذ عبدالرحمن إبراهيم وشكراً على مروره
ونحي فيك هذه المداخلة الجميلة والرطبه على قلوبنا ،،،،،
لك منا ألف تحية ،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
عشش شنو الاتكلم عنها ،،،، انا لاباكل قراصة نبك ولا حلاوة فولية
شوفو طارق جبريل اهو العشش والامتداد جيران ، قالو كان دافنين
ليهم تور حــي عشان كده كل الحكومات ما قدرت تشيلهم من محلهم الاستراتيجى
زمان كان عندنا بت فلاتة تسكن العشش اتربت وكبرت عندنا اسمها نايلة
وشالت اسم العيلة بقت تقول نايلة سيداحمد
اها مرة كان عندنا عرس فى البيت استلمت هى موضوع النضافة وغسيل العدة
مشت جابت ليها كم بت كده لزوم الشغل ، وعملت هى السنير بتاعهم
يا بت غسلى كويس يا بت نضفى كويس انت هووووى ما كدا ....
واحدة من البنات اتغازت منها قالت ليها انتى بدل واقفة كده ما تقعدى تغسلى
معانا العدة ....
نايلة وقفت كده وغزت يدها الشمال فى وسطها واشارت بيدها اليمين لصدرها
وقالت ليها : انا نايلة سيداحمد اغسل العدة ... تغسلو العدة انتو دييييل ...
خالاتى متابعات الموقف من بعيد ... قالو ليها هووووى كلالالام ..
وهوووووى يكــه ......
تجو انتو ياا لرشيد وعيد تتكلمو عن العمارات وتخلو لي العشش ... هوووى يكه
،،،،،،
يا البادى انت تقصد عوض الله جاكسون ولا جاكسون زول تانى مما حضرناهو ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
اللهم إنا نسألك العفو والعافية والمعافاة الدائمة في الدين والدنيا والآخرة
هذه قصة واحد من الشماسة عن مشهدفي فلم كابوي لاصحابه
جاء ديجاتقو بحصانه جاري اتبك اتبك اتبك وقف عند محل السكر ودخل لقى الخيانة كلهم قاعدين يلعبوا كشتينا قال ليهم كلكم البتلعبوا ديل (.........)يين ، رئيس الخيانة قال هوووي يابطل لو تكلم فرّز
فرّز ماتفرّز طلعوا مسدساتهم ، ديجانقوا قتلهم جميعا
نقول للأخ بادى فرّز ، ايّ جاكسون تقصد؟
إذا كان مكي عباس تجارة الزقازيق موجود معنا هنا بالرياض
اما إذا كان عوض الله تربية الزقازيق (كوستي) قابلته في اواخر 93م في نيالا متجه إلى عد الفرسان للعمل هناك والسبب الجابوا لينا الغرب علاوة المعلم التي كانت تمنحها ولاية ج دارفور للمعلمين يعني لزوم إغتراب داخلي وكدة.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
Quote: أنت مدعو لجلسة مع المعز في أي وقت تحدده إنت
|
دعوه خاصة ... لزهير ... لنا فقط تفاصيل هذا اللقاء ... ماتنسونا ... بختك يازهير ...
عبدالدائم ... انت العشش دي وين ... انا بعرف حي النزهه ...
سلام للقاص رشيد القوم الذي جاب ارجاء الخرطوم بمصاحبة محمد عيد ...
منصور عبدالرازق ... يا جميل ... كلامك وصل باناقة لغوية عالية ووصف ومقارنات رائعة... تشكر على هذا العرس الادبي ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
يا دودو ممكن أطلب يد الأمورة نايلة سيد أحمد ...
طبعا لأنها هالف كاست حتكون حاجة عجيبة ...
ولأنها بقت نضيفة بالمعايشة في بيت ناس النضيف ...
شكرا لتجاوب النضيف وأحمد إسماعيل فيما يخص جاكسون ...
الحقيقة الإسم رايح لي لكن المفروض من خلال الوصف الناس
حتعرفه لأنه زول مميز جدا في المباريات ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
نظام زهج ...
رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصارالسنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟
الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!
واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال لية ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!
شافعة رباطابية قاعدة تاكل مع أبوها في الصينية ، قالت ليهو: يابا أدني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!
في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..
رباطابي بتاع فرن جاءهو واحد قال ليهو العيش في النار رد ليهولا يااخوي في الجنة ..
رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين ..
رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا
الرباطابي قال ليه اغالطك كيف وانت الغلاط فاتح ليه مكتب
رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي
الرباطابي عمل ليه محل فول في البلد ومشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل جاه صاحبه الرباطابي قال ليه يا دكتور عينت ليك (فحيص) معاك ولا شنو!!
شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!
رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى مقابل العيد
واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش
قاليها يابتى عندنا قراصة كان دايرة سندوتش جيبى ابرة وخيط
رباطابي شاف عتود اسود واضنينو بيض قال مالو دا عامل زي البنطلون القالبين جيوبو
الحاجة جات للدكتور الرباطابي في المركز الصحي وقالت ليهو
دايراك تحولني المستشفى عشان هناك بكشفو علي بالسماعة .
