|
|
 Re: ناس الزقازيق ... أجدع ناس .. (Re: الرشيد بابكر)
|
| Quote: هذا وقد عاد الرشيد بابكر من السودان بلياقة تعبانة جعلت مداخلاته شحيحة لا تتعدي المداخلتين كل يوم في أحسن الأحوال والمداخلة نفسها أضحت لا تتجاوز الأسطر المعدودة ، مما لفت أنظار المراقبين . |
و الله يا أبو الزوز جيت لقيت ليك الشغل مردوم بالكوم...فأصبح الليل و النهار يستويان حتى نعوض الاجازة...
لكن مع كامبوس ان شاء الله سوف تعود اللياقة مرة أخرى...و حأكون قريبا أحسن من كاريكا مهما قال فيه الكوتش محمد صديق من كلمات المديح...أنا عارفك بتكون انبسطت بالقون الملح السجلو في الرومان...
| |
 
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد عندي ليك قطيعة كاربة ، صاحبك الكوتش مبارتين لم أستصحبه الخرطوم ، والرومان ، كل مرة بسبب مرة قال شنو كده ما عارف ، وأمبارح قال فتران ، تحت تحت عرفت إنه القائد المباشر بتاعه ، سحب منه إذن الكورة ، يعني أخوك بقي مسكين ووحداني ، وطبعاً ما عنده طريقه يقول ماشي اي حته وبعدين يزوغ الكورة لأنه القائد عنده جدول بكامل مباريات الهلال المحلية والأفريقية ، يعني يوم الكورة دا مافي اي مرقة لأي حته ، بالمناسبة مشكلة الموية إتحلت يعني تاني ما في طريقه يقول راجي الموية ، اها ناس جلا بتوعين المشاكل ديل يجوا يقول ليك انا قاصد محمد صديق ، عليك الله أنا حسع جبت سيرة محمد صديق هنا
بالمناسبة قون كاريكا دا يدرس في الأكاديميات زي ما قال الكوتش في مداخلة مع برنامجنا وهو امام شاشة التلفزيون ونحن في الإستاد . من باص مهند الخلفي للمجهود الخرافي للولد الفلتة خليفة وإمكانياته الفنية العالية ، يعني كاريكا دا لو ما جب القون دا يرجع الجموعية زي قريبه البادي النور ... الكلام دا عايزين نرفع بيهو ضغط طارق جبريل عسي ولعل يظهر ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
وهو ده قون نصاح , اول مرة اشوف لى قون بيبيعوهو فى (الحلوانى سويت بسام )
تقول ليهو ادينى كعب غزال , يقوم يديك مهند الطاهر طوالى , والله الكعب البى الشمال ده
ياهو زاتو الخلا ليك طارق جبريل يكب الزوغة ويعمل فيها ما شايف , بكرة يجينا ليم يقولا ليك
الشغل وجريدة المسا , هى جريدة المسا دى زاتها ما ياها الجابت الخبر بتاع القون كعب الغزال
ده , محمد عيد زاتو عامل فيها ما شايف , عارف الجماعة ديل من يوم الموقع بتاع (حووصة )
اتهكر وهم ما لاقين كلام يقولوهو , الراجل شابكنا شارع خليفة شسارع خليفة لمن خليفة وراهو الشارع
كيف , هاكم كعب الغزال ده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
زهير وكت بديت القطيعة خليني النكمله معاك...كلامك ده صاح مية في المية...الزول ده صاحبي لكن النصيحة بمرقه...انت عارف طبعا الحصار ابتدأ بالنت والسبب طبعا انت عارف النت بتاع ناس كنار البطئ ده البخلي المداخله تاخد ساعتين فكان الحل بادخال نت سريع من زين يجعل من المداخله الخمسة سطور دي تاخد خمسة دقايق...و ولو ما حولت الكيبورد لي عربي و طبعت فاللبيب بالاشارة يفهم..
الحاجة التانية انت عارف في كل بيت في واحد من الأولاد بيميل للأم وواحد للأب... يعني حسة أنا لو عايز حاجه من نجاة و ما قادر أقول مباشرة فبقوم الز مهند يمهد لي للموضوع...انت عارف بكري صاحب الكوتش جدا وعمر صاحب القائد المباشر...فحسة صاحبك بيفتش على كورة بتاعت كأس العالم المصغرة الأصلية مش زي الجبناها من نمرة اتنين ديك من كشك الجرايد و طرشقت في يومه...الأصلية و تقدم لي عمر وأعتقد انك يا زهير الأسبوع القادم في الدوري ليك مرافق...
يا زهير أنا ما بتكلم عن كعب مهند الطاهر...أنا بتكلم عن كاريكا الكعب...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
إنت يا زهير
بتتكلم في مداخلتك عن السمك الفي الصورة
ولا في الكورة؟؟؟؟
معليش ما قادر أجمع كويس
قف!!!!
يا الرشيد الزول ظهر!!!
شفت يا محمد عيد
الوسيلة الإعلامية الفعالة كيف؟؟؟
يوم الخميس الجاي مش الفات
حيكون آخر يوم لي في بورسودان
أستعد يا أبتر!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
لى زمن مستنى عودة قلبى راحل
كنت بكتب ليهو بى دمى الرسايل
قلت فيهو شعرى واتعذب ضميرى
كل كلمة حنان يفيض يغمر سطورى
وكل حرف كتبتو من اعماق شعورى
افتكرتو يرد رسالتى يطمنى بخطابو
ما خطر فى بالى يأسرنى بعتابو
ونسى اول مرة اغرانى بشبابو
كان جميل من قلبو لو يرحم عذابى
الدليل انا شايفو عايش فى خطابى
وكل ايام عمرو لحظاتو الهنية
حاول يخفى شعورو ويتدلل عليا
من زماااااااااااااااااااااان
====================
الحبيب ...المحب لابى داود وماركيز
سلامات ومشتاقين...
مهداة لكل الاحبة ...صلاح..اتخيلا مغناة
بصوت المرحوم الرخيم داك...واتخيل نفسك
فى غرفة فارح فى شقة مصنع التلج
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد صديق؟؟
ما تشتغل بيهم
أسمع نصيحتي
طنشهم..
أقول ليك حاجة؟؟
إنت تجي البوست من الصباح
وتدقق البوست دا كلو
إنت عندك موية في البيت
طيب!!
بتحب أبو داؤود؟؟
كويس
كيف الحياة غير ليمك
من بعدك أصبح
حظي زي لون هضليمك
يا نعيم الدنيا
يا حليف الخدري التايه في نعيمك
مادام هاجرني أرسل لي نسيمك
وأنعش لي روحي بندي جسيمك
أوطيب المسك الفايح من تبسيمك
يا أماني حياتي البيك نور إقليمك
يتمني التبري يلمع كأديمك
مشتاقة الشمس تظفر بي ليمك
تأخذ من نورك تلثم في قديمك
يافرع البانه المايل في خميلك
من قامتو حبيبي متعلم ميلك
يا البدر التم الما بتم تكميلك
لو ماتجعلني محبوبي زميلك
سيوف الهند من لحظات عينك
ليه بيها تصيبني أيه بيني وبينك
غير كوني بحبك وحيات خدينك
كف عني صدودك يا سيدي وبينك
ليك حق في صدودك وتيهك وتدليللك
وليك حق تهجرني ويكتر تعليلك
مادام حسنك فردي وغالي في جيلك
تمتاز بالعفه المانعاني أجيلك
مع هجرك وصدك مازلت أريدك
ومنام عيني بين حذوذ جيدك
تيه بين نعيمك مولاي يزيدك
ضيعت حياتي تسلم لي ايدك
أحبكم يا ناس
حب أولاد محمد صديق لكفر كأس العالم الأخير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: يا الرشيد
الجمهور ما جايب خبر
يا تلقى نايم
يا ماشي يجهز للإجازة
يا قاعد مع الخبراء الأجانب |
ههههههههههههههههههههههه
على الطلاق قربت ترفدني....
قاعد أضحك باعلى صوت في المداخلة دي ..... اها فجاءة ابو الكفل يجي داخل
ويسألني خير مالك؟ اها اخوك مقرم وشفت قلت ليه بضحك في نفسي
كيف؟ لا والله لابس النضارة وبدوًر عليها ... قام ضحك ولفة ....
