|
|
 *** بالعديل والزين والفال السمح مبرووووك مظفر وردى عقد القرآن***
|
بالعديل والزين والفال السمح
نزف التهانى الحارة والتبريكات
وزغروتة فرح تشق المحيطات والبحار
وتقالد النيل العظيم
وتعرج على اسرة مبدعنا العظيم محمد وردى
ابو العريس الغالى مظفر سليل الادب والفن
مظفر الودود بطبعه الكريم بأصلة
فرحنا ليك من الاعماق يعلم الله ..
وكنا نتمنى ان نكون بينكم
فى هذا اليوم المميز ..
ده اليوم الدايرنو ليك يا مظفر مبروك عليك
التهنئة موصولة لاستاذ نا محمد وردى
وللاخت الغالية جوليا
وتهنئة للخالة نجاة والاسرة الكريمة بالشمالية
والخرطوم ومدنى وعموم الاهل داخل وخارج السودان
وتهنئة حارة للاستاذ ابراهيم السيد بمسقط
وعقبال الفرحة الكبيرة
اليوم فى صبيحة هذه الجمعه المباركة
الاول من فبراير ان شاء الله
يتم عقد قرآن الوجية مظفر محمد وردى
للدكتوره آمال
باذن الكريم تتم الفرحة الكبرى بزفافهم يوم الاربعاء
الموافق 13/ فبراير
امنياتنا للعروسين بحياة زوجية هااااانئة
وبيت مال وعيال ان شاء الله.
**
وشوشة مبروك يا ناجى وعقبال آسر وتوتا
اسماء الجنيد والاسرة/ مسقط
|
|
 
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: Tragie Mustafa)
|
مرحب بالجميع
الاخ الاخ ابو بكر سلامات
طبعا ضحكتنى كتير الله يديك العافية
شكرا للصورة الجميلة
لكن طبعا ده كان زمان فى آخر زيارة
فى عيد الاضحى المضى التقيت بمظفر وكان ما شاء الله
خفف الوزن كتير لزوم القشرة يوم العرس وكده
شكرا اخى ابو بكر وعقبال اولادك ان شاء الله
***
تسلمى يا الجندريه والله مشتاقين
غيبه طويلة
شكرا ليك وعقبال اولادك يا يمه
***
النذير حجازى تسلم يا الدخرى
وعقبال اولادك يا رب
***
مرحب الاخ فيصل محمد خليل
تتبارك ايامك ان شاء الله
امنياتنا للعروسين بالسعادة والفرح يا رب
***
شكرا الاخت تراجى وعقبال اولادك
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
| Quote: الاخ الاخ ابو بكر سلامات |
مكبره روحك مالك باخ اس اتنين دي ؟؟
| Quote: طبعا ضحكتنى كتير الله يديك العافية |
وبديكي العافية .. كمان تشوفي طريقةللعرريب مسعول الشئون الاجتماعية لديكم والذي عرف بتجفيفه للانهار والحت بالنهار ...
_________
حاشية:
| Quote: خفف الوزن كتير لزوم القشرة يوم العرس وكده |
هو في الزمن الاغبر دة بقو يوزونو الداير يتزوج ؟؟؟ يا بخت النفدوا زماااااان
| |
|
|
|
|
|
|
|
|
 Re: *** بالعديل والزين والفال السمح مبرووووك مظفر وردى عقد القرآن*** (Re: mo)
|
عديلة و زين
يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فــــــــا ل ..
اسماء الجنيد / مسقط
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
مليون مبروك لمظفر الفنان ... عازف الكيبورد المميز
مليون مبروك لأستاذ الاجيال ... الزعيم الوردي
وكمان مليون تحيه بقامة جمالك يا soma
Quote: عديلة و زين
يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فــــــــا ل ..
|
ده كلام زي الدهب ... والله
تسلمي .... وتسلم روحك
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: أبي بكر سيد احمد)
|
ابو بكر الجميل طلتك نورت البوست
وجرتقت عريسنا بالعديل والزين
شكرا قمر دورين
وشكرا على الروح الجميلة يا زول مسكون غنا
***
متاوقة
اوع يقوم يجينى صاحبك العريريب داك يلفحنى بنضميه
القاطعو من شدر الدندر
***
فيصل محمد خليل
الزول الجميل
اختيارك رووووووووووعه بالجد
وهديتك سمحة لما مكملة السماحة
توثيق جميل لمناسبة اهلنا فى النوبة
بعفويتهم وطيبة خاطرهم
وفرحتهم الباينه فى ملامحهم
شكرا اخى فيصل قدر الفرحة الساكنة قلوبهم
***
والتهنئة ليك يا مو على الطلة السمحة
ومليون مبروك ليك يا مطفر يا جميل الدواخل
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: ismeil abbas)
|
الاخ خالد حاكم سلام بى قلدة محنة
تتبارك ايامك يابا
شكرا على الطلة والف مبروك لمظفر الزول الجميل
شكرا محنة اخى خالد
***
انعام عبد الحفيظ سلامات يا غالية من بطن الاهل
تسلمى يا نعومة وعقبال اولادك يمه
قولى آمين
شكرا مارقة من الجوف
***
الغالية ماما سلمى الحنينة
تسلمى يا ستهن
صدقتى فى كل ما ذكرتى يا سلومة الحبيبة
مظفر يا يمة اريتو ود الهنا والمنى
ربى يحفظه ويغطيه والسعادة ديمه تباريه
والعروس باين امها داعية ليها بالخير
يستاهلوا بعض وربنا يسعدهم ان شاء الله
شكرا سلمى وعقبال زوزة العسل لها سلامى وحبى
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
Quote: مليون مبروك لمظفر الفنان ... عازف الكيبورد المميز
مليون مبروك لأستاذ الاجيال ... الزعيم الوردي
وكمان مليون تحيه بقامة جمالك يا soma |
الاخ العزيز ابى بكر سيد احمد
التحيه والتقدير لحضورك الانيق
الفرهد جواى ضى بلور
وشتل كل المساحات فرح وحبور
تسلم اخى على الطلة والتهنئة والاطراء
الكلام الجاى منك تاج ووشاح اعتز به
شكرا لا تكفى اخى ابى بكر.....
