|
|
|
 Re: ناس الزقازيق ،،، أجدع ناس (Re: ميسرة سيد أحمد)
|
صباح الخير...
من الصور الليلة كانت جميلة بجمال أهلنا الزقازيقاب أين ما حلوا ، للأسف الشديد تخلفت عن الحضور لأنني كنت في مدينة جوبا في مهمة عمل رسمية ، ولكن إنشاء الله سأكون حضورا في الليالي القادمات.
يا عمو الزناتي شفنا مكتوب على الإعلان والمبدع / عاطف علي!!! لكن شكله ما كان موجود ليلتها يا ربي حيغني لينا تاني ونتذكر ليالي الزقازيق الجميلة بجمال غناء أخونا عاطف علي؟
| |
 
|
|
|
|
|
|
|
|
Re: ناس الزقازيق ،،، أجدع ناس (Re: البادي النور)
|
برغم شح الامكانات ...
كان العطاء جميلا ...
انتم اوجدتم كيان خريجي الزقازيق من جديد ...
لا نملك الا التشجيع من على البعد ...
نعجز عن توصيل كلمات الشكر ...
لكم جميعا القائمين على اللجنة ... كل الود والامتنان
سررت جدا ... وكأني اري اهلى بعيون الزمن الحديث ... وليس كما تركتهم خلفي بالزقازيق
اخوتي
عابدين
سيد باشا - تحية خاصة
مبارك جادين
محمد صديق
هشام والعملاقة اميمة دفع الله وبناتها
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
التحية للكم وعشرين نفر الحضرو الليلة الشعرية
الندوة الجاية بدار الاتحاد بعنوان
الفهم المغلوط بين علاقة الطالب والطالبة
يتحدث فيها الاستاذ / صلاح فرج الله
ـــــــــــــــــــــــ
خاتم البوبار ما عندك يا اميمة
لكين يا زهير الزولة دى غشتكم جابت ليكم البنات الصغار
وما جابت الاولاد اللفى فى الجامعة ، وهشام يا حليلو عجز وراحت عليك
يا حليل ايام الشرقاوى الايد فى الايد والكتف فى الكتف ... هاك الكيس ده
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عبد الدائم سيد أحمد)
|
شكرا يازهير وشكرا للرابطة ولجنتها التنفيذية على المجهود
ونتمنى ان يكون لنا دائما حساً وصوتا في مختلف المجالات
ويا خوي الناس ديل ملم بقو جلاكين كدة؟ كبروا عديل كده!!
---------------------------------
تجري هذه الايام على قدم وساق الاستعدادات ل "لمة" ناس الرياض الثانية
احتفاءً واحتفالاً بالزقازيقي الهرم محمود الحوري الذي يضيئ سماوات الرياض
هذه الايام ... والخير على قدوم الواردين حيث هطلت امطار غزيرة غسلت الرياض
تماما من غبار الايام السابقة (بركاتك ياشيخ الحوري)
للاخوة ناس الرياض تم حجز استراحة (ابورائد) بالعزيزية جنوب مسجد السبيعي
وسوف يكون الاحتفال يوم الخميس القادم الموافق 09/04/2009
عليه نرجو الحرص على الحضور مبكرا (الخامسة مساء)
| |
|
|
|
|
|
|
|
|
|
Re: ناس الزقازيق ،،، أجدع ناس (Re: جلال عثمان)
|
صباح الخير...
أخونا زهير الزناتي الصور رائعة والأروع تعليقاتك اللطيفة على كل صورة على حدا ، الحمد لله أنا ما كنت حاضر لأني ما عارف كان حأيكون تعليقك شنو عن صورتي؟ وبعدين يا زناتي نحن لسه في السوق والدنيا دي ما شفنا فيها حاجة شباب وصغار!!!
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ناصر جبريل)
|
مساء الخير يا زقازيقاب الخير
نعتذر لكم هذه الأيام لتعطل المقسم
الخاص بمنطقتنا وبالتالي مداخلاتنا
ضعيفه لتعذر الحصول على خدمة النيت
،،،، سوف نعود عن قريب
إلى الأمام ،،،،
سلام،،،
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
ياريس ..... مشتاقون
اما انا فعدم تسديد الفاتورة ادى لقطع الخدمة عننا موقتا
الله يستر ما يقطعوا الجوال ...
البركة في النت بتاع المكتب ... رغم "كواريك ابو الكفل"
ودي فيها قطع رقبة عدييييييييييييييييل
-----------
شنو ما حانشوفكم يوم الخميس - الحوري بستاهل والتذاكر علينا
| |
|
|
|
|
|
|
|
|
|
Re: ناس الزقازيق ،،، أجدع ناس (Re: جلال عثمان)
|
صباح الخير...
التحية لكل الأخوان في اللجنة التنفيذية وربنا يوفقكم دائما لخدمة رابطتنا الغالية.
ممكن يا عمو الزناتي تكون هنالك جينات خاصة بأهلنا الزقازيقاب؟ مختلفة أو متفقة مع الجينات السودانية المتنوعة؟
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
| Quote: الموضوع وصلني عن طريق الايميل |
استاذنا ياسر نجيله ،، شاعرنا المخضرم ،، إذا كنت تحولت
من الشعر إلى كتابة القصص فأسلوب القصة شيق وممتاز ،، وتناول
حال الشباب السوداني الباحث عن الزواج ،،، فأنحنا نؤيدك بهذا التوجه
الجديد ،،، وهل من مزيد .
يا زهير نتمنى أن تكون الندوه اليوم ناجحة بكل المقايس ،، وآمل تواجد
ناس الزقازيق دعماً ومؤازه لهذا الجهد الطيب ،،، وهذه الثقافة المميزه لهذا
البحث القوي ،، بس يا زهير السؤال موجه للبروفسور وين راحت الهجرة العربية للسودان
ووين راحت الدماء العربية إلى إتمزجت مع العرق الزنجي القديم ، وأنتجت الهجين السوداني
الحالي ؟؟؟؟؟؟
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
ريسنا العزيز ميسرة
نحنا جاهزين شعر ... قصص ... ذكريات ...
اي حاجة تبسط الشباب نحنا معاكم ...
حتي اسأل اخونا "النحلة" عن محاولاتي في كتابة سلسلة احداث سرقات حدثت
لي اثناء حياتي ... ولم اعرف الفاعل حتي الآن ...وده سبب "ضيقي" للآن ...
بالمناسبة ياريس حصل شنو في موضوع الاقامة بتاعتك ...
وجدتها ولا عملت واحدة بدل فاقد ...
معا في انتظار احداث الندوة ...
كتر الصور ... يازهير يا ملك ...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: طارق جبريل)
|
| Quote: يا نجيلة والله شهيتنا الواحد يرجع يكتب القصص تاني |
مش الاول تسد "الدين" العليك وتكمل القديم ...
قصصك ياودجبريل ... تسل الروح عديل كده ...
خليك في اغاني الليل احسن ...
كل الود والتحايا ياجميل ...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
صباح الخير...
أخونا المخضرم / ياسر نجيلة أسلوبك حلو جدا في القصة دي وبيشبه بشكل كبير جدا أسلوب الأستاذ / الفاتح جبرا بتاع سناريوهات نفس الملامح والشبه والقدلة زاتها ومشيته... واصل ونحن في إنتظار حاجاتك الحلوة اللطيفة.