لفة تلفوا ياخ .... وانعل ابوالسمك ذاتو الطوالي مجهج باكاتنا...
صلاح اللمين ... ازيك ياخ ... والله مشتاقين .. وما تطًول الغيبة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
اها ياشباب نبدأ بالصور ...
الغاب من مصر والزقازيق احسن يكون محتفظ بذكراه القديمة ... لان كل شئ تغير
والصور بقت معكوسة ...
والماشي الزقازيق بعد رميسيس اقطع بهناك بلقي أحمد حلمي شالوه ...
يركب تاكسي ولا ماكرو باص لمحطة عبود دي في شبرا الخيمة لجوه
حيلقي محطة مجمع باصات وماكروباصات وبيجوهات في مكان واحد كبيييييييييييييييييير:
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
صور عامة لموقف "عبود" به مواصلات من شتي الانواع لجميع المحافظات
وصور لباصات الزقازيق اكل عليها الدهر وشرب ...
من بره صورة ومن جوه "قرقورة"
وقال مكيفه والتذكرة خمسة جنية
في زمنكم يا منصور كانت التذكرة بكم ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
عزيزي ياسر نجيلة
لا نشك مطلقاً في رؤيتك الأدبية و الشعرية
لكن رؤيتك الإخراجية
و الموسيقى التصويرية
تحتاج لمراجعة
الصور بتنزل صورة ثم أخرى
ويصاحبها موسيقى تصويرية
يعني حبة تعليق و على خفيف
بعدين عملية التشويق
للمشاهد مهمة
كلمو يا زهير
أقول ليك حاجة
رسل الصور بي فلاش للأخ زهير
التعليق و السيناريو خليهو علي
ما عايزين منك أتعاب
وكان الفلم بتاعك دا نال جوائز
وجاب حبة فكة
نصيبي متبرع بيهو لي منصور
عشان يجي إجازة
أحبكم يا ناس
حبكم للزقازيق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
تشكر ياتبلدينا على تعديل الصورة الاولي
نتعب ليك يوم عرسك ان شاء الله
والذي يظهر فيها
الصادق قرشي البرلوم، عوض شلبي، عصام جلي، عادل النمير
بس ده ما انت ده اخونا حبيب ود تجارة، ولا انا غلطان ياشباب؟
باقي صور البص
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
اتوبيسات شرق الدلتا بتاعت ياسر نجيلة دي استفزتني و خلتني انزل صور قندهار التي لم أحضرها...اللحمة حاضره هذه المره يا منصور...و اذا تساءلت لماذا أخذ ظهور اللحمة كل هذا الوقت...فالاجابة ان هذه الصور كانت مع محمد المرتضى و لأنه ليس عضوا بهذا البورد فلم يستطع انزال الصور الا عن طريق ارسالها لي...
هكذا أتصور مجد زهير الزناتي عند احتفالة بعيد ميلاده الثالث
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جلا والرشيد ..
والله بالغتو ..
ياخى الراجل انحنا مزرزرينو( ما عارفها صاح ولا غلط ) لينا شهرين
ودروس خصوصية فى تنزيل الصور ، وشرح اسفيرى من زهير
وبرامج مسروقة من الريس ..
واول ما بدأ ينزل الصور .. تنطوا ليهو فى حلقوا ..؟؟
الزول براهوا بادى الكلام بسلبية عن الزقازيق ..
بالطريقة دى حيمسح بيها البلاط ويبتدى طمام البطن ..
هسه يقول ليكم الشرقاوى قفلوهو .. ولورد اتحول لمحل جزم ..
وبحر الزقازيق ( الترعة ) ردموها ..
وقصر الثقافة اتحول لمقر الحزب الوطنى ..
و .....
و.....
و.....
و كلية تجارة اتملت جكــس ..!!
و د. سعيد السنهوتى بقى عميد كلية الزراعة ..
ومرشح التجمع لرئاسة الاتحاد هو عبد الدائم الوسخان !!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: جلا هذا ليس مجد زهير الزناتي انما شبيهه |
و الله يا الرشيد
أنا قلت ياهو زاتو
لكن لما رجعت لمداخلتك وقريتها كويس
عرفت إنك إتصورت يكون ولدو
لكن عليك الله مش يخلق من الشبه 40
وطبعاً لمازهير يشوف الشنب دا بتكيف تمام
إنت يا الرشيد
عارفني إنو أنا في عطبرة؟؟؟
ومساهر معاك!!!
وقدر ما حرست و قلت محمد عيد يجي خاشي
بالله أصلو ما هببو لي
لكن عليك لي الجاب منصور بجيب أخوهو
أحبكم يا ناس
حب ناس زراعة لكلية الزراعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: ياخى الراجل انحنا مزرزرينو( ما عارفها صاح ولا غلط ) لينا شهرين
ودروس خصوصية فى تنزيل الصور ، وشرح اسفيرى من زهير
وبرامج مسروقة من الريس .. |
و الله يا محمد عيد
عرفتها وظهرت و حمد لله بالسلامة
بالنسبة لياسر نجيلة تعال نحسبها!!!!
1/ الدروس الخصوصية و الشرح الأسفيري شهرين
2/ إنزال الصور ثلاثة شهور
3/ المراجعة وتعديل الصور شهر
كدا يكون سمستر أول
السمستر الثاني
بكري أبوبكر حيقفل البوست دا
لأنو مدرسة النجاح دي لم ينجح فيها أحد
ألحق يا بتاع الجكسي و المحايتك بيبسي
يا محمد عيد ما في حاجة تانية زي الذكرى بتاعت درويش
أحبكم يا ناس
حب محمد عيد لنومة النهارية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا جلا ياخي ....
سناريو واخراج شنو ...
انت ماقاعد تشوف ... قلنا ديل صور البص والمحطة بتاعة البص "عبود"
يعني اقعد اكتب ليك الكلام ده تحت كل بص ...
ياخي ماتفتح عيونك ...
حبيبنا محمد عيد خليكم مواصلين ... برنامج البوست عادي
وانا كل مرة انزل ليك "قروب" صور ... مع الشرح يا جلا "عاوز تسمسر فيني"
قال رسل الصور لي زهير ... عشان زهير اقول لي رسل بتاع شنو + بتاع هناي
بنزلها براي حتي لو اخدت 3 سمستر .... وراكم شنو غير البوست ده ...
وكمان لحدي ماريس ميسرة امشي يجيب صور تانية ...
عشان تتواصل الصور مع صور اجازة منصور وجلال الجاية ....
هاك الصبر ده ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا صالح انا ما شايفك ولا شايف خالد محى الدين ولا مجدى حسين فى الصورة
الزول الوراء الصادق قرشى واقف فى المصطبة لابس بلوفر اسود برمادى هو
عاطف خليفة عجيب بكرعينو المكجلوات لاحظ ليهم مع الباتا
اها عاطف ده عندو قصة ، لما جاء برلوم وصل متأخر شديد ، يوم بعد المحاضرة
انا والعباسى شفنا لينا واحد قاعد مسكين اخر المدرج مشينا اتعرفنا عليهو
شوية شوية عرفناه بزملائنا المصريين والمصريات
طبعا الاولاد المصريين بسلمو علينا ( بالبوس ) هنا وهنا
اها عاطف اتأثر بالموضوع ده يوم لقانا واقفين مجموعة كبيرة راح داخل فى
المصرين بوس فى نص الاولاد كان فى زميلة مصرية ،،، الولد مادى قدمو عاوز يسلم
الا العباسى لحقو ليك من لياقة القميص من وراء .... هوووووى يا اخينا ما كدا
يوم سألنى قال لي انت المصريين ديل فى اى ساعة يلاقوك فى الكلية يقولو ليك آآآصباح الخير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
الليله من الصباح أقول شيطان منصور ده الجابو لي بي جاي شنو...و قصدي شيطان منصور بتاع الغناء الخلاهو يعمل البوست بتاع يوم الخميس الفات وبعدين بعد ما اتأرشف منصور حردو...
القصة ان أحد زملاء العمل شافني اليوم و لأني لم أحلق ذقني منذ يومين...قال الليله مالك كبرت كده فأخدت الموضوع عادي و ضحكت ومر اليوم حتى قبل قليل كنت في الحمام و نظرت الى نفسي في المرايا فلقيت ليك عدد الشيب فعلا زاد كثيرا و كأنه زاد كله اليوم فقط....