قال ليها نان الشايفاها مدروعة في رقبتي دي قايلاها نبلة؟؟
-----------------
قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف, ما بتضوق؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبدالرحمن إبراهيم محمد)
|
مساكم الله بالخير
في خضم زحمة النهار...تذكرت شعار جنة الأطفال بالاذاعة...
جنة الأطفال....يقدمها....عمكم مختار....
فقلت هذا أوان الجد مختار...منصور عبدالرازق...عادة ما يأتي منصور في هذا الوقت فنستمتع بالقراءة حتى آخر الدوام...
أين أنت يا عم مختار....
ياسر نجيلة...خايف أقول ليك نكاتك رهيبة يقوم طارق جبريل يقول...ما قلت ليكم حسادة بديرية للشوايقة..و ليه نكات ياسر نجيلة جميلة و نكاتي مقبولة....
لكن نكاتك جديدة و جميلة.....ما عدا بتاعت الأحول دي قديمة لنج....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ازيكم 00 وليكم كوم كبير وحشة
يعني الزول يغيب عنكم 00 ولا حتى رسالة واحدة 00
لكن برضو مليااانة بكل الاجدع ناس
والله حاجة غريبة ثقالة الكفيل وخاصة لما يبقى اسمه هو مربط الفرس
مرة عاطف القوز كفيله كان اسمه غيث المطري 000 قلنا ليهو دا تلاقي وين هسه؟
قال والله الااصلي ليهو صلاة استسقاء 00
جاياكم ببري كتييير
بس ازاكر الفاتني
عليكم الله اقيفو اتنظروني شوية 00 كل ما اقول خلاص حصلتكم
الاقيكم زدتوا السرعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
فافي حمدالله على السلامة
نجاة توقفت عن البري لأن أولادها بارنها بري شديد بالامتحانات...اضافة الى ساعات العمل الطويلة جدا...انتي و حاج الركز مالكم...
بالله تعالوا مارقين و أبروا كما شئتم...اصل الشباب ديل يا اما مزنوقين من الكفيل أو فقدوا الحماس و أمبارح بالليل لقيت نفسي براي ثم انضم الي محمد عيد و زهير...أما البقية فما زالوا يعانون الاحباط..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
مرحب بالبروف عبدالرحمن في حوشه التاني.. نورت بيتك..
لنا ود خاص مع بحري وأهلها.. حيث استوطن بها جدنا عبدالرحمن جباره (كربل) في حي الختميه حتى وفاته في السبعينيات..
كما نشأ بها والدي جباره ولعب بنادي استاك.. ولي بها ذكريات عديده..
العزيزه فافي.. البوست بتاع أكتوبر جنان...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
دفاعنا الشعبي ياهو دى
المدرب سليط اللسان شكله كدة من زمن بارلاش
كانت المجموعة مكونة من الإداريين والمعلمين، إبتدى التعلمجي بأكبر الدفعة(المدير) يبهدل فيه الموظفين التابعيين ليه قالوا ياخي زول عنده ماجستير تعملوا فيه كدة، المدرب قال ياجماعة ماقلنا ليكم اي زول عنده ملاريا ولا سكري ولا ماجستير يبلغ ( شفت كيف ياجلا)
التعلمجي قال لأحد المعلمين أجري إلى الحيطة ديك وتعال لمن رجع، قال ليه الحيطة قالت شنو الأستاذ قال ياخي الحيطة جماد ماحتقول حاجة التعلمجي قال ليه انت بس ماسمعتها، أجري ليها تاني حتسمعها وهكذا يمشور فيه الحيطة وبالعكس والأستاذ كل مرة يرد بأن الحيطة جماد ماحتقول شيئ بعد المشوار العاشر تعب المعلم وإستسلم وقال ليه الحيطة قالت لي انت عسكري تمام ضحك التعلمجي وقال كدة بديت تتعلم العسكرية.
عند تعريف الدفعة على السلاح، التعلمجي قال البندقية تتكون من خشب وحديد
ثم كرر قلنا البندقية تتكون من شنو ياجماعة واحد قال من حديد وخشب،المدرب قال غلط من خشب وحديد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ألف مرحب بناس بحري الشعبية
وشكراً لأختنا مريم عبدالله ونتمنى
زيارتك ديمه والزقازيق بيتك الثاني
رشيد قوم وزميلك ود عيد الحكي بتاعكم جميل
والسرد ظريف وتعميم المعلومة حلو بس ما في زول
بنافسكم إلا أخونا منصور ود عبدالرازق ،، هو إنتو
كنتم في كلية زراعة قسم آداب .
زهير الزناتي وياسر ود نجيلة مداخلاتكم السابقة كثير
أعبتني وتابعتها بكثير إهتمام ،،، برضو تجارة بتلعب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سلام ياريس ميسرة والله صور الزقازيق جميلة ذكرتنا الزمن الجميل وجات متزامنة مع إحتفالنا بالرياض كملت الخياطة بالحرير، وناس دور سبتمبر من اقاليم السودان الطاهر مابحصلوا لأن الخريف عمل قطوعات في خط السكة حديد غرب السودان وجنوب السودان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: أتذكرون جاكسون في مباريات المدرسة العسكرية...