آسف جدا لعدم تمكني من الحضور لندوة الأمس لظروف قاهرة فلكم العتبى يا ناس اللجنة التنفيذية وإنشاء الله الجايات أكتر من الرايحات.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
عزيزنا البادي النور
كل التحايا والسلامات ...
تشكر على الثناء على القصة وهي قصة كما ذكرت وصلتني بالايميل ...
ودوري انحصر فقط في نشرها ...
وسوف نوافيكم بغيرها عند الضرورة ...
العزيز زهير ... معاك لمعرفة احداث وصور الندوة ...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
وصلتني الرسالة التالية من أخي و صديقي منصور عبدالرازق
Quote: عزيزى الرشيد
ازيك كيفنك مشتاقين
طبعا الليلة الثلاثاء , يعنى انت باقى ليك يومين عشان ترجع ابوظبى فى رحلتك الأسبوعية المعتادة , عشان كده احتمال كبير رصيدك بتاع (الحنان ) يكون خلص او قرب يخلص , عشان كده قلنا نرسل لى ناس الأجدع ناس الرسالة دى من شباكك , رغم انه فى الخطة بتاعتنا انا ومحمد عيد الدور ما عليك , لكن قلنا نبرك المرة دى عشان شفقانين عليك وبنفذ فى وصيتة نجاة لينا المن زمان هاوسانا بيها , عليكم الله خلو بالكم من الرشيد ده , اها ياستى خلينا بالنا منه لدرجة انو اديناه الدور بتاع جلال فى الصف بتاع الشبابيك الطويل ده
عليكم الله شوفوا جنس الكلام البسوى فيهو زهير الزناتى ده !!يقول ليك محبطين من الناس وجايب لينا صور الجماعة اللذين بتاع الزقازيق زمان ديل , عليك الله زول جمبوا ناس اميمة دفع الله وهشام محمد على وبناتهم ديل , يعنى جيل الزقازيق الثالث , وده بيساوى بمقايسيس ناس الأتصالات (التلفزيون المرئى عديل كده ) وبعد ده كله تقول لى احباط , يا اخى قاعدين وراكم النيل وقدامكم شاعر الشعب وهو يمارس هذه البساطة المذهلة وبرضوا تقول لى احباط , جمبكم نهلة نجم الدين ومبارك جادين يسمعوا فى جلسة حصرية شعر مختار دفع الله البيرجعك لى زمن قصر الثقافة وتقول لى احباط , تقول لى ما صورت ناس ابتهاج عبد الله وما عارف زهير الزناتى (اانت الداير صورتك منو ؟؟!!) وكمان جايب لينا صورة معاوية يحى بعد التعديل وناس اختنا فدوى احمد عباس ورهط جميل من اصحاب وزملاء (الزمن الأجمل ) وبرضوا تقول لى احباط , اقول ليكم حاجة , خلوا الأحباط ليكم واكثروا من هذه التجمعات الجميلة المليانة بالفائدة والمتعة والصحبة الجميلة , وموتوا انتو بأحباطكم , طالما واظبتوا من خلال هذا الأحباط على نقل كل هذه البهجة لنا
تحياتنا للجميع , الدور على منو فى الشباك الجاى ,
منصور عبد الرازق محمد
زقازيقى زراعى غير محبط
|
و بزيد على كلام منصور يا زهير و بقول ليك البحبطك شنو وانت عندك موبايل بيطلع الصور
الجميلة دي، وبعدين المره الجايه ادي الموبايل لمعاويه يحي خليهو يصورك عشان تظهر في الصور.
يا منصور بركه اللقيت ليك شبابيك تاني يا اخوي يا بياع، تباري لي محمد عيد انت مالك صغير ولا جاهل.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: الرشيد بابكر)
|
الريس ميسرة .....
لقد أجاب البروف عن أسئلتك كلها ، ولديه ورقة كاملة عن العرب
وهي رد علي البوست السابق ووعد بإرسالها في الإيميل ، مجرد وصولها
سأقوم بنشرها هنا وهناك لك معزتي الأكيدة ...
الأعزاء منصور والرشيد
شكراً علي الإحباط ،، إلا أن قليل من الإحباط لا يضر
إذا ما استطاع الشخص تجاوز الحالة الإحباطية سريعاً
سيعود أكثر حماساً ، ندوة البارحة أعطت الناس دفعة
أمل وقوة لفترة طويلة قادمة ،،، إلا أن عين حلت بالموبايل
ولم نستطع حتي الآن نقل الصور للكمبيوتر ويبدو بأنها عين
غير ذات ضرر لأن الصور لا زالت موجودة وبحالة جيدة ...
لكم مودتي وحبي
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
شكراً للأستاذ زهير الزناتي وفي إنتظار
التوضيح الخاص بالجينات العربية وإين إختفت
وبرافوا لناس اللجنة التنفيذية وبرافو للناس
إلى بيخدموا الجمعية في صمت وبرافوا لأخوانا الزقازيقاب
المواظبين على الحضور ، وحضور الناس يرفع من حالة الإحباط
اللا إرادي ، شكراً للجميع ودمتم ،،،
شاعرنا المخضرم ياسر نجيله ،، بخصوص سرقة الإقامة ما رجعت تاني
بس عملت بدل فاقد ،،، وطبعاً كانت مع الإقامة الرخصة والغريب إن الرخصة
ضاعت من القراصنة (الصوماليين) ووجدها واحد سوداني على الأرض وإتصل علي
وإستلمتها ودي من بركاتهم .
شكراً على السؤال يا أمير .
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
الريس ميسرة ... مساك نور علي نور
كان حضور الندوة كبيراً ومن فعاليات مختلفة ، أكاديميين ، باحثين، ممثلين لجامعات ، طلاب ومثقفين ، وكان من بين الحضور الأب فيلثاوس فرج وهو باحث ومهتم بالتاريخ وتداخل عدة مرات في الندوة ، الأمر الذي أثري النقاش ، كما وعدتك فق أنزلت الورقة التي تتحدث عن موضوع العرب في بوست الندوة المجاور ليتك تطلع عليها ، وتدلوا بدلوك هناك ....
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
Quote: وصلتك رسالة من 'EGYPT GRADUATES' الرسالة:ترقبوايومالجمعة 24 ابريل القادماللقاء الاسرى لخريجى الجامعات والمعاهد العليا المصريةفرقة عقد الجلادمحجوب شريفالمكان --بيت السويدالزمان ---السابعة والنصف
|
وصلتني هذه الرسالة علي الإيميل
بيت السويد دا في الحديقة الدولية
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
Quote: كان حضور الندوة كبيراً ومن فعاليات مختلفة ، أكاديميين ، باحثين، ممثلين
لجامعات ، طلاب ومثقفين ، وكان من بين الحضور الأب فيلثاوس فرج |
نحمد الله على نجاح هذه الندوه العلمية ونمد يد الشكر والتهنئة لجميع
الذين شاركوا لإنجاح هذا العمل القوي الرائع بروح ناس الزاقازيق أجدع
ناس وأحسن ناس وأفهم ناس ،،، ويجب أن تتوقف جميع العضوية التي إبتعدت
عن النشاط لظروفها الخاصة دعوة نطلقها للجميع للتلاحم والمؤاذره لمسيرة
الرابطة والدعم المعنوي القوي للجنة التنفيذية وهذا الجهد المضني وأنا هنا
أرسل بطاقة شكر وحب لأعضاء اللجنة التنفيذية والأخوان تراوري وعابدين وكل الجنود
الذين يعملون في الخفاء لمصلحة الرابطة وتقوية شوكتها التحية لكم مجدداً والتهئنة
لكم ووسام إستحقاق على صدوركم ،،،،
شكراً ،،،،، شكراً ،،،،،شكراً ،،،،، شكراً ،،،،،،، شكراً ،،،،،، شكراً ،،،،،شكراً ،،،، شكراً
وإلى الأمام.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
وكانت ليلة من أجمل الليالي ...
