|
|
 أهل العوض .جوووكم..منديات ابقوتة .. اسمك شرف لنا
|
يا زملاء العالم الاسفيرى
على راسهم
الرائد الاسفيرى المهندس بكرى ابوبكر
زملاء الدراسة
زملاء المنتدى
زملاء التهميش
اهل العوض وشيخهم ود قاسم
والى كل من يعرف ابقوتة الاسم عن قرب
اليكم منتدى منطقة مهمشة من غرب الجزيرة
وهى اقرب منطقة للخرطوم المريفة...وبعدها سوف نقص شريط الموقع المرتقب
حتى نسهم معكم فى نهضة البلاد التقنية والمعلوماتية
لذا نصائحكم ياهل الخبرة والراى...
الاخوة المصممين..
الاخوة السياسين
الاخوة الكتاب
و اصحاب المواقع السابقين
وكل من له دراية ومعرفة بالنت ..ادفرونا بسوادكم ياهلنا..الطيبين
نحن نريد الغوث منكم
سجلو معنا التسجيل مفتوح الان واحجزو غرفكم من الان
والعاقبة عندكم فى المسرات
اخوكم احمد ابقوتة
المنتدى
www.abuguta.com/db
الموقع المرتقب
www.abuguta.com
|
|
 
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: abuguta)
|
| Quote: أهل العوض ناس الشرق |
عمر على
حبابك عشرة...طبعا ناس الشرق حقناعديل
لكن رفاعة دى تبع ناس طابت هم وناس الحصاحيصا
طبعا موقع طابت ملىء بالتراث والقصائد والمديح
بس رفاعة دى هى ذاتها موقع...واى زول بعرفها فى السودان
لهم منى وقفة حبة على اطلالهم الوارفة
اما الشرق
لاح بنوره الشارق
حين دخلت علينا بوجهك المضىء
خلاص ودى لك
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: اساسي)
|
والله هملت التقنية لكن
هسي عليك الله زول .... رابط زي الناس ما قدر يعملو في سودانيز اونلاين عمل ليهو بورد بالحواء يعني ...
اها يا زول مضطرين نقول مبروك رغم انو الزول مااااااامقتنع شديد وخصوصا لو كنت انت الفني.
لكن في النهاية انتصار لقوي اهل العوض.
وتحياتي لجميع اهل ابقوتة.
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: Gafar Bashir)
|
| Quote: لكن في النهاية انتصار لقوي اهل العوض |
ياود انت قايلنى انا بتاع تصاميم زى
صاحب العمل العظيم ( السودان للجميع)
ماهو على قول دكتور عبد الله وهو رجل ساخر
مثلك كدا.. قال لى اها بتلفى.. معلومات عن اجدادك وين عشان تنزلها
ترا واحد طالب من شباب المنطقة ..حركه حب الوطن
وقال يحاكى الناس..ناس ام درمان ..وناس القطينة
اصحاب التراث الموثق فى القبب والطوابى..طلب منى دفره
قلنا ندعمه شوية .....بعد نجمع حوافر خيول عمنا العمدة
وبعر بقرات جدنا عشكوب..وسعن حبوبتنا الحرم .ودا تاريخنا مع الناس...
سوف نضعه فى روابط...
خلينا نتجمل او بالاصح نكذب الكذب الجميل
خالص ودى لك على عبورك..ونقدك البناء
| |
|
|
|
|
|
|
|
|
 Re: أهل العوض .جوووكم..منديات ابقوتة .. اسمك شرف لنا (Re: اساسي)
|
ياهندسة
والله انا من ( احمس ) الناس أي اكترهم حماسا في فتح منافذ للتواصل
وبتمنى كل يوم نصبح فيهو نلقى الناس المهتمة بالمجال ده عملت ليها ( مويقع ) إن شاء الله لو كان تلاتة ميغا للمناطق السودانية
وبتمنى اشوف موقع للشوك وجلقني ، وبدوس ، زي ما في مواقع لي امدرمان وابوقوته وإلخ..