كان نكهة كل المباريات وكان له غرام وأماني في
الوجيه حاتم جبارة (المتوجه حضاريا شطر البيت الأبيض)
وكان يطلق عليه إسم بورتو البرتغالي ...
ومن عباراته المشهورة تترسايكلين وكان يطلقها
لما يكونواالدكاترة والصيادلة بيلعبوا...
حقيقة حاتم جبارة كان وجيه وخطير ...
|
عوض الله جاكسون...تربية..انجليزى
يعمل معلم بالنيل الابيض..بكوستى
او ربك...تحدثت اليه كثيرآ عبر
الهاتف..واوكلنا اليه حصر العضوية
بالنيل الابيض...
عبدالدايم ...اها البادى قاصد الزول ده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
هذه الابجدية مهداة لعيد ..ومن لف لفه
؛ه؛
هل تدرى يا ذات العينين الواسعتين..
ان حكاية خرق الصمت تلاشت؟؟؟
ابتلعها ايقاع الزمن المسرع..
فى دورته المائة بعد الالف؟؟
...فقط لو ان زمانك ثار...
تحدى الزمن المسرع..
وادار العجلة نحو الخلف.....
لكنتُ خرقت الصمت
كنتُ نطقتْ...
ولكنتُ انا ...فى الواقع انتْ.
؛ش؛
شئنا امْ لمْ...
فالقصةُ مقدورٌ ان تكْمُل...
ونكون الابطال المهزومين..
ونصيرُ الماسأةْ
حتى أن المتلقى ...يتطهرْ
ونساءُ الحى يجئن..بنهاية آخر فصل...ليثرثرنْ
[ البطلُ يسمى فى لغة المسرح
فى الزمن الماضى---مأساوى--
بطل مكتمل الاركان..
ورغمآ عن ذلك تأتى سقطته من ضعف فيه..
ضعف لا يتبدى للمتلقى الساذج
وبطل الليلة مأساوى
تأتى سقطته :
من ضعف فى حذق اساليب البوح .]
؛ستار؛
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبدالرحمن إبراهيم محمد)
|
يا كوتش يا جميل
بى طلتك .. هلت بشاير العيد
وعم السرور حوشنا ...
عندى فكرة .. بس بصراحة خايف ناس .... و .. يقولوا .. مسختوا علينا
البوست بالشعر الكثير والاحتكارية ...
رغم اننى موقن بأن لا احتكارية ولا غيرو .. وكذا اعلم بأن كل الناس هنا
تحب الشعر وتتذوقه ..
عموما انا بارمى ليك الفكرة .. وانت بوليص .. تتولى حمايتها ..
الفكرة ... مطارحة شعرية مفتوحة للجميع .. سواء شعر عربى او دارجى
يعنى مثلا نتحدث عن الوطن .. فيبدأ لنا الرشيد ببيت .. وللاوطان فى دم كل حر ....الخ
ممكن يرد عليهو طارق جبريل ببيت من الشعر العامى مثلا .. وطنى انحنا سيوف امجادك ...الخ
وهكذا ... زيد ثم عبيد ثم ناس ووكر . دون التقيد بنوعية الشعر انمما فقط التمسك بموضوع المطارحة ..
وهكذا يمكن ان يكون الموضوع الثانى مثلا .. الحديث عن العيون فى الشعر الغزلى الفصيح والدارج ..
او الفراق او خيانة الحبيب ..او ...
شووووت يا كوتش
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
امسينا بالله الذي ليس شيئ منه ممتنع،وبعزة الله التي لاترام ولاتضام،وبسلطان الله المنيع نحتجب، وباسماء الله الحسنى كلها،عائذا بالله من الأبالسة،ومن شر شياطين الإنس والجن،ومن شر كل مسر او معلن، ومن شر كل مايكمن بالليل ويخرج بالنهار أو يكمن بالنهار ويخرج بالليل،ومن شر ماخلق وذرأ وبرأ، ومن شر إبليس وجنوده ومن شر كل دابة أنت آخذ بناصيتها،وأعوذ بالله مما استعاذ به موسى وعيسى وإبراهيم الذي وفى. آمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
امسينا بالله الذي ليس شيئ منه ممتنع،وبعزة الله التي لاترام ولاتضام،وبسلطان الله المنيع نحتجب، وباسماء الله الحسنى كلها،عائذا بالله من الأبالسة،ومن شر شياطين الإنس والجن،ومن شر كل مسر او معلن، ومن شر كل مايكمن بالليل ويخرج بالنهار أو يكمن بالنهار ويخرج بالليل،ومن شر ماخلق وذرأ وبرأ، ومن شر إبليس وجنوده ومن شر كل دابة أنت آخذ بناصيتها،وأعوذ بالله مما استعاذ به موسى وعيسى وإبراهيم الذي وفى. آمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
التحية والتجلة لبروف عبدالرحمن وانه لشرف عظيم ان يجمعنا هذا الاسفير بهذا الرجل القامة
ونتمني ان نكون عند حسن ظنه أن منحنا من وقته الغالي .... شكرا بروف
والتحية كذلك لدكتورة مريم (روما) التى شرفت حوشنا والتحية موصولة لكل ناس بحري ونوارة بحري "الشعبية"
ولكم اخوتي واخواتي "اجدع ناس"
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
عوض الله جاكسون هو من كان يعنيه البادي نعم ياكمندان
رجل غاية في الفكاهة والمرح - وهو ركن اصيل في مجموعة الساخرين التي كانت تمثلها شلة ناس كشاح وفش وعبدالمجيد وعبدالدائم الوسخان وباقي العقد الفريد.