تجمل فيها المكان بذلك الحضور البهي الالق لناس الزقازيق الاجمل والاجدع ناس
وابت الطبيعة الا ان تشاركنا الفرحة ... فبللت زخات المطر المكان وفاحت رائحة الدعاش
واجتمع الاحباب ....
احتفالا واحتفاء بأخ عزيز كان وما زال هو فاكهة مجالس ناس الزقازيق كلما اجتمعوا
محمود الحوري ... رجل من الزمن الجميل
| |
|
|
|
|
|
|
|
|
|
Re: ناس الزقازيق ،،، أجدع ناس (Re: جلال عثمان)
|
صباح الخير...
التحية لكل الجدعان بنات وصبيان...
الريس ميسرة وقطار الشوق حاجة روعة وفكرة جديدة جديرة بالإهتمام (المقطار) بس نشوف ناس الفتاوي وبالعدم ممكن نعملها بالقياس على (المطيار)...
عمنا الزناتي الهمام شكرا على السؤال والبحث المضني ، أحيانا أوصل المكتب وما ألاقي فرصة للمداخلة لكن دوما الشوق يملأني وأعيش على أمل المداخلة...
نسجل صوت شكر لأعضاء اللجنة التنفيذية والجنود المجهولين اللذين يعملون في صمت ونكران للذات فلكم أحبتي كل الشكر والتقدير والإحترام ونتمنى من الله أن يجعلها في ميزان حسناتكم...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: البادي النور)
|
صباح الخير يا زقازيقاب الخير
دائماً في عطلة نهاية الإسبوع تتوقف
معظم المداخلات ،،، ويذهب المتداخلين
إلى سبيل حالهم ،،، لخدمة أهاليهم وتجديد
نشاطهم ،،،
أخي زهير وناس اللجنة ،، الفكرة الخاصة بالإستفادة
من هذا النشاط ،،، نأمل الإتفاق وإرسال السيديهات إلى
خارج الوطن وخارج العاصمة للبيع منها عائد مادي ومنها نعيش
معكم هذا الكم الطيب من النشاط الثقافي .
موضوع العمره المطروح من اللجنة التنفيذية ،، ونحن ناس المنطقة
الغربية (جدة ومكة وما جاورهما) معنيين بهذا الأمر لأن الموضوع يقع
تحت بعدنا الجغرافي ،،، عليه يرجى التكرم بإطلاعنا أول بأول على كل الخطوات
أو الإقتراحات ،، وكما يقولون أهل مكة أدرى بشعابها.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
ريسنا ميسرة
موضوع العمرة هو في طور الإتصالات الأولي ، بالوكالات والجهات الرسمية
والموضوع لا يقع في دائرة الأختصاص الجغرافي فقط وإنما في دائرة المسئولية
المباشرة ، يعني الموضوع دا لو تم من المفترض تتكون لجنة طوالي من ناس
جدة لتنسيق الأمر مما جميعه ، ومن الآن لجنة العمرة دي ارفض وجود عبد الدائم
فيها رفض تام ، والأسباب حا أرسلها ليهو في رسالة موبايل ، مع تحياتي لكل ناس جدة .
وكمان ناس الرياض عشان جلال ما يزعل ، وتحياتي لهم وهم يتفلون بالحوري الجميل
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
Quote: ومن الآن لجنة العمرة دي ارفض وجود عبد الدائم
فيها رفض تام ، والأسباب حا أرسلها ليهو في رسالة موبايل |
يااخوى قالو ليك انا اكلت قروش حجاج قبل كدا
ـــــــــــــــــ
بالله المذكر عمرة الطلبة الكانت بـ 75 ريال يحكى لينا
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
بدءاً أسأل الله تعالى أن يرحم والدة زميلنا الفاضل / أحمد سليمان ( علوم ) و أن يغفر لها و يدخلها فسيح جناته و يلهم زميلنا / أحمد و أسرته الصبر و حسن العزاء ..
ـــــ
شكراً وحدها لا تكفيكم يا زهير ..
و ما تقومون به من أعمال جليلة ليس لنا إزائها إلا أن ندعو الله تعالى أن يثقل بها موازين حسناتكم و أن يحفظكم ذخراً للزقازيقاب أجمعين ..
وفقكم الله و سدد خطاكم و تجدونا دوماً رهن إشارتكم بإذنه تعالى ..
ـ
لم أتابع موضوع العمرة لكن على أي حال جاهزين لأي تكليف ، و يا زهير ما تفرطوا في عبد الدايم لأنو العمرة من غيرو بتكون ( ناقصة ) و أسأل مولانا شيخ / بشير علي العبيد من صحة الكلام دة ..
__
مبروك لبرلومنا ( الكبير ) مجتبى و لزوجته الفاضلة مقدم الأميرة الصغيرة و نسأل الله تعالى أن يحفظها لهما و يحفظهما لها و يجعلها من ( المريخابيات ) الصالحات ،، و يا ريت يا زهير موبايل مجتبى عشان الرقم العندنا دة يظهر إنو رقم ( مخمبخ ) ..
ــ
بجيكم بي رواقة إن شاء الله ..
تحياتي ليكم كوووووووولكم ..
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عصام دهب)
|
يا عصام دهب كنت عايز أجي العمرة مع الجماعة لكن بقيت خايف من عبد الدائم ولسانه الطويل رغم إنه كان حليفي لوقت قريب في مواجهة الوافد الجديد البادي إلا إنه قلب علي فجأة ، عموماً حا أجي عمرة سرية واعلنها بعد رجوعي السودان ، أو أجي مع الجماعة بجواز مزور ... عموماً التفاصيل في الأيام القليلة القادمة ....
رقم الولد مجتبي فاروق : 00249122032831
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
خالص التعازى للاخ احمد سليمان وربنا يجعله اخر الاحزان
ــــــــــــــــــــــــ
الف الف مبروك المولودة يا مجتبى فاروق وتتربى فى عزكم
ــــــــــــــــ
زهير كيف ازعل منك وانت الحليف والشريك ولو عاوز اعمل ليك
عمرة واوهبها ليك نحن مستعدين
وهاك النكتة دى سمعتها من صاحبى اسمو ( زاتو ) قالو فى مغترب
جاء من السعودية للسودان اجازة لم ليك فيهو صاحبو هناك وقام بكل
الخدمات من تغيير قش المكيف ومشاوير فاتحات وخلافه ، المهم المغترب
عاين كده مالقى ليهو هدية مناسبة قام اهداهو مصــحف ، صاحبنا قبل الهدية
على مضـض وقال للمغترب :
كتاب الله نحن ما بناباهو لكييين البـيك اتعرفت .... هههههه
وانت البيك اتعرفت يا البادى كل مرة شابكنا اسف اسف
كنت فى جوبا وكنت فى الاسماعيلية .... ههه
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عبد الدائم سيد أحمد)
|
صباح الخير...
التعازي نرسلها للأخ / أحمد سليمان في وفاة والدته ، اللهم أرحمها وأسكنها فسيح جناتك آمين.