أول ما خطر ببالي حقيقة أغنية أبراهيم يا زمن وقف شوية و أهدي لي لحظات هنية...بس بتفاؤلية و بدون ترديد للشطر التاني...و من بعدها شيل باقي عمري شيل شبابي و شيل عنية... ديل شايلهم مالك ما تخليهم كان أهدى ليك لحظات هنية...ماتخليك متفائل و تقول أهدي لي أيام هنية...شهور هنية..بل سنوات هنية...ليه بس لحظات...
هذه التفاؤلية التي أجدها في أغنية أم كلثوم أنت عمري حيث تقول...
رجعوني عنيك لأيامي اللى راحوا
علموني أندم على الماضي و جراحه
اللي شفته قبل ما تشوفك عينيه
عمر ضايع يحسبوه إزاى عليّ
انت عمري اللى ابتدى بنورك صباحه
قد إيه من عمري قبلك راح و عدى
يا حبيبي قد إيه من عمري راح
ولا شاف القلب قبلك فرحة واحدة
ولا داق فى الدنيا غير طعم الجراح
إبتد يت دلوقت بس أحب عمري
إبتديت دلوقت أخاف لا العمر يجري
شفتو كيف الكنكشة دي في الحياة...الجنى ده ندمان على الراح من العمر بدون المحبوب وهي أيام رغم أنها مضت و لكنها قد تكون مرت ثقيلة و رتيبه بدون جكس...أما الآن فانها تمضي مسرعة و بدون فرامل بعد ما احلو الجو...
| |
|
|
|
|
|
|
|
|
 Re: ناس الزقازيق ... أجدع ناس .. (Re: الرشيد بابكر)
|
نجمة نجمة الليل نعده السنين يا حليلنا عدو
و انت ما عارف عيونك لما تسرح وين بودو
لا تحسبوا غيابي عنكم طربًاًفالطير يرقص مذبوحاًمن الالم،أبت نفس العزيز بكري ابوبكر إلا أن يكون حضوري اليوم بينكم و تزامن ذلك مع صور الحبيب ياسر نجيلة الزقازيقيةبس ما عارف ياسر نجيلة دا مشى موقف البصات بس صدا راجع ولا شنو يعني مافي حاجات تانية حامياني ؟
طبعا هناك حاجات كثيرة في هذه المسافة التى انقطعنا فيها على العموم التعازي موصولة لجميع المفقودين ونسأل الله ان يجعلهم من المقبولين قبولا حسن و التهاني للمتزوجين وحمدالله على السلامة للقادمين من السفر وربنايجمع شمل الغائبين و ربنا يسعد العازبين (تبلديناو آخرين)و ربنايوصل القادمين للاجازات .
و لناعودة للباقيات الصالحات بتاع الرشيد وجلا و محمد عيد منصور و كل الحلوين، يعني راجعين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
موسى عيسى شخصياً ..
إذن فلك التجلة أيها السنير المبجل ..
حللت أهلاً و نزلت سهلاً و حبابك عشرة في حوشكم ..
و أنت رب المنزل و كابتن التيم مشاركة مع سعادة البوليس الجميل ..
و عقبال بقية الزقازيقاب ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
العزيز عصام دهب لك التحية بعد طول انتظار عودنا والعود احمد،يرجع الفضل لكم كما قلنا في السابق انك اسمى على مسمي والله يامشتاقين كتير فنسأل الله ان يجمعنا قريبا في رمضان انشاء الله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
موسي عيسي
ياخي حمد الله علي السلامة ، والله بذلنا كلما في وسعنا من أجل عودتك لهذا المنبر أنت والصديق
مبارك جادين إلا أن بكري أبي ظهورك إلا اليوم الف حمد الله علي السلامة تاني ، والليلة يا جلا جاك بلا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
البارحة كنا في وداع الإبنة عفاف علي ميرغني بمطار الخرطوم
يظهر في الصورة أبناء عفاف : علي محمد عثمان ، عمر محمد عثمان ، ومؤمن محمد عثمان إضافة لعفاف
وفي الخلف أسامة أبتر يحمل مؤمن ، عابدين ، زهير معتصم سلمان ، مبارك جادين ، محمد صديق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
انتو يا جماعة فك التسجيلات بدأ تانى ولا شنو ؟؟
الزول ده مش سجلوهو معانا ؟؟ لكن على ما اظن كان عنده مشكلة فى الكرت الدولى بتاعو
رسلنا لى اتحاد نيجيريا , قال الزول ده لا بيعرفو لا سمع بيهو
اتصلنا بى اولاد المرحوم سيد متولى بتاع النادى المصرى بورسعيد
قال ايوة , الزول ده كرتو معانا , لكن حلف بالطلاق قال ما يرسلو الا ندفع خمسين الف دولار
فوق شنو يا جنا , نعمل ليهو كرت جديد , ونلحقوا التسجيلات جوة عيونك ديل
وكيتا فيكم , نلعبو الكورة الجاية وش
من قولة تيت يعنى
وبدل هيثم مصطفى كمان عشان تآمنوا
الحمد لله اخيرا لقينا الكرت الرايح بتاع موسى عيسى
ويا كانو بيلارز , ارجى الراجيك
فرحانين بيك فرح شديد يا حبيب موسى عيسى
لأنو والله العظيم , شطبوك ظلم , بدون ما يلعبوك ولا كورة واحدة
يالله جضم ليهم الكفر , علشان يآمنوا
وخلى حووووصة يطش , طشة موقع الصدى من النت
* هذا باب جديد صغير سأفتحه اليوم للتساؤل عن اخبار شخصية زقازيقية اخبارها منقطعة
الأجابة متروكة لمن يعرف , قد تقرأ الشخصية المعينة هذا التساؤل فيتفاعل معنا , او قد يطلع عليها
زمبل غير عضو بالمنبر فيكون تجاوبه ايضا مكسب , واذ لم يكن هذا ولا ذاك , يكفينا فقط تذكر هذه الشخصية واثراء البوست ورفعه
اين محمد ابراهيم ادروب , ريئس اتحاد الزقازيق لدورات عديدة فى الثمانينات ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
موسي عيسى شخصيا
اصلو ما معقول ( اصلو ) دى حاول اقراها يا جبريلا بكلام الشوايقة
قالو راشد الشايقى ولد تربية عمل ليهو حلة بسلة بالجزر كاربة
ومشى الجامعة ، لما جاء راجع جاب معاهو العيش ودخل المطبخ يتغدى
لى الحلة غاطسة جوة حوض الغسيل ومليانة موية
وقف محتار ،،،، شال الحلة كدى لفوق وقال ( اصــلو ما معقول ) ....
البحب الانتشار منو !!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
بينى وبينك يا زهير
امبارح كان معاى محمد عثمان حاج الركز
بالتلفون بس
الراجل كان حالته صعبة
شوية كده وكان حا يبكى
عشان كده ما استغربت لمن شفت عفاف فى المطار
قاطعة الأجازة
بكا الكبر ما شين
تحياتنا للفى الصورة كلهم
خاصة الشريكين
قول ليهم (ابيى ) كيف ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الف حمدالله على السلامة يا حاج الركز الحقيقة الراجل كان معانا أول امس بالليل و الحالة زي ماقال الظريف منصور تحنن بس ما فكا اخره و قال الشباب جايين بكره بكون عامل حساب لظروفي ! بارك الله فيك يا محمد عثمان .
الشي المهم الما قلت ليك يا النضيف ناس علوم ديل بس ابره دربهم لانهم انتو يا ناس تربية كنت مكسرين فيهم بالمرة و يكفيكم حمدي الفضلي وكفي للناضفة.. كفاك ولا ازيدك ؟
و الله زمان يا منصور ناس جلا كانو خايفين من المنازلةلذلك تم تهكير الباسوورد... مع سبق الاصرار والترصد، وبيني و بينك من اليوم سوف اكون عشرة عليهم كما نتمى مساعدة الحيكومة التي ظهر منها اليوم في الوداع الكمندان محمد صديق و اسامة ابتر و الله زمان يا شباب والواحد فينا كان لمن يجي مسافر يقعد يلفت شمال و يمين خايف الجماعة ديل يمرقوا ليه حاجة كده ولا كده ولكن على بالحرام يا جلا الشافني في رمضان بهناك ما كضب طلما الوداع بالرسميين و ناس الحكومة والحركة الشعبية يلا الحق يا منصور حصل الرفق .