تميز فعلا بتعليقاته الساخرة - واطلاقه للالقاب في بداهة يحسد عليها.
كان فعلا يطلق على حاتم جبارة "بورتو البرتغالي" لزعمه ان حاتم جبارة كثير الشبه "ذلك الوقت" ب رابح مادجر الذي كان محترفاً ذلك الوقت في بوردو - وخاصة من حيث قصة الشعر- صاح ياحاتم
التحية للاخ عوض الله جاكسون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
بسم الله الرحمن الرحيم
التحية و التجلة لكل لكل الناس الزارونا في البوست دا.....
و أواسي و أترحم على كل الذين ذهبوا من هذه الدنيا ...و أواسي كل زقازيقي فقد عزيز لديه....الرحمة و المغفرة لساكني هذا الحوش
دقيقة خلوني أصلح التسريحة دي و أجيكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: عندى فكرة .. بس بصراحة خايف ناس .... و .. يقولوا .. مسختوا علينا
البوست بالشعر الكثير والاحتكارية ... |
سمعت بي حاجة اسمها اللفحي يعني تلفح ليك صفحة في البوست دا...و تخرمج فيهو زي ما عايز...أنا عايز ألفح الصفحة دي ...ومن هنا لغاية الصباح....عشان كدا جبخانتك دي يا محمد عيد أجلها شوي
مسؤولين من الخير ود جبريل قام من طوبتو ولا لسع؟؟؟؟؟
تقبل الإجابة من أي زول..... عدا طارق جبريل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: يعني تغيب تغيب وتجي "تنعينا" |
في ناس بتكجن ليها ناس من غير سبب
وفي ناس برضو بتحب ليها ناس من غير سبب ...في دي إنت ما معانا...بس الحاجة العارفنها إنو بت الشيخ بتاعتك بتحبك و دا قدرها ..برضو الخبراء الأجانب بحبوك و برضو دا قدرهم....وقدري داير أحبك زي محبة أديبنا الطيب صالح حيث قال أديبنا الزقازيق عبد الهادي
ومثلما قال الدكتور "هاشم ميرغني": فإن الطيب صالح يجلس على تلٍ من المعرفة فهو كاتب شاملAll- rounder ، مكّنته ثقافته الواسعة من الإلمام بآداب العرب والعجم.
واستوعب كثيراً من تراث الأمم المختلفة وميراثها وضرب بسهم وافر في آداب القُدامى والمحدثين, انه منحة (Gift ) من منح الحياة النادرة.
يرى الفنان "إبراهيم الصلحي" أن المحبة هي المدخل الحقيقي النافذ مباشرة إلى لُبه , شخصه وأدبه، فهو دوماً رسول محبة يبشِّر بها ويحض على النقد القائم على المحبة، فهو مدرك لأن الحب يفتح البصيرة على عكس الكراهية.
ولعل السمة الغالبة على كل أعماله سمة المحبة التي تفيض بها كتاباته. تسعى هذه المحاولة في الكتابة من خلال محورين التعرف على بعض ملامح هذه المحبة, يتناول المحور الأول قصصه القصيرة "الرجل القبرصي"، "يوم مبارك علي شاطئ أم باب", "دومة ود حامد" ثم رواياته, "عرس الزين"، "موسم الهجرة إلى الشمال" , "ضوء البيت" و "مريود". وتتناول في المحور الثاني أعماله الأخرى من لدُن "منسي" إلى مقالاته في الصحف والمجلات.
تبتدر هذه الورقة المحبة في رواية "عرس الزين". وهي الرواية الأولي للطيب صالح (1962م) حسب ما أورده (حمدي السكوت) .
تمثل المحبة مرتكزاً أساسياً لدى "الطيب صالح" يحاول من خلالها إعادة بناء العالم - الذي ربما خرّبه الساسة –
يعني الواحد يغيب و يغيب زي بتنا فافي و برضو أجي أنعيكم أقصد أقول بحبكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
غايتو سايكولوجية الحب و"الكره" ماتمشى تقراها الفتبول عشان شايفك كده "قايم علي" مبحث جيد ونقلة موضوعية من "كسراتك" الانا بحبها.
لكن مالم "يرق" لي هو ايرادك لي مورد ناس "لست منهم" ولا اتمنى ان اكون.
فما نسبته لي لم يعرف طريقاً لقلبي منذ عقدين ونيف، ولثقتي في فطنتكم وفطنة القارئ الكريم يقيني ان التاريخ الذي اوردته إنما يوافق اليوم الأول الذي تأدبنا فيه بفيض ذلك الزمان وغسلت فيه ارواحنا بماء ذلك المكان المقدس "فنزحت" فيه ادران الكراهية مننا منذ ان إلتقيناكم وصرنا ننتمي لقبيلة الحب والتسامح ووو... مالاقبل لي بوصفه
دع عنك هذا ياهذا فأنت تعلم ما نكنه لكم في جوانحنا ولكنك "تتدلل" فلم تكن الا مزحة وانت تعلم .