شاحده الله العافية تبقالك رفيق طول الطريق
والسعاده تبقالك هدم يا ود العم
وشكرا أردب محنة
تحياتى / اسماء الجنيد / مسقط
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
الاحت العزيزة اسماء الجنيد
التحية و التقدير و الاعزاز
مبووووووووك للاخ مظفر و عروسته و بيت مال و عيال
اما انتم
ستبقى بينى و بينكم كل الاشياء الجميلة و الفارهه
سيبقى الشوق و التواصل ( الشوق لزيارة مسقط رأسكم القضارف و التواصل عبر اشعاركم الجميلة )
ان عدتم عدنا
مع مودتى .
معاوية التوم محمد طه
عاصمة العرب
الرياض
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
مليييييييييييييييييووووووووووووووون مبروك
أخوي مظفر ...وربنا يوصل على الخير
وجعل أيامكم كلها فرحاً ...
وعقبال للعزابة ..
كية في أميرة الشيخ الأبت تديني عضوية نادي العزابة !!!
التهاني موصولة للشامخ وردي..
متعه الله بالصحة والعافية ..
وكم كنت أتمنى أن أكون مشاركا في الإحتفال بزواج الزميل مظفر ..
إلا الغربة اللعيني ؟!؟!؟!؟!
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: معاوية الطيب)
|
Quote: يابنية (رغم اخ اس اتنين) انتي حرفك جميل
والواحد فكر يرجع شاب صغير بشان يمكن
بلكن يتقال فيهو حرف وحيدون جميل زي دة .. تسلمي |
ابو بكر سلامات ياخ
والله انت اظرف زول
بتعجبنى مكاواتك لودشيقوق وبضحك فيها من الاعماق
تسلم كتير والله انت بى روحك الشابه دى
ترجع شباب ونص .. ما دايره اى شك
هسه يجى صاحبك ناطى يغالط
تحياتى اخى ابو بكر وشكرا بسماحة طلتك
****
| Quote: ألف مبروك لمظفر والتهنئة موصولة للاستاذ محمد وردي وأسرته الكريمة |
الاخ العزيز نصر
تسلم على الطلة
تحيايك وتهانيك وصلت والف شكر بالنيابة عن العريس
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
Quote: ألأخت/أسماء الجنيد
عقبال أولادك إنشاء الله وأنتى ترفلين فى صحة ونعيم..
ألف مبروك لمظفر والتهنئة موصولة للاستاذ محمد وردي وأسرته الكريمة
وعقبال للبقية..
تحياتى لآسرتك الكريمة....
مودتى...