مبروك المولودة الجديدة للأخ / مجتبى فاروق وربنا يجعلها من الصالحات.
عمو الزناتي الله يديك العافية وجميع أفراد اللجنة التنفيذية.
يا دودي خلاص عايز ترجع لي تاني؟ لكن أنا أمي قالت لي لو شاكلك أي زول أكبر منك كلم ليه أخوك الكبير عشان كدا أنا حأسيبك لي أخواني الكبار.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
Quote: مولانا عصام دهب - رئيس لجنة الدعم المعنوي والمرابط بشقة البرالمة ليل ونهار
للمواعظ الدينية والخطب الجهنمية والتجهيز للإنتخابات |
شكراً يا ريس على ثقتكم الغالية ..
بس أنا بقيت ( حركي ) حبتين و عايز ( أتحرك ) شوية ..
شوف لي لجنة ( الإستقبال ) و ( التسوق ) و ( الوداع ) بما فيه ( طواف الوداع ) زاتووو..
و لو لقيت طريقة جيب معاي صاحبنا ( دكتور أبو علي ) ..
تكون ( كملت ) الناقصة ..
عاد هو ما وداعاً ..
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عصام دهب)
|
صورة أمام مبنى كلية آداب وأنحنا برالمة 1982م ،، يعني يا جماعة بس عبدالدائم النضيف
كان براه نضيف ولا علشان كان ساكن معاكم يا نجيلة، دي صورة واحد برلوم يا زهير إنت راجل
بتقول الحقيقة.
يعني كنا بنزور آداب وبنخلط قبل ظهور الأحباب.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
يا ميسرة الواحد اصلو ما متخيلك تكون صغير بالشكل ده ، والله نضافه فايتة الحد
بس ما عرفتنا علي الجماعة في الصور ... يا ريت تلحق الأمر بصورة حديثة عشان المقارنة وكده
يا عبد الدائم صاحبك البادي دا ما ترفع منه أديهو علي راسه الكبير دا ، تعرف انا وعابدين
ماشين في شارع الحرية ، صاحبك راكب العربية اللانسر الماخمج ، سلم علينا من بعيد ، وراح لسبيل
حاله ، ما قال لينا يا جماعة ماشين علي وين نوصلكم ،،،
عبد الدائم سيرو في درب الإنتقام ونحن من خلفكم ....
| |
|
|
|
|
|
|
|
|
|
Re: ناس الزقازيق ،،، أجدع ناس (Re: زهير الزناتي)
|
عارف يا زهير عندي مجموعة صور
جهزتها ولكن برنامج تحميل الصور بالبرنامج
تعطل فجأة ،، جايك بباقي الناس وباقي الصور
ناس كتيرين مش ح تتعرفوا عليهم دفعتكم ودفعت
عصام الدهب ، بس من دفعت ديدوا وإنت نازل.
البادي الكلام ده كيف؟؟؟؟؟؟؟؟؟
لازم توضيح .
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
بسم الله الرحمن ارحيم
( وبشر الصابرين الذين اذا اصابتهم مصيبة قالوا إنا لله وإنا اليه راجعون )
تعازينا الحارة للاخ / احمد سليمان في وفاة والدته ...نسأل الله ان يتقبلها في الصالحين والشهداء..
وتهانينا للاخ / مجتبي فاروق... بالامورة الجديدة ربنا يجعلها من الصالحات البارات بوالديها وبدينها..
عثمان الجيلي
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عثمان الجيلي شيخ محمد)
|
الاخوة الاعزاء ابناء الحوش...ليكم من الود اعظممه...ومن الاشواق وافرها...
بعد إطلاعي علي المادة 532 والخاصة بدستور الحوش ...ومراجعتي للجنة التي تم تكوينها وبرئاسة عبد الدائم ...
قررت الآتي :
اولاً الصمت والصبر والعمل من وراء الكواليس...
ثانياً : إتصلت بالاخ / عادل الجعلي وسامية تلفونياً ...فما كان من كلاهما الا الضحك والتحايا...
وبالمناسبة عادل وسامية ببلغوا الجميع خالص التحايا...ووعدوا بالتواصل في الايام القادمة..
عثمان الجيلي
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
يا عمو الزناتي والمشاغب دودي...تحية وإحترام...
يا عمو أنا ما كنت سائق وإنت بتعرف عربيتي وهي أحسن من اللانسر زاتها.. ولو كنت سائق بالتأكيد كنت حأقيف أولا علشان أبل شوقي فيكم إنت والشقيق عابدين وبعدها كان ممكن يكون في فطور أو توصيلة يعني حسب الظروف وبالعدم كان أديناكم تبرع لأنشطة اللجنة التنفيذية....
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
صباح الخير يا زقازيقاب الخير
معليش مازال برنامج تحميل الصور معطل
بس يا شباب الناس إلى في الصورة دي كانوا
موجودين حتى 1984م معقول يا عبدالدائم يا مرجع
وينك حبيبنا جلال ما زال النيت عندكم معطل مشتاقين
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
وصلنى الايميل الظريف ده من الكمندان اسامة ابتر علوم
Quote: الاخ عبد الدايم سلامات
ناس الزقازيق حبكانات
ناس اللجنة تعظيمات
طبعا انا عندى اشهر عمرة فى تاريخ العالم
قال ايه انا وهانى برعى وابوالقاسم فردتو بتاع تجاره وهم الاتنين البكسرو الناس ورا فى فريق تجاره فاكرنهم !!!!!!!!!!!
ومعانا الاخ صالح عبد الرحمن
بعد ما اتخرجنا وانا انتظرت لغاية ما اطمأنيت على اقبال ابتر اداب............. جات جوازاتنا مؤشرة من الاتحاد عمرة عام 90
وطبعا انا من زمان عا مل ليهم فيها بتاع جوازات وقلت ليهم نسافرفى اخر يومين للتأشيرة !!!!!!!!!!!!!!!!
اتحركنا نحن الاربعة ووصلنا ميناء السويس طبعا وصلنا متأخرين وقالوا مافى طريقه الا الاسبوع الجاى
لكن فى واحد ود حلال قال لينا سافروا عن طريق العقبة المصرية ووصلنا ليلا
طبعا طريق العقبة لازم تدخل الاردن اولا ونحن ما عندنا تأشيرة دخول للاردن !!!!!!!!!!1
المهم بعد تحانيس وبكا ونقة من صالح ادونا تأشيرة مرور
وركبنا العبارة ! مركب صغير لقصر المسافة بين العقبة المصرية والعقبة الاردنية
قعدنا فى العباره الاربعة فى كنبة طويلة !!!!!!!!!!!
وصلنا العقبة الاردنية بالليل زاتو وناس الجوازات برضو اتلايقوا فينا قالو انتو ما عندكم تفويج وما عندكم دخول !!!!