---------
جلال مركب مكنة "بتقسم" بي حنية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: أرمى بياضك يا جنا ... |
البياض رماهو أخي عبدالهادي وهو صاحب أطعم كلام و حكي ...يعني لو سلم ليك ساكت يالرشيد تقول الزول دا قاعد يجيب الكلام دا من وين...نواصل في كتابته عن الطيب صالح
لم يكن "الزين" بمعايير الناس وسيماً ولم يكُ يملك حظوةً من مال أو جاه أو حسب أو نسب، ولكنه كان يمتلك تلك الطاقة من الحب الذي أصاب قلبه وهو حدث لم يبلغ مبلغ الرجال وقد كان هزيلاً ونحيلاً كالعود اليابس، إلا أن الناس يعترفون له بسلامة الذوق فهو لا يحب إلا أروع الفتيات جمالاً وأحسنهن أدباً وأحلاهن كلاما.
وكانت محبته تفيض فيشمل الضعاف من شواذ البلد بعطفه ومساعدته. "كعشمانة الطرشاء" و"موسي الأعرج" و"بخيت" الذي ولد مشوهاً, كان "الزين" يحنو على هؤلاء القوم ويرعاهم ويساعدهم.
لذا كان عرس الزين مهرجاناً للحب غنى من غنى ومدح المصطفي من مدح ورقص من رقص، والجميع إخوة.
وقد أشار د. علي الراعي: (أن حب الحياة والخلق والإنجاب والتوفيق والجمع قد سيطر على معظم شخوص الرواية ومضى مؤكداً. أن عرس الزين زغرودة طويلة للحياة أنشودة حب يرتفع بها صوت فنان كبير القلب قدر ما هو كبير المعرفة).
أجل إن الطيب صالح يعرف ناسه ويحبهم ويبادلهم الإخلاص ويقعد معهم علي الأرض واحداً منهم؛ لذا استطاع أن يجمع في عرس الزين عرب القوز وفريق الطلحة كما جمع الناس من قبلي وبحري. ولم تبق امرأة لم تزغرد ولم يبق رجل لم يهتز ولم يطرب.
في الرواية كان "محجوب" ومجموعته وهم أهل العقد والحل ولهم التأثير, صحيح أنهم لم يكونوا يحبون الإمام إلا أن عدم محبتهم له لم يمنعهم من القيام بواجبهم تجاهه، ثم انهم لا يحبون أهل الواحة ولكنهم لا يعادونهم فكلاهما شر لا بُدّ منه.
جمعت القرية قبائل متعددة عرباً وزنجاً وحلب. وثقافات متباينة أو فلنقل – تيارات متباينة ثمة شق صوفي وآخر علماني وهنالك جانب الدين الرسمي الذي يمثله الإمام على كراهية الناس له, وكأنما أراد الطيب صالح القول مثلما أشار لذلك في مكان آخر من قصة "دومة ود
إنتظروني ما في زول يجي خاشي ...أصلي العشاء و أجي راجع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
الذهب000الذهب000الذهب بعقول الناس ذهب
اعلانات عن اجهزه كشف الذهب تملا المكان وامتلات
الاوديه والجبال والصحرا بالحالمين بالذهب000
يا ربى انا فى السودان ولابشاهد فيلم كابوى
عن بدايات امريكا ووضع اليد على المناجم
يا زهير مانشوف منجم ومساحه للتنقيب بشرط
ناس الخارج يرسلوا جهاز الكشف وعربه مجهزه
وبعدين نبيعم نعمل حمد لبد0مسكين ال00000
ولا اقول ليكم مسكين ودجبريل القاعد ليهو فى
طوبه بسبب كلمة حق كتبت واخ يازمن اخ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: تميز فعلا بتعليقاته الساخرة - واطلاقه للالقاب في بداهة يحسد عليها.
كان فعلا يطلق على حاتم جبارة "بورتو البرتغالي" لزعمه ان حاتم جبارة كثير الشبه "ذلك الوقت" ب رابح مادجر الذي كان محترفاً ذلك الوقت في بوردو - وخاصة من حيث قصة الشعر- صاح ياحاتم
|
ياهو عوض الله جاكسون.. نق في التسريحه لمن الشعر وقع..
زول عسل والله..
انتو جلا نصيح?
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
مشتاقين يا ود جبارة....بعدين أنا و الزين القي رواية الطيب صالح واااااحد...كان داك نصيح أنا زيو....اترسل الأخ عبد الهادي وقال:
( الأمر الذي فات على هؤلاء الناس جميعاً أن المكان يتسع لكل هذه الأشياء يتسع للدومة والضريح ومكنة الماء ومحطة الباخرة).
لغة الرواية تمثل خيطاً متيناً للتواصل فقد أعتمد الراوي لغة وسيطة يتحدث بها أهل ذلك المكان وهي لغة مفعمة بالحنين جياشة بالود والسخرية الهادئة أحياناً, تلك السخرية الناجمة عن معرفة بجوهر الفكاهة المتمثلة في الحساسية والدفء والرقة والصحبة الجميلة ومثلما أشار توماس كارليل. إن جوهر الفكاهة هو الحب.