إسماعيل محمد احمد عباس........ |
B]اخى العزيز اسماعيل عباس
حباب ود القبايل
اب طبعا مو مايل
تتبارك ايامك ان شاء الله
الف مبروك لمظفر العريس وعروسته الجميلة
وعقبال اولادك يا اصيل
كتر خيرك يا الحنين على الامنيات الجميلة
آمين يا رب جمعاان شاء الله
شكرا اخى اسماعيل
شكرا بعمق النيل
***
Quote: العزيزة سوما
أنبل التحايا وأنداها
مبروك للعريس
وللفرعون
وتشكري على هذه الرقة والجمال
وعقبال عندي يااااااااااااااا رب
قولي آآآآآآآآآآآآآأأأآآآآآآآمين |
آميــــــــــــــــــــــــــــــن يا مجاهد الحنين
تسلم على الطلة اخى مجاهد
والف تحية وشكر على التهنئه الصادقة الباينه فى سطورك
الشكر ليك من مظفر والاسرة
وان شاء الله عقبال ما افرد ليك بوست يا حنين بالعديل والزين
شكرا مجاهد شكرا حنة وضريرة
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
العزيز معاوية التوم محمد طه
حبابك يا العزيز عقابك
حباب الطلة يا ود الفريق والحلة
الجميل موكر حد النخاع بينى وبينكم يا اهل من بطن البلد
الشوق ليكم دافر وما ليه حد
حبابك وحباب زيارتك لينا فى مسقط تشرف وتنور يعلم الله
ويا ريت نتلاقى جميعا فى قضارف الخير والمحنة
قضارف الطيبة والاصالة
يديك العافية يا نبيل
شكرا اخى معاوية على صدق مشاعرك
وعلى التهنئة للعزيز مظفر
لك منه الف شكر وتقدير
ومنى مليون تحية
شكرا نيلين
***
التحايا لك اخى عثمان دغيس بالنيابة عن مظفر
والاسرة الكريمة
وشكرا على التهنئة والمرور الجميل
الف شكر
***
الخال الحنين حمزاوى
مشتاقين ياخ
والشوق محنة يعلم الله
ما انا اصلو من انديكم يا خال
الف الف مبروك عليكم زواج مظفر وعقبال اولاد يا خال
شكرا الخال والتحايا عبرك للمدام والعيال
وتحايا خاصة من ود الجنيد
شكرا نخيل وحريره جرتق لى مظفر
***
الاعزاء الطيبين
لكم جميعا تحايا وشكر عميق من الاخ العزيز
عريسنا مظفر والاسرة الكريمه
سعيدين بمداخلاتكم وتحاياكم لهم
اشواقكم وتهنئتكم عبر الاسير وصلت وقالدتهم فى ديارهم
وعبت قلوبهم فرح وحنية
لكم الشكر معبأضريرة وفلوردمور وبت السودان
ومجرتق بى سيموتة وخرزة وحريرة
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
الاخت العزيزة الاستاذة اسماء الجنيد وكما يحلو لنا سوما soma
التهاني والتبريكات للاستاذ العملاق فنان افريقيا الاول النوبي وردي
بزواج ابنه مظفر بيت مال وعيال وفرح و ثورة!!!
سوما طلتك في بوست القضارف
و محتاجين لدعمك و دعم كل معارفك في بوست فتحته بخصوص الباص ورد للاستاذة الصحفية ناهد بشير الطيب
ارجو التكرم بارسال بريدك الالكتروني لاننى اود ارسال مواضيع وصور عن القضارف
صلاح كشة
[email protected]
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: عماد شمت)
|
Quote: الاخت العزيزة الاستاذة اسماء الجنيد وكما يحلو لنا سوما soma
التهاني والتبريكات للاستاذ العملاق فنان افريقيا الاول النوبي وردي
بزواج ابنه مظفر بيت مال وعيال وفرح و ثورة!!!
سوما طلتك في بوست القضارف
و محتاجين لدعمك و دعم كل معارفك في بوست فتحته بخصوص الباص ورد للاستاذة الصحفية ناهد بشير الطيب
ارجو التكرم بارسال بريدك الالكتروني لاننى اود ارسال مواضيع وصور عن القضارف
صلاح كشة |
الاخ كشة سلامات بعد غيبة طويلة
المشغوليات والله هى البعدتنى من مواصلة الكتابة
فى بوستك الجميل وغيره من المشاركات
اوعدك المواصلة اخى الكريم
والف شكر ليك على الطلة الجميلة
يا ابن البلد الاصيل
لك التحايا اطنان من الاستاذ العملاق وردى
ومن عريسناالزول الجميل مظفر
ان شاء الله اخى كشة اشارك معك فى البوست المعنى بالاستاذة ناهد
لك التحية والتجلة للاهتمام ..
والشكر مقدما لصور القضارف التى شوقتنى لها
سوف ارسل لك الاميل عبر بريدك الالكترونى
وشكرا خريف قضارف
| |
|
|
|
|
|
|
|
|
|
Re: *** بالعديل والزين والفال السمح مبرووووك مظفر وردى عقد القرآن*** (Re: soma)
|
الاخ العزيز بلة محمد الفاضل
مرحب حبابك يا الضى
يا زينة شباب الحى
تسلم كتير على التهنئة
والف مبروك لمظفر وعروسته ربنا يسعدهم ان شاء الله
شكرا اخى بلة شكرا محنة
***
الاخ عماد شمت
حبابك واليوم السعيد اللينا جابك
بى جيتكم وطلتكم اخى عماد تتضاعف الفرحة وتكبر
وبوجودكم تزغرت الحسان لود الفرسان وزينة العرسان
مبرووووووك يا مظفر
وشكرا يا عماد
شكرا عديلة وزين
| |
|
|
|
|
|
|
| |
abubakr
خالد علي محجوب المنسي
الجندرية
النذير حجازي
فيصل محمد خليل
Tragie Mustafa
mo
خالد حاكم
انعام عبد الحفيظ
سلمى الشيخ سلامة
أبي بكر سيد احمد
Nasr
ismeil abbas
مجاهد عبد الرحمن
معاوية التوم محمد طه
-1.jpg)
معاوية الطيب
بله محمد الفاضل
عماد شمت
Kamal Karrar
فيس بوك
تويتر
انستقرام
يوتيوب
بنتيريست