و التحايا لشنب الزناتي ليك وحشة والعزيز عابدين وكل المقدمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
موسى عيسى...حبابك ألف يا زول وبركة الجيت راجع...لكن أها النسالك من حسه انت من ناس الليل ولا ناس النهار...أنا غايتو من ناس الليل والنهار بيبدأ من صباح الرحمن بي نمره خمسة و ما بقدر أدخل و لا أكتب الا في المطبات حيث بنهدي السرعة شوية...
على العموم ان كنت من ناس النهار ولا ناس الليل مرحبا بك و أهلا و سهلا....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
انتو عارفين في الخليج في مرض بيع الأرقام المميزة...سواء ان كان للعربات أو للموبايلات...يعني رقم مثل الرقم واحد ممكن يباع بي ملايين الدراهم و زي باقي الأرقام المميزة 111...222...33...55 ...الخ تباع بأرقام أقل و لكنها عالية أيضا...و الأرقام التي فيها رقمين أو ثلاثة تقل قليلا....123...454 ..و هكذا...وهذه أصبحت تجارة رائجة جدا هنا...
حاتم جبارة دفعنا ليك 150 دولار في رقم العربية بتاعتكم ده....تبيع..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
العزيز رشيد القوم كيف حالك والف حمدالله على السلامة والله زي ماقالوا الشباب انت الظاهر محتاج ليك لمشروع لياقة و حاجات تانية عيني عليك باردة قبل السفر لتركيا والسودان جيتنا حيلك مهدود ما عارف الحاصل الشنو عموما متوقعين الاجابة تصلنا من الداخل لكن صحبي جلا عامل طناش ؟ بمناسبة النهار والليل نحن بتاعين كلو خلي خلك خل طبيعي علشان ما تقول والله ناس تجارة ديل ما ادونا خبر ؟ بس ابعدنا من حماده بتاع الزراعة الجراي ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
موسى عيسى يسعدني أن ألقاك بتاع كله...
انت عارف طبعا أصبحت تردد بعض العبارات مثل ان يقال الأزهر الذي كان شريفا بدل أن يقال الأزهر الشريف و ذلك انتقادا لعلماء الأزهر على فتاويهم العجيبة التي تصدر عنهم في الآونة الأخيرة...و أنا أستخدم نفس الطريقة لأقول لك انت قاصد حمادة الذي كان جرايا...لأنه وعدني يجيني في اليوم السابق ليوم سفري ولم يصل حتى الآن...عليك الله مش بتنطبق عليه الذي كان جرايا...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: موسى عيسى شخصياً ..
إذن فلك التجلة أيها السنير المبجل ..
حللت أهلاً و نزلت سهلاً و حبابك عشرة في حوشكم ..
|
ما تسمع الحنكين بتاع الزول المتابع و المستمتع دا
هس يدخلك و يقول ليك الجماعة جوة و يكب الزوقة
يعني الله أعلم يجيب ليك حاجة باردة
يعني خليك مغمض عين ومفتح التانية
Quote: ياخي حمد الله علي السلامة ، والله بذلنا كلما في وسعنا من أجل عودتك لهذا المنبر أنت والصديق
مبارك جادين |
بالرغم إنو أبو شنب دا عمل اللازم و أكثر
لكن قبض مني دية تقدر بالشئ الفلاني
و يا محمد عيد زي ما قالو خلوها مستورة
Quote: فرحانين بيك فرح شديد يا حبيب موسى عيسى
لأنو والله العظيم , شطبوك ظلم |
موسى عيسى الزول دا ما تباريهو
الزول دا مغنواتي يقوم يسحبك لي يوم الخميس الفات
يخرب ليك لياقتك
زهير ولا بيكضب طوالي يا بكري الزول دا شيلو من اللستة الأساسية و الإحتياطي كمان
وإنت وراك مستقبل في الكفر
| Quote: موسى عيسى...حبابك ألف يا زول وبركة الجيت راجع...لكن أها النسالك من حسه انت من ناس الليل ولا ناس النهار... |
قالو ليك صاحب بالين ضهيب
و ركاب سرجين وقيع
دايرين يدقو ليك خروج نهائي
أعمل بي نصيحتو
يعني النضيف دا ما معترف بي رجوعك
لأنو ما أخدت شهادة الإيزو (الترحيب) من الريس ميسرة لغاية دلوقت
يا ريس الزول الرجع دا إسمو موسى عيسى
ما عيسى موسى
كدي النسألك جلال دا لغاية هس ما رحب بيك مالو؟؟؟
ضايقتو في شنو؟؟؟؟
Quote: ههههههههههههههههههههههه
على الطلاق قربت ترفدني.... |
آآآآآآآآآآآآآآآآآي ناوي أرفدك
أحبكم يا ناس
حبكم لي رجوع موسى عيسى للبوست
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا الرشيد
عايزين نخش معاك منافسة في شراء العربية بتاعت ناس حاتم جبارة
وبعدين إنت بديت كويس بالأرقام و قيمتها
عليك الله رقم العربية بتاعت ناس حاتم جبارة بيبدوهو بي 150؟؟؟؟
أولاً الرقم ما مميز
ثانياً عامل 6
ثالثاً ترخيص قديم
ياخ أبدأ بي 25 دولار
أحبكم يا ناس
حبكم و شماركم لي معرفة رقم عربية ناس حاتم جبارة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: وعلى حسب سؤالك خلينا نبدأ ب:
محمد ابراهيم ادروب
الله يديك العافية يا زناتي |
أعمل حسابك يا سامي
لو دي طريقتك كفيلك دا حيدق ليك خروج
ركز بالله
التساءل المذكور بتاع منصور
و أسألني الزول دا متلقي حجج وليهو كم إجازة ما جا السودان
يلقاها فرصة ويقوم يطالب بي حقو الأدبي و الإجتماعي و الرياضي وهلما جرا
وإنت ما زول جرجرا
بعدين صاحب الحوش زاتو يقول ليك
آآآي خليهو أنا كدا مستمتع
أحبكم يا ناس
حب الكفيل لمصاحبة سامي في سفرو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ياشباب خليكم مولعين كده ...
وانا شويه شويه بنزل الصور ..
سيد البيت موسي عيسي 1000 مبروك ومليون مرحب ... اوع يجي رشيد القوم ويقول ده
اسم فلم لأحمد حلمي ...
جلا : لما تصل الزقازيق بالبص ...
تذكر محطة البص الزمااان في نص شارع "الجلاء" ... شالوها
عدموها المظله ووزعوها كافتريات ومحلات تجارية ...
البص بقي محطتو بالناحية التانية لمحطة القطار ... حي الحسينية
يعني لازم تقطع نفق السكة حديد حتن تدخل ميدان أحمد عرابي بعدين تكسح محل داير
محطة القطر والبيجوهات والمايكروبصات في محلها الزمان
اها ياجلا ديل شوية صور لمحطة السكة حديد وميدان المحطة "أحمد عرابي"
شوفو التمثال ده بقي وسخاااااااااااااااان كيف ؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
م و س ى ع ى س ى
musa eisa
وبالهوسا .. مواشى ايشاو
بكل لغات العالم ..
أهلا ومرحبا بها الطلــّه .. ( كمان لبنانى بى غنج )
الترحاب بك يطول ولو انه تأخر .. بسبب بداية وردية الليل
وزى ما قال ليك رشيدنا الحبيب .. يا ريت تكون معانا .. زول ليل ساااااكت !!
وبمناسبة تخريمة منصور ...
انحنا عارفين يا موسى انو الجماعة الطيبين سفروك بوليفيا
ورسلوا اوراقك لى بلاد الهوسا التكارير ..
الشطارة الناقصة بتاعتهم خلتهم ينطوا السطر ..
وانت بى غادى مسجل فى لاباز كلوب ..!!
لكن انت ماك زولى العكليتة ..
بتجيهم راجع فى ديسمبر وتسألهم من اوراقك ..
انشاء الله يرسلوا منصور بيك يجيبها من ابوجا وابو الكورة ذاتها !!!
أهلا بيك تانى .. وحفلتنا الليلة بى حووووصة !!
*********
نجيلة الحبيب ...
وااااصل يا عسل
وطالما بقيت زولا احمر عديل من عندينا ..