وجاهزين ياهندسة بي اي شي بنقدر عليهو ..
..
.
بس عندي اختراحات في البوست ده خاصة شوية:
اساي ماتسجلوهو معاكم يف الموقع .. لانو الاسم ده في حد زاتو ( هوا )
الشي التاني :
الزول ده ما تخسر فيهو ريال ياهندسة
من ما عرفتو ما حصل اتصل
ياخ ده من التلفون الثابت بيعمل ( مس كوول )
ويقوليك اتصل على انا بقيت ابوعيال ومحمول ..
محمول شنوياخ..؟؟
محمول جوا؟؟
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: tmbis)
|
Quote: ياهندسة
والله انا من ( احمس ) الناس أي اكترهم حماسا في فتح منافذ للتواصل |
شكرا ياتمبس على التشجيع
بسQuote: عندي اختراحات في البوست ده خاصة شوية:
اساي ماتسجلوهو معاكم يف الموقع .. لانو الاسم ده في حد زاتو ( هوا )
الشي التاني : |
هههههههههههههههههههههههههههه
تصور قال يدفعو ليه...خانتو دى ممكن تسجل فيها ابحراز مجانى
وممكن يلعب بدون كدارات وبشورت من عندو كمان...اساسى يعمل فيها
جو ابقوتة سخن وعاوز بيت ناصية...وكل خميس داير مشى الثورة
خالص ودى لك
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: abuguta)
|
ابقوته
وعد من قلبي وارداتي ومن ضميري ..
مافي زول اجبرني ما شاورت غيري ..
Quote: ومزيدا من التواصل
تسجل بزورك فى بيتك |
بيتي ياتو يا ابوقوته "اقصد" حمزاوي ..
الهنا ولا الهناك .. يعني بيت بكري ولا بيتي انا
عموماً مرحب بيك في اي لحظة
وابدأ اول كمان يا ريت بسلك التليفون ..
اذا كنت صادق في الامر ..
للأمانة والتاريخ تتذكر لما جاء اساسي هنا وعمل ليك مس كول من جوالي ..
تتذكر الباقي .. بس خلاص ونحن البينا عامرة وزي ما كنا اول 
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: abuguta)
|
أهل الشرق يا أبقوتة
وأهل الغرب يا ابقوتة
| Quote: سجلو معنا التسجيل مفتوح الان واحجزو غرفكم من الان |
ياخوي إنت اللناكي حقاتك ديل عارفات إنهن إسفيريات لأنو قدر ما دقيت عليهن أبن يفتحن معاي
أها بعد سويت ليك منتدى أمش بكرة ولا بعد بكرة وقول علينا جهال
اصلها بتبدأ كدي
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: بدرالدين شنا)
|
| Quote: أها بعد سويت ليك منتدى أمش بكرة ولا بعد بكرة وقول علينا جهال |
ها ها ها ها
ناس شرق الجزيرة
دايرننا نكون لسع تبع التخلف
اها المرة دى العولمة جات من وراء
هههههههههههههههههههههههههههه
والله ليك وحشة يالبدرى
قلت لى كيف
واكون من الصفوة
ومن الكبار
ومن الناس بالخلوه دا اسود ودا ازرق
ههههههههههههههههه
خالص ودى لك
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: abuguta)
|
أحمد
قتّ لي أب قوتة دوت كوم آآجنا ،،، والله أتاريك نجيض بلحيل ،، وما عندك عوجة تب ...
والله مبسوط منّك ، وأكّان بعرف أسوي الشي الاسفيري ده والله كان شديت حماري وجيت لي عندك ، على اللقل نشرب معاك كباية شاهي ،، نان كان الجماعة ديل بقوا علي الاسفيري ده المنقلة والسيجة البلعبن منو ؟
بس بيني وبينك الشغلة مي قاسية ، والله ضحوة ضحوتين تبقى بي غادي ليها ،،،
بجيك بي هناك والفيها النصيب يسويها رب العالمين ،،، وسلم علي ناس أم حمّد والجنيات جت عليهن . والجنا أحمد ود يوسف الفي السفارة ، قول لو تعال مارق لا برة وأبقى معانا في ضل دكان أم حدزين ، قول لو الجنيات كلّهن مصنقرين يتونسوا هناك ، وقول لو المفثش جاييهن ..