قرينا ليهم يس وبكينا ليهم طبعا بالاضافة لى نقة الصالح وهى نفعتنا فى كتير من الاحيان
فى النهاية وافقوا ودونا بيت الشباب وهناك عملوا لينا حجز على بص الى السعودية صباحا
وبعد ما استقرينا قلنا نطلع نشوف البلد (الاردن ) المسؤل من بيت الشباب قال ممنوووووووووووع ..... يعنى نظام حبسة وكدة
على وزن بالسمنة وكدة بتاعة ناس عطبرة ؟؟؟؟؟؟؟؟؟ لكن كتر خيرو قال لينا ديك اسرائيل وديك فلسطين
طبعا بالليل داك شايفين الانوار بس
المهم استمتلنا ورجع نمنا الصباح جابو لينا البص فى بيت الشباب !!!!!!!!!!!!!11
انا طبعا عملت ليهم سعودى عديل وقلت ليهم ح استقبلكم مع اهلى وانهم ح ينتظرونا فى المينا طبعا المينا طار وجينا بالبر وطارت الاستضافة ؟؟؟؟؟؟؟؟؟؟؟
تحرك فى صباح لطيف هانى بعدما اشترين شوية حاجات نظام زوادة يعن (مربة لافاش كيرى والذى منو ) الحاجات دى كانت فى كرتونة وكنت شايلة انا
وكانت معاى فى شنطتى كيس بتاع صالح لان شنطتو اتملت
وصلنا مساء نفس اليوم بعد مشوارطيل الى الحدود البرية الفاصلة بين السعودية والاردن
وهنا حصلت حاجة عجيبة .......... نزلونا من البص وقالو نزلوا معاكم المتعة ......... وقفونا صف وكل واحد جنبو شنطو وانا كانت معاى كرتونة الزوادة
جابو كلب بوليسى الظاهر كان جعان يمشى ويجى يخربش فى الكرتونة والشنطه حقتى !!!!
ساقونى جو مكتب مافيه غير تربيزه فرتقوالى عفشى فرتيك عدوك وفتحو الزوادة كلها بى سكين وشرطوا التبطينات بتاعة الشنطة والدوسى بتاع الشهاده
ولمن فتحو الكيس بتاع صالح لقو فيه صور بتاعة جكس وخلو موضوع المخدرات الكانو متهمنى بيه وقبلو على الصور وهزءونى ومسحو بى الواطة
بعد داك فكونى انصاص الليالى وركبنا تانى البص ودخلنا السعودية
ولكن الضيافة طارت وكل واحد مننا مشى حته
الاخوان هانى وابوالقاسم حتى الان فى السعودية
كان معنا خامس يبدو انو( صديق) لكن ما قدرت اتزكرو العتب على السن
طبعا هناك عمرة اخرى لها قصة مع الاخ موسى عيسى
واخرى قصتها مع هانى
!!!!!!!!! ح اهريكم والسلام
|
وبعد ما اتذكر رجع لينا تانى ، الله يرجعك من مشاكل الغرب بالسلامة
Quote: يا نضيف صباحاتك خير وصباح الناس الجدعان
طبعا الزكرى بقت تجى للناس زى الوحى !!!! بالليل
فردة هانى وليد ابو القاسم بتاع دفاع تجار ... سيرباك على ما اظن
اما صديق فهو صديق ابو لكيلك خريج تجارة 89
انا قلت ليك العتب على النظر اقصد السن ؟؟؟؟؟
|
صديق ابولكيلك دفعة 86 او 87 يا اسامة
ونشوف برضو موسى عيسى و هانى برعى حصل ليهم شنو فى العمرة
عشان كده كل ما نسأل صالح من جكس اداب يقول صورى راحت ، صورى سرقوها ...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: البادي النور)
|
عبدالدائم غريبة إنك ما بتعرف الصورة السابقة
في الوسط الحلبية دي أعتقد إنها جالية وما ليها إختلاط معانا
على اليمين صاحبت النضارة أم ضفاير هي سلوى بنت آداب وكانت من
أشهر بنات آداب , بنت رقيقة ومهذبة وحلوه ،، ومعاها صحبتها ورفيقة
دربها (حأنزل صورها بعد إعادة تحميل الصور في البرنامج) المهم أختنا سلوى
كانت لها طرائف ومواقف كتيره جداً في الكلية وعلى سبيل المثال ما كانت بتعرف
تكتب بالعربي بحكم تواجد أهلها بالسفارات السودانية لندن وبعض الدول وبعدها
إستقروا بالخرطوم وتقدمت سلوى بطلب لإدارة الكلية بأن تكون جميع إمتحاناتها باللغة
الإنجليزية ، وداخل خيمة الأمتحانات الكبيرة تمت قراءة أسئلة الأمتحان باللغة الإنجليزية
لعدم جودة الطباعة وجماعتك الطلاب المصرين راسهم سخن وبدأت قوة أحتجاجات وما فاهمين حاجة
يا هوووو ،،، ولمن فهموا المقصد قالوا يا عم هو أنحنا فاهمين بالعربي لمن نكتب بالإنجليزي.
| |
|
|
|
|
|
|
|
|
|
Re: ناس الزقازيق ،،، أجدع ناس (Re: طارق جبريل)
|
تعازينا للأخ / أحمد سليمان في وفاة والدته ، نسأل الله لها الرحمة والمغفرة
ياريس ميسرة ...
انت وجاهتك ونظافتك ...غير
دائما بنشوفك مهندم وآخر وجاهه وهيبة ... ربنا يزيد
بالمناسبة سلوي آداب دي نحنا حضرناها لما كانت محجبة
وكانت مع احلام الحويرص ومني عباس ... اخر سنة سكنو مع بعض
والله موضوع رفع الصور المعطل ده ... خرب كل خططنا
لاني استوليت من موسي عيسي على صورتين دون علم الاخ جلال عثمان (وتوجد صورة ياعبدالدائم بدون محمد آدم)
بس حتي الآن لم نستطيع انزالها ... غايتو يومين لو ما قدرنا حنرسلهم لجلال عثمان
وانتظرو في القريب العاجل ذكريات موسي عيسي مع قصص البرالمة وحفلات البرالمة
Quote: طبعاً عندنا موضوع الدفعة لسع ما بدأنا فيه لذا نامل الدعم من جانبك وبيني وبينك أول ما أبدي بيه حفل البروم و برلمتك مع قدت ميزكم و انتو برالمة لمن عبدالخالق عامل فيها سنير وقد ليكم الميز بركوب الحنطور و فاكره ارخص من التاكسي و اصدرتو ليهو أمر من يومها ما يمشي السوق و حاجات تانية حامياني !!!!كفاك ولا ازيدك
إلي اللقاء قريباً
فلك الود
اخوك دوماً
أبا العهود
الرياض |
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
Quote: بالمناسبة سلوي آداب دي نحنا حضرناها لما كانت محجبة
وكانت مع احلام الحويرص ومني عباس ... اخر سنة سكنو مع بعض |
يا نجيلة يا زكريات يا بنك المعلومات كلامك صاح بس أنا
نسيت والله مسالة الحجاب دي ،،،، شكراً عل تثبيت المعلومة
وطلعت أقوى من صاحبنا بتاع الذكريات والأرشف .
وفي إنتظار إنزال صوركم ،،،
يا ناس الرياض يا هووو إتفقدوا ولدنا السمح وممثلكم الإسفيري راح وين؟
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
يا اخوى انت خاشى غلط
Quote: بالمناسبة سلوي آداب دي نحنا حضرناها لما كانت محجبة
وكانت مع احلام الحويرص ومني عباس ... اخر سنة سكنو مع بعض |
انت تقصد سلوى اداب بورتسودان زوجة زميلنا عادل عزت القضارف
اما البقصدها ميسرة لما نحن فى اولى هى فى رابعة وابوها كان قنصل
فى امريكا واى حاجة ذى كده وجاء زارها فى الزقازيق ، اها نحن كنا معجبين
للبنت الما بتتكلم عربى دى ويا دوب نحن برالمة يعنى الخلط والتفاهم بكون صعب
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عبد الدائم سيد أحمد)
|
رجعنا لمصادرنا بكلية آداب ولفض الإشتباك واللبس
أفادة الأستاذة منى يونس بأن سلوى الأولى تخرجت من الزقازيق
ولم تكن محجبة وكانت صديقة عمرها وصاحبتها (الفردة حقتها) الأخت
إحلام الحويرص - كلام نجيلة صاح عدا الحجاب ، سلوى بت بورسودان لم
تكن فردة إحلام الحويرص وهناك خلط بين السلوتين بس سلوى صاحبة الصورة
تخرجت من الزقازيق بسرعة جداً وحسب معرفتي بيها الشديده آنذاك حتى أني
قابلتها في السودان أكثر من مره كانت تتكلم عربي ولكنها ما بتعرف تكتبوا .