خلاص اثباتاتك مقبولة من المحكمة وخلى ناس منصور وزهير ياكلوا هوا
لكن تعال تمثال احمد عرابى ده مش كان مقبل لى جاى زمان
ولا ده عمى الوان ؟؟!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
ياسر نجيلة و الله ما أقول ليك اخراج ولا مونتاج ولا أحمد حلمي ولا غيرو...حأقول ليك ما أروعك...و رغم اني أكبركم هنا و اتخرجت من الزقازيق زماااااااااان...الا انني رجعوني صورك لأيامي اللي راحو...
بس سؤال أخير...ده أجمد عرابي الوسخان...أين أحمد عرابي النضيف...لو ما عندك اجابة ممكن نخليهو لحدي ما الناس تخلص من أدروب حسب اقتراح منصور....
حسه يجي جلا يقول لي ختفتها من خشمي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
مســـاء الجمال
عطر هذه الأمسية من حديقة غاده الســمان
نوارس الورق الأبيض
حينما استحضرك
واكتب عنك،
يتحول القلم في يدي
الى وردة حمراء,,,
لم يكن بوسع مجنونة مثلي
ترتدي هدوءها بكل أناقة...
- وتغلق الأزرار اللؤلؤية لثوب اتزانها البارد
على تيه غجرية عارية القدمين-،
لم يكن بوسع حمقاء مثلي
إلا أن تحب شاعرا مبدعا متوحشا مثلك..
طفولي الأنانية، غزير الخيانات والأكاذيب مثلك..!
حينما أسطر اسمك،
تفاجئني أوراقي تحت يدي
وماء البحر يسيل منها
والنوارس البيض تطير فوقها..
.. وحينما ا كتب عنك
تشب النار في ممحاتي
ويهطل المطر من طاولتي
وتنبت الأزهار الربيعية على قش سلة مهملاتي
وتطير منها الفراشات الملونة ، والعصافير
وحين أمزق ما كتبت
تصير بقايا أوراقي وفتافيتها
قطعا من المرايا الفضية،
كقمر وقع وانكسر على طاولتي..
علمني كيف أكتب عنك
أو، كيف أنساك...!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
حتى تردنا المعلومات عن أدروب...أسمحوا لي أن أقدم لكم أدروب آخر...شفيف و جميل و متمرد...رحم الله شاعرنا الراحل أبو آمنة حامد...
بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..
التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..
في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..
في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..
عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..
لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: كدي النسألك جلال دا لغاية هس ما رحب بيك مالو؟؟؟
ضايقتو في شنو؟؟؟؟ |
أها بس الزول يجي داخل يلقاكم مرقتوها في سقط لقط ....
براحة علينا .... نحن ناس كبرنا
موسى عيسى ليك وحشة والله وانا اقول الزول ده مالو تلفوناتو انقطعت ؟؟
اتاري كرتك وصل ودخلت المعسكر
كمال الشادي اتصل عليك ؟؟ رمضان ده ما جاء ياخ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: اسامة أبتر)
|
محمد عيد جيتك
وأنا معاك
هس أجيب ليك محمد صديق
تبلدينا هس بيكون نايم
أهادي برضو غادة السمان
حواسي النائمة
--------------
أيقظت حواسي النائمة
وأنعشت حماسي الممطر ضجراً
وأعدت إلي الضحك
الذي عدوت خلفه طويلا في دروب العالم
ومنذ عرفتك
لم تمر لحظة لم أهتف بها باسمك
كما اتنفس
ولم تمر دقيقة لم أكن فيها ملتهبة حماسا وعملا
حتى كدت لا أجد وقتا لك
انت يا نهر الفرح
جرفتني
خذني إلى قاعك
دعني أغرق اليك ! ...
يقول غراهام غرين :
ان الفشل شكل من أشكال الموت
أقول له :
ولكن الفراق هو الموت ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: اسامة أبتر)
|
| Quote: يا شيخ جلال تنجدنا |
ازيك يا ابتر والله الشوق بحور
ونتمنى ان نلتقى في ساعة خير ياخ في ربوع الوطن الحبيب
بمناسبة الوطن الحبيب دي .... هاك دي
عندي عمي معانا هنا في الرياض ليه بالميت كده 30 سنة
في العيد طبعا بنمشي ليه اول واحد (بحكم الاقدمية)
اها العيد الفات قلت ليه كل سنة وانت طيب ياعم وان شاءالله السنة الجاية في السودان
زعل مني وقال لي والله انت زول كعب "مالك بتداعي يوم العيد"
كل سنة وانت طيب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا جلا ..
صاحبك محمد صديق الظاهر عليهو اما الحكومة المحلية
حاكمة عليهو الليله بعدم فتح الكمبيوتر نهائيا ..
او الحكومة المركزية انتدبتوا مع قوات حفظ النظام العام
وشغالين يلقطوا فى البنات اللابسات بنطلونات ..!!
قالوا يا جلا احدث موضة بناطلين فى السوق الأيام دى ..اسمو بنطلون لبنى
ياخى بالله شد ليك واحد خلى الزناتى يصورك بى الكاميرا السمحة بتاعتو
وينزلها لينا افتتاحية ..
********
وما زالت تلك الغادة تشدو ...
أشهد على بصمات شاعر
حبيبي وقع لي ديوانه الشعري
ثم وقع البحر وقع الأفق
وقع الأشجار و الأزهار و العصافير...
وقع الشمس و القمر و قطات المطر
وقع الأرصفة و المقاهي و ضحكات الأطفال
وقع قلمي
ثم وقعني و مضى ...
***
حبيبي ترك بصماته على الليل
فولدت النجوم ...
***
أحدق في شجرة تركض
و سمكة تتجول على الرصيف
و سلحفاه تخلع صدفتها مهرولة كأرنب
و قطط تراقص الفئران بود و أمان
***
و ثعلب لطيف يدفىء عنق عجوز باريسية ثملة بذيله
لقد تبدل العالم قليلا
فهل يعني ذلك أنني عاشقة ؟...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا محمد عيد
لبس البناطلين خليناهو
لابشين المرقع الأيامات دي
بعدين الرشيد دا مش حذرك
و أنا شاهد على كدا
زي غادة السمان لمن تشهد على عصيان
اشهد على عصيان
... و لن اغفر لك
فقد تآمرت علي مع اعماقي ..
و منعت التجول في شوارع عمري..
و اعلنت الاحكام العرفية في شبكتي العصبية ...
و ها انا اسيرتك !
اركض في دروتك الدموية مكبلة بالسلاسل
كجدتي الملكة زنوبيا في شوراع روما ...
***
... و لن اغفر لك
و ساعاقبك عقابا لن تنساه :
ساحبك ! ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
هناك مصريين ومصريات بالزقازيق ارتبطوا بالطلاب السودانيين
بعضهم كانوا عمال بدار الاتحاد مثل عم محمد غفير الدار وزوجته
وكدلك تلك المرأة العجوز الطيبة التي كان تعمل فراشة بدار تونتي ون
واسمها ام محمد وكانت خبيرة ومرجع مهم في معرفة العلاقات العاطفية بين الطلاب والطالبات .
انا اقول هدا الكلام لاني لما كنت سكرتير عام الاتحاد كنت مسؤول عن دور الطالبات
وكانت ام محمد الطيبة تعزمني دايما شاي كشري وتبدأ في اعطائي المعلومات
دون ان اسألها او اكون صلا راغب في سماع دلك .
كما وهناك عصمت السمسار بعجلته الشهيرة والدي كان يتابع اخبار زيادات الاعانة اول باول
حتى يزيد سعر ايجار الشقق
وهناك ايضا عم جودة المصوراتي البارع والدي كان يتابع حفلات التخرج .
وايضا هناك ابوعماد الفلسطيني بتاع البقالة
وهشام صاحب البقالة قرب بيت الطالبات
وهناك مصور بكلية الزراعة اظن اسمو اسعد .
وهناك بعض الشغالات مثل ام سيد وكانت تعمل في شقق ناس لكوظ .
ولعل من اشهر الشغالات في الزقازيق
هي الشغالة العجوز ام جمال وكانت تعمل مع الطالبات من زراعة وبيطرة
وقد عملت مع زينب التيجاني ونجاة حوفي وياسمين وعفاف
وكانت زولة لطيفة جدا
كنت لما اجي
زيارة للشقة كانت دائما تصر علي ان اتغدي
بل تبادر وتخت لي ما لد وطاب .