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: ودقاسم)
|
الخال ود قاسم
ايوة كدى
خلينا نخلص من ابقوتة دوت كوم
وبعدها نسوى معتوق دوت كوم
ليش لا...مالو والعيب شنو وفى شنو....نحاكى مجرد محاكاة
وبهناك معنا دكتور اسمه عبد الله...بالضبط زيك كدا فى كل شىء
كادح وابن كادح...بالنضال درس فى السوفيت..وعمل دكتوراة فى الهندسة
اسى محاضر فى جامعة بريدا...هو مصنقر فى الكشاشة بهناك..انا قلت ليه
اسى بنادى ليك خالنا وخال البورد..قبل الشاى يايبرد..
اها دحين بالعراقى ساى ممكن تمشى لعنده..تاخد معاه خشم خشمين
وتجى تحرس موية قمحك الفاتحها فى حوش بكرى
خالص ودى لك
ولا اسلوبك الجميل القروى
ولقدام
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: abuguta)
|
من ناس أبقوتة طاري* السَّمِح إيهاب** ود كبَّاشي
الناس واقفة للتفاهة غَفَر وهو في الأصالة بيكبـاشي
بي غناهو كريم أروش إفـاطر وإغـادي وإعـاشي
كلاب القباحة كانت تنبح وجمل جمال إيهاب مـاشي
أبشر يا صديقي إيهاب فإنَّ أهلك، ناس أبقوتة، قد صعدوا في الفضاء وصاروا الآن أقرب إليك لأنَّك فوق...فوق...فوق.
وفوق، نقولها، في شأن أهل إيهاب.
وفوق، نقولها تاني، في شأن أهل العوض.
* كتب إيهاب في كتاب خريجي كلية الاقتصاد، جامعة الخرطوم (88/89): "تذكرونا مثل ذكرانا لكم رُبَّ ذكرى قرَّبت من نزحا"!!...سبحان الله.
** لنترحَّم على صديقنا إيهاب كباشي محمد الزبير. لكأنِّي بإيهاب قد استأذن الموت ليمهله كي نسعد بصحبته طيلة أيام الجامعة إذ ما أن تخرَّجنا وإلا رفع إيهاب يده مستأذناً وطالباً الخروج وكأني بلسان حاله، حينئذٍ، يقول: "المهمة تمَّت، المهمة الجاية..." أو كما قال الإعلان.
| |
|
|
|
|
|
|
|
|
|
Re: أهل العوض .جوووكم..منديات ابقوتة .. اسمك شرف لنا (Re: Adil Al Badawi)
|
الاخ عادل
تحياتى
والله ذكرتنا المرحوم ايهاب كباشى وايامه الخوالى
الشاب من الجيلى القبلى..ولكن تعاصرنا
كانو ثانىء المتوسطة ايهاب وعبد الوهاب ابن خالته
وكانت لهم اغنية محببة الى نفسى
لى حبيب شاغل بالى
كانت اصواتهم تشق الليالى فى الجمعيات الادبية
وبعدها مشو للعالى فى المحيريبا...وانا بعدهم درست فى الحصاحيص
وبعدها سافرت للدراسة فى الهند
وسعمت انه توفى...له الرحمة
اتمنى منك ياخى عادل ان تسجل معنا وتوثق عن ايهاب
هنالك من يشاركك فى التوثيق من ابناء المجمع
خالص ودى لك
| |
|
|
|
|
|
|
| |
abuguta
إسماعيل وراق
معتصم دفع الله
ebrahim_ali
tmbis
اساسي
waleedi399
بدرالدين شنا
ودقاسم
مهيرة
abas
فرح
saif massad ali
زول ساكت
فيس بوك
تويتر
انستقرام
يوتيوب
بنتيريست