وفي الرواية تصوير للعادات السودانية تصويراً أخاذاً مع دقته وطرافته حتى أنه تناول فيها بعض المسائل التي يصعب تناولها كمسألة الرق والتي تم تناولها باحتشام جم. وربما كانت "عرس الزين" الوجه الآخر من "موسم الهجرة للشمال".
حاتم ما أظنك شفت الفلم بتاع عر الزين....كدي راجع الأستقبال ...أقصد منصور
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ما تضايرو يا ناس جلال....أنا ماشي في مسألة اللفحي دي
عبدالهادي في مقارنة مع شخوص رواية عرس الزين و موسم الهجرة للشمال
عبد الهادي عبد الله
إذا كانت رواية "عرس الزين" رواية تشع المحبة من ثنايا سطورها, فهل يمكن اعتبار "مصطفى سعيد" نقيضاً لـ "الزين" وضده والـ (thesis – anti ) له؟
بلى، كان "الزين" شخصية كلها قلب. ولكن هل يمكن القول ببساطة أن "مصطفى سعيد" كان خلواً من القلب على الرغم من إدراكه لمأساته!؟ (في صدري إحساس بارد جامد , كأن جوف صدري مصبوب بالصخر).
هذه المفارقة (paradox ) بين "الزين" و"مصطفي سعيد" عند "الطيب صالح" هل هي لغة الفن!؟ أم أنها وفقاً لـ "صمويل هاينز" هي نظرة للحياة تدرك أن الخبرة عرضة لتفسيرات شتى بمعنى أن وجود المتنافر والمتناقض معاً جزء من بنية الوجود..
تحسسو قلوبكم أيها القوم إنتو مع الزين و لا مصطفى سعيد؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: بحري دي عندي فيها خيلاني ناس ابو دية
عشان كدة ليها مكانة خاصة شديد |
ســـلام يا طارق جـبريل
وشــكرا على الترحيب
نـحـنا فى العزبة 2 الأولية وبحرى الأميرية الوسطى والخرطوم الثانوية كان قدامنا بسنة أحمـد حسـن (الأشول) أخـو المرحوم إبراهيم أبو دية الفنان. وأحمد كان شاطر جدا وإتخرج مـهندس وأيضا كان لاعب كرة قدم ممتاز. وكانوا يسكنوا فى الخاتمية شمال
بعدين كان فى عـم أب-إدية الأنصارى بتاع كوبر وأعتقد أنه كان بقارى وكان يلبس السـاعة إتناشــر المرقعة وفاءا لأنصاريتوه. وكان يجى ماشى برجليه من كوبر لسوق بـحــرى القديم قريب لى حلة الميرى
فياتو فى ديل أهـلكم؟
ســـلامى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبدالرحمن إبراهيم محمد)
|
Quote: نـحـنا فى العزبة 2 الأولية وبحرى الأميرية الوسطى والخرطوم الثانوية كان قدامنا بسنة أحمـد حسـن (الأشول) أخـو المرحوم إبراهيم أبو دية الفنان. وأحمد كان شاطر جدا وإتخرج مـهندس وأيضا كان لاعب كرة قدم ممتاز. وكانوا يسكنوا فى الخاتمية شمال
|
استاذنا عبد الرحمن كيفنك
ديل بس ياهن اهلي وخيلاني
وطبعا العقاب هسي في الشعبية
وعلي ابو دية الاستاذ ساكن في الحاج يوسف
مودتي الاكيدة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اذيك يا رشا والله مشتاقين الليلة سهرك بتاع امس الما لقيت اليهببو ليك حاخليك تحلفنى وتقول لى تصبحى على خير
والله يا الرشيد يوم السبت تلفونك كان ليهو نكهة خاصة لانى صحيت من النوم وقافلة معاى
قلت انا عايزة اتونس مع زول كدة انتشلنى من حالتى دى ودى عندها ناس محددين بس زهير كان المتاح منهم وبدون تردد لفحت عبايتى وعلى زهير عدل (شايفين نعمة السودان ولما يكون بقربك زهير) وبما انو حلقى لين جات والدة ابتهاج بلفطور عصيدة اريتا فى خشمك وخشم ناس حاتم وطارق البعاد ديل وياناس منصور وعيد وكلكم مافارزة زول
واكتملت الروعة بقدوم الانيق جورج
والله الزهج خليتو فى بيت ناس زهير بس مايكون مجد لقاهو
ووصلونى لحدى البيت والحمد للة المود بقى عال
هذة الزقازيق وهؤلاء الزقازيقاب ودمتم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
| Quote: والله يا الرشيد يوم السبت تلفونك كان ليهو نكهة خاصة لانى صحيت من النوم وقافلة معاى |
زوبة أي يوم تكون قافلة معاك بس أعملي مس كول...نقوم طوالي نشيع ليك تلفون...و لو بقى كمان المس كول يوم خميس ولا جمعة بتكون فرصتك يا عشوشة تقومي تهضربي مع صاحبتك بتاعت الملح دي...لكن أعتقد انها أحسن من صاحبتك الجلده ديك...قصدي بتاعت الفورد...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
كيفك يا عيد اى زول يجى بهنا الليلة بقطرو النسكافية يا دوبك بعدين ما لاقية طريقة اقرا الفات هسه خايفه الجماعة يشردو غايتو لو طفشتو حامشى بحرى شايفاهم صاحين بعدين ورديتهم بتاعة الليل مشاء الله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: زهير...يا متاوق..فى كورة شغالة ولا شنو..؟؟ |
الكور انتهت قبيل يا محمد صديق...الزول ده أفقده...تعرف بيكو ن زهجان عشان برشلونة مغلوبة في النوكامب...