سوف نعود لكم بصور أخرى بس في إنتظار عودة البرنامج ، وشكراً لكم ولنا عوده
| |
|
|
|
|
|
|
|
|
|
Re: ناس الزقازيق ،،، أجدع ناس (Re: سيف النصر محي الدين محمد أحمد)
|
عزيزنا ميسرة ...
انا متأكد من سلوي التي اوردتها بالصورة هي سلوي (لندن)
وآخر ايامها كانت محجبة ...
خلي مدام مني ترجع بالذاكرة شويه لأنها اتحجبت في السنة الاخيرة ...
وكذلك في آخر سنة طلعت من دار الطالبات وسكنت مع فردتها أحلام الحويرص ومني عباس
سلوي بورتسودان (زوجة اخونا عادل عزت) دي واحدة تانية غير الفي صورة يا عبدالدائم ...
اصحي يا نحلة الظاهر البت التانية فوتت بيك ...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
صباح الخير يا زقازيقاب الخير ،،،،
أخونا يا سر نجيلة بصراحة أنا ما عارف الحقيقة
بخصوص الصورة لازم نستعين ببعض الأخوات الذين عاصروا
تلك الفترة على الرغم بأني لا أشك في ذاكرتك .
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
غايتو يا ميسرة ونجيلة ضحتوا علينا الناس الجوة والبرة
ياسر .... اسمع كلامى ده كويس ،، سلوى بورتسودان محجبة وما بتلبس نضارة
اتخرجت ونحن فى اولى .. اوكى
سلوى اللفى فى الصورة غير محجبة وبتلبس نضارة ... والصورة سنة 82م
نفترض انو الصورة فى سنة اولى ليها يعنى سنة 85 م تكون اتخرجت
يبقى من وين تكون سكنت مع منى عباس فى حين انو منى دفعتنا
يعنى بالعربى الفصيح منى عباس ما زاملت السلوتين غير هى برلومة وباقى السنوات
كانت ساكنة مع نجاة حوفى وممكن اسأل ليك نجاة بالتلفون عشان أاكد ليك 100 %
وبالنسبة لاحلام الحويرص اتخرجت 86م يعنى نحن فى تانية وما بعرف ليها صاحبات
غير منى واميمة وامانى وجمال السنوسى .. ده حسب معلوماتى المتواضعة
وشنو يا حيدر حنين ساكت وخالينا نتغالط فى بناتكم ... خش وفك الاشتباك ده
وبعدين فى سؤال يا ميسرة ... منى حولت من هندسة لاداب سنة كم بالضبط ؟
ـــــــــــــ
عادل عزت اينما كنت ليك التحية ولسلوى خالص الاشواق ... لسه بتغنوا مع بعض .... هههه
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ياسر نجيلة)
|
وصلتني الرسالة التالية عبر الموبايل:-
Quote: مساء الخير ميسره عندي مساهمة تفيدكم في بوست (الزقازيق أجدع ناس) فيما
يتعلق بالثنائيات وهو: أن أول ثنائي تزوج من خريجي الزقازيق هم سعيد مراد من
الزراعة وتزوج سوسن الحضري من الزراعة وثاني ثنائي تزوج كان عثمان تميم من الزراعة
تزوج من نعمات حسن (نعمات الجبل) من الزراعة والزاج الثالثة كانت بين عمر عوض من
الطب وعواطف أبوزيد من الزراعة وبعدهم جاء زواج طراوه وشبيكة وأمير خليل والبقية
وايضاً تزوج الفاتح يس من الزراعة من المرحومة خالدة عمران من الزراعة وتزوج أحمد
حمزة من الزراعة من سعاد فقيري من الزراعة لك تحياتي |
وصلت هذه الرسالة من دولة قطر من الأخت الزقازيقية الرائعة نعمات حسن أحمد
(نعمات الجبل) والتي تخرجت من كلية الزراعة عام 1982 وقدمت لعمل الماستر في
عام 1983 ولظروف خاصة بالكلية لم تكمل وغادرت الزقازيق عام 83 وتزوجت الزقازيقي
الأستاذ/ عثمان تميم خريج كلية الزراعة وفي اتصال هاتفي مع أختنا الزقازيقية أفادت
بأن بعض المعلومات خاصة عن الناس القدامى بها شئ من الخطأ خاصة في تواريخ التخرج وأشارت
بأنها سوف تقوم ببعض العمليات التصحيحية ً وكما أضافت بأن نادية سعيد زراعة تزوجت من محمد
صالح بيطره وأيضا أفادت بأنهم متابعين هذا الموقع وهي تستقر مع زوجها وأبناءها بدولة قطر .
نرحب بأختنا الأستاذه/ نعمات بنت الزقازيق وهؤلاء هم ناس الزقازيق أصيلين في كل شئ ،، رحبوا
معي بهذا التواصل الزقازيقي الجميل يا ناس الزقازيق يا أجدع ناس ، وبنات زراعة أجدع بنات .
للتواصل :-
[email protected]
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
التحية ليكم كلكم اعضاء وقراء
وفيك الخير ياريس ... وشكرا على السؤال ...
طبعا موضوعكم بتاع اي من السلوتين هي دا مابنقدر نفتي فيه
الزول الصغير ما يتشابر ساكت في كلام الناس الكبار الما قدرو
المهم ...
جاييكم بالتفصيل لى لمة ناس الرياض البديعة والتى اعادتنا للزمن الجميل ....
الرائع منصور عبدالرازق وتجلياته .......... احمد عوض ودستوره النازل في الانتفاضة
والمحتفي به وذكرياته .... وكل الناس الجميلة
بحق فقد كان يوما رائعا .... فشكرا لكل من شارك
| |
|
|
|
|
|
|
|
|
|
Re: ناس الزقازيق ،،، أجدع ناس (Re: جلال عثمان)
|
| Quote: يا جلال يا صديق مشتاقين وين الغيبة والله فقدناك |
تسلم يازهير ... بالاكتر ياخي
والتحية ليكم وانتم تحملون هم الجمعية ونتمنى ان تتكرر الفعاليات مرة بعد مرة
بالمناسبة اللنك الفوق ده بتاع جريدة الشرق القطرية !
هل صدرت صفحة ناس الزقازيق؟
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
شكرا ياريس على الترحيب .... يديك العافية
بس فاتني في المداخلات اعلاه/
اولا الف مبروك اخونا مجتبى فاروق المولودة جعلها الله من الصالحات (السنة دي ناس الزقازيق بنات ساكت)
وخالص التعازي للأخ أحمد سليمان في وفاة والدته نسأل الله ان يتغمدها بالرحمة ويجعل الجنة مثواها
ولا يفوتنا في هذا المقام الترحيب الحار بسنايرنا المبجلين الاخ عثمان تميم والاخت نعمات حسن احمد
وماشاءالله ياناس قطر تميتوا النصاب (يلا كونوا فرعيتكم)
| |
|
|
|
|
|
|
|
|
|
Re: ناس الزقازيق ،،، أجدع ناس (Re: جلال عثمان)
|
ياشباب ...