وايضا هناك بتاع الامن الضخم بطة
والدي ببدو انه قد اختير لهده الوظيفة بعناية
وقد كان كثير التردد على شقق زملاء الجبهة الديمراطية
وادكر مرة شاهدناه من البلكونة وهي قادم لشقتنا في المحلج
كنا نسكن فيها انا وجمال فارح وكانت تلك الشقة من مراكز عمل الجبهة الديمقراطية على مستوي مصر كلها
فدق الباب بعنف لكننا رفضنا فتح باب الشقة
فما كان منه الا ان فتح الباب بسهولة بضربه بكتفه على طريقة الافلام المصرية .
ومرة سألنا انا وجمال بعد تتخرجوا حتروحوا فين ؟ وكان دلك بعد انهيار الاتحاد السوفيتي .
فقلت ليه
حنروح موسكو
فقال لي بتشفي وهو يضحك ..موسكو ايه يا عم ما كل حاجة راحت . كل سنة وانت طيب .
يقال ان احمد طراوة هو من اطلق عليه هدا الاسم لضخامة حجمه
واسمه الحقيقي محمد جاد كريم واظن رتبته كانت صول
مما يروى انه تم اعتقال بعض الزملاء من الجبهة الديمقراطية وكان بطة واقف اثناء التحقيق
فسألهم الضابط على طريقة تحقيقات الامن
انتو عارفين انتو جايين هنا ليه؟
فقال احدهم ويقال انه عادل ود البيه
نحن ما عارفين نحن جايين هنا ليه . لكن بطة هو الجابنا
فسأله الضابط
بطة مين ؟
فرد بطة الدي كان حاضرا للتحقيق موجها كلامه للضابط
اصلوا يا باشا الطلبة السودانيين بيسموني بطة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: salah elamin)
|
سلامات يا ناس
صباحات الجمال
الحمد لله الذى اماتنا واحيانا واليه النشور
اللهم متعنا بالصحبة النقية وبالارواح المتآلفة
والمحبة الصادقة...
جعل الله السعادة دربكم
وازال همكم
وابعد الشر عنكم
والجنة مثواكم ومحلكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
صباح الخير مدرستي ** صباح الخير والنور
إليك اشتقت بالامس ** و زاداليوم تفكيري
سعت رنين اجراسك ** وجئت إليك فرحان
ندائك رائع عذب ** كما لو كان ألحان
اصبحنا و اصبح الملك لله و لا اله إلا الله
نبدأ بالجميل وهو الأنيق ياسر نجيلة فلك الشكر و الله رجعتنا
اليوم بالذكريات العطرة لديار اولاد عرابي هكذا انت دائما
تحلق بنا في عوالم من الحنين المفقود؟
جنابو ود الصديق ما اروعك بس بيني و بينك تمرين شنو البتتكلم
عنه يا اخوي والله الفيك معروفة ما تعمل في فيها أبلاي ؟ الترجمة
مطلوبة يا دود الشرق .....
و الله زمان يا صلاح الامين مرحبتين تعظيم سلام يا رفيق بس خلي اللياقة
في السلك ما تنقطع المشوار طويل و التحايا لود البيه لو هناك تواصل .
العزيز ساري الليل محمد العيد متابعك في محطات أخرى مع ناس الاميرية
مع الظريف طارق ميرغنى و ليك مني حنعمل ثنائي خطير انت بالطرف الشمال
و انا باليمين والحمدلله كلنا نعشق المريخ و نهوى ؟
جلال عثمان يوماما سعيد من حلتنا شالك ! الحمد لله السمعنا صوتك و الله نحنا
قلنا لحقك اللحق بله في كرته الما لمين فيه بين جنوب افريقيا ونيجيريا
الكمندان ابتر تحياتي و خليك لحام ما تنقطع ( طبعا خليك لحام كان بقولها
الحوري للمرحوم منير علشان يكون مع اسامة الطيب لانه كان بقطع قلبه )
رشيد القوم وصلت وين باللياقة لأنه بعد قليل حينزل بيان بتكوين منتخب فريق
الزقاريقاب بالمهجر و طبعا الأقدمية في التخرج بترشحك لقيادة الفريق لكن زي
ما قلت ليك امس موضوع اللياقة دا ممكن يجيب منافس شرس (و انت عارفه) بعدين ما
تقول والله ناس الرياض ديل ما خبروني معاك لغاية بكرة !
الظريف جلا باكنا الطاير والله الشباب ديل انا خايفهم يقوموا نفسك من المساسكه
بالخط زي ما بنات الشيخ ما مخليات فيك قايمة ؟ بس النسألك الزول الاسمو تاج
الدين الخليل كفيلو سحب منو الجاهز و لا شنو ؟ و لا عادل عبدالرحمن الما ليه
حس ولا خبر انشاء يكون ا لمانع .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
يا اسامة ابتر هناك هجوم بري محتمل لشرق السودان عن طريق
سواكن بقيادة المتمرد الكبير عصام جلي و كتيبته المعسكره
حالياًبجده كما نأمل من الاخوة النضيف و الريس توجيه قائد
المنظقة الغربية القسم الجنوبي محمد عيد عمل كافة الاحتياطات
اللازمة لقبض المتمرد جلي المتواجد حاليابشارع الميناء بوكالة
ابو عبدالله قرب سفارة السودان قبل مغادرته إلي سواكن يوم غد
الخميس ، و حيث انه افضى للبعض في رغبته لمساعدة بعض الشرفاء
بالبور لذا نأمل توجيه السادة / اسامة خضر و عادل يسلم وكل
الطاقم المتواجد هناك لعمل كافة الترتيبات المطلوبة حتى لا
يفلت هذا المتفلت عند المقابلة و الترحيب .
الخميس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
صبحكم الله بالخير جميعا
قلت ألحق أكتب لي حاجة في سانحة الهدوء النسبي الذي يمر به مكتبي الآن قبل ما يجي ود حلال يلخبط كياني....
أولا: السؤال عن الريس ميسرة الذي يسجل غياب...ربما لأنه يجهز للسفر وعلى ما أعتقد ان اجازتة تبدأ غدا..
أسامة أبتر...صورة البروفايل جميلة جدا...
صلاح الأمين...انت شغال باستراتيجة الزناتي على ما أعتقد...أدخل البوست أقرأ آخر مداخلة أكتب العندك و فرتق...رسلنا ليك تحية بالأردو...
موسى عيسى...ما قلت بتاع كلو يا كابتن...مالك زغت بالليل...خليني أديك نصيحة .. ليلك ده بالنسبة لينا نهاية النهار وبالنسبة لمحمد عيد نهاية الصباح و بالنسبة لجلا بس لما يكون في عطبرة بداية الليل...
أما بالنسبة للياقة فهي ميه ميه...بس يا أخوي أنا بقيت ألعب راس حربة...مساككة المهاجمين و لعيبة النص دي بقيت ما بقدر عليها...أنا بس بقيف في خط ستة و تجيني الكورة الزها في القون...هو يعني حسه كليتشي بيعمل شنو غير كده...
محمد عيد يا أخوي نحن الشعر الرومانسي و الكلام الدقاق ده بقينا بنخاف نكتبه...العين علينا يا أخوي بعد ما صاحبك عثمان الجيلي ده خوف بنات الشيخ... فحسة أنا بس تاني مكر مفر مقبل مع..كجلمود صخر حطه السيل من عل...
أو أبو تمام
السيف أصدق أنباءا مـن الكتـب
في حده الحد بيـن الجـد واللعـبِ
بيض الصفائح لا سود الصحائف في
متونهـن جـلاء الشـك والريـبِ
والعلم في شهـب الأرمـاح لامعـة
بين الخميسين لا في السبعة الشهـبِ
ينفع معاكم و لا ما بينفع...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
حبايبنا قرايبنا فرحنا بيكم وبى رجعتكم
رجوع القمرة لى وطن القمارى
يا الرشيد انت الرجعة من السودان لخبت الرامة بتاعتك ولا شنو
هم خميسين اصلو ده خميس واحد وبس اقصد اربعة خميس فى الشهر
هاك غادة دى يا جلا
اشهد برجل على صهوة رسالة
ذلك الرجل
الذي استطاع اقتحام مملكتي
على صهوة رسالة .. أحببته...