باقي لي الزول ده الكورة دي بتجيب أجله...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
تصدق يا الرشيد ما عندي خبر الكورة ، ناس الجزيرة أدونا قناتين بس وحرمونا من الباقين ... وقالوا إلا إشتراك جديد ، حرمونا من القنوات الباقية ,, في القناة الأولي جابو كورة لفورنتينا وفي الثانية بتاعت رنجرز الأسكتنلندي ،، كور بايخه ... المهم ما عندي خبر الكورة إلا كلامك دا ... غايتو دي الهزيمة الأولي للجماعة ... لكن في إستادهم دي بالغوا فيها بقوا زي جماعتنا ولا شنو بس ما تكون 5/2
في المباراة الماضية مع فالنسيا أدي الفريق مباراة غاية في البؤس ......
إنتو يا جماعة وين المدعو عبد الحفيظ عباس ... شابكنا الميل 100 والميل 300
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
سلامات يا ناس
Quote: سلامات يا ناس
سلام ليل ..للموجودين بالليل ....الرشيد وزينب التيجانى
ويا زينب صدقى ال14 اقرب من الواحة...ودى طبعآ حسب نوعية
القفلة |
يازوبة الامجاد بتاعتك ما بدت المشوار من اول محطة..من النص كده
[قشًت الشارع]
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الجات داخلة ذي مرقة غضب من جوف حليم في زمن صعب
رمت السلام ذي شنطة من كتف المسافر بي تعب
زي ردخة رب .. الله يارب
قعدت علي طرف الع(.........)يب المحازي الواطة
ضايرت تراب ، كسر العويش الفوقو ..
شالت باصبعا وشختت شخيت
الله يا رب
عايننا فيها نكوس سبب للكفرنة وفورة الزهج
من دروة البال الوهيط
ما عودتنا تدس عوج .. تكتم فرح زي حالة الزول البسيط
صنقعتلنا في قعدتنا راجعت الوشوش
دنقرنا عن رفعة وشيها المتعب الجاد الرحيم
الطيب السمح المعافي ..
رهاب رهاب ينشاف وسيم
انوهطت فوق الع(.........)يب القديم
من تاني ضايرة التراب ..كسر العويش الفوقو ..
شالت وشختت شخيت
وقالت : تصدقو آ ولادي بقيت
ابيت الليل افكر في التميرات
القدر فوق راس ما خمت صبيط
غلبا الجرورة الفوق ضهرنا تنزلا
تطلق وشينا مع الجماعة
شن دهانا دي كم سنين والحال وقف قط
وحلف ما فيهو لو نقاط بسيط
كان بوشنا في حش التمور ..
الليلي دشنا مع اللقيط
أي لا حكت دى ولا بقت ..
ما كنا قايلين في حياتنا يجينا أقسي من المضي
ساعة مروق الإنجليز قلنا الظلم فات وانقضي
قصيدة دي مهداة للجميع...السرة بت عوض الكريم للرائع حميد...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
زوبة وحات الله انتي ما معانا...الناس دي كلها رحبت بيك و قالو ليك ما النوم ده...الليلة ان شاء الله عيونا ديل اتقددو عديل كده...بس قالو صاحب بالين كضاب..يا نحن يا الفيس بوك...اختاري ليك واحد من التلاتة حاجات ديل...
انتي قايلاهو الشات ده بيكمل ولا بيتلحق...ذكرتيني لما أسوق أمنية و مهند السوبر ماركت عايزين يشتروا كل حاجة..أها انتي حسة الشرفة العليك دي أحسن تخليها...
أبو الزوز والله ما عرفت أحضر ياتو مباراة...في الآخر رسيت على مباراة برشلونة مع فريق روسي و الانتر مع دينامو كييف...الانتر متعادل في سانسييرو 2/2...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد صديق...الكلمات متداولة في مناطق كتيرة في السودان و القصيدة مسموعة و منتشرة اذا كنت قد فهمت ما تقصد...قد تصعب على عدد من الناس خصوصا من الذين تربوا في الخرطوم و عاشوا فيها طول حياتهم...لكنها و هي هنا ليست كاملة بل جزء منها...من أجمل ما كتب حميد...و فيها تصوير دقيق و جميل
وتكاد تلمس مشاعر أي واحد منا...