سلوي لندن كانت خريجة لما نحن جينا برالمة الزقازيق
وانا عاشرتهم بحكم علاقتي بقريبتنا أحلام الحويرص
وكنت جاي من السودان ومصيني لأحلام الحويرص وهي تخرجت السنة البعدها
ولأحلام الفضل بتعريفي للشلة اياها(اميمة واماني وجمال السنوسي) واولهم سلوي (لندن)
التي سافرت من شقة خاصة للاجار سكنوها لعدة شهور مع احلام والبرلومة مني عباس ...
وده آخر كلام عندي ...
وعبدالدائم ده خرف خلاص يازهير الزناتي ... مش بقي "جلكين" بس
عاوز يغالطني في "أهلي"
حتي جمال السنوسي اسمو - جمال أحمد على
وياسر نجيلة اسمو - باسر أحمد على
يا جلال عثمان
حضر صور الجلسة
وشوف موسي عيسي يبدأ في ذكريات البرالمة
فكنا من الناس المخرفة دي ...
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
تحية للزقازيقاب أجمعين ..
و سلام كبير أوي للزقازيقابية الفاضلة / نعمات حسن التي أنضمت إلينا عبر رسالتها للريس و التحاية عبرها للزوجها زميلنا الزقازيقابي / عثمان تميم و نتمنى أن يستمر تواصلهما معنا و مع جميع أخوتهم الزقازيقاب ..
و تحية عبر هذا البوست لزميليّ العزيزين الأستاذ / بدر الدين محمد أحمد حمزة و الأستاذ / إدريس محمد إدريس و السلام أمانة يا زهير إن لم يكونا من متابعي البوست و حبذا أن زودتنا بهواتف الجميع يا زهير يا هميم ..
و تحية أيضاً للكمندان الزقازيقابي / أسامة أبتر و لشقيقته و شقيقتنا الفاضلة / إقبال أبتر و بلغها تحايانا يا كومندان ..
ـ
بالنسبة لذكريات سنايرنا المبجلين و ( غلاطهم ) اللذيذ .. بعاين بي عيوني !!
ـ
حمد لله على سلامة العودة يا جلال و منتظرين أخبارك ..
ـ
نجيلة عايزك تتوسط لي عند النضيف دة عشان ( يتقبل ) إعتذاري ..
ـ
البادي .. يا مسافر جوبا ، ياخي تتذكر سفرتنا و نحنا يا دوب برالمة بتاعت 27 /12 ديك ؟؟ طيب ما تحكي ياشيخنا ..
..
أحبكم كوووولكم ياخي ..
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عصام دهب)
|
سلالالالام لسنيرتا نعمات ولزوجها عثمان تميم
ويا ناس زراعة نحن لو عارفين الحكاية عرس فى عرس ما كان ضيعنا
عمرنا فى المساكن ... اقلاهو كان سكنا المطبعة
وعليك الله يا نعمات عندنا شوية برالمة كده لسه ما اتزوجو لو عندكم
من الجيل التانى ادوهم ينوبكم ثواب واهو يكون امتداد للقائمة
وانشاء الله متابعة الغلاط الكتير ده
ميسرة شايل ورقو وما فاضى من اجتماع لجنة تنفيذية ومركزية والخ
وياسر ما بطلع من الشقة الا نرسلو يجيب العيش الجنز
يجو يغالطونا نحن الحايميين طول الليل
ياسر انا معاك فيما اوردت بس دى سلوى وخلفها عادل عزت .... كان عندك دليل تانى هاتو
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
يا اخونا عاوز اتونس مع نعمات زراعة شوية لو سمحتو
نعمات بنات زراعة ديل كانو طوال وفارعات وسمحات يمكن عشان كده عرسوهم اول باول
عندى موقفين مع بنات زراعة
الاول مع نجوى ياسين وبشهادتها انها اول مرة تشرب عصير ليمون مخلوط وفى كباية شربات
فى شقتنا ، والسبب يرجع انى اشتريت 6 كبابى شربات وصينية تقديم وطفاية سجاير وقامو
ناس الشقة وقعدو وقالو انا ( ببعزق ) فلوس الميز قلت ليهم يااخونا ما ممكن يجونا ضيوف
نقدم ليهم شاى فى اى وقت ولا ممكن نسيب الضيف يطفى السجاير فى كباية الشاى ذى ما بعملو
كتير من ( الكابويات )
اها كان عندى خلاطة قديمة اهدتها لي الوالدة وجبتها معاى لما يجونا البنات بالتحديد
بقوم اخلط ليهم ليمون ، طبعا ده شى نادر ... ويييين مع الناس البغلو الشاى كم مرة
ويسقوقك التفل ..
الخلاطة احمد السنى جاب خبرها بعد ما كب فيها عدس حار من النار .
الموقف التانى مع سهلة كامل
وانا برلوم كنت فى زيارة لاصحابى فى القاهرة ولما رجعت فى الليل فى موقف احمد حلمى ركبت
الاتوبيس فى اول كرسى بعد السواق لفت انتباهى سودانية سمحة مطقمة ليك الاصفر مع الكحلى
وشبشب المسمار الما خمج باين عليها مرتاحة .. المهم بخفة البرالمة ديك سلمت عليها وقعدت
جمبها ... الزولة تفتيحة عرفتنى برلوم .. وكان معاى ( هـدفوون ) صغير مشتريهو بـ 65 قرش برضو من قروش الميز ... فى الطريق شغلتو وقعدت اسمع فى شريط الخالدى ولما جات اغنية
يا الحبيبة وحاتك عيونك قالت لي الله الاغنية دى بحبها شديد ... عليك الله ادينى الشريط ده
اسمعو .... اديتو ليها وختيت شريط زيدان ... لما وصلنا الزقازيق ونزلنا ركبت تاكسى وقالت لي اها طيب مع السلامة ...
