الزي وردي بموت كيفن ؟؟؟

مرحبا Guest
اخر زيارك لك: 03-28-2024, 06:20 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة تهراقا الفن الدكتور محمد عثمان حسن صالح وردى
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
02-19-2012, 00:27 AM

فاروق أبوحوه
<aفاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الزي وردي بموت كيفن ؟؟؟

    وردي مات ؟؟
    معقوله ياخ ؟؟
    النيل التالت جفّ؟؟
    قولك كلام تاني..
    أكيد بتهظر..
    طالب اللهفه.
    إمكن إشاعه
    أو ،
    دقسة إذاعه
    إمكن غلطه
    وجات بالصدفه
    الزي وردي بموت كيفن؟!
    هو الموت بس موت أجساد؟!
    وين العشق الصادق؟
    مات؟؟
    وين الناس الكان لها زاد
    في الأفراح وفي الأتراح
    في الأعياد
    وفي الميلاد
    في أحزان عيون الناس
    وفي الضل الوقف ما زاد
    أنا ،
    شفتو قبيل ،
    لافح توبو زي النيل
    التوب البلدي وحبوب
    سكينو وأيضاً مركوب
    حيموت كيفن ،
    و أنا شايفو نابت يا دوب؟!
    الزول الطيب وإنساني
    الدغري و ملهم وحقاني
    الوطن الشامخ ومحبوب
    أنا ،
    شفتو قبيل
    في صوتو كمنجه ولحن
    منضوم زي سبحة لالوب
    هدّاي الوطن الملتاع
    غنايو في كل الأوضاع
    العارف قدرو ومقدارو
    لا خانو وحاتك لا باع
    الحافظ عهدو و أسرارو
    لا باح لي غيرو ولا ذاع
    الهذب لينا قوافينا
    الرجّع فينا ما ضاع
    الزيو بموت كيفن؟؟!!
    هبّار أشراك المهووسين
    صبّار الوطن الما باعو
    غناي النخله الأبنوسه
    شاشايو في أصعب أوضاعو
    الزيو بعيش ما بموت
    جوانا وجملة سُمّاعُو
    بي فنو بعيش الفرعون
    لن ننسي مهما يكون
    الفقرا الناس العدمانين
    بقتاتو غناهو إن جاعو
    طرّاب أفريقيا يا حزنو
    كيفن حا تقدر إخضاعو؟
    معروف بالدهشه وموصوف
    بالحنكه ، الدّربه
    وطول باعو
    الزيو بموت كيفن؟
    الريحو بتملا شراعو
    الزيو بموت كيفن ؟!
    البرّ الوطن وأطاعو
    الزيو بموت كيفن ؟!
    الموت كيف إلوي ضراعو؟
    الزكري ضراعك يا حبوب
    الياها عصيه علي النسيان
    يا أجمل و أشرف إنسان
    نعم إنو حق هو الموت
    هو الطايل أياً كان
    إلاّها جروفك ناديه
    جوانا يا فنان.
    بموت
    كيفن
    ؟!

    (عدل بواسطة فاروق أبوحوه on 02-19-2012, 07:02 PM)

                  

العنوان الكاتب Date
الزي وردي بموت كيفن ؟؟؟ فاروق أبوحوه02-19-12, 00:27 AM
  Re: الزي وردي بموت كيفن ؟؟؟ إبراهيم عبد الحليم02-19-12, 00:30 AM
    Re: الزي وردي بموت كيفن ؟؟؟ فاروق أبوحوه02-19-12, 01:01 AM
      Re: الزي وردي بموت كيفن ؟؟؟ إدريس محمد إبراهيم02-19-12, 08:06 AM
  Re: الزي وردي بموت كيفن ؟؟؟ Hassan Bakri Nugud02-19-12, 08:33 AM
    Re: الزي وردي بموت كيفن ؟؟؟ فاروق أبوحوه02-19-12, 12:31 PM
      Re: الزي وردي بموت كيفن ؟؟؟ فاروق أبوحوه02-19-12, 10:18 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de