***
خارق العذوبة و الكبرياء
نقاء صحاري طهرتها الشمس
طوال عصور من اللهيب ..
ايها القادم من مسقط رأس أجدادي
و مسقط قلبي ..
أطلق سراحي من حريتي ..
خذني اليك
أجهز علي بحبك ..
هل ترضى بأن تموت امرأة مثلي
بغير خنجر العشق المستحيل ..؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا شباب صباح الخير
اولاً بالتبادي : مداخلة صلاح الأمين خطيرة (وده كسير تلج رفاقي)
ثانياً : الاخ محمد إبراهيم أدروب ، يدرس في الأردن دراسات عليا ، وقد كان متواجداً في مصر إبان
وجود المرحوم العزيز أسامة محمد عثمان هناك ، وقد توفيت زوجته قبل مدة أثر علة لم تمهلها طويلاً
ويبدو لي بأنه كان مرافقاً لها في تلك الفترة بالقاهرة ، وكما ذكر جلا الجلا فهو يعمل بالسلاح الطبي
أمدرمان . ولكم الشكر
ثالثاً : لم يحضر حاتم أو طارق ، كما لم يتقدم محمد صديق بالإعتذار نيابة عنهما ومعرفة سبب غيابهم
لذلك لا أمل في إنزال الصور .
رابعاً : ضد أي محاولة للنيل من شخصنا من قبل المدعو الرشيد بابكر ، فانا أقرأ المداخلات واحدة واحدة ومستعد لأمتحان يعقد بواسطة لجنة مكونة من البواليس (محمد صديق ، أبتر ، والمغرض جلا) وسأحقق النجاح الباهر بلا شك كما لم أحققه في سنوات خلت ، وتكتيك قراءة آخر مداخلة هذا ألجأ إليه حينما أفط كم يوم ولا أدخل المنبر العام ، والحمد الله هذه الأيام مداوم علي قراءة البوست بالتفصيل الممل.
خامساً : صور الجميل ياسر نجيلة آخر جمال ، في إنتظار المزيد يا نجيلة ولا تلتفت للمغرضين .
سادساً : يا جلا بطل خفة وأفهم الكلام سامي عبد الوهاب يقصد بأني سوف أأتي بخبر أدروب لأن عند زناتي
الخبر اليقين . ومن البارحة حاولت أن أدي الجماعة فرصة لكن ما لقيت زول عنده خبر أدروب حتي لا إستأثر (كده صاح يا جماعة) بالأجر ، لكن لقيتكم ما ناس أجر .
سابعاً : الرشيد بابكر بطل تزوير ، هل أنت أكبر من منصور عبد الرازق ، وإذا كان كلامك حقيقي فمعناهو
الواطة كالت خشم نجاة حوفي .
مع حبي لكم زي ما بيقول جلا حب ناس علوم للشمارات
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
انا يا عمو زناتى على حد قول البادى الله يرد غرته
انا فى البداية كنت ح انجحك ولمن وصلت حبك ... شكلك دخلت مع النضيف فى
تحالف علشان كدة ح اسقطتك حتى لو رشيتنى
وانا بعتزر ليك نيابة عن حاتم جبارة اصلو كان ساكن معانا فى سنة البرلم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: اسامة أبتر)
|
عمي الزناتي تحياتي أولاً نحن دايما مع الشنب لأنه رمز...
الشى التاني سجل سجل يا تاريخ ناس الشرطة يتحدثون عن
قبول الرشوة من المغتربين (اسامة ابتر) رغم انو نحن
واقفين معاك لكن اللجنة المكونة دي بتسقط حجرك زي ما
قال ليك الرشيد لأن اسامة كما هو واضح رأيه في اعلاه
أما جنابو محمد صديق من موضوع الكركم الفيه اتعرفت
أما المذكور جلا أمد الله في عمره بنات الشيخ مأثرات فيه
زي ما انت عارف انت ادري به مثلي فلذلك ما تفسر وانا
ما بقصر ؟علشان كده قدم طعن في اللجنة تكون بقيادة
الريس بعد العودة من الإجازة !
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
عند دخولي كسلا الثانوية تم قبولي بفصل أولي دقنة ، في أول يوم شاهدت أحد الطلاب جالساً في الصف الأخير من الفصل وهو يكفكف كمي قميصه حتي بانت عضلاته التبش ، ويضع سفة بحجم قبضة يد طفل رضيع ، ويمشي بصدره كفتوات الأفلام المصرية ، سألت عنه ، قيل لي بأنه أحد شرامة الميرغنية ويدعي اسامة أبتر ، طالبت والدي عليه الرحمة بنقلي من هذه المدرسة ، إلا إني إصطدمت بأن كسلا لا توجد بها سوي مدرسة حكومية واحدة ، وفكرت في النقل للمدرسة الثانوية الأخري وهي مدرسة أهلية ، ولو دعي الأمر أن أغير للمدرسة الصناعية ، ولو لقيت طريقة لكسلا الثانوية بنات ، إلا أن قدر الله وتم نقل الشرامي أسامة للخرطوم وسمعنا بأنه تم إستيعابه في مدارس بيت الأمانة الشهيرة ، إلا إننا لم نتأكد من الأشاعة إلا بعد ما قبلنا في جامعة الزقازيق ، وحينما شاهدت اسمه في مكتب التنسيق ، قررت عدم الذهاب لمصر من أصله إلا أن وعود من أبناء الجيران جلا وحامد كرتون الله يطراه بالخير وبقية أبناء كسلا بأني سأكون تحت حمايتهم (ملحوظة : تم قبولي في الزقازيق وعمري أقل من 16 سنة) شجعتني للذهاب ولكن فوجئنا الإنقلاب في شخصية الود الشقي أسامة أبتر ، إلا أن عادة كفكفة الأكمام لا زالت مصاحبة له في الكاكي ، برضو تقول لي عمي ...
بعدين يا موسي عيسي ما عايز أحكي كمان قصة طويلة وعريضة ، يكفي أنك دفعة الحجاج (جلا ، ود المبارك ، عصام جلي ومن لف لفهم) .
معلومة عامة : تم سحب باسويرد البادي عشان كلمة (عمو الزناتي) عشان كده يا جماعة أعملوا حسابكم
ويا موسي عيسي الضاق عضة (الحبل) يخاف من جرة (الدبيب) مثل عامي
اسامة أبتر أعتذارك مرفوض شكلا لأنه غير مكتوب علي الورقة الصفرا وإستهلت بعمو ..
الرجاء مراجعة زي مليون أعتذار في هذا البوست .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا عمو الزناتي نحن طبعا موضوع عمي دي ما جاءت من فراغ
أولاً لماموكل لك من مهام تخص الجميع فأنت أهلا لها فأنت عمنا
في ذلك، ثانيا يا زهير عليك الله فردة الشنب الشمال بس ما
بتديك خمسون سنة خليك من الطرف اليمين؟ ثالثاموضوع
التهديد دأ انت جربته مع شاب آخر من نفع علشان كده
انت عارف نحن الشربنا البحر وعجنا الطين وانا كنت
واقف معاك لكن الظاهر سوف اقيف في جانب الحكومة وصحبي
النضيف و كمان الصحبة مع بكري ابوبكر ماشة بواسطات
من جهات أخري و بعدين موضوع اسامة ابتر دأ حيجيب ليك
كتاحة فاتنازل منه !