قلت فى نفسى ماهى بعد ما تسمعو اكيد حتسأل منى وترجعو .... مرت الايام والايام بالصدفة
يوم لاقيتا فى الاتحاد ,,, بلهفة كده سلمت عليها حسيت من سلامها لا بعرفك ولا عندك شريط عندى
اكلتها فى حنانى وقبلت وشــى تجاه القائمة بتاعت الجوابات المعلقة فى الحيطة ابكى
قدر السناير
| |
|
|
|
|
|
|
|
|
|
Re: ناس الزقازيق ،،، أجدع ناس (Re: عبد الدائم سيد أحمد)
|
وصلتني الرسالة التالية من الزقازيقي الجميل منصور عبدالرازق:-
Quote:
ازيك يا اب شنب
أظنك تكون طولت ما فى زول ناداك باللقب ده
من زمن (كاميرا ارتست ) لو كنت فاكر
تصدق يا ميسرة , قعدت كثير أفكر أحسن لى اكتب ليك ولا اكلمك بالتلفون ,
فعلا كثير , لغاية ما مرة اتصلت بيك وما كان فى رد , بروفايلك طبعا فيه
رقم التلفون لكن قعدت أتحين الفرصة لغاية ما القى بريدك الألكترونى صدفة ,
وانت عاوق زى ما فلنا كثير , تغلط تفتح الشباك شوية تكون مسخن , نجى داخلين
ليك توش طوالى , مع هواء الله تلقانا , طبعا يا ميسرة نحن قضينا سنة برلمة
(خيالية ) مع بعض , ولمن لا يعرفون مع انى اتخرجت من زراعة , فأنا اتبرلمت
او قضيت سنة البرلمة مع ناس تجارة , والحالة دى طبعا عايزة شرح كثير حا يجى
يوم اوانه , طبعا لا يمكن لى انا ولا ليك يا ميسرة و لا لكمال الشادى او محى الدين
زروق او خالد نوح او عبد الحى اسحق ان ننسى اول شقة سكنا فيها معا , تلك العمارة
العالية (عمارة جودة عمار ) , يا ربى جمال السنوسى كان معانا ولا انضم لينا بعد داك
فى شقة مدام (مدام منو ما متذكر طبعا ) القريبة من الحوارى الخلفية لشارع القومية ,
تلك الشقة الفخمة ذات (الأنتريه ) الخيالى , الشقتين ديل طبعا ما عمرنا فيهم كثير ,
الأولى بسبب انها عالية وكانت فيها مشكلة موية , جيرانا طبعا كانوا ناس طب , ازهرى حمدتو
وحسين شنقراى (تجارة ) ودكتور خليل , اما الشقة التانية السمحة ديك فالمدام طردتنا منها
سريع لأنو قالت نحن مزعجين وزياراتنا كثيرة و(ما يصحش كده ) حسب كلامها , نسيت ايضا اخونا
كمال جابر ولد بيت المال , ترى اين هم الآن , كمال جابر قابلت قريب ليه فى الرياض قبل فترة
افادنى انه فى امريكا (ولا كندا يا ربى ) , حسين شنقراى قابلته فى واحد من المطارات ايضا وهو
يودع اسرته المتجهة الى كندا , هذا تحفيز بسيط منى لذاكرتك , يا خسارة ذاكرتك اكيد ما قدر
(شنبك الكبير داك ) لأنو لو كانت قدره ما كنت حا تسمح بالغلاط ده حول سلوى (ام نظارات ) صديقة
زميلتنا احلام الحويرص بت سنجة , ياسر نجيلة ده قول ليهو ارجع لصندوفق بريدك الألكتروتى , لقينا
شباكه فاتح قبل كم يوم كده , رمينا ليهو فيهو هدية بمناسبة (زواج المطيار ) , تحياتى لأسرتك وبنياتك
وبالتأكيد قبلهم وقبلك انت ذاتك , لزميلتنا منى يونس واتوقعوا منى اتصال قريب بصحبة المدام
حبى وتقديرى
منصور عبد الرازق محمد فضل
الرياض -السعودية
اربعتاشر ابريل 2009
|
شكراً أخي منصور على شحني بكل هذه الذكريات الجميلة التي لا تنسى
وطبعاً كان لقبي في الثانوية أبو شنب لكبر شنبي والذي بدأ في الظهور العلني
من بعد سادس إبتدائي ولكن بعد ظهور شنب ناس زهير الزناتي تواري خجلاً وبطل النمو
أما ذكريات العمارات شارع 15 إستديو كاميرا آرتست هذه معلومات لا يعلمها الزقازيقاب
إلا القليل ، أما ذاكرتي الخربة فعلاً خربه لأن علاقتي بأختنا سلوى كانت كبيره ومميزه وما كان
من المفروض ان يحدث هذا الجدل ولكن يا منصور في سنتها الأخيرة توطدت علاقتي مع مدام منى يونس
مما خفف تواجدي مع أختنا سلوى وكذلك العمل النقابي ،، والله أنا حقيقي نسيت وما بتذكر إنها تحجبت
في النهاية أم لا بس أنا أرجح تحجبها لانها كانت لديها هذه الرغبة .
شكراً يا منصور يا رائع كما هو عهدي بيك منذ أن وطئت قدماك أرض الزقازيق ذاك الأخ/ الصغير المهذب صاحب
الذوق الرفيع والأدب الجم ،، ونحن في إنتظارك مع المدام ويا ريت لو تكون سفرياتكم في الإجازة عن طريق العمرة
ومروراً بجدة حتى نصطادكم.
لك حبي وتقديري وللأولاد وأمهم .
(عدل بواسطة ميسرة سيد أحمد on 04-14-2009, 01:57 PM)
| |
|
|
|
|
|
|
|
|
|
Re: ناس الزقازيق ،،، أجدع ناس (Re: ميسرة سيد أحمد)
|
الزملاء والزميلات
اجمل واجدع زقازيقاب
تحية وسلام
وأولا خالص العزاء لكل من فقد عزيز في خلال الفترة الماضية خلال فتر غيابي عن البوست
وكذلك التهنئة لكل من عاش أحداثا سعيدة او رزق مولودا او خلاف ذلك
اما بخصوص موضوع سلوى آداب
Quote: ياشباب ...
سلوي لندن كانت خريجة لما نحن جينا برالمة الزقازيق
وانا عاشرتهم بحكم علاقتي بقريبتنا أحلام الحويرص
وكنت جاي من السودان ومصيني لأحلام الحويرص وهي تخرجت السنة البعدها
ولأحلام الفضل بتعريفي للشلة اياها(اميمة واماني وجمال السنوسي) واولهم سلوي (لندن)
التي سافرت من شقة خاصة للاجار سكنوها لعدة شهور مع احلام والبرلومة مني عباس ...
وده آخر كلام عندي ...
وعبدالدائم ده خرف خلاص يازهير الزناتي ... مش بقي "جلكين" بس
عاوز يغالطني في "أهلي"
حتي جمال السنوسي اسمو - جمال أحمد على
وياسر نجيلة اسمو - باسر أحمد على |
حقيقة كلام ياسر نجيلة صحيح مليون في المائة
ولكن السؤال هو : هل سلوى محجبة
الاجابة : سلوى لم تتحجب بمعنى الحجاب عند (الاتجاه الاسلامي)
سلوى غطت شعرها قبل العام الاخير بالجامعة
وكانت تلبس طويل (ماكسي)
وكانت من ضمن شلتنا حيث انها رفيقة أحلام الحويرص وحيث ان أحلام من ضمن الشلة فكنا نعرفها جيدا كما قال ياسر نجيلة
بل انني تعرفت على شقيقتها الصغرى (على ما اعتقد ان النك نيم لها كان _ تنينة) والتي كانت تدرس بالجامعة الامريكية بالقاهرة والتي كانت تزورنا في الزقازيق من فترة الى فترة
وآخر معلوماتي عن سلوى وشقيقتها انهما كانتا تعملان في فنق الهيلتون بالخرطوم بعد التخرج
ولا اعلم اين هما الآن
سلمت اخي ياسر نجيلة ( أخي وشقيقي بإسم الأب)
وعبرك التحية لكل الزملاء والزميلات
تسلل :
اميمة دفع الله ( اول مرة أشوفك بالتوب)
زمن يا اميمة وهشام
| |
|
|
|
|
|
|
| |
زهير الزناتي
جلال عثمان
ميسرة سيد أحمد
ياسر نجيلة
عبد الدائم سيد أحمد
ناصر جبريل
الرشيد بابكر
طارق جبريل
عصام دهب
جمال السنوسي
فيس بوك
تويتر
انستقرام
يوتيوب
بنتيريست