أرجو أن أكون قد فهمت مقصدك...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله يا الرشيد حميد دا مافي شاعر زيه في البلد دي ،، مقدرة علي قول الشعر إسطورة عديل كده .. فعلاً الشعر دا موهبة والكلام دا بيتحقق لمن تشوف زول زي حميد ، قصيدة من عشرات الأبيات مترابطة في وحدة درامية متماسكة ، ولغة سهلة وصعبة ،، بس مرات يتخيل لي قاعد يجيب كلام غريق من لهجة الشوايقة ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا رشا يا رائع
والاروع انك اديتنى حرية الاتصال فى اى وقت وانا اساسا ما عايزة عزومة بس البنات ديل جلود قول لنانى عمر جاى هناك وحاديه لستة الماهية الانا ماضقتها دى حاضوقا المرة دى
اليوم اتصل بى الرائع جدا دفعة وادانى دفعة معنوية
شكرا دفعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
| Quote: بس مرات يتخيل لي قاعد يجيب كلام غريق من لهجة الشوايقة .. |
أبو الزوز أن هذا أكثر ما يميز حميد...ينقلك بقصيدتة زمانيا و مكانيا و يجعلك تحس و تشعر و تفهم كلمات ربما تسمعها لأول مرة...لا أريد أن أبالغ و لكنه اسطورة في الشعر...و لكنه ليس وحده..
زوبا عمر حبابو عشرة بلا كشرة...و نجاة ما بخيلة والله لكنها حاجة حريصة...و الحرص جيد في هذا الزمن الصعب..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: الجات داخلة ذي مرقة غضب من جوف حليم في زمن صعب
رمت السلام ذي شنطة من كتف المسافر بي تعب
زي ردخة رب .. الله يارب
|
شوف التصوير دا يا محمد صديق ... الجات داخلة زي مرقة غضب من جوف حليم ... طوالي خيالك بي يمشي لإمراءة ستينية تدخل بسرعة وكأنها البرق (زي مرقة غضب من جوف حليم)
رمت السلام زي شنطة من كتف المسافر بي تعب ... يعني سلام سريع ومختصر ..
وشوف الموسيقية التصويرية في رب رب الله يا رب ...
حميد يا مبدع ... عليك الله يا الرشيد كتر لينا من الدرر دي ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
| Quote: الخواف ربى عيالو وانت رباية وشلهته |
دي اسمها من أجل أبنائي...مش شلهتة...
انتي يا زوبة فاتحة لي محمد صديق ده مالك...ما قلت ليك صاحب بالين كضاب...
تصورو يا دوب شفت البوست بتاع فافي حسة..بوست رائع و الله لكن بالليل ما بنقدر نخش..بنطش..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: شكرآ يا رشا ...لسة فى مسافة صغيرة عايزة تتملى |
عليك الله أملاها قبل ما تمشي تنوم...شكلك كده عايز تعمل انسحاب تكتيكي...كمل جميلك و أعمل مكنكة كده لموضوع القصيدة دي بآخر ما تملك من لياقة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
وينك يا جبريلا قبضتك
يا محمد صديق والله رجعتا لحدى 83 وال14 دى بس ارجونى
انتو الرؤساء وين
وين ميسرة وين معتصم جعفر
وناس جلا وتاس عبد الدائم وين منصور
اما سامى ودهب رجلى حارة عليهم
فافى وينك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
| Quote: حميد يا مبدع ... عليك الله يا الرشيد كتر لينا من الدرر دي ... |
زهير المشكلة لو أدمنت حميد ده بيمسخ ليك باقي الشعر...عشان كده أنا بجيهو من وقت لآخر..عشان أقدر اقرأ لي غيره...ودي حصلت معاي كتير جدا... لكن أوعدك كل ميلين كده أنزل ليك جزء من قصيده لي حميد...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا زوبة...منصور و سامي وسيد الحوش ديل ناس نهار ساكت..بالليل في (النادي)...
أما جلا فلم تتضح الرؤيا بعد...ليل ولا نهار...
الريسين معتصم و ميسرة مشغولين على ما يبدو...و لكن ميسرة بيظهر في النهار...
جلال...الكفيل مزنق عليهو...و بت الشيخ أدتو أنذار نهائي...
أما جبريلا...يبدو ان المعنويات ليست على ما يرام...هو قال مستمتع..زلكن في شك..أمبارح لفينا الخرطوم دي بي كراع كلب وصفناها وصف لحدي ما وصلنا لحدي باب بيتهم..ما جانا مارق..اها عاد دي حالة زول مستمتع..أنا غايتو حاسي بيهو..لكن هل هو حاسي بي..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا الرشيد ما تبقى فاتن حمامة انا ناس محمد صديق ديل ناسى وجيرانى انتو بتفطو مداخلاتى ولا شنو انا محمد صديق ده مخصصه ليهو مداخلتين واسمه حاضر فى كل مداخلاتى خليك محضر خير دايرنى امشى ال14 بلليل دة ولا شنو
| |
|
|
|
|
|
|
| |
زهير الزناتي
محمد عيد
عصام دهب
الرشيد بابكر
ميسرة سيد أحمد
عبد الدائم سيد أحمد
أحمد إسماعيل
ياسر نجيلة
مريم عبد الله
عبدالرحمن إبراهيم محمد
منصور عبد الرازق
عفاف علي ميرغني
Hatim Gubara
محمد صديق
جلال عثمان
محمد آدم النور
طارق جبريل
معتصم جعفر
زينب التجاني
فيس بوك
تويتر
انستقرام
يوتيوب
بنتيريست