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
انت يا زهير حكايتك شنو...ابتديت بمحمد صديق ودخلتني أنا زاتي في قطايع و كلامات خلت الكوتش يقول لي أصبر لي بجيك برواقه...و حسه أسامة أبتر...يا زهير لو جاك تلفون المره دي و قالو ليك تعال جمب ميدان الربيع..أوع تفتكر القصة سمك وتقوم تمشي...أنا حذرتك و انت حر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
إعلان هام
بهذا تعلن إمبراطورية الميم بدعوة أعضائها
المذكورين بعد
لحضور الإجتماع الهام
و المقام في البوست دا
في يوم الخميس الفات
الساعة 25
و هم:
منصور
محمد عيد
محمد آدم
محمد صديق
موسى عيسى
مسامةأبتر
الأجندة
1/ غياب العضو موسى لفترة تقارب الثلاثة أشهر
2/ البدائل المتاحة لتحويل مداخلات محمد عيد من الليل للنهار
3/ السبب في أرشفة يوم الخميس الفات وعدم نقله للربع الثالث
4/ أمية محمد صديق وعدم إنزال صورة خاصة به في البروفايل
5/ تهمة الرشوة الموجهة للعضو مسامة أبتر
6/ أي أجندة أخرى مطروحة للنقاش
توقيع رئيس الإمبراطورية
محمد آدم النور
آآآآآآي أنا
مش أول واحد خشيت البوست دا؟؟
أحبكم يا ناس
حبكم لإمبراطورية الميم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
اشهر شغالة فى المساكن يا صلاح اللمين كان اسمها سميرة
عندها غسالة برميل بتشيلها فى راسها وتطلع بيها الشقق
بصراحة كان شغلها جميل بس الولية المطموسة اخر عمرها حبت ليها واحد
من اولاد تربية اسمو ( مو....... ) بقت قاعدة عندو تطبخ ليهو وتغسل ليهو بلاش
وكمان بتشيل الشمارات توديها للبنات وتشيل السمنة النباتى بالدس فى كيس النايلو
اصلا" موضوع الشغالات كان متحكمة فيهو المعلمة نعيمة ( العشة ) بتاعتها جمب دار الاتحاد
هى اللبتحدد مين تشتغل ومين لا وتأخذ منهم عمولة والبتخالف كان مصيرها بلاغ لناس الامن
وتلبسها تهمة ،،،،،،،
ويوم الجمعة لانو الناس ما بتصحى بدرى وبالذات فى فصل الشتاء كان فى عمى ابو رفاعى بتاع
الفول عندو ( درداقة ) بيخت فيها قدرة الفول وينادى باعلى صوتو ( فوووووول ) ويوصل
ليك الطلب لحدى باب الشقة مع ولدو الصغير رفاعى لون بشرتو وشعروا اصفر ( ولد حور )
وضعيفونى وعيونو معمشات ، اول ما يطلع اقول لياسر عليك الله بقششوهو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الفردة جلا تحياتي نعم لك الأولية في الدخول و لكن
كان من المفترض أن تعطي كل ذي حق حقه انت نسيت انت
نفسك ولا شنو! الظاهر الموضوع كبر عندك و بقيت زي
ناس الحكومة ديل القالو انهم هم الصحابة الأوئل في
الإسلام و هم العلموا الناس الدين و بعدين عينك
ما تشوف إلا النور واللبيب بالإشارة يفهم ؟
ثانيا: قبل اعلان الاجتماع كان من المفروض أنك
تشاور منسوبي الامبراطورية في تحديد أجندة الاجتماع
دأ لأنه نحن منظرين رأي الرشيد علشان نكون منتخب
الزقازيقاب المقترح وهو كالتالي :
1- محمد عيد في حراسة المرمي (خلفا للريس).
2-الرشيد في خانة اللبرو (الله يستر ).
احتياطي بركة .
3- جلا في خانة الظهير الأيمن قشاش (بس ربك يستر
ما تجيك بنت شيخ تلعب ليك جناح شمال وقتها الله
يكون في عون الفريق ؟احتياطي أحمد اسماعيل.
4- منصور مفتاح ظهير ايسر طائر ( الله يجيب العواقب سليمة).
الزول ما رشاشة !
5- زهير أب شنب في الوسط (رغم انه احمر بطبعه بس ماعارف الخربه شنو؟
6-تاج الدين الخليل وسط ثاني ( بعد وصول الكرت الرايح ) يا منصور
تلحقنا و تفزعنا من موضوع الكروت التايه دي .
7- محمد صديق هجوم أول (ما يكون اتأثر بكوارزما؟ ).
8- موسى عيسى جناح أيمن (مبروك لفريق آداب الكأس ).
9-دودي جناح شمال ( النتيجة 10 لصالح الفريق المنافس ).
10- جلال عثمان متوسط دفاع (والله الدفار يمر ) .
11- ياسر نجيلة هجوم حر ؟
12-الريس ميسرة مدير فني للفريق (بعد استقالة جارديولا).
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
ما دام بتتكلموا عن الكورة هل تعلمو كووولكم ان فريق كلية علوم كان ضمن فريق كلية التربية
حتى وصلت دفعة ناس مبارك جادين ومحى الدين عبدالستار والحورى وبعد داك طالبوا بالانفصال
واديناهم راحتهم عشان ما يقولوا نحن مكسريين فيهم
وهل تعلموا ان اللجنة التنفيذية لاسرة علوم سنة 86م كانت تتكون من 6 بنات وحمدى الفضلى
رئيسا" للاسرة
ما تتكلم يا ابتر ياخى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: 3- جلا في خانة الظهير الأيمن قشاش (بس ربك يستر
ما تجيك بنت شيخ تلعب ليك جناح شمال وقتها الله
يكون في عون الفريق ؟احتياطي أحمد اسماعيل. |
يا كوتش
حاتم جبارة الجناح عوقني في ركبتي
عليك الله غيرني
أحبكم يا ناس
حب حاتم جبارة للطناش من البوست دا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
هسى عليكم الله , الزول كان دك باقى اليوم ده , ولا كمان الزول (يستقيل ) عدييييل
, او كمان ياخد خروج نهائى (الشر برة وبعيد على رأى عم ناس جلال ) , ولا كمان فتح
للشغل المردم قدامه ده ويخلى الكفيل يضرب راسه بالحيط , بالله الزول لو عمل ده كله ولا شوية منو .
باقى ليكم بيكون غلطان , الواحد يغيب من البوست اتناشر ساعة يلقاكم ردمتوهو الردم ده , دى زقازيق
دى ولا جنة (يا ياسر نجيلة ) , نحن بنتكلم عليها ونستدعيها من خيالاتنا , تجى انت تجيبها لينا
بى احمد عرابيها , وبى محطتها وبى _شبانها ) المسلمين والمسيحيين , شكيتك على الله كان قومت
نفسنا وخليتنا نحس بالعطش ده كلو قبل ما رمضان يجى , وبعدين يا جلا , الريس ده , قبل مالسه يلحق يركب الطيارة (بكرة ) قوام قوام يلقاك شطبتو من امبراطورية الميم , الراجل عضو اصيل فى الأمبراطورية , مش هو براهو , هو ومعاهو كمان السيدة (بت شيخه) , تقوم تدخل ناس (مسامة ابتر)
بالكوسة كده وتعمل انقلاب على الريس , ده ما ياهو التسلط القلناهو , الواحد فيكم بس يصحى بدرى يستعين بى ناس (حامية الشرق ) وتعملوا انقلاب , يعنى عشان الراجل لابس ليهو جلابية (حمار الوحش)
وعضلاته تبش وقرأ فى بيت الأمانة وكان مخوف زهير ايام المدرسة ؟؟ والله نحن ما بنخاف الا من الله الخلقنا ده , مش تقول لى (مسامة ابتر ) ولا محمد صديق ولا حتى (عمار ) , هسى نكورك فيكم , لن يحكمنا البنك الدولى , حكومة عميلة يجب تبديلها , العار العار (قند اهار)(وش مستلقى على قفاه من الضحك)
لوحة ياسر نجيلة الرسمها , لا يناسبها تعليقا الا كلام صلاح الأمين او كمالن ممكن تقولوا (موسيقاه التصويرية) , والله يا ياسر انا كنت فى الزقازيق قبل فترة , اولادى من كثر ما انا قاديهم بالزقازيق وما ادراك ما الزقازيق , لمن شافوها , لغاية الليلة بيضحكوا على , قالوا الزقاويق شينة
وخاصة كلية الزراعة , تصدقوا انا زاتى لقيت كلامهم زى الصاح كده واتضاريت , طيب يا ربى الحصل لى شنو تانى لمن شفت صورك الجميلة دى يا ود نجيلة , تعرف معناها نحن بنتكلم عن (زقازيق عشناها فى خيالنا ) اكثر من كلامنا عن زقازيق (مدينة وشوارع وميادين )
راجع ليكم
| |
|
|
|
|
|
|
| |
الرشيد بابكر
زهير الزناتي
منصور عبد الرازق
محمد صديق
محمد آدم النور
جلال عثمان
ياسر نجيلة
محمد عيد
عبد الدائم سيد أحمد
موسي عيسي
عصام دهب
سامي عبد الوهاب إدريس
اسامة أبتر
salah elamin
Dr.Elsadig Abdalla
فيس بوك
تويتر
انستقرام
يوتيوب
بنتيريست